BTV NEWS

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

សម្ដេចតេជោ ហ៊ុន សែន កោតសរសើរថ្នាក់ដឹកនាំខេត្តកំពង់ធំដែលបានយកចិត្តទុកដាក់គ្រប់គ្រងអតីតយុទ្ធជន និងគ្រួសារយុទ្ធជនពលី បានយ៉ាងល្អ

ព័ត៌មានសំខាន់ៗ

រដ្ឋមន្ត្រីការពារជាតិនិយាយថា រុស្ស៊ីបានប្រើមីស៊ីលល្បឿនលឿនជាងសំឡេងនៅអ៊ុយក្រែន ៣លើក

រុស្ស៊ី៖ រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយនៅក្នុងបទសម្ភាសន៍មួយកាលពីថ្ងៃអាទិត្យថា រុស្ស៊ីបានប្រើប្រាស់ប្រព័ន្ធមីស៊ីលល្បឿនលឿនជាងសំឡេង Kinzhal ចំនួន ៣លើកនៅក្នុងប្រទេសអ៊ុយក្រែនដើម្បីវាយប្រហារគោលដៅសំខាន់ៗ។ លោក Shoigu បាននិយាយថា វាត្រូវបានប្រើប្រាស់ដោយទាហារុស្ស៊ី ៣លើកក្នុងអំឡុងប្រតិបត្តិការសឹកពិសេសនៅអ៊ុយក្រែន ហើយការប្រើប្រាស់ ៣លើកនេះបានបង្ហាញពីលក្ខណៈដ៏អស្ចារ្យរបស់វា។ រុស្ស៊ីអះអាងថា ប្រព័ន្ធមីស៊ីលល្បឿនលឿនជាងសំឡេង ១០ដងមានរយៈចម្ងាយ ២,០០០គីឡូម៉ែត្រ ហើយអាចធ្វើសមយុទ្ធក្នុងអំឡុងពេលហោះ ដើម្បីគេចពីការចាប់ដោយរ៉ាដា និងប្រព័ន្ធការពារដែនអាកាស។ មីស៊ីល Kinzhal ត្រូវបានបង្ហាញដោយប្រធានាធិបតី លោក វ្ល៉ាឌីមៀ ពូទីន ក្នុងឆ្នាំ2018 រួមជាមួយអាវុធជាច្រើនប្រភេទ ដែលមានបំណងដាក់រុស្ស៊ីជាមួយគូប្រជែងភូមិសាស្ត្រនយោបាយរបស់ខ្លួនគឺសហរដ្ឋអាមេរិក។យោធារុស្ស៊ីបាននិយាយកាលពីថ្ងៃអាទិត្យថា ឃ្លាំងផ្ទុកគ្រាប់រំសេវមួយកន្លែងក្នុងប្រទេសអ៊ុយក្រែន ដែលរក្សាទុកមីស៊ីលសម្រាប់ប្រព័ន្ធកាំភ្លើងធំបាញ់រ៉ុក្កែតចល័តសមត្ថភាពខ្ពស់របស់សហរដ្ឋអាមេរិក (HIMARS) ប្រើប្រាស់ដោយកងកម្លាំងអ៊ុយក្រែនត្រូវបានបំផ្លាញដោយការវាយប្រហាររបស់រុស្ស៊ី។ ក្នុងអំឡុងពេលសន្និសីទសារព័ត៌មានប្រចាំថ្ងៃ អ្នកនាំពាក្យក្រសួងការពារជាតិរុស្ស៊ីលោក Igor Konashenkov បានអះអាងថា ឃ្លាំងអាវុធនេះស្ថិតនៅក្នុងភូមិ Maiorske ទីក្រុងកំពង់ផែ Odesa ហើយវាត្រូវបានវាយប្រហារដោយមីស៊ីល Kalibr រយៈចម្ងាយឆ្ងាយស៊ីបគោលដៅជាក់លាក់៕អត្ថបទ៖ ប៊ុនថន

បំណាក់ដី និងទឹកជំនន់បណ្តាលឲ្យមនុស្សយ៉ាងហោចណាស់ ៤០នាក់ស្លាប់នៅឥណ្ឌា

ឥណ្ឌា៖ ក្រុមមន្ត្រីបាននិយាយកាលពីថ្ងៃអាទិត្យថា មនុស្សយ៉ាងហោចណាស់ ៤០នាក់បានស្លាប់ និងផ្សេងទៀតកំពុងបាត់ខ្លួនដោយទឹកជំនន់ភ្លាមៗបង្កឡើងដោយភ្លៀងមូសុងខ្លាំង នៅភាគខាងជើងប្រទេសឥណ្ឌាក្នុងរយៈពេលបីថ្ងៃកន្លងទៅនេះ។ ការចេញផ្សាយជាផ្លូវការរបស់រដ្ឋាភិបាលកាលពីថ្ងៃអាទិត្យបាននិយាយថា បំណាក់ដី និងទឹកជំនន់នៅក្នុងតំបន់ភ្នំហិម៉ាឡៃនៃរដ្ឋ Himachal Pradesh ក្នុងរយៈពេលបីថ្ងៃចុងក្រោយនេះបណ្តាលឲ្យមនុស្សយ៉ាងហោចណាស់ ៣៦នាក់ស្លាប់។ នៅក្នុងរដ្ឋ Uttarakhand ដែលនៅជិតខាងនោះ ព្យុះភ្លៀងខ្លាំងជាបន្តបន្ទាប់កាលពីថ្ងៃសៅរ៍បានបណ្តាលឱ្យមនុស្ស ៤នាក់ស្លាប់ និង ១៣នាក់បាត់ខ្លួន ខណៈទឹកទន្លេបានបាក់ច្រាំង និងបានបំផ្លាញលំនៅឋានមួយចំនួន។ មនុស្សរាប់រយនាក់បានស្វែងរកទីជម្រកក្នុងជំរុំសង្គ្រោះ បន្ទាប់ពីត្រូវបានជម្លៀសចេញពីលំនៅឋានដែលជន់លិច។គ្រោះមហន្តរាយដែលបណ្តាលមកពីបំណាក់ដី និងទឹកជំនន់គឺជារឿងធម្មតានៅភាគខាងជើងតំបន់ភ្នំហិម៉ាឡៃរបស់ប្រទេសឥណ្ឌា ក្នុងអំឡុងរដូវខ្យល់មូសុងខែមិថុនាដល់ខែកញ្ញា។ អ្នកវិទ្យាសាស្ត្រនិយាយថា មហន្តរាយកាន់តែកើតមានញឹកញាប់ដោយសារការឡើងកំដៅផែនដី ដែលរួមចំណែកដល់ការរលាយផ្ទាំងទឹកកកនៅទីនោះ។ កាលពីឆ្នាំមុន ទឹកជំនន់បណ្តាលឲ្យមនុស្សជិត ២០០នាក់ស្លាប់ និងបានជន់លិចលំនៅឋានច្រើនខ្នងនៅក្នុងរដ្ឋ Uttarakhand៕អត្ថបទ៖ ប៊ុនថន

ទឹកជំនន់នៅស៊ូដង់សម្លាប់មនុស្ស ៧៥នាក់ និងបំផ្លាញលំនៅឋានរាប់ពាន់ខ្នង

ស៊ូដង់៖ មន្ត្រីជាន់ខ្ពស់បាននិយាយថា មនុស្សជាង ៧៥នាក់បានស្លាប់ និងលំនៅឋានជាង ១២,០០០ខ្នងត្រូវបានបំផ្លាញ និងជាង ២ម៉ឺនខ្នងបានរងការខូចខាតដោយភ្លៀងធ្លាក់ និងទឹកជំនន់តាមរដូវកាលរបស់ប្រទេសស៊ូដង់។ រូបភាពពីយន្តហោះដ្រូនក្នុងខេត្ត Al-Jazirah បានបង្ហាញភូមិមួយ និងតំបន់ជុំវិញនោះបានជន់លិចដោយទឹកជំនន់។ លោក Abdul-Jalil Abdul-Rahim អ្នកនាំពាក្យក្រុមប្រឹក្សាជាតិ សម្រាប់ការពារជនស៊ីវិលរបស់ប្រទេសស៊ូដង់បាននិយាយថា កំណើនអ្នកស្លាប់ចាប់តាំងពីរដូវវស្សាចាប់ផ្ដើមក្នុងខែឧសភាមានចំនួន ៧៧នាក់។ កាលពីសប្តាហ៍មុន ការិយាល័យសម្របសម្រួលកិច្ចការមនុស្សធម៌អង្គការសហប្រជាជាតិបាននិយាយថា ពលរដ្ឋជាង ១៣៦,០០០នាក់បានរងផលប៉ះពាល់ដោយទឹកជំនន់។ ទីភ្នាក់ងារអង្គការសហប្រជាជាតិបាននិយាយថា ទីភ្នាក់ងាររំពឹងថាតួលេខនេះនឹងកើនឡើង ខណៈការរាប់ចំនួននៅតែកំពុងដំណើរការ ហើយភ្លៀងធ្លាក់ខ្លាំងបន្ថែមទៀតត្រូវបានព្យាករណ៍។រដូវវស្សារបស់ប្រទេសស៊ូដង់ជាធម្មតាមានរយៈពេលរហូតដល់ខែកញ្ញា ដោយទឹកជំនន់បានឡើងដល់ចំណុចខ្ពស់នៅមុនពេលនោះ។ កាលពីឆ្នាំមុន ទឹកជំនន់ និងភ្លៀងធ្លាក់ខ្លាំងបានបណ្តាលឲ្យមនុស្សជាង ៨០នាក់ស្លាប់ និងបានធ្វើឲ្យជន់លិចលំនៅឋានរាប់ម៉ឺនខ្នងនៅទូទាំងប្រទេស។ ក្នុងឆ្នាំ២០២០ អាជ្ញាធរបានប្រកាសថា ប្រទេសស៊ូដង់ជាតំបន់គ្រោះមហន្តរាយធម្មជាតិ និងបានដាក់រដ្ឋក្នុងគ្រាអាសន្នរយៈពេល ៣ខែនៅទូទាំងប្រទេស បន្ទាប់ពីទឹកជំនន់បណ្តាលឲ្យមនុស្សប្រមាណ ១០០នាក់ស្លាប់ និងជន់លិចលំនៅឋានជាង ១០ម៉ឺនខ្នង៕អត្ថបទ៖ ប៊ុនថន

តម្លៃលក់រាយប្រេងឥន្ធនៈ(ថ្ងៃទី២១-៣១ ខែសីហា) ប្រេងសាំងធម្មតា ៤.៧០០រៀល/លីត្រ និងប្រេងម៉ាស៊ូត ៥.១០០រៀល/លីត្រ

ភ្នំពេញ៖ ក្រសួងពាណិជ្ជកម្ម បានប្រកាសពីតម្លៃលក់រាយប្រេងឥន្ធនៈ តាមស្ថានីយនានា ទូទាំងប្រទេសចាប់ពីថ្ងៃទី ២១-៣១ ខែសីហា ឆ្នាំ២០២២ ដោយប្រេងសាំងធម្មតាត្រូវលក់តម្លៃ ៤.៧០០រៀល/លីត្រ(ឡើង ៥០រៀល) និងប្រេងម៉ាស៊ូតត្រូវលក់តម្លៃ ៥.១០០រៀល/លីត្រ(ឡើង ១០០រៀល)៕

សារព័ត៌មានរុស្ស៊ី៖ កូនស្រីរបស់អ្នកផ្ដល់យោបល់ការវាយលុកអ៊ុយក្រែនដល់លោក Putin ស្លាប់ក្នុងការបំផ្ទុះគ្រាប់បែករថយន្ត

រុស្ស៊ី៖ ក្រុមអាជ្ញាធររុស្ស៊ីបាននិយាយកាលពីថ្ងៃអាទិត្យថា ពួកគេបានបើកការស៊ើបអង្កេតករណីឃាតកម្ម ក្រោយកូនស្រីរបស់ទស្សនវិទូជាតិនិយមជ្រុលដ៏មានឥទ្ធិពលគឺលោក Alexander Dugin បានស្លាប់ក្នុងការបំផ្ទុះរថយន្តនៅខាងក្រៅតំបន់ជាយក្រុង Moscow នូវអ្វីដែលជាការប៉ុនប៉ងធ្វើឃាតលើឪពុករបស់នាង។ មិនទាន់មានការអះអាងទទួលខុសត្រូវភ្លាមៗអំពីការវាយប្រហារនេះនៅឡើយទេ។ ក្រុមអ្នកស៊ើបអង្កេតបាននិយាយនៅក្នុងសេចក្ដីថ្លែងការណ៍មួយកាលពីថ្ងៃអាទិត្យថា នាង Darya Dugina វ័យ ២៩ឆ្នាំបានស្លាប់បន្ទាប់ពីគ្រឿងផ្ទុះបានផ្ទុះបំផ្លាញរថយន្តម៉ាក Toyota Land Cruiser ដែលនាងកំពុងធ្វើដំណើរកាលពីល្ងាចថ្ងៃសៅរ៍។ ឪពុករបស់នាង Darya Dugina លោក Alexander Dugin ត្រូវគេជឿថា មានឥទ្ធិពលលើការរៀបចំយុទ្ធសាស្ត្រវាយលុកលើអ៊ុយក្រែន របស់លោកប្រធានាធិបតីរុស្ស៊ី Vladimir Putin។គណៈកម្មការស៊ើបអង្កេតរបស់រុស្ស៊ីបាននិយាយថា ខ្លួនជឿថាមាននរណាម្នាក់បានរៀបចំគម្រោង និងបញ្ជាឲ្យរថយន្តផ្ទុះដែលបានសម្លាប់នាង Darya Dugina ដោយបានផ្អែកលើភស្តុតាងដែលប្រមូលបានពីកន្លែងកើតហេតុ។ លោក Alexander Dugin គឺជាអ្នកនិពន្ធ និងមនោគមវិជ្ជាមួយរូបរបស់រុស្ស៊ីដែលត្រូវគេស្គាល់ថាជាស្ថាបត្យករ ឬអ្នកបញ្ចេញគំនិតយោបល់ទាក់ទងនឹងការវាយលុករបស់រុស្ស៊ីលើអ៊ុយក្រែន៕អត្ថបទ៖ សុខមាន

សម្តេចតេជោ ហ៊ុន សែន ទទួលជួបពិភាក្សាការងារជាមួយប្រធានមហាសន្និបាត UN លើកទី៧៦

ភ្នំពេញ៖ ក្នុងឱកាសមកបំពេញទស្សនកិច្ចនៅកម្ពុជា ឯកឧត្តម អាប់ឌូឡា សាហ៊ីដ (Abdulla SHAHID) ប្រធានមហាសន្និបាតអង្គការសហប្រជាជាតិ លើកទី៧៦ និងជារដ្ឋមន្ត្រីការបរទេស នៃសាធារណរដ្ឋម៉ាល់ឌីវ ត្រូវបានសម្តេចតេជោ ហ៊ុន សែន នាយករដ្ឋមន្ត្រី អនុញ្ញាតឱ្យចូលជួបសំដែងការគួរ និងពិភាក្សាការងារ នៅវិមានសន្តិភាព នាព្រឹកថ្ងៃទី២២ សីហានេះ។ក្នុងអំឡុងពេលទស្សនកិច្ចនេះ ឯកឧត្តម អាប់ឌូឡា សាហ៊ីដ ក៏នឹងអញ្ជើញជួបសម្ដែងការគួរសម ចំពោះសម្តេចអគ្គមហាពញាចក្រី ហេង សំរិន ប្រធានរដ្ឋសភា ព្រមទាំងថ្នាក់ដឹកនាំដទៃទៀតដូចជា៖ ឯកឧត្តម អ៊ុច បូររិទ្ធ រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ ក្រសួងការបរទេស និងសហប្រតិបត្តិការអន្តរជាតិជាដើម។ដំណើរទស្សនកិច្ចរបស់ឯកឧត្តម អាប់ឌូឡា សាហ៊ីដ បានសង្កត់ធ្ងន់អំពីតួនាទីប្រកបដោយការស្ថាបនារបស់កម្ពុជានៅក្នុងអង្គការសហប្រជាជាតិ ជាពិសេសក្នុងឋានៈកម្ពុជាជាប្រធានអាស៊ាន ក៏ដូចជាតួនាទីរបស់ អាស៊ាន និងអង្គការសហប្រជាជាតិក្នុងការពង្រឹងពហុភាគីនិយម ដើម្បីឆ្លើយតបទៅនឹងបញ្ហាសកលនានា រួមមាន ការប្រែប្រួលអាកាសធាតុ ការស្ដារឡើងវិញក្រោយជំងឺរាតត្បាត និងការអភិវឌ្ឍប្រកបដោយចីរភាព ។ការធ្វើឱ្យតួនាទីរបស់អង្គការសហប្រជាជាតិកាន់តែរស់រវើក និងការពង្រឹងតួនាទីភាពជាដៃគូរវាងអាស៊ាន អង្គការសហប្រជាជាតិ ក៏ស្ថិតក្នុងចំណោមប្រធានបទសម្រាប់កិច្ចពិភាក្សាផងដែរ ។សូមបញ្ជាក់ថា ឯកឧត្តម អាប់ឌូឡា សាហ៊ីដ បានមកបំពេញទស្សនកិច្ចការងារនៅកម្ពុជា នៅថ្ងៃទី ២១-២២ ខែសីហា ឆ្នាំ២០២២៕

មនុស្ស ២០នាក់ស្លាប់ក្នុងគ្រោះទឹកជំនន់ដ៏គំហុកនៅប្រទេសអាហ្វហ្គានីស្ថានភាគខាងកើត

អាហ្វហ្គានីស្ថាន៖ ក្រុមមន្ត្រីបាននិយាយកាលពីថ្ងៃសៅរ៍ថា ភ្លៀងធ្លាក់ខ្លាំងបង្កឲ្យមានទឹកជំនន់ដ៏គំហុកនៅក្នុងខេត្ត Logar ភាគខាងកើតរបស់ប្រទេសអាហ្វហ្គានីស្ថាន ដោយបានសម្លាប់មនុស្សយ៉ាងហោចណាស់ ២០នាក់ និងបំផ្លិចបំផ្លាញលំនៅឋានជាង ៣ពាន់ខ្នង។ការិយាល័យខេត្តនេះបាននិយាយថា ភ្លៀងបានវាយប្រហារលើតំបន់មួយចំនួនរបស់ខេត្តនេះកាលពីថ្ងៃសៅរ៍ ដោយបង្កឲ្យមនុស្សជាង ៣០នាក់រងរបួសបន្ថែមពីលើអ្នកស្លាប់ទាំងនោះ។ សេចក្ដីថ្លែងការណ៍និយាយថា ទឹកជំនន់នេះក៏បានបំផ្លិចបំផ្លាញប្រឡាយទឹក និងដីកសិកម្មប្រមាណជាង ២ពាន់ហិចតាផងដែរភាគច្រើនដីចម្ការ ព្រមទាំងបសុសត្វប្រមាណ ២ពាន់ក្បាលបានងាប់។ ប្រជាជនអាហ្វហ្គានីស្ថានជាច្រើនបានស្លាប់រៀងរាល់ឆ្នាំដោយសារទឹកជំនន់ និងព្យុះភ្លៀងពិសេសនៅក្នុងតំបន់ជនបទក្រីក្រ ជាទីដែលលំនៅឋានសាងសង់គ្មានគុណភាពតែងប្រឈមនឹងការបាក់រលំ។ចំណែកនៅក្នុងប្រទេសជិតខាងអាហ្វហ្គានីស្ថាន គឺប្រទេសប៉ាគីស្ថានក៏ជួបគ្រោះទឹកជំនន់ដូចគ្នាដែរ។ ប្រជាជននៅភាគខាងត្បូងបានជម្លៀសចេញពីលំនៅឋានរបស់ពួកគេ ខណៈភ្លៀងធ្លាក់ខ្លាំងបណ្ដាលឲ្យមានទឹកជំនន់ហក់ឡើងដល់កម្រិតខ្ពស់បំផុតមិនធ្លាប់មាន។ ក្រុមសង្គ្រោះបានជួយក្រុមអ្នកភូមិដែលបានជាប់ក្នុងទឹកជំនន់ ចេញពីលំនៅឋានរបស់ពួកគេ និងដំឡើងជំរំតង់សម្រាប់ការស្នាក់នៅបណ្ដោះអាសន្ន។ ជារៀងរាល់ឆ្នាំភាគច្រើននៃប្រទេសប៉ាគីស្ថានតែងរងគ្រោះពីភ្លៀងមូសុងប្រចាំឆ្នាំ ដែលនាំឲ្យមានការរិះគន់អំពីផែនការទន់ខ្សោយរបស់រដ្ឋាភិបាល ក្នុងការដោះស្រាយបញ្ហាគ្រោះធម្មជាតិនេះ៕អត្ថបទ៖ សុខមាន

អាជ្ញាធរខេត្តបន្ទាយមានជ័យ ផ្ទៀងផ្ទាត់ ឆ្វៀលដីចែកជូនពលរដ្ឋ នៅតំបន់ការពារធម្មជាតិនៅស្រុកចំនួន២

បន្ទាយមានជ័យ៖ អាជ្ញាធរខេត្តបន្ទាយមានជ័យ កំពុងពិនិត្យ ផ្ទៀងផ្ទាត់ និងវាយតម្លៃ ដើម្បីឆ្វៀលសម្របសម្រួលព្រំដី នៅតំបន់ការពារធម្មជាតិនៅក្នុងស្រុកថ្មពួក និងស្រុកភ្នំស្រុក ដើម្បីចែកជូនពលរដ្ឋ ដែលបានអាស្រ័យផលជាយូរមកហើយ ។ក្នុងពិធីសំណេះសំណាល ជាមួយពលរដ្ឋ នៅឃុំបន្ទាយឆ្មារ ស្រុកថ្មពួក កាលពីថ្ងៃទី២១ ខែសីហា ឆ្នាំ២០២២ ឯកឧត្ដម អ៊ុំ រាត្រី អភិបាលខេត្តបន្ទាយមានជ័យ មានប្រសាសន៍ថា ដោយមានការគិតគូរដល់ប្រជាពលរដ្ឋ ពីសំណាក់រាជរដ្ឋាភិបាលកម្ពុជា គឺជាគោលការណ៍កាត់ឆ្វៀល និងកំណត់ព្រំដីការពារធម្មជាតិ ជូនប្រជាពលរដ្ឋ ដែលប្រើប្រាស់អាស្រ័យផលយូរឆ្នាំឡើងវិញ។ឯកឧត្តមបន្ថែមថា ពាក់ព័ន្ធនឹងបញ្ហានេះ ទើបរដ្ឋបាលខេត្តបានបើកកិច្ចប្រជុំបង្កើត ជាមួយក្រុមការងារគណៈកម្មការ ដើម្បីពិនិត្យផ្ទៀងផ្ទាត់ និងវាយតម្លៃឡើងវិញអំពីសំណើសុំកែសម្រួលព្រំតំបន់ការពារធម្មជាតិជូនប្រពលរដ្ឋ ដែលបានប្រើប្រាស់អាស្រ័យផលយូរឆ្នាំ ចំនួន២ក្រុម ស្ថិតនៅក្នុងភូមិសាស្ត្រឃុំបន្ទាយឆ្មារ ស្រុកថ្មពួក និងនៅស្រុកភ្នំស្រុក ដែលបាននឹងកំពុងធ្វើសកម្មភាពការងារយ៉ាងសស្រាក់សស្រាំ ដើម្បីបានរួចរាល់ឆាប់រហ័ស ។ឯកឧត្តម អ៊ុំ រាត្រី បានសំណូមពរដល់ប្រជាពលរដ្ឋ សូមចូលរួមសហការជាមួយក្រុមការងារចម្រុះរបស់ខេត្ត ដើម្បីឲ្យកិច្ចការងារមួយនេះទទួលបានជោគជ័យ ដើម្បីផលប្រយោជន៍បងប្អូន និងសហគមន៍ ។ ជាមួយនេះ អភិបាលខេត្តបន្ទាយមានជ័យ ក៏បានអំពាវនាវដល់ប្រជាពលរដ្ឋ បន្តចូលរួមថែទាំ និងការពារតំបន់ព្រៃធម្មជាតិឲ្យបានល្អ ដើម្បីក្លាយជាព្រៃឈើបៃតងស្អាត ហើយជៀសវាំងការកាប់បំផ្លាញតទៅទៀតផងដែរ ៕ អត្ថបទ៖ បាន សុខរិទ្ធិ

កងកម្លាំងសូម៉ាលីបានបញ្ចប់ការឡោមព័ទ្ធសណ្ឋាគារ ក្រោយការវាយប្រហារដោយក្រុម al-Shabab សម្លាប់មនុស្ស ២១នាក់

សូម៉ាលី៖ មេបញ្ជាការកងកម្លាំងសន្តិសុខមួយរូបបានប្រាប់សារព័ត៌មាន AFP កាលពីយប់ថ្ងៃសៅរ៍ថា កងកម្លាំងរបស់ប្រទេសសូម៉ាលីបានបញ្ចប់ការឡោមព័ទ្ធប្រកបដោយគ្រោះថ្នាក់ពីក្រុមជីហាដ Al-Shabaab នៅសណ្ឋាគារមួយក្នុងទីក្រុង Mogadishu ដែលបានបន្តប្រមាណ ៣០ម៉ោង។ យោងតាមក្រុមមន្ត្រីសូម៉ាលីឲ្យដឹងថា ជនស៊ីវិលយ៉ាងហោចណាស់ ២១នាក់បានស្លាប់ និងរាប់សិបនាក់រងរបួសចាប់តាំងពីក្រុមសកម្មប្រយុទ្ធមកពីសាខាក្រុមភេរវកម្ម Al-Qaeda បានបើកការវាយប្រហារដោយអាវុធ និងគ្រាប់បែកទៅលើសណ្ឋាគារដ៏ពេញនិយម Hayat កាលពីល្ងាចថ្ងៃសុក្រ។ មេបញ្ជាការមួយរូបបានប្រាប់សារព័ត៌មាន AFP ដោយសុំមិនបញ្ចេញឈ្មោះថា កងកម្លាំងសន្តិសុខបានបញ្ចប់ការឡោមព័ទ្ធហើយពេលនេះ ហើយខ្មាន់កាំភ្លើងជាច្រើននាក់បានស្លាប់ និងមិនមានការបាញ់ចេញពីអគារនោះទេទៀតក្នុងពេលជាង ១ម៉ោងមកនេះ។ លោកបានបន្ថែមថា អគារនោះនៅតែត្រូវការសម្អាតគ្រឿងផ្ទុះជាចាំបាច់ ដែលត្រូវបានដាក់ដោយក្រុមសកម្មប្រយុទ្ធ។នេះជាការវាយប្រហារធំបំផុតនៅក្នុងទីក្រុង Mogadishu ចាប់តាំងពីប្រធានាធិបតីថ្មីរបស់ប្រទេសសូម៉ាលីលោក Hassan Sheikh Mohamud បានឡើងកាន់តំណែងកាលពីខែមិថុនា និងបានបង្ហាញពីការប្រឹងប្រែងលុបបំបាត់ការបះបោររយៈកាល ១៥ឆ្នាំកន្លងមកនេះពីក្រុមសកម្មប្រយុទ្ធអ៊ីស្លាមមួយនេះ។ សណ្ឋាគារដែលជាទីតាំងដ៏ពេញនិយមសម្រាប់ក្រុមមន្ត្រីរដ្ឋាភិបាលត្រូវបានបំផ្លាញ ក្រោយកងកម្លាំងសន្តិសុខបានបាញ់ស្រោចដោយអាវុធធន់ធ្ងន់កាលពីយប់ថ្ងៃសៅរ៍ ដើម្បីកម្ទេចក្រុមខ្មាន់កាំភ្លើងដែលបានគ្រប់គ្រងអគារនោះរហូតដល់យប់ទី២៕អត្ថបទ៖ សុខមាន

រុស្ស៊ីបាញ់មីស៊ីលស្រោចលើប្រទេសអ៊ុយក្រែន ខណៈសង្គ្រាមអូសបន្លាយជិត ៦ខែ

អ៊ុយក្រែន៖ ការបាញ់ផ្លោងកាំភ្លើងធំបានស្រោចលើទីក្រុងមួយ ជិតរោងចក្រថាមពលនុយក្លេអ៊ែរធំបំផុតរបស់អឺរ៉ុប ហើយមីស៊ីលរបស់រុស្ស៊ីបានវាយប្រហារជិតកំពង់ផែសមុទ្រខ្មៅ Odesa កាលពីថ្ងៃអាទិត្យ ខណៈអ៊ុយក្រែនព្រមានពីការវាយប្រហារកាន់តែខ្លាំងក្លាបន្ថែមទៀតពីរុស្ស៊ី ស្របពេលសង្គ្រាមអូសបន្លាយជិត ៦ខែ។ នៅថ្ងៃពុធសប្ដាហ៍នេះជាខួបលើកទី ៣១ឆ្នាំនៃឯករាជ្យជាតិរបស់អ៊ុយក្រែនចេញពីការគ្រប់គ្រងរបស់សហភាពសូវៀត ព្រមទាំងជាខួបកន្លះឆ្នាំចាប់តាំងពីការវាយលុករបស់រុស្ស៊ីចូលអ៊ុយក្រែន ហើយលោកប្រធានាធិបតី Volodymyr Zelenskiy អំពាវនាវឲ្យបង្កើនការប្រុងប្រយ័ត្នដោយនិយាយថា ទីក្រុង Moscow នឹងអាចព្យាយាមធ្វើអ្វីដែលធ្ងន់ធ្ងរជាងនេះទៀត។ នៅក្នុងសុន្ទរកថាតាមវីដេអូពេលយប់កាលពីថ្ងៃអាទិត្យលោក Zelenskiy បាននិយាយថា លោកបានពិភាក្សារាល់ការគំរាមកំហែងទាំងអស់ជាមួយលោកប្រធានាធិបតីបារាំង Emmanuel Macron ហើយពាក្យសម្ដីនោះក៏ត្រូវបានបញ្ជូនទៅកាន់មេដឹកនាំពិភពលោកផ្សេងទៀតផងដែរ រួមទាំងលោកប្រធានាធិបតីទួរគី Tayyip Erdogan និងអគ្គលេខាធិការអង្គការសហប្រជាជាតិលោក Antonio Guterres។កាលពីថ្ងៃអាទិត្យប្រធានាធិបតីសហរដ្ឋអាមេរិកលោក Joe Biden, នាយករដ្ឋមន្ត្រីអង់គ្លេសលោក Boris Johnson, អធិការបតីអាល្លឺម៉ង់លោក Olaf Scholz និងប្រធានាធិបតីបារាំងលោក Emmanuel Macron បានសន្ទនាតាមទូរស័ព្ទដោយសង្កត់ធ្ងន់លើសារសំខាន់នៃការធានាសុវត្ថិភាពរោងចក្រនុយក្លេអ៊ែរ ខណៈគូសបញ្ជាក់ពីការប្ដេជ្ញាចិត្តខ្ជាប់ខ្ជួនរបស់ខ្លួនចំពោះអ៊ុយក្រែន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

បម្រែបម្រួលអាកាសធាតុធ្វើឲ្យប៉ះពាល់ដល់កសិករចិញ្ចឹមឃ្មុំនៅកូរ៉េខាងត្បូង

EU និង UNICEF បញ្ជូនគ្រឿងផ្គត់ផ្គង់សង្រ្គោះជំងឺអេបូឡាទៅកាន់កុងហ្គោ ខណៈផ្ទុះការរីករាលដាលឆ្លង

មន្ត្រីជាន់ខ្ពស់ការបរទេស៖កម្ពុជាបានជ្រើសរើសអ្នកផ្សះផ្សាពីររូបរួចហើយ ខណៈភាគីថៃមានពេល២១ថ្ងៃ ដើម្បីជ្រើសរើសអ្នកផ្សះផ្សាពីររូបដែរ

កម្ពុជាធ្វើជាម្ចាស់ផ្ទះសិក្ខាសាលាស្តីពី ការបង្កើតកិច្ចសហប្រតិបត្តិការស្ថាប័នប្រវត្តិសាស្ត្រយោធាអាស៊ាន(AMHIC)”

មានអ្នកស្លាប់ច្រើននាក់ ក្នុងហេតុការណ៍ធ្លាក់យន្តហោះនៅតំបន់ Istria របស់ក្រូអាត

ឆ្មាំបដិវត្តន៍អ៊ីរ៉ង់អំពាវនាវឲ្យអ៊ីស្រាអែលដកទ័ពទៅកាន់ទីតាំងមុនសង្គ្រាម នៅលីបង់

ប្រទេស ១១ នៅអឺរ៉ុប អំពាវនាវឲ្យ EU មានច្បាប់ទិដ្ឋាការកាន់តែតឹងរ៉ឹង សម្រាប់ជនជាតិរុស្ស៊ី

អ៊ីស្រាអែលឃុំខ្លួនក្រុមបាតុករជ្វីហ្វជ្រុលនិយម បន្ទាប់ពីបានវាយប្រហារលំនៅឋានរបស់ចៅក្រម

បទឈប់បាញ់នៅលីបង់ បង្កើនក្តីសង្ឃឹមពីការមានវឌ្ឍនភាព សម្រាប់កិច្ចព្រមព្រៀងអ៊ីរ៉ង់

អាកាសធាតុអាក្រក់បែងចែកអ៊ីតាលីដោយព្យុះកួចកើតមាននៅទីក្រុងរ៉ូមហើយអាកាសធាតុក្តៅវាយប្រហារកោះ Sicily

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រដ្ឋមន្ត្រីការពារជាតិនិយាយថា រុស្ស៊ីបានប្រើមីស៊ីលល្បឿនលឿនជាងសំឡេងនៅអ៊ុយក្រែន ៣លើក

បំណាក់ដី និងទឹកជំនន់បណ្តាលឲ្យមនុស្សយ៉ាងហោចណាស់ ៤០នាក់ស្លាប់នៅឥណ្ឌា

ទឹកជំនន់នៅស៊ូដង់សម្លាប់មនុស្ស ៧៥នាក់ និងបំផ្លាញលំនៅឋានរាប់ពាន់ខ្នង

តម្លៃលក់រាយប្រេងឥន្ធនៈ(ថ្ងៃទី២១-៣១ ខែសីហា) ប្រេងសាំងធម្មតា ៤.៧០០រៀល/លីត្រ និងប្រេងម៉ាស៊ូត ៥.១០០រៀល/លីត្រ

សម្តេចតេជោ ហ៊ុន សែន ទទួលជួបពិភាក្សាការងារជាមួយប្រធានមហាសន្និបាត UN លើកទី៧៦

មនុស្ស ២០នាក់ស្លាប់ក្នុងគ្រោះទឹកជំនន់ដ៏គំហុកនៅប្រទេសអាហ្វហ្គានីស្ថានភាគខាងកើត

អាជ្ញាធរខេត្តបន្ទាយមានជ័យ ផ្ទៀងផ្ទាត់ ឆ្វៀលដីចែកជូនពលរដ្ឋ នៅតំបន់ការពារធម្មជាតិនៅស្រុកចំនួន២

កងកម្លាំងសូម៉ាលីបានបញ្ចប់ការឡោមព័ទ្ធសណ្ឋាគារ ក្រោយការវាយប្រហារដោយក្រុម al-Shabab សម្លាប់មនុស្ស ២១នាក់

រុស្ស៊ីបាញ់មីស៊ីលស្រោចលើប្រទេសអ៊ុយក្រែន ខណៈសង្គ្រាមអូសបន្លាយជិត ៦ខែ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រដ្ឋមន្ត្រី​ការពារជាតិ​និយាយថា រុស្ស៊ី​បាន​ប្រើ​មី​ស៊ី​ល​ល្បឿន​លឿន​ជាង​សំឡេង​នៅ​អ៊ុយ​ក្រែ​ន ៣​លើក

បំណាក់​ដី និងទឹកជំនន់​បណ្តាល​ឲ្យ​មនុស្ស​យ៉ាងហោចណាស់ ៤០​នាក់​ស្លាប់​នៅ​ឥណ្ឌា

ទឹកជំនន់​នៅ​ស៊ូដង់​សម្លាប់​មនុស្ស​ ៧៥​នាក់ និង​បំផ្លាញ​លំនៅឋាន​រាប់ពាន់​ខ្នង

តម្លៃលក់រាយប្រេងឥន្ធនៈ(ថ្ងៃទី២១-៣១ ខែសីហា) ប្រេងសាំងធម្មតា ៤.៧០០រៀល/លីត្រ និងប្រេងម៉ាស៊ូត ៥.១០០រៀល/លីត្រ

សម្តេចតេជោ ហ៊ុន សែន ទទួលជួបពិភាក្សាការងារជាមួយប្រធានមហាសន្និបាត UN លើកទី៧៦

មនុស្ស​ ២០​នាក់​ស្លាប់​ក្នុង​គ្រោះទឹកជំនន់​ដ៏​គំហុក​នៅ​ប្រទេស​អា​ហ្វ​ហ្គា​នី​ស្ថាន​ភាគ​ខាងកើត​

អាជ្ញាធរខេត្តបន្ទាយមានជ័យ ផ្ទៀងផ្ទាត់ ឆ្វៀលដីចែកជូនពលរដ្ឋ នៅតំបន់ការពារធម្មជាតិនៅស្រុកចំនួន២

រុស្ស៊ី​បាញ់​មី​ស៊ី​ល​ស្រោច​លើ​ប្រទេស​អ៊ុយ​ក្រែ​ន ខណៈ​សង្គ្រាម​អូសបន្លាយ​ជិត ​៦​ខែ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រដ្ឋមន្ត្រីការពារជាតិនិយាយថា រុស្ស៊ីបានប្រើមីស៊ីលល្បឿនលឿនជាងសំឡេងនៅអ៊ុយក្រែន ៣លើក

បំណាក់ដី និងទឹកជំនន់បណ្តាលឲ្យមនុស្សយ៉ាងហោចណាស់ ៤០នាក់ស្លាប់នៅឥណ្ឌា

ទឹកជំនន់នៅស៊ូដង់សម្លាប់មនុស្ស ៧៥នាក់ និងបំផ្លាញលំនៅឋានរាប់ពាន់ខ្នង

មនុស្ស ២០នាក់ស្លាប់ក្នុងគ្រោះទឹកជំនន់ដ៏គំហុកនៅប្រទេសអាហ្វហ្គានីស្ថានភាគខាងកើត

រុស្ស៊ីបាញ់មីស៊ីលស្រោចលើប្រទេសអ៊ុយក្រែន ខណៈសង្គ្រាមអូសបន្លាយជិត ៦ខែ