BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

មនុស្ស ១៥នាក់ស្លាប់ក្នុងការបាញ់ផ្លោងរបស់រុស្ស៊ីនៅក្នុងតំបន់ Kharkiv ភាគខាងកើតអ៊ុយក្រែន

អ៊ុយក្រែន៖ មនុស្ស ១៥នាក់ត្រូវគេរាយការណ៍ថាបានស្លាប់ នៅក្នុងការបាញ់ផ្លោងរបស់កងកម្លាំងរុស្ស៊ីក្នុងតំបន់ Kharkiv ប្រទេសអ៊ុយក្រែន។ ក្នុងចំណោមអ្នកស្លាប់ទាំងនោះមានក្មេងអាយុ ៨ឆ្នាំម្នាក់។ ការវាយប្រហារនោះក៏បានបណ្ដាលឲ្យមនុស្សចំនួន ១៦នាក់ផ្សេងទៀតរងរបួសផងដែរ។ អភិបាលតំបន់នេះលោក Oleg Synegubov បាននិយាយនៅលើបណ្ដាញសង្គម Telegram ថា មនុស្ស ១៥នាក់ស្លាប់ និង ១៦នាក់រងរបួស។ ទាំងនេះគឺជាផលវិបាកដ៏អាក្រក់ នៃការបាញ់ផ្លោងនៅពេលថ្ងៃរបស់រុស្ស៊ីនៅក្នុងតំបន់ Kharkiv។ គួរកត់សម្គាល់ថា ការស្លាប់បានកើតឡើងនៅក្នុងឧបទ្ទវហេតុចំនួន ៤ដាច់ដោយឡែកពីគ្នា។ យោងតាមសេចក្ដីរាយការណ៍ដោយសារព័ត៌មាន AFP កងកម្លាំងរុស្ស៊ីបានបាញ់ផ្លោងទៅលើតំបន់ Chuguiv ដែលទីប្រជុំជនមួយស្ថិតនៅចម្ងាយ ៣០គីឡូម៉ែត្រភាគអាគ្នេយ៍ទីក្រុង Kharkiv។នៅក្នុងការវាយប្រហារនេះមនុស្ស ៦នាក់បានស្លាប់ និង ៤នាក់ផ្សេងទៀតរងរបួស។ នៅក្នុងការវាយប្រហារមួយផ្សេងទៀត មនុស្ស ៥នាក់ត្រូវគេរាយការណ៍ថាបានស្លាប់ និង ១១នាក់រងរបួសនៅក្នុងទីក្រុង Kharkiv។ សូមបញ្ជាក់ថា តំបន់ Kharkiv ស្ថិតនៅចម្ងាយប្រហែល ៥០គីឡូម៉ែត្រពីព្រំដែនរុស្ស៊ី៕អត្ថបទ៖ សុខមាន

សហភាពអឺរ៉ុបព្រមានពីការដើរថយក្រោយក្នុងការប្រើប្រាស់ឥន្ធនៈហ្វូស្ស៊ីល ខណៈប្រទេសមួយចំនួនងាកទៅរកធ្យូងថ្ម

អឺរ៉ុប៖ ទីក្រុង Brussels និងអង្គការក្រៅរដ្ឋាភិបាលនានាបានបង្ហាញក្ដីបារម្ភ អំពីប្រទេសមួយចំនួនរបស់សហភាពអឺរ៉ុប រួមទាំងអាល្លឺម៉ង់ងាកទៅប្រើធ្យូងថ្មសម្រាប់ផលិតថាមពល ខណៈសង្គ្រាមរបស់រុស្ស៊ីនៅអ៊ុយក្រែនប៉ះពាល់ដល់ការផ្គត់ផ្គង់ថាមពល។ ប្រធានគណៈកម្មការសហភាពអឺរ៉ុបលោកស្រី Ursula von der Leyen បានប្រាប់សារព័ត៌មានមួយចំនួនរបស់អឺរ៉ុប នៅក្នុងកិច្ចសម្ភាសន៍កាលពីថ្ងៃអង្គារថា យើងត្រូវធ្វើឲ្យប្រាកដថា យើងប្រើវិបត្តិនេះដើម្បីដើរទៅមុខ និងមិនត្រូវដើរថយក្រោយលើឥន្ធនៈហ្វូស្ស៊ីលដ៏កង្វក់នេះឡើយ។ លោកស្រីបានបន្ថែមថា វាជាខ្សែបន្ទាត់ដ៏ត្រឹមត្រូវ ហើយមិនត្រូវកំណត់ថា តើយើងនឹងត្រូវចាប់ឱកាសដ៏ត្រឹមត្រូវនោះអត់។ ការផ្លាស់ប្តូរគឺជាប្រតិកម្មទៅនឹងអឺរ៉ុបដែលស្រេកឃ្លានថាមពល កំពុងត្រូវប្រឈមខ្លាំងនឹងកង្វះខាតការផ្គត់ផ្គង់ឧស្ម័ន និងប្រេងរបស់រុស្ស៊ី ដែលធ្វើឱ្យប៉ះយ៉ាងធ្ងន់ធ្ងរដល់មហិច្ឆតារបស់សហភាពអឺរ៉ុប ដែលនឹងត្រូវក្លាយជាប្រទេសដែលស្រោចស្រង់បម្រែបម្រួលអាកាសធាតុ នៅត្រឹមឆ្នាំ ២០៥០។ប្រទេសអាល្លឺម៉ង់ អូទ្រីស និងហូឡង់បាននិយាយថា ខ្លួននឹងបន្ធូរបន្ថយវិធានការការរឹតត្បិតនានា លើស្ថានីយថាមពលដើរដោយធ្យូងថ្ម បន្ទាប់ពីក្រុមហ៊ុនថាមពលដ៏ធំរបស់រុស្ស៊ី Gazprom បានអះអាងថា ខ្លួននឹងកាត់បន្ថយបរិមាណឧស្ម័នដែលខ្លួនផ្គត់ផ្គង់តាមបំពង់ Nord Stream ទៅកាន់ប្រទេសអាល្លឺម៉ង់៕អត្ថបទ៖ សុខមាន

សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយអគ្គលេខាធិការអង្គការសម្ព័ន្ធពិភពឥស្លាម

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានទទួលជួបពិភាក្សាការងារ ជាមួយ ឯកឧត្តមបណ្ឌិត មហាម៉ាត់ អាប់ឌុលការីម អាល់អ៊ីសា (Muhammad Bin Abdulkarim Al-Issa) អគ្គលេខាធិការអង្គការសម្ព័ន្ធពិភពឥស្លាម នៅវិមានរដ្ឋសភា នាព្រឹកថ្ងៃពុធ ទី២២ ខែមិថុនា ឆ្នាំ២០២២។ឯកឧត្តមបណ្ឌិត មហាម៉ាត់ អាប់ឌុលការីម អាល់អ៊ីសា បានសម្ដែងនូវក្តីរីករាយយ៉ាងខ្លាំង ដែលបានមកបំពេញទស្សនកិច្ចនៅព្រះរាជាណាចក្រកម្ពុជា និងបានទទួលការអនុញ្ញាតពី សម្តេចប្រធានរដ្ឋសភា បានចូលជួបសម្តែងការគួរសម និងពិភាក្សាការងារនាឱកាសនេះ។ឯកឧត្តមបណ្ឌិត បានថ្លែងអំណរគុណចំពោះថ្នាក់ដឹកនាំស្ថាប័ននីតិប្បញ្ញត្តិ និងនីតិប្រតិបត្តិរបស់កម្ពុជា នៅក្នុងការកសាងបាននូវសុខុដុមរមនាខាងសាសនា ដោយមិនមានការរើសអើងខាងសាសនា ធ្វើអោយបងប្អូនខ្មែរឥស្លាម រស់នៅបានយ៉ាងសុខសាន្ត ជាមួយសាសនាដទៃទៀត ដែលជាទីគំរូដ៏ល្អសម្រាប់ពិភពលោកផងដែរ។ ឯកឧត្តមបណ្ឌិត មហាម៉ាត់ អាប់ឌុលការីម អាល់អ៊ីសា បានសម្ដែងនូវការអបអរសាទរជូនដល់ប្រជាជនកម្ពុជា ដែលមានថ្នាក់ដឹកនាំជាទីគោរព ជាគំរូ និងមានភាពប្រាកដនិយម ក្នុងការដឹកនាំកម្ពុជា ឱ្យទទួលបានសុខសន្តិភាព ស្ថិរភាព និងការអភិវឌ្ឍ។សម្តេចអគ្គមហាពញាចក្រី ហេង សំរិន មានសេចក្តីសោមនស្សរីករាយ និងសូមស្វាគមន៍យ៉ាងកក់ក្តៅចំពោះ ឯកឧត្តមអគ្គលេខាធិការអង្គការសម្ព័ន្ធពិភពឥស្លាម ព្រមទាំងគណៈប្រតិភូដែលបានអញ្ជើញមកបំពេញទស្សនកិច្ចនៅព្រះរាជាណាចក្រកម្ពុជា និងបានឆ្លៀតពេលវេលាមកចូលជួបសម្តែងការគួរសមជាមួយសម្តេចនាពេលនេះ។សម្តេចបានគូសបញ្ជាក់ថា ដំណើរទស្សនកិច្ចរបស់ ឯកឧត្តមអគ្គលេខាធិការ នាពេលនេះ បង្ហាញពីការយកចិត្តទុកដាក់របស់ ឯកឧត្តម ចំពោះសុខទុក្ខរបស់បងប្អូនសាសនិកឥស្លាមនៅកម្ពុជា និងបានឆ្លុះបញ្ចាំងអំពីទំនាក់ទំនង និងកិច្ចសហប្រតិបត្តិការរវាងអង្គការរ៉ាប៊ីតា ជាមួយនឹងរាជរដ្ឋាភិបាលកម្ពុជា នាពេលកន្លងមក។ សម្តេចប្រធានរដ្ឋសភា បានបញ្ជាក់ថា រាជរដ្ឋាភិបាលកម្ពុជា តែងតែយកចិត្តទុកដាក់ខ្ពស់ ចំពោះបងប្អូនសាសនិកឥស្លាមនៅកម្ពុជា តាមរយៈការធ្វើឱ្យមានសុខដុមនីយកម្មជាតិសាសន៍ និងសាសនា និងសេរីភាពនៃជំនឿ ព្រមទាំងការរស់នៅប្រកបដោយសុខដុមរមនា ជាមួយសហគមន៍ភាគតិចដទៃៗទៀត ដោយមិនមានការរើសអើងឡើយ។ បន្ថែមពីនេះ រាជរដ្ឋាភិបាលក៏បានលើកកម្ពស់ជីវភាព និងសិទ្ធិសេរីភាពរបស់សាសនិកឥស្លាម ជាអាទិ៍ ការជម្រុញឱ្យមានកន្លែងថ្វាយបង្គំសម្រាប់បងប្អូនឥស្លាម នៅតាមស្ថាប័នឯកជន និងស្ថាប័នសាធារណនានា ព្រមទាំងផ្តល់សិទ្ធិឱ្យសិស្សនិស្សិតឥស្លាម អាចជ្រើសរើសយកសម្លៀកបំពាក់ឯកសណ្ឋានបែបឥស្លាមទៀតផង។សម្តេចអគ្គមហាពញាចក្រី បានមានប្រសាសន៍បញ្ជាក់បន្ថែមថា នៅក្នុងស្ថាប័ននីតិប្បញ្ញត្តិវិញ រដ្ឋសភានីតិកាលទី៦នេះ មានសមាជិករដ្ឋសភាចំនួន៨រូប ជាខ្មែរឥស្លាម ចំណែកនៅក្នុងព្រឹទ្ធសភាវិញ មានសមាជិកចំនួន២រូប ជាខ្មែរឥស្លាមផងដែរ ដែលបានចូលរួមចំណែកយ៉ាងសកម្មនៅក្នុងភាពជាតំណាងឱ្យបងប្អូនសាសនិកឥស្លាម ក៏ដូចជាពលរដ្ឋខ្មែរទាំងមូល៕

សម្ដេចពិជ័យសេនា ទៀ បាញ់ ដឹកនាំកិច្ចប្រជុំរដ្ឋមន្ត្រីការពារជាតិអាស៊ានលើកទី១៦ ដោយផ្តោតលើបញ្ហាសំខាន់ៗជាច្រើន

ភ្នំពេញ៖ កិច្ចប្រជុំរដ្ឋមន្ត្រីការពារជាតិអាស៊ានលើកទី១៦ នាឆ្នាំ២០២២នេះ ដែលកម្ពុជាធ្វើជាម្ចាស់ ផ្ទះបានដំណើរការកិច្ចប្រជុំជាផ្លូវការ នៅព្រឹកថ្ងៃទី២២ ខែមិថុនា ឆ្នាំ២០២២ ដឹកនាំដោយសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ។កិច្ចប្រជុំនេះមានការចូលរួមពី សំណាក់រដ្ឋមន្ត្រីការពារជាតិនៃបណ្តាប្រទេសអាស៊ាន ក្នុងនោះក៏មានការចូលរួមពីសំណាក់រដ្ឋមន្ត្រីការពារជាតិ នៃប្រទេសមីយ៉ាន់ម៉ាផងដែរ។ នៅក្នុងកិច្ចប្រជុំប្រមុខការពារជាតិកម្ពុជាបានលើកឡើងអំពីបញ្ហាសំខាន់ៗជាច្រើននៅក្នុងតំបន់ និងពិភពលោក រួមមានបញ្ហាប្រកួតប្រជែងរវាងមហាអំណាច ការបែងចែកផ្នែកមនោគមន៍វិជ្ជា ការ កៀបសង្កត់ សង្គ្រាមស៊ីវិល គ្រោះមហន្តរាយ រហូតដល់ជំងឺរាតត្បាតសកល បញ្ហាសមុទ្រចិនខាងត្បូង បញ្ហាមីយ៉ាន់ម៉ា សង្គ្រាមរវាងរុស្សីនិងអ៊ុយក្រែន រួមទាំងបញ្ហាសំខាន់ៗមួយចំនួនទៀត៕

អគ្គលេខាធិការនៃអង្គការសម្ព័ន្ធពិភពឥស្លាម កោតសរសើរគោលនយោបាយសុខដុមនីយកម្មរបស់កម្ពុជា និងការប្រព្រឹត្តយ៉ាងត្រឹមត្រូវចំពោះជនជាតិម៉ូស្លីម

ភ្នំពេញៈ អគ្គលេខាធិការនៃអង្គការសម្ព័ន្ធពិភពឥស្លាម ឯកឧត្តមបណ្ឌិត Muhammad bin Abdul Karim Issa និងជាជាអតីតរដ្ឋមន្រ្តីក្រសួងយុត្តិធម៌នៃព្រះរាជាណាចក្រអារ៉ាប៊ីសាអូឌីត បានបញ្ជាក់ថា គោលនយោបាយសុខដុមនីយកម្មរបស់រាជរដ្ឋាភិបាលកម្ពុជា និងការប្រព្រឹត្តយ៉ាងត្រឹមត្រូវចំពោះជនជាតិម៉ូស្លីម ត្រូវបានទទួលការកោតសរសើរពីសំណាក់អង្គការសម្ព័ន្ធពិភពឥស្លាម និងប្រជាជាតិម៉ូស្លីមផងដែរ។ឯកឧត្តម បានវាយតម្លៃខ្ពស់ចំពោះកម្ពុជាថា ជាគម្រូដ៏ល្អមួយរបស់ពិភពលោកសម្រាប់សុខដុម-នីយកម្ម និងសន្តិសហវិជ្ជមានក្នុងចំណោមប្រជាជនដែលមានដើមកំណើត និងសាសនាផ្សេងគ្នា៕

ប្រមុខការពារជាតិកម្ពុជា៖ ការប្រើប្រាស់ទណ្ឌកម្មក្នុងរូបភាពណាមួយ ដើម្បីគាបសង្កត់នរណាម្នាក់ ពុំមែនជាជម្រើសត្រឹមត្រូវសម្រាប់ដោះស្រាយបញ្ហាឡើយ

ភ្នំពេញ៖ សម្តេចពិជ័យសេនា ទៀ បាញ់ រដ្ឋមន្ត្រីក្រសួងការពារជាតិអះអាងថា «ចំពោះការប្រើប្រាស់ទណ្ឌកម្មក្នុងរូបភាពណាមួយ ដើម្បីគាបសង្កត់នរណាម្នាក់ គឺកម្ពុជាយល់ថាពុំមែនជាជម្រើសត្រឹមត្រូវសម្រាប់ដោះស្រាយបញ្ហានោះឡើយ»។ សម្តេចបញ្ជាក់ថា «ផ្ទុយទៅវិញ ផលវិបាកពុំមែនមានសម្រាប់តែអ្នកដែលទទួលរងទណ្ឌកម្មនោះទេ អ្នកដែលព្យាយាមប្រើប្រាស់ទណ្ឌកម្មជាត្រីមុខ និងអ្នកស្លូតត្រង់ដែលពុំមានការពាក់ព័ន្ធដ៏ទៃទៀត ក៏អាចទទួលរងផលប៉ះពាល់ជាអវិជ្ជមានដូចគ្នា»។ ការអះអាងរបស់ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ធ្វើឡើងចំពោះមុខបណ្តារដ្ឋមន្រ្តីការពារជាតិអាស៊ាន ក្នុងពេលដឹកនាំកិច្ចប្រជុំរដ្ឋមន្រ្តីការពារជាតិអាស៊ានលើកទី១៦ នាថ្ងៃទី២២ ខែមិថុនា ឆ្នាំ២០២២។

ទួរគីនឹងធ្វើជាម្ចាស់ផ្ទះជំនួបចរចាស្ដីពីការនាំចេញគ្រាប់ធញ្ញជាតិអ៊ុយក្រែនតាមច្រកសមុទ្រខ្មៅ

ទួរគី៖ យោងតាមសេចក្ដីរាយការណ៍ព័ត៌មានមួយចំនួនឲ្យដឹងថា ទួរគីព្រមធ្វើជាម្ចាស់ផ្ទះកិច្ចពិភាក្សារវាងក្រុមមន្ត្រីរុស្ស៊ី-អ៊ុយក្រែន និងអង្គការសហប្រជាជាតិ សម្រាប់ការចរចានៅក្នុងរយៈពេលប៉ុន្មានសប្ដាហ៍ខាងមុខ ដោយផ្ដោតសំខាន់លើការនាំចេញគ្រាប់ធញ្ញជាតិជាថ្មី ដែលបច្ចុប្បន្នត្រូវបានជាប់នៅក្នុងកំពង់ផែសមុទ្រខ្មៅ។ ទូរទស្សន៍ក្នុងស្រុករបស់ទួរគី NTV និង CNN Turk និងទីភ្នាក់ងារសារព័ត៌មានរ៉យទ័របានដកស្រង់សម្តី។ ដោយសំអាងតាមប្រភពរបស់ប្រធានាធិបតីទួរគីដែលបាននិយាយកាលពីថ្ងៃអង្គារថា កិច្ចប្រជុំដែលបានគ្រោងទុកនៅទីក្រុងអ៊ីស្តង់ប៊ុលនឹងកើតមានមុនដំណើរទស្សនកិច្ចទៅកាន់ទីក្រុង Moscow ក្នុងសប្តាហ៍នេះ ដោយគណៈប្រតិភូការពារជាតិទួរគីដើម្បីពិភាក្សាលម្អិត អំពីច្រករបៀងសមុទ្រដែលមានសុវត្ថិភាពនៅក្នុងសមុទ្រខ្មៅ។ ទីភ្នាក់ងារ TASS របស់រុស្ស៊ីក៏បានបញ្ជាក់ពីផែនការ សម្រាប់កិច្ចពិភាក្សារបស់គណៈប្រតិភូយោធាទួរគីផងដែរ ដោយយោងតាមសម្តីអ្នកនាំពាក្យវិមានក្រឹមឡាំងលោក Dmitry Peskov។ស្រូវសាលី និងគ្រាប់ធញ្ញជាតិរាប់លានតោនបច្ចុប្បន្នកំពុងជាប់នៅក្នុងកំពង់ផែអ៊ុយក្រែន ទាំងត្រូវបានរារាំង ទាំងកាន់កាប់ដោយកងកម្លាំងរុស្ស៊ី ហើយនាវាប្រឈមនឹងគ្រោះថ្នាក់ដោយសារគ្រាប់មីនទឹក ដែលបានដាក់នៅក្នុងសមុទ្រខ្មៅ។ ប្រភពនានាដែលនិយាយទៅកាន់សារព័ត៌មាន Reuters បាននិយាយថា កិច្ចប្រជុំចតុភាគីរវាងទួរគី អ៊ុយក្រែន រុស្ស៊ី និងអង្គការសហប្រជាជាតិ នឹងធ្វើឡើងនៅទីក្រុងអ៊ីស្តង់ប៊ុលក្នុងប៉ុន្មានសប្តាហ៍ខាងមុខ អាចនឹងមានការចូលរួមពីប្រធានាធិបតីទួរគី Recep Tayyip Erdogan និងអគ្គលេខាធិការអង្គការសហប្រជាជាតិលោក Antonio Guterres៕អត្ថបទ៖ សុខមាន

ទឹកជំនន់បន្តជន់លិចប្រទេសបង់ក្លាដែស និងឥណ្ឌាឆក់យកជីវិតមនុស្សជិត ៧០នាក់ និងរាប់លាននាក់ត្រូវស្ថិតនៅតែលតោល

ឥណ្ឌា៖ ក្រុមមន្ត្រីនិយាយថា ទឹកជំនន់បានជន់លិចផ្នែកខ្លះទៀតក្នុងប្រទេសបង់ក្លាដែស និងប្រទេសឥណ្ឌាភាគឦសានបន្ថែមទៀតកាលពីថ្ងៃអង្គារ ខណៈក្រុមអាជ្ញាធរបានព្យាយាមទៅដល់មនុស្សជាង ៩,៥លាននាក់ស្ថិតនៅតែលតោលក្នុងទឹកជំនន់ដោយមានអាហារ និងទឹកទទួលទានតិចតួចបន្ទាប់ពីភ្លៀងធ្លាក់ខ្លាំងជាច្រើនថ្ងៃ។ ភ្លៀងរដូវមូសុងដ៏ធ្ងន់ធ្ងរបំផុតនេះបង្កឲ្យមានទឹកជំនន់ដ៏ខ្លាំងក្លាបំផុត ក្នុងរយៈពេលជាងមួយសតវត្សរ៍នៅតំបន់ខ្លះនៃវាលទំនាបក្នុងប្រទេសបង់ក្លាដែស ហើយបានសម្លាប់មនុស្សយ៉ាងហោចណាស់ ៦៩នាក់ក្នុងរយៈពេលពីរសប្តាហ៍កន្លងមកនៅទីនោះ និងនៅក្នុងរដ្ឋ Assam ប្រទេសឥណ្ឌាភាគឦសាន។ លោក Abu Bakar អាយុ ២៦ឆ្នាំជាអ្នកស្រុកនៅស្រុកដែលរងគ្រោះធ្ងន់ធ្ងរ Sunamganj ភាគឦសានប្រទេសបង់ក្លាដែសបានប្រាប់សារព័ត៌មានរ៉យទ័រតាមទូរស័ព្ទថា មនុស្សគ្មានអាហារទទួលទានទេ។ពួកគេមិនទាំងទទួលបានទឹកសម្រាប់ទទួលទានផងទេ ចាប់តាំងពីទឹកជំនន់បានលិចអណ្ដូងស្នប់ទាំងអស់។ អង្គការ UNICEF បាននិយាយនៅក្នុងសេចក្ដីថ្លែងការណ៍មួយថា មនុស្សចំនួន ៤លាននាក់រួមទាំងកុមារ ១.៦លាននាក់ដែលត្រូវបានជាប់នៅក្នុងទឹកជំនន់ដ៏គំហុក ក្នុងប្រទេសបង់ក្លាដែសភាគឦសានកំពុងត្រូវការជំនួយសង្គ្រោះបន្ទាន់៕អត្ថបទ៖ សុខមាន

ឥណ្ឌាជួយបោសសម្អាតមីនភូមិចំនួន០៤ ក្នុងខេត្តកោះកុង ដើម្បីឲ្យក្លាយជាភូមិអស់មីន និងបង្កើតតំបន់ផ្តល់នូវអវយវៈសិប្បនិម្មិតចំនួន០២នៅកម្ពុជា សម្រាប់ជួយដល់ជនរងគ្រោះដោយសារមីន

ភ្នំពេញ៖ ឯកឧត្តម ទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន និង ឯកឧត្តមបណ្ឌិត Rajkumar Ranja Singh, Minister of State of External Affairs នៃសាធារណរដ្ឋឥណ្ឌា បានអញ្ជើញជាអធិបតីក្នុងពិធីចុះហត្ថលេខាលើអនុស្សារណៈយោគយល់គ្នា ស្តីពីគម្រោងភូមិអស់មីននៅក្នុងខេត្តកោះកុង ក្រោមការអនុវត្ត “គម្រោងផ្តល់ផលរហ័ស” របស់រដ្ឋាភិបាលនៃសាធារណរដ្ឋឥណ្ឌា និងកិច្ចសហប្រតិបត្តិការជាមួយអាជ្ញាធរមីន នៅថ្ងៃទី២១ ខែមិថុនា ឆ្នាំ២០២២។ពិធីចុះហត្ថលេខានេះ បានធ្វើឡើងនៅសណ្ឋាគារ Hyatt Regency រវាងឯកឧត្តម ស៊ុយ ជីហ៊ាង អគ្គលេខាធិការស្តីទីនៃអាជ្ញាធរមីន និងលោកជំទាវ Devyani Khobragade ឯកអគ្គរដ្ឋទូតឥណ្ឌាប្រចាំកម្ពុជា។ឯកឧត្តម ទេសរដ្ឋមន្រ្តី លី ធុជ បានមានប្រសាសន៍ថា ពិធីចុះហត្ថលេខាអនុវត្ត "គម្រោងផ្តល់ផលរហ័ស - ភូមិអស់មីនក្នុងខេត្តកោះកុង" នាថ្ងៃនេះ គឺជាជំហានដ៏រឹងមាំ ដើម្បីចូលរួមនាំឲ្យកម្ពុជាខិតទៅជិតគោលដៅនៃការក្លាយជាប្រទេសគ្មានមីននៅឆ្នាំ ២០២៥ ក៏ដូចជាការបង្ហាញមួយទៀត នៃចំណងមិត្តភាពជាប្រវត្តិសាស្រ្ត និងប្រពៃណីដ៏យូរអង្វែងរវាងសាធារណរដ្ឋឥណ្ឌា និងព្រះរាជាណាចក្រកម្ពុជា ដែលមានអាយុកាលជិត ២៥០០ឆ្នាំ និងចំណងទំនាក់ទំនងការទូតផ្លូវការរវាងប្រទេសទាំងពីរ រយៈពេល ៧០ឆ្នាំ។ក្នុងនាមរាជរដ្ឋាភិបាលកម្ពុជា ឯកឧត្តមទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅជូនចំពោះរដ្ឋាភិបាល និងប្រជាជនឥណ្ឌា ដែលបានចូលរួមដល់ការងារសកម្មភាពមីនមនុស្សធម៌នៅកម្ពុជា ក្នុងនោះបានផ្តល់នូវអវយវៈសិប្បនិមិត្តដល់ជនមានពិការភាព ការអភិវឌ្ឍសមត្ថភាពមន្រ្តីអាជ្ញាធរមីន និងការចូលរួមឲ្យកម្ពុជាក្លាយជាប្រទេសគ្មានមីនឆ្នាំ២០២៥។ ឯកឧត្តម បានបន្តទៀតថា អាជ្ញាធរមីន បាននឹងកំពុងដំណើរការយន្តការភូមិអស់មីន និងកំពុងលុបបំបាត់ការគំរាមកំហែងទាំងអស់នៅក្នុងភូមិជាក់លាក់ ដែលនឹងមិនត្រឹមតែជួយសង្គ្រោះអាយុជីវិតរបស់អ្នកទទួលផលផ្ទាល់ប៉ុណ្ណោះទេ វានឹងធ្វើឱ្យជីវភាពភូមិ និងការអភិវឌ្ឍសេដ្ឋកិច្ចសង្គមកាន់តែប្រសើរឡើង ដែលថ្ងៃនេះ សាធារណរដ្ឋឥណ្ឌា នឹងជួយប្រែក្លាយភូមិចំនួន ០៤ ស្ថិតក្នុងខេត្តកោះកុង ទៅជាភូមិអស់មីន ក្នុងចំណោមភូមិចំនួន ២៨ ដែលកំពុងរងការគម្រាមកំហែងដោយសារមីន និងសំណល់ជាតិផ្ទុះពីសង្រ្គាម។ក្នុងឱកាសនោះ ឯកឧត្តម ទេសរដ្ឋមន្រ្តី បានបញ្ជាក់បន្ថែមទៀតថា រយៈពេល ៣០ឆ្នាំ ដោយមានការគាំទ្រពីម្ចាស់ជំនួយ និងប្រតិបត្តិករបោសសម្អាតមីនជាតិ-អន្តរជាតិ ផ្ទៃដីប្រមាណ ២.៣៧៩ គីឡូម៉ែត្រក្រឡា ត្រូវបានបោសសម្អាត និងផ្តល់ផលប្រយោជន៍ជូនដល់ប្រជាជនប្រមាណ ៧.៥ លាននាក់ ព្រមទាំងបានចូលរួមកាត់បន្ថយអត្រាគ្រោះថ្នាក់ពី ៤.៣២០ នាក់ ក្នុងឆ្នាំ ១៩៩៦ មក ៤៤ នាក់ ក្នុងឆ្នាំ ២០២១។ ទោះបីមានកិច្ចខិតខំប្រឹងប្រែងបែបនេះ ប្រជាជនកម្ពុជា ប្រមាណជាង ១ លាននាក់ កំពុងរស់នៅ និងប្រកបមុខរបរលើតំបន់រងផលប៉ះពាល់ដោយសារមីន និងសំណល់ជាតិផ្ទុះពីសង្រ្គាម លើផ្ទៃដី ១.៩៩១ គីឡូម៉ែត្រក្រឡា ក្នុងនោះផ្ទៃដីមានមីន ៧៣៦ គីឡូម៉ែត្រក្រឡា ដែលនឹងត្រូវបោសសម្អាតឲ្យអស់ត្រឹមឆ្នាំ២០២៥ ដើម្បីឆ្លើយតបនឹងកាតព្វកិច្ចកម្ពុជាជារដ្ឋភាគី នៃអនុសញ្ញាអន្តរជាតិស្តីពីការហាមការប្រើប្រាស់ ការរក្សាទុក ការផលិត និងការផ្ទេរគ្រាប់មីនប្រឆាំងមនុស្ស និងការបំផ្លាញគ្រាប់មីន (អនុសញ្ញាអូតាវ៉ា)ឯកឧត្តម ទេសរដ្ឋមន្រ្តី បានបន្ថែមទៀតថា ឆ្នាំ ២០២៥ គឺជាគោលដៅដែលអាចសម្រេចបាន ប្រសិនបើរាជរដ្ឋាភិបាល សហគមន៍ម្ចាស់ជំនួយ ដៃគូអភិវឌ្ឍន៍ វិស័យឯកជន និងសប្បុរសជននានា ធ្វើការរួមគ្នា និងពន្លឿនការគាំទ្រការងារបោសសម្អាតមីន។ឯកឧត្តមបណ្ឌិត Rajkumar Ranja Singh បានមានប្រសាសន៍ថា ឯកឧត្តម មានសេចក្តីសប្បាយរីករាយដែលបានចូលរួមជាមួយរាជរដ្ឋាភិបាលកម្ពុជា តាមរយៈអាជ្ញាធរមីន លើគម្រោងធ្វើឲ្យភូមិចំនួន ០៤ ក្នុងខេត្តកោះកុង ជាភូមិអស់មីន ដោយនឹងផ្តល់អត្ថប្រយោជន៍ដោយផ្ទាល់ដល់ប្រជាពលរដ្ឋជិត ៨.000 នាក់ ដែលកំពុងរស់នៅក្នុងភូមិទាំងនេះ តាមរយៈគម្រោងផ្តល់ផលរហ័សរបស់រដ្ឋាភិបាលឥណ្ឌា ដែលគម្រោងនេះគឺជាផ្នែកមួយនៃទំនាក់ទំនងឥណ្ឌា-កម្ពុជា ក្រោមក្របខណ្ឌកិច្ចសហប្រតិបត្តិការមេគង្គ-គង្គា។ឯកឧត្តមបណ្ឌិត Rajkumar Ranja Singh បានកោតសរសើរចំពោះអាជ្ញាធរមីន ក្នុងការដោះស្រាយបញ្ហាមីន ដើម្បីធ្វើឱ្យកម្ពុជាគ្មានមីននៅឆ្នាំ២០២៥។ ឯកឧត្តមបណ្ឌិត បានបញ្ជាក់បន្ថែមទៀតថា ឥណ្ឌាកំពុងធ្វើការជាមួយអាជ្ញាធរមីន ដើម្បីកំណត់តំបន់បន្ថែមទៀតនៃកិច្ចសហប្រតិបត្តិការសកម្មភាពមីន និងរួមចំណែកដល់កិច្ចខិតខំរបស់កម្ពុជាឲ្យសម្រេចតាមគោលដៅ ហើយរដ្ឋាភិបាលឥណ្ឌា បានត្រៀមខ្លួនរួចជាស្រេច ក្នុងការជួយដល់ការងារសកម្មភាពមីនកម្ពុជា នៅគ្រប់កម្រិត និងគ្រប់ពេលវេលា៕

ប្រមុខការពារជាតិឡាវគាំទ្រ និងសាទរចំពោះភាពជាម្ចាស់ផ្ទះកិច្ចប្រជុំរដ្ឋមន្ត្រីការពារជាតិនៅកម្ពុជា

ភ្នំពេញ៖ រដ្ឋមន្រ្តីក្រសួងការពារជាតិឡាវ សូមសម្តែងការគាំទ្រនិងអបអរសាទរចំពោះភាពជាម្ចាស់ផ្ទះកិច្ចប្រជុំរដ្ឋមន្ត្រីការពារជាតិ នៅកម្ពុជា។ការគាំទ្រនេះ បានធ្វើឡើងនៅក្នុងជំនួបពិភាក្សាការងារជាមួយសម្តេចពិជ័យសេនា ទៀ បាញ់ ឧបបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៃព្រះរាជាណាចក្រកម្ពុជា នៅថ្ងៃទី២១ ខែមិថុនា ឆ្នាំ២០២២ នៅទីស្តីការក្រសួងការពារជាតិ។នៅក្នុងជំនួបពិភាក្សានេះ រដ្ឋមន្ត្រីក្រសួងការពារជាតិកម្ពុជា និងឡាវ បានសម្តែងការវាយតម្លៃខ្ពស់ និងការពេញចិត្តចំពោះវឌ្ឍភាពកិច្ចសហប្រតិបត្តិការទ្វេភាគី ទទួលបានល្អប្រសើរ ទោះបីស្ថិតក្នុងបរិបទកូវីដ-១៩។សូមជម្រាបថា កម្ពុជាបានទទួលរៀបចំធ្វើម្ចាស់ផ្ទះ នៃកិច្ចប្រជុំរដ្ឋមន្ត្រីការពារជាតិអាស៊ាន កិច្ចប្រជុំពាក់ព័ន្ធឆ្នាំ២០២២ កិច្ចប្រជុំរដ្ឋមន្ត្រីការពារជាតិអាស៊ាន លើកទី១៦ (16th ADMM) ចាប់ពីថ្ងៃទី២១ ដល់ថ្ងៃទី២២ ខែមិថុនា ឆ្នាំ២០២២ នៅរាជធានីភ្នំពេញ នៃព្រះរាជាណាចក្រកម្ពុជា៕

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីអ៊ីតាលី៖ លោក Trump ប្រឌិតរឿងទាំងស្រុង ដែលថាលោកស្រីបានអង្វរសុំលោកថតរូបជាមួយ

បេសកជនអ៊ីស្រាអែល និងមន្ត្រីអង្គការសហប្រជាជាតិប៉ះពាក្យសម្តីគ្នាក្នុងសវនាការស្តីពីកុមារក្នុងជម្លោះ

អនុប្រធានាធិបតីអាមេរិក លោក JD Vance៖ ការចរចាជាមួយអ៊ីរ៉ង់អាចប៉ះពាល់ដល់ការកើនឡើងផ្នែកនយោបាយ

បេសកជនរបស់លោក Trump ធ្វើដំណើរទៅកាន់ប្រទេសស្វីសសម្រាប់ការចរចារវាងអាមេរិក និងអ៊ីរ៉ង់

ក្រសួងបរិស្ថានសម្រេចជ្រើសរើសសហគមន៍តំបន់ការពារធម្មជាតិ នៅខេត្តពោធិ៍សាត់ ធ្វើជាគំរូដំបូងគេដាំស្មៅយក្ស

សមត្ថកិច្ចចុះត្រួតពិនិត្យ៤ទីតាំង ក្នុងក្រុងប៉ោយប៉ែតរកឃើញជនបរទេសស្នាក់នៅជាង១០០នាក់ ដែលកំពុងប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា

ជនជាតិវៀតណាមចំនួន ៩៨នាក់ ព័ន្ធករណីOnline Scams ត្រូវបានបណ្ដេញចេញពីកម្ពុជា

ភ្ញៀវអន្តរជាតិជាង ១០០ប្រទេស លៀងសាយភោជន៍នៅព្រះលានជល់ដំរី ក្នុងថ្ងៃបិទបញ្ចប់មហាសន្និបាតកាយឫទ្ធិនារីពិភពលោក

លោកជំទាវបណ្ឌិត ពេជ ចន្ទមុន្នី អញ្ជើញជាអធិបតីកម្មវិធី “រាត្រីកម្ពុជា”

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ១៥នាក់ស្លាប់ក្នុងការបាញ់ផ្លោងរបស់រុស្ស៊ីនៅក្នុងតំបន់ Kharkiv ភាគខាងកើតអ៊ុយក្រែន

សហភាពអឺរ៉ុបព្រមានពីការដើរថយក្រោយក្នុងការប្រើប្រាស់ឥន្ធនៈហ្វូស្ស៊ីល ខណៈប្រទេសមួយចំនួនងាកទៅរកធ្យូងថ្ម

សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយអគ្គលេខាធិការអង្គការសម្ព័ន្ធពិភពឥស្លាម

ទួរគីនឹងធ្វើជាម្ចាស់ផ្ទះជំនួបចរចាស្ដីពីការនាំចេញគ្រាប់ធញ្ញជាតិអ៊ុយក្រែនតាមច្រកសមុទ្រខ្មៅ

ទឹកជំនន់បន្តជន់លិចប្រទេសបង់ក្លាដែស និងឥណ្ឌាឆក់យកជីវិតមនុស្សជិត ៧០នាក់ និងរាប់លាននាក់ត្រូវស្ថិតនៅតែលតោល

ប្រមុខការពារជាតិឡាវគាំទ្រ និងសាទរចំពោះភាពជាម្ចាស់ផ្ទះកិច្ចប្រជុំរដ្ឋមន្ត្រីការពារជាតិនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស ​១៥​នាក់​ស្លាប់​ក្នុង​ការ​បាញ់​ផ្លោង​របស់​រុស្ស៊ី​នៅ​ក្នុង​តំបន់ Kharkiv ភាគ​ខាងកើត​អ៊ុយ​ក្រែ​ន​

សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយអគ្គលេខាធិការអង្គការសម្ព័ន្ធពិភពឥស្លាម

ប្រមុខការពារជាតិឡាវគាំទ្រ និងសាទរចំពោះភាពជាម្ចាស់ផ្ទះកិច្ចប្រជុំរដ្ឋមន្ត្រីការពារជាតិនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ១៥នាក់ស្លាប់ក្នុងការបាញ់ផ្លោងរបស់រុស្ស៊ីនៅក្នុងតំបន់ Kharkiv ភាគខាងកើតអ៊ុយក្រែន