BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

អង្គការស្បៀងអាហារពិភពលោកព្រមានថា កង្វះស្បៀងអាហារអាចកាន់តែធ្ងន់ធ្ងរថែមទៀតនៅឆ្នាំក្រោយ

UN៖ មន្ត្រីមួយរូបមកពីអង្គការស្បៀងអាហារពិភពលោកបានព្រមានថា កង្វះស្បៀងអាហារនៅជុំវិញពិភពលោកអាចកាន់តែធ្ងន់ធ្ងរថែមទៀតនៅឆ្នាំក្រោយ ទោះបីជាមានការបន្តការនាំចេញឡើងវិញ នូវគ្រាប់ធញ្ញជាតិរបស់អ៊ុយក្រែនកាលពីខែមុនក៏ដោយ។ លោកស្រី Corinne Fleischer នាយកប្រចាំតំបន់របស់អង្គការកម្មវិធីស្បៀងអាហារពិភពលោក សម្រាប់តំបន់មជ្ឈិមបូព៌ា អាហ្វ្រិកខាងជើង និងអឺរ៉ុបខាងកើតបានប្រាប់សារព័ត៌មាន NHK របស់ជប៉ុនថា ការបន្តការនាំចេញផលិតផលកសិកម្មឡើងវិញចេញពីប្រទេសអ៊ុយក្រែន ដែលរងការហែកហួរដោយជម្លោះគឺជាជំហានឆ្ពោះទៅមុខដ៏សំខាន់។ ប៉ុន្តែលោកស្រី Fleischer បាននិយាយថា ការវាយលុករបស់រុស្ស៊ីបានបង្កឲ្យខូចខាតដល់ដីកសិកម្ម និងហេដ្ឋារចនាសម្ព័ន្ធនៅក្នុងប្រទេសអ៊ុយក្រែន រួមទាំងតំបន់នានានៅភាគខាងកើត ជាទីដែលស្បៀងអាហារភាគច្រើនត្រូវបានផលិតនៅទីនោះ។ លោកស្រីក៏បាននិយាយផងដែរថា ក្រុមកសិករជាច្រើនកំពុងស្ថិតនៅខ្សែបន្ទាត់ជួរមុខ។លោកស្រីរំពឹងថា ការប្រមូលផលគ្រាប់ធញ្ញជាតិរបស់អ៊ុនក្រែន ដែលនឹងចូលមកដល់នៅពេលខាងមុខនឹងទទួលបានប្រមាណ ៣០% តិចជាងរដូវប្រមូលផលកាលពីកន្លងទៅ ដែលបានមើលឃើញការប្រមូលផលបានយ៉ាងច្រើនរហូតដល់ ១០០លានតោន។ លោកស្រីបានព្រមានពីការធ្លាក់ចុះ ដែលអាចកើតឡើងបាននៅក្នុងការងារផលិតកសិកម្មសកល។ លោកស្រីនិយាយថា កសិករនៅទូទាំងសកលលោកកំពុងជួបការលំបាកទៅលើជីកសិកម្ម ដោយសារតែការហក់ឡើងថ្លៃខ្លាំងក្រោយរុស្ស៊ីវាយលុកអ៊ុយក្រែន ដែលជាប្រទេសផលិតជីកសិកម្មធំបំផុត និងនាំចេញដ៏សំខាន់។ លោកស្រីក៏បានរំពឹងផងដែរថា ពីការប៉ះពាល់ធ្ងន់ធ្ងរលើសន្តិសុខស្បៀងសកល កើតចេញពីស្ថានភាពបម្រែបម្រួលអាកាសធាតុ រួមទាំងទឹកជំនន់នៅក្នុងប្រទេសប៉ាគីស្ថាន និងគ្រោះរាំងស្ងួតនៅប្រទេសចិន និងអឺរ៉ុប៕អត្ថបទ៖ សុខមាន

រុស្ស៊ីនិយាយថា អាល្លឺម៉ង់បានឆ្លងបន្ទាត់ក្រហមហើយ

រុស្ស៊ី៖ ឯកអគ្គរដ្ឋទូតរបស់ទីក្រុងមូស្គូនៅក្នុងទីក្រុងប៊ែរឡាំងបាននិយាយកាលពីថ្ងៃចន្ទថា ប្រទេសអាល្លឺម៉ង់បានឆ្លងបន្ទាត់ក្រហមជាមួយរុស្ស៊ីដោយការបញ្ជូនអាវុធទៅឲ្យអ៊ុយក្រែន។ ឯកអគ្គរដ្ឋទូតរូបនេះបានបន្ថែមថា ការសម្រេចចិត្តនេះបានប៉ះពាល់ដល់ការផ្សះផ្សាជាច្រើនទសវត្សរ៍ ចាប់តាំងពីចប់សង្គ្រាមលោកលើកទី២ មក និងការឈ្លានពានរបស់ណាស៊ីមកលើសហភាពសូវៀត។ ឯកអគ្គរដ្ឋទូតរុស្ស៊ីលោក Sergey Nechaev បាននិយាយនៅក្នុងបទសម្ភាសន៍មួយជាមួយកាសែត Izvestia ថា ពិតណាស់ថា របបអ៊ុយក្រែនកំពុងត្រូវបានទទួលការផ្គត់ផ្គង់ដោយអាវុធសង្គ្រាមផលិតដោយអាល្លឺម៉ង់ ដែលត្រូវបានប្រើមិនត្រឹមតែប្រឆាំងនឹងទាហានរុស្ស៊ីប៉ុណ្ណោះទេ ប៉ុន្តែក៏ប្រឆាំងនឹងជនស៊ីវិលនៅតំបន់ Donbass ផងដែរជាការឆ្លងបន្ទាត់ក្រហម។ លោកបានបន្ថែមថា ទីក្រុងប៊ែរឡាំងគួរតែដឹងច្បាស់ជាងគេដោយគិតពីសីលធម៌ និងទំនួលខុសត្រូវជាប្រវត្តិសាស្ត្រ ដែលអាល្លឺម៉ង់បានធ្វើដាក់ប្រជាជនយើងក្នុងឧក្រិដ្ឋកម្មរបបណាស៊ី។លោក Nechaev បានបញ្ជាក់ថា ពួកគេបានឆ្លងបន្ទាត់ក្រហមហើយ ដោយប្រើប្រាស់សំនួនវោហារដែលថា ឆ្លងផុតចំណុចដែលមិនអាចបកក្រោយបាន។ អាល្លឺម៉ង់បានបោះបង់ចោលគោលនយោបាយយូរអង្វែងរបស់ខ្លួន ដែលថានឹងមិនបញ្ជូនអាវុធចូលទៅតំបន់ជម្លោះប្រដាប់អាវុធចូលរួមជាមួយអាមេរិក និងសម្ព័ន្ធយោធាណាតូផ្សេងទៀតក្នុងការផ្ដល់អាវុធឲ្យអ៊ុយក្រែន។ រដ្ឋាភិបាលរុស្ស៊ីបាននិយាយថា ខ្លួនមានការទទួលខុសត្រូវប្រកបដោយសីលធម៌ក្នុងការគាំទ្រទីក្រុង Kiev ដើម្បីឲ្យប្រទេសនេះអាចការពារខ្លួនប្រឆាំងនឹងរុស្ស៊ី៕អត្ថបទ៖ សុខមាន

ដំណើរការផ្ទេររាជបល្ល័ង្កនៅអង់គ្លេសបង្កឲ្យមានការតវ៉ាប្រឆាំងរាជានិយម

អង់គ្លេស៖ ព្រះមហាក្សត្រ Charles ទី III ទ្រង់បានមានព្រះបន្ទូលសង្កត់ធ្ងន់ភ្លាមៗថា ទ្រង់គឺជាមហាក្សត្រនៃចក្រភពអង់គ្លេសទាំងមូល ក្រោយការសោយព្រះពិរាល័យរបស់ព្រះមាតារបស់ទ្រង់គឺព្រះមហាក្សត្រី Elizabeth ទីII។ ប៉ុន្តែមានការផ្ទុះកំហឹងម្ដងម្កាលបង្កឡើងដោយក្រុមអ្នកប្រឆាំងរាជវង្ស ក្នុងអំឡុងព្រះរាជពិធីផ្លូវការដែលកំពុងធ្វើឡើងនៅទូទាំងប្រទេស។បុរសម្នាក់ត្រូវបានចាប់ខ្លួននៅក្នុងទីក្រុង Oxford កាលពីថ្ងៃអាទិត្យដោយស្រែកពាក្យថា អ្នកណាជ្រើសរើសព្រះអង្គ ខណៈដែលការប្រកាសតែងតាំងព្រះមហាក្សត្រថ្មីត្រូវបានអានលឺៗ។ ក្រោយមកបុរសវ័យ ៤៥ឆ្នាំឈ្មោះ Symon Hill បុគ្គលិកក្រៅម៉ោង នៅអង្គការក្រៅរដ្ឋាភិបាលអ្នកស្រឡាញ់សន្តិភាពមានឈ្មោះថា Peace Pledge Union ត្រូវបានដោះលែងវិញ។ ពេលនិយាយទៅកាន់ទូរទស្សន៍ Sky News របស់អង់គ្លេសរូបគេបាននិយាយថា តើពេលនេះយើងពិតជាកំពុងរស់នៅក្នុងចក្រភពអង់គ្លេសសតវត្សរ៍ទី២១ ជាទីដែលប្រមុខរដ្ឋថ្មីត្រូវបានប្រកាសតែងតាំង ដែលមានគេប្រាប់យើងឲ្យទទួលយកបុគ្គលរូបនេះដោយពុំមានសំណួរឬ? នៅក្នុងទីក្រុង Edinburgh ការប្រកាសតែងតាំងព្រះមហាក្សត្រនេះត្រូវបានបង្កការរំខានដោយក្រុមអ្នកតវ៉ាមួយចំនួន នៅក្នុងចំណោមហ្វូងមនុស្សដែលមិនពេញចិត្ត ហើយម្នាក់ក្នុងចំណោមពួកគេបានកាន់ស្លាកមួយសរសេរថា សាធារណរដ្ឋ។ចំណែកនៅក្នុងព្រះរាជពិធីហែព្រះសពព្រះមហាក្សត្រីកាលពីថ្ងៃចន្ទនោះដែរ នគរបាលចាប់ខ្លួនបុរសវ័យជំទង់ម្នាក់ដែលបានស្រែកដាក់ព្រះអង្គម្ចាស់ Andrew របស់អង់គ្លេស ទោះបីជាគេមិនដឹងថា បុរសនោះនិយាយពីអ្វីក៏ដោយ ខណៈដែលព្រះអង្គបានហែអមព្រះមជ្ឈូសារបស់ម្ចាស់ក្សត្រី Queen Elizabeth II ទៅកាន់ព្រះវិហារ St Giles ក្នុងទីក្រុង Edinburgh៕អត្ថបទ៖ សុខមាន

អង្គការសហប្រជាជាតិ៖ ការស្លាប់ជនស៊ីវិល និងភាពចលាចលក្នុងការវាយប្រយុទ្ធគ្នាជាថ្មីទៀតនៅអ៊ុយក្រែន

អ៊ុយក្រែន៖ យោងតាមអ្នកនាំពាក្យរបស់អគ្គលេខាធិការអង្គការសហប្រជាជាតិលោក Antonio Guterres រលកចុងក្រោយបំផុតនៃការវាយប្រយុទ្ធគ្នា ដែលបានមើលឃើញកងកម្លាំងអ៊ុយក្រែនដណ្ដើមបានទឹកដីដ៏ធំ នៅក្នុងប្រទេសរបស់ខ្លួនពីទាហានរុស្ស៊ី ដែលបានសម្លាប់ជនស៊ីវិលមួយចំនួន និងការរំខានដល់ការផ្គត់ផ្គង់ចរន្តអគ្គិសនី និងប្រព័ន្ធទឹកដ៏សំខាន់នៅក្នុងតំបន់មួយចំនួន៦។ លោក Stéphane Dujarric បាននិយាយថា អង្គការសហប្រជាជាតិគ្រោងបញ្ជូនប្រេសិតពិសេសផ្នែកមនុស្សធម៌មួយរូប នៅសប្ដាហ៍នេះទៅកាន់តំបន់នានារបស់អ៊ុយក្រែន ដែលកងកម្លាំងរដ្ឋាភិបាលដណ្ដើមបានមកវិញពីរុស្ស៊ី។ ទាហានអ៊ុយក្រែនដណ្ដើមបានដែនដីដ៏ធំមកវិញពីរុស្ស៊ី និងបានរុញទាហានរុស្ស៊ីឲ្យត្រឡប់ក្រោយទៅកាន់ព្រំដែនភាគឦសាននៅក្នុងទីតាំងមួយចំនួន។ យោធាអ៊ុយក្រែនក៏បានរាយការណ៍ពីការចាប់ខ្លួនទាហានរុស្ស៊ីជាច្រើននាក់ផងដែរ។ ការដណ្ដើមបាននេះគឺជាផ្នែកនៃការវាយរុលទៅមុខដ៏ឆាប់រហ័ស ដែលបានបង្ខំឲ្យទីក្រុង Moscow ដកទ័ពយ៉ាងប្រញាប់ប្រញាល់ចេញពីដែនដីដែលខ្លួនបានគ្រប់គ្រង។កាលពីថ្ងៃចន្ទ ក្រសួងការពារជាតិរុស្ស៊ីបាននិយាយថា ខ្លួនកំពុងបន្តការវាយប្រហារតាមអាកាសដាក់គោលដៅលើតំបន់ Kharkiv ដែលមានសេចក្ដីរាយការណ៍ពីការខាតបង់លើភាគីយោធាអ៊ុយក្រែន។ អ្នកនាំពាក្យក្រសួងខាងលើលោក Igor Konashenkov បាននិយាយថា សត្រូវបានខាតបង់កងទ័ព ២៥០នាក់ និងជាង ២០អង្គភាពនៃយុទ្ធោបករណ៍យោធា។ កាលពីថ្ងៃទី២ មិថុនា លោក Zellenskyy បានលើកឡើងថា ២០% នៃដែនដីអ៊ុយក្រែនត្រូវបានធ្លាក់ទៅក្នុងដៃរបស់កងទ័ពរុស្ស៊ី ពោលគឺប្រមាណ ១២៥,០០០គីឡូម៉ែត្រការ៉េដែលក្នុងនោះគឺរាប់ទាំងតំបន់គ្រីម៉េ និងតំបន់ទំនាប Donbass ដែលមានទំហំប្រមាណ ៤៣,០០០គីឡូម៉ែត្រការ៉េដែលធ្លាក់ទៅក្នុងដៃរុស្ស៊ីតាំងតែពីមុនការប្រកាសសង្គ្រាមថ្ងៃទី២៤ កុម្ភៈ៕អត្ថបទ៖ សុខមាន

ពិធីគោរពវិញ្ញាណក្ខន្ធថ្វាយព្រះមហាក្សត្រី Elizabeth II ប្រារព្ធឡើងក្រោមព្រះរាជវត្តមានព្រះមហាក្សត្រ Charles III

អង់គ្លេស៖ ពិធីគោរពព្រះវិញ្ញាណក្ខន្ធសម្រាប់ព្រះមហាក្សត្រី Elizabeth ទី II ត្រូវបានធ្វើឡើងនៅព្រះវិហារ St. Giles’ ក្នុងទីក្រុង Edinburgh កាលពីថ្ងៃចន្ទ ក្រោមព្រះរាជវត្តមានរបស់ព្រះមហាក្សត្រ Charles ទី III និងសមាជិកគ្រួសាររាជវង្សផ្សេងទៀត។ ពិធីនេះក៏ត្រូវបានចូលរួមដោយលោកស្រីនាយករដ្ឋមន្ត្រីអង់គ្លេស Liz Truss និងបណ្ដាអតីតមេដឹកនាំមួយចំនួន រួមទាំងអតីតនាយករដ្ឋមន្ត្រីលោក Gordon Brown ផងដែរ។ ព្រះមជ្ឈូសាត្រូវបានតម្កល់នៅលើជើងទម្រឈើ និងគ្របដណ្ដប់ដោយមកុដមាសរបស់ដែនដីស្កុតឡិន ដែលត្រូវបានដាំដោយត្បូង ២២គ្រាប់ និងត្បូងដ៏មានតម្លៃ ២០គ្រាប់រួមជាមួយគុជទឹកសាបពីទន្លេរបស់ដែនដីស្កុតឡិន។ ក្រុមអ្នកចម្រៀងបានច្រៀងបទចម្រៀងដែលមានចំណងជើងថា "The Lord is My Shepherd" ដោយត្រូវបានគេពិពណ៌នាថា ជាចម្រៀងមួយក្នុងចំណោមចម្រៀងសាសនាដែលព្រះមហាក្សត្រីសព្វព្រះទ័យបំផុត។បន្ទាប់ពីពិធីនេះបានបញ្ចប់ទៅព្រះវិហារនេះត្រូវបានបើកជាសាធារណៈ ដល់អ្នកដែលមានចំណងគោរពព្រះវិញ្ញាណក្ខន្ធចុងក្រោយចំពោះព្រះមហាក្សត្រី។ ព្រះមជ្ឈូសាព្រះមហាក្សត្រីត្រូវតម្កល់នៅក្នុងមហាវិហារសតវត្សរ៍ទី១២ រហូតដល់ថ្ងៃអង្គារនេះ ដោយត្រូវបានអមការពារដោយក្រុមរាជង្គរក្សរបស់ទ្រង់ផ្ទាល់៕អត្ថបទ៖ សុខមាន

សម្តេចតេជោ ៖ លោក ហ៊ុន ម៉ាណែតមានលក្ខណៈសម្បត្តិគ្រប់គ្រាន់ក្នុងការដឹកនាំប្រទេស និងគណបក្សប្រជាជន

សៀមរាប៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា ទោះបីជាលោកហ៊ុន ម៉ាណែត ជាកូនអ្នកណាក៏ដោយក៏សម្តេចគាំទ្រឲ្យធ្វើជាបេក្ខភាពនាយករដ្ឋមន្ត្រីនាពេលអនាគតដែរ ពីព្រោះថា លោកហ៊ុន ម៉ាណែត ជាមនុស្សមានលក្ខណៈសម្បត្តិគ្រប់គ្រាន់សមនឹងធ្វើជាអ្នកដឹកនាំប្រទេស និងសមជាអ្នកដឹកនាំរបស់គណបក្សប្រជាជនកម្ពុជា។ការលើកឡើងរបស់សម្តេចតេជោ ហ៊ុន សែន បែបនេះគឺជាការឆ្លើយតបបន្ទាប់ពីក្រុមអ្នកវិភាគច្រំដែលៗមួយចំនួន ដែលបានលើកឡើងម្តងហើយម្តងទៀតថា ការដាក់លោកហ៊ុន ម៉ាណែត ជាបេក្ខភាពនាយករដ្ឋមន្រ្តីនាពេលខាងមុខ គឺជាបក្សពួកនិយម និងលើកបន្ទុកដល់កូនខ្លួនឯងនោះ។ថ្លែងនៅក្នុងឱកាសអញ្ជើញជួបសំណេះសំណាលជាមួយប្រជាពលរដ្ឋដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ស្ថិតនៅឃុំរុនតាឯក ស្រុកបន្ទាយស្រី ខេត្តសៀមរាប នាព្រឹកថ្ងៃទី១៣ ខែកញ្ញា ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថាបើលោកហ៊ុន ម៉ាណែត គ្មានសមត្ថភាព និងគ្មានភាពជាអ្នកដឹកនាំទេនោះ ក៏សម្តេចមិនគាំទ្រឲ្យដឹកនាំដែរ ពីព្រោះថាសម្តេចមិនអនុញ្ញាតឱ្យនរណាម្នាក់ មកបំផ្លាញគណបក្សប្រជាជនកម្ពុជា និងរាជរដ្ឋាភិបាលនោះទេ ខណៈគណបក្សប្រជាជនកម្ពុជាបានដឹកនាំប្រទេសឲ្យមានសុខសន្តិភាព និងការអភិវឌ្ឍរហូតដល់សព្វថ្ងៃ។សូមជម្រាបថា លោក ហ៊ុន ម៉ាណែត កូនប្រុសច្បងរបស់សម្តេចតេជោហ៊ុន សែន កាលពីថ្ងៃទី២៤ ខែធ្នូ ឆ្នាំ២០២១ កន្លងទៅត្រូវបានសន្និបាតគណៈកម្មាធិការកណ្តាលរបស់គណបក្សប្រជាជនកម្ពុជា បានបោះឆ្នោតជ្រើសតាំងជាបេក្ខជននាយករដ្ឋមន្ត្រី។ ការបោះឆ្នោតជ្រើសតាំងលោក ហ៊ុន ម៉ាណែត ជាបេក្ខភាពនាយកររដ្ឋមន្រ្តីបន្តវេនពីសម្តេចតេជោនេះ គឺមានសមាជិក-សមាជិកា គណៈកម្មាធិការកណ្តាលចំនួន៧៧៥នាក់៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាលជាមួយពលរដ្ឋដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ

សៀមរាប៖ សម្ដេចតេជោ ហ៊ុន សែន នាយករដ្ឋមន្ត្រីនៅព្រឹកថ្ងៃទី១៣កញ្ញានេះ បានអញ្ជើញជួបសំណេះសំណាលជាមួយប្រជាពលរដ្ឋដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋ ដែលបានយល់ពីភាពចាំបាច់ និងករណីកិច្ច បម្រើឱ្យផលប្រយោជន៍រួមរបស់ជាតិ ដែលបានចាកចេញពីតំបន់រមនីយដ្ឋានអង្គរ និងតំបន់ហាមឃាត់មករស់នៅតំបន់អភិវឌ្ឍន៍រុនតាឯក។- សម្តេចតេជោ ហ៊ុន សែន ប្រកាសថ្លែងអំណរគុណដល់ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, ក្រសួងវប្បធម៌ និងវិចិត្រសិល្បៈ ក្រសួងបរិស្ថាន និងអាជ្ញាធរខេត្តសៀមរាប និងព្រមទាំងផ្នែកពាក់ព័ន្ធ ដែលបានរួមគ្នា ដោះស្រាយបញ្ហាលំនៅដ្ឋានប្រជាពលរដ្ឋនៅតំបន់រមនីយដ្ឋានអង្គរ បានដោយជោគជ័យ និងស្នាមញញឹម។- សម្តេចតេជោ ហ៊ុន សែន រំលឹកពីស្នាព្រះរាជរបស់ព្រះវររាជបិតាជាតិខ្មែរ សម្តេច ព្រះបរមរតនកោដ្ឋ ដែលជំនះ រហូតដល់មានការយល់ព្រម ដាក់តំបន់ប្រាសាទអង្គរវត្ត ចូលជាសម្បត្តិបេតិកភណ្ឌពិភពរបស់អង្គការយូណេស្កូ។- សម្តេចតេជោ ហ៊ុន សែន រំលឹកពីអតីតកាលប្រទាញប្រទង់គ្នា ក្នុងគ្រាកម្ពុជាមានតំបន់ត្រួតត្រាច្រើន និងមានសង្គ្រាមផ្ទុះអាវុធស្ទើររៀងរាល់ថ្ងៃ ដែលពេលនោះ ការគិតពីផលប្រយោជន៍ជាតិ និងប្រជាជននៅមានកម្រិតនៅឡើយ។- សម្តេចតេជោ ហ៊ុន សែន បញ្ជាក់ថា ការដោះស្រាយបញ្ហាលំនៅដ្ឋានចេញពីតំបន់រមនីយដ្ឋានអង្គរ និងតំបន់ហាមឃាត់នានា គឺដើម្បីរក្សានិរន្តរភាពតំបន់រមនីយដ្ឋានអង្គរជាសម្បត្តិបេតិកភណ្ឌពិភពលោក ។- សម្តេចតេជោ ហ៊ុន សែន បញ្ជាក់ថា មិនថាប្រទេសតូច ឬប្រទេសធំ ,ប្រទេសអ្នកមាន ឬប្រទេសអ្នកក្រទេ ឱ្យតែខុសលក្ខន្តិកៈរបស់UNISCO គឺគេដកចេញ ដោយគ្មានការយោគយល់ទេ។ សម្តេចបញ្ជាក់ថា «បើគេដកអង្គរយើងចេញ ពីបញ្ជីបេតិកភណ្ឌពិភពលោកដោយសារខុសលក្ខន្តិកៈនោះ ដែលជាការបាត់បង់ដ៏ធំធេងណាស់របស់ជាតិទាំងមូល»។- សម្តេចតេជោ ហ៊ុន សែន ប្រកាសពីលក្ខណៈ នៃភាពជាអ្នកដឹកនាំរបស់លោក ហ៊ុន ម៉ាណែត ដែលជាបេក្ខភាពនាយករដ្ឋមន្ត្រីអនាគត សម្រាប់កម្ពុជា។ សម្តេចបញ្ជាក់ថា «វាខុសត្រង់ហ៊ុន ម៉ាណែត ជាកូននាយករដ្ឋមន្ត្រី, ទោះជា ហ៊ុន ម៉ាណែត ជាកូន ជា សុផារ៉ា ឬកូន ចម ប្រសិទ្ធ ក៏ខ្ញុំគាំទ្រ ហ៊ុន ម៉ាណែត ជាបេក្ខភាពនាយករដ្ឋមន្ត្រីអនាគត សម្រាប់គណបក្សប្រជាជនកម្ពុជាដែរ»។- សម្តេចតេជោ ហ៊ុន សែន បញ្ជាក់ថា «បើហ៊ុន ម៉ាណែត គ្មានសមត្ថភាព និងគ្មានភាពជាអ្នកដឹកនាំ ក៏ខ្ញុំមិនគាំទ្រដែរ, ខ្ញុំមិនអនុញ្ញាតឱ្យនរណាម្នាក់ មកបំផ្លាញគណបក្សប្រជាជន និងរាជរដ្ឋាភិបាលទេ»។- សម្តេចតេជោ ហ៊ុន សែន បញ្ជាក់ថា ចាប់ពីថ្ងៃទី១៨ ខែសីហា ដល់ថ្ងៃទី១០ ខែកញ្ញា ឆ្នាំ២០២២ ក្រុមការងារចម្រុះបានបញ្ចប់ការវាស់វែងក្បាលដី និងស្រង់ព័ត៌មានអ្នកកាន់កាប់ដីនៅភូមិគោលដៅទាំង ១១៤ភូមិ ក្នុងឃុំចំនួន១៧ សង្កាត់ចំនួន៧ ក្រុងចំនួន១ និងស្រុកចំនួន៤ ដោយវាស់វែងក្បាលដីបានសរុប ៩៣.៣៥១ក្បាលដី ទំហំ ១០.៩៤៥ហិកតា។- សម្តេចតេជោ ហ៊ុន សែន បញ្ជាក់ថា កិច្ចខិតខំប្រឹងប្រែងទាំងនោះបានកំណត់ក្បាលដីមានសំណង់ចំនួន ៣៩.០៤០ក្បាលដី, ក្បាលដីគ្មានសំណង់ចំនួន ៤៧.៣៤០ក្បាលដី និងក្បាលដីស្រែចម្ការចំនួន ៦.៩៩១ក្បាលដី។- សម្តេចតេជោ ហ៊ុន សែន បញ្ជាឱ្យកងពលទទួលទិសសៀមរាប ទទួលបន្ទុកដឹកប្រជាពលរដ្ឋចេញពីតំបន់រុះរើ ក្នុងតំបន់រមនីយដ្ឋានអង្គរ និងតំបន់ហាមឃាត់ មកទីតាំងថ្មីនៅតំបន់រុនតាឯក ដោយយកតែប្រជាពលរដ្ឋណា ដែលមានក្បាលដីដែលឈូសឆាយរួចតែប៉ុណ្ណោះ ដើម្បីឱ្យពួកគាត់សាង់លំនៅឋាន និងដាំដុះ។- សម្តេចតេជោ ហ៊ុន សែន ប្រកាសឧបត្ថម្ភដល់ប្រជាពលរដ្ឋ ដែលមកតាំងលំនៅឋានថ្មីនៅតំបន់រុនតាឯកក្នុងមួយគ្រួសារ ១លានរៀល ដើម្បីសាងសង់លំនៅឋាន និងឧបត្ថម្ភសម្ភារៈ(សាងសង់ផ្ទះមួយចំនួន) ព្រមទាំងគ្រឿងឧបភោគបរិភោគជាច្រើនផង។- សម្តេចតេជោ ហ៊ុន សែន ប្រកាសផ្តល់ប័ណ្ណស្ត្រីមានផ្ទៃពោះ និងប័ណ្ណក្រីក្រ ដែលត្រូវទទួលបានប្រាក់ឧបត្ថម្ភ សម្រាប់ជួយក្នុងវិបត្តិកូវីដ-១៩ ដល់ប្រជាពលរដ្ឋដែលមកតាំងទីលំនៅឋានថ្មី នៅតំបន់រុនតាឯក បន្ថែមលើការឧបត្ថម្ភ ដែលរដ្ឋបានកំណត់កន្លងមក។- សម្តេចតេជោ ហ៊ុន សែន ប្រកាសថា ប្រពលរដ្ឋដែលរស់នៅតំបន់អភិវឌ្ឍន៍រុនតាឯក ដែលបានចាកចេញពីតំបន់រុះរើ នៃមរនីយដ្ឋានអង្គរ នឹងទទួលបានប័ណ្ណសមធម៌ និងការឧបត្ថម្ភដល់ស្រ្តីមានផ្ទៃពោះ រយះពេល១០ឆ្នាំ ទោះថ្ងៃក្រោយពួកគាត់ មានជីវភាពធូរធាក៏ដោយ។- សម្តេចតេជោ ហ៊ុន សែន ប្រកាសទស្សនវិស័យធ្វើយ៉ាងណា ឱ្យតំបន់អភិវឌ្ឍន៍រុនតាឯក ក្លាយទៅជា កូនក្រុងមួយរបស់ខេត្តសៀមរាប ដោយទឹកស្អាតប្រើប្រាស់, ផ្លូវកៅស៊ូងាយស្រួលធ្វើដំណើរ និងភ្លើងរដ្ឋប្រើប្រាស់បានតម្លៃសមរម្យ ព្រមទាំងមានអភិវឌ្ឍន៍លើគ្រប់វិស័យ។- សម្តេចតេជោ ហ៊ុន សែន ប្រកាសឱ្យតំបន់អភិវឌ្ឍន៍រុនតាឯក មានអនុវិទ្យាល័យ និងវិទ្យាល័យ សម្រាប់ផ្តល់ការអប់រំបណ្តុះបណ្តាលដល់សិស្សានុសិស្សនៅតំបន់នោះ ដោយមិនឱ្យសិស្សានុសិស្សធ្វើដំណើរទៅរៀនសូត្រឆ្ងាយនោះទេ។- សម្តេចតេជោ ហ៊ុន សែន ប្រកាសអំពាវនាវដល់គ្រឹះស្ថានមីក្រូហិរញ្ញវត្ថុនានា ពិចារណា យោគយល់ និងផ្តល់ឱកាស សម្រាប់ការផ្តល់ប្រាក់កំចីដល់ប្រជាពលរដ្ឋដែលមកតាំងទីលំនៅថ្មីនៅតំបន់អភិវឌ្ឍន៍រុនតាឯក ដោយមានអត្រាកាប្រាក់ទាប និងលក្ខណពិសេសតាមដែលអាចធ្វើទៅបាន។- សម្តេចតេជោ ហ៊ុន សែន ប្រកាសអំពាវនាវដល់គ្រប់បក្សនយោបាយទាំងអស់ សូមកុំយកអ្វីដែលសម្តេច និងរាជរដ្ឋាភិបាលបានធ្វើដើម្បីជាតិ និងប្រជាជន ធ្វើជាអាវុធសម្រាប់វាយប្រហារសម្តេចយកសន្លឹកឆ្នោត ក្នុងពេលបោះឆ្នោតនាពេលខាងមុខនេះ។- សម្តេចតេជោ ហ៊ុន សែន ប្រកាសថា ទោះជាសម្តេចចាកចេញពីតំណែងនាយករដ្ឋមន្ត្រីនាពេលអនាគតក៏ដោយ ក៏នាយករដ្ឋមន្ត្រីថ្មី ដែលកើតចេញពីគណបក្សប្រជាជនកម្ពុជា នៅតែបន្តគោលនយោបាយគាំពារសង្គម និងប្រជាពលរដ្ឋដដែល ដោយរដ្ឋបានចំណាយច្រើនណាស់ក្នុង១ខែៗ ដើម្បីរឿងនេះ ដែលជាគោលនយោបាយជាតិរយៈពេលវែង។- សម្តេចតេជោ ហ៊ុន សែន ប្រកាសថា «ចំណុចខ្លាំងរបស់ ហ៊ុន សែន គឺអ្នកឯងវិភាគរឿង ហ៊ុន សែន ខុសទាំងអស់...[]..នេះចំណុចខ្លាំងលើចំណុចខ្លាំងរបស់ ហ៊ុន សែន»។- សម្តេចតេជោ ហ៊ុន សែន ប្រកាសជាថ្មីថា ឆ្នាំនេះ សម្តេចមិនបានចូលរួមបុណ្យភ្ជុំបិណ្ឌទេ ដោយសម្តេចជាប់បេសកកម្មនៅក្រៅប្រទេស រួមមាន៖ ចូលរួមមហាសន្និបាតUN នៅញូយ៉ក ពីថ្ងៃទី២១-២៣ ខែកញ្ញា, ទស្សនកិច្ចផ្លូវការនៅគុយបា ពីថ្ងៃទី២៣-២៥ ខែកញ្ញា និងចូលរួមគោរពវិញ្ញាណក្ខន្ធសពឯកឧត្តម ស៊ីន ហ្សូអាបេ អតីតនាយករដ្ឋមន្ត្រីជប៉ុន ទៅទីក្រុងតូក្យូ ពីថ្ងៃទី២៦-២៨ ខែកញ្ញា ឆ្នាំ២០២២។- សម្តេចតេជោ ហ៊ុន សែន បន្តអំពាវនាវដល់ប្រជាពលរដ្ឋ ឱ្យប្រុងប្រុងប្រយ័ត្នពីការឆ្លងរីករាលដាលជំងឺកូវីដ-១៩ ក្នុងឱកាសកាន់បិណ្ឌ និងភ្ជុំបិណ្ឌ ដោយរក្សាវិធានការសុខាភិបាល និងវិធានការ ៣ការពារ និង៣កុំ ឱ្យបានខ្ជាប់ខ្ជួន។ សម្តេចតេជោ ហ៊ុន សែន បញ្ជាក់ថា «ការពារជិវិតបាន ទើបយើងមានឱកាសធ្វើអ្វីៗនៅថ្ងៃនេះ»។- សម្តេចតេជោ ហ៊ុន សែន បញ្ជាក់ថា បុណ្យកាន់បិណ្ឌឆ្នាំនេះ ខុសដាច់ស្រលះពីបុណ្យកាន់បិណ្ឌកាលពីឆ្នាំមុន ដែលយើងអាចកាន់បិណ្ឌបានតែបិណ្ឌទី១ និងទី២ប៉ុណ្ណោះ ហើយក៏ត្រូវផ្អាកទៅវិញ ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ និងការពារអាយុជីវីតប្រជាពលរដ្ឋពីការវាយប្រហារដោយកូវីដ-១៩។- សម្តេចតេជោ ហ៊ុន សែន បានប្រកាសជាឱឡារិកជាសាធារណៈ មិនឱ្យព្រះករុណា ព្រះមហាក្សត្រ និងប្រជាពលរដ្ឋ ខកព្រះទ័យ និងខកចិត្ត ដែលបានគាំទ្ររាជរដ្ឋាភិបាល ដែលកើតចេញពីគណបក្សប្រជាជនកម្ពុជានោះទេ។- សម្តេចតេជោ ហ៊ុន សែន បញ្ជាក់ថា កម្ពុជាមានអត្រាឆ្លងកូវីដ-១៩កម្រិតសូន្យរយៈពេល៥២ថ្ងៃ និងគ្មានករណីស្លាប់ថ្មីដោយជំងឺកូវីដ-១៩ តាំងពីខែមេសា ឆ្នាំ២០២២មកម្លេះ(រយៈ៦ខែ) ដែលជាភាពជោគជ័យដ៏ធំធេងរបស់កម្ពុជា និងជាការចាប់ផ្តើម នៃដំណើរការសេដ្ឋកិច្ច-សង្គម ដោយសារនយោបាយវ៉ាក់សាំងដ៏ត្រឹមត្រូវរបស់កម្ពុជា។- សម្តេចតេជោ ហ៊ុន សែន ប្រកាសដល់លោក ខឹម វាសនា ប្រធានគណបក្ស LDP ឱ្យចេញមុខបកស្រាយទៅកាន់សាធារណជន ដែលមានការចោទថា សម្តេចនៅពីក្រោយ ការតាំងខ្លួនជាព្រះព្រហ្ម និងការប្រមូលផ្តុំរបស់លោក ខឹម វាសនា និងអ្នកគាំទ្រគណបក្សLDP នៅចំការម្រេចក្បែរជើងភ្នំគូលែន ខេត្តសៀមរាប។- សម្តេចតេជោ ហ៊ុន សែន បានប្រកាសមិនប្រើកម្លាំងប្រដាប់អាវុធ ទប់នឹងកម្លាំងអបិយជំនឿឥតសមហេតុផល របស់ក្រុម លោក ខឹម វាសនា នោះទេ ព្រោះមិនមានភាពចាំបាច់ និងមិនមែនជារឿងសមហេតុផលនោះឡើយ។- សម្តេចតេជោ ហ៊ុន សែន បានប្រកាសអំពាវនាវដល់អ្នកចាញ់ការឃោសនារបស់លោក ខឹម វាសនា រឿងទឹកលិចពិភពលោក បែកបាក់ប្តី-ប្រពន្ធ-កូន សូមមេត្តាយោគយល់គ្នាឱ្យបានកម្រិតខ្ពស់បំផុត និងទទួលយកគ្នា ឬជាគ្នាវិញ ដោយស្មារតីអាណិតស្រលាញ់គ្នា។សង្កថាសម្តេចតេជោ ហ៊ុន សែន ចប់នៅវេលាម៉ោង១០ និង២០នាទី

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រជាពលរដ្ឋស្ម័គ្រចិត្តរើសំណង់ចេញពីតំបន់រមណីយដ្ឋានអង្គរ

សៀមរាប៖ នៅព្រឹកថ្ងៃអង្គារ ទី១៣ ខែកញ្ញា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជួបសំណេះសំណាលជាមួយប្រជាពលរដ្ឋដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា។ពិធីសំណេះសំណាលនេះ ធ្វើឡើងនៅភូមិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប ដែលជាទីតាំងដែលរាជរដ្ឋាភិបាលផ្តល់ដីជូនពលរដ្ឋជាថ្នូរនឹងការរុះរើសំណង់ចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា។រាជរដ្ឋាភិបាលកម្ពុជា កាលពីខែសីហា កន្លងទៅនេះ តាមរយៈគណៈកម្មការអន្តរក្រសួងមួយដឹកនាំដោយឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបើកយុទ្ធនាការទ្រង់ទ្រាយធំក្នុងការវាស់វែង កំណត់និយាមកាក្បាលដី និងរមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ក៏ដូចជារុះរើសំណង់ខុសច្បាប់ចេញពីតំបន់ទាំងនេះ។ការបើកយុទ្ធនាការនេះ បានធ្វើឡើងបន្ទាប់ពីប្រាសាទក្នុងតំបន់រមណីយអង្គរ បានរងការព្រមានពីអង្គការយូណេស្កូ ក្នុងការដកប្រាសាទតំបន់រមណីយដ្ឋានអង្គរចេញពីបញ្ជីសម្បត្តិបេតិកភណ្ឌពិភពលោក ព្រោះតែសំណង់ជាច្រើនត្រូវបានសង់ឡើងនៅតំបន់រមណីយដ្ឋានអង្គរផ្ទុយពីលក្ខខណ្ឌកំណត់ដោយអង្គការយូណេស្កូ ក្រោយពេលដាក់បញ្ចូលក្នុងបញ្ជីសម្បត្តិបេតិកភណ្ឌពិភពលោកនាថ្ងៃទី១៤ ខែធ្នូឆ្នាំ១៩៩២។ គិតចាប់ពីថ្ងៃទី១៨ ខែសីហា ដល់ថ្ងៃទី១០ ខែកញ្ញា បានបញ្ចប់ការវាស់វែងក្បាលដី និងស្រង់ព័ត៌មានអ្នកកាន់កាប់ដីនៅភូមិគោលដៅទាំង ១១៤ភូមិ ក្នុងឃុំចំនួន១៧ សង្កាត់ចំនួន៧ ក្រុងចំនួន១ និងស្រុកចំនួន៤ ដោយវាស់វែងក្បាលដីបានសរុប ៩៣,៣៥១ក្បាលដី ទំហំ ១០,៩៤៥ហិកតា។ ក្នុងនោះក្បាលដីមានសំណង់ចំនួន ៣៩,០៤០ក្បាលដី, ក្បាលដីគ្មានសំណង់ចំនួន ៤៧,៣៤០ក្បាលដី និងក្បាលដីជាំដីស្រែចម្ការចំនួន ៦,៩៩១ក្បាលដី៕

សម្តេចតេជោ ហ៊ុន សែន ដឹកនាំប្រតិភូជាន់ខ្ពស់រាជរដ្ឋាភិបាលកម្ពុជា គោរពព្រះវិញ្ញាណក្ខន្ធ ព្រះមហាក្សត្រីយ៍ អេលីហ្សាប៊ែត ទី២ នៃចក្រភពអង់គ្លេស

ភ្នំពេញ៖ សម្តេចតេជោ ហ៊ុន សែន នាយកយករដ្ឋមន្ត្រី បានដឹកនាំប្រតិភូជាន់ខ្ពស់ នៃរាជរដ្ឋាភិបាលកម្ពុជា គោរពព្រះវិញ្ញាណក្ខន្ធ ព្រះមហាក្សត្រីយ៍ អេលីហ្សាប៊ែត ទី២ នៃចក្រភពអង់គ្លេស ដែលបានសោយទីវង្គត កាលពីថ្ងៃទី០៨ ខែកញ្ញា ឆ្នាំ២០២២ នៅព្រះរាជដំណាក់ បលម៉ូរ៉ល ទីក្រុងឡុងដ៍ ចក្រភអង់គ្លេស។សម្តេចតេជោ ហ៊ុន សែន បានសម្តែងសមានទុក្ខដ៏ក្រៀមក្រំ នៅពេលទទួលដំណឹង នៃការយាងសោយព្រះទីវង្គតរបស់ព្រះមហាក្សត្រីយ៍ អេលីហ្សាប៊ែត ទី២ ដែលជាការបាត់បងដ៏មហិមា មិនត្រឹមតែចក្រភពអង់គ្លេស និងបណ្តាប្រទេស កំមិនវែលប៉ុណ្ណោះទេ តែជាការបាត់ចំពោះពិភពលោក ទាំងមូលផងដែរ។ ខ្លឹមសារសម្តេចតេជោ ហ៊ុន សែន បញ្ជាក់ថា “ក្នុងរាជរដ្ឋាភិបាល និងប្រជាជនកម្ពុជា ខ្ញុំសូមសម្តែងសមានទុក្ខដ៏ក្រៀមក្រំជាមួយរាជរដ្ឋាភិបាល និងប្រជាជនចក្រភពអង់គ្លេស ជាពិសេសជាមួយព្រះរាជវង្សានុវង្សរបស់ទ្រង់ ចំពោះការបាត់បង់ដ៏ធំធេងនេះ”៕

អ៊ីស្រាអែលមើលមិនឃើញកិច្ចព្រមព្រៀងនុយក្លេអ៊ែរថ្មីជាមួយអ៊ីរ៉ង់ មុនការបោះឆ្នោតពាក់កណ្ដាលអាណត្តិនៅអាមេរិក

អ៊ីស្រាអែល៖ មន្ត្រីអ៊ីស្រាអែលបាននិយាយកាលពីថ្ងៃអាទិត្យ បន្ទាប់ពីភាគីនានារបស់សហភាពអឺរ៉ុបក្នុងការចរចាបានសម្ដែងការខកចិត្តចំពោះទីក្រុងតេអេរ៉ង់ថា អ៊ីស្រាអែលមិនរំពឹងពីការបន្ថែមពេលវេលានៃកិច្ចព្រមព្រៀងនុយក្លេអ៊ែរអ៊ីរ៉ង់ ជាមួយមហាអំណាចពិភពលោកមុនការបោះឆ្នោតពាក់កណ្ដាលអាណត្តិ របស់សហរដ្ឋអាមេរិកនៅខែវិច្ឆិកាខាងមុខនោះទេ។ ក្រោយការដកសហរដ្ឋអាមេរិករបស់អតីតប្រធានាធិបតីលោក Donald Trump ចេញពីកិច្ចព្រមព្រៀងនុយក្លេអ៊ែរឆ្នាំ២០១៥ ដែលវាត្រូវបានរឹតត្បិតសមត្ថភាពអ៊ីរ៉ង់តិចពេក អ៊ីស្រាអែលបានប្រកែកស្រដៀងគ្នាប្រឆាំងនឹងការវិលត្រឡប់ចូលកិច្ចព្រមព្រៀងឡើងវិញ ដោយរដ្ឋបាលអាមេរិកបច្ចុប្បន្ន។ កាលពីថ្ងៃសៅរ៍ ចក្រភពអង់គ្លេស បារាំង និងអាល្លឺម៉ង់បាននិយាយថា ពួកលោកមានមន្ទិលជាខ្លាំងអំពីចេតនារបស់អ៊ីរ៉ង់ បន្ទាប់ពីបានព្យាយាមស្រោចស្រង់កិច្ចព្រមព្រៀង ដោយបិទការស៊ើបអង្កេតរបស់ទីភ្នាក់ងារឃ្លាំមើលថាមពលនុយក្លេអ៊ែរ របស់អង្គការសហប្រជាជាតិ ដើម្បីតាមដានការចម្រាញ់សាធាតុអ៊ុយរ៉ានីញ៉ូមនៅរោងចក្រនុយក្លេអ៊ែរចំនួន៣ របស់ខ្លួន។មន្ត្រីអ៊ីស្រាអែលមួយរូបបានប្រាប់ក្រុមអ្នកសារព័ត៌មាន ដោយមិនបញ្ចេញអត្តសញ្ញាណថា នៅពេលនេះកិច្ចព្រមព្រៀងជាមួយអ៊ីរ៉ង់ទំនងនឹងមិនត្រូវបានចុះហត្ថលេខាទេ រហូតការបោះឆ្នោតពាក់កណ្ដាលអាណត្តិរបស់សហរដ្ឋអាមេរិកចប់។ ក្រុមអ្នកអត្ថាធិប្បាយអ៊ីស្រាអែលមួយចំនួនបានមើលឃើញការអត្ថាធិប្បាយនេះថា ខណៈលោកប្រធានាធិបតីអាមេរិកលោក Joe Biden មានការស្ទាក់ស្ទើរក្នុងការធ្វើឲ្យកិច្ចព្រមព្រៀងនោះមានអត្ថន័យគ្រប់គ្រាន់ សម្រាប់ឲ្យគូប្រជែងប្រជាធិបតេយ្យបោះឆ្នោតគាំទ្រ ដោយប្រើប្រាស់ជាយុទ្ធនាការក្នុងស្រុកប្រឆាំងនឹងគណបក្សប្រជាធិបតេយ្យរបស់លោក៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

UN៖ អ៊ីរ៉ង់បានប្រហារជីវិតអ្នកតវ៉ាចំនួន ១៨នាក់ ក្នុងឆ្នាំ ២០២៦

អ៊ីរ៉ង់៖ អាមេរិកទទួលខុសត្រូវ ចំពោះការអនុវត្តសេចក្តីព្រាងកិច្ចព្រមព្រៀង និងអំពាវនាវឲ្យបញ្ឈប់ការវាយប្រហារលើលីបង់

ពិធីអុជភ្លើងទៀន បានធ្វើឡើងសម្រាប់បុរស ៦នាក់ដែលប្រទះឃើញស្លាប់ ក្រោយចាប់ជម្រិតនៅរដ្ឋ Manipur ប្រទេសឥណ្ឌា

UN៖ ការវាយប្រហារដោយដ្រូននៅស៊ូដង់ បានសម្លាប់មនុស្សជាង ១.000នាក់ ក្នុងរយៈពេល ៥ខែដំបូងនៃឆ្នាំ ២០២៦

ពលរដ្ឋអាមេរិកនៅការតវ៉ាអាល់បានី និយាយថា អ្នកមានកំពុងព្យាយាមគ្រប់គ្រងប្រទេសផ្តាច់មុខ

លោក TRUMP និយាយថា លោកមិនពាក់ព័ន្ធនឹងការផ្លាស់ប្តូរអំណាចនៅក្នុងប្រទេសអ៊ីរ៉ង់ទេ

អ៊ីស្រាអែលនិយាយថា ខ្លួននឹងមិនដកកងទ័ពចេញពីប្រទេសលីបង់ ស៊ីរី និងតំបន់ហ្កាហ្សាទេ

រដ្ឋឈូងសមុទ្រ និងអារ៉ាប់សាទរចំពោះកិច្ចព្រមព្រៀងអាមេរិក-អ៊ីរ៉ង់ ដើម្បីបញ្ចប់សង្គ្រាម និងបើកច្រក សមុទ្រហ័រមូសឡើងវិញ

អ្នកតាំងលំនៅនិគមន៍អ៊ីស្រាអែលដុតបំផ្លាញទ្វារព្រះវិហារនិងរថយន្ត ២គ្រឿង នៅតំបន់វ៉េសប៊ែង

លោក Starmer នឹងអះអាងពីបម្រាមមិនឲ្យក្មេងជំទង់អង់គ្លេសប្រើប្រាស់បណ្ដាញសង្គម មុនកិច្ចប្រជុំ G7

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការស្បៀងអាហារពិភពលោកព្រមានថា កង្វះស្បៀងអាហារអាចកាន់តែធ្ងន់ធ្ងរថែមទៀតនៅឆ្នាំក្រោយ

រុស្ស៊ីនិយាយថា អាល្លឺម៉ង់បានឆ្លងបន្ទាត់ក្រហមហើយ

ដំណើរការផ្ទេររាជបល្ល័ង្កនៅអង់គ្លេសបង្កឲ្យមានការតវ៉ាប្រឆាំងរាជានិយម

អង្គការសហប្រជាជាតិ៖ ការស្លាប់ជនស៊ីវិល និងភាពចលាចលក្នុងការវាយប្រយុទ្ធគ្នាជាថ្មីទៀតនៅអ៊ុយក្រែន

ពិធីគោរពវិញ្ញាណក្ខន្ធថ្វាយព្រះមហាក្សត្រី Elizabeth II ប្រារព្ធឡើងក្រោមព្រះរាជវត្តមានព្រះមហាក្សត្រ Charles III

សម្តេចតេជោ ៖ លោក ហ៊ុន ម៉ាណែតមានលក្ខណៈសម្បត្តិគ្រប់គ្រាន់ក្នុងការដឹកនាំប្រទេស និងគណបក្សប្រជាជន

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រជាពលរដ្ឋស្ម័គ្រចិត្តរើសំណង់ចេញពីតំបន់រមណីយដ្ឋានអង្គរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការ​ស្បៀងអាហារ​ពិភពលោក​ព្រមាន​ថា ​កង្វះ​ស្បៀងអាហារ​អាច​កាន់តែ​ធ្ងន់ធ្ងរ​ថែមទៀត​នៅ​ឆ្នាំក្រោយ

រុស្ស៊ី​និយាយថា អាល្លឺម៉ង់​បាន​ឆ្លង​បន្ទាត់​ក្រហម​ហើយ​

ដំណើរការ​ផ្ទេរ​រាជបល្ល័ង្ក​នៅ​អង់គ្លេស​បង្ក​ឲ្យ​មាន​ការ​តវ៉ា​ប្រឆាំង​រាជា​និយម​

សម្តេចតេជោ ៖ លោក ហ៊ុន ម៉ាណែត​មានលក្ខណៈសម្បត្តិគ្រប់គ្រាន់​ក្នុងការដឹកនាំ​ប្រទេស​ និង​គណបក្សប្រជាជន

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រជាពលរដ្ឋស្ម័គ្រចិត្តរើសំណង់ចេញពីតំបន់រមណីយដ្ឋានអង្គរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការស្បៀងអាហារពិភពលោកព្រមានថា កង្វះស្បៀងអាហារអាចកាន់តែធ្ងន់ធ្ងរថែមទៀតនៅឆ្នាំក្រោយ

រុស្ស៊ីនិយាយថា អាល្លឺម៉ង់បានឆ្លងបន្ទាត់ក្រហមហើយ

ដំណើរការផ្ទេររាជបល្ល័ង្កនៅអង់គ្លេសបង្កឲ្យមានការតវ៉ាប្រឆាំងរាជានិយម

សម្តេចតេជោ ៖ លោក ហ៊ុន ម៉ាណែតមានលក្ខណៈសម្បត្តិគ្រប់គ្រាន់ក្នុងការដឹកនាំប្រទេស និងគណបក្សប្រជាជន