BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

កាកបាទក្រហមកម្ពុជា ទទួលថវិកាពីសមាគមឧកញ៉ាកម្ពុជាចំនួន ១,០០៩,៩៩៩ ដុល្លារ អាមេរិក ក្នុងទិវា ៨ឧសភា ២០២៦

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

ព័ត៌មានសំខាន់ៗ

សម្តេចអគ្គមហាពញាចក្រី ហេង សំរិន អនុញ្ញាតឱ្យ សមាជិកគណៈកម្មាធិការកណ្តាលមជ្ឈឹមបក្សកុម្មុយនីស្ត វៀតណាម និងជាប្រធានសហព័ន្ធនារីវៀតណាម ចូលជួបសម្តែងការគួរសម

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានអនុញ្ញាតឱ្យ លោកជំទាវ ហា ធីង៉ា សមាជិកគណៈកម្មាធិការកណ្តាលមជ្ឈឹមបក្សកុម្មុយនីស្ត វៀតណាម និងជាប្រធានសហព័ន្ធនារីវៀតណាម ចូលជួបសម្តែងការគួរសមនៅពេលដែលលោកជំទាវ ដឹកនាំគណៈប្រតិភូមកបំពេញទស្សនកិច្ចនៅព្រះរាជាណាចក្រកម្ពុជា។លោកជំទាវ ហា ធីង៉ា បានថ្លែងអំណរគុណយ៉ាងជ្រាលជ្រៅជូនចំពោះ សម្តេចប្រធានរដ្ឋសភា ដែលបានចំណាយពេលវេលាដ៏មមាញឹក និងមានតម្លៃរបស់សម្តេច អនុញ្ញាតឱ្យគណៈប្រតិភូបានចូលជួបសម្តែងការគួរសមនាឱកាសនេះ។ លោកជំទាវ បានជម្រាបសម្តេចប្រធានរដ្ឋសភា ពីលទ្ធផលការងារដែលសហព័ន្ធនារីវៀតណាម បានសម្រេចបាននាពេលកន្លងមក នៅក្នុងនោះមានកិច្ចសហប្រតិបត្តិការដ៏ល្អ រវាងសមាគមនារីកម្ពុជាដើម្បីសន្តិភាពនិងការអភិវឌ្ឍ ដែលទើបបញ្ចប់កិច្ចសហប្រតិបត្តិការជាមួយគ្នាពីឆ្នាំ២០១៧ ដល់ឆ្នាំ២០២២ និងត្រៀមចុះកិច្ចសហប្រតិបត្តិការ ៥ឆ្នាំបន្តទៀត។លោកជំទាវ ប្រធានគណៈប្រតិភូ បានជម្រាបជូន សម្តេចប្រធានរដ្ឋសភាថា នៅក្នុងរដ្ឋសភាប្រទេសវៀតណាម ដែលមានសមាជិកចំនួន ៤៩៩នាក់ មានសមាជិកជានារីចំនួន១៥១នាក់ ដែលស្មើប្រមាណជាង៣០%។ លោកជំទាវ ហា ធីង៉ា បានគោរពស្នើសូម សម្តេចអគ្គមហាពញាចក្រី ហេង សំរិន បង្កលក្ខណៈងាយស្រួលដល់កិច្ចសហប្រតិបត្តិការរវាងសមាជិករដ្ឋសភាកម្ពុជាជាស្រ្តី និងសហព័ន្ធនារីវៀតណាម នៅក្នុងការផ្លាស់ប្តូរបទពិសោធន៍ជាមួយគ្នានាពេលអនាគត។ក្នុងនាមរដ្ឋសភា សម្តេចអគ្គមហាពញាចក្រី ហេង សំរិន មានសេចក្តីសោមនស្សរីករាយ សូមស្វាគមន៍ លោកជំទាវ ហា ធីង៉ា និងគណៈប្រតិភូ ដែលបានអញ្ជើញមកបំពេញទស្សនកិច្ច នៅកម្ពុជា។ ដំណើរទស្សនកិច្ចនេះ ពិតជារួមចំណែកដល់ការពង្រឹងទំនាក់ទំនង មិត្តភាព សាមគ្គីភាពជាប្រពៃណី និងកិច្ចសហប្រតិបត្តិការ លើគ្រប់វិស័យរវាងបក្ស រដ្ឋ និងប្រជាជនប្រទេសទាំងពីរ។ សម្តេច បានអបអរសាទរលោកជំទាវ ដែលបានជាប់ឆ្នោតសារជាថ្មី ជាប្រធានសហព័ន្ធនារីវៀតណាម សម្រាប់អាណត្តិទី១៣ ឆ្នាំ២០២២-២០២៧ ផងដែរ។សម្តេចប្រធានរដ្ឋសភាបានមានប្រសាសន៍លើកឡើងថា វត្តមានស្រ្តីនៅក្នុងវិស័យនយោបាយ និងកិច្ចការសង្គមទូទៅ ទាំងនៅវៀតណាម និងកម្ពុជា មិនត្រឹមតែជួយលើកកម្ពស់សិទ្ធិនារី និងការជំរុញលើកកម្ពស់សមភាពយ៉េនឌ័រ ដែលជារបៀបវារៈនយោបាយដ៏សំខាន់របស់សកលលោកបច្ចុប្បន្នប៉ុណ្ណោះទេ ប៉ុន្តែការរួមចំណែកយ៉ាងសំខាន់ ក្នុងការអភិវឌ្ឍប្រទេសជាតិរបស់ខ្លួន និងសកលលោកផងដែរ។ វត្តមានស្រ្តី នៅក្នុងវិស័យកិច្ចការសង្គមនយោបាយ ជាកម្លំាងស្នូល និងជាឆ្អឹងខ្នងដ៏សំខាន់មិនអាចខ្វះបាន ក្នុងរួមចំណែកថែរក្សាសន្តិភាពសណ្តាប់ធ្នាប់សង្គម ជាពិសេស ជួយជំរុញកំណើនសេដ្ឋកិច្ចសង្គម។ សម្តេចអគ្គមហាពញាចក្រី ហេង សំរិន បានសង្កត់ធ្ងន់ថា នៅកម្ពុជា វត្តមានស្ត្រី ទាំងក្នុងក្របខណ្ឌបក្ស រដ្ឋ និងវិស័យឯកជន ត្រូវបានលើកកម្ពស់ជាមួយនិងបរិមាណ កំណើនគួរឱ្យកត់សំគាល់ នៅស្ទើរគ្រប់វិស័យសាធារណទាំង នៅថ្នាក់ជាតិ និងថ្នាក់ក្រោមជាតិ។ ឆ្លៀតឱកាសនោះ សម្តេចបានគាំទ្រ និងលើកទឹកចិត្តក្នុងការជំរុញការអនុវត្តកិច្ចព្រមព្រៀង រវាងសមាគមនារីកម្ពុជា ដើម្បីសន្តិភាព និងការអភិវឌ្ឍ និងសហព័ន្ធនារីវៀតណាម ឱ្យបានកាន់តែល្អថែមទៀត៕

ប្រធានអាស៊ានតក់ស្លុត និងសោកស្តាយយ៉ាងខ្លាំង បន្ទាប់ពីមានការប្រហារជីវិតសកម្មជនបក្សប្រឆាំងចំនួន ៤នាក់ នៅមីយ៉ាន់ម៉ា

ភ្នំពេញ៖ ប្រធានអាស៊ាន មានក្តីតក់ស្លុត និងសោកស្តាយយ៉ាងខ្លាំង បន្ទាប់ពីមានការប្រហារជីវិតសកម្មជនបក្សប្រឆាំងចំនួន ៤នាក់ បើទោះបីមានការស្នើឲ្យមានការពិចារណាឡើងវិញក៏ដោយ។ប្រធានអាស៊ាន នៅតែប្រកាសបន្តរិះរកវិធីសាស្ត្រឲ្យមីយ៉ាន់ម៉ាត្រលប់ទៅរកប្រក្រតីភាព និងដំណើរការកែប្រែទៅរកលទ្ធិប្រជាធិបតេយ្យ ហើយស្វែងរកដំណោះស្រាយនយោបាយដោយសន្តិវិធី។

ចិននិយាយថា សមុទ្រចិនខាងត្បូងមិនមែនជាវាទិកាប្រយុទ្ធសម្រាប់បណ្ដាប្រទេសមហាអំណាចឡើយ

ចិន៖ រដ្ឋមន្ត្រីក្រសួងការបរទេសចិនលោក Wang Yi បាននិយាយនៅថ្ងៃចន្ទនេះថា សមុទ្រចិនខាងត្បូងមិនមែនជាសួនសត្វសម្រាប់បណ្ដាប្រទេសក្រៅតំបន់ ឬជាវាទិកាប្រយុទ្ធសម្រាប់មហាអំណាចដែលត្រូវមកប្រជែងគ្នាដែរ។ លោក Wang បាននិយាយនៅក្នុងសុន្ទរកថាបើកសិក្ខាសាលាតាម online រំលឹកពីខួបទី២០ នៃការចុះហត្ថលេខាលើសេចក្ដីប្រកាសស្ដីពីក្រមប្រតិបត្តិនៃគូភាគីក្នុងសមុទ្រចិនខាងត្បូងថា បញ្ហាសមុទ្រចិនខាងត្បូងគួរត្រូវបានដោះស្រាយដោយបណ្ដាប្រទេសក្នុងតំបន់ដោយខ្លួនឯង។ សេចក្ដីប្រកាសនេះត្រូវបានចុះហត្ថលេខារួមគ្នាដោយប្រទេសចិន និងបានបញ្ជាក់ជាថ្មីនូវសេរីភាពនៃការធ្វើនាវាចរណ៍ ការហោះហើរលើដែនសមុទ្រ ដំណោះស្រាយជម្លោះប្រកបដោយសន្តិវិធី និងការអត់ធ្មត់ខ្លួនឯងក្នុងក្រមប្រតិបត្តិនៃសកម្មភាពនានា។ ការអត្ថាធិប្បាយដែលត្រូវបានធ្វើឡើងដោយប្រមុខការទូតចិនរូបនេះ មានឡើងប៉ុន្មានថ្ងៃក្រោយក្រុងប៉េកាំងបានចោទទីក្រុងកង់បេរ៉ា ប្រទេសអូស្ត្រាលី ពីបទបង្កហេតុក្នុងដែនសមុទ្រនេះ៕អត្ថបទ៖ សុខមាន

ខ្មាន់កាំភ្លើងបាញ់ប្រហារនៅបរិវេណសកលវិទ្យាល័យហ្វីលីពីនបណ្តាលឲ្យមនុស្ស ៣នាក់ស្លាប់

ហ្វីលីពីន៖ នគរបាលហ្វីលីពីនបាននិយាយថា ខ្មាន់កាំភ្លើងម្នាក់បានបាញ់ប្រហារនៅបរិវេណសកលវិទ្យាល័យ ក្នុងតំបន់រដ្ឋធានីប្រទេសហ្វីលីពីនកាលពីថ្ងៃអាទិត្យបណ្តាលឲ្យអតីតអភិបាលក្រុងម្នាក់ និងមនុសុ្សពីរនាក់ផ្សេងទៀតស្លាប់នៅក្នុងការវាយប្រហារមួយនៅមុនពិធីប្រគល់សញ្ញាប័ត្រ។ នគរបាលនិយាយថា ជនសង្ស័យប្រដាប់ដោយកាំភ្លើងខ្លីពីរដើម ហើយត្រូវបានចាប់ខ្លួននៅក្នុងរថយន្តដែលព្យាយាមរត់គេចខ្លួនពីសកលវិទ្យាល័យ Ateneo de Manila ក្នុងទីក្រុង Quezon។ ខ្មាន់កាំភ្លើងត្រូវបានរារាំងដោយមនុស្សជាច្រើន និងអាជ្ញាធរនៅខាងក្រៅច្រកទ្វារចូលសកលវិទ្យាល័យ។ នគរបាលនិយាយថា សកលវិទ្យាល័យដ៏ធំទូលាយត្រូវបានដាក់នៅក្រោមវិធានការបិទខ្ទប់ ហើយពិធីប្រគល់សញ្ញាប័ត្រនៅសាលាច្បាប់ក្នុងបរិវេណសកលវិទ្យាល័យត្រូវបានលុបចោល។ ក្រុមអ្នកស៊ើបអង្កេតកំពុងព្យាយាមកំណត់ពីមូលហេតុនៃការវាយប្រហារនេះ ប៉ុន្តែអធិការនគរបាលក្រុង Quezon បាននិយាយថា ជនសង្ស័យដែលជាវេជ្ជបណ្ឌិត មានជម្លោះជាយូរមកហើយជាមួយលោកស្រី Rosita Furigay អតីតអភិបាលក្រុង Lamitan នៅខេត្ត Basilan ភាគខាងត្បូង។លោកស្រីបានស្លាប់ក្នុងការវាយប្រហាររួមជាមួយជំនួយការរបស់លោកស្រី និងអ្នកយាមនៅសកលវិទ្យាល័យ។ របាយការណ៍របស់នគរបាលបាននិយាយថា កូនស្រីរបស់លោកស្រី Furigay ដែលត្រូវបានគេសន្និដ្ឋានថានឹងចូលរួមពិធីប្រគល់សញ្ញាប័ត្រនេះបានរងរបួស ហើយត្រូវបានបញ្ជូនទៅមន្ទីរពេទ្យ។ ប្រធានាធិបតីទើបជាប់ឆ្នោតថ្មីលោក Ferdinand Marcos Jr. បានសន្យាថានឹងស៊ើបអង្កេតឲ្យបានឆាប់រហ័ស ហើយអ្នកដែលនៅពីក្រោយឃាតកម្មនេះនឹងត្រូវបាននាំមកកាត់ទោស៕អត្ថបទ៖ ប៊ុនថន

ភ្លើងឆេះព្រៃនៅរដ្ឋ California បង្ខំឲ្យមនុស្សរាប់ពាន់នាក់ភៀសខ្លួន និងប្រកាសដាក់រដ្ឋក្នុងគ្រាអាសន្ន

សហរដ្ឋអាមេរិក៖ មនុស្សជាង 6,000នាក់ដែលរស់នៅក្រៅឧទ្យានជាតិ Yosemite ក្នុងរដ្ឋ California ត្រូវបានគេបញ្ជាឱ្យជម្លៀសចេញ ស្របពេលមានភ្លើងឆេះព្រៃដែលកំពុងឆេះរាលដាលក្នុងសន្ទុះយ៉ាងលឿន ខណៈដែលគ្រោះរាំងស្ងួត និងសីតុណ្ហភាពខ្ពស់នៅតែបន្ត ជំរុញឲ្យអណ្តាតភ្លើងឆេះកាន់តែគ្រោះថ្នាក់ខ្លាំងឡើងនៅភាគខាងលិចសហរដ្ឋអាមេរិក។ អភិបាលរដ្ឋលោក Gavin Newsom កាលពីថ្ងៃសៅរ៍បានប្រកាសដាក់រដ្ឋក្នុងគ្រាអាសន្ននៅក្នុងតំបន់ Mariposa ខណៈដែលភ្លើងឆេះព្រៃមានឈ្មោះថា Oak ដែលបានចាប់ផ្តើមមួយថ្ងៃមុននេះបានឆេះរាលដាលលើផ្ទៃដីទំហំជាង 4,800ហិចតា។ ការប្រកាសដាក់រដ្ឋក្នុងគ្រាអាសន្ននេះបានកើតឡើង ស្របពេលដែលក្រុមអ្នកពន្លត់អគ្គិភ័យកំពុងពន្លត់អណ្ដាតភ្លើងដាច់ដោយឡែកពីគ្នាមួយទៀត គឺភ្លើងឆេះព្រៃឈ្មោះ Washburn នៅខាងក្នុងឧទ្យាន Yosemite ដែលបានគំរាមកំហែងដល់ព្រៃឈើបុរាណធំៗដ៏ប្រណិត។ភ្លើងឆេះព្រៃ Oak គឺជាភ្លើងដ៏ធំបំផុតរហូតមកដល់ពេលនេះនៅក្នុងរដ្ឋនេះ ហើយកើតឡើងស្របពេលរដូវភ្លើងឆេះព្រៃដ៏សកម្មមួយ ដែលក្រុមអ្នកវិទ្យាសាស្ត្រនិយាយថា បានក្លាយទៅជាការបំផ្លិចបំផ្លាញកាន់តែខ្លាំងក្នុងរយៈពេល 30ឆ្នាំចុងក្រោយនេះដោយសារតែការប្រែប្រួលអាកាសធាតុ។ ក្រុមអ្នកពន្លត់អគ្គិភ័យជាង 400នាក់កំពុងប្រយុទ្ធនឹងអណ្ដាតភ្លើងដ៏សន្ធោសន្ធៅចុងក្រោយនៅក្នុងរដ្ឋ California ដោយប្រើឧទ្ធម្ភាគចក្រ យន្តហោះផ្សេងទៀត និងគ្រឿងចក្រសម្រាប់ឈូសឆាយដើម្បីពន្លត់អណ្ដាតភ្លើង៕អត្ថបទ៖ សុខមាន

ក្រុមសិទ្ធិមនុស្សស្វែងរកការចាប់ខ្លួនអតីតប្រធានាធិបតីស្រីលង្កានៅប្រទេសសិង្ហបុរី

ស្រីលង្កា៖ ក្រុមសិទ្ធិមនុស្សបាននិយាយកាលពីថ្ងៃអាទិត្យថា ខ្លួនបានដាក់ពាក្យបណ្តឹងព្រហ្មទណ្ឌទៅរដ្ឋអាជ្ញារបស់ប្រទេសសិង្ហបុរី ដើម្បីស្វែងរកការចាប់ខ្លួនអតីតប្រធានាធិបតីប្រទេសស្រីលង្កា ពីបទឧក្រិដ្ឋកម្មសង្គ្រាមក្នុងអំឡុងពេលសង្គ្រាមស៊ីវិលរបស់ប្រទេសរបស់លោក។ លោក Gotabaya Rajapaksa ត្រូវបានបណ្តេញចេញពីតំណែងដោយសារការដួលរលំសេដ្ឋកិច្ចរបស់ស្រីលង្កា ហើយបានភៀសខ្លួនទៅកាន់ប្រទេសសិង្ហបុរីកាលពីដើមខែនេះ។ លោកគឺជារដ្ឋមន្ត្រីក្រសួងការពារជាតិ ក្នុងអំឡុងពេលសង្គ្រាមស៊ីវិលរបស់ប្រទេសស្រីលង្កាដែលបានបញ្ចប់កាលពីក្នុងឆ្នាំ២០០៩។ គម្រោងការពិត និងយុត្តិធម៌អន្តរជាតិ ជាអង្គការប្រមូលភស្តុតាងដែលគ្រប់គ្រងដោយមូលនិធិមិនស្វែងរកប្រាក់ចំណេញ មានមូលដ្ឋាននៅអាហ្វ្រិកខាងត្បូងបាននិយាយថា មេធាវីរបស់ខ្លួនបានដាក់ពាក្យបណ្តឹងស្នើសុំឱ្យចាប់ខ្លួនលោក Rajapaksa ជាបន្ទាន់។ ពាក្យបណ្តឹងនេះបានចោទប្រកាន់ថា អតីតប្រធានាធិបតីស្រីលង្ការូបនេះបានប្រព្រឹត្តបំពានយ៉ាងធ្ងន់ធ្ងរ លើអនុសញ្ញាទីក្រុងហ្សឺណែវក្នុងអំឡុងពេលសង្គ្រាមស៊ីវិល "ហើយថាទាំងនេះគឺជាឧក្រិដ្ឋកម្មដែលស្ថិតនៅក្រោមការកាត់ទោសក្នុងស្រុក នៅក្នុងប្រទេសសិង្ហបុរីក្រោមយុត្តាធិការសកល"។វិបត្តិសេដ្ឋកិច្ចរបស់ប្រទេសស្រីលង្កាបានធ្វើឱ្យប្រជាជន ២២លាននាក់របស់ប្រទេសនេះជួបការលំបាកដោយកង្វះខាតសម្ភារៈប្រើប្រាស់សំខាន់ៗ រួមទាំងថ្នាំពេទ្យ ប្រេងឥន្ធនៈ និងអាហារ។ ការតវ៉ាជាច្រើនខែបានផ្តោតលើខ្សែស្រឡាយនយោបាយរបស់លោក Rajapaksa ដែលបានគ្រប់គ្រងប្រទេសជិតពីរទសវត្សរ៍កន្លងមកនេះ។ នាយកប្រតិបត្តិរបស់គម្រោងការពិត និងយុត្តិធម៌អន្តរជាតិហៅកាត់ថា ITJP លោកស្រី Yasmin Sooka បាននិយាយថា "ការដួលរលំនៃសេដ្ឋកិច្ចបានធ្វើឱ្យរដ្ឋាភិបាលដួលរលំ ប៉ុន្តែវិបត្តិនៅក្នុងប្រទេសស្រីលង្កាគឺពិតជាត្រូវបានផ្សារភ្ជាប់ ទៅនឹងនិទ្ទណ្ឌភាពជារចនាសម្ព័ន្ធចំពោះឧក្រិដ្ឋកម្មអន្តរជាតិធ្ងន់ធ្ងរ ដែលនឹងត្រលប់មកវិញក្នុងរយៈពេល ៣ទសវត្សរ៍ ឬច្រើនជាងនេះ។ យោងតាមការប៉ាន់ប្រមាណរបស់អង្គការសហប្រជាជាតិអភិរក្សនិយម សង្គ្រាមស៊ីវិលរបស់ប្រទេសស្រីលង្កាបានសម្លាប់មនុស្ស ១០០,០០០នាក់។ គេជឿថា ចំនួនពិតប្រាកដមានច្រើនជាងនេះ។ របាយការណ៍ពីក្រុមអ្នកជំនាញរបស់អង្គការសហប្រជាជាតិបាននិយាយថា ជនស៊ីវិលជនជាតិភាគតិចតាមិលយ៉ាងហោចណាស់ ៤០,០០០នាក់ត្រូវបានសម្លាប់នៅក្នុងខែចុងក្រោយនៃការប្រយុទ្ធគ្នាតែមួយគត់៕អត្ថបទ៖ សុខមាន

រដ្ឋសភាបញ្ចូលសេចក្តីព្រាងច្បាប់ស្តីពីវិសោធនកម្មមាត្រាមួយចំនួននៃរដ្ឋធម្មនុញ្ញក្នុងសម័យប្រជុំពេញអង្គនៅថ្ងៃព្រហស្បតិ៍សប្តាហ៍នេះ

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នាព្រឹកថ្ងៃទី២៥ ខែកក្កដា ឆ្នាំ២០២២នេះ នៅវិមានរដ្ឋសភា។ ក្នុងនោះ កិច្ចប្រជុំបានអនុម័តកំណត់កាលបរិច្ឆេទបន្តសម័យប្រជុំរដ្ឋសភាលើកទី៧ នីតិកាលទី៦ និងរបៀបវារៈនៃកិច្ចប្រជុំពេញអង្គ។ កិច្ចប្រជុំគណៈកម្មាធិការអចិន្រ្តៃយ៍ បានអនុម័តកំណត់កាលបរិច្ឆេទបន្តសម័យប្រជុំរដ្ឋសភា លើកទី៧ នីតិកាលទី៦ នៅព្រឹកថ្ងៃព្រហស្បតិ៍ ទី២៨ ខែកក្កដា ឆ្នាំ២០២២ ដោយមានរបៀបវារៈចំនួន៥ នៅក្នុងនោះ សម័យប្រជុំរដ្ឋសភានឹងធ្វើការពិភាក្សា និងអនុម័តសេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា១៩ ថ្មី (មួយ) មាត្រា៨៩ មាត្រា៩៨ ថ្មី មាត្រា១០២ ថ្មី មាត្រា១១៩ ថ្មី (មួយ) និងមាត្រា១២៥ ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣ ថ្មី និងមាត្រា៤ ថ្មី នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ។ក្រៅពីសេចក្តីព្រាងច្បាប់ខាងលើនេះ សម័យប្រជុំរដ្ឋសភានឹងធ្វើការពិភាក្សា និងអនុម័តសេចក្តីព្រាងច្បាប់ ស្តីពីការគ្រប់គ្រងចំណូលមិនមែនសារពើពន្ធ។ ការពិភាក្សា និងអនុម័តសេចក្តីព្រាងច្បាប់ស្តីពី ការអនុម័តយល់ព្រមលើ៖ កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃតំបន់សេដ្ឋកិច្ចពិសេសម៉ាកាវ នៃសាធារណរដ្ឋប្រជាមានិតចិន ស្តីពីការលុបបំបាត់ការយកពន្ធត្រួតគ្នាពាក់ព័ន្ធនឹងពន្ធលើប្រាក់ចំណូល និងការបង្ការការគេចវេះពន្ធ និងការចៀសវាងពន្ធ និង កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋតួកគី ស្តីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូល។ចំណែករបៀបវារៈមួយទៀត គឺការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមឱ្យព្រះរាជាណាចក្រ កម្ពុជាចូលជាភាគី នៃអនុសញ្ញាស្តីពីជំនួយក្នុងករណីមានគ្រោះមហន្តរាយនុយក្លេអ៊ែរ ឬគ្រោះអាសន្នវិទ្យុសកម្ម។ នៅក្នុងសម័យប្រជុំពេញអង្គរដ្ឋសភានាព្រឹកថ្ងៃទី២៨ កក្កដា ខាងមុខនេះ នឹងប្រកាសការសម្រេចអំពីសុពលភាពនៃអាណត្តិរបស់ ឯកឧត្តម ចាប ម៉ុច ជាតំណាងរាស្រ្តមណ្ឌលខេត្តកណ្តាល ជំនួស ឯកឧត្តមសន្តិបណ្ឌិត ឌុល គឿន ដែលបានទទួលមរណភាព ផងដែរ៕

សង្គ្រាមនៅអ៊ុយក្រែនឈានចូលដល់ខែទី៦ ដោយមិនមានសញ្ញាធូរស្រាលនៅឡើយ

រុស្ស៊ី៖ រុស្ស៊ីបាននិយាយថា កងកម្លាំងរបស់ខ្លួនបានវាយប្រហារលើនាវាចម្បាំងអ៊ុយក្រែន និងឃ្លាំងអាវុធមួយនៅទីក្រុង Odesa ដោយប្រើមីស៊ីលត្រង់ស៊ីបគោលដៅ ខណៈសង្គ្រាមបានឈានចូលដល់ខែទី៦ ឬមានរយៈពេល ១៥២ថ្ងៃ ដោយមិនមានសញ្ញានៃការធូរស្រាលនៅឡើយ។ យោធាអ៊ុយក្រែនបានរាយការណ៍ពីការបាញ់ផ្លោងរបស់រុស្ស៊ីនៅភាគខាងជើង ខាងត្បូង និងខាងកើត ហើយការវាយប្រហារជាថ្មីទៀតបានសំដៅទៅលើប្រតិបត្តិការរបស់រុស្ស៊ី ដែលបើកផ្លូវសម្រាប់ការវាយលុកលើទីក្រុង Bakhmut ក្នុងតំបន់ Donbas ភាគខាងកើត។ អ៊ុយក្រែនបានពន្លឿនការរុលទៅមុខជាមួយនឹងកិច្ចខិតខំប្រឹងប្រែង ដើម្បីចាប់ផ្តើមការនាំចេញគ្រាប់ធញ្ញជាតិឡើងវិញពីកំពង់ផែសមុទ្រខ្មៅរបស់ខ្លួន ក្រោមកិច្ចព្រមព្រៀងដែលមានគោលបំណងកាត់បន្ថយការកង្វះស្បៀងអាហារសកល ប៉ុន្តែបានព្រមានថា ការដឹកជញ្ជូននឹងរងការប៉ះពាល់ប្រសិនបើការវាយប្រហារដោយមីស៊ីលរបស់រុស្ស៊ីលើទីក្រុង Odesa គឺជាសញ្ញានៃការកើតឡើងភាពតានតឹងបន្ថែមទៀត។ លោកប្រធានាធិបតីអ៊ុយក្រែន Volodymyr Zelensky បានថ្កោលទោសការវាយប្រហារកាលពីថ្ងៃសៅរ៍ថាជា "អំពើព្រៃផ្សៃនិយម" ដែលបង្ហាញថា ទីក្រុង Moscow មិនអាចជឿទុកចិត្តបានក្នុងការអនុវត្តកិច្ចព្រមព្រៀង ដែលបានធ្វើឡើងមុនមួយថ្ងៃដោយមានការសម្របសម្រួលពីភាគីប្រទេសទួរគី និងអង្គការសហប្រជាជាតិ។ចំណែករុស្ស៊ីវិញនិយាយថា ការវាយប្រហារទៅលើកំពង់ផែអ៊ុយក្រែន ជាការដាក់គោលដៅទៅលើតែយោធាប៉ុណ្ណោះ។ យោធាអ៊ុយក្រែនដែលត្រូវបានដកស្រង់ដោយទូរទស្សន៍រដ្ឋ Suspilne បាននិយាយថា មីស៊ីលរបស់រុស្ស៊ីមិនបានប៉ះចំតំបន់ស្តុកគ្រាប់ធញ្ញជាតិរបស់កំពង់ផែ ឬបណ្តាលឱ្យខូចខាតធ្ងន់ធ្ងរនោះទេ។ ក្រុង Kyiv បាននិយាយថា ការរៀបចំដើម្បីបន្តការនាំចេញគ្រាប់ធញ្ញជាតិគឺកំពុងបន្ត។ កិច្ចព្រមព្រៀងដែលបានចុះហត្ថលេខាដោយទីក្រុង Moscow និងក្រុង Kyiv កាលពីថ្ងៃសុក្រសប្ដាហ៍មុនត្រូវបានសាទរថា ជាលទ្ធផលផ្លែផ្កាការទូតដែលនឹងជួយទប់ស្កាត់ការហក់ឡើងនៃតម្លៃស្បៀងអាហារពិភពលោក ដោយការស្ដារឡើងវិញនូវការនាំចេញគ្រាប់ធញ្ញជាតិរបស់អ៊ុយក្រែន ដល់កម្រិតមុនសង្គ្រាមចំនួន ៥លានតោនក្នុងមួយខែ។ យោងតាមកម្មវិធីស្បៀងអាហារពិភពលោកបានឱ្យដឹងថា ដោយសារតែការដាក់ទណ្ឌកម្មរបស់បណ្ដាប្រទេសលោកខាងលិចលើប្រទេសរុស្ស៊ី បានធ្វើឱ្យមានអតិផរណាតម្លៃស្បៀងអាហារ និងថាមពល ដែលជំរុញឱ្យមនុស្សប្រហែល ៤៧លាននាក់ធ្លាក់ចូលក្នុង "ភាពអត់ឃ្លានធ្ងន់ធ្ងរ"៕អត្ថបទ៖ សុខមាន

ព្រះករុណា ព្រះមហាក្សត្រ និងសម្តេចម៉ែ ប្រោសព្រះរាជទានព្រះរាជទ្រព្យចូលរួមជាមួយរាជរដ្ឋាភិបាលសម្រាប់ដោះស្រាយបញ្ហាគ្រាប់មីននៅទូទាំងប្រទេស

ភ្នំពេញ៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សម្ដេច ព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ប្រោសព្រះរាជទានព្រះរាជទ្រព្យចូលរួមជាមួយរាជរដ្ឋាភិបាលសម្រាប់ដោះស្រាយបញ្ហាគ្រាប់មីននៅទូទាំងប្រទេស។យោងតាមព្រះរាជសារចុះថ្ងៃទី២៥ ខែកក្កដា ឆ្នាំ២០២២នេះ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទាន ព្រះរាជទ្រព្យ ៥០ម៉ឺនដុល្លារអាមេរិក និងសម្ដេច ព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គលព្រះរាជទាន ព្រះរាជទ្រព្យ ១លានដុល្លារសហរដ្ឋអាមេរិក ចូលរួមជាមួយរាជរដ្ឋាភិបាល សម្រាប់ដោះស្រាយបញ្ហាគ្រាប់មីននៅទូទាំងប្រទេស៕

ចិនបាញ់បង្ហោះម៉ូឌុលទីពីរបានដោយជោគជ័យទៅកាន់ស្ថានីយអវកាស Tiangong

ចិន៖ ប្រព័ន្ធផ្សព្វផ្សាយរដ្ឋបានរាយការណ៍ថា ប្រទេសចិនកាលពីថ្ងៃអាទិត្យបានបាញ់បង្ហោះម៉ូឌុលទី២ ក្នុងចំណោម ៣ ដែលចាំបាច់ដើម្បីបញ្ចប់ស្ថានីយអវកាសថ្មីរបស់ខ្លួន ដែលជាជំហានចុងក្រោយបង្អស់នៅក្នុងមហិច្ឆតាកម្មវិធីអវកាសរបស់ទីក្រុងប៉េកាំង។ យានគ្មានមនុស្សបើកមានឈ្មោះ Wentian ត្រូវបានបាញ់បង្ហោះដោយយានចម្លង Long March 5B នៅម៉ោង 2:22រសៀលម៉ោងក្នុងប្រទេសចិនពីមជ្ឈមណ្ឌលបាញ់បង្ហោះ Wenchang នៅលើកោះត្រូពិច Hainan របស់ប្រទេសចិន។ ប្រមាណ ១៥នាទីក្រោយមក មន្ត្រីមកពីទីភ្នាក់ងារអវកាសចិន China Manned Space Agency (CMSA) បានបញ្ជាក់ពី "ជោគជ័យ" នៃការបាញ់បង្ហោះនេះ។ មនុស្សរាប់រយនាក់បានប្រមូលផ្តុំគ្នានៅលើឆ្នេរក្បែរនោះ ដើម្បីថតសកម្មភាពរបស់កម្មវិធីបាញ់បង្ហោះនៅលើអាកាស ដែលកំពុងបញ្ចេញផ្សែងពណ៌សយ៉ាងខ្លាំង។ CMSA បាននិយាយថា បន្ទាប់ពីការហោះហើរប្រហែល ៨នាទី "ម៉ូឌុលដែលជាមន្ទីរពិសោធន៍ Wentian បានផ្ដាច់ខ្លួនចេញពីយានចម្លងដោយជោគជ័យ ហើយបានចូលទៅក្នុងគន្លងដែលបានកំណត់ ដែលធ្វើឱ្យការបាញ់បង្ហោះនេះទទួលបានជោគជ័យពេញលេញ។សូមរម្លឹកថា ទីក្រុងប៉េកាំងបានបាញ់បង្ហោះម៉ូឌុលកណ្តាលរបស់ស្ថានីយអវកាស Tiangong របស់ខ្លួនដែលមានន័យថា "ឋានសួគ៌" កាលពីខែមេសា ឆ្នាំ២០២១។ ដោយមានបណ្តោយប្រវែង ១៨ម៉ែត្រ ឬ (60ហ្វីត) និងមានទម្ងន់ ២២តោនឬ (48,500 ផោន) ម៉ូឌុលថ្មីនេះមានកន្លែងសម្រាប់ស្នាក់ និងជាកន្លែងសម្រាប់ពិសោធន៍វិទ្យាសាស្ត្រផ្សេងៗ។ ម៉ូឌុលទី៣ និងចុងក្រោយបង្អស់គ្រោងនឹងចូលចតនៅខែតុលា ហើយស្ថានីយអវកាស Tiangong ដែលគួរតែមានអាយុកាលយ៉ាងហោចណាស់ ១០ឆ្នាំត្រូវបានគេរំពឹងថានឹងអាចដំណើរការបានពេញលេញនៅចុងឆ្នាំនេះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កូរ៉េបង្ហាញឆន្ទៈបន្តថែរក្សាពាណិជ្ជកម្មទ្វេភាគី និងបន្តជំរុញធុរកិច្ចខ្លួនមកវិនិយោគនៅកម្ពុជាបន្ថែម

អាហ្វ្រិកខាងត្បូង រឹតបន្តឹងការអនុវត្តច្បាប់អន្តោប្រវេសន៍ ក្នុងពេលមានការបញ្ជូនត្រឡប់ទៅវិញ

ប្រតិបត្តិការជួយសង្រ្គោះធ្វើឡើងនៅប្រាសាទរងការឆាបឆេះនៅទីក្រុងគីវ ក្រោយការវាយប្រហាររបស់រុស្ស៊ី

សម្តេចធិបតី៖ រាជរដ្ឋាភិបាលបាននឹងកំពុងខិតខំកែច្នៃប្រជាជនឱ្យក្លាយទៅជាមូលធនមនុស្សពិតប្រាកដ

អាមេរិកច្រានចោលការអះអាងរបស់អ៊ីរ៉ង់ថា ខ្លួននឹងទទួលបានប្រាក់១២ពាន់លានដុល្លារដែលបានបង្កក មកវិញ

តុលាការចក្រភពអង់គ្លេស នឹងសម្រេចលើការហាមឃាត់ក្រុមគាំទ្រប៉ាឡេស្ទីនថាស្របច្បាប់ឬអត់

សមត្ថកិច្ចចាប់ខ្លួនមនុស្ស៦នាក់ ករណីឆបោកតាមប្រព័ន្ធបច្ចេកវិទ្យា និងក្លែងបន្លំគណនីធនាគារ ឆបោកប្រាក់ជនរងគ្រោះ

ស៊ីរីត្រូវបានអញ្ជើញឲ្យចូលរួមកិច្ចប្រជុំកំពូល G7 នៅប្រទេសបារាំង ក្នុងនាមជាប្រទេសភ្ញៀវ

ក្រុមហ៊ុន Mitsubishi Motors Cambodia ដាក់លក់ជាផ្លូវការរថយន្ត All-New Mitsubishi Destinator ប្រភេទ SUV លំដាប់ប្រណីត ៧ កៅអី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ចិននិយាយថា សមុទ្រចិនខាងត្បូងមិនមែនជាវាទិកាប្រយុទ្ធសម្រាប់បណ្ដាប្រទេសមហាអំណាចឡើយ

ខ្មាន់កាំភ្លើងបាញ់ប្រហារនៅបរិវេណសកលវិទ្យាល័យហ្វីលីពីនបណ្តាលឲ្យមនុស្ស ៣នាក់ស្លាប់

ភ្លើងឆេះព្រៃនៅរដ្ឋ California បង្ខំឲ្យមនុស្សរាប់ពាន់នាក់ភៀសខ្លួន និងប្រកាសដាក់រដ្ឋក្នុងគ្រាអាសន្ន

ក្រុមសិទ្ធិមនុស្សស្វែងរកការចាប់ខ្លួនអតីតប្រធានាធិបតីស្រីលង្កានៅប្រទេសសិង្ហបុរី

សង្គ្រាមនៅអ៊ុយក្រែនឈានចូលដល់ខែទី៦ ដោយមិនមានសញ្ញាធូរស្រាលនៅឡើយ

ចិនបាញ់បង្ហោះម៉ូឌុលទីពីរបានដោយជោគជ័យទៅកាន់ស្ថានីយអវកាស Tiangong

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ចិននិយាយថា សមុទ្រ​ចិន​ខាងត្បូងមិនមែនជា​វាទិកា​ប្រយុទ្ធ​សម្រាប់​បណ្ដា​ប្រទេស​មហាអំណាច​ឡើយ

ខ្មាន់កាំភ្លើង​បាញ់​ប្រហារ​នៅ​បរិវេណ​សកល​វិទ្យាល័យ​ហ្វីលីពីន​បណ្តាល​ឲ្យ​មនុស្ស ​៣​នាក់​ស្លាប់

ក្រុម​សិទ្ធិមនុស្ស​ស្វែងរក​ការ​ចាប់​ខ្លួន​អតីត​ប្រធានាធិបតី​ស្រី​លង្កា​នៅ​ប្រទេស​សិង្ហ​បុរី​

សង្គ្រាម​នៅ​អ៊ុយ​ក្រែ​ន​ឈាន​ចូលដល់​ខែ​ទី​៦ ដោយ​មិនមាន​សញ្ញា​ធូរស្រាល​នៅឡើយ​

​ចិន​បាញ់​បង្ហោះ​ម៉ូឌុល​ទី​ពីរ​បាន​ដោយ​ជោគជ័យ​ទៅកាន់​ស្ថានីយ​អវកាស Tiangong

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចិននិយាយថា សមុទ្រចិនខាងត្បូងមិនមែនជាវាទិកាប្រយុទ្ធសម្រាប់បណ្ដាប្រទេសមហាអំណាចឡើយ

ខ្មាន់កាំភ្លើងបាញ់ប្រហារនៅបរិវេណសកលវិទ្យាល័យហ្វីលីពីនបណ្តាលឲ្យមនុស្ស ៣នាក់ស្លាប់

ក្រុមសិទ្ធិមនុស្សស្វែងរកការចាប់ខ្លួនអតីតប្រធានាធិបតីស្រីលង្កានៅប្រទេសសិង្ហបុរី

សង្គ្រាមនៅអ៊ុយក្រែនឈានចូលដល់ខែទី៦ ដោយមិនមានសញ្ញាធូរស្រាលនៅឡើយ

ចិនបាញ់បង្ហោះម៉ូឌុលទីពីរបានដោយជោគជ័យទៅកាន់ស្ថានីយអវកាស Tiangong