BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

លោក Zekenskyy និយាយថា ផ្នូរធំជាច្រើនរកឃើញនៅក្រុង Izium

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃព្រហស្បតិ៍ថា ផ្នូរធំៗត្រូវបានរកឃើញនៅក្នុងទីក្រុង Izium តំបន់ Kharkiv ដែលទើបដណ្តើមបានមកវិញ។ លោក Zelenskyy និយាយថា ប្រព័ន្ធផ្សព្វផ្សាយនឹងត្រូវបានអនុញ្ញាតចូលទៅកន្លែងកើតហេតុនៅថ្ងៃសុក្រនេះ ដើម្បីឱ្យពិភពលោកដឹងនូវអ្វីដែលកំពុងកើតឡើង និងអ្វីដែលជាការចូលកាន់កាប់របស់រុស្ស៊ីកើតមាន។ ការវាយប្រហាររបស់រុស្ស៊ីកាលពីពេលថ្មីៗនេះទៅលើតំបន់ Kryvyi Rih និង Kirovohrad កំពុងកើតឡើងក្នុងពេលដំណាលគ្នាជាមួយដំណើរទស្សនកិច្ចរបស់ប្រធានគណៈកម្មការអឺរ៉ុបលោកស្រី Ursula von der Leyen ទៅកាន់ទីក្រុងគីវ។ មេដឹកនាំអ៊ុយក្រែនបាននិយាយថា រដ្ឋភេរវនិយមកំពុងព្យាយាមបង្ហាញថា ខ្លួនអាចទូទាត់សងដោយការវាយប្រហារបែបនេះសម្រាប់ភាពកំសាក និងអសមត្ថភាពនៃយោធារបស់ខ្លួន។ ផ្នូរដ៏ធំរបស់ទាហានអ៊ុយក្រែន និងជនស៊ីវិលរាប់រយនាក់ដែលមិនស្គាល់អត្តសញ្ញាណ ត្រូវបានរកឃើញនៅក្នុងព្រៃនៃក្រុង Izium ដែលទើបដណ្តើមយកបានមកវិញ។ ស្នងការអ៊ុយក្រែនលោក Oleg Kotenko បាននិយាយថា ទាហានរុស្ស៊ីបានកប់ទាហានអ៊ុយក្រែននៅក្នុងផ្នូរដ៏ធំមួយនេះនៅក្នុងព្រៃ៕អត្ថបទ៖ ប៊ុនថន

អ៊ីរ៉ង់មិនទទួលស្គាល់ទណ្ឌកម្មលើរុស្ស៊ី ខណៈនឹងចូលរួមជាមួយអង្គការសហប្រតិបត្តិការសៀងហៃ

អ៊ីរ៉ង់៖ ប្រធានាធិបតីអ៊ីរ៉ង់លោក Ebrahim Raisi បាននិយាយថា ផលប៉ះពាល់នៃទណ្ឌកម្មរបស់សហរដ្ឋអាមេរិកលើប្រទេសរុស្ស៊ី និងអ៊ីរ៉ង់មិនអាចបំបាក់អ្វីបានឡើយ បន្ទាប់ពីជំនួបរបស់លោកជាមួយសមភាគីរុស្ស៊ីលោក Vladimir Putin កាលពីថ្ងៃព្រហស្បតិ៍ ក្រោយការចុះហត្ថលេខាលើអនុស្សរណៈនៃកាតព្វកិច្ច ដើម្បីក្លាយជាសមាជិកអចិន្ត្រៃយ៍នៃអង្គការសហប្រតិបត្តិការសៀងហៃ (SCO)។ លោក Putin ថ្លែងថា ការងារលើកិច្ចព្រមព្រៀងកិច្ចសហប្រតិបត្តិការថ្មីរវាងរុស្ស៊ី និងអ៊ីរ៉ង់គឺស្ថិតនៅក្នុងដំណាក់កាលចុងក្រោយរបស់ខ្លួន ខណៈទីក្រុងមូស្គូកំពុងធ្វើអ្វីគ្រប់យ៉ាង ដើម្បីឱ្យអ៊ីរ៉ង់ក្លាយជាសមាជិកពេញលេញនៃអង្គការសហប្រតិបត្តិការសៀងហៃ (SCO)។ គណៈប្រតិភូរុស្ស៊ីនឹងចាកចេញទៅកាន់ប្រទេសអ៊ីរ៉ង់នៅសប្តាហ៍ក្រោយ រួមមានទាំងតំណាងក្រុមហ៊ុនរុស្ស៊ីធំៗចំនួន ៨០ក្រុមហ៊ុន។អ៊ីរ៉ង់នឹងស្វែងរកការចូលរួមជាមួយក្រុមសន្តិសុខអាស៊ីដឹកនាំដោយប្រទេសរុស្ស៊ី និងចិន ក្នុងចំណាត់ការមួយដើម្បីធ្វើឲ្យទំនាក់ទំនងរឹងមាំបន្ថែមទៀត រវាងបណ្តាប្រទេសទាំងនេះ និងក្នុងគោលបំណងកំណត់ឥទ្ធិពលប្រទេសលោកខាងលិចនៅក្នុងតំបន់។ រដ្ឋមន្ត្រីការបរទេសលោក Hossein Amirabdollahian បាននិយាយថា ដោយចុះហត្ថលេខាលើឯកសារសម្រាប់សមាជិកពេញសិទ្ធនៃអង្គការសហប្រតិបត្តិការសៀងហៃ ពេលនេះអ៊ីរ៉ង់បានចូលដល់ដំណាក់កាលថ្មីនៃកិច្ចសហប្រតិបត្តិការថាមពល ដឹកជញ្ជូន ពាណិជ្ជកម្ម និងសេដ្ឋកិច្ច៕អត្ថបទ៖ ប៊ុនថន

អាមេនីនិយាយថា ទាហាន ១០៥នាក់បានស្លាប់ក្នុងការប៉ះទង្គិចនៅព្រំដែនអាហ្សែបៃហ្សង់

អាមេនី៖ នាយករដ្ឋមន្ត្រីអាមេនីលោក Nikol Pashinyan បាននិយាយថា ទាហានអាមេនីជាង ១០០នាក់បានស្លាប់នៅក្នុងការប៉ះទង្គិចនៅតាមព្រំដែន ជាមួយប្រទេសអាហ្សែបៃហ្សង់ចាប់តាំងពីថ្ងៃចន្ទ។ ទន្ទឹមនឹងនេះប្រទេសអាហ្សែបៃហ្សង់បាននិយាយកាលពីថ្ងៃព្រហស្បតិ៍ថា ទាហានរបស់ខ្លួនចំនួន ៧១នាក់ត្រូវបានសម្លាប់នៅក្នុងការប្រយុទ្ធគ្នា ដែលភាគីទាំងពីរបានដាក់កំហុសគ្នាទៅលើភាគីម្ខាងៗ។ វាជាជម្លោះថ្មីក្នុងជម្លោះដ៏រ៉ាំរ៉ៃដែលបានប្រយុទ្ធគ្នា រវាងអតីតសាធារណរដ្ឋសូវៀតទាំងពីរជុំវិញតំបន់ជម្លោះ Nagorno-Karabakh។ រុស្ស៊ី និងសហរដ្ឋអាមេរិកបានអំពាវនាវឲ្យមានសន្តិភាពរវាងប្រទេសទាំងពីរ។ ថ្លែងទៅកាន់សភារបស់ប្រទេស លោកនាយករដ្ឋមន្ត្រី Nikol Pashinyan បាននិយាយថា ទាហានអាមេនី ១០៥នាក់បានស្លាប់ចាប់តាំងពីយប់ថ្ងៃចន្ទ នៅក្នុងការវាយប្រហារដែលលោកបានដាក់កំហុសលើប្រទេសអាហ្សៃបៃហ្សង់។ លោកនាយករដ្ឋមន្ត្រីបានចោទប្រកាន់កងទ័ព Azeri ថា បានចូលកាន់កាប់ទឹកដីអាមេនី ១០គីឡូម៉ែត្រការ៉េក្នុងសប្តាហ៍នេះ និងបាននិយាយថា ពេលនេះលោកបានងាកទៅរករុស្ស៊ីដើម្បីសុំជំនួយយោធា ដែលជាសម្ព័ន្ធមិត្តជាយូរលង់របស់ប្រទេសអាមេនី។អាហ្សៃបៃហ្សង់បានបដិសេធការអត្ថាធិប្បាយរបស់ប្រទេសអាមេនី អំពីហេតុការណ៍ក្នុងសប្តាហ៍នេះរួមទាំងរបាយការណ៍ដែលថា ខ្លួនបានបាញ់ទៅលើរថយន្តដែលជាកម្មសិទ្ធិរបស់អង្គភាពសេវាកម្មសន្តិសុខ FSB របស់រុស្ស៊ីដែលមានមូលដ្ឋាននៅក្នុងប្រទេសអាមេនី។ អាហ្សែបៃហ្សង់បានអះអាងថា ប្រទេសជិតខាងខ្លួនបានចាប់ផ្តើមជម្លោះ ដោយការបាញ់ផ្លោងលើគោលដៅយោធានៅក្នុងស្រុក Kalbacar។ ក្រសួងការពារជាតិអាហ្សែបៃហ្សង់និយាយថា អង្គភាពរបស់យើងកំពុងមានចំណាត់ការឆ្លើយតបចាំបាច់។ បទឈប់បាញ់ដ៏ផុយស្រួយដែលសម្របសម្រួលដោយរុស្ស៊ីកាលពីថ្ងៃអង្គារបានបរាជ័យ ដោយភាគីទាំងពីរបានដាក់កំហុសគ្នាចំពោះការបំពានកិច្ចព្រមព្រៀង ហើយរបាយការណ៍នៃអំពើហិង្សានៅតែបន្តរហូតដល់ល្ងាចថ្ងៃពុធ៕អត្ថបទ៖ ប៊ុនថន

រុស្ស៊ី និងចិនធ្វើសមយុទ្ធកងទ័ពជើងទឹករួមគ្នានៅមហាសមុទ្រប៉ាស៊ីហ្វិក

រុស្ស៊ី៖ ក្រុមនាវិកមកពីកងទ័ពជើងទឹកប្រទេសរុស្ស៊ី កំពុងធ្វើសមយុទ្ធយុទ្ធសាស្ត្ររួមគ្នាជាមួយសមភាគីចិន នៅមហាសមុទ្រប៉ាស៊ីហ្វិកដើម្បីរៀបចំទំនាក់ទំនងរវាងនាវា ធ្វើសមយុទ្ធកាំភ្លើងធំបាញ់គ្រាប់ពិត ព្រមទាំងគាំទ្រឧទ្ធម្ភាគចក្រនៅលើនាវា។ សមយុទ្ធនេះត្រូវបានរៀបចំឡើងក្នុងគោលបំណង ជំរុញកិច្ចសហប្រតិបត្តិការខាងកងទ័ពជើងទឹករវាងទីក្រុងមូស្គូ និងទីក្រុងប៉េកាំង រក្សាសន្តិភាព និងស្ថិរភាពនៅក្នុងតំបន់អាស៊ីប៉ាស៊ីហ្វិក ព្រមទាំងការពារសកម្មភាពសេដ្ឋកិច្ចរវាងប្រទេសនានា។ វីដេអូចេញផ្សាយដោយប្រព័ន្ធផ្សព្វផ្សាយរដ្ឋរុស្ស៊ីកាលពីថ្ងៃទី១៥ ខែកញ្ញា បានបង្ហាញនាវាចម្បាំងរបស់កងទ័ពជើងទឹករុស្ស៊ី និងចិនបានល្បាតរួមគ្នាជាលើកទីពីរ រវាងប្រទេសទាំងពីរក្នុងមហាសមុទ្រប៉ាស៊ីហ្វិក។ ក្រសួងការពារជាតិរុស្ស៊ីបាននិយាយថា សមយុទ្ធកងទ័ពជើងទឹកនឹងមានសមយុទ្ធយុទ្ធសាស្ត្ររួម និងការរៀបចំទំនាក់ទំនង ព្រមទាំងការធ្វើសមយុទ្ធជាបន្តបន្ទាប់ដោយមានការបាញ់កាំភ្លើងធំ បាញ់គ្រាប់ពិត និងការហោះហើរឧទ្ធម្ភាគចក្រនៅលើនាវា។នេះគឺជាសមយុទ្ធលើកទី២ ដែលប្រទេសចិន និងរុស្ស៊ីបានល្បាតរួមគ្នារបស់កងទ័ពជើងទឹកនៅតំបន់ប៉ាស៊ីហ្វិក ដោយលើកទី១ ត្រូវបានអនុវត្តកាលពីខែតុលា ឆ្នាំ២០២១។ សមយុទ្ធនេះធ្វើឡើងស្របពេលនឹងជំនួបដែលបានគ្រោងទុករវាងប្រធានាធិបតីរុស្ស៊ីលោក Vladimir Putin និងប្រធានាធិបតីចិនលោក Xi Jinping រួមជាមួយមេដឹកនាំអាស៊ីផ្សេងទៀតនៅក្នុងកិច្ចប្រជុំកំពូលនៅទីក្រុង Samarkand ប្រទេសអ៊ូសបេគីស្ថាន៕អត្ថបទ៖ ប៊ុនថន

សភាអឺរ៉ុបអនុម័តប្រាក់កម្ចី ៥ពាន់លានអឺរ៉ូសម្រាប់ប្រទេសអ៊ុយក្រែន

អឺរ៉ុប៖ សភាអឺរ៉ុបកាលពីថ្ងៃព្រហស្បតិ៍បានអនុម័តលើការបែងចែកប្រាក់កម្ចីអឺរ៉ុបចំនួន ៥ពាន់លានអឺរ៉ូដល់ប្រទេសអ៊ុយក្រែន។ ប្រាក់កម្ចីនេះគឺជាផ្នែកមួយនៃកញ្ចប់ពិសេសនៃជំនួយម៉ាក្រូហិរញ្ញវត្ថុ ដែលបានលើកឡើងកាលពីខែឧសភាដោយគណៈកម្មការអឺរ៉ុបថា នឹងផ្តល់ប្រាក់កម្ចីរហូតដល់ ៩ពាន់លានអឺរ៉ូដល់ទីក្រុងគីវសម្រាប់ឆ្នាំ២០២២។ នេះគឺការបន្ថែមលើកញ្ចប់ជំនួយម៉ាក្រូហិរញ្ញវត្ថុគ្រាអាសន្នកាលពីពេលមុនចំនួន ១.២ពាន់លានអឺរ៉ូដែលស្ថាប័នអឺរ៉ុបបានព្រមព្រៀងភ្លាមៗ មុនពេលការវាយលុករបស់រុស្ស៊ីលើអ៊ុយក្រែនកាលពីចុងខែកុម្ភៈ ឆ្នាំ២០២២។ ក្នុងចំណោមជំនួយទឹកប្រាក់ចំនួន ៩ពាន់លានអឺរ៉ូដែលបានសន្យាកាលពីនិទាឃរដូវមុននោះ ទឹកប្រាក់ដំបូងចំនួន ១ពាន់លានអឺរ៉ូត្រូវបានបញ្ចេញកាលពីដើមខែសីហា។ គោលបំណងនៃជំនួយម៉ាក្រូហិរញ្ញវត្ថុនេះ ជាទម្រង់នៃប្រាក់កម្ចីរយៈពេលវែងលើលក្ខខណ្ឌអនុគ្រោះ ដើម្បីធានាបាននូវស្ថិរភាពជាក់លាក់មួយនៅប្រទេសអ៊ុយក្រែន និងបំពេញតម្រូវការហិរញ្ញវត្ថុបន្ទាន់ និងដំណើរការហេដ្ឋារចនាសម្ព័ន្ធសំខាន់ៗ។សភាអឺរ៉ុបបាននិយាយថា តម្រូវការហិរញ្ញវត្ថុពីខាងក្រៅរបស់អ៊ុយក្រែនបានកើនឡើងយ៉ាងឆាប់រហ័ស ដោយសារតែការវាយលុករបស់រុស្ស៊ី។ បន្ថែមលើការខូចខាតធ្ងន់ធ្ងរដល់ផ្លូវថ្នល់ ស្ពាន រោងចក្រ លំនៅឋាន មន្ទីរពេទ្យ និងហេដ្ឋារចនាសម្ព័ន្ធរូបវន្តផ្សេងទៀត ប្រទេសនេះក៏បានបាត់បង់លទ្ធភាពទទួលបានទីផ្សារហិរញ្ញវត្ថុអន្តរជាតិផងដែរ។ ការបែងចែកថវិកានេះត្រូវបានអនុម័តនៅក្នុងកិច្ចប្រជុំកាលពីថ្ងៃព្រហស្បតិ៍ ស្របតាមនីតិវិធីបន្ទាន់ដោយមានសមាជិកចំនួន ៥៣៤នាក់បោះឆ្នោតគាំទ្រ ៣០នាក់ប្រឆាំង និង ២៦នាក់អនុប្បវាទ៕អត្ថបទ៖ ប៊ុនថន

សម្ដេចតេជោរំលឹកថា អតីតនាយករដ្ឋមន្ត្រីជប៉ុន ស៊ីនហ៊្សូអាបេ បានបន្សល់នូវសមិទ្ធផលយ៉ាងច្រើនដល់កម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានរំលឹកជូនប្រតិភូមកពីប្រទេសជប៉ុនថា អតីតនាយករដ្ឋមន្ត្រីជប៉ុន ស៊ីនហ៊្សូអាបេ បានបន្សល់ទុកនូវសមិទ្ធផលយ៉ាងច្រើនដល់ប្រទេសកម្ពុជា។ក្នុងឱកាសអនុញ្ញាតឱ្យលោកបណ្ឌិត គីតាអូកា ហ្ស៊ីនអ៊ីឈិ (KITAOKA Shinichi) ទីប្រឹក្សាពិសេសរបស់ប្រធានទីភ្នាក់ងារសហប្រតិបត្តិការអន្តរជាតិជប៉ុន (ចៃកា-JICA) ចូលជួបសំដែងការគួរសមនិងពិភាក្សាការងារនៅវិមានសន្តិភាព នាព្រឹកថ្ងៃទី១៦ កញ្ញានេះ សម្តេចតេជោ ហ៊ុន សែន នាយករដ្ឋមន្ត្រី បានរំលឹកថា ឯកឧត្តម អាបេ គឺជាអ្នកមានគុណសម្រាប់ប្រទេសយើងទាំងពីរ។ឯកឧត្តម បានបន្សល់ទុកនូវសមិទ្ធផលយ៉ាងច្រើនសម្រាប់ប្រទេសកម្ពុជាក្នុងនោះរួមទាំងស្ពានគីស៊ូហ៊្សូណា ស្ពានអ្នកលឿង ផ្លូវជាតិលេខ១ ផ្លូវជាតិលេខ៥ ហើយក្រៅពីជួយដល់កម្ពុជាតាមរយៈជំនួយរដ្ឋាភិបាល ឯកឧត្តម អាបេក៏បានជួយកម្ពុជា កសាងសាលារៀនដល់កម្ពុជាតាមរយៈសមាគមសភាជប៉ុនកម្ពុជាផងដែរ។សម្ដេច បានបន្ថែមថា លោក អាបេ តែងតែយកចិត្តទុកដាក់ខ្ពស់ចំពោះការងារតំបន់ក៏ដូចជាការងារមនុស្សធម៌ផងដែរ ដោយគាត់តែងតែឆ្លៀតប្រជុំ មេគង្គជប៉ុនយ៉ាងទៀងទាត់ទោះមានការបើមានញឹកយ៉ាងណាក៏ដោយ ហើយរាល់ពេលក្នុងកិច្ចប្រជុំ ឯកឧត្តមតែងតែលើកឡើងអំពីសុំការគាំទ្រលើបញ្ហាការចាប់ជម្រិតជនជាតិជប៉ុន ដោយប្រទេសកូរ៉េខាងជើង។សម្ដេច មានប្រសាសន៍ទៀតថា ការចាកចេញរបស់ឯកឧត្តម អាបេ គឺជាការ បាត់បង់មិត្តភ័ក្ដិម្នាក់ដែលបានជួយកម្ពុជាក្នុងគ្រាលំបាក។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានឱ្យដឹងថា ក្នុងជំនួបនេះលោកបណ្ឌិត គីតាអូកា ហ្ស៊ីនអ៊ីឈិ បានគោរពនិងដឹងគុណយ៉ាងជ្រាលជ្រៅចំពោះសម្តេចដែលបានផ្ញើសារថ្លែងមរណៈទុក្ខចំពោះការបាត់បង់លោក អាបេ ស៊ីនហ្សូ។គួរបញ្ជាក់ថា ទីភ្នាក់ងារសហប្រតិបត្តិការអន្តរជាតិជប៉ុន (ចៃកា-JICA) ជាទីភ្នាក់ងាររដ្ឋាភិបាល ឯករាជ្យមួយដែសម្របសម្រួល ជំនួយអភិវឌ្ឍន៍ផ្លូរការ (ODA) សម្រាប់រដ្ឋាភិបាល នៃប្រទេស ជប៉ុន ។ អង្គការនេះ ត្រូវបានបង្កើតឡើង ដើម្បីជួយដល់កំណើនសេដ្ឋកិច្ច និងសង្គមនៅក្នុងប្រទេសកំពុងអភិវឌ្ឍន៍និង លើកកម្ពស់កិច្ចសហប្រតិបត្តិការ អន្តរជាតិ៕

មេដឹកនាំរុស្ស៊ីបង្ហាញពីការព្រួយបារម្ភរបស់ចិនជុំវិញបញ្ហានៅអ៊ុយក្រែន

រុស្ស៊ី៖ លោក Vladimir Putin បានទទួលស្គាល់ការព្រួយបារម្ភរបស់ប្រទេសចិនចំពោះបញ្ហានៅអ៊ុយក្រែន នៅក្នុងកិច្ចពិភាក្សាទល់មុខគ្នាលើកដំបូងជាមួយប្រធានាធិបតីចិនលោក Xi Jinping ចាប់តាំងពីការវាយលុករបស់រុស្ស៊ី។ ប៉ុន្តែថ្លែងនៅប្រទេសអ៊ូសបេគីស្ថាន លោក Putin បានអរគុណប្រទេសចិនសម្រាប់ជំហរមានតុល្យភាព និងបាននិយាយថា សហរដ្ឋអាមេរិកព្យាយាមបង្កើតពិភពលោកមានប៉ូលតែមួយនឹងត្រូវបរាជ័យ។ លោក Xi បាននិយាយថា ប្រទេសចិនមានឆន្ទៈធ្វើការរួមគ្នាជាមួយរុស្ស៊ី ជាប្រទេសមហាអំណាច។ ប្រទេសចិនមិនបានគាំទ្រការវាយលុករបស់រុស្ស៊ីទេ ប៉ុន្តែបានបង្កើនពាណិជ្ជកម្ម និងទំនាក់ទំនងផ្សេងទៀតជាមួយទីក្រុងមូស្គូ ចាប់តាំងពីសង្គ្រាមចាប់ផ្តើម។ ជំនួបរបស់មេដឹកនាំទាំង២ នៅខាងក្រៅកិច្ចប្រជុំកំពូលរបស់អង្គការសហប្រតិបត្តិការសៀងហៃ (SCO) នៅទីក្រុង Samarkand បានឈានដល់ចំណុចសំខាន់មួយក្នុងសង្គ្រាមនៅអ៊ុយក្រែន។ លោក Putin បានថ្លែងប្រាប់លោក Xi ថា យើងវាយតម្លៃខ្ពស់ចំពោះជំហរតុល្យភាពរបស់មិត្តចិន ចំពោះវិបត្តិនៅអ៊ុយក្រែន។ ដោយបង្ហាញថា ប្រទេសចិនមានមន្ទិលសង្ស័យ និងការព្រួយបារម្ភអំពីស្ថានការណ៍ក្នុងប្រទេសអ៊ុយក្រែន លោកPutin បាននិយាយថា លោកយល់ពីបញ្ហានេះ។លោក Putin និយាយថា ក្នុងអំឡុងជំនួប យើងនឹងពន្យល់ពីជំហររបស់យើង។ ការវាយលុកនេះបានធ្វើឱ្យទីក្រុងមូស្គូធ្លាក់ចូលទៅក្នុងវិបត្តិដ៏អាក្រក់បំផុតរបស់ខ្លួន ជាមួយប្រទេសលោកខាងលិចចាប់តាំងពីសង្គ្រាមត្រជាក់ ហើយបានធ្វើឱ្យតម្លៃស្បៀងអាហារ និងថាមពលសកលកើនឡើង។ វាក៏ជាបញ្ហាប្រឈមធំមួយសម្រាប់ប្រទេសចិន ដែលមានទំនាក់ទំនងជាមួយប្រទេសលោកខាងលិច ខណៈបានធ្លាក់ចុះខ្លាំងក្នុងរយៈពេលប៉ុន្មានឆ្នាំចុងក្រោយនេះ ជុំវិញបញ្ហារួមមានសិទ្ធិមនុស្ស និងអនាគតរបស់កោះតៃវ៉ាន់៕អត្ថបទ៖ ប៊ុនថន

ប្រធានាធិបតីអ៊ុយក្រែនលោក Zelensky ស្ថិតនៅក្នុងគ្រោះថ្នាក់ចរាចរណ៍ ប៉ុន្តែមិនរបួសធ្ងន់ទេ

អ៊ុយក្រែន៖ អ្នកនាំពាក្យប្រធានាធិបតីបានបង្ហើបឱ្យដឹងថា ប្រធានាធិបតីអ៊ុយក្រែនលោក Volodymyr Zelensky បានស្ថិតនៅក្នុងហេតុការណ៍គ្រោះថ្នាក់ចរាចរណ៍។ លោក Sergii Nykyforov បាននិយាយនៅក្នុងសេចក្តីថ្លែងការណ៍ថា រថយន្តដឹកអ្នកដំណើរមួយគ្រឿងបានបុកជាមួយរថយន្តប្រធានាធិបតី និងរថយន្តអមដំណើររបស់លោកនៅក្នុងរដ្ឋធានីគីវ។ លោកបាននិយាយថា លោកប្រធានាធិបតីត្រូវបានពិនិត្យដោយវេជ្ជបណ្ឌិត ប៉ុន្តែពុំមានរងរបួសធ្ងន់ធ្ងរនោះទេ។ ចំណែកអ្នកបើកបររថយន្តដែលបុកជាមួយក្បួនរថយន្ត ត្រូវបានបញ្ជូនទៅព្យាបាលដោយរថយន្តសង្គ្រោះ។ លោក Nykyforov បាននិយាយថា គ្រប់កាលៈទេសៈនៃគ្រោះថ្នាក់ចរាចរណ៍ កំពុងត្រូវបានស៊ើបអង្កេតដោយមន្ត្រីអនុវត្តច្បាប់។ គ្រោះថ្នាក់នេះបានកើតឡើងបន្ទាប់ពីប្រធានាធិបតីលោក Zelensky អាយុ ៤៤ឆ្នាំបានចុះពិនិត្យទីក្រុង Izyum ដែលដណ្តើមបានមកវិញ ជាមជ្ឈមណ្ឌលដឹកជញ្ជូនដ៏សំខាន់នៅភាគឦសានប្រទេសអ៊ុយក្រែនកាលពីថ្ងៃពុធ។ លោកបានថ្លែងអំណរគុណដល់កងទ័ពដែលបានចូលរួម ក្នុងការវាយប្រយុទ្ធយ៉ាងរហ័សប្រឆាំងអ្នកឈ្លានពានរុស្ស៊ី និងបានមើលការលើកទង់ជាតិ។ ក្នុងប៉ុន្មានថ្ងៃថ្មីៗនេះកងទ័ពអ៊ុយក្រែនបានដណ្តើមយកមកវិញ នូវទឹកដីដែលត្រូវបានចូលកាន់កាប់ដោយបង្ខំឲ្យទាហានរុស្ស៊ីដកថយ៕អត្ថបទ៖ ប៊ុនថន

ប្រមុខអង្គការសហប្រជាជាតិបានពិភាក្សាតាមទូរស័ព្ទជាមួយលោក Vladimir Putin

UN៖ អគ្គលេខាធិការអង្គការសហប្រជាជាតិលោក Antonio Guterres និយាយថា លោកបានពិភាក្សាជាមួយប្រធានាធិបតីរុស្ស៊ីលោក Vladimir Putin អំពីការនាំចេញជីរបស់រុស្សីតាមរយៈកំពង់ផែសមុទ្រខ្មៅ ដើម្បីដោះស្រាយវិបត្តិស្បៀងអាហារពិភពលោកដែលកំពុងកើនឡើង ព្រមទាំងសន្តិសុខនៅរោងចក្រនុយក្លេអ៊ែរដ៏ធំបំផុតរបស់អឺរ៉ុប ដែលលោកបាននិយាយថា ការបាញ់ផ្លោងបានបញ្ឈប់ក្នុងរយៈពេលបីថ្ងៃកន្លងទៅនេះ ហើយអ្នកទោសសង្គ្រាមដែលលោកចង់ឃើញនឹងមានការដោះដូរ។ ប្រមុខអង្គការសហប្រជាជាតិបានថ្លែងទៅកាន់សន្និសីទសារព័ត៌មានថា បេសកកម្មស្វែងរកការពិតដែលលោកបានតែងតាំងតាមសំណើរបស់រុស្ស៊ី និងអ៊ុយក្រែននឹងស៊ើបអង្កេតការស្លាប់ឈ្លើយសឹកនៅពន្ធនាគារ Olenivka ក្នុងតំបន់ផ្តាច់ខ្លួននៅភាគខាងកើតប្រទេសអ៊ុយក្រែនកាលពីថ្ងៃទី29 ខែកក្កដា ដែលប្រទេសកំពុងធ្វើសង្គ្រាមទាំងពីរបានចោទប្រកាន់គ្នាទៅវិញទៅមកចំពោះការប្រព្រឹត្ត។ ខណៈមេដឹកនាំពិភពលោករៀបចំដើម្បីជួបប្រជុំ នៅមហាសន្និបាតអង្គការសហប្រជាជាតិនៅសប្តាហ៍ក្រោយ លោក Guterres បាននិយាយថា ពិភពលោករបស់យើងបានរងទុក្ខដោយសង្គ្រាម ញាំញីដោយភាពវឹកវរអាកាសធាតុ ភាពស្អប់ខ្ពើម ភាពក្រីក្រ ភាពអត់ឃ្លាន និងវិសមភាព។លោកបាននិយាយថា សង្គ្រាមនៅអ៊ុយក្រែនកំពុងអូសទាញសេដ្ឋកិច្ចពិភពលោកឲ្យធ្លាក់ចុះ ហើយទោះបីជាកិច្ចព្រមព្រៀងកាលពីខែកក្កដា ដើម្បីដឹកជញ្ជូនគ្រាប់ធញ្ញជាតិអ៊ុយក្រែនពីកំពង់ផែសមុទ្រខ្មៅ និងដើម្បីទទួលបានស្បៀងអាហារ និងជីរបស់រុស្ស៊ីទៅកាន់ទីផ្សារពិភពលោកក៏ដោយ វាមានហានិភ័យនៃគ្រោះទុរ្ភិក្សជាច្រើននៅឆ្នាំនេះ។ លោក អគ្គលេខាធិការបាននិយាយថា តម្លៃជីឡើងខ្ពស់បានកាត់បន្ថយការដាំដំណាំសម្រាប់ស្បៀងអាហាររួចហើយ ជាមូលហេតុសំខាន់ក្នុងការនាំចេញជីរបស់រុស្ស៊ី៕អត្ថបទ៖ ប៊ុនថន

សម្តេចតេជោ បានកំពុងបោះពុម្ពសៀវភៅចំនួន៥ម៉ឺនច្បាប់ទៀតដែលបង្ហាញពីរឿងសម្ងាត់របស់សម្តេច

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានឲ្យដឹងថា នាពេលនេះសម្តេច បានកំពុងឲ្យធ្វើការបោះពុម្ពនូវសៀវភៅចំនួនប្រាំម៉ឺនច្បាប់បន្ថែមទៀត ដែលបង្ហាញរឿងសម្ងាត់សម្តេច ដែលរឿងសម្ងាត់ទាំងនោះប្រហែលជា៧០ទៅ៨០ភាគរយពុំមានសាធារណៈជនដឹងនោះ។តាមរយៈសង្គមហ្វេសបុកនាព្រឹកថ្ងៃទី១៥ ខែកញ្ញា ឆ្នាំ២០២២នេះ សម្តេចតេជោ ហ៊ុន សែន បានបង្ហោះតាមរយៈឆាណែលតេលេក្រាម ដោយបានបង្ហាញនូវចំណងជើងលើក្របសៀវភៅ«សម្តេចតេជោ ហ៊ុន សែន ជាអ្នកគូសវាសជោកវាសនាកម្ពុជា» បានលើកឡើងថា ដល់ពេលដែលត្រូវបញ្ចេញនូវរឿងរ៉ាវមួយចំនួនដែលមនុស្សភាគច្រើនមិនបានដឹង។ សម្តេចតេជោ បានគូសបញ្ជាក់ទៀតថា«ឯកឧត្តមកែវ បាភ្នំ ប្រធាន គណៈស្រាវជ្រាវប្រវត្តិសាស្រ្តគណបក្សប្រជាជន និងជារដ្ឋមន្ត្រីប្រតិភូអមនាយករដ្ឋមន្ត្រីបានសរសេរសៀវភៅមួយក្បាលដែលមានចំនួន ៦០១ទំព័រ។ សៀវភៅនេះបានបញ្ចេញនូវរឿងសម្ងាត់ប្រមាណ៧០ទៅ៨០ភាគរយដែលមនុស្សភាគច្រើនមិនបានដឹងដែលខ្ញុំយល់ថាចាំបាច់ត្រូវបញ្ចេញឱ្យដឹងនាពេលនេះ»។យ៉ាងណាក៏ដោយសម្តេចតេជោ នាយករដ្ឋមន្រ្តីមិនទាន់បានបញ្ជាក់ថាសៀវភៅនេះត្រូវបោះពុម្ពបញ្ចប់នាថ្ងៃណានោះឡើយដោយសម្តេចគ្រាន់តែបញ្ជាក់ថា «ខ្ញុំកំពុងឱ្យបោះពុម្ភចំនួន៥ម៉ឺនច្បាប់ និងចាត់ចែងឱ្យមានការបកប្រែជាភាសាអង់គ្លេស ដើម្បីឱ្យមិត្តភ័ក្របរទេសបានផងដែរ។ ជូនភ្ជាប់ជាមួយនូវរូបភាពសៀវភៅ»៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

ថាមពលកកើតឡើងវិញ កំពុងរីកចម្រើនយ៉ាងឆាប់រហ័សនៅតំបន់ម៉ុងហ្គោលីខាងក្នុងរបស់ចិន

អនុប្រធានាធិបតី លោក Vance៖ អាមេរិករំពឹងថា ច្រកសមុទ្រ Hormuz នឹងបើកឲ្យចរាចរដោយមិនបង់ថ្លៃ

តម្លៃឧស្ម័នអឺរ៉ុប ធ្លាក់ចុះជាង ៦% ខណៈកិច្ចព្រមព្រៀងរវាងអាមេរិក និងអ៊ីរ៉ង់ សម្រាលកង្វល់ពីការផ្គត់ផ្គង់ LNG

លោក Lavrov ៖ ទីក្រុងមូស្គូប្តេជ្ញាចិត្តចំពោះតែសំណើសន្តិភាពរបស់អាមេរិក និងច្រានចោលឱសានវាទរបស់អឺរ៉ុប

ឥណ្ឌា និងស្លូវ៉ាគី ឯកភាពបង្កើនទំនាក់ទំនងដល់កម្រិតភាពជាដៃគូយុទ្ធសាស្រ្ត

ចិនជំរុញឲ្យមានការសន្ទនា ខណៈរុស្ស៊ី និងអ៊ុយក្រែន វាយប្រហារគ្នាដោយមីស៊ីល និងយានដ្រូនទ្រង់ទ្រាយធំ

អភិបាលខេត្តកណ្ដាលបានអំពាវនាវឱ្យបញ្ឈប់ការប្រេីប្រាស់ ឬបញ្ឈប់លក់បន្តប្រហិតហតដករបស់ក្រុមហ៊ុន TSP

រយៈពេល៣ថ្ងៃ ក.ប.ប. រាជធានីភ្នំពេញនិងសមត្ថកិច្ចចម្រុះរកឃើញទំនិញមានប្រភពដើមពីប្រទេសថៃ ចំនួន ១១២មុខ មានទម្ងន់ជាង ២៦តោន

ប្រធានាធិបតីកូរ៉េខាងត្បូង អំពាវនាវឲ្យអត់ធ្មត់ អំឡុងការតវ៉ា ទាក់ទងនឹងការខ្វះខាតសន្លឹកឆ្នោត

ចិនបញ្ជាក់ថា ការពង្រីកយោធារបស់ខ្លួន ជួយដល់សន្តិភាពពិភពលោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Zekenskyy និយាយថា ផ្នូរធំជាច្រើនរកឃើញនៅក្រុង Izium

អ៊ីរ៉ង់មិនទទួលស្គាល់ទណ្ឌកម្មលើរុស្ស៊ី ខណៈនឹងចូលរួមជាមួយអង្គការសហប្រតិបត្តិការសៀងហៃ

អាមេនីនិយាយថា ទាហាន ១០៥នាក់បានស្លាប់ក្នុងការប៉ះទង្គិចនៅព្រំដែនអាហ្សែបៃហ្សង់

រុស្ស៊ី និងចិនធ្វើសមយុទ្ធកងទ័ពជើងទឹករួមគ្នានៅមហាសមុទ្រប៉ាស៊ីហ្វិក

សភាអឺរ៉ុបអនុម័តប្រាក់កម្ចី ៥ពាន់លានអឺរ៉ូសម្រាប់ប្រទេសអ៊ុយក្រែន

សម្ដេចតេជោរំលឹកថា អតីតនាយករដ្ឋមន្ត្រីជប៉ុន ស៊ីនហ៊្សូអាបេ បានបន្សល់នូវសមិទ្ធផលយ៉ាងច្រើនដល់កម្ពុជា

មេដឹកនាំរុស្ស៊ីបង្ហាញពីការព្រួយបារម្ភរបស់ចិនជុំវិញបញ្ហានៅអ៊ុយក្រែន

ប្រធានាធិបតីអ៊ុយក្រែនលោក Zelensky ស្ថិតនៅក្នុងគ្រោះថ្នាក់ចរាចរណ៍ ប៉ុន្តែមិនរបួសធ្ងន់ទេ

ប្រមុខអង្គការសហប្រជាជាតិបានពិភាក្សាតាមទូរស័ព្ទជាមួយលោក Vladimir Putin

សម្តេចតេជោ បានកំពុងបោះពុម្ពសៀវភៅចំនួន៥ម៉ឺនច្បាប់ទៀតដែលបង្ហាញពីរឿងសម្ងាត់របស់សម្តេច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Zekenskyy និយាយថា ​ផ្នូរ​ធំ​ជាច្រើន​រក​ឃើញ​នៅ​ក្រុង Izium

អ៊ីរ៉ង់​មិន​ទទួលស្គាល់​ទណ្ឌកម្ម​លើ​រុស្ស៊ី​ ខណៈ​នឹង​ចូលរួម​ជាមួយ​អង្គការ​សហប្រតិបត្តិការ​សៀង​ហៃ​

​អា​មេ​នី​និយាយ​ថា ទាហាន ​១០៥​នាក់​បាន​ស្លាប់​ក្នុង​ការ​ប៉ះទង្គិច​នៅ​ព្រំដែន​អា​ហ្សែ​បៃ​ហ្ស​ង់​

រុស្ស៊ី និង​ចិន​ធ្វើ​សមយុទ្ធ​កងទ័ពជើងទឹក​រួមគ្នា​នៅ​មហាសមុទ្រ​ប៉ាស៊ីហ្វិក​

សភា​អឺរ៉ុប​អនុម័ត​ប្រាក់កម្ចី ៥ពាន់​លាន​អឺរ៉ូ​សម្រាប់​ប្រទេស​អ៊ុយ​ក្រែ​ន​

សម្ដេចតេជោរំលឹកថា អតីតនាយករដ្ឋមន្ត្រីជប៉ុន ស៊ីនហ៊្សូអាបេ បានបន្សល់នូវសមិទ្ធផលយ៉ាងច្រើនដល់កម្ពុជា

មេដឹកនាំ​រុស្ស៊ី​បង្ហាញ​ពី​ការព្រួយបារម្ភ​របស់​ចិន​ជុំវិញ​បញ្ហា​នៅ​អ៊ុយ​ក្រែ​ន​

ប្រធានាធិបតី​អ៊ុយ​ក្រែ​ន​លោក Zelensky ស្ថិត​នៅ​ក្នុង​គ្រោះថ្នាក់​ចរាចរណ៍ ប៉ុន្តែ​មិន​របួសធ្ងន់​ទេ

ប្រមុខ​អង្គការសហប្រជាជាតិ​បាន​ពិភាក្សា​តាម​ទូរស័ព្ទ​ជាមួយ​លោក Vladimir Putin

សម្តេចតេជោ បាន​កំពុង​បោះពុម្ព​សៀវភៅ​ចំនួន​៥​ម៉ឺន​ច្បាប់​ទៀត​ដែល​បង្ហាញ​ពី​រឿង​សម្ងាត់​របស់​សម្តេច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Zekenskyy និយាយថា ផ្នូរធំជាច្រើនរកឃើញនៅក្រុង Izium

អ៊ីរ៉ង់មិនទទួលស្គាល់ទណ្ឌកម្មលើរុស្ស៊ី ខណៈនឹងចូលរួមជាមួយអង្គការសហប្រតិបត្តិការសៀងហៃ

អាមេនីនិយាយថា ទាហាន ១០៥នាក់បានស្លាប់ក្នុងការប៉ះទង្គិចនៅព្រំដែនអាហ្សែបៃហ្សង់

រុស្ស៊ី និងចិនធ្វើសមយុទ្ធកងទ័ពជើងទឹករួមគ្នានៅមហាសមុទ្រប៉ាស៊ីហ្វិក

សភាអឺរ៉ុបអនុម័តប្រាក់កម្ចី ៥ពាន់លានអឺរ៉ូសម្រាប់ប្រទេសអ៊ុយក្រែន

មេដឹកនាំរុស្ស៊ីបង្ហាញពីការព្រួយបារម្ភរបស់ចិនជុំវិញបញ្ហានៅអ៊ុយក្រែន

ប្រធានាធិបតីអ៊ុយក្រែនលោក Zelensky ស្ថិតនៅក្នុងគ្រោះថ្នាក់ចរាចរណ៍ ប៉ុន្តែមិនរបួសធ្ងន់ទេ

ប្រមុខអង្គការសហប្រជាជាតិបានពិភាក្សាតាមទូរស័ព្ទជាមួយលោក Vladimir Putin

សម្តេចតេជោ បានកំពុងបោះពុម្ពសៀវភៅចំនួន៥ម៉ឺនច្បាប់ទៀតដែលបង្ហាញពីរឿងសម្ងាត់របស់សម្តេច