BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

ទាហានអាមេរិក និងកូរ៉េខាងត្បូងធ្វើសមយុទ្ធឆ្លងទន្លេ ខណៈមានការតវ៉ាពីកូរ៉េខាងជើង

កូរ៉េខាងត្បូង៖ ទាហានកូរ៉េខាងត្បូង និងសហរដ្ឋអាមេរិកបានហ្វឹកហាត់សាងសង់ស្ពានបណ្ដែតទឹក ដើម្បីចម្លងរថក្រោះ និងរថពាសដែកផ្សេងទៀតឆ្លងទន្លេកាលពីថ្ងៃពុធ ជាផ្នែកមួយនៃការធ្វើសមយុទ្ធយោធារួមគ្នាធំជាងមុន ដែលធ្វើឲ្យកូរ៉េខាងជើងផ្ទុះកំហឹង។ ឧទ្ធម្ភាគចក្រវាយប្រហាររបស់កូរ៉េខាងត្បូងបានបាញ់ភ្លើង ហើយរថពាសដែកបានបាញ់ផ្សែងពណ៌សឡើងលើអាកាស ខណៈរថក្រោះប្រយុទ្ធសំខាន់ៗ រថពាសដែក និងរថយន្តយោធាផ្សេងទៀតឆ្លងកាត់ស្ពានបង្កើតពីធុងនៅលើទន្លេ Namhan ជិតទីក្រុង Yeoju ភាគខាងត្បូងរដ្ឋធានី Seoul។ សមយុទ្ធនេះបានចូលរួមដោយកងកម្លាំងវាយប្រហារការពារនៃកងកម្លាំងកងពលធំចល័តទី១១ របស់កងទ័ពកូរ៉េខាងត្បូង ដែលកំពុងចូលរួមក្នុងសមយុទ្ធតាមទីវាលមានរយៈពេល ១២ថ្ងៃមានឈ្មោះថា Hoguk 22 កំពុងឆ្លងស្ពាននានាបង្កើតឡើងដោយអង្គភាពវិស្វកម្មកូរ៉េខាងត្បូង និងអាមេរិក។កូរ៉េខាងជើងបានថ្កោលទោសសមយុទ្ធនេះថា ជាការបង្កើនភាពតានតឹង និងបានបាញ់សាកល្បងគ្រាប់រ៉ូកែត និងគ្រាប់កាំភ្លើងធំប្រមាណ ១០០គ្រាប់បន្ថែមទៀតចូលសមុទ្រកាលពីថ្ងៃពុធ ជាការឆ្លើយតប។ កូរ៉េខាងត្បូង និងសហរដ្ឋអាមេរិកនិយាយថា សមយុទ្ធទាំងនោះគឺជាការការពារខ្លួន និងចាំបាច់សម្រាប់ការទប់ទល់នឹងកូរ៉េខាងជើង។ យោងតាមក្រសួងការពារជាតិកូរ៉េខាងត្បូងឲ្យដឹងថា ទាហានកូរ៉េខាងត្បូង និងអាមេរិកប្រមាណ ១ពាន់នាក់បានចូលរួមកាលពីថ្ងៃពុធ ក្នុងនោះមានរថក្រោះប្រហែល ៥០គ្រឿង និងរថយន្តជាច្រើនគ្រឿងផ្សេងទៀត យន្តហោះចម្បាំងប្រភេទ KF-16, ឧទ្ធម្ភាគចក្រប្រយុទ្ធ Apache និង Cobra និងឧបករណ៍វិស្វកម្មជាង ១៤០ប្រភេទដូចជាស្ពានបណ្ដែតទឹកជាដើម៕អត្ថបទ៖ សុខមាន

សម្តេចតេជោ ហ៊ុន សែន៖ ចោរក្បត់ជាតិ សម រង្ស៊ី ល្ងង់ពេក និងបានបង្កើតកំហុសធំចំនួនពីរ រហូតនាំទុក្ខដល់អ្នកគាំទ្ររបស់ខ្លួនជាច្រើន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានចង្អុលប្រាប់ទណ្ឌិត សម រង្ស៊ី ដែលសម្តេចបានហៅថាជាចោរក្បត់ជាតិនោះ ថា បានបង្កើតកំហុសយុទ្ធសាស្រ្តធំ២ ដើម្បីឱ្យទណ្ឌិតរូបនេះចេះរៀនសូត្រលើកក្រោយ កុំឱ្យល្ងង់ពេក។ថ្លែងក្នុងឱកាសអញ្ជើញចុះឈ្មោះបោះឆ្នោតថ្មី និងប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត នៅសង្កាត់តាខ្មៅ ក្រុងតាខ្មៅ ខេត្តកណ្តាល នាថ្ងៃទី២០ ខែតុលា ឆ្នាំ២០២២ សម្ដេចតេជោនាយករដ្ឋមន្ត្រីបានបញ្ជាក់ថា កំហុសទាំងពីរនោះរួមមាន ទី១ គឺការប្រមូលមនុស្សរត់ចេញទៅក្រៅប្រទេស ធ្វើឱ្យក្បាលម៉ាស៊ីនដឹកនាំដាច់ និងកំហុសទី២ គឺ ការដកខ្លួនចេញពីគណៈកម្មាធិការជាតិរៀបចំការបោះឆ្នោត។សម្តេចតេជោ ហ៊ុន សែន ក៏បានដាស់តឿនទៅក្រុមប្រឆាំងទាំងអស់ថា មេដឹកនាំទន់ខ្សោយរបស់ខ្លួនដែលបានបង្កើតកំហុសធំៗទាំងនោះ សក្តិសមជាមេដឹកនាំយុទ្ធសាស្រ្តសម្រាប់បក្សនយោបាយមួយនេះដែរឬទេ៕

សារព័ត៌មាន Telegraph និយាយថា លោកស្រីនាយករដ្ឋមន្ត្រីអង់គ្លេស Truss សល់ពេលត្រឹមប៉ុន្មានម៉ោងប៉ុណ្ណោះ

អង់គ្លេស៖ សមាជិកសភាជាន់ខ្ពស់មកពីគណបក្សអភិរក្សនិយម បានប្រាប់សារព័ត៌មាន Telegraph របស់អង់គ្លេសកាលពីថ្ងៃពុធថា លោកស្រីនាយករដ្ឋមន្ត្រីអង់គ្លេស Liz Truss នឹងនៅសល់ពេលមិនយូរទៀតទេសម្រាប់វិមាន 10 Downing។ បុគ្គលនោះបានប្រាប់ការីនិពន្ធផ្នែកផ្សព្វផ្សាយលោក Christopher Hope ថា ឥឡូវនេះ ខ្ញុំនឹងហៅក្រុមសាច់ញាតិមកនិយាយថា នៅសល់ពេលវេលាត្រឹមតែប៉ុន្មានម៉ោងប៉ុណ្ណោះ មិនមែនសល់ច្រើនថ្ងៃទៀតនោះទេ។ បន្ទាប់ពីមានពាក្យចចាមអារ៉ាមថា លោកស្រី Truss បានបណ្តេញប្រធានអ្នកគ្រប់គ្រងវិន័យ និងបទបញ្ជាផ្ទៃក្នុងនៅក្នុងសភាលោកស្រី Whip Wendy Morton ចេញពីកន្លែងទទួលភ្ញៀវក្នុងរដ្ឋសភា ហើយបាននាំលោកស្រីចេញ ដែលនាំឱ្យអនុរដ្ឋមន្ត្រីរបស់លោកស្រីគឺលោក Craig Whittaker លាលែងពីតំណែង ជាការតវ៉ាទៅនឹងរដ្ឋាភិបាល បានចេញការបដិសេធជាផ្លូវការកាលពីយប់ថ្ងៃពុធ ដោយទទូចថា អ្នកទាំងពីរនៅតែកាន់តំណែងរបស់ពួកគេនៅឡើយ។ ការប្រឈមដាក់គ្នានេះបានធ្វើឡើង បន្ទាប់ពីការបោះឆ្នោតដ៏ចម្រូងចម្រាសមួយស្តីពីការប្រេះឆាគ្នា ដែលយ៉ាងហោចណាស់សមាជិកសភាអភិរក្សនិយម ៤០រូបត្រូវបានគេនិយាយថាបានអនុប្បវាទ។រដ្ឋមន្ត្រីក្រសួងមហាផ្ទៃលោកស្រី Suella Braverman ក៏បានលាលែងពីតំណែងផងដែរកាលពីថ្ងៃពុធ បន្ទាប់ពីលោកស្រីត្រូវបានរកឃើញថា បានផ្ញើសាអេឡិចត្រូនិកអំពីឯកសារសំងាត់មួយ ចេញពីគណនីផ្ទាល់ខ្លួនរបស់លោកស្រីទៅខុសមនុស្ស។ លោកស្រីបានលើកឡើងនៅក្នុងលិខិតលាលែងពីតំណែងថា លោកស្រីព្រួយបារម្ភអំពីការដឹកនាំរបស់រដ្ឋាភិបាល សំដៅដល់ផែនការត្រឡប់ក្រោយ ១៨០អង្សារបស់លោកស្រី Truss ដែលត្រូវបានបង្កើតឡើងដោយបង្ខំ នៅពេលកញ្ចប់ថវិកាទំហំតូចដ៏ចម្រូងចម្រាសរបស់លោកស្រី បង្កឲ្យមានភាពចលាចលនៅលើទីផ្សារកាលពីសប្ដាហ៍មុន៕អត្ថបទ៖ សុខមាន

សម្តេចតេជោ ហ៊ុន សែន ៖ ការចុះជួបប្រជាពលរដ្ឋ មិនមែនជាយុទ្ធនាការឃោសនាបោះឆ្នោតទេ

ភ្នំពេញ៖ សម្តេចតេជោ ហ៊ុន សែន បានប្រកាសថា ចំពោះគម្រោងបេសកកម្ម អញ្ជើញចុះជួបពលរដ្ឋនៅជុំវិញបឹងទន្លេសាបប៉ុន្មានថ្ងៃខាងមុខនេះ មិនមែនជាយុទ្ធនាការឃោសនាបោះឆ្នោតទេ គឺជាការចុះជួប ផ្តល់ការឧបត្ថម្ភគាំទ្រដល់ប្រជាពលរដ្ឋ ដែលរងគ្រោះដោយទឹកជំនន់។ថ្លែងក្នុងឱកាសអញ្ជើញចុះឈ្មោះបោះឆ្នោតថ្មី និងប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត នៅសង្កាត់តាខ្មៅ ក្រុងតាខ្មៅ ខេត្តកណ្តាល នាថ្ងៃទី២០ ខែតុលា ឆ្នាំ២០២២ សម្ដេចតេជោនាយករដ្ឋមន្ត្រី មានប្រសាសន៍ថា ចាប់ពីថ្ងៃទី២១ ដល់ថ្ងៃទី២៥តុលា ឆ្នាំ២០២២ សម្តេចតេជោ ហ៊ុន សែន នឹងមានបេសកកម្មអញ្ជើញទៅកាន់ខេត្តចំនួន៤ ជុំវិញបឹងទន្លេសាប ដើម្បីជួយដោះស្រាយការលំបាកជូនប្រជាជន ជាពិសេសដោះស្រាយឆ្លើយតបទៅនឹងការរៀបចំលំនៅដ្ឋានថ្មីជូនអ្នករុនតាឯក និងពាក់ស្នែង ដែលបានស្ម័គ្រចិត្តចាកចេញពីតំបន់រមណីដ្ឋានអង្គរ និងមួយផ្នែកទៀតអញ្ជើញចុះជួបសួរសុខទុក្ខ និងដោះស្រាយចែកស្រូវពូជជូនកសិករដែលរងគ្រោះខូចដំណាំស្រូវ និងផលដំណាំដោយសារគ្រោះទឹកជំនន់ រួមទាំងកិច្ចការសំខាន់ៗជាច្រើនទៀត។សម្តេច ហ៊ុន សែន បានថ្លែងថា «ប្រជាពលរដ្ឋកំពុងតែវេទនា អ៊ីចឹងទុកឱ្យប្រជាជនរងគ្រោះ ហើយនាយករដ្ឋមន្ត្រីនៅស្ងៀមឬយ៉ាងម៉េច? ទេសរដ្ឋមន្ត្រីនានា កំពុងតែធ្វើដំណើរជុំវិញប្រទេស ដើម្បីចែកស្រូវពូជ ចែកស្បៀងអាហារដល់ពលរដ្ឋកំពុងតែជួបបញ្ហា»៕

មេដឹកនាំអ៊ុយក្រែនជំរុញឲ្យពលរដ្ឋសន្សំសំចៃថាមពល ក្រោយការវាយប្រហារតាមអាកាសថ្មីរបស់រុស្ស៊ីលើទីក្រុង និងរោងចក្រថាមពល

អ៊ុយក្រែន៖ រុស្ស៊ីបានបាញ់ស្រោចដោយមីស៊ីល និងយានដ្រូនអត្តឃាតលើទីក្រុង និងហេដ្ឋារចនាសម្ព័ន្ធថាមពលនានារបស់អ៊ុយក្រែនអំឡុងសប្ដាហ៍ទី៣៤ នៃសង្គ្រាម ដោយបានសម្លាប់មនុស្សរាប់សិបនាក់ និងបណ្ដាលឲ្យទីក្រុងមួយចំនួនគ្មានអគ្គិសនីប្រើប្រាស់។ លោកប្រធានាធិបតី Volodymyr Zelenskyy បាននិយាយកាលពីថ្ងៃអង្គារថា ៣០% នៃស្ថានីយថាមពលរបស់អ៊ុយក្រែនត្រូវបានបំផ្លាញ ក្នុងការវាយប្រហារដោយយានដ្រូនចាប់តាំងពីថ្ងៃទី១០ ខែតុលាមក បណ្ដាលឲ្យដាច់ចរន្តអគ្គិសនីទូទាំងប្រទេស។ លោកបានជំរុញដល់ពលរដ្ឋអ៊ុយក្រែន ឲ្យប្រើប្រាស់ថាមពលអគ្គិសនីតិចតួចនៅពេលល្ងាច។ ក្រុមសម្ព័ន្ធមិត្តអ៊ុយក្រែនបានសន្យាបញ្ជូនប្រព័ន្ធការពារដែនអាកាស និងមីស៊ីលបន្ថែមទៀតទៅឲ្យទីក្រុង Kyiv ខណៈរុស្ស៊ីបើកការវាយប្រហារតាមអាកាសជាថ្មី។អភិបាលក្រុង Kyiv និយាយថា មនុស្ស ៤នាក់បានស្លាប់នៅពេលយានដ្រូនមួយគ្រឿង ធ្លាក់ចំអគារលំនៅឋានមួយកន្លែងក្នុងទីក្រុងនេះកាលពីថ្ងៃចន្ទ។ លោក Vitali Klitschko បាននិយាយថា រុស្ស៊ីបានវាយប្រហារដោយយានដ្រូនចំនួន ២៨គ្រឿង ហើយការផ្ទុះចំនួន ៥លើកត្រូវបានលាន់លឺក្នុងរដ្ឋធានីនេះ។ ក្រុមអាជ្ញាធរអ៊ុយក្រែននិយាយថា យានដ្រូនទាំងនោះត្រូវបានផលិតដោយអ៊ីរ៉ង់ ហើយពួកគេបានជំរុញទីក្រុងតេអេរ៉ង់បញ្ឈប់ការផ្គត់ផ្គង់ឲ្យរុស្ស៊ី។ អ៊ីរ៉ង់បានច្រានចោលពាក្យចោទប្រកាន់ដែលថា ខ្លួនបានផ្គត់ផ្គង់យានដ្រូនទាំងនោះ ហើយរុស្ស៊ីពុំបានអត្ថាធិប្បាយលើបញ្ហានេះឡើយ។ ទីក្រុង Moscow បានទាត់ចោលការចោទប្រកាន់ដែលថា ការវាយប្រហាររបស់ខ្លួនបានដាក់គោលដៅលើជនស៊ីវិល៕ អត្ថបទ៖ សុខមាន

លោក Putin ប្រកាសច្បាប់អាជ្ញាសឹកក្នុងតំបន់៤ដែលរុស្ស៊ីគ្រប់គ្រង ខណៈទាហានអ៊ុយក្រែនបង្កើនការវាយលុក

រុស្ស៊ី៖ លោកប្រធានាធិបតីរុស្ស៊ី Vladimir Putin បានចុះហត្ថលេខាលើច្បាប់មួយកាលពីថ្ងៃពុធ ដោយដាក់ចេញច្បាប់អាជ្ញាសឹកនៅក្នុងតំបន់ចំនួន ៤ របស់អ៊ុយក្រែន ដែលវិមានក្រឹមឡាំងបានដាក់បញ្ចូលជាឧបសម្ព័ន្ធ ជាការរំលោភច្បាប់អន្តរជាតិ ដោយមានបញ្ជាដាច់ដោយឡែកពីគ្នារឹតបន្តឹងលើសកម្មភាពទាំងក្នុង និងក្រៅតំបន់ចំនួន ៨ របស់រុស្ស៊ីនៅជាប់អ៊ុយក្រែន។ តំបន់ទាំងនោះមាន Kherson Zaporizhzhia Donetsk និង Luhansk។ រុស្ស៊ីពុំបានគ្រប់គ្រងលើតំបន់ទាំង ៤ នោះទាំងស្រុងទេ ហើយបានដកទ័ពចេញយ៉ាងប្រញាប់ប្រញាល់នៅក្នុងតំបន់ Kherson បន្ទាប់ពីកងកម្លាំងអ៊ុយក្រែនបានដណ្ដើមយកដែនដីនោះត្រឡប់ទៅវិញ។ ក្រសួងការបរទេសអ៊ុយក្រែនបានថ្កោលទោសក្រឹត្យនោះថា ជារដ្ឋភេរវកម្មថ្មី ដែលមានបំណងដាក់សម្ពាធលើការតស៊ូរបស់ប្រជាពលរដ្ឋក្នុងតំបន់ទាំងនោះ។ ក្រឹត្យរបស់លោកបានបញ្ជាក់ថា ទោះយ៉ាងណាក៏ដោយលោក Putin បាននិយាយថា លោកនឹងដាក់ចេញគោលនយោបាយនេះ អំឡុងកិច្ចប្រជុំក្រុមប្រឹក្សាសន្តិសុខជាតិរបស់រុស្ស៊ីដែលបានគ្រោងទុក។ច្បាប់អាជ្ញាសឹកនេះនឹងចូលជាធរមានក្នុងតំបន់ទាំងនោះនៅថ្ងៃព្រហស្បតិ៍នេះ អំឡុងសុន្ទរកថាតាមទូរទស្សន៍លោក Putin បាននិយាយថា ចំពោះបញ្ហានេះ ខ្ញុំសូមរម្លឹកអ្នកទាំងអស់គ្នាថា នៅក្នុងសាធារណរដ្ឋប្រជាមានិត Donetsk, សាធារណរដ្ឋប្រជាមានិត Luhansk ព្រមទាំងនៅតំបន់ Kherson និង Zaporizhzhia ច្បាប់អាជ្ញាសឹកនេះបានចូលជាធរមានរួចហើយ មុនពេលចូលរួមជាមួយរុស្ស៊ី៕អត្ថបទ៖ សុខមាន

សម្ដេចតេជោ ហ៊ុន សែន ជំរុញមន្ត្រីពន្លឿនការធ្វើអត្តសញ្ញាណប័ណ្ណដល់ពលរដ្ឋ អាចឲ្យពលរដ្ឋចុះឈ្មោះបោះឆ្នោតទាន់ពេលវេលា

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានជំរុញទៅមន្ត្រីអត្រានុកូលដ្ឋាន ត្រូវពន្លឿនការធ្វើអត្តសញ្ញាណប័ណ្ណដល់ប្រជាពលរដ្ឋ ដើម្បីឲ្យពលរដ្ឋដែល គ្រប់អាយុឈ្មោះបោះឆ្នោតបាន និងអាចចុះឈ្មោះបោះឆ្នោតបានទាន់ពេលវេលា ។ ក្នុងឱកាសអញ្ជើញចុះឈ្មោះបោះឆ្នោតថ្មី និងប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត នៅសង្កាត់តាខ្មៅ ក្រុងតាខ្មៅ ខេត្តកណ្តាល នាថ្ងៃទី២០ ខែតុលា ឆ្នាំ២០២២ សម្ដេចតេជោនាយករដ្ឋមន្ត្រី មានប្រសាសន៍ថា ការធ្វើអត្តសញ្ញាណប័ណ្ណ មិនមែនជាបញ្ហារបស់គណៈកម្មាធិការជាតិរៀបចំការបោះឆ្នោតនោះទេ (គ.ជ.ប) ប៉ុន្តែជាការងាររបស់មន្ត្រីអត្រានុកូលដ្ឋាន ។ សម្ដេចតេជោ បានបន្តថា ដូចនេះ មន្ត្រីអត្រានុកូលដ្ឋាន ត្រូវពន្លឿនការធ្វើអត្តសញ្ញាណប័ណ្ណ ឬឯកសារពាក់ព័ន្ធនឹងការបោះឆ្នោត ឲ្យបានឆាប់រហ័ស ដើម្បីឲ្យពលរដ្ឋអាចចុះឈ្មោះបោះឆ្នោត ឬការផ្ទេរទីតាំងបោះឆ្នោតជាដើម ឲ្យបានទាន់ពេលតាមការកំណត់របស់ គ.ជ.ប ។ គណៈកម្មាធិការជាតិរៀបចំការបោះឆ្នោត បានប្រកាសថា ការពិនិត្យឈ្មោះ និងការចុះឈ្មោះបោះឆ្នោតឆ្នាំ២០២២ ចាប់ពីថ្ងៃទី២០ ខែតុលា រហូតដល់ថ្ងៃទី៨ ខែធ្នូ ឆ្នាំ២០២២ មានរយៈពេលចំនួន ៥០ថ្ងៃ ។ គិតត្រឹមឆ្នាំ២០២២ ប្រជាពលរដ្ឋខ្មែរ មានឈ្មោះក្នុងបញ្ជីបោះឆ្នោតមានចំនួន ជាង ៩លាន ២សែននាក់ ៕ (អត្ថបទ៖ បាន សុខរិទ្ធិ)

សម្តេចតេជោ ហ៊ុន សែន ប្រកាសគាំទ្រសាលក្រមតុលាការដែលដាក់អតិបរមាដល់បុគ្គលឈ្មោះ សម រង្ស៊ី(ជាប់គុកមួយជីវិត)

ភ្នំពេញ៖ សម្តេចតេជោ ហ៊ុន សែន បានប្រកាសគាំទ្រសាលក្រមតុលាការ ដែលកាត់ទោសឱ្យជនម្នាក់ ឈ្មោះ សម រង្ស៊ី ជាប់ពន្ធនាគារអស់មួយជីវិត ក្នុងសំណុំរឿងចុះកិច្ចព្រមព្រៀងរវាង សម រង្ស៊ី និងកុក សរ កាត់ដីកម្ពុជាចំនួន ៤ខេត្តឱ្យជនជាតិភាគតិចម៉ុងតាញ៉ា(វៀតណាម)។ថ្លែងប្រាប់ក្រុមអ្នកសារព័ត៌មានក្រោយពេលសម្តេច អញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោតថ្មី នៅព្រឹកថ្ងៃទី២០ ខែតុលា ឆ្នាំ២០២២នេះ នៅក្រុងតាខ្មៅខេត្តកណ្តាល សម្តេចបានប្រកាសប្រឆាំងដាច់ណាត់នឹងនយោបាយអមិត្តជាមួយបុគ្គល សម រង្ស៊ី ដែលធ្វើនយោបាយបំផ្លាញជាតិ និងផលប្រយោជន៍ប្រជាពលរដ្ឋកម្ពុជា។សម្តេចតេជោ ហ៊ុន សែន បានប្រកាសដល់គ្រប់បក្សនយោបាយទាំងអស់ សូមកុំភ្ជាប់ខ្លួនជាមួយបុគ្គលទណ្ឌិតសម រង្ស៊ី បើមិនចង់មានបញ្ហាប្រឈមដល់ខ្លួនឯង នៃវិធានការតាមផ្លូវច្បាប់។ សម្តេចតេជោ ហ៊ុន សែន ប្រកាសថា ទណ្ឌិតសម រង្ស៊ី គ្មានផ្លូវដើរនៅកម្ពុជាទៀតទេ ហើយអ្នកដែលងើបប្រឆាំងជាមួយរាជរដ្ឋាភិបាល ឬអាជ្ញាធរសាធារណៈ ដោយគាំទ្របុគ្គលជាទណ្ឌិតរូបនោះ ក៏នឹងមានវិធានការដូចគ្នា«ងើបមួយ វាយមួយ, ងើបពីរ វាយពីរ»។សម្តេចតេជោ ហ៊ុន សែនបញ្ជាក់ថា «ក្នុងប្រវត្តិសាស្ត្រជាង ៥០០ឆ្នាំរបស់កម្ពុជា មានតែជនក្បត់ជាតិ ៣ជំនាន់ ឈ្មោះទណ្ឌិត សម រង្ស៊ី ប៉ុណ្ណោះ ដែលខូច និងពុតត្បុតជាងគេ»។សូមបញ្ជាក់ថា តុលាការរាជធានីភ្នំពេញ កាលពីថ្ងៃទី១៩ តុលានេះ បានប្រកាសសាលក្រមផ្តន្ទាទោសកំបាំងមុខទណ្ឌិត សម រង្ស៉ី មេក្រុមឧទ្ទាមក្រៅច្បាប់ និងជាពូជក្បត់ជាតិ ៣ជំនាន់ជាប់ពន្ធនាគារ អស់មួយជីវិត និងហាមឃាត់មិនឱ្យធ្វើនយោបាយអស់មួយជីវិតផងដែរ ក្នុងសំណុំរឿងចុះហត្ថលេខាលើកិច្ចព្រមព្រៀងមួយជាមួយឈ្មោះ កុក សរ ប្រធានមូលនិធិជនជាតិដើមភាគតិចម៉ុងតាញ៉ា។សម្តេចតេជោ ហ៊ុន សែន ប្រកាសដាច់ណាត់ថា គ្មានផ្លូវចុះហត្ថលេខាដើម្បីស្នើទៅព្រះមហាក្សឲ្យលើកលែទោសដល់ទណ្ឌិតក្រៅច្បាប់នេះម្តងទៀតនោះឡើយ ផ្ទុយទៅវិញសម្តេចមានតែបំផុសចលនាដើម្បីនឹងកំចាត់ចោលនូវមនោគម វិជ្ជាជ្រុលនិយមរបស់ជនក្បតិជាតិបីជំនាន់នេះថែមទៀត៕

សម្តេចតេជោ ហ៊ុន សែន អញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោតថ្មី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី២០ ខែតុលា ឆ្នាំ២០២២នេះ បានអញ្ជើញប្តូរព័ត៌មានថ្ងៃខែឆ្នាំកំណើតក្នុងបញ្ជីឈ្មោះបោះឆ្នោត ដោយប្តូរពីថ្ងៃទី០៤ ខែមេសា ឆ្នាំ១៩៥១ ទៅថ្ងៃទី០៥ ខែសីហា ឆ្នាំ១៩៥២ វិញ។គួររំលឹកថា កន្លងទៅនេះ សម្តេចតេជោ ហ៊ុន សែន បានយកថ្ងៃទី០៤ ខែមេសា ឆ្នាំ១៩៥១ ប្រើប្រាស់ជាថ្ងៃខែឆ្នាំកំណើតក្នុងឯកសារផ្សេងៗចាប់តាំងពីក្រោយថ្ងៃរំដោះប្រទេសចេញពីរបបប្រល័យពូជសាសន៍ ប៉ុល ពត។ ថ្ងៃទី៤ ខែមេសា ជាថ្ងៃដែលសម្តេចចូលព្រៃតស៊ូវាយផ្តួលរបបសាធារណរដ្ឋខ្មែរ តាមការអំពាវនាវរបស់សម្តេច នរោត្តម សីហនុ។ ទើបតែឆ្នាំ២០២២នេះ សម្តេចតេជោ ហ៊ុន សែន បានស្នើទៅតុលាការ ដើម្បីផ្លាស់ប្តូរថ្ងៃខែឆ្នាំកំណើត មកថ្ងៃខែឆ្នាំកំណើតពិតវិញ គឺថ្ងៃទី០៥ ខែសីហា ឆ្នាំ១៩៥២។ នៅថ្ងៃទី២០ ខែមិថុនា ឆ្នាំ២០២២ លោក តាំង ស៊ុនឡាយ ប្រធានសាលាដំបូង និងជាចៅក្រមសាលាដំបូងរាជធានី សម្រេចឱ្យប្រើប្រាស់ថ្ងៃខែឆ្នាំកំណើតពិត និងបង្គាប់ឱ្យមន្ត្រីអត្រានុកូលដ្ឋានមានសមត្ថកិច្ច ព្រមទាំងអាជ្ញាធរ និងស្ថាប័នមានសមត្ថកិច្ចពាក់ព័ន្ធកែតម្រូវគល់បញ្ជីសំបុត្របញ្ជាក់កំណើតលេខ២៤១ ចុះថ្ងៃទី០៣ ខែសីហា ឆ្នាំ២០០៦ ក្នុងសៀវភៅបញ្ជាក់កំណើតលេខ០៣/២០០៦ ចេញដោយមន្ត្រីអត្រានុកូលដ្ឋានសង្កាត់ចតុមុខ ខណ្ឌដូនពេញ រាជធានីភ្នំពេញ ព្រមទាំងឯកសារបញ្ជាក់អត្តសញ្ញាណពាក់ព័ន្ធផ្សេងទៀតរបស់សម្តេចតេជោ ហ៊ុន សែន៕

សម្តេចតេជោ ហ៊ុន សែន នឹងអញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត នៅព្រឹកស្អែកនេះ

ភ្នំពេញ៖ នៅព្រឹកថ្ងៃទី២០ ខែតុលា ឆ្នាំ២០២២ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញប្តូរព័ត៌មានថ្ងៃខែឆ្នាំកំណើតក្នុងបញ្ជីឈ្មោះបោះឆ្នោត ដោយប្តូរពីថ្ងៃទី០៤ ខែមេសា ឆ្នាំ១៩៥១ ទៅថ្ងៃទី០៥ ខែសីហា ឆ្នាំ១៩៥២ វិញ។គួររំលឹកថា កន្លងទៅនេះ សម្តេចតេជោ ហ៊ុន សែន បានយកថ្ងៃទី០៤ ខែមេសា ឆ្នាំ១៩៥១ ប្រើប្រាស់ជាថ្ងៃខែឆ្នាំកំណើតក្នុងឯកសារផ្សេងៗចាប់តាំងពីក្រោយថ្ងៃរំដោះប្រទេសចេញពីរបបប្រល័យពូជសាសន៍ ប៉ុល ពត។ ថ្ងៃទី៤ ខែមេសា ជាថ្ងៃដែលសម្តេចចូលព្រៃតស៊ូវាយផ្តួលរបបសាធារណរដ្ឋខ្មែរ តាមការអំពាវនាវរបស់សម្តេច នរោត្តម សីហនុ។ ទើបតែឆ្នាំ២០២២នេះ សម្តេចតេជោ ហ៊ុន សែន បានស្នើទៅតុលាការ ដើម្បីផ្លាស់ប្តូរថ្ងៃខែឆ្នាំកំណើត មកថ្ងៃខែឆ្នាំកំណើតពិតវិញ គឺថ្ងៃទី០៥ ខែសីហា ឆ្នាំ១៩៥២។ នៅថ្ងៃទី២០ ខែមិថុនា ឆ្នាំ២០២២ លោក តាំង ស៊ុនឡាយ ប្រធានសាលាដំបូង និងជាចៅក្រមសាលាដំបូងរាជធានី សម្រេចឱ្យប្រើប្រាស់ថ្ងៃខែឆ្នាំកំណើតពិត និងបង្គាប់ឱ្យមន្ត្រីអត្រានុកូលដ្ឋានមានសមត្ថកិច្ច ព្រមទាំងអាជ្ញាធរ និងស្ថាប័នមានសមត្ថកិច្ចពាក់ព័ន្ធកែតម្រូវគល់បញ្ជីសំបុត្របញ្ជាក់កំណើតលេខ២៤១ ចុះថ្ងៃទី០៣ ខែសីហា ឆ្នាំ២០០៦ ក្នុងសៀវភៅបញ្ជាក់កំណើតលេខ០៣/២០០៦ ចេញដោយមន្ត្រីអត្រានុកូលដ្ឋានសង្កាត់ចតុមុខ ខណ្ឌដូនពេញ រាជធានីភ្នំពេញ ព្រមទាំងឯកសារបញ្ជាក់អត្តសញ្ញាណពាក់ព័ន្ធផ្សេងទៀតរបស់សម្តេចតេជោ ហ៊ុន សែន៕

បណ្ដាញសង្គម

ព័ត៌មានថ្មីៗ

សម្ដេចធិបតី ហ៊ុន ម៉ាណែត សម្រេចដំឡើងភាគលាភសម្រាប់ផ្តល់ជូនសហគមន៍អ្នករត់កាណូតទេសចរណ៍ចុងឃ្នៀស ដើម្បីជួយសម្រាលបន្ទុក និងបង្កើនចំណូល

ឯកឧត្តម គីម សុផារុន អញ្ជើញដឹកនាំប្រជុំបច្ចេកទេសនៃគណៈកម្មការការងារលើកទី៧ VECONAC តាមប្រព័ន្ធវីដេអូ

បង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams ៣ទីតាំង នៅក្រុងបាវិត ឃាត់ខ្លួជនបរទេស៣២នាក់

មន្ត្រីជំនាញ៖ ឧក្រិដ្ឋជនប្រើប្រាស់ប្រព័ន្ធអនឡាញធ្វើជាឧបករណ៍ឆបោក លួចទិន្នន័យ បង្កវិនាសកម្មផ្នែកសេដ្ឋកិច្ច

ប្រធានក្រុមការងារចុះមូលដ្ឋាន៖ គណបក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ

ទេសាភិបាលធនាគារជាតិ៖ រាជរដ្ឋាភិបាលបានផ្ដល់អាទិភាពខ្ពស់បំផុតដល់ការអភិវឌ្ឍធនធានមនុស្ស

នាយឧត្តមសេនីយ៍ គន់ គីម អញ្ជើញជួបពិភាក្សាការងារជាមួយថ្នាក់ដឹកនាំ សមាគមធុរកិច្ចអតីតយុទ្ធជនវៀតណាម

លោក Merz ៖ អ៊ុយក្រែនមិនអាចក្លាយជាសមាជិកសហភាពអឺរ៉ុបបានទេ ខណៈខ្លួនកំពុងស្ថិតក្នុង សង្គ្រាមបែបនេះ

អ្នកការទូតបេឡារុស៖ លោក ហ្សេឡិនស្គី កំពុងព្យាយាមធ្វើឲ្យអឺរ៉ុបទាំងមូលធ្លាក់ចូលទៅក្នុងជម្លោះប្រដាប់អាវុធ

លោក TRUMP និយាយថា ប្រតិបត្តិការដើម្បីផ្លាស់ប្តូរថ្នាក់ដឹកនាំគុយបា នៅតែអាចធ្វើទៅបាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ទាហានអាមេរិក និងកូរ៉េខាងត្បូងធ្វើសមយុទ្ធឆ្លងទន្លេ ខណៈមានការតវ៉ាពីកូរ៉េខាងជើង

សារព័ត៌មាន Telegraph និយាយថា លោកស្រីនាយករដ្ឋមន្ត្រីអង់គ្លេស Truss សល់ពេលត្រឹមប៉ុន្មានម៉ោងប៉ុណ្ណោះ

សម្តេចតេជោ ហ៊ុន សែន ៖ ការចុះជួបប្រជាពលរដ្ឋ មិនមែនជាយុទ្ធនាការឃោសនាបោះឆ្នោតទេ

លោក Putin ប្រកាសច្បាប់អាជ្ញាសឹកក្នុងតំបន់៤ដែលរុស្ស៊ីគ្រប់គ្រង ខណៈទាហានអ៊ុយក្រែនបង្កើនការវាយលុក

សម្តេចតេជោ ហ៊ុន សែន ប្រកាសគាំទ្រសាលក្រមតុលាការដែលដាក់អតិបរមាដល់បុគ្គលឈ្មោះ សម រង្ស៊ី(ជាប់គុកមួយជីវិត)

សម្តេចតេជោ ហ៊ុន សែន អញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោតថ្មី

សម្តេចតេជោ ហ៊ុន សែន នឹងអញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត នៅព្រឹកស្អែកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ទាហាន​អាមេរិក និង​កូរ៉េខាងត្បូង​ធ្វើ​សមយុទ្ធ​ឆ្លងទន្លេ ខណៈ​មាន​ការតវ៉ា​ពី​កូរ៉េខាងជើង

សារព័ត៌មាន Telegraph និយាយថា លោកស្រី​នាយករដ្ឋមន្ត្រី​អង់គ្លេស Truss សល់​ពេល​ត្រឹម​ប៉ុន្មាន​ម៉ោង​ប៉ុណ្ណោះ​

សម្តេចតេជោ ហ៊ុន សែន ៖ ការចុះជួបប្រជាពលរដ្ឋ មិនមែនជាយុទ្ធនាការឃោសនាបោះឆ្នោតទេ

សម្តេចតេជោ​ ហ៊ុន សែន ប្រកាសគាំទ្រសាលក្រមតុលាការដែលដាក់អតិបរមាដល់បុគ្គលឈ្មោះ សម រង្ស៊ី(ជាប់គុកមួយជីវិត)

សម្តេចតេជោ ហ៊ុន សែន អញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោតថ្មី

សម្តេចតេជោ ហ៊ុន សែន នឹងអញ្ជើញប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត នៅព្រឹកស្អែកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទាហានអាមេរិក និងកូរ៉េខាងត្បូងធ្វើសមយុទ្ធឆ្លងទន្លេ ខណៈមានការតវ៉ាពីកូរ៉េខាងជើង

សារព័ត៌មាន Telegraph និយាយថា លោកស្រីនាយករដ្ឋមន្ត្រីអង់គ្លេស Truss សល់ពេលត្រឹមប៉ុន្មានម៉ោងប៉ុណ្ណោះ

សម្តេចតេជោ ហ៊ុន សែន ប្រកាសគាំទ្រសាលក្រមតុលាការដែលដាក់អតិបរមាដល់បុគ្គលឈ្មោះ សម រង្ស៊ី(ជាប់គុកមួយជីវិត)