BTV NEWS

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

ព័ត៌មានសំខាន់ៗ

រូបភាពចាស់ៗរបស់សម្តេចតេជោ ហ៊ុន សែន ត្រូវបានបរទេសដាក់លក់តាមអនឡាញ

បន្ទាប់ពីសម្តេចតេជោ ហ៊ុន សែន បានបង្ហោះតាមបណ្តាញសង្គមហ្វេសប៊ុក ប្រកាសរកប្រភពរូបភាពរបស់សម្តេច ដែលពិនិត្យលើស្ថានភាពរូបថតនេះអាចនៅក្នុងឆ្នាំ១៩៩៦ ឬឆ្នាំ១៩៩៧នោះ ក៏មានហ្វេសប៊ុកឈ្មោះ Sophal Chhay Journalist បានcomment និងបញ្ជាក់ថា «រូបភាពចាស់ៗរបស់ សម្តេច ត្រូវបានគេដាក់លក់នៅតាមអនឡាញ (Online) មួយចំនួន! ម្យ៉ាងទៀត ទីភ្នាក់ងារសារព័ត៌មានបរទេស ដូចជា AFP, Reuters និង AP ជាដើម រួមទាំងអ្នកថតរូបឯករាជ្យជាច្រើនផង ក៏បានលក់រូបចាស់ៗនៅតាមបណ្តាញអនឡាញដែរ» ។ សម្តេចតេជោ ហ៊ុន សែន បានតបទៅ Sophal Chhay Journalist វិញដែរថា «សូមអរគុណដែលបានស្វែងរកឃើញប្រភពរូបថតនេះ។ ពេលនេះរូបថតខ្ញុំដល់ កំរិតជនបរទេសយកទៅដាក់លក់តាមonline នៅក្រៅប្រទេសហើយ។ តាមស្មាននៅមានរូបថតច្រើនទៀតដែលជនបរទេសថតហើយអាចនឹងដាក់លក់។ សូមជួយស្វែងរកទិញនូវរូបថតណាដែលយើងមិនមាន។» សូមបញ្ជាក់ថា កន្លងមកសម្តេចតេជោ ហ៊ុន សែន តែងតែបង្ហោះរូបចាស់ៗ របស់សម្តេចហើយរូបខ្លះមានប្រភពថតដោយកាសែតបរទេស ដែលរហូតដល់មានការដាក់លក់រូបនោះតាមប្រព័ន្ធអនឡាញមានតម្លៃទៅតាមប្រភេទរូបហ្វីក និងវីដេអូផងដែរ។ ជាក់ស្តែងរូបភាពសម្តេចបង្ហោះនៅព្រឹកនេះ សម្តេចតេជោបានកត់សំគាល់ថា សម្តេចមិនច្បាស់ថាអ្នកណាជាអ្នកថតរូបនោះទេ ប៉ុន្តែបើពិនិត្យលើស្ថានភាពរូបថតនេះអាចនៅក្នុងឆ្នាំ១៩៩៦ឬឆ្នាំ១៩៩៧ដោយសំគាល់៖១.អ្នកការពារឈ្មោះ វឿន បានមកការពារសម្ដេចក្នុងចន្លោះ១៩៨៦រហូតដល់គាត់ស្លាប់ប្រហែល១០ឆ្នាំមុន។គាត់បានការពារសម្តេចទៅចរចានៅប្រទេសបារាំង និងប្រទេសផ្សេងទៀតជាច្រើន។ ២.កូនប្រុសសម្តេច គឺលោកហ៊ុន ម៉ានី ទើបមានវ័យជំទង់ អាយុប្រហែល១៤ឬ១៥ឆ្នាំ(ម៉ានីកើតខែវិច្ឆិកា១៩៨២)។ ពេលនោះសម្តេចទើបមានអាយុ៤៤ឬ៤៥ឆ្នាំ៕

សម្តេចតេជោ ហ៊ុន សែន ប្រកាសស្វែងរកអ្នកដែលថតរូបសម្តេចកាលពីជាង២០ឆ្នាំមុន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានបង្ហាញរូបថតមួយសន្លឹកកាលពីសម្តេចនៅវ័យអាយុប្រហែល ៤៤ទៅ៤៥ឆ្នាំ ហើយសម្តេចបានប្រកាសស្វែងអ្នកដែលថតសម្តេចកាលគ្រានោះ ខណៈរូបថតនេះសម្តេច បានភ្លេចថាមិនដឹងនៅទីណាកន្លែងណា និងឆ្នាំណានោះឡើយ។តាមរយៈហ្វេសបុកនាព្រឹកថ្ងៃទី៣០ ខែកក្កដា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា «លើកដំបូងដែលខ្ញុំឃើញរូបថតមួយសន្លឹកនេះហើយក៏មិនដឹងថាអ្នកណាជាអ្នកថតផងដែរ។ បើពិនិត្យលើស្ថានភាពរូបថតនេះអាចនៅក្នុងឆ្នាំ១៩៩៦ឬឆ្នាំ១៩៩៧ដោយសំគាល់៖ ១.អ្នកការពារខ្ញុំឈ្មោះវឿនបានមកការពារខ្ញុំក្នុងចន្លោះ១៩៨៦រហូតដល់គាត់ស្លាប់ប្រហែល ១០ឆ្នាំមុន។ គាត់បានការពារខ្ញុំទៅចរចានៅប្រទេសបារាំងនិងប្រទេសផ្សេងទៀតជាច្រើន។ ២.កូនប្រុសខ្ញុំហ៊ុន ម៉ានីទើបមានវ័យជំទង់អាយុប្រហែល ១៤ឬ១៥ឆ្នាំ (ម៉ានីកើតខែវិច្ឆិកា១៩៨២)។ បើការលើកឡើងនេះត្រឹមត្រូវពេលនោះខ្ញុំទើបមានអាយុ ៤៤ឬ៤៥ឆ្នាំ។ ខ្ញុំសូមអំពាវនាវឱយបងប្អូនដែលបានថតរូបនេះឬបានដឹងមេត្តាជួយប្រាប់តាមរយះចូលមកខមិនដោយបញ្ជាក់ថាថតនៅឆ្នាំណានិងនៅទីកន្លែងណា?ខ្ញុំសូមអរគុណទុកជាមុន»៕

អ្នករស់រានមានជីវិតពីរញ្ជួយដីនៅហ្វីលីពីនស្វែងរកទីជម្រក ខណៈការរញ្ជួយនៅតែបន្ត

ហ្វីលីពីន៖ អ្នកនៅរស់រានមានជីវិតពីរញ្ជួយដីកម្រិត ៧.០រ៉ិចទ័រនៅភាគខាងជើងប្រទេសហ្វីលីពីន បាននឹងកំពុងស្វែងរកទីជ្រកកោននៅខាងក្រៅលំនៅឋានរបស់ពួកគេ ខណៈការរញ្ជួយនៅតែបន្ត។ អាជ្ញាធរគ្រប់គ្រងគ្រោះមហន្តរាយបាននិយាយថា រញ្ជួយដីបានវាយប្រហារខេត្ត Abra នៅភាគខាងជើងកោះ Luzon បណ្តាលឱ្យមនុស្សជាច្រើននាក់ជាប់នៅក្រោមអគារបាក់រលំ ឬត្រូវបានកប់ដោយបំណាក់ដី។ តាមសេចក្តីរាយការណ៍បានឲ្យដឹងថា រហូតមកដល់ពេលនេះមនុស្ស ៥នាក់បានស្លាប់ និង ១៣១នាក់ផ្សេងទៀតបានរងរបួស។ វិទ្យាស្ថានសិក្សាពីភ្នំភ្លើង និងរញ្ជួយដីប្រទេសហ្វីលីពីននិយាយថា វិទ្យាស្ថានបានកត់ត្រាការរញ្ជួយតូចៗជិត ៩០០ដងក្នុងកម្រិតអតិបរមា ៥.០រ៉ិចទ័រចាប់តាំងពីការរញ្ជួយដីកាលពីថ្ងៃពុធ។ អគារជាង ៨៦០ខ្នងត្រូវបានបញ្ជាក់ថារងការខូចខាត។ ពលរដ្ឋខេត្ត Abra ជាច្រើននាក់កំពុងស្វែងរកទីជម្រក ដោយភ័យខ្លាចថាលំនៅឋានរបស់ពួកគេអាចនឹងបាក់រលំ។ បុរសម្នាក់ដែលកំពុងស្នាក់នៅក្នុងតង់បាននិយាយថា លោកសង្ឃឹមថា ការរញ្ជួយដីនឹងស្ងប់ស្ងាត់ទៅវិញនៅថ្ងៃសុក្រនេះ ដូច្នេះគាត់អាចត្រលប់ទៅលំនៅឋានវិញបាន។ប្រធានាធិបតីលោក Ferdinand Marcos Jr. បានទៅពិនិត្យមើលតំបន់រងគ្រោះកាលពីថ្ងៃព្រហស្បតិ៍ ហើយបានបញ្ជាឱ្យមន្ត្រីរដ្ឋាភិបាលធ្វើការអស់ពីសមត្ថភាព ដើម្បីគាំទ្រដល់ប្រជាជនដែលរងផលប៉ះពាល់។ ប៉ុន្តែផ្លូវ និងស្ពានមួយចំនួននៅតែមិនអាចឆ្លងកាត់បាននៅក្នុងខេត្ត Abra និងកន្លែងផ្សេងទៀតដោយបង្កើនក្តីបារម្ភថា ស្បៀងអាហារ និងជំនួយសង្គ្រោះផ្សេងទៀតនឹងមិនត្រូវបានចែកចាយដោយរលូនឡើយ៕អត្ថបទ៖ ប៊ុនថន

មេដឹកនាំអាមេរិក និងចិនផ្លាស់ប្ដូរការព្រមានអំពីកោះតៃវ៉ាន់ ខណៈចិនព្រមានអាមេរិកអំពីការប្រលែងលេងជាមួយភ្លើង

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក Joe Biden និងប្រធានាធិបតីចិនលោក Xi Jinping បានចំណាយពេលជាងពីរម៉ោងកាលពីថ្ងៃព្រហស្បតិ៍ ដើម្បីជួបសន្ទនាអំពីអនាគតនៃទំនាក់ទំនងដ៏ស្មុគស្មាញរបស់ប្រទេសទាំងពីរ ដោយផ្តោតលើបញ្ហាកោះតៃវ៉ាន់ដែលបានលេចចេញជាថ្មីម្តងទៀតថា ជាចំណុចសំខាន់នៃភាពតានតឹង។ យោងតាមការបញ្ជាក់អំពីកិច្ចសន្ទនាដែលផ្សព្វផ្សាយដោយទីក្រុងប៉េកាំង លោក Xi បានបញ្ជាក់ពីការអះអាងរបស់ប្រទេសចិន លើកោះស្វ័យគ្រប់គ្រងមួយនេះអស់ជាច្រើនទសវត្សរ៍មកហើយ។ ទូរទស្សន៍រដ្ឋ CCTV បាននិយាយថា មេដឹកនាំទាំងពីរបានពិភាក្សាដោយស្មោះត្រង់លើទំនាក់ទំនងទ្វេភាគី និងបញ្ហានៃការព្រួយបារម្ភទៅវិញទៅមក។ ចំណុចសម្ពាធចុងក្រោយបំផុតគឺដំណើរទស្សនកិច្ចដ៏មានសក្តានុពល របស់ប្រធានសភាសហរដ្ឋអាមេរិកលោកស្រី Nancy Pelosi ទៅកាន់កោះតៃវ៉ាន់ដែលមានរដ្ឋាភិបាលប្រជាធិបតេយ្យ និងទទួលបានការគាំទ្រផ្នែកការពារក្រៅផ្លូវការពីសហរដ្ឋអាមេរិក ប៉ុន្តែប្រទេសចិនចាត់ទុកថាជាផ្នែកមួយនៃទឹកដីរបស់ខ្លួន។ ទីក្រុងប៉េកាំងបាននិយាយថា ខ្លួននឹងចាត់ទុកដំណើរទស្សនកិច្ចបែបនេះថា ជាការបង្ករឿង ជាការគំរាមដែលមន្ត្រីសហរដ្ឋអាមេរិកកំពុងមានចំណាត់ការធ្ងន់ធ្ងរ ដូចករណីការវាយលុករបស់រុស្ស៊ីនៅអ៊ុយក្រែន។លោក Xi បានប្រាប់លោក Biden ថា ប្រទេសចិនប្រឆាំងយ៉ាងដាច់ខាត ចំពោះគំនិតផ្តាច់ខ្លួននិយមនៃឯករាជ្យភាពរបស់កោះតៃវ៉ាន់ និងការជ្រៀតជ្រែកពីកងកម្លាំងខាងក្រៅ ហើយនឹងមិនអនុញ្ញាតឲ្យមានឱកាសបង្កើតកងកម្លាំងឯករាជ្យរបស់កោះតៃវ៉ាន់ ក្នុងរូបភាពណាមួយក៏ដោយ។ ទូរទស្សន៍រដ្ឋចិន CCTV បានរាយការណ៍ថា មេដឹកនាំទាំងពីរបានផ្លាស់ប្តូរទស្សនៈលើបញ្ហាអ៊ុយក្រែនផងដែរ។ ប្រធានាធិបតីលោក Joe Biden និងសមភាគីចិនលោក Xi Jinping បានព្រមព្រៀងកំណត់ពេលជំនួបកំពូលដោយផ្ទាល់ជាលើកដំបូង ក្នុងអំឡុងពេលការសន្ទនាទូរស័ព្ទក្នុងពេលមានភាពតានតឹងនេះ ប៉ុន្តែនៅមិនទាន់មានព័ត៌មានលម្អិតអំពីពេលវេលា ឬទីតាំងនៅឡើយនោះទេ៕អត្ថបទ៖ ប៊ុនថន

ចំនួនអ្នកស្លាប់ដោយសារភ្លៀងធ្លាក់ខ្លាំង និងទឹកជំនន់នៅប៉ាគីស្ថានកើនឡើងជាង ៣៣០នាក់

ប៉ាគីស្ថាន៖ ប្រជាពលរដ្ឋនៅក្នុងប្រទេសប៉ាគីស្ថាន បានកំពុងតស៊ូរយៈពេលជាច្រើនសប្ដាហ៍ដោយសារតែភ្លៀងរដូវមូសុង ដែលបានបង្កឲ្យមានទឹកជំនន់ដ៏ធ្ងន់ធ្ងរ។ ចំនួនអ្នកស្លាប់បានកើនឡើងជាង ៣៣០នាក់ចាប់តាំងពីពាក់កណ្ដាលខែមិថុនាមក។ ប្រជាពលរដ្ឋជាច្រើននៅតំបន់រងគ្រោះដោយទឹកជំនន់ធ្ងន់ធ្ងរនៅខេត្ត Balochistan ភាគនិរតីត្រូវបានជាប់ក្នុងទឹកជំនន់។ ពួកគេត្រូវបានជម្លៀសតាមរយៈការដើរលុយតាមផ្លូវទឹកលិច។ ភ្លៀងធ្លាក់ខ្លាំងរយៈពេលប៉ុន្មានសប្ដាហ៍មកនេះបានបំផ្លិចបំផ្លាញផ្លូវថ្នល់ ស្ពាន និងលំនៅឋានជាង 8,000ខ្នងនៅទូទាំងប្រទេស។ ប្រទេសប៉ាគីស្ថានស្ថិតនៅចំណុចកណ្ដាលនៃរដូវមូសុង។ តំបន់ភាគច្រើនកំពុងទទួលរងចំនួនទឹកភ្លៀងធ្លាក់ខ្លាំងលើសពីកម្រិតមធ្យមនៅឆ្នាំនេះ។ក្រុមមន្ត្រីរដ្ឋាភិបាលបានដាក់បន្ទុកលើបម្រែបម្រួលអាកាសធាតុ។ មន្ត្រីទាំងនោះកំពុងជំរុញដល់ប្រជាពលរដ្ឋក្នុងតំបន់រងផលប៉ះពាល់នានា ឲ្យតាមដានព័ត៌មានអាកាសធាតុ និងជម្លៀសទៅកាន់ទីតាំងមានសុវត្ថិភាព។ ក្ដីបារម្ភកំពុងតែកើនឡើងដោយសារថា ទឹកដែលកខ្វក់ដោយសារភ្លៀងអាចបង្កឲ្យផ្ទុះរាលដាលជំងឺអាសន្នរោគ៕អត្ថបទ៖ សុខមាន

WHO និយាយថា ជំងឺអុតស្វាជាង ១៨០០០ករណីត្រូវបានរាយការណ៍នៅទូទាំងពិភពលោក

WHO៖ អគ្គនាយកអង្គការសុខភាពពិភពលោក លោកវេជ្ជបណ្ឌិត Tedros Adhanom Ghebreyesus បាននិយាយថា ការផ្ទុះឡើងជំងឺអុតស្វាអាចត្រូវបានបញ្ឈប់ ប្រសិនបើប្រទេស សហគមន៍ និងបុគ្គលនានាជូនដំណឹង ហើយទទួលយកហានិភ័យធ្ងន់ធ្ងរ និងចាត់វិធានការចាំបាច់ដើម្បីបញ្ឈប់ការចម្លង និងការពារក្រុមងាយរងគ្រោះ។ ថ្លែងទៅកាន់អ្នកសារព័ត៌មាននៅទីក្រុងហ្សឺណែវ លោក Ghebreyesus បាននិយាយថា វិធីល្អបំផុតដើម្បីធ្វើដូច្នេះគឺត្រូវកាត់បន្ថយហានិភ័យនៃការប៉ះពាល់ផ្ទាល់។ នោះមានន័យថា ធ្វើឱ្យជម្រើសប្រកបដោយសុវត្ថិភាពសម្រាប់ខ្លួនអ្នក និងអ្នកដទៃ។ អង្គការសុខភាពពិភពលោកបានប្រកាសភាពអាសន្នសុខភាពសាធារណៈ នៃការព្រួយបារម្ភជាអន្តរជាតិជុំវិញការផ្ទុះឡើងជំងឺអុតស្វាជាសកល។ ករណីជាង ១៨០០០ករណីនៃជំងឺអុតស្វាត្រូវបានរាយការណ៍មកអង្គការសុខភាពពិភពលោកពី ៧៨ប្រទេសដោយជាង ៧០% នៃករណីត្រូវបានរាយការណ៍ពីតំបន់អឺរ៉ុប និង ២៥% មកពីតំបន់ទ្វីបអាមេរិក។ អង្គការសុខភាពពិភពលោក (WHO) បានណែនាំអោយចាក់វ៉ាក់សាំងតាមគោលដៅ សម្រាប់អ្នកដែលប៉ះពាល់នឹងអ្នកដែលមានជំងឺអុតស្វា និងសម្រាប់អ្នកដែលមានហានិភ័យខ្ពស់នៃការប៉ះពាល់ រួមទាំងបុគ្គលិកសុខាភិបាល បុគ្គលិកមន្ទីរពិសោធន៍ និងអ្នកដែលមានដៃគូរួមភេទច្រើន។វ៉ាក់សាំងជំងឺអុតស្វា ឬអុតធំមួយប្រភេទហៅថា MVA-BN ត្រូវបានអនុម័តក្នុងប្រទេសកាណាដា សហភាពអឺរ៉ុប និងសហរដ្ឋអាមេរិកសម្រាប់ប្រើប្រឆាំងជំងឺអុតស្វា។ វ៉ាក់សាំងពីរប្រភេទផ្សេងទៀតគឺ LC16 និង ACAM2000 ក៏កំពុងត្រូវបានពិចារណាសម្រាប់ប្រើប្រឆាំងជំងឺអុតស្វានេះផងដែរ។ ទោះបីជាយ៉ាងណាលោក Ghebreyesus បានពន្យល់ថា យើងនៅតែខ្វះទិន្នន័យស្តីពីប្រសិទ្ធភាពនៃវ៉ាក់សាំងសម្រាប់ជំងឺអុតស្វា ឬថាតើអាចនឹងត្រូវការចំនួនប៉ុន្មានដូស។ នោះហើយជាមូលហេតុដែលប្រធានអង្គការសុខភាពពិភពលោកបាននិយាយថា ទីភ្នាក់ងារនេះជំរុញឱ្យប្រទេសទាំងអស់ដែលកំពុងប្រើប្រាស់វ៉ាក់សាំងដើម្បីប្រមូល និងចែករំលែកទិន្នន័យសំខាន់ៗចំពោះប្រសិទ្ធភាព៕អត្ថបទ៖ ប៊ុនថន

សហរដ្ឋអាមេរិកត្រៀមផែនការយោធាការពារដំណើរទស្សនកិច្ចរបស់លោកស្រី Pelosi ទៅកោះតៃវ៉ាន់

សហរដ្ឋអាមេរិក៖ ដោយសំអាងប្រភពពីក្រុមមន្ត្រីអាមេរិកដែលមិនបញ្ចេញឈ្មោះ សារព័ត៌មាន AP បានរាយការណ៍កាលពីថ្ងៃពុធថា មន្ទីរបញ្ចកោណអាចបញ្ជូននាវា យន្តហោះ និងប្រព័ន្ធឈ្លបយកការណ៍បន្ថែមទៀត ដើម្បីការពារប្រធានសភាអាមេរិកលោកស្រី Nancy Pelosi ប្រសិនបើលោកស្រីនឹងធ្វើដំណើរទស្សនកិច្ចទៅកាន់កោះតៃវ៉ាន់ តាមការគ្រោងទុកមែននោះ។ ទីភ្នាក់ងារសារព័ត៌មាននេះបាននិយាយថា ផែនការបង្ការជាមុន ដែលត្រូវបានកំពុងបង្កើតឡើងដោយយោធាអាមេរិក រួមមានការបង្កើតតំបន់ការពារទ្វេដងសម្រាប់ប្រធានសភារូបនេះ អំឡុងការធ្វើដំណើររបស់លោកស្រីទៅកាន់កោះនេះ និងការស្នាក់នៅទីនោះ។ សារព័ត៌មាន AP ដដែលបានរាយការណ៍ថា ក្រុមមន្ត្រីក៏បានលើកឡើងផងដែរ ពីភាពចាំបាច់ក្នុងការបង្កើតឲ្យមានតំបន់ទ្រនាប់ជុំវិញវត្តមាន និងយន្តហោះរបស់លោកស្រី Pelosi អំឡុងដំណើរទស្សនកិច្ចរបស់លោកស្រី ដែលជាការត្រៀមការពារសម្រាប់ឧបទ្ទវហេតុធំៗនានាពាក់ព័ន្ធនឹងប្រទេសចិន។ទីក្រុងប៉េកាំងដែលចាត់ទុកកោះស្វ័យគ្រប់គ្រងមួយនេះ ជាផ្នែកមួយនៃដែនដីរបស់ខ្លួនបានព្រមានដដែលៗថា ដំណើរទស្សនកិច្ចរបស់លោកស្រីទៅកាន់កោះតៃវ៉ាន់ អាចបង្កើតឲ្យមានប្រតិកម្មខ្លាំង និងមានផលវិបាកដែលមិនអាចស្ដារឡើងវិញបានសម្រាប់ទំនាក់ទំនងរវាងចិន និងសហរដ្ឋអាមេរិក។ លោក Zhao Lijian អ្នកនាំពាក្យក្រសួងការបរទេសចិនបានប្រាប់ក្រុមអ្នកសារព័ត៌មានកាលពីថ្ងៃពុធថា ប្រសិនបើសហរដ្ឋអាមេរិកនៅតែធ្វើអ្វីតាមតែចិត្តខ្លួនឯង និងប្រជែងខ្សែបន្ទាត់ក្រោមរបស់ចិននោះ ពិតជានឹងជួបការឆ្លើយតបដោយកម្លាំងមិនខាន៕អត្ថបទ៖ សុខមាន

ផ្សាយផ្ទាល់!! រដ្ឋសភាបន្តសម័យប្រជុំលើកទី៧ នីតិកាលទី៦ ដើម្បីពិនិត្យ និងអនុម័តលើសេចក្ដីព្រាងច្បាប់មួយចំនួន

ភ្នំពេញ៖ នៅព្រឹកថ្ងៃទី២៨ ខែកក្កដា ឆ្នាំ២០២២នេះ រដ្ឋសភា នៃព្រះរាជាណាចក្រកម្ពុជា បានបន្តសម័យប្រជុំរដ្ឋសភាលើកទី៧ នីតិកាលទី៦ ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាពញាចក្រី ហេង សំរិន ប្រធានរដ្ឋសភា។ សម័យប្រជុំនេះ ធ្វើឡើងដើម្បីពិនិត្យ និងអនុម័តលើសេចក្ដីព្រាងច្បាប់មួយចំនួន។សូមទស្សនាការផ្សាយផ្ទាល់តាមរយៈLink : https://fb.watch/exH6z3Ak5f/

លោក Biden និង Xi កំណត់ពេលជួបសន្ទនាតាមទូរស័ព្ទក្នុងពេលមានភាពតានតឹងថ្មីជុំវិញបញ្ហាកោះតៃវ៉ាន់

សហរដ្ឋអាមេរិក៖ ផែនការរបស់ប្រធានសភាលោកស្រី Nancy Pelosi ក្នុងការធ្វើដំណើរទៅកាន់កោះតៃវ៉ាន់ បានជំរុញឲ្យមានការរួបរួមខាងនយោបាយរបស់ទីក្រុងវ៉ាស៊ីនតោន តាមរយៈការផ្សះផ្សាភាពមិនចុះសម្រុងគ្នាកាលពីថ្មីៗជាមួយប្រធានាធិបតីលោក Joe Biden ជុំវិញដំណើរទស្សនកិច្ចទៅកាន់កោះស្វ័យគ្រប់គ្រង ខណៈសមាជិកសភាគណបក្សសាធារណរដ្ឋដ៏លេចធ្លោ ផ្តល់ការលើកទឹកចិត្តដល់គូប្រជែងនយោបាយដែលពួកគេតែងតែនិយាយចំអក។ អ្នកគាំទ្ររបស់លោកស្រី Pelosi រួមមានសមាជិកព្រឹទ្ធសភាគណបក្សសាធារណរដ្ឋអភិរក្សនិយម ដែលរួមមានទាំងអតីតមន្ត្រីរដ្ឋបាលលោក Donald Trump ពីររូប និងប្រធានសភាចុងក្រោយដែលបានធ្វើដំណើរទៅកាន់កោះតៃវ៉ាន់។ ពួកគេកំពុងជំរុញឲ្យលោក Biden គាំទ្រដំណើរទស្សនកិច្ចនេះ ទោះបីជាប្រទេសចិនគំរាមឆ្លើយតបដោយកម្លាំងក៏ដោយ។ លោក Biden មិនបាននិយាយជាសាធារណៈថា លោកស្រី Pelosi មិនគួរទៅនោះទេ។ លោកបានរិះគន់ចំពោះការកើនឡើងឥទ្ធិពលរបស់ប្រទេសចិន ជាផ្នែកសំខាន់នៃគោលនយោបាយការបរទេសរបស់លោក ប៉ុន្តែទំនាក់ទំនងរវាងលោក Biden និងចិនមានភាពស្មុគស្មាញ ហើយលោកបានព្យាយាមបញ្ចៀសភាពតានតឹងដែលកាន់តែធ្ងន់ធ្ងរ។ ប្រទេសចិនបានចាត់ទុកកោះតៃវ៉ាន់ស្វ័យគ្រប់គ្រងតាមបែបលទ្ធិប្រជាធិបតេយ្យថា ជាដែនដីរបស់ខ្លួន និងបានលើកឡើងពីបំណងប្រាថ្នាក្រសោបយកវិញដោយប្រើកម្លាំង។សេតវិមានកំពុងរៀបចំសម្រាប់ការសន្ទនាតាមទូរស័ព្ទមួយផ្សេងទៀតរវាងលោក Biden និងប្រធានាធិបតីចិនលោក Xi Jinping ជាការសន្ទនាដែលប្រធានាធិបតីសហរដ្ឋអាមេរិករំពឹងថា នឹងធ្វើឡើងនៅសប្តាហ៍នេះ។ ការគាំទ្រកើនឡើងជំរុញឱ្យលោក Biden គាំទ្រលោកស្រី Pelosi ជាសាធារណៈកំពុងបង្កើនហានិភ័យ ដែលលោកប្រធានាធិបតីអាចត្រូវបានគេគិតថា មានភាពតឹងតែងមិនគ្រប់គ្រាន់សម្រាប់ប្រទេសចិន។ ប្រធានសភាលោកស្រី Pelosi គួរតែទៅកោះតៃវ៉ាន់ ហើយប្រធានាធិបតីលោក Biden គួរតែបញ្ជាក់ឱ្យបានច្បាស់ចំពោះលោក Xi Jinping ថា គ្មានរឿងអាក្រក់ដែលបក្សកុម្មុយនិស្តចិនអាចធ្វើអំពីរឿងនេះនោះទេ៕អត្ថបទ៖ ប៊ុនថន

ចិនព្រមានថា អាចនឹងឆ្លើយតបដោយយោធា ចំពោះដំណើរទស្សនកិច្ចរបស់ប្រធានសភាអាមេរិកទៅកោះតៃវ៉ាន់

ចិន៖ ចិនបានលើកឡើងកាលពីថ្ងៃអង្គារថា អាចនឹងមានការឆ្លើយតបដោយយោធា បើប្រធានសភាសហរដ្ឋអាមេរិកលោកស្រី Nancy Pelosi សម្រេចធ្វើដំណើរទស្សនកិច្ចទៅកាន់កោះតៃវ៉ាន់។ លោកវរសេនីយ៍ឯក Tan Kefei អ្នកនាំពាក្យក្រសួងការពារជាតិចិនបាននិយាយថា ប្រសិនបើលោកស្រី Pelosi ទៅទស្សនកិច្ចនៅកោះតៃវ៉ាន់មែននោះ នឹងបំពានយ៉ាងធ្ងន់ធ្ងរលើគោលនយោបាយចិនតែមួយ ប៉ះពាល់យ៉ាងខ្លាំងដល់អធិបតេយ្យភាព និងបូរណភាពទឹកដីរបស់ចិន និងប៉ះពាល់ធ្ងន់ធ្ងរដល់មូលដ្ឋានគ្រឹះនយោបាយនៃទំនាក់ទំនងចិន-អាមេរិក។ លោក Tan បាននិយាយថា ក្រុងប៉េកាំងបានជំរុញសហរដ្ឋអាមេរិកឲ្យចាត់វិធានការជាក់លាក់ ដើម្បីគាំទ្រដល់ការប្ដេជ្ញាចិត្តរបស់ខ្លួនបញ្ចៀសការគាំទ្រការប្រកាសឯករាជ្យរបស់កោះតៃវ៉ាន់ និងមិនត្រូវរៀបចំឲ្យមានដំណើររបស់លោកស្រី Pelosi ទៅកាន់តំបន់កោះតៃវ៉ាន់ឡើយ។ លោក Tan បានបន្ថែមថា បើសហរដ្ឋអាមេរិកនៅតែចចេសរឹងរូស យោធាចិននឹងមិននៅស្ងៀមឡើយ ហើយចិននឹងចាត់វិធានការម៉ឺងម៉ាត់ដើម្បីរារាំងការជ្រៀតជ្រែករបស់កម្លាំងខាងក្រៅ។ប្រធានសភាអាមេរិករូបនេះបានគ្រោងទៅកាន់កោះតៃវ៉ាន់កាលពីខែមេសា ប៉ុន្តែបានលុបចោលវិញក្រោយធ្វើតេស្តវិជ្ជមានវីរុស COVID-19។ បច្ចុប្បន្នលោកស្រីគ្រោងនឹងធ្វើដំណើរទៅកោះតៃវ៉ាន់នៅខែសីហា ដែលត្រូវបានរាយការណ៍ដំបូងដោយសារព័ត៌មាន Financial Times។ ដំណើររបស់លោកស្រី Pelosi ទៅកាន់កោះតៃវ៉ាន់បាននាំឲ្យមានការជជែកដេញដោលនៅក្នុងទីក្រុង Washington នៅពេលដែលភាពតានតឹងរវាងសហរដ្ឋអាមេរិក និងចិនកំពុងឡើងកំដៅខ្លាំង។ សារព័ត៌មាន CNN បានរាយការណ៍ថា ក្រុមមន្ត្រីមួយចំនួនរបស់លោក Biden បារម្ភថា ចិនអាចប្រកាសតំបន់គ្មានការហោះហើរលើកោះតៃវ៉ាន់ ក្នុងកិច្ចខិតខំប្រឹងប្រែងដើម្បីបញ្ឈប់ដំណើររបស់លោកស្រី Pelosi ដែលអាចបង្កឲ្យភាពតានតឹងកើនឡើងកាន់តែខ្លាំងនៅក្នុងតំបន់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

យន្តហោះចម្បាំងស៊ុយអែត ស្ទាក់យន្តហោះប្រយុទ្ធរបស់រុស្ស៊ី នៅជិតព្រំដែន

លីបង់រាយការណ៍ពីការវាយប្រហាររបស់អ៊ីស្រាអែលនៅភាគខាងត្បូង ក្រោយមានការព្រមានជម្លៀស

ប៉ាគីស្ថាន និងអេហ្ស៊ីបស្វាគមន៍វឌ្ឍនភាព រវាងអាមេរិក និងអ៊ីរ៉ង់ ដោយសង្ឃឹមមានកិច្ចព្រមព្រៀងសន្តិភាពដំបូង

ចំនួនអ្នកស្លាប់ដោយសាររញ្ជួយដី នៅហ្វីលីពីន កើនឡើងដល់ ៦១នាក់ ខណៈប្រតិបត្តិការជួយសង្គ្រោះកំពុងបន្ត

នាយករដ្ឋមន្ត្រីឥណ្ឌា លោក Modi ចាប់ផ្តើមដំណើរទស្សនកិច្ចផ្លូវការទៅកាន់បារាំង និងស្លូវ៉ាគី

[UPDATE] គ្រោះថ្នាក់ធ្លាក់យន្តហោះរបស់កងទ័ពអាកាសឥណ្ឌា មានអ្នកស្លាប់ ៥នាក់

យន្តហោះដឹកជញ្ជូនយោធាធ្លាក់ នៅឥណ្ឌា ខណៈចំនួនអ្នកស្លាប់ និងរបួស មិនទាន់ដឹងនៅឡើយទេ

ឱកាសការងារ ៣៥៥០កន្លែង ជាមួយនឹងអត្ថប្រយោជន៍ ប.ស.ស. និងកម្មវិធី TVET ត្រូវបាននាំយកទៅផ្សព្វផ្សាយជូនពលរដ្ឋដល់មូលដ្ឋានខេត្តសៀមរាប

វិស័យរដ្ឋបញ្ជាក់ពីការប្តេជ្ញាចិត្តក្នុងការជួយពង្រឹងការយល់ដឹងអំពីច្បាប់ និងនីតិវិធីគយដល់វិស័យ SMEs

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រូបភាពចាស់ៗរបស់សម្តេចតេជោ ហ៊ុន សែន ត្រូវបានបរទេសដាក់លក់តាមអនឡាញ

សម្តេចតេជោ ហ៊ុន សែន ប្រកាសស្វែងរកអ្នកដែលថតរូបសម្តេចកាលពីជាង២០ឆ្នាំមុន

អ្នករស់រានមានជីវិតពីរញ្ជួយដីនៅហ្វីលីពីនស្វែងរកទីជម្រក ខណៈការរញ្ជួយនៅតែបន្ត

ចំនួនអ្នកស្លាប់ដោយសារភ្លៀងធ្លាក់ខ្លាំង និងទឹកជំនន់នៅប៉ាគីស្ថានកើនឡើងជាង ៣៣០នាក់

WHO និយាយថា ជំងឺអុតស្វាជាង ១៨០០០ករណីត្រូវបានរាយការណ៍នៅទូទាំងពិភពលោក

សហរដ្ឋអាមេរិកត្រៀមផែនការយោធាការពារដំណើរទស្សនកិច្ចរបស់លោកស្រី Pelosi ទៅកោះតៃវ៉ាន់

ផ្សាយផ្ទាល់!! រដ្ឋសភាបន្តសម័យប្រជុំលើកទី៧ នីតិកាលទី៦ ដើម្បីពិនិត្យ និងអនុម័តលើសេចក្ដីព្រាងច្បាប់មួយចំនួន

លោក Biden និង Xi កំណត់ពេលជួបសន្ទនាតាមទូរស័ព្ទក្នុងពេលមានភាពតានតឹងថ្មីជុំវិញបញ្ហាកោះតៃវ៉ាន់

ចិនព្រមានថា អាចនឹងឆ្លើយតបដោយយោធា ចំពោះដំណើរទស្សនកិច្ចរបស់ប្រធានសភាអាមេរិកទៅកោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រូបភាពចាស់ៗ​របស់​សម្តេច​តេជោ ហ៊ុន សែន ត្រូវបានបរទេសដាក់​លក់​តាម​អនឡាញ

សម្តេចតេជោ ហ៊ុន សែន ប្រកាសស្វែងរកអ្នកដែលថតរូបសម្តេចកាលពីជាង២០ឆ្នាំមុន

អ្នក​រស់រានមានជីវិត​ពី​រញ្ជួយ​ដី​នៅ​ហ្វីលីពីន​ស្វែងរក​ទីជម្រក​ ខណៈ​ការ​រញ្ជួយ​នៅតែ​បន្ត​

ចំនួន​អ្នក​ស្លាប់​ដោយសារ​ភ្លៀង​ធ្លាក់​ខ្លាំង និង​ទឹកជំនន់​នៅ​ប៉ា​គី​ស្ថាន​កើន​ឡើង​ជាង ​៣៣០​នាក់​

WHO និយាយ​ថា ជំងឺ​អុត​ស្វា​ជាង​ ១៨០០០​ករណី​ត្រូវ​បាន​រាយការណ៍​នៅ​ទូទាំង​ពិភពលោក

សហរដ្ឋអាមេរិក​ត្រៀម​ផែនការ​យោធា​ការពារ​ដំណើរ​ទស្សនកិច្ច​របស់​លោកស្រី Pelosi ទៅ​កោះ​តៃវ៉ាន់​

លោក Biden និង Xi កំណត់ពេល​ជួប​សន្ទនា​តាម​ទូរស័ព្ទ​ក្នុង​ពេល​មាន​ភាព​តានតឹង​ថ្មី​ជុំវិញ​បញ្ហា​កោះ​តៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រូបភាពចាស់ៗរបស់សម្តេចតេជោ ហ៊ុន សែន ត្រូវបានបរទេសដាក់លក់តាមអនឡាញ

អ្នករស់រានមានជីវិតពីរញ្ជួយដីនៅហ្វីលីពីនស្វែងរកទីជម្រក ខណៈការរញ្ជួយនៅតែបន្ត

ចំនួនអ្នកស្លាប់ដោយសារភ្លៀងធ្លាក់ខ្លាំង និងទឹកជំនន់នៅប៉ាគីស្ថានកើនឡើងជាង ៣៣០នាក់

WHO និយាយថា ជំងឺអុតស្វាជាង ១៨០០០ករណីត្រូវបានរាយការណ៍នៅទូទាំងពិភពលោក

សហរដ្ឋអាមេរិកត្រៀមផែនការយោធាការពារដំណើរទស្សនកិច្ចរបស់លោកស្រី Pelosi ទៅកោះតៃវ៉ាន់

លោក Biden និង Xi កំណត់ពេលជួបសន្ទនាតាមទូរស័ព្ទក្នុងពេលមានភាពតានតឹងថ្មីជុំវិញបញ្ហាកោះតៃវ៉ាន់