BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

លោក Putin ថ្កោលទោសមហិច្ឆតាចក្រពត្តិរបស់សម្ព័ន្ធណាតូ ខណៈព្រមានហ្វាំងឡង់ និងស៊ុយអែត

រុស្ស៊ី៖ ប្រធានាធិបតីរុស្ស៊ីលោក Vladimir Putin បានថ្កោលទោសមហិច្ឆតាចក្រពត្តិរបស់សម្ព័ន្ធយោធាណាតូ ដោយចោទប្រកាន់សម្ព័ន្ធយោធានេះថា កំពុងព្យាយាមបង្ហាញឧត្ដមភាពរបស់ខ្លួនតាមរយៈជម្លោះក្នុងប្រទេសអ៊ុយក្រែន។ មេដឹកនាំរុស្ស៊ីរូបនេះក៏បាននិយាយផងដែរកាលពីថ្ងៃពុធថា លោកនឹងឆ្លើយតប បើសម្ព័ន្ធណាតូពង្រាយកងទ័ព និងហេដ្ឋារចនាសម្ព័ន្ធយោធានៅក្នុងប្រទេសហ្វាំងឡង់ និងស៊ុយអែត បន្ទាប់ពីប្រទេសនៅអឺរ៉ុបខាងជើងទាំង២ បានចូលជាសមាជិកសម្ព័ន្ធយោធាមួយនេះ។ លោក Putin បានធ្វើសេចក្ដីអត្ថាធិប្បាយបែបនេះ មួយថ្ងៃបន្ទាប់ពីប្រទេសទួរគីដែលជាសមាជិកសម្ព័ន្ធយោធាបានដកសិទ្ធិវ៉េតូ (veto) របស់ខ្លួន ជាការបើកភ្លើងខៀវឲ្យហ្វាំងឡង់ និងស៊ុយអែតចូលជាសមាជិកសម្ព័ន្ធយោធាមួយនេះ នៅពេលប្រទេសទាំង៣ បានព្រមព្រៀងការពារសន្តិសុខឲ្យគ្នាទៅវិញទៅមក។ លោក Putin បានប្រាប់ទូរទស្សន៍រដ្ឋរុស្ស៊ី បន្ទាប់ពីការពិភាក្សាជាមួយបណ្ដាមេដឹកនាំក្នុងតំបន់នៅក្នុងប្រទេសតួកមិននីស្ថាន ដែលជារដ្ឋអតីតសហភាពសូវៀតនៅអាស៊ីកណ្ដាលថា ទោះហ្វាំងឡង់ និងស៊ុយអែតចូលជាសមាជិកសម្ព័ន្ធណាតូក៏ដោយ ក៏មិនប៉ះពាល់ដល់ជម្លោះនៅអ៊ុយក្រែនដែរ បើពួកគេចង់ចូលណាតូក៏ចូលចុះ។ លោកថា ប៉ុន្តែពួកគេត្រូវតែយល់ថា គ្មានការគំរាមកំហែងពីមុន ហើយឥឡូវប្រសិនកងទ័ពស្រួច និងហេដ្ឋារចនាសម្ព័ន្ធយោធាត្រូវបានដាក់ពង្រាយនៅទីនោះ យើងនឹងត្រូវឆ្លើយតប និងបង្កើតការគំរាមកំហែងដូចគ្នាសម្រាប់ដែនដីនានា ដែលរងការគំរាមកំហែងចំពោះយើង៕អត្ថបទ៖ សុខមាន

សម្ដេចតេជោ៖ កម្ពុជាសម្រេចបានជោគជ័យលើការប្រយុទ្ធប្រឆាំងកូវីដ-១៩ គឺអនុវត្តអភិក្រមផ្ការីក

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងប្រាប់តំណាងអង្គការសុខាភាពពិភពលោក (WHO)ថា ការដែលកម្ពុជាសម្រេចបានជោគជ័យលើការប្រយុទ្ធប្រឆាំងនឹងជំងឺកូវីដ-១៩ គឺអនុវត្តអភិ ក្រមផ្ការីក។ក្នុងពេលអនុញ្ញាតឱ្យឯកឧត្ដមបណ្ឌិត តាកេស៊ី កាសៃ (Takeshi kasai) នាយកប្រចាំតំបន់អាស៊ីប៉ាស៊ី ហ្វិក នៃអង្គការសុខភាពពិភព (WHO) ចូលជួបសំដែងការគួរសម និងពិភាក្សាការងារ នាព្រឹកថ្ងៃ ទី៣០ ខែមិថុនានេះ តបនឹងការវាយតម្លៃរបស់ឯកឧត្ដម Takeshi kasai ចំពោះជោគជ័យស្ទើរគ្រប់វិស័យរបស់កម្ពុជាជាពិសេសការទប់ស្កាត់ជំងឺកូវីដ-១៩ សម្ដេចតេជោ បានចែករំលែកបទពិសោធន៍ អំពីការចាក់វ៉ាក់សាំងជូនប្រជាពលរដ្ឋ តាមរយៈអភិក្រមផ្ការីក ហើយនៅពេលនេះ កម្ពុជា កំពុងលើកទឹកចិត្តឱ្យប្រជាពល រដ្ឋបន្តចាក់ដូសជំរុញ ព្រោះថាការចាក់ត្រឹមតែដូសមូលដ្ឋាន គឺមិនទាន់គ្រប់គ្រាន់ទេ សម្រាប់ការទប់ស្កាត់ ជំងឺកូវីដ-១៩ ។ នេះបើតាមការឱ្យដឹងពីឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ។សម្ដេចតេជោ បានរំលឹកចំពោះករណីចុះចតកប៉ាល់ westerdam ប្រសិនបើកម្ពុជា មិនឱ្យចូលចត ទេ នោះប្រជាជននៅលើនាវា នឹងអាចស្លាប់ដោយសារអស់ទឹក អស់ស្បៀង នៅពេលដែលអ្នកនៅលើ កប៉ាល់នោះ មិនមានជំងឺកូវីដ១៩។ ការអនុញ្ញាតឱ្យកប៉ាល់ western dam ចូលចតជាទឹកចិត្តមនុស្សធម៌ របស់កម្ពុជា ដែលមិនអាចរារែក ទោះមានហានិភ័យយ៉ាងណាក៏ដោយ។នៅក្នុងជំនួបនេះ ឯកឧត្ដម Takeshi បានគោរពជម្រាបជូនសម្ដេចតេជោថា ឯកឧត្តមសូម សម្ដែងនូវការគោរពទទួលស្គាល់ចំពោះវីរភាពដឹកនាំរបស់សម្ដេចតេជោ ក្នុងការប្រយុទ្ធប្រឆាំងជំងឺកូវីដ-១៩ ជាមួយនឹងកិច្ចប្រឹងប្រែងយ៉ាងយកចិត្តទុកដាក់ និងយ៉ាងសកម្ម របស់រដ្ឋមន្ត្រីក្រសួងសុខាភិបាល មន្ត្រីសុខាភិបាល យុវជនស្ម័គ្រចិត្ត និងប្រជាជនកម្ពុជា។ឯកឧត្តម បានបន្ថែមថា ឯកឧត្តមសូមគោរពសម្ដែងការអបអរសាទរជូនចំពោះសម្ដេចតេជោ និង រាជរដ្ឋាភិបាលកម្ពុជា ដែលទទួលបានជោគជ័យក្នុងការទប់ស្កាត់ការរីករាលដាលជំងឺកូវីដ-១៩ មានចំណុចបី ដែលអាចឯកឧត្តមធ្វើការកត់សម្គាល់៖ ១. កម្ពុជាដើរតួជាគំរូនៅក្នុងក្របខ័ណ្ឌតំបន់ និងពិភព លោក ក្នុងការចាក់វ៉ាក់សាំងជូនប្រជាជន។ ២. កម្ពុជា ជាប្រទេសគំរូ ក្នុងការតាមដាន និងឆ្លើយតបយ៉ាង ទាន់ពេលវេលាទៅនឹងការវិវត្តរបស់ជំងឺកូវីដ-១៩។ មិនតែប៉ុណ្ណោះ បានចែករំលែកបទពិសោធន៍ដល់ ប្រទេសដទៃផង និង៣. មានសេចក្តីរីករាយ និងថ្លែងអំណរគុណជាទីបំផុត ដែលបានទទួលកប៉ាល់ westerdam ឱ្យចូលចត៕ អត្ថបទ៖ មុត សុទ្ធ

ឯកឧត្តម ជិន ម៉ាលីន ៖ ឲ្យតែឃាត់ខ្លួនសកម្មជន តែងថាជារឿងនយោបាយ តែមិនលើកច្បាប់មកនិយាយ

ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ លើកឡើងថា ឲ្យតែមានការឃាត់ខ្លួន ឬឃុំខ្លួនសកម្មជន (គណបក្សប្រឆាំង) អង្គការសង្គមស៊ីវិល និងមេធាវីរបស់ពួកគេ តែងភ្ជាប់ទៅនឹងរឿងនយោបាយ ប៉ុន្តែមិនលើកយកសក្ខីកម្មផ្លូវច្បាប់មកនិយាយ ។ក្នុងវេទិកាពិភាក្សាស្តីពី វឌ្ឍនភាពនៃវិស័យសិទ្ធិមនុស្ស និងយុត្តិធម៌នៅកម្ពុជា នាទីស្ដីការគណៈរដ្ឋមន្ត្រី នៅថ្ងៃទី២៩ ខែមិថុនា ឆ្នាំ២០២២ ឯកឧត្តម ជិន ម៉ាលីន មានប្រសាសន៍ថា អង្គការសង្គមស៊ីវិល កុំភ្ជាប់បញ្ហាសិទ្ធិមនុស្ស និងរឿងនយោបាយ ក្នុងការធ្វើសកម្មភាពរបស់ខ្លួន ដោយរឿងសិទ្ធិមនុស្ស ជាបច្ចេកទេសគិតទៅលើទិដ្ឋភាពសិទ្ធិមនុស្ស ហើយការអនុវត្តច្បាប់ ជារឿងបច្ចេកទេសច្បាប់ ត្រូវគិតផ្ដោតយកចិត្តទុកដាក់លើទិដ្ឋភាពច្បាប់ អង្គហេតុ និងអង្គច្បាប់ ហើយរឿងនយោបាយ គឺជារឿងផ្សេង កុំព្យាយាមយកមកភ្ជាប់គ្នា ។ ឯកឧត្តមបន្តថា នៅពេលសកម្មជនមួយប្រព្រឹត្តិល្មើសច្បាប់ ត្រូវបានផ្ដន្ទាទោសតាមនីតិវិធីតុលាការ ដោយមានមូលដ្ឋានផ្លូវច្បាប់ ផ្អែកលើអង្គហេតុ អង្គច្បាប់ បែរជាអង្គការសង្គមស៊ីវិល រួមទាំងមេធាវី មិននាំគ្នាទៅការពារតាមផ្លូវច្បាប់ ផ្ដល់អំណះអំណាងជាសក្ខីកម្ម ដើម្បីដោះបន្ទុកទេ តែចោទថាជារឿងនយោបាយ ត្រូវដោះនយោបាយសិនបានជួយបាន ។នៅក្នុងវេទិកានេះដែរ អ្នកនាំពាក្យក្រសួងយុត្តិធម៌ ក៏បានបង្ហាញ ពីការបន្តជួបជាមួយក្រុមអង្គការសង្គមស៊ីវិល ដើម្បីពិភាក្សា និងដើម្បីយល់ចិត្តគ្នាកាន់តែច្រើនពាក់ព័ន្ធនឹងការចេញរបាយការណ៍ណាមួយ រួមទាំងពិភាក្សាលើសេចក្តីព្រាងច្បាប់ផ្សេងៗ ខណៈក្នុងវេទិកានេះ ក៏មានការចូលរួមពីមន្ត្រីអង្គការលីកាដូ សមាគមអាដហុក អង្គការខុមហ្វ្រែល និងអង្គការតម្លាភាព ជជែកពិភាក្សាគ្នា ក្នុងបញ្ហាសិទ្ធិមនុស្ស តុលាការ រួមទាំងការអនុវត្តច្បាប់ជាដើម ៕(ដោយ៖ បាន សុខរិទ្ធិ)

ប្រធានាធិបតីម៉ិកស៊ិក៖ អាមេរិកមិនអាចគ្រប់គ្រងព្រំដែនរបស់ខ្លួនបាន ក្រោយជនអន្តោប្រវេសន៍ជាង ៥០នាក់ស្លាប់

ម៉ិកស៊ិក៖ លោកប្រធានាធិបតីម៉ិកស៊ិក Andres Manuel Lopez Obrador បាននិយាយថា រដ្ឋាភិបាលសហរដ្ឋអាមេរិកកំពុងព្យាយាមគ្រប់គ្រងនៅតាមព្រំដែនភាគខាងត្បូងរបស់ខ្លួន ដោយស្ដីបន្ទោសថាខ្វះការគ្រប់គ្រង បន្ទាប់ពីមានជនអន្តោប្រវេសន៍ជាង ៥០នាក់ស្លាប់ ខណៈកំពុងត្រូវបានរត់ពន្ធចូលទៅក្នុងទឹកដីសហរដ្ឋអាមេរិក ដែលជាករណីរត់ពន្ធមនុស្សដ៏ធ្ងន់ធ្ងរបំផុតក្នុងប្រវត្តិសាស្ត្រសម័យទំនើប របស់សហរដ្ឋអាមេរិក។ ថ្លែងអំឡុងសន្និសីទសារព័ត៌មានកាលពីថ្ងៃអង្គារ មួយថ្ងៃបន្ទាប់ពីជនអន្តោប្រវេសន៍រាប់សិបនាក់ត្រូវបានរកឃើញស្លាប់ នៅក្នុងរថយន្តដឹកទំនិញបិទជិតមួយគ្រឿងក្បែរទីក្រុង San Antonio រដ្ឋ Texas លោក Obrador និយាយថា ការស្លាប់ទាំងនោះគឺជាសោកនាដកម្មដ៏ធំបំផុត ដោយបន្ថែមថា ឧបទ្ទវហេតុបែបនេះកើតឡើងដោយសារភាពក្រីក្រ និងការអស់សង្ឃឹម ព្រមទាំងភាពចលាចលនៅតាមព្រំដែន។ លោកប្រធានាធិបតីនិយាយថា ឧបទ្ទវហេតុនេះកើតឡើងដោយសារមានចលនារត់ពន្ធមនុស្ស និងខ្វះការគ្រប់គ្រង ជាក់ស្ដែងដូចជាករណីនៅព្រំដែនម៉ិកស៊ិក-សហរដ្ឋអាមេរិក ប៉ុន្តែក៏មាននៅក្នុងទឹកដីអាមេរិកផងដែរ។ ក្រុមមន្ត្រីអនុវត្តន៍ច្បាប់អាមេរិកបានប្រាប់សារព័ត៌មាន CBS ថា ឧបទ្ទវហេតុនេះទំនងជាករណីរត់ពន្ធមនុស្សដ៏ធំបំផុតក្នុងប្រវត្តិសាស្ត្រសម័យទំនើបរបស់អាមេរិក បន្ទាប់ពីក្រុមអាជ្ញាធរក្នុងតំបន់នៅរដ្ឋ Texas បានបង្កើនតួលេខចំនួនអ្នកស្លាប់ដល់ ៥១នាក់កាលពីរសៀលថ្ងៃអង្គារ។គេមិនច្បាស់ទេថា តើក្រុមជនរងគ្រោះទាំងនោះនៅក្នុងរថយន្តនោះយូរប៉ុណ្ណា តែនគរបាលនិយាយថា ពុំមានឃើញទឹក ឬបើកម៉ាស៊ីនត្រជាក់នៅក្នុងរថយន្តនោះទេ ទោះបីជាសីតុណ្ហភាពរដូវក្ដៅឡើងខ្ពស់ក៏ដោយ។ ទោះជាជនរងគ្រោះទាំងអស់នោះនៅមិនទាន់អាចបញ្ជាក់អត្តសញ្ញាណបាន តែបុរសចំនួន ៣៩នាក់ និងស្ត្រី ១២នាក់ស្ថិតក្នុងចំណោមអ្នកស្លាប់ទាំងនោះ រួមទាំងជនអន្តោប្រវេសន៍មកពីម៉ិកស៊ិក ហុងឌូរ៉ាស់ និងហ្គាតេម៉ាឡា។ ចំណែកមនុស្សពេញវ័យ ១២នាក់ និងកុមារ ៤នាក់ត្រូវបានបញ្ជូនទៅព្យាបាលនៅមន្ទីរពេទ្យដោយសារតែរងកំដៅយូរពេក។ យោងតាមអ្នកនាំពាក្យអង្គភាពអនុវត្តន៍ច្បាប់គយ និងការធ្វើអន្តោប្រវេសន៍ ជនសង្ស័យ ៣នាក់ត្រូវបានឃុំខ្លួនពីបទជាប់ពាក់ព័ន្ធនឹងករណីស្លាប់នេះ ដែលត្រូវគេជឿថាបានរួមចំណែកក្នុងប្រតិបត្តិការរត់ពន្ធមនុស្ស ដែលបានដឹកជញ្ជូនជនរងគ្រោះទាំងនោះចូលទៅក្នុងទឹកដីសហរដ្ឋអាមេរិក៕អត្ថបទ៖ សុខមាន

ពលរដ្ឋបង់ក្លាដែសជាង ៧លាននាក់នៅតែត្រូវការជំនួយចាំបាច់ ក្រោយទឹកជំនន់ឆក់យកជីវិតមនុស្ស ១០០នាក់

បង់ក្លាដែស៖ កាកបាទក្រហមបាននិយាយកាលពីថ្ងៃអង្គារថា ប្រជាពលរដ្ឋបង់ក្លាដែសជាង ៧លាននាក់នៅតែត្រូវការទីជម្រក និងជំនួយបន្ទាប់ពីទឹកជំនន់ដ៏ធ្ងន់ធ្ងរកាលពីដើមខែនេះ។ មនុស្សយ៉ាងហោចណាស់ ១០១នាក់បានស្លាប់នៅក្នុងភាគភាគឦសានរបស់ប្រទេសនេះ នៅពេលទឹកទន្លេពេញប្រៀបច្រាំងដល់កម្រិតខ្ពស់បំផុត និងជន់លិចភូមិជាច្រើននៅតំបន់ដាច់ស្រយាល បន្ទាប់ពីមានភ្លៀងធ្លាក់ធ្ងន់ធ្ងរបំផុតក្នុងរយៈពេលមួយសតវត្សរ៍។ លោក Sanjeev Kafley ប្រធានសហព័ន្ធអន្តរជាតិនៃកាកបាទក្រហម និងអឌ្ឍចន្ទក្រហម (IFRC) បាននិយាយថា ទំហំនៃការបំផ្លិចបំផ្លាញនាពេលនេះគឺច្រើនជាងទឹកជំនន់កាលពីលើកមុនៗ។កាកបាទក្រហម និងអឌ្ឍចន្ទក្រហមបាននិយាយនៅក្នុងសេចក្ដីថ្លែងការណ៍ថា ពលរដ្ឋប្រមាណ ៧.២លាននាក់កំពុងត្រូវការជាចាំបាច់នូវទីជម្រក និងជំនួយសង្គ្រោះបន្ទាន់នៅក្នុងតំបន់ដែលរងគ្រោះធ្ងន់ធ្ងរជាងគេបំផុត។ ប្រធានអាជ្ញាធរគ្រប់គ្រងគ្រោះមហន្តរាយបង់ក្លាដែសលោក Nitai Dey Sarker បាននិយាយថា រដ្ឋាភិបាលបានបញ្ជូនចំណីអាហារសំបូរដោយអាហារូបត្ថម្ភ និងជំនួយមនុស្សធម៌សង្គ្រោះបន្ទាន់ ទៅដល់តំបន់ទាំងឡាយដែលរងគ្រោះដោយទឹកជំនន់៕អត្ថបទ៖ សុខមាន

សម្តេចតេជោ ហ៊ុន សែន ប្រមុខរាជរដ្ឋាភិបាលចេញសេចក្តីសម្រេចកំណត់យកថ្ងៃទី២៣ ខែកក្កដា ឆ្នាំ២០២៣ ជាកាលបរិច្ឆេទ នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា

ភ្នំពេញ៖ សម្តេចតេជោ ហ៊ុន សែន ប្រមុខ នៃរាជរដ្ឋាភិបាលកម្ពុជា ចេញសេចក្តីសម្រេចកំណត់យកថ្ងៃទី២៣ ខែកក្កដា ឆ្នាំ២០២៣ ជាកាលបរិច្ឆេទ នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា។នេះបើ យោងតាមសេចក្តី សម្រេចចុះថ្ងៃទី២៩ ខែ មិថុនា ឆ្នាំ២០២២ ដែលចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្ត្រី។

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន១០នាក់ (៨នាក់ឆ្លងក្នុងសហគមន៍)

ភ្នំពេញ៖ ក្រសួងសុខាភិបាលប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន១០នាក់(៨នាក់ឆ្លងក្នុងសហគមន៍) និងគ្មានអ្នកជាសះស្បើយថ្មី និងករណីស្លាប់ថ្មីទេ នៅថ្ងៃទី២៩ ខែមិថុនា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានករណីឆ្លងថ្មីសរុបចំនួន ១៣៦.២៧២នាក់, ករណីជាសះស្បើយចំនួន ១៣៣.២០៦ និងករណីស្លាប់សរុបចំនួន ៣.០៥៦នាក់។

មនុស្ស ១៩នាក់ស្លាប់បន្ទាប់ពីអគារមួយខ្នងបានដួលរលំក្នុងពេលភ្លៀងរដូវមូសុង

ឥណ្ឌា៖ ក្រុមអាជ្ញាធរបាននិយាយកាលពីថ្ងៃអង្គារថា មនុស្សយ៉ាងហោចណាស់ ១៩នាក់ស្លាប់នៅពេលភ្លៀងរដូវមូសុងបានបណ្ដាលឲ្យអគារកម្ពស់ ៤ជាន់មួយខ្នងដួលរលំនៅក្នុងទីក្រុងសេដ្ឋកិច្ច Mumbai ប្រទេសឥណ្ឌា។យោងតាមក្រុមមន្ត្រីមូលដ្ឋានសំណង់ដែលស្ថិតនៅក្បែរសំណង់មិនរៀបរយ ក្នុងស្រុកមួយនៅកណ្ដាលទីក្រុងនេះបានដួលរលំ ប៉ុន្មានម៉ោងប៉ុណ្ណោះមុនយប់រំលងអាធ្រាត្រកាលពីថ្ងៃចន្ទ។ មនុស្ស ១៤នាក់ត្រូវបានជួយសង្គ្រោះកាលពីល្ងាចថ្ងៃអង្គារ ប៉ុន្តែក្រុមអ្នកសង្គ្រោះបន្ទាន់បានទាញយកសាកសពចំនួន ១៩នាក់ពីគំនរកម្ទេចថ្ម។ អ្នកនាំពាក្យកងកម្លាំងឆ្លើយតបគ្រោះមហន្តរាយបន្ទាន់ជាតិបានប្រាប់សារព័ត៌មាន AFP ថា ប្រតិបត្តិការស្វែងរក និងសង្គ្រោះកំពុងបន្ត។ក្រុមអាជ្ញាធរក្នុងទីក្រុងនេះបាននិយាយថា មនុស្សយ៉ាងហោចណាស់ ៦នាក់ក្នុងចំណោមអ្នកស្លាប់មានអាយុចន្លោះពី ១៧ឆ្នាំ និង ២១ឆ្នាំ។ ភ្លៀងធ្លាក់ខ្លាំងបានកំពុងរំខានដល់ប្រតិបត្តិការ ខណៈក្រុមអ្នកសង្គ្រោះជីកកកាយរកអ្នកនៅមានជីវិតក្នុងគំនរកម្ទេចថ្ម។ ការបាក់រលំអគារតែងកើតមានធម្មតាអំឡុងពេលវេលានេះ ដោយសារតែសំណង់អគារចាស់ៗ និងទ្រុឌទ្រោមក្នុងពេលមានភ្លៀងមិនឈប់ប៉ុន្មានថ្ងៃនេះ៕អត្ថបទ៖ សុខមាន

ប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា ចាប់ផ្តើមបំពេញទស្សនកិច្ចការងារជាលើកទីពីរទៅកាន់មីយ៉ាន់ម៉ា

ភ្នំពេញ៖ នៅព្រឹកថ្ងៃទី២៩ ខែមិថុនា ឆ្នាំ២០២២នេះ ឯកឧត្តមឧបនាយករដ្ឋមន្ត្រី ប្រាក់ សុខុន ប្រមុខការទូតកម្ពុជា និងជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា បានដឹកនាំប្រតិភូអញ្ជើញបំពេញទស្សនកិច្ចការងារលើកទីពីរ នៅសាធារណរដ្ឋសហភាពមីយ៉ាន់ម៉ា ពីថ្ងៃទី២៩ ខែមិថុនា ដល់ថ្ងៃទី០៣ ខែកក្កដា ឆ្នាំ២០២២។ដំណើរទស្សនកិច្ចនេះ មានការចូលពីឯកឧត្តម ឯកផាប់ ផាន់ថាវង់ អគ្គលេខាធិការរងអាស៊ានទទួលបន្ទុកសហគមន៍សង្គមវប្បធម៌អាស៊ាន និងមន្ត្រីជាន់ខ្ពស់ របស់រាជរដ្ឋាភិបាលមួយចំនួន ព្រមទាំងបុគ្គលិករបស់លេខាធិការដ្ឋានអាស៊ានផងដែរ ។គួរបញ្ជាក់ថា ដំណើរទស្សនកិច្ចលើកទីពីររបស់ប្រេសិតពិសេសទៅកាន់មីយ៉ាន់ម៉ា មានគោលបំណង តាមដានវឌ្ឍនភាពនៃការអនុវត្តការព្រមព្រៀងជាឯកច្ឆន្ទ៥ចំណុច និងលទ្ធផលនៃកិច្ចប្រជុំពិគ្រោះ យោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា ដែលបានប្រព្រឹត្តិទៅកាលពីថ្ងៃទី៦ ខែឧសភា ឆ្នាំ២០២២ នៅរាជធានីភ្នំពេញ និងដើម្បីរួមចំណែកដល់ការបង្កើតបរិយាកាសអំណោយ ផលសម្រាប់ដំណើរការសន្ទនានយោបាយប្រកបដោយបរិយាប័ន្ន តាមរយៈការជួបពិភាក្សាជាមួយ គ្រប់ភាគីពាក់ព័ន្ធ។រយៈពេល២ថ្ងៃមុនការបំពេញទស្សនកិច្ចការងារលើកទី២នៅមីយ៉ាន់ម៉ានាពេលនេះ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា បានផ្ញើលិខិតទៅកាន់ក្រសួងការបរទេសមីយ៉ាន់ម៉ា ដោយបានទទូចឱ្យក្រុមប្រឹក្សារដ្ឋបាលរដ្ឋមីយ៉ាន់ម៉ា បញ្ជូនលោកស្រី អោងសាន ស៊ូជី ត្រឡប់ទៅកាន់លំនៅដ្ឋានវិញ ខណៈបច្ចុប្បន្នលោកស្រីត្រូវបានស្ថិតនៅក្នុងពន្ធនាគារទីក្រុងណៃពិដោ ប្រទេសមីយ៉ាន់ម៉ា៕(ដោយ៖ សេក ឧត្តម )

ជំនួបកំពូលណាតូចាប់ផ្ដើម ខណៈព្រមានពីគ្រោះថ្នាក់កាន់តែខ្លាំងថែមទៀតដល់ពិភពលោក

អេស្ប៉ាញ៖ នៅថ្ងៃបើកកិច្ចប្រជុំកំពូលប្រចាំឆ្នាំរបស់អង្គការណាតូ ប្រមុខនៃសម្ព័ន្ធការពារលោកខាងលិចមួយនេះបានអំពាវនាវ ឱ្យរដ្ឋជាសមាជិកបង្កើនការចំណាយផ្នែកយោធារបស់ពួកគេនៅក្នុងពិភពលោក ដែលមិនអាចប៉ាន់ប្រមាណទុកមុនបាន និងប្រកបដោយគ្រោះថ្នាក់កាន់តែខ្លាំងឡើង។ ប្រមុខអង្គការណាតូបាននិយាយថា ការវាយប្រហាររបស់រុស្ស៊ីលើអ៊ុយក្រែនបានបង្កឱ្យមានការផ្លាស់ប្តូរជាមូលដ្ឋាន នៅក្នុងវិធីសាស្ត្ររបស់ណាតូចំពោះការការពារ។ ស្របពេលការត្រៀមរៀបចំសម្រាប់កិច្ចពិភាក្សាកំពូលបានចាប់ផ្តើមកាលពីថ្ងៃអង្គារ ការផ្លាស់ប្តូរនោះត្រូវបានគូសបញ្ជាក់នៅពេលដែលសម្ព័ន្ធភាពយោធាបានប្រកាសថា ខ្លួននឹងត្រូវទទួលសមាជិកថ្មី ២ គឺហ្វាំងឡង់ និងស៊ុយអែត។ ស្របពេលនឹងការស្វាគមន៍សមាជិកថ្មី សម្ព័ន្ធណាតូក៏នឹងព្រមព្រៀងផងដែរនៅជំនួបកំពូលនោះ ដើម្បីបង្កើនកម្លាំងប្រតិកម្មរហ័សជិត ៨ដងដែលមានកងទ័ពចន្លោះពី ៤ម៉ឺននាក់ទៅ ៣០ម៉ឺននាក់។កងកម្លាំងថ្មីនឹងមានមូលដ្ឋាននៅក្នុងប្រទេសកំណើតរបស់ពួកគេ ប៉ុន្តែនឹងត្រូវបញ្ជូនយ៉ាងឆាប់រហ័សទៅកាន់ប្រទេសជាក់លាក់ នៅផ្នែកខាងកើតរបស់អង្គការណាតូជាប់ជាមួយប្រទេសរុស្ស៊ី ជាកន្លែងដែលសម្ព័ន្ធមិត្តគ្រោងនឹងបង្កើតឃ្លាំងស្តុកសម្ភារ និងគ្រាប់រំសេវផងដែរ។ អគ្គលេខាធិការអង្គការណាតូលោក Jens Stoltenberg បាននិយាយថា កិច្ចប្រជុំកំពូលនៅថ្ងៃពុធ និងថ្ងៃព្រហស្បតិ៍នឹងរៀបចំផែនការ សម្រាប់សម្ព័ន្ធភាពនៅក្នុងពិភពលោកដ៏គ្រោះថ្នាក់ និងមិនអាចប៉ាន់ប្រមាណទុកមុនបាន។ លោក Stoltenberg បាននិយាយថា អ៊ុយក្រែនឥឡូវនេះប្រឈមមុខនឹងភាពឃោរឃៅ ដែលយើងមិនដែលបានឃើញនៅក្នុងទ្វីបអឺរ៉ុបចាប់តាំងពីសង្គ្រាមលោកលើកទី២ មក៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ

មន្ត្រីអាមេរិក៖ អ៊ីស្រាអែល និងហេសបូឡា ព្រមព្រៀងមានបទឈប់បាញ់ចាប់ពីថ្ងៃទី១៩ ខែមិថុនា

លោក Trump បញ្ជាក់ថា សង្គ្រាមធ្វើឲ្យអ៊ីរ៉ង់ខ្សោយ និងបដិសេធការរិះគន់របស់ក្រុមប្រជាធិបតេយ្យ

មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់

ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន

ទីភ្នាក់ងារទេសចរណ៍ចិនចាប់ផ្ដើមដំណើរកម្សាន្តជាក្រុមទៅជប៉ុនឡើងវិញ តែខ្លះបញ្ឈប់ការលក់ក្រោយមក

លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យមាន «បទឈប់បាញ់គ្រប់ជ្រុងជ្រោយ»

ការបំផ្ទុះគ្រាប់បែក ២ផ្សេងគ្នា បណ្តាលឲ្យនគរបាលរងរបួស ក្នុងខេត្ត Yala និង Pattani របស់ថៃ

ទីភ្នាក់ងារតាមដាន៖ ការឆ្លងកាត់របស់នាវា នៅចក្រសមុទ្រ Hormuz កើនឡើង ក្រោយមានកិច្ចព្រមព្រៀង

ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Putin ថ្កោលទោសមហិច្ឆតាចក្រពត្តិរបស់សម្ព័ន្ធណាតូ ខណៈព្រមានហ្វាំងឡង់ និងស៊ុយអែត

សម្ដេចតេជោ៖ កម្ពុជាសម្រេចបានជោគជ័យលើការប្រយុទ្ធប្រឆាំងកូវីដ-១៩ គឺអនុវត្តអភិក្រមផ្ការីក

ឯកឧត្តម ជិន ម៉ាលីន ៖ ឲ្យតែឃាត់ខ្លួនសកម្មជន តែងថាជារឿងនយោបាយ តែមិនលើកច្បាប់មកនិយាយ

ប្រធានាធិបតីម៉ិកស៊ិក៖ អាមេរិកមិនអាចគ្រប់គ្រងព្រំដែនរបស់ខ្លួនបាន ក្រោយជនអន្តោប្រវេសន៍ជាង ៥០នាក់ស្លាប់

ពលរដ្ឋបង់ក្លាដែសជាង ៧លាននាក់នៅតែត្រូវការជំនួយចាំបាច់ ក្រោយទឹកជំនន់ឆក់យកជីវិតមនុស្ស ១០០នាក់

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន១០នាក់ (៨នាក់ឆ្លងក្នុងសហគមន៍)

មនុស្ស ១៩នាក់ស្លាប់បន្ទាប់ពីអគារមួយខ្នងបានដួលរលំក្នុងពេលភ្លៀងរដូវមូសុង

ជំនួបកំពូលណាតូចាប់ផ្ដើម ខណៈព្រមានពីគ្រោះថ្នាក់កាន់តែខ្លាំងថែមទៀតដល់ពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Putin ថ្កោលទោស​មហិច្ឆតា​ចក្រពត្តិ​របស់​សម្ព័ន្ធ​ណា​តូ ខណៈ​ព្រមាន​ហ្វាំ​ង​ឡង់​ និង​ស៊ុយអែត​

សម្ដេចតេជោ៖ កម្ពុជាសម្រេចបានជោគជ័យលើការប្រយុទ្ធប្រឆាំងកូវីដ-១៩ គឺអនុវត្តអភិក្រមផ្ការីក

ឯកឧត្តម ជិន ម៉ាលីន ៖ ឲ្យតែឃាត់ខ្លួនសកម្មជន តែងថាជារឿងនយោបាយ តែមិនលើកច្បាប់មកនិយាយ

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន១០នាក់ (៨នាក់ឆ្លងក្នុងសហគមន៍)

មនុស្ស​ ១៩​នាក់​ស្លាប់​បន្ទាប់ពី​អគារ​មួយ​ខ្នង​បាន​ដួល​រលំ​ក្នុង​ពេល​ភ្លៀង​រដូវ​មូសុង​

ជំនួប​កំពូល​ណា​តូ​ចាប់ផ្ដើម ខណៈ​ព្រមាន​ពី​គ្រោះថ្នាក់​កាន់​តែ​ខ្លាំង​ថែមទៀត​ដល់​ពិភពលោក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Putin ថ្កោលទោសមហិច្ឆតាចក្រពត្តិរបស់សម្ព័ន្ធណាតូ ខណៈព្រមានហ្វាំងឡង់ និងស៊ុយអែត

មនុស្ស ១៩នាក់ស្លាប់បន្ទាប់ពីអគារមួយខ្នងបានដួលរលំក្នុងពេលភ្លៀងរដូវមូសុង

ជំនួបកំពូលណាតូចាប់ផ្ដើម ខណៈព្រមានពីគ្រោះថ្នាក់កាន់តែខ្លាំងថែមទៀតដល់ពិភពលោក