BTV NEWS

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

សម្ដេចតេជោ ហ៊ុន សែន កោតសរសើរថ្នាក់ដឹកនាំខេត្តកំពង់ធំដែលបានយកចិត្តទុកដាក់គ្រប់គ្រងអតីតយុទ្ធជន និងគ្រួសារយុទ្ធជនពលី បានយ៉ាងល្អ

ព័ត៌មានសំខាន់ៗ

យោធាចិននិយាយថា សមយុទ្ធនៅបន្តជុំវិញកោះតៃវ៉ាន់នៅថ្ងៃចន្ទនេះ

ចិន៖ យោធារបស់ប្រទេសចិនបានប្រកាស ការធ្វើសមយុទ្ធយោធាថ្មីនៅថ្ងៃចន្ទនេះនៅលើសមុទ្រ និងដែនអាកាសជុំវិញកោះតៃវ៉ាន់ មួយថ្ងៃបន្ទាប់ពីការបញ្ចប់តាមការគ្រោងទុកនៃសមយុទ្ធទ្រង់ទ្រាយធំបំផុតមិនធ្លាប់មាន ដើម្បីតវ៉ាប្រឆាំងដំណើរទស្សនកិច្ចកាលពីសប្តាហ៍មុនមកកាន់ទីក្រុងតៃប៉ិ របស់ប្រធានសភាសហរដ្ឋអាមេរិកលោកស្រី Nancy Pelosi។ ទីបញ្ជាការសម្របសម្រួលភាគខាងកើតរបស់ប្រទេសចិនបាននិយាយថា ទីបញ្ជាការនឹងធ្វើសមយុទ្ធរួមដែលផ្តោតលើប្រតិបត្តិការប្រឆាំងនាវាមុជទឹក និងការវាយប្រហារតាមសមុទ្រ ដោយអះអាងការព្រួយបារម្ភរបស់អ្នកវិភាគសន្តិសុខ និងអ្នកការទូតមួយចំនួនថា ទីក្រុងប៉េកាំងនឹងបន្តរក្សាសម្ពាធលើការការពារកោះតៃវ៉ាន់។ ដំណើរទស្សនកិច្ចរបស់លោកស្រី Pelosi មកកាន់កោះតៃវ៉ាន់កាលពីសប្តាហ៍មុនបានធ្វើឱ្យប្រទេសចិនមានកំហឹង ដែលបានចាត់ទុកកោះស្វ័យគ្រប់គ្រងមួយនេះថាជាខេត្តមួយរបស់ខ្លួន ហើយបានឆ្លើយតបដោយការបាញ់សាកល្បងមីស៊ីលបាលីស្ទីកនៅលើទីក្រុងតៃប៉ិជាលើកដំបូង ព្រមទាំងការលុបចោលកិច្ចសន្ទនាមួយចំនួនជាមួយទីក្រុងវ៉ាស៊ីនតោន។ រយៈពេល និងទីតាំងជាក់លាក់នៃសមយុទ្ធចុងក្រោយនេះមិនទាន់ដឹងនៅឡើយនោះទេ។ភ្លាមៗមុនពេលការធ្វើសមយុទ្ធចុងក្រោយដែលត្រូវបានប្រកាស ប្រធានាធិបតីកោះតៃវ៉ាន់លោកស្រី Tsai Ing-wen បានជួបសន្ទនាជាមួយនាយករដ្ឋមន្ត្រីកោះ Saint Vincent និង Grenadines លោក Ralph Gonsalves ដោយបានប្រាប់លោកថា លោកស្រីមានការរំភើបដោយការប្តេជ្ញាចិត្តរបស់លោកក្នុងដំណើរទស្សនកិច្ច ទោះបីជាមានគំនាបយោធារបស់ប្រទេសចិនក៏ដោយ។ នាយករដ្ឋមន្ត្រីលោក Gonsalves បាននិយាយកាលពីប៉ុន្មានថ្ងៃថ្មីៗនេះថា សមយុទ្ធយោធារបស់ចិន និងមិនអាចទប់ស្កាត់លោកមិនឲ្យមកធ្វើទស្សនកិច្ចនៅកោះតៃវ៉ាន់បាននោះទេ៕អត្ថបទ៖ ប៊ុនថន

ចិនបង្ហាញពីមូលហេតុដែលខ្លួនគិតថា អាមេរិកបញ្ជូនលោកស្រី Pelosi មកកាន់កោះតៃវ៉ាន់

ចិន៖ ទីក្រុងប៉េកាំងបាននិយាយថា ដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi មកកាន់កោះតៃវ៉ាន់អាចជាផ្នែកមួយ នៃការប៉ុនប៉ងរបស់ទីក្រុងវ៉ាស៊ីនតោនក្នុងបំណងបង្កើតលេស ដើម្បីដាក់ពង្រាយយោធារបស់ខ្លួនបន្ថែមទៀតមកកាន់តំបន់នេះ។ នៅក្នុងសេចក្តីថ្លែងការណ៍ដែលបានធ្វើឡើង ក្នុងអំឡុងដំណើរទស្សនកិច្ចរបស់លោកទៅកាន់ប្រទេសបង់ក្លាដែស និងបានចេញផ្សាយកាលពីថ្ងៃអាទិត្យ រដ្ឋមន្ត្រីការបរទេសចិនលោក Wang Yi បាននិយាយថា មានសញ្ញាបង្ហាញថា សហរដ្ឋអាមេរិកកំពុងព្យាយាមប្រើល្បិចចាស់របស់ខ្លួនឡើងវិញ។ អ្នកការទូតរូបនេះបានបញ្ជាក់ច្បាស់ថា ទីក្រុងវ៉ាស៊ីនតោនមានប្រវត្តិបង្កើតបញ្ហាជាមុន ហើយក្រោយមកប្រើប្រាស់បញ្ហានោះធ្វើឲ្យផែនការយុទ្ធសាស្ត្ររបស់ខ្លួន ក្លាយជាការពិតនៅទីដទៃទៀតនៅលើសកលលោក។ យោងតាមលោករដ្ឋមន្ត្រីបានឲ្យដឹងថា អ្នកមានតួនាទីក្នុងតំបន់គួរតែប្រឆាំងនឹងការបង្កើនវត្តមានយោធា របស់សហរដ្ឋអាមេរិកនៅក្នុងតំបន់ជុំវិញកោះតៃវ៉ាន់។ ទីក្រុងប៉េកាំងបានក្រើនរំលឹកទីក្រុងវ៉ាស៊ីនតោនថា កោះតៃវ៉ាន់មិនមែនជាផ្នែករបស់សហរដ្ឋអាមេរិកនោះទេ ប៉ុន្តែជាទឹកដីរបស់ប្រទេសចិន ហើយតាមរយៈការផ្តល់ភ្លើងខៀវចំពោះដំណើរទស្សនកិច្ចរបស់លោកស្រី Pelosi សហរដ្ឋអាមេរិកមិនបានរក្សាសន្យាក្នុងការប្តេជ្ញាចិត្តរបស់ខ្លួនចំពោះបូរណភាពទឹកដីរបស់ប្រទេសចិន។លោក Wang Yi បានបន្តអធិប្បាយអំពីការឆ្លើយតបខ្លាំងក្លារបស់ប្រទេសចិន ដែលស្ថិតក្នុងចំណោមបញ្ហាផ្សេងៗទៀតរួមមានការដាក់ទណ្ឌកម្មថា ជាការស្របច្បាប់ សមហេតុផល ចាំបាច់ បើកចំហ និងសមស្រប។ លោកបានបន្ថែមថា វិធានការក្នុងការចោទប្រកាន់គឺមានបំណងរារាំង ការប៉ុនប៉ងរបស់សហរដ្ឋអាមេរិកមិនឲ្យប្រើប្រាស់កោះតៃវ៉ាន់ ដើម្បីគ្រប់គ្រងប្រទេសចិន។ អ្នកការទូតកំពូលរបស់ប្រទេសចិនបានអះអាងថា ដំណើរទស្សនកិច្ចរបស់លោកស្រី Pelosi បានចូលរួមការលើកលែងទោសដល់កងកម្លាំងផ្តាច់ខ្លួន ដែលគាំទ្រឯករាជ្យភាពរបស់កោះតៃវ៉ាន់។ ក្នុងនាមជាមនុស្សលំដាប់ទីបីក្នុងរដ្ឋាភិបាលសហរដ្ឋអាមេរិក លោកស្រី Pelosi បានរួមកម្លាំងជាមួយក្រុមផ្តាច់ខ្លួនហើយប្រឆាំងប្រជាជនចិន។ លោក Wang Yi បានចាត់ទុកគោលនយោបាយមិនជ្រៀតជ្រែកក្នុងកិច្ចការផ្ទៃក្នុងរបស់ប្រទេសដទៃថា ជាច្បាប់មាសសម្រាប់ទំនាក់ទំនងរវាងរដ្ឋ និងរដ្ឋ៕អត្ថបទ៖ ប៊ុនថន

ប្រមុខអង្គការសហប្រជាជាតិព្រមានជាថ្មីលើបញ្ហានុយក្លេអ៊ែរក្នុងដំណើរទស្សនកិច្ចនៅជប៉ុន

ជប៉ុន៖ អគ្គលេខាធិការអង្គការសហប្រជាជាតិលោក Antonio Guterres នៅថ្ងៃចន្ទនេះបានព្រមានជាថ្មីប្រឆាំងអាវុធនុយក្លេអ៊ែរ រយៈពេលពីរថ្ងៃបន្ទាប់ពីលោកបានចូលរួមក្នុងព្រឹត្តិការណ៍ប្រារព្ធខួបលើកទី77 នៃការទម្លាក់គ្រាប់បែកនៅទីក្រុងហ៊ីរ៉ូស៊ីម៉ា។ លោក Guterres បានថ្លែងទៅកាន់ក្លឹបអ្នកសារព័ត៌មានជាតិជប៉ុននៅទីក្រុងតូក្យូថា នេះគឺជាពេលដែលហានិភ័យនៃការប្រឈមមុខដាក់គ្នាដោយអាវុធនុយក្លេអែរត្រលប់មកវិញ ជារឿងដែលយើងបានបំភ្លេចចោលអស់ជាច្រើនទសវត្សរ៍មកហើយ។ អគ្គលេខាធិការអង្គការសហប្រជាជាតិបានបន្តអង្វរ ដល់រដ្ឋមានអាវុធនុយក្លេអ៊ែរឲ្យប្តេជ្ញាចិត្តថា នឹងមិនប្រើប្រាស់អាវុធនុយក្លេអ៊ែរមុនគេ និងមិនត្រូវប្រើប្រាស់ ឬគំរាមកំហែងដល់រដ្ឋគ្មាននុយក្លេអ៊ែរ តាមរយៈការប្រើប្រាស់នុយក្លេអ៊ែរដោយតម្លាភាពពេញលេញទាក់ទងនឹងឃ្លាំងអាវុធរបស់ខ្លួន។ អគ្គលេខាធិការអង្គការសហប្រជាជាតិបាននិយាយថា នៅពេលដែលភាពតានតឹងផ្នែកភូមិសាស្ត្រនយោបាយកំពុងកើនឡើង និងការគំរាមកំហែងនុយក្លេអ៊ែរត្រលប់មកវិញដែលត្រូវផ្តោតការយកចិត្តទុកដាក់។ប្រធានអង្គការសហប្រជាជាតិកាលពីថ្ងៃសៅរ៍ បានចូលរួមពិធីនៅឧទ្យានសន្តិភាព Hiroshima ដើម្បីប្រារព្ធខួប។ សហរដ្ឋអាមេរិកបានទម្លាក់គ្រាប់បែកបរមាណូលើកដំបូង របស់ពិភពលោកទៅលើទីក្រុង Hiroshima នៅថ្ងៃទី6 ខែសីហា ឆ្នាំ1945 ដោយបានបំផ្លាញទីក្រុង និងបណ្តាលឲ្យមនុស្ស 140,000នាក់ស្លាប់។ ប្រទេសនេះបានទម្លាក់គ្រាប់បែកលើកទីពីររយៈពេលបីថ្ងៃក្រោយមកលើទីក្រុង Nagasaki បណ្តាលឲ្យមនុស្ស 70,000នាក់បន្ថែមទៀតស្លាប់។ ការព្រួយបារម្ភនៃការទម្លាក់គ្រាប់បែកបរមាណូលើកទីបី បានកើនឡើងក្នុងពេលមានការគំរាមកំហែងរបស់រុស្ស៊ីក្នុងការវាយប្រហារនុយក្លេអ៊ែរ ចាប់តាំងពីសង្គ្រាមរបស់ខ្លួនលើអ៊ុយក្រែនចាប់ផ្តើមកាលពីខែកុម្ភៈ៕អត្ថបទ៖ ប៊ុនថន

ការបិទខ្ទប់បណ្តាលឲ្យមនុស្សរាប់ពាន់នាក់ជាប់គាំងនៅរមណីយដ្ឋានប្រទេសចិន

ចិន៖ ក្រុមអ្នកទេសចរប្រមាណ ៨ម៉ឺននាក់កំពុងជាប់គាំងនៅក្នុងរមណីយដ្ឋានឆ្នេរសមុទ្រក្រុង Sanya ភាគខាងត្បូងប្រទេសចិន បន្ទាប់ពីអាជ្ញាធរបានប្រកាសថា វាជាទីតាំងចំណុចក្តៅនៃវីរុស COVID-19 និងបានដាក់វិធានការបិទខ្ទប់។ វិធានការរឹតត្បិតបានចូលជាធរមានកាលពីថ្ងៃសៅរ៍ ខណៈអាជ្ញាធរបានស្វែងរកការទប់ស្កាត់ការរាលដាលវីរុស COVID-19 នៅក្នុងទីក្រុងកោះហៃណានត្រូពិច។ មានករណីដែលបានបញ្ជាក់ចំនួន ២២៩ករណីកាលពីថ្ងៃសុក្រ និង ១២៩ករណីបន្ថែមទៀតកាលពីថ្ងៃសៅរ៍។ អាជ្ញាធរអយស្ម័យយានបានដាក់បម្រាមការលក់សំបុត្រទាំងអស់នៅក្នុងក្រុង Sanya ខណៈជើងហោះហើរទាំងអស់ក៏ត្រូវបានលុបចោលកាលពីថ្ងៃសៅរ៍។ អាជ្ញាធរនិយាយថា អ្នកទេសចរដែលចង់ចាកចេញពីក្រុង Sanya ត្រូវធ្វើតេស្តអវិជ្ជមានវីរុសកូរ៉ូណា និងធ្វើតេស្ត PCR ចំនួនប្រាំដងក្នុងរយៈពេលប្រាំពីរថ្ងៃ។មន្ត្រីទីក្រុងបាននិយាយក្នុងសន្និសីទសារព័ត៌មានថា សណ្ឋាគារនឹងផ្តល់ជូនភ្ញៀវនូវការបញ្ចុះតម្លៃ ៥០% ក្នុងអំឡុងពេលនៃវិធានការបិទខ្ទប់។ វិធានការបិទខ្ទប់នេះធ្វើឡើងក្នុងរដូវកាលទេសចរណ៍កើនឡើងខ្ពស់នៅក្រុង Sanya ដែលល្បីល្បាញសម្រាប់រមណីយដ្ឋាន និងឆ្នេរសមុទ្រ។ បក្សកុម្មុយនិស្តដែលកំពុងកាន់អំណាចរបស់ប្រទេសចិន បានប្រកាន់ខ្ជាប់វិធានការគ្មាន COVID ដែលមានការជំទាស់កាន់តែខ្លាំងពីតំបន់ដទៃទៀតលើពិភពលោក។ ការផ្ទុះឡើងវីរុសនៅទីក្រុងសៀងហៃកាលពីពេលថ្មីៗនេះបានរាលដាលយ៉ាងខ្លាំង ដែលអាជ្ញាធរបានបិទខ្ទប់ទីក្រុងទាំងមូល ជាទីក្រុងធំបំផុតរបស់ប្រទេសចិនអស់រយៈពេល ២ខែដោយបានធ្វើឲ្យជាប់គាំងមនុស្សរាប់លាននាក់ និងបង្កផលប៉ះពាល់ដល់សេដ្ឋកិច្ចជាតិ៕អត្ថបទ៖ ប៊ុនថន

ចិនប្រកាសធ្វើសមយុទ្ធយោធាថ្មីបង្កើនការគំរាមប្រឆាំងកោះតៃវ៉ាន់

ចិន៖ ប្រទេសចិនកាលពីថ្ងៃអាទិត្យបានប្រកាសថា ខ្លួននឹងធ្វើសមយុទ្ធយោធាបាញ់គ្រាប់ពិតនៅសមុទ្រលឿង និងសមុទ្រ Bohai។ រដ្ឋបាលសុវត្ថិភាពដែនសមុទ្របាននិយាយក្នុងសេចក្ដីថ្លែងការណ៍ថា សមយុទ្ធនៅសមុទ្រ Bohai នឹងត្រូវធ្វើឡើងចាប់ពីថ្ងៃទី៨ ខែសីហានេះដល់ថ្ងៃទី៨ ខែកញ្ញា ចំណែកសមយុទ្ធមួយទៀតនៅសមុទ្រលឿងបានធ្វើកាលពីថ្ងៃទី៧ និងបន្តរហូតដល់ថ្ងៃទី១៥ ខែសីហានេះ។ ក្រុងប៉េកាំងបានធ្វើសមយុទ្ធយោធាទ្រង់ទ្រាយធំបំផុត ជុំវិញកោះតៃវ៉ាន់កាលពីថ្ងៃព្រហស្បតិ៍សប្ដាហ៍មុន បន្ទាប់ពីដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi ទៅកាន់កោះស្វ័យគ្រប់គ្រងមួយនេះដែលរងការព្រមានធ្ងន់ៗពីចិន។ចិនចាត់ទុកកោះតៃវ៉ាន់ជាខេត្តផ្ដាច់ខ្លួន ទោះបីក្រុងតៃប៉ិបានគ្រប់គ្រងកោះនេះចាប់តាំងពីឆ្នាំ១៩៤៩ ក៏ដោយ។ ចិនបានប្ដេជ្ញាបង្រួបបង្រួមឡើងវិញជាមួយកោះនេះ រួមទាំងការប្រើប្រាស់កម្លាំងក្នុងករណីចាំបាច់៕អត្ថបទ៖ សុខមាន

សារព័ត៌មានរដ្ឋរុស្ស៊ី៖ កូរ៉េខាងជើងផ្ដល់កងទ័ព ១០ម៉ឺននាក់ជួយប្រយុទ្ធក្នុងសង្គ្រាមនៅអ៊ុយក្រែន

រុស្ស៊ី៖ យោងតាមសារព័ត៌មានរដ្ឋរបស់រុស្ស៊ីឲ្យដឹងថា កូរ៉េខាងជើងបានផ្ដល់កងទ័ពស្ម័គ្រចិត្ត ១០ម៉ឺននាក់ទៅឲ្យវិមានក្រឹមឡាំងដើម្បីជួយរុស្ស៊ីយកឈ្នះសង្គ្រាមជាមួយអ៊ុយក្រែន។ សារព័ត៌មាន New York Post បានរាយការណ៍ថា អ្នកជំនាញយោធារុស្ស៊ីលោក Igor Korotchenko នៅស្ថានីយទូរទស្សន៍រដ្ឋរុស្ស៊ី Channel One បាននិយាយថា មានរបាយការណ៍ថា អ្នកស្ម័គ្រចិត្តកូរ៉េខាងជើង ១០ម៉ឺននាក់បានត្រៀមខ្លួនចូលរួមក្នុងជម្លោះនេះ។ សារព័ត៌មានខាងលើបានរាយការណ៍ថា លោក Korotchenko បានកោតសរសើរពីបទពិសោធន៍ធ្វើសង្គ្រាមកាំភ្លើងធំរបស់យោធាកូរ៉េខាងជើង។ ទស្សនាវដ្ដីយោធាឆ្នាំ១៩៤៥ បានរាយការណ៍ថា សង្គ្រាមកាំភ្លើងធំដ៏មានប្រសិទ្ធភាពគឺមានសារៈសំខាន់សម្រាប់យោធារុស្ស៊ី បន្ទាប់ពីការសម្រេចចិត្តរបស់សហរដ្ឋអាមេរិកក្នុងការផ្ដល់ជំនួយប្រព័ន្ធកាំភ្លើងធំបាញ់គ្រាប់រ៉ូកែតដ៏ទំនើប HIMARS ដល់អ៊ុយក្រែន។ លោក Korotchenko បានលើកឡើងថា រុស្ស៊ីគួរតែស្វាគមន៍កងទ័ពកូរ៉េខាងជើង និងអ្នកជំនាញសង្គ្រាមកាំភ្លើងធំ។ កូរ៉េខាងជើងក៏ត្រូវបានរាយការណ៍ផងដែរថា បានត្រៀមបញ្ជូនក្រុមកម្មករដើម្បីជួយរុស្ស៊ីសាងសង់តំបន់ Donbas ឡើងវិញ៕អត្ថបទ៖ សុខមាន

អ្នករាយការណ៍ពិសេសរបស់ UN បាននិយាយថា ការវាយប្រហាររបស់អ៊ីស្រាអែលលើតំបន់ Gaza ជារឿងខុសច្បាប់

UN៖ អ្នករាយការណ៍ពិសេសរបស់អង្គការសហប្រជាជាតិ នៅដែនដីប៉ាឡេស្ទីនគ្រប់គ្រងដោយអ៊ីស្រាអែលនិយាយថា ការវាយឆ្មក់តាមអាកាសរបស់អ៊ីស្រាអែល ទៅលើតំបន់រងការឡោមព័ទ្ធមិនត្រឹមតែខុសច្បាប់ប៉ុណ្ណោះទេ ថែមទាំងគ្មានការទទួលខុសត្រូវទៀតផង ដោយអំពាវនាវឲ្យមានដំណោះស្រាយការទូត ដើម្បីបញ្ចប់អំពើហិង្សាដែលបានចាប់ផ្ដើមកាលពីថ្ងៃសុក្រ នៅពេលអ៊ីស្រាអែលបើកការវាយប្រហារតាមអាកាសលើទីក្រុង Gaza។ លោក Francesca Albanez បានប្រាប់សារព័ត៌មាន Al Jazeera ថា ស្ថានភាពនៅតំបន់ Gaza ស្ទើរតែបង្កឲ្យមានវិបត្តិមនុស្សធម៌។ មធ្យោបាយតែមួយគត់ដើម្បីធានាសុខុមាលភាពប្រជាជនជាតិប៉ាឡេស្ទីន គឺត្រូវដកការហ៊ុមព័ទ្ធគ្រប់ទីកន្លែង និងអនុញ្ញាតឲ្យដឹកជញ្ជូនជំនួយចូលទៅដល់ទីនោះ។ ឯកអគ្គរដ្ឋទូតសហរដ្ឋអាមេរិកប្រចាំនៅអ៊ីស្រាអែលលោក Tom Nides បានសរសេរនៅលើបណ្ដាញ Twitter កាលពីថ្ងៃសុក្រថា សហរដ្ឋអាមេរិកជឿជាក់យ៉ាងមុតមាំថា អ៊ីស្រាអែលមានសិទ្ធិការពារខ្លួន។ យើងកំពុងធ្វើការជាមួយភាគីផ្សេងៗ និងជំរុញឲ្យគ្រប់ភាគីទាំងអស់រក្សាភាពស្ងៀមស្ងាត់។ លោក Albanez បានរិះគន់សហរដ្ឋអាមេរិកដែលនិយាយថា ខ្លួនជឿថា អ៊ីស្រាអែលមានសិទ្ធិការពារខ្លួន។ លោកថា អ៊ីស្រាអែលមិនអាចអះអាងថា ខ្លួនកំពុងការពារខ្លួនឯងក្នុងជម្លោះនេះបានទេ៕អត្ថបទ៖ សុខមាន

សម្តេចតេជោ៖ អាស៊ាននឹងបន្តជួបប្រទះបញ្ហាប្រឈមផ្នែកសន្តិសុខធំៗជាច្រើន ប៉ុន្តែអាស៊ាននឹងជម្នះរួមគ្នារាល់បញ្ហាទាំងនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២នេះ បានលើកឡើងថា អាស៊ាននឹងបន្តជួបប្រទះបញ្ហាប្រឈមផ្នែកសន្តិសុខធំៗជាច្រើន ហើយបញ្ហាដែលសំខាន់ជាងគេនោះ គឺស្ថានភាពនៅក្នុងប្រទេសមីយ៉ាន់ម៉ា បញ្ហាសមុទ្រចិនខាងត្បូង បញ្ហាឧបទ្វីបកូរ៉េ និងសង្រ្គាមរុស្ស៊ី-អ៊ុយក្រែនជាដើម។ ប៉ុន្តែទោះជាយ៉ាងនេះក្តីអាស៊ាន អាចធ្វើដំណើរទៅមុខប្រកបដោយភាពរឹងមាំ សាមគ្គីភាព និងមិត្តភាព ដើម្បីជំនះរាល់បញ្ហាប្រឈមនានា។ថ្លែងនៅក្នុងឱកាសប្រារព្ធខួបលើកទី៥៥ឆ្នាំរបស់អាស៊ាន នាថ្ងៃទី៨ ខែសីហា ឆ្នាំ២០២២នេះ សម្តចតេជោ ហ៊ុន សែន ប្រធានអាស៊ានបានបញ្ជាក់ថា «សម្រាប់អនាគត អាស៊ាននឹងបន្តជួបប្រទះបញ្ហាប្រឈមផ្នែកសន្តិសុខធំៗជាច្រើន ហើយបញ្ហាដែលសំខាន់ជាងគេនោះ គឺស្ថានភាពនៅក្នុងប្រទេសមីយ៉ាន់ម៉ា បញ្ហាសមុទ្រចិនខាងត្បូង បញ្ហាឧបទ្វីបកូរ៉េ និងសង្រ្គាមរុស្ស៊ី-អ៊ុយក្រែន។ បញ្ហាទាំងអស់នេះអាចធ្វើបង្កអស្ថិរភាពដល់សន្តិភាព និងសន្តិសុខក្នុងតំបន់របស់យើង ប្រសិនបើយើងមិនបានគ្រប់គ្រងបញ្ហាទាំងនេះឱ្យបានល្អទេនោះ»។ទោះជាយ៉ាងនេះក្តី សម្តេចតេជោ ហ៊ុន សែន បានលើកឡើងថា អាស៊ានចាំបាច់ត្រូវតែឈរលើជំហរនៃការឯកភាពគ្នា សម្រាប់កិច្ចសហប្រតិបត្តិការ និងដើម្បីផលប្រយោជន៍ទៅវិញទៅមក។ យើងនឹងបន្តផ្តោតសំខាន់លើសកម្មភាពនានា ដែលចងភ្ជាប់យើងទាំងអស់គ្នា ដើម្បីវិបុលភាពកាន់តែប្រសើរឡើង សម្រាប់តំបន់យើង។ យើងនឹងលើកកម្ពស់ស្មារតីអាស៊ាននៃ “ការរួបរួមគ្នា” ដើម្បីប្រមូលផ្តុំនូវកិច្ចខិតខំប្រឹងប្រែងនានា ទាំងផ្ទៃក្នុងអាស៊ាន ទាំងជាមួយប្រទេសជាដៃគូខាងក្រៅ ដើម្បីលើកកម្ពស់នូវសាមគ្គីភាព និងភាពធន់របស់អាស៊ាន ដើម្បីសម្រេចបានគោលដៅនៃការកសាងទស្សនៈវិស័យសហគមន៍អាស៊ានឆ្នាំ២០២៥ ប្រកបដោយភាពធន់។ សរុបជារួមមក យើងជឿជាក់ថា អាស៊ាន អាចធ្វើដំណើរទៅមុខប្រកបដោយភាពរឹងមាំ សាមគ្គីភាព និងមិត្តភាព ដើម្បីជំនះរាល់បញ្ហាប្រឈមនានា ដែលកំពុងបង្កផលប៉ះពាល់ដល់ប្រយោជន៍រួមរបស់ប្រជាជន និងតំបន់របស់យើង ដោយអនុលោមទៅតាមស្មារតីអាស៊ាន៖ “ទស្សនៈវិស័យមួយ អត្តសញ្ញាណមួយសហគមន៍មួយ”។ សូមបញ្ជាក់ថាក្នុងរយៈពេល៥៥ឆ្នាំមកនេះអាស៊ាន បានផ្លាស់ប្តូរខ្លួន ពីអង្គការដែលមានក្របខ័ណ្ឌធូររលុង ទៅជាអង្គការដែលមានរចនាសម្ព័ន្ធរឹងមាំ និងផ្អែកលើវិធានច្បាប់។ អាស៊ាន បានធ្វើដំណើរឆ្លងកាត់ការផ្លាស់ប្តូរយ៉ាងខ្លាំង ទាំងក្នុងទិដ្ឋភាពនយោបាយសាកលលោក និងក្នុងកម្រិតតំបន់ និងបានលេចត្រដែតឡើងជាគ្រួសារមួយដ៏ខ្លាំងក្លា និងវាងវៃ។សម្តេចតេជោ ហ៊ុន សែន បានលើកឡើងទៀតថា ពិតណាស់ថា អាស៊ានមិនអាចធានាយ៉ាងដាច់ណាត់ថា ពុំមានទំនាស់ និងសង្រ្គាមនោះទេ ប៉ុន្តែយ៉ាងហោចណាស់អាស៊ានបានដើរតួនាទីជាអ្នកផ្តល់វេទិកាបើកចំហមួយ សម្រាប់កិច្ចសន្ទនា និងការពិគ្រោះយោបល់ប្រកបដោយភាពស្ថាបនា ដែលការណ៍នេះបានរួមចំណែកយ៉ាងសំខាន់ដល់ការលើកកម្ពស់សន្តិភាព និងស្ថិរភាពនៅក្នុងតំបន់។ សមិទ្ធផលដ៏ធំសម្បើមរហូតមកដល់បច្ចុប្បន្នបានគូសបញ្ជាក់អំពីការប្តេជ្ញាចិត្ត និងឆន្ទៈនយោបាយយ៉ាងខ្លាំងក្លារបស់ប្រមុខដឹកនាំអាស៊ាន ក្នុងការថែរក្សាសន្តិភាព និងស្ថិរភាព ក៏ដូចជាការនាំមកនូវវិបុលភាពសេដ្ឋកិច្ច ជូនសហគមន៍អាស៊ានមួយដែលប្រកបទៅដោយស្មារតីរួបរួមគ្នា និងសាមគ្គីភាព៕ អត្ថបទ៖ បាន ចក់

អ៊ីស្រាអែល និងក្រុមសកម្មប្រយុទ្ធប៉ាឡេស្ទីនប្រកាសបទឈប់បាញ់នៅតំបន់ Gaza ក្រោយផ្ទុះអំពើហិង្សា

អ៊ីស្រាអែល៖ បទឈប់បាញ់រវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនបានចាប់ផ្ដើមកាលពីយប់ថ្ងៃអាទិត្យ ដើម្បីបញ្ចប់អំពើហិង្សាជិត ៣ថ្ងៃដែលបានសម្លាប់មនុស្សរាប់សិបនាក់នៅក្នុងតំបន់ Gaza។ កិច្ចព្រមព្រៀងក្រោមការសម្របសម្រួលដោយប្រទេសអេហ្ស៊ីប បានបង្កើនក្ដីសង្ឃឹមក្នុងការបញ្ចប់ការវាយប្រយុទ្ធគ្នាដ៏ខ្លាំងក្លាបំផុតនៅតាមព្រំដែនតំបន់ Gaza ជាង ១ឆ្នាំមកនេះ។ អ្នកនាំពាក្យក្រុមអ៊ីស្លាមជីហាដ (Islamic Jihad) លោក Tareq Selmi បាននិយាយថា យើងកោតសរសើរកិច្ចខិតខំប្រឹងប្រែងរបស់អេហ្ស៊ីប ដែលបានព្យាយាមក្នុងការបញ្ចប់ការឈ្លានពានរបស់អ៊ីស្រាអែល ប្រឆាំងនឹងប្រជាជនរបស់យើង។ ការប៉ះទង្គិចគ្នាលើកដំបូងបានផ្ទុះឡើងរវាងអ៊ីស្រាអែល និងក្រុមអ៊ីស្លាមជីហាដដែលបានវាយប្រយុទ្ធគ្នានៅក្នុងតំបន់ Gaza កាលពីសុក្រសប្ដាហ៍មុន។ ទោះបីជាមហាអំណាចពិភពលោកព្រួយបារម្ភក៏ដោយ ជម្លោះនេះត្រូវបានរារាំងដោយក្រុមហាម៉ាស (Hamas) ដែលជាក្រុមអ៊ីស្លាមនិយមគ្រប់គ្រងនៅតំបន់ Gaza និងជាកម្លាំងខ្លាំងជាងក្រុមជីហាដអ៊ីស្លាមគាំទ្រដោយអ៊ីរ៉ង់ បាននៅស្ងៀមរហូតមកដល់ពេលនេះ។ក្រុមមន្ត្រីតំបន់ Gaza បាននិយាយថា ជនជាតិប៉ាឡេស្ទីន ៣១នាក់យ៉ាងហោចណាស់ ១ភាគ៣ នៃពួកគេជាជនស៊ីវិលបានស្លាប់។ កាលពីថ្ងៃអាទិត្យ អ្នកកាន់ទុក្ខរាប់ពាន់នាក់បានចូលរួមពិធីបុណ្យសព មេបញ្ជាការជាន់ខ្ពស់របស់ក្រុមសកម្មប្រយុទ្ធអ៊ីស្លាមជីហាដប៉ាឡេស្ទីន និងមនុស្ស ៦នាក់ផ្សេងទៀតដែលបានស្លាប់ ក្នុងការវាយប្រហារតាមអាកាសដូចគ្នាលើទីក្រុង Rafah។ អ៊ីស្រាអែលនិយាយថា ប្រព័ន្ធការពារ Iron Dome របស់ខ្លួនបានចាប់ស្ទាក់ការវាយប្រហារដោយគ្រាប់រ៉ូកែតប្រហែល៩៧% ដោយជោគជ័យដែលតម្រង់មកលើទីក្រុងនានា ក្រោយការបាញ់ស្រោចកាលពីចុងសប្ដាហ៍ពីសំណាក់ក្រុមសកម្មប្រយុទ្ធប៉ាឡេស្ទីន ដែលបានបណ្ដាលឲ្យមនុស្ស ៣១នាក់ស្លាប់៕អត្ថបទ៖ សុខមាន

សារលិខិតសម្ដេចតេជោ ហ៊ុន សែន ក្នុងឱកាសអបអរសាទរទិវាអាស៊ាន លើកទី៥៥

ភ្នំពេញ៖ នៅព្រឹកថ្ងៃទី០៨ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញថ្លែងសារលិខិតអបអរសាទរទិវាអាស៊ាន ០៨សីហា លើកទី៥៥។ សារលិខិតសម្ដេចតេជោ ហ៊ុន សែន មានខ្លឹមសារដូចខាងក្រោម៖

បណ្ដាញសង្គម

ព័ត៌មានថ្មីៗ

កម្ពុជានាំចេញអង្ករជាង ៥៦ម៉ឺនតោន គិតជាទឹកប្រាក់ជាង ៣២៧លានដុល្លាររយៈពេល៥ខែ ឆ្នាំ ២០២៦នេះ

មនុស្សជិត ៥០នាក់បានស្លាប់ ដោយសារស្រេកទឹកនៅប្រទេសនីហ្សេ បន្ទាប់ពីរថយន្តដឹកពួកគេមិនដំណើរការ

ប៉ាគីស្ថានចោទ ឥណ្ឌាថា កំពុងប្រើប្រាស់ទឹកជាអាវុធ បន្ទាប់ពីព្យួរសន្ធិសញ្ញាទឹក Indus

ប្រធាន WFP ព្រមានជាថ្មីអំពីវិបត្តិស្បៀងអាហារពិភពលោក ស្របពេលមានការបិទច្រកសមុទ្រហ័រមូស

កម្ពុជាយកយន្តការ UN ដោះស្រាយបញ្ហាព្រំដែនសមុទ្រជាមួយថៃបន្ទាប់ពីជម្រើសទ្វេភាគីអស់លទ្ធភាព

បាតុកររាប់រយនាក់នៅប្រទេសលីប៊ី បានតវ៉ាប្រឆាំងនឹងជនអន្តោប្រវេសន៍ និងជនភៀសខ្លួន

កងឆ្មាំបដិវត្តន៍ឥស្លាមអ៊ីរ៉ង់និយាយថា អ៊ីស្រាអែលត្រូវតែបញ្ឈប់ការវាយប្រហារលើប្រទេសលីបង់ជាបន្ទាន់

ប្រមុខអង្គការសហប្រជាជាតិថ្កោលទោសការសម្លាប់អ្នករក្សាសន្តិភាពUN នៅប្រទេសលីបង់

មេដឹកនាំក្រុមហ៊ួទីព្រមានតួអង្គក្នុងតំបន់កុំឲ្យចូលរួមក្នុងការបង្កជម្លោះកាន់តែធំឡើង

ផ្ទះ៣ខ្នង និងអណ្តូងចំនួន៣ផ្សេងទៀត ជាព្រះរាជអំណោយរបស់សម្តេចព្រះវររាជមាតាជាតិខ្មែរ តាមរយៈសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនប្រជានុរាស្ត្រ៣គ្រួសារទៀតនៅស្រុកបន្ទាយអំពិល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

យោធាចិននិយាយថា សមយុទ្ធនៅបន្តជុំវិញកោះតៃវ៉ាន់នៅថ្ងៃចន្ទនេះ

ចិនបង្ហាញពីមូលហេតុដែលខ្លួនគិតថា អាមេរិកបញ្ជូនលោកស្រី Pelosi មកកាន់កោះតៃវ៉ាន់

ប្រមុខអង្គការសហប្រជាជាតិព្រមានជាថ្មីលើបញ្ហានុយក្លេអ៊ែរក្នុងដំណើរទស្សនកិច្ចនៅជប៉ុន

ការបិទខ្ទប់បណ្តាលឲ្យមនុស្សរាប់ពាន់នាក់ជាប់គាំងនៅរមណីយដ្ឋានប្រទេសចិន

ចិនប្រកាសធ្វើសមយុទ្ធយោធាថ្មីបង្កើនការគំរាមប្រឆាំងកោះតៃវ៉ាន់

សារព័ត៌មានរដ្ឋរុស្ស៊ី៖ កូរ៉េខាងជើងផ្ដល់កងទ័ព ១០ម៉ឺននាក់ជួយប្រយុទ្ធក្នុងសង្គ្រាមនៅអ៊ុយក្រែន

អ្នករាយការណ៍ពិសេសរបស់ UN បាននិយាយថា ការវាយប្រហាររបស់អ៊ីស្រាអែលលើតំបន់ Gaza ជារឿងខុសច្បាប់

អ៊ីស្រាអែល និងក្រុមសកម្មប្រយុទ្ធប៉ាឡេស្ទីនប្រកាសបទឈប់បាញ់នៅតំបន់ Gaza ក្រោយផ្ទុះអំពើហិង្សា

សារលិខិតសម្ដេចតេជោ ហ៊ុន សែន ក្នុងឱកាសអបអរសាទរទិវាអាស៊ាន លើកទី៥៥

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

យោធា​ចិន​និយាយ​ថា សម​យុទ្ធ​នៅ​បន្ត​ជុំវិញ​កោះ​តៃវ៉ាន់​នៅ​ថ្ងៃ​ចន្ទ​នេះ​

ចិនបង្ហាញពីមូលហេតុដែលខ្លួនគិតថា អាមេរិកបញ្ជូនលោកស្រី Pelosi មកកាន់កោះតៃវ៉ាន់

ប្រមុខ​អង្គការសហប្រជាជាតិ​ព្រមាន​ជាថ្មី​លើ​បញ្ហា​នុយក្លេអ៊ែរ​ក្នុង​ដំណើរ​ទស្សនកិច្ច​នៅ​ជប៉ុន

ការ​បិទ​ខ្ទប់​បណ្តាល​ឲ្យ​មនុស្ស​រាប់ពាន់នាក់​ជាប់​គាំង​នៅ​រមណីយដ្ឋាន​ប្រទេស​ចិន​

ចិន​ប្រកាស​ធ្វើ​សម​យុទ្ធ​យោធា​ថ្មី​បង្កើន​ការ​គំរាម​ប្រឆាំង​កោះ​តៃវ៉ាន់

អ្នករាយការណ៍​ពិសេស​របស់​ UN បាន​និយាយថា ការវាយប្រហារ​របស់​អ៊ីស្រាអែល​លើ​តំបន់ Gaza​ ជា​រឿង​ខុសច្បាប់​

សារលិខិតសម្ដេចតេជោ ហ៊ុន សែន​ ក្នុងឱកាសអបអរសាទរទិវាអាស៊ាន លើកទី៥៥

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

យោធាចិននិយាយថា សមយុទ្ធនៅបន្តជុំវិញកោះតៃវ៉ាន់នៅថ្ងៃចន្ទនេះ

ប្រមុខអង្គការសហប្រជាជាតិព្រមានជាថ្មីលើបញ្ហានុយក្លេអ៊ែរក្នុងដំណើរទស្សនកិច្ចនៅជប៉ុន

ការបិទខ្ទប់បណ្តាលឲ្យមនុស្សរាប់ពាន់នាក់ជាប់គាំងនៅរមណីយដ្ឋានប្រទេសចិន

ចិនប្រកាសធ្វើសមយុទ្ធយោធាថ្មីបង្កើនការគំរាមប្រឆាំងកោះតៃវ៉ាន់

អ្នករាយការណ៍ពិសេសរបស់ UN បាននិយាយថា ការវាយប្រហាររបស់អ៊ីស្រាអែលលើតំបន់ Gaza ជារឿងខុសច្បាប់

សារលិខិតសម្ដេចតេជោ ហ៊ុន សែន ក្នុងឱកាសអបអរសាទរទិវាអាស៊ាន លើកទី៥៥