BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

លោក Biden និង Xi កំណត់ពេលជួបសន្ទនាតាមទូរស័ព្ទក្នុងពេលមានភាពតានតឹងថ្មីជុំវិញបញ្ហាកោះតៃវ៉ាន់

សហរដ្ឋអាមេរិក៖ ផែនការរបស់ប្រធានសភាលោកស្រី Nancy Pelosi ក្នុងការធ្វើដំណើរទៅកាន់កោះតៃវ៉ាន់ បានជំរុញឲ្យមានការរួបរួមខាងនយោបាយរបស់ទីក្រុងវ៉ាស៊ីនតោន តាមរយៈការផ្សះផ្សាភាពមិនចុះសម្រុងគ្នាកាលពីថ្មីៗជាមួយប្រធានាធិបតីលោក Joe Biden ជុំវិញដំណើរទស្សនកិច្ចទៅកាន់កោះស្វ័យគ្រប់គ្រង ខណៈសមាជិកសភាគណបក្សសាធារណរដ្ឋដ៏លេចធ្លោ ផ្តល់ការលើកទឹកចិត្តដល់គូប្រជែងនយោបាយដែលពួកគេតែងតែនិយាយចំអក។ អ្នកគាំទ្ររបស់លោកស្រី Pelosi រួមមានសមាជិកព្រឹទ្ធសភាគណបក្សសាធារណរដ្ឋអភិរក្សនិយម ដែលរួមមានទាំងអតីតមន្ត្រីរដ្ឋបាលលោក Donald Trump ពីររូប និងប្រធានសភាចុងក្រោយដែលបានធ្វើដំណើរទៅកាន់កោះតៃវ៉ាន់។ ពួកគេកំពុងជំរុញឲ្យលោក Biden គាំទ្រដំណើរទស្សនកិច្ចនេះ ទោះបីជាប្រទេសចិនគំរាមឆ្លើយតបដោយកម្លាំងក៏ដោយ។ លោក Biden មិនបាននិយាយជាសាធារណៈថា លោកស្រី Pelosi មិនគួរទៅនោះទេ។ លោកបានរិះគន់ចំពោះការកើនឡើងឥទ្ធិពលរបស់ប្រទេសចិន ជាផ្នែកសំខាន់នៃគោលនយោបាយការបរទេសរបស់លោក ប៉ុន្តែទំនាក់ទំនងរវាងលោក Biden និងចិនមានភាពស្មុគស្មាញ ហើយលោកបានព្យាយាមបញ្ចៀសភាពតានតឹងដែលកាន់តែធ្ងន់ធ្ងរ។ ប្រទេសចិនបានចាត់ទុកកោះតៃវ៉ាន់ស្វ័យគ្រប់គ្រងតាមបែបលទ្ធិប្រជាធិបតេយ្យថា ជាដែនដីរបស់ខ្លួន និងបានលើកឡើងពីបំណងប្រាថ្នាក្រសោបយកវិញដោយប្រើកម្លាំង។សេតវិមានកំពុងរៀបចំសម្រាប់ការសន្ទនាតាមទូរស័ព្ទមួយផ្សេងទៀតរវាងលោក Biden និងប្រធានាធិបតីចិនលោក Xi Jinping ជាការសន្ទនាដែលប្រធានាធិបតីសហរដ្ឋអាមេរិករំពឹងថា នឹងធ្វើឡើងនៅសប្តាហ៍នេះ។ ការគាំទ្រកើនឡើងជំរុញឱ្យលោក Biden គាំទ្រលោកស្រី Pelosi ជាសាធារណៈកំពុងបង្កើនហានិភ័យ ដែលលោកប្រធានាធិបតីអាចត្រូវបានគេគិតថា មានភាពតឹងតែងមិនគ្រប់គ្រាន់សម្រាប់ប្រទេសចិន។ ប្រធានសភាលោកស្រី Pelosi គួរតែទៅកោះតៃវ៉ាន់ ហើយប្រធានាធិបតីលោក Biden គួរតែបញ្ជាក់ឱ្យបានច្បាស់ចំពោះលោក Xi Jinping ថា គ្មានរឿងអាក្រក់ដែលបក្សកុម្មុយនិស្តចិនអាចធ្វើអំពីរឿងនេះនោះទេ៕អត្ថបទ៖ ប៊ុនថន

ចិនព្រមានថា អាចនឹងឆ្លើយតបដោយយោធា ចំពោះដំណើរទស្សនកិច្ចរបស់ប្រធានសភាអាមេរិកទៅកោះតៃវ៉ាន់

ចិន៖ ចិនបានលើកឡើងកាលពីថ្ងៃអង្គារថា អាចនឹងមានការឆ្លើយតបដោយយោធា បើប្រធានសភាសហរដ្ឋអាមេរិកលោកស្រី Nancy Pelosi សម្រេចធ្វើដំណើរទស្សនកិច្ចទៅកាន់កោះតៃវ៉ាន់។ លោកវរសេនីយ៍ឯក Tan Kefei អ្នកនាំពាក្យក្រសួងការពារជាតិចិនបាននិយាយថា ប្រសិនបើលោកស្រី Pelosi ទៅទស្សនកិច្ចនៅកោះតៃវ៉ាន់មែននោះ នឹងបំពានយ៉ាងធ្ងន់ធ្ងរលើគោលនយោបាយចិនតែមួយ ប៉ះពាល់យ៉ាងខ្លាំងដល់អធិបតេយ្យភាព និងបូរណភាពទឹកដីរបស់ចិន និងប៉ះពាល់ធ្ងន់ធ្ងរដល់មូលដ្ឋានគ្រឹះនយោបាយនៃទំនាក់ទំនងចិន-អាមេរិក។ លោក Tan បាននិយាយថា ក្រុងប៉េកាំងបានជំរុញសហរដ្ឋអាមេរិកឲ្យចាត់វិធានការជាក់លាក់ ដើម្បីគាំទ្រដល់ការប្ដេជ្ញាចិត្តរបស់ខ្លួនបញ្ចៀសការគាំទ្រការប្រកាសឯករាជ្យរបស់កោះតៃវ៉ាន់ និងមិនត្រូវរៀបចំឲ្យមានដំណើររបស់លោកស្រី Pelosi ទៅកាន់តំបន់កោះតៃវ៉ាន់ឡើយ។ លោក Tan បានបន្ថែមថា បើសហរដ្ឋអាមេរិកនៅតែចចេសរឹងរូស យោធាចិននឹងមិននៅស្ងៀមឡើយ ហើយចិននឹងចាត់វិធានការម៉ឺងម៉ាត់ដើម្បីរារាំងការជ្រៀតជ្រែករបស់កម្លាំងខាងក្រៅ។ប្រធានសភាអាមេរិករូបនេះបានគ្រោងទៅកាន់កោះតៃវ៉ាន់កាលពីខែមេសា ប៉ុន្តែបានលុបចោលវិញក្រោយធ្វើតេស្តវិជ្ជមានវីរុស COVID-19។ បច្ចុប្បន្នលោកស្រីគ្រោងនឹងធ្វើដំណើរទៅកោះតៃវ៉ាន់នៅខែសីហា ដែលត្រូវបានរាយការណ៍ដំបូងដោយសារព័ត៌មាន Financial Times។ ដំណើររបស់លោកស្រី Pelosi ទៅកាន់កោះតៃវ៉ាន់បាននាំឲ្យមានការជជែកដេញដោលនៅក្នុងទីក្រុង Washington នៅពេលដែលភាពតានតឹងរវាងសហរដ្ឋអាមេរិក និងចិនកំពុងឡើងកំដៅខ្លាំង។ សារព័ត៌មាន CNN បានរាយការណ៍ថា ក្រុមមន្ត្រីមួយចំនួនរបស់លោក Biden បារម្ភថា ចិនអាចប្រកាសតំបន់គ្មានការហោះហើរលើកោះតៃវ៉ាន់ ក្នុងកិច្ចខិតខំប្រឹងប្រែងដើម្បីបញ្ឈប់ដំណើររបស់លោកស្រី Pelosi ដែលអាចបង្កឲ្យភាពតានតឹងកើនឡើងកាន់តែខ្លាំងនៅក្នុងតំបន់៕អត្ថបទ៖ សុខមាន

រុស្ស៊ីនឹងដកខ្លួនចេញពីស្ថានីយអវកាសអន្តរជាតិក្រោយឆ្នាំ២០២៤

រុស្ស៊ី៖ ប្រទេសរុស្ស៊ីបាននិយាយថា នឹងដកខ្លួនចេញពីស្ថានីយអវកាសអន្តរជាតិក្រោយឆ្នាំ២០២៤ និងសាងសង់ស្ថានីយអវកាសដោយខ្លួនឯងវិញ។ សហរដ្ឋអាមេរិក និងរុស្ស៊ីរួមជាមួយដៃគូផ្សេងទៀតបានធ្វើការរួមគ្នាប្រកបដោយភាពជោគជ័យ នៅលើស្ថានីយអវកាសនេះចាប់តាំងពីឆ្នាំ១៩៩៨ មក។ ប៉ុន្តែទំនាក់ទំនងនានាបានល្អក់កកចាប់តាំងពីរុស្ស៊ីបានវាយលុកចូលអ៊ុយក្រែន ហើយកន្លងមករុស្ស៊ីធ្លាប់បានគំរាមបញ្ឈប់គម្រោងនេះ ព្រោះទណ្ឌកម្មរបស់លោកខាងលិចមកលើខ្លួន។ អង្គការណាសាបាននិយាយថា ខ្លួនមិនទាន់ទទួលបានការជូនដំណឹងជាផ្លូវការណាមួយពីចេតនារបស់រុស្ស៊ី ដែលថាចង់ដកខ្លួនចេញពីកម្មវិធីនេះនៅឡើយទេ។ ស្ថានីយអវកាសអន្តរជាតិ (ISS) ដែលជាគម្រោងរួមគ្នាពាក់ព័ន្ធនឹងទីភ្នាក់ងារអវកាសចំនួន៥ បានស្ថិតនៅក្នុងគន្លងតារាវិថីជុំវិញភពផែនដីចាប់តាំងពីឆ្នាំ១៩៩៨ និងត្រូវបានប្រើដើម្បីធ្វើការងារពិសោធន៍វិទ្យាសាស្ត្ររាប់ពាន់ករណី។ស្ថានីយអវកាសនេះត្រូវបានព្រមព្រៀងធ្វើប្រតិបត្តិការរួមគ្នារហូតដល់ឆ្នាំ២០២៤ ប៉ុន្តែសហរដ្ឋអាមេរិកចង់បន្ថែមពេលវេលារយៈពេល ៦ឆ្នាំទៀតជាមួយកិច្ចព្រមព្រៀងនៃភាគីទាំងអស់។ នៅឯកិច្ចប្រជុំជាមួយប្រធានាធិបតីរុស្ស៊ី Vladimir Putin លោក Yuri Borisov ប្រធានគម្រោងអវកាស Roscosmos និយាយថា គម្រោងនេះនឹងបំពេញកាតព្វកិច្ចរបស់ខ្លួនដល់ដៃគូ ប៉ុន្តែបានសម្រេចចិត្តដកខ្លួនពីគម្រោងនេះក្រោយឆ្នាំ២០២៤៕អត្ថបទ៖ សុខមាន

ក្រុមមន្ត្រីអាមេរិកនិយាយថា ភាពភ័យខ្លាចដ៏ធំបំផុតបានក្លាយជាការពិត ខណៈរុស្ស៊ីកាត់ផ្ដាច់ការផ្គត់ផ្គង់ឧស្ម័នទៅអឺរ៉ុប

សហរដ្ឋអាមេរិក៖ ក្រុមមន្ត្រីសហរដ្ឋអាមេរិកនិយាយថា រដ្ឋបាលលោក Biden កំពុងធ្វើការយ៉ាងអន្ទះសានៅពីក្រោយបញ្ហានានា ដើម្បីរក្សាសម្ព័ន្ធមិត្តអឺរ៉ុបរួមគ្នាប្រឆាំងនឹងប្រទេសរុស្ស៊ី ខណៈក្រុង Moscow នឹងកាត់បន្ថយការផ្គត់ផ្គង់ថាមពលរបស់ខ្លួនបន្ថែមទៀតទៅកាន់សហភាពអឺរ៉ុប ដែលជំរុញឲ្យមានភាពស្លន់ស្លោសម្រាប់ភាគីទាំង២ នៃតំបន់អាត្លង់ទិកជុំវិញកង្វះខាតឧស្ម័នធ្ងន់ធ្ងរមុនរដូវរងាចូលមកដល់។ កាលពីថ្ងៃចន្ទក្រុមហ៊ុនឧស្ម័នរដ្ឋរុស្ស៊ី Gazprom បាននិយាយថា ខ្លួននឹងកាត់ផ្ដាច់លំហូរឧស្ម័នតាមរយៈបំពង់បង្ហូរ Nord Stream 1 ទៅកាន់ប្រទេសអាល្លឺម៉ង់ក្នុងចំនួនពាក់កណ្ដាលរហូតដល់ 20% នៃសមត្ថភាពរបស់ខ្លួន។ មន្ត្រីអាមេរិកម្នាក់បាននិយាយថា ការកាត់ផ្ដាច់ឧស្ម័ននេះគឺជាការសងសឹកទៅលើលោកខាងលិច ដែលបានដាក់ទណ្ឌកម្មលើក្រុង Moscow។ ក្រុមមន្ត្រីបាននិយាយកាលពីថ្ងៃអង្គារថា ជាការឆ្លើយតបទៅនឹងភាពចលាចលនេះ អ្នកសម្របសម្រួលជាន់ខ្ពស់របស់សេតវិមានសម្រាប់វិស័យថាមពលប្រចាំទ្វីបអឺរ៉ុបលោក Amos Hochstein នឹងធ្វើដំណើរទៅទីក្រុង Paris និង Brussels ដើម្បីពិភាក្សាពីផែនការបច្ចុប្បន្នជាមួយក្រុមការងារពិសេសផ្នែកថាមពលអាមេរិក-សហភាពអឺរ៉ុបដែលបានបង្កើតឡើងកាលពីខែមីនា មួយខែបន្ទាប់ពីការវាយប្រហាររបស់រុស្ស៊ីលើអ៊ុយក្រែន។មន្ត្រីអាមេរិកបាននិយាយថា នេះគឺជាការភ័យខ្លាចដ៏ធំបំផុតរបស់យើង។ ផលប៉ះពាល់ទៅលើសហភាពអឺរ៉ុបអាចជះត្រឡប់ទៅលើសហរដ្ឋអាមេរិក ដែលធ្វើឲ្យតម្លៃឧស្ម័នធម្មជាតិ និងថាមពលអគ្គិសនីហក់ឡើងខ្ពស់។ វានឹងក្លាយជាការសាកល្បងធំបំផុតសម្រាប់ភាពអត់ធ្មត់របស់សហភាពអឺរ៉ុប និងការរួបរួមគ្នាប្រឆាំងរុស្ស៊ី ខណៈដែលវិមានក្រឹមឡាំងពុំបានបង្ហាញពីសញ្ញានៃការដកដៃចេញពីសង្គ្រាមអ៊ុយក្រែន៕អត្ថបទ៖ សុខមាន

អ៊ីរ៉ង់និយាយថា ខ្លួនមានគំនិតថ្មីលើកិច្ចព្រមព្រៀងនុយក្លេអ៊ែរ ក្រោយសហភាពអឺរ៉ុបស្នើឲ្យមានការពង្រាងចុងក្រោយ

អ៊ីរ៉ង់៖ អ៊ីរ៉ង់និយាយថា ខ្លួនមានគំនិតថ្មីក្នុងការស្ដារកិច្ចព្រមព្រៀងនុយក្លេអ៊ែរឆ្នាំ២០១៥ ជាមួយមហាអំណាចពិភពលោក ក្រោយអ្នកសម្របសម្រួលរបស់សហភាពអឺរ៉ុបបានស្នើ អ្វីដែលទំនងជាអត្ថបទចុងក្រោយដើម្បីសម្រេចបានកិច្ចព្រមព្រៀង។ ប្រធានគោលនយោបាយសហភាពអឺរ៉ុបលោក Josep Borrell បាននិយាយកាលពីថ្ងៃអង្គារថា លោកបានស្នើឲ្យមានសេចក្ដីពង្រាងមួយដើម្បីស្ដារកិច្ចព្រមព្រៀងដ៏សំខាន់នេះ ដែលសហរដ្ឋអាមេរិកបានបោះបង់ចោលជាឯកតោភាគីកាលពីឆ្នាំ២០១៨។ លោកបានសរសេរនៅក្នុងអត្ថបទមួយសម្រាប់សារព័ត៌មាន Financial Times ថា សេចក្ដីពង្រាងនេះតំណាងឲ្យកិច្ចព្រមព្រៀងល្អបំផុតដែលអាចធ្វើទៅបាន ដូចដែលខ្ញុំក្នុងនាមជាអ្នកសម្របសម្រួលការចរចាមើលឃើញថាអាចទៅរួច។ ត្បិតថា វាមិនមែនជាកិច្ចព្រមព្រៀងល្អឥតខ្ចោះ តែវានឹងដោះស្រាយរាល់បញ្ហាសំខាន់ៗ រួមទាំងការសម្របសម្រួលបញ្ហាដ៏ស្មុគស្មាញពីគ្រប់ភាគីទាំងអស់។ លោកបានព្រមានថា ការសម្រេចចិត្តនានាចាំបាច់ត្រូវតែធ្វើឡើងនៅពេលនេះ ដោយបន្ថែមថា លោកមើលមិនឃើញថាមានជម្រើសដ៏ល្អប្រសើរ ឬមានប្រសិទ្ធភាពផ្សេងទៀតដែលនឹងសម្រេចបានកិច្ចព្រមព្រៀងទេ។ប៉ុន្មានម៉ោងក្រោយមកប្រេសិតជាន់ខ្ពស់របស់អ៊ីរ៉ង់លោក Ali Bagheri Kani បានសរសេរនៅលើបណ្ដាញ tweeter ថា អ៊ីរ៉ង់មានគំនិតខ្លួនឯងដើម្បីបញ្ចប់ការចរចា ទាំងរចនាសម្ព័ន្ធ និងខ្លឹមសារស្របគ្នាដែលលោកនឹងចែករំលែក។ ការចរចានានានៅក្នុងទីក្រុងវីយែន ដើម្បីស្ដារកិច្ចព្រមព្រៀងនេះឡើងវិញបានចាប់ផ្ដើមកាលពីក្នុងខែមេសា ឆ្នាំ២០២១ ប៉ុន្តែត្រូវបានជាប់គាំងក្នុងពេលប៉ុន្មានខែថ្មីៗនេះ ស្របពេលការមិនចុះសម្រុងរវាងទីក្រុងតេអេរ៉ង់ និងក្រុងវ៉ាស៊ីនតោន ដែលបានរៀបចំការចរចាដោយប្រយោលរយៈពេល ២ថ្ងៃបញ្ចប់ទៅដោយគ្មានលទ្ធផលនៅក្នុងប្រទេសកាតាកាលពីខែមុន៕អត្ថបទ៖ សុខមាន

រុស្ស៊ីគ្រោងធ្វើសមយុទ្ធយោធាទ្រង់ទ្រាយធំនៅខែក្រោយក្នុងភាគខាងកើត

រុស្ស៊ី៖ ក្រសួងការពារជាតិរុស្ស៊ីនិយាយថា ប្រទេសនេះគ្រោងធ្វើសមយុទ្ធយោធាយុទ្ធសាស្ត្រនៅក្នុងភាគខាងកើតប្រទេស ដែលនឹងចាប់ផ្ដើមពីខែក្រោយទៅស្ថិតនៅចម្ងាយរាប់ពាន់ម៉ាយល៍ ពីសង្គ្រាមដែលកំពុងបន្តនៅក្នុងប្រទេសអ៊ុយក្រែន។ សមយុទ្ធដែលមានឈ្មោះថា ''Vostok'' នឹងធ្វើឡើងចាប់ពីថ្ងៃទី៣០ ខែសីហារហូតដល់ថ្ងៃទី៥ ខែកញ្ញា។ សមយុទ្ធទាំងនេះទំនងជាមានចេតនាបញ្ជូនសារថា ត្បិតថា ខ្លួនបានខាតបង់ក្នុងសង្គ្រាមអូសបន្លាយរយៈពេលពេល ៥ខែនៅក្នុងប្រទេសអ៊ុយក្រែន រុស្ស៊ីនៅតែផ្ដោតលើការការពារដែនដីរបស់ខ្លួនទាំងស្រុង និងសមត្ថភាពក្នុងវិស័យយោធាអាជីវកម្មដូចធម្មតា។ នៅក្នុងសេចក្ដីថ្លែងការណ៍ក្រសួងនេះបានសង្កត់ធ្ងន់ថា សមត្ថភាពរបស់ខ្លួនក្នុងការធ្វើសមយុទ្ធនានាមិនប៉ះពាល់ដល់អ្វីដែលខ្លួនហៅថា ជាប្រតិបត្តិការសឹកពិសេសនៅអ៊ុយក្រែនទេ។ ប្រភពដដែលនេះនិយាយថា រុស្ស៊ីមិនលុបចោលសកម្មភាពហ្វឹកហាត់ ឬកិច្ចសហប្រតិបត្តិការអន្តរជាតិណាមួយឡើង ហើយសមយុទ្ធនានានឹងត្រូវបានផ្គត់ផ្គង់ដោយកងកម្លាំងអាវុធ និងយុទ្ធោបករណ៍ចាំបាច់ទាំងអស់៕អត្ថបទ៖ សុខមាន

ការប្រហារជីវិតសកម្មជនប្រឆាំងរដ្ឋប្រហារ ៤នាក់នៅមីយ៉ាន់ម៉ានាំឲ្យមានការថ្កោលទោសជាសកល

មីយ៉ាន់ម៉ា៖ យោធាដែលកំពុងកាន់អំណាចរបស់ប្រទេសមីយ៉ាន់ម៉ាបានប្រកាសកាលពីថ្ងៃចន្ទថា ខ្លួនបានប្រហារជីវិតសកម្មជនគាំទ្រលទ្ធិប្រជាធិបតេយ្យចំនួន ៤នាក់ដែលត្រូវបានចោទប្រកាន់ថាបានជួយដល់អំពើភេរវកម្ម ដែលបង្កឱ្យមានការថ្កោលទោសយ៉ាងខ្លាំង ចំពោះការប្រហារជីវិតលើកដំបូងរបស់សហភាពនេះ ក្នុងរយៈពេលជាច្រើនទសវត្សរ៍មកនេះ។រដ្ឋាភិបាលរួបរួមជាតិដែលកំពុងដឹកនាំកិច្ចខិតខំប្រឹងប្រែង ដើម្បីធ្វើឱ្យអន្តរាយដល់ការប៉ុនប៉ងរបស់របបយោធាក្នុងគ្រប់គ្រងសហភាពមីយ៉ាន់ម៉ាបាននិយាយថា វាដល់ពេលហើយសម្រាប់ការឆ្លើយតបជាអន្តរជាតិ។ លោក Kyaw Zaw អ្នកនាំពាក្យការិយាល័យប្រធានរដ្ឋាភិបាលរួបរួមជាតិបាននិយាយថា សហគមន៍ពិភពលោកត្រូវតែដាក់ទណ្ឌកម្មលើភាពឃោរឃៅរបស់ពួកគេ។ ប្រមុខសិទ្ធិមនុស្សរបស់អង្គការសហប្រជាជាតិលោកស្រី Michelle Bachelet បានចាត់ទុកការប្រហារជីវិតនេះថា ជាចំណាត់ការដ៏ឃោរឃៅ និងផ្ទុយពីបំណងរបស់យើង ដែលនឹងធ្វើឱ្យកាន់តែរីកធំដល់ការជាប់ពាក់ព័ន្ធក្នុងវិបត្តិដែលរបបនេះបានបង្កើតឡើង។ ទីប្រឹក្សាទោសប្រហារជីវិតរបស់អង្គការលើកលែងទោសអន្តរជាតិលោក Chiara Sangiorgio បាននិយាយថា ការប្រហារជីវិតនេះគឺជាដំណើរថយក្រោយ ហើយរបបយោធានឹងមិនបញ្ឈប់នៅត្រឹមនេះនោះទេ។លោក Elaine Pearson នាយកស្តីទីនៃអង្គការឃ្លាំមើលសិទ្ធិមនុស្សប្រចាំតំបន់អាស៊ីបាននិយាយថា វាគឺជាអំពើឃោរឃៅបំផុត ដែលមានបំណងធ្វើឱ្យមានចលនាតវ៉ាប្រឆាំងរដ្ឋប្រហារ។ អ្នកនាំពាក្យក្រសួងការបរទេសលោក Ned Price បាននិយាយថា សហរដ្ឋអាមេរិកកំពុងថ្កោលទោសការប្រហារជីវិតដោយយោធាសហភាពមីយ៉ាន់ម៉ា លើសកម្មជនគាំទ្រលទ្ធិប្រជាធិបតេយ្យ។ សហរដ្ឋអាមេរិកបានជំរុញឱ្យដៃគូ និងសម្ព័ន្ធមិត្តទាំងអស់ចូលរួមជាមួយយើង ក្នុងការថ្កោលទោសសកម្មភាពរបស់របបយោធា និងបង្កើនសម្ពាធលើអ្នកគាំទ្ររបស់របបនេះ។ ការប្រហារជីវិតត្រូវបានប្រកាសលើកដំបូងនៅក្នុងសារព័ត៌មាន Mirror Daily គ្រប់គ្រងដោយរដ្ឋ ដែលការកាត់ទោសត្រូវបានធ្វើឡើង ទោះបីជាមានការអង្វរពីទូទាំងពិភពលោកសម្រាប់ការលើកលែងទោស ចំពោះមនុស្សទាំង ៤នាក់រួមទាំងការស្នើសុំពីអ្នកជំនាញរបស់អង្គការសហប្រជាជាតិ និងកម្ពុជាដែលកាន់តំណែងជាប្រធានប្តូរវេននៃសមាគមប្រជាជាតិអាស៊ីអាគ្នេយ៍៕អត្ថបទ៖ ប៊ុនថន

អង្គការសុខភាពពិភពលោកអំពាវនាវឲ្យបង្កើនវិធានការប្រុងប្រយ័ត្នប្រឆាំងនឹងវីរុសអុតស្វា

WHO៖ អង្គការសុខភាពពិភពលោកបានកំពុងអំពាវនាវ ឲ្យបង្កើនវិធានការប្រុងប្រយ័ត្នប្រឆាំងនឹងវីរុសអុតស្វា ឬ (monkeypox) ចាប់តាំងពីអង្គការនេះបានប្រកាសពីការផ្ទុះរាលដាលសកលនៃវីរុសថា ជាគ្រាអាសន្នសុខភាពសាធារណៈនៃកង្វល់អន្តរជាតិកាលពីសប្ដាហ៍មុន។ អង្គការសុខភាពពិភពលោកបាននិយាយថា មានករណីឆ្លងជាង ១៦,០០០នាក់ពីប្រទេស និងដែនដីចំនួន ៧៥ និងមានករណីស្លាប់ ៥នាក់។ ទិន្នន័យទទួលបានពីមជ្ឈមណ្ឌលគ្រប់គ្រង និងបង្ការជំងឺឆ្លងសហរដ្ឋអាមេរិកបានបង្ហាញថា គិតត្រឹមថ្ងៃទី២០ ខែកក្កដា ប្រទេសអេស្ប៉ាញបានបញ្ជាក់ករណីឆ្លងច្រើនជាងគេបំផុតដល់ ៣,១២៥នាក់។ ចំនួននេះខ្ពស់ជាងសហរដ្ឋអាមេរិកដែលមាន ២,៨៩០ករណី, អាល្លឺម៉ង់ ២,២៦៨ករណី និងបារាំង ១,៥៦៧ករណី។អង្គការសុខភាពពិភពលោកបានចង្អុលបង្ហាញថា ការផ្ទុះរាលដាលនេះភាគច្រើនកើតឡើងនៅក្នុងចំណោមក្រុមបុរសដែលរួមភេទជាមួយបុរសដូចគ្នា ពិសេសក្រុមបុរសដែលមានដៃគូរួមភេទច្រើន ខណៈដែលអង្គការនេះក៏បាននិយាយផងដែរថា ការស្អប់ខ្ពើម និងការរើសអើងអាចគ្រោះថ្នាក់ដូចជាវីរុសនេះដែរ។ ក្រុមមន្ត្រីបានបន្ថែមថា មនុស្សគ្រប់គ្នាអាចឆ្លងវីរុសនេះ តាមរយៈការប្រាស្រ័យទាក់ទងគ្នាយ៉ាងជិតស្និទ្ធជាមួយអ្នកដែលបានឆ្លង ហើយជំងឺនេះមិនគួរត្រូវបានចាត់ទុកថាបានកំណត់ទៅលើក្រុមមនុស្សជាក់លាក់នោះទេ៕អត្ថបទ៖ សុខមាន

ស្រីលង្កានឹងរឹតត្បិតការនាំចូលប្រេងឥន្ធនៈរយៈពេល ១២ខែទៀត ខណៈវិបត្តិសេដ្ឋកិច្ចនៅតែបន្ត

ស្រីលង្កា៖ រដ្ឋមន្ត្រីក្រសួងថាមពលស្រីលង្កាបាននិយាយកាលពីថ្ងៃចន្ទថា ប្រទេសនេះនឹងរឹតត្បិតការនាំចូលប្រេងឥន្ធនៈរយៈពេល ១២ខែទៀតព្រោះតែកង្វះទុនបម្រុងអន្តរជាតិធ្ងន់ធ្ងរ ខណៈរដ្ឋាភិបាលថ្មីរបស់ប្រទេសដីកោះមួយនេះព្យាយាមស្វែងរកមធ្យោបាយដើរចេញពីវិបត្តិសេដ្ឋកិច្ចដ៏ធ្ងន់ធ្ងរនេះ។ ប្រទេសដែលមានប្រជាជន ២២លាននាក់មួយនេះ បានកំពុងព្យាយាមដោះស្រាយកង្វះខាតសំខាន់ៗរួមទាំងប្រេងឥន្ធនៈ និងថ្នាំពេទ្យរយៈពេលជាច្រើនខែមកនេះ ក្រោយទុនបម្រុងបរទេសរបស់ខ្លួនអស់ដោយសារតែការគ្រប់គ្រងសេដ្ឋកិច្ចមិនបានល្អ និងផលប៉ះពាល់ដោយសារជំងឺរាតត្បាតសកល COVID-19។ លោក Kanchana Wijesekera រដ្ឋមន្ត្រីថាមពលស្រីលង្កាបាននិយាយនៅក្នុងបណ្ដាញសង្គម tweeter ថា ដោយសារតែបញ្ហាទុនបម្រុងអន្តរជាតិ ការនាំចូលប្រេងនឹងត្រូវបានរឹតត្បិតនៅក្នុងរយៈពេល ១២ខែទៀត ដោយបកស្រាយថា ហេតុផលនៅពីក្រោយប្រព័ន្ធបែងចែកប្រេងឥន្ធនៈដែលកំពុងខ្វះខាតនេះនឹងត្រូវបានអនុវត្តន៍នៅសប្ដាហ៍នេះ។ប្រព័ន្ធបែងចែកនេះស្ថិតក្នុងចំណោមដំណាក់កាលដំបូងនានា ដែលប្រធានាធិបតីថ្មីរបស់ប្រទេសស្រីលង្កាលោក Ranil Wickremesinghe នឹងកាត់បន្ថយការប៉ះពាល់នៃវិបត្តិ ក្រោយឡើងកាន់តំណែងកាលពីសប្ដាហ៍មុន បន្ទាប់ពីទទួលបានជ័យជម្នះក្នុងការបោះឆ្នោតនៅសភា។ ស្រីលង្កាក៏បានបើកសាលារៀនឡើងវិញដែរកាលពីថ្ងៃចន្ទ ក្រោយកង្វះប្រេងឥន្ធនៈធ្ងន់ធ្ងរ និងភាពរំជើបរំជួលខាងនយោបាយនៅតែបន្តជិត ១ខែមកនេះ៕អត្ថបទ៖ សុខមាន

អ៊ុយក្រែនអំពាវនាវឲ្យអឺរ៉ុបចាត់វិធានការ ខណៈរុស្ស៊ីកាត់ផ្តាច់ឧស្ម័ន

អ៊ុយក្រែន៖ ក្រុមហ៊ុនឧស្ម័នរដ្ឋរបស់រុស្ស៊ីកាលពីថ្ងៃចន្ទបានប្រកាស ពីការកាត់ផ្ដាច់ក្នុងចំនួនដ៏ច្រើនដែលពុំបានរំពឹងទុកក្នុងការផ្គត់ផ្គង់ទៅកាន់អឺរ៉ុប ដែលឲ្យអ៊ុយក្រែនអំពាវនាវដល់លោកខាងលិចឲ្យចាត់វិធានការ ជុំវិញសង្គ្រាមឧស្ម័ន។ការប្រកាសកាត់ផ្ដាច់ឧស្ម័ននេះមានឡើង ស្របពេលមានក្ដីសង្ឃឹមកាន់តែច្រើននៃការនាំចេញឡើងវិញ នៅសប្ដាហ៍នេះលើទំនិញដ៏សំខាន់មួយផ្សេងទៀតនោះគឺគ្រាប់ធញ្ញជាតិរបស់អ៊ុយក្រែន ក្រោមកិច្ចព្រមព្រៀងប្រកបដោយផ្លែផ្កាមួយ ដែលត្រូវបានហៅថាជាបញ្ហាដោយការវាយប្រហារពីសំណាក់ក្រុង Moscow លើកំពង់ផែដ៏សំខាន់ Odesa។ Gazprom ដែលជាក្រុមហ៊ុនថាមពលខ្នាតយក្សរបស់រុស្ស៊ីបាននិយាយថា ខ្លួនបានកាត់ផ្ដាច់ការបង្ហូរឧស្ម័នប្រចាំថ្ងៃទៅកាន់អឺរ៉ុបតាមបំពង់បង្ហូរឧស្ម័ន Nord Stream រហូតដល់ ៣៣លានម៉ែត្រត្រីគុណប្រមាណ ២០% នៃសមត្ថភាពរបស់បំពង់បង្ហូរឧស្ម័នចាប់ពីថ្ងៃពុធនេះ។ក្រុមហ៊ុនបាននិយាយថា ខ្លួនកំពុងផ្អាកប្រតិបត្តិការមួយក្នុងចំណោមទួរបីនចំនួន២ ដែលកំពុងប្រតិបត្តិការចុងក្រោយដោយសារលក្ខខណ្ឌបច្ចេកទេសម៉ាស៊ីន។ ប្រទេសអាល្លឺម៉ង់ដែលពឹងផ្អែកខ្លាំងលើឧស្ម័នរបស់រុស្ស៊ី ប៉ុន្តែបានព្យាយាមកាត់បន្ថយបន្តិចម្ដងៗ ក្រោយការវាយប្រហាររបស់រុស្ស៊ីលើអ៊ុយក្រែនកាលពីថ្ងៃទី២៤កុម្ភៈបាននិយាយថា គ្មានការហេតុផលផ្នែកបច្ចេកទេសណាមួយសម្រាប់ការកាត់ផ្ដាច់នេះទេ។ លោកប្រធានាធិបតីអ៊ុយក្រែន Volodymyr Zelenskyy បាននិយាយថា ការកាត់ផ្ដាច់នេះបានបង្ហាញថា អឺរ៉ុបគួរតែបន្ថែមទណ្ឌកម្មលើរុស្ស៊ីឲ្យធ្ងន់ធ្ងរជាងនេះទៀត៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

យុវពុទ្ធិកសមាគមកម្ពុជរដ្ឋ ធ្វើទស្សនកិច្ចសិក្សាលើវិស័យទេសចរណ៍ និងមនុស្សធម៌ ជំរុញសក្តានុពលទេសចរណ៍ស្រុកកំពង់លែង

ក្រុមប្រឹក្សាធម្មនុញ្ញបានរួមចំណែកដោះស្រាយបញ្ហាធំៗរបស់ជាតិ

Real Madrid ឈានដល់កិច្ចព្រមព្រៀងផ្ទេរ Marc Cucurella ពី Chelsea ក្នុងតម្លៃជាង ៥១ លានផោន

ស.ស.យ.ក ប្រគល់ពានរង្វាន់ជ័យលាភី តែងនិពន្ធបទចម្រៀង និងកំណាព្យខួបចម្រើនព្រះជន្ម សម្ដេចព្រះមហាក្សត្រី នរោត្តម មុនិនាថ សីហនុ

អង់គ្លេសបានឃាត់ទុកនាវាដឹកប្រេង Smyrtosរបស់កងនាវាស្រមោលរុស្ស៊ី នៅច្រកសមុទ្រ English Channel

រយៈពេល៥ឆ្នាំមកនេះ ចិនបានផ្តល់ហិរញ្ញប្បទាន រួមចំណែកដល់ការអភិវឌ្ឍលើវិស័យអាទិភាពជាច្រើន

ប្រទេសស្លូវ៉ាគីនឹងទាមទារសំណងពីEUសម្រាប់អាវុធដែលបានផ្តល់ឲ្យអ៊ុយក្រែន

កម្លាំងចម្រុះរាជធានីភ្នំពេញ បន្តរកឃើញឃ្លាំងស្តុកទំនិញមួយកន្លែងទៀត ក្នុងខណ្ឌច្បារអំពៅ ដែលនាំទំនិញចូលពីប្រទេសថៃ និងមានទំនិញខ្លះហួសកាលបរិច្ឆេទប្រើប្រាស់

អាជ្ញាធររាជធានីបន្តការងារស្តារប្រព័ន្ធលូ និងសម្អាតទរទឹកភ្លៀងក្នុងខណ្ឌចំនួន ៥ ត្រៀមរំដោះជំនន់ទឹកភ្លៀង

កម្ពុជាដាក់ឱ្យអនុវត្តគោលការណ៍ណែនាំបច្ចេកទេសគ្រប់គ្រងគម្រោងអភិវឌ្ឍសហគមន៍ទេសចរណ៍ធម្មជាតិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Biden និង Xi កំណត់ពេលជួបសន្ទនាតាមទូរស័ព្ទក្នុងពេលមានភាពតានតឹងថ្មីជុំវិញបញ្ហាកោះតៃវ៉ាន់

ចិនព្រមានថា អាចនឹងឆ្លើយតបដោយយោធា ចំពោះដំណើរទស្សនកិច្ចរបស់ប្រធានសភាអាមេរិកទៅកោះតៃវ៉ាន់

រុស្ស៊ីនឹងដកខ្លួនចេញពីស្ថានីយអវកាសអន្តរជាតិក្រោយឆ្នាំ២០២៤

រុស្ស៊ីគ្រោងធ្វើសមយុទ្ធយោធាទ្រង់ទ្រាយធំនៅខែក្រោយក្នុងភាគខាងកើត

ការប្រហារជីវិតសកម្មជនប្រឆាំងរដ្ឋប្រហារ ៤នាក់នៅមីយ៉ាន់ម៉ានាំឲ្យមានការថ្កោលទោសជាសកល

អង្គការសុខភាពពិភពលោកអំពាវនាវឲ្យបង្កើនវិធានការប្រុងប្រយ័ត្នប្រឆាំងនឹងវីរុសអុតស្វា

ស្រីលង្កានឹងរឹតត្បិតការនាំចូលប្រេងឥន្ធនៈរយៈពេល ១២ខែទៀត ខណៈវិបត្តិសេដ្ឋកិច្ចនៅតែបន្ត

អ៊ុយក្រែនអំពាវនាវឲ្យអឺរ៉ុបចាត់វិធានការ ខណៈរុស្ស៊ីកាត់ផ្តាច់ឧស្ម័ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Biden និង Xi កំណត់ពេល​ជួប​សន្ទនា​តាម​ទូរស័ព្ទ​ក្នុង​ពេល​មាន​ភាព​តានតឹង​ថ្មី​ជុំវិញ​បញ្ហា​កោះ​តៃវ៉ាន់

រុស្ស៊ី​នឹង​ដកខ្លួន​ចេញពី​ស្ថានីយ​អវកាស​អន្តរជាតិ​ក្រោយ​ឆ្នាំ​២០២៤

រុស្ស៊ី​គ្រោង​ធ្វើ​សមយុទ្ធ​យោធា​ទ្រង់ទ្រាយ​ធំ​នៅ​ខែក្រោយ​ក្នុង​ភាគ​ខាងកើត

ការ​ប្រហារ​ជីវិត​សកម្មជន​ប្រឆាំង​រដ្ឋប្រហារ​ ៤​នាក់​នៅ​មី​យ៉ាន់​ម៉ា​នាំ​ឲ្យ​មានការ​ថ្កោលទោស​ជា​សកល​

អង្គការ​សុខភាព​ពិភពលោក​អំពាវនាវ​ឲ្យ​បង្កើន​វិធានការ​ប្រុងប្រយ័ត្ន​ប្រឆាំង​នឹង​វីរុស​អុត​ស្វា​

ស្រីលង្កា​នឹង​រឹតត្បិត​ការនាំ​ចូល​ប្រេងឥន្ធនៈ​រយៈពេល ​១២​ខែ​ទៀត ខណៈ​វិបត្តិ​សេដ្ឋកិច្ច​នៅតែ​បន្ត​

អ៊ុយ​ក្រែ​ន​អំពាវនាវ​ឲ្យ​អឺរ៉ុប​ចាត់វិធានការ ខណៈ​រុស្ស៊ី​កាត់​ផ្តាច់​ឧស្ម័ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Biden និង Xi កំណត់ពេលជួបសន្ទនាតាមទូរស័ព្ទក្នុងពេលមានភាពតានតឹងថ្មីជុំវិញបញ្ហាកោះតៃវ៉ាន់

រុស្ស៊ីនឹងដកខ្លួនចេញពីស្ថានីយអវកាសអន្តរជាតិក្រោយឆ្នាំ២០២៤

រុស្ស៊ីគ្រោងធ្វើសមយុទ្ធយោធាទ្រង់ទ្រាយធំនៅខែក្រោយក្នុងភាគខាងកើត

ការប្រហារជីវិតសកម្មជនប្រឆាំងរដ្ឋប្រហារ ៤នាក់នៅមីយ៉ាន់ម៉ានាំឲ្យមានការថ្កោលទោសជាសកល

អង្គការសុខភាពពិភពលោកអំពាវនាវឲ្យបង្កើនវិធានការប្រុងប្រយ័ត្នប្រឆាំងនឹងវីរុសអុតស្វា

ស្រីលង្កានឹងរឹតត្បិតការនាំចូលប្រេងឥន្ធនៈរយៈពេល ១២ខែទៀត ខណៈវិបត្តិសេដ្ឋកិច្ចនៅតែបន្ត

អ៊ុយក្រែនអំពាវនាវឲ្យអឺរ៉ុបចាត់វិធានការ ខណៈរុស្ស៊ីកាត់ផ្តាច់ឧស្ម័ន