BTV NEWS

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

ព័ត៌មានសំខាន់ៗ

មានសកម្មភាពតវ៉ាជាច្រើនលើពិភពលោកបង្ហាញការគាំទ្រដល់ការតវ៉ាដ៏កម្រនៅប្រទេសចិន

ចិន៖ ការតវ៉ាប្រឆាំងគោលនយោបាយគ្មានការឆ្លងរាលដាលវីរុស COVID -19 ឬ zero-COVID-19 និងការរឹតត្បិតលើសិទ្ធិសេរីភាពបានរាលដាលដល់រាប់សិបទីក្រុងជុំវិញពិភពលោក ជាការបង្ហាញសាមគ្គីភាពទៅនឹងការបង្ហាញការជំទាស់ដ៏កម្រ នៅក្នុងប្រទេសចិនកាលពីចុងសប្ដាហ៍មុននេះ។ កាលពីថ្ងៃចន្ទមានការប្រឆាំងនៅក្រៅប្រទេស និងនិស្សិតធ្វើពិធីអុជទៀនទ្រង់ទ្រាយតូចៗ និងការតវ៉ានៅក្នុងទីក្រុងមួយចំនួននៅជុំវិញពិភពលោករួមទាំងទីក្រុង London, Paris, Tokyo, Sydney និង Melbourne។ យោងតាមទីភ្នាក់ងារសារព័ត៌មាន Reuters ភាគច្រើននៃការតវ៉ាទាំងនោះមានមនុស្សតិចតួចប៉ុណ្ណោះដែលបានចូលរួមការតវ៉ា ទោះជាការតវ៉ាខ្លះមានចំនួនតិចជាង ១០០នាក់ក៏ដោយ។ការប្រមូលផ្ដុំគ្នាទាំងនោះគឺជាឧទាហរណ៍ដ៏កម្ររបស់ប្រជាជនចិន ដែលបានបង្ហាញកំហឹងនៅក្នុងប្រទេស និងក្រៅប្រទេស។ កាលពីល្ងាចថ្ងៃចន្ទ ក្រុមអ្នកតវ៉ារាប់សិបនាក់បានប្រមូលផ្ដុំគ្នានៅកណ្ដាលទីក្រុងពាណិជ្ជកម្មរបស់ហុងកុង ជាកន្លែងដែលមានការតវ៉ាប្រឆាំងរដ្ឋាភិបាលដោយហិង្សាកាលពីឆ្នាំ២០១៩៕អត្ថបទ៖ សុខមាន

ចិនបង្កើនវត្តមាននគរបាល បន្ទាប់ពីការតវ៉ាជាច្រើនថ្ងៃប្រឆាំងវិធានការបិទខ្ទប់ការឆ្លងរាលដាលវីរុស COVID-19

ចិន៖ ការតវ៉ាជាច្រើនប្រឆាំងការរឹតត្បិតទប់ស្កាត់ការឆ្លងរាលដាលវីរុស COVID-19 ដែលបានផ្ទុះឡើងកាលពីចុងសប្ដាហ៍នេះទំនងជាបានរំសាយ ខណៈការបង្កើនវត្តមានកងកម្លាំងនគរបាលត្រូវបានរាយការណ៍ នៅក្នុងទីក្រុងនានារបស់ប្រទេសចិន។ របាំងធំៗបានដាក់នៅលើផ្លូវសំខាន់មួយក្នុងទីក្រុងសៀងហៃ ហើយនគរបាលបានចាប់ខ្លួនមនុស្សមួយចំនួន។ នគរបាលហាមឃាត់មិនឲ្យមនុស្សថតសកម្មភាពតវ៉ា និងឲ្យលុបចោលរូបភាពនៅលើឧបករណ៍របស់ពួកគេ។ ការតវ៉ាទូទាំងប្រទេសបានរីកកាន់តែ បន្ទាប់ពីមានអគ្គិភ័យឆាបឆេះលើប្លុកអឹផាតមិនកម្ពស់ច្រើនជាន់ក្នុងទីក្រុង Urumqi ភាគលិចរបស់ប្រទេសចិនសម្លាប់មនុស្ស ១០នាក់កាលពីថ្ងៃព្រហស្បតិ៍សប្ដាហ៍មុន។ គេជឿថា ពលរដ្ឋមិនអាចចាកចេញពីការឆាបឆេះនោះបាន ព្រោះតែការរឹតត្បិតការឆ្លងរាលដាលវីរុស Covid-19 ប៉ុន្តែក្រុមអាជ្ញាធរបានច្រានចោល។ចិននៅតែជាប្រទេសមានសេដ្ឋកិច្ចធំតែមួយគត់ ទោះបីបានអនុវត្តន៍គោលនយោបាយគ្មានការឆ្លងរាលដាលវីរុស Covid-19 ឬ zero-Covid policy ក៏ដោយ ខណៈដែលក្រុមអាជ្ញាធរក្នុងតំបន់បានបង្កើនការទប់ស្កាត់ សូម្បីតែមានករណីផ្ទុះរាលដាលតិចតួចក៏ដោយ និងបានធ្វើតេស្តរកវីរុសទ្រង់ទ្រាយធំ ការដាក់ឲ្យនៅដាច់ដោយឡែក និងការបិទខ្ទប់ភ្លាមៗ។ រូបភាពនៃការតវ៉ាប្រឆាំងការបិទខ្ទប់បានកើតឡើងពីទីក្រុងសៀងហៃ និងរដ្ឋធានីប៉េកាំង ព្រមទាំងតំបន់ជាយក្រុងធំៗផ្សេងទៀតដូចជាទីក្រុងឆឹងទូ (Chengdu) និងអ៊ូហាន (Wuhan) ជាដើម៕ អត្ថបទ៖ សុខមាន

សម្ដេចតេជោ បង្ហាញឈុតឆាកខ្លីៗបន្ថែមក្នុងរឿង «កូនប្រុសក្រោមពន្លឺព្រះចន្ទពេញបូណ៌មី» ពេលកងទ័ពអាមេរិក និងវៀតណាមខាងត្បូង វាយកាន់កាប់ស្រុកស្នួល ខេត្តក្រចេះ និងផ្លូវជាតិលេខ៧

តាមរយៈ Telegram នៅព្រឹកថ្ងៃទី២៩ ខែវិច្ឆិកា ឆ្នាំ២០២២នេះ សម្ដេចតេជោ ហ៊ុន សែន បានបង្ហាញឈុតឆាកខ្លីៗ ថ្មីបន្ថែមទៀត ក្នុងរឿង «កូនប្រុសក្រោមពន្លឺព្រះចន្ទពេញបូណ៌មី» ត្រង់ឈុត “ខែឧសភា១៩៧០ពេលកងទ័ពអាមេរិក និងវៀតណាមខាងត្បូងវាយកាន់កាប់ស្រុកស្នួល ខេត្តក្រចេះ និងផ្លូវជាតិលេខ៧។ គ្រួសារមួយបានយកកូនស្រីមកផ្ញើជាមួយអង្គភាពកងទ័ពដោយខ្លាចពួកឈ្លានពានធ្វើបាប។”សូមជម្រាបថា ខ្សែភាពយន្តរឿង «កូនប្រុសក្រោមពន្លឺព្រះចន្ទពេញបូណ៌មី» គ្រោងនឹងចាក់ផ្សាយជាផ្លូវការនៅថ្ងៃទី២០ ខែមីនា ឆ្នាំ២០២៣ខាងមុខនេះ។សូមរីករាយទស្សនាឈុតឆាកថ្មី តាមរយៈ Link: https://t.me/btvnewscambodia/64489

សម្ដេចតេជោ បង្ហាញឈុតឆាកថ្មី ក្នុងរឿង«កូនប្រុសក្រោមពន្លឺព្រះចន្ទពេញបូណ៌មី» វគ្គក្រោយរំដោះនៅឆ្នាំ១៩៧៩ មុន ម៉ារ៉ានី នាំកូនជួបរដ្ឋមន្ត្រីការបរទេសជាប្តី

តាមរយៈ Telegram នៅល្ងាចថ្ងៃទី២៨ ខែវិច្ឆិកា ឆ្នាំ២០២២នេះ សម្ដេចតេជោ ហ៊ុន សែន បានបង្ហាញឈុតថ្មីបន្ថែមទៀត ក្នុងរឿង «កូនប្រុសក្រោមពន្លឺព្រះចន្ទពេញបូណ៌មី» ត្រង់ឈុតឆាកក្រោយរំដោះនៅឆ្នាំ១៩៧៩ មុន ម៉ារ៉ានី (សម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន) នាំកូន (ឯកឧត្ដម ហ៊ុន ម៉ាណែត) មកជួបរដ្ឋមន្ត្រីការបរទេសជាប្តី (សម្ដេចតេជោ) ជាឪពុក (ជាឪពុករបស់ឯកឧត្ដម ហ៊ុន ម៉ាណែត) នៅភ្នំពេញនា ថ្ងៃទី២៤ ខែកុម្ភៈ ឆ្នាំ១៩៧៩។សូមជម្រាបថា ខ្សែភាពយន្តរឿង «កូនប្រុសក្រោមពន្លឺព្រះចន្ទពេញបូណ៌មី» គ្រោងនឹងចាក់ផ្សាយជាផ្លូវការនៅថ្ងៃទី២០ ខែមីនា ឆ្នាំ២០២៣ខាងមុខនេះ។សូមរីករាយទស្សនាឈុតឆាកថ្មី តាមរយៈ Link: https://t.me/btvnewscambodia/64461

សម្ដេចតេជោ បង្ហាញឈុតឆាកថ្មី ក្នុងរឿង«កូនប្រុសក្រោមពន្លឺព្រះចន្ទពេញបូណ៌មី» វគ្គការថតរូបរវាងមេបញ្ជាការ សុខ សារឿន និងមេបញ្ជាការ សំរេច

តាមរយៈ Telegram នៅរសៀលថ្ងៃទី២៨ ខែវិច្ឆិកា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាញឈុតឆាកថ្មីបន្ថែមទៀត ក្នុងរឿង «កូនប្រុសក្រោមពន្លឺព្រះចន្ទពេញបូណ៌មី» ត្រង់វគ្គ «ការថតរូបនៅផ្សាមេមត់១៩៧១ រវាងមេបញ្ជាការសុខ សារឿន និងមេបញ្ជាការសំរេច» ជូនបងប្អូនជនរួមជាតិតាមដានទស្សនា។ អមជាមួយនឹងវីដេអូនេះដែរ សម្ដេចបានបញ្ជាក់់ថា នៅមានរូបថត២សន្លឹកដែលនៅសល់របស់មកដល់សព្វថ្ងៃនេះ។សូមជម្រាបថា ខ្សែភាពយន្តរឿង «កូនប្រុសក្រោមពន្លឺព្រះចន្ទពេញបូណ៌មី» គ្រោងនឹងចាក់ផ្សាយជាផ្លូវការនៅថ្ងៃទី២០ ខែមីនា ឆ្នាំ២០២៣ខាងមុខនេះ។សូមរីករាយទស្សនាឈុតឆាកថ្មី តាមរយៈ Link: https://t.me/spmhunsen/6003

និស្សិតនៅសាកលវិទ្យាល័យ Tsinghua របស់ចិនប្រមូលផ្ដុំគ្នាតវ៉ាប្រឆាំងវិធានការទប់ស្កាត់ការឆ្លងវីរុស COVID-19

ចិន៖ និស្សិតរាប់រយនាក់នៅសាកលវិទ្យាល័យដ៏ធំរបស់ចិន Tsinghua University បានប្រមូលផ្ដុំគ្នាតវ៉ាប្រឆាំងវិធានការបិទខ្ទប់ទប់ស្កាត់ការឆ្លងវីរុស COVID-19 កាលពីថ្ងៃអាទិត្យដោយស្រែកថា យើងចង់បានការគ្រប់គ្រងច្បាប់តាមលទ្ធិប្រជាធិបតេយ្យ យើងចង់បានសិទ្ធិបញ្ចេញមតិ នៅក្នុងការតវ៉ាទូទាំងប្រទេសដ៏កម្រដែលហៀរចេញហួសពីបណ្ដាញសង្គម រហូតដល់ការប្រមូលផ្ដុំតាមដងផ្លូវ និងនៅតាមសាកលវិទ្យាល័យនានា។ និស្សិតនៅសាកលវិទ្យាល័យនេះបានប្រមូលផ្ដុំគ្នានៅខាងក្រៅអគារទទួលទានអាហារ Zijingyuan ដោយកាន់ក្រដាសស ស្រែកសុភាសិតតវ៉ាប្រឆាំងនឹងវិធានការគ្មានវីរុស COVID-19។ ប្រទេសចិនកំពុងអនុវត្តន៍គោលនយោបាយគ្មានការឆ្លងរាលដាលវីរុស COVID-19 ខណៈដែលភាគច្រើននៃពិភពលោកព្យាយាមរៀនរស់ជាមួយវីរុសកូរ៉ូណា។ រលកចុងក្រោយនៃកំហឹងនេះ បានបង្កឲ្យមានអគ្គិភ័យនៅអគារអឹផាតមិនមួយដែលបានសម្លាប់មនុស្ស ១០នាក់កាលពីថ្ងៃព្រហស្បតិ៍ ទី២៤ ខែវិច្ឆិកាក្នុងទីក្រុង Urumqi បន្ទាប់ពីទីក្រុងមួយនៅភាគខាងលិច ជាទីដែលមានមនុស្សមួយចំនួនត្រូវបានជាប់ក្នុងការបិទខ្ទប់រយៈពេល ១០០ថ្ងៃ បង្កឲ្យមានការរំពឹងទុកថាវិធានការបិទខ្ទប់ទាំងនោះអាចរារាំងមិនឲ្យពលរដ្ឋគេចចេញបាន៕អត្ថបទ៖ សុខមាន

ក្រុមបាតុករខឹងសម្បារចំពោះវិធានការបិទខ្ទប់នៅប្រទេសចិនអំពាវនាវឲ្យលោក Xi លាលែងពីតំណែង

ចិន៖ ក្រុមបាតុករបានរុញច្រានចំពោះវិធានការទប់ស្កាត់វីរុស Covid-19 ដ៏តឹងរឹងរបស់ប្រទេសចិននៅទីក្រុងសៀងហៃ ដោយបានអំពាវនាវឱ្យមេដឹកនាំដ៏មានឥទ្ធិពលរបស់ប្រទេសនេះលាលែងពីតំណែង និងបានប៉ះទង្គិចជាមួយនគរបាលកាលពីថ្ងៃអាទិត្យ ខណៈក្រុមអ្នកតវ៉ាបានចេញដើរតាមដងផ្លូវក្នុងទីក្រុងជាច្រើន ក្នុងការប្រឈមមុខជាមួយរដ្ឋាភិបាលដ៏គួរឱ្យភ្ញាក់ផ្អើល។ នគរបាលបានបណ្តេញក្រុមបាតុករដោយប្រើប្រាស់កម្លាំង នៅក្នុងរដ្ឋធានីហិរញ្ញវត្ថុរបស់ប្រទេសចិនដែលបានអំពាវនាវឱ្យលោក Xi Jinping លាលែងពីតំណែង និងការបញ្ចប់ការគ្រប់គ្រងរបស់បក្សកុម្មុយនិស្តចិន ប៉ុន្តែប៉ុន្មានម៉ោងក្រោយមក ប្រជាជនបានប្រមូលផ្តុំគ្នាម្តងទៀតនៅកន្លែងដដែល ហើយប្រព័ន្ធផ្សព្វផ្សាយសង្គមបានរាយការណ៍ដោយបង្ហាញថា ការតវ៉ាបានរីករាលដាលដល់ទីក្រុងយ៉ាងហោចណាស់ចំនួន ៧ផ្សេងទៀតរួមទាំងនៅរដ្ឋធានីប៉េកាំង និងនៅតាមបរិវេណសាកលវិទ្យាល័យរាប់សិបកន្លែង។ ការតវ៉ាទ្រង់ទ្រាយធំគឺកម្រកើតមានណាស់នៅក្នុងប្រទេសចិន ជាកន្លែងដែលការបញ្ចេញមតិជាសាធារណៈចំពោះការប្រឆាំងត្រូវបានរារាំង ប៉ុន្តែការស្តីបន្ទោសដោយផ្ទាល់ចំពោះលោក Xi Jingping ជាមេដឹកនាំដ៏មានឥទ្ធិពលបំផុតរបស់ប្រទេស ក្នុងរយៈពេលជាច្រើនទសវត្សរ៍មកនេះគឺជារឿងមួយប្លែក។រយៈពេលបីឆ្នាំបន្ទាប់ពីវីរុសបានលេចឡើងជាលើកដំបូង ប្រទេសចិនគឺជាប្រទេសតែមួយគត់ដែលនៅតែព្យាយាមបញ្ឈប់ការចម្លងវីរុស COVID-19 មានគោលនយោបាយគ្មាន Covid (Zero-Covid) ដែលតែងតែឃើញមនុស្សរាប់លាននាក់ត្រូវបានរឹតត្បិត ឲ្យស្នាក់នៅក្នុងលំនៅឋានរបស់ពួកគេរយៈពេលជាច្រើនសប្តាហ៍ក្នុងមួយលើកៗ ហើយទាមទារឱ្យមានការរធ្វើតេស្ត។ វិធានការនេះត្រូវបានទទួលយកយ៉ាងទូលំទូលាយកាលពីពេលដំបូង សម្រាប់ការកាត់បន្ថយអត្រាស្លាប់ជាអប្បបរមា ខណៈប្រទេសផ្សេងទៀតបានទទួលរងនូវការបំផ្លាញនៃការឆ្លងវីរុស ប៉ុន្តែការព្រមព្រៀងនោះបានចាប់ផ្តើមធ្លាក់ចុះក្នុងប៉ុន្មានសប្តាហ៍ថ្មីៗនេះ៕អត្ថបទ៖ ប៊ុនថន

ការតវ៉ាផ្ទុះឡើងនៅទូទាំងប្រទេសចិនអំពាវនាវឲ្យបន្ធូរបន្ថយវិធានការទប់ស្កាត់វីរុស COVID-19

ចិន៖ ប្រជាជនទីក្រុងប៉េកាំងបានធ្វើបាតុកម្មប្រឆាំងវិធានការរឹតត្បិតជំងឺ COVID-19 ដ៏តឹងរ៉ឹងរបស់ប្រទេសចិននៅព្រឹកថ្ងៃចន្ទនេះ ខណៈការតវ៉ាបានផ្ទុះឡើងនៅក្នុងប្រទេសចិន។ ក្រុមបាតុករពីរក្រុមដែលមានមនុស្សយ៉ាងហោចណាស់ ១ពាន់នាក់បានប្រមូលផ្តុំគ្នានៅតាមដងផ្លូវនៅរដ្ឋធានីប្រទេសចិនក្បែរទន្លេ Liangma ដោយបដិសេធមិនព្រមបំបែកគ្នា។អ្នកតវ៉ាម្នាក់និយាយថា «យើងមិនត្រូវការ ការពិនិត្យដ៏ធំបែបនេះនៅបរិវេណទាំងមូល ហើយវាមិនចាំបាច់ត្រូវមានភាពល្អិតល្អន់ពេកនោះទេ»។ ការមិនស្តាប់បង្គាប់របស់ប្រជាជនគឺមិនធ្លាប់មានពីមុនមកនោះទេ នៅប្រទេសចិនដីគោក ចាប់តាំងពីប្រធានាធិបតីលោក Xi Jinping ឡើងកាន់តំណែងក្នុងរយៈពេល ១ទសវត្សរ៍កន្លងទៅនេះ ខណៈការខកចិត្តកើនឡើងជុំវិញការចុះហត្ថលេខាលើគោលនយោបាយគ្មានវីរុស COVID (Zero-Covid) រយៈពេលជិត ៣ឆ្នាំមកនេះ។ ចំណែកនៅទីក្រុងសៀងហៃ កាលពីថ្ងៃអាទិត្យនគរបាលបានឃុំខ្លួនបាតុករ ខណៈមានការតវ៉ាជុំវិញវិធានការរឹតត្បិតជំងឺ COVID-19 តឹងរ៉ឹងរបស់ប្រទេសចិនបានផ្ទុះឡើងចូលដល់ថ្ងៃទី៣ ហើយបានរីករាលដាលដល់ទីក្រុងនានា។ក្រុមអ្នកតវ៉ាត្រូវបានគេឃើញប្រមូលផ្តុំគ្នានៅតាមដងផ្លូវទីក្រុងសៀងហៃ និងច្រៀងចម្រៀងជាតិ។ នៅក្នុងទីក្រុងសៀងហៃ នគរបាលត្រូវបានដាក់ពង្រាយយ៉ាងច្រើននៅលើផ្លូវ Wulumuqi ជាកន្លែងដែលមានដុតភ្លើងទៀនមុនពេលប្រែក្លាយទៅជាការតវ៉ា។ កាលពីល្ងាចថ្ងៃអាទិត្យ មនុស្សរាប់រយនាក់បានប្រមូលផ្តុំគ្នានៅតំបន់នេះ ដែលមួយចំនួនបានរុញច្រាននគរបាលដែលព្យាយាមបំបែកពួកគេ៕អត្ថបទ៖ ប៊ុនថន

ចំនួនអ្នកស្លាប់ដោយសារបំណាក់ដីនៅអ៊ីតាលីកើនឡើងដល់ ៧នាក់ និងច្រើននាក់នៅបាត់ខ្លួន

អ៊ីតាលី៖ អាជ្ញាធរក្នុងតំបន់បាននិយាយកាលពីថ្ងៃអាទិត្យថា ចំនួនអ្នកស្លាប់ដោយសារបំណាក់ដីដ៏ធំដែលបានវាយប្រហារលើកោះ Ischia ភាគខាងត្បូងប្រទេសអ៊ីតាលីបានកើនឡើងដល់ ៧នាក់ ខណៈមនុស្សប្រមាណ ១០នាក់ផ្សេងទៀតនៅបាត់ខ្លួន និងរាប់រយនាក់ត្រូវបានជម្លៀសចេញពីលំនៅឋានរបស់ពួកគេ។ បន្ទាប់ពីកិច្ចប្រជុំបន្ទាន់របស់គណៈរដ្ឋមន្ត្រីកាលពីថ្ងៃអាទិត្យ នាយករដ្ឋមន្ត្រីអ៊ីតាលីលោក Giorgia Meloni បានប្រកាសដាក់ប្រទេសក្នុងគ្រាអាសន្នសម្រាប់កោះ Ischia ជុំវិញហេតុការណ៍ទឹកជំនន់ និងបំណាក់ដីខ្លាំង។ សេចក្តីថ្លែងការណ៍និយាយថា រដ្ឋាភិបាលបានផ្តល់ជំនួយចំនួន ២លានអឺរ៉ូ ឬ ២.១លានដុល្លារដល់ប្រជាជនក្នុងតំបន់។ ក្រសួងការពារជនស៊ីវិលរបស់អ៊ីតាលីនិយាយថា ប្រតិបត្តិការជួយសង្គ្រោះនៅតែដំណើរការកាលពីរសៀលថ្ងៃអាទិត្យនៅក្នុងតំបន់ Casamicciola Terme ប៉ុន្តែស្ថានភាពអាកាសធាតុមិនអំណោយផល បានធ្វើឱ្យមានភាពស្មុគស្មាញដល់ការស្វែងរក។ កាលពីថ្ងៃអាទិត្យ ក្រុមជួយសង្គ្រោះបានរកឃើញសាកសពមនុស្ស ៦នាក់រួមទាំងក្មេងស្រីម្នាក់ ខណៈពួកគេបានបន្តស្វែងរកតាមដីល្បាប់នៅថ្ងៃទី២ ជាប់ៗគ្នាដោយព្យាយាមស្វែងរកមនុស្សបាត់ខ្លួន។បំណាក់ដីដ៏ខ្លាំងបានវាយប្រហារនៅកោះកំសាន្តវិស្សមកាល ដ៏ពេញនិយមមួយកាលពីព្រលឹមថ្ងៃសៅរ៍បង្កមកពីភ្លៀងធ្លាក់ខ្លាំង ហើយបានបណ្តាលឱ្យមានដីល្បាប់ និងកម្ទេចកម្ទីជាច្រើនហូរកាត់កំពង់ផែ Casamicciola ធ្វើឲ្យបាក់រលំអគារ និងហូរនាំរថយន្តចូលទៅក្នុងសមុទ្រ។ អ្នកជំនាញបាននិយាយថា គ្រោះមហន្តរាយនេះកាន់តែធ្ងន់ធ្ងរឡើង ដោយសារការសាងសង់អគារដែលពុំមានការគ្រប់គ្រង នៅក្នុងតំបន់មានហានិភ័យខ្ពស់នៃបំណាក់ដីនៅលើកោះតំបន់ភ្នំ ដែលធ្លាប់ត្រូវបានវាយប្រហារកាលពីឆ្នាំ2017 ដោយមានរញ្ជួយដីកម្រិត 4.0រ៉ិចទ័របណ្តាលឱ្យមនុស្ស ២នាក់ស្លាប់ និងរងការបំផ្លាញយ៉ាងធ្ងន់ធ្ងរ៕អត្ថបទ៖ ប៊ុនថន

ការប៉ះទង្គិចគ្នាកើតឡើង ខណៈនគរបាលរុះរើជំរំជនអន្តោប្រវេសន៍នៅព្រំដែនម៉ិកស៊ិកជាប់អាមេរិក

ម៉ិកស៊ិក៖ មន្ត្រីក្នុងតំបន់ម្នាក់បាននិយាយថា នគរបាលម៉ិកស៊ិកបានរុះរើជំរំជនអន្តោប្រវេសន៍មួយកន្លែង ដែលបានបង្កើតឡើងនៅចំហៀងព្រំដែនម៉ិកស៊ិកជាប់ជាមួយព្រំដែនអាមេរិកកាលពីថ្ងៃអាទិត្យ សម្រាប់មូលហេតុសន្តិសុខ។ កាលពីព្រឹកថ្ងៃអាទិត្យ ក្រុមទីភ្នាក់ងារនគរបាលបង្ក្រាបកុបកម្មបានចូលទៅក្នុងជំរំ បង្កើតឡើងដោយជនអន្តោប្រវេសន៍ប្រមាណ ៦០០នាក់ភាគច្រើនមកពីប្រទេសវ៉េណេហ្ស៊ុយអេឡានៅក្នុងទីក្រុង Ciudad Juarez ក្បែរទន្លេ Bravo និងក្បែររបងព្រំដែនសហរដ្ឋអាមេរិក។ ភាពតានតឹងបានកើនឡើង នៅពេលក្រុមមន្ត្រីបានបង្ខំក្រុមជនអន្តោប្រវេសន៍ឲ្យចាកចេញកំពុងប្រឈមនឹងពួកគេ និងទាញជំរំតង់ពួកគេបោះចោល។ ជំរំតង់មួយចំនួនបានភ្លើងឆេះអំឡុងប្រតិបត្តិការរុះរើ ដោយក្រុមមន្ត្រីនគរបាលរុញពួកគេចូលទន្លេនៅក្បែរនោះដើម្បីពន្លត់ភ្លើង។ ប្រធានសិទ្ធិមនុស្សរបស់រដ្ឋាភិបាលទីក្រុង Ciudad Juarez លោក Santiago Gonzalez បាននិយាយថា សកម្មភាពនេះក្នុងគោលបំណងការពារសន្តិសុខរបស់ក្រុមជនអន្តោប្រវេសន៍ ខណៈមានហានិភ័យបង្កឡើងដោយភ្លើងឆេះ លង់ទឹក និងត្រជាក់ស្លាប់ជាដើម។វិទ្យាស្ថានទេសន្តរប្រវេសន៍ជាតិ (INM) បាននិយាយកាលពីចន្ទ ទី២១ ខែវិច្ឆិកាកន្លងទៅថា អាជ្ញាធរម៉ិកស៊ិកបានឃុំខ្លួនជនអន្តោប្រវេសន៍ជាង ១៦.០០០នាក់ក្នុងរយៈពេល ៤ថ្ងៃរួមទាំងជនជាតិវ៉េណេហ្ស៊ុយអេឡាជិត ៥.០០០នាក់។ ភាគច្រើននៃជនអន្តោប្រវេសន៍មកពីបណ្ដាប្រទេសនៅអាមេរិកកណ្ដាល និងខាងត្បូង រួមទាំងជនជាតិវ៉េណេហ្ស៊ុយអេឡាចំនួន ៤.៩៦៨នាក់, ហ្គាតេម៉ាឡាចំនួន ២.៩៨៧នាក់, នីការ៉ាហ្គ័រចំនួន ១.៣១១នាក់ និងអេក្វាឌ័រចំនួន ១.២៨៥នាក់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល៖ «សូមកុំខ្លាចនឹងទទួលយកកង្វះខាតរបស់យើង ទោះទទួលបានតាមវិធីណាក៏ដោយ ហើយខិតខំបន្តកែលម្អលើកិច្ចការដែលនៅមានចន្លោះប្រហោង ដើម្បីសុខភាពពលរដ្ឋ»

ឯកឧត្តម ម៉ម ប៊ុននាង និងលោក គីម ជុងណាម អញ្ជើញចុះអនុស្សរណៈនៃការយោគយល់គ្នា ស្តីពីការផ្តល់អំណោយមនុស្សធម៌ ជូនដល់រដ្ឋបាលខេត្តកែប

កាកបាទក្រហមកម្ពុជា ផ្តល់អំណោយសង្គ្រោះបន្ទាន់ដល់គ្រួសាររងគ្រោះដោយខ្យល់កន្ត្រាក់ និងគ្រួរសារអតីតយុទ្ធជននៅខេត្តកំពង់ស្ពឺ

ក្រសួងបរិស្ថានរកឃើញវត្តមានសត្វព្រៃមានកម្រ និងកំពុងរងគ្រោះថ្នាក់ជិតផុតពូជចំនួន ១០ប្រភេទនៅដែនជម្រកសត្វព្រៃភ្នំសំកុស

ក្រសួងការងារ និង OHCHR ពិភាក្សាពង្រឹងកិច្ចសហប្រតិបត្តិការលើកិច្ចគាំពារសង្គម និងការលើកកម្ពស់សិទ្ធិការងារឱ្យកាន់តែប្រសើរ

ទូតឡាវបានសម្តែងការកោតសរសើរយ៉ាងខ្លាំង ចំពោះការខិតខំប្រឹងប្រែងរបស់កម្ពុជា ក្នុងការគ្រប់គ្រង និងការពារបរិស្ថាន

កម្ពុជា និងអ៊ីស្រាអែល ជួបពិភាក្សាលើការពង្រឹងនិងពង្រីកកិច្ចសហប្រតិបត្តិការទ្វេភាគីក្នុងវិស័យកសិកម្ម

លោកស្រី Von der Leyen ៖ EU នឹងផ្ទេរប្រាក់កម្ចីចំណែកដំបូងឲ្យអ៊ុយក្រែននៅថ្ងៃព្រហស្បតិ៍នេះ

វិមានក្រឹមឡាំង៖ រុស្ស៊ីនឹងពិនិត្យមើលជម្រើសផ្លូវច្បាប់ បើសិនប្រេងពីនាវារឹបអូសដោយអង់គ្លេសប្រើសម្រាប់ផ្តល់មូលនិធិដល់អ៊ុយក្រែន

ព្រឹកនេះ គណៈកម្មការជំរឿនមន្រ្តី បានបន្តបេសកកម្មចុះជំរឿនមន្ត្រីជាក់ស្តែង ដល់ក្រសួងទេសចរណ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មានសកម្មភាពតវ៉ាជាច្រើនលើពិភពលោកបង្ហាញការគាំទ្រដល់ការតវ៉ាដ៏កម្រនៅប្រទេសចិន

ចិនបង្កើនវត្តមាននគរបាល បន្ទាប់ពីការតវ៉ាជាច្រើនថ្ងៃប្រឆាំងវិធានការបិទខ្ទប់ការឆ្លងរាលដាលវីរុស COVID-19

និស្សិតនៅសាកលវិទ្យាល័យ Tsinghua របស់ចិនប្រមូលផ្ដុំគ្នាតវ៉ាប្រឆាំងវិធានការទប់ស្កាត់ការឆ្លងវីរុស COVID-19

ក្រុមបាតុករខឹងសម្បារចំពោះវិធានការបិទខ្ទប់នៅប្រទេសចិនអំពាវនាវឲ្យលោក Xi លាលែងពីតំណែង

ការតវ៉ាផ្ទុះឡើងនៅទូទាំងប្រទេសចិនអំពាវនាវឲ្យបន្ធូរបន្ថយវិធានការទប់ស្កាត់វីរុស COVID-19

ចំនួនអ្នកស្លាប់ដោយសារបំណាក់ដីនៅអ៊ីតាលីកើនឡើងដល់ ៧នាក់ និងច្រើននាក់នៅបាត់ខ្លួន

ការប៉ះទង្គិចគ្នាកើតឡើង ខណៈនគរបាលរុះរើជំរំជនអន្តោប្រវេសន៍នៅព្រំដែនម៉ិកស៊ិកជាប់អាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មាន​សកម្មភាព​តវ៉ា​ជាច្រើន​លើ​ពិភពលោក​បង្ហាញ​ការគាំទ្រ​ដល់​ការតវ៉ា​ដ៏​កម្រ​នៅ​ប្រទេស​ចិន​

ក្រុមបាតុករ​ខឹងសម្បារ​ចំពោះ​វិធាន​ការបិទ​ខ្ទប់​នៅ​ប្រទេស​ចិន​អំពាវនាវ​ឲ្យ​លោក Xi លាលែង​ពី​តំណែង

ការ​តវ៉ា​ផ្ទុះឡើង​នៅ​ទូទាំង​ប្រទេស​ចិន​អំពាវនាវ​ឲ្យ​បន្ធូរបន្ថយ​វិធានការ​ទប់ស្កាត់​វីរុស COVID-19

ចំនួន​អ្នក​ស្លាប់​ដោយសារ​បំណាក់​ដី​នៅ​អ៊ីតាលី​កើន​ឡើង​ដល់​ ៧​នាក់ និង​ច្រើន​នាក់​នៅ​បាត់​ខ្លួន​

ការប៉ះទង្គិច​គ្នា​កើតឡើង ខណៈ​នគរបាល​រុះរើ​ជំរំ​ជនអន្តោប្រវេសន៍​នៅ​ព្រំដែន​ម៉ិ​ក​ស៊ិ​កជាប់​អាមេរិក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មានសកម្មភាពតវ៉ាជាច្រើនលើពិភពលោកបង្ហាញការគាំទ្រដល់ការតវ៉ាដ៏កម្រនៅប្រទេសចិន

ក្រុមបាតុករខឹងសម្បារចំពោះវិធានការបិទខ្ទប់នៅប្រទេសចិនអំពាវនាវឲ្យលោក Xi លាលែងពីតំណែង

ការតវ៉ាផ្ទុះឡើងនៅទូទាំងប្រទេសចិនអំពាវនាវឲ្យបន្ធូរបន្ថយវិធានការទប់ស្កាត់វីរុស COVID-19

ចំនួនអ្នកស្លាប់ដោយសារបំណាក់ដីនៅអ៊ីតាលីកើនឡើងដល់ ៧នាក់ និងច្រើននាក់នៅបាត់ខ្លួន

ការប៉ះទង្គិចគ្នាកើតឡើង ខណៈនគរបាលរុះរើជំរំជនអន្តោប្រវេសន៍នៅព្រំដែនម៉ិកស៊ិកជាប់អាមេរិក