BTV NEWS

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

សម្ដេចតេជោ ហ៊ុន សែន កោតសរសើរថ្នាក់ដឹកនាំខេត្តកំពង់ធំដែលបានយកចិត្តទុកដាក់គ្រប់គ្រងអតីតយុទ្ធជន និងគ្រួសារយុទ្ធជនពលី បានយ៉ាងល្អ

ព័ត៌មានសំខាន់ៗ

FBI ប្រមូលបានឯកសារសម្ងាត់បំផុតនៅលំនៅឋានរបស់លោក Donald Trump

សហរដ្ឋអាមេរិក៖ យោងតាមរបាយការណ៍របស់តុលាការដែលបានចេញផ្សាយកាលពីថ្ងៃសុក្រ បន្ទាប់ពីចៅក្រមសហព័ន្ធបានចេញដីកាគ្មានត្រា ដែលអនុញ្ញាតឱ្យមានការឆែកឆេរមិនធ្លាប់មានពីមុនមកក្នុងសប្តាហ៍នេះ បានឲ្យដឹងថា ការិយាល័យស៊ើបអង្កេតសហព័ន្ធ (FBI) បានរកឃើញឯកសារដែលត្រូវបានដាក់ស្លាកថា "សម្ងាត់បំផុត" ពីលំនៅឋាននៅរមណីយដ្ឋាន Mar-a-Lago ក្នុងរដ្ឋ Florida របស់អតីតប្រធានាធិបតីសហរដ្ឋអាមេរិកលោក Donald Trump ។ ឯកសារនៅលំនៅឋានដែលមិនបានបោះត្រាដោយតុលាការបង្ហាញថា ភ្នាក់ងារ FBI បានយកឯកសារចំនួន 11ច្បាប់ពីលំនៅឋានក្នុងអំឡុងពេលឆែកឆេរកាលពីថ្ងៃចន្ទ។ឯកសារដែលបានប្រមូលបាន រួមមានឯកសារមួយចំនួនដែលមិនបានដាក់ស្លាក មិនត្រឹមតែជាឯកសារសម្ងាត់បំផុតប៉ុណ្ណោះទេ ប៉ុន្តែក៏មានព័ត៌មានដែលមានលក្ខណៈរសើបបំផុត ជាប្រភេទឯកសារពិសេសដែលមានចេតនាការពារការសម្ងាត់បំផុតរបស់ជាតិ ប្រសិនបើត្រូវបានផ្សព្វផ្សាយជាសាធារណៈ នឹងបង្កឱ្យមានការបំផ្លាញធំធេងបំផុតដល់ផលប្រយោជន៍សហរដ្ឋអាមេរិក។ ឯកសាររបស់តុលាការមិនបានផ្តល់ព័ត៌មានលម្អិតជាក់លាក់ អំពីព័ត៌មានដែលមាននៅក្នុងឯកសារនោះទេ។ ដីកានេះសរសេរថា ភ្នាក់ងារសហព័ន្ធកំពុងស៊ើបអង្កេតការបំពានធ្ងន់ធ្ងរ ចំពោះច្បាប់សហព័ន្ធចំនួនបីដាច់ដោយឡែកពីគ្នា ដែលរួមមានច្បាប់ស្តីពីការប្រមូលទិន្នន័យលើការគ្រប់គ្រង ការផ្ទេរ ឬការធ្វើឲ្យបាត់បង់ព័ត៌មានវិស័យការពារជាតិក្រោមច្បាប់ស្តីពីចារកម្ម។លក្ខន្តិកៈផ្សេងទៀតបញ្ជាក់អំពីការបិទបាំង ការធ្វើឲ្យខូចខាត ឬការដកចេញឯកសារ និងការបំផ្លាញ ការផ្លាស់ប្តូរ ឬការក្លែងបន្លំឯកសារនៅក្នុងការស៊ើបអង្កេតរបស់សហព័ន្ធ។ នៅក្នុងសេចក្តីថ្លែងការណ៍មួយកាលពីព្រឹកថ្ងៃសុក្រ លោក Trump បានអះអាងថា ឯកសារដែលរឹបអូសដោយភ្នាក់ងារ ពុំមែនជាប្រភេទឯកសារត្រូវបានផ្ទៀងផ្ទាត់នោះទេ ហើយបានអះអាងថា លោកនឹងប្រគល់ឯកសារទាំងនោះ ប្រសិនបើក្រសួងយុត្តិធម៌ស្នើសុំ។ ដីកាឆែកឆេរនៅរមណីយដ្ឋាន Mar-a-Lago បានចេញកាលពីថ្ងៃចន្ទ គឺជាផ្នែកមួយនៃការស៊ើបអង្កេតរបស់ក្រសួងយុត្តិធម៌ ដែលកំពុងបន្តក្នុងការរកឃើញឯកសារសេតវិមានត្រូវបានផ្ទៀងផ្ទាត់ ដែលប្រមូលបានពីលំនៅឋានរបស់លោក Trump កាលពីដើមឆ្នាំនេះ៕អត្ថបទ៖ ប៊ុនថន

ប្រធានគណៈចលនាមហាជនបក្សប្រជាជនរម្លឹកសមាជិកត្រូវទប់ស្កាត់ព័ត៌មានក្លែងក្លាយ និងវាយបកឲ្យបានរហ័ស

ភ្នំពេញ៖ ដើម្បីទប់ស្កាត់ព័ត៌មានក្លែងក្លាយផ្ទុយពីការពិត បានវាយប្រហារមកលើរាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជា ប្រធានគណៈចលនាមហាជននៃគណៈកម្មាធិការកណ្តាលគណបក្សប្រជាជនកម្ពុជា បានរម្លឹកដល់សមាជិក-សមាជិការទាំងអស់ត្រូវទប់ស្កាត់ព័ត៌មានក្លែងក្លាយ និងវាយបកទៅវិញឲ្យបានរហ័ស ដើម្បីកុំឲ្យប្រជាពលរដ្ឋមានការភ័ន្តច្រឡំ។ ការរម្លឹកនេះធ្វើឡើងនៅក្នុងសិក្ខាសាលាមួយនៅព្រឹកនេះ។ លោកជំទាវកិត្តិសង្គហបណ្ឌិត ម៉ែន សំអន អនុប្រធានគណបក្ស និងជាប្រធានគណៈចលនាមហាជន នៃគណៈកម្មាធិការកណ្តាលគណបក្សប្រជាជនកម្ពុជា អមដំណើរដោយឯកឧត្តម ហ៊ុន ម៉ានី អគ្គលេខានៃអគ្គលេខាធិការដ្ឋានគណៈចលនាមហាជន និងថ្នាក់ដឹកនាំមួយចំនួនទៀតនៅព្រឹកថ្ងៃទី១៣ ខែសីហានេះបានចូលរួមជាអធិបតីភាពបើកសិក្ខាសាលាស្ដីពី "ការចែករំលែក និងការផ្លាស់ប្ដូរបទពិសោធន៍លើការងារព័ត៌មាន និងការផ្សព្វផ្សាយមហាជននៅក្នុងបរិបទឌីជីថល’’។ សិក្ខាសិលានេះធ្វើឡើងនៅទីស្នាក់ការកណ្តាលគណបក្សប្រជាជនកម្ពុជា ដែលមានសិក្ខាកាមមកពីគ្រប់រចនាសម្ព័ន្ធគណបក្សប្រមាណជាង ៧០០នាក់។ នៅក្នុងឱកាសខាងលើនោះ ជំទាវកិត្តិសង្គហបណ្ឌិត ម៉ែន សំអន បានថ្លែងថា ស្ថានភាពនយោបាយបច្ចុប្បន្នរបស់ប្រទេសកម្ពុជាកំពុងស្ថិតក្នុងស្ថានភាពល្អ និងអំណោយផល ដែលតាំងពីឆ្នាំ២០១៨ មកគណបក្សប្រជាជនកម្ពុជាបានក្តាប់នូវអំណាចពេញដៃទាំងស្រុង ក្នុងការដឹកនាំប្រទេស ចាត់ចែងកិច្ចការផ្ទៃក្នុង រៀបចំកំណែទម្រង់ផ្សេងៗ ដើម្បីអភិវឌ្ឍប្រទេសជាតិឱ្យកាន់រីកចម្រើន ហើយលទ្ធផលនៃការបោះឆ្នោតក្រុមប្រឹក្សាឃុំ-សង្កាត់កាលពីខែមិថុនាកន្លងទៅនេះក៏បានបង្ហាញថា ប្រជាជនភាគច្រើនបានគាំទ្រ ជឿជាក់ ទុកចិត្តមកលើការដឹកនាំរបស់គណបក្សប្រជាជនកម្ពុជា និងបន្តគាំទ្រគណបក្សប្រជាជនកម្ពុជា។លោកជំទាវបន្តថា ការពង្រឹងសមត្ថភាពនៃការប្រើប្រាស់ប្រព័ន្ធបច្ចេកវិទ្យា និងឌីជីថលជាពិសេសប្រព័ន្ធបណ្តាញព័ត៌មានសង្គមដែលមានលក្ខណៈងាយស្រួល និងលឿនរហ័សទាំងក្នុងការផ្សព្វផ្សាយ និងចែកចាយបន្ត គឺមានសារៈសំខាន់មិនគួរមើលរំលងដើម្បីឈានទៅពង្រីកវិសាលភាព នៃការផ្សព្វផ្សាយមហាជនឱ្យកាន់តែទូលាយក្នុងមជ្ឈដ្ឋានមហាជន ក៏ដូចជាការប្រើប្រាស់ប្រព័ន្ធនេះក្នុងការពន្យល់បកស្រាយ និងឆ្លើយតបបកភ្លាមៗលើការវាយប្រហារផ្សេងៗឱ្យមានភាពរស់រវើក និងទាន់សភាពការណ៍ ដើម្បីបញ្ជ្រាបឱ្យប្រជាជនយល់ច្បាស់អំពីភាពត្រឹមត្រូវ ការយកចិត្តទុកដាក់ខ្ពស់ និងកិច្ចខិតខំប្រែងប្រែងរបស់រាជរដ្ឋាភិបាល និងគណបក្សប្រជាជនកម្ពុជា ក្នុងការដឹកនាំ ដោះស្រាយបញ្ហាសង្គមនានា សំដៅរក្សាសន្តិភាព ស្ថិរភាពនយោបាយ និងជំរុញការអភិវឌ្ឍនៃប្រទេសជាតិលើគ្រប់វិស័យ។ជាមួយគ្នានេះ ឯកឧត្តម ហ៊ុន ម៉ានី អគ្គលេខានៃអគ្គលេខាធិការដ្ឋានគណៈចលនាមហាជន គណៈកម្មាធិការកណ្តាលគណបក្សប្រជាជនកម្ពុជាមានប្រសាសន៍ដែរថា ដោយសង្កេតឃើញពីភាពចាំបាច់ក្នុងការសិក្សាស្រាវជ្រាវ វាយតម្លៃសមរភូមិសតិអារម្មណ៍ និងសិក្សាពីវិធីសាស្ត្រក្នុងឆ្លើយតបដែលអាចផ្តល់ជាធាតុចូលដល់គណបក្ស គណៈចលនាមហាជននៃគណៈកម្មាធិការកណ្តាលគណបក្សប្រជាជនកម្ពុជា ដែលមានលោកជំទាវកិត្តិសង្គហបណ្ឌិត ម៉ែន សំអន ជាប្រធានបានសម្រេចកាលពីថ្ងៃទី២០ ខែកក្កដា ឆ្នាំ២០២១ ក្នុងការបង្កើតក្រុមការងាប្រមូលព័ត៌មាន វាយតម្លៃ និងឆ្លើយតបសតិអារម្មណ៍មហាជនចំណុះឲ្យគណៈចលនាមហាជន មានភារៈកិច្ចសំខាន់ៗជាមួយភាគីពាក់ព័ន្ធ ដើម្បីវាយតម្លៃពីសភាពការណ៍សតិអារម្មណ៍មហាជន សហការតាមដានសកម្មភាពមជ្ឈដ្ឋានប្រឆាំងនោះ ដើម្បីជំរុញឆ្លើយតបតាមករណីជាក់ស្តែង ក៏ដូចជាការចូលរួមជាមួយយន្តការគណបក្សគ្រប់ជាន់ថ្នាក់ ដើម្បីផ្សព្វផ្សាយឲ្យបានទូលំទូលាយនៃសម្មតិផល និងគុណូបការៈរបស់គណបក្សប្រជាជនកម្ពុជា។គួរបញ្ជាក់ដែរថា ការរៀបចំសិក្ខាសាលាខាងលើមានគោលបំណងសំខាន់ចំនួន ៤ រួមមាន៖ ទី១. ធ្វើបច្ចុប្បន្នភាពស្ថានភាពនយោបាយ សេដ្ឋកិច្ច សង្គម និងស្វែងយល់អំពីតួនាទីរបស់ការងារផ្សព្វផ្សាយ និងសាធារណមតិ ទី២. ចែករំលែកអំពីវិធីសាស្ត្រនៃការផ្សព្វផ្សាយមហាជនក្នុងបរិបទឌីជីថល ទី៣. បង្កើតឱកាសជួបជុំ និងពង្រីកការទំនាក់ទំនងជាមួយអង្គការចាត់តាំង និងយន្តការផ្សព្វផ្សាយនានារបស់គណបក្ស ជាពិសេសដើម្បីពង្រឹងប្រសិទ្ធភាពភាពប្រទាក់ក្រឡាគ្នាទាំងយន្តការនានានៅថ្នាក់កណ្តាល និងរវាងទំនាក់ទំនងរវាងយន្តការថ្នាក់កណ្តាលជាមួយថ្នាក់មូលដ្ឋាន និងទី៤. បង្កើតឱកាសបានរៀនសូត្រពីគ្នាទៅវិញទៅមកដកស្រង់ទស្សនៈ ចែករំលែកបទពិសោធន៍ និងស្វែងយល់ពីការផ្សព្វផ្សាយនៅតាមមូលដ្ឋាននីមួយៗ និងពីតម្រូវការ៕ អត្ថបទ៖ ទូច សោភ័ណ

ចិន ហុងកុង និងសហគមន៍ចិននៅអាស៊ីអាគ្នេយ៍ប្រារព្ធពិធីបុណ្យសែនក្បាលទឹកឬ Hungry Ghost Festival នៅថ្ងៃនេះ

ចិន៖ ពិធីបុណ្យសែនក្បាលទឹក ឬ Hungry Ghost Festival ឬជាភាសាចិន Yu Lan Festival បានចូលមកដល់នៅថ្ងៃទី១២ ខែសីហានេះនៅក្នុងទីក្រុងហុងកុង ហើយនឹងមិនមានការងឿងឆ្ងល់ទេដែលប្រជាពលរដ្ឋ និងអ្នកលក់ដូរជាច្រើនចេញទៅតាមចិញ្ចើមផ្លូវនានាដើម្បីដុតធូប និងក្រដាសសែនឧទ្ទិសដល់ដួងព្រលឹងខ្មោចដែលបានស្លាប់ទៅ។ ទីក្រុងហុងកុងបានប្រារព្ធពិធីបុណ្យសែនក្បាលទឹកដែលភាសាអង់គ្លេសហៅថា Hungry Ghost Festival មួយថ្ងៃមុនសហគមន៍ចិននៅអាស៊ី-អាគ្នេយ៍។ ដោយកើតឡើងនៅក្នុងខែទី៧ នៃប្រតិទិនចន្ទគតិ ពិធីសែននេះរម្លឹកដល់ពេលវេលាមួយអំឡុងដែលរឿងពិតជាច្រើនត្រូវគេបញ្ចៀស ដើម្បីកុំឲ្យមានការយកចិត្តទុកដាក់ខ្លាំងពីរឿងខ្មោច។ រឿងទាំងនេះរួមមានការបើកហាងថ្មី ការផ្លាស់ប្ដូរទីលំនៅ ការហែលទឹកលេងកម្សាន្តនៅពេលយប់ និងការរៀបអាពាហ៍ពិពាហ៍ជាដើម ដែលតាំងពីបុរាណកាលមកសណ្ឋាគារនឹងត្រូវបញ្ចុះតម្លៃ សម្រាប់ពិធីរៀបអាពាហ៍ពិពាហ៍ចំថ្ងៃនៃឆ្នាំចន្ទគតិនេះ។ពិធីសែនដែលត្រូវបានគេស្គាល់យ៉ាងទូលំទូលាយថា Hungry Ghost Festival កើតឡើងចំថ្ងៃទី១៥ នៃខែទី៧ នៃប្រតិទិនចន្ទគតិ ហើយការបរិច្ឆេទនេះត្រូវនឹងពេលវេលានៅក្នុងប្រទេស និងដែនដីមួយចំនួនផងដែរដូចជាប្រទេសកម្ពុជា ម៉ាឡេស៊ី សិង្ហបុរី កោះតៃវ៉ាន់ និងថៃជាដើម៕អត្ថបទ៖ សុខមាន

ទីភ្នាក់ងារ FBI ព្យាយាមស្វែងរកឯកសារអាវុធនុយក្លេអ៊ែរ អំឡុងចូលឆែកឆេរលំនៅឋានលោក Trump

សហរដ្ឋអាមេរិក៖ សារព័ត៌មានសហរដ្ឋអាមេរិកបានរាយការណ៍កាលពីថ្ងៃព្រហស្បតិ៍ថា ទីភ្នាក់ងារសហព័ន្ធអាមេរិកកំពុងស្វែងរកឯកសារនុយក្លេអ៊ែរ នៅពេលពួកគេបានចូលឆែកឆេរលំនៅឋាននៅរដ្ឋ Florida របស់អតីតប្រធានាធិបតីលោក Donald Trump កាលពីសប្ដាហ៍មុន។ គេមិនច្បាស់ទេថា តើឯកសារនេះត្រូវបានរកឃើញពីរមណីយដ្ឋាន Mar-a-Lago នៅឆ្នេរសមុទ្រ Palm Beach របស់អតីតប្រធានាធិបតីរូបនេះ ឬក៏អត់។ ក្រសួងយុត្តិធម៌សហរដ្ឋអាមេរិកកាលពីថ្ងៃព្រហស្បតិ៍ បានស្នើតុលាការចេញដីកាអនុញ្ញាតឲ្យទីភ្នាក់ងារស៊ើបអង្កេត FBI ឆែកឆេរលំនៅឋាននៅរដ្ឋ Florida របស់លោក Donald Trump ក្រោយអតីតប្រធានាធិបតីរូបនេះបានវាយប្រហារការឆែកឆេរនេះថា ជាទង្វើសងសឹកខាងនយោបាយ។ លោករដ្ឋអាជ្ញា Merrick Garland បានបញ្ជាក់ជាលើកដំបូងថា ក្រុមមន្ត្រីពិតជាបានចូលឆែកឆេរលំនៅឋាន Mar-a-Lago របស់លោក Trump មែន។ការឆែកឆេរនេះគឺជាផ្នែកមួយនៃការស៊ើបអង្កេតថា តើលោកពិតជាបានដកយកឯកសារដោយខុសច្បាប់ចេញពីសេតវិមានពិតមែន ឬយ៉ាងណា ខណៈលោកចុះចេញពីតំណែង។ លោក Garland ដែលជាមន្ត្រីអនុវត្តន៍ច្បាប់ជាន់ខ្ពស់របស់សហរដ្ឋអាមេរិកបាននិយាយថា លោកបានអនុម័តជាលក្ខណៈផ្ទាល់ខ្លួនលើការសម្រេចចិត្តចេញបញ្ជាឆែកឆេរនេះ។ ប៉ុន្តែរឿងនេះបានកើតឡើងបន្ទាប់ពីលោក Trump បានប្រកាសការចូលឆែកឆេរនេះកាលពីយប់ថ្ងៃចន្ទ ដោយចោទប្រកាន់ថានេះគឺជាទង្វើសងសឹកខាងនយោបាយ ពីសំណាក់គណបក្សប្រជាធិបតេយ្យលោក Joe Biden៕អត្ថបទ៖ សុខមាន

សម្តេចតេជោ ហ៊ុន សែន ប្រកាសពីជនខិលខូចក្លែងតេឡេក្រាមសម្តេច និងអំពាវនាវសូមកុំឱ្យចាញ់បោកជនអាក្រក់នោះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅថ្ងៃទី១២ ខែសីហា ឆ្នាំ២០២២នេះ បានប្រកាសឱ្យមានការប្រុងប្រយ័ត្ន និងកុំចាញ់បោកជនអាក្រក់ ដែលបានក្លែងតេឡេក្រាមរបស់សម្តេច ដោយដាក់ឈ្មោះថា «@HUN SEN 24»។សម្តេចតេជោ ហ៊ុន សែន បានបញ្ជាក់ថា «មានជនខិលខូច បាននឹងកំពុងក្លែងតេឡេក្រាម(telegram)របស់ខ្ញុំ ដោយយករូបថតខ្ញុំ និងភរិយា និងដាក់ឈ្មោះ@HUN SEN 24 ដូចមានភ្ជាប់ជាមួយ»។សម្តេចតេជោ ហ៊ុន សែន បានអំពាវនាវ សូមប្អូនប្រុងប្រយត្ឋ័ កុំចាញ់បោកជនអាក្រក់នេះ និងសូមលោកអ្នកដែលក្លែងឈ្មោះសម្តេចលុបចោលជាបន្ទាន់ បើពុំនោះទេ នឹងទទួលខុសត្រូវចំពោះមុខច្បាប់។

ក្រុងប៉េកាំងសន្យាចាត់វិធានការតបជុំវិញដំណើរទស្សនកិច្ចរបស់គណៈប្រតិភូលីទុយអានីទៅកោះតៃវ៉ាន់

ចិន៖ យោងតាមសេចក្ដីថ្លែងការណ៍អានដោយអ្នកនាំពាក្យក្រសួងការបរទេសចិនកាលពីថ្ងៃព្រហស្បតិ៍ ប្រទេសចិនបានប្រឆាំងទៅនឹងដំណើរទស្សនកិច្ចរបស់មន្ត្រីលីទុយអានីទៅកាន់កោះតៃវ៉ាន់ និងសន្យាឆ្លើយតបយ៉ាងម៉ឺងម៉ាត់ចំពោះទង្វើនេះ ដែលក្រុងប៉េកាំងហៅថាជាការបំពានគោលនយោបាយចិនតែមួយ (One China’ principle)។ កាលពីសប្ដាហ៍មុន អាជ្ញាធរកិច្ចការបរទេសកោះតៃវ៉ាន់បានប្រកាសថា ឧបនាយករដ្ឋមន្ត្រីនៃក្រសួងដឹកជញ្ជូន និងទំនាក់ទំនងលីទុយអានីលោកស្រី Agne Vaiciukeviciute បានទៅដល់កោះស្វ័យគ្រប់គ្រងមួយនេះអមដោយគណៈប្រតិភូចំនួន ១១នាក់ ជាអ្វីដែលត្រូវគេរំពឹងទុកថាគឺជាដំណើរទស្សនកិច្ចរយៈពេល ៥ថ្ងៃ។ ដំណើរទស្សនកិច្ចនេះមានឡើងភ្លាមៗបន្ទាប់ពីលោកស្រី Nancy Pelosi ប្រធានសភាអាមេរិកបានធ្វើដំណើរទៅកាន់កោះនេះកាលពីថ្ងៃអង្គារ ទី២ ខែសីហា ជាទង្វើមួយដែលបង្កឲ្យមានប្រតិកម្មយ៉ាងខ្លាំងពីទីក្រុងប៉េកាំង ប៉ុន្តែទោះយ៉ាងណាក៏ដោយត្រូវបានអបអរសាទរដោយរដ្ឋាភិបាលក្នុងទីក្រុងវីលនៀស។អ្នកនាំពាក្យក្រសួងការបរទេសចិនលោក Wang Wenbin បាននិយាយនៅសន្និសីទសារព័ត៌មានប្រចាំថ្ងៃថា ចិនថ្កោលទោសយ៉ាងដាច់អហង្ការចំពោះប្រទេសលីទុយអានី ដែលប្រឆាំងនឹងកងកម្លាំងចិនចំពោះការរំលោភបំពានទុកជាមុន នៃដែនអធិបតេយ្យភាពរបស់ចិន និងលូកដៃជ្រៀតជ្រែកកិច្ចការផ្ទៃក្នុងរបស់ចិន៕អត្ថបទ៖ សុខមាន

ពិធីបុណ្យខួបគម្រប់១០០ថ្ងៃ ឧទ្ទិសចំពោះវិញ្ញាណក្ខន្ធសម្តេចឧត្តមទេពញាណ ហ៊ុន ណេង

ពិធីបុណ្យទក្ខិណានុបទានគម្រប់ខួប ១០០ថ្ងៃ ឧទ្ទិសកុសលជូនដល់ដួងវិញញញាណក្ខន្ធ សម្តេចឧត្តមទេពញាណ ហ៊ុន ណេង ប្រារព្ធឡើងនៅ១៤កើត ១៥កើត ខែស្រាពណ៍ ត្រូវនឹងថ្ងៃទី១១ និងទី១២ ខែសីហា ឆ្នាំ២០២២។នៅព្រឹកថ្ងៃសុក្រ ១៥កើត ខែស្រាពណ៍ ឆ្នាំខាល ចត្វាស័ក ពុទ្ធសករាជ២៥៦៦ ត្រូវនឹងថ្ងៃទី១២ ខែសីហា ឆ្នាំ២០២២ លោកជំទាវ លាង វួចឆេង ហ៊ុនណេង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបាសក ហ៊ុន ស៊ាងហេង លោកជំទាវ ហ៊ុន គឹមឡេង និងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អ្នកឧកញ៉ា ហ៊ុន តូ និងលោកជំទាវ លោកស្រី ហ៊ុន ចាន់ធូ និងស្វាមី លោកស្រី ហ៊ុន ចាន់ថា និងស្វាមី លោក ហ៊ុន តុលា និងភរិយា ត្រូវជាភរិយា ប្អូនបង្កើត ប្អូនថ្លែ កូនបង្កើត កូនប្រសារ សម្តេចឧត្តមទេពញាណ ហ៊ុន ណេង បានមូលមតិគ្នាជាឯកច្ឆ័ន្ទប្រារព្វពិធីរាប់បាតព្រះសង្ឈចំនួន ៧២អង្គ ដើម្បីឧទ្ទិសកុសលជូនដល់ដួងវិញ្ញណក្ខន្ធ សម្តេចឧត្តមទេពញាណ ហ៊ុន ណេង ដែលបានធ្វើកម្មកិរិយាមរណភាពលាចាកលោកយើងនេះ ទៅកាន់លោកខាងមុខ ក្នុងជន្មាយុ៧២ឆ្នាំ។សូមរម្លឹកថា ភ្លាមៗបន្ទាប់ពីទទួលមរណភាព ព្រះករុណាព្រះមហាក្សត្រ នៃព្រះរាជាណាចក្រកម្ពុជា បានត្រាស់បង្គាប់ផ្តល់គោរមងារជូនដល់ឯកឧត្តមហ៊ុន ណេង ជា«សម្តេច ឧត្តមទេពញាណ ហ៊ុន ណេង»។ ក្នុងព្រះរាជសាររបស់ព្រះករុណាជាអម្ចាស់ជីវិតលើត្បូង ព្រះរាជប្រទាននេះ ឆ្លើយតបយ៉ាងប្រត្យក្សទៅនឹងការចូលរួមរបស់សម្តេចឧត្តមទេពញាណ ហ៊ុន ណេង ព្រមទាំងក្រុមគ្រួសារគ្រប់ជំនាន់ ក្នុងបុព្វហេតុរួម នៃការធានាកិច្ចការពាររបបរាជានិយម ការពារព្រះមហាក្សត្រ និងព្រះរាជបល្ល័ង្ក ដែលនេះជាភាពស្មោះត្រង់ក្នុងនាមប្រជាជនខ្មែរដែលគោរពចំពោះព្រះមហាក្សត្រ ចំពោះរាជបល្ល័ង្ក និងរបបរាជានិយមឥតងាករ៉េ។ ការត្រាស់បង្គាប់ផ្តល់គោរមងារជូនដល់សម្តេច ឧត្តមទេពញាណ ហ៊ុន ណេង គឺជាមហាកិត្តិយសដ៏ខ្ពង់ខ្ពស់ក្រៃលែងសម្រាប់ក្រុមគ្រួសារនៃសព។ព្រះរាជសារ និងសារចូលរួមរំលែកមរណទុក្ខពីគ្រប់មជ្ឍដ្ឋាន បានចាត់ទុកការបាត់បង់រូបសម្តេចឧត្តមទេពញាណ គឺជាការបាត់បង់នូវលោកឪពុក លោកឪក្មេក និងជីតា ប្រកបដោយសង្គហធម៌ ព្រហ្មវិហារធម៌ ពិសេសក៏ជាការបាត់បង់ដ៏ធំធេងនូវឥស្សរជននយោបាយខ្មែរដ៏ឆ្នើមមួយរូប ដែលពោរពេញដោយឆន្ទៈ មនសិកាក្នុងការបម្រើបុព្វហេតុជាតិ ជាតិ សាសនា ព្រះមហាក្សត្រ គ្រប់កាលៈទេសៈ ព្រមទាំងបានរួមចំណែកយ៉ាងសកម្មក្នុងការលើកកម្ពស់តម្លៃនៃនីតិរដ្ឋប្រកបដោយឧត្តមគតិខ្ពង់ខ្ពស់ជាអនេកប្បការជារហូតមក។សម្តេចឧត្តមទេពញាណ ហ៊ុន ណេង មានស្នាដៃ និងបទពិសោធន៍ចូលរួមកសាង និងការពារជាតិប្រកបដោយសមត្ថភាព និងស្មារតីទទួលខុសត្រូវខ្ពស់ ជាពិសេស សម្តេចបានធ្វើពលិកម្មដ៏ខ្ពង់ខ្ពស់ ដើម្បីរួមចំណែករំដោះជាតិ មាតុភូមិ និងប្រជាពលរដ្ឋកម្ពុជាឲ្យរួចផុតពីរបបប្រល័យពូជសាសន៍ និងចូលរួមកសាងប្រទេសជាតិឡើងវិញរហូតទទួលបានការអភិវឌ្ឍរីកចំរើនលើគ្រប់វិស័យមកដល់សព្វថ្ងៃនេះ។តាមរយៈពិធីបុណ្យទក្ខិណានុប្បទានគម្រប់ខួប១០០ថ្ងៃនាពេលនេះ លោកជំទាវ លាង វួចឆេង ត្រូវជាភរិយា ព្រមទាំងកូនៗ ចៅៗទាំងអស់ សម្តេចតេជោ ហ៊ុន សែន ជាប្អូនបង្កើត និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ព្រមទាំងបងប្រុស ប្អូនស្រី កូនចៅ និងក្រុមគ្រួសារញាតិមិត្តជិតឆ្ងាយទាំងអស់ សូមបួងសួងដល់វិញ្ញាណក្ខន្ធ សម្តេចឧត្តមទេពញាណ ហ៊ុន ណេង បានទៅសោយសុខក្នុងឋានសុគតិភពកុំបីឃ្លៀងឃ្លាតឡើយ៕

ប្រមុខ UN ចេញការព្រមាន ខណៈរោងចក្រថាមពលនុយក្លេអ៊ែររបស់អ៊ុយក្រែនរងការបាញ់ផ្លោងជាថ្មី

UN៖ ប្រមុខអង្គការសហប្រជាជាតិបានអំពាវនាវឲ្យបញ្ឈប់ភ្លាមៗ ចំពោះគ្រប់សកម្មភាពយោធាទាំងអស់ជុំវិញរោងចក្រថាមពលនុយក្លេអ៊ែរដ៏ធំបំផុត របស់អឺរ៉ុបនៅក្នុងប្រទេសអ៊ុយក្រែនភាគខាងត្បូង ខណៈក្រុង Moscow និងក្រុង Kyiv បានចោទដាក់គ្នាទៅវិញទៅមកចំពោះការបាញ់ផ្លោងជាថ្មីនេះ។ ទីភ្នាក់ងារ Energoatom របស់អ៊ុយក្រែននិយាយថា បរិវេណរោងចក្រ Zaporizhzhia ត្រូវបានរងការវាយប្រហារចំនួន ៥លើកកាលពីថ្ងៃព្រហស្បតិ៍ រួមទាំងនៅជិតតំបន់ដែលត្រូវបានស្តុកជាតិវិទ្យុសកម្ម។ ទន្ទឹមនឹងនេះដែរ ក្រុមមន្ត្រីដែលត្រូវបានតែងតាំងដោយរុស្ស៊ីបាននិយាយថា អ៊ុយក្រែនបានបាញ់ផ្លោងទៅលើរោងចក្រនេះចំនួន ២លើកដោយរំខានដល់ការផ្លាស់ប្ដូរចរន្តថាមពល នេះបើយោងតាមទីភ្នាក់ងារសារព័ត៌មាន TASS របស់រុស្ស៊ី។នៅក្នុងសេចក្ដីថ្លែងការណ៍មួយ មុនកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ អំពាវនាវដោយប្រទេសរុស្ស៊ី លោក Antonio Guterres អគ្គលេខាធិការអង្គការសហប្រជាជាតិបានព្រមានថា ការខូចខាតអាចនាំទៅរកផលវិបាកដ៏មហន្តរាយនៅក្នុងតំបន់ និងលើពិភពលោក។ លោក Guterres បាននិយាយនៅក្នុងសេចក្ដីថ្លែងការណ៍ថា រោងចក្រនេះមិនត្រូវយកប្រើប្រាស់ជាផ្នែកមួយនៃសហប្រតិបត្តិការយោធាណាមួយទេ ផ្ទុយទៅវិញកិច្ចព្រមព្រៀងបន្ទាន់ចាំបាច់ត្រូវតែមាននៅកម្រិតបច្ចេកទេសមួយស្ដីពីសុវត្ថិភាពជាចម្បង ដើម្បីកុំឲ្យមានកងទ័ពក្នុងការធានាសុវត្ថិភាពតំបន់នេះ៕ អត្ថបទ៖ សុខមាន

ឯកឧត្តម ជាម យៀប ជួបពិភាក្សាការងារជាមួយអនុប្រធានសភាឥណ្ឌា និងស្ថាប័នពាក់ព័ន្ធនានាឥណ្ឌា

ភ្នំពេញ៖ ក្នុងឱកាសបំពេញបេសកកម្មនៅសាធារណរដ្ឋឥណ្ឌា គណៈប្រតិភូអន្តរសភាអាស៊ាន (AIPA) ដឹកនាំដោយ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភានៃព្រះរាជាណាចក្រកម្ពុជា តំណាងសម្តេចអគ្គមហាពញាចក្រី ប្រធានរដ្ឋសភាកម្ពុជា និងជាប្រធានអាយប៉ា លើកទី៤៣ បានជួបពិភាក្សាជាមួយអនុប្រធានសភាឥណ្ឌា និងស្ថាប័នពាក់ព័ន្ធនានា នៃសាធារណរដ្ឋឥណ្ឌា នៅថ្ងៃទី១១ ខែសីហា ឆ្នាំ២០២២។ នៅក្នុងជំនួបពិភាក្សាជាមួយរដ្ឋមន្រ្តីការបរទេសឥណ្ឌា ភាគីទាំងពីរបានផ្លាស់ប្តូរទស្សនៈគ្នាជុំវិញសារសំខាន់នៃទំនាក់ទំនងកិច្ចសហប្រតិបតិ្តការឥណ្ឌា-អាស៊ាន ដែលឆ្នាំនេះជាខួប៣០ឆ្នាំនៃមិត្តភាពអាស៊ាន-ឥណ្ឌា។ គណៈប្រតិភូអាយប៉ា បានសម្តែងការគាំទ្រចំពោះកិច្ចសហប្រតិបត្តិការទាំងឡាយរបស់ស្ថាប័ននីតិប្រតិបត្តិអាស៊ាន និង រដ្ឋាភិបាលឥណ្ឌា ក្នុងការនំាមកនូវឧត្តមប្រយោជន៍ដល់ប្រជាជាតិអាស៊ាន និងឥណ្ឌា ។ កិច្ចជំនួបទ្វេភាគីជាមួយអនុប្រធានសភានៃសាធារណរដ្ឋឥណ្ឌា គណៈប្រតិភូអាយប៉ា បានកោតសរសើរចំពោះភាពសកម្មរបស់សភាឥណ្ឌា ដែលជាសភាសង្កេតការណ៍ដ៏ចំណាស់ របស់អាយប៉ា ក្នុងការរួមចំណែកធ្វើឱ្យអាយប៉ា ក្លាយជាស្ថាប័នអន្តរសភាតំបន់ប្រកបដោយសមាហរណកម្មយ៉ាងជិតស្និទ្ធ និងមានប្រសិទ្ធភាព។ សមភាគីសភាអាយប៉ា និងឥណ្ឌា បានវាយតម្លៃខ្ពស់ពីសារសំខាន់នៃការងារការទូតសភា ក្នុងការរួមចំណែកយ៉ាងសកម្មដល់ការកសាងសុខដុមនីយកម្ម អាស៊ាន- ឥណ្ឌា។ ឯកឧត្តម ប្រធានគណៈប្រតិភូ បានគោរពអញ្ជើញសមភាគីសភាឥណ្ឌា មកចូលរួមមហាសន្និបាតអាយប៉ាលើកទី៤៣ ដែលសភានៃ ព្រះរាជាណាចក្រកម្ពុជាធ្វើជាម្ចាស់ផ្ទះ នាខែវិច្ឆិកា ឆ្នាំ២០២២ខាងមុខនេះ។ បន្តមកគណៈប្រតិភូ បានជួបជាមួយវិទ្យាស្ថានប្រជាធិបតេយ្យសភាឥណ្ឌា។ ឯកឧត្តម ជាម យៀប បានថ្លែងអំណរគុណដល់វិទ្យាស្ថាន ក្នុងការផ្តល់ការបណ្តុះបណ្តាលធនធានមនុស្សដល់និសិ្សតអាស៊ាន តាមរយៈការផ្តល់អាហារូបកណ៍មកសិក្សានៅទីនេះ។ គណៈប្រតិភូអាយប៉ា បានថ្លែងអរគុណចំពោះកម្មវិធីហ្វឹកហ្វឺនដល់មន្រ្តី និងសមាជិកសភា ក្នុងការកសាងសមត្ថភាពខ្ពស់ក្នុងការងារនីតិកម្ម ។ នៅព្រឹកនៅថ្ងៃទី១១ ខែសីហា ឆ្នាំ២០២២នេះ គណៈប្រតិភូអាយប៉ា ក៏បានអញ្ជើញទៅដាក់កូរ៉ោនផ្កានៅវិមានរំលឹកវិញ្ញាណក្ខន្ធ លោក មហាត្មៈគន្ធី (Mahatma Gandhi) ដែលជាវីរៈបុរសស និងជាអ្នកនាំមកនូវឯករាជ្យជូនប្រជាជនឥណ្ឌាដោយអហិង្សាផងដែរ៕

ប្រទេសចិនបញ្ចប់សមយុទ្ធយោធាដោយជោគជ័យនៅជុំវិញកោះតៃវ៉ាន់

ចិន៖ អ្នកនាំពាក្យទីបញ្ជាការសម្របសម្រួលភាគខាងកើត របស់កងទ័ពរំដោះប្រជាជនចិន (PLA) បាននិយាយកាលពីថ្ងៃពុធថា ទីបញ្ជាការសម្របសម្រួលភាគខាងកើតបានបញ្ចប់ដោយជោគជ័យ នូវកិច្ចការផ្សេងៗនៅជុំវិញកោះតៃវ៉ាន់ បន្ទាប់ពីប្រតិបត្តិការសឹកមិនធ្លាប់មានជាច្រើនថ្ងៃកន្លងទៅនេះ។ ទីបញ្ជាការសម្របសម្រួលភាគខាងកើតបានរៀបចំសមយុទ្ធហ្វឹកហាត់រួមគ្នា នៅក្នុងតំបន់ដែនសមុទ្រភាគខាងជើង ភាគនិរតី និងភាគអាគ្នេយ៍ឆ្នេរសមុទ្រកោះតៃវ៉ាន់ និងដែនអាកាសដែលបានធ្វើសមយុទ្ធបាញ់គ្រាប់ពិតរយៈចម្ងាយឆ្ងាយនៅច្រកសមុទ្រតៃវ៉ាន់ និងការសាកល្បងមីស៊ីលនៅក្នុងដែនទឹកភាគខាងកើតឆ្នេរសមុទ្រកោះតៃវ៉ាន់។ សមយុទ្ធនេះផ្តោតសំខាន់លើការទប់ស្កាត់ និងគ្រប់គ្រងរួម ការវាយលុកតាមសមុទ្រ ការវាយប្រហារលើដីគោក ប្រតិបត្តិការគ្រប់គ្រងដែនអាកាស ប្រតិបត្តិការប្រឆាំងនាវាមុជទឹករួម និងការដឹកជញ្ជូនការផ្គត់ផ្គង់រួមគ្នាឡើងវិញ។ យុទ្ធោបករណ៍ថ្មីៗមួយចំនួនដូចជាយន្តហោះចម្បាំងបំបាំងកាយ ឧបករណ៍បាញ់គ្រាប់រ៉ុក្កែត និងយន្តហោះចាក់បំពេញប្រេង YU-20 បានចូលរួមនៅក្នុងសមយុទ្ធនេះ។សមយុទ្ធរយៈពេលជាច្រើនថ្ងៃជុំវិញកោះតៃវ៉ាន់ គឺដើម្បីឆ្លើយតបទៅនឹងការឈប់ចតក្នុងដំណើរទស្សនកិច្ច របស់ប្រធានសភាសហរដ្ឋអាមេរិកលោកស្រី Nancy Pelosi នៅកោះរបស់ប្រទេសចិនកាលពីថ្ងៃអង្គារសប្តាហ៍មុន។ កាលពីពេលថ្មីៗនេះ ទីបញ្ជាការសម្របសមម្រួលភាគខាងកើត បានរៀបចំប្រតិបត្តិការសឹករួមគ្នាជាបន្តបន្ទាប់ ដែលរួមមានប្រភេទអង្គភាពសេវាកម្ម និងកងកម្លាំងផ្សេងៗនៅក្នុងដែនសមុទ្រ និងដែនអាកាសជុំវិញកោះតៃវ៉ាន់។ លោក Shi Yi អ្នកនាំពាក្យទីបញ្ជាការសម្របសម្រួលភាគខាងកើត របស់កងទ័ពរំដោះប្រជាជនចិន (PLA) បាននិយាយថា កងកម្លាំងសម្របសម្រួលនឹងបន្តតាមដានយ៉ាងដិតដល់ នូវការផ្លាស់ប្តូរស្ថានភាពនៅច្រកសមុទ្រកោះតៃវ៉ាន់ បន្តអនុវត្តការហ្វឹកហ្វឺន និងត្រៀមប្រយុទ្ធ រៀបចំការល្បាតត្រៀមប្រយុទ្ធជាប្រចាំក្នុងទិសដៅច្រកសមុទ្រតៃវ៉ាន់ និងការពារយ៉ាងម៉ឺងម៉ាត់នូវអធិបតេយ្យភាពជាតិ និងបូរណភាពទឹកដី៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អង្គការផ្កាយសមុទ្រ និងក្រុមហ៊ុន អេ អាយ អេ ខេមបូឌា បន្តជាដៃគូគ្នា រហូតដល់ឆ្នាំ២០៣៣ គាំទ្របាល់ទាត់កុមារ និង យុវជន

សំណួរកើនឡើងជុំវិញមូលហេតុដែលមេរិកត្រូវការកិច្ចព្រមព្រៀងជាមួយអ៊ីរ៉ង់ ប្រសិនបើយោធាប្រទេសនេះត្រូវបានកម្ទេចហើយនោះ

អបអរសាទរ ក្រុមបាល់បោះអង្គុយជនពិការកម្ពុជាទាំងបុរស និងនារី ឈ្នះមេដាយមាសការប្រកួតកម្រិតអាស៊ី

គ្រួសារ Glazer ពិចារណាលក់ភាគហ៊ុននៅ Manchester United ក្រោយកាន់កាប់ក្លិបជាង ២០ ឆ្នាំ

លោកប្រធានាធិបតីចិន Xi Jinping នឹងទៅបំពេញទស្សនកិច្ចកូរ៉េខាងជើងនៅថ្ងៃទី ៨ដល់ ៩ ខែមិថុនាខាងមុខ

គណៈកម្មការប្រតិបត្តិ Soccer League បង្ហើបមហិច្ឆតាធំមួយ សម្រាប់ត្រៀមខួបលើកទី១០

លីបង់៖ កិច្ចព្រមព្រៀងបទឈប់បាញ់ដ៏ទូលំទូលាយ ជាឱកាសចុងក្រោយរបស់ខ្លួនក្នុងពេលក្រុមហេសបូឡា ច្រានចោល

គោព្រៃកម្ពុជា ទទួលបានការសសើរពីគ្រូទាំងសងខាង ក្រោយយកឈ្នះប៊ូតង់ ៤-០

អង្គការឃ្លាំមើលនុយក្លេអ៊ែររបស់ UN បានលើកឡើងពីការព្រួយបារម្ភនៃការរីកសាយនៅទីតាំងរបស់អ៊ីរ៉ង់

មេដឹកនាំអ៊ុយក្រែន សន្យាកំណត់ពេលវេលាច្បាស់លាស់សម្រាប់ការចរចាស្តីពីសមាជិកភាពសហភាពអឺរ៉ុប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

FBI ប្រមូលបានឯកសារសម្ងាត់បំផុតនៅលំនៅឋានរបស់លោក Donald Trump

ប្រធានគណៈចលនាមហាជនបក្សប្រជាជនរម្លឹកសមាជិកត្រូវទប់ស្កាត់ព័ត៌មានក្លែងក្លាយ និងវាយបកឲ្យបានរហ័ស

ចិន ហុងកុង និងសហគមន៍ចិននៅអាស៊ីអាគ្នេយ៍ប្រារព្ធពិធីបុណ្យសែនក្បាលទឹកឬ Hungry Ghost Festival នៅថ្ងៃនេះ

ទីភ្នាក់ងារ FBI ព្យាយាមស្វែងរកឯកសារអាវុធនុយក្លេអ៊ែរ អំឡុងចូលឆែកឆេរលំនៅឋានលោក Trump

សម្តេចតេជោ ហ៊ុន សែន ប្រកាសពីជនខិលខូចក្លែងតេឡេក្រាមសម្តេច និងអំពាវនាវសូមកុំឱ្យចាញ់បោកជនអាក្រក់នោះ

ក្រុងប៉េកាំងសន្យាចាត់វិធានការតបជុំវិញដំណើរទស្សនកិច្ចរបស់គណៈប្រតិភូលីទុយអានីទៅកោះតៃវ៉ាន់

ពិធីបុណ្យខួបគម្រប់១០០ថ្ងៃ ឧទ្ទិសចំពោះវិញ្ញាណក្ខន្ធសម្តេចឧត្តមទេពញាណ ហ៊ុន ណេង

ប្រមុខ UN ចេញការព្រមាន ខណៈរោងចក្រថាមពលនុយក្លេអ៊ែររបស់អ៊ុយក្រែនរងការបាញ់ផ្លោងជាថ្មី

ឯកឧត្តម ជាម យៀប ជួបពិភាក្សាការងារជាមួយអនុប្រធានសភាឥណ្ឌា និងស្ថាប័នពាក់ព័ន្ធនានាឥណ្ឌា

ប្រទេសចិនបញ្ចប់សមយុទ្ធយោធាដោយជោគជ័យនៅជុំវិញកោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

FBI ប្រមូលបាន​ឯកសារ​សម្ងាត់​បំផុត​នៅ​លំនៅឋាន​របស់លោក Donald Trump

ចិន ហុងកុង និង​សហគមន៍​ចិន​នៅ​អាស៊ីអាគ្នេយ៍​ប្រារព្ធ​ពិធីបុណ្យ​សែន​ក្បាលទឹក​ឬ Hungry Ghost Festival នៅថ្ងៃនេះ​

ទីភ្នាក់ងារ FBI ព្យាយាម​ស្វែងរក​ឯកសារ​អាវុធ​នុយក្លេអ៊ែរ អំឡុង​ចូល​ឆែកឆេរ​លំនៅឋាន​លោក Trump

សម្តេចតេជោ ហ៊ុន សែន ប្រកាសពីជនខិលខូចក្លែងតេឡេក្រាមសម្តេច និងអំពាវនាវសូមកុំឱ្យចាញ់បោកជនអាក្រក់នោះ

ពិធីបុណ្យខួបគម្រប់១០០ថ្ងៃ ឧទ្ទិសចំពោះវិញ្ញាណក្ខន្ធសម្តេចឧត្តមទេពញាណ ហ៊ុន ណេង

ប្រមុខ UN ចេញ​ការព្រមាន ខណៈ​រោងចក្រ​ថាមពលនុយក្លេអ៊ែរ​រប​ស់អ៊ុយ​ក្រែ​ន​រង​ការបាញ់​ផ្លោង​ជាថ្មី​

ឯកឧត្តម ជាម យៀប ជួបពិភាក្សាការងារជាមួយអនុប្រធានសភាឥណ្ឌា និងស្ថាប័នពាក់ព័ន្ធនានាឥណ្ឌា

ប្រទេស​ចិន​បញ្ចប់​សមយុទ្ធ​យោធា​ដោយ​ជោគជ័យ​នៅ​ជុំវិញ​កោះ​តៃវ៉ាន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

FBI ប្រមូលបានឯកសារសម្ងាត់បំផុតនៅលំនៅឋានរបស់លោក Donald Trump

ចិន ហុងកុង និងសហគមន៍ចិននៅអាស៊ីអាគ្នេយ៍ប្រារព្ធពិធីបុណ្យសែនក្បាលទឹកឬ Hungry Ghost Festival នៅថ្ងៃនេះ

ទីភ្នាក់ងារ FBI ព្យាយាមស្វែងរកឯកសារអាវុធនុយក្លេអ៊ែរ អំឡុងចូលឆែកឆេរលំនៅឋានលោក Trump

ប្រមុខ UN ចេញការព្រមាន ខណៈរោងចក្រថាមពលនុយក្លេអ៊ែររបស់អ៊ុយក្រែនរងការបាញ់ផ្លោងជាថ្មី

ប្រទេសចិនបញ្ចប់សមយុទ្ធយោធាដោយជោគជ័យនៅជុំវិញកោះតៃវ៉ាន់