BTV NEWS

សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

សម្ដេចធិបតី៖ រាជរដ្ឋាភិបាលសម្រេចបន្តផ្តល់ការលើកទឹកចិត្តផ្នែកពន្ធដារ លើផលិតផលស៊ីម៉ងត៍ក្នុងស្រុក សម្រាប់រយៈពេល ២ឆ្នាំទៀត

ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

ព័ត៌មានសំខាន់ៗ

ការបាញ់ស្រោចមីស៊ីលរបស់រុស្ស៊ីបណ្ដាលឲ្យដាច់ចរន្តអគ្គិសនីទូទាំងប្រទេសអ៊ុយក្រែន

រុស្ស៊ី៖ ប្រទេសរុស្ស៊ីបានបាញ់ស្រោចមីស៊ីលដ៏ច្រើនបំផុត លើទីតាំងថាមពលនានារបស់អ៊ុយក្រែន ប៉ុន្តែបានវាយប្រហារដាក់គោលដៅចេញពីភាគខាងកើតទៅខាងលិច និងបណ្ដាលឲ្យដាច់ចរន្តអគ្គិសនីនៅទូទាំងអ៊ុយក្រែន។ លោកប្រធានាធិបតី Volodymr Zelenskyy បាននិយាយថា រុស្ស៊ីបានបាញ់មីស៊ីលយ៉ាងហោចណាស់ ៨៥គ្រាប់កាលពីថ្ងៃអង្គារ ភាគច្រើននៃមីស៊ីលទាំងនោះបានត្រូវចំហេដ្ឋារចនាសម្ព័ន្ធថាមពល និងបានបិទរោងចក្រថាមពលនៅក្នុងទីក្រុងជាច្រើន។ លោកប្រធានាធិបតីរូបនេះបាននិយាយថា យើងកំពុងធ្វើការដើម្បីស្ដារឡើងវិញនូវអ្វីៗគ្រប់បែបយ៉ាង។ យើងនឹងស្រោចស្រង់គ្រប់យ៉ាង។ រដ្ឋមន្ត្រីថាមពលរបស់លោកបាននិយាយថា នេះគឺជាការទម្លាក់គ្រាប់បែកដ៏ច្រើនបំផុតមកលើទីតាំងថាមពលនានា ក្នុងការវាយលុករបស់រុស្ស៊ីដែលមានរយៈពេលជិត ៩ខែមកនេះ។ ការវាយប្រហារដ៏សន្ធាប់នេះបានកើតមានឡើង ខណៈក្រុមមេដឹកនាំប្រទេសមានឧស្សាហ៍កម្មឈានមុខទាំង២០ ឬ G20 បានជួបគ្នានៅកោះបាលីសម្រាប់ជំនួបកំពូលមួយ ដែលត្រូវបានគ្របដណ្ដប់ដោយសង្គ្រាមរបស់រុស្ស៊ីនៅអ៊ុយក្រែន។ ការវាយប្រហារនេះក៏បានកើតឡើងផងដែរ ក្រោយភាពរីករាយសម្រាប់អ៊ុយក្រែន បន្ទាប់ពីទទួលបានជ័យជម្នះខាងយោធាដ៏ធំបំផុតក្នុងការវាយលុករបស់រុស្ស៊ីជិត ៩ខែមកនេះគឺការដណ្ដើមបានទីក្រុង Kherson ភាគខាងត្បូងមកវិញកាលពីសប្ដាហ៍មុន។ ខណៈការបរាជ័យនៅសមរភូមិរបស់ខ្លួនកើនឡើងជាបន្តបន្ទាប់ រុស្ស៊ីបានងាកទៅបង្កើនការដាក់គោលដៅលើហេដ្ឋារចនាសម្ព័ន្ធរបស់អ៊ុយក្រែនក្នុងពេលប៉ុន្មានខែមកនេះ ដោយធ្វើឲ្យកាត់ផ្ដាច់ចរន្តអគ្គិសនីនៅតាមតំបន់ជាច្រើន។ រុស្ស៊ីបានបាញ់ស្រោចមីស៊ីលពាសពេញអ៊ុយក្រែន ខណៈមានការបង្ហាញពីសញ្ញាជាច្រើននៃការដកថយបន្ថែមទៀត៕អត្ថបទ៖ សុខមាន

សម្តេចតេជោ ហ៊ុន សែន ៖ តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច..!

ភ្នំពេញ៖ សម្តចេតេជោ ហ៊ុន សែន នាយករដ្ឋមន្ត្រី បានបញ្ជាក់ថា «តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច។សំណេររបស់សម្តេចតេជោ ហ៊ុន សែន បានធ្វើឡើងបន្ទាប់លោក ហ៊ុន សែន បបួលបុគ្គលទណ្ឌិត សម រង្ស៊ី ភ្នាល់ដាក់ជីវិតនយោបាយ ក្រោមពេលបុគ្គលទណ្ឌិតសម រង្ស៊ី នៅតែចិញ្ចឹមចិត្តខាំលោក ហ៊ុន ម៉ាណែតពីក្រោយ និងចោទប្រកាន់គ្រប់បែបយ៉ាង លើសពីសេចក្តីថ្លៃថ្នូររបស់មនុស្ស។សម្តេចតេជោ ហ៊ុន សែន បញ្ជាក់ថា «បុរសម្នាក់នេះឈ្លោះមិនរើសមុខទាំងព្រះមហាក្សត្រ រហូតជាមួយយុវជនជំនាន់ក្រោយតើមានហត់ដែរទេ?ហើយបើមិនបានលួចវាយគេតើរន្ទះបាញ់ឬអី? អស់ពីប្រឌិតរឿងមួយ ចូលដល់រឿងមួយទៀតមិនចេះចប់។ សួរថាអត់ចេះហត់ទេអីលោក សម រង្សីអ្នកនយោបាយចាស់វស្សាអើយ? »។លើកមុនលោក សម រង្សី វាយប្រហារថាសញ្ញាបត្រខ្ញុំពីសាលាបណ្ឌិតសភាយោធាសហរដ្ឋអាមេរិក West Point ជាសញ្ញាបត្រកម្រឹតពីរ ក្នុងគោលបំណងវាយប្រហារលើសមត្ថភាពរបស់ខ្ញុំ។ ដល់ពេលខ្ញុំបបួលភ្នាល់ដាក់ជីវិតនយោបាយ គាត់បែរជាមិនហ៊ានអើតក្បាលមកតទល់ទេ ព្រោះដឹងថាគាត់នឹងចាញ់។ ជាទូទៅមនុស្សខូចហ៊ានត្រឹមតែលួចវាយគេពីក្រោយខ្នងទេ ដល់គេបបួលប្រកួតគ្នាទល់មុខ មិនដែលហ៊ានទេ។ក្រោយពីបិទមាត់មិនហ៊ានភ្នាល់មួយរយៈករណីរឿងសញ្ញាបត្រកម្រឹតពីរនោះមក ស្រាប់តែកាលពីម្សិលមិញ (ថ្ងៃ១៥ វិច្ឆិកា ២០២២) គាត់ចេញមកប្រឌិតរឿងទៀតមកចោទខ្ញុំថា÷ "កាលពីឆ្នាំ ២០១៦ លោក ហ៊ុន ម៉ាណែត បានបន្លំយកលុយ ៥ លានដុល្លារសហរដ្ឋអាមេរិក ចូលមកប្រទេសបារាំង ដើម្បីទិញទឹកចិត្តជនជាតិខ្មែរ ដែលរស់នៅប្រទេសបារាំង និងទ្វីបអឺរ៉ុប ឲ្យចុះចូលគណបក្សប្រជាជនកម្ពុជា។ តែនគរបាលបារាំង បានចាប់ ហើយស្កាត់ទុកលុយ ៥ លានដុល្លារនោះ ដល់សព្វថ្ងៃ ពីព្រោះវាជាការប៉ុនប៉ងខុសច្បាប់ ពីសំណាក់លោក ហ៊ុន ម៉ាណែត ដែលចង់នាំលុយដ៏សន្ធឹកសន្ធាប់នេះ ចូលមកស្រុកគេ ដោយលួចលាក់ក្នុងវ៉ាលីសការទូត (valises diplomatiques)...។"សុំសួរសារជាថ្មីថា អ្នកនយោបាយចាស់វស្សាដែលលបតែវាយប្រហារគេពីក្រោយខ្នង ហ៊ានភ្នាល់ទេលើកនេះ។ យើងភ្នាល់ដាក់ជីវិតនយោបាយដដែល៖ បើរឿងនេះជារឿងពិត ខ្ញុំនឹងដកខ្លួនពីឆាកនយោបាយមួយជីវិត។ ប៉ុន្តែបើរឿងនេះមិនមែនជាការពិត សូមលោក សម រង្សី ឈប់ធ្វើសកម្មភាពនយោបាយមួយជីវិតដែរទៅ។ តើហ៊ានទេលោក អ្នកនយោបាយចាស់វស្សា ដែលហ៊ានវាយក្មេងតែពីក្រោយខ្នង?លោក សម រង្សី បានចំណាយពេលរាប់ទសវត្សរ៍ ដើម្បីព្យាយាមបំផ្លាញជីវិតនយោបាយរបស់ឪពុកខ្ញុំ តែបានត្រឹមបរាជ័យ។ ឥឡូវលោក សម រង្សី និងដៃជើងរបស់គាត់ក៏ព្យាយាមឥតឈប់ឈរ រិះរកគ្រប់មធ្យោបាយដើម្បីសម្លាប់ជីវិតនយោបាយរបស់ខ្ញុំ។ ឥឡូវខ្ញុំផ្តល់ឱកាសមាសអោយលោក សម រង្សី ហើយ មិនគួរលោកបោះបង់ឱកាសនេះទេ។ បើសិនជាលោកមានភស្តុតាងច្បាស់លាស់ថារឿងនេះជារឿងពិត លោកគួរតែហ៊ានភ្នាល់ជាមួយខ្ញុំ ដើម្បីបញ្ចប់ជីវិតនយោបាយរបស់ខ្ញុំតែម្តងទៅ ហើយលោកក៏អាចរក្សាភាពថ្លៃថ្នូរផ្ទាល់ខ្លួនរបស់លោកផង កុំអោយមហាជនរិះគន់ថា សម រង្សី ជាអ្នកនយោបាយចាស់វស្សាម្នាក់ដែរប៉ុន្តែអន់ចរឹតបំផុត ព្រោះចេះតែលួចវាយគេពីក្រោយខ្នងតែប៉ុណ្ណោះ។ ជាពិសេសហេតុតែចង់បំផ្លាញជីវិតនយោបាយរបស់ក្មេងម្នាក់(អាយុប្រហាក់ប្រហែលនឹងកូនគាត់) សូម្បីតែរឿងភូតកុហកក៏ សម រង្សី ហ៊ានប្រឌិតឡើងដើម្បីវាយប្រហារក្មេងនោះដោយឥតអៀនខ្មាស់ដែរ ។សូមបញ្ជាក់ជូនមហាជនថា÷ ករណីនេះមិនពិបាកបញ្ជាក់ទេ ព្រោះបើថានគរបាលបារាំងពិតជាបានចាប់ឃាត់លុយនោះមែន ប្រាកដជាមានកំណត់ហេតុច្បាស់លាស់ហើយ។ ហើយបើលុយនោះ នៅរក្សាជាមួយប៉ូលីសបារាំង ជាវត្ថុតាងដល់បច្ចុប្បននោះ គឺប្រាកដជានគរបាលបារាំងមិនលួចបិទករណីនេះ ឬយកលុយទៅណាទេ។ តោះលោក សម រង្សី យើងភ្នាល់គ្នាតែម្តង ដើម្បីឆាប់ចប់និងឆាប់ដឹងសខ្មៅ កុំអោយមហាជនធុញថា លោកជាមនុស្សចាស់រកតែរឿងចោទក្មេងម្តងហើយម្តងទៀតមិនចេះហត់"

លោក ហ៊ុន ម៉ាណែត បបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យឆាប់ដឹងសដឹងខ្មៅ

ភ្នំពេញ៖ លោក ហ៊ុន ម៉ាណែត បានបបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យឆាប់ដឹងសដឹងខ្មៅ កុំឲ្យមហាជនធុញថា លោក(សម រង្ស៊ី) ជាមនុស្សចាស់រកតែរឿងចោទក្មេងម្តងហើយម្តងទៀតមិនចេះហត់។យោងតាមសំណេរ លោក ហ៊ុន ម៉ាណែត បានបញ្ជាក់ថា អស់ពីប្រឌិតរឿងមួយ ចូលដល់រឿងមួយទៀតមិនចេះចប់។ “សួរថាអត់ចេះហត់ទេអីលោក សម រង្សីអ្នកនយោបាយចាស់វស្សាអើយ? “ “អស់ពីប្រឌិតរឿងមួយ ចូលដល់រឿងមួយទៀតមិនចេះចប់។ សួរថាអត់ចេះហត់ទេអីលោក សម រង្សីអ្នកនយោបាយចាស់វស្សាអើយ? លើកមុនលោក សម រង្សី វាយប្រហារថាសញ្ញាបត្រខ្ញុំពីសាលាបណ្ឌិតសភាយោធាសហរដ្ឋអាមេរិក West Point ជាសញ្ញាបត្រកម្រឹតពីរ ក្នុងគោលបំណងវាយប្រហារលើសមត្ថភាពរបស់ខ្ញុំ។ ដល់ពេលខ្ញុំបបួលភ្នាល់ដាក់ជីវិតនយោបាយ គាត់បែរជាមិនហ៊ានអើតក្បាលមកតទល់ទេ ព្រោះដឹងថាគាត់នឹងចាញ់។ ជាទូទៅមនុស្សខូចហ៊ានត្រឹមតែលួចវាយគេពីក្រោយខ្នងទេ ដល់គេបបួលប្រកួតគ្នាទល់មុខ មិនដែលហ៊ានទេ។ ក្រោយពីបិទមាត់មិនហ៊ានភ្នាល់មួយរយៈករណីរឿងសញ្ញាបត្រកម្រឹតពីរនោះមក ស្រាប់តែកាលពីម្សិលមិញ (ថ្ងៃ១៥ វិច្ឆិកា ២០២២) គាត់ចេញមកប្រឌិតរឿងទៀតមកចោទខ្ញុំថា÷ "កាលពីឆ្នាំ ២០១៦ លោក ហ៊ុន ម៉ាណែត បានបន្លំយកលុយ ៥ លានដុល្លារសហរដ្ឋអាមេរិក ចូលមកប្រទេសបារាំង ដើម្បីទិញទឹកចិត្តជនជាតិខ្មែរ ដែលរស់នៅប្រទេសបារាំង និងទ្វីបអឺរ៉ុប ឲ្យចុះចូលគណបក្សប្រជាជនកម្ពុជា។ តែនគរបាលបារាំង បានចាប់ ហើយស្កាត់ទុកលុយ ៥ លានដុល្លារនោះ ដល់សព្វថ្ងៃ ពីព្រោះវាជាការប៉ុនប៉ងខុសច្បាប់ ពីសំណាក់លោក ហ៊ុន ម៉ាណែត ដែលចង់នាំលុយដ៏សន្ធឹកសន្ធាប់នេះ ចូលមកស្រុកគេ ដោយលួចលាក់ក្នុងវ៉ាលីសការទូត (valises diplomatiques)...។" សុំសួរសារជាថ្មីថា អ្នកនយោបាយចាស់វស្សាដែលលបតែវាយប្រហារគេពីក្រោយខ្នង ហ៊ានភ្នាល់ទេលើកនេះ។ យើងភ្នាល់ដាក់ជីវិតនយោបាយដដែល៖ បើរឿងនេះជារឿងពិត ខ្ញុំនឹងដកខ្លួនពីឆាកនយោបាយមួយជីវិត។ ប៉ុន្តែបើរឿងនេះមិនមែនជាការពិត សូមលោក សម រង្សី ឈប់ធ្វើសកម្មភាពនយោបាយមួយជីវិតដែរទៅ។ តើហ៊ានទេលោក អ្នកនយោបាយចាស់វស្សា ដែលហ៊ានវាយក្មេងតែពីក្រោយខ្នង? លោក សម រង្សី បានចំណាយពេលរាប់ទសវត្សរ៍ ដើម្បីព្យាយាមបំផ្លាញជីវិតនយោបាយរបស់ឪពុកខ្ញុំ តែបានត្រឹមបរាជ័យ។ ឥឡូវលោក សម រង្សី និងដៃជើងរបស់គាត់ក៏ព្យាយាមឥតឈប់ឈរ រិះរកគ្រប់មធ្យោបាយដើម្បីសម្លាប់ជីវិតនយោបាយរបស់ខ្ញុំ។ ឥឡូវខ្ញុំផ្តល់ឱកាសមាសអោយលោក សម រង្សី ហើយ មិនគួរលោកបោះបង់ឱកាសនេះទេ។ បើសិនជាលោកមានភស្តុតាងច្បាស់លាស់ថារឿងនេះជារឿងពិត លោកគួរតែហ៊ានភ្នាល់ជាមួយខ្ញុំ ដើម្បីបញ្ចប់ជីវិតនយោបាយរបស់ខ្ញុំតែម្តងទៅ ហើយលោកក៏អាចរក្សាភាពថ្លៃថ្នូរផ្ទាល់ខ្លួនរបស់លោកផង កុំអោយមហាជនរិះគន់ថា សម រង្សី ជាអ្នកនយោបាយចាស់វស្សាម្នាក់ដែរប៉ុន្តែអន់ចរឹតបំផុត ព្រោះចេះតែលួចវាយគេពីក្រោយខ្នងតែប៉ុណ្ណោះ។ ជាពិសេសហេតុតែចង់បំផ្លាញជីវិតនយោបាយរបស់ក្មេងម្នាក់(អាយុប្រហាក់ប្រហែលនឹងកូនគាត់) សូម្បីតែរឿងភូតកុហកក៏ សម រង្សី ហ៊ានប្រឌិតឡើងដើម្បីវាយប្រហារក្មេងនោះដោយឥតអៀនខ្មាស់ដែរ ។ សូមបញ្ជាក់ជូនមហាជនថា÷ ករណីនេះមិនពិបាកបញ្ជាក់ទេ ព្រោះបើថានគរបាលបារាំងពិតជាបានចាប់ឃាត់លុយនោះមែន ប្រាកដជាមានកំណត់ហេតុច្បាស់លាស់ហើយ។ ហើយបើលុយនោះ នៅរក្សាជាមួយប៉ូលីសបារាំង ជាវត្ថុតាងដល់បច្ចុប្បននោះ គឺប្រាកដជានគរបាលបារាំងមិនលួចបិទករណីនេះ ឬយកលុយទៅណាទេ។ តោះលោក សម រង្សី យើងភ្នាល់គ្នាតែម្តង ដើម្បីឆាប់ចប់និងឆាប់ដឹងសខ្មៅ កុំអោយមហាជនធុញថា លោកជាមនុស្សចាស់រកតែរឿងចោទក្មេងម្តងហើយម្តងទៀតមិនចេះហត់”

សម្តេចតេជោ ហ៊ុន សែន ដឹកនាំគណៈប្រតិភូត្រលប់ពីឥណ្ឌូនេស៊ី មកដល់កម្ពុជាហើយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានដឹកនាំគណៈប្រតិភូឥណ្ឌូនេស៊ី មកដល់កម្ពុជាហើយ នៅល្ងាចថ្ងៃទី១៥ ខែវិច្ឆិកា ឆ្នាំ២០២២នេះ។សម្តេចតេជោ ហ៊ុន សែន តាមរយៈទំព័រFacebook ផ្លូវការបានអរគុណដល់មិត្តឥណ្ឌូនេសុី ដែលបានយកចិត្តទុកដាក់ ទទួលប្រតិភូរបស់ កម្ពុជា និងសូមអធ្យាស្រ័យដែលកម្ពុជាមិនអាចចូលប្រជុំ-G20។សម្តេចតេជោ ក៏សូមអរគុណបងប្អូនជនរួមជាតិដែលព្រួយបារម្មណ៍ពីសុខភាពរបស់សម្តេច។គួរបញ្ជាក់ថា សម្តេចបានតេស្តរកឃើញវិជ្ជមានកូវីដ-១៩ ពេលដែលសម្តេចទៅដល់ឥណ្ឌូនេស៊ី ដើម្បីចូលប្រជុំ-G20។សម្តេចបញ្ជាក់ថា «ខ្ញុំមិនច្បាស់ថាមេរោគនេះ មកនៅជាមួយខ្លួនខ្ញុំ ចាប់ពីពេលណាមកនោះឡើយ តែអ្វីដែលច្បាស់ ពេលមកដល់ពេទ្យឥណ្ឌូនេស៊ី យកសំណាកពេលល្ងាច លុះព្រឹកឡើងបញ្ជាក់ថា វិជ្ជមានកូវីដ-១៩ ដែលយើងត្រូវតែទទួលស្គាល់ បើទោះជាក្នុងខ្លួនយើងមិនមានអាការៈចម្លែកក៏ដោយ។សម្តេចបន្តថា ជាសំណាងមួយ ដែលយប់មុិញ ដោយសារមកដល់យឺត សម្តេចមិនបានទៅចូលរួមបាយល្ងាចជាមួយប្រមុខរដ្ឋ ប្រមុខរដ្ឋាភិបាលមួយចំនួន ដែលរៀបចំដោយប្រធានាធិបតីបារាំងទេ។សម្តេចបន្តថា ដើម្បីសុវត្តិភាពសម្រាប់ប្រតិភូដែលចូលរួមប្រជុំ សម្តេចសម្រេចឲ្យប្រតិភូកម្ពុជាវិលត្រឡប់ទៅកម្ពុជាវិញទាំងអស់។ ឯតំណាងប្រទេសអាស៊ានយើង កំពុងចរចាប្រគល់ជូនឥណ្ឌូនេសុី ជាតំណាងតែម្តង៕

លោក Zelenskiy ប្តេជ្ញាបណ្តេញរុស្ស៊ីចេញពីទឹកដីអ៊ុយក្រែនទាំងអស់

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បានមកដល់ទីក្រុង Kherson កាលពីថ្ងៃចន្ទ ដោយស្វាគមន៍នូវភាពរីករាយក្នុងទីក្រុងទើបរំដោះបាននាពេលថ្មីៗនេះ ខណៈប្រជាជនក្នុងតំបន់បានប្រមូលផ្តុំគ្នាលើកទង់ជាតិអ៊ុយក្រែន។ ទីក្រុង Kherson គឺជារបស់អ៊ុយក្រែនជារៀងរហូត វាជាទឹកដីរបស់អ៊ុយក្រែនគ្រប់ពេលវេលា។ ការរំដោះបានមកវិញទីក្រុង Kherson គឺជាជ័យជម្នះដ៏ធំបំផុតដែលកងទ័ពអ៊ុយក្រែនបានទទួលរហូតមកដល់ពេលនេះ ហើយលោក Zelenskiy បានប្តេជ្ញាបណ្តេញរុស្ស៊ីចេញពីទឹកដីដែលត្រូវបានចូលមកកាន់កាប់ទាំងអស់។ យើងត្រៀមខ្លួនរួចជាស្រេចសម្រាប់សន្តិភាព ហើយយើងគោរពច្បាប់ និងគោរពអធិបតេយ្យភាពរបស់ប្រទេសទាំងអស់ ប៉ុន្តែបច្ចុប្បន្ននេះយើងកំពុងនិយាយអំពីប្រទេសរបស់យើង ដែលយើងកំពុងប្រយុទ្ធប្រឆាំងការឈ្លានពានរបស់រុស្ស៊ី។ អមដោយអង្គរក្សប្រដាប់អាវុធ លោក Zelenskiy បាននិយាយទៅកាន់ក្រុមទាហានថា ពួកគេបានបង្ហាញថា វាមិនអាចទៅរួចទេក្នុងការធ្វើឲ្យអ៊ុយក្រែនស្លាប់ មុនពេលមានការគោរពយ៉ាងស្ងៀមស្ងាត់ដល់កងទ័ពដែលបានស្លាប់ ក្នុងអំឡុងពេលប្រយុទ្ធ។ទាហានរុស្ស៊ីបានបន្សល់ទុកក្នុងទីក្រុងមួយនេះនូវគំនរបាក់បែកអគារ និងហេដ្ឋារចនាសម្ព័ន្ធដែលត្រូវបានបំផ្លាញ ហើយផ្លូវនានាពេញដោយគ្រាប់មីន។ យោងតាមមន្ត្រីអ៊ុយក្រែនក្នុងតំបន់កាន់កាប់ដោយប្រទេសរុស្ស៊ីនិយាយថា ស្ពានតែមួយគត់ដែលតភ្ជាប់ទីក្រុង Kherson ទៅកាន់ទឹកដីដែលគ្រប់គ្រងដោយរុស្ស៊ីត្រូវបានបំផ្លាញ។ លោក Zelenskiy និយាយថា មុននេះអ៊ុយក្រែនបានប្រមូលភស្តុតាងនៃឧក្រិដ្ឋកម្មសង្គ្រាមយ៉ាងហោចណាស់ ៤០០ករណីដែលត្រូវបានប្រព្រឹត្តដោយទាហានរុស្ស៊ី ក្នុងអំឡុងពេលចូលកាន់កាប់តំបន់របស់ពួកគេ រួមទាំងការសម្លាប់ និងការចាប់ពង្រត់៕អត្ថបទ៖ ប៊ុនថន

ប្រធានាធិបតីអាមេរិក និងចិនមិនចុះសម្រុងគ្នាជុំវិញបញ្ហាកោះតៃវ៉ាន់

ឥណ្ឌូនេស៊ី៖ ប្រធានាធិបតីសហរដ្ឋអាមេរិកលោក Joe Biden និងប្រធានាធិបតីចិនលោក Xi Jinping បានចូលរួមកិច្ចពិភាក្សាដោយត្រង់ៗជុំវិញបញ្ហាកោះតៃវ៉ាន់ និងប្រទេសកូរ៉េខាងជើងកាលពីថ្ងៃចន្ទ ក្នុងកិច្ចប្រជុំរយៈពេល ៣ម៉ោងក្នុងគោលបំណងការពារទំនាក់ទំនងរវាងអាមេរិក និងចិនដែលកំពុងជួបភាពតានតឹងមិនឲ្យធ្លាក់ចូលទៅក្នុងសង្គ្រាមត្រជាក់ថ្មី។ ក្នុងពេលមានការខ្វែងគំនិតគ្នាលើបញ្ហាសិទ្ធិមនុស្ស ការវាយលុករបស់រុស្ស៊ីលើអ៊ុយក្រែន និងការគាំទ្រឧស្សាហកម្មក្នុងស្រុក មេដឹកនាំទាំងពីរបានសន្យាឲ្យមានទំនាក់ទំនងប្រសើរជាងមុន។ លោក Biden បាននិយាយបន្ទាប់ពីកិច្ចពិភាក្សារបស់លោកជាមួយលោក Xi Jinping នៅខាងក្រៅកិច្ចប្រជុំកំពូល G20 នៅប្រទេសឥណ្ឌូនេស៊ីថា យើងនឹងប្រកួតប្រជែងយ៉ាងខ្លាំងក្លា។ ប៉ុន្តែលោកមិនស្វែងរកជម្លោះនោះទេ លោកកំពុងស្វែងរកការគ្រប់គ្រងការប្រកួតប្រជែងនេះដោយការទទួលខុសត្រូវ។ ទីក្រុងប៉េកាំងបាននិយាយជាយូរមកហើយថា ខ្លួននឹងនាំយកកោះស្វ័យគ្រប់គ្រងមួយនេះ ដែលខ្លួនបានចាត់ទុកថា ជាផ្នែកមួយមិនអាចកាត់ផ្តាច់បានពីប្រទេសចិនឲ្យមកនៅក្រោមការគ្រប់គ្រងរបស់ខ្លួន ហើយមិនបានបដិសេធចំពោះការប្រើប្រាស់កម្លាំងដើម្បីយកមកវិញនោះទេ។ ចិនបានចោទប្រកាន់អាមេរិកជាញឹកញាប់ក្នុងរយៈពេលប៉ុន្មានឆ្នាំចុងក្រោយនេះថា បានជំរុញទឹកចិត្តកោះតៃវ៉ាន់ចំពោះឯករាជ្យភាព។ប្រព័ន្ធផ្សព្វផ្សាយរដ្ឋចិនបាននិយាយថា នៅក្នុងសេចក្តីថ្លែងការណ៍មួយបន្ទាប់ពីកិច្ចប្រជុំរបស់មេដឹកនាំទាំងពីរ លោក Xi បានចាត់ទុកកោះតៃវ៉ាន់ថា ជាបន្ទាត់ក្រហមដំបូងដែលមិនត្រូវបានឲ្យឆ្លងកាត់ក្នុងទំនាក់ទំនងរវាងសហរដ្ឋអាមេរិក និងចិននោះទេ។ ស្តីពីប្រទេសកូរ៉េខាងជើង លោក Biden និយាយថា វាពិបាកក្នុងការដឹងថា តើទីក្រុងប៉េកាំងមានឥទ្ធិពលលើការសាកល្បងអាវុធរបស់ទីក្រុងព្យុងយ៉ាងដែរ ឬទេ។ វាពិបាកនឹងនិយាយថា លោកប្រាកដថាចិនអាចគ្រប់គ្រងកូរ៉េខាងជើងបាន។ លោកបានប្រាប់លោក Xi ថា សហរដ្ឋអាមេរិកនឹងធ្វើអ្វីដែលខ្លួនត្រូវធ្វើដើម្បីការពារខ្លួន និងសម្ព័ន្ធមិត្តកូរ៉េខាងត្បូង និងជប៉ុន៕អត្ថបទ៖ ប៊ុនថន

សម្តេចតេជោ ហ៊ុន សែន ត្រៀមចាកចេញពីឥណ្ឌូនេស៊ី ត្រឡប់មកកម្ពុជាវិញនៅរសៀលនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានប្រកាសមុននេះបន្តិចថា សម្តេចត្រៀមចាកចេញពីឥណ្ឌូនេសុី ត្រឡប់ទៅកម្ពុជាវិញ បន្ទាប់ពីអង្គុយរង់ចាំការអនុញ្ញាតពីប្រទេស ដែលត្រូវហោះហើរឆ្លងកាត់។សម្តេចតេជោ ហ៊ុន សែន សូមអរគុណដល់មិត្តឥណ្ឌូនេសុី ដែលបានយកចិត្តទុកដាក់ទទួលប្រតិភូរបស់កម្ពុជា និងសូមអធ្យាស្រ័យដែលកម្ពុជាមិនអាចចូលប្រជុំ-G20 បាន។ សម្តេចតេជោ ក៏សូមអរគុណបងប្អូនជនរួមជាតិដែលព្រួយបារម្មណ៍ពីសុខភាពរបស់សម្តេច។ ការហោះរយៈពេល ៣ម៉ោង៣០នាទី ដែលសម្តេចនឹងមកដល់កម្ពុជានៅក្បាលព្រលប់ល្ងាចនេះ៕

ម្ចាស់ផ្ទះកិច្ចប្រជុំ G20 និយាយថា ពិភពលោកមិនអាចដើរទៅមុខបានទេ បើសង្គ្រាមមិនបញ្ចប់

ឥណ្ឌូនេស៊ី៖ លោកប្រធានាធិបតីឥណ្ឌូនេស៊ី Joko Widodo ដែលជាប្រធានកិច្ចប្រជុំ G20 នៅថ្ងៃអង្គារនេះបានអំពាវនាវឲ្យមានការឯកភាពគ្នានៅឯកិច្ចប្រជុំកំពូលឆ្នាំ២០២២ របស់ប្លុកនេះ និងនិយាយថា ក្រុមប្រទេសទាំងនេះមិនត្រូវបណ្ដោយឲ្យពិភពលោក ធ្លាក់ចូលក្នុងសង្គ្រាមត្រជាក់ថ្មីមួយទៀតឡើយ ហើយថាជម្លោះត្រូវតែបញ្ចប់។ លោកបាននិយាយថា បើសង្គ្រាមមិនបញ្ចប់ទេ វានឹងលំបាកសម្រាប់ឲ្យពិភពលោកបោះជំហានទៅមុខ ដោយលោកពុំបានសំដៅដោយផ្ទាល់ដល់សង្គ្រាមនៅក្នុងប្រទេសអ៊ុយក្រែនទេ ក្នុងពេលថ្លែងសុន្ទរកថាបើកនៅកិច្ចប្រជុំកំពូលនោះ។ ឥណ្ឌូនេស៊ីដែលធ្វើជាម្ចាស់ផ្ទះនៃជំនួបសម្រាប់ប្លុកនេះសង្ឃឹមថា ក្រុមមេដឹកនាំមានសេដ្ឋកិច្ចលូតលាស់ខ្លាំងទាំង២០ អាចផ្ដោតលើសកម្មភាពដើម្បីជួយស្រោចស្រង់សេដ្ឋកិច្ច ទោះបីជាភាពប្រេះឆាមានកាន់តែខ្លាំងដោយសារតែសង្គ្រាមនៅក្នុងប្រទេសអ៊ុយក្រែនក៏ដោយ។លោកខាងលិចបានចោទរុស្ស៊ីពីបទបង្កើតសេចក្ដីថ្លែងការណ៍ដោយគ្មានទំនួលខុស ត្រូវលើលទ្ធភាពនៃការប្រើប្រាស់អាវុធនុយក្លេអ៊ែរចាប់តាំងពីការវាយលុករបស់ខ្លួនលើអ៊ុយក្រែន។ រុស្ស៊ីបានចោទប្រកាន់បកទៅលោកខាងលិចវិញ ពីបទប្រើប្រាស់វោហារសាស្ត្រនុយក្លេអ៊ែរបង្ករឿង។ យោងតាមសេចក្ដីពង្រាងបឋមនៃសេចក្ដីថ្លែងការណ៍របស់ក្រុមប្រទេស G20 ទទួលបានដោយទូរទស្សន៍ Reuters ក្រុមមេដឹកនាំប្រទេស G20 នឹងស្ដីបន្ទោសការប្រើប្រាស់ ឬគំរាមការប្រើប្រាស់អាវុធនុយក្លេអ៊ែរ៕អត្ថបទ៖ សុខមាន

កិច្ចប្រជុំ G20 បានចាប់ផ្ដើមនៅឥណ្ឌូនេស៊ី ខណៈសង្គ្រាមអ៊ុយក្រែន និងអតិផរណាជារបៀបវារៈកំពូល

ឥណ្ឌូនេស៊ី៖ ក្រុមមេដឹកនាំប្រទេសមានឧស្សាហ៍កម្មលូតលាស់ទាំង២០ ឬ G20 បានបើកការពិភាក្សានៅថ្ងៃអង្គារនេះនៅលើកោះបាលី បន្ទាប់ពីព្រឹត្តិការណ៍ចុងក្រោយដោយម្ចាស់ផ្ទះឥណ្ឌូនេស៊ី សម្រាប់ប្លុកនេះផ្ដោតលើសកម្មភាពដើម្បីជួយស្រោចស្រង់វិបត្តិសេដ្ឋកិច្ចសកល ទោះបីជាមានការប្រេះឆាកាន់តែខ្លាំងដោយសារសង្គ្រាមក្នុងប្រទេសអ៊ុយក្រែន។ កិច្ចប្រជុំ G20 ដែលរាប់បញ្ចូលទាំងប្រទេសចាប់ពីប្រេស៊ីលរហូតដល់ឥណ្ឌា អារ៉ាប៊ីសាអ៊ូឌីត និងអាល្លឺម៉ង់មានច្រើនជាង 80% នៃផលិតផលក្នុងស្រុកសរុបរបស់ពិភពលោក 75% នៃពាណិជ្ជកម្មអន្តរជាតិ និង 60% នៃចំនួនប្រជាជនរបស់ខ្លួន។ សញ្ញាវិជ្ជមានមុនកិច្ចប្រជុំនេះគឺជាជំនួបទ្វេភាគីរយៈពេល ៣ម៉ោងរវាងលោកប្រធានាធិបតីអាមេរិក Joe Biden និងប្រធានាធិបតីចិន Xi Jinping ដែលមេដឹកនាំទាំង២ បានសន្យាបង្កើនទំនាក់ទំនងកាន់តែល្អប្រសើរថែមទៀត ទោះបីមានការខ្វែងគំនិតគ្នាជាច្រើនក៏ដោយ។ស្របពេលដែលសង្គ្រាមអ៊ុយក្រែន និងការហក់ឡើងខ្ពស់នៃអតិផរណាសកល ក្លាយជារបៀបវារៈដ៏សំខាន់ក្នុងជំនួបកំពូលនេះ ប្រធានាធិបតីឥណ្ឌូនេស៊ីបានអំពាវនាវជាថ្មីទៀត ដល់បណ្ដាមេដឹកនាំរបស់ប្រទេសមានទ្រព្យសម្បត្តិស្ដុកស្ដម្ភបំផុតរបស់ពិភពលោក រួបរួមគ្នាដោះស្រាយបញ្ហាសេដ្ឋកិច្ច៕អត្ថបទ៖ សុខមាន

មហាសន្និបាតអង្គការសហប្រជាជាតិអំពាវនាវឲ្យរុស្ស៊ីចេញសំណងការខូចខាតដល់អ៊ុយក្រែន

UN៖ មហាសន្និបាតអង្គការសហប្រជាជាតិបានអនុម័តសេចក្ដីសម្រេចមួយ អំពាវនាវឲ្យរុស្ស៊ីទទួលខុសត្រូវចំពោះការបំពានច្បាប់អន្តរជាតិ ដោយសារតែការវាយលុកចូលអ៊ុយក្រែន។ ផលវិបាកជាច្រើនដែលត្រូវបានលើកឡើង រួមមានការចេញសំណងសម្រាប់ការខូចខាត និងការបាត់បង់អាយុជីវិតមនុស្សជាច្រើនអំឡុងសង្គ្រាម។ សេចក្ដីសម្រេចនេះបានអនុម័តកាលពីថ្ងៃចន្ទដោយមានសំឡេងគាំទ្រ ៩៤ នៃសមាជិក ១៩៣ របស់អង្គមហាសន្និបាត។ មហាសន្និបាតអង្គការសហប្រជាជាតិបាននិយាយថា រុស្ស៊ីដែលបានវាយលុកប្រទេសជិតខាងរបស់ខ្លួនកាលពីខែកុម្ភៈ ត្រូវតែទទួលយករាល់ផលវិបាកស្របច្បាប់ទាំងអស់នៃទង្វើខុសច្បាប់អន្តរជាតិរបស់ខ្លួន រួមទាំងការចេញសំណងសម្រាប់អ្នករងរបួស រួមទាំងការខូចខាតទាំងឡាយបណ្ដាលមកពីការប្រព្រឹត្តទាំងនោះ។ប្រទេសចំនួន ១៤ បានបោះឆ្នោតប្រឆាំងនឹងសេចក្ដីសម្រេចនោះរួមទាំងរុស្ស៊ី ចិន និងអ៊ីរ៉ង់ ចំណែក ប្រទេសចំនួន ៧៣ទៀតអនុបវាទរួមទាំងប្រេស៊ីល ឥណ្ឌា និងអាហ្វ្រិកខាងត្បូង។ មិនមែនរដ្ឋជាសមាជិកទាំងអស់សុទ្ធតែបានបោះឆ្នោតនោះទេ។ នេះគឺជាការគាំទ្រកម្រិតទាបបំផុតនៃសេចក្ដីសម្រេចចំនួន ៥ ពាក់ព័ន្ធនឹងអ៊ុយក្រែនដែលត្រូវបានបង្កើតឡើងដោយមហាសន្និបាតអង្គការសហប្រជាជាតិ ចាប់តាំងពីរុស្ស៊ីវាយប្រហារចូលអ៊ុយក្រែនកាលពីថ្ងៃទី២៤ ខែកុម្ភៈ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ១៤នាក់ ស្លាប់ ពេលអគ្គិភ័យឆាបឆេះអគារមួយខ្នងនៅទីក្រុង Lucknow ប្រទេសឥណ្ឌា

ពលរដ្ឋជម្លៀសខ្លួននៅលីបង់ ព្រួយបារម្ភខ្លាចបទឈប់បាញ់អ៊ីស្រាអែល-ក្រុមហេសបូឡា ពុំចូលជាធរមាន

ពលរដ្ឋហ្កាហ្សាស្វែងរកកន្លែងស្រាកស្រាន្តនៅក្នុងសមុទ្រកខ្វក់ ដើម្បីគេចវេះពីអាកាសធាតុក្តៅ

រលកបាតុកម្មអាល់បានី ឈានចូលដល់សប្តាហ៍ទី ៤ បើទោះបីជាអាកាសធាតុក្តៅក៏ដោយ

សត្វស្លាបផ្លាស់ទីជម្រក ២ក្បាល បញ្ជាក់ថាមានជំងឺគ្រុនផ្តាសាយបក្សី H5N1 នៅអូស្រ្តាលី

ក្រុមភ្នាក់ងារពន្លត់អគ្គិភ័យបន្តពន្លត់អណ្តាតភ្លើងឆាបឆេះឃ្លាំងស្តុកទំនិញមួយកន្លែងនៅទីក្រុង Houston សហរដ្ឋអាមេរិក

កូរ៉េខាងត្បូងព្រមទទួលយកឈ្លើយសឹកកូរ៉េខាងជើងទាំងអស់នៅអ៊ុយក្រែន បើសិនជាពួកគេប្រាថ្នា

លោក Putin ៖ កងកម្លាំងរុស្ស៊ីជិតដណ្តើមបានទីក្រុង Kostiantynivka ស្ថិតក្នុងតំបន់ Donetskរបស់អ៊ុយក្រែន

តំបន់គ្រីមៀបិទភ្លើងបំភ្លឺតាមផ្លូវ ផ្អាកសេវាដឹកជញ្ជូនសាធារណៈ ខណៈជួបកង្វះខាតប្រេងឥន្ធនៈ

រលកកម្តៅខែមិថុនាបានបំណែកកំណត់ត្រាកាលពីថ្ងៃចន្ទនៅទីក្រុង Nante របស់បារាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ការបាញ់ស្រោចមីស៊ីលរបស់រុស្ស៊ីបណ្ដាលឲ្យដាច់ចរន្តអគ្គិសនីទូទាំងប្រទេសអ៊ុយក្រែន

សម្តេចតេជោ ហ៊ុន សែន ៖ តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច..!

លោក ហ៊ុន ម៉ាណែត បបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យឆាប់ដឹងសដឹងខ្មៅ

សម្តេចតេជោ ហ៊ុន សែន ដឹកនាំគណៈប្រតិភូត្រលប់ពីឥណ្ឌូនេស៊ី មកដល់កម្ពុជាហើយ

លោក Zelenskiy ប្តេជ្ញាបណ្តេញរុស្ស៊ីចេញពីទឹកដីអ៊ុយក្រែនទាំងអស់

ប្រធានាធិបតីអាមេរិក និងចិនមិនចុះសម្រុងគ្នាជុំវិញបញ្ហាកោះតៃវ៉ាន់

សម្តេចតេជោ ហ៊ុន សែន ត្រៀមចាកចេញពីឥណ្ឌូនេស៊ី ត្រឡប់មកកម្ពុជាវិញនៅរសៀលនេះ

ម្ចាស់ផ្ទះកិច្ចប្រជុំ G20 និយាយថា ពិភពលោកមិនអាចដើរទៅមុខបានទេ បើសង្គ្រាមមិនបញ្ចប់

កិច្ចប្រជុំ G20 បានចាប់ផ្ដើមនៅឥណ្ឌូនេស៊ី ខណៈសង្គ្រាមអ៊ុយក្រែន និងអតិផរណាជារបៀបវារៈកំពូល

មហាសន្និបាតអង្គការសហប្រជាជាតិអំពាវនាវឲ្យរុស្ស៊ីចេញសំណងការខូចខាតដល់អ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ការបាញ់​ស្រោច​មី​ស៊ី​ល​របស់​រុស្ស៊ី​បណ្ដាល​ឲ្យ​ដាច់​ចរន្តអគ្គិសនីទូទាំងប្រទេស​អ៊ុយ​ក្រែ​ន​

សម្តេចតេជោ ហ៊ុន សែន ​៖ តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច..!

លោក ហ៊ុន ម៉ាណែត បបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យ​ឆាប់​​ដឹង​ស​ដឹងខ្មៅ

សម្តេចតេជោ ហ៊ុន សែន ដឹកនាំគណៈប្រតិភូត្រលប់ពីឥណ្ឌូនេស៊ី មកដល់កម្ពុជាហើយ

លោក Zelenskiy ប្តេជ្ញា​បណ្តេញ​រុស្ស៊ី​ចេញពី​ទឹកដី​អ៊ុយ​ក្រែ​ន​ទាំងអស់​

ប្រធានាធិបតី​អាមេរិក ​និង​ចិន​មិន​ចុះសម្រុង​គ្នា​ជុំវិញ​បញ្ហា​កោះ​តៃវ៉ាន់​

សម្តេចតេជោ ហ៊ុន សែន ត្រៀមចាកចេញពីឥណ្ឌូនេស៊ី ត្រឡប់មកកម្ពុជាវិញនៅរសៀលនេះ

ម្ចាស់ផ្ទះ​កិច្ចប្រជុំ G20 និយាយថា ​ពិភពលោក​មិនអាច​ដើរទៅ​មុខ​បានទេ បើ​សង្គ្រាម​មិន​បញ្ចប់​

កិច្ចប្រជុំ​ G20 បាន​ចាប់ផ្ដើម​នៅ​ឥណ្ឌូនេស៊ី ខណៈ​សង្គ្រាម​អ៊ុយ​ក្រែ​ន និង​អតិផរណា​ជា​របៀបវារៈ​កំពូល

មហាសន្និបាត​អង្គការសហប្រជាជាតិ​អំពាវនាវ​ឲ្យ​រុស្ស៊ី​ចេញ​សំណង​ការ​ខូចខាត​ដល់​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការបាញ់ស្រោចមីស៊ីលរបស់រុស្ស៊ីបណ្ដាលឲ្យដាច់ចរន្តអគ្គិសនីទូទាំងប្រទេសអ៊ុយក្រែន

សម្តេចតេជោ ហ៊ុន សែន ៖ តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច..!

លោក ហ៊ុន ម៉ាណែត បបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យឆាប់ដឹងសដឹងខ្មៅ

លោក Zelenskiy ប្តេជ្ញាបណ្តេញរុស្ស៊ីចេញពីទឹកដីអ៊ុយក្រែនទាំងអស់

ប្រធានាធិបតីអាមេរិក និងចិនមិនចុះសម្រុងគ្នាជុំវិញបញ្ហាកោះតៃវ៉ាន់

ម្ចាស់ផ្ទះកិច្ចប្រជុំ G20 និយាយថា ពិភពលោកមិនអាចដើរទៅមុខបានទេ បើសង្គ្រាមមិនបញ្ចប់

កិច្ចប្រជុំ G20 បានចាប់ផ្ដើមនៅឥណ្ឌូនេស៊ី ខណៈសង្គ្រាមអ៊ុយក្រែន និងអតិផរណាជារបៀបវារៈកំពូល

មហាសន្និបាតអង្គការសហប្រជាជាតិអំពាវនាវឲ្យរុស្ស៊ីចេញសំណងការខូចខាតដល់អ៊ុយក្រែន