BTV NEWS

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

សម្ដេចតេជោឱ្យបើកការស៊ើបអង្កេតអ្នកពាក់ព័ន្ធនាំសាច់បង្កកពីថៃចូលមកម្ពុជាមិនឱ្យរួចខ្លួនឡើយ

ព័ត៌មានសំខាន់ៗ

សហរដ្ឋអាមេរិកនិយាយថា រុស្ស៊ីកំពុងទិញអាវុធយ៉ាងច្រើនពីកូរ៉េខាងជើង និងយានដ្រូនយោធាពីអ៊ីរ៉ង់

សហរដ្ឋអាមេរិក៖ កាលពីថ្ងៃអង្គារ ទី៦ ខែកញ្ញា សេតវិមានបាននិយាយថា រុស្ស៊ីកំពុងទិញគ្រាប់កាំភ្លើងធំ និងគ្រាប់រ៉ូកែតដ៏មានឥទ្ធិពលរាប់លានគ្រាប់ពីកូរ៉េខាងជើង ដើម្បីបំពេញឃ្លាំងរបស់អាវុធខ្លួនដែលត្រូវបានប្រើប្រាស់អស់ ក្នុងការវាយប្រហារនៅអ៊ុយក្រែន។ ដោយសំអាងដល់ព័ត៌មានចារកម្មអាមេរិកដែលមិនទាន់បានផ្ទៀងផ្ទាត់ អ្នកនាំពាក្យក្រុមប្រឹក្សាសន្តិសុខជាតិលោក John Kirby បានប្រាប់ក្រុមអ្នកសារព័ត៌មានថា នៅមិនទាន់មានការបង្ហាញថា ការទិញណាមួយបានកើតឡើងនៅឡើយទេ ហើយមិនទាន់មានអាវុធទាំងនោះបានទៅដល់សមរភូមិប្រយុទ្ធនៅឡើយដែរ។ លោកថា យើងមិនទាន់មានការចង្អុលបង្ហាញណាមួយថា ការទិញលក់នោះត្រូវបានធ្វើឡើងឡើយ ដូច្នេះពិបាកក្នុងការនិយាយថា តើនឹងមានអ្វីកើតឡើងនៅចុងបញ្ចប់ ដោយបន្ថែមថា មិនទាន់មានការបង្ហាញឲ្យបានច្បាស់ថា សម្ភារៈនោះ អាវុធទាំងនោះកំពុងត្រូវបានប្រើប្រាស់នៅក្នុងប្រទេសអ៊ុយក្រែនទេ។យោងតាមលោក Kirby ការទិញលក់គ្រាប់កាំភ្លើងធំយ៉ាងច្រើនសម្បើមពីរដ្ឋាភិបាលកូរ៉េខាងជើង ព្រមទាំងកិច្ចព្រមព្រៀងទិញយានដ្រូនយោធាពីអ៊ីរ៉ង់ បង្ហាញពីស្ថានភាពយ៉ាប់យ៉ឺនខ្លាំងដែលរុស្ស៊ីកំពុងជួបប្រទះ ក្រោយរងទណ្ឌកម្មផ្នែកសេដ្ឋកិច្ច និងបច្ចេកវិទ្យាជាច្រើនខែពីលោកខាងលិច ស្របពេលម៉ាស៊ីនសង្គ្រាមរបស់ខ្លួនធ្លាក់ដុនដាប។ យ៉ាងណាក៏ដោយ ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិលោក Vassily Nebenzia ធ្លាប់បានច្រានចោលរបាយការណ៍ពីក្រុមមន្ត្រីអាមេរិកតាំងពីដំបូងមកម្ល៉េះ នៅពេលដែលបានចេញផ្សាយលើកដំបូងក្នុងសារព័ត៌មាន New York Times ដោយសំអាងដល់សេចក្ដីប្រកាសថ្មីៗរបស់ទីភ្នាក់ងារចារកម្មអាមេរិកដែលថា រុស្ស៊ីកំពុងទិញអាវុធទាំងនោះ៕អត្ថបទ៖ សុខមាន

ប្រមុខអង្គការសហប្រជាជាតិជំរុញឲ្យរុស្ស៊ី និងអ៊ុយក្រែនបង្កើតតំបន់គ្មានកងទ័ពនៅជុំវិញរោងចក្រនុយក្លេអ៊ែរ

UN៖ កាលពីថ្ងៃអង្គារប្រមុខអង្គការសហប្រជាជាតិលោក Antonio Guterres បានជំរុញដល់រុស្ស៊ី និងអ៊ុយក្រែនឲ្យព្រមព្រៀងបង្កើតតំបន់គ្មានកងទ័ពនៅជុំវិញរោងចក្រថាមពលនុយក្លេអ៊ែរ Zaporozhzhia គ្រប់គ្រងដោយរុស្ស៊ីនៅក្នុងប្រទេសអ៊ុយក្រែន។ លោក Guterres បានប្រាប់ក្រុមប្រឹក្សាសន្តិសុខអង្គការសហប្រជាជាតិថា ដំណាក់កាលទី១៖ កងកម្លាំងរុស្ស៊ី និងអ៊ុយក្រែនត្រូវតែសន្យាថា នឹងមិនពាក់ព័ន្ធក្នុងសកម្មភាពយោធាណាមួយចំពោះទីតាំងរោងចក្រនេះ ឬពីទីតាំងរោងចក្រនេះ ដែលមានន័យកុំឲ្យមានការបាញ់ចេញពីទីតាំងរោងចក្រនេះ និងបាញ់ចូលមកទីតាំងរោងចក្រនេះ។ លោកបានប្រាប់សមាជិក ១៥ប្រទេសរបស់អង្គការនេះថា ដំណាក់កាលទី២៖ កិច្ចព្រមព្រៀងមួយស្ដីពីតំបន់គ្មានយោធា គួរតែត្រូវបានធានា។ជាពិសេសការធានានោះត្រូវរាប់បញ្ចូលទាំងការប្ដេជ្ញាចិត្ត ធ្វើឡើងដោយកងកម្លាំងរុស្ស៊ីក្នុងការដកកងទ័ព និងយុទ្ធោបករណ៍របស់ខ្លួនទាំងអស់ចេញពីតំបន់នោះ និងការប្ដេជ្ញារបស់កងកម្លាំងអ៊ុយក្រែនដែលមិនត្រូវរុលចូលទៅតំបន់នោះឡើយ។ ទីភ្នាក់ងារថាមពលអាតូមិកអន្តរជាតិ (IAEA) កាលពីព្រឹកថ្ងៃអង្គារបានអំពាវនាវឲ្យមានតំបន់សន្តិសុខមួយ ជុំវិញស្ថានីយរោងចក្រថាមពលនុយក្លេអ៊ែរដ៏ធំបំផុតរបស់អឺរ៉ុបមួយនេះ ដោយនិយាយថា ក្រុមអ្នកជំនាញរបស់ខ្លួនបានរកឃើញការខូចខាតកាន់តែច្រើន នៅខាងមុខរោងចក្រនោះក្នុងពេលមានសង្គ្រាម៕អត្ថបទ៖ សុខមាន

រុស្ស៊ីនិយាយថា សហរដ្ឋអាមេរិកគឺជាដើមហេតុនាំឲ្យមានវិបត្តិផ្គត់ផ្គង់ឧស្ម័នរបស់អឺរ៉ុប

រុស្ស៊ី៖ ក្រសួងការបរទេសរបស់រុស្ស៊ីបាននិយាយកាលពីថ្ងៃអង្គារថា សហរដ្ឋអាមេរិកបានជំរុញឲ្យមានវិបត្តិការផ្គត់ផ្គង់ឧស្ម័នរបស់សហភាពអឺរ៉ុប ដោយរុញបណ្ដាក្រុមមេដឹកនាំអឺរ៉ុបដល់ដំណាក់កាលអត្តឃាត នៃការកាត់បន្ថយកិច្ចសហប្រតិបត្តិការសេដ្ឋកិច្ច និងថាមពលជាមួយទីក្រុង Moscow។ អឺរ៉ុបកំពុងប្រឈមនឹងវិបត្តិផ្គត់ផ្គង់ឧស្ម័នធ្ងន់ធ្ងរបំផុតមិនធ្លាប់មាន ដោយធ្វើឲ្យតម្លៃថាមពលហក់ឡើងខ្ពស់ ហើយក្រុមហ៊ុននាំចូលនានារបស់ប្រទេសអាល្លឺម៉ង់ កំពុងពិភាក្សាពីការបែងចែកនៅក្នុងប្រទេសដែលមានសេដ្ឋកិច្ចធំបំផុតរបស់សហភាពអឺរ៉ុប បន្ទាប់ពីរុស្ស៊ីបានកាត់បន្ថយលំហូរឧស្ម័នទៅកាន់បណ្ដាប្រទេសនៅអឺរ៉ុបខាងកើត។ នៅពេលត្រូវបានសួរថា តើត្រូវធ្វើបែបណាដើម្បីឲ្យបំពង់បង្ហូរប្រេង Nord Stream 1 ចាប់ផ្ដើមដំណើរការឡើងវិញ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានប្រាប់សារព័ត៌មាន Reuters ថា សូមស្ដាប់ឲ្យច្បាស់ អ្នកកំពុងសួរសំណួរខ្ញុំដែលសូម្បីតែកូនក្មេងក៏ដឹងចម្លើយនេះដែរ គឺចំពោះអ្នកណាដែលចាប់ផ្ដើម អ្នកនោះចាំបាច់ត្រូវបញ្ចប់រឿងនោះដោយខ្លួនឯង។លោកស្រីបាននិយាយថា សហរដ្ឋអាមេរិកបានព្យាយាមជាយូរមកហើយ ដើម្បីបំបែកបំបាក់ទំនាក់ទំនងថាមពលរដ្ឋរវាងរុស្ស៊ី និងប្រទេសមហាអំណាចធំៗរបស់សហភាពអឺរ៉ុប ដូចជាប្រទេសអាល្លឺម៉ង់ជាដើម ទោះបីជាទីក្រុង Moscow គឺជាអ្នកផ្គត់ផ្គង់ថាមពលដែលឤចទុកចិត្ដបាន ចាប់តាំងពីសម័យសហភាពសូវៀតក៏ដោយ៕ អត្ថបទ៖ សុខមាន

សម្តេចតេជោ ហ៊ុន សែន អំពាវនាវបុគ្គលឈ្មោះ ហ៊ុន វិបុលបញ្ឈប់សកម្មភាពបោកប្រាស់ ដោយបន្លំខ្លួនជាប្អូនជីដូនមួយរបស់សម្តេច

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអំពាវនាវសូមឲ្យបុគ្គលឈ្មោះ ហ៊ុន វិបុល បញ្ចប់សកម្មភាពបោកប្រាស់ ដោយបន្លំខ្លួនជាប្អូនជីដូនមួយរបស់សម្តេច។ សម្តេចតេជោ ហ៊ុន សែន បានបញ្ជាក់តាមFacebook ផ្លូវការនៅល្ងាចថ្ងៃទី០៦ ខែកញ្ញានេះថា “ពេលនេះខ្ញុំសូមបញ្ជាក់ជូនថា ខ្ញុំពិតជាមានប្អូនជីដូនមួយម្នាក់ឈ្មោះហ៊ុន វិបុលពិតមែន តែប្អូនប្រុសរបស់ខ្ញុំត្រូវបានពួកប៉ុល ពតសម្លាប់តាំងពី៤៤ឆ្នាំមុនមកម្លេះ ។ ក្មួយរបស់ខ្ញុំ បានណែនាំ ហ៊ុន វិបុល តាមរយៈទូរស័ព្ទ ២លើកមកហើយ តែមនុស្សនេះនៅតែបន្តតាំងខ្លួនជាប្អូនជីដូនមួយខ្ញុំមិនព្រមឈប់ ដែលរឿងនេះអាចបង្កឱ្យមានការភ័នច្រឡំថាខ្ញុំជាមនុស្សមិនរាប់អានបងប្អូន”។សម្តេចតេជោ ហ៊ុន សែន បន្តថា បងប្អូនជនរួមជាតិបានដឹងហើយថាខ្ញុំបានក្រាញននៀលរួមរស់នៅជាមួយប្រជាជនក្នុងគ្រប់កាលៈទេសៈនិងគ្រប់ស្រទាប់ក្នុងសង្គមដោយគ្មានការរើសអើង។និយាយមួយបែបខ្ញុំគឺជាមនុស្សរាប់ញាតិហេតុអីខ្ញុំបែរជាបោះបង់ចោលប្អូនជីដូនមួយម្នាក់ដែលខ្ញុំនឹកគេទាំងយប់ទាំងថ្ងៃទៅវិញ?”។សម្តេចតេជោអំពាវនាវសូមឈ្មោះហ៊ុន វិបុលបញ្ឈប់សកម្មភាពបោកប្រាស់ត្រឹមនេះចុះបើមិនចង់មានរឿង៕

ព្យុះទីហ្វុងបានបណ្ដាលឲ្យលំនៅឋាន ២ម៉ឺនខ្នងគ្មានអគ្គិសនីប្រើប្រាស់នៅកូរ៉េខាងត្បូង

កូរ៉េខាងត្បូង៖ ព្យុះទីហ្វុងដ៏មានឥទ្ធិពលបំផុតដែលបានវាយបក់ មកលើប្រទេសកូរ៉េខាងត្បូងបានបំផ្លាញផ្លូវថ្នល់ និងខ្សែបណ្ដាញអគ្គិសនីបណ្ដាលឱ្យលំនៅឋានចំនួន ២ម៉ឺនខ្នងគ្មានអគ្គិសនីប្រើប្រាស់ ខណៈមនុស្សរាប់ពាន់នាក់បានភៀសខ្លួនចេញទៅកាន់ទីទួលសុវត្ថិភាព។ ព្យុះទីហ្វុង Hinnamnor បានបោកបក់មកលើរមណីយដ្ឋានកោះ Jeju ហើយបានបណ្ដាលឲ្យមានបំណាក់ដីនៅជិតកំពង់ផែដីគោកទីក្រុង Busan និងកំពុងបក់ឆ្ពោះទៅភាគឦសានទៅកាន់សមុទ្រ ដោយមានល្បឿនខ្យល់បក់រហូតដល់ ១៤៤គីឡូម៉ែត្រក្នុងមួយម៉ោង។ ព្យុះនេះកំពុងធ្វើដំណើរទៅកាន់តែជិតភាគខាងកើតប្រទេសចិន បន្ទាប់ពីសេវានាវាចម្លងនៅភាគខាងកើតប្រទេសចិន និងជើងហោះហើរក្នុងប្រទេសជប៉ុនត្រូវបានផ្អាកកាលពីថ្ងៃមុន។ មន្ត្រីកូរ៉េខាងត្បូងបានដាក់ប្រទេសក្នុងការប្រុងប្រយ័ត្ន ចំពោះការបំផ្លាញដែលអាចកើតមានដោយទឹកជំនន់ បំណាក់ដី និងរលកសមុទ្រដែលនាំមកដោយព្យុះ Hinnamnor ដែលបានកើតឡើងប៉ុន្មានជាច្រើនសប្តាហ៍ បន្ទាប់ពីភ្លៀងធ្លាក់ខ្លាំងនៅក្នុងតំបន់ជុំវិញរដ្ឋធានីសេអ៊ូលបង្កឱ្យមានទឹកជំនន់ បណ្ដាលឲ្យមនុស្សយ៉ាងហោចណាស់ ១៤នាក់ស្លាប់។នាយករដ្ឋមន្ត្រីលោក Han Duk-soo បានអំពាវនាវឱ្យមានការជម្លៀសពលរដ្ឋ នៅក្នុងតំបន់ដែលងាយរងគ្រោះដោយទឹកជំនន់ ដោយនិយាយថា ព្យុះ Hinnamnor អាចបញ្ចប់ទៅក្លាយជាព្យុះទីហ្វុងដ៏ខ្លាំងក្នុងប្រវត្តិសាស្ត្រ ដែលយើងមិនធ្លាប់ជួបប្រទះពីមុនមក។ សាលារៀនជាង ៦០០កន្លែងត្រូវបានបិទទ្វារ ឬប្តូរទៅជារៀនតាមប្រព័ន្ធអនឡាញ ហើយជើងហោះហើរជាង ២៥០ និងសេវានាវាចម្លងត្រូវបានផ្អាក ខណៈទូកនេសាទជាង ៦៦,០០០គ្រឿងត្រូវបានជម្លៀសមកកាន់កំពង់ផែ៕អត្ថបទ៖ ប៊ុនថន

ពលរដ្ឋចក្រភពអង់គ្លេសប្រតិកម្ម ខណៈគណបក្សកាន់អំណាចជ្រើសរើសលោកស្រី Truss ជាមេដឹកនាំថ្មី

អង់គ្លេស៖ លោកស្រី Liz Truss ត្រូវបានបោះឆ្នោតជ្រើសរើសជាមេដឹកនាំថ្មីរបស់គណបក្សអភិរក្សនិយម ដែលគណបក្សនេះបានប្រកាសកាលពីថ្ងៃចន្ទ ហើយលោកស្រីនឹងចូលកាន់តំណែងនៅថ្ងៃអង្គារនេះជានាយករដ្ឋមន្ត្រីថ្មីរបស់ចក្រភពអង់គ្លេស ដើម្បីដឹកនាំប្រទេសនេះឆ្លងកាត់វិបត្តិដែលបានធ្វើឲ្យប៉ះពាល់ធ្ងន់ធ្ងរ ដល់ជីវភាពរស់នៅរបស់ប្រជាពលរដ្ឋ។ លោកស្រី Truss មានអាយុ 47ឆ្នាំដែលបច្ចុប្បន្នជារដ្ឋមន្ត្រីការបរទេស បានទទួលជ័យជំនះលើរដ្ឋមន្ត្រីហិរញ្ញវត្ថុលោក Rishi Sunak បន្ទាប់ពីការប្រកួតប្រជែងមេដឹកនាំ។ លោកស្រី Truss ទទួលបានសំឡេង 81,326សំឡេង ខណៈលោក Sunak ទទួលបាន 60,399សំឡេង។ លោកស្រីប្រឈមនឹងសម្ពាធភ្លាមៗក្នុងការផ្តល់ការសន្យារបស់លោកស្រី ដើម្បីដោះស្រាយវិបត្តិផលប៉ះពាល់លើជីវភាពរស់នៅដែលកំពុងកើតឡើងនៅអង់គ្លេស និងបញ្ហាសេដ្ឋកិច្ចដែលកំពុងឈានទៅរកវិបត្តិដ៏ខ្លាំង។ ម្ចាស់ក្សត្រី Elizabeth II នឹងតែងតាំងលោកស្រី Truss ជានាយករដ្ឋមន្ត្រីរបស់ចក្រភពអង់គ្លេសជាផ្លូវការនៅថ្ងៃអង្គារនេះ ហើយពិធីតែងតាំងនឹងធ្វើឡើងទៅនៅវិមាន Balmoral ក្នុងដែនដីស្កុតឡែន ជាកន្លែងដែលម្ចាស់មហាក្សត្រីកំពុងលំហែព្រះកាយក្នុងពេលរដូវក្តៅ ច្រើនជាងនៅរាជវាំង Buckingham ក្នុងទីក្រុងឡុងដ៍។ការប្រកួតប្រជែងមេដឹកនាំរយៈពេលពីរខែបានធ្វើឱ្យអង់គ្លេសមានភាពខ្វះចន្លោះ ខណៈភាពមិនសប្បាយចិត្តរបស់ប្រជាជនកើនឡើងខ្លាំងនៅទូទាំងប្រទេស ក្នុងពេលមានតម្លៃថាមពល និងថ្លៃអាហារហក់ឡើងខ្ពស់។ អតីតរដ្ឋមន្ត្រីការបរទេសលោកស្រី Liz Truss បានថ្លែងអំណរគុណចំពោះនាយករដ្ឋមន្ត្រីអង់គ្លេសលោក Boris Johnson ដែលចាកចេញពីតំណែង ហើយបានសន្យាថានឹងដោះស្រាយវិបត្តិថាមពល ខណៈលោកស្រីត្រូវបានជ្រើសរើសជាមេដឹកនាំថ្មីរបស់គណបក្សកាលពីថ្ងៃចន្ទ៕អត្ថបទ៖ ប៊ុនថន

ជនសង្ស័យម្នាក់ដែលចាក់សម្លាប់មនុស្ស ១០នាក់នៅកាណាដាត្រូវបានប្រទះឃើញស្លាប់

កាណាដា៖ នគរបាលកាណាដាបាននិយាយថា បុរសម្នាក់ក្នុងចំណោមជនសង្ស័យ ២នាក់ក្នុងការវាយប្រហារចាក់សម្លាប់ដោយកាំបិតក្នុងខេត្ត Saskatchewan កាលពីថ្ងៃអាទិត្យត្រូវបានប្រទះឃើញស្លាប់។ នគរបាលខាងលើនិយាយថា សាកសពជនល្មើស Damien Sanderson វ័យ ៣១ឆ្នាំត្រូវបានរកឃើញក្នុងតំបន់ James Smith Cree Nation ដែលជាទីលំនៅរបស់ជនរងគ្រោះមួយចំនួន។ Sanderson កំពុងរត់គេចខ្លួននៅឡើយ និងត្រូវគេជឿថាកំពុងសំងំលាក់ខ្លួននៅក្នុងទីក្រុង Regina។ កាលពីថ្ងៃអាទិត្យ មនុស្ស ១០នាក់ត្រូវបានចាក់សម្លាប់ក្នុងហេតុការណ៍អំពើហិង្សាដ៏ធំបំផុតមួយ ក្នុងចំណោមអំពើហិង្សាជាច្រើនក្នុងប្រវត្តិសាស្ត្រថ្មីរបស់ប្រទេសកាណាដា។ ការវាយប្រហារដែលបានបណ្ដាលឲ្យមនុស្សចំនួន ១៨នាក់ផ្សេងទៀតរងរបួសដែរនោះបានកើតឡើងនៅក្នុងតំបន់ដាច់ស្រយាលនៃខេត្ត Saskatchewan៕អត្ថបទ៖ សុខមាន

Update៖ កំណើនអ្នកស្លាប់ដោយការរញ្ជួយដីនៅខេត្ត Sichuan ប្រទេសចិនកើនឡើងដល់ ៦៥នាក់ និងរបួស ២៤៨នាក់

ចិន៖ ប្រព័ន្ធផ្សព្វផ្សាយចិន CCTV បានរាយការណ៍ថា កំណើនអ្នកស្លាប់ដោយការរញ្ជួយដីកម្រិត 6.8រិចទ័រដែលបានវាយប្រហារខេត្ត Sichuan ភាគនិរតីប្រទេសចិនបានកើនឡើងដល់ ៦៥នាក់។ប្រព័ន្ធផ្សព្វផ្សាយរដ្ឋបាននិយាយថា មនុស្ស ១២នាក់នៅបាត់ខ្លួន និងជាង ២៤៨នាក់បានរងរបួសបន្ទាប់ពីការរញ្ជួយដីបានបង្កឲ្យមានបំណាក់ដី និងធ្វើឲ្យរញ្ជួយអគារក្នុងក្រុង Chengdu ជាទីក្រុងដែលមានពលរដ្ឋ ២១លាននាក់បានស្ថិតនៅក្រោមវិធានការបិទខ្ទប់ដោយសារជំងឺ Covid-19 រួចទៅហើយ។

មនុស្ស 46នាក់ស្លាប់ដោយការរញ្ជួយដីកម្រិត 6.8រិចទ័រនៅខេត្ត Sichuan ប្រទេសចិន

ចិន៖ អាជ្ញាធរក្នុងតំបន់បាននិយាយនៅក្នុងសន្និសីទសារព័ត៌មានថា មនុស្ស 46នាក់បានស្លាប់ដោយការរញ្ជួយដីកម្រិត 6.8រិចទ័រដែលបានវាយប្រហារតំបន់ Luding ក្នុងខេត្ត Sichuan ភាគនិរតីប្រទេសចិនកាលពីថ្ងៃចន្ទ។លោក Wang Feng អនុប្រធាននាយកដ្ឋានគ្រប់គ្រងគ្រាអាសន្នខេត្ត Sichuan បាននិយាយថា គិតត្រឹមម៉ោង 20:30 ថ្ងៃចន្ទម៉ោងក្នុងតំបន់ មនុស្ស 16នាក់នៅតែបាត់ខ្លួន និងជាង 50នាក់បានរងរបួសបន្ទាប់ពីការរញ្ជួយដីបានបង្កឲ្យមានបំណាក់ដី និងធ្វើឲ្យរញ្ជួយអគារក្នុងរដ្ឋក្រុង Chengdu ជាទីក្រុងដែលមានពលរដ្ឋ ២១លាននាក់បានស្ថិតនៅក្រោមវិធានការបិទខ្ទប់ដោយសារជំងឺ Covid-19 រួចទៅហើយ។ ពលរដ្ឋក្នុងស្រុក Moxi តំបន់ Luding ខេត្ត Sichuan បានចំណាយពេលមួយយប់កាលពីថ្ងៃចន្ទស្ថិតនៅក្នុងតំបន់សុវត្ថិភាព បន្ទាប់ពីមានការរញ្ជួយដីកម្រិត 6.8រិចទ័រ ហើយក្រុមជួយសង្គ្រោះជាច្រើនក្រុមបានមកដល់ ដើម្បីជួយដល់កិច្ចខិតខំប្រឹងប្រែងតាំងទីលំនៅថ្មី។តំបន់ Luding ជាចំណុចកណ្តាលនៃការរញ្ជួយដី គឺជាតំបន់ភ្នំដាច់ស្រយាលនៅភាគនិរតីក្រុង Chengdu នៃខេត្ត Sichuan។ ក្រុមអ្នកជួយសង្គ្រោះកំពុងជួយគ្នា ដើម្បីរៀបចំតង់សម្រាប់ការតាំងទីលំនៅថ្មីរបស់ពលរដ្ឋរងគ្រោះ និងតង់មួយចំនួនសម្រាប់ការងារបណ្ដោះអាសន្ន។ អ្នកស្ម័គ្រចិត្ដជាច្រើនក៏កំពុងធ្វើការនៅនឹងកន្លែង ដើម្បីជួយចែកចាយការផ្គត់ផ្គង់បណ្តោះអាសន្នរួមមានទាំងមីកញ្ចប់ និងទឹកដបដល់ប្រជាពលរដ្ឋដែលរងផលប៉ះពាល់៕អត្ថបទ៖ ប៊ុនថន

សារព័ត៌មាន The Hill៖ អាមេរិកក្លាយជាអ្នកឈ្លានពានកាន់តែខ្លាំងក្នុងការគាំទ្រអ៊ុយក្រែន

សហរដ្ឋអាមេរិក៖ សារព័ត៌មាន The Hill បានរាយការណ៍កាលពីចុងសប្ដាហ៍នេះថា រដ្ឋបាលរបស់លោកប្រធានាធិបតីអាមេរិក Joe Biden កំពុងធ្វេសប្រហែសអំពីការផ្គត់ផ្គង់អាវុធទៅអ៊ុយក្រែន ដោយបន្ថែមថា ពេលនេះទីក្រុង Washington ជឿថា ខ្លួនអាចគេចចេញពីការបញ្ជូនអាវុធដ៏ឥទ្ធិពលទៅទីក្រុង Kiev ដោយមិនបង្កឲ្យមានភាពតានតឹងរីកធំ។ សារព័ត៌មានខាងលើនិយាយថា សហរដ្ឋអាមេរិកបានស្ទាក់ស្ទើរក្នុងការបំពេញតាមតម្រូវការរបស់ទីក្រុង Kiev រយៈពេលជាច្រើនខែចាប់តាំងពីជម្លោះចាប់ផ្ដើមផ្ទុះឡើង។ ជាពិសេសនៅពេលដែលបានបញ្ជូនអាវុធធុនធ្ងន់ដូចជារថក្រោះ និងយន្តហោះចម្បាំងជាដើម ដោយបន្ថែមថា ក្រុមមន្ត្រីអាមេរិកដើមឡើយមិនជឿថា អ៊ុយក្រែននឹងអាចទប់ទល់ជាមួយរុស្ស៊ីបានយូរដោយប្រើជំនួយយោធាប្រភេទនេះបានទេ។ ទីក្រុង Washington ក៏បារម្ភផងដែរខ្លាចថា ការជួយច្រើនហួសហេតុខាងយោធាដល់អ៊ុយក្រែន អាចបង្កគ្រោះកាន់តែខ្លាំងដល់ទំនាក់ទំនងរបស់ខ្លួនជាមួយក្រុង Moscow។លោក Michael O’Hanlon អ្នកវិភាគខាងយោធានៅវិទ្យាស្ថាន Brookings Institution ដែលជាមជ្ឈមណ្ឌលស្រាវជ្រាវមួយមានមូលដ្ឋានក្នុងទីក្រុង Washington, DC បាននិយាយថា ដំបូងយើងមានការប្រុងប្រយ័ត្នខ្លាំង ដោយមិនដឹងថា តើលោក Putin នឹងដុតបញ្ឆេះជម្លោះ ឬអត់ ហើយក៏មិនប្រាកដថា តើអ៊ុយក្រែនអាចប្រើអ្វីដែលយើងបានបញ្ជូនទៅឲ្យពួកគេដែរទេ ឬអាចទប់ទល់ជាមួយរុស្ស៊ីបានយូរប៉ុណ្ណា។ សារព័ត៌មាន The Hill បានរាយការណ៍ថា សហរដ្ឋអាមេរិកក៏បានផ្អាកការបាញ់សាកល្បងមីស៊ីលបាលីស្ទីកអន្តរទ្វីប Minuteman III របស់ខ្លួនជាច្រើនដងដែរ ដើម្បីបញ្ចៀសការកើនឡើងភាពតានតឹង។ ទីក្រុង Moscow បានព្រមានដដែលៗថា ការបញ្ជូនអាវុធរបស់លោកខាងលិចទៅឲ្យអ៊ុយក្រែនបានត្រឹមតែអូសបន្លាយជម្លោះ និងធ្វើឱ្យមនុស្សរងទុក្ខកាន់តែធ្ងន់ធ្ងរប៉ុណ្ណោះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លីបង់រាយការណ៍ពីការវាយប្រហាររបស់អ៊ីស្រាអែលនៅភាគខាងត្បូង ក្រោយមានការព្រមានជម្លៀស

ប៉ាគីស្ថាន និងអេហ្ស៊ីបស្វាគមន៍វឌ្ឍនភាព រវាងអាមេរិក និងអ៊ីរ៉ង់ ដោយសង្ឃឹមមានកិច្ចព្រមព្រៀងសន្តិភាពដំបូង

ចំនួនអ្នកស្លាប់ដោយសាររញ្ជួយដី នៅហ្វីលីពីន កើនឡើងដល់ ៦១នាក់ ខណៈប្រតិបត្តិការជួយសង្គ្រោះកំពុងបន្ត

នាយករដ្ឋមន្ត្រីឥណ្ឌា លោក Modi ចាប់ផ្តើមដំណើរទស្សនកិច្ចផ្លូវការទៅកាន់បារាំង និងស្លូវ៉ាគី

[UPDATE] គ្រោះថ្នាក់ធ្លាក់យន្តហោះរបស់កងទ័ពអាកាសឥណ្ឌា មានអ្នកស្លាប់ ៥នាក់

យន្តហោះដឹកជញ្ជូនយោធាធ្លាក់ នៅឥណ្ឌា ខណៈចំនួនអ្នកស្លាប់ និងរបួស មិនទាន់ដឹងនៅឡើយទេ

ឱកាសការងារ ៣៥៥០កន្លែង ជាមួយនឹងអត្ថប្រយោជន៍ ប.ស.ស. និងកម្មវិធី TVET ត្រូវបាននាំយកទៅផ្សព្វផ្សាយជូនពលរដ្ឋដល់មូលដ្ឋានខេត្តសៀមរាប

វិស័យរដ្ឋបញ្ជាក់ពីការប្តេជ្ញាចិត្តក្នុងការជួយពង្រឹងការយល់ដឹងអំពីច្បាប់ និងនីតិវិធីគយដល់វិស័យ SMEs

យោធាអ៊ីស្រាអែលព្រមានអំពីការវាយប្រហារជិតកើតមាន នៅភាគខាងត្បូងនៃប្រទេសលីបង់

ជប៉ុន និងឥណ្ឌូនេស៊ី សម្លឹងដល់ទំនាក់ទំនងកាន់តែជិតស្និទ្ធ តាមរយៈការចែករំលែកព័ត៌មានសម្ងាត់ និងការនាំចេញនាវាពិឃាត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សហរដ្ឋអាមេរិកនិយាយថា រុស្ស៊ីកំពុងទិញអាវុធយ៉ាងច្រើនពីកូរ៉េខាងជើង និងយានដ្រូនយោធាពីអ៊ីរ៉ង់

ប្រមុខអង្គការសហប្រជាជាតិជំរុញឲ្យរុស្ស៊ី និងអ៊ុយក្រែនបង្កើតតំបន់គ្មានកងទ័ពនៅជុំវិញរោងចក្រនុយក្លេអ៊ែរ

រុស្ស៊ីនិយាយថា សហរដ្ឋអាមេរិកគឺជាដើមហេតុនាំឲ្យមានវិបត្តិផ្គត់ផ្គង់ឧស្ម័នរបស់អឺរ៉ុប

ព្យុះទីហ្វុងបានបណ្ដាលឲ្យលំនៅឋាន ២ម៉ឺនខ្នងគ្មានអគ្គិសនីប្រើប្រាស់នៅកូរ៉េខាងត្បូង

ពលរដ្ឋចក្រភពអង់គ្លេសប្រតិកម្ម ខណៈគណបក្សកាន់អំណាចជ្រើសរើសលោកស្រី Truss ជាមេដឹកនាំថ្មី

ជនសង្ស័យម្នាក់ដែលចាក់សម្លាប់មនុស្ស ១០នាក់នៅកាណាដាត្រូវបានប្រទះឃើញស្លាប់

Update៖ កំណើនអ្នកស្លាប់ដោយការរញ្ជួយដីនៅខេត្ត Sichuan ប្រទេសចិនកើនឡើងដល់ ៦៥នាក់ និងរបួស ២៤៨នាក់

មនុស្ស 46នាក់ស្លាប់ដោយការរញ្ជួយដីកម្រិត 6.8រិចទ័រនៅខេត្ត Sichuan ប្រទេសចិន

សារព័ត៌មាន The Hill៖ អាមេរិកក្លាយជាអ្នកឈ្លានពានកាន់តែខ្លាំងក្នុងការគាំទ្រអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​និយាយ​ថា សហរដ្ឋអាមេរិក​គឺជា​ដើមហេតុ​នាំ​ឲ្យ​មាន​វិបត្តិ​ផ្គត់ផ្គង់​ឧស្ម័ន​របស់​អឺរ៉ុប​

ព្យុះ​ទី​ហ្វុ​ង​បាន​បណ្ដាល​ឲ្យ​លំនៅឋាន​ ២​ម៉ឺន​ខ្នង​គ្មាន​អគ្គិសនី​ប្រើប្រាស់​នៅ​កូរ៉េខាងត្បូង​

ពលរដ្ឋ​ចក្រភព​អង់គ្លេស​ប្រតិកម្ម​ ខណៈ​គណបក្ស​កាន់​អំណាច​ជ្រើសរើស​លោកស្រី ​Truss ជា​មេដឹកនាំ​ថ្មី​

ជនសង្ស័យ​ម្នាក់​ដែល​ចាក់​សម្លាប់​មនុស្ស​ ១០​នាក់​នៅ​កាណាដា​ត្រូវ​បាន​ប្រទះឃើញ​ស្លាប់​

Update៖ កំណើនអ្នកស្លាប់ដោយការរញ្ជួយដីនៅខេត្ត Sichuan ប្រទេសចិនកើនឡើងដល់ ៦៥នាក់ និងរបួស ២៤៨នាក់

មនុស្ស 46នាក់​ស្លាប់​ដោយ​ការ​រញ្ជួយ​ដី​កម្រិត 6.8រិច​ទ័​រ​នៅ​ខេត្ត Sichuan ប្រទេស​ចិន

សារព័ត៌មាន The Hill៖ អាមេរិក​ក្លាយជា​អ្នក​ឈ្លានពាន​កាន់តែខ្លាំង​ក្នុងការ​គាំទ្រ​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីនិយាយថា សហរដ្ឋអាមេរិកគឺជាដើមហេតុនាំឲ្យមានវិបត្តិផ្គត់ផ្គង់ឧស្ម័នរបស់អឺរ៉ុប

ព្យុះទីហ្វុងបានបណ្ដាលឲ្យលំនៅឋាន ២ម៉ឺនខ្នងគ្មានអគ្គិសនីប្រើប្រាស់នៅកូរ៉េខាងត្បូង

ពលរដ្ឋចក្រភពអង់គ្លេសប្រតិកម្ម ខណៈគណបក្សកាន់អំណាចជ្រើសរើសលោកស្រី Truss ជាមេដឹកនាំថ្មី

ជនសង្ស័យម្នាក់ដែលចាក់សម្លាប់មនុស្ស ១០នាក់នៅកាណាដាត្រូវបានប្រទះឃើញស្លាប់

មនុស្ស 46នាក់ស្លាប់ដោយការរញ្ជួយដីកម្រិត 6.8រិចទ័រនៅខេត្ត Sichuan ប្រទេសចិន

សារព័ត៌មាន The Hill៖ អាមេរិកក្លាយជាអ្នកឈ្លានពានកាន់តែខ្លាំងក្នុងការគាំទ្រអ៊ុយក្រែន