BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

តើនាយករដ្ឋមន្ត្រីហិណ្ឌូដំបូងរបស់អង់គ្លេស ជាមេដឹកនាំឈាមជ័រអាស៊ីដំបូង Rishi Sunak ជានរណា?

អង់គ្លេស៖ លោក Rishi Sunak បានក្លាយជានាយករដ្ឋមន្ត្រីហិណ្ឌូដំបូងរបស់ចក្រភពអង់គ្លេស ជាមេដឹកនាំឈាមជ័រអាស៊ីដំបូង និងក្មេងជាងគេបំផុតក្នុងរយៈពេលជាង ២០០ឆ្នាំដោយលោកមានអាយុត្រឹមតែ ៤២ឆ្នាំប៉ុណ្ណោះ។ លោក Sunak បានកើតនៅក្នុងទីក្រុង Southampton ឪពុកម្ដាយមានដើមកំណើតឥណ្ឌានៅរដ្ឋ Punjab ដែលបានធ្វើអន្តោប្រវេសន៍ពីអាហ្វ្រិកខាងកើតទៅចក្រភពអង់គ្លេសក្នុងទសវត្សរ៍ឆ្នាំ1960។ លោកបានទទួលការអប់រំនៅមហាវិទ្យាល័យ Winchester និងសិក្សាទស្សនវិជ្ជា នយោបាយ និងសេដ្ឋកិច្ច (PPE) នៅមហាវិទ្យាល័យ Lincoln, Oxford និងបានបញ្ចប់ការសិក្សាផ្នែកបរិញ្ញាបត្រជាន់ខ្ពស់រដ្ឋបាលពាណិជ្ជសាស្ត្រ ពីសាកលវិទ្យាល័យ Stanford ក្នុងរដ្ឋ California ក្នុងនាមជានិស្សិតមិនមែនជនជាតិអាមេរិក។ លោក Sunak ត្រូវបានជ្រើសរើសជាសមាជិកសភាប្រចាំមណ្ឌល Richmond ក្នុងតំបន់ North Yorkshire ក្នុងការបោះឆ្នោតសកលឆ្នាំ2015 ដោយបានផ្ដួលលោក William Hague។ លោក Sunak បានគាំទ្រការបញ្ចប់សមាជិកភាពពីសហភាពអឺរ៉ុប ឬ Brexit ក្នុងឆ្នាំ2016។ បន្ទាប់ពីអតីតនាយករដ្ឋមន្ត្រីលោកស្រី Theresa May លាលែងពីតំណែង លោក Sunak បានគាំទ្រយុទ្ធនាការរបស់លោក Boris Johnson ក្លាយជាមេដឹកនាំគណបក្សអភិរក្សនិយម។ បន្ទាប់ពីលោក Johnson ត្រូវបានជ្រើសរើស និងតែងតាំងជានាយករដ្ឋមន្ត្រី លោកបានតែងតាំង Sunak ជារដ្ឋមន្ត្រីរតនាគារ។ លោក Sunak បានជំនួសលោក Sajid Javid ជារដ្ឋមន្ត្រីក្រសួងហិរញ្ញវត្ថុ បន្ទាប់ពីការលាលែងរបស់លោកនៅក្នុងការរុះរើគណៈរដ្ឋមន្ត្រីខែកុម្ភៈ ឆ្នាំ2020។លោកបានលាលែងពីតំណែងជារដ្ឋមន្ត្រីក្រសួងហិរញ្ញវត្ថុនៅថ្ងៃទី៥ ខែកក្កដា ឆ្នាំ2022 ក្រោយមកលោក Johnson ក៏បានលាលែងពីតំណែង ស្របពេលជួបវិបត្តិក្នុងរដ្ឋាភិបាល។ លោក Sunak បានឈរឈ្មោះក្នុងការបោះឆ្នោតជ្រើសរើសមេដឹកនាំគណបក្សអភិរក្ស ដើម្បីជំនួសលោក Johnson ហើយបានចាញ់លោកស្រី Liz Truss ក្នុងការបោះឆ្នោតក្នុងបក្ស។ បន្ទាប់ពីការលាលែងពីតំណែងរបស់លោកស្រី Truss ខណៈមានវិបត្តិរដ្ឋាភិបាលមួយផ្សេងទៀត លោក Sunak ត្រូវបានបោះឆ្នោតជ្រើសរើសដោយមិនមានការជំទាស់ ក្នុងឋានៈជាមេដឹកនាំនៃគណបក្សអភិរក្សនិយម ហើយត្រូវបានក្លាយជានាយករដ្ឋមន្ត្រីអង់គ្លេសដំបូងគេមានឈាមជ័រអាស៊ីខាងត្បូង និងជានាយករដ្ឋមន្ត្រីដែលមិនមែនជាជនជាតិស្បែកសដំបូងគេ របស់ចក្រភពអង់គ្លេសនៅក្នុងរយៈពេល ៣០១ឆ្នាំក្នុងប្រវត្តិសាស្ត្រ៕អត្ថបទ៖ សុខមាន

មនុស្ស ៣នាក់ស្លាប់ និង ៧នាក់របួសក្នុងការបាញ់ប្រហារនៅសាលារៀនក្នុងរដ្ឋ Missouri សហរដ្ឋអាមេរិក

អាមេរិក៖ មនុស្សយ៉ាងហោចណាស់ ៣នាក់រួមទាំងជនសង្ស័យម្នាក់បានស្លាប់ និង ៧នាក់ផ្សេងទៀតរងរបួស បន្ទាប់ពីការបាញ់ប្រហារនៅវិទ្យាល័យមួយក្នុងទីក្រុង St Louis រដ្ឋ Missouri សហរដ្ឋអាមេរិក។ក្មាន់កាំភ្លើងខាងលើបានចូលទៅក្នុងវិទ្យាល័យ Central Visual & Performing Arts ភ្លាមៗបន្ទាប់ពីម៉ោង 09:00 ម៉ោងនៅសហរដ្ឋអាមេរិកកាលពីថ្ងៃចន្ទ។ ទ្វារទាំងអស់របស់អគារសាលារៀនត្រូវបានចាក់សោរ ហើយមិនត្រូវបានបញ្ជាក់ច្បាស់ភ្លាមៗទេថា តើជនសង្ស័យនោះអាចចូលទៅក្នុងបានដោយរបៀបណា។ សាក្សីជាច្រើនបាននិយាយថា មានមនុស្សជាច្រើនត្រូវបានជួយសង្គ្រោះ បន្ទាប់ពីអាវុធរបស់ក្មាន់កាំភ្លើងបានគាំងពេលកំពុងបាញ់ប្រហារ។សាលារដ្ឋជាច្រើននៅទីក្រុង St Louis និយាយថា នគរបាលបានបញ្ឈប់ក្មាន់កាំភ្លើងយ៉ាងឆាប់រហ័ស។ ជនសង្ស័យដែលត្រូវបាននគរបាលកំណត់អត្តសញ្ញាណមានវ័យ ១៩ឆ្នាំជាអតីតសិស្សវិទ្យាល័យនេះ បានបាញ់តបតគ្នាជាមួយនគរបាល ហើយក្រោយមកបានស្លាប់ដោយសាររបួស។ គេនៅមិនទាន់ដឹងច្បាស់ទេពីមូលហេតុដែលនាំឲ្យជនល្មើសសម្រេចចិត្ត បើកការវាយប្រហារលើវិទ្យាល័យដែលមានសិស្សប្រមាណ ៤០០នាក់មួយនេះ៕អត្ថបទ៖ សុខមាន

សម្ដេចតេជោ៖ កម្ពុជានៅតែមានលទ្ធភាពដោះស្រាយបញ្ហាគ្រោះមហន្តរាយ និងពុំមានក្ស័យធន

សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា រាជរដ្ឋាភិបាលកម្ពុជា ពុំមានក្ស័យធន ក្នុងការដោះស្រាយបញ្ហាគ្រោះមហន្តរាយ ដល់ពលរដ្ឋរងគ្រោះនោះទេ ហើយការទទួលបាននូវស្បៀងអាហារជាបន្តបន្ទាប់ ពីសប្បុរសជននានា មិនមែនជាការរាយអង្គាស ដូចការចោទប្រកាន់របស់ពួកប្រឆាំងនោះដែរ ។ក្នុងពិធីចែកស្បៀងអាហារ និងពូជស្រូវ ដល់ប្រជាពលរដ្ឋរងគ្រោះដោយទឹកជំនន់ជាង ៥ពាន់គ្រួសារ នៅខេត្តពោធិ៍សាត់ នាថ្ងៃទី២៥ ខែតុលា ឆ្នាំ២០២២ សម្ដេតេជោនាយករដ្ឋមន្ត្រី បានថ្លែងអំណរគុណ ដល់ព្រះសង្ឃ សប្បុរសជននានា ដែលបានចូលរួមនូវស្បៀងអាហារ សម្រាប់ចែកជូនប្រជាពលរដ្ឋរងគ្រោះដោយសារទឹកជំនន់ នៅឆ្នាំ២០២២នេះ ដែលសម្ដេចបានចាត់ទុកថា នេះជាប្រពៃណីរបស់ពលរដ្ឋខ្មែរ ដែលតែងតែជួយគ្នាក្នុងគ្រាលំបាក ។សម្ដេចតេជោ បានបន្តថា សម្រាប់ការទទួលនូវស្បៀងអាហារ ពីសប្បុរសជន ជាការចូលរួមដោយទឹកចិត្តសប្បុរសធម៌ មិនមានការរាយអង្គាស ដូចការចោទប្រកាន់របស់ពួកប្រឆាំង មកលើរាជរដ្ឋាភិបាល ។ក្នុងឱកាសនេះ សម្ដេចតេជោ ហ៊ុន សែន ក៏បានប្រកាសពីការចូលរួមបន្ថែមពីសប្បុរសជន ដែលបានចូលរួមនូវអង្ករចំនួន ៥០០តោន ចំពោះរាជរដ្ឋាភិបាល ហើយសម្ដេចបានបែងចែកអង្ករទាំងអស់នោះទៅខេត្តពោធិ៍សាត់ បន្ទាយមានជ័យ កំពង់ធំ ព្រៃវែង និងកំពង់ឆ្នាំង សម្រាប់ចែកជូនប្រជាពលរដ្ឋរងគ្រោះដោយទឹកជំនន់ ។គួរបញ្ជាក់ថា សម្ដេចតេជោនាយករដ្ឋមន្ត្រីបានអញ្ជើញជាអធិបតី ចែកស្បៀងអាហារ និងស្រូវពូជ ដល់ពលរដ្ឋរងគ្រោះដោយទឹកជំនន់ រួចរាល់ហើយ នៅខេត្តបន្ទាយមានជ័យ បាត់ដំបង និងខេត្តពោធិ៍សាត់ និងគ្រោងបន្តចែកពលរដ្ឋនៅខេត្តកំពង់ឆ្នាំង ព្រៃវែង និងខេត្តកំពង់ធំ ៕ អត្ថបទ៖ បាន សុខរិទ្ធិ

សម្តេចតេជោ៖ អ្នកពោធិ៍សាត់សូមបន្តបោះឆ្នោត ជូនគណបក្សប្រជាជនកម្ពុជានៅឆ្នាំ២០២៣ជាបន្តទៀត

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងការអរគុណដល់ប្រជាពលរដ្ឋខេត្តពោធិ៍សាត់ដែលកន្លងមកបានបោះឆ្នោតជូនគណបក្សប្រជាជនកម្ពុជាយ៉ាងភ្លូកទឹកភ្លូកដី និយាយដោយឡែក និងជារួមប្រជាពលរដ្ឋកម្ពុជានៅទូទងប្រទេស ហើយសម្ដេចក៏សង្ឃឹមជឿជាក់ថា ប្រជាពលរដ្ឋនៅខេត្តពោធិ៍សាត់ក៏ដូចជាប្រជាពលរដ្ឋទូទាំងប្រទេសនឹងបន្តគាំទ្រគណបក្សប្រជាជនកម្ពុជា ។សម្តេចតេជោ ហ៊ុន សែន នាយករដ្ឋមន្ត្រីបានអំពាវនាវទៅកាន់ពលរដ្ឋយ៉ាងដូច្នេះ ខណៈ អញ្ជើញចុះជួបសំណេះសំណាល ចែកស្រូវពូជ និងស្បៀងជូនពលរដ្ឋរងគ្រោះដោយទឹកជំនន់នៅខេត្តពោធិ៍សាត់ជាង ៥០០០គ្រួសារ នៅព្រឹកថ្ងៃទី២៥ខែតុលា ឆ្នាំ២០២២នេះ។សម្តេចបញ្ជាក់ថា គណបក្សប្រជាជនកម្ពុជាមិនដែលចោលប្រជាជនម្តងណាទេ ដូច្នេះសូមបន្តបោះឆ្នោតជូនគណបក្សប្រជាជនកម្ពុជានៅឆ្នាំ២០២៣ខាងមុខជានេះបន្តទៀត។សម្តេចតេជោ ហ៊ុន សែន បានបន្តផ្តាំផ្ញើ ថ្លែងអំណរគុណជូនប្រជាពលរដ្ឋទាំងអស់ដែលបានគាំទ្របោះឆ្នោតជូនគណបក្សប្រជាជនកម្ពុជាកន្លងមក និងសូមបន្តគាំទ្រ តទៅទៀត។ សម្តេចបញ្ជាក់ថា អត្រាអ្នកបោះឆ្នោតជូនគណបក្សប្រជាជនកម្ពុជានៅខេត្តពោធិ៍សាត់មានអត្រាខ្ពស់ណាស់រហូតដល់ជាង៩៣% ហើយសង្ឃឹមថា៩៣%ដែលបោះជ្រើសរើសក្រុមប្រឹក្សាឃុំសង្កាត់កន្លងទៅនឹងនៅតែបន្តបោះសម្រាប់ការបោះឆ្នោតជ្រើសតាំងតំណាងរាស្ត្រនៅពេលខាងមុខ។ សម្តេចមានប្រសាសន៍ថា បើទោះបីជាពួកបក្សប្រឆាំងថាសម្តេចដើរឃោសនាបោះឆ្នោត ប៉ុន្តែសម្តេចថាបើបងប្អូនធ្លាប់បានបោះឆ្នោតឆ្នោតជូនហើយ អ៊ីចឹងសូមបន្តបោះទៀតទៅ មិនខុសអីទេ ព្រោះច្បាស់ណាស់ថាការដែលគេថាមុខដដែលៗនោះ គឺពិតណាស់ ,មុខដដែលៗនេះហើយដែលបានយកអង្ករ យកស្រូវពូជមកចែកជូនប្រជាពលរដ្ឋពេលមានគ្រោះមហន្តរាយផ្សេងៗ ខណៈមុខពួកប្រឆាំងមិនដឹងនៅឯណា ពោលគឺចាំតែដល់ខែបោះឆ្នោតទើបមករកសន្លឹកឆ្នោត។ សម្តេចថា គេថាអ្នកកាន់អំណាចមុខដដែលៗ ប៉ុន្តែពួកបក្សប្រឆាំងក៏មុខដដែលៗដូចគ្នា៕ អត្ថបទ៖ មុត សុទ្ធ

សម្តេចតេជោ ហ៊ុន សែន អំពាវនាវដល់បងប្អូនឲ្យចាកចេញពីគណបក្សមួយ ដែលកំពុងផ្សារភ្ជាប់ជាមួយជនក្បត់ជាតិ ដែលប្រមាថព្រះមហាក្សត្រ

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានធ្វើការអំពាវនាវដល់បងប្អូនប្រជាពលរដ្ឋមួយចំនួន ឲ្យចាកចេញជាបន្ទាន់ពីគណបក្សនយោបាយមួយ ដែលកំពុងផ្សារភ្ជាប់ជាមួយជនក្បត់ជាតិបីជំនាន់ សម រង្ស៊ី ដែលប្រមាថយ៉ាងធ្ងន់ធ្ងរបំផុតលើព្រះមហាក្សត្រជាទីគោរពសក្ការៈដ៏ខ្ពង់ខ្ពស់បំផុត នៃយើងថា «មិនមានមនសិកាជាតិ និងក្បត់ជាតិ» ជាដើមនោះ។ ថ្លែងនៅក្នុងឱកាសអញ្ជើញចែកស្រូវពូជជូនដល់បងប្អូនប្រជាកសិករប្រមាណ ៥,១៤៥គ្រួសារ រងគ្រោះដោយសារគ្រោះទឹកជំនន់ នៅខេត្តពោធិ៍សាត់ នាព្រឹកថ្ងៃទី២៥ ខែតុលា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា នាប៉ុន្មានថ្ងៃមកនេះជនក្បត់ជាតិបីជំនាន់ (ទណ្ឌិតសម រង្ស៊ី) មិនត្រឹមតែជេរប្រមាថសម្តេចប៉ុណ្ណោះទេ តែជនក្បត់ជាតិរូបនេះបានប្រមាថយ៉ាងធ្ងន់ធ្ងរដល់អង្គព្រះមហាក្សត្រជាទីគោរពសក្ការៈ នៃយើងទាំងអស់គ្នាទៀត ខណៈការប្រមាថនេះត្រូវបានប្រជាពលរដ្ឋ មន្រ្តីរាជការ កងកម្លាំង ប្រដាប់អាវុធ បណ្តាគណបក្សនយោបាយផ្សេងៗកំពុងធ្វើការថ្កោលទោសយ៉ាងដាច់អហង្ការផងដែរ។សូមបញ្ជាក់ថា ក្រោយពីជនក្បត់ជាតិបីជំនាន់ សម រង្ស៊ី បានចេញវិដេអូឃ្លីបប្រមាថយ៉ាងធ្ងន់ធ្ងរបំផុតលើព្រះចេស្តា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលជាទីគោរពសក្ការៈដ៏ខ្ពង់ខ្ពស់បំផុតរបស់ប្រជាជាតិខ្មែរទូទាំងនគរថា «មិនមានមនសិកា»ជាតិ និង«ក្បត់ជាតិ»នោះ បងប្អូនប្រជាពលរដ្ឋ មន្រ្តីរាជការ កងកម្លាំងប្រដាប់អាវុធគ្រប់ប្រភេទ រួមទាំង បណ្តាគណបក្សនយោបាយមួយចំនួនបាន ចេញសេចក្តីថ្លែងការណ៍ និងញត្តិថ្កោលទោសយ៉ាងដាច់អហង្ការចំពោះជនក្បត់ជាតិបីជំនាន់នេះ។បងប្អូនប្រជាពលរដ្ឋ ក៏បានអំពាវនាវឱ្យអាជ្ញាធរមានសមត្ថកិច្ចចាត់វិធានការច្បាប់ឱ្យបានម៉ឺងម៉ាត់ជាទីបំផុតទៅលើទណ្ឌិតជាប់ទោសក្បត់ជាតិ សម រង្ស៊ី ព្រមទាំងបក្សពួក ដែលហ៊ានប្រព្រឹត្តអំពើប្រមាថដ៏ធ្ងន់ធ្ងរបំផុតដែលប្រជារាស្ត្រខ្មែរទូទាំងនគរមិនអាចអត់ឱនឱ្យបានជាដាច់ខាត។ សម្តេចតេជោ ហ៊ុន សែន ក៏បានប្រកាសយ៉ាងដាច់ហង្ការផងដែរថា សម្តេចត្រូវតែកំចាត់ចោលឲ្យ ខាងតែបានចំពោះជនក្បត់ជាតិបីជំនាន់ និងបក្សពួក មិនថាកាលៈទេសៈណានោះឡើយ ដែលព្យាយាមបំផ្លិតបំផ្លាញសុខសន្តិភាពដែលកំពុងមានសព្វថ្ងៃ និងបានជេរប្រមាថដល់អង្គព្រះមហាក្សត្រដែលជាទីគោរពសក្ការៈដ៏ខ្ពង់ខ្ពស់បំផុតរបស់ប្រជាជាតិខ្មែរទាំងអស់នៅទូទាំងប្រទេសនោះ៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីផ្ដល់ស្រូវពូជជូនកសិកររងគ្រោះដោយសារទឹកជំនន់ នៅខេត្តពោធិ៍សាត់

ភ្នំពេញ៖ នៅព្រឹកថ្ងៃទី២៥ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានអញ្ជើញផ្តល់ស្រូវពូជប្រមាណ ៥១៤,៥០០គីឡូក្រាម ជូនកសិករប្រមាណ ៥,១៤៥គ្រួសារ រងគ្រោះដោយសារគ្រោះទឹកជំនន់ នៅខេត្តពោធិ៍សាត់។ សូមជម្រាបថា ខេត្តពោធិ៍សាត់ បានជួបនូវទឹកជំនន់ ដែលបង្កឱ្យប៉ះពាល់ភូមិសាស្រ្ត ៧ក្រុង/ស្រុក, ប៉ះពាល់ប្រជាពលរដ្ឋសរុបចំនួន ១៣,៧៧៥គ្រួសារ ស្មើនឹងចំនួន ៦,៧០៩ខ្នងផ្ទះ។ ជម្លៀសប្រជាជនរយៈពេលខ្លីទៅកាន់ទីទួលសុវត្ថិភាពចំនួន ១៧៤គ្រួសារ។ ក្នុងនោះ លង់ទឹកស្លាប់ចំនួន ៤នាក់។ ទឹកជំនន់នៅពោធិ៍សាត់ ក៏បានបង្កឱ្យប៉ះពាល់សាលារៀនចំនួន២៥កន្លែង មណ្ឌលសុខភាពចំនួន ២កន្លែង, ប៉ះពាល់វត្តអារាម និងវិហារសាសនាចំនួន ១៦កន្លែង, ប៉ះពាល់ផ្លូវកៅស៊ូចំនួន ៣,០៥០ម៉ែត្រ,ប៉ះពាល់ផ្លូវគ្រួសក្រហមចំនួន ៩២,១១៥ម៉ែត្រ, ប៉ះពាល់អណ្តូងទឹកចំនួន ៩៦កន្លែង ស្រះទឹកចំនួន ៦៦កន្លែង បង្គន់ចំនួន ២,៣១១កន្លែង។គ្រោះទឹកជំនន់នៅពោធិ៍សាត់ បានបង្កឱ្យប៉ះពាល់ដំណាំស្រូវចំនួន ១៩,៥៩៦ហិកតា ខូចខាតស្រូវចំនួន ៩,៣២១ហិកតា។ ក្នុងនោះផ្ទៃដីអាចស្តារឡើងវិញបានចំនួន ៦,៦៦៨ហិកតា, ប៉ះពាល់ដំណាំកសិ-ឧស្សាហកម្មចំនួន ៣,០៤៧ហិកតា និងដំណាំរួមផ្សំចំនួន ៣,២០៩ហិកតា។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖ - សម្តេចតេជោ ហ៊ុន សែន នៅតែសម្តែងសមានទុក្ខ និងសោកស្តាយបំផុត ចំពោះហេតុយការណ៍ស្លាប់បាត់បង់ជីវិតសិស្សសាលាចំនួន ១១នាក់ ដោយលិចទូក-ដចម្លង នៅឃុំកំពង់ភ្នំ ស្រុកលើដែក ខេត្តកណ្តាល កាលពីពេលថ្មីៗនេះ ដែលជាផ្នែកមួយនៃមហន្តរាយដោយទឹកជំនន់ផងដែរ។- សម្តេចតេជោ ហ៊ុន សែន ប្រកាសថា រាជរដ្ឋាភិបាល មិនបានព្រងើយកន្តើយ ចំពោះទុក្ខលំបាករបស់ប្រជាពលរដ្ឋនោះទេ ជាពិសេសប្រជាពលរដ្ឋដែលរងគ្រោះដោយទឹកជំនន់ និងមហន្តរាយធម្មជាតិ ជាយថាហេតុណាមួយ ដែលយើងមិននឹកស្មានដល់។- សម្តេចតេជោ ហ៊ុន សែន ប្រកាសថ្លែងអំណរគុណ និងកោតសរសើរ ដល់ឯកឧត្តមនាយកឧត្តមសេនីយ៍ គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ ដែលបានចុះអន្តរាគមន៍ជាបន្ទាន់ ជាមួយរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក្នុងការដោះស្រាយបញ្ហាប្រជាពលរដ្ឋរងគ្រោះដោយទឹកជំនន់។- សម្តេចតេជោ ហ៊ុន សែន បានពាំនាំព្រះរាជបន្ទូលផ្តាំផ្ញើ សាកសួរសុខទុក្ខពីព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចម៉ែ ជូនដល់ប្រជាពលរដ្ឋរងគ្រោះដោយទឹកជំនន់នៅខេត្តពោធិ៍សាត់។- សម្តេចតេជោ ហ៊ុន សែន ប្រកាសថា ថ្មីៗនេះសម្តេចទើបបានទទួលជំនួយជាអង្ករចំនួន ៧០០តោនបន្ថែមទៀត ពីសប្បុរសជនក្នុងស្រុក ដោយសម្តេចបានចែកចែកទៅកាន់បណ្តាខេត្តនានា ដែលមានប្រជាពលរដ្ឋរងគ្រោះដោយទឹកជំនន់ ហើយអ្នកដែលទទួលបន្ទុកក្នុងការដឹកជញ្ជូន និងចែងចែក គឺឯកឧត្តម នាយកឧត្តមសេនីយ៍ គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋខេត្តពោធិ៍សាត់ ដែលជឿជាក់លើការដឹកនាំរបស់សម្តេច ដោយបានបោះឆ្នោតជូនគណបក្សប្រជាជនកម្ពុជា ឈ្នះភ្លូកទឹកភ្លូកដី ក្នុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់។សម្តេចតេជោ ហ៊ុន សែន ជឿជាក់ថា «ប្រជាពលរដ្ឋខេត្តពោធិ៍សាត់ នៅតែបន្តបោះឆ្នោតជូនគណបក្សប្រជាជនកម្ពុជាគ្រប់ការបោះឆ្នោតនាពេលបន្តបន្ទាប់នៅពេលក្រោយ»។- សម្តេចតេជោ ហ៊ុន សែន ប្រកាសថា គណបក្សប្រជាជនកម្ពុជា ជាគណបក្សរបស់ប្រជាជនខ្មែរ ដើម្បីប្រជាពលរដ្ឋខ្មែរ។ សម្តេចបញ្ជាក់ថា «យើងមិនទុកឱ្យប្រជាពលរដ្ឋណាម្នាក់ស្លាប់ ឬរងភាពលំបាកលំបិន ដោយយើងមិនបានដឹង និងមិនបានដោះស្រាយឡើយ»។- សម្តេចតេជោ ហ៊ុន សែន ប្រកាសថា មកទល់ពេលនេះ មានរយៈពេល ៥ថ្ងៃហើយ ដែលកម្ពុជាមិនមានករណីឆ្លងថ្មីដោយជំងឺកូវីដ-១៩ ហើយមានរយៈពេលច្រើនខែហើយ ដែលកម្ពុជាមិនមានករណីស្លាប់ថ្មីដោយជំងឺកូវីដ-១៩ ដែលជាភាពជោគជ័យ នៃវិធានការសុខាភិបាល និងប្រសិទ្ធភាព នៃគុណភាពវ៉ាក់សាំងកូវីដ-១៩។- សម្តេចតេជោ ហ៊ុន សែន នៅតែបន្តអំពាវនាវដល់ប្រជាពលរដ្ឋឱ្យបន្តមានវិធានការការពារខ្លួន ពីការឆ្លង និងចម្លងកូវីដ-១៩ ដោយអនុវត្តន៍វិធានការ ៣ការពារ និង៣កុំ ព្រមទាំងនាំគ្នាទៅចាក់វ៉ាក់សាំងកូវីដ-១៩ទាំងដូសមូលដ្ឋា និងដូសជំរុញឱ្យបានគ្រប់ៗគ្នា តាមការណែនាំរបស់គ្រូពេទ្យ។- សម្តេចតេជោ ហ៊ុនសែន ប្រកាសថ្កោលទោសដាច់អហង្ការបំផុតចំពោះទណ្ឌិតជាប់ទោសក្បត់ជាតិ សម រង្ស៊ី ដែលប្រមាថយ៉ាងធ្ងន់ធ្ងរបំផុតលើព្រះចេស្តា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុតថា«មិនមានមនសិកាជាតិ និងក្បត់ជាតិ»។- សម្តេចតេជោ ហ៊ុន សែន ប្រកាសថ្លែងអំណរគុណដល់ អាជ្ញាធរ និងកងកម្លាំងប្រដាប់អាវុធ ក្នុងខេត្តពោធិ៍សាត់ បានធ្វើសកម្មភាពសស្រាក់សស្រាំចុះជួយជម្លៀសប្រជាពលរដ្ឋចេញពីការជន់លិច និងជួយដោះស្រាយបញ្ហាផ្សេងៗជាបន្តបន្ទាប់។- សម្តេចតេជោ ហ៊ុន សែន ប្រកាសដល់ប្រជាពលរដ្ឋឱ្យរួមគ្នាការពារសន្តិភាព ដែលយើងរកបានដោយលំបាក។ សម្តេចបញ្ជាក់ថា «មានសន្តិភាព ទើបយើងមានការអភិវឌ្ឍន៍ដូចសព្វថ្ងៃនេះ»។- សម្តេចតេជោ ហ៊ុន សែន បានប្រកាសដល់ប្រជាពលរដ្ឋខេត្តពោធិ៍សាត់ដែលបានបោះឆ្នោតជូនគណបក្សប្រជាជនកម្ពុជា សូមបន្តបោះឆ្នោតជូនគណបក្សប្រជាជនថែមទៀត នូវការបោះឆ្នោតនាពេលក្រោយៗទៀត។សង្កថាសម្តេចតេជោ ហ៊ុន សែន ចប់នៅវេលាម៉ោង០៧ និង៥៤នាទី

សម្តេចតេជោ ហ៊ុន សែន អញ្ជើញផ្តល់ស្រូវពូជ និងស្បៀងអាហារ ជូនកសិករជាង៥ពាន់គ្រួសារ នៅខេត្តពោធិ៍សាត់

ពោធិ៦សាត់៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញផ្តល់ស្រូវពូជប្រមាណ ៥១៤,៥០០គីឡូក្រាម ជូនកសិករប្រមាណ ៥,១៤៥គ្រួសារ រងគ្រោះដោយសារគ្រោះទឹកជំនន់ នៅខេត្តពោធិ៍សាត់ នៅព្រឹកថ្ងៃទី២៥ ខែតុលា ឆ្នាំ២០២២។ កន្លងទៅនេះ ខេត្តពោធិ៍សាត់បានជួបនូវទឹកជំនន់ ដែលបង្កឱ្យប៉ះពាល់ភូមិសាស្រ្ត ៧ក្រុង/ស្រុក, ប៉ះពាល់ប្រជាពលរដ្ឋសរុបចំនួន ១៣,៧៧៥គ្រួសារ ស្មើនឹងចំនួន ៦,៧០៩ខ្នងផ្ទះ។ ជម្លៀសប្រជាជនរយៈពេលខ្លីទៅកាន់ទីទួលសុវត្ថិភាពចំនួន ១៧៤គ្រួសារ។ ក្នុងនោះ លង់ទឹកស្លាប់ចំនួន ៤នាក់។ ទឹកជំនន់ ក៏បានបង្កឱ្យប៉ះពាល់សាលារៀនចំនួន២៥កន្លែង មណ្ឌលសុខភាពចំនួន ២កន្លែង, ប៉ះពាល់វត្តអារាម និងវិហារសាសនាចំនួន ១៦កន្លែង, ប៉ះពាល់ផ្លូវកៅស៊ូចំនួន ៣,០៥០ម៉ែត្រ,ប៉ះពាល់ផ្លូវគ្រួសក្រហមចំនួន ៩២,១១៥ម៉ែត្រ, ប៉ះពាល់អណ្តូងទឹកចំនួន ៩៦កន្លែង ស្រះទឹកចំនួន ៦៦កន្លែង បង្គន់ចំនួន ២,៣១១កន្លែង។គ្រោះទឹកជំនន់នេះ ក៏បានបង្កឱ្យប៉ះពាល់ដំណាំស្រូវចំនួន ១៩,៥៩៦ហិកតា ខូចខាតស្រូវចំនួន ៩,៣២១ហិកតា។ ក្នុងនោះផ្ទៃដីអាចស្តារឡើងវិញបានចំនួន ៦,៦៦៨ហិកតា,ប៉ះពាល់ដំណាំកសិ-ឧស្សាហកម្មចំនួន ៣,០៤៧ហិកតា និងដំណាំរួមផ្សំចំនួន ៣,២០៩ហិកតា៕

ពិធីបុណ្យប្រទីបរបស់ឥណ្ឌាតាំងចង្កៀងចំនួន ១លាន ៥សែន ដែលនៅតែរក្សាបានកំណត់ត្រាពិភពលោក

ឥណ្ឌា៖ ទីក្រុង Ayodhya ភាគខាងជើងប្រទេសឥណ្ឌាបានរក្សាកំណត់ត្រាពិភពលោក Guinness World Record របស់ខ្លួនដោយការតាំងបំភ្លឺចង្កៀងប្រេងកាតចំនួន ១លាន ៥សែន និងបន្តដុតបំភ្លឺរយៈពេល ៤៥នាទី ជាផ្នែកមួយនៃការអបអរសាទរពិធីបុណ្យ Diwali ដែលជាពិធីបុណ្យប្រទីបតាមសាសនាហិណ្ឌូ។ កាលពីឆ្នាំមុនទីក្រុងនេះបានដុតបំភ្លឺចង្កៀងប្រេងកាតចំនួន ៩០០,០០០។ លោកនាយករដ្ឋមន្ត្រីឥណ្ឌា Narendra Modi បានចូលរួមទស្សនាទស្សនីយភាពដ៏ស្រស់ត្រកាលនេះផងដែរ។ អ្នកទៅទស្សនារាប់ពាន់នាក់បានប្រមូលផ្តុំនៅលើច្រាំងទន្លេ Saryu ជាទីដែលចង្កៀងប្រេងកាតទាំងនោះត្រូវបានដុតបំភ្លឺ កាលពីថ្ងៃសៅរ៍ចុងសប្ដាហ៍មុន។ ពិធីបុណ្យប្រទីប និងកាំជ្រួចភ្ញីបានបំភ្លឺដងផ្លូវនានា និងមាត់ច្រាំងទន្លេរបស់ទីក្រុងនេះ។ ប្រជាពលរដ្ឋរាប់ពាន់នាក់នៅទីក្រុងនេះ ក៏បានអុជបំភ្លឺចង្កៀងប្រេងកាតនៅតាមលំនៅឋានរបស់ពួកគេ និងនៅតាមទីអារ៉ាមនានាផងដែរ។ពិធីបុណ្យនេះជានិមិត្តរូបជ័យជម្នះនៃសភាវៈល្អលើសភាវៈអាក្រក់ ដែលរំលឹកដល់ការវិលត្រឡប់មកកាន់មាតុភូមវិញរបស់ព្រះរាមក្នុងសាសនាហិណ្ឌូ បន្ទាប់ពីនិរទេសភាពរយៈពេល ១៤ឆ្នាំ ដោយបានយកឈ្នះស្ដេចមាក្រុងរាប រ៉ាវ៉ាន់ នៃនគរក្រុងលង្ការ និងជួយរំដោះព្រះមហេសីព្រះនាងសេដា ដែលត្រូវបានចាប់យកទៅនោះត្រឡប់មកវិញ៕អត្ថបទ៖ សុខមាន

កូរ៉េទាំង២ បានបាញ់ព្រមានគ្នាទៅវិញទៅមកនៅក្បែរព្រំដែនទឹក ស្របពេលមានភាពតានតឹង

ឧបទ្វីបកូរ៉េ៖ ទីភ្នាក់ងារសារព័ត៌មានកណ្ដាលផ្លូវការកូរ៉េខាងជើង KCNA បាននិយាយថា កូរ៉េខាងជើងបានបាញ់កាំភ្លើងធំ ១០គ្រាប់នៅក្បែរឆ្នេរសមុទ្រភាគខាងលិចនៅថ្ងៃចន្ទនេះ ជាការឆ្លើយតបទៅនឹងការព្រមានរបស់កូរ៉េខាងត្បូង ដែលបានបាញ់សំដៅមកកាន់ទូកកូរ៉េខាងជើងមួយគ្រឿង ដែលបើកឆ្លងកាត់ដែនទឹករបស់កូរ៉េទាំង២។ អ្នកនាំពាក្យអគ្គសេនាធិការនៃកងទ័ពប្រជាជនកូរ៉េរបស់កូរ៉េខាងជើងនិយាយថា កូរ៉េខាងជើងបានបាញ់កាំភ្លើងធំចំនួន ១០គ្រាប់ចេញពីជើងទម្ររ៉ូកែតពហុជំនាញនៅវេលាម៉ោងប្រហែល 4.15នាទីព្រឹកម៉ោងនៅសិង្ហបុរី បន្ទាប់ពីយោធាកូរ៉េខាងត្បូងបានបាញ់ព្រមាននៅវេលាម៉ោងប្រហែល 3.50នាទីព្រឹកម៉ោងក្នុងស្រុកដោយសំអាងដល់សកម្មភាពល្បាតនានា។ នាយសេនាធិការចម្រុះកូរ៉េខាងត្បូងបាននិយាយថា ខ្លួនបានបណ្ដេញនាវាពាណិជ្ជកម្មរបស់កូរ៉េខាងជើងឲ្យបកក្រោយ ដែលបានឆ្លងចូលបន្ទាត់កំណត់ដែនទឹកភាគខាងជើង ជាព្រំដែនសមុទ្រតាមជាក់ស្ដែងរវាងប្រទេសកូរ៉េទាំង២។ ការបាញ់ព្រមានគ្នាទៅវិញទៅមកចុងក្រោយបំផុតនេះ មានឡើងស្របពេលមានភាពតានតឹងកាន់តែខ្លាំង ដោយសារតែកូរ៉េខាងជើងបន្តសាកល្បងអាវុធជាច្រើនមិនធ្លាប់មាននៅឆ្នាំនេះ៕អត្ថបទ៖ សុខមាន

រុស្ស៊ីប្រាប់ជនស៊ីវិលក្នុងតំបន់ Kherson ភៀសខ្លួនដើម្បីសង្គ្រោះជីវិតខ្លួនឯង ខណៈការប្រយុទ្ធគ្នាកាន់តែខ្លាំង

រុស្ស៊ី៖ រុស្ស៊ីបានជំរុញជនស៊ីវិលនៅក្នុងតំបន់គ្រប់គ្រង Kherson ឲ្យរត់ភៀសខ្លួនដើម្បីជួយសង្គ្រោះជីវិតខ្លួនឯង មុនការវាយរុលទៅមុខដែលបានរំពឹងទុករបស់ទាហានអ៊ុយក្រែន ក្នុងការដណ្ដើមយកទីក្រុងភាគខាងត្បូងមួយនេះត្រឡប់ទៅវិញ។ ក្រុមមន្ត្រីលើកបន្តុបដោយរុស្ស៊ីនៅក្នុងភាគខាងត្បូងរបស់អ៊ុយក្រែន កំពុងព្យាយាមជម្លៀសពលរដ្ឋ ៦ម៉ឺននាក់ដែលកំពុងរស់នៅលើតំបន់ច្រាំងទន្លេ Dnipro ភាគខាងជើង។ ដោយសារតែមានប្រជាពលរដ្ឋកាន់តែច្រើនចង់ចាកចេញពីទីក្រុងនេះ ក្រុមអាជ្ញាធរបានរាយការណ៍ពីកង្វះនាវាចម្លងឆ្លងទន្លេនៅទីតាំងមួយកាលពីថ្ងៃអាទិត្យ។ លោក Sergey Kravtsov រដ្ឋមន្ត្រីក្រសួងអប់រំរុស្ស៊ីបាននិយាយក្នុងសារវីដេអូថា ស្ថានភាពពេលនេះលំបាកខ្លាំងណាស់ រឿងសំខាន់គឺត្រូវជួយសង្គ្រោះជីវិតរបស់អ្នក។ មិនយូរទេ អ្នកនឹងវិលត្រឡប់មកវិញមិនខាន។អនុប្រធានប្រចាំតំបន់នេះលើកបន្តុបដោយរុស្ស៊ីលោក Kirill Stremousov បាននិយាយថា ចាប់តាំងពីថ្ងៃអង្គារមកមានមនុស្សប្រមាណ ២៥,០០០នាក់បានជម្លៀសចេញរួចហើយ។ ក្រុមអាជ្ញាធររុស្ស៊ីសន្យាផ្ដល់ការធ្វើដំណើរ និងការស្នាក់នៅដោយឥតគិតថ្លៃចំពោះអ្នកដែលបានចាកចេញ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ការវាយប្រហាររបស់អ៊ីស្រាអែលបានសម្លាប់មនុស្ស ៦នាក់នៅហ្កាហ្សា រួមទាំងអ្នកថតរូបរបស់ Al Jazeera ផងដែរ

សាកសពជនអន្តោប្រវេសន៍ ១៥ នាក់ ត្រូវបានអណ្តែតទើលើច្រាំងសមុទ្រនៅភាគខាងកើតប្រទេសលីប៊ី

អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាពនយោបាយជាមួយគណបក្សប្រជាជនកម្ពុជា នៅក្នុងស្រុកស្អាង និងស្រុកកោះធំ

រដ្ឋបាលរាជធានីភ្នំពេញ និងស្ថានទូតឥណ្ឌា ប្រារព្ធទិវាយោគៈអន្តរជាតិ ដើម្បីជំរុញសកម្មភាពកីឡា និងទេសចរណ៍

ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី

កម្ពុជា មានកម្រិតបរិយាបន្នហិរញ្ញវត្ថុ និងលទ្ធភាពទទួលសេវាហិរញ្ញវត្ថុខ្ពស់

លោក TRUMP គំរាមយកថ្លៃសេវាឆ្លងកាត់ច្រកសមុទ្រ HORMUZ បើកិច្ចព្រមព្រៀងចុងក្រោយជាមួយអ៊ីរ៉ង់បរាជ័យក្នុងពេល៦០ថ្ងៃ

អឺរ៉ុបកំពុងរងការគំរាមកំហែងពីរលកកម្ដៅខ្ពស់ ខណៈបារាំង រឹតត្បិតការប្រើប្រាស់គ្រឿងស្រវឹង

ក្រសួងព័ត៌មានជំរុញការផលិតមាតិកាទំនើប ដើម្បីប្រសិទ្ធភាពផ្សព្វផ្សាយក្នុងសម័យឌីជីថល

ក្រុមការងារចុះមូលដ្ឋានស្រុកជលគីរី ជំរុញអាជ្ញាធរឃុំបង្កើនគុណភាពសេវាសាធារណៈ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

តើនាយករដ្ឋមន្ត្រីហិណ្ឌូដំបូងរបស់អង់គ្លេស ជាមេដឹកនាំឈាមជ័រអាស៊ីដំបូង Rishi Sunak ជានរណា?

មនុស្ស ៣នាក់ស្លាប់ និង ៧នាក់របួសក្នុងការបាញ់ប្រហារនៅសាលារៀនក្នុងរដ្ឋ Missouri សហរដ្ឋអាមេរិក

សម្ដេចតេជោ៖ កម្ពុជានៅតែមានលទ្ធភាពដោះស្រាយបញ្ហាគ្រោះមហន្តរាយ និងពុំមានក្ស័យធន

សម្តេចតេជោ៖ អ្នកពោធិ៍សាត់សូមបន្តបោះឆ្នោត ជូនគណបក្សប្រជាជនកម្ពុជានៅឆ្នាំ២០២៣ជាបន្តទៀត

សម្តេចតេជោ ហ៊ុន សែន អញ្ជើញផ្តល់ស្រូវពូជ និងស្បៀងអាហារ ជូនកសិករជាង៥ពាន់គ្រួសារ នៅខេត្តពោធិ៍សាត់

ពិធីបុណ្យប្រទីបរបស់ឥណ្ឌាតាំងចង្កៀងចំនួន ១លាន ៥សែន ដែលនៅតែរក្សាបានកំណត់ត្រាពិភពលោក

កូរ៉េទាំង២ បានបាញ់ព្រមានគ្នាទៅវិញទៅមកនៅក្បែរព្រំដែនទឹក ស្របពេលមានភាពតានតឹង

រុស្ស៊ីប្រាប់ជនស៊ីវិលក្នុងតំបន់ Kherson ភៀសខ្លួនដើម្បីសង្គ្រោះជីវិតខ្លួនឯង ខណៈការប្រយុទ្ធគ្នាកាន់តែខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

តើ​នាយករដ្ឋមន្ត្រី​ហិណ្ឌូ​ដំបូង​របស់​អង់គ្លេស ជា​មេដឹកនាំ​ឈាមជ័រ​អាស៊ី​ដំបូង Rishi Sunak​ ជា​នរណា​?

មនុស្ស​ ៣​នាក់​ស្លាប់ និង​ ៧​នាក់​របួស​ក្នុងការ​បាញ់ប្រហារ​នៅ​សាលារៀន​ក្នុង​រដ្ឋ Missouri សហរដ្ឋអាមេរិក

សម្ដេចតេជោ៖ កម្ពុជានៅតែមានលទ្ធភាពដោះស្រាយបញ្ហាគ្រោះមហន្តរាយ និងពុំមានក្ស័យធន

សម្តេចតេជោ៖ អ្នកពោធិ៍សាត់សូមបន្តបោះឆ្នោត ជូនគណបក្សប្រជាជន​កម្ពុជា​នៅ​ឆ្នាំ​២០២៣​ជា​បន្តទៀត

សម្តេចតេជោ ហ៊ុន សែន អញ្ជើញផ្តល់ស្រូវពូជ និងស្បៀងអាហារ ជូនកសិករជាង៥ពាន់គ្រួសារ នៅខេត្តពោធិ៍សាត់

ពិធីបុណ្យ​ប្រទីប​របស់​ឥណ្ឌា​តាំង​ចង្កៀង​ចំនួន ១​លាន ​៥​សែន ដែល​នៅតែ​រក្សាបាន​កំណត់ត្រា​ពិភពលោក​

កូរ៉េ​ទាំង​២​ បាន​បាញ់​ព្រមាន​គ្នា​ទៅវិញទៅមក​នៅ​ក្បែរ​ព្រំ​ដែនទឹក ស្រប​ពេល​មាន​ភាព​តានតឹង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

តើនាយករដ្ឋមន្ត្រីហិណ្ឌូដំបូងរបស់អង់គ្លេស ជាមេដឹកនាំឈាមជ័រអាស៊ីដំបូង Rishi Sunak ជានរណា?

មនុស្ស ៣នាក់ស្លាប់ និង ៧នាក់របួសក្នុងការបាញ់ប្រហារនៅសាលារៀនក្នុងរដ្ឋ Missouri សហរដ្ឋអាមេរិក

សម្តេចតេជោ៖ អ្នកពោធិ៍សាត់សូមបន្តបោះឆ្នោត ជូនគណបក្សប្រជាជនកម្ពុជានៅឆ្នាំ២០២៣ជាបន្តទៀត

ពិធីបុណ្យប្រទីបរបស់ឥណ្ឌាតាំងចង្កៀងចំនួន ១លាន ៥សែន ដែលនៅតែរក្សាបានកំណត់ត្រាពិភពលោក

កូរ៉េទាំង២ បានបាញ់ព្រមានគ្នាទៅវិញទៅមកនៅក្បែរព្រំដែនទឹក ស្របពេលមានភាពតានតឹង