BTV NEWS

ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

ព័ត៌មានសំខាន់ៗ

ករណីជំងឺអុតស្វាមានជាង ៥៥០ករណីត្រូវបានបញ្ជាក់នៅទូទាំងពិភពលោក

ពិភពលោក៖ ចំនួនករណីដែលត្រូវបានបញ្ជាក់ពីជំងឺអុតស្វាបានកើនឡើងលើសពី ៥៥០ករណីនៅទូទាំងពិភពលោក។ មជ្ឈមណ្ឌលបង្ការ និងគ្រប់គ្រងជំងឺអឺរ៉ុបបាននិយាយថា ករណីជំងឺអុតស្វាចំនួន ៣២១ករណីត្រូវបានបញ្ជាក់នៅក្នុងប្រទេសចំនួន ១២ របស់សហភាពអឺរ៉ុប។ចក្រភពអង់គ្លេសបានរាយការណ៍ថា មាន ១៩៦ករណី ហើយអ្នកឆ្លងជំងឺនេះត្រូវបានបញ្ជាក់ផងដែរនៅក្នុងប្រទេសអូស្ត្រាលី កាណាដា និងសហរដ្ឋអាមេរិក។ នាយកប្រចាំតំបន់របស់អង្គការសុខភាពពិភពលោក សម្រាប់សហភាពអឺរ៉ុបបាននិយាយកាលពីថ្ងៃអង្គារថា ការផ្ទុះឡើងនៅក្នុងសហភាពអឺរ៉ុបកើតមានតាំងពីពាក់កណ្តាលខែមេសា ហើយការឆ្លងបានរាលដាលតាមរយៈទំនាក់ទំនងរាងកាយផ្ទាល់ នៅក្នុងព្រឹត្តិការណ៍ធំៗ ឬពិធីជប់លៀង។ នាយកប្រចាំតំបន់បានព្រមានថា ក្នុងរយៈពេលប៉ុន្មានខែខាងមុខទៀតនេះពិធីបុណ្យ និងពិធីជប់លៀងធំៗជាច្រើនដែលបានគ្រោងទុក នឹងផ្តល់នូវបរិបទបន្ថែមទៀតដែលការរាលដាលអាចនឹងកើតឡើង។ លោកនិយាយថា យើងត្រូវការការកាត់បន្ថយជាសំខាន់ និងបន្ទាន់លើទំនាក់ទំនងជិតស្និតដើម្បីទប់ស្កាត់ការរីករាលដាលវីរុស។នាយកប្រចាំតំបន់រូបនេះបានជំរុញឱ្យរដ្ឋាភិបាល និងស្ថាប័នវេជ្ជសាស្ត្រដាក់ឱ្យនៅដាច់ដោយឡែកអ្នកឆ្លងវីរុស តាមដានទំនាក់ទំនង និងបំពាក់គ្រឿងបរិក្ខារសុខាភិបាលជាមួយនឹងការយល់ដឹង និងសមត្ថភាពវិនិច្ឆ័យដើម្បីកំណត់អត្តសញ្ញាណ ស៊ើបអង្កេត និងបញ្ជាក់ករណីឲ្យបានឆាប់រហ័ស។ លោកបានជំរុញឱ្យអ្នករៀបចំព្រឹត្តិការណ៍ធ្វើឲ្យប្រសើរឡើង លើការយល់ដឹងរបស់អ្នកចូលរួមអំពីហានិភ័យនៃការឆ្លងវីរុស៕អត្ថបទ៖ ប៊ុនថន

វិមានក្រឹមឡាំងនិយាយថា ជំនួបចរចារវាងលោក Putin និងលោក Zelenskiyy អាចទៅរួចតែត្រូវរៀបចំជាមុនសិន

រុស្ស៊ី៖ ប្រទេសរុស្ស៊ីបានបង្ហើបកាលពីថ្ងៃពុធថា ខ្លួនពុំបានច្រានចោលជំនួបរវាងលោកប្រធានាធិបតីរុស្ស៊ី Vladimir Putin និងសមភាគីអ៊ុយក្រែនរបស់លោកគឺលោក Volodymyr Zelenskiy ទេ ប៉ុន្តែការចរចានានាចាំបាច់ត្រូវរៀបចំជាមុនសិន។ អ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកយកសារព័ត៌មានតាមទូរស័ព្ទថា ការងាររៀបចំឯកសារសន្តិភាពជាមួយអ៊ុយក្រែនបានឈប់ជាយូរមកហើយ និងមិនចាប់ផ្ដើមឡើងវិញទេ។ លោក Peskov បាននិយាយថា ប្រជាពលរដ្ឋនៅក្នុងតំបន់នានារបស់អ៊ុយក្រែនដែលរុស្ស៊ីគ្រប់គ្រងដូចជាតំបន់ Kherson, Zaporizhzhia និង Donbas ត្រូវតែសម្រេចពីអនាគតរបស់ខ្លួនឯង ហើយវិមានក្រឹមឡាំងពុំមានមន្ទិលទេថា ពួកគេនឹងសម្រេចបានល្អបំផុត។ កន្លងមកប្រទេសអ៊ុយក្រែនធ្លាប់បានលើកឡើងថា ប្រើរុស្ស៊ីដាក់បញ្ចូលតំបន់ទាំងនោះជាឧបសម្ព័ន្ធរបស់ខ្លួននោះ វានឹងបិទផ្លូវការចរចាសន្តិភាពរវាងប្រទេសទាំង២៕ អត្ថបទ៖ សុខមាន

គ.ជ.ប ណែនាំគណបក្សនយោបាយមិនត្រូវធ្វើសកម្មភាពប្រមូលកម្លាំងពីរាជធានី-ខេត្តណាមួយ ទៅធ្វើសកម្មភាពនៅរាជធានី ឬខេត្តផ្សេង មានចេតនាបង្កចលាចល អសន្តិសុខសង្គមឡើយ

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានណែនាំគណបក្សនយោបាយ ឬ/និងបេក្ខជន មិនត្រូវធ្វើសកម្មភាព កៀរគរ ប្រមូលកម្លាំងពី រាជធានី-ខេត្តណាមួយ ទៅធ្វើសកម្មភាពនៅរាជធានី ឬខេត្តផ្សេង ក្នុងចេតនាបង្កចលាចល អសន្តិសុខសង្គម ដើម្បីបំផ្លាញយុទ្ធនាការឃោសនាបោះឆ្នោត និងការបោះឆ្នោតនោះឡើយ។ទន្ទឹមនឹងនោះគ.ជ.ប អំពាវនាវឱ្យចូលរួមក្នុងកិច្ចការពារ ថែរក្សា បរិយាកាសសន្តិសុខសម្រាប់យុទ្ធនាការឃោសនាបោះឆ្នោត និងការបោះឆ្នោតឱ្យបានល្អប្រសើរ ដោយមិនត្រូវធ្វើសកម្មភាពណាមួយ ដែលផ្ទុយពីគោលការណ៍នៃច្បាប់បោះឆ្នោត បទបញ្ជ និងនីតិវិធីនៃការបោះឆ្នោត ក្រមសីលធម៌សម្រាប់គណបក្សនយោបាយ និងបេក្ខជនក្នុង ដំណើរការបោះឆ្នោត និងលិខិតបទដ្ឋានគតិយុត្តពាក់ព័ន្ធផ្សេងៗជាធរមាន៕

កងទ័ពរុស្ស៊ីចូលដល់កណ្ដាលក្រុងឧស្សាហកម្មអ៊ុយក្រែន ខណៈអាមេរិកត្រៀមបញ្ជូនប្រព័ន្ធបាញ់រ៉ូកែតដ៏ទំនើបទៅឲ្យទីក្រុង Kyiv

រុស្ស៊ី៖ កងកម្លាំងរុស្ស៊ីបានវាយបើកផ្លូវចូលទៅដល់កណ្ដាលទីក្រុងឧស្សាហកម្ម Sievierodonetsk របស់អ៊ុយក្រែនកាលពីថ្ងៃពុធ ខិតចូលកាន់តែជិតទៅរកការប្រកាសជ័យជម្នះដ៏ធំ ក្នុងការវាយលុករបស់ពួកគេនៅក្នុងតំបន់ Donbas ភាគខាងកើត។ អភិបាលក្រុង Severodonetsk និយាយថា មានផ្ទៃដីតែ ២០% ប៉ុណ្ណោះស្ថិតក្រោមការគ្រប់គ្រងរបស់កងកម្លាំងអ៊ុយក្រែន ប៉ុន្តែនៅតែមានក្ដីសង្ឃឹមថា ពួកគេអាចទប់រុស្ស៊ីមិនឲ្យគ្រប់គ្រងទីក្រុងនេះទាំងស្រុង។ ប៉ុន្តែក្នុងការជួយជ្រោមជ្រែងអ៊ុយក្រែនទប់ទល់នឹងការវាយលុករបស់ទាហានរុស្ស៊ី សហរដ្ឋអាមេរិកបានប្រកាសកញ្ចប់ផ្ដល់ជំនួយអាវុធថ្មីចំនួន ៧០០លានដុល្លារអាមេរិកសម្រាប់ទីក្រុង Kyiv ដែលនឹងរួមមានប្រព័ន្ធបាញ់រ៉ូកែតដ៏ទំនើបដែលមានសមត្ថភាពបាញ់ដល់គោលដៅចម្ងាយ ៨០គីឡូម៉ែត្រ។ ទីក្រុង Moscow បានចោទប្រកាន់សហរដ្ឋអាមេរិកពីបទដាក់ប្រេងលើភ្លើង ដោយប្រមុខការទូតរុស្ស៊ីលោក Sergei Lavrov បាននិយាយថា ការផ្គត់ផ្គង់ជើងទម្របាញ់គ្រាប់រ៉ូកែតទាំងនេះបានបង្កើនហានិភ័យកាន់តែខ្លាំងថា ប្រទេសទី៣ អាចនឹងត្រូវបានអូសទាញឲ្យធ្លាក់ក្នុងជម្លោះនេះ។ប្រមុខការទូតអាមេរិកលោក Antony Blinken បាននិយាយថា ប្រទេសអ៊ុយក្រែនបានសន្យាហើយថា ខ្លួននឹងមិនប្រើប្រព័ន្ធបាញ់គ្រាប់រ៉ូកែតទាំងនោះបាញ់ទៅលើគោលដៅនានានៅក្នុងប្រទេសរុស្ស៊ីទេ។ ចំណែកលោកប្រធានាធិបតីអាមេរិក Joe Biden សង្ឃឹមថា ការបង្កើនសមត្ថភាពដល់កងកម្លាំងកាំភ្លើងធំរបស់អ៊ុយក្រែន នឹងជួយរុញដោលឲ្យក្រុង Moscow ដើរចូលតុចរចាបញ្ចប់សង្គ្រាម ដែលពេលនេះបានឈានចូលដល់ខែទី៤៕អត្ថបទ៖ សុខមាន

មន្ត្រីបដិសេធការចោទប្រកាន់ពីបក្សនយោបាយខ្លះថា អាជ្ញាធរដកប័ណ្ណក្រីក្រពីពលរដ្ឋដែលមិនគាំទ្របក្សប្រជាជន

ភ្នំពេញ៖ មន្រ្តីជាន់ខ្ពស់ក្រសួងសង្គមកិច្ច អតីតយុទ្ធជន និងយុវនីតិសម្បទា បានបដិសេធដាច់អហង្ការចំពោះគណបក្សនយោបាយមួយចំនួនបានចោទប្រកាន់អាជ្ញាធរថា បានដកប័ណ្ណក្រីក្រពីប្រជាពលនៅតាមមូលដ្ឋាន ដែលមិនបានគាំទ្រដល់គណបក្សប្រជាជនកម្ពុជា ខណៈការចោទប្រកាន់នេះគឺជាករណីប្រជាភិថុតដើម្បីកេងចំណេញការឃោសនានយោបាយរបស់ពួកគេតែប៉ុណ្ណោះ។ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃមូលនិធិជាតិជំនួយសង្គម នៃក្រសួងសង្គមកិច្ច ឯកឧត្តម ឈួរ សុបញ្ញា បានថ្លែងតាមរយៈតេលេក្រាមនាព្រឹកថ្ងៃទី២ ខែមិថុនា ឆ្នាំ២០២២នេះថា កាលពីប៉ុន្មានថ្ងៃកន្លងទៅថ្មីៗនេះ មានគណបក្សនយោបាយ និងសារព័ត៌មានមួយក្តាប់តូច ដែលមាននិន្នាការប្រឆាំង និងរាជរដ្ឋាភិបាលបានផ្សព្វផ្សាយ និងឃោសនាអកុសលថា អាជ្ញាធរ ឬក៏មន្រ្តីរាជរដ្ឋាភិបាលបានដកប័ណ្ណក្រីក្រ និងស្ត្រីមានផ្ទៃពោះចេញពីពួកគេ ដោយសារតែពួកគាត់មិនបានគាំទ្រដល់គណបក្សប្រជាជនកម្ពុជានោះ។តាមរយៈសារសំឡេងនេះដែរ ឯកឧត្តម ឈួរ សុបញ្ញា ក៏បានអំពាវនាវដល់បងប្អូនប្រជាពលរដ្ឋ ទាំងអស់កុំចាញ់បោកការឃោសនាអកុសលរបស់ក្រុមប្រឆាំង និងប្រព័ន្ធផ្សព្វផ្សាយអគតិទាំងនោះឲ្យសោះ ខណៈមូលនិធិជាតិជំនួយសង្គមសម្រាប់ជូយដល់បងប្អូនក្រីក្រ នៅបន្តដោយគ្មានគិតអំពីសាសនា និន្នាការនយោបាយនោះទេ ហើយការឃោសនារបស់ពួកអគតិទាំងនេះទៀតសោធ ក៏ដើម្បីធ្វើជានយោបាយប្រជាភិថុត ក្នុងគោលបំណងលុបបំបាត់ប្រជាប្រិយភាព និងសមិទ្ធផលរបស់រាជរដ្ឋាភិបាលតែប៉ុណ្ណោះ។ សូមបញ្ជាក់ថា រាជរដ្ឋាភិបាលកម្ពុជាដែលមានក្រសួងសង្គមកិច្ច អតីតយុទ្ធជន និងយុវនីតិសម្បទា ជាសេនាធិការ បានអនុវត្តកម្មវិធីឧបត្ថម្ភសាច់ប្រាក់ ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងកូវីដ-១៩ ចាប់តាំងពីឆ្នាំ២០២០រហូតដល់ខែឧសភា ឆ្នាំ២០២២នេះ គឺបានចំណាយថវិកាជិត៧០០លានដុល្លារអាមេរិក ដោយប្រជាពលរដ្ឋក្រីក្រប្រមាណ៣លាននាក់ទទួលបានអត្ថប្រយោជន៍ ឧបត្ថម្ភសាច់ប្រាក់ប្រចាំខែនេះ៕(អត្ថបទ៖ បាន ចក់)

មនុស្ស ៥នាក់ស្លាប់ក្នុងហេតុការណ៍បាញ់បោះដោយសេរីនៅរដ្ឋ Oklahoma ជាការបាញ់ប្រហារដ៏ធំលើកទី២៣៣ នៅឆ្នាំ២០២២ នេះ

សហរដ្ឋអាមេរិក៖ នគរបាលក្រុង Tulsa បានបញ្ជាក់ថា ក្មាន់កាំភ្លើងម្នាក់បានបាញ់សម្លាប់មនុស្ស ៤នាក់នៅមន្ទីរពេទ្យ Saint Francis ក្នុងទីក្រុង Tulsa របស់រដ្ឋ Oklahoma សហរដ្ឋអាមេរិកកាលពីថ្ងៃពុធ។ លោក Jonathan Brooks ស្នងការនគរបាលក្រុង Tulsa បាននិយាយនៅសន្និសីទសារព័ត៌មានកាលពីថ្ងៃពុធថា មនុស្សស្លូតត្រង់ ៤នាក់ និងក្មាន់កាំភ្លើងម្នាក់បានស្លាប់។ លោក Brooks បាននិយាយថា នគរបាលពុំទាន់អាចកំណត់អត្តសញ្ញាណក្មាន់កាំភ្លើងបាននៅឡើយទេ និងនិយាយថា ជនដៃដល់បានស្លាប់ក្រោយមានរបួសធ្ងន់ដោយសារបាញ់ខ្លួនឯង។ នៅលើខ្លួនក្មាន់កាំភ្លើងមានកាំភ្លើងវែងមួយដើម និងកាំភ្លើងខ្លីមួយដើម។ នគរបាលក្រុង Tulsa បាននិយាយនៅលើបណ្ដាញសង្គម Facebook ដែលបានបង្ហោះមុនម៉ោង ៦ល្ងាចថា ជនល្មើសបានស្លាប់ហើយ។ នគរបាលនិយាយថា ពេលនេះក្រុមមន្ត្រីកំពុងឆែកឆេរនៅតាមបន្ទប់ទាំងអស់ក្នុងអគារ ក្រែងមានសញ្ញានៃការគំរាមកំហែងបន្ថែមទៀត។ យើងបានដឹងថា មានមនុស្សច្រើនរងរបួសធ្ងន់ និងស្រាល។ យោងតាមទិន្នន័យចងក្រងដោយអង្គភាព Gun Violence Archive ការបាញ់ប្រហារនេះបានក្លាយជាព្រឹត្តិការណ៍បាញ់បោះដោយសេរីលើកទី២៣៣ នៅឆ្នាំ២០២២ នេះនៅសហរដ្ឋអាមេរិក។ការបាញ់ប្រហារកាលពីថ្ងៃពុធបានកើតឡើងរយៈពេល ៨ថ្ងៃបន្ទាប់ពីក្មាន់កាំភ្លើងអាយុ ១៨ឆ្នាំប្រដាប់ដោយកាំភ្លើងពាក់កណ្តាលស្វ័យប្រវត្តិ AR បានដើរចូលទៅក្នុងសាលាបឋមសិក្សា Robb ក្នុងទីក្រុង Uvalde រដ្ឋតិចសាស់ដែលបានសម្លាប់កុមារ ១៩នាក់ និងគ្រូបង្រៀន ២នាក់មុនពេលបាញ់សម្លាប់ខ្លួនឯង និងជាងពីរសប្តាហ៍បន្ទាប់ពីការបាញ់ប្រហារនៅផ្សារទំនើប Buffalo ដោយបុរសស្បែក-ស-ម្នាក់ដែលត្រូវបានចោទប្រកាន់ថា បានសម្លាប់ពលរដ្ឋអាមេរិកស្បែកខ្មៅចំនួន ១០នាក់នៅក្នុងការវាយប្រហាររើសអើងពូជសាសន៍៕អត្ថបទ៖ សុខមាន

សម្ដេចកិត្តិព្រឹទ្ធបណ្ឌិត៖ ព្រះមហាក្សត្រ និងសម្ដេចម៉ែ ទ្រង់មានព្រះរាជបូជនីយកិច្ចដ៏ឧត្តុង្គឧត្តម ជួយពលរដ្ឋអំឡុងវិបត្តិកូវីដ១៩

ភ្នំពេញ៖ សម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានថ្លែងថា ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ដោយព្រះអង្គទាំងទ្វេ មានព្រះរាជបូជនីយកិច្ចដ៏ឧត្ដុង្គឧត្តមថ្លៃថ្លា ជាទីគោរពសក្ការៈដ៏ខ្ពង់ខ្ពស់បំផុត ចំពោះប្រជានុរាស្ត្រទូទាំងប្រទេស និងបានប្រោសព្រះរាជទានព្រះរាជទ្រព្យ យ៉ាងច្រើនសន្ធឹកសន្ធាប់ ព្រះរាជូបត្ថម្ភដល់ការគ្រប់គ្រង់បានជោគជ័យជំងឺកូវីដ-១៩ដល់មន្ទីរពេទ្យ មណ្ឌលសុខភាព និងតែងតែប្រោសព្រះរាជទានជួយគ្រួសាររងគ្រោះដោយធម្មជាតិ និងគ្រួសាររងផលប៉ះពាល់ដោយជំងឺកូវីដ-១៩។ប្រសាសន៍របស់សម្ដេចកិត្តិព្រឹទ្ធបណ្ឌិតនេះ ធ្វើឡើងក្នុងឱកាស សម្ដេចបានដឹកនាំគណៈប្រតិភូកាកបាទក្រហមកម្ពុជា ចូលក្រាបថ្វាយបង្គំគាល់ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងហ្លួងម៉ែ នៅថ្ងៃទី១ ខែមិថុនា ឆ្នាំ២០២២ ដោយអមដំណើរមាន សម្ដេចចៅហ្វាវាំងវរវៀងជ័យ អធិបតីស្រឹង្គារ គង់ សំអុល អនុប្រធានអចិន្ត្រៃយ៍កាកបាទក្រហមកម្ពុជា, លោកជំទាវ អាន្នី សុខអាន អនុប្រធាន និងថ្នាក់ដឹកនាំកាកបាទក្រហមជាច្រើនរូបទៀត ។ក្នុងឱកាសនោះ សម្ដេចកិត្តិព្រឹទ្ធបណ្ឌិត មានប្រសាសន៍ថា ក្នុងអំឡុងវិត្តិជំងឺកូវីដ-១៩នេះ ព្រះអង្គទាំងទ្វេ បានប្រោសព្រះរាជូបត្ថម្ភ ដល់កាកបាទក្រហមកម្ពុជាប្រចាំខែ ប្រចាំត្រីមាស ក្នុងទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភា និងក្នុងឱកាសផ្សេងៗទៀត ។ ជាក់ស្ដែងក្នុងឱកាសទិវា ៨ឧសភា ឆ្នាំនេះ ព្រះអង្គទាំងទ្វេ បានប្រោសព្រះរាជូបត្ថម្ភព្រះរាជទ្រព្យ ១០ម៉ឺនដុល្លារអាមេរិក ។ជាមួយគ្នានេះសម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន បានក្រាបថ្វាយនូវរបាយការណ៍ថ្វាយព្រះមហាក្សត្រ និងសម្ដេចម៉ែ ជាទីគោរពសក្ការៈដ៏ខ្ពង់ខ្ពស់បំផុត ដោយគូសបញ្ជាក់ថា អស់រយៈពេល ៣ឆ្នាំហើយ ដែលកាកបាទក្រហមកម្ពុជា ពុំអាចប្រារព្ធមិទ្ទិញអបអរទិវាពិភពលោកកាកបាទក្រហមកម្ពុជា អឌ្ឍចន្ទក្រហម ៨ឧសភា បានដោយបញ្ហាជំងឺកូវីដ១៩ ។ តែកាកបាទក្រហមកម្ពុជា បានយកឱកាសនេះ អំពាវនាវដល់សប្បុរជនគ្រប់មជ្ឈដ្ឋាន ឧបត្ថម្ភគាំទ្រដល់កាកបាទក្រហមកម្ពុជា ហើយនៅឆ្នាំ២០២២នេះ ថ្នាក់កណ្ដាលទទូលបានថវិកាសរុបរួមបានជាង ១៦លានដុល្លារ និងរថយន្តចំណុះ ១២កៅអី ២គ្រឿង រួមជាមួយ អង្ករ ភេសជ្ជៈ និងសម្ភារប្រើប្រាស់មួយចំនួន ហើយសាខាទាំង ២៥រាជធានីខេត្ត ក៏បានអំពាវនាវស្វែងរកការជួយឧបត្ថម្ភ នៅតាមខេត្តនីមួយៗ និងកំពុងតែទទួលថវិកាជាបន្តបន្ទាប់ពីសប្បុរសជន ។ក្នុងរបាយការណ៍ទួលថ្វាយបន្តថា សមិទ្ធផលសំខាន់ៗរបស់កាកបាទក្រហមកម្ពុជា ក្នុងឆ្នាំ២០២១កន្លងទៅ និង៥ខែដើមឆ្នាំនេះ ដោយការងារចូលរួមទប់ស្កាត់ជំងឺកូវីដ១៩ កាកបាទក្រហមបានទម្លាក់ថវិកាបន្ទាន់ និងផ្ដល់ជូនសាខានីមួយៗនូវ ថវិកា អង្ករ ម៉ាស់ ជែល អាល់កុល ដើម្បីមន្ត្រី បុគ្គលិក យុវជន និងអ្នកស្ម័គ្រចិត្តកាកបាទក្រហម ចុះអប់រំផ្សព្វផ្សាយដោយផ្ទាល់ ដល់ខ្នង់ផ្ទះពលរដ្ឋបានជិត ៣លាននាក់ និងផ្សព្វផ្សាយចល័ត ទាំងធ្វើសកម្មភាពមិត្ត-អប់រំមិត្ត និងបំផុសចលនាឲ្យប្រជានុរាស្ត្រចូលរួមចាក់វ៉ាក់សាំង ។ បានផ្ដល់អំណោយដល់អ្នកក្នុងតំបន់បិទខ្ទប់បានជាង ១១ម៉ឺនគ្រួសារ និងផ្ដល់ថវិកាដល់ប្រតិបត្តិការសហព័ន្ធអន្តរជាតិ នៅប្រទេសនេប៉ាល់ ៥ម៉ឺនដុល្លារ ឧបត្ថម្ភកាកបាទក្រហមវៀតណាម ១០ម៉ឺនដុល្លារ និង១០ម៉ឺនដុល្លារទៀត ជូនទៅកាកបាទក្រហមមីយ៉ាន់ម៉ា ។សម្រាប់សមិទ្ធផលសម្រេចបានតាមវិស័យអាទិភាពទាំង៤ បានផ្ដល់អំណោយជូនគ្រួសាររងគ្រោះដោយធម្មជាតិ និងចាស់ឥតទីពឹង កុមារកំព្រា អ្នកពិការ ស្ត្រីមេម៉ាយ ជនជាតិភាគតិចនៅជនបទដាច់ស្រយាលបានជិត ១៤ម៉ឺនគ្រួសារ, ចូលរួមលើកកម្ពស់សុវត្ថិភាពចរាចរណ៍ បានអបរំផ្សព្វផ្សាយពីបញ្ហាមីន សំណល់ជាតិផ្ទុះពីសង្គ្រាម ។ ក្នុងវិស័យសុខាភិបាល បាននិងកំពុងបណ្ដុះបណ្ដាលភ្នាក់ងារសង្គ្រោះបឋមជិត ១ម៉ឺននាក់ រៀងរាល់ឆ្នាំ, បាននិងកំពុងផ្ដោតលើសុខភាពស្ត្រី កុមារ និងអ្នកផ្ទុកមេរោគអេដស៍ ក្នុងនោះបានឧបត្ថម្ភថវិកា ១លានដុល្លារ ជូនមន្ទីរពេទ្យគន្ធបុប្ផា, ផ្ដល់ថវិកា ៥ម៉ឺនដុល្លារ ដល់មន្ទីរពេទ្យកុមារអង្គរ, សួរសុខទុកស្ត្រីមានផ្ទៃពោះ និងឆ្លងទន្លេរួច រាប់ពាន់គ្រួសារ និងផ្សព្វផ្សាយពីការខិតខំបញ្ចប់បញ្ហាអេដស៍នៅឆ្នាំ២០២៥ និងកាត់បន្ថយមរណភាពមាតា និងទារកក្នុងពេលសម្រាល។ ក្នុងកិច្ចការមួយនេះ កាកបាទក្រហមកម្ពុជា បានចងក្រងរបាយការណ៍ប្រចាំឆ្នាំដោយឡែកមួយ ផ្ញើជូនទៅអង្គការសហប្រជាជាតិ និងអង្គការសុខភាពពិភពលោក ។ក្នុងការងារសុខុមាលភាពសង្គមវិញ បានឧបត្ថម្ភដល់អង្គការចំនួន១០ មានអ្នកទទួលផលសរុបប្រមាណ ១ម៉ឺននាក់ ។ ដោះស្រាយផ្ទះវិញសម្រេចបាន ៧៩២ខ្នង ក្នុងនោះ ៦២៨ខ្នង បានកសាងជូនអតីតយុទ្ធជនកម្ពុជាក្រីក្រនៅភូមិ ប៊ុន រ៉ានី សែនជ័យដំណាក់ត្រយឹង ខេត្តពោធិ៍សាត់ មួយគ្រួសារត្រូចំណាយជាង ៦ពាន់ដុល្លារ និងផ្ដល់ប្រាក់កម្ចីឥតការប្រាក់បានចំនួន៥៧២គ្រួសារ នៅតំបន់ប្រឈមនឹងគ្រោះថ្នាក់មីន ។ទិសដីអនុវត្តបន្ត កាកបាទក្រហមកម្ពុជា បន្តចិត្តទុកដាក់លើការទប់ស្កាត់ជំងឺកូវីដ១៩ និងអនុវត្តផែនការអភិវឌ្ឍឆ្នាំទី២ នៃយុទ្ធសាស្ត្រ ២០២១-២០៣០ តាមរយៈការបន្តពង្រឹងសមត្ថភាពសាខាទាំង២៥រាជធានីខេត្ត អនុសាខា១៩៧ អ្នកស្ម័គ្រចិត្តជាង ២ម៉ឺននាក់ យុវជនកាកបាទក្រហមកម្ពុជាជាង ២ម៉ឺននាក់ តាមទិសវិមជ្ឈការ-វិសហមជ្ឈការ ក្នុងប្រតិបត្តិតាមវិស័យអាទិភាព ១. ការគ្រប់គ្រងគ្រោះមហន្តរាយ និងការប្រែប្រួលអាកាសធាតុ, ២. សុខភាព និងការថែទាំសុខភាពក្នុងសហគមន៍, ៣. ការលើកកម្ពស់អំពីគុណតម្លៃរបស់ចលនា សេចក្តីថ្លៃថ្នូររបស់មនុស្សជាតិ វប្បធម៌អហិង្សា និងសន្តិភាព, ៤. ការអភិវឌ្ឍស្ថាប័ន ។ ជាមួយនេះ កាកបាទក្រហមកម្ពុជា កំពុងត្រៀមលក្ខណៈធ្វើជាម្ចាស់ផ្ទះនៃកិច្ចប្រជុំប្រចាំឆ្នាំលើកទី២០ ថ្នាក់ដឹកនាំសមាគមជាតិអាស៊ីអាគ្នេយ៍ នៅឆ្នាំ២០២៣ខាងមុន ។បន្ទាប់ពីទ្រង់ព្រះសណ្ដាប់របាយការណ៍របស់សម្ដេចកិត្តិព្រឹទ្ធិបណ្ឌិត រួចមក ព្រះករុណា ព្រះមហាក្សត្រ ជាអម្ចាស់ជីវិតលើត្បូង និងសម្ដេចម៉ែ ជាទីគោរពសក្ការដ៏ខ្ពង់ខ្ពស់បំផុត បានថ្លែងអំណរគុណចំពោះសម្ដេចប្រធានកាកបាទក្រហមកម្ពុជា និងគណៈប្រតិភូ ដែលបានចូលក្រាបថ្វាយបង្គំគាល់ជាទៀងទាត់ជារៀងរាល់ឆ្នាំ និងទូលថ្វាយនូវរបាយការណ៍យ៉ាងក្បោះក្បាយ ស្តីពីសមិទ្ធផល និងវឌ្ឍនភាព ។សម្ដេចព្រះមហាក្សត្រី ព្រះវររាជមាតាជាតិខ្មែរ បានមានព្រះសុវណ្ណីកោតសរសើរ ចំពោះសកម្មភាពរបស់កាកបាទក្រហមកម្ពុជា ក៏ដូចជាសកម្មភាពចូលរួមដាំដើមឈើនៅមជ្ឈមណ្ឌលវប្បធម៌ព្រះពុទ្ធសាសនាកម្ពុជា ដែលសកម្មភាពនេះបង្ហាញពីការយកចិត្តទុកដាក់ របស់កាកបាទក្រហមកម្ពុជា មិនត្រឹមតែក្នុងការរងារជួយសម្រាលការលំបាក របស់ពលរដ្ឋប៉ុណ្ណោះទេ ថែមទាំងចូលរួមលើកកម្ពស់វប្បធម៌ព្រះពុទ្ធសាសនានៅកម្ពុជាទៀតផង ។ក្នុងឱកាសនោះ សម្ដេចប្រធានកាកបាទក្រហមកម្ពុជា បានសម្ដែងថ្វាយនូវអណរព្រះរាជគុណដ៏ជ្រាលជ្រៅជាទីបំផុតថ្វាយ ព្រះមហាក្សត្រ និងសម្ដេចម៉ែ ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គទាំងទ្វេ បានប្រោសព្រះរាជទានដល់គណៈប្រតិភូ ចូលក្រាបបង្គំគាល់ ដើម្បីថ្វាយព្រះរាជអំណរព្រះរាជពិធីបុណ្យចម្រើនព្រះជន្មាយុ ព្រះករុណា ព្រះមហាក្សត្រ ជាអម្ចាស់ជីវិតលើត្បូង និងព្រះរាជពិធីបុណ្យចម្រើនព្រះជន្មាយុសម្ដេចម៉ែ នៅថ្ងៃទី១៨ ខែមិថុនាខាងមុខនេះ ។សម្ដេចម៉ែ ក៏បានកោតសរសើរអំពីជោគជ័យរបស់រាជរដ្ឋាភិបាល ក្នុងការគ្រប់គ្រងជំងឺកូវីដ១៩ និងថ្លែងអំណរគុណចំពោះគំនិតផ្ដួចផ្ដើមក្នុងការកែប្រែមន្ទីរពេទ្យហ្លួងម៉ែ ឲ្យទៅជាកន្លែងសម្រាប់ការព្យាបាលជំងឺមហារីក និងដោះស្រាយសេចក្តីត្រូវការ ចំពោះមុខខាងផ្នែកសុខភាពរបស់ប្រជានុរាស្ត្រទូទាំងប្រទេស ។ទន្ទឹមនឹងនោះ ព្រះករុណា ព្រះមហាក្សត្រ ជាអម្ចាស់ជីវិតលើត្បូង បានមានព្រះបន្ទួលកោតសរសើរ ចំពោះសម្ដេចកិត្តិព្រឹទ្ធបណ្ឌិត ដែលជាមគ្គុទេសក៏ដ៏ឆ្នើម ក្នុងសកម្មភាពមនុស្សធម៌ ធ្វើឲ្យមន្ត្រី បុគ្គលិក អ្នកស្ម័គ្រចិត្ត និងយុវជនកាកបាទក្រហមកម្ពុជា គ្រប់លំដាប់ថ្នាក់មានសកម្មភាពដុចភ្លៀងរលឹមជារៀងរាល់ថ្ងៃ ។ ព្រះករុណា ព្រះមហាក្សត្រ ជាអម្ចាស់ជីវិតលើត្បូង និងសម្ដេចម៉ែ ជាទីគោរពសក្ការដ៏ខ្ពង់ខ្ពស់បំផុត បានជូនពរសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឲ្យមានជោគជ័យក្នុងការបន្តដឹកនាំបេសកកម្មមនុស្សធម៌ដ៏ឧត្តុង្គឧត្តម របស់កាកបាទក្រហមកម្ពុជា ដើម្បីប្រជានុរាស្ត្រ នៅទូទាំងព្រះរាជាណាចក្រកម្ពុជា ។នៅចំពោះព្រភ័ក្ត្ររបស់ព្រះអង្គទាំងទ្វេរ សម្ដេចកិត្តិព្រឹទ្ធបណ្ឌិត បានថ្វាយអំណរព្រះរាជគុណចំពោះព្រះរាជសកម្មភាព និងរាជសមិទ្ធផលរបស់ ព្រះករុណា ព្រះមហាក្សត្រ ជាអម្ចាស់ជីវិតលើត្បូង នៅតាមរាជធានីខេត្តនានា ទូទាំងប្រទេស ។ ទន្ទឹមនេះសម្ដេច ប្ដេជ្ញាដង្ហែតាមលំអានព្រះរាជវីរៈគំរូ និងព្រះរាជតម្រិះដ៏ប្រពៃថ្លៃថ្លា នៃ ព្រះករុណា ព្រះមហាក្សត្រ ជាអម្ចាស់ជីវិតលើត្បូង និងហ្លួងម៉ែ ជាទីគោរពសក្ការដ៏ខ្ពង់ខ្ពស់បំផុតជារៀងដរាបតទៅ ។ក្នុងឱកាសនោះ សម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ក៏សូមព្រះបរមរាជនុញ្ញាតិថ្វាយ ព្រះករុណា ព្រះមហាក្សត្រ ជាអម្ចាស់ជីវិតលើត្បូង នូវថវិកាចំនួន ៥០ម៉ឺនដុល្លារ និងថ្វាយសម្ដេចម៉ែ ជាទីគោរពសក្ការដ៏ខ្ពង់ខ្ពស់បំផុតនូវថវិកា ៥០ម៉ឺនដុល្លារ ដើម្បីរួមវិភាគទានដល់ព្រះរាជសកម្មភាពមនុស្សធម៌ដ៏ថ្លៃថ្លា នៃព្រះអង្គទាំងទ្វេផងដែរ ។ជាមួយនោះ សម្ដេចកិត្តិព្រឹទ្ធិបណ្ឌិត បានក្រាបថ្វាយបង្គំគាល់ ព្រះករុណា ព្រះមហាក្សត្រ ជាអម្ចាស់ជីវិតលើត្បូង និងហ្លួងម៉ែ ជាទីគោរពសក្ការដ៏ខ្ពង់ខ្ពស់ ដែលព្រះអង្គទាំងទ្វេបានប្រោសព្រះរាជទានដល់គណៈប្រតិភូចូលក្រាបបង្គំគាល់ ដើម្បីថ្វាយព្រះរាជអំណរព្រះរាជពិធីបុណ្យចម្រើនព្រះជន្មាយុ ព្រះករុណា ព្រះមហាក្សត្រ ជាអម្ចាស់ជីវិតលើត្បូង និងព្រះរាជពិធីបុណ្យចម្រើនព្រះជន្មាយុ សម្ដេចព្រះមហាក្សត្រី ព្រះវររាជមាតាជាតិខ្មែរ នៅថ្ងៃទី១៨ ខែមិថុនា ខាងមុខនេះ ៕ អត្ថបទ ៖ សុខរិទ្ធ

សម្តេចតេជោ ហ៊ុន សែន៖ កម្ពុជាបញ្ជាទិញវ៉ាក់សាំងកូវីដ-១៩ ជាង១០៤លានដូសបន្ថែមទៀត ដែលវេចខ្ចប់នៅកម្ពុជា ដើម្បីប្រើប្រាស់បម្រុងទុករយៈពេលវែង

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា កម្ពុជាបានសម្រេចចុះហត្ថលេខាទិញវ៉ាក់សាំងកូវីដ-១៩ចំនួន ១០៤.៨៧៣.១៥៧ ដូសបន្ថែមទៀត ដែលវេចខ្ចប់នៅកម្ពុជា ដើម្បីប្រើប្រាស់បម្រុងទុករយៈពេលវែង គឺពីឆ្នាំ ២០២៤-២០២៦។យោងតាមសារពិសេសសម្តេចតេជោ ហ៊ុន សែន នៅល្ងាចថ្ងៃទី១ ខែមិថុនានេះ សម្តេចតេជោ ហ៊ុន សែន នាយករដ្ឋមន្ត្រី បានប្រកាសថាមកទល់ពេលនេះកម្ពុជាបានឆ្លងផុតករណីឆ្លង និងករណីស្លាប់ថ្មី ដោយជំងឺកូវីដ-១៩ហើយ។សម្តេចតេជោ ហ៊ុន សែន មានប្រសាសន៍ថាមកទល់ពេលនេះ យើងអាចសន្និដ្ឋានកាន់តែច្បាស់ថែមទៀតអំពីប្រសិទ្ធភាពវ៉ាក់សាំងកូវីដ-១៩ ពិតជាមានប្រសិទ្ធភាពខ្ពស់ ក្នុងការរុញច្រានឲ្យកម្ពុជាដើរមកដល់ចំណុចនេះ គឺករណីឆ្លងថ្មី និងករណីស្លាប់ថ្មីដោយកូវីដ-១៩ មានអត្រាកម្រិតសូន្យរយៈពេលជាច្រើនថ្ងៃជាប់ៗគ្នានេះ។សម្តេចតេជោ ហ៊ុន សែន បានប្រកាសក្រើនរំលឹកថា ទោះករណីឆ្លងថ្មី និងករណីស្លាប់ថ្មី មានអត្រាកម្រិតសូន្យក៏ពិតមែន តែកូវីដ-១៩ មិនទាន់បានទៅណាឆ្ងាយពីយើងឡើយ ក្នុងនោះប្រទេសក្បែរខាងក៏នៅមានករណីឆ្លងកម្រិតខ្ពស់នៅឡើយ ដែលទាមទារឲ្យមានការបន្តការប្រុងប្រយ័ត្នខ្ពស់ជានិច្ច និងបង្កើនការចាក់វ៉ាក់សាំងដូសមូលដ្ឋាន និងដូសជំរុញដល់ប្រជាពលរដ្ឋបន្តទៅទៀត រហូតដល់យើងប្រាកដថាកូវីដ-១៩រលាយរលត់ពីផែនដី។សម្តេចតេជោ ហ៊ុន សែន ប្រកាសសារជាថ្មីមិនយកលុយថ្លៃចាក់វ៉ាក់សាំងកូវីដ-១៩ ទោះជាត្រូវដល់ដូសទី១០ ឬទីប៉ុន្មានក៏ដោយ ដែលនេះជាសមានចិត្តរបស់រាជរដ្ឋាភិបាលមានចំពោះប្រជាពលរដ្ឋខ្មែរគ្រប់រូប និងដើម្បីធានាប្រកដថា ប្រជាពលរដ្ឋខ្មែរទាំងអស់មានសុវត្ថិភាពពីការឆ្លងរីករាលដាល និងករណីស្លាប់ ដោយជំងឺកូវីដ-១៩តទៅទៀត៕

ព្យុះវាយប្រហារភាគខាងត្បូងប្រទេសម៉ិកស៊ិកសម្លាប់មនុស្ស ១០នាក់

ម៉ិកស៊ិក៖ ប្រជាជននៅភាគខាងត្បូងប្រទេសម៉ិកស៊ិក បានចាប់ផ្តើមបោសសម្អាតឡើងវិញបន្ទាប់ពីព្យុះកំណាច Agatha បានបង្កើតប្រវត្តិសាស្ត្រថា ជាព្យុះខ្លាំងបំផុតមិនធ្លាប់មានដែលបានកត់ត្រា ខណៈវាយបក់បោកមកលើឆ្នេរសមុទ្រ។ អភិបាលរដ្ឋ Oaxaca ភាគខាងត្បូងបាននិយាយថា ព្យុះបង្កឱ្យមានទឹកជំនន់ និងបំណាក់ដីបណ្តាលឲ្យមនុស្សយ៉ាងហោចណាស់ ១០នាក់ស្លាប់ និង ២០នាក់បាត់ខ្លួន។ អភិបាលរដ្ឋលោក Alejandra Murat និយាយថា ទឹកបានហូរហៀរលើច្រាំងទន្លេរ និងបានហូរនាំប្រជាជនពីលំនៅឋាន ខណៈជនរងគ្រោះផ្សេងទៀតបានកប់នៅក្រោមដីល្បាប់ និងថ្ម។ កាលពីរសៀលថ្ងៃចន្ទ ភ្លៀងធ្លាក់ និងខ្យល់បក់ខ្លាំងបានបោកបក់មកលើទីក្រុងឆ្នេរ Mazunte។ នាង Tina Deuxfois ជនជាតិកាណាដាដែលបានមករស់នៅក្នុងទីក្រុង Mazunte ជាមួយគ្រួសាររបស់នាងរយៈពេល ៨ខែមកហើយបាននិយាយថា ព្យុះមានកម្លាំងខ្លាំងហើយគួរឱ្យខ្លាច។នៅទីក្រុង San Isidro Bajos del Palmar ដែលមានចម្ងាយប្រមាណ ៤គីឡូម៉ែត្រពីឆ្នេរសមុទ្រ ពលរដ្ឋក្នុងតំបន់កំពុងបោសសម្អាតបំណែកបាក់បែកពីលំនៅឋានរបស់ពួកគេបន្ទាប់ពីព្យុះ។ ព្យុះកំណាច Agatha បានបង្កើតប្រវត្តិសាស្ត្រជាព្យុះខ្លាំងបំផុតមិនធ្លាប់មាន ដែលព្យុះនេះបានធ្វើឲ្យមានបំណាក់ដីនៅទីប្រជុំជន និងនៅភូមិនេសាទនៅរដ្ឋ Oaxaca ដែលមានប្រជាជនរស់នៅតិច។ វាជាព្យុះកំណាចប្រភេទទី២ មានកម្លាំងខ្យល់បក់ខ្លាំង ១៦៧គីឡូម៉ែត្រក្នុងមួយម៉ោង ប៉ុន្តែវាបានថយចុះកម្លាំងទៅវិញយ៉ាងលឿននៅលើដីគោក៕អត្ថបទ៖ ប៊ុនថន

លោក ហ៊ុន ម៉ាណែត អញ្ជើញសំណេះសំណាលជាមួយក្រុមការងារយុវជនគណបក្សខេត្ត ក្រុង-ស្រុក និងក្រុមសកម្មជនយុវជនគណបក្សឃុំ-សង្កាត់ សាខាមន្ទីរ-អង្គភាព វិទ្យាល័យ អនុវិទ្យាល័យ និងសកម្មជនយុវជនភូមិ នៅទូទាំងខេត្តត្បូងឃ្មុំ

ត្បូងឃ្មុំ៖ លោក ហ៊ុន ម៉ាណែត សមាជិកគណៈអចិន្រ្តៃយ៍ នៃគណៈកម្មាធិការកណ្តាល គណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានអញ្ជើញសំណេះសំណាលជាមួយក្រុមការងារយុវជនគណបក្សខេត្ត ក្រុង-ស្រុក និងក្រុមសកម្មជនយុវជនគណបក្សឃុំ-សង្កាត់ សាខាមន្ទីរ-អង្គភាព វិទ្យាល័យ អនុវិទ្យាល័យ និងសកម្មជនយុវជនភូមិ នៅទូទាំងខេត្តត្បូងឃ្មុំ នៅថ្ងៃទី០១ ខែមិថុនា ឆ្នាំ២០២២។លោក ហ៊ុន ម៉ាណែត បានមានប្រសាសន៍ថា ការចូលរួមរបស់ថ្នាក់ដឹកនាំ សមាជិក សមាជិកា នៃក្រុមការងារយុវជន និងសកម្មជនយុវជនយ៉ាងច្រើនកុះករជាង ២,០០០ នាក់ ដែលសុទ្ធសឹងជាក្បាលម៉ាស៊ីននៃយន្តការយុវជនរបស់គណបក្សខេត្ត នាឱកាសនេះ គឺជាការបង្ហាញនូវកិត្យានុភាព ជំនឿជឿជាក់ និងកម្លាំងដ៏ស្វាហាប់របស់មហាគ្រួសារគណបក្សប្រជាជនកម្ពុជានៅក្នុងខេត្តត្បូងឃ្មុំ ស្របពេលដែលថ្ងៃនេះ គឺជាថ្ងៃទី១២ នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ដែលត្រូវបិទបញ្ចប់នៅថ្ងៃទី៣ ខែមិថុនា ខាងមុខនេះ។លោក ហ៊ុន ម៉ាណែត សូមសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងប្រកបឆន្ទៈលះបង់ និងស្មារតីទទួលខុសត្រូវខ្ពស់របស់ក្រុមការងារយុវជន និងសកម្មជនគណបក្សខេត្តត្បូងឃ្មុំ នៅក្នុងការបំពេញតួនាទី និងភារកិច្ច រហូតសម្រេចបាននូវសមិទ្ធផល និងស្នាដៃការងារជាច្រើនគួរទីមោទនៈ ជាអាទិ៍ ការពង្រឹងរចនាសម្ព័ន្ធ-អង្គការចាត់តាំង ស្របទៅនឹងសំណូមពរភារកិច្ចចំពោះមុខរបស់យុវជនគណបក្ស ក្នុងបរិបទបច្ចុប្បន្ននៃវឌ្ឍនភាពទៅមុខរបស់កម្ពុជាទាំងផ្នែកសង្គម និងនយោបាយ, ការងារកសាងកម្លាំងសមាជិកបក្ស ក្នុងនាមជាសេនាធិការឱ្យគណៈកម្មាធិការបក្សខេត្ត និងការចូលរួមបំពេញការងារមនុស្សធម៌ និងការចិញ្ចឹមចលនាសមាជិកនៅមូលដ្ឋាន ជាពិសេសការជំរុញឱ្យសមាជិកបក្ស និងប្រជាពលរដ្ឋ ទៅទទួលការចាក់វ៉ាក់សាំងបង្ការជំងឺកូវីដ-១៩ បានយ៉ាងលើសលប់ រហូតធ្វើឱ្យខេត្តត្បូងឃ្មុំ ក៏ដូចជាប្រទេសកម្ពុជាទាំងមូលសម្រេចបាននូវភាពស៊ាំក្នុងសហគមន៍ ដែលនាំមកដល់ការបើកដំណើរប្រទេសឡើងវិញលើគ្រប់វិស័យ ដូចពេលបច្ចុប្បន្ននេះ។ លោកបញ្ជាក់ថា ជាលទ្ធផលនៃការបោះឆ្នោតនីមួយៗ គឺជាការបញ្ជាក់អំពីឥទ្ធិពលរបស់គណបក្ស និងការគោរពស្រឡាញ់ពិតប្រាកដរបស់ប្រជារាស្ត្រមកលើគណបក្សនយោបាយ ដោយហេតុថា ការបោះឆ្នោតដាច់ខាតត្រូវធ្វើឡើងដោយសម្ងាត់ សេរី ត្រឹមត្រូវ និងយុត្តិធម៌ ដែលពិតជាការឆ្លុះបញ្ចាំងនូវឆន្ទៈពិតប្រាកដរបស់ប្រជាពលរដ្ឋ។ លោកបានបញ្ជាក់បន្ថែមថា សេចក្តីសុខរបស់ប្រជាពលរដ្ឋ គឺជាសេចក្តីសុខរបស់គណបក្សប្រជាជនកម្ពុជា។ ក្នុងន័យនេះ មន្ត្រីបក្ស និងអ្នកគាំទ្រគណបក្សប្រជាជនកម្ពុជា តែងបានខិតខំប្រែងបម្រើប្រជាពលរដ្ឋទូទៅដោយស្មោះត្រង់ និងដោយគ្មានការរើសអើងបែងចែក ព្រមទាំងបានបើកទូលាយឱ្យមានការចូលរួមពីអង្គការ-សមាគមគ្រប់មជ្ឈដ្ឋាន គ្រប់និន្នាការ ក្នុងនាមជាកម្លាំងសរុបរបស់ជាតិ សំដៅធ្វើយ៉ាងឱ្យប្រជាពលរដ្ឋបានរស់នៅដោយសុខសាន្ត និងមានជីវភាពសម្បូរសប្បាយរុងរឿង។ សមាសភាពជាសមាជិកបក្ស ជាអ្នកគាំទ្រ ឬជាប្រជាលពលរដ្ឋទូទៅ មិនមានអ្វីសំខាន់ឡើយ ពីព្រោះអ្វីសំខាន់ គឺការគាំទ្រ និងចូលរួមក្នុងបុព្វហេតុដឹកនាំដ៏ត្រឹមត្រូវ គឺការបម្រើ និងតម្កល់ផលប្រយោជន៍ជាតិ និងប្រជាជនជាធំ ក្រោមធ្លុងមហាសាមគ្គីភាពជាតិ និងដំបូលនៃសុខសន្តិភាព៕

បណ្ដាញសង្គម

ព័ត៌មានថ្មីៗ

មនុស្ស ៣នាក់ស្លាប់ នៅប្រទេសបារាំង ខណៈសីតុណ្ហភាពកើនឡើងជាង ៤០អង្សាសេ អំឡុងរលកកម្តៅនៅអឺរ៉ុប

តំបន់គ្រីមៀ ផ្អាកការបោះជំរំរដូវក្តៅរបស់ក្មេងៗ ខណៈការវាយប្រហាររបស់អ៊ុយក្រែនធ្វើឲ្យជួបកង្វះខាតប្រេង

អ្នកការទូតជាន់ខ្ពស់របស់ចិន ជួបអនុប្រធានសន្តិសុខអ៊ីរ៉ង់ ក្រោយកិច្ចពិភាក្សាជាមួយអាមេរិក នៅស្វីស

វិមានក្រឹមឡាំង ចោទប្រកាន់អ៊ុយក្រែនថា បានគំរាមកំហែងដល់អធិបតេយ្យភាពរបស់បេឡារុស

អតីតរដ្ឋមន្រ្តីដឹកជញ្ជូនអេស្ប៉ាញ ត្រូវបានកាត់ទោសឲ្យជាប់ពន្ធនាគាររយៈពេល ២៤ឆ្នាំ ក្នុងករណីពុករលួយ

កងទ័ពស៊ូដង់ទទួលយកអ្នករត់ចោលជួររបស់កងកម្លាំង RSF នៅ Darfur បង្កការខឹងសម្បារនៅក្នុងចំណោមពលរដ្ឋ

ទីក្រុងប៉េកាំងប្ដេជ្ញាពង្រឹងទំនាក់ទំនងជាមួយបង់ក្លាដែស ខណៈនាយករដ្ឋមន្ត្រីគ្រោងទស្សនកិច្ចនៅចិន

ទីក្រុងមូស្គូបាញ់ទម្លាក់យានដ្រូនក្រុងគីវជាង ៨០គ្រឿង ខណៈការវាយប្រហាររុស្ស៊ីសម្លាប់មនុស្ស ៦នាក់នៅអ៊ុយក្រែន

ទីភ្នាក់ងារប្រឆាំងអំពើពុករលួយម៉ាឡេស៊ី បើកការស៊ើបអង្កតករណីផ្ទេរដំរីទៅកាន់សួនសត្វជប៉ុន

ប្រភព៖ ឥណ្ឌាកំពុងចរចាលក់មីស៊ីលល្បឿនលឿនជាងសំឡេង BrahMos ទៅអារ៉ាប់រួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ករណីជំងឺអុតស្វាមានជាង ៥៥០ករណីត្រូវបានបញ្ជាក់នៅទូទាំងពិភពលោក

វិមានក្រឹមឡាំងនិយាយថា ជំនួបចរចារវាងលោក Putin និងលោក Zelenskiyy អាចទៅរួចតែត្រូវរៀបចំជាមុនសិន

មន្ត្រីបដិសេធការចោទប្រកាន់ពីបក្សនយោបាយខ្លះថា អាជ្ញាធរដកប័ណ្ណក្រីក្រពីពលរដ្ឋដែលមិនគាំទ្របក្សប្រជាជន

មនុស្ស ៥នាក់ស្លាប់ក្នុងហេតុការណ៍បាញ់បោះដោយសេរីនៅរដ្ឋ Oklahoma ជាការបាញ់ប្រហារដ៏ធំលើកទី២៣៣ នៅឆ្នាំ២០២២ នេះ

ព្យុះវាយប្រហារភាគខាងត្បូងប្រទេសម៉ិកស៊ិកសម្លាប់មនុស្ស ១០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ករណី​ជំងឺ​អុត​ស្វា​មាន​ជាង ៥៥០​ករណី​ត្រូវបាន​បញ្ជាក់​នៅ​ទូទាំង​ពិភពលោក​

វិមាន​ក្រឹម​ឡាំង​និយាយ​ថា ជំនួប​ចរចា​រវាង​លោក Putin និង​លោក Zelenskiyy អាច​ទៅ​រួច​តែ​ត្រូវ​រៀប​ចំ​ជា​មុន​សិន​

មន្ត្រីបដិសេធការចោទប្រកាន់ពីបក្សនយោបាយខ្លះថា អាជ្ញាធរដកប័ណ្ណក្រីក្រពីពលរដ្ឋដែលមិនគាំទ្របក្សប្រជាជន

ព្យុះវាយប្រហារភាគខាងត្បូងប្រទេសម៉ិកស៊ិកសម្លាប់មនុស្ស ១០នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ករណីជំងឺអុតស្វាមានជាង ៥៥០ករណីត្រូវបានបញ្ជាក់នៅទូទាំងពិភពលោក

វិមានក្រឹមឡាំងនិយាយថា ជំនួបចរចារវាងលោក Putin និងលោក Zelenskiyy អាចទៅរួចតែត្រូវរៀបចំជាមុនសិន

ព្យុះវាយប្រហារភាគខាងត្បូងប្រទេសម៉ិកស៊ិកសម្លាប់មនុស្ស ១០នាក់