BTV NEWS

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

សម្ដេចតេជោ ហ៊ុន សែន កោតសរសើរថ្នាក់ដឹកនាំខេត្តកំពង់ធំដែលបានយកចិត្តទុកដាក់គ្រប់គ្រងអតីតយុទ្ធជន និងគ្រួសារយុទ្ធជនពលី បានយ៉ាងល្អ

ព័ត៌មានសំខាន់ៗ

លោកស្រី Pelosi ទៅកាន់រដ្ឋសភារបស់កោះតៃវ៉ាន់ដោយបង្ហាញថា អាមេរិកគឺជាមិត្តល្អរបស់កោះតៃវ៉ាន់

កោះតៃវ៉ាន់៖ លោកស្រី Nancy Pelosi បានជួបអនុប្រធានសភាកោះតៃវ៉ាន់លោក Tsai Chi-chang នៅក្នុងទីក្រុងតៃប៉ិ (Taipei) នៅថ្ងៃពុធនេះ។ ប្រធានសភាអាមេរិករូបនេះក៏បានជួបមេដឹកនាំកោះនេះផងដែរគឺលោកស្រី Tsai Ing-wen។ ប្រធានសភាសហរដ្ឋអាមេរិកបាននិយាយថា លោកស្រីបានចាត់ទុកជំនួបនេះថា ជាកិត្តិយសបំផុត សំដៅថាជាមិត្តល្អរបស់កោះតៃវ៉ាន់។ លោកស្រី Pelosi បាននិយាយថា លោកស្រីចង់ជួយបង្កើនកិច្ចសហប្រតិបត្តិការអន្តរសភា និងការសន្ទនា និងដោះស្រាយបញ្ហាជាក់លាក់នានាជាមួយកោះតៃវ៉ាន់។ សេតវិមានរបស់លោកប្រធានាធិបតី Biden បានព្យាយាមរយៈពេលជាច្រើនសប្ដាហ៍ដើម្បីបញ្ចុះបញ្ចូលក្រុងប៉េកាំង និងពិភពលោក ចំពោះដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះតៃវ៉ាន់ ដោយនិយាយថា គ្មានអ្វីប្រែប្រួលចំពោះគោលនយោបាយរបស់សហរដ្ឋអាមេរិក ចំពោះចិនដីគោក ឬកោះតៃវ៉ាន់ទេ៕ អត្ថបទ៖ សុខមាន

ដំណើររបស់លោកស្រី Pelosi ទៅកាន់កោះតៃវ៉ាន់គឺជាបញ្ហាឈឺក្បាលថ្មីសម្រាប់លោក Biden ដែលនាំឲ្យមានភាពតានតឹងជាមួយចិនកាន់តែខ្លាំង

សហរដ្ឋអាមេរិក៖ ខណៈដែលប្រធានសភាសហរដ្ឋអាមេរិកលោកស្រី Nancy Pelosi បានទៅដល់កោះតៃវ៉ាន់កាលពីយប់ថ្ងៃអង្គារ ដំណើររបស់លោកស្រីបានបង្កឲ្យមានការខ្វែងគំនិតគ្នាដ៏កម្រ រវាងសេតវិមានរបស់លោក Biden និងគណបក្សប្រជាធិបតេយ្យដ៏មានឥទ្ធិពលបំផុតនៅក្នុងសភា។ ជាផ្លូវការរដ្ឋបាលរបស់លោក Biden មានការប្រុងប្រយ័ត្នបំផុតក្នុងការបញ្ចៀសការឆ្លើយសំណួរ ដោយផ្ទាល់លើបញ្ហាថា តើរដ្ឋបាលរបស់លោកឯកភាពទៅនឹងការសម្រេចចិត្តរបស់លោកស្រី Pelosi សម្រាប់ដំណើរទស្សនកិច្ចនេះ ឬអត់។ ប៉ុន្តែក្រៅផ្លូវការវិញ សេតវិមាន និងមន្ទីរបញ្ចកោណមានសិទ្ធិអំណាចតិចតួចក្នុងការជំទាស់ ទៅនឹងដំណើរទស្សនកិច្ចបែបនេះដែលកើតឡើង ស្របពេលទំនាក់ទំនងរវាងសហរដ្ឋអាមេរិក និងចិនធ្លាក់ដល់កម្រិតផុយស្រួយបំផុតក្នុងរយៈពេលជាច្រើនទសវត្សរ៍មកនេះ។កាលពីដើមខែកក្កដាលោក Biden បានឆ្លើយតបទៅនឹងសំណួរមួយអំពីពាក្យចចាមអារ៉ាម នៃដំណើររបស់លោកស្រី Pelosi ដែលឈប់សំចតនៅកោះតៃវ៉ាន់ ដោយនិយាយថា យោធាគិតថា វាពុំមែនជាគំនិតល្អទេនៅពេលនេះ។ ប៉ុន្តែខ្ញុំមិនដឹងថា តើនឹងមានបញ្ហាអ្វីនោះទេ។ រយៈពេលជាច្រើនសប្ដាហ៍កន្លងទៅនេះ ក្រុមមន្ត្រីសហរដ្ឋអាមេរិកចាប់ពីប្រធានាធិបតីរហូតដល់ថ្នាក់ក្រោមបានប្រឹងប្រែងយ៉ាងខ្លាំង ក្នុងព្យាយាមនិយាយពីជម្រើសរបស់លោកស្រី Pelosi ទៅទស្សនកិច្ចកោះតៃវ៉ាន់ និងបានសង្កត់ធ្ងន់ថា នោះគឺជាការសម្រេចចិត្តរបស់លោកស្រី និងជារឿងផ្ទាល់ខ្លួនរបស់លោកស្រីតែម្នាក់ឯង៕អត្ថបទ៖ សុខមាន

ចិនហៅដំណើរទស្សនកិច្ចរបស់លោកស្រី Pelosi ទៅកោះតៃវ៉ាន់ថា ជាដំណើរប្រកបដោយគ្រោះថ្នាក់បំផុត

ចិន៖ ចិនបានហៅដំណើរទស្សនកិច្ចជាប្រវត្តិសាស្ត្រទៅកាន់កោះតៃវ៉ាន់ ពីសំណាក់ប្រធានសភាសហរដ្ឋអាមេរិកលោកស្រី Nancy Pelosi ថា ជាដំណើរប្រកបដោយគ្រោះថ្នាក់បំផុត។ ក្រុងប៉េកាំងបានចោទលោកស្រី Pelosi ដែលជាអ្នកនយោបាយជាន់ខ្ពស់បំផុតរបស់សហរដ្ឋអាមេរិកក្នុងរយៈពេល ២៥ឆ្នាំទៅកាន់កោះនេះ ដែលចិនបានអះអាងថាជាខេត្តផ្ដាច់ខ្លួនមួយរបស់ខ្លួនថា កំពុងប្រលែងលេងជាមួយនឹងភ្លើង។ ក្រុងប៉េកាំងបានព្រមាននៅក្នុងសេចក្ដីថ្លែងការណ៍មួយថា អ្នកណាដែលប្រលែងលេងជាមួយភ្លើងនឹងរលាកមិនខាន។ អ្នកនាំពាក្យសន្តិសុខជាតិអាមេរិកលោក John Kirby បាននិយាយថា គ្មានហេតុផលដែលដំណើរទស្សនកិច្ចនេះ នឹងក្លាយជាព្រឹត្តិការណ៍គួរឲ្យភ្ញាក់ផ្អើលបង្កឲ្យមានជាវិបត្តិ ឬជម្លោះនោះទេ។ ថ្លែងក្រោយលោកស្រីបានទៅដល់កោះនេះ អ្នកនាំពាក្យរូបនេះបានបញ្ជាក់ជាថ្មីដល់ក្រុមអ្នកសារព័ត៌មានថា ដំណើរនេះគឺស្របនឹងគោលនយោបាយ ដែលមានជាយូរមកហើយរបស់សហរដ្ឋអាមេរិកចំពោះចិន ហើយពុំបានរំលោភអធិបតេយ្យភាពរបស់ប្រទេសនេះទេ។ ខណៈដែលយន្តហោះរបស់លោកស្រីបានទៅដល់កោះមួយនេះ សារព័ត៌មានចិនបានរាយការណ៍ថា យន្តហោះយោធាចិនកំពុងហោះឆ្លងកាត់ច្រកសមុទ្រតៃវ៉ាន់។ ពេលនោះកោះតៃវ៉ាន់ច្រានចោលរបាយការណ៍ទាំងនោះ តែក្រោយមកបាននិយាយថា យន្តហោះយោធាចិនជាង ២០គ្រឿងបានហោះចូលទៅក្នុងតំបន់ការពារដែនអាកាសរបស់ខ្លួនកាលពីថ្ងៃអង្គារ៕អត្ថបទ៖ សុខមាន

ជនជាតិចិនសញ្ជាតិអាមេរិកបង្ហាញទស្សនៈផ្សេងៗគ្នា ជុំវិញដំណើរទស្សនកិច្ចរបស់លោកស្រី Pelosi នៅកោះតៃវ៉ាន់

សហរដ្ឋអាមេរិក៖ ជនជាតិចិនសញ្ជាតិអាមេរិកបានបង្ហាញទស្សនៈផ្សេងៗគ្នា ជុំវិញដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi ទៅកាន់កោះតៃវ៉ាន់ ដែលបានបណ្ដាលឲ្យរងការថ្កោលទោសពីចិន។ ជនជាតិចិនសញ្ជាតិអាមេរិកមួយចំនួនបានសាទរការគាំទ្ររបស់លោកស្រី Pelosi ដល់កោះតៃវ៉ាន់ និងរដ្ឋាភិបាលជាប់ឆ្នោតតាមលទ្ធិប្រជាធិបតេយ្យ ខណៈដែលមួយចំនួនទៀតបារម្ភថា ដំណើរទស្សនកិច្ចរបស់លោកស្រីអាចនាំឲ្យទំនាក់ទំនងអាមេរិក-ចិនកាន់តែដុនដាបខ្លាំង ដែលអាចបង្កឲ្យប៉ះពាល់ដល់ពាណិជ្ជកម្ម និងឈានដល់ការវាយប្រហារប្រឆាំងពីសំណាក់ប្រទេសចិន និងការរើសអើងជាតិសាសន៍។ លោកស្រី Pelosi បានទៅដល់កោះតៃវ៉ាន់កាលពីយប់ថ្ងៃអង្គារ ដែលក្លាយជាមន្ត្រីអាមេរិកជាន់ខ្ពស់បំផុតក្នុងរយៈពេល ២៥ឆ្នាំដែលបានទៅកាន់ដីកោះស្វ័យគ្រប់គ្រង ដែលចិនអះអាងថាជាដែនខេត្តរបស់ខ្លួន ដែលបានប្រកាសភ្លាមៗថា ខ្លួននឹងធ្វើសមយុទ្ធយោធាយុទ្ធសាស្ត្រសងសឹកទៅនឹងវត្តមានរបស់លោកស្រីនៅកោះនេះ។ លោកស្រី Pelosi បានធ្វើដំណើរតាមយន្តហោះដឹកអ្នកដំណើរសហរដ្ឋអាមេរិក Air Force និងត្រូវបានទទួលស្វាគមន៍នៅអាកាសយានដ្ឋានអន្តរជាតិតៃប៉ិ ដោយរដ្ឋមន្ត្រីការបរទេស និងមន្ត្រីជាន់ខ្ពស់របស់កោះតៃវ៉ាន់ផ្សេងទៀត និងក្រុមមន្ត្រីអាមេរិក។លោកស្រីបានថតរូបមុនក្បួនរថយន្តអមក្បួនដំណើររបស់លោកស្រីភ្លាមៗ ដែលគេពុំបានឃើញចូលទៅកន្លែងចតរថយន្តរបស់សណ្ឋាគារនោះទេ។ ដំណើររបស់លោកស្រីបានបង្កើនភាពតានតឹងដែលមានស្រាប់រវាងចិន និងសហរដ្ឋអាមេរិក ព្រោះចិនអះអាងថា កោះតៃវ៉ាន់គឺជាផ្នែកមួយនៃដែនដីរបស់ខ្លួន និងចាត់ទុកថា ដំណើររបស់ក្រុមមន្ត្រីរដ្ឋាភិបាលបរទេសគឺជាការទទួលស្គាល់អធិបតេយ្យភាពរបស់កោះនេះ។ រដ្ឋបាលលោក Biden និងលោកស្រី Pelosi និយាយថា សហរដ្ឋអាមេរិកនៅតែទទួលស្គាល់នូវអ្វីដែលហៅថា គោលការណ៍ចិនតែមួយ ដែលទទួលស្គាល់ក្រុងប៉េកាំង តែអនុញ្ញាតឲ្យមានទំនាក់ទំនងក្ដៅផ្លូវការ និងទំនាក់ទំនងខាងការពារជាតិជាមួយទីក្រុងតៃប៉ិ៕អត្ថបទ៖ សុខមាន

អាមេរិកព្រមានថា ចិនអាចបង្ហាញកម្លាំង ប្រសិនបើលោកស្រី Pelosi ធ្វើទស្សនកិច្ចនៅកោះតៃវ៉ាន់

សហរដ្ឋអាមេរិក៖ សេតវិមានបានព្រមានថា ប្រទេសចិនអាចនឹងឆ្លើយតបចំពោះដំណើរទស្សនកិច្ចរបស់លោកស្រី Nancy Pelosi ប្រធានសភាសហរដ្ឋអាមេរិកទៅកាន់កោះតៃវ៉ាន់ ដោយការបង្កហេតុផ្នែកយោធា។ អ្នកនាំពាក្យលោក John Kirby បាននិយាយថា នេះអាចរួមមានទាំងការបាញ់មីស៊ីលនៅជិតកោះតៃវ៉ាន់ ឬសកម្មភាពដែនអាកាស ឬកងទ័ពជើងទឹកទ្រង់ទ្រាយធំ។ លោកស្រី Pelosi ប្រធានសភាសហរដ្ឋអាមេរិកកំពុងបំពេញទស្សនកិច្ចនៅអាស៊ី។ ប្រព័ន្ធផ្សព្វផ្សាយរបស់កោះតៃវ៉ាន់ និងសហរដ្ឋអាមេរិកបានរាយការណ៍ថា លោកស្រីមានផែនការធ្វើទស្សនកិច្ចទីក្រុងតៃប៉ិ ប៉ុន្តែនេះមិនត្រូវបានបញ្ជាក់ដោយរដ្ឋាភិបាលសហរដ្ឋអាមេរិកនោះទេ។ កោះតៃវ៉ាន់ជាកោះស្វ័យគ្រប់គ្រង ប៉ុន្តែប្រទេសចិនអះអាងថានឹងមានផលវិបាកធ្ងន់ធ្ងរ ប្រសិនបើលោកស្រី Pelosi ទៅទីនោះ។ ទីភ្នាក់ងារសារព័ត៌មាន Reuters បានរាយការណ៍ថា កាលពីថ្ងៃចន្ទបេសកជនប្រចាំអង្គការសហប្រជាជាតិរបស់ប្រទេសចិនលោក Zhang Jun បានព្រមានថា ដំណើរទស្សនកិច្ចនេះនឹងធ្វើឱ្យខូចទំនាក់ទំនងរវាងទីក្រុងប៉េកាំង និងទីក្រុងវ៉ាស៊ីនតោន។ ជាមួយគ្នានេះ រដ្ឋមន្ត្រីការបរទេសសហរដ្ឋអាមេរិកលោក Antony Blinken រំពឹងថា ប្រទេសចិននឹងចាត់វិធានការដោយការទទួលខុសត្រូវ ប្រសិនបើប្រធានសភាលោកស្រី Nancy Pelosi សម្រេចចិត្តធ្វើទស្សនកិច្ចនៅកោះតៃវ៉ាន់ក្នុងដំណើរទៅកាន់អាស៊ី។លោក Blinken និយាយថា ប្រសិនបើប្រធានសភារូបនេះពិតជាសម្រេចចិត្តធ្វើទស្សនកិច្ច ហើយប្រទេសចិនព្យាយាមបង្កើតឲ្យមានវិបត្តិ ឬបង្កើនភាពតានតឹងណាមួយ នោះជារឿងខាងភាគីទីក្រុងប៉េកាំងទាំងស្រុង។ ដំណើរទស្សនកិច្ចនេះនឹងបង្កឱ្យទីក្រុងប៉េកាំងផ្ទុះកំហឹង ដែលបានចាត់ទុកកោះតៃវ៉ាន់ជាដែនដីរបស់ខ្លួន ហើយបានព្រមានជាបន្តបន្ទាប់អំពីផលវិបាកធ្ងន់ធ្ងរ ប្រសិនបើការធ្វើដំណើរនឹងត្រូវបានរាយការណ៍នៅតែបន្ត។ ចិនបានព្រមានពីវិធានការម៉ឺងម៉ាត់ ប្រសិនបើលោកស្រី Pelosi មកដល់កោះតៃវ៉ាន់។ ប៉ុន្តែសេតវិមានបានព្យាយាមធានាទីក្រុងប៉េកាំងថា គ្មានហេតុផលអ្វីត្រូវចំអកនោះទេជុំវិញដំណើរទស្សនកិច្ចរបស់លោកស្រី Pelosi ហើយវាក៏នឹងមិនបង្ហាញពីការផ្លាស់ប្តូរគោលនយោបាយរបស់សហរដ្ឋអាមេរិកដែរ៕អត្ថបទ៖ ប៊ុនថន

យន្តហោះចម្បាំងចិនជាច្រើនគ្រឿងហោះឆ្វែលជិតតំបន់ខ្សែបន្ទាត់កណ្ដាលរបស់ច្រកសមុទ្រតៃវ៉ាន់

ចិន៖ ប្រភពមួយបានរាយការណ៍ទៅសារព័ត៌មាន Reuters ថា យន្តហោះចម្បាំងរបស់ចិនជាច្រើនគ្រឿងបានហោះឆ្វែលជិតខ្សែបន្ទាត់កណ្ដាល ឬមេដ្យាននៃច្រកសមុទ្រតៃវ៉ាន់ដ៏រសើបនៅព្រឹកថ្ងៃអង្គារនេះ ខណៈភាពតានតឹងឡើងកម្ដៅខ្លាំងពាក់ព័ន្ធនឹងដំណឹង ស្ដីពីដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi ដែលគ្រោងទៅទស្សនកិច្ចនៅកោះនេះក្នុងអំឡុងថ្ងៃនេះ។ ប្រភពដដែលនេះបាននិយាយថា យន្តហោះចម្បាំងជាច្រើនគ្រឿងរបស់ចិនបានហោះ នៅជិតខ្សែបន្ទាត់ខណ្ឌចែកព្រំដែនក្រៅផ្លូវការចាប់តាំងពីថ្ងៃចន្ទមក ដោយបន្ថែមថា កោះតៃវ៉ាន់បានបញ្ជូនយន្តហោះរបស់ខ្លួនដើម្បីតាមដានស្ថានការណ៍ដែរ។ ក្រសួងការពារជាតិកោះតៃវ៉ាន់មិនអាចឆ្លើយតបភ្លាមៗ ទៅនឹងសំណើសុំការធ្វើអត្ថាធិប្បាយបានទេ។ ប្រភពខាងលើបាននិយាយថា យន្តហោះចម្បាំង និងយន្តផ្សេងទៀតរបស់ចិនបានហោះរួមគ្នានៅក្បែរខ្សែបន្ទាត់កណ្ដាល ឬខ្សែបន្ទាត់មេដ្យាននៅព្រឹកថ្ងៃអង្គារនេះ ជាសកម្មភាពប្រចាំឆ្នាំដែលគេហៅថា ជាសកម្មភាពបង្ករឿងពិតប្រាកដ។ តាមធម្មតាពុំដែលមានយន្តហោះរបស់ភាគីណាមួយ ឆ្លងកាត់ខ្សែបន្ទាត់មេដ្យាននេះទេ៕អត្ថបទ៖ សុខមាន

សម្តេចតេជោ ហ៊ុន សែន ៖ វេទិកាតាមភ្លឺស្រែដោះស្រាយបញ្ហាជូនដល់ប្រជាកសិករបានដោយជោគជ័យ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបានថ្លែងថា ការធ្វើវេទិកាតាមភ្លឺស្រែកាលពីជាង២០ឆ្នាំមុនសម្តេចបានដោះស្រាយបញ្ហាជូនដល់បងប្អូនប្រជាកសិករបានយ៉ាងច្រើន ហើយតាមរយៈវេទិកានេះ មិនត្រឹមតែដោះស្រាយសំណូមពររបស់ប្រជាកសិករប៉ុណ្ណោះទេ ថែមទាំងបានដោះស្រាយសាលារៀន ផ្លូវ ស្ពាន ស្រះទឹក អណ្តូងទឹកវត្តអារាមផងដែរ។ថ្លែងតាមរយៈផេកហ្វេសប៊ុករបស់សម្តេចដោយបានភ្ជាប់នូវរូបថតមួយសន្លឹក ដែលកំពុងធ្វើវេទិកាដោះស្រាយបញ្ហាជូនដល់បងប្អូនប្រជាកសិករតាមភ្លឺស្រែនៅតាមបណ្តាខេត្តមួយចំនួននោះ សម្តេចតេជោ ហ៊ុន សែន បានលើកឡើងថា ដើម្បីមានស្បៀងគ្រប់គ្រាន់ សម្រាប់ចិញ្ចឹមប្រជាជនយើងត្រូវធ្វើវេទិកាតាមភ្លឺស្រែជាមួយប្រជាជន។ ពេលនោះការពិភាក្សាផ្តោតសំខាន់លើការដោះស្រាយទឹក ការប្រើប្រាស់ពូជការប្រើប្រាស់ដី ជី ថ្នាំសម្លាប់សត្វល្អិតការបែងចែកតំបន់ដាំដុះ ការចិញ្ចឹមត្រី និងសត្វ ។ល។សម្តេចបានបន្ថែមថា «ការឆ្លងឆ្លើយរវាងប្រជាជន និងនាយករដ្ឋមន្ត្រីបានធ្វើឲ្យវេទិកាមានជោគជ័យដែលយើងបានដោះស្រាយសំណូមពររបស់ប្រជាជនមិនត្រឹមតែវិស័យកសិកម្មប៉ុណ្ណោះទេ តែយើងបានដោះស្រាយសាលារៀន ផ្លូវ ស្ពាន ស្រះទឹក អណ្តូងទឹកវត្តអារាម។ល។ បានយ៉ាងច្រើនទៀតផង។ ពីប្រទេសដែលខ្វះស្រូវប្រមាណ ១លានតោន នាទសវត្សរ៍ ១៩៩០ និងដើមឆ្នាំ២០០០ពេលនេះយើងសល់ស្រូវជាង៦លានតោនជាមួយដំណាំកសិកម្មផ្សេងទៀត មានការរីកចំរើនយ៉ាងខ្លាំងដែលធ្វើឲ្យយើងដោះស្រាយបានតម្រូវការក្នុងស្រុក និងការនាំចេញផងដែរ។ វេទិកាតាមវាលស្រែធ្វើមិនតិចជាង ១០ដងនោះទេដែលមាននៅខេត្តកណ្តាល កំពង់ស្ពឺ តាកែវ កំពង់ឆ្នាំង ពោធិ៍សាត់ កំពង់ធំ»។ជាមួយគ្នានោះសម្តេចតេជោ ហ៊ុន សែន នាយករដ្ឋមន្រ្តីក៏បានលើកឡើងផងដែរថា «កូនស្រីច្បងរបស់ខ្ញុំមានទម្លាប់ដើរតាមឪពុកតាំងពីតូច គេធ្លាប់ទៅតាមខ្ញុំបានប៉ុន្មានកន្លែងដែរក្នុងវេទិកាតាមភ្លឺស្រែនេះ។ ស្តាប់ប្រជាជននិយាយ ទទួល ដោះស្រាយ សំណូមពរសមហេតុ សមផលរបស់ប្រជាជនទើបយើងរៀបចំគោលនយោបាយបានត្រឹមត្រូវ។ ត្រូវធ្វើមន្ត្រីជើងពីរមិនត្រូវធ្វើមន្ត្រីជើង១០នោះឡើយ និងត្រូវរត់ទៅរកការងារធ្វើកុំរង់ចាំការងាររត់មករកយើងនោះទេ»៕ អត្ថបទ៖ បាន ចក់

លោក Biden និងលោក Putin ព្យាយាមផ្សះផ្សា ខណៈការចរចាអាវុធនុយក្លេអ៊ែរចាប់ផ្ដើមនៅអង្គការសហប្រជាជាតិ

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក Joe Biden បាននិយាយកាលពីថ្ងៃចន្ទថា លោកបានត្រៀមរួចរាល់ ដើម្បីចុះកិច្ចព្រមព្រៀងថ្មីជាមួយរុស្ស៊ីស្ដីពីអាវុធនុយក្លេអ៊ែរ និងបានជំរុញឲ្យក្រុង Moscow បង្ហាញឆន្ទៈស្មោះត្រង់ ខណៈសមភាគីរុស្ស៊ីរបស់លោកគឺលោក Vladimir Putin និយាយថា មិនអាចមានអ្នកឈ្នះនៅក្នុងសង្គ្រាមនុយក្លេអ៊ែរណាមួយនោះទេ។ មេដឹកនាំទាំង២ បានចេញសេចក្ដីថ្លែងការណ៍ជាលាយលក្ខណ៍អក្សរ ខណៈក្រុមអ្នកការទូតបានជួបប្រជុំសម្រាប់សន្និសីទពិនិត្យឡើងវិញរយៈពេលមួយខែ ស្ដីពីសន្ធិសញ្ញាមិនរីកសាយអាវុធនុយក្លេអ៊ែរ។ ជំនួបនេះត្រូវបានគ្រោងធ្វើឡើងកាលពីឆ្នាំ2020 ប៉ុន្តែត្រូវបានពន្យារពេលដោយសារជំងឺរាតត្បាតសកល COVID-19។ លោក António Guterres អគ្គលេខាធិការអង្គការសហប្រជាជាតិបានប្រាប់សន្និសីទសារព័ត៌មានថា រឿងនេះកំពុងកើតឡើងចំពេលមានគ្រោះថ្នាក់នៃសង្គ្រាមនុយក្លេអ៊ែរ ដែលគេមិនធ្លាប់បានឃើញចាប់តាំងពីសង្គ្រាមត្រជាក់មក។ មនុស្សជាតិកំពុងយល់ច្រឡំ ហើយការគណនាខុសដែលត្រូវបានកាត់ផ្ដាច់ចេញពីការបំផ្លិចបំផ្លាញដោយនុយក្លេអ៊ែរ។លោកបានព្រមានថា វិបត្តិនានាកើតចេញពីសកម្មភាពនុយក្លេអ៊ែរកំពុងផ្ទុះឡើង ដោយការមើលឃើញស្ថានភាពនៅមជ្ឈិមបូព៌ា កូរ៉េខាងជើង និងសង្គ្រាមរុស្ស៊ីនៅអ៊ុយក្រែន។ រយៈពេលប៉ុន្មានថ្ងៃ ក្រោយការវាយលុករបស់រុស្ស៊ីលើអ៊ុយក្រែនកាលពីថ្ងៃទី២៤ ខែកុម្ភៈ លោក Putin បានដាក់កងកម្លាំងវាយប្រហាររបស់ប្រទេស រួមទាំងអាវុធនុយក្លេអ៊ែរស្ថិតនៅក្នុងការប្រុងប្រយ័ត្នខ្ពស់ ដោយសំដៅដល់អ្វីដែលលោកបានហៅថា ជាសេចក្ដីថ្លែងការណ៍បំពានពីបណ្ដាមេដឹកនាំណាតូ និងទណ្ឌកម្មសេដ្ឋកិច្ចរបស់លោកខាងលិចដាក់លើក្រុង Moscow៕អត្ថបទ៖ សុខមាន

សហរដ្ឋអាមេរិកបានសម្លាប់មេដឹកនាំភេរវកម្មអាល់កៃដាក្នុងការវាយប្រហារដោយយានដ្រូន

សហរដ្ឋអាមេរិក៖ លោកប្រធានាធិបតី Joe Biden បានបញ្ជាក់ថា សហរដ្ឋអាមេរិកបានសម្លាប់មេដឹកនាំភេរវកម្មអាល់កៃដា (al-Qaeda) លោក Ayman al-Zawahiri នៅក្នុងការវាយប្រហារដោយយានដ្រូនក្នុងប្រទេសអាហ្វហ្គានីស្ថាន។ លោកត្រូវបានសម្លាប់នៅក្នុងប្រតិបត្តិការប្រឆាំងភេរវកម្មធ្វើឡើងដោយ CIA នៅក្នុងរដ្ឋធានីកាប៊ុលកាលពីថ្ងៃអាទិត្យ។ លោក Biden បាននិយាយថា លោក Zawahiri បានបង្កើតផែនការឃាតកម្ម និងអំពើហិង្សាមកលើពលរដ្ឋសហរដ្ឋអាមេរិក។ លោកបានបន្ថែមថា ពេលនេះយុត្តិធម៌ត្រូវបានរកឃើញហើយ ហើយមេដឹកនាំភេរវកររូបនេះលែងមាននៅលើលោកនេះទៀតហើយ។ ក្រុមមន្ត្រីនិយាយថា លោក Zawahiri ស្ថិតនៅលើរៀនហាលនៃផ្ទះដ៏មានសុវត្ថិភាពមួយ នៅពេលយានដ្រូនបានបាញ់មីស៊ីល ២គ្រាប់ទៅលើមេដឹកនាំភេរវកម្មរូបនេះ។ សមាជិកគ្រួសារផ្សេងទៀតក៏នៅក្នុងផ្ទះនោះដែរ ប៉ុន្តែពួកគេទាំងនោះមិនបានរងរបួសទេ ហើយមានតែលោក Zawahiri ម្នាក់ប៉ុណ្ណោះដែលបានស្លាប់។លោក Biden បាននិយាយថា លោកបានផ្ដល់ការអនុម័តចុងក្រោយ សម្រាប់ការវាយប្រហារដោយមីស៊ីលបាញ់ស៊ីបត្រង់គោលដៅលើមេដឹកនាំវ័យ 71ឆ្នាំរបស់ក្រុមអាល់កៃដា។ Zawahiri បានឡើងគ្រប់គ្រងក្រុមភេរវកម្មអាល់កៃដាក្រោយការស្លាប់របស់ Osama bin Laden កាលពីឆ្នាំ2011។ លោក និង Bin Laden បានរៀបចំផែនការវាយប្រហារអគារពាណិជ្ជកម្ម World Trade Center របស់សហរដ្ឋអាមេរិកកាលពីថ្ងៃទី11 ខែកញ្ញា ឆ្នាំ2001 ហើយ Zawahiri គឺជាមនុស្សម្នាក់ក្នុងចំណោមភេរវករជាច្រើន ដែលសហរដ្ឋអាមេរិកតាមរកជាងគេបំផុត៕អត្ថបទ៖ សុខមាន

ប្រភពមួយចំនួននិយាយថា លោកស្រី Pelosi នឹងទៅទស្សនកិច្ចកោះតៃវ៉ាន់ ទោះក្រុងប៉េកាំងព្រមានក៏ដោយ

សហរដ្ឋអាមេរិក៖ ប្រភពចំនួន៣ បាននិយាយថា ប្រធានសភាសហរដ្ឋអាមេរិកលោកស្រី Nancy Pelosi គ្រោងនឹងទៅទស្សនកិច្ចកោះតៃវ៉ាន់ ខណៈសហរដ្ឋអាមេរិកនិយាយថា វានឹងមិនត្រូវបានបំភិតបំភ័យដោយការគំរាមកំហែងរបស់ចិន ដែលថានឹងមិននៅស្ងៀមទេ ប្រសិនបើលោកស្រីធ្វើដំណើរទស្សនកិច្ចទៅកាន់កោះស្វ័យគ្រប់គ្រង ដែលក្រុងប៉េកាំងអះអាងថាជាខេត្តមួយរបស់ខ្លួន។ ប្រភពមួយបានប្រាប់សារព័ត៌មាន Reuters ថា សហរដ្ឋអាមេរិកបានផ្ដល់ដំណឹងទៅកាន់សម្ព័ន្ធមិត្តរបស់ខ្លួនមួយចំនួន អំពីដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់។ ចំណែកប្រភពចំនួន ២ទៀតបាននិយាយថា លោកស្រី Pelosi គ្រោងនឹងជួបក្រុមសកម្មជនមួយក្រុមតូច ដែលរិះគន់លើបញ្ហាសិទ្ធិមនុស្សរបស់ប្រទេសចិន អំឡុងការស្នាក់នៅរបស់លោកស្រីនៅកោះតៃវ៉ាន់ ប្រហែលជានៅថ្ងៃពុធស្អែក។ ក្រសួងការបរទេសកោះតៃវ៉ាន់បាននិយាយថា ខ្លួនពុំមានយោបល់លើរបាយការណ៍នៃផែនការធ្វើដំណើររបស់លោកស្រី Pelosi នោះទេ។ សារព័ត៌មានក្នុងស្រុកបានរាយការណ៍ថា ប្រធានសហរដ្ឋអាមេរិករូបនេះអាចនឹងទៅដល់ទីក្រុង Taipei នៅយប់ថ្ងៃអង្គារ និងទៅស្នាក់នៅសណ្ឋាគារ Grand Hyatt Hotel។ក្រោយមកលោកស្រី Pelosi នឹងទៅកាន់សភារបស់កោះតៃវ៉ាន់នៅព្រឹកថ្ងៃពុធ ជាទីដែលលោកស្រីត្រូវបានគេរាយការណ៍ថានឹងជួបមេដឹកនាំរបស់កោះនេះ រួមទាំងមេដឹកនាំដីកោះនេះលោកស្រី Tsai Ing-Wen។ អ្នកនាំពាក្យក្រសួងការពារជាតិចិនលោក Zhao Lijian បាននិយាយនៅសន្និសីទសារព័ត៌មានប្រចាំថ្ងៃកាលពីថ្ងៃចន្ទថា ដំណើរទស្សនកិច្ចរបស់លោកស្រី Pelosi នឹងនាំឲ្យមានផលវិបាកធ្ងន់ធ្ងរ។ កាលពីថ្ងៃចន្ទលោកស្រី Pelosi បានជួបនាយករដ្ឋមន្ត្រីសិង្ហបុរីលោក Lee Hsien Loong, ប្រធានាធិបតីលោកស្រី Halimah Yacob និងសមាជិកគណៈរដ្ឋមន្ត្រីផ្សេងទៀត ក្នុងដំណើរទស្សនកិច្ចរបស់លោកស្រីមកកាន់តំបន់អាស៊ី៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក Rubio បញ្ជាក់ជាថ្មី អំពីការគាំទ្ររបស់អាមេរិក ចំពោះរដ្ឋាភិបាលរបស់ប្រទេសបូលីវី

សាខាសមាគមសិស្សនិស្សិតបញ្ញវន្តក្មេងវត្តខណ្ឌព្រែកព្នៅ បានចូលរួមផ្សព្វផ្សាយផែនការអាជីព និងការជ្រើសរើសជំនាញសិក្សា

អាស៊ែរបៃហ្សង់និយាយថាពលរដ្ឋរបស់ខ្លួនចំនួន ៥នាក់ ត្រូវបានសម្លាប់ នៅក្នុងការវាយប្រហារលើនាវានៅក្នុងសមុទ្រ Azov

យុវជន០២នាក់ជាសិស្សរងរបួសធ្ងន់ធ្ងរ ក្រោយគ្រោះថ្នាក់ចរាចរណ៍ រថយន្តបុកពីមុខយ៉ាងពេញទំហឹង

ផ្លូវបេតុងអាមេ ១ខ្សែ ប្រវែង ១០០០ម៉ែត្រ នៅក្រុងតាខ្មៅ ត្រូវបានបើកការដ្ឋានសាងសង់

នគរបាលបង្ក្រាបកុបកម្ម បង្ខំឲ្យបាតុករចាកចេញ ក្រោយតវ៉ាបញ្ហាកង្វះសន្លឺកឆ្នោត

រដ្ឋមន្ត្រីការបរទេសរុស្ស៊ី៖ អេមីរ៉ាតអារ៉ាប់រួម និងអ៊ីរ៉ង់ ត្រូវតែវិលត្រឡប់ទៅរកការសន្ទនាវិញជាមិនខាន

អ្នកវិនិយោគចិន គ្រោងពង្រីកសាខាក្រុមហ៊ុន និងបណ្តុះបណ្តាលវិស្វករជំនាញ ក្នុងភូមិសាស្ត្រខេត្តកំពង់ស្ពឺ

ប៉ាគីស្ថាន និងអ៊ីរ៉ង់ពិភាក្សាអំពីការបន្ធូរបន្ថយស្ថានការណ៍ ចំពេលមានការកើនឡើងភាពតានតឹងថ្មីក្នុងតំបន់

គេហទំព័រក្រសួងរតនាគារ បង្ហាញថា សហរដ្ឋអាមេរិកដាក់ទណ្ឌកម្មលើប្រធានាធិបតីគុយបា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោកស្រី Pelosi ទៅកាន់រដ្ឋសភារបស់កោះតៃវ៉ាន់ដោយបង្ហាញថា អាមេរិកគឺជាមិត្តល្អរបស់កោះតៃវ៉ាន់

ចិនហៅដំណើរទស្សនកិច្ចរបស់លោកស្រី Pelosi ទៅកោះតៃវ៉ាន់ថា ជាដំណើរប្រកបដោយគ្រោះថ្នាក់បំផុត

ជនជាតិចិនសញ្ជាតិអាមេរិកបង្ហាញទស្សនៈផ្សេងៗគ្នា ជុំវិញដំណើរទស្សនកិច្ចរបស់លោកស្រី Pelosi នៅកោះតៃវ៉ាន់

អាមេរិកព្រមានថា ចិនអាចបង្ហាញកម្លាំង ប្រសិនបើលោកស្រី Pelosi ធ្វើទស្សនកិច្ចនៅកោះតៃវ៉ាន់

យន្តហោះចម្បាំងចិនជាច្រើនគ្រឿងហោះឆ្វែលជិតតំបន់ខ្សែបន្ទាត់កណ្ដាលរបស់ច្រកសមុទ្រតៃវ៉ាន់

សម្តេចតេជោ ហ៊ុន សែន ៖ វេទិកាតាមភ្លឺស្រែដោះស្រាយបញ្ហាជូនដល់ប្រជាកសិករបានដោយជោគជ័យ

លោក Biden និងលោក Putin ព្យាយាមផ្សះផ្សា ខណៈការចរចាអាវុធនុយក្លេអ៊ែរចាប់ផ្ដើមនៅអង្គការសហប្រជាជាតិ

សហរដ្ឋអាមេរិកបានសម្លាប់មេដឹកនាំភេរវកម្មអាល់កៃដាក្នុងការវាយប្រហារដោយយានដ្រូន

ប្រភពមួយចំនួននិយាយថា លោកស្រី Pelosi នឹងទៅទស្សនកិច្ចកោះតៃវ៉ាន់ ទោះក្រុងប៉េកាំងព្រមានក៏ដោយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោកស្រី Pelosi ទៅកាន់​រដ្ឋសភា​របស់​កោះ​តៃវ៉ាន់​ដោយ​បង្ហាញថា ​អាមេរិក​គឺជា​មិត្ត​ល្អ​របស់​កោះ​តៃវ៉ាន់

ចិន​ហៅ​ដំណើរ​ទស្សនកិច្ច​របស់​លោកស្រី Pelosi ទៅ​កោះ​តៃវ៉ាន់​ថា​ ជា​ដំណើរ​ប្រកបដោយ​គ្រោះ​ថ្នាក់​បំផុត​

អាមេរិក​ព្រមាន​ថា ចិន​អាច​បង្ហាញ​កម្លាំង ប្រសិនបើ​លោកស្រី Pelosi ធ្វើ​ទស្សនកិច្ច​នៅ​កោះ​តៃវ៉ាន់

យន្តហោះ​ចម្បាំង​ចិន​ជាច្រើន​គ្រឿង​ហោះ​ឆ្វែល​ជិត​តំបន់​ខ្សែបន្ទាត់​កណ្ដាល​របស់​ច្រក​សមុទ្រ​តៃវ៉ាន់

សម្តេចតេជោ ហ៊ុន សែន ៖ វេទិកាតាមភ្លឺស្រែដោះស្រាយបញ្ហា​ជូនដល់ប្រជាកសិករ​បានដោយជោគជ័យ

លោក Biden​ និង​លោក​ Putin ព្យាយាម​ផ្សះផ្សា ខណៈ​ការចរចា​អាវុធ​នុយក្លេអ៊ែរ​ចាប់ផ្ដើម​នៅ​អង្គការ​សហប្រជាជាតិ

សហរដ្ឋអាមេរិក​បាន​សម្លាប់​មេដឹកនាំ​ភេរវកម្ម​អាល់​កៃ​ដា​ក្នុង​ការ​វាយប្រហារ​ដោយ​យាន​ដ្រូ​ន​

ប្រភព​មួយ​ចំនួន​និយាយ​ថា លោកស្រី Pelosi នឹង​ទៅ​ទស្សនកិច្ច​កោះ​តៃវ៉ាន់ ទោះ​ក្រុង​ប៉េកាំង​ព្រមាន​ក៏ដោយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោកស្រី Pelosi ទៅកាន់រដ្ឋសភារបស់កោះតៃវ៉ាន់ដោយបង្ហាញថា អាមេរិកគឺជាមិត្តល្អរបស់កោះតៃវ៉ាន់

ចិនហៅដំណើរទស្សនកិច្ចរបស់លោកស្រី Pelosi ទៅកោះតៃវ៉ាន់ថា ជាដំណើរប្រកបដោយគ្រោះថ្នាក់បំផុត

អាមេរិកព្រមានថា ចិនអាចបង្ហាញកម្លាំង ប្រសិនបើលោកស្រី Pelosi ធ្វើទស្សនកិច្ចនៅកោះតៃវ៉ាន់

យន្តហោះចម្បាំងចិនជាច្រើនគ្រឿងហោះឆ្វែលជិតតំបន់ខ្សែបន្ទាត់កណ្ដាលរបស់ច្រកសមុទ្រតៃវ៉ាន់

សម្តេចតេជោ ហ៊ុន សែន ៖ វេទិកាតាមភ្លឺស្រែដោះស្រាយបញ្ហាជូនដល់ប្រជាកសិករបានដោយជោគជ័យ

លោក Biden និងលោក Putin ព្យាយាមផ្សះផ្សា ខណៈការចរចាអាវុធនុយក្លេអ៊ែរចាប់ផ្ដើមនៅអង្គការសហប្រជាជាតិ

សហរដ្ឋអាមេរិកបានសម្លាប់មេដឹកនាំភេរវកម្មអាល់កៃដាក្នុងការវាយប្រហារដោយយានដ្រូន

ប្រភពមួយចំនួននិយាយថា លោកស្រី Pelosi នឹងទៅទស្សនកិច្ចកោះតៃវ៉ាន់ ទោះក្រុងប៉េកាំងព្រមានក៏ដោយ