BTV NEWS

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

សម្ដេចតេជោ ហ៊ុន សែន កោតសរសើរថ្នាក់ដឹកនាំខេត្តកំពង់ធំដែលបានយកចិត្តទុកដាក់គ្រប់គ្រងអតីតយុទ្ធជន និងគ្រួសារយុទ្ធជនពលី បានយ៉ាងល្អ

ព័ត៌មានសំខាន់ៗ

ព្រះមហាក្សត្រ និងសម្ដេចព្រះមហាក្សត្រីស្តេចយាងទៅពិនិត្យព្រះរាជសុខភាព នៅប្រទេសចិន

ភ្នំពេញ ៖ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដី ថ្លៃថ្នូរ និងសុភមង្គល ព្រះអង្គទាំងទ្វេ បានសព្វព្រះរាជហឬទ័យស្ដេចយាងចាកចេញពីកម្ពុជាហើយ នាព្រឹកថ្ងៃទី២១ ខែសីហា ឆ្នាំ២០២២ តាមព្រះទីនាំងយន្តហោះពិសេស ឆ្ពោះទៅកាន់ទីក្រុងប៉េកាំង នៃសាធារណរដ្ឋប្រជាមានិតចិន ដើម្បីស្តេចយាងទៅពិនិត្យ និងព្យាបាលព្រះរាជសុខភាពមួយរយៈពេលនៅទីនោះ។ យាងនិងអញ្ជើញថ្វាយព្រះរាជដំណើររបស់ព្រះអង្គទាំងទ្វេ ដល់អាកាសយានដ្ឋានអន្តរជាតិភ្នំពេញ មានវត្តមាន សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្ដេចក្រឡាហោម ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្ដេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ព្រមទាំងព្រះរាជវង្សានុវង្ស និងមន្ត្រីអ្នកមុខអ្នកការជាច្រើនរូប។ ដោយឡែក ឯកឧត្ដម Wang Wentian ឯកអគ្គរដ្ឋទូតចិនប្រចាំកម្ពុជា និងមន្ត្រីស្ថានទូតក៏មានវត្តមានក្នុងឱកាសនោដែរ។ នៅក្នុងព្រះរាជសារផ្ញើជូនជនរួមជាតិ របស់ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ចុះថ្ងៃទី១៦ ខែសីហា ឆ្នាំ២០២២បានគូសបញ្ជាក់ថា «ព្រះអង្គទាំងទ្វេ សូមព្រះអនុញ្ញាត និងអនុញ្ញាតពីសម្ដេចព្រះមហាសង្ឃរាជទាំងពីរគណៈ និងព្រះថេរានុត្ថេរៈគ្រប់ព្រះង្គ សម្ដេច ឯកឧត្ដម លោកជំទាវ អស់លោក លោកស្រី លោកតា លោកយាយ មាមីង បងប្អូន ក្មួយៗ ជនរួមជាតិទាំងអស់ អវត្តមានពីមាតុប្រទេស ចាប់ពីថ្ងៃទី២១ ខែសីហា ឆ្នាំ២០២២តទៅ ធ្វើដំណើរទៅទីក្រុងប៉េកាំង នៃសាធារណរដ្ឋប្រជាមានិតចិន ដើម្បីពិនិត្យ-ព្យាបាលព្រះរាជសុខភាព។ នៅក្នុងឱកាសអវត្តមានរបស់ព្រះអង្គ សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា នឹងទទួលជួយព្រះអង្គ ក្នុងឋានៈជាប្រមុខរដ្ឋស្ដីទី នៃព្រះរាជាណាចក្រកម្ពុជា»។គួរបញ្ជាក់ដែរថា នេះគឺជាព្រះរាជដំណើរយាងជាទៀងទាត់រៀងរាល់៦ខែម្ដង របស់ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ទៅកាន់រាជធានីប៉េកាំង សាធារណរដ្ឋប្រជាមានិតចិន ដើម្បីពិនិត្យ-ព្យាបាលព្រះរាជសុខភាព៕

ប្រមុខយោធាមីយ៉ាន់ម៉ានិយាយថា បើកទ្វារចំពោះការចរចាជាមួយលោកស្រី អ៊ុងសាន ស៊ូជី បន្ទាប់ពីការកាត់ទោសលោកស្រី

មីយ៉ាន់ម៉ា៖ មេដឹកនាំយោធាសហភាពមីយ៉ាន់ម៉ាបាននិយាយកាលពីថ្ងៃសុក្រថា របបយោធាបើកទ្វារចំពោះការចរចាជាមួយមេដឹកនាំដែលត្រូវបានបណ្តេញចេញពីតំណែងលោកស្រី អ៊ុង សានស៊ូជី ដើម្បីបញ្ចប់វិបត្តិដែលបង្កឡើងដោយរដ្ឋប្រហារ បន្ទាប់ពីការកាត់ទោសលោកស្រីនៅក្នុងតុលាការ ដែលគ្រប់គ្រងដោយរបបយោធាបានបញ្ចប់។ លោកស្រី អ៊ុងសាន ស៊ូជី អាយុ ៧៧ឆ្នាំត្រូវបានឃុំខ្លួនចាប់តាំងពីរដ្ឋាភិបាលរបស់លោកស្រី ត្រូវបានផ្តួលរំលំក្នុងរដ្ឋប្រហារកាលពីថ្ងៃទី១ ខែកុម្ភៈឆ្នាំមុន ដែលបានធ្វើឱ្យប្រទេសនៅអាស៊ីអាគ្នេយ៍មួយនេះធ្លាក់ចូលក្នុងភាពវឹកវរ។ មេបញ្ជាការយោធាលោក Min Aung Hlaing បាននិយាយនៅក្នុងសេចក្តីថ្លែងការណ៍ថា បន្ទាប់ពីដំណើរការផ្លូវច្បាប់លើលោកស្រីយោងទៅតាមច្បាប់ត្រូវបានបញ្ចប់ យើងនឹងពិចារណាការចរចាដោយផ្អែកលើការឆ្លើយតបរបស់លោកស្រី ស៊ូជី៕អត្ថបទ៖ ប៊ុនថន

ចក្រភពអង់គ្លេសនិយាយថា រុស្ស៊ីគ្មានសិទ្ធិស្វ័យសម្រេចអង្គុយនៅកិច្ចប្រជុំកំពូលក្រុម G20 នោះទេ

អង់គ្លេស៖ អ្នកនាំពាក្យក្រសួងការបរទេសអង់គ្លេសបាននិយាយកាលពីថ្ងៃសុក្រថា រុស្ស៊ីពុំមានសិទ្ធិស្វ័យសម្រេចក្នុងការអង្គុយនៅកិច្ចប្រជុំក្រុមប្រទេស G20 នោះទេ ខណៈប្រទេសនេះកំពុងបន្តការវាយលុកលើអ៊ុយក្រែន។ យើងស្វាគមន៍កិច្ចខិតខំប្រឹងប្រែងរបស់ឥណ្ឌូនេស៊ីក្នុងការធានាបានថា ផលប៉ះពាល់នៃសង្គ្រាមរបស់រុស្ស៊ីត្រូវបានពិចារណានៅក្នុងកិច្ចប្រជុំ G20 ព្រមទាំងការចង្អុលបង្ហាញថា អ៊ុយក្រែនអាចត្រូវបានតំណាងដោយប្រធានាធិបតីលោក Volodymyr Zelenskiy នៅក្នុងកិច្ចប្រជុំកំពូលមេដឹកនាំក្រុមប្រទេស G20។ ប្រទេសឥណ្ឌូនេស៊ីនឹងធ្វើជាម្ចាស់ផ្ទះនៃកិច្ចប្រជុំកំពូលនៅក្នុងខែវិច្ឆិកា ដែលប្រធានាធិបតីប្រទេសលោក Joko widodo បាននិយាយថា ប្រធានាធិបតីរុស្ស៊ីលោក Vladimir Putin និងមេដឹកនាំចិនលោក Xi Jinping នឹងចូលរួម។ឥណ្ឌូណេស៊ីនឹងធ្វើជាប្រធានក្រុមប្រទេសមានសេដ្ឋកិច្ចរីកលូតលាស់ទាំង 20 ហើយបានប្រឈមសម្ពាធពីបណ្តាប្រទេសលោកខាងលិចឱ្យដកការអញ្ជើញលោក Putin ជុំវិញការវាយលុករបស់ប្រទេសលោកលើអ៊ុយក្រែន ដែលរដ្ឋាភិបាលរបស់លោក Putin ចាត់ទុកថាជាប្រតិបត្តិការសឹកពិសេស៕អត្ថបទ៖ ប៊ុនថន

ក្រសួងការពារជាតិ សាងសង់ចេតិយតម្កល់អដ្ឋិធាតុអតីតយុទ្ធជន៤៩រូប ដែលបានពលីជីវិតនៅប្រទេសវៀតណាមក្នុងសម័យ ប៉ុល ពត

ត្បូងឃុំ៖ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានគណៈកម្មការអន្តរក្រសួង សម្រាប់ការរៀបចំមាតុភូមិនិវត្តន៍អដ្ឋិធាតុយុទ្ធជនចំនួន៤៩រូប នៅថ្ងៃទី២០ ខែសីហា ឆ្នាំ២០២នេះ បានអញ្ជើញជាអធិបតីភាពក្នុងពិធីបញ្ចុះបឋមសិលាសាងសង់ចេតិយតម្កល់អដ្ឋិធាតុ និងជាស្តូបរំលឹកគុណយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា នៅតំបន់ប្រវត្តិសាស្រ្តយោធាតេជោកោះថ្ម X-16 ស្ថិតក្នុងឃុំទន្លូង ស្រុកមេមត់ ខេត្តត្បូងឃ្មុំ។ ពិធីនេះក៏មានការចូលរួមពីក្រុមការងារអន្តរក្រសួង និងអាជ្ញាធរពាក់ព័ន្ធផងដែរ។សម្តេចពិជ័យសេនា ទៀ បាញ់ បានថ្លែងថា យោងតាមអនុសាសន៍ និងគំនិតផ្តួចផ្តើមរបស់សម្តេចតេជោ ហ៊ុន សែន នាយករដ្ឋមន្រ្តី ក្នុងការរៀបចំធ្វើមាតុភូមិនិវត្តន៍នូវអដ្ឋិធាតុរបស់អតីតយុទ្ធជនកម្ពុជា ក្រុមការងារអន្តរក្រសួងបានចាប់ផ្តើមនូវផែនការនៃការសាងសង់ចេតិយតម្កល់អដ្ឋិធាតុ ជាមុនសិន ដោយប្រើប្រាស់រយៈពេលសាងសង់យូរយ៉ាងហោច៧ខែ ដែលទទួលខុសត្រូវសាងសង់ដោយ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងារបច្ចេកទេស ។សម្តេចពិជ័យសេនា ទៀ បាញ់ ថ្លែងថា ការសាងសង់ចេតិយតម្កល់អដ្ឋិធាតុនេះ គឺជាការឆ្លើយតបចំពោះគុណូបការៈ ពលី របស់យុទ្ធជនចំនួន៤៩រូប ដែលរួមចំណែកក្នុងដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត។សម្តេចពិជ័យសេនា ទៀ បាញ់ ថ្លែងទៀតថា ការកំណត់ទីតាំងសាងសង់នៅតំបន់ប្រវត្តិសាស្រ្តយោធាតេជោកោះថ្ម ដោយសារទីតាំង ប្រវត្តិសាស្ត្រនេះ គឺជាកន្លែងបញ្ចុះសពយុទ្ធជន កម្មាភិបាលពលី អតីតអង្គភាព១២៥ ចំនួន ៤៩នាក់ ដែលបានបូជាជីវិតក្នុងបុព្វហេតុរំដោះប្រទេសជាតិ និងអាយុជីវិតប្រជាជនកម្ពុជាពីរបបប្រល័យពូជសាសន៍ ប៉ុល ពត ហើយអង្គភាព១២៥ គឺជាឈ្មោះ អង្គភាពដំបូងនៃកងកម្លាំងសាមគ្គីសង្គ្រោះជាតិកម្ពុជា ដែលបានបង្កើតឡើងនៅថ្ងៃទី១២ ខែឧសភា ឆ្នាំ១៩៧៨ ជាចំណុចចាប់ផ្តើមដំបូងគេបង្អស់ នៃចលនាតស៊ូរបស់កម្ពុជា ចេញពីប្រទេសវៀតណាម ក្រោមការដឹកនាំដោយផ្ទាល់ពីសមមិត្ត ហ៊ុន សែន មុននឹងឈានដល់ការបង្កើតរណសិរ្ស សាមគ្គីសង្គ្រោះជាតិកម្ពុជា នៅថ្ងៃទី២ ខែធ្នូ ឆ្នាំ១៩៧៨។សម្តេចពិជ័យសេនា ទៀ បាញ់ បញ្ជាក់ថា បន្ទាប់ពីការសាងសង់បានបញ្ចប់នាខែឧសភា ឆ្នាំ២០២៣ ក្រុមការងារអន្តរក្រសួងនឹងរៀបចំពិធីតម្កល់អដ្ឋិធាតុយុទ្ធជនទាំង ៤៩រូប អំឡុងបំណាច់ឆ្នាំ២០២៣ ក្នុងឱកាសខួបលើកទី៤៥ ទិវាចងចាំនៃដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត។សូមបញ្ជាក់ថា អដ្ឋិធាតុរបស់យុទ្ធជនកម្ពុជាចំនួន ៤៩រូប បានតម្កល់ទុកនៅលើទឹកដីខេត្តដុងណាយ ប្រទេសវៀតណាម រាប់សិបឆ្នាំមកហើយ ហើយច្រើនឆ្នាំមកនេះរកសាច់ញាតិ និង ក្រុមគ្រួសាររបស់ពួកគេមិនឃើញ ដូច្នេះដើម្បីតបស្នងសងគុណចំពោះបងប្អូនពលី សម្តេចតេជោ ហ៊ុន សែន សម្រេចស្នើឱ្យធ្វើមាតុភូមិនិវត្តមកកម្ពុជាវិញនូវអដ្ឋិធាតុរបស់ពួកគេ ដោយតម្កល់នៅ ក្នុងតំបន់ X-16៕

ទស្សនកិច្ចរបស់ UN នៅក្រុង Odesa ផ្តោតលើគ្រាប់ធញ្ញជាតិអ៊ុយក្រែនត្រូវបាននាំចេញទៅកាន់ទីផ្សារពិភពលោក

អ៊ុយក្រែន៖ ប្រមុខអង្គការសហប្រជាជាតិពិនិត្យទីក្រុងកំពង់ផែ Odesa នៅថ្ងៃទី២ នៃទស្សនកិច្ចនៅអ៊ុយក្រែន អគ្គលេខាធិការអង្គការសហប្រជាជាតិលោក Antonio Guterres បានធ្វើទស្សនកិច្ចនៅទីក្រុងកំពង់ផែសមុទ្រខ្មៅ Odesa កាលពីថ្ងៃសុក្រក្នុងអំឡុងទស្សនកិច្ចនៅអ៊ុយក្រែន។ លោកទៅកាន់ទីនោះដោយផ្តោតលើកិច្ចព្រមព្រៀងមួយ ដើម្បីអនុញ្ញាតឱ្យគ្រាប់ធញ្ញជាតិអ៊ុយក្រែនត្រូវបានដឹកជញ្ជូនទៅកាន់ទីផ្សារពិភពលោក។ លោក Guterres និងប្រធានាធិបតីទួរគីលោក Recep Tayyip Erdogan បានជួបប្រជុំកម្រិតខ្ពស់ជាមួយប្រធានាធិបតីអ៊ុយក្រែនលោក Volodymyr Zelenskyy នៅភាគខាងកើតអ៊ុយក្រែនកាលពីថ្ងៃព្រហស្បតិ៍។ កាលពីដើមរដូវក្តៅនេះ អង្គការសហប្រជាជាតិ និងប្រទេសទួរគីបានចុះកិច្ចព្រមព្រៀងមួយ ដើម្បីត្រួសត្រាយផ្លូវសម្រាប់អ៊ុយក្រែនក្នុងការនាំចេញពោតចំនួន ២២លានតោន និងគ្រាប់ធញ្ញជាតិផ្សេងទៀតដែលជាប់គាំងនៅក្នុងកំពង់ផែសមុទ្រខ្មៅរបស់អ៊ុយក្រែន ចាប់តាំងពីការវាយលុករបស់រុស្ស៊ី។ការរាំងស្ទះការនាំចេញនេះបានធ្វើឱ្យការខ្វះខាត ស្បៀងអាហារពិភពលោកកាន់តែធ្ងន់ធ្ងរឡើង ជំរុញឱ្យតម្លៃទំនិញឡើងថ្លៃ និងការព្រួយបារម្ភពីគ្រោះទុរភិក្ស ជាពិសេសនៅទ្វីបអាហ្វ្រិក។ លោក Zelenskyy បាននិយាយកាលពីថ្ងៃព្រហស្បតិ៍ថា លោកបានស្នើឱ្យបន្ថែមការនាំចេញ។ លោក Guterres បានគូសបញ្ជាក់ជាថ្មីពីភាពរីករាយ ដែលលោកបានមើលឃើញស្រូវសាលីត្រូវបានផ្ទុកទៅលើនាវាដឹកទំនិញ ប៉ុន្តែលោកមានអារម្មណ៍សោកស្តាយ ដែលលោកបានឃើញចំណតកំពង់ផែគ្មានសកម្មភាពដោយសារតែសង្គ្រាម៕អត្ថបទ៖ ប៊ុនថន

តំបន់សួនសត្វភ្នំតាម៉ៅត្រូវបានការពារដោយព្រះក្រឹត្យ

ភ្នំពេញ៖ ព្រះករុណា ព្រះមហាក្សត្រ សម្តេចព្រះបរមនាថ នរោត្តម សីហមុនី ត្រាស់បង្គាប់បង្កើតសួនសត្វ ព្រៃការពារ និងសួនភូតគាម “ភ្នំតាម៉ៅ” ក្នុងគោលដៅធានានិរន្តរភាព នៃការថែរក្សា អភិរក្សព្រៃឈើ និងសត្វព្រៃ ការសង្គ្រោះ ព្យាបាល ស្តារលទ្ធភាពសត្វព្រៃ អប់រំ ផ្សព្វផ្សាយ ការសិក្សាស្រាវជ្រាវ និងសេវាទេសចរណ៍។

UN៖ មានការព្រួយបារម្ភខ្លាំងចំពោះការប្រយុទ្ធនៅជិតរោងចក្រនុយក្លេអ៊ែរ Zaporizhzhia

អ៊ុយក្រែន៖ អគ្គលេខាធិការអង្គការសហប្រជាជាតិលោក Antonio Guterres បាននិយាយថា លោកមានការព្រួយបារម្ភខ្លាំងអំពីការប្រយុទ្ធគ្នានៅជិតរោងចក្រនុយក្លេអ៊ែរ Zaporizhzhia ភាគខាងត្បូងប្រទេសអ៊ុយក្រែន។ លោកបានថ្លែងដូច្នេះក្នុងអំឡុងពេលជំនួបជាមួយប្រធានាធិបតីអ៊ុយក្រែនលោក Volodymyr Zelensky និងមេដឹកនាំទួរគីលោក Recep Tayyip Erdogan នៅទីក្រុង Lviv។ លោកអគ្គលេខាធិការ Antonio Guterres បាននិយាយថា តំបន់ជុំវិញរោងចក្រនុយក្លេអ៊ែរ Zaporizhzhia ភាគខាងត្បូងប្រទេសអ៊ុយក្រែនត្រូវតែគ្មានយោធាជាបន្ទាន់។ ទីក្រុងមូស្គូ និងទីក្រុងគីវបានចោទប្រកាន់គ្នាទៅវិញទៅមក ជុំវិញការបាញ់ផ្លោងនៅបរិវេណអគាររោងចក្រនេះ។ លោក Guterres និយាយថា កិច្ចព្រមព្រៀងនេះគឺចាំបាច់ជាបន្ទាន់ ដើម្បីចាប់ផ្តើមឡើងវិញសុវត្ថិភាពនៅរោងចក្រ Zaporizhzhia ជាហេដ្ឋារចនាសម្ព័ន្ធស៊ីវិលសុទ្ធសាធ និងដើម្បីធានាបានសុវត្ថិភាពនៅតំបន់នេះ។ យោងតាមគេហទំព័ររបស់ប្រធានាធិបតីបានឲ្យដឹងថា លោក Zelenskyy និងប្រមុខអង្គការសហប្រជាជាតិបានព្រមព្រៀងកាលពីថ្ងៃព្រហស្បតិ៍ លើការរៀបចំសម្រាប់បេសកកម្មទីភ្នាក់ងារថាមពលអាតូមិកអន្តរជាតិ (IAEA) មកកាន់រោងចក្រនេះ។ ប៉ុន្តែវាមិនច្បាស់ភ្លាមៗនោះទេថា តើវិមានក្រឹមឡាំងនឹងយល់ព្រមចំពោះលក្ខខណ្ឌនេះ។ចំពោះការដកកងទ័ពចេញ មន្ត្រីក្រសួងការបរទេសរុស្ស៊ីបាននិយាយកាលពីពេលមុនថា នឹងបណ្តាលឲ្យរោងចក្រនេះក្លាយជាទីតាំងងាយរងគ្រោះ។ ការព្រួយបារម្ភបានកើតមានឡើងនៅពេលដែលអាជ្ញាធររុស្ស៊ី និងអ៊ុយក្រែនបានចោទប្រកាន់គ្នាទៅវិញទៅមកថា បានរៀបចំផែនការវាយប្រហារទីតាំងនេះហើយ បន្ទាប់មកដាក់កំហុសភាគីម្ខាងទៀត។ ការបង្កើននៃការនាំចេញគ្រាប់ធញ្ញជាតិក៏ត្រូវបានពិភាក្សាផងដែរនៅក្នុងជំនួបនេះ។ អង្គការសហប្រជាជាតិ និងទួរគីបានចុះហត្ថលេខាលើកិច្ចព្រមព្រៀងមួយ ដើម្បីត្រួសត្រាយផ្លូវសម្រាប់អ៊ុយក្រែនក្នុងការនាំចេញពោតចំនួន ២២លានតោន និងគ្រាប់ធញ្ញជាតិផ្សេងទៀតដែលជាប់គាំងនៅកំពង់ផែសមុទ្រខ្មៅរបស់ខ្លួន ចាប់តាំងពីការវាយលុករបស់រុស្ស៊ី។ ការរាំងស្ទះនេះបានធ្វើឱ្យមានការខ្វះខាតស្បៀងអាហារពិភពលោកកាន់តែធ្ងន់ធ្ងរឡើង ជំរុញឱ្យតម្លៃទំនិញឡើងថ្លៃ និងការព្រួយបារម្ភពីគ្រោះទុរភិក្ស ជាពិសេសនៅទ្វីបអាហ្វ្រិក៕អត្ថបទ៖ ប៊ុនថន

អ្នកស្លាប់ដោយភ្លើងឆេះព្រៃនៅប្រទេសអាល់ហ្សេរីកើនឡើងដល់ ៣៧នាក់ និងរបួស ១៦១នាក់

អាល់ហ្សេរី៖ ក្រសួងការពារជនស៊ីវិលប្រទេសអាហ្វ្រិកខាងជើងបាននិយាយថា ភ្លើងឆេះព្រៃដែលបានឆាបឆេះព្រៃភាគខាងកើតប្រទេសអាល់ហ្សេរី បណ្តាលឲ្យមនុស្សយ៉ាងហោចណាស់ ៣៧នាក់ស្លាប់ និង ១៦១នាក់ផ្សេងទៀតបានរងរបួស។ ជនរងគ្រោះភាគច្រើនត្រូវបានគេរាយការណ៍ថា នៅក្នុងតំបន់ El Tarf ក្បែរព្រំដែនភាគខាងជើងប្រទេសអាល់ហ្សេរី-ទុយនេស៊ី ជាកន្លែងដែលមនុស្ស ៣៤នាក់ត្រូវបានរកឃើញស្លាប់។ អ្នកស្លាប់រួមមានគ្រួសារមួយមានសមាជិក ៥នាក់ដែលត្រូវបានរកឃើញនៅក្នុងលំនៅឋានរបស់ពួកគេ និងមនុស្ស ៨នាក់នៅលើរថយន្តក្រុងសាធារណៈដែលអ្នកបើកបរបាត់បង់ការគ្រប់គ្រងដោយអណ្តាតភ្លើង ខណៈពេលកំពុងធ្វើដំណើរនៅតំបន់ភ្នំ។ នាយករដ្ឋមន្ត្រីលោក Aïmene Benabderrahmane ដែលបានមកដល់ទីក្រុង El Tarf កាលពីថ្ងៃព្រហស្បតិ៍បាននិយាយថា ជនរងគ្រោះភាគច្រើនគឺជាអ្នកសម្រាកវិស្សមកាលបានមកកំសាន្តនៅឆ្នេរឋានសួគ៌ និងទេសភាពដែលគួរឱ្យទាក់ទាញ។ លោកនាយករដ្ឋមន្ត្រីនិយាយថា រដ្ឋអាល់ហ្សេរីនឹងជួយដល់គ្រួសារជនរងគ្រោះ និងចំណាយសម្រាប់ការងារជួសជុល និងសំណងសម្រាប់ការបាត់បង់សត្វពាហនៈ និងសំបុកឃ្មុំនៅក្នុងតំបន់ ដែលត្រូវបានគេស្គាល់សម្រាប់ឧស្សាហកម្មកសិកម្មរបស់រដ្ឋនេះ។ការិយាល័យការពារជនស៊ីវិលបានជូនដំណឹងថា ក្រុមអ្នកពន្លត់អគ្គីភ័យមកពីតំបន់ផ្សេងទៀតត្រូវបានដាក់ពង្រាយ ដើម្បីជួយពន្លត់ភ្លើងឆេះព្រៃ។ រថយន្តដឹកទំនិញដែលនាំយកស្បៀងអាហារ ទឹក ភួយ និងសំលៀកបំពាក់ត្រូវបានគេឃើញថា កំពុងធ្វើដំណើរឆ្ពោះទៅកាន់ទីក្រុង El Tarf។ ក្រសួងមហាផ្ទៃបានជូនដំណឹងថា ភ្លើងឆេះព្រៃចំនួន ៣៩កន្លែងបានកើតឡើងនៅក្នុងតំបន់ចំនួន ១៤ កាលពីថ្ងៃពុធតែមួយថ្ងៃ ហើយការឆាបឆេះបំផ្លាញព្រៃឈើចំនួន ៣,២០០ហិកតាចាប់តាំងពីដើមខែសីហាមក។ ភ្លើងឆេះព្រៃដ៏ធំនៅក្នុងប្រទេសអាល់ហ្សេរីកាលពីឆ្នាំមុនបណ្តាលមនុស្ស ១០៤នាក់ស្លាប់ក្នុងនោះមានទាហាន ៣៣នាក់។ កាលពីពាក់កណ្តាលខែមិថុនាអាជ្ញាធរប្រទេសអាល់ហ្សេរី បានជួលយន្តហោះពន្លត់អគ្គិភ័យមួយគ្រឿងពីប្រទេសរុស្ស៊ីរយៈពេល ៣ខែ៕អត្ថបទ៖ ប៊ុនថន

ចិនគំរាម និងថ្កោលទោសជាថ្មី ក្រោយអាមេរិកប្រកាសការពិភាក្សាពាណិជ្ជកម្មផ្លូវការជាមួយកោះតៃវ៉ាន់

ចិន៖ រដ្ឋបាលរបស់លោកប្រធានាធិបតីអាមេរិក Joe Biden បានប្រកាសកាលពីថ្ងៃព្រហស្បតិ៍ថា សហរដ្ឋអាមេរិកនឹងរៀបចំការពិភាក្សាពាណិជ្ជកម្មផ្លូវការ ជាមួយក្រុមមន្ត្រីកោះតៃវ៉ាន់នៅរដូវស្លឹកឈើជ្រុះនេះ។ សេចក្ដីប្រកាសនេះបានធ្វើឲ្យមានការគំរាម និងការថ្កោលទោសជុំថ្មីមួយទៀតពីរដ្ឋាភិបាលចិន ដែលបានព្រមានថា ក្រុងប៉េកាំងនឹងការពារអធិបតេយ្យភាពរបស់ខ្លួន។ ប្រទេសចិនបានអះអាងសិទ្ធិជាយូរមកហើយថា កោះតៃវ៉ាន់គឺជាផ្នែកមួយនៃដែនដីរបស់ខ្លួន ទោះបីកោះនេះមានរដ្ឋាភិបាលខ្លួនឯងក៏ដោយ។ អ្នកនាំពាក្យក្រសួងពាណិជ្ជកម្មចិនលោកស្រី Shu Jueting បានប្រាប់ក្រុមអ្នកសារព័ត៌មានកាលពីថ្ងៃព្រហស្បតិ៍ថា ប្រទេសចិនជំទាស់យ៉ាងដាច់អហង្ការចំពោះការពិភាក្សាពាណិជ្ជកម្មផ្លូវការនេះ។ ភាពតានតឹងបានឡើងកម្ដៅក្នុងតំបន់នៅឆ្នាំនេះ ខណៈក្រុមតំណាងរាស្ត្រអាមេរិកបន្តធ្វើដំណើរទៅកាន់កោះតៃវ៉ាន់ ដើម្បីបង្ហាញការគាំទ្ររបស់ខ្លួន។ប្រធានសភាទី៥២ របស់សហរដ្ឋអាមេរិកលោកស្រី Nancy Pelosi គឺជាមន្ត្រីជាន់ខ្ពស់បំផុតរបស់សហរដ្ឋអាមេរិក ដែលបានធ្វើដំណើរទស្សនកិច្ចទៅកាន់កោះនេះចាប់តាំងពីឆ្នាំ១៩៩៧ ជាមួយប្រធានសភាទី៥០ របស់សហរដ្ឋអាមេរិកគឺលោក Newt Gingrich។ គួររម្លឹកថា កោះតៃវ៉ាន់បានបែកចេញពីប្រទេសចិន បន្ទាប់ពីកងកម្លាំងគាំទ្រប្រជាធិបតេយ្យចាញ់សង្គ្រាមស៊ីវិលជាមួយបក្សកុម្មុយនិស្តចិនឆ្នាំ១៩៤៩។ កោះនេះបានដឹកនាំស្វ័យគ្រប់គ្រងតាមបែបលទ្ធិប្រជាធិបតេយ្យចាប់តាំងពីពេលនោះមក ប៉ុន្តែនៅតែមានទំនាក់ទំនងពាណិជ្ជកម្មទំហំទឹកប្រាក់រាប់ពាន់លានដុល្លារអាមេរិកជាមួយចិនដីគោក៕អត្ថបទ៖ សុខមាន

កូរ៉េខាងជើងប្រាប់ប្រធានាធិបតីកូរ៉េខាងត្បូងឲ្យបិទមាត់ ក្រោយស្នើសុំផ្ដល់ជំនួយឲ្យទីក្រុងព្យុងយ៉ាង

កូរ៉េខាងជើង៖ លោកស្រី Kim Yo Jong ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើងលោក Kim Jong Un បាននិយាយនៅថ្ងៃសុក្រនេះថា ប្រធានាធិបតីកូរ៉េខាងត្បូងគួរតែបិទមាត់ទៅ ក្រោយលោកបានបញ្ជាក់ជាថ្មីថា ប្រទេសរបស់លោកមានបំណងផ្ដល់ជំនួយសេដ្ឋកិច្ច ជាថ្នូរនឹងការរំសាយនុយក្លេអ៊ែរ។ ការអត្ថាធិប្បាយរបស់លោកស្រីមានឡើងជាលើកដំបូង ដែលមន្ត្រីជាន់ខ្ពស់របស់កូរ៉េខាងជើងមួយរូបបានធ្វើអត្ថាធិប្បាយដោយផ្ទាល់ លើអ្វីដែលប្រធានាធិបតីកូរ៉េខាងត្បូងលោក Yoon Suk-yeol បានហៅថា ជាផែនការក្លាហាន ដែលបានស្នើដំបូងកាលពីខែឧសភា ដែលលោកបាននិយាយជាថ្មីកាលពីថ្ងៃពុធនៅសន្និសីទសារព័ត៌មានគម្រប់ខួប នៃការឡើងកាន់អំណាចដំបូងរយៈពេល ១០០ថ្ងៃរបស់លោក។លោកស្រី Kim Yo Jong បាននិយាយនៅក្នុងសេចក្ដីថ្លែងការណ៍មួយ ចេញផ្សាយដោយទីភ្នាក់ងារសារព័ត៌មានរដ្ឋ KCNA ថា យកល្អលោកគួរតែបិទមាត់ខ្លួនឯងទៅ ដោយហៅលោក Yoon ថា ជាមនុស្សនៅក្មេងខ្ចីនៅឡើយ និងនៅតែជាកូនក្មេងនៅឡើយ ដែលគិតថា លោកអាចធ្វើកិច្ចសហប្រតិបត្តិការសេដ្ឋកិច្ចពាណិជ្ជកម្មដោះដូរជាមួយកិត្តិយស និងអាវុធនុយក្លេអ៊ែររបស់កូរ៉េខាងជើង។ រដ្ឋមន្ត្រីក្រសួងបង្រួបបង្រួមជាតិកូរ៉េខាងត្បូងទទួលបន្ទុកទំនាក់ទំនងជាមួយកូរ៉េខាងជើង បានហៅការអត្ថាធិប្បាយរបស់លោកស្រី Kim ជាការប្រើពាក្យសម្ដីមិនសមរម្យ និងខ្វះការគោរព៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

បម្រែបម្រួលអាកាសធាតុធ្វើឲ្យប៉ះពាល់ដល់កសិករចិញ្ចឹមឃ្មុំនៅកូរ៉េខាងត្បូង

EU និង UNICEF បញ្ជូនគ្រឿងផ្គត់ផ្គង់សង្រ្គោះជំងឺអេបូឡាទៅកាន់កុងហ្គោ ខណៈផ្ទុះការរីករាលដាលឆ្លង

មន្ត្រីជាន់ខ្ពស់ការបរទេស៖កម្ពុជាបានជ្រើសរើសអ្នកផ្សះផ្សាពីររូបរួចហើយ ខណៈភាគីថៃមានពេល២១ថ្ងៃ ដើម្បីជ្រើសរើសអ្នកផ្សះផ្សាពីររូបដែរ

កម្ពុជាធ្វើជាម្ចាស់ផ្ទះសិក្ខាសាលាស្តីពី ការបង្កើតកិច្ចសហប្រតិបត្តិការស្ថាប័នប្រវត្តិសាស្ត្រយោធាអាស៊ាន(AMHIC)”

មានអ្នកស្លាប់ច្រើននាក់ ក្នុងហេតុការណ៍ធ្លាក់យន្តហោះនៅតំបន់ Istria របស់ក្រូអាត

ឆ្មាំបដិវត្តន៍អ៊ីរ៉ង់អំពាវនាវឲ្យអ៊ីស្រាអែលដកទ័ពទៅកាន់ទីតាំងមុនសង្គ្រាម នៅលីបង់

ប្រទេស ១១ នៅអឺរ៉ុប អំពាវនាវឲ្យ EU មានច្បាប់ទិដ្ឋាការកាន់តែតឹងរ៉ឹង សម្រាប់ជនជាតិរុស្ស៊ី

អ៊ីស្រាអែលឃុំខ្លួនក្រុមបាតុករជ្វីហ្វជ្រុលនិយម បន្ទាប់ពីបានវាយប្រហារលំនៅឋានរបស់ចៅក្រម

បទឈប់បាញ់នៅលីបង់ បង្កើនក្តីសង្ឃឹមពីការមានវឌ្ឍនភាព សម្រាប់កិច្ចព្រមព្រៀងអ៊ីរ៉ង់

អាកាសធាតុអាក្រក់បែងចែកអ៊ីតាលីដោយព្យុះកួចកើតមាននៅទីក្រុងរ៉ូមហើយអាកាសធាតុក្តៅវាយប្រហារកោះ Sicily

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ព្រះមហាក្សត្រ និងសម្ដេចព្រះមហាក្សត្រីស្តេចយាងទៅពិនិត្យព្រះរាជសុខភាព នៅប្រទេសចិន

ប្រមុខយោធាមីយ៉ាន់ម៉ានិយាយថា បើកទ្វារចំពោះការចរចាជាមួយលោកស្រី អ៊ុងសាន ស៊ូជី បន្ទាប់ពីការកាត់ទោសលោកស្រី

ចក្រភពអង់គ្លេសនិយាយថា រុស្ស៊ីគ្មានសិទ្ធិស្វ័យសម្រេចអង្គុយនៅកិច្ចប្រជុំកំពូលក្រុម G20 នោះទេ

ទស្សនកិច្ចរបស់ UN នៅក្រុង Odesa ផ្តោតលើគ្រាប់ធញ្ញជាតិអ៊ុយក្រែនត្រូវបាននាំចេញទៅកាន់ទីផ្សារពិភពលោក

តំបន់សួនសត្វភ្នំតាម៉ៅត្រូវបានការពារដោយព្រះក្រឹត្យ

UN៖ មានការព្រួយបារម្ភខ្លាំងចំពោះការប្រយុទ្ធនៅជិតរោងចក្រនុយក្លេអ៊ែរ Zaporizhzhia

អ្នកស្លាប់ដោយភ្លើងឆេះព្រៃនៅប្រទេសអាល់ហ្សេរីកើនឡើងដល់ ៣៧នាក់ និងរបួស ១៦១នាក់

ចិនគំរាម និងថ្កោលទោសជាថ្មី ក្រោយអាមេរិកប្រកាសការពិភាក្សាពាណិជ្ជកម្មផ្លូវការជាមួយកោះតៃវ៉ាន់

កូរ៉េខាងជើងប្រាប់ប្រធានាធិបតីកូរ៉េខាងត្បូងឲ្យបិទមាត់ ក្រោយស្នើសុំផ្ដល់ជំនួយឲ្យទីក្រុងព្យុងយ៉ាង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ព្រះមហាក្សត្រ និងសម្ដេចព្រះមហាក្សត្រីស្តេចយាងទៅពិនិត្យព្រះរាជសុខភាព នៅប្រទេសចិន

ចក្រភព​អង់គ្លេស​និយាយថា រុស្ស៊ី​គ្មាន​សិទ្ធិ​ស្វ័យ​សម្រេច​អង្គុយ​នៅ​កិច្ចប្រជុំ​កំពូល​ក្រុម G20 នោះទេ​

តំបន់សួនសត្វភ្នំតាម៉ៅ​ត្រូវបានការពារដោយព្រះក្រឹត្យ

UN៖ មានការ​ព្រួយបារម្ភ​ខ្លាំង​ចំពោះ​ការ​ប្រយុទ្ធ​នៅ​ជិត​រោងចក្រ​នុយក្លេអ៊ែរ Zaporizhzhia

អ្នក​ស្លាប់​ដោយ​ភ្លើង​ឆេះ​ព្រៃ​នៅ​ប្រទេស​អាល់​ហ្សេ​រី​កើន​ឡើង​ដល់​ ៣៧​នាក់ និង​របួស ​១៦១​នាក់

ចិន​គំរាម និង​ថ្កោលទោស​ជាថ្មី ក្រោយ​អាមេរិក​ប្រកាស​ការពិភាក្សា​ពាណិជ្ជកម្ម​ផ្លូវការ​ជាមួយ​កោះ​តៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចក្រភពអង់គ្លេសនិយាយថា រុស្ស៊ីគ្មានសិទ្ធិស្វ័យសម្រេចអង្គុយនៅកិច្ចប្រជុំកំពូលក្រុម G20 នោះទេ

តំបន់សួនសត្វភ្នំតាម៉ៅត្រូវបានការពារដោយព្រះក្រឹត្យ

UN៖ មានការព្រួយបារម្ភខ្លាំងចំពោះការប្រយុទ្ធនៅជិតរោងចក្រនុយក្លេអ៊ែរ Zaporizhzhia

អ្នកស្លាប់ដោយភ្លើងឆេះព្រៃនៅប្រទេសអាល់ហ្សេរីកើនឡើងដល់ ៣៧នាក់ និងរបួស ១៦១នាក់

ចិនគំរាម និងថ្កោលទោសជាថ្មី ក្រោយអាមេរិកប្រកាសការពិភាក្សាពាណិជ្ជកម្មផ្លូវការជាមួយកោះតៃវ៉ាន់