BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

លោក Zelenskyy ប្រារព្ធខួប ២០០ថ្ងៃនៃសង្គ្រាម និងបានសរសើរកងទ័ព ខណៈអ៊ុយក្រែនបង្ហាញទីក្រុងដែលដណ្តើមបានមកវិញ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានប្រារព្ធខួប ២០០ថ្ងៃចាប់តាំងពីសង្គ្រាមរបស់ប្រទេសប្រឆាំងប្រទេសរុស្ស៊ីចាប់ផ្តើម ដោយបានការគោរពដល់យោធារបស់ប្រទេសអង្គភាពសេវាសង្គ្រោះបន្ទាន់ និងអ្នកដែលកំពុងរងគ្រោះពីជម្លោះនេះ។ នៅក្នុងសុន្ទរកថាកាលពីល្ងាចថ្ងៃអាទិត្យ លោកបានអរគុណពួកគេសម្រាប់ការបំផ្លាញរថក្រោះសត្រូវចំនួន ២,០០០គ្រឿង, រថពាសដែកចំនួន ៤,៥០០គ្រឿង ប្រព័ន្ធកាំភ្លើងធំរបស់សត្រូវជាង ១,០០០គ្រឿង, យន្តហោះ ២៥០គ្រឿង, ឧទ្ធម្ភាគចក្រចំនួន ២០០គ្រឿង, យានដ្រូន ១,០០០គ្រឿង, នាវាចំនួន ១៥គ្រឿង និងទូក ព្រមទាំងយុទ្ធោបករណ៍សត្រូវរាប់ពាន់គ្រឿងផ្សេងទៀត។ លោក Zelenskyy និយាយថា លោកប្រាកដថាអ៊ុយក្រែននឹងឆ្លងកាត់ផ្លូវដ៏លំបាក ដើម្បីទទួលជ័យជម្នះ។ លោកបាននិយាយថា កងទ័ពអ៊ុយក្រែនទទួលបានជោគជ័យ ក្នុងការវាយលុកយ៉ាងរហ័សរបស់ពួកគេនៅក្នុងតំបន់ភាគឦសានប្រទេស។ សកម្មភាពរបស់ទីក្រុង Kyiv ក្នុងការដណ្តើមយកមកវិញនូវតំបន់កាន់កាប់ដោយរុស្ស៊ីនៅក្នុងទីក្រុង Kharkiv បានបង្ខំទីក្រុងមូស្គូឱ្យដកទ័ពរបស់ខ្លួនដើម្បីការពារពួកគេពីការឡោមព័ទ្ធ ដោយបន្សល់ទុកនូវអាវុធ និងគ្រាប់រំសេវជាច្រើននៅក្នុងពេលដកថយយ៉ាងប្រញាប់ប្រញាល់។កងទ័ពអ៊ុយក្រែនកាលពីថ្ងៃអាទិត្យ បានជោគជ័យក្នុងការវាយលុកយ៉ាងរហ័សរបស់ពួកគេនៅតំបន់ភាគឦសានប្រទេស និងនៅរោងចក្រថាមពលនុយក្លេអ៊ែរនៅភាគខាងត្បូងដែលកាន់កាប់ដោយរុស្ស៊ី ដែលបានបិទទាំងស្រុងក្នុងគោលបំណងទប់ស្កាត់គ្រោះមហន្តរាយវិទ្យុសកម្ម ខណៈការប្រយុទ្ធគ្នាបានកើតឡើងនៅក្បែរនោះ។ នៅក្នុងវីដេអូចេញផ្សាយដោយកងកម្លាំងប្រដាប់អាវុធអ៊ុយក្រែន នៅលើបណ្តាញសង្គមបានឲ្យដឹងថា ទាហានត្រូវបានគេឃើញឈរជាមួយនឹងទង់ជាតិអ៊ុយក្រែននៅទីក្រុង Hoptivka៕អត្ថបទ៖ ប៊ុនថន

អ៊ុយក្រែននិយាយថា ប្រតិបត្តិការនៅរោងចក្រថាមពលនុយក្លេអ៊ែរ Zaporizhzhia ត្រូវបានបញ្ឈប់ទាំងស្រុង

អ៊ុយក្រែន៖ ប្រទេសអ៊ុយក្រែនបានលើកឡើងថា ប្រតិបត្តិការទាំងអស់នៅរោងចក្រថាមពលនុយក្លេអ៊ែរធំបំផុតរបស់អឺរ៉ុបមួយនេះ ត្រូវបានបញ្ឈប់ទាំងស្រុង។ យោងតាមសេចក្ដីថ្លែងការណ៍ចេញដោយក្រុមហ៊ុន Energoatom ដែលជាប្រតិបត្តិករថាមពលអាតូមិករបស់អ៊ុយក្រែន ម៉ាស៊ីនរ៉េអាក់ទ័រចុងក្រោយនៃម៉ាស៊ីនរ៉េអាក់ទ័រទាំង៦ របស់រោងចក្រ Zaporizhzhia ត្រូវបានកាត់ផ្ដាច់ពីបណ្ដាញផ្គត់ផ្គង់ថាមពលនៅម៉ោង 3.41នាទីទៀបភ្លឺម៉ោងក្នុងស្រុក។ ស្ថិតក្រោមការគ្រប់គ្រងរបស់រុស្ស៊ីចាប់តាំងពីខែមីនាមក រោងចក្រថាមពលនៅក្នុងប្រទេសអ៊ុយក្រែនភាគអាគ្នេយ៍មួយនេះ ត្រូវបានកាត់ផ្ដាច់ចេញពីបណ្ដាញផ្គត់ផ្គង់ថាមពលរបស់ប្រទេសនេះកាលពីថ្ងៃចន្ទកន្លងទៅ ស្របពេលមានក្ដីបារម្ភពីគ្រមហន្តរាយនុយក្លេអ៊ែរ ខណៈដែលទីក្រុង Moscow និងទីក្រុង Kyiv ចោទដាក់គ្នាពីការវាយប្រហារទៅលើបរិវេនរោងចក្រនេះ។ ក្រុមហ៊ុន Energoatom បាននិយាយថា បណ្ដាញផ្គត់ផ្គង់ថាមពលត្រូវបានស្ដារឡើងវិញកាលពីថ្ងៃសៅរ៍ ដើម្បីអនុញ្ញាតឲ្យក្រុមមន្ត្រីបិទម៉ាស៊ីនរ៉េអាក់ទ័រទី៦ និងផ្ទេរទៅកាន់ទីតាំងដែលមានសុវត្ថិភាពបំផុត។ ទីភ្នាក់ងារនេះបានព្រមានថា ហានិភ័យនៃការខូចខាតបន្ថែមទៀត និងការកាត់ផ្ដាច់ថាមពលនៅខាងក្រៅជាថ្មីនៅតែជាកម្រិតខ្ពស់នៅឡើយ៕អត្ថបទ៖ សុខមាន

សម្តេចតេជោ ហ៊ុន សែន ផ្តល់យោបល់៥ចំណុច ជូនវេទិកាភាពជាអ្នកដឹកនាំ និងភាពជាដៃគូអាស៊ាន ឆ្នាំ២០២២

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន នៅព្រឹកថ្ងៃទី១២កញ្ញានេះ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបើកវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២ ក្រោមប្រធានបទ «ភាពជាដៃគូស្អិតរមួត និងការឆ្លើយតបរហ័សរបស់អាស៊ាន» ។ក្នុងវេទិកាដែលប្រារព្ធនៅសណ្ឋាគារហៃយ៉ាតរីជិនស៊ី ភ្នំពេញ សម្តេចតេជោ ហ៊ុន សែន ផ្តល់យោបល់៥ចំណុច ជូនវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២ ដោយសម្តេចបញ្ជាក់ថា ក្នុងក្របខណ្ឌតំបន់អាស៊ានភាពជាអ្នកដឹកនាំ និងភាពជាដៃគូគឺជាកត្តាចម្បងដែលធ្វើឲ្យយើងអាចជំនះគ្រប់ឧបសគ្គនិងប្រែក្លាយតំបន់អាស៊ានទៅជាតំបន់មួយលេចធ្លោ និងមានការរីកចម្រើនលើគ្រប់វិស័យ។ក្នុងស្មារតីនេះ ស្ថិតក្នុង ស្ថានភាពសង្គមសេដ្ឋកិច្ចបច្ចុប្បន្ន យើងមិនត្រឹមតែមិនបែកបាក់សាមគ្គីប៉ុណ្ណោះទេ តែផ្ទុយទៅវិញយើងត្រូវពង្រឹងភាពជាដៃគូរ និងកិច្ចសហប្រតិបត្តិការឲ្យកាន់តែស្អិតល្មួតថែមទៀតស្របតាមមូលបទអាស៊ានរួមគ្នាធ្វើដោះស្រាយបញ្ហាប្រឈមទាំងអស់គ្នាដែលកម្ពុជាបានកំណត់ក្នុងនាមជាប្រធានអាស៊ាននៅឆ្នាំ ២០២២នេះ ដើម្បីបន្តរក្សាភាពរីកចម្រើនទៅមុខចំពោះអនាគតភ្លឺស្វាង និងវិបុលភាពរួម។សម្រាប់វេទិកានេះ សម្ដេចបានលើកទឹកចិត្ត ឱ្យមានការពិភាក្សាដោយត្រង់ទៅ ត្រង់មក ក្នុងស្មារតីយោគយល់គ្នាទៅវិញទៅមក ដើម្បីអាចទទួលបានលទ្ធផលជាផ្លែផ្កា និងពិតប្រាកដ និងបង្ហាញឲ្យសកលលោកបានឃើញពីឆន្ទៈ និងការបន្តពង្រឹងភាពជាអ្នកដឹកនាំ និងភាពជាដៃគូរបស់អាស៊ានដោយយកការសន្ទនាដោយសន្តិវិធីជាយន្តការដោះស្រាយបញ្ហា ទោះបីស្ថិតក្នុង បរិការមួយដែលច្របូកច្របល់ និងមានការធ្លាក់ចុះនៃការជឿទុកចិត្តគ្នាទៅវិញទៅមកយ៉ាងណាក៏ដោយ។ដើម្បីជាធាតុចូលបន្ថែម សម្ដេចតេជោ ហ៊ុន សែន បានចូលរួមផ្តល់យោបល់ផ្ទាល់ខ្លួនមួយចំនួន ដូចខាងក្រោម៖ទី១. ការអភិវឌ្ឍសង្គម-សេដ្ឋកិច្ច មិនអាចសម្រេចបានឡើយ ដរាបណាមិនមានស្ថិរភាព និងសុខសន្តិភាពពេញលេញ ក្នុងន័យនេះ, អាស៊ាន ត្រូវបញ្ចៀសឱ្យ បាននូវភ្លើងសង្គ្រាមដែលគ្មានអ្នកឈ្នះ និងអ្នកចាញ់ ប៉ុន្តែមានតែការវិនាស ហិនហោច និងការបាត់បង់អាយុជីវិតរបស់ប្រជាជនកម្ពុជា ដែលជាប្រទេស ធ្លាប់បានឆ្លងកាត់ប្រវត្តិជូរចត់ជាច្រើន ដោយសារភ្លើងសង្គ្រាម សូមក្រើនរំលឹក យ៉ាងទទូចថា ការដោះស្រាយជម្លោះដោយសន្តិវិធីប្រកបដោយស្មារតីយោគយល់ គ្នាទៅវិញទៅមក និងការកំណត់សុខុមាលភាពប្រជាជនជាអាទិភាពចម្បង បំផុត គឺជានយោបាយឈ្នះ-ឈ្នះ នាំទៅរកសុខសន្តិភាព និងវិបុលភាពយ៉ាង ពិតប្រាកដ។ទី២. ក្នុងបរិការណ៍ដែលការប្រកួតប្រជែងផ្នែកភូមិសាស្ត្រនយោបាយ កំពុងតែមានភាពក្តៅគគុក, អាស៊ាន ត្រូវធ្វើខ្លួនជាតំបន់គំរូ និងត្រូវរួមគ្នាធានាឱ្យបាននូវ សុខសន្តិភាព, ស្ថិរភាព និងវិបុលភាពក្នុងតំបន់ តាមរយៈការពង្រឹងឯកភាព និងមជ្ឈភាពអាស៊ាន និងការប្រកាន់ខ្ជាប់ជានិច្ចនូវភាពជាដៃគូ និងយន្តការ ពហុភាគីនិយមក្នុងការដោះស្រាយបញ្ហាប្រឈមនានា បន្ថែមលើនេះ, អាស៊ាន ក៏ត្រូវប្រកាន់ខ្ជាប់នូវភាពជាកណ្តាល និងដើរតួនាទីជាវេទិការួមមួយសម្រាប់ ការសន្ទនា និងកិច្ចសហប្រតិបត្តិការជាមួយនឹងការពង្រឹងនិម្មាបនកម្មតំបន់ដែលមានលក្ខណៈបើកចំហ, តម្លាភាព, បរិយាបន្ន និងយកច្បាប់ជាគោល។ទី៣. ដើម្បីសម្រេចបាននូវការងើបឡើងវិញនៃសេដ្ឋកិច្ច ប្រកបដោយចីរភាព និងបរិយាបន្ន, យើងត្រូវបន្តជំរុញការធ្វើសមាហរណកម្មសេដ្ឋកិច្ច និងប្រែក្លាយ តំបន់អាស៊ានឱ្យទៅជាមជ្ឈមណ្ឌលពាណិជ្ជកម្ម និងការវិនិយោគប្រកបដោយ ភាពទាក់ទាញ និងជីវភាព ជាពិសេសតាមរយៈ ការដោះស្រាយបញ្ហារបាំងពន្ធ និងមិនមែនពន្ធ, និងការផ្តល់នូវការគាំទ្រឱ្យគ្នាទៅវិញទៅមក ដើម្បីពនឿនការ អនុវត្ត និងទាញយកប្រយោជន៍ឱ្យអស់លទ្ធភាពពីកិច្ចព្រមព្រៀងពាណិជ្ជកម្មសេរីនានា ជាពិសេស កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរីដ៏ធំបំផុតក្នុងប្រវត្តិសាស្ត្រសកលលោក។ទី៤. អាស៊ាន ត្រូវយកចិត្តដាក់ជាពិសេសលើការលើកកម្ពស់សន្តិសុខសេដ្ឋកិច្ច សំដៅបំពេញរាល់តម្រូវការចាំបាច់របស់ប្រជាជន និងធានាការទទួលបាននូវផល ប្រយោជន៍ប្រកបដោយបរិយាបន្ន និងសមធម៌ ពីកំណើនសេដ្ឋកិច្ចក្នុងប្រទេស និងក្នុងតំបន់ តាមរយៈ ការអភិវឌ្ឍហេដ្ឋារចនាសម្ព័ន្ធយុទ្ធសាស្ត្រ, ការពង្រឹង សហគ្រិនភាព និងផ្តល់ការគាំទ្រដល់សហគ្រាសធុនមីក្រូ, តូច និង មធ្យម, ការពង្រឹងវិស័យអប់រំ, សុខាភិបាល និងកិច្ចគាំពារសង្គម, ការកាត់បន្ថយគម្លាត នៃការអភិវឌ្ឍ, ការបង្កើតការងារ និងកាត់បន្ថយវិសមភាពប្រាក់ចំណូល និងការ ធានាសន្តិសុខស្បៀង។ទី៥. អាស៊ាន ត្រូវសម្លឹងឆ្ពោះទៅមុខ និងរួមគ្នាទាញយកផលប្រយោជន៍ឱ្យបានជាអតិបរមាពីសក្តានុពល និងកាលានុវត្តភាព ដែលកើតចេញពីនិន្នាការសកល ដូចជា សេដ្ឋកិច្ចវិលជុំ, សេដ្ឋកិច្ចបៃតង និងជាពិសេស ការធ្វើឌីជីថលូបនីយកម្ម ដែលនឹងក្លាយជាកម្លាំងចលករគន្លឹះក្នុងការលើកកម្ពស់ការតភ្ជាប់គ្រប់វិស័យ ទាំងផ្នែកសង្គម-សេដ្ឋកិច្ច, ការវិនិយោគ, ពាណិជ្ជកម្ម និងនយោបាយ ក៏ដូចជា ការរួមគ្នាឆ្លើយតបទៅនឹងបញ្ហាប្រឈមនានា ដូចជាការប្រែប្រួលអាកាសធាតុឱ្យបានយ៉ាងឆាប់រហ័ស ស្របតាមមូលបទរបស់យើងក្នុងថ្ងៃនេះ ។សម្តេចបានបន្តថា ក្នុងនាមជាប្រធានអាស៊ានឆ្នាំ ២០២២នេះ កម្ពុជាបាននឹងកំពុងចូលរួមយ៉ាងសកម្មក្នុងការពង្រីកនិងពង្រឹងកិច្ចសហប្រតិបត្តិការនិងភាពជាដៃគូក្នុងការគ្រប់គ្រងក្នុងគ្រប់ទម្រង់និងគ្រប់វិស័យ ទាំងផ្នែកសង្គមសេដ្ឋកិច្ច ពាណិជ្ជកម្ម ការវិនិយោគនិងនយោបាយជាមួយនឹងប្រទេស ជាមិត្តនិងសហគមន៍អន្តរជាតិទាំងក្នុងក្របខណ្ឌប្រទេសនិងតំបន់ ជាពិសេសតាមរយៈការរៀបចំវេទិកាសន្ទនាដែលមានការចូលរួមពីគ្រប់ភាគីពាក់ព័ន្ធ។ កម្ពុជាចង់ឃើញតំបន់អាស៊ានក៏ដូចជាសាកលលោកទាំងមូលមានសុខសន្តិភាព ស្ថេរភាពនិងវិបុលភាព ប្រកបដោយចីរភាព និងបរិយាប័នយ៉ាងពិតប្រាកដ ជាមួយនឹងអធិបតេយ្យភាពនៃប្រទេសនីមួយៗ ការអនុវត្តតាមច្បាប់អន្តរជាតិ ជាពិសេសធម្មនុញ្ញអង្គការសហប្រជាជាតិនិងការប្រកាន់ខ្ជាប់ជានិច្ចនូវយន្តការពហុភាគីនិយមដែលមានការចូលរួមសន្ទនាពីគ្រប់ភាគីពាក់ព័ន្ធនិងការរួមគ្នាស្វែងរកដំណោះស្រាយបញ្ហាប្រឈមដោយសន្តិវិធីជាមួយនឹងស្មារតីបើកចំហយោគយល់និងអត់ធ្មត់ឲ្យគ្នាទៅវិញទៅមក៕

កងកម្លាំងរុស្ស៊ីដកថយពីទីក្រុងសំខាន់ៗនៅភាគឦសាន ខណៈទាហានអ៊ុយក្រែនវាយសន្ធាប់ខ្លាំង

អ៊ុយក្រែន៖ រុស្ស៊ីបានបោះបង់ចោលបន្ទាយសំខាន់របស់ខ្លួននៅក្នុងភាគឦសានប្រទេសអ៊ុយក្រែន ជាការដួលរលំភ្លាមៗនៃខ្សែត្រៀមជួរមុខដ៏សំខាន់មួយក្នុងចំណោមខ្សែត្រៀមជាច្រើននៃសង្គ្រាមនេះ បន្ទាប់ពីកងកម្លាំងអ៊ុយក្រែនបានវាយរុលទៅមុខយ៉ាងលឿន។ការដួលរលំយ៉ាងឆាប់រហ័សនៃទីក្រុង Izium ក្នុងខេត្ត Kharkiv គឺជាការបរាជ័យដ៏ធ្ងន់ធ្ងរបំផុតរបស់ទីក្រុង Moscow ចាប់តាំងពីកងទ័ពរបស់ខ្លួនត្រូវបានបង្ខំឲ្យត្រឡប់ក្រោយចេញពីរដ្ឋធានី Kyiv កាលពីខែមីនា។ ការបរាជ័យនេះអាចបង្ហាញពីចំណុចប្រែប្រួលភ្លាមៗក្នុងសង្គ្រាមរយៈពេល ៦ខែ ដោយទាហានរុស្ស៊ីរាប់ពាន់នាក់កំពុងបោះបង់ចោលឃ្លាំងគ្រាប់រំសេវ និងយុទ្ធោបករណ៍ ខណៈពួកគេដកថយ។ កងកម្លាំងរុស្ស៊ីបានប្រើទីក្រុង Izium ជាមូលដ្ឋានភស្តុភារ សម្រាប់យុទ្ធនាការមួយក្នុងចំណោមយុទ្ធនាការសំខាន់ៗជាច្រើនរបស់ខ្លួន ក្នុងការវាយប្រហាររយៈពេល ១ខែពីភាគខាងជើងនៅជិតតំបន់ Donbas ដែលមានតំបន់ Donetsk និង Luhansk។ទីភ្នាក់ងារសារព័ត៌មានរដ្ឋរុស្ស៊ី TASS បានដកស្រង់សម្ដីរបស់ក្រសួងការពារជាតិរុស្ស៊ីដោយនិយាយថា ខ្លួនបានបញ្ជាឲ្យកងទ័ពចាកចេញពីតំបន់ក្បែរនោះ និងបង្កើនប្រតិបត្តិការពង្រឹងកម្លាំងនៅកន្លែងផ្សេងទៀតនៅជិតខេត្ត Donetsk។ សារព័ត៌មាន TASS បានរាយការណ៍ថា ប្រធានរដ្ឋបាលរបស់រុស្ស៊ីនៅក្នុងទីក្រុង Kharkiv បានប្រាប់ប្រជាពលរដ្ឋឲ្យចាកចេញពីខេត្តនេះ និងជម្លៀសចូលទៅប្រទេសរុស្ស៊ីដើម្បីសង្គ្រោះជីវិត៕អត្ថបទ៖ សុខមាន

ព្រះសពមហាក្សត្រី Elizabeth II នឹងត្រូវតម្កល់ក្នុងព្រះមជ្ឈូសា ៤ថ្ងៃពេញមុនព្រះរាជពិធីបុណ្យព្រះសពផ្លូវរដ្ឋ

អង់គ្លេស៖ ព្រះសពរបស់ព្រះមហាក្សត្រី Elizabeth ទី II នឹងត្រូវតម្កល់រយៈពេល ៤ថ្ងៃមុនព្រះរាជពិធីបុណ្យព្រះសពនៅព្រះវិហារ Westminster Abbey នៅថ្ងៃចន្ទ ទី១៩ ខែកញ្ញាខាងមុខ។ សាធារណជនទូទៅនឹងត្រូវបានអនុញ្ញាតឲ្យចូលមើលព្រះមជ្ឈូសា អំឡុងព្រះរាជពិធីបុណ្យនៅពេលនោះ។ មុនព្រះរាជពិធីបុណ្យព្រះសព ព្រះសពរបស់មហាក្សត្រីនឹងត្រូវតម្កល់នៅសាលព្រះវិហារ St Giles ក្នុងទីក្រុង Edinburgh របស់ដែនដីស្កុតឡិនរយៈពេល ២៤ម៉ោងពីថ្ងៃចន្ទ ១២ ខែកញ្ញា ដោយប្រជាពលរដ្ឋអាចចូលគោរពព្រះវិញ្ញាណក្ខន្ធបាន។ រាជវង្សរបស់ទ្រង់ អ្នកនយោបាយ និងបណ្ដាមេដឹកនាំពិភពលោកនឹងចូលរួមព្រះរាជពិធីបុណ្យព្រះសពផ្លូវរដ្ឋរបស់ទ្រង់នៅម៉ោង ១១ម៉ោងនៅអង់គ្លេស។ ហើយថ្ងៃព្រះរាជពិធីបុណ្យព្រះសពនោះ នឹងក្លាយជាថ្ងៃឈប់សម្រាកសម្រាប់ប្រជាពលរដ្ឋអង់គ្លេសផងដែរ។ ព្រះរាជដំណើរចុងក្រោយរបស់ព្រះមហាក្សត្រីបានចាប់ផ្ដើមកាលពីថ្ងៃអាទិត្យ ដោយព្រះមជ្ឈូសាធ្វើពីដើមឈើឣូក ត្រូវបានលើកដោយក្រុមរាជង្គរក្សរបស់ទ្រង់នៅព្រះរាជដំណាក់ Balmoral ដោយក្រុមបុគ្គលិកផ្ទាល់ព្រះកាយរបស់ទ្រង់ សែងព្រះមជ្ឈូសាចូលព្រះទីន័ងដឹកព្រះសព ដែលនឹងដង្ហែព្រះសពទ្រង់ទៅកាន់ទីក្រុង Edinburgh។ក្បួនព្រះរាជពិធីដង្ហែព្រះមជ្ឈូសាបានបើកយឺតៗទៅកាន់ព្រះរាជវាំង Holyroodhouse នៅម៉ោង ១៦:០០នាទីម៉ោងនៅអង់គ្លេស។ នៅពេលដែលព្រះមជ្ឈូសារបស់ព្រះមហាក្សត្រីបានទៅដល់ទីក្រុង Edinburgh ក្រុមប្រជាពលរដ្ឋអ្នកកាន់ទុក្ខបានសម្រុកទៅកាន់តាមដងផ្លូវនានារបស់ទីក្រុង និងតម្រង់ជួរចូលរួមលាជាប្រវត្តិសាស្ត្រ ចំពោះព្រះមហាក្សត្រីដែលបានឡើងគ្រងរាជសម្បត្តិរយៈពេល ៧០ឆ្នាំ៕អត្ថបទ៖ សុខមាន

ពីថ្ងៃទី១១-២០ ខែកញ្ញា ទាំងសាំង និងម៉ាស៊ូត ចុះចំនួន ៣០០រៀល ធៀបនឹងសន្ទស្សន៍ចាស់

ភ្នំពេញ៖ ក្រសួងពាណិជ្ជកម្មប្រកាសពីតម្លៃលក់រាយប្រេងឥន្ធនៈ តាមស្ថានីយនានាទូទាំងប្រទេស ចាប់ពីថ្ងៃទី១១-២០ ខែកញ្ញា ឆ្នាំ២០២២ ដោយប្រេងសាំងធម្មតាត្រូវលក់តម្លៃ ៤.៤០០រៀល/លីត្រ(ចុះ៣០០រៀល) និងប្រេងម៉ាស៊ូតត្រូវលក់តម្លៃ ៥.២០០រៀល/លីត្រ (ចុះ ៣០០រៀល)។

សម្ដេចតេជោ ហ៊ុន សែន អញ្ជើញបើកវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២

ភ្នំពេញ៖ នៅព្រឹកថ្ងៃទី១២ ខែកញ្ញា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ាន បានអញ្ជើញជាអធិបតីក្នុងពិធីបើកវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២ (ASEAN LEADERSHIP AND PARTNERSHIP FORUM) ដែលពិធីនេះធ្វើឡើងនៅសណ្ឋាគារ ហៃយ៉ាត់ រីជេនស៊ី ភ្នំពេញ។វេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២ សហការរៀបចំដោយវិទ្យាស្ថានយុទ្ធសាស្ត្រ ដើម្បីអាស៊ី-ប៉ាស៊ីហ្វិក (KSI) វិទ្យាស្ថានចក្ខុវិស័យអាស៊ី (AVI) ក្រុមប្រឹក្សាធុរកិច្ចអាស៊ាន (ASEAN-BAC) និងសភាពាណិជ្ជកម្មកម្ពុជា ក្រោមប្រធានបទ “ ភាពជាដៃគូសម្រាប់អាស៊ានដែលមានភាពស្អិតរមួត និងឆ្លើយតបរហ័ស ”។ខាងក្រោមនេះជាសុន្ទរកថាទាំងស្រុងរបស់សម្តេចតេជោ ហ៊ុន សែន៖

សម្ដេចតេជោ ហ៊ុន សែន អំពាវនាវដល់អាជ្ញាធរគ្រប់លំដាប់ថ្នាក់បង្កើនកិច្ចការពារសុវត្ថិភាពជូនពលរដ្ឋ ក្នុងអំឡុងបុណ្យភ្ជុំបិណ្ឌ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា អំពាវនាវដល់អាជ្ញាធរគ្រប់លំដាប់ថ្នាក់បង្កើនកិច្ចការពារសុវត្ថិភាព សណ្ដាប់ធ្នាប់សាធារណៈ និងជួយសម្រួលចរាចរណ៍ជូនបងប្អូនប្រជាពលរដ្ឋ នៅក្នុងអំឡុងពេលបុណ្យភ្ជុំបិណ្ឌ។ តាមរយៈហ្វេសប៊ុកនៅព្រឹកថ្ងៃទី១១ ខែកញ្ញា ឆ្នាំ២០២២នេះ ដែលជាថ្ងៃកាន់បិណ្ឌ១ នៃពិធីបុណ្យភ្ជុំបិណ្ឌ សម្ដេចតេជោបញ្ជាក់ថា នេះជាពេលវេលាមួយ ដែលបងប្អូនប្រជាពលរដ្ឋពុទ្ធបរិស័ទ មានឱកាសក្នុងការធ្វើបុណ្យទាន សន្សំកុសល និងជួបជុំសាច់ញាតិបងប្អូន នៅតាមទីកន្លែងជិតឆ្ងាយ ជាពិសេសតាមទីវត្តអារាមនានា។សម្ដេចតជោបន្តថា ពិធីបុណ្យកាន់បិណ្ឌឆ្នាំ២០២២នេះ គឺប្រព្រឹត្តទៅចាប់ពីថ្ងៃ១រោច ដល់ថ្ងៃ ១៤រោច ខែភទ្របទគឺចាប់ពីថ្ងៃទី១១ ដល់ថ្ងៃទី២៤ ខែកញ្ញា ឆ្នាំ២០២២។សម្ដេចតេជោ បានអំពាវនាវដល់អាជ្ញាធរគ្រប់លំដាប់ថ្នាក់ បង្កើនកិច្ចការពារសុវត្ថិភាព សន្តិសុខ សណ្តាប់ធ្នាប់សាធារណៈ របៀបរៀបរយ និងសម្រួលចរាចរណ៍ឱ្យបានល្អប្រសើរ ដើម្បីបង្កលក្ខណៈងាយស្រួលជូនដល់បងប្អូនប្រជាពលរដ្ឋ និងទេសចរ នៅក្នុងកំឡុងពេលបុណ្យភ្ជុំនេះ៕

លោក Biden និយាយថា លោកនឹងចូលរួមព្រះពិធីបុណ្យសពរបស់ម្ចាស់ក្សត្រី Elizabeth II

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក Joe Biden បានថ្លែងប្រាប់អ្នកសារព័ត៌មានកាលពីថ្ងៃសុក្រថា លោកគ្រោងនឹងចូលរួមព្រះពិធីបុណ្យសពរបស់ម្ចាស់ក្សត្រី Elizabeth II របស់ចក្រភពអង់គ្លេស ដែលបានយាងសោយព្រះពិរាល័យកាលពីថ្ងៃព្រហស្បតិ៍ក្នុងជន្មាយុ 96ព្រះវស្សា។ ថ្លែងទៅកាន់ក្រុមអ្នកសារព័ត៌មានក្នុងរដ្ឋ Ohio ខណៈលោកឡើងជិះយន្តហោះ Air Force One ក្នុងពេលត្រឡប់ទៅកាន់សេតវិមានវិញ លោក Biden បាននិយាយថា “ខ្ញុំមិនទាន់ដឹងថា ព័ត៌មានលម្អិតយ៉ាងណានៅឡើយនោះទេ ប៉ុន្តែខ្ញុំនឹងទៅ”។ លោកនិយាយថា លោកមិនទាន់បានថ្លែងទៅកាន់មហាក្សត្រ Charles III ដែលជាបុត្រច្បងរបស់ម្ចាស់ក្សត្រី Elizabeth និងជាមហាក្សត្រថ្មីនៅឡើយទេ។ លោក Biden គឺជាប្រធានាធិបតីទី13 និងចុងក្រោយរបស់សហរដ្ឋអាមេរិកដែលបានចូលគាល់មហាក្សត្រី ដែលបានគ្រងរាជអស់រយៈពេលរហូតប្រាំពីរទសវត្សរ៍។ ព្រះមហាក្សត្រីបានជួបប្រធានាធិបតីសហរដ្ឋអាមេរិកគ្រប់រូបចាប់តាំងពីលោក Dwight Eisenhower លើកលែងតែលោក Lyndon Johnson។ នោះក៏ព្រោះតែលោក Johnson មិនបានធ្វើទស្សនកិច្ចនៅចក្រភពអង់គ្លេសក្នុងអំឡុងពេលលោកកាន់តំណែងជាប្រធានាធិបតី។ លោក Biden និងស្ត្រីទី១ លោកស្រី Jill Biden បាននិយាយនៅក្នុងសេចក្តីថ្លែងការណ៍ថា "កេរដំណែលរបស់មហាក្សត្រីនឹងបង្ហាញច្បាស់លាស់ធំធេង នៅក្នុងទំព័រប្រវត្តិសាស្ត្ររបស់ចក្រភពអង់គ្លេស និងនៅក្នុងរឿងរ៉ាវពិភពលោករបស់យើង។ គ្រប់អតីតប្រធានាធិបតីសហរដ្ឋអាមេរិកដែលនៅមានជីវិតមានលោក Jimmy Carter, Bill Clinton, George W. Bush, Barack Obama និង Donald Trump បានចូលរួមជាមួយលោក Biden ក្នុងការកាន់ទុក្ខរបស់ម្ចាស់ក្សត្រីដែលបានយាងសោយព្រះពិរាល័យ និងផ្ញើសាររំលែកទុក្ខដល់គ្រួសាររបស់ទ្រង់៕អត្ថបទ៖ ប៊ុនថន

UN និងមេដឹកនាំប្រទេសអេស្ប៉ាញ និងព័រទុយហ្គាល់គោរពវិញ្ញាណក្ខន្ធព្រះមហាក្សត្រីអង់គ្លេស

UN៖ អង្គការសហប្រជាជាតិនៅទីក្រុងហ្សឺណែវបានទម្លាក់ទង់ជាតិទាំងអស់ ដែលបានដាក់តម្រៀបជួរនៅច្រកចូលដ៏ស្រស់ស្អាត និងបានទម្លាក់ទង់ជាតិអង្គការសហប្រជាជាតិមកត្រឹមពាក់កណ្តាលដង ដើម្បីគោរពដល់ការយាងសោយព្រះពិរាល័យរបស់ម្ចាស់ក្សត្រី Elizabeth II។ លោក Rheal Leblanc អ្នកនាំពាក្យរបស់អង្គការសហប្រជាជាតិក្នុងទីក្រុងហ្សឺណែវបាននិយាយថា ការិយាល័យរបស់អគ្គលេខាធិការលោក Antonio Guterres បានណែនាំឲ្យទង់ជាតិរបស់អង្គការសហប្រជាជាតិ បង្ហូតចុះត្រឹមពាក់កណ្តាលដងនៅគ្រប់ការិយាល័យទាំងអស់ របស់អង្គការសហប្រជាជាតិនៅជុំវិញពិភពលោក។ លោក Leblanc បាននិយាយថា លោកអគ្គលេខាគោរពម្ចាស់ក្សត្រី Elizabeth II ចំពោះការលះបង់ឥតឈប់ឈរអស់មួយជន្មជីពរបស់ព្រះអង្គម្ចាស់ក្សត្រី ក្នុងការបំពេញព្រះរាជកិច្ចដើម្បីបម្រើប្រជាជនរបស់ទ្រង់។ លោកអគ្គលេខាធិការនិយាយថា ពិភពលោកនឹងចងចាំការលះបង់ និងព្រះរាជកិច្ចដឹកនាំរបស់ព្រះមហាក្សត្រី។ មេដឹកនាំ និងប្រមុខរដ្ឋជុំវិញពិភពលោកបានបន្តគោរពវិញ្ញាណក្ខន្ធម្ចាស់ក្សត្រី Elizabeth II។នៅទីក្រុងម៉ាឌ្រីដ មហាក្សត្រប្រទេសអេស្បាញ Philip VI និងម្ចាស់ក្សត្រី Letizia បានយាងទៅដល់លំនៅឋានផ្លូវការរបស់ឯកអគ្គរាជទូតអង់គ្លេស ដើម្បីសរសេរសាររំលែកទុក្ខ។ នាយករដ្ឋមន្ត្រីអេស្ប៉ាញលោក Pedro Sanchez ក៏បានមកដល់ស្ថានទូតដើម្បីគោរពវិញ្ញាណក្ខន្ធផងដែរ។ នៅទីក្រុង Lisbon ប្រទេសព័រទុយហ្គាល់ រដ្ឋមន្ត្រីការបរទេសលោក João Gomes Cravinho បានមកកាន់លំនៅឋានផ្លូវការរបស់ឯកអគ្គរដ្ឋទូតអង់គ្លេស ដើម្បីចុះហត្ថលេខាលើសៀវភៅរំលែកទុក្ខ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ខេត្តកណ្តាលបានរៀបចំពិធីអបអរសាទរទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវ: លើកទី៩ ឆ្នាំ២០២៦

ប៉ូឡូញស្វែងរកវត្តមានកងទ័ពអាមេរិកជាអចិន្ត្រៃយ៍ ខណៈលោក Nawrocki ជួបជាមួយលោក Trump

លោក Putin ផ្ញើសារជូនពរខួបកំណើតទៅលោក Trump ដោយសរសើរជាបុគ្គលត្រចះត្រចង់ និងអស្ចារ្យ

ក្រសួងសុខាភិបាល៖ចំនួនអ្នកស្លាប់ពីការវាយប្រហាររបស់អ៊ីស្រាអែលលើលីបង់កើនឡើងជាង ៣,៧៨០នាក់

រដ្ឋមន្រ្ដីក្រសួងការងារ និងឯកអគ្គរដ្ឋទូតចិន អញ្ជើញជាអធិបតីក្នុងពិធីប្រគល់សៀវភៅស្តង់ដាជាតិមុខរបរចិន និងក្នុងពិធីចុះ MoU ជាមួយក្រុមហ៊ុន BYD

ក្រុមហ៊ុនផលិត និងសហជីពព្រមានថា អង់គ្លេសកំពុងបាត់បង់ការងារនៅបរទេស ដោយសារតែតម្លៃថាមពលខ្ពស់

មេដឹកនាំ G7 ជួបប្រជុំនៅបារាំង បន្ទាប់ពីអាមេរិក និងអ៊ីរ៉ង់ ប្រកាសពីកិច្ចព្រមព្រៀងបញ្ចប់សង្គ្រាម

តារាចម្រៀងអាមេរិក Oliver Tree ស្ថិតចំណោមមនុស្សស្លាប់ ៦នាក់ ក្នុងហេតុការណ៍ឧទ្ធម្ភាគចក្របុកគ្នានៅប្រេស៊ីល

ប្រជាជនអ៊ីរ៉ង់ មានសុទិដ្ឋិនិយមដោយប្រុងប្រយ័ត្នជុំវិញទស្សនវិស័យសម្រាប់កិច្ចព្រមព្រៀងយូរអង្វែង

ការវិភាគ៖ លោក Trump ទុកផ្នែកលំបាកៗទៅពេលក្រោយ នៅក្នុងកិច្ចព្រមព្រៀងជាមួយអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Zelenskyy ប្រារព្ធខួប ២០០ថ្ងៃនៃសង្គ្រាម និងបានសរសើរកងទ័ព ខណៈអ៊ុយក្រែនបង្ហាញទីក្រុងដែលដណ្តើមបានមកវិញ

អ៊ុយក្រែននិយាយថា ប្រតិបត្តិការនៅរោងចក្រថាមពលនុយក្លេអ៊ែរ Zaporizhzhia ត្រូវបានបញ្ឈប់ទាំងស្រុង

សម្តេចតេជោ ហ៊ុន សែន ផ្តល់យោបល់៥ចំណុច ជូនវេទិកាភាពជាអ្នកដឹកនាំ និងភាពជាដៃគូអាស៊ាន ឆ្នាំ២០២២

កងកម្លាំងរុស្ស៊ីដកថយពីទីក្រុងសំខាន់ៗនៅភាគឦសាន ខណៈទាហានអ៊ុយក្រែនវាយសន្ធាប់ខ្លាំង

ព្រះសពមហាក្សត្រី Elizabeth II នឹងត្រូវតម្កល់ក្នុងព្រះមជ្ឈូសា ៤ថ្ងៃពេញមុនព្រះរាជពិធីបុណ្យព្រះសពផ្លូវរដ្ឋ

ពីថ្ងៃទី១១-២០ ខែកញ្ញា ទាំងសាំង និងម៉ាស៊ូត ចុះចំនួន ៣០០រៀល ធៀបនឹងសន្ទស្សន៍ចាស់

សម្ដេចតេជោ ហ៊ុន សែន អញ្ជើញបើកវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២

លោក Biden និយាយថា លោកនឹងចូលរួមព្រះពិធីបុណ្យសពរបស់ម្ចាស់ក្សត្រី Elizabeth II

UN និងមេដឹកនាំប្រទេសអេស្ប៉ាញ និងព័រទុយហ្គាល់គោរពវិញ្ញាណក្ខន្ធព្រះមហាក្សត្រីអង់គ្លេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អ៊ុយ​ក្រែ​ននិយាយថា ប្រតិបត្តិការ​នៅ​រោងចក្រ​ថាមពលនុយក្លេអ៊ែរ Zaporizhzhia ត្រូវបាន​បញ្ឈប់​ទាំងស្រុង​

សម្តេចតេជោ ហ៊ុន សែន ផ្តល់យោបល់៥ចំណុច ជូនវេទិកាភាពជាអ្នកដឹកនាំ និងភាពជាដៃគូអាស៊ាន ឆ្នាំ២០២២

កងកម្លាំង​រុស្ស៊ី​ដកថយ​ពី​ទីក្រុង​សំខាន់ៗ​នៅ​ភាគ​ឦសាន ខណៈ​ទាហាន​អ៊ុយ​ក្រែ​ន​វាយ​សន្ធាប់​ខ្លាំង​

ពីថ្ងៃទី១១-២០ ខែកញ្ញា ទាំងសាំង និងម៉ាស៊ូត ចុះចំនួន ៣០០រៀល ធៀបនឹងសន្ទស្សន៍ចាស់

សម្ដេចតេជោ ហ៊ុន សែន​ អញ្ជើញបើកវេទិកាភាពជាអ្នកដឹកនាំ និង​ភាពជាដៃគូ​អាស៊ាន​ឆ្នាំ​២០២២

លោក Biden និយាយថា លោក​នឹងចូលរួម​ព្រះ​ពិធី​បុណ្យសព​របស់​ម្ចាស់​ក្ស​ត្រី Elizabeth II

UN និង​មេដឹកនាំ​ប្រទេស​អេស្ប៉ាញ និង​ព័រ​ទុយ​ហ្គា​ល់​គោរព​វិញ្ញាណក្ខន្ធ​ព្រះ​មហាក្សត្រី​អង់គ្លេស​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ៊ុយក្រែននិយាយថា ប្រតិបត្តិការនៅរោងចក្រថាមពលនុយក្លេអ៊ែរ Zaporizhzhia ត្រូវបានបញ្ឈប់ទាំងស្រុង

កងកម្លាំងរុស្ស៊ីដកថយពីទីក្រុងសំខាន់ៗនៅភាគឦសាន ខណៈទាហានអ៊ុយក្រែនវាយសន្ធាប់ខ្លាំង

សម្ដេចតេជោ ហ៊ុន សែន អញ្ជើញបើកវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២

លោក Biden និយាយថា លោកនឹងចូលរួមព្រះពិធីបុណ្យសពរបស់ម្ចាស់ក្សត្រី Elizabeth II

UN និងមេដឹកនាំប្រទេសអេស្ប៉ាញ និងព័រទុយហ្គាល់គោរពវិញ្ញាណក្ខន្ធព្រះមហាក្សត្រីអង់គ្លេស