BTV NEWS

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

សម្ដេចតេជោ ហ៊ុន សែន កោតសរសើរថ្នាក់ដឹកនាំខេត្តកំពង់ធំដែលបានយកចិត្តទុកដាក់គ្រប់គ្រងអតីតយុទ្ធជន និងគ្រួសារយុទ្ធជនពលី បានយ៉ាងល្អ

ព័ត៌មានសំខាន់ៗ

ក្រសួងប្រៃសណីយ៍ និងទូរគមនាគមន៍៖ សេវា internet ផ្ដាច់មុខតាមបុរីត្រូវលុបចោលទាំងអស់ នឹងត្រូវអនុញ្ញាតឱ្យសេវា internet ផ្សេងទៀតចូលបាន ដើម្បីដោះស្រាយបញ្ហា Internet

ភ្នំពេញ៖ ឯកឧត្តម ជា វ៉ាន់ដេត រដ្ឋមន្រ្តី ក្រសួងប្រៃសណីយ៍ និងទូរគមនាគមន៍ ប្រកាសថា សេវា internet ផ្ដាច់មុខនៅតាមបុរី ត្រូវលុបចោលទាំងអស់ នឹងត្រូវអនុញ្ញាតឱ្យសេវា internet ផ្សេងទៀតចូលបាន ដើម្បីដោះស្រាយបញ្ហា Internet។ថ្លែងក្នុងសន្និសីទវឌ្ឍនភាពក្រសួងប្រៃសណីយ៍ និងទូរគមនាគមន៍ នៅព្រឹកថ្ងៃទី០៤ ខែសីហា ឆ្នាំ២០២២នេះ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍ ក៏បានប្រកាសថា នៅសប្ដាហ៍ក្រោយនេះ ក្រុមការងារក្រសួង នឹងសហការជាមួយអាជ្ញាធរមូលដ្ឋាន ចុះដោះប្រព័ន្ធស្រូបសេវាទូរស័ព្ទចេញទាំងអស់ចេញពីតាមបុរី៕

ការចរចានុយក្លេអ៊ែរអ៊ីរ៉ង់ត្រូវគេរំពឹងថានឹងចាប់ផ្ដើមឡើងវិញ ក្រោមការសម្របសម្រួលពីសហភាពអឺរ៉ុបនៅថ្ងៃព្រហស្បតិ៍នេះ

អ៊ីរ៉ង់៖ ការចរចាស្រោចស្រង់កិច្ចព្រមព្រៀងនុយក្លេអ៊ែរឆ្នាំ2015 រវាងអ៊ីរ៉ង់ និងមហាអំណាចពិភពលោកគ្រោងនឹងចាប់ផ្ដើមឡើងវិញ ខណៈក្រុមតំណាងមកពីអ៊ីរ៉ង់ និងសហរដ្ឋអាមេរិកវិលត្រឡប់ទៅកាន់ទីក្រុងវីយ៉ែន ប្រទេសអូទ្រីស សម្រាប់ការពិភាក្សាជុំថ្មីដែលត្រូវបានសម្របសម្រួលដោយសហភាពអឺរ៉ុប។ អ្នកសម្របសម្រួលសម្រាប់ការចរចារបស់ប្លុកនេះលោក Enrique Mora បន្ថែមពីលើក្រុមអ្នកចរចាជាន់ខ្ពស់មកពីទីក្រុងតេអេរ៉ង់ និងវ៉ាស៊ីនតោន ជាទីដែលត្រូវបានគេរាយការណ៍ថា កំពុងវិលត្រឡប់ទៅកាន់រដ្ឋធានីរបស់ប្រទេសអូទ្រីសវិញកាលពីថ្ងៃពុធ សម្រាប់ការចរចាដោយប្រយោលដែលគេរំពឹងថា នឹងចាប់ផ្ដើមនៅថ្ងៃព្រហស្បតិ៍នេះ។ ទម្រង់ដើមដែលរួមបញ្ចូលទាំងចិន រុស្ស៊ី បារាំង អាល្លឺម៉ង់ និងចក្រភពអង់គ្លេសដោយបង្កើតឲ្យមានគណៈកម្មការរួមមួយ ដែលបានចាប់ផ្ដើមការចរចាក្នុងការស្ដារឡើងវិញ នូវកិច្ចព្រមព្រៀងនុយក្លេអ៊ែរកាលពីខែមេសា ឆ្នាំ2021 នឹងត្រូវបានជួបជុំគ្នាឡើងវិញ។ប្រធានអ្នកចរចារបស់រុស្ស៊ីលោក Mikhail Ulyanov បានសរសេរនៅលើបណ្ដាញសង្គម Twitter ថា ការចរចានឹងបន្តឡើងវិញក្នុងពេលដ៏ខ្លី ហើយថាក្រុមអ្នកចរចារុស្ស៊ីបានត្រៀមការចរចាប្រកបដោយការស្ថាបនា ដើម្បីសម្រេចបានកិច្ចព្រមព្រៀងចុងក្រោយ៕ អត្ថបទ៖ សុខមាន

សម្តេចតេជោ ហ៊ុន សែន ទទួលជួបរដ្ឋមន្ត្រីការបរទេសសហព័ន្ធរុស្ស៊ី

ភ្នំពេញ៖ ខណៈមានវត្តមាននៅកម្ពុជា ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងដៃគូនានា ឯកឧត្តម Sergey Lavrov រដ្ឋមន្ត្រីការបរទេសសហព័ន្ធរុស្ស៊ី ត្រូវបានសម្តេចតេជោ ហ៊ុន សែន នាយករដ្ឋមន្ត្រី អនុញ្ញាតឱ្យចូលជួបសំដែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី៤ ខែសីហា ឆ្នាំ០២២២នេះ៕

លោកស្រី Nancy Pelosi និយាយថា ចិនមិនអាចបញ្ឈប់មេដឹកនាំពិភពលោកមិនឲ្យទៅកោះតៃវ៉ាន់បានឡើយ

កោះតៃវ៉ាន់៖ ប្រធានសភាអាមេរិកលោកស្រី Speaker Nancy កាលពីថ្ងៃពុធបាននិយាយថា ដំណើរទស្សនកិច្ចរបស់លោកស្រីទៅកាន់កោះតៃវ៉ាន់ គួរតែត្រូវបានមើលឃើញថា ជាសេចក្ដីថ្លែងការណ៍ម៉ឺងម៉ាត់មួយដែលថា អាមេរិកឈរនៅខាងកោះនេះ ហើយថា ចិនមិនអាចរារាំងមិនឲ្យមេដឹកនាំពិភពលោកទៅទស្សនកិច្ចនៅកោះនេះបានឡើយ។ សេចក្ដីថ្លែងការណ៍របស់លោកស្រី Pelosi មានឡើងស្របពេលមានរបាយការណ៍ថា យន្តហោះចម្បាំងរបស់ចិន ២៧គ្រឿងបានហោះចូលតំបន់ការពារដែនអាកាសរបស់កោះតៃវ៉ាន់ ប៉ុន្មានម៉ោងក្រោយលោកស្រីចាកចេញពីក្រុងតៃប៉ិ បន្ទាប់ពីដំណើរទស្សនកិច្ចមន្ត្រីកំពូលរូបនេះ ដែលបង្កឲ្យភាពតានតឹងកើនឡើងកាន់តែខ្លាំងនៅច្រកសមុទ្រតៃវ៉ាន់។ លោកស្រី Pelosi បាននិយាយនៅក្នុងសេចក្ដីថ្លែងការណ៍ថា គួរឲ្យស្ដាយកោះតៃវ៉ាន់ត្រូវបានរារាំងមិនឲ្យចូលរួមក្នុងកិច្ចប្រជុំនានាថ្នាក់ពិភពលោក ដូចជាអង្គការសុខភាពពិភពលោកជាដើម ដោយសារការជំទាស់ពីប្រទេសចិន។ ចិនបានបង្ហាញកំហឹងបន្ថែមទៀតជុំវិញដំណើរទស្សនកិច្ច ទៅកាន់កោះនេះក្នុងរយៈពេល ២៥ឆ្នាំមកនេះ ដោយបង្កើតសកម្មភាពយោធានៅក្នុងដែនទឹកជុំវិញកោះមួយនេះ កោះអញ្ជើញឯកអគ្គរដ្ឋទូតអាមេរិកប្រចាំទីក្រុងប៉េកាំង និងផ្អាកការនាំចេញផលិតផលកសិកម្មពីកោះតៃវ៉ាន់៕អត្ថបទ៖ សុខមាន

ក្រុមអ្នកគាំទ្រចិនតវ៉ានៅខាងក្រៅស្ថានកុងស៊ុលអាមេរិកនៅហុងកុងប្រឆាំងដំណើររបស់លោកស្រី Pelosi នៅកោះតៃវ៉ាន់

ចិន៖ ក្រុមអ្នកគាំទ្រក្រុងប៉េកាំងជាច្រើនបានតវ៉ា នៅខាងក្រៅស្ថានកុងស៊ុលសហរដ្ឋអាមេរិកនៅក្នុងទីក្រុងហុងកុងកាលពីថ្ងៃពុធ ដោយថ្កោលទោសដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi ទៅកាន់កោះតៃវ៉ាន់។ ក្រុមផ្សេងៗគ្នាបានស្រែកពាក្យស្លោកប្រឆាំងសហរដ្ឋអាមេរិក និងលោកស្រី Pelosi។ សកម្មជនហុងកុងគាំទ្រក្រុងប៉េកាំងលោក Kenny Po បាននិយាយថា ប្រទេសចិនរបស់យើង និងសហរដ្ឋអាមេរិកបានចុះហត្ថលេខាទទួលស្គាល់គោលការណ៍ចិនតែមួយរួចហើយ។ ទោះបីជាលោកស្រី Pelosi និយាយថា វាជាដំណើរទស្សនកិច្ចផ្ទាល់ខ្លួនក៏ដោយ មនុស្សគ្រប់គ្នាសុទ្ធតែដឹងថា លោកស្រីគឺជាប្រធានសភា លោកស្រីតំណាងឲ្យសហរដ្ឋអាមេរិកទាំងមូលក្នុងការបំផ្លាញគោលការណ៍ចិនតែមួយ និងគាំទ្រឯករាជ្យភាពរបស់កោះតៃវ៉ាន់។ ក្រុមអ្នកតវ៉ាបានហែកទង់ជាតិអាមេរិក និងគប់ពងទាទៅលើរូបថតរបស់លោកស្រី Pelosi ដើម្បីបង្ហាញការមិនពេញចិត្តរបស់ពួកគេចំពោះដំណើរទស្សនកិច្ចនេះ។ចំណែកប្រជាពលរដ្ឋហុងកុងមួយរូបទៀតគឺលោក Kenny Leung វ័យ 29ឆ្នាំបាននិយាយថា ខ្ញុំគិតថា បញ្ហានេះនឹងមិនប៉ះពាល់ខ្លាំងដល់ទំនាក់ទំនងចិន-អាមេរិកទេ។ តាមការដានតាមរបស់ខ្ញុំ ខ្ញុំគិតថា ចិននឹងមិនលើកកាណុងកាំភ្លើងឡើងទេ ឬនិយាយឲ្យចំ វាគ្រាន់តែជាសង្គ្រាមពាក្យសម្ដី។ ខ្ញុំគិតថា ប្រទេសចិននឹងមិនធ្វើអ្វីឲ្យហួស រហូតដល់មានការផ្លាស់ប្ដូរទំនាក់ទំនងនយោបាយអាមេរិក-ចិននាពេលបច្ចុប្បន្ននេះទេ៕ អត្ថបទ៖ សុខមាន

ប្រមុខការទូតបង់ក្លាដេស ដឹកនាំគណៈប្រតិភូមកដល់ប្រទេសកម្ពុជាហើយ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ (AMM)

ភ្នំពេញ៖ ប្រមុខការទូតប្រទេសបង់ក្លាដេសលោក អេ ខេ អាប់ឌុល ម៉ូមិន(A.K. Abdul Momen)បានដឹកនាំគណៈប្រតិភូមកដល់ប្រទេសកម្ពុជាហើយ នាព្រឹកថ្ងៃទី៤ ខែសីហា ឆ្នាំ២០២២ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ (AMM) និងកិច្ចប្រជុំពាក់ព័ន្ធ ដែលកម្ពុជាធ្វើជាម្ចាស់ផ្ទះចាប់ពីថ្ងៃទី៣-៦ ខែសីហា ឆ្នាំ២០២២នេះ៕

ប្រទេសចិនត្រៀមធ្វើសមយុទ្ធបន្ទាប់ពីដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់

ចិន៖ ប្រទេសចិនត្រៀមធ្វើសមយុទ្ធនៅក្នុងសមុទ្រជុំវិញកោះតៃវ៉ាន់ ក្រោយដំណើរទស្សនកិច្ចរបស់អ្នកនយោបាយជាន់ខ្ពស់សហរដ្ឋអាមេរិកគឺលោកស្រី Nancy Pelosi ទៅកាន់កោះតៃវ៉ាន់។ លោកស្រី Pelosi បានចាកចេញកាលពីថ្ងៃពុធ បន្ទាប់ពីដំណើរទស្សនកិច្ចដ៏ចម្រូងចម្រាសទៅកាន់កោះតៃវ៉ាន់ ដែលចិនចាត់ទុកជាខេត្តផ្ដាច់ខ្លួន។ ជាការឆ្លើយតបចិនបានប្រកាសធ្វើសមយុទ្ធយោធាដែលភាពចាំបាច់ និងស្របច្បាប់រយៈពេល ៥ថ្ងៃដែលនឹងចាប់ផ្ដើមនៅថ្ងៃព្រហស្បតិ៍នេះ។ កោះតៃវ៉ាន់និយាយថា យន្តហោះចម្បាំងចិនចំនួន ២៧គ្រឿងបានហោះចូលទៅតំបន់ការពារដែនអាកាសរបស់ខ្លួន។ កាលពីថ្ងៃពុធ ក្រុមអាជ្ញាធរការពារជាតិកោះតៃវ៉ាន់បាននិយាយថា ខ្លួនបានបញ្ជូនយន្តហោះជាច្រើនគ្រឿងដើម្បីព្រមានយន្តហោះចិន។ ចិនបាននិយាយថា សមយុទ្ធទាំងនោះនឹងធ្វើឡើងនៅក្នុងដែនទឹកដ៏មមាញឹកបំផុតមួយចំនួនរបស់ពិភពលោក និងរាប់បញ្ចូលទាំងការបាញ់គ្រាប់ពិតរយៈចម្ងាយឆ្ងាយ។កោះតៃវ៉ាន់បានស្នើនាវានានាដើម្បីរកផ្លូវពិសេសគេចចេញពីសមយុទ្ធទាំងនោះ និងកំពុងចរចាជាមួយប្រទេសជិតខាងជប៉ុន និងហ្វីលីពីនដើម្បីស្វែងរកផ្លូវអាកាសផ្សេង។ មេដឹកនាំកោះនេះលោកស្រី Tsai Ing-wen បាននិយាយថា ប្រទេសនេះកំពុងប្រឈមនឹងការគំរាមកំហែងដោយយោធាដ៏តានតឹងបំផុត។ នៅក្នុងកិច្ចខិតខំប្រឹងប្រែងដើម្បីរំងាប់ស្ថានការណ៍ បណ្ដារដ្ឋមន្ត្រីការបរទេសមកពីក្រុមប្រទេសមានឧស្សាហកម្មលូតលាស់ទាំង៧ ឬ G7 មានកាណាដា បារាំង អាល្លឺម៉ង់ អ៊ីតាលី ជប៉ុន អង់គ្លេស និងសហរដ្ឋអាមេរិកបានបញ្ចេញសេចក្ដីថ្លែងការណ៍រួមមួយដោយនិយាយថា ការបង្កស្ថានភាពរបស់ចិននឹងប្រឈមនឹងការរុញឲ្យមានអស្ថិរភាពក្នុងតំបន់៕អត្ថបទ៖ សុខមាន

រដ្ឋមន្ត្រីការបរទេសអូស្រ្តាលី បានមកដល់កម្ពុជាហើយ នាព្រឹកនេះ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥(AMM)

ភ្នំពេញ៖ រដ្ឋមន្ត្រីការបរទេសអូស្រ្តាលី លោកស្រី ផេននី វង់ (Penny Wong) បានមកដល់កម្ពុជាហើយ នាព្រឹកថ្ងៃទី៤ ខែសីហា ឆ្នាំ២០២២នេះ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥(AMM) និងកិច្ចប្រជុំពាក់ព័ន្ធ ដែលកម្ពុជាធ្វើជាម្ចាស់ផ្ទះចាប់ពីថ្ងៃទី៣-៦ ខែសីហា ឆ្នាំ២០២២៕

សម្តេចតេជោ ហ៊ុន សែន ទទួលជួបតំណាងជាន់ខ្ពស់ទទួលបន្ទុកកិច្ចការបរទេស និងសន្តិសុខគោលនយោបាយ និងជាអនុប្រធានគណៈកម្មការអឺរ៉ុប

ភ្នំពេញ៖ នៅវិមានសន្តិភាព ព្រឹកថ្ងៃទី៤ ខែសីហានេះ សម្តេចតេជោ ហ៊ុន សែន នាយករដ្ឋមន្ត្រីបានអនុញ្ញាតឱ្យឯកឧត្តម ចូសិប បូររែល ហ្វុនតេលលេ(Josep Borrell Fontelles)តំណាងជាន់ខ្ពស់ទទួលបន្ទុកកិច្ចការបរទេស និងសន្តិសុខគោលនយោបាយ និងជាអនុប្រធានគណៈកម្មការអឺរ៉ុបចូលជួបសំដែងការគួរសម និងពិភាក្សាការងារ ខណៈឯកឧត្តមបានអញ្ជើញមកចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងដៃគូពាក់ព័ន្ធនៅទីក្រុងភ្នំពេញប្រទេសកម្ពុជា៕

ដំណើរទស្សនកិច្ចរបស់លោកស្រី Nancy Pelosi ទៅកាន់កោះតៃវ៉ាន់នាំឲ្យមានការតវ៉ាប្រឆាំងទាំងក្នុង និងក្រៅអាមេរិក

កោះតៃវ៉ាន់៖ ខណៈដំណើរទស្សនកិច្ចជាប្រវត្តិសាស្ត្ររបស់លោកស្រី Nancy Pelosi ទៅកាន់កោះតៃវ៉ាន់ គំរាមបង្កឲ្យមានជាវិបត្តិដ៏ធំរវាងសហរដ្ឋអាមេរិក និងចិន សាធារណៈមតិផ្សេងៗលើដីកោះដ៏តូចនេះមានភាពច្របូកច្របល់គ្នា។ កាលពីថ្ងៃអង្គារម្សិលមិញ ការតវ៉ាប្រឆាំងដំណើររបស់លោកស្រី Pelosi បានកើតឡើងនៅលើកោះតៃវ៉ាន់ មុនដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi មកកាន់កោះនេះ។ ប្រធានគណបក្សតៃវ៉ាន់ថ្មី ឬហៅថា New Taiwan Party បាននិយាយថា លោកស្រី Pelosi នឹងធ្វើឲ្យតៃវ៉ាន់ត្រូវភ្លើងឆេះ និងលិចទឹក និងបានអំពាវនាវឲ្យប្រជាពលរដ្ឋតវ៉ាប្រឆាំងនៅសណ្ឋាគារ Grand Hyatt hotel ជាទីដែលគេរំពឹងថាលោកស្រីនឹងស្នាក់នៅទីនោះ។ ខណៈដែលជនជាតិតៃវ៉ាន់ជាច្រើនគាំទ្រឯករាជ្យភាព និងស្វាគមន៍ការគាំទ្ររបស់សហរដ្ឋអាមេរិក មានសំណួរមួយចំនួនបានលេចឡើងថា តើដំណើរទស្សនកិច្ចរបស់លោកស្រី Pelosi គឺជាការបង្ករឿងដែលមិនគួរមានដែរ ឬយ៉ាងណា។នៅក្នុងការស្ទង់មតិនៃអ្នកអានជិត ៧៥០០ របស់គេហទំព័រព័ត៌មាន United Daily News មាន ៦១% និយាយថា ដំណើរនេះមិនត្រូវបានស្វាគមន៍ទេ ខណៈមានការលើកឡើងថា បញ្ហានេះអាចបង្កឲ្យមានអស្ថិរភាពនៅច្រកសមុទ្រតៃវ៉ាន់។ មានតែ ៣៨% ប៉ុណ្ណោះដែលបានស្វាគមន៍ដំណើរទស្សនកិច្ចនេះ និងបាននិយាយថា វាមានគុណប្រយោជន៍ជាងគុណវិបត្តិ។ កាលពីថ្ងៃចន្ទមុនដំណើរទស្សនកិច្ចនេះមានមនុស្សប្រមាណ ១០០នាក់បានប្រមូលផ្ដុំគ្នានៅខាងក្រៅការិយាល័យរបស់លោកស្រី Pelosi ក្នុងអគារសហព័ន្ធ San Francisco ដើម្បីជំរុញលោកស្រីឲ្យលុបចោលការឈប់សំចតដំណើររបស់លោកស្រីនៅតំបន់អាស៊ី ដែលក្រុមអ្នកតវ៉ានិយាយថា ជាការបង្កឲ្យមានសង្គ្រាមដ៏ធ្ងន់ធ្ងរជាមួយចិន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

នគរបាលបង្ក្រាបកុបកម្ម បង្ខំឲ្យបាតុករចាកចេញ ក្រោយតវ៉ាបញ្ហាកង្វះសន្លឺកឆ្នោត

រដ្ឋមន្ត្រីការបរទេសរុស្ស៊ី៖ អេមីរ៉ាតអារ៉ាប់រួម និងអ៊ីរ៉ង់ ត្រូវតែវិលត្រឡប់ទៅរកការសន្ទនាវិញជាមិនខាន

អ្នកវិនិយោគចិន គ្រោងពង្រីកសាខាក្រុមហ៊ុន និងបណ្តុះបណ្តាលវិស្វករជំនាញ ក្នុងភូមិសាស្ត្រខេត្តកំពង់ស្ពឺ

ប៉ាគីស្ថាន និងអ៊ីរ៉ង់ពិភាក្សាអំពីការបន្ធូរបន្ថយស្ថានការណ៍ ចំពេលមានការកើនឡើងភាពតានតឹងថ្មីក្នុងតំបន់

គេហទំព័រក្រសួងរតនាគារ បង្ហាញថា សហរដ្ឋអាមេរិកដាក់ទណ្ឌកម្មលើប្រធានាធិបតីគុយបា

ហេសបូឡា បញ្ជាក់ថា ខ្លួនបានវាយប្រហារជាច្រើនលើក លើកងទ័ពអ៊ីស្រាអែល នៅជិតប្រាសាទ Beaufort

ឆ្មាំល្បាតឆ្នេរកោះតៃវ៉ាន់ និងចិន ស្ថិតក្នុងការប្រឈមមុខគ្នាថ្មី នៅផ្នែកខាងលើនៃសមុទ្រចិនខាងត្បូង

អ្នកតាំងលំនៅអ៊ីស្រាអែលបំផ្លាញបណ្តាញផ្គត់ផ្គង់ទឹកដែលបម្រើដល់សហគមន៍បេឌូអ៊ីនប៉ាឡេស្ទីន

កូរ៉េខាងត្បូងរំពឹងថា ចិននឹងដើរតួនាទី «ស្ថាបនា» ដោយសារទស្សនកិច្ចរបស់លោក Xi នៅកូរ៉េខាងជើង

លោក Putin នៅតែបន្តជំហរតឹងរ៉ឹង លើសង្គ្រាមនៅអ៊ុយក្រែន តែថា គំនិតរបស់លោក Trump អាចនាំមកនូវសន្តិភាព

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន ទទួលជួបរដ្ឋមន្ត្រីការបរទេសសហព័ន្ធរុស្ស៊ី

លោកស្រី Nancy Pelosi និយាយថា ចិនមិនអាចបញ្ឈប់មេដឹកនាំពិភពលោកមិនឲ្យទៅកោះតៃវ៉ាន់បានឡើយ

ក្រុមអ្នកគាំទ្រចិនតវ៉ានៅខាងក្រៅស្ថានកុងស៊ុលអាមេរិកនៅហុងកុងប្រឆាំងដំណើររបស់លោកស្រី Pelosi នៅកោះតៃវ៉ាន់

ប្រទេសចិនត្រៀមធ្វើសមយុទ្ធបន្ទាប់ពីដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់

ដំណើរទស្សនកិច្ចរបស់លោកស្រី Nancy Pelosi ទៅកាន់កោះតៃវ៉ាន់នាំឲ្យមានការតវ៉ាប្រឆាំងទាំងក្នុង និងក្រៅអាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន ទទួលជួបរដ្ឋមន្ត្រីការបរទេសសហព័ន្ធរុស្ស៊ី

លោកស្រី ​Nancy Pelosi និយាយ​ថា ចិន​មិន​អាច​បញ្ឈប់​មេដឹកនាំ​ពិភពលោក​មិន​ឲ្យ​ទៅ​កោះ​តៃវ៉ាន់​បាន​ឡើយ

ប្រទេស​ចិន​ត្រៀម​ធ្វើ​សមយុទ្ធ​បន្ទាប់ពី​ដំណើរ​ទស្សនកិច្ច​របស់​លោកស្រី Pelosi ទៅកាន់​កោះ​តៃវ៉ាន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោកស្រី Nancy Pelosi និយាយថា ចិនមិនអាចបញ្ឈប់មេដឹកនាំពិភពលោកមិនឲ្យទៅកោះតៃវ៉ាន់បានឡើយ

ប្រទេសចិនត្រៀមធ្វើសមយុទ្ធបន្ទាប់ពីដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់