BTV NEWS

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

ព័ត៌មានសំខាន់ៗ

បាតុកម្មប្រឆាំងវិធានការវីរុស COVID-19 កើនឡើងនៅទីក្រុងក្វាងចូវ ខណៈកំហឹងចំពោះការបិទខ្ទប់នៅចិនផ្ទុះឡើង

ចិន៖ ការប៉ះទង្គិចគ្នាបានកើនឡើង បន្ទាប់ពីការតវ៉ានៅមជ្ឈមណ្ឌលពាណិជ្ជកម្មទីក្រុងសៀងហៃ រដ្ឋធានីប៉េកាំង និងទីក្រុងផ្សេងទៀតកាលពីចុងសប្តាហ៍ ជាការមិនស្តាប់បង្គាប់ស៊ីវិលដ៏ធំបំផុតជាបន្តបន្ទាប់របស់ប្រទេសចិនដីគោក ចាប់តាំងពីប្រធានាធិបតីលោក Xi Jinping ឡើងកាន់តំណែងរយៈពេលមួយទសវត្សរ៍កន្លងទៅនេះ។ នៅក្នុងវីដេអូមួយដែលត្រូវបានផ្សព្វផ្សាយនៅលើបណ្តាញសង្គម Twitter នគរបាលបង្ក្រាបកុប្បកម្មច្រើននាក់ដែលពាក់អាវការពារជំងឺរាតត្បាតពណ៌ស បានកាន់ខែលដាក់នៅលើក្បាលរបស់ពួកគេ ខណៈវត្ថុជាច្រើនត្រូវបានគប់មកលើពួកគេ។ វីដេអូដាច់ដោយឡែកមួយបានបង្ហាញពីបាតុករគប់វត្ថុរឹងមកលើនគរបាល ខណៈពេលនោះមានធុងឧស្ម័នបង្ហូរទឹកភ្នែកបានធ្លាក់ នៅកណ្តាលហ្វូងមនុស្សមួយក្រុមនៅលើផ្លូវតូចចង្អៀតមួយ ដោយក្រោយមកមនុស្សជាច្រើនបានរត់គ្រប់ទិសដៅដើម្បីគេចចេញពីផ្សែង។ សារព័ត៌មាន Reuters បានផ្ទៀងផ្ទាត់ថា វីដេអូទាំងនោះត្រូវបានថតនៅក្នុងសង្កាត់ Haizhu ទីក្រុងក្វាងចូវ (Guangzhou) ប៉ុន្តែមិនអាចកំណត់ពីដំណើរបន្តគ្នាជាក់លាក់នៃព្រឹត្តិការណ៍នោះ និងអ្វីដែលបណ្តាលឱ្យមានការប៉ះទង្គិចគ្នានោះទេ។ការបង្ហោះតាមប្រព័ន្ធផ្សព្វផ្សាយសង្គមបាននិយាយថា ការប៉ះទង្គិចគ្នាបានកើតឡើងកាលពីយប់ថ្ងៃអង្គារ ហើយបណ្តាលមកពីជម្លោះជុំវិញវិធានការបិទខ្ទប់។ នៅទីក្រុង Zhengzhou ជាទីតាំងនៃរោងចក្រ Foxconn ដ៏ធំផលិត Apple iPhones ជាទីតាំងនៃភាពចលាចលរបស់បុគ្គលិករជុំវិញវីរុស COVID-19 ក្រុមមន្ត្រីបានប្រកាសពីការដំណើរការពាណិជ្ជកម្មឡើងវិញដោយរបៀបរៀបរយ រួមទាំងផ្សារទំនើប កន្លែងហាត់ប្រាណ និងភោជនីយដ្ឋាន។ ទោះជាយ៉ាងណា បន្ទាប់មកពួកគេក៏បានចេញផ្សាយបញ្ជីអគារដែលមានហានិភ័យខ្ពស់ នឹងនៅតែស្ថិតក្រោមវិធានការបិទខ្ទប់៕អត្ថបទ៖ ប៊ុនថន

អវកាសយានិកចិន ៣នាក់បានទៅដល់ស្ថានីយអវកាសដោយជោគជ័យក្នុងបេសកកម្មជាប្រវត្តិសាស្ត្រ

ចិន៖ ក្រុមអវកាសយានិក ៣នាក់របស់ចិននៅថ្ងៃពុធនេះបានទៅដល់ស្ថានីយអវកាសចិនជាលើកដំបូង ក្នុងការប្ដូរវេនអវកាសយានិកក្នុងគន្លងតារាវិថីនៅក្នុងប្រវត្តិសាស្ត្រអវកាសចិន ដែលជាការធ្វើប្រតិបត្តិការប៉ុស្តិ៍ខាងក្រៅគ្មានមនុស្សរស់នៅលើកទី២ ក្នុងគន្លងវិថីទាបនៃភពផែនដី បន្ទាប់ពីស្ថានីយអវកាសអន្តរជាតិដឹកនាំដោយអង្គការណាសា។ យោងតាមទូរទស្សន៍រដ្ឋយានអវកាស Shenzhou-15 ឬ "Divine Vessel" និងអ្នកដំណើរ ៣នាក់បានហោះចេញពីយានចម្លង Long March-2F ពីមជ្ឈមណ្ឌលបាញ់បង្ហោះផ្កាយរណប Jiuquan នៅម៉ោង ១១ និង ៨នាទីល្ងាចម៉ោងនៅប្រទេសចិនកាលពីថ្ងៃអង្គារ នៅក្នុងសីតុណ្ហភាពត្រជាក់ក្រោមសូន្យនៅតំបន់វាលខ្សាច់ Gobi ភាគពាយ័ព្យប្រទេសចិន។ យានអវកាស Shenzhou-15 គឺជាបេសកកម្មចុងក្រោយក្នុងចំណោមបេសកកម្មចំនួន១១ រួមទាំងបេសកកម្មអវកាសយានិកកាលពីកន្លងទៅចំនួន ៣ ដែលត្រូវការដើម្បីប្រមូលផ្តុំទៅកាន់ "Celestial Palace", ជាស្ថានីយពហុម៉ូឌុលត្រូវបានគេស្គាល់ជាភាសាចិន។ បេសកកម្មដំបូងត្រូវបានចាប់ផ្ដើមកាលពីខែមេសា ឆ្នាំ២០២១។ក្រោយការបាញ់បង្ហោះរយៈពេលជាង ៦ម៉ោង យានអវកាសនេះបានចុះចតនៅស្ថានីយអវកាសនោះ ហើយអវកាសយានិក ៣នាក់ក្នុងយានអវកាស Shenzhou-15 ត្រូវបានស្វាគមន៍យ៉ាងកក់ក្ដៅដោយការអោបពីអវកាសយានិករបស់យានអវកាស Shenzhou ដែលកំពុងគ្រប់គ្រងការងារនៅទីនោះ។ អវកាសយានិករបស់យានអវកាស Shenzhou-14 ដែលបានទៅដល់ស្ថានីយអវកាសកាលពីដើមខែមិថុនា នឹងវិលត្រឡប់មកកាន់ភពផែនដីវិញ បន្ទាប់ពីការប្រគល់ភារកិច្ចមួយសប្ដាហ៍ដែលនឹងបង្កើតសមត្ថភាពរបស់ស្ថានីយនេះ ដើម្បីជួយគាំទ្រដល់អវកាសយានិកចំនួន ៦នាក់ដែលជាកំណត់ត្រាមួយផ្សេងទៀតសម្រាប់កម្មវិធីអវកាសរបស់ចិន៕អត្ថបទ៖ សុខមាន

សម្តេចតេជោ ហ៊ុន សែន នឹងអញ្ជើញជាអធិបតីបិទការប្រកួតកីឡាជាតិលើក៣ និងកីឡាជនពិការជាតិលើកទី១ នៅល្ងាចនេះ

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទការប្រកួតកីឡាជាតិលើកទី៣ និងកីឡាជនពិការជាតិ លើកទី១ នៅពហុកីឡដ្ឋាន ជាតិមរតកតេជោ នៅល្ងាចថ្ងៃពុធទី៣០ ខែវិច្ឆិកា ឆ្នាំ២០២២នេះ។សូមជម្រាបថា ពិធីបើក ព្រឹត្តិការណ៍កីឡាជាតិលើកទី៣ និង កីឡាជនពិការជាតិលើកទី១ បានធ្វើឡើងកាលពីល្ងាច ថ្ងៃទី២១ ខែវិច្ឆិកា ឆ្នាំ២០២២ ក្រោមអធិបតីភាពសម្តេចតេជោនាយករដ្ឋមន្ត្រី។ ការប្រកួតកីឡាជាតិលើកទី ៣មានកីឡា ៣៨ប្រភេទ និងកីឡាប៉ារ៉ាហ្គេម ឬកីឡាជនពិការជាតិមាន៧ប្រភេទ ដោយមានកីឡាករកីឡាការិនីចូលរួម ប្រកួតប្រជែង មកពីរាជធានី-ខេត្ត និងក្រសួងចំនួន២៨ ។ ការប្រកួតចាប់ផ្តើមពីថ្ងៃទី១៩-៣០ ខែវិច្ឆិកា ឆ្នាំ ២០២២ ។ពិធីបិទព្រឹត្តិការណ៍កីឡាជាតិ និងកីឡាជនពិការនាល្ងាចនេះ នឹងមានការអញ្ជើញចូលរួមពីមហាជនយ៉ាងច្រើនកុះករ ព្រមទាំងមានកម្មវិធីសំខាន់ៗ និងទាក់ទាញជាច្រើនទៀតផងដែរ៕

រុស្ស៊ីព្រមានអាមេរិកថា ការពាក់ព័ន្ធកាន់តែជ្រៅក្នុងជម្លោះអ៊ុយក្រែននឹងបង្កឲ្យមានហានិភ័យកាន់តែច្រើន

រុស្ស៊ី៖ យោងតាមទីភ្នាក់ងារសារព័ត៌មាននានារបស់រុស្ស៊ី អនុរដ្ឋមន្ត្រីការបរទេសរុស្ស៊ីលោក Sergei Ryabkov បាននិយាយកាលពីថ្ងៃអង្គារថា រុស្ស៊ីកំពុងព្យាយាមធ្វើឲ្យអាមេរិកយល់ថា ការចូលពាក់ព័ន្ធកាន់តែជ្រៅរបស់ទីក្រុងវ៉ាស៊ីនតោនចូលក្នុងជម្លោះអ៊ុយក្រែន កំពុងបង្កឲ្យហានិភ័យកើនឡើងកាន់តែច្រើន។ ទីក្រុង Moscow បានត្អូញត្អែរដដែលៗថា ការគាំទ្រខាងយោធាពីលោកខាងលិចដល់អ៊ុយក្រែន កំពុងដុតបញ្ឆេះឲ្យជម្លោះរីករាលដាលកាន់តែធំ ដែលពេលនេះបានឈានចូលដល់ខែទី១០ ខណៈលទ្ធភាពនៃការប្រឈមដាក់គ្នាដោយផ្ទាល់រវាងរុស្ស៊ី និងលោកខាងលិចមានកាន់តែច្រើន។ ទីភ្នាក់ងារសារព័ត៌មាន Interfax បានដកស្រង់សម្ដីរបស់លោក Ryabkov ដោយនិយាយថា យើងកំពុងបញ្ជូនសញ្ញាទៅដល់សហរដ្ឋអាមេរិកថា ខ្សែបន្ទាត់នៃការរីករាលដាលការពាក់ព័ន្ធផុងចូលកាន់តែជ្រៅរបស់ពួកគេ ក្នុងជម្លោះនេះត្រូវបានបង្កឲ្យមានផលវិបាកធ្ងន់ធ្ងរ។ ហានិភ័យនេះកំពុងរីកកាន់តែធំឡើង។ទីក្រុង Kyiv និងលោកខាងលិចនិយាយថា រុស្ស៊ីនឹងត្រូវបានស្ដីបន្ទោសចំពោះការរីកធំបន្ថែមទៀតនៃសង្គ្រាមណាមួយ ក្រោយអ្វីដែលពួកគេនិយាយថា ដោយសារការវាយលុកដោយគ្មានហេតុផលរបស់ទីក្រុង Moscow ចូលអ៊ុយក្រែនកាលពីថ្ងៃទី២៤ កុម្ភៈ ការបន្តកាន់កាប់ទឹកដីរបស់អ៊ុយក្រែន និងការបង្ហាញការគំរាមកំហែងដោយអាវុធនុយក្លេអ៊ែរ៕អត្ថបទ៖ សុខមាន

អតីតប្រធានាធិបតីរុស្ស៊ីព្រមានសម្ព័ន្ធណាតូជុំវិញការផ្តល់ឲ្យអ៊ុយក្រែននូវប្រព័ន្ធការពារមីស៊ីល Patriot

រុស្ស៊ី៖ អតីតប្រធានាធិបតីរុស្ស៊ីលោក Dmitry Medvedev បានព្រមានសម្ព័ន្ធយោធាណាតូកាលពីថ្ងៃអង្គារ ទី២៩ វិច្ឆិកា ប្រឆាំងការផ្ដល់ជំនួយប្រព័ន្ធការពារមីស៊ីល Patriot ដល់អ៊ុយក្រែន ដោយហៅសម្ព័ន្ធនោះថាជាអង្គភាពភេរវកម្មចំពោះការផ្ដល់អាវុធ ជាអ្វីដែលលោកបានហៅថារបបជ្រុលនិយម។លោក Medvedev ដែលធ្លាប់បានតាំងខ្លួនជាអ្នកធ្វើទំនើបកម្មសេរីនិយមជាប្រធានាធិបតីពីឆ្នាំ២០០៨ ដល់ឆ្នាំ២០១២ បានលេចចេញជារូបរាងកាន់តែខ្លាំងឡើង ក្នុងនាមជាអ្នកគាំទ្រដ៏ធំបំផុតនៃសង្គ្រាមរុស្ស៊ីនៅអ៊ុយក្រែន ដោយបានបង្ហោះការបរិហារលោកខាងលិចនៅលើបណ្តាញទំនាក់ទំនងសង្គមរបស់លោក។ លោក Medvedev បានសរសេរសារនៅលើបណ្ដាញ Telegram ថា ប្រសិនបើអគ្គលេខាធិការអង្គការណាតូលោក Jens Stoltenberg បង្ហាញសញ្ញាថា សម្ព័ន្ធណាតូនឹងផ្គត់ផ្គង់អ៊ុយក្រែននូវប្រព័ន្ធការពារមីស៊ីល Patriot ព្រមទាំងកងកម្លាំងណាតូ ពួកគេនឹងក្លាយជាគោលដៅស្របច្បាប់ភ្លាម សម្រាប់កងកម្លាំងប្រដាប់អាវុធរបស់យើង។ គេមិនច្បាស់ទេថា តើសាររបស់លោកសំដៅដល់ប្រព័ន្ធការពារមីស៊ីល Patriot ឬកងកម្លាំងអ៊ុយក្រែន ឬកងកម្លាំងណាតូដែលនឹងក្លាយជាគោលដៅរបស់រុស្ស៊ី៕អត្ថបទ៖ សុខមាន

ចិនមានផែនការបង្ក្រាប ក្រោយការតវ៉ាប្រឆាំងវិធានការទប់ស្កាត់ការឆ្លងរាលដាលវីរុស COVID-19

ចិន៖ ទីភ្នាក់ងារសន្តិសុខជាន់ខ្ពស់របស់ប្រទេសចិន បានអំពាវនាវឲ្យបង្ក្រាបលើកម្លាំងអរិភាព បន្ទាប់ពីផ្ទុះការតវ៉ាដ៏កម្រប្រឆាំងវិធានការទប់ស្កាត់ការឆ្លងរាលដាលវីរុស Covid-19 នៅក្នុងទីក្រុងជាច្រើនរបស់ចិនកាលពីចុងសប្ដាហ៍មុន។ ក្រុមមន្ត្រីបានសម្រុកទៅកាន់ទីតាំងតវ៉ានានា ដែលនៅពេលនេះមានសភាពស្ងប់ស្ងាត់ ខណៈក្រុមអ្នកតវ៉ាមួយចំនួននិយាយថា នគរបាលបានទាក់ទងពួកគេ ដើម្បីស្វែងរកព័ត៌មានអំពីកន្លែងស្នាក់នៅរបស់ពួកគេ។ ចំណែកក្រុមមន្ត្រីសុខភាពរបស់ប្រទេសនេះនិយាយថា ការបិទខ្ទប់នានាគួរតែត្រូវបានអនុវត្តន៍ និងបន្ធូរបន្ថយឆាប់ៗ។ ប្រទេសចិនបានកត់ត្រាចំនួនករណីឆ្លងថ្មីខ្ពស់បំផុតក្នុងរយៈពេលប៉ុន្មានថ្ងៃថ្មីៗនេះ។កាលពីចុងសប្ដាហ៍កន្លងទៅ មនុស្សរាប់ពាន់នាក់ក្នុងប្រទេសចិនបានចេញតវ៉ាតាមដងផ្លូវនានា ទាមទារឲ្យបញ្ចប់ការវិធានការតឹងរ៉ឹងទាំងឡាយ ថែមទាំងមានការអំពាវនាវដ៏កម្រឲ្យលោកប្រធានាធិបតី Xi Jinping ចុះចេញពីតំណែងទៀតផង។ ប៉ុន្តែមានការបង្កើនវត្តមានកងកម្លាំងនគរបាលនៅក្នុងទីក្រុងសំខាន់ៗជាច្រើនរបស់ចិន រួមទាំងទីក្រុងប៉េកាំង និងសៀងហៃ ដែលទំនងជាដើម្បីទប់ស្កាត់ការតវ៉ាថែមទៀតកាលពីថ្ងៃចន្ទ និងថ្ងៃអង្គារ៕ អត្ថបទ៖ សុខមាន

លោក Zelenskyy៖ រុស្ស៊ីផ្លោងលើក្រុង Kherson ២៥៨លើកក្នុងសប្តាហ៍មុន

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃចន្ទថា កងកម្លាំងរុស្ស៊ីបានបាញ់ផ្លោងលើទីតាំងលំនៅឋានចំនួន ៣០កន្លែងនៅទីក្រុង Kherson ភាគខាងត្បូងប្រទេសអ៊ុយក្រែនចំនួន ២៥៨លើកកាលពីសប្តាហ៍មុននេះ។ កងកម្លាំងរុស្ស៊ីបានដកថយពីច្រាំងខាងលិចនៃទន្លេ Dnipro កាលពីដើមខែនេះ ប៉ុន្តែបានបាញ់ផ្លោងលើទីក្រុង និងភូមិនានារួមទាំងទីក្រុង Kherson ពីចំណុចថ្មីនៅច្រាំងទន្លេទល់មុខ។ នៅក្នុងសុន្ទរកថាលោក Zelenskiy និយាយថា កងកម្លាំងរុស្ស៊ីបានបំផ្លាញស្ថានីយបូមទឹកដែលផ្គត់ផ្គង់ទឹកដល់ទីក្រុង Mykolaiv ភាគពាយព្យទីក្រុង Kherson។ កាលពីថ្ងៃចន្ទម្សិលមិញនេះដែរលោក Zelenskiy បានជួបជាមួយរដ្ឋមន្ត្រីការបរទេសមកពីប្រទេសអេស្តូនី ឡាតវី លីទុយអានី អ៊ីស្លង់ ហ្វាំងឡង់ ន័រវេស និងស៊ុយអែតនៅក្នុងទីក្រុងគីវ ដើម្បីពិភាក្សាអំពីការវាយលុករបស់រុស្ស៊ីមកលើប្រទេសលោក។នៅខាងក្រៅព្រិលបានធ្លាក់ខ្លាំង ហើយសីតុណ្ហភាពបានធ្លាក់ចុះត្រជាក់ដល់កក ខណៈមនុស្សរាប់លាននាក់នៅក្នុង និងជុំវិញរដ្ឋធានីអ៊ុយក្រែនជួបបញ្ហាដោយការប៉ះពាល់ដល់ការផ្គត់ផ្គង់អគ្គិសនី និងកម្តៅបណ្តាលមកពីការវាយប្រហារតាមអាកាសរបស់រុស្ស៊ីជាបន្តបន្ទាប់។ លោក Zelenskiy បានព្រមានប្រជាជនអ៊ុយក្រែនថានឹងជួបភាពត្រជាក់ខ្លាំង និងភាពងងឹត ខណៈការវាយប្រហាររបស់រុស្ស៊ីបន្តបន្ថែមទៀតមកលើហេដ្ឋារចនាសម្ព័ន្ធ ដែលនឹងមិនបញ្ឈប់រហូតដល់ទីក្រុងមូស្គូអស់មីស៊ីល៕អត្ថបទ៖ ប៊ុនថន

ជនអន្តោប្រវេសន៍មកពីវ៉េណេហ៊្សុយអេឡាដេកនៅតាមផ្លូវ បន្ទាប់ពីត្រូវបានបណ្តេញចេញពីជំរំនៅម៉ិកស៊ិក

ម៉ិកស៊ិក៖ ជនអន្តោប្រវេសន៍មកពីប្រទេសវ៉េណេហ៊្សុយអេឡាត្រូវបានគេមើលឃើញថា កំពុងដេកនៅតាមផ្លូវ និងសួនឧទ្យានមួយកន្លែងកាលពីថ្ងៃចន្ទ បន្ទាប់ពីពួកគេត្រូវបានបណ្តេញចេញពីជំរំមួយនៅច្រាំងទន្លេ Rio Bravo ក្នុងទីក្រុង Ciudad Juarez ប្រទេសម៉ិកស៊ីក។មន្ត្រីក្នុងតំបន់បាននិយាយថា នគរបាលម៉ិកស៊ិកកាលពីថ្ងៃអាទិត្យបានរុះរើជំរំជនអន្តោប្រវេសន៍មួយកន្លែង ដែលបង្កើតឡើងនៅខាងប្រទេសម៉ិកស៊ីកជាប់ព្រំដែនជាមួយសហរដ្ឋអាមេរិក សម្រាប់ហេតុផលសន្តិសុខ។ ចាប់តាំងពីពេលនោះមក ជនចំណាកស្រុកទាំងនេះបានដេកនៅតាមផ្លូវនៅទីក្រុង Ciudad Juarez ឬសួនឧទ្យាននៅក្បែរនោះ។ កាលពីព្រឹកថ្ងៃច័ន្ទ មនុស្សប្រមាណ ៨០នាក់រួមមានទាំងកុមារត្រូវបាននគរបាលបណ្តេញចេញ ដោយបន្សល់ទុកនូវអារម្មណ៍បាក់ទឹកចិត្តចំពោះការប្រព្រឹត្តរបស់ក្រុមមន្ត្រី។ ប្រធានក្រុមការពារជនស៊ីវិលរបស់រដ្ឋលោក Roberto Briones និយាយថា ការបណ្តេញចេញគឺធ្វើឡើង ដើម្បីការពារជនអន្តោប្រវេសន៍ពីអាកាសធាតុត្រជាក់ខ្លាំង ព្រមទាំងផ្តល់ឱ្យពួកគេ និងក្រុមគ្រួសារនូវទីកន្លែងសមរម្យនៅកន្លែងផ្សេងទៀតក្នុងទីក្រុង។ជនអន្តោប្រវេសន៍ភាគច្រើនមកពីបណ្តាប្រទេសនៅអាមេរិកកណ្តាល និងអាមេរិកខាងត្បូង រួមមានប្រជាជនវ៉េណេហ៊្សុយអេឡា ៤.៩៦៨នាក់, កាតេម៉ាឡា ២.៩៨៧នាក់, នីការ៉ាហ្គ័រ ១.៣៨៥នាក់, ហុងឌូរ៉ាស់ ១.៣១១នាក់ និងអេក្វាឌ័រ ១.២៨៥នាក់។ អាជ្ញាធរអាមេរិកកាលពីខែមុនបានប្រកាសពីផែនការមួយ ដែលបានព្រមព្រៀងជាមួយប្រទេសម៉ិកស៊ិក ដើម្បីបញ្ជូនជនអន្តោប្រវេសន៍វ៉េណេហ៊្សុយអេឡាមួយចំនួន ត្រលប់ទៅប្រទេសម៉ិកស៊ិកវិញដែលបានចូលមកសហរដ្ឋអាមេរិកដោយខុសច្បាប់៕អត្ថបទ៖ ប៊ុនថន

សម្ព័ន្ធយោធាណាតូនិយាយថា រុស្ស៊ីកំពុងប្រើប្រាស់រដូវរងាជាអាវុធក្នុងសង្គ្រាមអ៊ុយក្រែន

អ៊ុយក្រែន៖ អ៊ុយក្រែនបានត្រៀមទប់ទល់ការវាយប្រហារបន្ថែមទៀតពីរុស្ស៊ីលើថាមពល និងហេដ្ឋារចនាសម្ព័ន្ធសំខាន់ៗផ្សេងទៀតកាលពីថ្ងៃចន្ទ នូវអ្វីដែលទំនងជាចុងសប្ដាហ៍តាមទម្លាប់ និងបានព្រមានពីលទ្ធភាពនៃការជម្លៀសពលរដ្ឋចេញពីរដ្ឋធានីទៀតផង។ រដ្ឋមន្ត្រីការបរទេសអេស្តូនីបានចូលរួមជាសមភាគីមកពី ៦ប្រទេសផ្សេងទៀតនៅតំបន់បាល់ទិក និងអឺរ៉ុបខាងជើង ក្នុងក្បួនគណៈប្រតិភូដ៏ធំបំផុតបំពេញទស្សនកិច្ចទៅកាន់ប្រទេសអ៊ុយក្រែន ចាប់តាំងពីរុស្ស៊ីបានបើកប្រតិបត្តិការសង្គ្រាមទ្រង់ទ្រាយធំ ដើម្បីបង្ហាញការប្ដេជ្ញាផ្ដល់ម៉ាស៊ីនភ្លើង សម្លៀកបំពាក់រដូវរងា និងស្បៀងអាហារ។ គោលដៅគឺដើម្បីជួយពលរដ្ឋអ៊ុយក្រែនទប់ទល់នឹងពេលវេលាត្រជាក់បំផុតជាច្រើនខែ និងបន្តការជួយផ្ដល់ជំនួយយោធាបន្ថែមទៀត។រដ្ឋមន្ត្រីការបរទេសអេស្តូនីលោក Urmas Reinsalu និយាយថា រុស្ស៊ីកំពុងចាប់យកសន្តិសុខថាមពលស៊ីវិលធ្វើជាអាវុធ។ ចំណែកលោកប្រធានាធិបតីអ៊ុយក្រែន Volodymyr Zelenskyy បានព្រមានកាលពីល្ងាចថ្ងៃអាទិត្យថា ទាហានរុស្ស៊ីកំពុងត្រៀមវាយប្រហារថ្មី ហើយក៏មានមីស៊ីលផងដែរ ពួកគេនឹងមិនបញ្ឈប់ទេ។ កាលពីថ្ងៃចន្ទ លោកក៏បានជួបជាមួយក្រុមមន្ត្រីជាន់ខ្ពស់របស់រដ្ឋាភិបាលលោកផងដែរ ដើម្បីពិភាក្សាពីចំណាត់ការទប់ទល់នានា៕អត្ថបទ៖ សុខមាន

សហរដ្ឋអាមេរិកព្រួយបារម្ភថា ការបញ្ជូនជំនួយយោធាឲ្យអ៊ុយក្រែនអាចប៉ះពាល់ដល់កោះតៃវ៉ាន់

សហរដ្ឋអាមេរិក៖ សារព័ត៌មាន Wall Street Journal បានរាយការណ៍កាលពីចុងសប្ដាហ៍នេះដោយសំអាងប្រភពពីសភា និងក្រុមមន្ត្រីរដ្ឋាភិបាលដែលបានដឹងព័ត៌មាននេះថា គោលនយោបាយនៃការផ្ដល់អាវុធឲ្យអ៊ុយក្រែនរបស់រដ្ឋាភិបាលសហរដ្ឋអាមេរិក កំពុងធ្វើឲ្យពន្យារពេលកាន់តែយូរដល់ការដឹកជញ្ជូនអាវុធទៅកាន់កោះតៃវ៉ាន់។ យោងតាមមន្ទីរបញ្ចកោន សហរដ្ឋអាមេរិកបានបញ្ជូនជំនួយផ្នែកសន្តិសុខដល់អ៊ុយក្រែនជាង ១៨.២ពាន់លានដុល្លារអាមេរិក រួមទាំងកាំភ្លើងធំរយៈចម្ងាយឆ្ងាយ និងប្រព័ន្ធមីស៊ីល ចាប់តាំងពីរុស្ស៊ីបានបើកប្រតិបត្តិការយោធារបស់ខ្លួនចូលប្រទេសជិតខាងកាលពីថ្ងៃទី៤ ខែកុម្ភៈ។ ក្នុងពេលជាមួយគ្នានោះដែរ ការដឹកជញ្ជូនអាវុធដែលនៅតែមិនទាន់បញ្ចប់នៅឡើយទៅកាន់ទីក្រុង Taipei ត្រូវបានរាយការណ៍ថាបានកើនឡើងពីជាង ១៤ពាន់លានដល់ ១៨.៧ពាន់លានដុល្លារអាមេរិកចាប់តាំងពីខែធ្នូឆ្នាំមុនមក។មានការលើកឡើងថា អាវុធដែលបានសន្យា ប៉ុន្តែមិនទាន់បានប្រគល់ឲ្យរួមមានអាវុធប្រឆាំងរថក្រោះ Javelin ចំនួន ២០៨ដើម និងប្រព័ន្ធបាញ់មីស៊ីលលើស្មាប្រឆាំងយន្តហោះ ២១៥ដើម ដែលអាវុធទាំងពីរប្រភេទនេះត្រូវបានបញ្ជាទិញដោយកោះតៃវ៉ាន់ក្នុងឆ្នាំ២០១៥។ រដ្ឋាភិបាលតៃវ៉ាន់មិនបានធ្វើអត្ថាធិប្បាយលើរបាយការណ៍នេះទេ ប៉ុន្តែអាជ្ញាធរការពារជាតិរបស់ខ្លួនបានទទួលស្គាល់កាលពីដើមឆ្នាំនេះថា សហរដ្ឋអាមេរិកអាចនឹងមិនផ្តល់ការបញ្ជាទិញជាក់លាក់តាមផែនការ ដោយសារតែមានការផ្លាស់ប្តូរនៅក្នុងស្ថានភាពអន្តរជាតិ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប

តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា

រថយន្តបើកបុកចូលហ្វូងអ្នកគាំទ្របាល់ទាត់ម៉ិកស៊ិក នៅទីក្រុង Cabo San Lucas ដោយមានអ្នករបួសជាច្រើននាក់

កងកម្លាំងឆ្មាំបដិវត្តន៍អ៊ីរ៉ង់ បញ្ជាក់ថា អ៊ីស្រាអែលត្រូវតែដកទ័ពចេញពីលីបង់ទាំងស្រុង

កុងហ្គោចេញនីតិវិធីចត្តាឡីស័ក ចំពោះអ្នកធ្វើដំណើរមកពីតំបន់រងប៉ះពាល់ដោយជំងឺ Ebola

កិច្ចព្រមព្រៀងពាណិជ្ជកម្ម រវាង EU និងអាមេរិក នឹងចូលជាធរមានមុនថ្ងៃកំណត់របស់លោក Trump

លោក Trump លើកឡើងថា មេដឹកនាំអ៊ុយក្រែន កំពុងធ្វើបាន «ល្អ» ក្នុងការតទល់នឹងរុស្ស៊ី

ដាណឺម៉ាកអនុម័តការដាក់ពង្រាយបេសកកម្ម នៅច្រកសមុទ្រ Hormuz

លោក Trump ប្រាប់លោក Rutte ថា លោកត្រូវបានណាតូ «ធ្វើឲ្យខកចិត្ត» ជុំវិញបញ្ហាអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

បាតុកម្មប្រឆាំងវិធានការវីរុស COVID-19 កើនឡើងនៅទីក្រុងក្វាងចូវ ខណៈកំហឹងចំពោះការបិទខ្ទប់នៅចិនផ្ទុះឡើង

អវកាសយានិកចិន ៣នាក់បានទៅដល់ស្ថានីយអវកាសដោយជោគជ័យក្នុងបេសកកម្មជាប្រវត្តិសាស្ត្រ

សម្តេចតេជោ ហ៊ុន សែន នឹងអញ្ជើញជាអធិបតីបិទការប្រកួតកីឡាជាតិលើក៣ និងកីឡាជនពិការជាតិលើកទី១ នៅល្ងាចនេះ

រុស្ស៊ីព្រមានអាមេរិកថា ការពាក់ព័ន្ធកាន់តែជ្រៅក្នុងជម្លោះអ៊ុយក្រែននឹងបង្កឲ្យមានហានិភ័យកាន់តែច្រើន

អតីតប្រធានាធិបតីរុស្ស៊ីព្រមានសម្ព័ន្ធណាតូជុំវិញការផ្តល់ឲ្យអ៊ុយក្រែននូវប្រព័ន្ធការពារមីស៊ីល Patriot

ចិនមានផែនការបង្ក្រាប ក្រោយការតវ៉ាប្រឆាំងវិធានការទប់ស្កាត់ការឆ្លងរាលដាលវីរុស COVID-19

លោក Zelenskyy៖ រុស្ស៊ីផ្លោងលើក្រុង Kherson ២៥៨លើកក្នុងសប្តាហ៍មុន

ជនអន្តោប្រវេសន៍មកពីវ៉េណេហ៊្សុយអេឡាដេកនៅតាមផ្លូវ បន្ទាប់ពីត្រូវបានបណ្តេញចេញពីជំរំនៅម៉ិកស៊ិក

សម្ព័ន្ធយោធាណាតូនិយាយថា រុស្ស៊ីកំពុងប្រើប្រាស់រដូវរងាជាអាវុធក្នុងសង្គ្រាមអ៊ុយក្រែន

សហរដ្ឋអាមេរិកព្រួយបារម្ភថា ការបញ្ជូនជំនួយយោធាឲ្យអ៊ុយក្រែនអាចប៉ះពាល់ដល់កោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អវកាសយានិក​ចិន ​៣​នាក់​បាន​ទៅដល់​ស្ថានីយ​អវកាស​ដោយ​ជោគជ័យ​ក្នុង​បេសកកម្ម​ជា​ប្រវត្តិសាស្ត្រ

សម្តេចតេជោ ហ៊ុន សែន នឹងអញ្ជើញជាអធិបតីបិទការប្រកួតកីឡាជាតិលើក៣ និងកីឡាជនពិការជាតិលើកទី១ នៅល្ងាចនេះ

ចិន​មាន​ផែនការ​បង្ក្រាប ក្រោយ​ការតវ៉ា​ប្រឆាំង​វិធានការ​ទប់ស្កាត់​ការឆ្លង​រាល​ដាលវី​រុស ​COVID-19

លោក Zelenskyy៖ រុស្ស៊ី​ផ្លោង​លើ​ក្រុង Kherson ២៥៨​លើក​ក្នុង​សប្តាហ៍​មុន

សម្ព័ន្ធ​យោធា​ណា​តូ​និយាយថា រុស្ស៊ី​កំពុង​ប្រើប្រាស់​រដូវរងា​ជា​អាវុធ​ក្នុង​សង្គ្រាម​អ៊ុយ​ក្រែ​ន

សហរដ្ឋអាមេរិក​ព្រួយបារម្ភ​ថា​ ការ​បញ្ជូន​ជំនួយ​យោធា​ឲ្យ​អ៊ុយ​ក្រែ​ន​អាច​ប៉ះពាល់​ដល់​កោះ​តៃវ៉ាន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អវកាសយានិកចិន ៣នាក់បានទៅដល់ស្ថានីយអវកាសដោយជោគជ័យក្នុងបេសកកម្មជាប្រវត្តិសាស្ត្រ

ចិនមានផែនការបង្ក្រាប ក្រោយការតវ៉ាប្រឆាំងវិធានការទប់ស្កាត់ការឆ្លងរាលដាលវីរុស COVID-19

លោក Zelenskyy៖ រុស្ស៊ីផ្លោងលើក្រុង Kherson ២៥៨លើកក្នុងសប្តាហ៍មុន

សម្ព័ន្ធយោធាណាតូនិយាយថា រុស្ស៊ីកំពុងប្រើប្រាស់រដូវរងាជាអាវុធក្នុងសង្គ្រាមអ៊ុយក្រែន

សហរដ្ឋអាមេរិកព្រួយបារម្ភថា ការបញ្ជូនជំនួយយោធាឲ្យអ៊ុយក្រែនអាចប៉ះពាល់ដល់កោះតៃវ៉ាន់