BTV NEWS

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

សម្ដេចតេជោ ហ៊ុន សែន កោតសរសើរថ្នាក់ដឹកនាំខេត្តកំពង់ធំដែលបានយកចិត្តទុកដាក់គ្រប់គ្រងអតីតយុទ្ធជន និងគ្រួសារយុទ្ធជនពលី បានយ៉ាងល្អ

ព័ត៌មានសំខាន់ៗ

អតីតនាយករដ្ឋមន្ត្រីម៉ាឡេស៊ី Najib Razak ជាប់ពន្ធនាគារ១២ឆ្នាំ ក្រោយចាញ់បណ្ដឹងឧទ្ធរណ៍1MDB

ម៉ាឡេស៊ី៖ អតីតនាយករដ្ឋមន្ត្រីម៉ាឡេស៊ីលោក Najib Razak បានចាប់ផ្ដើមអនុវត្តន៍ទោសជាប់ពន្ធនាគាររយៈពេល ១២ឆ្នាំ បន្ទាប់ពីចាញ់បណ្ដឹងឧទ្ធរណ៍ចុងក្រោយរបស់លោក ក្នុងករណីអំពើពុករលួយទាក់ទងនឹងការលួចមូលនិធិរដ្ឋនៃគម្រោងអភិវឌ្ឍន៍របស់ធនាគារ Berhad ម៉ាឡេស៊ី (1Malaysia Development Berhad) ដោយតុលាការកំពូលរបស់ប្រទេសនេះគាំទ្រជាឯកច្ឆន្ទឲ្យមានទោស និងជាប់ពន្ធនាគាររបស់លោក។ លោក Najib បានក្លាយជាអតីតមេដឹកនាំដំបូងរបស់ម៉ាឡេស៊ី ដែលត្រូវបានកាត់ទោសឲ្យជាប់ពន្ធនាគារ នៅពេលលោកត្រូវបាននាំខ្លួនកាលពីថ្ងៃអង្គារទៅកាន់ពន្ធនាគារ Kajang នៅជាយរដ្ឋធានី Kuala Lumpur ក្រោយតុលាការចេញសាលក្រម។ ក្រុមមេដឹកនាំបក្សប្រឆាំង សកម្មជន និងប្រជាពលរដ្ឋភាគច្រើនបានសាទរ ពីដំណើរការឆាប់រហ័សរបស់តុលាការក្នុងសវនាការប្ដឹងឧទ្ធរណ៍កាលពីថ្ងៃអង្គារ ដោយហៅការកាត់ក្ដីនោះថា ជាជ័យជម្នះសម្រាប់ប្រជាពលរដ្ឋម៉ាឡេស៊ីដែលបានបោះឆ្នោតកាលពីឆ្នាំ២០១៨ ដើម្បីដករដ្ឋាភិបាលរបស់លោក Najib និងកាត់ទោសលើរូបលោក។ ក្រុមប្រឹក្សាតុលាការសហព័ន្ធដែលមានសមាជិក ៥រូបបាននិយាយថា ខ្លួនបានរកឃើញថា ការសម្រេចចិត្តរបស់តុលាការជាន់ខ្ពស់គឺត្រឹមត្រូវ ហើយថា ការប្តឹងឧទ្ធរណ៍របស់លោក Najib គឺគ្មានប្រសិទ្ធភាពអ្វីឡើយ៕ អត្ថបទ៖ សុខមាន

ពលរដ្ឋហៃទីធ្វើបាតុកម្មទាមទារឲ្យបណ្ដេញនាយករដ្ឋមន្ត្រីចេញពីតំណែង

ហៃទី៖ បាតុករប្រមាណ ២ពាន់នាក់នៅក្នុងរដ្ឋធានីប្រទេសហៃទី និងទីក្រុងធំៗផ្សេងទៀតបានបិទផ្លូវ បិទអាជីវកម្ម និងចេញធ្វើបាតុកម្មនៅតាមដងផ្លូវកាលពីថ្ងៃចន្ទ ដើម្បីទាមទារឱ្យនាយករដ្ឋមន្ត្រីលោក Ariel Henry ចុះចេញពីតំណែង និងអំពាវនាវឱ្យមានជីវភាពរស់នៅឲ្យកាន់តែប្រសើរ។ អ្នកសារព័ត៌មាន Associated Press បានមើលឃើញបុរសមិនស្គាល់អត្តសញ្ញាណម្នាក់បាញ់សម្លាប់បាតុករនៅទីក្រុងព័រអូប្រាំង ហើយបន្ទាប់មករត់គេចខ្លួនតាមរថយន្ត ខណៈហ្វូងមនុស្សបានបំបែកគ្នាជាបណ្តោះអាសន្ន។ អំពើហិង្សា និងការចាប់ជំរិតបានកើនឡើងនៅក្នុងទីក្រុងព័រអូប្រាំង និងតំបន់ក្បែរនោះក្នុងរយៈពេលប៉ុន្មានខែថ្មីៗនេះ ដោយក្រុមជនអន្ធពាលដែលកំពុងប្រយុទ្ធបានសម្លាប់ជនស៊ីវិលរាប់រយនាក់ នៅក្នុងការប្រយុទ្ធគ្នាលើទឹកដីទីក្រុងនេះ។ ពួកគេមានឥទ្ធិពលកាន់តែខ្លាំងចាប់តាំងពីការធ្វើឃាតប្រធានាធិបតីលោក Jovenel Moïse កាលពីឆ្នាំមុន។ ភាពក្រីក្រក៏កាន់តែធ្លាក់ជ្រៅ ដោយអតិផរណាបានឈានដល់ ២៩% ហើយតម្លៃទំនិញជាមូលដ្ឋានមួយចំនួនដូចជាអង្ករកើនឡើងជាងបួនដង។ ប្រេងសាំងនៅខ្វះខាត ហើយបើអាចរកបានគឺមានតម្លៃ ១៥ដុល្លារក្នុងមួយហ្គាឡុង។នៅក្នុងការតវ៉ាមួយប្រជាជនពាក់អាវយឺតពណ៌ខ្មៅ ចំណែកឯការតវ៉ាមួយផ្សេងទៀតពាក់អាវយឺតពណ៌ក្រហមមានសរសេរពាក្យថា ក្រោកឡើង។ ការតវ៉ានេះកើតមានប៉ុន្មានថ្ងៃ បន្ទាប់ពីក្រុមបាតុករច្រើននាក់បានអង្គុយតវ៉ានៅមុខលំនៅឋានផ្លូវការរបស់លោក Henry ហើយទាមទារឱ្យលោកលាលែងពីតំណែង។ កាលពីថ្ងៃចន្ទ នគរបាលបានប៉ះទង្គិចជាមួយបាតុករនៅតំបន់មួយចំនួន ដោយបាញ់ឧស្ម័នបង្ហូរទឹកភ្នែកដើម្បីបំបែកក្រុមមនុស្ស ខណៈការដុតកង់រថយន្តដើម្បីបិទផ្លូវ៕អត្ថបទ៖ ប៊ុនថន

ចំនួនអ្នកស្លាប់ក្នុងការវាយប្រហារនៅអន្តេវាសិកដ្ឋានទីក្រុង Kharkiv កើនឡើងដល់ ២៥នាក់

អ៊ុយក្រែន៖ ចំនួនអ្នកស្លាប់នៅក្នុងការវាយប្រហារដោយគ្រាប់រ៉ុក្កែតរបស់រុស្សី ទៅលើអន្តេវាសិកដ្ឋានក្នុងទីក្រុង Kharkiv ជាទីក្រុងធំទី២ របស់អ៊ុយក្រែនកាលពីសប្តាហ៍មុនបានកើនឡើងដល់ ២៥នាក់។ មនុស្ស ១៩នាក់បានស្លាប់នៅក្នុងស្រុក Saltovsky និង ៦នាក់ទៀតនៅក្នុងស្រុក Slobodskoy រួមទាំងកុមារនៅក្នុងការវាយប្រហារកាលពីសប្តាហ៍មុន។ ប្រតិបត្តិការជួយសង្គ្រោះលើការបំផ្លាញក្នុងស្រុក Saltovsky បានបញ្ចប់កាលពីថ្ងៃចន្ទ ដោយសាកសព ៨នាក់នៅមិនទាន់កំណត់អត្តសញ្ញាណបាននៅឡើយ។ អ្នករងរបួសប្រមាណ ៤០នាក់កំពុងសម្រាកព្យាបាលនៅមន្ទីរពេទ្យច្រើនកន្លែងក្នុងទីក្រុង Kharkiv។ នៅមន្ទីរពេទ្យមួយក្នុងទីក្រុង ពលរដ្ឋឈ្មោះ Yury Petukhov អាយុ ៣៨ឆ្នាំនិយាយថា លោកបានរស់នៅជាមួយគ្រួសារ នៅក្នុងស្ថានីយរថភ្លើងក្រោមដីអស់រយៈពេល ៨០ថ្ងៃ មុនពេលលោកមើលឃើញថា សង្កាត់របស់លោកមានសុវត្ថិភាពគ្រប់គ្រាន់ដើម្បីត្រឡប់ទៅវិញ។លោក Vyacheslav Simon ដែលរងរបួសនៅក្នុងការវាយប្រហារនៅអន្តេវាសិកដ្ឋានបាននិយាយថា លោកគិតថា អ្វីៗទាំងអស់បាក់រលំនៅជុំវិញលោក នៅពេលដែលគ្រាប់រ៉ុក្កែតបានវាយប្រហារ។ ប្រធានផ្នែករបួសនៅមន្ទីរពេទ្យមួយលោក Igor Spesivyi បាននិយាយថា មនុស្ស ២០នាក់ដែលមានរបួសដោយសារការបាញ់ផ្លោង ត្រូវបានបញ្ជូនមកកាលពីពេលយប់នៃការវាយប្រហារនៅថ្ងៃទី១៧ ខែសីហា និងនៅព្រឹកបន្ទាប់៕អត្ថបទ៖ ប៊ុនថន

អឺរ៉ុបប្រឈមនឹងការកាត់ផ្ដាច់ការនាំចូលប្រេង និងឧស្ម័នបន្ថែមទៀតពីរុស្ស៊ី

អឺរ៉ុប៖ អឺរ៉ុបប្រឈមនឹងការអាក់ខានថ្មីៗក្នុងការផ្គត់ផ្គង់ថាមពល ដោយសារតែការខូចប្រព័ន្ធបង្ហូរប្រេងចេញពីប្រទេសកាហ្សាក់ស្ថានកាត់តាមប្រទេសរុស្ស៊ី ដែលត្រូវបានរាយការណ៍ដោយប្រតិបត្តិករបំពង់បង្ហូរប្រេងកាលពីថ្ងៃចន្ទ បន្ថែមពីលើក្ដីកង្វល់ជុំវិញការធ្លាក់ចុះបរិមាណផ្គត់ផ្គង់ឧស្ម័ន។ តាមការបញ្ជាក់របាយការណ៍របស់សារព័ត៌មាន Reuters បណ្ដាញកិច្ចសហប្រតិបត្តិការការពារអតិថិជនហៅកាត់ថា CPC ដែលគ្រប់គ្រងប្រហែល ១% នៃប្រេងពិភពលោក ហើយម្ចាស់ភាគហ៊ុនធំជាងគេគឺក្រុមហ៊ុនបំពង់បង្ហូរប្រេងរបស់រុស្ស៊ី Transneft បាននិយាយថា ការនាំចេញពីចំណតនាវាចំនួន ២ ក្នុងចំណោមទីតាំងទាំង ៣ របស់ខ្លួននៅឯស្ថានីយសមុទ្រខ្មៅត្រូវបានផ្អាក។ លោកខាងលិចបានចោទរុស្ស៊ីថា បានរឹតត្បិតការផ្គត់ផ្គង់ថាមពលដើម្បីដំឡើងថ្លៃ ជាការសងសឹកចំពោះការដាក់ទណ្ឌកម្ម ក្រោយការចូលវាយលុកប្រទេសអ៊ុយក្រែនរបស់រុស្ស៊ី ដែលវិមានក្រឹមឡាំងហៅថាជាប្រតិបត្តិការសឹកពិសេស។ រុស្ស៊ីបានទាត់ចោលការចោទប្រកាន់នេះ ដោយស្ដីបន្ទោសទណ្ឌកម្មលោកខាងលិចខ្លួនឯង និងបញ្ហាបច្ចេកទេសផ្សេងៗ។ការផ្គត់ផ្គង់ឧស្ម័នធម្មជាតិរបស់រុស្ស៊ីទៅកាន់អឺរ៉ុបបានធ្លាក់ចុះប្រមាណ ៧៥% នៅឆ្នាំនេះ ដោយការនាំចេញរបស់ក្រុមហ៊ុន Gazprom កាលពីសប្ដាហ៍មុនបានប្រកាសពីការត្រួតពិនិត្យដោយគ្មានគម្រោងលើបំពង់បង្ហូរប្រេង Nord Stream1 ដែលរត់កាត់ក្រោមបាតសមុទ្របាល់ទិកទៅកាន់ប្រទេសអាល្លឺម៉ង់។ តម្លៃឧស្ម័នធម្មជាតិបានហក់ឡើងខ្ពស់កាលពីថ្ងៃចន្ទ ដែលកង្វះថាមពលនេះបានបន្ថែមក្ដីកង្វល់មួយកម្រិតទៀតដល់ប្រទេសន័រវេស និងចក្រភពអង់គ្លេស៕អត្ថបទ៖ សុខមាន

អ៊ីរ៉ង់ស្តីបន្ទោសសហរដ្ឋអាមេរិកដែលចេះតែពន្យារពេលកិច្ចព្រមព្រៀងនុយក្លេអ៊ែរ

អ៊ីរ៉ង់៖ ប្រទេសអ៊ីរ៉ង់បានបញ្ជាក់ថា ខ្លួនមិនទាន់បានទទួលការឆ្លើយតបពីសហរដ្ឋអាមេរិកនៅឡើយទេ លើសំណើចុងក្រោយបំផុតរបស់ខ្លួនដើម្បីសា្ដរកិច្ចខិតខំប្រឹងប្រែងនុយក្លេអ៊ែរឆ្នាំ2015 ឡើងវិញ ដោយបានស្ដីបន្ទោសលើភាពអសកម្មរបស់ទីក្រុងវ៉ាស៊ីនតោន។ អ្នកនាំពាក្យក្រសួងការបរទេសអ៊ីរ៉ង់លោក Nasser Kanani បានប្រាប់ក្រុមអ្នកសារព័ត៌មានកាលពីថ្ងៃចន្ទថា បញ្ហានៅត្រង់ថា ភាគីសហរដ្ឋអាមេរិកកំពុងពន្យារពេលមិនព្រមឆ្លើយតប។ លោកថា យើងបានធ្វើការទាន់ពេលវេលា ហើយយើងតែងតែបង្ហាញថា យើងបានធ្វើប្រកបដោយការទទួលខុសត្រូវក្នុងការចរចានុយក្លេអ៊ែរនេះ។ កាលពីមួយសប្ដាហ៍មុនអ៊ីរ៉ង់បានដាក់ជូនចម្លើយរបស់ខ្លួន ទៅក្នុងអត្ថបទចុងក្រោយចេញផ្សាយដោយសហភាពអឺរ៉ុប បន្ទាប់ពីការចរចាជុំចុងក្រោយជាមួយភាគីពាក់ព័ន្ធដូចជា ចិន បារាំង អាល្លឺម៉ង់ រុស្ស៊ី និងសហរដ្ឋអាមេរិកនៅក្នុងទីក្រុងវីយ៉ែន ប្រទេសអូទ្រីស។ចំណែកភាគីសហរដ្ឋអាមេរិកវិញនិយាយថា ខ្លួនកំពុងត្រួតពិនិត្យអត្ថបទនោះឡើយវិញ និងកំពុងធ្វើការជាមួយសម្ព័ន្ធមិត្ត។ កាលពីថ្ងៃចន្ទ ប្រធានគោលនយោបាយការបរទេសរបស់សហភាពអឺរ៉ុបលោក Josep Borrell បាននិយាយថា ការឆ្លើយតបរបស់អ៊ីរ៉ង់ចំពោះសំណើសហភាពអឺរ៉ុបសមហេតុផល៕អត្ថបទ៖ សុខមាន

លោក Trump ប្ដឹងក្រសួងយុត្តិធម៌ក្នុងករណីទីភ្នាក់ងារ FBI ចូលឆែកឆេរលំនៅឋានរបស់លោក

សហរដ្ឋអាមេរិក៖ អតីតប្រធានាធិបតីសហរដ្ឋអាមេរិកលោក Donald Trump បានស្នើតុលាការឲ្យបញ្ឈប់ការស៊ើបអង្កេតរបស់ក្រសួងយុត្តិធម៌ លើករណីរឹបអូសឯកសារចេញពីលំនៅឋានរបស់លោក ក្នុងការចូលឆែកឆេររបស់ទីភ្នាក់ងារ FBI។ នៅក្នុងពាក្យបណ្ដឹង ក្រុមការងារច្បាប់បានស្នើថា មេធាវីឯករាជ្យមួយរូបនឹងត្រូវតែងតាំងដើម្បីត្រួតពិនិត្យឯកសារ ដែលទីភ្នាក់ងារនេះបានយកចេញពីរមណីយដ្ឋាន Mar-a-Lago ក្នុងរដ្ឋ Florida នៅខែនេះ។ យោងតាមទីភ្នាក់ងារ FBI ឯកសារដែលត្រូវបានផ្អៀងផ្ទាត់ចំនួន ១១ឈុតត្រូវបានយកចេញពីលំនៅឋានរបស់លោក Trump កាលពីថ្ងៃទី៨ ខែសីហា។ លោក Trump កំពុងត្រូវបានស៊ើបអង្កេតពីបទគ្រប់គ្រងឯកសារមិនបានល្អ។ កាលពីថ្ងៃចន្ទ មេធាវីរបស់លោកបានស្នើសុំឲ្យមេធាវីភាគីទី៣ ដែលត្រូវបានគេស្គាល់ថាជាមេធាវីពិសេសមួយ ត្រូវបានតែងតាំងដើម្បីកំណត់ថា តើឯកសារដែលរឹបអូសត្រូវបានគ្របដណ្តប់ដោយសិទ្ធិប្រតិបត្តិពិសេស ដែលអនុញ្ញាតឱ្យប្រធានាធិបតីរារាំងការទំនាក់ទំនងមួយចំនួនពីការចេញផ្សាយជាសាធារណៈ ឬយ៉ាងណា។មេធាវីពិសេស ជាធម្មតាត្រូវបានតែងតាំងក្នុងករណីបទឧក្រិដ្ឋកម្មនានា ជាទីដែលមានក្ដីបារម្ភថា ភស្តុតាងមួយចំនួនអាចត្រូវបានការពារក្រោមសិទ្ធិពិសេសរបស់មេធាវីកូនក្ដី ឬការការពារផ្សេងទៀត ដែលអាចធ្វើឲ្យវាក្លាយជារឿងមិនអាចទទួលយកបាននៅក្នុងតុលាការ។ អ្នកនាំពាក្យក្រសួងយុត្តិធម៌លោក Anthony Coley បាននិយាយថា ក្រសួងយុត្តិធម៌បាននិយាយនៅក្នុងសេចក្ដីថ្លែងការណ៍ថា ក្រុមរដ្ឋអាជ្ញាបានដឹងពីពាក្យបណ្ដឹងរបស់លោក Trump ហើយនឹងឆ្លើយតបនៅក្នុងតុលាការ។ ដីកាឆែកឆេរនៅលំនៅឋាន Mar-a-Lago ត្រូវបានអនុញ្ញាតដោយតុលាការសហព័ន្ធ ក្នុងការស្វែងរកឲ្យឃើញពីមូលហេតុ៕អត្ថបទ៖ សុខមាន

សម្តេចតេជោ ហ៊ុន សែន៖ ការសិក្សាភាសាវៀតណាមមិនស្លាប់ទេមានតែចំណេញដល់ប្រជាជនកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា ការដែលក្រសួងអប់រំកម្ពុជា សម្រេចបង្កើតឲ្យមានការរៀនភាសាវៀតណាម នៅក្នុង សាកលវិទ្យាល័យភូមិន្ទភ្នំពេញ គឺមិនខុសនោះទេ ខណៈឲ្យមានការរៀនភាសាវៀតណាមនេះគឺមានតែចំណេញដល់ប្រជាពលរដ្ឋកម្ពុជា ក្នុងការយល់ដឹងបន្ថែម និងផ្តល់ភាពងាយស្រួលក្នុងការទំនាក់ទំនងរកស៊ីជាមួយភាគីវៀតណាម។ ការលើកឡើងរបស់សម្តេចបែបនេះគឺបានធ្វើឡើងបន្ទាប់ពីមានការរិះគន់ពីជនជ្រុលនិយមមួយក្តាប់តូច ដែលបានប្រឆាំង និងទិទានបន្ទាប់ពីក្រសួងអប់រំកម្ពុជាប្រកាសគ្រោងដាក់ឲ្យមានការរៀននូវភាសាវៀតណាម នៅក្នុងសាលាភូមិន្ទភ្នំពេញកាលពីកន្លងទៅថ្មីៗនេះ។ថ្លែងនៅក្នុងឱកាសអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុបប្រមាណ ៣,០៧៥នាក់នៅព្រឹកថ្ងៃទី២៣ ខែសីហា ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថា ក្នុងដេប៉ាតឺម៉ង់ សម្រាប់កម្មវិធីសិក្សានៅក្នុងសាកលវិទ្យាល័យភូមិន្ទភ្នំពេញនោះ គឺមិនមែនតែភាសាវៀតណាមនោះទេ គឺមានភាសាបរទេសជាច្រើនទៀត ហើយការសម្រេចដាក់ភាសាវៀតណាម បន្ថែមទៀតនោះគឺវាកាន់តែផ្តល់ភាពងាយស្រួលដល់សិស្សនិស្សិត មន្រ្តីរាជការដែលជាប់អាហារូបករណ៍ទៅសិក្សានូវប្រទេសវៀតណាម និងផ្តល់ភាពងាយស្រួលក្នុងការទំនាក់ទំនងជាមួយភាគីវៀតណាមក្នុងគោលបំណងអ្វីមួយជាដើមនោះ។សូមបញ្ជាក់ថា ការគ្រោងបើកដេប៉ាតឺម៉ង់សិក្សាភាសាវៀតណាម នៅសាកលវិទ្យាល័យភូមិន្ទភ្នំពេញ បានក្លាយជាប្រធានបទក្ដៅដែលមានជជែកពិភាក្សាច្រើន ដោយមានប្រជាពលរដ្ឋមួយចំនួនមានការព្រួយបារម្ភដោយគិតថា មានការតម្រូវឱ្យសិស្សគ្រប់រូបនៅសាកលវិទ្យាល័យភូមិន្ទភ្នំពេញ ត្រូវសិក្សាភាសាវៀតណាម ហើយក៏មានអ្នកខ្លះបារម្ភពីឥទ្ធិពល វៀតណាមមកលើកម្ពុជាផងដែរ។ ប៉ុន្តែទោះបីជាយ៉ាងណាក៏ដោយសម្តេចតេជោ ហ៊ុន សែន ការសិក្សាភាសាវៀតណាមគឺមិនមែនសម្រាប់សិស្សទូទៅនោះទេ ខណៈការបើកការសិក្សាវៀតណាមនេះ គឺសម្រាប់ក្រុមនិស្សិតជាក់លាក់ ដែលមានតម្រូវការចង់រៀនភាសាវៀតណាម សម្រាប់បម្រើការងារក្នុងក្រុមហ៊ុនវៀតណាម និងជាពិសេសសម្រាប់សិស្សជាប់អាហារូបករណ៍ ដែលត្រូវទៅសិក្សានៅប្រទេសវៀតណាមផងដែរ៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសអញ្ជើញប្រគល់សញ្ញាបត្រ ជូននិស្សិតជយលាភីសាកលវិទ្យាល័យអាស៊ី-អឺរ៉ុប

ភ្នំពេញ៖ នៅព្រឹកថ្ងៃទី២៣ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុប ប្រមាណ ៣,០៧៥នាក់។ខាងក្រោមនេះជាប្រសាសន៍សំខាន់ៗរបស់សម្ដេចតេជោ នាយករដ្ឋមន្ត្រី៖- សម្តេចតេជោ ហ៊ុន សែន ប្រកាសពីកិច្ចខិតខំប្រឹងប្រែងរបស់ក្រសួងអប់រំយុវជន និងកីឡា ដែលជាវិស័យអទិភាព ក្នុងការអភិវឌ្ឍន៍ធនធានមនុស្ស ជាពិសេស ពង្រឹងកិច្ចខិតខំប្រឹងប្រែងបណ្តុះបណ្តាលតាមគន្លងថ្មី ក្នុងពេលវិបត្តិ នៃជំងឺកូវីដ-១៩។- សម្តេចតេជោ ហ៊ុន សែន បញ្ជាក់ថា ការប្រយុទ្ធប្រឆាំងជំងឺកូវីដ-១៩ មិនត្រឹមតែជាក្រុមជួរមុខរួមមាន៖ ក្រុមគ្រូពេទ្យ និងផ្នែកផ្សេងៗឡើយ ការរួមគ្នាទៅទទួលយកវ៉ាក់សាំងកូវីដ-១៩ និងការប្រឹងប្រែងគោរពវិធានការសុខាភិបាល និងវិធានការ ៣ការពារ និង៣កុំ ក៏ត្រូវរាប់បញ្ចូលក្នុងការប្រយុទ្ធប្រឆាំងកូវីដ-១៩ផងដែរ។- សម្តេចតេជោ ហ៊ុន សែន បញ្ជាក់ថា កម្ពុជាបានទទួលជោគជ័យយ៉ាងត្រចះត្រចង់ ក្នុងការប្រយុទ្ធប្រឆាំងការឆ្លងរីករាលដាលជំងឺកូវីដ-១៩ ទោះមិនទាំងស្រុងក៏ដោយ តែយើងអាចគ្រប់គ្រងបានក្នុងកម្រិតមួយយ៉ាងគាប់ប្រសើរ។- សម្តេចតេជោ ហ៊ុន សែន បញ្ជាក់ថា កម្ពុជាមិនមានករណីស្លាប់ថ្មីដោយសារជំងឺកូវីដ-១៩ រយៈពេលជាង៤ខែមកហើយ រាប់តាំងពីខែមេសា ឆ្នាំ២០២២ មកដល់ថ្ងៃទី២៣ ខែសីហា ឆ្នាំ២០២២នេះ។- សម្តេចតេជោ ហ៊ុន សែន ជំរុញឱ្យគិតគូរដល់សុខុមាលភាពប្រជាជន និងសុខភាពសាធារណៈ ជាអទិភាពខ្ពស់បំផុត ដោយប្រកាន់ខ្ជាប់ជានិច្ចនូវស្មារតីជួយគ្នាទៅវិញទៅមក និងពង្រឹងកិច្ចសហប្រតិបត្តិការលើគ្រប់វិស័យ ក្នុងពេលវិបត្តិកូវីដ-១៩។- សម្តេចតេជោ ហ៊ុន សែន បញ្ជាក់ថា កូវីដ-១៩ មិនទាន់ទៅណាឆ្ងាយពីយើងឡើយ ដោយកម្ពុជាត្រូវបន្តយកចិត្តទុកដាក់ខ្ពស់ លើករណីនេះជាចាំបាច់ ដោយស្មារតីបុរេសកម្ម និងប្រុងប្រយ័ត្នខ្ពស់ ជាពិសេសការបន្ត និងពន្លឿនដំណើរការចាក់វ៉ាក់សាំងកូវីដ-១៩ ដល់ប្រជាជនគ្រប់រូប។- សម្តេចតេជោ ហ៊ុន សែន ប្រកាសពីការបានផ្តល់គុណតម្លៃខ្ពស់បំផុត លើការងារចាក់វ៉ាក់សាំង ដើម្បីលុបបំបាត់ជំងឺកូវីដ-១៩ និងការពារអាយុជីវិតរបស់ប្រជាពលរដ្ឋកម្ពុជាគ្រប់រូប។- សម្តេចតេជោ ហ៊ុន សែន បានរំលឹកពីអតីតកាលដ៏លំបាក នៃការចាប់ផ្តើមវិស័យអប់រំ សិក្សាធិការជាថ្មី ក្រោយរំដោះរបបប្រល័យពូជសាសន៍ ប៉ុល ពត ឆ្នាំ១៩៧៩ ដែលកាលណោះ គ្រូ ឬសាស្រ្តាចារ្យ មានកម្រិតចំណេះដឹងលើសសិស្សតែបន្តិចបន្តួចប៉ុណ្ណោះ (អ្នកចេះច្រើនបង្រៀនអ្នកចេះតិច, អ្នកចេះតិចបង្រៀនអ្នកមិនចេះ) ហើយស្ថានភាពនេះ បានប្រែប្រួលជាបន្តបន្ទាប់ តាមរយៈកិច្ចខិតខំប្រឹងប្រែងរបស់រាជរដ្ឋាភិបាល។- សម្តេចតេជោ ហ៊ុន សែន បញ្ជាក់ថា រាជរដ្ឋាភិបាល តាមរយៈក្រសួងអប់រំ យុវជន និងកីឡា បានពង្រាយសាលារៀនទៅគ្រប់និគមន៍ តាមល្បាយនៃការរស់នៅរបស់ប្រជាពលរដ្ឋ ចាប់តាំងពីកម្រិតបឋម អនុវិទ្យាល័យ វិទ្យាល័យ និងសាកលវិទ្យាល័យ។ សម្តេចបញ្ជាក់ថា «ពីមុនមនុស្សរត់រកសាលា តែពេលនេះសាលារត់រកមនុស្សវិញ»។- សម្តេចតេជោ ហ៊ុន សែន បញ្ជាក់ថា នៅឆ្នាំ២០២៣ខាងមុខនេះ មន្ត្រីរាជការស៊ីវិល កងកម្លាំងប្រដាប់អាវុធគ្រប់ប្រភេទ និងនិវត្តជន សុទ្ធតែទទួលបានការដំឡើងប្រាក់បៀវត្សរ៍ទាំងអស់ ដើម្បីជំរុញ និងបង្កើនល្បឿន នៃកម្រិតជីវភាពរបស់ពួកគាត់។-សម្តេចតេជោ ហ៊ុន សែន បានប្រកាសឱ្យសិស្ស, និស្សិត ប្រឹងប្រែងរៀនសូត្រឱ្យបានល្អ ខណៈដែលរាជរដ្ឋាភិបាលបានផ្តល់ឱកាស និងលើកទឹកចិត្តយ៉ាងខ្លាំងចំពោះវិស័យសនេះ។ សម្តេចតេជោ ហ៊ុន សែន បញ្ជាក់ថា «[..]ពេលនេះបើសិស្សរៀនមិនចេះ ឬមិនកើត កុំបន្ទោសគ្រូ»។- សម្តេចតេជោ ហ៊ុន សែន ប្រកាសគាំទ្រដល់ការទស្សន៍ទាយមួយថា សម្តេចតេជោ នឹងបាត់បង់អំណាចនាពេលខាងមុខ ដែលត្រង់ចំណុចនេះសម្តេចបញ្ជាក់ថា «គ្មាននរណា កាន់អំណាចរហូតដល់ស្លាប់នោះទេ តែអំណាចនេះគ្មានធ្លាក់លើនរណា ក្រៅពីមនុស្សរបស់គណបក្សប្រជាជនកម្ពុជានោះឡើយ...!»។- សម្តេចតេជោ ហ៊ុន សែន ប្រកាសពីខកចិត្តយ៉ាងខ្លាំងក្នុងជួយដល់ សាន្ត ប៊ុនធឿន ដែលមិនកែចរិតអាក្រក់របស់ខ្លួន ហើយតែងភ្ជាប់បញ្ហារបស់ខ្លួនមកលើសម្តេច និងក្រុមគ្រួសារ នាំឱ្យមានការភាន់ច្រលំក្នុងចំណោមមតិសាធារណៈជាតិ។- សម្តេចតេជោ ហ៊ុន សែន ប្រកាសកុំឱ្យមានការភាន់ច្រលំលើការបង្កើតដេប៉ាតឺម៉ង់ភាសាវៀតណាម នៅសាកលវិទ្យាល័យភូមិន្ទភ្នំពេញ ព្រោះនៅសាកលវិទ្យាល័យនេះមានដេប៉ាតឺម៉ង់ភាសាបរទេសច្រើនណាស់មានទាំង អង់គ្លេស, បារាំង ជប៉ុន ចិន កូរ៉េ....[...] ដែលសកម្មភាពទាំងនេះ មានប្រយោជន៍ចំពោះនិស្សិតកម្ពុជា និងការផ្លាស់ប្តូរកម្មវិធីសិក្សា ព្រមទាំងធុរកិច្ច។- សម្តេចតេជោ ហ៊ុន សែន បានប្រតិកម្ម និងសោកស្តាយជាខ្លាំងដល់ក្រុមវិភាគមួយចំនួន ដែលបានវិភាគបែបអវិជ្ជមាន និងអគតិ លើ ហ៊ុន ម៉ាណែត ក្នុងដំណើរទស្សនកិច្ចទៅកាន់ប្រទេសវៀតណាមកាលពីពេលថ្មីៗនេះ ដោយសម្តេចបញ្ជាក់ថា ហ៊ុន ម៉ាណែត ទៅទស្សនកិច្ចនៅវៀតណាម តិចជាងនៅជប៉ុន និងសិង្ហបុរីទៅទៀត។- សម្តេចតេជោ ហ៊ុន សែន បញ្ជាក់ថា អ្នកវិភាគអាចយករឿង ហ៊ុន ម៉ាណែត ទស្សនកិច្ចនៅជប៉ុនកាលពីដើមឆ្នាំ២០២២មកវិភាគបានត្រឹមត្រូវ ព្រោះកម្រិតទទួល និងជំនួប មានចំនួនច្រើន ហើយកម្រិតខ្ពស់ទៀតផង។ សម្តេចបញ្ជាក់ថា ហ៊ុន ម៉ាណែត ត្រូវបាននាយករដ្ឋមន្ត្រីជប៉ុន ៣រូបហើយអញ្ជើញទៅទស្សនកិច្ច ក្នុងនោះ ហាតូយ៉ាម៉ា ឆ្នាំ២០១១ ,ស៊ីនហ្សូ អាបេ ឆ្នាំ២០១៨ និង គីស៊ីដា ឆ្នាំ២០២២នេះ។- សម្តេចតេជោ ហ៊ុន សែន បានប្រកាសពីនយោបាយជ្រុលនិយមរបស់ក្រុមមួយចំនួន និងអ្នកវិភាគខ្លះ លើទំនាក់ទំនងកម្ពុជា-វៀតណាម និងបញ្ហាទឹកដី ដែលបានបាត់បង់ទៅលើប្រទេសវៀតណាមពីអតីតកាល ដែលសម្តេចតេជោ ហ៊ុន សែន បានហៅថា ជាកម្រិតវិភាគដ៏អន់មួយ មិនស្តែងឱ្យឃើញពីស្ថានភាពជាក់ស្តែង នៃកម្ពុជា។- សម្តេចតេជោ ហ៊ុន សែន បានប្រកាសថា កម្ពុជាមិនត្រូវការការគាំទ្របេក្ខភាពនាយករដ្ឋមន្ត្រីពីប្រទេសណាទាំងអស់ មិនថាតែវៀតពណាមនោះទេ។ បេក្ខភាពនាយករដ្ឋមន្ត្រីសម្រាប់គណបក្សប្រជាជនកម្ពុជា ត្រូវតែងតាំង និងគាំទ្រដោយគណបក្ស ហើយការបោះឆ្នោតជាតិ ក៏ត្រូវបានកម្ពុជាធ្វើឡើងជាទៀតទាត់។- សម្តេចតេជោ ហ៊ុន សែន បានប្រកាសដោយចោទជាសំនួរថា «តើមានម៉ែឪណាមិនចង់ឱ្យកូនធ្វើធំ...[..] ខ្ញុំមិនបណ្តុះបណ្តាលកូនឱ្យធ្វើជាមេចោរនោះទេ»។- សម្តេចតេជោ ហ៊ុន សែន បានប្រកាសផ្តាំផ្ញើដល់អ្នកវិភាគក្រៅស្រុកក្បាលទំពេក ពុកមាត់ស្រម៉ូមម្នាក់ ដែលនិយាយថា បើហ៊ុន ម៉ាណែត ចង់ធ្វើនាយករដ្ឋមន្ត្រី ត្រូវតែធ្វើឱ្យខុសពីឪ(សម្តេចតេជោ ហ៊ុន សែន ) ដែលត្រង់ចំណុចនេះសម្តេចបញ្ជាក់ថា «បើធ្វើខុសពីឪ គឺមានន័យថាខុសពីគោលការណ៍គណបក្សប្រជាជនកម្ពុជាហើយ»។- សម្តេចតេជោ ហ៊ុន សែន ប្រកាសយកបញ្ហាស្ត្រីលង្ការជាបទពិសោធន៍ នៃការចំណាយរបស់រដ្ឋ ខណៈដែលនៅស្ត្រីលង្ការមានមន្ត្រីរដ្ឋការ និងបុគ្គលិក ជាង១លាន៨សែននាក់ ដែលរដ្ឋត្រូវរដ្ឋទទួលបន្ទុកចិញ្ចឹម ខណៈដែលនៅកម្ពុជាមានត្រឹមតែជាង ៤០ម៉ឺននាក់ប៉ុណ្ណោះ។ សម្តេចបញ្ជាក់ថា ដើម្បីស្ថិរភាពហិរញ្ញវត្ថុ រដ្ឋត្រូវចំណាយត្រឹមតែ៤ភាគរយប៉ុណ្ណោះ នៃផលិតផលក្នុងស្រុកសរុប(GDP)។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង២២នាទី។

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យអាស៊ី-អឺរ៉ុប ជាង៣០០០នាក់

ភ្នំពេញ៖ នៅព្រឹកថ្ងៃទី២៣ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុបប្រមាណ ៣,០៧៥នាក់។ និស្សិតដែលទទួលសញ្ញាបត្រនៅថ្ងៃព្រឹកនេះ រួមមាន៖ ថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ដែលបញ្ចប់ការសិក្សាក្នុងឆ្នាំសិក្សា២០១៩-២០២០ និងឆ្នាំសិក្សា២០២០-២០២១។ ក្នុងនោះមាននិស្សិតអាហារូបករណ៍របស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ៦៦នាក់៕

សម្ដេចតេជោលើកទឹកចិត្តឱ្យមានការបើកសាកលវិទ្យាល័យរបស់អង់គ្លេសនៅប្រទេសកម្ពុជា

ភ្នំពេញ ៖សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍លើកទឹកចិត្តឱ្យចក្រភពអង់គ្លេសបើកសាលាជាពិសេសចង់ឱ្យបើកសាកលវិទ្យាល័យនៅប្រទេសកម្ពុជាព្រោះថាសម្តេចបានសង្កេតឃើញមាននិស្សិតកម្ពុជាមានចំណាប់អារម្មណ៍ទៅបន្តការសិក្សានៅអង់គ្លេសជាច្រើន។សម្តេចតេជោប្រមុខរាជរដ្ឋាភិបាលបានលើកឡើងយ៉ាងដូច្នេះក្នុងពេលអនុញ្ញាតឱ្យលោកជំទាវ ទីណា រិដស(Tina redshaw)ឯកអគ្គរាជទូតចក្រភពអង់គ្លេសប្រចាំកម្ពុជា ចូលជួបសំដែងការគួរសមនិងជម្រាបលា ខណៈលោកជំទាវបានបញ្ចប់អាណត្តិបេសកកម្មការទូតនៅកម្ពុជា។នៅក្នុងជំនួបសំដែងការគួរសម និងជំរាបលា លោកជំទាវបានគោរពថ្លែងអំណរគុណយ៉ាងជ្រាលជ្រៅជូន ចំពោះសម្ដេចតេជោ ចំពោះមន្ត្រីរាជការទាំងអស់និងជូនចំពោះប្រជាជនកម្ពុជាដែលផ្ដល់នូវកិច្ចសហប្រតិបត្តិការយ៉ាងល្អធ្វើអោយបេសកកម្មរបស់លោកជំទាវនៅកម្ពុជាបានដំណើរការបានល្អប្រកបដោយអត្ថន័យនិងនាំទៅដល់ការលើកកម្ពស់ទំនាក់ទំនងនិងកិច្ចសហប្រតិបត្តិការជាច្រើនវិស័យរួមមានទាំងវិស័យអប់រំ បរិស្ថាន សេដ្ឋកិច្ច ពាណិជ្ជកម្ម សុខាភិបាលនិងវិស័យដោះមីនជាដើម។លោកជំទាវបានគោរពជម្រាបជូនសម្ដេចតេជោថា លោកជំទាវមានសុទិដ្ឋិនិយមដែលប្រទេសកម្ពុជានឹងទទួលបាននៅថ្ងៃអនាគតនូវការអភិវឌ្ឍដោយចីរភាព។ជាការឆ្លើយតប សម្ដេចបានថ្លែងអំណរគុណជូនចំពោះលោកជំទាវទីណា ដែលបានប្រឹងប្រែងអស់ពីកម្លាំងកាយចិត្តបំពេញបេសកកម្មរបស់លោកជំទាវ លើកកម្ពស់ទំនាក់ទំនងនិងកិច្ចសហប្រតិបត្តិការរវាងព្រះរាជាណាចក្រកម្ពុជានិងចក្រភពអង់គ្លេស។សម្តេចតេជោបាន ថ្លែងអំណរគុណផងដែរ ដល់ប្រជាជននិងរដ្ឋាភិបាលចក្រភពអង់គ្លេស ដែលកន្លងមក តែងតែផ្ដល់ជំនួយដល់កម្ពុជាចូលរួមចំណែកទាំងការស្វែងរកសន្តិភាពនិងការអភិវឌ្ឍកម្ពុជា។ សម្ដេចបានជម្រាបជូនលោកជំទាវទីណាថា៖សម្ដេចបានសង្កេតឃើញនូវចរន្តដែលនិស្សិតកម្ពុជាកំពុងតែពេញនិយមទៅបន្តការសិក្សា នៅចក្រភពអង់គ្លេស។ក្នុងន័យនេះ សម្ដេចបានលើកទឹកចិត្តឱ្យមានការបើកសាលារបស់អង់គ្លេសនៅប្រទេសកម្ពុជា ជាពិសេសជំរុញឱ្យមានសកលវិទ្យាល័យចក្រភពអង់គ្លេសនៅក្នុងប្រទេសកម្ពុជា។ជាទីបញ្ចប់សម្ដេចបានជូនពរអោយលោកជំទាវទីណា រិដស ទទួលបានជោគជ័យជាបន្តបន្ទាប់ទៀតក្នុងបេសកកម្មរបស់លោកជំទាវទៅថ្ងៃអនាគត៕

បណ្ដាញសង្គម

ព័ត៌មានថ្មីៗ

បម្រែបម្រួលអាកាសធាតុធ្វើឲ្យប៉ះពាល់ដល់កសិករចិញ្ចឹមឃ្មុំនៅកូរ៉េខាងត្បូង

EU និង UNICEF បញ្ជូនគ្រឿងផ្គត់ផ្គង់សង្រ្គោះជំងឺអេបូឡាទៅកាន់កុងហ្គោ ខណៈផ្ទុះការរីករាលដាលឆ្លង

មន្ត្រីជាន់ខ្ពស់ការបរទេស៖កម្ពុជាបានជ្រើសរើសអ្នកផ្សះផ្សាពីររូបរួចហើយ ខណៈភាគីថៃមានពេល២១ថ្ងៃ ដើម្បីជ្រើសរើសអ្នកផ្សះផ្សាពីររូបដែរ

កម្ពុជាធ្វើជាម្ចាស់ផ្ទះសិក្ខាសាលាស្តីពី ការបង្កើតកិច្ចសហប្រតិបត្តិការស្ថាប័នប្រវត្តិសាស្ត្រយោធាអាស៊ាន(AMHIC)”

មានអ្នកស្លាប់ច្រើននាក់ ក្នុងហេតុការណ៍ធ្លាក់យន្តហោះនៅតំបន់ Istria របស់ក្រូអាត

ឆ្មាំបដិវត្តន៍អ៊ីរ៉ង់អំពាវនាវឲ្យអ៊ីស្រាអែលដកទ័ពទៅកាន់ទីតាំងមុនសង្គ្រាម នៅលីបង់

ប្រទេស ១១ នៅអឺរ៉ុប អំពាវនាវឲ្យ EU មានច្បាប់ទិដ្ឋាការកាន់តែតឹងរ៉ឹង សម្រាប់ជនជាតិរុស្ស៊ី

អ៊ីស្រាអែលឃុំខ្លួនក្រុមបាតុករជ្វីហ្វជ្រុលនិយម បន្ទាប់ពីបានវាយប្រហារលំនៅឋានរបស់ចៅក្រម

បទឈប់បាញ់នៅលីបង់ បង្កើនក្តីសង្ឃឹមពីការមានវឌ្ឍនភាព សម្រាប់កិច្ចព្រមព្រៀងអ៊ីរ៉ង់

អាកាសធាតុអាក្រក់បែងចែកអ៊ីតាលីដោយព្យុះកួចកើតមាននៅទីក្រុងរ៉ូមហើយអាកាសធាតុក្តៅវាយប្រហារកោះ Sicily

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អតីតនាយករដ្ឋមន្ត្រីម៉ាឡេស៊ី Najib Razak ជាប់ពន្ធនាគារ១២ឆ្នាំ ក្រោយចាញ់បណ្ដឹងឧទ្ធរណ៍1MDB

ពលរដ្ឋហៃទីធ្វើបាតុកម្មទាមទារឲ្យបណ្ដេញនាយករដ្ឋមន្ត្រីចេញពីតំណែង

ចំនួនអ្នកស្លាប់ក្នុងការវាយប្រហារនៅអន្តេវាសិកដ្ឋានទីក្រុង Kharkiv កើនឡើងដល់ ២៥នាក់

អឺរ៉ុបប្រឈមនឹងការកាត់ផ្ដាច់ការនាំចូលប្រេង និងឧស្ម័នបន្ថែមទៀតពីរុស្ស៊ី

អ៊ីរ៉ង់ស្តីបន្ទោសសហរដ្ឋអាមេរិកដែលចេះតែពន្យារពេលកិច្ចព្រមព្រៀងនុយក្លេអ៊ែរ

លោក Trump ប្ដឹងក្រសួងយុត្តិធម៌ក្នុងករណីទីភ្នាក់ងារ FBI ចូលឆែកឆេរលំនៅឋានរបស់លោក

សម្តេចតេជោ ហ៊ុន សែន៖ ការសិក្សាភាសាវៀតណាមមិនស្លាប់ទេមានតែចំណេញដល់ប្រជាជនកម្ពុជា

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យអាស៊ី-អឺរ៉ុប ជាង៣០០០នាក់

សម្ដេចតេជោលើកទឹកចិត្តឱ្យមានការបើកសាកលវិទ្យាល័យរបស់អង់គ្លេសនៅប្រទេសកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អតីត​នាយករដ្ឋមន្ត្រី​ម៉ាឡេស៊ី Najib Razak ជាប់ពន្ធនាគារ​១២​ឆ្នាំ ក្រោយ​ចាញ់​បណ្ដឹង​ឧទ្ធរណ៍​1MDB

ពលរដ្ឋ​ហៃ​ទី​ធ្វើបាតុកម្ម​ទាមទារ​ឲ្យ​បណ្ដេញ​នាយករដ្ឋមន្ត្រីចេញ​ពីតំណែង

ចំនួន​អ្នកស្លាប់​ក្នុងការ​វាយប្រហារ​នៅ​អន្តេវាសិកដ្ឋាន​ទីក្រុង ​Kharkiv កើនឡើង​ដល់ ២៥​នាក់​

អឺរ៉ុប​ប្រឈម​នឹង​ការ​កាត់​ផ្ដាច់ការ​នាំចូល​ប្រេង និង​ឧស្ម័ន​បន្ថែម​ទៀត​ពីរុស្ស៊ី​

អ៊ីរ៉ង់ស្តីបន្ទោស​សហរដ្ឋអាមេរិកដែល​ចេះតែ​ពន្យារពេល​កិច្ចព្រមព្រៀង​នុយក្លេអ៊ែរ​

លោក Trump ប្ដឹង​ក្រសួងយុត្តិធម៌​ក្នុងករណី​ទីភ្នាក់ងារ FBI ចូល​ឆែកឆេរ​លំនៅឋាន​របស់​លោក​

សម្តេចតេជោ ហ៊ុន សែន៖ ​ការ​សិក្សា​ភាសា​វៀតណាម​មិន​ស្លាប់​ទេ​មាន​តែ​ចំណេញ​ដល់​ប្រជាជន​កម្ពុជា

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យអាស៊ី-អឺរ៉ុប ជាង៣០០០នាក់

សម្ដេចតេជោលើកទឹកចិត្តឱ្យមានការបើកសាកលវិទ្យាល័យរបស់អង់គ្លេសនៅប្រទេសកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អតីតនាយករដ្ឋមន្ត្រីម៉ាឡេស៊ី Najib Razak ជាប់ពន្ធនាគារ១២ឆ្នាំ ក្រោយចាញ់បណ្ដឹងឧទ្ធរណ៍1MDB

ពលរដ្ឋហៃទីធ្វើបាតុកម្មទាមទារឲ្យបណ្ដេញនាយករដ្ឋមន្ត្រីចេញពីតំណែង

ចំនួនអ្នកស្លាប់ក្នុងការវាយប្រហារនៅអន្តេវាសិកដ្ឋានទីក្រុង Kharkiv កើនឡើងដល់ ២៥នាក់

អឺរ៉ុបប្រឈមនឹងការកាត់ផ្ដាច់ការនាំចូលប្រេង និងឧស្ម័នបន្ថែមទៀតពីរុស្ស៊ី

អ៊ីរ៉ង់ស្តីបន្ទោសសហរដ្ឋអាមេរិកដែលចេះតែពន្យារពេលកិច្ចព្រមព្រៀងនុយក្លេអ៊ែរ

លោក Trump ប្ដឹងក្រសួងយុត្តិធម៌ក្នុងករណីទីភ្នាក់ងារ FBI ចូលឆែកឆេរលំនៅឋានរបស់លោក

សម្តេចតេជោ ហ៊ុន សែន៖ ការសិក្សាភាសាវៀតណាមមិនស្លាប់ទេមានតែចំណេញដល់ប្រជាជនកម្ពុជា