BTV NEWS

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានតែងតាំងជា ប្រធានថ្នាក់ជាតិនៃសហគមន៍ OB-PS ប្រចាំកម្ពុជា និងទទួលបាន “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ពីសហគមន៍ The Olave Baden-Powell Society

សម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ ត្រូវបានថ្វាយ “ពានសមាជិកភាពជើងឯក” ពីសហគមន៍ The Olave Baden-Powell Society (OB-PS)

ព័ត៌មានសំខាន់ៗ

អ៊ីរ៉ង់កំពុងត្រៀមបញ្ជូនយានដ្រូនបំពាក់អាវុធទៅឲ្យរុស្ស៊ី ដើម្បីជួយដល់សង្គ្រាមនៅអ៊ុយក្រែន

សហរដ្ឋអាមេរិក៖ មន្ត្រីជាន់ខ្ពស់ក្នុងរដ្ឋបាលរបស់លោក Biden បាននិយាយកាលពីថ្ងៃចន្ទថា ប្រទេសអ៊ីរ៉ង់កំពុងបោះជំហានយ៉ាងឆាប់រហ័សក្នុងការផ្តល់ឱ្យរុស្ស៊ី នូវយានដ្រូនផលិតក្នុងស្រុករបស់ខ្លួនរាប់រយគ្រឿង ដើម្បីជួយដល់កិច្ចប្រឹងប្រែងធ្វើសង្គ្រាមរបស់វិមានក្រឹមឡាំងប្រឆាំងនឹងអ៊ុយក្រែន។ លោក Jake Sullivan ទីប្រឹក្សាសន្តិសុខជាតិរបស់លោកប្រធានាធិបតី Joe Biden បាននិយាយថា សហរដ្ឋអាមេរិកមានព័ត៌មានដែលបង្ហាញថា ទីក្រុងតេអេរ៉ង់កំពុងរៀបចំផ្តល់យានដ្រូន UAVs ជាច្រើនរយគ្រឿង រួមទាំងយានដ្រូន UAVs ដែលមានសមត្ថភាពបំពាក់សព្វាវុធតាមពេលវេលាកំណត់ដ៏ឆាប់រហ័សទៅឲ្យរុស្ស៊ី។ លោកបានសំដៅទៅលើយន្តហោះគ្មានមនុស្សបើក ឬយានដ្រូន។ លោក Sullivan បាននិយាយថា ប្រទេសអ៊ីរ៉ង់កំពុងរៀបចំបន្ថែមទៀតដើម្បីបណ្តុះបណ្តាលកងកម្លាំងរុស្ស៊ី ឲ្យចេះប្រើប្រាស់យានដ្រូនរបស់ខ្លួនឱ្យបានឆាប់ក្នុងខែនេះ ខណៈកងកម្លាំងរបស់ទីក្រុងម៉ូស្គូនៅតែបន្តទទួលរងការខាតបង់ក្នុងសមរភូមិ ស្របពេលមានការវាយរុលទៅមុខយឺតៗនៅភាគខាងកើតអ៊ុយក្រែន។លោក Sullivan ពុំបានបញ្ជាក់ពីរបាយការណ៍ចារកម្ម ដែលលោកកំពុងផ្អែកលើការអះអាងរបស់លោកនោះទេ។ សហរដ្ឋអាមេរិក និងសម្ព័ន្ធមិត្តលោកខាងលិចបានប្រឹងប្រែងក្នុងការដាក់ទណ្ឌកម្មយ៉ាងធ្ងន់ធ្ងរលើរុស្ស៊ី ជាផ្នែកមួយដើម្បីទប់ស្កាត់ប្រទេសនេះពីការបំពេញបន្ថែមនូវស្តុកសង្គ្រាមរបស់ខ្លួន។ ទណ្ឌកម្មទាំងនោះរួមទាំងការរឹតត្បិតលើការនាំចេញលើបច្ចេកវិទ្យាប្រើប្រាស់ ២សំខាន់ៗរួមទាំងយានដ្រូនផងដែរ៕អត្ថបទ៖ សុខមាន

ទីក្រុងប៉េកាំងព្រមានទល់នឹងការយកបណ្ដាប្រទេសនៅអាស៊ី-អាគ្នេយ៍ធ្វើជាកូនអុករបស់មហាអំណាច

ចិន៖ ប្រមុខការទូតចិនលោក Wang Yi បាននិយាយថា បណ្ដាប្រទេសនៅអាស៊ី-អាគ្នេយ៍គួរតែជៀសវាងក្លាយជាកូនអុករបស់ក្រុមប្រទេសមហាអំណាចធំៗ និងមិនគួរបង្កបញ្ហាដាក់គ្នាទៅវិញទៅមកនោះទេ។ លោក Wang បាននិយាយនៅក្នុងទីក្រុង Jakarta ប្រទេសឥណ្ឌូនេស៊ីកាលពីថ្ងៃចន្ទដែលត្រូវបានដកស្រង់សម្ដីដោយសារព័ត៌មាន Reuters ថា យើងគួរតែការពារតំបន់នេះពីការគិតគូរភូមិសាស្ត្រនយោបាយ កុំឲ្យត្រូវគេប្រើជាកូនអុកពីសំណាក់គូប្រជែងមហាអំណាចដ៏ធំ និងគេចចេញពីការបង្ខិតបង្ខំ។ លោក Wang បានធ្វើអត្ថាធិប្បាយបែបនេះ ខណៈកំពុងចូលរួមកិច្ចប្រជុំ ASEAN ជាប្លុកនយោបាយ និងសេដ្ឋកិច្ចដែលមានសមាជិកក្នុងតំបន់ចំនួន ១០ប្រទេសនៃប្រជាជាតិអាស៊ី-អាគ្នេយ៍។ លោកថា អនាគតនៃតំបន់របស់យើង គួរតែស្ថិតនៅក្នុងកណ្ដាប់ដៃរបស់យើងខ្លួនឯង។ប្រមុខការទូតចិនរូបនេះបាននិយាយថា ប្រទេសនានាគួរតែគោរពសិទ្ធិស្របច្បាប់ និងផលប្រយោជន៍របស់គ្នាទៅវិញទៅមកនៅក្នុងតំបន់អាស៊ី-ប៉ាស៊ីហ្វិក ប្រសើរជាងអង្គុយរកនឹងបង្កបញ្ហា ឬទប់ទល់សកម្មភាពរបស់ភាគីផ្សេង។ កាលពីខែមីនា លោក Wang បានចោទសហរដ្ឋអាមេរិកថា កំពុងព្យាយាមបង្កើតសម្ព័ន្ធ NATO ថ្មីនៅក្នុងតំបន់ឥណ្ឌូ-ប៉ាស៊ីហ្វិក ដើម្បីបង្កភាពតានតឹងក្នុងតំបន់នេះ។ លោកថា តំបន់អាស៊ី-ប៉ាស៊ីហ្វិកគឺជាដែនដីមានកិច្ចសន្យាសម្រាប់កិច្ចសហប្រតិបត្តិការ និងការអភិវឌ្ឍន៍ មិនមែនជាក្ដារអុកសម្រាប់ការប្រកួតប្រជែងភូមិសាស្ត្រនយោបាយនោះទេ៕អត្ថបទ៖ សុខមាន

ក្រសួងពាណិជ្ជកម្ម រៀបចំសិក្ខាសាលាសាធារណៈជាទម្រង់កូនកាត់ ដើម្បីដាក់ឱ្យអនុវត្តនូវកម្មវិធីជាតិការពារអ្នកប្រើប្រាស់

ភ្នំពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» នៃក្រសួងពាណិជ្ជកម្ម នៅព្រឹកថ្ងៃទី១២ ខែកក្កដា ឆ្នាំ២០២២នេះ បានរៀបចំសិក្ខាសាលាសាធារណៈជាទម្រង់កូនកាត់ ដើម្បីដាក់ឱ្យអនុវត្តនូវកម្មវិធីជាតិការពារអ្នកប្រើប្រាស់ (NCPP)។ព្រឹត្តិការណ៍នេះ រៀបចំឡើងសម្រាប់ជាការជូនដំណឹងដល់ភាគីពាក់ព័ន្ធមកពីស្ថាប័នសាធារណៈ និងឯកជន អំពីបទប្បញ្ញត្តិនិងគោលការណ៍ណែនាំថ្មីមួយចំនួន ដើម្បីបំពេញបន្ថែមឱ្យច្បាប់ស្តីពីកិច្ចការពារអ្នកប្រើប្រាស់ដែលបានអនុម័តនៅចុងឆ្នាំ២០១៩។សិក្ខាសាលាសាធារណៈថ្ងៃនេះបានប្រារព្ធធ្វើឡើងក្រោមអធិបតីភាពឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ដោយមានអ្នកចូលរួមដោយផ្ទាល់ចំនួនប្រមាណ ១២០នាក់ មកពីគណៈកម្មាធិការជាតិការពារអ្នកប្រើប្រាស់ «គ.ជ.ក.ប.» ក្រសួងស្ថាប័នរបស់រាជរដ្ឋាភិបាលកម្ពុជា តំណាងមកពីវិស័យច្បាប់ តំណាងដៃគូអភិវឌ្ឍន៍ តំណាងមកពីគម្រោង «កិច្ចការពារអ្នកប្រើប្រាស់ក្នុងតំបន់អាស៊ាន» (PROTECT) គណៈកម្មាធិការប្រកួតប្រជែង និងអ្នកប្រើប្រាស់អូស្រ្តាលី (ACCC) តំណាងអង្គការជាតិនិងអន្តរជាតិ តំណាងស្ថាប័នសិក្សាស្រាវជ្រាវមកពីសាកលវិទ្យាល័យនានា តំណាងវិស័យឯកជន មន្រ្តីអគ្គនាយកដ្ឋាន ក.ប.ប. ព្រមទាំងមានអ្នកចូលរួមតាមប្រព័ន្ធវីដេអូប្រមាណ ៣០០នាក់។សូមបញ្ជាក់ថា ពិធីប្រកាសដាក់ឱ្យអនុវត្តជាផ្លូវការនូវកម្មវិធីជាតិការពារអ្នកប្រើប្រាស់ និងឯកសារគតិយុត្តនេះ បានសហការរៀបចំធ្វើឡើងក្រោមការគាំទ្ររបស់ទីភ្នាក់ងារកិច្ចសហប្រតិបត្តិការអាល្លឺម៉ង់ (GIZ) តាមរយៈគម្រោង «ការពារអ្នកប្រើប្រាស់ក្នុងតំបន់អាស៊ាន (PROTECT)»៕

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ចូលរួមគោរពវិញ្ញាណក្ខន្ធ អតីតនាយករដ្ឋមន្ត្រីជប៉ុន លោក ស៊ិនហ្សូ អាបេ នៅស្ថានទូតជប៉ុន ប្រចាំកម្ពុជា

ភ្នំពេញ៖ នៅរសៀលទី១១ ខែកក្កដា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី បានដឹកនាំគណៈប្រតិភូជាន់ខ្ពស់ នៃរាជរដ្ឋាភិបាល ចូលរួមគោរពវិញ្ញាណក្ខន្ធ អតីតនាយករដ្ឋមន្ត្រីជប៉ុន លោក ស៊ិនហ្សូ អាបេ នៅស្ថានទូតជប៉ុន ប្រចាំកម្ពុជា។គួរបញ្ជាក់ថា រាជរដ្ឋាភិបាល និងប្រជាជនកម្ពុជា សូមចូលរួមកាន់ទុក្ខដ៏ក្រៀមក្រំបំផុតជាមួយរដ្ឋាភិបាល និងប្រជាជនជប៉ុន ចំពោះមរណភាពរបស់ អតីតនាយករដ្ឋមន្ត្រីជប៉ុន អាបេ ស៊ីនហ្សូ (Shinzo Abe) កាលពីថ្ងៃទី១០ ខែកក្កដា ឆ្នាំ២០២២ម្សិលម៉ិញនេះ។យោងតាមខ្លឹមសាររំលែកទុក្ខរបស់សម្តេចតេជោ ហ៊ុន សែន មានខ្លឹមសារថា មរណភាពរបស់លោក ស៊ិនហ្សូ អាបេ មិនត្រឹមតែជាការបាត់ប្រកបដោយភាពសោកស្តាយ តក់ស្លុត រន្ធត់ និងអាឡោះអាល័យសម្រាប់តែប្រជាពលរដ្ឋជប៉ុនប៉ុណ្ណោះ តែសម្រាប់ប្រជាពលរដ្ឋនៅលើពិភពលោក រួមទាំងប្រជាពលរដ្ឋកម្ពុជាផងដែរ។សម្តេចតេជោបានបញ្ជាក់ថា ក្នុងការកាន់តំណែងជានាយករដ្ឋមន្ត្រីជប៉ុនទាំងពីរលើកឯកឧត្តម អាបេ បានប្រឹងប្រែងយ៉ាងខ្លាំងដល់ការជំរុញទំនាក់ទំនងរវាងជប៉ុន និងកម្ពុជា រហូតក្លាយទៅជាដៃគូយុទ្ធសាស្ត្រនៅឆ្នាំ២០១៣។ បន្ថែមពីលើនោះ ឯកឧត្តម អាបេ ក៏បានជំរុញនូវការផ្តល់ជំនួយគាំទ្រដល់ការអភិវឌ្ឍគ្រប់វិស័យនៅកម្ពុជា រួមទាំងហេដ្ឋារចនាសម្ព័ន្ធផងដែរ។ ឯកឧត្តមអាបេ ក៏ជានាយករដ្ឋមន្ត្រី ដែលបានជំរុញដល់ទំនាក់ទំនងរវាងអាស៊ាន និងជប៉ុន និងជំរុញដល់ទំនាក់ទំនងមេគង្គ-ជប៉ុនផងដែរ៕

មេដឹកនាំពិភពលោកកាន់ទុក្ខលោក Shinzo Abe

ជប៉ុន៖ មេដឹកនាំពិភពលោកទាំងអតីតកាល និងបច្ចុប្បន្នបានកាន់មរណទុក្ខអតីតនាយករដ្ឋមន្ត្រីជប៉ុនលោក Shinzo Abe នៅសប្ដាហ៍នេះ មេដឹកនាំរូបនេះដែលមានមនុស្សជាច្រើនហៅលោកថាជាមិត្តភ័ក្ដិ ត្រូវបានគេធ្វើឃាត ខណៈកំពុងថ្លែងសុន្ទរកថាអំឡុងយុទ្ធនាការ ក្នុងទីក្រុងភាគខាងលិចរបស់ប្រទេសជប៉ុនកាលពីថ្ងៃសុក្រ ទី៨ ខែកក្កដា។លោកនាយករដ្ឋមន្ត្រីកាណាដា Justin Trudeau បាននិយាយថា ឃាតកម្មលើលោក Abe កំពុងធ្វើឲ្យមានការតក់ស្លុតយ៉ាងខ្លាំង ហើយលោកពិតជាមានការសោកស្ដាយខ្លាំងណាស់។ ពិភពលោកបានបាត់បង់បុរសខ្លាំងម្នាក់ កាណាដាបានបាត់បង់មិត្តជិតស្និទ្ធម្នាក់។ ចំណែកលោកប្រធានាធិបតីកូរ៉េខាងត្បូង Yoon Suk Yeol បានផ្ញើសាររំលែកទុក្ខទៅដល់ប្រទេសជប៉ុន និងថ្កោលទោសឃាតកម្មលើលោក Abe។ លោកប្រធានាធិបតីចិន Xi Jinping បានផ្ញើសារចូលរួមរំលែកទុក្ខ និងការកាន់ទុក្ខចំពោះលោក Shinzo Abe ដែលបានបាត់បង់ជីវិត តាមរយៈទូរទស្សន៍រដ្ឋចិន CCTV។ចំណែកលោក Volodymyr Zelenskyy ប្រធានាធិបតីអ៊ុយក្រែនបានចូលរួមកាន់មរណទុក្ខ និងរំលែកទុក្ខដ៏ក្រៀមក្រំបំផុតចំពោះក្រុមគ្រួសារលោក Abe និងប្រជាជនជប៉ុនតាមបណ្ដាញ Twitter។ លោកប្រធានាធិបតីបារាំង Emmanuel Macron បាននិយាយថា ប្រទេសជប៉ុនបានបាត់បង់នាយករដ្ឋមន្ត្រីដ៏អស្ចារ្យម្នាក់ ដែលបានពាក់លីដើម្បីជាតិមាតុភូមិរបស់លោក និងបានតស៊ូនាំតុល្យភាពជូនពិភពលោក។ ក្នុងអំឡុងដំណើរទស្សនកិច្ចទៅកាន់ទីក្រុងតូក្យូប្រទេសជប៉ុន រដ្ឋមន្ត្រីការបរទេសសហរដ្ឋអាមេរិកលោក Antony Blinken នៅថ្ងៃចន្ទនេះបានសម្តែងការរំលែកទុក្ខរបស់ប្រទេសលោក បន្ទាប់ពីការធ្វើឃាតលើអតីតនាយករដ្ឋមន្ត្រីជប៉ុនលោក Shinzo Abe។ លោកប្រធានាធិបតីឥណ្ឌូនេស៊ី Joko Widodo ក៏បានចូលរួមរំលែកទុក្ខចំពោះការបាត់បង់ជីវិតរបស់លោក Abe ដែរ។ ក្រៅពីនោះនៅមានមេដឹកនាំពិភពលោកជាច្រើនទៀតដែលបានចូលរួមរំលែកទុក្ខ៕អត្ថបទ៖ សុខមាន

ប្រជាជនស្រីលង្កាសម្រុកចូលលំនៅឋានប្រធានាធិបតីក្នុងពេលមានភាពតានតឹង

ស្រីលង្កា៖ ក្រុមគ្រួសារជាច្រើនក្នុងរដ្ឋធានីរបស់ប្រទេសស្រីលង្កា កាលពីថ្ងៃអាទិត្យបានឆ្លៀតឱកាសធ្វើដំណើរទៅកាន់លំនៅឋានប្រធានាធិបតី បន្ទាប់មកបានសម្រុកចូលលំនៅឋាននេះដោយបាននាំគ្នាថតរូប និងធ្វើសកម្មភាពផ្សេងៗ។ ក្រុមអ្នកតវ៉ាបានសម្រុកចូលលំនៅឋានដ៏ធំទូលាយរបស់លោកប្រធានាធិបតី Gotabaya Rajapaksa និងបានសម្រុកចូលទៅក្នុងលំនៅឋានឯកជនរបស់នាយករដ្ឋមន្ត្រីលោក Ranil Wickremesinghe និងបានដុតលំនៅឋាន។ មន្ត្រីគណបក្សម្នាក់បាននិយាយថា លោក Wickremesinghe នៅខាងក្នុងលំនៅឋាន នៅពេលដែលក្រុមអ្នកតវ៉ាបានមកប្រមូលផ្តុំគ្នានៅទីនោះ ប៉ុន្តែមន្ត្រីសន្តិសុខបានរំដោះលោកចេញទៅកាន់ទីតាំងផ្សេងទៀត។ លោក Wickremesinghe បាននិយាយថា លោកនឹងចាកចេញពីតំណែងនៅពេលដែលរដ្ឋាភិបាលថ្មីចូលកាន់តំណែង ហើយប៉ុន្មានម៉ោងក្រោយមកប្រធានសភាបាននិយាយថា លោក Rajapaksa នឹងចុះចេញពីតំណែងនៅថ្ងៃពុធ។ សម្ពាធលើប្រធានាធិបតី និងនាយករដ្ឋមន្ត្រីទាំងពីរនេះបានកើនឡើង ខណៈមានការដួលរលំនៃសេដ្ឋកិច្ចដែលបានធ្វើឱ្យខ្វះខាតធ្ងន់ធ្ងរ បណ្តាលឱ្យប្រជាជនតស៊ូដើម្បីទទួលបានស្បៀងអាហារ ប្រេងឥន្ធនៈ និងសម្ភារៈចាំបាច់ផ្សេងៗទៀត។យោងតាមរដ្ឋធម្មនុញ្ញបានឲ្យដឹងថា ប្រសិនបើទាំងប្រធានាធិបតី និងនាយករដ្ឋមន្ត្រីលាលែងពីតំណែង ប្រធានសភាលោក Mahinda Yapa Abeywardena នឹងឡើងកាន់តំណែងជាប្រធានាធិបតីបណ្តោះអាសន្ន។ លោក Rajapaksa បានតែងតាំងលោក Wickremesinghe ជានាយករដ្ឋមន្ត្រីកាលពីខែឧសភា ក្នុងកិច្ចប្រឹងប្រែងដើម្បីដោះស្រាយការខ្វះខាត និងចាប់ផ្តើមការស្តារសេដ្ឋកិច្ចឡើងវិញ។ លោក Wickremesinghe គឺជាផ្នែកមួយនៃកិច្ចពិភាក្សាដ៏សំខាន់ ជាមួយមូលនិធិរូបិយវត្ថុអន្តរជាតិសម្រាប់កម្មវិធីសង្គ្រោះ និងជាមួយអង្គការកម្មវិធីស្បៀងអាហារពិភពលោក ដើម្បីរៀបចំសម្រាប់វិបត្តិស្បៀងអាហារ៕អត្ថបទ៖ ប៊ុនថន

នគរបាលបានសារភាពថា មានការធ្វេសប្រហែសផ្នែកសន្តិសុខលើការធ្វើឃាតលោក Abe

ជប៉ុន៖ នគរបាលបានទទួលស្គាល់កំហុសផ្នែកសន្តិសុខនៅទីក្រុង Nara របស់ប្រទេសជប៉ុន ជាកន្លែងដែលអតីតនាយករដ្ឋមន្ត្រីលោក Shinzo Abe ត្រូវបានគេធ្វើឃាត។ អ្នកកាន់ទុក្ខបានមកប្រមូលផ្តុំគ្នានៅគេហដ្ឋានរបស់លោក Abe និងនៅកន្លែងកើតហេតុនៃសោកនាដកម្មកាលពីថ្ងៃសុក្រនៅទីក្រុង Nara ភាគខាងលិច ជាកន្លែងដែលមេដឹកនាំដែលកាន់អំណាចយូរបំផុតរបស់ប្រទេសជប៉ុន ត្រូវបានបាញ់សម្លាប់នៅក្នុងអំពើហិង្សានយោបាយដ៏កម្រ ខណៈពេលលោកកំពុងថ្លែងសុន្ទរកថាក្នុងយុទ្ធនាការបោះឆ្នោត។ នគរបាលបានចាប់ខ្លួនបុរសវ័យ 41ឆ្នាំម្នាក់ភ្លាមៗបន្ទាប់ពីលោក Abe ត្រូវបានបាញ់នៅចម្ងាយយ៉ាងជិតដោយកាំភ្លើងកែច្នៃ។កងកម្លាំងនគរបាលក្នុងតំបន់ដែលការពារក្នុងព្រឹត្តិការណ៍យុទ្ធនាការនេះបាននិយាយថា មានការខ្វះចន្លោះក្នុងការរៀបចំសន្តិសុខ។ អធិការនគរបាលទីក្រុង Nara លោក Tomoaki Onizuka បាននិយាយក្នុងសន្និសីទសារព័ត៌មានថា យើងមិនអាចបដិសេធថា មានបញ្ហាក្នុងផែនការរៀបចំសន្តិសុខ ដែលបានផ្តល់ឱ្យចំពោះរឿងរ៉ាវបានកើតឡើងនោះទេ។ លោកនិយាយថា លោកមានទំនួលខុសត្រូវខ្លាំង ហើយនគរបាលនឹងវិភាគនូវអ្វីដែលជាកំហុសពិតប្រាកដ និងអនុវត្តការផ្លាស់ប្តូរជាចាំបាច់៕អត្ថបទ៖ ប៊ុនថន

សហភាពអឺរ៉ុបប្រឈមខ្លាំង ខណៈរុស្ស៊ីគ្រោងបិទបំពង់បង្ហូរឧស្ម័ន Nord Stream មួយរយៈ

សហភាពអឺរ៉ុប៖ បំពង់បង្ហូរឧស្ម័នដ៏ធំបំផុតដែលបញ្ជូនឧស្ម័នរុស្ស៊ីទៅកាន់ប្រទេសអាល្លឺម៉ង់ ចាប់ផ្តើមជួសជុលប្រចាំឆ្នាំនៅថ្ងៃចន្ទនេះដោយលំហូរនេះបានរំពឹងទុកថា នឹងផ្អាករយៈពេល ១០ថ្ងៃ ប៉ុន្តែរដ្ឋាភិបាលទីផ្សារ និងក្រុមហ៊ុននានាបារម្ភថា ការបិទនេះអាចនឹងត្រូវបន្តដោយសារសង្គ្រាមនៅអ៊ុយក្រែន។ បំពង់បង្ហូរឧស្ម័ន Nord Stream 1 បញ្ជូនឧស្ម័នចំនួន ៥៥ពាន់លានម៉ែត្រត្រីគុណក្នុងមួយឆ្នាំចេញពីប្រទេសរុស្ស៊ី ទៅកាន់ប្រទេសអាល្លឺម៉ង់ក្រោមសមុទ្របាល់ទិក។ បំពង់បង្ហូរឧស្ម័ននេះត្រូវត្រួតពិនិត្យចាប់ពីថ្ងៃទី១១ ខែកក្កដាដល់២១ ខែកក្កដា។ កាលពីខែមុនប្រទេសរុស្ស៊ីបានកាត់បន្ថយការបង្ហូរដល់ទៅ 40% នៃសមត្ថភាពសរុបរបស់បំពង់បង្ហូរឧស្ម័ន ដោយលើកឡើងពីការពន្យារពេលក្នុងការប្រគល់ឧបករណ៍ដែលក្រុមហ៊ុន Siemens Energy (ENR1n.DE) របស់អាល្លឺម៉ង់ជួសជុលនៅក្នុងប្រទេសកាណាដា។សហភាពអឺរ៉ុបបារម្ភថា រុស្ស៊ីអាចពន្យារពេលត្រួតពិនិត្យ ដើម្បីរឹតត្បិតការផ្គត់ផ្គង់ឧស្ម័នបន្ថែមទៀតដោយទប់ស្កាត់ផែនការបំពេញកង្វះខាតសម្រាប់រដូវរងា និងបង្កឲ្យមានវិបត្តិឧស្ម័នដែលជំរុញឲ្យមានការចាត់វិធានការបន្ទាន់នានាពីបណ្ដារដ្ឋាភិបាល និងការចំណាយខ្ពស់សម្រាប់អតិថិជន។ រដ្ឋមន្ត្រីក្រសួងសេដ្ឋកិច្ចអាល្លឺម៉ង់លោក Robert Habeck បាននិយាយថា ប្រទេសនេះគួរតែឈមនឹងលទ្ធភាពនៃការផ្អាកលំហូរឧស្ម័នតាមបំពង់ Nord Stream 1 របស់រុស្ស៊ី ហួសពីពេលវេលាត្រួតពិនិត្យដែលបានគ្រោង៕អត្ថបទ៖ សុខមាន

លទ្ធផលបឋមបង្ហាញថា គណបក្សរបស់លោក Shinzo Abe ឈ្នះសំឡេងភាគច្រើនក្នុងការបោះឆ្នោតសភារបស់ជប៉ុន

ជប៉ុន៖ គណបក្សកំពុងកាន់អំណាច និងដៃគូចម្រុះរបស់ខ្លួននៅប្រទេសជប៉ុន បានឈ្នះសំឡេងភាគច្រើននៅក្នុងការបោះឆ្នោតសភាកាលពីថ្ងៃអាទិត្យ ដែលអាចត្រូវបានជំរុញដោយសារតែក្ដីអាណិតអាសូរពីអ្នកបោះឆ្នោត ក្រោយការធ្វើឃាតលើអតីតនាយករដ្ឋមន្ត្រីជប៉ុនលោក Shinzo Abe។ លទ្ធផលបឋមក្នុងការប្រកួតប្រជែងសម្រាប់សភាជាន់ខ្ពស់បង្ហាញថា គណបក្សកាន់អំណាចរបស់លោក Abe និងដៃគូចម្រុះតូចរបស់ខ្លួន Komeito កំពុងទទួលបានសំឡេងគាំទ្រភាគច្រើននៅក្នុងសភា និងទទួលបានសំឡេងគាំទ្រច្រើនថែមទៀត។ ថ្ងៃចុងក្រោយនៃការធ្វើយុទ្ធនាការកាលពីថ្ងៃសៅរ៍ មួយថ្ងៃបន្ទាប់ពីលោក Abe ត្រូវបានខ្មាន់កាំភ្លើងបាញ់សម្លាប់ ខណៈកំពុងថ្លែងសុន្ទរកថាត្រូវបានធ្វើឡើងក្រោមការរឹតបន្តឹងសន្តិសុខ ខណៈក្រុមមេដឹកនាំគណបក្សនេះបានប្ដេជ្ញាប្រកាន់ភ្ជាប់ការដឹកនាំបែបលទ្ធិប្រជាធិបតេយ្យ និងកាត់បន្ថយអំពើហិង្សា។ កាលពីថ្ងៃអាទិត្យ នគរបាលក្នុងប្រទេសជប៉ុននៅភាគខាងលិចបានបញ្ជូនជនដៃដល់ ទៅកាន់ការិយាល័យរដ្ឋអាជ្ញាក្នុងតំបន់ដើម្បីស៊ើបអង្កេតបន្ថែមទៀត។ មន្ត្រីនគរបាលជាន់ខ្ពស់ក្នុងតំបន់មួយរូបបានទទួលស្គាល់ ពីការធូររលុងផ្នែកសន្តិសុខដែលបណ្ដោយឲ្យខ្មាន់កាំភ្លើងអាចចូលទៅជិត និងបាញ់សម្លាប់អតីតមេដឹកនាំជប៉ុនដែលនៅតែមានឥទ្ធិពលខ្លាំងនៅឡើយ។ការរាប់សន្លឹកឆ្នោតបឋមបានបង្ហាញថា គណបក្សប្រជាធិបតេយ្យសេរីនិយមដែលកំពុងកាន់អំណាច នឹងទទួលបានយ៉ាងហោចណាស់ 143អាសនៈនៅក្នុងសភាជាន់ខ្ពស់ដែលមានសមាជិក 248រូប ជាព្រឹទ្ធសភាពដែលមានអំណាចតិចជាងគេក្នុងចំណោមសភាទាំងពីរ។ នេះគឺជាការបោះឆ្នោតពាក់កណ្តាលអាណត្តិរយៈពេល ៦ឆ្នាំថ្មីរបស់សភាជាន់ខ្ពស់។ ដោយមានការជំរុញដ៏សំខាន់លោកនាយករដ្ឋមន្ត្រី Fumio Kishida នឹងកាន់អំណាចដោយគ្មានការរំខាន រហូតដល់ការបោះឆ្នោតជ្រើសរើសនាយករដ្ឋមន្ត្រីដែលបានគ្រោងទុកនៅឆ្នាំ2025៕អត្ថបទ៖ សុខមាន

មនុស្ស ១៥នាក់ស្លាប់ និងការបំផ្លិចបំផ្លាញកាន់តែខ្លាំង ខណៈគ្រាប់រ៉ូកែតរុស្ស៊ីធ្លាក់ចំប្លុកអគារលំនៅឋានរបស់អ៊ុយក្រែន

អ៊ុយក្រែន៖ ក្រុមមន្ត្រីបាននិយាយកាលពីថ្ងៃអាទិត្យថា មនុស្ស ១៥នាក់ស្លាប់ និងជាង ២០នាក់ត្រូវគេបារម្ភថាបានជាប់ក្នុងគំនរកម្ទេចថ្ម ក្រោយគ្រាប់រ៉ូកែតរបស់រុស្ស៊ីប៉ះចំប្លុកអគារលំនៅឋានកម្ពស់ ៥ជាន់នៅក្នុងតំបន់ Donetsk ភាគខាងកើតអ៊ុយក្រែន ខណៈក្រុមអ្នកជួយសង្គ្រោះបានជីកកកាយតាមគំនរកម្ទេចថ្ម។ អ៊ុយក្រែនក៏បានរាយការណ៍ផងដែរ ពីការប៉ះទង្គិចគ្នាជាមួយទាហានរុស្ស៊ីនៅសមរភូមិជួរមុខ ក្នុងភាគខាងកើត និងខាងត្បូង ខណៈដែលក្រុង Moscow អះអាងថា កងកម្លាំងរបស់ខ្លួនបានវាយប្រហារលើឃ្លាំងស្តុកកាំភ្លើងធំ M777 ផលិតដោយសហរដ្ឋអាមេរិករបស់ទាហានអ៊ុយក្រែនជិតទីក្រុង Kostyantynivka ក្នុងតំបន់ Donetsk។ អភិបាលតំបន់ Donetsk លោក Pavlo Kyrylenko បាននិយាយថា ការវាយប្រហារលើអគារអឹផាតមិនបានកើតឡើងកាលពីល្ងាចថ្ងៃសៅរ៍នៅក្នុងទីក្រុង Chasiv Yar។ អង្គភាពសង្គ្រោះបន្ទាន់ប្រចាំតំបន់បានផ្ដល់ចំនួនអ្នកស្លាប់ ១៥នាក់កាលពីរសៀលថ្ងៃអាទិត្យ។លោក Kyrylo Tymoshenko អនុប្រធានការិយាល័យប្រធានាធិបតីអ៊ុយក្រែន បានសរសេរលើបណ្ដាញសង្គមថា មនុស្ស ៦នាក់ត្រូវបានជួយសង្គ្រោះចេញពីគំនរកម្ទេចថ្មនៅទីក្រុង Chasiv Yar ហើយថា មនុស្ស ២៣នាក់រួមទាំងកុមារម្នាក់នៅតែត្រូវបានកប់ក្នុងកម្ទេចថ្មនៅឡើយ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប្រធានាធិបតីអ៊ីរ៉ង់ ស្វាគមន៍តួនាទីរបស់ប្រទេសកាតា ក្នុងការសម្របសម្រួលកិច្ចព្រមព្រៀងរវាងអាមេរិក និងអ៊ីរ៉ង់

លោកLavrov៖ ការប្រឈមមុខដាក់គ្នាដោយផ្ទាល់រវាងNATO និងរុស្ស៊ី អាចកើនឡើងដល់ការវាយប្រហារនុយក្លេអ៊ែរ

អ៊ុយក្រែនវាយប្រហារដោយដ្រូនជិត ២០០គ្រឿងទៅលើទីក្រុងមូស្គូ បណ្តាលឲ្យមនុស្សយ៉ាងតិច១៧នាក់រងរបួស

កម្ពុជា និងអង្គការ SCO វាយតម្លៃខ្ពស់ចំពោះកិច្ចសហប្រតិបត្តិការទ្វេភាកីដ៏ល្អប្រសើរ នាពេលកន្លងមក

មន្ត្រីជំនាញខេត្តកំពង់ចាម ចុះត្រួតពិនិត្យទីតាំងស្តុកសាច់បង្កកតែមិនឃើញមានទំនិញនាំចូលខុសច្បាប់ពីថៃទេ

លោក TRUMP ពិពណ៌នាការចុះហត្ថលេខាលើ MoU របស់អ៊ីរ៉ង់ជាមួយអាមេរិកថា ជា «ការចុះចាញ់ដោយគ្មានលក្ខខណ្ឌ»

លោក Vance៖ អាមេរិកត្រៀមខ្លួនជាស្រេចដើម្បីកាត់បន្ថយវត្តមានយោធានៅជិតអ៊ីរ៉ង់ដល់កម្រិតមុនជម្លោះ

ស៊ីរីរាយការណ៍អំពីការលុកលុយថ្មីរបស់អ៊ីស្រាអែលចូលក្នុងទឹកដីរបស់ខ្លួន ខណៈភាពតានតឹងព្រំដែនកំពុងបន្ត

នាយឧត្តមសេនីយ៍ គន់ គីម បន្តអញ្ជើញជួបសំណេះសំណាល និងពិភាក្សាការងារជាមួយថ្នាក់ដឹកនាំ និងសមាជិកនៃសមាគមមិត្តភាពរណសិរ្សភូមិភាគនិរតីកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ៊ីរ៉ង់កំពុងត្រៀមបញ្ជូនយានដ្រូនបំពាក់អាវុធទៅឲ្យរុស្ស៊ី ដើម្បីជួយដល់សង្គ្រាមនៅអ៊ុយក្រែន

ទីក្រុងប៉េកាំងព្រមានទល់នឹងការយកបណ្ដាប្រទេសនៅអាស៊ី-អាគ្នេយ៍ធ្វើជាកូនអុករបស់មហាអំណាច

មេដឹកនាំពិភពលោកកាន់ទុក្ខលោក Shinzo Abe

ប្រជាជនស្រីលង្កាសម្រុកចូលលំនៅឋានប្រធានាធិបតីក្នុងពេលមានភាពតានតឹង

នគរបាលបានសារភាពថា មានការធ្វេសប្រហែសផ្នែកសន្តិសុខលើការធ្វើឃាតលោក Abe

សហភាពអឺរ៉ុបប្រឈមខ្លាំង ខណៈរុស្ស៊ីគ្រោងបិទបំពង់បង្ហូរឧស្ម័ន Nord Stream មួយរយៈ

លទ្ធផលបឋមបង្ហាញថា គណបក្សរបស់លោក Shinzo Abe ឈ្នះសំឡេងភាគច្រើនក្នុងការបោះឆ្នោតសភារបស់ជប៉ុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ទីក្រុង​ប៉េកាំង​ព្រមាន​ទល់នឹង​ការ​យក​បណ្ដា​ប្រទេស​នៅ​អាស៊ី​-​អាគ្នេយ៍​ធ្វើជា​កូនអុក​របស់​មហា​អំណាច​

មេដឹកនាំ​ពិភពលោក​កាន់ទុក្ខ​លោក Shinzo Abe

ប្រជាជន​ស្រីលង្កា​សម្រុកចូល​លំនៅឋាន​ប្រធានាធិបតី​ក្នុង​ពេល​មាន​ភាព​តានតឹង

នគរបាល​បាន​សារភាព​ថា មានការ​ធ្វេសប្រហែស​ផ្នែក​សន្តិសុខ​លើ​ការ​ធ្វើឃាត​លោក ​Abe

សហភាព​អឺរ៉ុប​ប្រឈម​ខ្លាំង ខណៈ​រុស្ស៊ី​គ្រោង​បិទ​បំពង់​បង្ហូរ​ឧស្ម័ន Nord Stream មួយរយៈ

លទ្ធផល​បឋម​បង្ហាញ​ថា គណបក្ស​របស់លោក Shinzo Abe ឈ្នះ​សំឡេង​ភាគច្រើន​ក្នុង​ការ​បោះ​ឆ្នោត​សភា​របស់​ជប៉ុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទីក្រុងប៉េកាំងព្រមានទល់នឹងការយកបណ្ដាប្រទេសនៅអាស៊ី-អាគ្នេយ៍ធ្វើជាកូនអុករបស់មហាអំណាច

មេដឹកនាំពិភពលោកកាន់ទុក្ខលោក Shinzo Abe

ប្រជាជនស្រីលង្កាសម្រុកចូលលំនៅឋានប្រធានាធិបតីក្នុងពេលមានភាពតានតឹង

នគរបាលបានសារភាពថា មានការធ្វេសប្រហែសផ្នែកសន្តិសុខលើការធ្វើឃាតលោក Abe

សហភាពអឺរ៉ុបប្រឈមខ្លាំង ខណៈរុស្ស៊ីគ្រោងបិទបំពង់បង្ហូរឧស្ម័ន Nord Stream មួយរយៈ

លទ្ធផលបឋមបង្ហាញថា គណបក្សរបស់លោក Shinzo Abe ឈ្នះសំឡេងភាគច្រើនក្នុងការបោះឆ្នោតសភារបស់ជប៉ុន