BTV NEWS

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

សម្ដេចតេជោឱ្យបើកការស៊ើបអង្កេតអ្នកពាក់ព័ន្ធនាំសាច់បង្កកពីថៃចូលមកម្ពុជាមិនឱ្យរួចខ្លួនឡើយ

ព័ត៌មានសំខាន់ៗ

រុស្ស៊ីនិយាយថា ការបង្ហូរឧស្ម័នទៅកាន់អឺរ៉ុបនឹងមិនបន្តឡើងវិញឡើយ លុះត្រាតែដកទណ្ឌកម្មចេញ

រុស្ស៊ី៖ វិមានក្រឹមឡាំងបាននិយាយថា ការផ្គត់ផ្គង់ឧស្ម័នរបស់រុស្ស៊ីទៅកាន់អឺរ៉ុបនឹងមិនបន្តឡើងវិញទេ លុះត្រាតែទណ្ឌកម្មទាំងអស់ដែលដាក់លើទីក្រុង Moscow ត្រូវបានដកចេញ។ វិមានក្រឹមឡាំងបាននិយាយកាលពីថ្ងៃចន្ទថា ទណ្ឌកម្មលោកខាងលិចគឺជាមូលហេតុធំបំផុត នៅពីក្រោយការសម្រេចចិត្តរបស់រុស្ស៊ីបិទបំពង់បង្ហូរប្រេង Nord Stream 1។ ដើមឡើយក្រុង Moscow បាននិយាយថា ខ្លួនបានបិទបំពង់បង្ហូរប្រេងដែលផ្គត់ផ្គង់ឧស្ម័នទៅកាន់អឺរ៉ុប ដើម្បីជួសជុល។ អ្នកនាំពាក្យវិមានក្រឹមឡាំងលោក Dmitry Peskov ត្រូវបានដកស្រង់សម្តីដោយទីភ្នាក់ងារព័ត៌មាន Interfax ថា បញ្ហានៃការបញ្ជូនឧស្ម័នកើតមានឡើង ដោយសារតែការដាក់ទណ្ឌកម្មប្រឆាំងនឹងប្រទេសរបស់យើង និងប្រឆាំងនឹងក្រុមហ៊ុនមួយចំនួនដោយរដ្ឋលោកខាងលិច រួមទាំងអាល្លឺម៉ង់ និងចក្រភពអង់គ្លេស។ លោកបាននិយាយថា មិនមានហេតុផលផ្សេងទៀតដែលអាចបង្កឲ្យមានបញ្ហាបូមឧស្ម័ននេះទេ។ការអត្ថាធិប្បាយរបស់លោក Peskov មានឡើងស្របពេលវិបត្តិថាមពលកាន់តែធ្ងន់ធ្ងរទូទាំងអឺរ៉ុប ដែលបានបន្ថែមបន្ទុកកាន់តែធ្ងន់ថែមទៀតបន្ទាប់ពីក្រុមហ៊ុន Gazprom ដែលជាក្រុមហ៊ុនផ្គត់ផ្គង់ថាមពលរដ្ឋរបស់រុស្ស៊ីបានប្រកាសកាលពីថ្ងៃសុក្រថា ការងារជួសជុលរយៈពេល ៣ថ្ងៃដោយសារលិចធ្លាយប្រេងក្នុងទួប៊ីនមួយក្នុងចំណោមទួប៊ីនជាច្រើន របស់បំពង់បង្ហូរប្រេងនឹងត្រូវបន្ថែមពេលវេលាដោយមិនកំណត់។ គួរឲ្យដឹងថា បំពង់បង្ហូរប្រេង Nord Stream 1 ដែលត្រូវបានធ្វើប្រតិបត្តិការចាប់តាំងពីឆ្នាំ២០១១ គឺជាបណ្ដាញបញ្ជូនឧស្ម័នធម្មជាតិធំបំផុតតែមួយគត់រវាងរុស្ស៊ី និងអឺរ៉ុបខាងលិច៕អត្ថបទ៖ សុខមាន

ប្រេសិតពិសេស UN ទទួលបន្ទុកវិបត្តិមីយ៉ាន់ម៉ា៖ លោកស្រីនឹងមិនត្រឡប់ទៅវិញទេ លុះត្រាតែបានជួបលោកស្រី Aung San Suu Kyi

មីយ៉ាន់ម៉ា៖ កាលពីថ្ងៃចន្ទប្រេសិតពិសេសទទួលបន្ទុកបញ្ហាមីយ៉ាន់ម៉ា របស់អង្គការសហប្រជាជាតិបានប្ដេជ្ញាថា លោកស្រីនឹងមិនវិលត្រឡប់ទៅកាន់ប្រទេសនេះទៀតទេ លុះត្រាតែត្រូវបានអនុញ្ញាតឲ្យលោកស្រីជួបជាមួយមេដឹកនាំដែលត្រូវបានទម្លាក់ពីតំណែង Aung San Suu Kyi ក្រោយការរិះគន់ធ្ងន់ៗលើដំណើររបស់លោកស្រីក្នុងការជួបមេដឹកនាំរបបសឹកនេះ។ កិច្ចខិតខំប្រឹងប្រែងខាងការទូត ដើម្បីដោះស្រាយភាពជាប់គាំងដ៏ធ្ងន់ធ្ងររបស់សហភាពមីយ៉ាន់ម៉ា ដឹកនាំដោយអង្គការសហប្រជាជាតិ និងអាស៊ានមានការរីកចម្រើនតិចតួច ដោយក្រុមឧត្ដមសេនីយ៍ទាត់ចោលក្នុងការរួមសហការជាមួយក្រុមប្រឆាំង។ ប្រេសិតពិសេសរបស់អង្គការសហប្រជាជាតិលោកស្រី Noeleen Heyzer បានជួបក្រុមមេដឹកនាំយោធាជាន់ខ្ពស់ក្នុងរដ្ឋធានីរបស់ប្រទេសនេះកាលពីខែមុន អំឡុងដំណើរទស្សនកិច្ចលើកដំបូងរបស់លោកស្រីរយៈពេល ១០ខែក្រោយការតែងតាំងតំណែងរបស់លោកស្រី។ដំណើររបស់លោកស្រីបាននាំឲ្យមានការរិះគន់ទាំងពីរបបសឹក ទាំងក្រុមប្រឆាំងយោធា។ លោកស្រីត្រូវបានបដិសេធមិនឲ្យចូលជួបមេដឹកនាំតាមបែបលទ្ធិប្រជាធិបតេយ្យលោកស្រី Suu Kyi ដែលត្រូវបានកាត់ទោសឲ្យជាប់ពន្ធនាគារសរុបចំនួន ២០ឆ្នាំ៕ អត្ថបទ៖ សុខមាន

តើនាយករដ្ឋមន្ត្រីថ្មីរបស់ចក្រភពអង់គ្លេសលោកស្រី Liz Truss ជានរណា?

ចក្រភពអង់គ្លេស៖ លោកស្រី Liz Truss បានឈ្នះសំឡេងឆ្នោតគាំទ្រជាង ៥៧% ក្នុងការបោះឆ្នោតក្នុងគណបក្សតូរីដើម្បីជំនួសតំណែងលោក Boris Johnson ជានាយករដ្ឋមន្ត្រីអង់គ្លេស។ លោកស្រី Liz Truss ឬ Mary Elizabeth Truss កើតថ្ងៃទី២៦ ខែកក្កដា ឆ្នាំ១៩៧៥ គឺជាអ្នកនយោបាយចក្រភពអង់គ្លេស ដែលជាមេដឹកនាំគណបក្សអភិរក្សនិយម ហើយនឹងត្រូវតែងតាំងជានាយករដ្ឋមន្ត្រីនៃចក្រភពអង់គ្លេសនៅថ្ងៃទី៦ ខែកញ្ញាសប្ដាហ៍នេះ។ លោកស្រី Truss ត្រូវបានជាប់ជាសមាជិកសភាក្នុងឆ្នាំ២០១០ តំណាងឲ្យសភាចក្រភពអង់គ្លេស។ លោកស្រីកាន់តួនាទីក្នុងលេខរៀងទី១ នៃឋានៈរដ្ឋាភិបាលក្រោមការដឹកនាំរបស់លោកនាយករដ្ឋ David Cameron និងជាឥស្សរជនជាន់ខ្ពស់មួយរូប ដែលឈរខាងការធ្វើប្រជាមតិឲ្យចាកចេញពីសមាជិកសហភាពអឺរ៉ុប ឬ Brexit ឆ្នាំ២០១៦។ ក្រោមការដឹកនាំរបស់លោកស្រីនាយករដ្ឋមន្ត្រី Theresa May លោកស្រី Truss កាន់តំណែងជារដ្ឋមន្ត្រីក្រសួងយុត្តិធម៌ ក្រោយមកកាន់តួនាទីជារដ្ឋមន្ត្រីក្រសួងរតនាគារដែលជាតំណែងខ្ពស់បំផុតទី២ បន្ទាប់ពីរដ្ឋមន្ត្រីហិរញ្ញវត្ថុ។ បន្ទាប់ពីការលាលែងពីតំណែងរបស់លោកស្រី May និងក្រោមការដឹកនាំរបស់លោកនាយករដ្ឋមន្ត្រី Boris Johnson លោកស្រីគឺជារដ្ឋមន្ត្រីពាណិជ្ជកម្មអន្តរជាតិ ហើយក្រោយមកកាន់តំណែងជារដ្ឋមន្ត្រីការបរទេស ជាតំណែងដែលលោកស្រីកំពុងកាន់សព្វថ្ងៃ។នេះធ្វើឲ្យលោកស្រីក្លាយជាអ្នកកាន់តំណែងយូរជាងគេបំផុតរបស់រដ្ឋាភិបាលអភិរក្សនិយម និងជាសមាជិកគណៈរដ្ឋមន្ត្រីជាន់ខ្ពស់បំផុត។ ក្នុងឆ្នាំ២០១២ លោកស្រីបានធ្វើសហនិពន្ធសៀវភៅសេរីនិយមបែបថ្មី ជាមួយសហសេវិករបស់គណបក្សអភិរក្សមួយចំនួនផ្សេងទៀតដែលមានឈ្មោះថា Britannia Unchained។ លោកស្រី Truss បានឆ្លងកាត់ការវិវត្តន៍នយោបាយពីប្រជាធិបតេយ្យសេរីទៅជាអ្នកអភិរក្សនិយម ហើយបន្ទាប់មកចេញពីការគាំទ្រសមាជិកភាពរបស់ចក្រភពអង់គ្លេសនៅក្នុងសហភាពអឺរ៉ុប ក្លាយបុគ្គលមួយរូបក្នុងចំណោមបុគ្គលប្រកាន់តឹងបំផុតជាច្រើន ក្នុងការទាមទារឲ្យបញ្ចប់សមាជិកភាពពីសហភាពអឺរ៉ុបឬ Brexiteers នៅក្នុងគណៈរដ្ឋមន្ត្រី។ នៅលើបណ្ដាញសង្គម លោកស្រីក៏បានប្រកាន់ជំហរកាន់តែរ៉ឹងត្អឹងប្រឆាំងនឹងអ្វីដែលលោកស្រីយល់ឃើញថា ជាជំហររីកចម្រើនហួសហេតុលើបញ្ហាជាច្រើនដូចជាការរើសអើងពូជសាសន៍ ភេទ និងយេនឌ័រផងដែរ៕អត្ថបទ៖ សុខមាន

លោក ទៀ សីហា៖ ការប្រមូលផ្តុំអ្នកគាំទ្រលោក ខឹម វាសនា បានប្រកាសរំសាយអស់ហើយ

សៀមរាប៖ លោក ទៀ សីហា អភិបាលខេត្តសៀមរាបបានឱ្យដឹងថា ការប្រមូលផ្តុំរបស់អ្នកគាំទ្រ លោក ខឹម វាសនានៅដីចម្ការ ស្ថិតនៅភូមិថ្មជល់ ឃុំត្បែង ស្រុកបន្ទាយស្រី ខេត្តសៀមរាប ត្រូវបានប្រកាសរំសាយអស់ហើយត្រឹមល្ងាចថ្ងៃទី០៥ ខែកញ្ញា ឆ្នាំ២០២២។លោកបន្ដថា អាជ្ញាធរត្រូវរៀបចំសម្របសម្រួលអោយប្រជាជនចេញទាំងអស់ ទុកតែអ្នកដែលរស់នៅលើដីចម្ការនោះតែប៉ុណ្ណោះ។នីតិវិធីដែលត្រូវបំពេញច្រើន អាជ្ញាធរ នឹងបន្តការងារនេះបន្តទៀត។ ចំពោះ អ្នកដែលត្រូវស្នាក់នៅដីក្នុងដីចម្ការនេះអាជ្ញាធរបានឱ្យម្ចាស់ដីបញ្ជក់ចំនួនឱ្យច្បាស់លាស់ ស្របតាមច្បាប់អាស្រ័យផលលើដីឯកជន។ បន្ទាប់ពីម្ចាស់ដីបញ្ជាក់ចំនួនរួចហើយ អ្នកដែលនៅសល់ត្រូវតែចាកចេញទាំងអស់។លោក ទៀ សីហា បញ្ជាក់ថា បច្ចប្បន្ននេះ អ្នកដែលកំពុងនៅក្នុងដីចម្ការនេះ នៅមានតិចតួចប៉ុនណ្ណោះ ហើយអាជ្ញាធរនឹងបន្ត សម្របសម្រួល រវាងម្ចាស់ដី និងប្រជាជនដែលត្រូវចាកចេញ៕

Update មនុស្សយ៉ាងហោចណាស់ ៧នាក់ស្លាប់ដោយការរញ្ជួយដីដ៏ខ្លាំងក្នុងខេត្តស៊ីឈួន ប្រទេសចិន

ចិន៖ រញ្ជួយដីបានបណ្តាលឲ្យមនុស្សយ៉ាងហោចណាស់ ៧នាក់ស្លាប់ និងបានវាយប្រហារអគារជាច្រើនខ្នងនៅក្នុងទីក្រុងធំរបស់ខេត្តស៊ីឈួន ប្រទេសចិន ជាកន្លែងដែលមនុស្សរាប់លាននាក់បច្ចុប្បន្ននេះស្ថិតក្នុងវិធានការបិទខ្ទប់ដោយសារជំងឺ Covid-19។

Update អ្នកការទូតរុស្ស៊ី ២នាក់ស្លាប់ក្នុងការវាយប្រហារបំផ្ទុះគ្រាប់បែកក្នុងទីក្រុងកាប៊ុល

អាហ្វហ្គានីស្ថាន៖ យ៉ាងហោចណាស់អ្នកការទូតរុស្ស៊ី ២នាក់ស្លាប់ក្នុងការវាយប្រហារភេរវកម្មដោយការបំផ្ទុះគ្រាប់បែក នៅច្រកចូលក្លោងទ្វារធំ ស្ថានទូតរុស្ស៊ី ក្នុងរដ្ឋធានីកាប៊ុល ប្រទេសអាហ្វហ្គានីស្ថាន។ សេចក្តីរាយការណ៍បាននិយាយថា មនុស្សជាង ២០នាក់អាចស្លាប់ក្នុងការបំផ្ទុះគ្រាប់បែកអត្តឃាតនេះ ដែលទំនងជាដាក់គោលដៅលើពលរដ្ឋដែលកំពុងតម្រង់ជួរដើម្បីធ្វើទិដ្ឋាការ។

ប្រទេសចិនត្រៀមទប់ទល់ការជិតចូលមកដល់នៃព្យុះទីហ្វុងដ៏មានឥទ្ធិពល

ចិន៖ យោងតាមប្រព័ន្ធផ្សព្វផ្សាយរដ្ឋ CCTV បានឱ្យដឹងថា ទីក្រុងនានារបស់ប្រទេសចិននៅតាមបណ្តោយឆ្នេរសមុទ្រភាគខាងកើត បានត្រៀមខ្លួនទប់ទល់ការចូលមកដល់នៃព្យុះដ៏មានឥទ្ធិពល ដែលនឹងនាំមកដោយព្យុះទីហ្វុង Hinnamnor។ ទីក្រុងនានានៅភាគខាងកើតប្រទេសចិនបានផ្អាកសេវាកម្មនាវាចម្លង ហើយថ្នាក់រៀន និងជើងហោះហើរត្រូវបានលុបចោលក្នុងប្រទេសជប៉ុនកាលពីថ្ងៃអាទិត្យ ខណៈព្យុះទីហ្វុង Hinnamnor ជាព្យុះសកលលោកខ្លាំងបំផុតនៅឆ្នាំនេះដែលបានបោកបក់កាត់កោះតៃវ៉ាន់ និងប្រទេសកូរ៉េដោយមានខ្យល់បក់បោក និងភ្លៀងធ្លាក់ខ្លាំង។ មជ្ឈមណ្ឌលឧតុនិយមជាតិរបស់ប្រទេសចិនបានចេញការព្រមាន អំពីព្យុះទីហ្វុងពណ៌លឿងកាលពីម៉ោង 10ព្រឹកថ្ងៃអាទិត្យ ហើយបានព្រមានពីភ្លៀងធ្លាក់ខ្លាំងនៅភាគឦសានខេត្ត Zhejiang ទីក្រុងសៀងហៃ និងកោះតៃវ៉ាន់ស្វ័យគ្រប់គ្រង។ ខេត្ត Zhejiang បានបញ្ជាឲ្យទូកនេសាទទាំងអស់ត្រឡប់មកកាន់ចំណតរបស់ខ្លួនវិញ ហើយមជ្ឈមណ្ឌលពាណិជ្ជកម្មភាគខាងកើតទីក្រុង Wenzhou បានបញ្ជាឱ្យផ្អាកថ្នាក់រៀនទាំងអស់នៅថ្ងៃចន្ទនេះ។នៅក្នុងទីក្រុងឆ្នេរសមុទ្រ Ningbo ពលរដ្ឋដែលរស់នៅក្នុងមណ្ឌលថែទាំ អន្តេវាសិកដ្ឋាន និងតំបន់ដែលមានហានិភ័យនៃការបាក់ដីត្រូវជម្លៀសខ្លួនចេញ។ ទីក្រុងសៀងហៃបានផ្អាកសេវាកម្មនាវាចម្លង និងដាក់ពង្រាយនគរបាលជាង ៥០,០០០នាក់ដើម្បីជួយសង្គ្រោះ និងណែនាំចរាចរណ៍ឱ្យនៅឆ្ងាយពីតំបន់គ្រោះថ្នាក់។ ការជម្លៀសពលរដ្ឋ និងការលុបចោលជើងហោះហើរក៏ត្រូវបានបញ្ជានៅកោះ Okinawa ភាគខាងត្បូងរបស់ប្រទេសជប៉ុនផងដែរ។ ព្យុះទីហ្វុងនេះត្រូវបានគេរំពឹងថា នឹងនាំមកនូវភ្លៀងធ្លាក់ខ្លាំងមកកាន់ឧបទ្វីបកូរ៉េ ដែលអាចនាំមកនូវទឹកជំនន់៕អត្ថបទ៖ ប៊ុនថន

BREAKING NEWS ! ការរញ្ជួយដីកម្រិត៦.៦រ៉ិចទ័រ អង្រួនប្រទេសចិនភាគនិរតី ប៉ុន្តែមិនបណ្ដាលឲ្យនរណាម្នាក់រងរបួសទេ

យោងតាមការវាស់ស្ទង់របស់មជ្ឈមណ្ឌលភូគព្ភសាស្ត្រសហរដ្ឋអាមេរិក ការរញ្ជួយដីកម្រិត៦.៦រ៉ិចទ័ បានធ្វើឲ្យកក្រើកប្រទេសចិន ភាគនិរតី នៅថ្ងៃចន្ទនេះ ។ ប្រភពដដែល និយាយថា ការរញ្ជួយដីនេះបានវាយប្រហារប្រមាណ ៤៣គីឡូម៉ែត្រភាគអាគ្នេយ៍នៃទីក្រុង Kangding ក្នុងខេត្ត Sichuan ជម្រៅ១០ គីឡូម៉ែត្រ។ ពុំមានរបាយការណ៍ភ្លាមៗស្ដីពីការរងរបួស ឬបាត់បង់ជីវិតឡើយ៕

កំណើនអ្នកស្លាប់ដោយទឹកជំនន់នៅប៉ាគីស្ថានឡើងដល់ ១,២៨០នាក់ ហើយមួយភាគបីគឺជាកុមារ

ប៉ាគីស្ថាន៖ ទីភ្នាក់ងារមនុស្សធម៌បានព្រមានថា ប្រទេសប៉ាគីស្ថានត្រូវការជំនួយរយៈពេលវែង ខណៈកំណើនអ្នកស្លាប់ដោយសារទឹកជំនន់ដ៏មហន្តរាយនៅតែបន្តកើនឡើង។ អាជ្ញាធរគ្រប់គ្រងគ្រោះមហន្តរាយជាតិរបស់ប្រទេសបានរាយការណ៍ថា ចំនួនអ្នកស្លាប់សរុបចាប់តាំងពីថ្ងៃទី១៤ ខែមិថុនាបានកើនឡើងដល់ ១,២៨២នាក់គិតត្រឹមថ្ងៃសៅរ៍ ហើយជិតមួយភាគបីនៃជនរងគ្រោះគឺជាកុមារ។ កាលពីថ្ងៃសៅរ៍តែមួយថ្ងៃមានអ្នកស្លាប់ចំនួន ៥៧នាក់បន្ថែមទៀតក្នុងនោះ ២៥នាក់ជាកុមារ។ ទីភ្នាក់ងារផ្តល់ជំនួយបានព្រមានថា វិបត្តិរបស់ប្រទេសនេះគឺនៅវែងឆ្ងាយ ហើយនៅពេលដែលគ្រោះមហន្តរាយនៅតែបន្តកើតមាន កុមារនឹងស្ថិតក្នុងចំណោមអ្នកដែលងាយរងគ្រោះបំផុត។ ទឹកជំនន់ដែលបណ្តាលមកពីទឹកភ្លៀងមូសុង និងផ្ទាំងទឹកកករលាយនៅក្នុងតំបន់ភ្នំភាគខាងជើងប្រទេសប៉ាគីស្ថាន ត្រូវបានចាត់ទុកថាមហន្តរាយធ្ងន់ធ្ងរបំផុតមិនធ្លាប់មាន។ យោងតាមរូបភាពផ្កាយរណបពីទីភ្នាក់ងារអវកាសអឺរ៉ុប រដ្ឋាភិបាល និងអង្គការផ្តល់ជំនួយបាននិយាយថា មនុស្សជាង ៣៣លាននាក់បានរងផលប៉ះពាល់ ហើយច្រើនជាងមួយភាគបីនៃប្រទេសនេះបានជន់លិចដោយទឹកជំនន់។យោងតាមអង្គការយូនីសេហ្វបាននិយាយថា ក្នុងចំណោមជនរងគ្រោះ កុមារច្រើនជាង ៣លាននាក់កំពុងត្រូវការជំនួយមនុស្សធម៌បន្ទាន់ ដោយសារហានិភ័យនៃជំងឺបង្កឡើងដោយទឹកជំនន់ ការលង់ទឹក និងកង្វះអាហារូបត្ថម្ភ។ ទឹកជំនន់បានបំផ្លាញ ឬធ្វើឲ្យខូចខាតសាលារៀនចំនួន ១៧,៥៦៦កន្លែងនៅទូទាំងប្រទេស ដែលបានធ្វើឱ្យប៉ះពាល់ដល់ការសិក្សារបស់កុមារបន្ថែមទៀត បន្ទាប់ពីការបិទរយៈពេលពីរឆ្នាំដោយសារជំងឺ Covid-19។ ទីភ្នាក់ងារអង្គការសហប្រជាជាតិកំពុងផ្តល់ជំនួយដល់កិច្ចខិតខំប្រឹងប្រែងសង្គ្រោះប្រទេសប៉ាគីស្ថាន តាមរយៈកិច្ចសហប្រតិបត្តិការជិតស្និទ្ធ និងការផ្តល់មូលនិធិ៕អត្ថបទ៖ ប៊ុនថន

ទូតថៃចប់អាណត្តិនៅកម្ពុជា បង្ហាញមោទកភាពកិច្ចសហប្រតិបត្តិការទ្វេភាគីរវាងប្រទេសទាំងពីរ

ភ្នំពេញ៖ លោក ប៉ានយ៉ារ៉ាក់ ពុលថាប់ (Panyarak Poolthup ) ឯកអគ្គរាជទូតថៃ ចប់អាណត្តិនៅប្រទេសកម្ពុជា បានបង្ហាញមោទកភាពកិច្ចសហប្រតិបត្តិការទ្វេភាគី កម្ពុជា-ថៃ ជាពិសេសលើវិស័យពាណិជ្ជកម្ម សម្រេចបានកំណើនឡើង១០% បើទោះរងស្ថានភាពកូវីដ-១៩ក៏ដោយ។ក្នុងជំនួបសំដែងការគួរសម និងជម្រាបលា សម្តេចតេជោ ហ៊ុន សែន នៅព្រឹកថ្ងៃទី០៥ ខែកញ្ញានេះ លោក ប៉ានយ៉ារ៉ាក់ ពុលថាប់ (Panyarak Poolthup ) បានគោរពថ្លែងអំណរគុណយ៉ាងជ្រាលជ្រៅជាទីបំផុតជូនសម្ដេចតេជោ ,ចំពោះរាជរដ្ឋាភិបាលកម្ពុជា ដែលបានផ្ដល់វ៉ាក់សាំងកូវីដ-១៩ ជូនលោក និងមន្ត្រីស្ថានទូតទាំងអស់ មិនត្រឹមតែស្ថានទូតថៃទេ គឺស្ថានទូតទាំងអស់ទូទាំងប្រទេសកម្ពុជា។លោកក៏បានគោរពសម្ដែងនូវការអបអរសាទរជូនចំពោះសម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ដែលបានទប់ស្កាត់ការរីករាលដាលជំងឺកូវីដ-១៩ បានដោយជោគជ័យ។សម្ដេចតេជោ ហ៊ុន សែន បានអរគុណជូនចំពោះ លោក ពុល ថាប់ ដែលបានប្រឹងប្រែងអស់ពីកម្លាំងកាយចិត្ត បំពេញបេសកកម្មការទូត នាំឲ្យកម្ពុជា-ថៃ មានទំនាក់ទំនង និងកិច្ចសហប្រតិបត្តិការ កាន់តែប្រសើរឡើង។សម្ដេច បានមានប្រសាសន៍ថា ទោះបីស្ថិតក្នុងកាលៈទេសៈកូវីដ-១៩ក៏ដោយ យើងបានខិតខំរួមគ្នាធ្វើការបានល្អជំរុញទំនាក់ទំនងរវាងប្រទេសទាំងពីរផង និងជំរុញកិច្ចសហប្រតិបត្តិការលើវិស័យពាណិជ្ជកម្ម អប់រំ និងវិស័យដទៃទៀតបានយ៉ាងល្អជាទីមោទនៈ។ជាទីបញ្ចប់សម្ដេចតេជោ ហ៊ុន សែន បានថ្លែងអំណរគុណជាថ្មីម្ដងទៀតជូនចំពោះលោកពុលថាប់ និងជូនពរលោកទទួលបានជោគជ័យក្នុងបេសកកម្មរបស់ឯកឧត្តមនាពេលអនាគតបន្តទៀត៕

បណ្ដាញសង្គម

ព័ត៌មានថ្មីៗ

មេដឹកនាំប្រឆាំងរបស់កោះតៃវ៉ាន់ ព្យាយាមសម្រាលក្តីបារម្ភរបស់អាមេរិក ជុំវិញជំហរជាមួយចិន

ចិនរិះគន់សហរដ្ឋអាមេរិកចំពោះការដាក់ស្លាក «យោធា» លើក្រុមហ៊ុនធំៗរបស់ខ្លួន

មហាសេដ្ឋីទ្រព្យសែនកោដិថ្មីថ្មោង លោក Musk រងការរិះគន់យ៉ាងខ្លាំង ជុំវិញកុបកម្ម នៅទីក្រុង Belfast

កិច្ចព្រមព្រៀងសន្តិភាពអ៊ីរ៉ង់លេចស្រមោលស្ទុងៗ ខណៈវិធានការយោធាថ្មីកើតឡើងនៅជិតច្រកសមុទ្រ Hormuz

លោក Trump៖ ការវាយប្រហារដោយអាមេរិក បានសម្លាប់មេក្រុមអន្ធពាល Tren de Aragua របស់វ៉េណេស៊ុយអេឡា

សមត្ថកិច្ចរាជធានីភ្នំពេញ បន្តត្រួតពិនិត្យទីតាំងស្នាក់នៅប្រមូលផ្ដុំ ដើម្បីស្វែងរក និងបោសសម្អាតបទល្មើស Online Scams

ប្រព័ន្ធផ្សព្វផ្សាយ៖ កូរ៉េខាងជើងថ្កោលទោសការអនុម័តលក់មីស៊ីលរបស់អាមេរិកទៅឲ្យកូរ៉េខាងត្បូង

នាយករដ្ឋមន្ត្រីអ៊ីស្រាអែល អះអាងថានឹងមិនអនុញ្ញាតឱ្យអ៊ីរ៉ង់ មានអាវុធនុយក្លេអ៊ែរឡើយ

សហភាពអឺរ៉ុប ព្រមព្រៀងចាប់ផ្តើមដំណើរការចូលជាសមាជិកសម្រាប់អ៊ុយក្រែន និងម៉ុលដាវី

BBC៖ រុស្ស៊ី បានបាត់បង់កងទ័ពជាង ២២០.០០០នាក់ក្នុងអំឡុងពេលវាយលុកនៅអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីនិយាយថា ការបង្ហូរឧស្ម័នទៅកាន់អឺរ៉ុបនឹងមិនបន្តឡើងវិញឡើយ លុះត្រាតែដកទណ្ឌកម្មចេញ

ប្រេសិតពិសេស UN ទទួលបន្ទុកវិបត្តិមីយ៉ាន់ម៉ា៖ លោកស្រីនឹងមិនត្រឡប់ទៅវិញទេ លុះត្រាតែបានជួបលោកស្រី Aung San Suu Kyi

តើនាយករដ្ឋមន្ត្រីថ្មីរបស់ចក្រភពអង់គ្លេសលោកស្រី Liz Truss ជានរណា?

លោក ទៀ សីហា៖ ការប្រមូលផ្តុំអ្នកគាំទ្រលោក ខឹម វាសនា បានប្រកាសរំសាយអស់ហើយ

Update មនុស្សយ៉ាងហោចណាស់ ៧នាក់ស្លាប់ដោយការរញ្ជួយដីដ៏ខ្លាំងក្នុងខេត្តស៊ីឈួន ប្រទេសចិន

Update អ្នកការទូតរុស្ស៊ី ២នាក់ស្លាប់ក្នុងការវាយប្រហារបំផ្ទុះគ្រាប់បែកក្នុងទីក្រុងកាប៊ុល

ប្រទេសចិនត្រៀមទប់ទល់ការជិតចូលមកដល់នៃព្យុះទីហ្វុងដ៏មានឥទ្ធិពល

BREAKING NEWS ! ការរញ្ជួយដីកម្រិត៦.៦រ៉ិចទ័រ អង្រួនប្រទេសចិនភាគនិរតី ប៉ុន្តែមិនបណ្ដាលឲ្យនរណាម្នាក់រងរបួសទេ

កំណើនអ្នកស្លាប់ដោយទឹកជំនន់នៅប៉ាគីស្ថានឡើងដល់ ១,២៨០នាក់ ហើយមួយភាគបីគឺជាកុមារ

ទូតថៃចប់អាណត្តិនៅកម្ពុជា បង្ហាញមោទកភាពកិច្ចសហប្រតិបត្តិការទ្វេភាគីរវាងប្រទេសទាំងពីរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​និយាយថា ការបង្ហូរ​ឧស្ម័ន​ទៅកាន់​អឺរ៉ុបនឹងមិន​បន្ត​ឡើងវិញ​ឡើយ លុះត្រាតែ​ដក​ទណ្ឌកម្ម​ចេញ​

តើ​នាយករដ្ឋមន្ត្រី​ថ្មី​របស់​ចក្រភព​អង់គ្លេស​លោកស្រី Liz Truss ជា​នរណា​?

លោក ទៀ សីហា៖ ការប្រមូលផ្តុំអ្នកគាំទ្រលោក ខឹម វាសនា បានប្រកាសរំសាយអស់ហើយ

Update មនុស្សយ៉ាងហោចណាស់ ៧នាក់ស្លាប់ដោយការរញ្ជួយដីដ៏ខ្លាំងក្នុងខេត្តស៊ីឈួន ប្រទេសចិន

Update អ្នកការទូតរុស្ស៊ី ២នាក់ស្លាប់ក្នុងការវាយប្រហារបំផ្ទុះគ្រាប់បែកក្នុងទីក្រុងកាប៊ុល

ប្រទេស​ចិន​ត្រៀម​ទប់ទល់​ការ​ជិត​ចូល​មកដល់​នៃ​ព្យុះ​ទី​ហ្វុ​ង​ដ៏​មាន​ឥទ្ធិពល

BREAKING NEWS ! ការរញ្ជួយដីកម្រិត៦.៦រ៉ិចទ័រ អង្រួនប្រទេសចិនភាគនិរតី ប៉ុន្តែមិន​បណ្ដាល​ឲ្យ​នរណា​ម្នាក់​រង​របួស​ទេ

កំណើន​អ្នកស្លាប់​ដោយ​ទឹក​ជំនន់​នៅ​ប៉ា​គី​ស្ថាន​ឡើង​ដល់ ​១,២៨០​នាក់ ហើយ​មួយ​ភាគ​បី​គឺជា​កុមារ

ទូតថៃចប់អាណត្តិនៅកម្ពុជា បង្ហាញមោទកភាពកិច្ចសហប្រតិបត្តិការទ្វេភាគីរវាងប្រទេសទាំងពីរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីនិយាយថា ការបង្ហូរឧស្ម័នទៅកាន់អឺរ៉ុបនឹងមិនបន្តឡើងវិញឡើយ លុះត្រាតែដកទណ្ឌកម្មចេញ

តើនាយករដ្ឋមន្ត្រីថ្មីរបស់ចក្រភពអង់គ្លេសលោកស្រី Liz Truss ជានរណា?

ប្រទេសចិនត្រៀមទប់ទល់ការជិតចូលមកដល់នៃព្យុះទីហ្វុងដ៏មានឥទ្ធិពល

BREAKING NEWS ! ការរញ្ជួយដីកម្រិត៦.៦រ៉ិចទ័រ អង្រួនប្រទេសចិនភាគនិរតី ប៉ុន្តែមិនបណ្ដាលឲ្យនរណាម្នាក់រងរបួសទេ

កំណើនអ្នកស្លាប់ដោយទឹកជំនន់នៅប៉ាគីស្ថានឡើងដល់ ១,២៨០នាក់ ហើយមួយភាគបីគឺជាកុមារ