BTV NEWS

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

សម្ដេចតេជោ ហ៊ុន សែន កោតសរសើរថ្នាក់ដឹកនាំខេត្តកំពង់ធំដែលបានយកចិត្តទុកដាក់គ្រប់គ្រងអតីតយុទ្ធជន និងគ្រួសារយុទ្ធជនពលី បានយ៉ាងល្អ

ព័ត៌មានសំខាន់ៗ

អង្គការសុខភាពពិភពលោកចេញការព្រមានពីការឆ្លងរាលដាលជំងឺអុតស្វាដល់ម្ចាស់សត្វចិញ្ចឹម

WHO៖ អង្គការសុខភាពពិភពលោកបានចេញការព្រមាន ដល់មនុស្សដែលបានឆ្លងជំងឺអុតស្វាឲ្យនៅដាច់ឆ្ងាយពីសត្វផ្សេងៗ បន្ទាប់ពីត្រូវបានគេដឹងថាមានករណីឆ្លងដំបូងពីមនុស្សទៅសត្វសុនខ ត្រូវបានកត់ត្រានៅក្នុងទស្សនាវដ្ដីឱសថ Lancet។ ប្រធានបច្ចេកទេសនៃជំងឺអុតស្វារបស់អង្គការសុខភាពពិភពលោក លោកស្រីវេជ្ជបណ្ឌិត Rosamund Lewis បានប្រាប់ក្រុមអ្នកសារព័ត៌មានកាលពីថ្ងៃពុធថា នេះគឺជាករណីឆ្លងដំបូងដែលត្រូវបានរាយការណ៍ពីការឆ្លងពីមនុស្សទៅសត្វ ហើយយើងជឿថា នេះជាឧទាហរណ៍ដំបូងនៃសត្វសុនខដែលត្រូវបានឆ្លង។ អ្នកជំនាញជំងឺរាតត្បាតបានដឹងថា ការចម្លងជំងឺបែបនេះអាចកើតឡើងបាន ដោយក្រុមទីភ្នាក់ងារសុខភាពសាធារណៈមួយចំនួន បានណែនាំរួចទៅហើយឲ្យនៅឆ្ងាយពីសត្វចិញ្ចឹមរបស់ពួកគេ ប៉ុន្តែឧទាហរណ៍ជាក់លាក់មិនត្រូវបានកត់ត្រាទេរហូតដល់សប្ដាហ៍មុន។ របាយការណ៍របស់ទស្សនាវដ្ដី Lancet បានលើកឡើងពីបុរសភេទទី៣ ចំនួន ២នាក់រស់នៅជាមួយគ្នាក្នុងអគារអឹផាតមិនមួយក្នុងទីក្រុងប៉ារីស ជាមួយសុនខពណ៌ប្រផេះពូជមកពីប្រទេសអ៊ីតាលី។ ពួកគេបានរកឃើញដំបៅនៅលើសុនខ ១២ថ្ងៃបន្ទាប់ពីចាប់ផ្ដើមលេចចេញរោគសញ្ញា និងបានបង្ហាញថា ពួកគេរួមដំណេកជាមួយសត្វសុនខរបស់ពួកគេ។ ការវិភាគហ្សែនបានបញ្ជាក់ថា វីរុសដែលបានឆ្លងទៅសត្វសុនខ គឺមានលក្ខខណៈដូចគ្នាទៅនឹងការឆ្លងទៅម្ចាស់របស់វាដែរ។អង្គការសុខភាពពិភពលោកបានរាយការណ៍កាលពីថ្ងៃពុធថា មនុស្សចំនួន ៣៥,០០០នាក់បានឆ្លងជំងឺអុតស្វានៅទូទាំងពិភពលោក ជាវីរុសស្រដៀងទៅនឹងវីរុសអុតមាន់ដែលធម្មតារាតត្បាតឆ្លងនៅទ្វីបអាហ្វ្រិក ចាប់តាំងពីជំងឺនេះបានរាតត្បាតកាលពីខែឧសភា។ កាលពីសប្ដាហ៍មុនគេបានមើលឃើញករណីឆ្លងថ្មីចំនួន ៧,៥០០នាក់កើនឡើង ២០% លើសកាលពីសប្ដាហ៍កន្លងទៅ។ វីរុសនេះត្រូវបានរកឃើញនៅក្នុងប្រទេសចំនួន ៩២ ទោះបីជាករណីឆ្លងភាគច្រើនត្រូវបានកើតមាននៅទ្វីបអឺរ៉ុប និងអាមេរិកក៏ដោយ៕អត្ថបទ៖ សុខមាន

មហោស្រពសិល្បៈក្បាច់របាំបុរាណខ្មែរ ត្រៀមសម្ដែងចុងខែនេះ កំពុងទទួលបានការចាប់អារម្មណ៍ខ្លាំងពីមហាជន

ភ្នំពេញ៖ ការសម្ដែងរបាំក្បាច់បុរាណខ្មែរទ្រង់ទ្រាយធំ កាន់តែខិតមកដល់ ខណៈសិល្បករ-សិល្បការិនី ជិត ២០០នាក់ កំពុងហាត់សមយ៉ាងយកចិត្តទុកដាក់បំផុតទាំងយប់ទាំងថ្ងៃ ដើម្បីធ្វើយ៉ាងណាឱ្យការសម្ដែងដ៏កម្រមួយនេះ ប្រកបដោយភាពអស្ចារ្យសម្រាប់ទស្សនិកជនទាំងជាតិ និងអន្តរជាតិ។ក្រឡេកមកមើលលើបណ្ដាញសង្គមក្នុងប្រទេសកម្ពុជានាពេលនេះ សង្កេតឃើញថា មហាជនកំពុងចាប់អារម្មណ៍ខ្លាំង និងមានការជជែកគ្នាជាច្រើនពីមហោស្រពរបាំក្បាច់បុរាណខ្មែរ រឿង «ព្រះបាទជ័យរវ្ម័នទី៧ ដកស្រង់ត្រង់ឈុត ស្នាព្រះហស្ត និងសមិទ្ធផលនៃមហាវីរក្សត្រទាំង៣អង្គ»។ មហាជន និងអ្នកស្នេហាសិល្បៈវប្បធម៌ជាតិ បានធ្វើការចែករំលែកព្រោងព្រាតអំពាវនាវសូមឱ្យប្រជាជនខ្មែរទិញសំបុត្រចូលទស្សនាព្រឹត្តិការណ៍ដ៏កម្រមួយនេះ ខណៈដែលបច្ចុប្បន្ននេះមានប្រទេសជិតខាងកំពុងបញ្ជៀបវប្បធម៌របស់ពួកគេចូលមកក្នុងប្រទេសកម្ពុជា។ ដូច្នេះហើយមានតែគាំទ្រ សិល្បៈវប្បធម៌ជាតិរបស់ខ្លួនប៉ុណ្ណោះ ទើបអាចជួយលើកតម្កើនវប្បធម៌ជាតិឱ្យថ្កុំថ្កើន មិនអាចមានប្រទេសណាមកបន្លំបានឡើយ។លោក ឈី កុលបុត្រា ដែលជាប្រធានដឹកនាំក្រុមការងារនៃកម្មវិធីមហោស្រពរបាំក្បាច់បុរាណខ្មែរ បានបង្ហាញក្ដីសោមនស្សរីករាយយ៉ាងក្រៃលែង ក្នុងនាមជាអ្នកដឹកនាំរៀបចំកម្មវិធី ក្រោយឃើញសន្ទុះការគាំទ្រយ៉ាងផុលផុសនៅលើបណ្ដាញទំនាក់ទំនងសង្គមនានា។លោកបានមានប្រសាសន៍ថា ពិតជាសប្បាយរីករាយណាស់ ដែលឃើញយុវជន យុវនារី សម័យនេះ បានយល់ច្បាស់ពីអ្វីដែលជាសម្បត្តិវប្បធម៌ និងប្រពៃណីខ្មែរយើង។លោកបានបន្ថែមថា ដោយស្រុកមានសន្តិភាព នាំឱ្យយុវជនមានឱកាសនៅក្នុងការគិតគូរ និងថែរក្សា ការពារ សិល្បៈ វប្បធម៌ខ្មែរ បន្សល់ទុកពីបុព្វបុរសខ្មែរ តាមរយៈការចូលរួមចំណែកជួយលើកស្ទួយទាំងអស់គ្នា ដូចកម្មវិធីមហោស្រពសិល្បៈរបាំក្បាច់បុរាណខ្មែរនេះជាដើម។ដោយសារសន្ទុះនៃការគាំទ្រកាន់តែកើនឡើងខ្លាំង ការលក់សំបុត្រក៏ដាច់អស់ច្រើនដែរ។ ដូច្នេះឆ្លៀតក្នុងឱកាសនេះ លោក កុលបុត្រា ក៏បានអំពាវនាវផងដែរថា៖ «ដោយសារមានការគាំទ្រច្រើន សំបុត្រក៏បានលក់អស់ច្រើនដែរ ហើយកន្លែងអង្គុយទស្សនាមានកំណត់។ ដូច្នេះសូមបងប្អូនប្រញាប់រួសរាន់ឡើង ប្រញាប់ទិញសំបុត្រចូលទស្សនា ដើម្បីកុំឱ្យខកខានផ្ទាំងទស្សនីយភាពដ៏អស្ចារ្យនេះ»។គួរឱ្យដឹងថា ផ្ទាំងទស្សនីយភាពដ៏អស្ចារ្យនេះនឹងបង្ហាញខ្លួននៅសាលន្និសីទចតុម្មុខ នាថ្ងៃទី ២៧ និង ២៨ ខែសីហា ឆ្នាំ ២០២២ ខាងមុខនេះ ក្រោមកិច្ចផ្ដួចផ្ដើមពីសហភាពសហព័ន្ធយុវជនកម្ពុជាខេត្តស្វាយរៀង ជាមួយនឹងសាលារបាំនរោត្ដម បុប្ផាទេវី កំពុងតែបន្តលក់សំបុត្រជារៀងរាល់ថ្ងៃ។សំបុត្រមានលក់តាមរយៈអនឡាញតេឡេក្រាម ០៧៧ ៤៤៤ ៣៣៥ និងមានការលក់ផ្ទាល់នៅសាលសន្និសីទចតុម្មុខ ចាប់ពីថ្ងៃ២២ ដល់ថ្ងៃទី២៨ ខែសីហា ឆ្នាំ២០២២។ *កន្លែងមានកំណត់!តម្លៃសំបុត្រ៖សំបុត្រពិសេស (VIP) ១០០,០០០៛តំបន់ពណ៌បៃតង (Green Zone) ៤០,០០០៛តំបន់ពណ៌ខៀវ (Blue Zone) ២០,០០០៛សម្រាប់ព័ត៌មានលំអិតសូមទំនាក់ទំនងមកលេខ ០៧៧ ៤៤៤ ៣៣៥មិនត្រឹមតែជាការចូលរួមទស្សនា តែជាការគាំទ្រ លើកស្ទួយ និងរក្សាវប្បធម៌ខ្មែរយើងទាំងអស់គ្នា!!!

សម្តេចតេជោ ហ៊ុន សែន អញ្ជើញទទួលវ៉ាក់សាំងបង្ការជំងឺកូវីដ១៩ជំនួយអេស្ប៉ាញចំនួន៣០ម៉ឺនដូស(ភ្ជាប់ជាមួយសុន្ទរកថាទាំងស្រុង)

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញទទួលវ៉ាក់សាំងបង្ការជំងឺកូវីដ-១៩ ដែលជាជំនួយរបស់រដ្ឋាភិបាល និងប្រជាជនអេស្ប៉ាញ នៅវិមានសន្តិភាព នាព្រឹកថ្ងៃទី១៨ ខែសីហា ឆ្នាំ២០២២នេះ។វ៉ាក់សាំងបង្ការជំងឺកូវីដ-១៩ ប្រភេទ Pfizer សម្រាប់ចាក់ជូនកូនក្មេងចំនួន ៣០ម៉ឺនដូស ដែលជាជំនួយរបស់រដ្ឋាភិបាល និងប្រជាជនអេស្ប៉ាញនេះ បានដឹកមកដល់ប្រទេសកម្ពុជានៅវេលារំលងអាធ្រាត្រថ្ងៃទី១៦ ឈានចូលថ្ងៃទី១៧ ខែសីហា ឆ្នាំ២០២២។ មកដល់ពេលនេះ កម្ពុជាទទួលបានវ៉ាក់សាំងសរុបប្រមាណ ៧៤លានដូស ហើយកំពុងសល់នៅក្នុងឃ្លាំងជាង ៧.៦លានដូស។វ៉ាក់សាំង គឺជាបង្អែកដ៏សំខាន់ក្នុងការប្រយុទ្ធប្រឆាំងនឹងជំងឺកូវីដ-១៩ ក៏ដូចជាការពារអាយុជីវិតប្រជាពលរដ្ឋពីជំងឺឆ្លងសាកលមួយនេះ។សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា និងជាអគ្គមេបញ្ជាការកំពូលក្នុងសង្គ្រាមកូវីដ-១៩ បានផ្តល់តម្លៃខ្ពស់បំផុតលើការងារចាក់វ៉ាក់សាំង ដើម្បីលុបបំបាត់ជំងឺកូវីដ១៩ និងការពារអាយុជីវិតរបស់ប្រជាពលរដ្ឋ។ទន្ទឹមនឹងការអំពាវនាវឱ្យពលរដ្ឋអនុវត្តវិធានសុខាភិបាលក្នុងការការពារជំងឺកូវីដ១៩ហើយនោះ សម្តេចតេជោ ហ៊ុន សែន ក៏បានដាក់ចេញនូវគោលនយោបាយចាក់វ៉ាក់សាំងតាមយុទ្ធសាស្ត្រផ្ការីក។ គោលនយោបាយចាក់ស្រោចវ៉ាក់សាំងនេះ បានធ្វើឱ្យកម្ពុជាឈានទៅទទួលបានជោគជ័យក្នុងការទប់ស្កាត់ការរីករាលដាលជំងឺកូវីដ-១៩។សម្តេចបានបន្តថា ជំងឺកូវីដ-១៩ មិនទាន់ឃ្លាតទៅណាឆ្ងាយពីយើងនោះទេ ។ ក្នុងន័យនេះ, កម្ពុជា ក៏ដូចជាសកលលោកទាំងមូល ត្រូវបន្តយកចិត្តទុកដាក់ និងខិតខំប្រឹងប្រែង ក្នុងការគ្រប់គ្រងជំងឺកូវីដ-១៩ ដោយស្មារតីបុរេសកម្ម និងប្រុងប្រយ័ត្នខ្ពស់ ជាពិសេសការបន្ត និងពន្លឿនការចាក់វ៉ាក់សាំងដូសជំរុញ ជូនដល់ប្រជាជនគ្រប់រូប និងកុមារដែលមានអាយុពី ៣ ឆ្នាំឡើង ដែលនឹងបន្តដើរតួនាទីស្នូលក្នុងការផ្តល់ការការពារដ៏រឹងមាំ និងមានប្រសិទ្ធភាពបំផុត តទល់នឹងការបំប្លែងខ្លួនថ្មីៗ និងមិនឈប់ឈរនៃជំងឺកូវីដ-១៩។ខាងក្រោមនេះជាខ្លឹមសារ សុន្ទរកថាទាំងស្រុងរបស់សម្តេចតេជោ ហ៊ុន សែន៖

លោក Zelenskyy ជួបលោក Ban Ki-moon ខណៈប្រមុខ UN នឹងធ្វើទស្សនកិច្ចនៅក្រុង Lviv សប្ដាហ៍នេះ

អ៊ុយក្រែន៖ អតីតអគ្គលេខាធិការអង្គការសហប្រជាជាតិលោក Ban Ki-moon និងប្រធានាធិបតីកូឡុំប៊ីលោក Manuel Santos បានជួបជាមួយប្រធានាធិបតីអ៊ុយក្រែនលោក Volodymyr Zelenskyy ក្នុងទីក្រុង Kyiv។ កាលពីថ្ងៃអង្គារ លោក Ban Ki Moon និងលោក Santos បាធ្វើទស្សនកិច្ចនៅទីក្រុង Bucha ជាទីក្រុងនៅភាគពាយព្យរដ្ឋធានីប្រទេសអ៊ុយក្រែន ជាកន្លែងដែលជនស៊ីវិលរាប់រយនាក់ត្រូវបានគេឃើញស្លាប់ បន្ទាប់ពីការដកទ័ពរបស់រុស្ស៊ីចេញពីទីក្រុងកាលពីចុងខែមីនា។ ទីប្រជុំជននេះបានក្លាយជាទីឈប់ចតជាទៀងទាត់ សម្រាប់មន្ត្រីទាំងអស់ដែលមកធ្វើទស្សនកិច្ចនៅអ៊ុយក្រែន ដើម្បីបង្ហាញពីសាមគ្គីភាពរបស់ពួកគេ។ លោក Ban Ki Moon ជាអតីតអ្នកការទូតកូរ៉េខាងត្បូង ដែលបានបម្រើការជាអគ្គលេខាធិការចន្លោះឆ្នាំ២០០៧ ដល់ឆ្នាំ២០១៦ បានអំពាវនាវដល់ពិភពលោកឱ្យគោរពដល់ជនស៊ីវិលដែលត្រូវបានសម្លាប់ នៅពេលដែលកងកម្លាំងរុស្ស៊ីបានព្យាយាមវាយលុករដ្ឋធានីអ៊ុយក្រែន ហើយទីបំផុតបានដកថយពីតំបន់ជុំវិញទីក្រុងគីវ។ ទន្ទឹមនឹងនេះអ្នកនាំពាក្យអង្គការសហប្រជាជាតិលោក Stephane Dujarric បានប្រកាសកាលពីថ្ងៃអង្គារថា អគ្គលេខាធិការលោក António Guterres នឹងមកដល់ទីក្រុង Lviv នៅថ្ងៃព្រហស្បតិ៍ដើម្បីជួបជាមួយប្រធានាធិបតីទួរគីលោក Recep Tayyip Erdogan និងមេដឹកនាំអ៊ុយក្រែនលោក Volodymyr Zelenskyy។លោក Dujarric និយាយថា លោក Guterres នឹងធ្វើទស្សនកិច្ចនៅទីក្រុង Odesa និងអ៊ីស្តង់ប៊ុល ដើម្បីពិនិត្យមើលកំពង់ផែមួយក្នុងចំណោមកំពង់ផែដែលពាក់ព័ន្ធ នឹងគំនិតផ្តួចផ្តើមនាំចេញគ្រាប់ធញ្ញជាតិសមុទ្រខ្មៅ និងមជ្ឈមណ្ឌលសម្របសម្រួលរួមដែលបានបង្កើតឡើងដើម្បីអនុវត្តការនាំចេញ។ គំនិតផ្តួចផ្តើមនាំចេញគ្រាប់ធញ្ញជាតិនៅសមុទ្រខ្មៅត្រូវបានបង្កើតឡើង ដើម្បីអនុញ្ញាតឱ្យអ៊ុយក្រែននាំចេញស្បៀងអាហារពាណិជ្ជកម្ម ពីកំពង់ផែសមុទ្រខ្មៅសំខាន់ៗមានកំពង់ផែ Odessa, Chernomorsk និងកំពង់ផែ Yuzhny៕អត្ថបទ៖ ប៊ុនថន

BREAKING NEWS៖ កូរ៉េខាងជើងបាញ់មីស៊ីលតម្រង់គោលដៅ២គ្រាប់ ជាការសាកល្បងលើកដំបូងក្នុងពេលជាច្រើនសប្ដាហ៍មកនេះ

កូរ៉េខាងត្បូង៖ ក្រសួងការពារជាតិកូរ៉េខាងត្បូង បាននិយាយថា កូរ៉េខាងជើងបានបាញ់មីស៊ីលតម្រង់គោលដៅចំនួន២គ្រាប់ នៅព្រឹកថ្ងៃពុធនេះ ដែលជាការបាញ់សាកល្បងអាវុធជាលើកដំបូងរបស់ទីក្រុង Pyongyang ក្នុងរយៈពេលជាច្រើនសប្ដាហ៍មកនេះ។មន្ត្រីក្រសួងការពារជាតិខាងលើបានប្រាប់សារព័ត៌មាន AFP ថា នៅព្រឹកថ្ងៃនេះ យើងបានតាមដានដឹងថាកូរ៉េខាងជើង បានបាញ់មីស៊ីលតម្រង់គោលដៅចំនួន២គ្រាប់ ចូលទៅសមុទ្រខាងលិចចេញពីតំបន់ Onchon របស់ខេត្តព្យុងហ្គានខាងត្បូង(South Pyongan) ។ការបាញ់នេះមានឡើង ខណៈកូរ៉េខាងត្បូង និងសហរដ្ឋអាមេរិកបានចាប់ផ្ដើមសមយុទ្ធយោធារួមគ្នាបឋមរយៈពេល៤ថ្ងៃ កាលពីម្សិលមិញ ជាការត្រៀមសម្រាប់ការហ្វឹកហាត់បាញ់គ្រាប់ពិតដែលបានផ្អាកជាយូរមកហើយ មានឈ្មោះថា Ulchi Freedom Shield ដែលនឹងប្រព្រឹត្តទៅចាប់ពី ថ្ងៃទី២២សីហា ដល់១កញ្ញា ។ចំណែកលោកប្រធានាធិបតីកូរ៉េខាងត្បូង Yoon Suk-yeol បាននិយាយថា លោក មានបំណងផ្ដល់ជំនួយសេដ្ឋកិច្ចតាមដំណាក់កាល ដល់កូរ៉េខាងជើង បើប្រទេសនេះបញ្ចប់ការអភិវឌ្ឍន៍អាវុធនុយក្លេអ៊ែរ និងចាប់ផ្ដើមរំសាយនុយក្លេអ៊ែរ ស្របពេលលោកឆ្លើយសំនួរអំឡុង សន្និសីទសារព័ត៌មានរំម្លឹកដល់ការឡើងកាន់អំណាចរយៈពេល១០០ថ្ងៃដំបូងរបស់លោក៕ អត្ថបទ៖ សុខមាន

រលកកម្ដៅធ្ងន់ធ្ងរបំផុតមិនធ្លាប់មានក្នុងពេល ៦០ឆ្នាំនៅចិនបង្ខំឲ្យរោងចក្រជាច្រើនបិទទ្វារ

ចិន៖ ខេត្តស៊ីឆ័នរបស់ចិនបានចេញបញ្ជាដល់រោងចក្រទាំងអស់ឲ្យបិទទ្វាររយៈពេល ៦ថ្ងៃដើម្បីកាត់បន្ថយកង្វះថាមពលនៅក្នុងតំបន់ ខណៈរលកកម្ដៅដែលកំពុងហក់ឡើងខ្លាំងរាលដាលទូទាំងប្រទេស។ ខេត្តស៊ីឆ័នគឺជាទីតាំងផលិតសម្រាប់ឧស្សាហកម្ម បន្ទះអេឡិចត្រូនិក និងផ្ទាំងថាមពលពន្លឺព្រះអាទិត្យ ហើយការសន្សំសំចៃថាមពលនឹងធ្វើឲ្យប៉ះពាល់ដល់រោងចក្រនានា ដែលជាផ្នែករបស់ក្រុមហ៊ុនអេឡិចត្រូនិកមួយចំនួនដ៏ធំៗបំផុតរបស់ពិភពលោក រួមទាំងក្រុមហ៊ុន Apple, ក្រុមហ៊ុនផ្គត់ផ្គង់ Foxconn និង Intel។ ក្រុមអ្នកវិភាគនិយាយថា ខេត្តនេះក៏ជាតំបន់រ៉ែលីទីញ៉ូមរបស់ចិនផងដែរ ដែលជាធាតុផ្សំដ៏សំខាន់ក្នុងការផលិតអាគុយរថយន្ត ហើយការបិទនេះអាចនឹងធ្វើឲ្យប៉ះពាល់ដំណើរការជីកលោហៈធាតុកម្រនេះ។ប្រទេសចិនកំពុងប្រឈមនឹងរលកកម្ដៅធ្ងន់ធ្ងរបំផុតមិនធ្លាប់មានក្នុងពេល ៦០ឆ្នាំមកនេះដោយសីតុណ្ហភាពបានហក់ឡើងដល់ ៤០អង្សាសេក្នុងទីក្រុងរាប់សិបកន្លែង។ កម្ដៅដ៏ខ្លាំងនេះបានបណ្ដាលឲ្យមានតម្រូវការខ្ពស់សម្រាប់ម៉ាស៊ីនត្រជាក់នៅតាមការិយាល័យ និងលំនៅឋានទាំងឡាយដែលធ្វើឲ្យខ្វះខាតថាមពលអគ្គិសនី។ គ្រោះរាំងស្ងួតក៏បានធ្វើឲ្យកម្ពស់ទឹកក្នុងទន្លេនានាធ្លាក់ចុះផងដែរ ជាហេតុនាំឲ្យថយចុះនៃចំនួនការផលិតអគ្គិសនីនៅរោងចក្រវារីអគ្គិសនីផ្សេងៗ។ សេចក្ដីជូនដំណឹងនិយាយថា ការសម្រេចចិត្តបិទរោងចក្រនេះគឺដើម្បីធ្វើឲ្យប្រាកដថា មានថាមពលអគ្គិសនីគ្រប់គ្រាន់សម្រាប់តម្រូវការប្រើប្រាស់របស់ប្រជាពលរដ្ឋ៕អត្ថបទ៖ សុខមាន

ប្រធានាធិបតីស្រីលង្កានិយាយថា ប្រទេសនេះនឹងមិនបន្តដាក់រដ្ឋក្នុងគ្រាអាសន្នទៀតទេ

ស្រីលង្កា៖ ការិយាល័យប្រធានាធិបតីបាននិយាយកាលពីថ្ងៃអង្គារថា ប្រទេសស្រីលង្កានឹងមិនបន្ថែមពេលវេលាដាក់ប្រទេសក្នុងគ្រាអាសន្ន ដែលបានដាក់ដើម្បីគ្រប់គ្រងការតវ៉ាប្រឆាំងរដ្ឋាភិបាលទៀតទេ ខណៈស្ថានភាពនៅក្នុងប្រទេសក្រីក្រមួយនេះមានស្ថិរភាពហើយ។លោកប្រធានាធិបតី Ranil Wickremesinghe បានអំពាវនាវឲ្យរឹតបន្តឹងច្បាប់រយៈពេល ៤ថ្ងៃ ក្រោយអ្នកកាន់តំណែងមុនរបស់លោករត់ភៀសខ្លួនចេញពីប្រទេសនេះ និងបានលាលែងពីតំណែងកាលពីថ្ងៃទី១៤ ខែមិថុនា បន្ទាប់ពីការតវ៉ាប៉ុន្មានខែដោយសារតែវិបត្តិស្បៀងអាហារ ប្រេងឥន្ធនៈ និងថ្នាំពេទ្យដ៏ធ្ងន់ធ្ងរ។ ការប្រកាសដាក់ប្រទេសក្នុងគ្រាអាសន្នដែលត្រូវបានដាក់ដោយលោក Wickremesinghe គ្រោងនឹងបញ្ចប់នៅថ្ងៃព្រហស្បតិ៍សប្ដាហ៍នេះ ហើយលោកមានអំណាចក្នុងការអនុវត្តន៍ឡើងវិញជារៀងរាល់ខែនៅពេលក្រោយ។ការិយាល័យរបស់លោកប្រធានាធិបតីរូបនេះ បានដកស្រង់សម្ដីរបស់លោកដោយនិយាយថា ស្ថានភាពនៅក្នុងប្រទេសនេះមានស្ថិរភាពវិញហើយ ពុំចាំបាច់ដាក់ប្រទេសក្នុងគ្រាអាសន្នជាថ្មីទៀតទេ នៅពេលដែលវិធានការនេះនឹងបញ្ចប់នៅសប្ដាហ៍នេះ។ បទបញ្ជានានាក្រោមការដាក់ប្រទេសក្នុងគ្រាអាសន្ន អនុញ្ញាតឲ្យកងទ័ព និងនគរបាលចាប់ខ្លួន និងឃុំជនសង្ស័យរយៈពេលយូរ។ យ៉ាងណាក៏ដោយការដាក់រដ្ឋក្នុងគ្រាអាសន្ន ត្រូវបានរិះគន់យ៉ាងខ្លាំងពីក្រុមសិទ្ធិមនុស្សថា ជាពេលវេលាឃោរឃៅ ដែលផ្ដល់អំណាចឲ្យប្រធានាធិបតីបង្កើតច្បាប់ និងរឹតត្បិតលើសិទ្ធិសេរីភាពពលរដ្ឋដោយគ្មានការពិនិត្យឡើងវិញរបស់តុលាការ៕អត្ថបទ៖ សុខមាន

សហរដ្ឋអាមេរិកត្រូវតែប្រកួតប្រជែងជាមួយមីស៊ីលរបស់ចិនលើកោះតៃវ៉ាន់

សហរដ្ឋអាមេរិក៖ មេបញ្ជាការយោធាជាន់ខ្ពស់មួយរូបរបស់សហរដ្ឋអាមេរិកបាននិយាយថា ការសម្រេចចិត្តរបស់ចិនក្នុងការបាញ់មីស៊ីលលើកោះតៃវ៉ាន់ត្រូវតែត្រូវបានប្រកួតប្រជែង។ មេបញ្ជាការកងនាវាទី៧ លោកឧត្តមនាវីឯក Karl Thomas បាននិយាយថា ទោះបីយ៉ាងណាក៏ដោយសកម្មភាពបែបនេះរបស់ចិន នឹងក្លាយជាទម្លាប់ដែលគេហៅថា បញ្ហាមើលឃើញជាក់ស្ដែងមិនយកចិត្តទុកដាក់។ ក្រុងប៉េកាំងបានធ្វើសមយុទ្ធយោធានៅជុំវិញកោះស្វ័យគ្រប់គ្រងកាលពីដើមខែនេះ ប៉ុន្តែពុំបានបញ្ជាក់ថា តើមានមីស៊ីលប៉ុន្មានគ្រាប់បានហោះកាត់ដោយផ្ទាល់រំលងកោះនេះ។ ភាពតានតឹងបានឡើងកម្ដៅ បន្ទាប់ពីដំណើរទស្សនកិច្ចរបស់អ្នកនយោបាយអាមេរិកគឺលោកស្រី Nancy Pelosi ទៅកាន់កោះនេះកាលពីយប់ថ្ងៃទី២ ខែសីហានេះ។ ដំណើរជាប្រវត្តិសាស្ត្ររបស់លោកស្រីបានធ្វើឲ្យទីក្រុងប៉េកាំងខឹងយ៉ាងខ្លាំង ដែលអះអាងកោះស្វ័យគ្រប់គ្រងមួយនេះគឺជាផ្នែកមួយនៃដែនដីរបស់ចិន។ ការអត្ថាធិប្បាយកាលពីថ្ងៃអង្គារដោយលោកឧត្តមនាវីឯក Thomas គឺមានសារៈសំខាន់ ដោយមានមូលដ្ឋាននៅទីក្រុង Yokosuka ប្រទេសជប៉ុន កងនាវាទី៧ គឺជាកងនាវាដែលដាក់ពង្រាយធំជាងគេនៅក្នុងអង្គភាពកងទ័ពជើងទឹកសហរដ្ឋអាមេរិកដែលមាននាវា និងនាវាមុជទឹកប្រហែលពី ៥០ ទៅ ៧០គ្រឿង ហើយជាផ្នែកសំខាន់នៃវត្តមានយោធារបស់ខ្លួននៅក្នុងតំបន់។លោក Thomas បានប្រាប់ក្រុមអ្នកសារព័ត៌មាននៅប្រទេសសិង្ហបុរីថា វាពិតជាសំខាន់ណាស់ដែលយើងត្រូវប្រជែងជាមួយនឹងបញ្ហាប្រភេទនេះ។ ខ្ញុំដឹងថា ការមិនយកចិត្តទុកដាក់លើបញ្ហាជាក់ស្ដែងគឺការបាញ់មីស៊ីលលើកោះតៃវ៉ាន់។ បើអ្នកមិនប្រកួតប្រជែងភ្លាមៗទេ បញ្ហាទាំងអស់អាចដូចជាកោះនានានៅក្នុងសមុទ្រចិនខាងត្បូងអញ្ចឹង ដែលពេលនេះបានក្លាយជាប៉ុស្តិ៍យោធាជួរមុខ។ កោះទាំងនោះ ពេលនេះពួកគេកំពុងតែដំណើរការប៉ុស្តិ៍យោធាជួរមុខដែលមានទាំងមីស៊ីលនៅទីនោះ ពាសយន្តហោះដ៏ធំ ផ្លូវរត់យន្តហោះ ប្រព័ន្ធរ៉ាដា និងប៉ុស្តិ៍ស្ដាប់សភាពការណ៍។ តៃវ៉ាន់និយាយថា មីស៊ីលរបស់ចិនដែលបានបាញ់បានហោះយ៉ាងខ្ពស់ចូលក្នុងបរិយាកាស និងពុំបានបង្កការគំរាមទេ៕អត្ថបទ៖ សុខមាន

សម្ដេចតេជោ ហ៊ុន សែន ៖ ទោះពិភពលោកកំពុងចម្រូងចម្រាស តែកម្ពុជាអាចរៀបចំឲ្យភាគីពាក់ព័ន្ធនិយាយគ្នា និងមានសេចក្តីថ្លែងការណ៍រួម

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានថ្លែងថា ទោះបីបច្ចុប្បន្ននេះ ពិភពលោកកំពុងមានភាពចម្រូងចម្រាស ទាក់ទងនឹងបញ្ហាជាច្រើន ប៉ុន្តែកម្ពុជាមានភាពជោគជ័យ ដោយបានអញ្ជើញបណ្ដាប្រទេសជាមិត្តចូលកៅអីនិយាយគ្នា នៅក្នុងកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំមួយចំនួនទៀត នាពេលកន្លងទៅថ្មីៗនេះ រួមទាំងមានចេញសេចក្តីថ្លែងការណ៍មួយយ៉ាងល្អ។ក្នុងឱកាសអញ្ជើញជាអធិបតីភាព ប្រគល់សញ្ញាបត្រជូនដល់និស្សិត សាកលវិទ្យាល័យពុទ្ធិសាស្ត្រ នៅថ្ងៃទី១៧ ខែសីហា ឆ្នាំ២០២២ សម្ដេចតេជោនាយករដ្ឋមន្ត្រី បានមានប្រសាសន៍ថា ពិតជាអរគុណ និងរីករាយខ្លាំងណាស់ ចំពោះការប្រជុំអាស៊ាន ការប្រជុំជាមួយដៃគូពាក់ព័ន្ធ ដែលមានទាំងវេទិកាតំបន់អាស៊ាន និងអាស៊ីបូព៌ា ដែលប្រទេសជាច្រើនបានមកជួបជុំគ្នានៅក្នុងរាធានីភ្នំពេញ និងកោតសរសេរចំពោះអាជ្ញាធរ ដែលបានការពារភ្ញៀវប្រកបដោយសុវត្ថិភាព ។សម្ដេចបានបន្តថា សូមកោតសរសេរចំពោះរដ្ឋមន្ត្រីការបរទេស និងឧត្តមមន្ត្រីរបស់កម្ពុជា ដែលធ្វើការយ៉ាងល្អ ក្នុងការសម្របសម្រួលចេញឯកសារ ក្នុងពេលពិភលោកដ៏ចម្រូងចម្រាស ដោយបានអញ្ជើញមិត្តភក្តិរបស់យើង មកអង្គុយដោយស្រួល និយាយតាមសម្រួល និងចេញសេចក្តីថ្លែងការណ៍មួយបានយ៉ាងល្អ ។ ក្នុងនោះក៏មានប្រទេសដែលប្រឆាំងគ្នា ក៏មកចូលអង្គុយប្រជុំជាមួយគ្នា ហើយចេញសេចក្តីថ្លែងការណ៍បាន មិនមែនជារឿងងាយស្រួលទេ ជារឿងលំបាក តែយើងអាចធ្វើបាន ។សម្ដេចតេជោ ក៏បានថ្លែងអំណរគុណដល់ប្រទេស ដែលបានចូលរួមកិច្ចប្រជុំនៅកម្ពុជា រាប់ទាំងប្រទេសមកចុះហត្ថលេខាសន្ធិសញ្ញាមិត្តភាព និងសហប្រតិបត្តិការនៅអាស៊ីអាគ្នេយ៍ផង និងអរគុណចំពោះកាយវិការ ដែលផ្ដល់លទ្ធភាពឲ្យកម្ពុជាធ្វើបានដោយជោគជ័យ ដែលនេះជាមូលដ្ឋាន សម្រាប់ឈានឆ្ពោះទៅការប្រជុំអាស៊ាន នៅខែវិច្ឆិកាខាងមុខ ក៏នឹងជាមូលដ្ឋានដើម្បីឈានឆ្ពោះទៅជោគជ័យនៃការប្រជុំប្រទេសអភិវឌ្ឍទាំង២០ នៅប្រទេសឥណ្ឌូនេស៊ី និងបង្កលក្ខណៈសម្បត្តិធ្វើឲ្យកិច្ចប្រជុំ APEC នៅប្រទេសថៃ ទទួលបានជោគជ័យដែរ ។គួរបញ្ជាក់ថា កម្ពុជាបានធ្វើជាម្ចាស់ផ្ទះនៃកិច្ចប្រជុំរដ្ឋមន្ត្រីការបរទេសលើកទី៥៥ និងកិច្ចប្រជុំពាក់ព័ន្ធ ចាប់ពីថ្ងៃទី២៩ ខែកក្កដា ដល់ថ្ងៃទី៥ ខែសីហា ឆ្នាំ២០២២ ដោយចំណុចសំខានៗត្រូវនិយាយនៃកិច្ចប្រជុំមានចំនួន៦ចំណុច ទី១. ការវិវឌ្ឍនៅច្រកសមុទ្រតៃវ៉ាន់, ទី២. វិបត្តិមីយ៉ាន់ម៉ា, ទី៣. ការចូលជាសមាជិករបស់ប្រទេសទីម័រខាងកើត, ទី៤. ការពង្រីកទំនាក់ទំនងខាងក្រៅ, ទី៥. ភាពជាប្រធានអាស៊ានរបស់កម្ពុជា និងទី៦. អំណាចកោះប្រជុំរបស់អាស៊ាន ៕(ដោយ៖ បាន សុខរិទ្ធិ)

រុស្ស៊ីអះអាងថា មិនចាំបាច់ប្រើប្រាស់នុយក្លេអ៊ែរទេសម្រាប់សង្គ្រាមនៅក្នុងប្រទេសអ៊ុយក្រែន

រុស្ស៊ី៖ រដ្ឋមន្ត្រីការពារជាតិរុស្ស៊ីបាននិយាយកាលពីថ្ងៃអង្គារថា រុស្ស៊ីមិនចាំបាច់ប្រើប្រាស់អាវុធនុយក្លេអ៊ែរនៅក្នុងប្រទេសអ៊ុយក្រែនទេ ដោយហៅការផ្សព្វផ្សាយរបស់បណ្ដាញសារព័ត៌មានដែលថា ក្រុង Moscow អាចពង្រាយអាវុធនុយក្លេអ៊ែរ ឬអាវុធគីមីនៅក្នុងជម្លោះថា ជារឿងកុហកទាំងស្រុង។ ថ្លែងអំឡុងសន្និសីទស្ដីពីសន្តិសុខអន្តរជាតិក្នុងទីក្រុង Moscow រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយថា តាមទស្សនៈយោធាមិនចាំបាច់ប្រើប្រាស់អាវុធនុយក្លេអ៊ែរនៅក្នុងប្រទេសអ៊ុយក្រែន ដើម្បីសម្រេចគោលបំណងដែលបានកំណត់នោះទេ។ បំណងសំខាន់នៃអាវុធនុយក្លេអ៊ែររបស់រុស្ស៊ី គឺដើម្បីរារាំងការវាយប្រហារដោយនុយក្លេអ៊ែរប៉ុណ្ណោះ។ សារព័ត៌មាននានាកំពុងផ្សព្វផ្សាយការទស្សន៍ទាយអំពីការចោទប្រកាន់ថា រុស្ស៊ីនឹងប្រើប្រាស់អាវុធនុយក្លេអ៊ែរតាក់ទិក ដើម្បីសម្រេចគោលដៅនៃប្រតិបត្តិការសឹកពិសេសនេះ ឬអំពីការត្រៀមប្រើប្រាស់អាវុធគីមី។ ការវាយប្រហារខាងព័ត៌មានទាំងអស់នេះគឺជាការកុហកទាំងស្រុង។លោក Shoigu ក៏បានចោទប្រកាន់ប្រតិបត្តិការយោធារបស់អ៊ុយក្រែនផងដែរថា កំពុងធ្វើតាមផែនការរៀបចំដោយសហរដ្ឋអាមេរិក និងចក្រភពអង់គ្លេស ហើយថា សម្ព័ន្ធយោធាណាតូបានបង្កើនការដាក់ពង្រាយកងទ័ពរបស់ខ្លួននៅភាគខាងកើត និងកណ្ដាលរបស់អឺរ៉ុបជាច្រើនលើក៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កម្ពុជាធ្វើជាម្ចាស់ផ្ទះសិក្ខាសាលាស្តីពី ការបង្កើតកិច្ចសហប្រតិបត្តិការស្ថាប័នប្រវត្តិសាស្ត្រយោធាអាស៊ាន(AMHIC)”

បម្រែបម្រួលអាកាសធាតុធ្វើឲ្យប៉ះពាល់ដល់កសិករចិញ្ចឹមឃ្មុំនៅកូរ៉េខាងត្បូង

EU និង UNICEF បញ្ជូនគ្រឿងផ្គត់ផ្គង់សង្រ្គោះជំងឺអេបូឡាទៅកាន់កុងហ្គោ ខណៈផ្ទុះការរីករាលដាលឆ្លង

មន្ត្រីជាន់ខ្ពស់ការបរទេស៖កម្ពុជាបានជ្រើសរើសអ្នកផ្សះផ្សាពីររូបរួចហើយ ខណៈភាគីថៃមានពេល២១ថ្ងៃ ដើម្បីជ្រើសរើសអ្នកផ្សះផ្សាពីររូបដែរ

មានអ្នកស្លាប់ច្រើននាក់ ក្នុងហេតុការណ៍ធ្លាក់យន្តហោះនៅតំបន់ Istria របស់ក្រូអាត

ឆ្មាំបដិវត្តន៍អ៊ីរ៉ង់អំពាវនាវឲ្យអ៊ីស្រាអែលដកទ័ពទៅកាន់ទីតាំងមុនសង្គ្រាម នៅលីបង់

ប្រទេស ១១ នៅអឺរ៉ុប អំពាវនាវឲ្យ EU មានច្បាប់ទិដ្ឋាការកាន់តែតឹងរ៉ឹង សម្រាប់ជនជាតិរុស្ស៊ី

អ៊ីស្រាអែលឃុំខ្លួនក្រុមបាតុករជ្វីហ្វជ្រុលនិយម បន្ទាប់ពីបានវាយប្រហារលំនៅឋានរបស់ចៅក្រម

បទឈប់បាញ់នៅលីបង់ បង្កើនក្តីសង្ឃឹមពីការមានវឌ្ឍនភាព សម្រាប់កិច្ចព្រមព្រៀងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសុខភាពពិភពលោកចេញការព្រមានពីការឆ្លងរាលដាលជំងឺអុតស្វាដល់ម្ចាស់សត្វចិញ្ចឹម

មហោស្រពសិល្បៈក្បាច់របាំបុរាណខ្មែរ ត្រៀមសម្ដែងចុងខែនេះ កំពុងទទួលបានការចាប់អារម្មណ៍ខ្លាំងពីមហាជន

លោក Zelenskyy ជួបលោក Ban Ki-moon ខណៈប្រមុខ UN នឹងធ្វើទស្សនកិច្ចនៅក្រុង Lviv សប្ដាហ៍នេះ

BREAKING NEWS៖ កូរ៉េខាងជើងបាញ់មីស៊ីលតម្រង់គោលដៅ២គ្រាប់ ជាការសាកល្បងលើកដំបូងក្នុងពេលជាច្រើនសប្ដាហ៍មកនេះ

រលកកម្ដៅធ្ងន់ធ្ងរបំផុតមិនធ្លាប់មានក្នុងពេល ៦០ឆ្នាំនៅចិនបង្ខំឲ្យរោងចក្រជាច្រើនបិទទ្វារ

ប្រធានាធិបតីស្រីលង្កានិយាយថា ប្រទេសនេះនឹងមិនបន្តដាក់រដ្ឋក្នុងគ្រាអាសន្នទៀតទេ

សហរដ្ឋអាមេរិកត្រូវតែប្រកួតប្រជែងជាមួយមីស៊ីលរបស់ចិនលើកោះតៃវ៉ាន់

រុស្ស៊ីអះអាងថា មិនចាំបាច់ប្រើប្រាស់នុយក្លេអ៊ែរទេសម្រាប់សង្គ្រាមនៅក្នុងប្រទេសអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការ​សុខភាព​ពិភពលោក​ចេញ​ការព្រមាន​ពី​ការឆ្លង​រាលដាល​ជំងឺ​អុត​ស្វា​ដល់​ម្ចាស់​សត្វ​ចិញ្ចឹម

មហោស្រពសិល្បៈក្បាច់របាំបុរាណខ្មែរ ត្រៀមសម្ដែងចុងខែនេះ កំពុងទទួលបានការចាប់អារម្មណ៍ខ្លាំងពីមហាជន

លោក Zelenskyy ជួប​លោក Ban Ki-moon ខណៈ​ប្រមុខ​ UN នឹង​ធ្វើ​ទស្សនកិច្ច​នៅ​ក្រុង Lviv សប្ដាហ៍​នេះ​

BREAKING NEWS៖ កូរ៉េខាងជើងបាញ់មីស៊ីលតម្រង់គោលដៅ២គ្រាប់ ជាការសាកល្បងលើកដំបូងក្នុងពេលជាច្រើនសប្ដាហ៍មកនេះ

រលក​កម្ដៅ​ធ្ងន់ធ្ងរ​បំផុត​មិន​ធ្លាប់មាន​ក្នុងពេល ​៦០​ឆ្នាំ​នៅ​ចិនបង្ខំ​ឲ្យ​រោងចក្រ​ជាច្រើន​បិទទ្វារ​

ប្រធានាធិបតី​ស្រី​លង្កា​និយាយថា ប្រទេស​នេះ​នឹងមិន​បន្ត​ដាក់​រដ្ឋ​ក្នុង​គ្រាអាសន្ន​ទៀត​ទេ​

សហរដ្ឋអាមេរិក​ត្រូវតែ​ប្រកួតប្រជែង​ជាមួយ​មី​ស៊ី​ល​របស់​ចិន​លើ​កោះ​តៃវ៉ាន់​

រុស្ស៊ីអះអាងថា ​មិនចាំបាច់​ប្រើប្រាស់​នុយក្លេអ៊ែរ​ទេ​សម្រាប់​សង្គ្រាម​នៅ​ក្នុង​ប្រទេស​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសុខភាពពិភពលោកចេញការព្រមានពីការឆ្លងរាលដាលជំងឺអុតស្វាដល់ម្ចាស់សត្វចិញ្ចឹម

លោក Zelenskyy ជួបលោក Ban Ki-moon ខណៈប្រមុខ UN នឹងធ្វើទស្សនកិច្ចនៅក្រុង Lviv សប្ដាហ៍នេះ

រលកកម្ដៅធ្ងន់ធ្ងរបំផុតមិនធ្លាប់មានក្នុងពេល ៦០ឆ្នាំនៅចិនបង្ខំឲ្យរោងចក្រជាច្រើនបិទទ្វារ

ប្រធានាធិបតីស្រីលង្កានិយាយថា ប្រទេសនេះនឹងមិនបន្តដាក់រដ្ឋក្នុងគ្រាអាសន្នទៀតទេ

សហរដ្ឋអាមេរិកត្រូវតែប្រកួតប្រជែងជាមួយមីស៊ីលរបស់ចិនលើកោះតៃវ៉ាន់

រុស្ស៊ីអះអាងថា មិនចាំបាច់ប្រើប្រាស់នុយក្លេអ៊ែរទេសម្រាប់សង្គ្រាមនៅក្នុងប្រទេសអ៊ុយក្រែន