BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

សម្តេចតេជោ ហ៊ុន សែន ផ្ញើសារអបអរសាទរខួប៥ឆ្នាំ នៃការដាក់បញ្ចូលតំបន់ប្រាសាទសំបូរព្រៃគុក ក្នុងបញ្ជីបេតិកភណ្ឌពិភពលោក

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅថ្ងៃទី៨ ខែកក្កដា ឆ្នាំ២០២២នេះ បានផ្ញើសារអបអរសាទរខួប៥ឆ្នាំ នៃការដាក់បញ្ចូលតំបន់ប្រាសាទសំបូរព្រៃគុក ក្នុងបញ្ជីបេតិកភណ្ឌពិភពលោក។សម្តេចតេជោ ហ៊ុន សែន មានប្រសាសន៍ថា នៅថ្ងៃទី៨ ខែកក្កដា ឆ្នាំ២០២២នេះជាខួប៥ឆ្នាំហើយ នៃការដាក់បញ្ចូលតំបន់ប្រាសាទសំបូរព្រៃគុក ជាសម្បត្តិបេតិកភណ្ឌពិភពលោក (៨ កក្កដា ២០១៧-៨ កក្កដា ២០២២)។ការដាក់សម្បត្តិវប្បធម៌ និងប្រាសាទបុរាណទាំងនេះ មិនត្រឹមតែទទួលបានការគាំពារជាអន្តរជាតិនោះទេ តែក៏បានជួយផ្សព្វផ្សាយសម្បត្តិវប្បធម៌ និងប្រាសាទបុរាណរបស់ខ្មែរទៅកាន់ឆាកអន្តរជាតិផងដែរ។ ក្រោយចុះបញ្ជីជាសម្បត្តិបេតិកភណ្ឌពិភពលោក ប្រាសាទសំបូរព្រៃគុក បានក្លាយជាតំបន់ទេសចរណ៍វប្បធម៌ប្រវត្តិសាស្ត្រដ៏ទាក់ទាញមួយផងដែរ។ទន្ទឹមនឹងនោះ សម្តេចតេជោ ហ៊ុន សែន អំពាវនាវសូមចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឲ្យបានគង់វង្ស ដើម្បីកូនចៅខ្មែរគ្រប់ៗជំនាន់៕

សម្តេចតេជោ ហ៊ុន សែន អញ្ជើញដឹកនាំប្រជុំពេញអង្គគណៈរដ្ឋមន្ត្រីដើម្បីពិភាក្សា និងឆ្លងលើរបៀបវារៈមួយចំនួន

ភ្នំពេញ៖ នៅថ្ងៃសុក្រទី០៨ ខែកក្កដា ឆ្នាំ២០២២ មានបើកកិច្ចប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដើម្បីពិភាក្សា និងឆ្លងលើរបៀបវារៈដូចខាងក្រោម៖១- សេចក្តីព្រាងច្បាប់ធម្មនុញ្ញ ។២- សេចក្តីព្រាងច្បាប់ស្តីពីការគ្រប់គ្រងចំណូលមិនមែនសារពើពន្ធ។៣-បញ្ហាផ្សេងៗ សំណើសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញត្តិលើ៖៣.១-សេចក្តីព្រាងច្បាប់ស្តីពីការអនុម័តយល់ព្រមលើ១-កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជានិងរដ្ឋាភិបាលនៃតំបន់រដ្ឋបាល ពិសេសម៉ាកាវនៃសាធារណរដ្ឋប្រជាមានិតចិន ស្តីពីការលុបបំបាត់ការយកពន្ធត្រួតគ្នាពាក់ព័ន្ធ នឹងពន្ធលើប្រាក់ចំណូល និងការបង្ការការគេចវេះពន្ធនិងការចៀសវាងពន្ធ។២-កិច្ចព្រមព្រៀងរវាងរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋតួកគី ស្តីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូល។៣.២-សេចក្តីព្រាងច្បាប់ស្តីពីការអនុម័តយល់ព្រមឱ្យព្រះរាជាណាចក្រកម្ពុជា ចូលជាភាគីនៃអនុសញ្ញាស្តីពីជំនួយក្នុងករណីមានគ្រោះមហន្ដរាយនុក្លេអ៊ែរ ឬគ្រោះអាសន្នវិទ្យុសកម្ម៕

កម្ពុជាទទួលបានវ៉ាក់សាំងកូវីដ-១៩ប្រភេទPfizer-BioNTech សម្រាប់ចាក់ជូនកុមារអាយុ៥-១១ឆ្នាំ ចំនួន១៩៦.៨០០ដូស ពីអូស្រ្តាលី

ភ្នំពេញ៖ នៅព្រឹកថ្ងៃទី០៨ ខែកក្កដា ឆ្នាំ២០២២នេះ កម្ពុជាទទួលបានវ៉ាក់សាំងកូវីដ-១៩ប្រភេទ Pfizer-BioNTech សម្រាប់ចាក់ជូនកុមារអាយុ៥-១១ឆ្នាំ ចំនួន១៩៦.៨០០ដូស ពីអូស្រ្តាលី នៃចំនួនដែលនឹងប្រគល់សរុបទាំងអស់ចំនួន៤៨២ ៤០០ដូស។ ពិធីប្រគល់-ទទួលអំណោយដ៏ថ្លៃថ្លាវ៉ាក់សាំងបង្ការជំងឺកូវីដ-១៩ Pfizer-BioNTech នេះធ្វើឡើងនៅអាកាសយានដ្ឋានអន្តរជាតិភ្នំពេញ នាព្រឹកថ្ងៃទី៨ ខែកក្កដា ឆ្នាំ២០២២នេះ ក្រោមវត្តមានឯកឧត្តម ម៉ម ប៊ុនហេង រដ្ឋមន្រី្តក្រសួងសុខាភិបាល និងឯកឧត្តម ប៉ាប្លូ កាង ឯកអគ្គរាជទូតអូស្រ្តាលី ប្រចាំកម្ពុជា រួមនិងតំណាងអង្គការជាតិ និងអន្តរជាតិ។

BREAKING NEWS លោកBoris Johnson នឹងលាលែងពីតំណែងជាមេដឹកនាំគណបក្សអភិរក្សនិយម នៅថ្ងៃនេះ

ការលាលែងនេះធ្វើឡើងបន្ទាប់ពី រដ្ឋមន្ត្រីជាង ៥០នាក់ បានលាលែងពីរដ្ឋាភិបាល ចាប់តាំងពីថ្ងៃអង្គារ។ ប៉ុន្តែលោក Johnson និងបន្តតំណែងជានាយករដ្ឋមន្ត្រីរហូតដល់រដូវកាលសរទរដូវ ដើម្បីអនុញ្ញាតឲ្យមានប្រកួតប្រជែងមេដឹកនាំថ្មី ដែលនឹងត្រូវធ្វើឡើង។

អង្គការសុខភាពពិភពលោកធ្វើបច្ចុប្បន្នភាពវីរុស Covid-19 និងជំងឺអុតស្វា

WHO៖ អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus បាននិយាយលើកឡើងអំពីជំងឺ COVID-19។ ករណីដែលត្រូវបានរាយការណ៍ជាសកលបានកើនឡើងជិត 30% ក្នុងរយៈពេល 2សប្តាហ៍កន្លងទៅនេះ។ ថ្លែងទៅកាន់អ្នកសារព័ត៌មានកាលពីថ្ងៃពុធនៅទីក្រុងហ្សឺណែវ លោក Tedros បាននិយាយថា នៅសហភាពអឺរ៉ុប និងសហរដ្ឋអាមេរិកវីរុស BA.4 និង BA.5 កំពុងជំរុញរលកវីរុស។ នៅក្នុងប្រទេសដូចជាប្រទេសឥណ្ឌាវីរុស BA.2.75 ក៏ត្រូវបានរកឃើញដែលយើងកំពុងតាមដាន។ លោកវេជ្ជបណ្ឌិត Mike Ryan អ្នកជំនាញរបស់អង្គការសុខភាពពិភពលោកបាននិយាយនៅក្នុងសន្និសីទសារព័ត៌មានថា ប្រទេសនីមួយៗមានចន្លោះប្រហោងក្នុងការត្រៀមខ្លួនរបស់ពួកគេ ជាបញ្ហាក្នុងការតាមដានរបស់ខ្លួន។ ភាពចន្លោះប្រហោងទាំងនេះមានលក្ខណៈធ្ងន់ធ្ងរ ដែលភាគច្រើនគឺដោយសារតែខ្វះលទ្ធភាពប្រើប្រាស់ និងកង្វះភាពស្មើរភាពគ្នា ប៉ុន្តែមិនមែនទាំងអស់នោះទេ ហើយប្រទេសនីមួយៗត្រូវតាមដានផែនការជាតិរបស់ខ្លួន។ ដោយនិយាយអំពីជំងឺអុតស្វា អគ្គនាយកអង្គការសុខភាពពិភពលោក លោកវេជ្ជបណ្ឌិត Tedros បាននិយាយថា លោកនៅតែមានការព្រួយបារម្ភចំពោះទំហំ និងការរាលដាលវីរុសនេះ។លោកបាននិយាយថា នៅទូទាំងពិភពលោកបច្ចុប្បន្ននេះមានករណីជាង 6,000ករណីដែលបានកត់ត្រានៅក្នុង 58ប្រទេស។ ការធ្វើតេស្តនៅតែជាបញ្ហាប្រឈមមួយ ហើយវាប្រហែលជាខ្ពស់ដែលមានករណីជាច្រើនមិនត្រូវបានគេលើកឡើង។ យោងតាមប្រធានអង្គការសុខភាពពិភពលោក សហភាពអឺរ៉ុបគឺជាចំណុចកណ្តាលនៃការផ្ទុះឡើងនាពេលបច្ចុប្បន្ន ដោយកត់ត្រាមានចំនួនច្រើនជាង 80%នៃករណីនៅទូទាំងពិភពលោក។ នៅទ្វីបអាហ្វ្រិក ករណីកំពុងលេចឡើងនៅក្នុងប្រទេសដែលមិនរងផលប៉ះពាល់ពីមុន ហើយចំនួនកំណត់ត្រាកំពុងត្រូវបានកត់ត្រានៅកន្លែងដែលធ្លាប់ជួបប្រទះពីមុនជាមួយជំងឺអុតស្វា។ អង្គការសុខភាពពិភពលោកកំពុងធ្វើការជាមួយបណ្តាប្រទេស និងក្រុមហ៊ុនផលិតវ៉ាក់សាំងដើម្បីសម្របសម្រួលការបែងចែកវ៉ាក់សាំង ដែលបច្ចុប្បន្នខ្វះខាត និងចាំបាច់ត្រូវមានលទ្ធភាពទៅដល់មនុស្សដែលមានហានិភ័យខ្ពស់បំផុត៕អត្ថបទ៖ ប៊ុនថន

រុស្ស៊ីកើបលុយ ២៤ពាន់លានដុល្លារអាមេរិកពីការលក់ថាមពលឲ្យចិន និងឥណ្ឌា

រុស្ស៊ី៖ រុស្ស៊ីបានកើបលុយ ២៤ពាន់លានដុល្លារអាមេរិកពីការលក់ថាមពលទៅឱ្យចិន និងឥណ្ឌាក្នុងរយៈពេលត្រឹមតែ ៣ខែបន្ទាប់ពីការលុកលុយរបស់ខ្លួនចូលអ៊ុយក្រែន ដែលបង្ហាញពីរបៀបដែលតម្លៃពិភពលោកកាន់តែខ្ពស់ កំពុងបង្អាក់កិច្ចខិតខំប្រឹងប្រែងរបស់សហរដ្ឋអាមេរិក និងអឺរ៉ុបក្នុងការដាក់ទណ្ឌកម្មលើលោកប្រធានាធិបតី Vladimir Putin។ ទិន្នន័យពីភ្នាក់ងារពន្ធដារគយបានបង្ហាញថា ប្រទេសចិនបានចំណាយប្រាក់ ១៨.៩ពាន់លានដុល្លារអាមេរិកទិញប្រេង ឧស្ម័ន និងធ្យូងថ្មរបស់រុស្ស៊ីក្នុងរយៈពេល ៣ខែគិតត្រឹមដំណាច់ខែឧសភា ជាការកើនឡើងជិត ២ដងកាលពីដើមឆ្នាំនេះ ចំណែកប្រទេសឥណ្ឌាវិញបានចំណាយប្រាក់ចំនួន ៥.១ពាន់លានដុល្លារអាមេរិកក្នុងពេលវេលាដូចគ្នា ជាការកើនឡើងជាង ៥ដងនៃការចំណាយកាលពីឆ្នាំមុន។ នេះជាការបន្ថែមការចំណាយចំនួន ១៣ពាន់លានដុល្លារអាមេរិកលើប្រាក់ចំណេញបានមកពីប្រទេសទាំង២ ធៀបទៅនឹងរយៈពេល ១២ខែដូចគ្នាក្នុងឆ្នាំ២០២១។ការចំណាយកាន់តែច្រើនកំពុងជួយបង្កើតកញ្ចប់លុយ ដែលបានធ្លាក់ចុះក្នុងការទិញពីសំណាក់សហរដ្ឋអាមេរិក និងបណ្ដាប្រទេសមួយចំនួនដែលបានផ្អាក ឬកាត់បន្ថយការទិញដើម្បីដាក់ទណ្ឌកម្មលើរុស្ស៊ីជុំវិញសង្គ្រាមនេះ។ បម្រាមនាំចូលថាមពលពីរុស្ស៊ីបានរុញឲ្យតម្លៃសម្រាប់ការផ្គត់ផ្គង់ហក់ឡើងខ្ពស់ និងបង្កឲ្យមានអតិផរណាខ្លាំង ដែលអាចធ្វើឲ្យប្រទេសដែលមានសេដ្ឋកិច្ចធំៗធ្លាក់ចូលក្នុងឱនភាព៕អត្ថបទ៖ សុខមាន

ចិនស្ដីបន្ទោសណាតូថា កំពុងបង្កើតជម្លោះ និងបំពក់ភ្លើងសង្គ្រាម

ចិន៖ ក្រសួងការបរទេសចិនបានអះអាងថា សហរដ្ឋអាមេរិក និងសម្ព័ន្ធណាតូបានធ្វើឲ្យសន្តិភាពពិភពលោកដើរថយក្រោយ ដោយការបង្កើតឲ្យមានជម្លោះ និងបំពក់ភ្នក់ភ្លើងសង្គ្រាមបម្រើឲ្យផលប្រយោជន៍អាត្មានិយមរបស់ទីក្រុង Washington លើការចំណាយអាយុជីវិតជនស៊ីវិលស្លូតត្រង់ទូទាំងពិភពលោក។ អ្នកនាំពាក្យក្រសួងការបរទេសចិនលោក Zhao Lijian បានប្រាប់អ្នកយកព័ត៌មានកាលពីថ្ងៃពុធថា ប្រវត្តិសាស្ត្ររបស់អង្គការណាតូគឺចូលចិត្តបង្កើតជម្លោះ និងបំពក់ភ្លើងសង្គ្រាម ការបង្កើតសង្គ្រាម និងការសម្លាប់ជនស៊ីវិលស្លូតត្រង់តាមអំពើចិត្តសូម្បីតែសព្វថ្ងៃនេះក៏ដោយ។ ការពិតជាច្រើនបានបង្ហាញថា មិនមែនប្រទេសចិនទេដែលបង្កការគំរាមជាប្រព័ន្ធដល់ណាតូ ផ្ទុយទៅវិញណាតូខ្លួនឯងទេដែលតែងតែពង្រីកការគំរាមជាប្រព័ន្ធដល់សន្តិភាព និងសន្តិសុខពិភពលោក។ ការធ្វើអត្ថាធិប្បាយបែបនេះរបស់លោក Zhao មានឡើងមួយសប្ដាហ៍ បន្ទាប់ពីការលើកឡើងជាលើកដំបូងរបស់ណាតូដោយចង្អុលមុខដាក់ចិនថា ជាអាទិភាពយុទ្ធសាស្ត្រ និងជាការប្រជែងផលប្រយោជន៍លោកខាងលិច។អគ្គលេខាធិការអង្គការសម្ព័ន្ធយោធាណាតូលោក Jens Stoltenberg បាននិយាយកាលពីថ្ងៃពុធសប្ដាហ៍មុនថា ប្រទេសចិនកំពុងបង្កើនកម្លាំងយោធារបស់ខ្លួនដ៏ធំរួមទាំងអាវុធនុយក្លេអ៊ែរ ការសម្លុតគំរាមប្រទេសជិតខាងរបស់ខ្លួន និងគំរាមកំហែងកោះតៃវ៉ាន់ តាមដាន និងគ្រប់គ្រងពលរដ្ឋខ្លួនឯងតាមរយៈបច្ចេកវិទ្យាទំនើប និងជួយផ្សព្វផ្សាយការភូតកុហករបស់រុស្ស៊ី និងការផ្សាយព័ត៌មានមិនពិត។ ភាពតានតឹងរវាងណាតូ និងចិនបានរីកកាន់តែធំចាប់តាំងពីរុស្ស៊ីបើកការវាយប្រហារដោយយោធាចូលអ៊ុយក្រែនកាលពីថ្ងៃទី២៤ ខែកុម្ភៈ។ ទីក្រុងប៉េកាំងដែលបានច្រានចោលក្នុងការចូលរួមយុទ្ធនាការដាក់ទណ្ឌកម្មដឹកនាំដោយសហរដ្ឋអាមេរិក និងធ្វើឲ្យរុស្ស៊ីឯកាជុំវិញជម្លោះបានលើកឡើងថា អង្គការណាតូបង្កឲ្យមានវិបត្តិនេះ៕ អត្ថបទ៖ សុខមាន

លោក Boris Johnson ព្យាយាមក្រោកតតាំង ខណៈរងសម្ពាធខ្លាំងឲ្យលោកលាលែងពីតំណែង

អង់គ្លេស៖ ប្រភពមួយបាននិយាយថា នាយករដ្ឋមន្ត្រីអង់គ្លេសលោក Boris Johnson បានប្រឆាំងទៅនឹងសម្ពាធឱ្យលាលែងពីតំណែងកាលពីថ្ងៃពុធពីក្រុមមន្ត្រីជាន់ខ្ពស់ និងការបះបោរដែលចេះកើនឡើង នៅក្នុងគណបក្សអភិរក្សនិយមដែលកំពុងកាន់អំណាចរបស់លោក ដោយនិយាយថា លោកនឹងតតាំងនឹងការប៉ុនប៉ងទម្លាក់លោកជុំវិញរឿងអាស្រូវជាបន្តបន្ទាប់។ ក្រោយមានការលាលែងពីតំណែងជាង ៤០នាក់នៅក្នុងជួររដ្ឋាភិបាល និងសមាជិកសភាមកពីគណបក្សអភិរក្សនិយមជាច្រើននៅក្នុងការបះបោរដោយបើកចំហ ក្រុមរដ្ឋមន្ត្រីគណៈរដ្ឋមន្ត្រីមួយចំនួនបានទៅកាន់វិមាននាយករដ្ឋមន្ត្រី Downing Street ដើម្បីប្រាប់លោក Johnson ថា លោកត្រូវតែលាលែងពីតំណែង។ មនុស្សម្នាក់បានជំរុញលោកឱ្យលាលែងពីតំណែងដោយថ្លៃថ្នូរ ដោយកំណត់ពេលវេលាផ្ទាល់ខ្លួនរបស់លោក ជាជាងប្រឈមនឹងការបោះឆ្នោតផ្ដល់សេចក្ដីទុកចិត្ត។ សមាជិកសភាជាច្រើនបាននិយាយថា ឥឡូវនេះវាជាសំណួរមួយថា តើលោកត្រូវចុះចេញពីតំណែងនៅពេលណា។ មនុស្សរាប់សិបនាក់បានរិះគន់ជាសាធារណៈចំពោះសុចរិតភាពរបស់ Johnson បន្ទាប់ពីលោកត្រូវបានបង្ខំឱ្យសុំទោស ចំពោះការតែងតាំងសមាជិកសភាឱ្យមានតួនាទីទទួលបន្ទុកវិន័យ និងបទបញ្ជាផ្ទៃក្នុងសភា ហើយមិនបានរំលឹកអំពីដំណើររឿងដែលគេធ្លាប់ជូនព័ត៌មានថា មន្ត្រីរូបនេះបានរងការចោទប្រកាន់ពីបទប្រព្រឹត្តអនាចារ។លោក James Duddridge បាននិយាយថា លោក Johnson និងរដ្ឋមន្ត្រីហិរញ្ញវត្ថុដែលទើបតែងតាំងថ្មីលោក Nadim Zahawi នឹងរៀបចំផែនការរួមថ្មីមួយសម្រាប់សេដ្ឋកិច្ចនៅសប្តាហ៍ក្រោយ ដែលនឹងរួមបញ្ចូលការកាត់ពន្ធ។ នាយករដ្ឋមន្ត្រីមានការយល់ច្រឡំ ប្រសិនបើលោកមានអារម្មណ៍ថា លោកអាចទទួលបានការគាំទ្រសម្រាប់បញ្ហាចំពោះមុខ សភាដែលត្រូវបានដួលរលំ។ សមាជិកសភាអភិរក្សនិយមជាន់ខ្ពស់មួយរូប បាននិយាយដោយមិនបញ្ចេញឈ្មោះថា លោកកំពុងធ្វើឲ្យគណបក្សអភិរក្សនិយមរងភាពអាម៉ាស់ និងជាការប្រមាថដល់អ្នកបោះឆ្នោត។ លោក Johnson ទទួលស្គាល់ថា វាជាកំហុសឆ្គងដ៏ធំក្នុងការតែងតាំងលោក Chris Pincher ទោះលោកដឹងហើយថា មានការចោទប្រកាន់ប្រឆាំងនឹងមន្ត្រីរូបនោះ៕អត្ថបទ៖ សុខមាន

សម្ដេចតេជោ ហ៊ុន សែន អំពាវនាវឲ្យចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឲ្យបានគង់វង្ស ដើម្បីកូនចៅខ្មែរគ្រប់ៗជំនាន់

ភ្នំពេញ ៖ សម្ដេចតេជោ ហ៊ុន សែន បានផ្ញើសារអបអរសាទរខួប ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក និងបានអំពាវនាវឲ្យគ្រប់គ្នាចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឲ្យបានគង់វង្ស ដើម្បីកូនចៅខ្មែរគ្រប់ៗជំនាន់។សម្រាប់អ្នកជំនាញអារ្យធម៌ខ្មែរអះអាងថា ការចូលរួមថែរក្សាប្រាសាទបុរាណ គឺមានសារៈសំខាន់ក្នុងការបង្ហាញពីអត្តសញ្ញាណជាតិ វប្បធម៌ជាតិ និងមរតកដ៏រុងរឿងរបស់ជាតិកម្ពុជា។សម្ដេចតេជោ ហ៊ុន សែន ប្រមុខដឹកនាំ រាជរដ្ឋាភិបាលកម្ពុជា បានផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក។ សម្ដេចបានបង្ហោះសំណេរថា ថ្ងៃនេះគឺជាខួបលើកទី១៤ឆ្នាំ នៃការចុះបញ្ជី “ប្រាសាទព្រះវិហារ” ជាបេតិកភណ្ឌពិភពលោក (០៧ កក្កដា ២០០៨-០៧ កក្កដា ២០២២)។ ព្រឹត្តិការណ៍ដែលកើតឡើងកាលពីថ្ងៃទី០៧ ខែកក្កដា ឆ្នាំ២០០៨ ត្រូវបានចាត់ទុកជាព្រឹត្តិការណ៍ប្រវត្តិសាស្ត្រថ្មីមួយ បើគិតចាប់តាំងពីកម្ពុជាទទួលបានប្រាសាទដ៏ពិសិដ្ឋមួយនេះ ក្រោយឈ្នះក្តីលើប្រទេសថៃនៅតុលាការអន្តរជាតិក្រុងឡាអេ នាថ្ងៃទី១៥ខែមិថុនា ឆ្នាំ១៩៦២។ សម្ដេចតេជោ ហ៊ុន សែន បន្ថែមថា ប្រាសាទព្រះវិហារ ជាប្រាសាទដ៏ពិសិដ្ឋរបស់កម្ពុជាដែលស្ថិតនៅលើភ្នំដងរែក ត្រូវបានចុះបញ្ជីជាសម្បត្តិបេតិកភណ្ឌពិភពលោកនាកិច្ចប្រជុំទី៣២ របស់គណៈកម្មាធិការ បេតិកភណ្ឌពិភពលោករបស់អង្គការយូណេស្កូ (UNESCO) កាលពីថ្ងៃទី០៧ ខែកក្កដា ឆ្នាំ២០០៨ នៅទីក្រុងកេបិច ប្រទេសកាណាដា។ ដូច្នេះសូមចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឱ្យបានគង់វង្ស ដើម្បីកូនចៅខ្មែរគ្រប់ៗជំនាន់។ជុំវិញរឿងនេះលោក រ័ត្ន សណ្ដាប់ អ្នកជំនាញអារ្យធម៌ខ្មែរ មានប្រសាសន៍ប្រាប់វិទ្យុបាយ័នថា ការចូលរួមថែរក្សាប្រាសាទបុរាណដែលបន្សល់ទុកពីបុព្វបុរសមក គឺជារឿងចាំបាច់បំផុត។ ចំាំបាច់ក៏ព្រោះថា ប្រាសាទបុរាណទាំងនោះគឺជាអត្តសញ្ញាណ វប្បធម៌ មរតកដ៏រ៉ុងរឿងរបស់កម្ពុជា។អ្នកជំនាញអារ្យធម៌ខ្មែររូបនេះ បន្ថែមទៀតថា បុព្វបុរសខ្មែរ បានចារលើសិលាចរឹកថា បើសិននណាថែរក្សាសម្បត្តិបុរាណនេះ ទាំងខ្លួនយើង និងសាច់ញាតិយើង នឹងបានឡើងឋានសួគ៌ តែបើសិនជាអ្នកណាបំផ្លាញសម្បត្តិបុរាណដែលជាស្នាដៃរបស់ជាតិនេះ ទាំងខ្លួនយើង និងសាច់ញាតិយើងផង នឹងធ្លាក់នរក រហូតដល់អស់ព្រះចន្ទ និងព្រះអាទិត្យ។ លោកអះអាងថា ឃ្លានេះគឺជាពរជ័យផង និងជាបណ្ដាសារផង ហើយឃ្លានេះក៏បានឆ្លុះបញ្ចាំងពីសាររបស់សម្ដេចតេជោ ហ៊ុន សែន ដែរ ដែលសម្ដេចផ្ញើសារជាពរជ័យដល់ប្រជាជនឲ្យចូលរួមថែរក្សាសម្បត្តិបុរាណ។សម្រាប់លោកអ្នកជំនាញអារ្យធម៌ខ្មែរ បង្ហាញទស្សនៈថា បច្ចុប្បន្ននេះប្រជាជនកម្ពុជាកាន់តែមានការយល់ដឹងច្រើន អំពីការចូលរួមថែរក្សាសម្បត្តិប្រាសាទបុរាណ ហើយលោកលើកទឹកចិត្តឲ្យប្រជាជនបន្តការចូលរួមនេះទៅមុខទៀត ដើម្បីថែរក្សា និងអភិរក្សប្រាសាទដ៏ច្រើនដែលបុព្វបុរសខ្មែរកសាងទុក។ តែយ៉ាងណារឿងដែលសំខាន់បំផុតក្នុងការការពារសម្បត្តិវប្បធម៌នេះ គឺ សន្ដិភាព លោកអះអាងថា មានសន្ដិភាពទើបអាចបើកឱកាសឲ្យគ្រប់គ្នាថែរក្សាគ្រប់ប្រាសាទបុរាណ៕

សម្តេចតេជោ ហ៊ុន សែន ផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី០៧ ខែកក្កដា ឆ្នាំ២០២២នេះ បានផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក។ថ្ងៃនេះគឺជាខួបលើកទី១៤ឆ្នាំ នៃការចុះបញ្ជី “ប្រាសាទព្រះវិហារ” ជាបេតិកភណ្ឌពិភពលោក (០៧ កក្កដា ២០០៨-០៧ កក្កដា ២០២២)។ ព្រឹត្តិការណ៍ដែលកើតឡើងកាលពីថ្ងៃទី០៧ ខែកក្កដា ឆ្នាំ២០០៨ ត្រូវបានចាត់ទុកជាព្រឹត្តិការណ៍ប្រវត្តិសាស្ត្រថ្មីមួយ បើគិតចាប់តាំងពីកម្ពុជាទទួលបានប្រាសាទដ៏ពិសិដ្ឋមួយនេះ ក្រោយឈ្នះក្តីលើប្រទេសថៃនៅតុលាការអន្តរជាតិក្រុងឡាអេ នាថ្ងៃទី១៥ ខែមិថុនា ឆ្នាំ១៩៦២។ ប្រាសាទព្រះវិហារ ជាប្រាសាទដ៏ពិសិដ្ឋរបស់កម្ពុជាដែលស្ថិតនៅលើភ្នំដងរែក ត្រូវបានចុះបញ្ជីជាសម្បត្តិបេតិកភណ្ឌពិភពលោកនាកិច្ចប្រជុំទី៣២ របស់គណៈកម្មាធិការ បេតិកភណ្ឌពិភពលោករបស់អង្គការយូណេស្កូ (UNESCO) កាលពីថ្ងៃទី០៧ ខែកក្កដា ឆ្នាំ២០០៨ នៅទីក្រុងកេបិច ប្រទេសកាណាដា។សម្តេចតេជោ ហ៊ុន សែន អំពាវនាវអោយប្រជាពលរដ្ឋចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឱ្យបានគង់វង្ស ដើម្បីកូនចៅខ្មែរគ្រប់ៗជំនាន់៕

បណ្ដាញសង្គម

ព័ត៌មានថ្មីៗ

មន្ត្រីអាមេរិក៖ អ៊ីស្រាអែល និងហេសបូឡា ព្រមព្រៀងមានបទឈប់បាញ់ចាប់ពីថ្ងៃទី១៩ ខែមិថុនា

លោក Trump បញ្ជាក់ថា សង្គ្រាមធ្វើឲ្យអ៊ីរ៉ង់ខ្សោយ និងបដិសេធការរិះគន់របស់ក្រុមប្រជាធិបតេយ្យ

មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់

ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន

ទីភ្នាក់ងារទេសចរណ៍ចិនចាប់ផ្ដើមដំណើរកម្សាន្តជាក្រុមទៅជប៉ុនឡើងវិញ តែខ្លះបញ្ឈប់ការលក់ក្រោយមក

លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យមាន «បទឈប់បាញ់គ្រប់ជ្រុងជ្រោយ»

ការបំផ្ទុះគ្រាប់បែក ២ផ្សេងគ្នា បណ្តាលឲ្យនគរបាលរងរបួស ក្នុងខេត្ត Yala និង Pattani របស់ថៃ

ទីភ្នាក់ងារតាមដាន៖ ការឆ្លងកាត់របស់នាវា នៅចក្រសមុទ្រ Hormuz កើនឡើង ក្រោយមានកិច្ចព្រមព្រៀង

ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

រញ្ជួយដីកម្រិត ៦,៣រ៉ិចទ័រ កើតមាននៅតំបន់ចុងបូព៌ារបស់រុស្ស៊ី ស្របពេលមានការរញ្ជួយបន្តបន្ទាប់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញដឹកនាំប្រជុំពេញអង្គគណៈរដ្ឋមន្ត្រីដើម្បីពិភាក្សា និងឆ្លងលើរបៀបវារៈមួយចំនួន

កម្ពុជាទទួលបានវ៉ាក់សាំងកូវីដ-១៩ប្រភេទPfizer-BioNTech សម្រាប់ចាក់ជូនកុមារអាយុ៥-១១ឆ្នាំ ចំនួន១៩៦.៨០០ដូស ពីអូស្រ្តាលី

BREAKING NEWS លោកBoris Johnson នឹងលាលែងពីតំណែងជាមេដឹកនាំគណបក្សអភិរក្សនិយម នៅថ្ងៃនេះ

អង្គការសុខភាពពិភពលោកធ្វើបច្ចុប្បន្នភាពវីរុស Covid-19 និងជំងឺអុតស្វា

រុស្ស៊ីកើបលុយ ២៤ពាន់លានដុល្លារអាមេរិកពីការលក់ថាមពលឲ្យចិន និងឥណ្ឌា

ចិនស្ដីបន្ទោសណាតូថា កំពុងបង្កើតជម្លោះ និងបំពក់ភ្លើងសង្គ្រាម

លោក Boris Johnson ព្យាយាមក្រោកតតាំង ខណៈរងសម្ពាធខ្លាំងឲ្យលោកលាលែងពីតំណែង

សម្តេចតេជោ ហ៊ុន សែន ផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញដឹកនាំប្រជុំពេញអង្គគណៈរដ្ឋមន្ត្រីដើម្បីពិភាក្សា និងឆ្លងលើរបៀបវារៈមួយចំនួន

BREAKING NEWS លោកBoris Johnson នឹងលាលែងពីតំណែងជាមេដឹកនាំគណបក្សអភិរក្សនិយម នៅថ្ងៃនេះ

អង្គការ​សុខភាព​ពិភពលោក​ធ្វើ​បច្ចុប្បន្នភាព​វីរុស ​Covid-19 និង​ជំងឺ​អុត​ស្វា​

រុស្ស៊ី​កើប​លុយ​ ២៤​ពាន់​លាន​ដុល្លារ​អាមេរិក​ពី​ការ​លក់​ថាមពល​ឲ្យ​ចិន និង​ឥណ្ឌា

ចិន​ស្ដីបន្ទោស​ណា​តូ​ថា ​កំពុង​បង្កើត​ជម្លោះ និង​បំពក់ភ្លើង​សង្គ្រាម

លោក Boris Johnson ព្យាយាម​ក្រោក​តតាំង ខណៈ​រង​សម្ពាធ​ខ្លាំង​ឲ្យ​លោក​លាលែង​ពី​តំណែង

សម្តេចតេជោ​ ហ៊ុន សែន ផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសុខភាពពិភពលោកធ្វើបច្ចុប្បន្នភាពវីរុស Covid-19 និងជំងឺអុតស្វា

រុស្ស៊ីកើបលុយ ២៤ពាន់លានដុល្លារអាមេរិកពីការលក់ថាមពលឲ្យចិន និងឥណ្ឌា

ចិនស្ដីបន្ទោសណាតូថា កំពុងបង្កើតជម្លោះ និងបំពក់ភ្លើងសង្គ្រាម

លោក Boris Johnson ព្យាយាមក្រោកតតាំង ខណៈរងសម្ពាធខ្លាំងឲ្យលោកលាលែងពីតំណែង

សម្តេចតេជោ ហ៊ុន សែន ផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក