BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

ព្រះមហាក្សត្រ Charles សច្ចាបំពេញព្រះរាជកិច្ចជាតិ និងអនុញ្ញាតឲ្យលោកស្រី Truss ចូលគាល់លើកដំបូង

អង់គ្លេស៖ ព្រះមហាក្សត្រ Charles III ទ្រង់សច្ចានៅក្នុងព្រះរាជស័ង្កថាដំបូងរបស់ទ្រង់ ក្នុងនាមជាព្រះមហាក្សត្រកាលពីថ្ងៃសុក្រថា ព្រះអង្គនឹងបន្តព្រះរាជកិច្ចពេញមួយព្រះជន្មជីពរបស់ម្ចាស់ក្សត្រី Elizabeth II តាមរយៈព្រះសង្ហារទំនើបកម្មក្នុងនាមព្រះអង្គផ្ទាល់ ខណៈចក្រភពអង់គ្លេសបានឈានចូលយុគសម័យថ្មី ដែលមិនច្បាស់លាស់នៅក្រោមរាជាធិបតេយ្យថ្មី។ នៅជុំវិញពិភពលោក រជ្ជកាលដ៏ល្អប្រសើររបស់ព្រះមហាក្សត្រីត្រូវបានរំលឹក អបអរ និងយកមកជជែកដេញដោល។ ព្រះមហាក្សត្រ Charles ដែលបានចំណាយពេល 73ព្រះវស្សារបស់ទ្រង់ ដើម្បីត្រៀមព្រះកាយសម្រាប់តួនាទីជាមហាក្សត្រ បានមានព្រះបន្ទូលទៅកាន់ប្រជាជាតិដែលកំពុងកាន់ទុក្ខ ជាមហាក្សត្រអង់គ្លេសដែលពលរដ្ឋភាគច្រើនរស់នៅសព្វថ្ងៃនេះមិនធ្លាប់ស្គាល់។ ព្រះអង្គឡើងសោយរាជ្យក្នុងយុគសម័យនៃភាពរំជើបរំជួល សម្រាប់ទាំងប្រទេស និងរបបរាជានិយមផ្ទាល់។ ព្រះអង្គមានបន្ទូលអំពីទុក្ខព្រួយដ៏ជ្រាលជ្រៅបំផុតរបស់ទ្រង់ ចំពោះការយាងសោយព្រះពិរាល័យរបស់មាតាព្រះអង្គ ដោយចាត់ទុកព្រះមាតាព្រះអង្គជាការបំផុសគំនិត និងគំរូដល់ទ្រង់ និងដល់គ្រួសាររាជវង្សទាំងមូល។ ព្រះរាជស័ង្កថារបស់ព្រះអង្គត្រូវបានចាក់ផ្សាយតាមទូរទស្សន៍ និងចាក់ផ្សាយនៅព្រះវិហារ St. Paul's ជាកន្លែងដែលមនុស្សប្រមាណ 2,000នាក់បានចូលរួមពិធីគោរពវិញ្ញាក្ខន្ធដល់ម្ចាស់ក្សត្រី។ព្រះមហាក្សត្រ Charles III របស់ចក្រភពអង់គ្លេសបានអនុញ្ញាឲ្យនាយករដ្ឋមន្ត្រីលោកស្រី Liz Truss ចូលក្រាប់បង្គំគាល់កាលពីថ្ងៃសុក្រ និងបានមានបន្ទូលថា ការបាត់បង់មាតារបស់ទ្រង់គឺជាថ្ងៃដែលព្រះអង្គមានការព្រួយបារម្ភ ហើយព្រះអង្គត្រូវតែព្យាយាម និងបន្តអ្វីៗគ្រប់យ៉ាង។ ការមានបន្ទូលដូច្នេះត្រូវបានធ្វើឡើងនៅក្នុងរាជវាំង Buckingham បន្ទាប់ពីព្រះមហាក្សត្រថ្មីបានយាងទៅកាន់ទីក្រុងឡុងដ៍ពីដែនដីស្កុតឡែន បន្ទាប់ពីការយាងសោយព្រះពិរាល័យរបស់មាតាព្រះអង្គគឺម្ចាស់ក្សត្រី Elizabeth II៕អត្ថបទ៖ ប៊ុនថន

បាច់ផ្កាដាក់ខាងក្រៅប្រាសាទ Balmoral ខណៈអ៊ុយក្រែន និងរុស្ស៊ីគោរពវិញ្ញាណក្ខន្ធព្រះមហាក្សត្រីអង់គ្លេស

អង់គ្លេស៖ អ្នកកាន់ទុក្ខជាច្រើនមកពីជុំវិញពិភពលោកបានប្រមូលផ្តុំគ្នានៅប្រាសាទ Balmoral កាលពីថ្ងៃសុក្រដើម្បីគោរពវិញ្ញាណក្ខន្ធម្ចាស់ក្សត្រី Elizabeth II ដែលបានយាងសោយព្រះពិរាល័យកាលពីថ្ងៃព្រហស្បតិ៍។ ក្រុមអ្នកកាន់ទុកបានដាក់បាច់ផ្កា និងកម្រងផ្កានៅខាងមុខខ្លោងទ្វារប្រាសាទ និងបានរៀបរាប់អំពីសេចក្តីស្រឡាញ់របស់ពួកគេចំពោះមហាក្សត្រី។ម្ចាស់ក្សត្រី Elizabeth II បានយាងសោយព្រះពិរាល័យកាលពីរសៀលថ្ងៃព្រហស្បតិ៍នៅប្រាសាទ Balmoral ដែនដីស្កុតឡែន។ នៅក្នុងប្រទេសអ៊ុយក្រែន ពលរដ្ឋនៅក្នុងទីក្រុងគីវបានចូលរួមគោរពវិញ្ញាណក្ខន្ធម្ចាស់ក្សត្រី Elizabeth II នៅមុខស្ថានទូតអង់គ្លេសកាលពីថ្ងៃសុក្រ មួយថ្ងៃបន្ទាប់ពីការយាងសោយព្រះពិរាល័យរបស់ម្ចាស់ក្សត្រីត្រូវបានប្រកាស។ ប្រជាជនអ៊ុយក្រែនបាននាំយកផ្កា និងកោតសរសើរព្រះរាជកិច្ចដ៏ខ្ជាប់ខ្ជួនរបស់ទ្រង់ចំពោះកាតព្វកិច្ច និងប្រទេសជាតិ។ នៅក្នុងប្រទេសរុស្ស៊ី ពលរដ្ឋនៅទីក្រុងមូស្គូបាននាំយកផ្កាទៅកាន់ស្ថានទូតចក្រភពអង់គ្លេស ក្នុងរដ្ឋធានីប្រទេសរុស្ស៊ីកាលពីថ្ងៃសុក្រ ដើម្បីចូលរួមរំលែកទុក្ខចំពោះការយាងសោយព្រះពិរាល័យរបស់ម្ចាស់ក្សត្រី Elizabeth II របស់ចក្រភពអង់គ្លេស។ពលរដ្ឋម្នាក់ដែលមានបាច់ផ្កាបាននិយាយថា ទោះបីជាអ្វីៗកំពុងកើតឡើងនៅពេលនេះក៏ដោយ ព្រះមហាក្សត្រី តែងតែជានិមិត្តរូបនៃសន្តិភាព និងសេចក្តីល្អ។ ជាមួយគ្នានេះប្រធានាធិបតីរុស្ស៊ីលោក វ្ល៉ាឌីមៀ ពូទីន បានផ្ញើសារតាមបណ្តាញ Telegram ទៅកាន់មហាក្សត្រ Charles III ជាបុត្រច្បងរបស់ម្ចាស់ក្សត្រី Elizabeth II ដែលបានក្លាយជាមហាក្សត្រថ្មីរបស់ចក្រភពអង់គ្លេសដោយស្វ័យប្រវត្តិ៕អត្ថបទ៖ ប៊ុនថន

ព្រះរាជពិធីបុណ្យសពមហាក្សត្រី Elizabeth II ត្រូវគេរំពឹងថានឹងធ្វើឡើងក្នុងពេលតិចជាង ២សប្ដាហ៍ទៀត

អង់គ្លេស៖ ព្រះរាជពិធីបុណ្យព្រះបរមសពរបស់ព្រះមហាក្សត្រី Elizabeth ទីII ត្រូវគេរំពឹងថានឹងប្រារព្ធឡើងនៅព្រះវិហារ Westminster Abbey ក្នុងពេលតិចជាង ២សប្ដាហ៍ ហើយថ្ងៃពិតប្រាកដនឹងត្រូវបានបញ្ជាក់ដោយព្រះបរមរាជវាំង Buckingham។ ព្រះមហាក្សត្រីបានយាងសោយព្រះពិរាល័យ ដែលជាការបញ្ចប់ការឡើងគ្រងរាជសម្បត្តិយូរបំផុត ក្នុងប្រវត្តិសាស្ត្ររបស់ចក្រភពអង់គ្លេស។ ទ្រង់បានសោយព្រះពិរាល័យដោយស្ងៀមស្ងាត់ ដែលត្រូវបានអមជុំវិញទ្រង់ដោយរាជវង្សរបស់ទ្រង់នៅព្រះរាជដំណាក់ Balmoral Castle ក្នុងដែនដីស្កុតឡិន។ ក្នុងរយៈពេលប៉ុន្មានថ្ងៃខាងមុខ គេរំពឹងថានឹងមានពិធីតម្កល់ព្រះបរមសព និងព្រះរាជពិធីបុណ្យសពរបស់ទ្រង់ ខណៈដែលប្រទេសនេះកំពុងគោរពព្រះវិញ្ញាណក្ខន្ធ។ បន្ទាប់ពីមឈូសរបស់ទ្រង់វិលត្រឡប់ទៅកាន់ទីក្រុងឡុដ៍វិញ ក្រោយមកព្រះបរមសពរបស់ទ្រង់នឹងត្រូវតម្កល់នៅក្នុងសាលអគារ Westminster Hall រយៈពេលប្រហែល ៤ថ្ងៃ មុនចាប់ផ្ដើមព្រះរាជពិធីបុណ្យសពដើម្បីអនុញ្ញាតឲ្យសមាជិកទាំងឡាយគោរពព្រះវិញ្ញាណក្ខន្ធ។ សាលអគារដ៏ធំនេះគឺជាផ្នែកដ៏ចាស់បំផុតនៃព្រះបរមរាជវាំង Westminster ជាបេះដូងនៃរដ្ឋាភិបាលចក្រភពអង់គ្លេស។សមាជិកចុងក្រោយរបស់រាជវង្សអង្គនេះនឹងត្រូវតម្កល់ក្នុងសាលនេះ ជាទីដែលព្រះសពរបស់ព្រះវររាជមាតាជាតិអង្គនេះត្រូវបានតម្កល់នៅឆ្នាំ២០២២ នេះ នៅពេលដែលមនុស្សជាង ២០០,០០០នាក់នឹងឈរតម្រង់ជួរមើលមឈូសរបស់ទ្រង់។ មឈូសរបស់មហាក្សត្រីនឹងតម្កល់នៅលើទម្រមួយដែលគេហៅឈ្មោះថា catafalque ស្ថិតនៅខាងក្រោមដំបូលឈើមជ្ឈិមសម័យនៃសាលសតវត្សរ៍ទី១១។ ជ្រុងនិមួយៗនៃជើងទម្រនឹងត្រូវឈរអមដោយកងទ័ព ពីអង្គភាពនានាដែលបម្រើការនៅព្រះបរមរាជវាំង។ ព្រះបរមសពរបស់មហាក្សត្រីនឹងត្រូវដង្ហែទៅកាន់សាល Westminster ពីព្រះបរមរាជវាំង Buckingham តាមក្បួនដង្ហែព្រះសពយឺតៗ ដែលត្រូវបានហែហមដោយព្យុហយាត្រាយោធា និងសមាជិករាជវង្ស។ ប្រជាពលរដ្ឋទូទៅក៏នឹងអាចទស្សនាក្បួនដង្ហែព្រះបរមសពនេះផងដែរ ខណៈក្បួននេះហែកាត់តាមដងផ្លូវនានា និងមានព្រឹត្តិការណ៍ផ្សាយផ្ទាល់នៅលើកញ្ចក់ទូរទស្សន៍ធំៗ ដែលទំនងជានឹងត្រូវបង្កើតឡើងនៅឧទ្យាន Royal Parks ក្នុងទីក្រុងឡុងដ៍៕អត្ថបទ៖ សុខមាន

ប្រតិបត្តិការជួយសង្គ្រោះដោយទឹកជំនន់នៅបន្តនៅប៉ាគីស្ថាន ខណៈអ្នកស្លាប់កើនដល់ ១,៣៩១នាក់

ប៉ាគីស្ថាន៖ ចំនួនអ្នកស្លាប់ដោយសារទឹកជំនន់ នៅទូទាំងប្រទេសប៉ាគីស្ថានបានកើនឡើងដល់ ១,៣៩១នាក់ចាប់តាំងពីថ្ងៃទី១៤ ខែមិថុនាមក ហើយមនុស្សសរុបចំនួន ១២,៧២២នាក់បានរងរបួស និងរាប់លាននាក់រងផលប៉ះពាល់។អាជ្ញាធរប៉ាគីស្ថានបាននិយាយថា ប្រតិបត្តិការសង្គ្រោះនៅបន្តដោយកងទ័ព និងអ្នកស្ម័គ្រចិត្តបានប្រើប្រាស់ឧទ្ធម្ភាគចក្រ និងទូកដើម្បីទៅយកមនុស្សដែលជាប់គាំង ចេញពីតំបន់ទឹកជំនន់មកកាន់ជំរំសង្គ្រោះ។ ប្រជាជននៅជំរំកំពុងត្រូវបានផ្តល់កន្លែងស្នាក់នៅ អាហារ និងការថែទាំសុខភាព។ ទូករបស់កងទ័ពប៉ាគីស្ថានកំពុងជួយសង្គ្រោះប្រជាជនដែលជាប់គាំង និងដឹកជញ្ជូនពួកគេទៅកាន់កន្លែងមានសុវត្ថិភាពក្នុងស្រុក Jamshoro របស់ខេត្ត Sindh បន្ទាប់ពីមានការបាក់ទំនប់ទឹកនៃបឹង Manchar កាលពីពេលថ្មីនេះ។ ទឹកពីបឹងបានជន់លិចភូមិជាច្រើននៅក្បែរៗនោះ បានបង្ខំឱ្យពលរដ្ឋរាប់រយគ្រួសារចាកចេញពីលំនៅឋានរបស់ពួកគេយ៉ាងប្រញាប់ប្រញាល់ ហើយពលរដ្ឋជាច្រើនបានភៀសខ្លួនចេញដោយការភិតភ័យ។កងទ័ពប៉ាគីស្ថានបានជួយសង្គ្រោះមនុស្សជាច្រើន ដែលជាប់គាំងរយៈពេលជាច្រើនថ្ងៃនៅក្នុងភូមិ។ ជំរំសង្គ្រោះជាច្រើនត្រូវបានបង្កើតឡើងនៅក្នុងអគាររដ្ឋាភិបាលដែលបម្រើពលរដ្ឋរាប់ម៉ឺននាក់ ខណៈរាប់ពាន់នាក់ទៀតបានជ្រកកោននៅតាមដងផ្លូវនៅលើដីខ្ពស់។ ទឹកជំនន់នៅក្នុងប្រទេសប៉ាគីស្ថានដែលបានចាប់ផ្តើមចាប់តាំងពីពាក់កណ្តាលខែមិថុនា បណ្តាលឲ្យមនុស្ស ១,៣៩១នាក់ស្លាប់ ប៉ះពាល់ដល់មនុស្ស ៣.៣លាននាក់ និងធ្វើឱ្យមនុស្សជាងកន្លះលាននាក់គ្មានផ្ទះសម្បែង។ ទោះបីជាភ្លៀងបានធូរស្រាល ហើយទឹកជំនន់បានស្រកចុះនៅតំបន់ជាច្រើនរបស់ប្រទេសប៉ាគីស្ថានក៏ដោយ ខេត្ត Sindh នៅតែជាតំបន់មួយក្នុងចំណោមតំបន់ដែលរងគ្រោះខ្លាំងបំផុត៕អត្ថបទ៖ ប៊ុនថន

មេដឹកនាំពិភពលោកគោរពព្រះវិញ្ញាណក្ខន្ធម្ចាស់ក្សត្រី Elizabeth II បន្ទាប់ពីទ្រង់យាងសោយព្រះពិរាល័យ

អង់គ្លេស៖ នាយករដ្ឋមន្ត្រីថ្មីចក្រភពអង់គ្លេសលោកស្រី Liz Truss និងមេដឹកនាំពិភពលោកបច្ចុប្បន្នរួមមានលោក Joe Biden និងលោក Justin Trudeau រួមជាមួយអតីតប្រមុខរដ្ឋដូចជាលោក Tony Blair និងលោក Barack Obama និងមេដឹកនាំច្រើនរូបទៀតបានគោរពព្រះវិញ្ញាណក្ខន្ធម្ចាស់ក្សត្រី Elizabeth II បន្ទាប់ពីទ្រង់បានយាងសោយព្រះពិរាល័យក្នុងជន្មាយុ ៩៦ព្រះវស្សា។ ព្រះរាជវាំងបានប្រកាសថា ម្ចាស់ក្សត្រីបានយាងសោយព្រះពិរាល័យនៅប្រាសាទ Balmoral ក្នុងដែនដីស្កុតឡែន ជាកន្លែងដែលសមាជិកគ្រួសាររាជវង្សបានធ្វើដំណើរទៅទីនោះ បន្ទាប់ពីព្រះរាជសុខភាពរបស់ទ្រង់កាន់តែធ្ងន់ធ្ងរ។ ពលរដ្ឋជាច្រើនបានប្រមូលផ្តុំគ្នានៅខាងក្រៅរាជវាំង Buckingham នៅក្រោមដំណក់ទឹកភ្លៀងធ្លាក់ ហើយសមាជិកមួយចំនួនបានយំនៅពេលដែលមន្ត្រីបានជូនដំណឹងបញ្ជាក់ ពីការយាងសោយព្រះពិរាល័យរបស់ព្រះមហាក្សត្រីនៅច្រកទ្វាររាជវាំងនៅក្នុងទីក្រុងឡុងដ៍។ មហាសន្និបាតអង្គការសហប្រជាជាតិកាលពីថ្ងៃព្រហស្បតិ៍ បានគោរពព្រះវិញ្ញាណក្ខន្ធម្ចាស់ក្សត្រី Elizabeth II របស់ចក្រភពអង់គ្លេសដោយរក្សាភាពស្ងៀមស្ងាត់មួយនាទី។ នាយករដ្ឋមន្ត្រីថ្មីចក្រភពអង់គ្លេសលោកស្រី Liz Truss បានចេញសេចក្តីថ្លែងការណ៍មួយដែលនិយាយថា "យើងទាំងអស់គ្នាមានក្តីរន្ធត់ចំពោះព័ត៌មានដែលយើងទទួលបានពីប្រាសាទ Balmoral ដែនដីស្កុតឡែន។ ការយាងសោយព្រះពិរាល័យរបស់ព្រះមហាក្សត្រី ជាភាពតក់ស្លុតយ៉ាងខ្លាំងដល់ប្រជាជាតិ និងពិភពលោក។ប្រធានាធិបតីសហរដ្ឋអាមេរិកលោក Joe Bidens បានថ្លែងនៅក្នុងសេចក្តីថ្លែងការណ៍ថា ម្ចាស់ក្សត្រី Elizabeth II គឺលើសពីព្រះមហាក្សត្រ។ ទ្រង់បានកំណត់សម័យកាលមួយ។ នៅក្នុងពិភពលោកដែលមានការផ្លាស់ប្តូរឥតឈប់ឈរ ទ្រង់ធ្វើឲ្យមានវត្តមានដ៏ស្ថិតស្ថេរ និងជាប្រភពនៃភាពសុខដុមរម្យនា និងមោទនភាពសម្រាប់ប្រជាជនអង់គ្លេសជាច្រើនជំនាន់។ នាយករដ្ឋមន្ត្រីកាណាដាលោក Justin Trudeau បានសរសេរនៅក្នុងបណ្តាញសង្គម Twitter ថា វាពិតជាតក់ស្លុតក្នុងចិត្តខ្លាំងបំផុតដែលយើងបានទទួលដំណឹង ពីការយាងសោយព្រះពិរាល័យរបស់ព្រះមហាក្សត្រី Elizabeth II ដែលសោយរាជ្យយូរបំផុតរបស់ចក្រភពអង់គ្លេស។ ទ្រង់មានវត្តមានជាប់ក្នុងជីវិតរបស់យើង ហើយការបំពេញរាជកិច្ចរបស់ទ្រង់ចំពោះប្រជាជនកាណាដា នឹងនៅតែជាផ្នែកដ៏សំខាន់នៃប្រវត្តិសាស្ត្ររបស់ប្រទេសយើងជារៀងរហូត។ ប្រធានាធិបតីបារាំងលោក Emmanuel Macron បានសរសេរលើបណ្តាញសង្គម Twitter ថា ម្ចាស់ក្សត្រី Elizabeth II តំណាងឱ្យការបន្ត និងសាមគ្គីភាពរបស់ប្រទេសអង់គ្លេសអស់រយៈពេលជាង ៧០ឆ្នាំ។ ខ្ញុំចងចាំទ្រង់ជាមិត្តរបស់ប្រទេសបារាំង ជាមហាក្សត្រីដែលមានចិត្តសប្បុរស ដែលបានបន្សល់ទុកនូវការចាប់អារម្មណ៍ដ៏យូរអង្វែងសម្រាប់ប្រទេស។ប្រធានាធិបតីអ៊ុយក្រែនលោក Volodymyr Zelenskyy ថ្លែងថា វាគឺជាការសោកសៅយ៉ាងខ្លាំងដែលយើងបានទទួលដំណឹង ពីការយាងសោយព្រះពិរាល័យរបស់ព្រះមហាក្សត្រី Elizabeth II។ ក្នុងនាមប្រជាជន យើងសូមចូលរួមរំលែកទុក្ខយ៉ាងស្មោះស្ម័គ្រចំពោះគ្រួសាររាជវង្សរបស់ចក្រភពអង់គ្លេស និងប្រជាជនចំពោះការបាត់បង់ដែលមិនអាចជំនួសបាន។ នាយករដ្ឋមន្ដ្រីអូស្ត្រាលីលោក Anthony Albanese បានសម្តែងភាពសោកសៅចំពោះការយាងសោយព្រះពិរាល័យរបស់ព្រះមហាក្សត្រី Elizabeth II។ លោក Anthony Albanese ថ្លែងថា ថ្ងៃនេះជាការបង្ហាញការបញ្ចប់នៃយុគសម័យមួយ ជាការបិទនៃយុគសម័យ Elizabethan ទីពីរ។ ពេលវេលានៃការកាន់ទុក្ខនេះនឹងកន្លងផុតទៅ ប៉ុន្តែការគោរពដ៏ជ្រាលជ្រៅ ដែលប្រជាជនអូស្ត្រាលីតែងតែគោរពចំពោះទ្រង់នឹងមិនបាត់បង់ឡើយ។ ប្រជាជនអាល្លឺម៉ង់កាលពីថ្ងៃព្រហស្បតិ៍ បានសម្តែងការរំលែកទុក្ខរបស់ពួកគេទៅកាន់ប្រជាជនអង់គ្លេស បន្ទាប់ពីការយាងសោយព្រះពិរាល័យរបស់ព្រះមហាក្សត្រី ElizabethII ក្នុងព្រះជន្ម ៩៦ព្រះវស្សា។ ប្រធានាធិបតីអាល្លឺម៉ង់លោក Frank-Walter Steinmeier បានគោរពវិញ្ញាណក្ខន្ធដល់ម្ចាស់ក្សត្រីដែលយាងសោយព្រះពិរាល័យ ដោយថ្លែងថា ប្រជាជនអាល្លឺម៉ង់រាប់លាននាក់ ថ្ងៃនេះពិតជាមានអារម្មណ៍សោកសៅជាមួយប្រជាជនចក្រភពអង់គ្លេស៕អត្ថបទ៖ ប៊ុនថន

ព្រះអង្គម្ចាស់ Charles ក្លាយជាមហាក្សត្រថ្មីរបស់ចក្រភពអង់គ្លេស

អង់គ្លេស៖ ម្ចាស់ក្សត្រី Elizabeth II ដែលសោយរាជ្យយូរជាងគេរបស់ចក្រភពអង់គ្លេស បានយាងសោយព្រះពិរាល័យកាលពីថ្ងៃព្រហស្បតិ៍ក្នុងជន្មាយុ ៩៦ព្រះវស្សាបន្ទាប់ពីសោយរាជ្យបាន ៧០ឆ្នាំ។ ព្រះរាជបុត្រាព្រះជន្ម ៧៣ព្រះវស្សារបស់ទ្រង់ព្រះអង្គម្ចាស់ Charles បានឡើងសោយរាជ្យដោយស្វ័យប្រវត្តិ ទោះបីជាព្រះរាជពិធីឡើងគ្រងរាជប្រហែលជាមិនអាចកើតឡើង ក្នុងរយៈពេលជាច្រើនខែខាងមុខក៏ដោយ។ ព្រះអង្គម្ចាស់ Charles បានកំពុងត្រៀមព្រះកាយសម្រាប់មកុដរាជរបស់ទ្រង់ ស្ទើរពេញមួយព្រះជន្មជីពរបស់ព្រះអង្គ។ ព្រះអង្គម្ចាស់ Charles ជាបុត្រច្បងដែលនឹងត្រូវឡើងគ្រងរាជ្យរបស់ចក្រភពអង់គ្លេស បានក្លាយជាមហាក្សត្រ Charles III កាលពីថ្ងៃព្រហស្បតិ៍ បន្ទាប់ពីការយាងសោយព្រះពិរាល័យនៃមាតាព្រះអង្គគឺម្ចាស់ក្សត្រី Elizabeth II។ នៅពុំទាន់បានកំណត់កាលបរិច្ឆេទជាក់លាក់ណាមួយ សម្រាប់ការឡើងគ្រងរាជ្យសម្បត្តិរបស់ព្រះអង្គនៅឡើយទេ។ ការឡើងស្នងរាជ្យសម្បត្តិរបស់ទ្រង់ ទំនងជាជំរុញឱ្យមានការជជែកដេញដោលច្រើន អំពីអនាគតនៃរបបរាជានិយមរបស់ចក្រភពអង់គ្លេស ដែលមនុស្សមួយចំនួនមើលឃើញថា ជានិមិត្តរូបនៃឯកភាពជាតិ និងមួយចំនួនទៀតមើលឃើញថា ហួសសម័យកាលសម្រាប់ប្រវត្តិសាស្ត្រសក្តិភូមិ។ព្រះអង្គម្ចាស់ Charles ដែលនឹងក្លាយជាព្រះប្រមុខរដ្ឋសម្រាប់ចក្រភពអង់គ្លេស និងដែនដី និងប្រទេសចំនួន ១៤ផ្សេងទៀតរួមទាំងប្រទេសអូស្ត្រាលី កាណាដា នូវែលសេឡង់ និងប៉ាពួញូហ្គីណេ បានការពារព្រះរាជសកម្មភាពរបស់ទ្រង់៕អត្ថបទ៖ ប៊ុនថន

ក្រុមអ្នកកាន់ទុក្ខច្រៀងចម្រៀងជាតិនៅខាងក្រៅព្រះបរមរាជវាំង Buckingham និង God Save the King

អង់គ្លេស៖ នេះគឺជាពេលវេលាដែលក្រុមអ្នកកាន់មរណទុក្ខនៅខាងក្រៅព្រះបរមរាជវាំង Buckingham បានចាប់ផ្ដើមស្រែកច្រៀងចម្រៀងជាតិ និង ‘God Save the King’ ក្រោយការយាងសោយព្រះពិរាល័យរបស់ម្ចាស់ក្សត្រី Elizabeth ទីII។ រាជវង្សអង់គ្លេសបានប្រកាសដល់ពិភពលោក តាមរយៈសេចក្ដីថ្លែងការណ៍ខ្លីមួយលើបណ្ដាញសង្គមថា ក្សត្រដ៏ជាទីស្រឡាញ់បានសោយព្រះពិរាល័យហើយនៅថ្ងៃនេះក្នុងព្រះជន្មាយុ ៩៦ព្រះវស្សា។ មនុស្សរាប់រយនាក់បានប្រមូលផ្ដុំគ្នារួចទៅហើយនៅកណ្ដាលទីក្រុងឡុងដ៍ ជាការត្រៀមទទួលយកព័ត៌មានដ៏សោកសៅ។ រូបភាពបានបង្ហាញពីក្រុមមនុស្សសម្រក់ទឹកភ្នែកកំពុងស្រែកច្រៀងចម្រៀងជាតិភ្លាមៗ ក្រោយការប្រកាសដំណឹងពីការយាងសោយព្រះពិរាល័យ។អ្នកលេងបណ្ដាញសង្គមម្នាក់ឈ្មោះ Anna Stewart បានសរសេរនៅលើបណ្ដាញសង្គម Twitter ថា មានពិធីស្មឹងស្មាតនៅខាងក្រៅព្រះបរមរាជវាំង Buckingham ខណៈដំណឹងនេះត្រូវបានផ្សព្វផ្សាយភ្លាមៗ បន្ទាប់មកក្រុមមនុស្សបានស្រែកច្រៀងថា God Save the King។ រយៈពេល ៧០ឆ្នាំហើយដែលជនជាតិអង់គ្លេសស្គាល់ពាក្យពេចន៍នៃបទចម្រៀងរាជវង្ស God Save the Queen។ មិនត្រឹមតែប្រជាពលរដ្ឋនៅក្នុងចក្រភពអង់គ្លេសប៉ុណ្ណោះ ថែមទាំងនៅជុំវិញកំពុងកាន់មរណទុក្ខចំពោះការយាងចូលសោយព្រះពិរាល័យរបស់ព្រះម្ចាស់ក្សត្រី Elizabeth II៕អត្ថបទ៖ សុខមាន

គណៈរដ្ឋមន្ត្រីអនុម័តទាំងស្រុងសេចក្តីព្រាងរបាយការណ៍ពាក់កណ្ដាលអាណត្តិឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ ២០១៩-២០២៣

នៅព្រឹកថ្ងៃទី០៩ ខែកញ្ញា ឆ្នាំ២០២២នេះ គណៈរដ្ឋមន្រ្តីបានបើកកិច្ចប្រជុំពេញអង្គ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដើម្បីពិភាក្សា និងឆ្លងលើរបៀបវារៈមួយចំនួន ក្នុងនោះរបៀបវារៈស្តីពីសេចក្តីព្រាងរបាយការណ៍ពាក់កណ្ដាលអាណត្តិឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ (ផ.យ.អ.ជ) ២០១៩-២០២៣ក៏ត្រូវបានអនុម័តទាំងស្រុងហើយ។សេចក្តីព្រាងរបាយការណ៍ពាក់កណ្ដាលអាណត្តិ ឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ ២០១៩- ២០២៣នេះ ត្រូវបានរៀបចំឡើងបន្ទាប់ពីផែនការជាតិនេះ បានអនុវត្តរយៈពេលពីរឆ្នាំកន្លះ ហើយ មានតួនាទីយ៉ាងសំខាន់ ក្នុងការបង្ហាញចេញនូវលទ្ធផលនៃការអនុវត្តផែនការជាតិនេះ ជាសាធារណៈ។- របាយការណ៍នេះ មានគោលបំណងសំខាន់ចំនួន២ គឺ(១) ដើម្បីវាយតម្លៃអំពីលទ្ធផលរួម និងបញ្ហាប្រឈមចម្បងៗ ដែលបានកើតមានឡើងនៅក្នុងការអនុវត្ត ផែនការយុទ្ធសាស្រ្តអភិវឌ្ឍន៍ជាតិ២០១៩-២០២៣ ក្នុងរយៈពេលពាក់កណ្ដាលអាណត្តិដំបូង នៃការអនុវត្តផែនការយុទ្ធសាស្រ្តអភិវឌ្ឍន៍ជាតិពីខែមករា ឆ្នាំ២០១៩ ដល់ខែមិថុនា ឆ្នាំ២០២១ (២) ដើម្បីពិនិត្យមើលឡើងវិញ និងកែសម្រួល នូវបណ្ដាវិធានការគោលនយោបាយនានាតាមវិស័យសម្រាប់ក្រសួង ស្ថាប័នដែលបានកំណត់នៅក្នុងផែនការយុទ្ធសាស្រ្តអភិវឌ្ឍន៍ជាតិ២០១៩-២០២៣ សម្រាប់ការអនុវត្តគោលនយោបាយអាទិភាពនានារបស់រាជរដ្ឋាភិបាលកម្ពុជា និងគោលដៅអភិវឌ្ឍប្រកបដោយចីរភាពកម្ពុជា ដោយផ្អែកលើបញ្ហាប្រឈមដែលបានជួបប្រទះនៅក្នុងអំឡុងពេលនៃការអនុវត្ត ជាពិសេស ការរីករាលដាលនៃមេរោគកូវីដ-១៩។- សេចក្តីព្រាងរបាយការណ៍ពាក់កណ្ដាលអាណត្តិ ឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ២០១៩-២០២៣នេះ ត្រូវបានរៀបចំកាត់តែងឡើងជាប្រាំពីរជំពូក និងតាមទម្រង់របស់យុទ្ធសាស្រ្តចតុកោណ ដំណាក់កាលទី៤ ដូចផែនការយុទ្ធសាស្រ្តអភិវឌ្ឍន៍ជាតិ២០១៩-២០២៣ ជាពិសេសជំពូកទី៣ និងជំពូកទី៤។ - ជំពូកទី១ គឺជាការបង្ហាញអំពីប្រវត្តិ និងគោលបំណងនៃការរៀបចំរបាយការណ៍ពាក់កណ្ដាលអាណត្តិឆ្នាំ២០២១ នៃការអនុវត្ត ផ.យ.អ.ជ.២០១៩-២០២៣នេះ ព្រមទាំងវិធីសាស្រ្តនៃការរៀបចំផងដែរ។- ជំពូកទី២ បង្ហាញពីសមិទ្ធផល ការវិភាគពីស្ថានភាពរួមនៃដំណើរវិវឌ្ឍន៍នៃម៉ាក្រូសេដ្ឋកិច្ច និងដំណើរការនៃការគ្រប់គ្រងម៉ាក្រូសេដ្ឋកិច្ច នៅក្នុងសេដ្ឋកិច្ចកម្ពុជា ដោយរំលេចឡើងអំពីរចនាសម្ព័ន្ធនៃផលិតផលក្នុងស្រុកសរុប ស្ថានភាពសារពើពន្ធនិងអតិផរណា ភាពបើកចំហរនៃសេដ្ឋកិច្ចនិងពាណិជ្ជកម្ម ជញ្ជីងពាណិជ្ជកម្ម ព្រមទាំងភាពក្រីក្រនិងភាពមានការងារធ្វើ។ ក្នុងជំពូកនេះ ក៏បានធ្វើការបង្ហាញពីការជួបប្រទះនូវកំណើនសេដ្ឋកិច្ចអវិជ្ជមាន លើកដំបូងក្នុងរយៈពេលមួយទសវត្សរ៍ ក្នុងកម្រិត -៣,១% ក្នុងឆ្នាំ២០២០ ដែលមូលហេតុចម្បងបណ្ដាលមកពីការរីករាលដាលនៃជំងឺកូវីដ-១៩ ដោយកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ត្រឹមតែរយៈពេលខ្លីនៅឆ្នាំ២០២១ សេដ្ឋកិច្ចកម្ពុជាបានស្ទុះងើបឡើងវិញ មកត្រឹម ២,៤% និងតាមការព្យាករ សេដ្ឋកិច្ចកម្ពុជារំពឹងទុកថានឹងកើនឡើងដល់ ៥,៥% នៅក្នុងឆ្នាំ២០២២។- ជំពូកទី៣ គឺជាជំពូកសំខាន់របស់របាយការណ៍ដែលអធិប្បាយអំពីសមិទ្ធផលនានា ដែលក្រសួង ស្ថាប័នអនុវត្តនិងសម្រេចបាន តាមរយៈបណ្ដាសកម្មភាពកម្មវិធី និងគម្រោងនានា ដើម្បីអនុវត្តគោលនយោបាយអាទិភាពសំខាន់ៗ របស់រាជរដ្ឋាភិបាលកម្ពុជា នៅក្នុងនីតិកាលទី៦ នៃរដ្ឋសភា ពីខែមករា ឆ្នាំ២០១៩ ដល់ខែមិថុនា ឆ្នាំ២០២១។ - ជំពូកទី៤ គឺជាជំពូកដែលលើកឡើងនូវជំហានត្រូវអនុវត្តបន្ត សម្រាប់ពាក់អាណិតកាលដែលនៅសល់ រយៈពេលពីរឆ្នាំកន្លះ នៃផែនការយុទ្ធសាស្រ្តអភិវឌ្ឍជាតិ ២០១៩-២០២៣។ ជំពូកនេះបានលើកឡើងនូវបណ្ដាវិធានការណ៍គោលនយោបាយរបស់រាជរដ្ឋាភិបាលកម្ពុជា តាមវិស័យសម្រាប់ដោះស្រាយបញ្ហាប្រឈម និងវិបត្តិនានា ដែលជួបប្រទះនៅក្នុងពាក់កណ្ដាលអាណិតកន្លងទៅ និងរំពឹងថានឹងបន្តកើតមានបន្តនៅរយៈពេលពាក់កណ្តាលអាណិតបន្ទាប់។ វិធានការណ៍ទាំងនេះ នឹងរួមទាំងការដោះស្រាយនិងជំរុញកំណើនសេដ្ឋកិច្ចបន្ទាប់ពីការរីរាលដាលនៃកូវីដ-១៩។- ជំពូកទី៥ បង្ហាញពី ការប៉ាន់ស្មាននៃតម្រូវការធនធានវិនិយោគសម្រាប់ការ ធ្វើឱ្យសម្រេចបាននូវចំណុចដៅទាំងឡាយរបស់ ផ.យ.អ.ជ. ២០១៩-២០២៣។ - ជំពូកទី៦ គឺជាការបង្ហាញពីក្របខ័ណ្ឌនៃការតាមដានត្រួតពិនិត្យ និងវាយតម្លៃ ដោយផ្អែកលើមូលដ្ឋានលទ្ធផលនៃការអនុវត្ត ផ.យ.អ.ជ. ២០១៩-២០២៣។ - ជំពូកទី៧ គឺជាបង្ហាញនូវសេចក្តីសន្និដ្ឋានរួមយ៉ាងទូលំទូលាយមួយលើការ អនុវត្តផែនការទាំងមូល ក្នុងរយៈពេលពីរឆ្នាំកន្លះនេះ៕……….

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីលើរបៀបវារៈមួយចំនួន

នៅព្រឹកថ្ងៃទី០៩ ខែកញ្ញា ឆ្នាំ២០២២នេះ គណៈរដ្ឋមន្រ្តីបានបើកកិច្ចប្រជុំពេញអង្គ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដើម្បីពិភាក្សា និងឆ្លងលើរបៀបវារៈមួយចំនួន។ របៀបវារៈដែលបានលើកយកមកពិភាក្សា និងឆ្លង ដើម្បីដាក់ជូនទៅស្នើសុំការយល់ព្រមពីស្ថាប័ននីតិប្បញ្ញត្តិ នៅពេលនេះ រួមមាន៖-សេចក្តីព្រាងគោលនយោបាយអភិវឌ្ឍន៍វិស័យប្រៃសណីយ៍កម្ពុជា២០២២-២០៣០។-សេចក្តីព្រាងរបាយការណ៍ពាក់កណ្ដាលអាណត្តិឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ (ផ.យ.អ.ជ) ២០១៩-២០២៣។-សេចក្តីព្រាងគោលនយោបាយជាតិអភិវឌ្ឍន៍វិស័យកសិកម្មឆ្នាំ២០២២-២០៣០។និងបញ្ហាផ្សេងៗ សំណើរសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញត្តិលើសេចក្តីព្រាងច្បាប់ស្តីពីការអនុម័តយល់ព្រមលើ ពិធីសារទីបួនស្តីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាន។ គួរបញ្ជាក់ថា ចំពោះសេចក្តីព្រាងគោលនយោបាយអភិវឌ្ឍន៍វិស័យប្រៃសណីយ៍កម្ពុជា២០២២-២០៣០នោះ វិស័យនេះត្រូវបានចាត់ទុក មានសក្ដានុពល ក្នុងការចូលរួមចំណែកដល់ការទ្រទ្រង់កំណើនសេដ្ឋកិច្ច និងការលើកកម្ពស់គុណភាពជីវិតរបស់ប្រជាជននៅកម្ពុជា ដោយបានផ្សារភា្ជប់ជាមួយជីវភាព ប្រចាំថ្ងៃ នៅទីក្រុង និងជនបទ។ ជាមួយនឹងការរីកចម្រើនសេដ្ឋកិច្ច ការវិវត្ត នៃបច្ចេកវិទ្យា ក៏ដូចជាបែបផែនជីវិត និងរបៀបរបបរស់នៅក្នុងសង្គម ការផ្ញើសំបុត្រសម្រាប់ទំនាក់ទំនងគ្នាមានការធ្លាក់ចុះយ៉ាងខ្លាំង នៅក្នុងប្រទេសកម្ពុជា ក៏ដូចជានៅលើពិភពលោក ដោយជំនួសមកវិញ ការផ្ញើបញ្ញើជាកញ្ចប់ទាំងក្នុងប្រទេស រវាងប្រទេសនិងប្រទេស ត្រូវបានមើលឃើញថាមាននិន្នាការកើនឡើងយ៉ាងឆាប់រហ័សស្របទៅនឹងការហក់ឡើងនៃពាណិជ្ជកម្មតាមប្រព័ន្ធអេឡិចត្រួនិក។ទន្ទឹមគ្នានេះដែរ វឌ្ឍនភាពនៃវិស័យផ្សេងៗ ការកើនឡើងនៃការប្រើប្រាស់សេវាអ៊ីនធឺណិត និងបណ្ដាញ សង្គមព្រមទាំងពាណិជ្ជកម្ម តាមប្រព័ន្ធអេឡិចត្រូនិកបានបង្កើតកាលានុវត្តភាព សម្រាប់ទីផ្សារសេវាប្រៃសណីយ៍ ក៏ដូចជាលក្ខខណ្ឌអំណោយផលសម្រាប់ជំរុញការអភិវឌ្ឍវិស័យប្រៃសណីយ៍នៅកម្ពុជា។ ការអភិវឌ្ឍវិស័យនេះ នៅជួបប្រទះបញ្ហាប្រឈមចម្បងៗជាច្រើនដែលត្រូវដោះស្រាយ ក្នុងនោះវិសាលភាពនៃការផ្តល់សេវាប្រៃសណីយ៍ នៅពុំទាន់បានគ្របដណ្ដប់ទូលំទូលាយ ការអភិវឌ្ឍរបស់សហគ្រាសប្រៃសណីយ៍កម្ពុជា និងបណ្ដាញប្រៃសណីយ៍នៅមានកម្រិតនៅឡើយ ការធ្វើអាជីវកម្ម លើការផ្តល់សេវាបញ្ញើរបស់ផ្នែកឯកជន ពុំទាន់ត្រូវបានគ្រប់គ្រងឱ្យបានពេញលេញ និងល្អប្រសើរ គួបផ្សំនឹងការខ្វះខាតក្របខណ្ឌគោលនយោបាយ លិខិតបទដ្ឋានគតិយុត្ត ការធ្វើពិពិធកម្មសេវាយន្តការគ្រប់គ្រង យន្តការលើកកម្ពស់គុណភាពសេវា ក៏ដូចជាភាពយឺតយ៉ាវ នៃចាប់យក បច្ចេកវិទ្យា។ហេតុដូច្នេះ ការកសាងគោលនយោបាយអភិវឌ្ឍនៃវិស័យប្រៃសណីយ៍ ពិតជាមានសារៈសំខាន់សម្រាប់ជាប្រទីបបង្ហាញផ្លូវលើការរៀបចំផែនការសកម្មភាពជាអាទិភាព ដើម្បីឆ្លើយតបទៅនឹងនិន្នាការវិវត្តនៃតម្រូវការទាំងក្នុងផ្នែកសង្គម និងផ្នែកសេដ្ឋកិច្ច ស្របទៅនឹងក្របខណ្ឌ អភិវឌ្ឍន៍ប្រៃសណីយ៍អន្តរជាតិ សំដៅពង្រីក វិសាលភាពសេវាប្រៃសណីយ៍ប្រកបដោយគុណភាព ប្រសិទ្ធភាព និងចីរភាពជូនប្រជាជន។គោលនយោបាយនេះមានចក្ខុវិស័យ អភិវឌ្ឍវិស័យប្រៃសណីយ៍ និងទីផ្សារសេវាប្រៃសណីយ៍ ដើម្បីបម្រើធុរកិច្ចសហគ្រាស និងប្រជាជនប្រកបដោយប្រសិទ្ធភាព និរន្តរភាព និងនវានុវត្តន៍ សំដៅចូលរួមការអភិវឌ្ឍសង្គម-សេដ្ឋកិច្ចជាតិ។គោលនយោបាយនេះមាន គោលបំណង ពង្រឹងនិងពង្រីកការផ្តល់សេវាប្រៃសណីយ៍ឱ្យបានទូលំទូលាយប្រកបដោយគុណភាព ប្រសិទ្ធភាព ប្រសិទ្ធផល សុវត្ថិភាព និងភាពជឿទុកចិត្ត ព្រមទាំងគាំទ្រការធ្វើពិពិធកម្មសេវាប្រៃសណីយ៍ និងការធ្វើអាជីវកម្មផ្តល់សេវាក្នុងវិស័យប្រៃសណីយ៍ ជាមួយនឹងការជំរុញការធ្វើទំនើបកម្ម និងប្រើប្រាស់បច្ចេកវិទ្យាឌីជីថល ដើម្បីរួមចំណែកទ្រទ្រង់ការអភិវឌ្ឍពាណិជ្ជកម្ម តាមប្រព័ន្ធអេឡិចត្រូនិក និងគាំទ្រដល់ពិពិធកម្មសេដ្ឋកិច្ចកម្ពុជា៕

ព្រះមហាក្សត្រី Elizabeth II សោយព្រះពិរាល័យ ក្នុងព្រះជន្មាយុ៩៦ព្រះវស្សា ក្រោយសោយរាជ្យយូរជាងគេបំផុតនៅអង់គ្លេស

ព្រះមហាក្សត្រី Elizabeth II ដែលជាព្រះមហាក្សត្រសោយរាជ្យយូរជាងគេបំផុតរបស់ចក្រភពអង់គ្លេស និងជានិមិត្តរូបតំណាងស្ថិរភាពនៃភាពចលាចលយ៉ាងខ្លាំងក្នុងរយៈពេល១សតវត្សរ៍ ទ្រង់បានសោយព្រះពិរាល័យក្នុងព្រះជន្មាយុ៩៦ព្រះវស្សា កាលពីថ្ងៃទី៨ ខែកញ្ញា ឆ្នាំ២០២២ នៅព្រះរាជ្យដំណាក់ Balmoral Castle ចក្រភពអង់គ្លេស ក្រោយសាយរាជ្យបានរយៈពេល៧៩ឆ្នាំ ។ ដោយទ្រង់ប្រសូត្រនៅថ្ងៃទី២១ ខែមេសា ឆ្នាំ១៩២៦ ព្រះមហាក្សត្រី Elizabeth II បានឡើងសោយរាជ្យក្រោយការយាងចូលទីវង្គត់របស់ព្រះរាជបិតាទ្រង់ ព្រះមហាក្សត្រ King George VI កាលពីថ្ងៃទី៦ ខែកុម្ភៈ ឆ្នាំ១៩៥២ ។ ក្នុងឆ្នាំ ២០១៥ ព្រះម្ចាស់ក្សត្រី ដែលបានក្លាយជាក្សត្រីដែលបានឡើងគ្រងរាជ្យសម្បត្តិយូរជាងគេបំផុតក្នុងប្រវត្តិសាស្ត្ររបស់ចក្រភពអង់គ្លេស មានរយៈពេលលើសព្រះឯកាទួតរបស់ទ្រង់គឺម្ចាស់ក្សត្រី Victoria ដែលបានឡើងសោយរាជ្យបានរយៈពេល៦៣ឆ្នាំ និង៧ខែ។ ម្ចាស់ក្សត្រី Elizabeth ក៏ជាក្សត្រីដំបូងផងដែរដែលបានទតឃើញដោយផ្ទាល់នូវការប្រារព្ធខួបព្រះរាជ្យពិធីខួបឡើងសោយរាជ្យរយៈពេល៧០ឆ្នាំ របស់ទ្រង់។ ម្ចាស់ក្សត្រីគឺសមាជិកខ្សែរាជ្យវង្សក្សត្រស្រីតែមួយអង្គគត់ដែលបានចូលប្រឡូកក្នុងកងកម្លាំងប្រដាប់អាវុធ។ ម្ចាស់ក្សត្រី Elizabeth II គឺជាប្រមុខរដ្ឋដែលបានយាងដំណើរចេញក្រៅប្រទេសច្រើនជាងគេបំផុតរបស់ពិភពលោកខណៈដែលទ្រង់បានបំពេញព្រះរាជទស្សនកិច្ចជាង១១០ប្រទេសដោយមិនចាំបាច់ប្រើលិខិតឆ្លងដែនដោយសូម្បីតែមួយដង។ ទ្រង់ក៏ជាក្សត្រតែមួយអង្គគត់ផងដែរក្នុងចក្រភពអង់គ្លេសដែល បំពេញព្រះរាជដំណើរ ដោយរថយន្ត ដោយមិនចាំបាច់មានប័ណ្ណបើកបរ។ ព្រះរាជដំណើរបំពេញទស្សនកិច្ចផ្លូវការរបស់ទ្រង់ទៅកាន់ប្រទេសអាល្លឺម៉ង់ ភាគខាងលិចកាលពីឆ្នាំ១៩៦៥ គឺជាដំណើរទស្សនកិច្ចទៅអាល្លឺម៉ង់លើកដំបូង ដោយក្សត្រអង់គ្លេស ចាប់តាំងពីផ្ទុះសង្រ្គាមលោកលើកទី១។ មហាក្សត្រី និងរាជវង្សក្សត្រ ក៏ប្រឈមនឹងការរិះគន់ពីសាធារណជនផងដែរ បន្ទាប់ពីសោយព្រះពិរាល័យរបស់ម្ចាស់ក្សត្រី Diana កាលពីឆ្នាំ១៩៩៧ ក្នុងហេតុការណ៍គ្រោះថ្នាក់ចរាចរណ៍រថយន្តនៅទីក្រុងប៉ារីស។ ម្ចាស់ក្សត្រី Elizabeth មិនអនុញ្ញាតឲ្យបង្ហូតទង់ជាតិត្រឹមពាក់កណ្ដាលដងលើព្រះបរមរាជវាំង Buckingham ឬមានព្រះរាជសវនីយ៍ទៅកាន់ប្រជាជាតិដែលកំពុងមានទុក្ខក្រៀមក្រំជុំវិញការបាត់បង់ម្ចាស់ក្សតី្រដ៏ជាទីស្រឡាញ់។ ចក្រភពអង់គ្លេសបានឃើញនាយករដ្ឋមន្ត្រីចំនួន ១៥ រូបនៅក្រោមរជ្ជកាលដ៏យូររបស់ម្ចាស់ក្សត្រី Elizabeth ចាប់ពី អតីតនាយករដ្ឋមន្ត្រីលោក Winston Churchill ដែលពោពេញដោយភាពចម្រូងចម្រាស រហូតដល់ ដឹកនាំមកពីគណបក្សអភិរក្សនិយម ដែលបានឡើងកាន់តំណែងកាលពីថ្ងៃទី៦ខែកញ្ញាសប្ដាហ៍នេះ គឺលោកស្រី Liz Truss៕

បណ្ដាញសង្គម

ព័ត៌មានថ្មីៗ

ឯកឧត្តមកិត្តិសង្គហបណ្ឌិត គន់ គីម អញ្ជើញចុះពិនិត្យសកម្មភាពសាងសង់ផ្ទះបណ្តោះអាសន្ន ក្នុងខេត្តបន្ទាយមានជ័យ

មន្ត្រីអ៊ីរ៉ង់ពណ៌នាអំពីកិច្ចព្រមព្រៀងសន្តិភាពថា ជាជ័យជម្នះជាយុទ្ធសាស្ត្រលើអាមេរិក និងអ៊ីស្រាអែល

ខេត្តកំពង់ស្ពឺប្រារព្ធទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ ដើម្បីផ្សព្វផ្សាយពីឱកាសការងារ និងការបណ្ដុះបណ្ដាល

យុវពុទ្ធិកសមាគមកម្ពុជរដ្ឋ ធ្វើទស្សនកិច្ចសិក្សាលើវិស័យទេសចរណ៍ និងមនុស្សធម៌ ជំរុញសក្តានុពលទេសចរណ៍ស្រុកកំពង់លែង

ក្រុមប្រឹក្សាធម្មនុញ្ញបានរួមចំណែកដោះស្រាយបញ្ហាធំៗរបស់ជាតិ

Real Madrid ឈានដល់កិច្ចព្រមព្រៀងផ្ទេរ Marc Cucurella ពី Chelsea ក្នុងតម្លៃជាង ៥១ លានផោន

ស.ស.យ.ក ប្រគល់ពានរង្វាន់ជ័យលាភី តែងនិពន្ធបទចម្រៀង និងកំណាព្យខួបចម្រើនព្រះជន្ម សម្ដេចព្រះមហាក្សត្រី នរោត្តម មុនិនាថ សីហនុ

អង់គ្លេសបានឃាត់ទុកនាវាដឹកប្រេង Smyrtosរបស់កងនាវាស្រមោលរុស្ស៊ី នៅច្រកសមុទ្រ English Channel

រយៈពេល៥ឆ្នាំមកនេះ ចិនបានផ្តល់ហិរញ្ញប្បទាន រួមចំណែកដល់ការអភិវឌ្ឍលើវិស័យអាទិភាពជាច្រើន

ប្រទេសស្លូវ៉ាគីនឹងទាមទារសំណងពីEUសម្រាប់អាវុធដែលបានផ្តល់ឲ្យអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ព្រះមហាក្សត្រ Charles សច្ចាបំពេញព្រះរាជកិច្ចជាតិ និងអនុញ្ញាតឲ្យលោកស្រី Truss ចូលគាល់លើកដំបូង

បាច់ផ្កាដាក់ខាងក្រៅប្រាសាទ Balmoral ខណៈអ៊ុយក្រែន និងរុស្ស៊ីគោរពវិញ្ញាណក្ខន្ធព្រះមហាក្សត្រីអង់គ្លេស

ព្រះរាជពិធីបុណ្យសពមហាក្សត្រី Elizabeth II ត្រូវគេរំពឹងថានឹងធ្វើឡើងក្នុងពេលតិចជាង ២សប្ដាហ៍ទៀត

ប្រតិបត្តិការជួយសង្គ្រោះដោយទឹកជំនន់នៅបន្តនៅប៉ាគីស្ថាន ខណៈអ្នកស្លាប់កើនដល់ ១,៣៩១នាក់

មេដឹកនាំពិភពលោកគោរពព្រះវិញ្ញាណក្ខន្ធម្ចាស់ក្សត្រី Elizabeth II បន្ទាប់ពីទ្រង់យាងសោយព្រះពិរាល័យ

ព្រះអង្គម្ចាស់ Charles ក្លាយជាមហាក្សត្រថ្មីរបស់ចក្រភពអង់គ្លេស

ក្រុមអ្នកកាន់ទុក្ខច្រៀងចម្រៀងជាតិនៅខាងក្រៅព្រះបរមរាជវាំង Buckingham និង God Save the King

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីលើរបៀបវារៈមួយចំនួន

ព្រះមហាក្សត្រី Elizabeth II សោយព្រះពិរាល័យ ក្នុងព្រះជន្មាយុ៩៦ព្រះវស្សា ក្រោយសោយរាជ្យយូរជាងគេបំផុតនៅអង់គ្លេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ព្រះមហាក្សត្រ​ Charles សច្ចា​បំពេញ​ព្រះ​រាជកិច្ច​ជាតិ និង​អនុញ្ញាត​ឲ្យ​លោកស្រី Truss ចូល​គាល់​លើក​ដំបូង

ព្រះ​រាជពិធី​បុណ្យ​សព​មហាក្សត្រី Elizabeth II ត្រូវគេ​រំពឹងថា​នឹង​ធ្វើឡើង​ក្នុងពេល​តិចជាង ​២​សប្ដាហ៍​ទៀត

ប្រតិបត្តិការ​ជួយសង្គ្រោះ​ដោយ​ទឹកជំនន់​នៅ​បន្ត​នៅ​ប៉ា​គី​ស្ថាន​ ខណៈ​អ្នកស្លាប់​កើន​ដល់ ​១,៣៩១​នាក់

មេដឹកនាំ​ពិភពលោក​គោរព​ព្រះ​វិញ្ញាណក្ខន្ធ​ម្ចាស់​ក្ស​ត្រី Elizabeth II បន្ទាប់ពី​ទ្រង់​យាង​សោយ​ព្រះ​ពិរាល័យ

ព្រះអង្គម្ចាស់ Charles ក្លាយជា​មហាក្សត្រ​ថ្មី​របស់​ចក្រភព​អង់គ្លេស​

ក្រុម​អ្នក​កាន់ទុក្ខ​ច្រៀង​ចម្រៀង​ជាតិ​នៅ​ខាងក្រៅ​ព្រះបរមរាជវាំង Buckingham និង God Save the King

សម្ដេចតេជោ ហ៊ុន​ សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីលើរបៀបវារៈមួយចំនួន

ព្រះមហាក្សត្រី Elizabeth II សោយព្រះពិរាល័យ ក្នុងព្រះជន្មាយុ៩៦ព្រះវស្សា ក្រោយសោយរាជ្យយូរជាងគេបំផុតនៅអង់គ្លេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព្រះមហាក្សត្រ Charles សច្ចាបំពេញព្រះរាជកិច្ចជាតិ និងអនុញ្ញាតឲ្យលោកស្រី Truss ចូលគាល់លើកដំបូង

ព្រះរាជពិធីបុណ្យសពមហាក្សត្រី Elizabeth II ត្រូវគេរំពឹងថានឹងធ្វើឡើងក្នុងពេលតិចជាង ២សប្ដាហ៍ទៀត

ប្រតិបត្តិការជួយសង្គ្រោះដោយទឹកជំនន់នៅបន្តនៅប៉ាគីស្ថាន ខណៈអ្នកស្លាប់កើនដល់ ១,៣៩១នាក់

មេដឹកនាំពិភពលោកគោរពព្រះវិញ្ញាណក្ខន្ធម្ចាស់ក្សត្រី Elizabeth II បន្ទាប់ពីទ្រង់យាងសោយព្រះពិរាល័យ

ព្រះអង្គម្ចាស់ Charles ក្លាយជាមហាក្សត្រថ្មីរបស់ចក្រភពអង់គ្លេស

ក្រុមអ្នកកាន់ទុក្ខច្រៀងចម្រៀងជាតិនៅខាងក្រៅព្រះបរមរាជវាំង Buckingham និង God Save the King

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីលើរបៀបវារៈមួយចំនួន