BTV NEWS

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

សម្ដេចតេជោ ហ៊ុន សែន កោតសរសើរថ្នាក់ដឹកនាំខេត្តកំពង់ធំដែលបានយកចិត្តទុកដាក់គ្រប់គ្រងអតីតយុទ្ធជន និងគ្រួសារយុទ្ធជនពលី បានយ៉ាងល្អ

ព័ត៌មានសំខាន់ៗ

លោក Trump ប្រើការចូលឆែកឆេរគេហដ្ឋាន Mar-a-Lago របស់លោកពីសំណាក់ FBI ដើម្បីសុំការបរិច្ចាគសម្រាប់យុទ្ធនាការ

សហរដ្ឋអាមេរិក៖ អតីតប្រធានាធិបតីសហរដ្ឋអាមេរិកលោក Donald Trump កាលពីថ្ងៃអង្គារបានព្យាយាមបង្វែរព័ត៌មានដែលទីភ្នាក់ងារ FBI បានចូលឆែកឆេរគេហដ្ឋានរបស់លោកនៅរដ្ឋ Florida ទៅជាផលប្រយោជន៍របស់លោក ដោយសំអាងដល់ការស៊ើបអង្កេតទៅលើសារជាអត្ថបទ និងសារអេឡិចត្រូនិក ដោយការសុំការបរិច្ចាគសម្រាប់កិច្ចការនយោបាយពីក្រុមអ្នកគាំទ្ររបស់លោក។ ការឆែកឆេរគេហដ្ឋានមិនធ្លាប់មាននេះ បានក្លាយជាការរីកកាន់តែធំនៃការស៊ើបអង្កេតសហព័ន្ធថា តើលោក Trump បានលុបចោល ឬដកចោលឯកសារនានាពីសេតវិមាន ឬអត់ ខណៈលោកចុះចេញពីតំណែងកាលពីខែមករា ឆ្នាំ2021។ លោក Trump នៅតែបន្តបញ្ចើចសាធារណជន តាមរយៈការឈរឈ្មោះតំណែងប្រធានាធិបតីម្ដងទៀតនៅឆ្នាំ2024 ប៉ុន្តែមិនបានបញ្ជាក់ច្បាស់ថា តើលោកនឹងធ្វើបែបនោះមែន ឬយ៉ាងណា។ យោងតាមមនុស្សម្នាក់ដែលបានដឹងបញ្ហានេះ ដីកានេះទាក់ទងនឹងរដ្ឋបាលបណ្ណាសារជាតិ និងឯកសារ ដែលទទួលខុសត្រូវលើការរក្សាទុកឯកសារនានា របស់ប្រធានាធិបតី ដែលជាឯកសារសាធារណៈ និងថា តើមានឯកសារត្រូវបានផ្ទៀងផ្ទាត់រួចរាល់នៅរមណីយដ្ឋាន Mar-a-Lago របស់លោក Trump នៅឆ្នេរសមុទ្រ Palm Beach រដ្ឋ Florida ដែរ ឬអត់។បុគ្គលិកខាងលើបាននិយាយថា ទីភ្នាក់ងារ FBI បានរកឃើញកេសដាក់ឯកសារ 10 និងទូដែកមួយ ប៉ុន្តែទូដែកមួយត្រូវបានឆែកឆេរទៅពុំមានអ្វីនៅខាងក្នុងនោះទេ។ ក្រុមអ្នកគាំទ្រអតីតប្រធានាធិបតីលោក Donald Trump បានចេញតវ៉ានៅតាមដងផ្លូវដោយកាន់ទង់ជាតិ និងផ្ទាំងបដាបង្ហាញពីការមិនពេញចិត្ត ចំពោះសកម្មភាពចូលឆែកឆេររបស់ FBI នៅគេហដ្ឋាន Mar-a-Lago របស់លោក Trump។ ជាមួយគ្នានោះដែរ គណបក្សសាធារណរដ្ឋបានរិះគន់ទីភ្នាក់ងារ FBI ចំពោះការចូលឆែកឆេរគេហដ្ឋានរបស់លោក Trump៕អត្ថបទ៖ សុខមាន

មនុស្សម្នាក់បានស្លាប់ ខណៈការផ្ទុះបានធ្វើឲ្យកក្រើកមូលដ្ឋានទ័ពអាកាសរុស្ស៊ីនៅតំបន់ Crimea

អ៊ុយក្រែន៖ មនុស្សម្នាក់បានស្លាប់កាលពីថ្ងៃអង្គារ នៅពេលមូលដ្ឋានទ័ពអាកាសមួយកន្លែងរបស់រុស្ស៊ីជិតរមណីយដ្ឋានមាត់សមុទ្រក្នុងឧបទ្វីប Crimea ដែលត្រូវបានដាក់បញ្ចូលក្នុងឧបសម្ព័ន្ធ ត្រូវបានធ្វើឲ្យកក្រើកដោយសារតែការផ្ទុះជាច្រើនគ្រាប់ ដែលក្រុង Moscow បាននិយាយថា ជាការផ្ទុះនៅឃ្លាំងស្តុកអាវុធ មិនមែនជាការវាយប្រហារណាមួយទេ។ សាក្សីនិយាយថា ពួកគេបានលឺសំឡេងផ្ទុះ ១២លើកនៅម៉ោងប្រហែល ៣:២០នាទីរសៀលម៉ោងក្នុងស្រុកពីមូលដ្ឋានទ័ពអាកាស Saky ជិតមូលដ្ឋានទ័ពអាកាស Novofedorivka នៅតំបន់ឆ្នេរសមុទ្រភាគខាងលិចនៃឧបទ្វីបនេះ ដែលត្រូវបានរុស្ស៊ីកាត់យកពីអ៊ុយក្រែនដាក់ចូលក្នុងឧបសម្ព័ន្ធកាលពីឆ្នាំ២០១៤ និងត្រូវបានប្រើប្រាស់កាលពីខែកុម្ភៈ ជាចំណតមួយក្នុងចំណោមចំណតយន្តហោះសម្រាប់ការវាយលុករបស់ខ្លួន។ តំបន់ Crimea ជាគោលដៅវិស្សមកាលសម្រាប់ជនជាតិរុស្ស៊ីជាច្រើន កន្លងមកបានរួចផុតពីការវាយហារដោយទម្លាក់គ្រាប់បែក និងកាំភ្លើងផ្លោង ដូចដែលកើតមាននៅតំបន់ភាគខាងកើត និងខាងត្បូងរបស់អ៊ុយក្រែននោះទេ។ពេលសួរថា តើអ៊ុយក្រែនអះអាងទទួលខុសត្រូវចំពោះការផ្ទុះទាំងនោះទេ មនុស្សជំនិតប្រធានាធិបតីអ៊ុយក្រែនលោក Mykhailo Podolyak បានប្រាប់ប៉ុស្តិ៍ទូរទស្សន៍ Dozhd online ថា មិនអាចទេ តើយើងមានអីជាប់ពាក់ព័ន្ធនឹងរឿងនេះទៅ។ ទីក្រុង Moscow អាចចោទប្រកាន់ទីក្រុង Kyiv ពីបទឆ្លងកាត់បន្ទាត់ក្រហម បើអ៊ុយក្រែនទទួលស្គាល់ថា ខ្លួនបានវាយប្រហារទៅលើដែនដីដែលរុស្ស៊ីចាត់ទុកថា ជាកម្មសិទ្ធរបស់ខ្លួននោះ៕អត្ថបទ៖ សុខមាន

រុស្ស៊ីនិយាយថា សកម្មភាពរបស់សម្ព័ន្ធយោធាណាតូបង្កើនហានិភ័យនៃការផ្ទុះជម្លោះនុយក្លេអ៊ែរ

រុស្ស៊ី៖ ក្រសួងការបរទេសរុស្ស៊ីនៅក្នុងទីក្រុង Moscow បាននិយាយកាលពីថ្ងៃអង្គារថា ការដាក់ពង្រាយអាវុធបរមាណូរបស់សហរដ្ឋអាមេរិកនៅលើដែនដី នៃបណ្ដាប្រទេសជាសមាជិកសម្ព័ន្ធណាតូដែលគ្មាននុយក្លេអ៊ែរ ប្រឆាំងនឹងសន្ធិសញ្ញាមិនរីកសាយអាវុធបានបង្កើនហានីភ័យកាន់តែខ្លាំងនៃការផ្ទុះជម្លោះ និងរារាំងដល់កិច្ចខិតខំប្រឹងប្រែងដកហូត។ នេះគឺជាសាររបស់គណៈប្រតិភូរុស្ស៊ីផ្ញើទៅកាន់សន្និសីទ របស់អង្គការសហប្រជាជាតិស្ដីពីការមិនរីកសាយអាវុធនុយក្លេអ៊ែរនៅក្នុងទីក្រុង New York។ លោក Igor Vishnevetsky អនុប្រធានសម្រាប់ការមិនរីកសាយភាយអាវុធ និងការគ្រប់គ្រងអាវុធនៅក្រសួងការបរទេសរុស្ស៊ីបាននិយាយថា សម្ព័ន្ធយោធាណាតូបានប្រកាសខ្លួនឯងដោយបើកចំហរថាជាសម្ព័ន្ធភាពនុយក្លេអ៊ែរ។ មានអាវុធនុយក្លេអ៊ែររបស់សហរដ្ឋអាមេរិកជាច្រើន នៅលើដែនដីរបស់រដ្ឋជាសមាជិកដែលគ្មាននុយក្លេអ៊ែរនៅក្នុងប្លុកនេះ។ លោក Vishnevetsky បានបន្ថែមថា ផ្ទុយទៅនឹងមាត្រាទី១ និងទី២ នៃសន្ធិសញ្ញាមិនរីកសាយភាយអាវុធ សមាជិកមួយចំនួនរបស់សម្ព័ន្ធយោធាដែលគ្មានអាវុធនុយក្លេអ៊ែរ កំពុងចូលរួមក្នុងការសាកល្បងសមត្ថភាពនៃការប្រើប្រាស់អាវុធបរមាណូ។សកម្មភាពទាំងនោះមិនត្រឹមតែបន្តក្លាយជាកត្តាដ៏សំខាន់ ដែលកំពុងប៉ះពាល់ជាអវិជ្ជមានដល់សន្តិសុខអន្តរជាតិ និងអឺរ៉ុបប៉ុណ្ណោះទេ ថែមទាំងបង្កើនហានីភ័យខ្ពស់នៃការផ្ទុះជម្លោះនុយក្លេអ៊ែរ និងបន្ទច់បង្អាក់ដល់កិច្ចខិតខំប្រឹងប្រែងនានាក្នុងដំណើរការរំសាយនុយក្លេអ៊ែរ។ បច្ចុប្បន្នកងកម្លាំងអាកាសរបស់សហរដ្ឋអាមេរិកមានគ្រាប់បែកនុយក្លេអ៊ែរប្រមាណ ១៥០គ្រាប់នៅតាមមូលដ្ឋាននានារបស់សម្ព័ន្ធណាតូ ដូចជានៅអ៊ីតាលី អាល្លឺម៉ង់ ទួរគី បែលហ្ស៊ិក និងហូឡង់៕ អត្ថបទ៖ សុខមាន

ក្រុមប្រឹក្សាសន្តិសុខអង្គការសហប្រជាជាតិរៀបចំកិច្ចប្រជុំបន្ទាន់ជុំវិញការប្រយុទ្ធគ្នានៅតំបន់ Gaza

UN៖ ក្រុមប្រឹក្សាសន្តិសុខអង្គការសហប្រជាជាតិបានរៀបចំជំនួបបន្ទាន់មួយ ដើម្បីពិភាក្សាពីស្ថានភាពក្នុងតំបន់ Gaza ដោយមានសមាជិកមួយចំនួនបង្កើនក្ដីបារម្ភ ស្របពេលមានបទឈប់បាញ់ដ៏ផុយស្រួយរវាងអ៊ីស្រាអែល និងក្រុមជីហាដអ៊ីស្លាមដែលជាក្រុមប្រដាប់អាវុធប៉ាឡេស្ទីន បន្ទាប់ពីការវាយឆ្មក់តាមអាកាសរយៈពេល ៣ថ្ងៃរបស់អ៊ីស្រាអែលលើតំបន់នេះ។ ថ្លែងតាមវីដេអូនៅពេលចាប់ផ្ដើមកិច្ចប្រជុំ ប្រេសិតប្រចាំតំបន់មជ្ឈិមបូព៌ារបស់អង្គការសហប្រជាជាតិលោក Tor Wennesland បានព្រមានថា បទឈប់បាញ់នេះផុយស្រួយណាស់។ អរិភាពនានាដែលបានផ្ទុះឡើងជាថ្មីនឹងបង្កផលវិបាកដល់ជនជាតិប៉ាឡេស្ទីន និងអ៊ីស្រាអែល និងធ្វើឲ្យការរីកចម្រើនខាងនយោបាយលើបញ្ហាសំខាន់ៗស្មុគស្មាញ។ ឯកអគ្គរដ្ឋទូតរុស្ស៊ីលោក Vassily Nebenzia បានសង្កត់ធ្ងន់ថា ក្រុមប្រឹក្សានេះមានការបារម្ភយ៉ាងខ្លាំងអំពីការប្រែប្រួលស្ថានការណ៍នេះ ដែលអាចនាំទៅការបន្តការប្រឈមដាក់គ្នាខាងយោធាពេញបន្ទុក និងបង្កឲ្យស្ថានភាពមនុស្សធម៌កាន់តែយ៉ាប់យ៉ឺនខ្លាំងថែមទៀតនៅក្នុងតំបន់ Gaza។យោងតាមអាជ្ញាធរសុខាភិបាលរបស់តំបន់ Gaza ឲ្យដឹងថា ជនជាតិប៉ាឡេស្ទីនយ៉ាងហោចណាស់ ៤៤នាក់ជិតពាក់កណ្ដាលនៃពួកគេជាជនស៊ីវិលរួមទាំងកុមារ ១៥នាក់បានស្លាប់ ក្រោយអ៊ីស្រាអែលចាប់ផ្ដើមការទម្លាក់គ្រាប់បែកជាបន្តបន្ទាប់ ទៅលើទីតាំងក្រុមជីហាដអ៊ីស្លាមក្នុងតំបន់ Gaza កាលពីថ្ងៃសុក្រសប្ដាហ៍មុន។ មនុស្សរាប់រយនាក់ក្នុងតំបន់នោះបានរងរបួស៕អត្ថបទ៖ សុខមាន

UN និយាយថា ប្រជាជនអ៊ុយក្រែនជាងមួយភាគបួននឹងត្រូវការជំនួយ

UN៖ អង្គការសហប្រជាជាតិបានចេញការអំពាវនាវមនុស្សធម៌ ដែលបានសម្របសម្រួលសម្រាប់មូលនិធិបន្ថែមចំពោះវិបត្តិនៅអ៊ុយក្រែន។ លោក Stéphane Dujarric អ្នកនាំពាក្យអគ្គលេខាធិការអង្គការសហប្រជាជាតិលោក Antonio Guterres បាននិយាយនៅក្នុងសន្និសីទសារព័ត៌មាននៅទីក្រុងញូវយ៉កកាលពីថ្ងៃចន្ទថា តម្រូវការហិរញ្ញវត្ថុបានកើនឡើងពី 2.25ពាន់ដុល្លារដល់ 4.3ពាន់លានដុល្លារ ហើយប្រជាជនអ៊ុយក្រែនជាងមួយភាគបួននឹងត្រូវការជំនួយមនុស្សធម៌នៅចុងឆ្នាំនេះ។ លោកនិយាយថា ក្នុងអំឡុងពេលសង្គ្រាម 5ខែដំបូងយ៉ាងហោចណាស់ប្រជាជនអ៊ុយក្រែន 2.3លាននាក់បានទទួលជំនួយជាសាច់ប្រាក់។ លោក Dujarric បានថ្លែងប្រាប់អ្នកសារព័ត៌មានថា បុគ្គលិកផ្នែកមនុស្សធម៌របស់យើងបានព្រមានថា នៅក្នុងរដូវរងាខាងមុខស្ថានភាពអាចកាន់តែលំបាកជាងនេះ ខណៈមនុស្សកាន់តែច្រើននឹងត្រូវជម្លៀសចេញពីលំនៅឋាន នៅតំបន់ដែលមានលទ្ធភាពប្រើប្រាស់ឧស្ម័ន ប្រេងឥន្ធនៈ ឬអគ្គិសនីមានកម្រិតកំណត់។កាលពីថ្ងៃចន្ទទូរទស្សន៍រដ្ឋរុស្ស៊ីបានចេញផ្សាយវីដេអូ នូវអ្វីដែលពួកគេនិយាយថា ជាការបាញ់ផ្លោងរបស់អ៊ុយក្រែននៅទីក្រុង Donetsk។ យោងតាមការរាយការណ៍របស់ទូរទស្សន៍បានឲ្យដឹងថា កងទ័ពអ៊ុយក្រែនបានប្រើប្រាស់កាំភ្លើងធំធុនធ្ងន់ និងបានវាយប្រហារទីក្រុងនេះចំនួន 8គ្រាប់ក្នុងរយៈពេលពីរម៉ោងកាលពីថ្ងៃចន្ទ។ អាជ្ញាធរផ្តាច់ខ្លួនបានអះអាងថា មនុស្ស 2នាក់បានស្លាប់ និង 5នាក់រងរបួស។ ដោយសារតែការបំផ្លាញ ប្រព័ន្ធផ្សព្វផ្សាយរុស្ស៊ីបានរាយការណ៍ថា មនុស្សជាង 3ម៉ឺននាក់ត្រូវរស់នៅដោយគ្មានអគ្គិសនីប្រើប្រាស់នៅក្នុងតំបន់នេះ៕អត្ថបទ៖ ប៊ុនថន

មន្ត្រីជាន់ខ្ពស់ក្រសួងរ៉ែ និងថាមពល៖ ករណីបាត់ប្រេងកាតកាលពីពេលកន្លងទៅ មិនមានជាប់ពាក់ព័ន្ធនឹងមន្ត្រីសាធារណៈណាមួយនោះទេ

ភ្នំពេញ៖ ឯកឧត្តម ម៉េង ស័ក្តធារ៉ា រដ្ឋលេខាធិការក្រសួងរ៉ែ និងថាមពល បានថ្លែងថា ករណីបាត់ប្រេងកាតកាលពីពេលកន្លងទៅ មិនមានជាប់ពាក់ព័ន្ធនឹងមន្ត្រីសាធារណៈណាមួយនោះទេ ។ទន្ទឹមនឹងនោះ ឯកឧត្តម ជៀប សួរ អគ្គនាយក អគ្គនាយកដ្ឋានប្រេងកាត នៃក្រសួងរ៉ែ និងថាមពល បានថ្លែងថា កម្ពុជាកំពុងមានចំណុចវិជ្ជមាន ក្នុងដំណើរការ នៃការនាំប្រេង ដែលបានបាត់បង់យកមកវិញ ។ការលើកឡើងនេះ ក្នុងសន្និសីទសារព័ត៌មានស្តីពី «សមិទ្ធផលសម្រេចរយ:ពេល៥ឆ្នាំរបស់ក្រសួងរ៉ែ និងថាមពល ថ្ងៃទី៩ ខែសីហា ឆ្នាំ២០២២ នាទីស្តីការគណៈរដ្ឋមន្ត្រី រៀបចំដោយអង្គភាពអ្នកនាំពាក្យរាជរដ្ឋាភិបាល ។

កម្ពុជាផលិតបានស៊ីម៉ងត៍ជាង ៩លានតោន ប្រមូលពន្ធសួយសារបានជិត ៧លានដុល្លារអាមេរិកក្នុងមួយឆ្នាំៗ

ភ្នំពេញ៖ ឯកឧត្តម អ៊ឹង ឌីប៉ូឡា អគ្គនាយក នៃអគ្គនាយកដ្ឋានរ៉ែ នៃក្រសួងរ៉ែ និងថាមពល បានថ្លែងថា បច្ចុប្បន្នកម្ពុជា មានរោចក្រស៊ីម៉ងត៍ចំនួន៥ នៅខេត្តកំពតចំនួន៤ និងខេត្តបាត់ដំបងចំនួន១ ដែលមួយឆ្នាំៗ ផលិតបានស៊ីម៉ងត៍ជាង ៩លានតោន ដោយប្រមូលព័ន្ធសួយសារបានចំណូល ជិត៧លានដុល្លារក្នុងមួយឆ្នាំ ។ការលើកឡើងនេះ ក្នុងសន្និសីទសារព័ត៌មានស្តីពី «សមិទ្ធផលសម្រេចរយ:ពេល៥ឆ្នាំរបស់ក្រសួងរ៉ែ និងថាមពល នៅថ្ងៃទី៩ ខែសីហា ឆ្នាំ២០២២ នាទីស្តីការគណៈរដ្ឋមន្ត្រី៕

លោក Trump និយាយថា គេហដ្ឋានរបស់លោកក្នុងរដ្ឋ Florida ត្រូវបានក្រុម FBI ឆ្មក់ចូលឆែកឆេរ

សហរដ្ឋអាមេរិក៖ អតីតប្រធានាធិបតីសហរដ្ឋអាមេរិក Donald Trump បាននិយាយកាលពីថ្ងៃចន្ទថា គេហដ្ឋាន Mar-A- Lago របស់លោកនៅក្នុងរដ្ឋ Florida ត្រូវបានទីភ្នាក់ងារ FBI ឆ្មក់ចូលឆែកឆេរ ជាអ្វីដែលលោកបានហៅថា ជាទង្វើនៃការប្រព្រឹត្តមិនត្រឹមត្រូវរបស់រដ្ឋអាជ្ញា។ លោកបាននិយាយនៅក្នុងសេចក្ដីថ្លែងការណ៍ដែលបានបង្ហោះនៅលើបណ្ដាញសង្គម Truth របស់លោកថា ទាំងនេះគឺជាពេលវេលាដ៏ងងឹតសម្រាប់ប្រទេសជាតិរបស់យើង ព្រោះថា គេហដ្ឋានដ៏ស្រស់ស្អាតរបស់ខ្ញុំនៅ Mar-A-Lago ក្នុងតំបន់ឆ្នេរសមុទ្រ Palm Beach រដ្ឋ Florida ពេលនេះកំពុងរងការឡោមព័ទ្ធឆ្មក់ចូលឆែកឆេរ និងត្រូវបានគ្រប់គ្រងដោយក្រុមមនុស្សដ៏ច្រើនរបស់ទីភ្នាក់ងារ FBI។ លោក Trump និយាយថា នេះជាការប្រព្រឹត្តមិនត្រឹមត្រូវរបស់រដ្ឋអាជ្ញាដែលជាអាវុធនៃប្រព័ន្ធយុត្តិធម៌ និងជាការវាយប្រហារដោយក្រុមប្រជាធិបតេយ្យឆ្វេងនិយមជ្រុល ដែលមិនចង់ឲ្យខ្ញុំឈរឈ្មោះជាប្រធានាធិបតីឆ្នាំ២០២៤។ទីភ្នាក់ងារ FBI បានបដិសេធមិនធ្វើអត្ថាធិប្បាយទេលើបញ្ហាថា តើការឆែកឆេរកំពុងកើតឡើង ឬអាចមានរឿងអ្វីកើតឡើង ឬក៏លោក Trump មិនបានផ្តល់ការចង្អុលបង្ហាញអំពីមូលហេតុ ដែលភ្នាក់ងារសហព័ន្ធនៅផ្ទះរបស់លោក។ អង្គភាព National Archives បាននិយាយកាលពីខែកុម្ភៈថា ខ្លួនបានរកឃើញឯកសារចំនួន ១៥កេសមកពីលំនៅឋានរដ្ឋ Florida របស់លោក Trump ដែលសារព័ត៌មាន Washington Post បានផ្សព្វផ្សាយរួមមានអត្ថបទមានការផ្ទៀងផ្ទាត់រួចរាល់ ដែលលោកបានយកទៅជាមួយលោកនៅពេលលោកចាកចេញពីទីក្រុង Washington ក្រោយការបរាជ័យការបោះឆ្នោតអាណត្តិទី២ របស់លោក៕អត្ថបទ៖ សុខមាន

រុស្ស៊ី និងអ៊ុយក្រែនចោទដាក់គ្នាទៅវិញទៅមកជុំវិញការវាយប្រហារលើរោងចក្រនុយក្លេអ៊ែរ

អ៊ុយក្រែន៖ រុស្ស៊ី និងអ៊ុយក្រែនបានចោទប្រកាន់ដាក់គ្នាទៅវិញទៅមកកាលពីថ្ងៃចន្ទថា ភាគីនីមួយៗកំពុងបាញ់ផ្លោងទៅលើរោងចក្រថាមពលនុយក្លេអ៊ែរធំបំផុតរបស់អឺរ៉ុប នៅក្នុងប្រទេសអ៊ុយក្រែនភាគខាងត្បូង។ រុស្ស៊ីអះអាងថា ការបាញ់ផ្លោងរបស់កងកម្លាំងអ៊ុយក្រែនបានធ្វើឲ្យចរន្តភ្លើងបុកឡើងខ្លាំង និងឆេះ និងបានបង្ខំឲ្យបុគ្គលិកទម្លាក់ទិន្នផលផលិតពីម៉ាស៊ីនរ៉េអាក់ទ័រចំនួន២ ខណៈអ៊ុយក្រែនបានស្ដីបន្ទោសទាហានរុស្ស៊ីថា បានស្តុកអាវុធនៅទីនោះ។ ក្រុមអ្នកជំនាញនុយក្លេអ៊ែរបានព្រមានថា ការបាញ់ផ្លោងកាន់តែច្រើនទៅលើស្ថានីយថាមពលនុយក្លេអ៊ែរ Zaporizhzhia ដែលត្រូវបានរុស្ស៊ីវាយដណ្ដើមគ្រប់គ្រងកាលពីសង្គ្រាមដំណាក់កាលដំបូង កំពុងជួបគ្រោះថ្នាក់។ វិមានក្រឹមឡាំងបានបន្ទរកាលពីថ្ងៃចន្ទដោយអះអាងថា ក្រុង Kyiv កំពុងវាយប្រហាររោងចក្រ និងជំរុញឲ្យមហាអំណាចលោកខាងលិចបង្ខំឲ្យបញ្ឈប់ទង្វើនេះ។អ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកសារព័ត៌មានថា ការបាញ់ផ្លោងទៅលើតំបន់រោងចក្រនុយក្លេអ៊ែរពីសំណាក់កងកម្លាំងប្រដាប់អាវុធអ៊ុយក្រែន មានគ្រោះថ្នាក់ខ្លាំងណាស់។ រោងចក្រនេះប្រឈមនឹងផលវិបាកដ៏មហន្តរាយសម្រាប់ដែនដីដ៏ធំជាច្រើន ក៏ដូចជាអឺរ៉ុបទាំងមូល។ ចំណែកអ្នកនាំពាក្យចារកម្មយោធាអ៊ុយក្រែនលោក Andriy Yusov បានទាត់ចោលដោយនិយាយថា កងកម្លាំងរុស្ស៊ីបានបំផ្ទុះគ្រឿងផ្ទុះនៅរោងចក្រនោះ ដើម្បីទប់ស្កាត់ការវាយប្រហាររបស់អ៊ុយក្រែន ដែលបានរំពឹងទុកនៅក្នុងតំបន់នេះ។ ក្រុមមន្ត្រីអ៊ុយក្រែនបាននិយាយថា រុស្ស៊ីកំពុងវាយប្រហារចេញពីរោងចក្រនោះ និងប្រើប្រាស់កម្មករជនជាតិអ៊ុយក្រែននៅទីនោះធ្វើជាខែល៕អត្ថបទ៖ សុខមាន

លោក Biden ព្រួយបារម្ភ ខណៈចិនបន្ថែមពេលវេលាធ្វើសមយុទ្ធយោធានៅជុំវិញកោះតៃវ៉ាន់

សហរដ្ឋអាមេរិក៖ កាលពីថ្ងៃទី៨ ខែសីហា លោកប្រធានាធិបតីអាមេរិក Joe Biden បាននិយាយថា ខណៈលោកមិនបារម្ភអំពីកោះតៃវ៉ាន់ លោកបារម្ភពីសកម្មភាពរបស់ចិននៅក្នុងតំបន់ ក្រោយដំណើរទស្សនកិច្ចរបស់ប្រធានសភាលោកស្រី Pelosi ទៅកាន់ទីក្រុងតៃប៉ិ។ ទោះយ៉ាងណាលោកបានបន្ថែមថា លោកមិនជឿថា ចិននឹងធ្វើអ្វីឲ្យច្រើនជាងនេះទៀតទេ។ ពេលនេះចិនអះអាងថា ខ្លួនកំពុងបន្ថែមពេលវេលាសមយុទ្ធយោធា ដែលជាការគំរាមកំហែងជិតកោះតៃវ៉ាន់ ដែលបានបង្កើនក្ដីបារម្ភយ៉ាងខ្លាំងអំពីលទ្ធភាពនៃសង្គ្រាម និងការអាក់ខានចរាចរណ៍ដែនអាកាស និងការធ្វើដំណើរតាមសមុទ្រ។ យោងតាមក្រុមមេដឹកនាំយោធា សមយុទ្ធទាំងនោះនឹងរាប់បញ្ចូលទាំងសមយុទ្ធប្រឆាំងនាវាមុជទឹក ដែលទំនងជាចង់បំផ្លាញការគាំទ្ររបស់អាមេរិកសម្រាប់កោះតៃវ៉ាន់ ក្នុងសកម្មភាពដែលអាចថានឹងមានការវាយប្រហារពីចិន។ សមយុទ្ធទាំងអស់ដែលមានការចូលរួមពីការវាយប្រហារដោយមីស៊ីល សកម្មភាពយន្តហោះចម្បាំង និងនាវាឆ្លងកាត់ខ្សែបន្ទាត់កណ្ដាលរបស់ច្រកសមុទ្រតៃវ៉ាន់ គឺជាការសងសឹកចំពោះដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះស្វ័យគ្រប់គ្រងមួយនេះកាលពីពេលថ្មីៗនេះ មានការអំពាវនាវឲ្យចិនបន្ថយភាពតានតឹង ប៉ុន្តែពុំមានសុចនាករពីការបន្ធូរបន្ថយភាពតានតឹងពីសំណាក់ក្រុងប៉េកាំងទេ។កាលពីថ្ងៃទី៨ ខែសីហា អ្នកនាំពាក្យក្រសួងការពារជាតិចិនលោក Wu Qian បាននិយាយថា ប្រទេសចិនបានអំពាវនាវដល់សហរដ្ឋអាមេរិកឲ្យគោរពផលប្រយោជន៍របស់ក្រុងប៉េកាំង និងបោះបង់គំនិតប្រើកោះតៃវ៉ាន់ជាឧបករណ៍ ដោយបន្ថែមថា សហរដ្ឋអាមេរិកត្រូវតែសងរាល់ការខូចខាត នៃភាពតានតឹងពេលបច្ចុប្បន្នជុំវិញកោះតៃវ៉ាន់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

រុស្ស៊ី និងអារ៉ាប៊ីសាអ៊ូឌីត និយាយថា ទស្សនវិស័យតម្រូវការប្រេងសកល មិនប្រាកដប្រជាទេ

ប្រជាជនលីប៊ី បិទការិយាល័យជនភៀសខ្លួនរបស់ UN ក្នុងការតវ៉ាប្រឆាំងជនអន្តោប្រវេសន៍

អ្នកនាំពាក្យក្រសួងការបរទេសអ៊ីរ៉ង់ រិះគន់អាមេរិក និងអ៊ីស្រាអែល ចំពោះការសម្លាប់កុមារ

ការគាំទ្រ កើនឡើងសម្រាប់សេចក្តីស្នើច្បាប់របស់អាមេរិក ដើម្បីរឹតត្បិតការលក់អាវុធទៅឲ្យអ៊ីស្រាអែល

តុលាការកំពូលចេញសេចក្តីសម្រេចថា អ៊ីស្រាអែលត្រូវតែអនុញ្ញាតឱ្យ ICRC សួរសុខទុក្ខពលរដ្ឋប៉ាឡេស្ទីនក្នុងពន្ធនាគារ

ប្រភពព័ត៌មាន៖ សហរដ្ឋអាមេរិក និងអ៊ីរ៉ង់ អាចនឹងបើកកិច្ចចរចាថ្មីនៅថ្ងៃទី ៥ ខែមិថុនានេះ

អាល្លឺម៉ង់ប្តេជ្ញាបន្តការគាំទ្រដល់កិច្ចគាំពារបរិស្ថាន និងលើកកម្ពស់ជីវភាពសហគមន៍មូលដ្ឋាន

ទីក្រុង Vancouver ប្រទេសកាណាដាត្រៀមខ្លួនរួចរាល់ ក្នុងការទទួលព្រឹត្តិការណ៍បាល់ទាត់ពិភពលោក

ពិតជានិស្ស័យ!!! ព្រះខ័នរាជស្វាយរៀង ត្រូវជួបក្រុមខ្លាំងម៉ាឡេស៊ី និងសិង្ហបុរីជាថ្មីក្នុងពានក្លឹបអាស៊ាន

ឃីកបុកស៊ីង និងដៃគូ រំពឹងការនាំគ្រូជំនាញ ផ្គុំជាមួយធនធានមានស្រាប់ នឹងជំរុញគោលដៅរួម ប្រកបដោយភាពរឹងមាំ និងយូរអង្វែង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Trump ប្រើការចូលឆែកឆេរគេហដ្ឋាន Mar-a-Lago របស់លោកពីសំណាក់ FBI ដើម្បីសុំការបរិច្ចាគសម្រាប់យុទ្ធនាការ

មនុស្សម្នាក់បានស្លាប់ ខណៈការផ្ទុះបានធ្វើឲ្យកក្រើកមូលដ្ឋានទ័ពអាកាសរុស្ស៊ីនៅតំបន់ Crimea

រុស្ស៊ីនិយាយថា សកម្មភាពរបស់សម្ព័ន្ធយោធាណាតូបង្កើនហានិភ័យនៃការផ្ទុះជម្លោះនុយក្លេអ៊ែរ

ក្រុមប្រឹក្សាសន្តិសុខអង្គការសហប្រជាជាតិរៀបចំកិច្ចប្រជុំបន្ទាន់ជុំវិញការប្រយុទ្ធគ្នានៅតំបន់ Gaza

UN និយាយថា ប្រជាជនអ៊ុយក្រែនជាងមួយភាគបួននឹងត្រូវការជំនួយ

កម្ពុជាផលិតបានស៊ីម៉ងត៍ជាង ៩លានតោន ប្រមូលពន្ធសួយសារបានជិត ៧លានដុល្លារអាមេរិកក្នុងមួយឆ្នាំៗ

លោក Trump និយាយថា គេហដ្ឋានរបស់លោកក្នុងរដ្ឋ Florida ត្រូវបានក្រុម FBI ឆ្មក់ចូលឆែកឆេរ

រុស្ស៊ី និងអ៊ុយក្រែនចោទដាក់គ្នាទៅវិញទៅមកជុំវិញការវាយប្រហារលើរោងចក្រនុយក្លេអ៊ែរ

លោក Biden ព្រួយបារម្ភ ខណៈចិនបន្ថែមពេលវេលាធ្វើសមយុទ្ធយោធានៅជុំវិញកោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Trump ប្រើ​ការចូល​ឆែកឆេរ​គេហដ្ឋាន Mar-a-Lago របស់លោក​ពី​សំណាក់​ FBI ដើម្បី​សុំ​ការ​បរិច្ចាគ​សម្រាប់​យុទ្ធនាការ

មនុស្ស​ម្នាក់​បាន​ស្លាប់ ខណៈ​ការ​ផ្ទុះ​បាន​ធ្វើ​ឲ្យ​កក្រើក​មូលដ្ឋាន​ទ័ពអាកាស​រុស្ស៊ី​នៅ​តំបន់ Crimea

រុស្ស៊ី​និយាយ​ថា សកម្មភាព​របស់​សម្ព័ន្ធ​យោធា​ណា​តូ​បង្កើន​ហា​និ​ភ័យ​នៃ​ការផ្ទុះ​ជម្លោះ​នុយក្លេអ៊ែរ

UN និយាយថា ប្រជាជន​អ៊ុយ​ក្រែ​ន​ជាង​មួយ​ភាគ​បួន​នឹងត្រូវ​ការ​ជំនួយ

កម្ពុជាផលិតបានស៊ីម៉ងត៍ជាង ៩លានតោន ប្រមូលពន្ធសួយសារបានជិត ៧លានដុល្លារអាមេរិកក្នុងមួយឆ្នាំៗ

លោក Trump និយាយថា គេហដ្ឋាន​របស់​លោក​ក្នុង​រដ្ឋ Florida ត្រូវ​បាន​ក្រុម FBI ឆ្មក់​ចូល​ឆែកឆេរ​

រុស្ស៊ី និង​អ៊ុយ​ក្រែ​ន​ចោទ​ដាក់គ្នា​ទៅវិញទៅមក​ជុំវិញ​ការវាយប្រហារ​លើ​រោងចក្រ​នុយក្លេអ៊ែរ​

លោក Biden ព្រួយបារម្ភ ខណៈ​ចិន​បន្ថែម​ពេលវេលា​ធ្វើ​សម​យុទ្ធ​យោធា​នៅ​ជុំវិញ​កោះ​តៃវ៉ាន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Trump ប្រើការចូលឆែកឆេរគេហដ្ឋាន Mar-a-Lago របស់លោកពីសំណាក់ FBI ដើម្បីសុំការបរិច្ចាគសម្រាប់យុទ្ធនាការ

មនុស្សម្នាក់បានស្លាប់ ខណៈការផ្ទុះបានធ្វើឲ្យកក្រើកមូលដ្ឋានទ័ពអាកាសរុស្ស៊ីនៅតំបន់ Crimea

រុស្ស៊ីនិយាយថា សកម្មភាពរបស់សម្ព័ន្ធយោធាណាតូបង្កើនហានិភ័យនៃការផ្ទុះជម្លោះនុយក្លេអ៊ែរ

UN និយាយថា ប្រជាជនអ៊ុយក្រែនជាងមួយភាគបួននឹងត្រូវការជំនួយ

លោក Trump និយាយថា គេហដ្ឋានរបស់លោកក្នុងរដ្ឋ Florida ត្រូវបានក្រុម FBI ឆ្មក់ចូលឆែកឆេរ

រុស្ស៊ី និងអ៊ុយក្រែនចោទដាក់គ្នាទៅវិញទៅមកជុំវិញការវាយប្រហារលើរោងចក្រនុយក្លេអ៊ែរ

លោក Biden ព្រួយបារម្ភ ខណៈចិនបន្ថែមពេលវេលាធ្វើសមយុទ្ធយោធានៅជុំវិញកោះតៃវ៉ាន់