BTV NEWS

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

ព័ត៌មានសំខាន់ៗ

សម្ដេចតេជោ ហ៊ុន សែន នឹងជួបសំណេះសំណាលជាមួយប្រតិភូ និងអត្តពលិក មុនចេញទៅប្រកួតស៊ីហ្គេមនាថ្ងៃព្រហស្បតិ៍នេះ

ស៊ីហ្គេម៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងអនុញ្ញាតឲ្យប្រតិភូ ថ្នាក់ដឹកនាំកីឡា គ្រូបង្វឹក គ្រូជំនួយ និងអត្តពលិកកម្ពុជាប្រមាណ ៥៥០នាក់ចូលជួបសម្ដែងការគួរសម និងទទួលអនុសាសន៍ណែនាំដ៏ខ្ពង់ខ្ពស់របស់សម្ដេច មុនចេញទៅប្រកួតកីឡាស៊ីហ្គេមលើកទី៣១ នៅវៀតណាម នាព្រឹកថ្ងៃទី២៨ ខែមេសានេះនៅសាលពិព័រណ៍កោះពេជ្រ។ នេះបើតាមការបញ្ជាក់របស់ឯកឧត្ដម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC)។នាយបេសកកម្មស៊ីហ្គេមរបស់កម្ពុជារូបនេះបានចាត់ទុកនេះគឺជាពេលវេលាដ៏សំខាន់ ដែលសម្ដេចតេជោនាយករដ្ឋមន្ដ្រីបានអនុញ្ញាតដ៏ខ្ពង់ខ្ពស់ឲ្យប្រតិភូ និងអត្តពលិកចូលជួបសម្ដែងការគួរសម គោរពជម្រាបលា និងទទួលអនុសាសន៍ណែនាំរបស់សម្ដេចដូចរៀងរាល់ឆ្នាំដែរ ដែលសម្ដេចតែងតែផ្ដល់នូវការលើកទឹកចិត្តមុនចេញទៅដំណើរចូលរួមការប្រកួតក្រៅប្រទេស។សូមបញ្ជាក់ថា ស៊ីហ្គេមលើកទី៣១ នៅទីក្រុងហាណូយគ្រោងបើកការប្រកួតផ្លូវការពីថ្ងៃទី១២ ដល់ថ្ងៃទី២៣ ខែឧសភា ឆ្នាំ២០២២ ខាងមុខដោយម្ចាស់ផ្ទះវៀតណាមបានកំណត់កីឡា ៤០ប្រភេទដាក់ក្នុងកម្មវិធីប្រកួត ខណៈកម្ពុជានឹងបញ្ជូនអត្តពលិក ៣៣ប្រភេទកីឡាចូលរួមដែលមានប្រតិភូ គ្រូបង្វឹក និងកីឡាករ-កីឡាការិនីសរុប ៥៥០នាក់។ ក្នុងចំណោមអត្តពលិកទាំងអស់ មានប្រភេទកីឡាមួយចំនួនត្រូវធ្វើការប្រកួតមុនពិធីបើក ជាក់ស្ដែងកីឡាបាល់ទាត់ដែលត្រូវចាប់ផ្ដើមការប្រកួតតាំងពីថ្ងៃទី០៦-ឧសភា និងត្រូវចេញដំណើរទៅមុននាដើមខែក្រោយ៕អត្ថបទ៖ លី ឈុនឡា

អ៊ុយក្រែនជំរុញអង្គការសហប្រជាជាតិជួយសម្របសម្រួលច្រករបៀងមនុស្សធម៌ពីរោងចក្រដែកថែបក្នុងទីក្រុង Mariupol

អ៊ុយក្រែន៖ ប្រទេសអ៊ុយក្រែនបានច្រានចោលកិច្ចព្រមព្រៀងដែលបានសម្រេចជាមួយរុស្ស៊ី ក្នុងការជម្លៀសជនស៊ីវិលចេញពីរោងចក្រដែកថែបនៅក្នុងទីក្រុងរងការឡោមព័ទ្ធ Mariupol និងបានជំរុញដល់អង្គការសហប្រជាជាតិឲ្យដើរតួនាទីជាអ្នកផ្ដួចផ្ដើម និងជាអ្នកធានាលើកិច្ចព្រមព្រៀងណាមួយ។ ក្រសួងការពារជាតិរុស្ស៊ីបាននិយាយកាលពីថ្ងៃចន្ទថា ខ្លួននឹងបើកច្រករបៀងមនុស្សធម៌មួយដើម្បីឲ្យជនស៊ីវិលអាចចាកចេញពីរោងចក្រដែកថែបដ៏ធំ Azovstal ជាទីដែលពួកគេកំពុងសំងំលាក់ខ្លួនជាមួយក្រុមយុទ្ធជនអ៊ុយក្រែន និងស្ថិតក្រោមការវាយប្រហាររបស់រុស្ស៊ី។ ក្នុងការឆ្លើយតបកាលពីថ្ងៃចន្ទនោះ ឧបនាយករដ្ឋមន្ត្រីអ៊ុយក្រែនលោកស្រី Iryna Vereshchuk បានសរសេរក្នុងសារលើបណ្ដាញសង្គម Telegram ថា ថ្ងៃនេះភាគីខាងប្រទេសរុស្ស៊ីបានប្រកាសជាថ្មីម្ដងទៀតពីច្រករបៀងមនុស្សធម៌ ដែលមានស្រាប់សម្រាប់ឲ្យជនស៊ីវិលចាកចេញ។ ការប្រកាសនេះអាចជឿជាក់បាន ប្រសិនបើទាហានរុស្ស៊ីមិនកម្ទេចច្រករបៀងមនុស្សធម៌ជាច្រើនលើកច្រើនសារកាលពីមុន។អគ្គលេខាធិការអង្គការសហប្រជាជាតិលោក Antonio Guterres បានជួបលោកប្រធានាធិបតីទួរគី Recep Tayyip Erdogan កាលពីថ្ងៃចន្ទអំឡុងដំណើរទស្សនកិច្ចរយៈពេលខ្លីទៅកាន់ទីក្រុង Ankara មុនពេលធ្វើដំណើរទៅកាន់ទីក្រុង Moscow និងទីក្រុង Kyiv។ លោក Antonio Guterres ដែលកំពុងស្វះស្វែងឲ្យមានបទឈប់បាញ់ផ្នែកមនុស្សធម៌នៅក្នុងប្រទេសអ៊ុយក្រែនគ្រោងនឹងជួបលោក Putin ក្នុងទីក្រុង Moscow នៅថ្ងៃអង្គារនេះ និងជួបលោក Zelenskyy នៅរដ្ឋធានី Kyiv នៅថ្ងៃព្រហស្បតិ៍សប្ដាហ៍នេះដែរ៕អត្ថបទ៖ សុខមាន

សម្ដេចតេជោប្រកាសជាផ្លូវការដកចេញជាផ្លូវការហើយកាតព្វកិច្ចពាក់ម៉ាស់នៅតាមទីសាធារណៈ

ភ្នំពេញ៖ នៅព្រឹកថ្ងៃទី២៦មេសានេះ តាមរយៈសារជាសំឡេង ផ្ញើជូនជនរួមជាតិ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសជាផ្លូវការហើយ លើការដកចេញកាតព្វកិច្ចពាក់ម៉ាស់នៅ តាមទីសាធារណៈ លើកលែងតែក្នុងអគារ ឬសាលដែលមានការបិទជិត និងប្រើម៉ាស៊ីនត្រជាក់ហើយមានការជួបជុំ ប៉ុន្តែក្នុងករណីសាលដែលមានការបើកចំហ និងមិនមានមនុស្សច្រើនមិនចាំបាច់ពាក់ម៉ាស់នោះទេ។សម្ដេចតេជោបានបន្តថា ការពាក់ម៉ាស់នៅតាមទីសាធារណៈ ឬសាលដែលមិនមានការបិទជិត និងមនុស្សច្រើនជាដើម គឺអាស្រ័យលើការសម្រេចចិត្តរបស់បងប្អូន ដោយខ្លួនឯងដែលចង់ពាក់ម៉ាស់ ឬមិនចង់ពាក់ម៉ាស់។សម្ដេចតេជោប្រមុខរាជរដ្ឋាភិបាលបានមានប្រសាសន៍បន្តថា ចំពោះទីតាំងមួយចំនួនផ្សេងទៀតរាជរដ្ឋាភិបាលនៅតែបន្តដោយលើកទឹកចិត្តឱ្យបន្តពាក់ម៉ាស់ តែមិនមែនជាកាតព្វកិច្ចដែលត្រូវតែពាក់នោះឡើយ ប៉ុន្តែរាជរដ្ឋាភិបាលក៏នៅតែយកចិត្តទុកដាក់ឲ្យពាក់ម៉ាស់នៅកន្លែងដែលមានមនុស្សកកកុញ និងប្រមូលផ្ដុំ និងទីកន្លែងដែលមានការសង្ស័យថាមានករណី កូវីដ នៅទីនោះ។ ដូច្នេះជម្រើសនេះជាជម្រើសដ៏ល្អបំផុតសម្រាប់ចូលរួមចំណែកជាមួយបងប្អូនជនរួមជាតិ បន្ទាប់ពីយើងបានចាក់វ៉ាក់សាំងពេញរួចមកហើយៗជម្រើសនេះ សម្ដេចក៏បានជម្រាបជូនថា ចំពោះទីកន្លែងដែលធ្លាប់បានអនុវត្តទៅតាមស្តង់ដាដែលរៀបចំដោយក្រសួងដូចជាភោជនីយដ្ឋានឬទីកន្លែងមួយចំនួនដែលមានការបិទជិតក៏ត្រូវបន្តអនុវត្តទៅតាមនោះនិងទៅតាមការជាក់ស្ដែងនៅទីកន្លែងនីមួយៗដោយមិនស្លាប់ក្រឡា ហើយសង្ឃឹមថា បងប្អូនរបស់យើងនឹងរំដោះខ្លួនចេញពីការលំបាក ការចំណាយដែលយើងបានយកវ៉ាក់សាំងមកជំនួសដោយការពាក់ម៉ាស់ ប៉ុន្តែដើម្បីធានានូវភាពរឹងមាំ សម្រាប់ការបន្តនិរន្តរភាពនៃការមិនពាក់ម៉ាស់ហើយនិងមិនមានជំងឺឆ្លងបន្តទៀត សម្ដេចក៏បានអំពាវនាវចំពោះប្រជាពលរដ្ឋរបស់យើងសុំទៅទទួលយកវ៉ាក់សាំងដូសទី៣ ដោយចាត់ទុកថាជាដូស អប្បបរមា ។សម្ដេចថា៖ កម្រិតទាបបំផុតនៅក្នុងប្រទេសរបស់យើងដែលបងប្អូនដែលបានចាក់២ដូសរួចមកហើយ គឺត្រូវបន្តចាក់ដូសទី៣ ។ចំណុចនេះគឺជាចំណុចនៃការទាមទារអំពីបញ្ហាសុខុមាលភាពផ្ទាល់ខ្លួនរបស់បងប្អូន និងការពារអាយុជីវិតក៏ដូចជាក្រុមគ្រួសាររបស់ប្អូន និងខ្លួនយើងម្នាក់ៗ។ សម្ដេចក៏បានបញ្ជាក់បន្ថែមចៀសវាងការភ័ណ្ឌច្រលំណាមួយថា ទោះបីជាសម្ដេចបានប្រើពាក្យថា វាដូចជាកាតព្វកិច្ច ប៉ុន្តែវាមិនពាក់ព័ន្ធផ្នែកផ្លូវច្បាប់នោះទេ។ការប្រើពាក្យកាតព្វកិច្ច ប៉ុន្តែអ្វីដែលសម្ដេចនិយាយពីបញ្ហាដូសទី៣នេះ គឺបងប្អូនចាក់ដោយឈរលើគោលការណ៍ស្ម័គ្រចិត្ត បើទោះបីជាមិនបានចាក់ក៏មិនមានច្បាប់មួយណាតម្រូវឱ្យមានការផាកពិន័យ និងវិធានការរដ្ឋបាលអ្វីទេ។ ប៉ុន្តែទោះជាយ៉ាងណាក៏ដោយសម្ដេចនៅតែទទួចឲ្យបងប្អូនជនរួមជាតិទៅបន្តទទួលយកវ៉ាក់សាំងដូសទី៣ ដែលត្រូវតែមានសម្រាប់អ្នកដែលបានចាក់ដូសទី១ និងទី២រួចហើយៗ ប្រសិនបើបងប្អូនយើងមានការពេញចិត្តត្រូវមកទទួលនូវដូសទី៤ បន្ថែមទៀតហើយយើងកំពុងតែពិនិត្យលទ្ធភាពលើការចាក់ដូសទី៥ សម្រាប់មន្ត្រីជួរមុខរបស់យើងជាបន្តទៀតព្រោះយើងមិនមានការលំបាកណាមួយសម្រាប់វ៉ាក់សាំងចាក់ជូនបងប្អូន ប៉ុន្តែអ្វីដែលសម្ដេចអំពាវនាវចង់បានបំផុតគឺការទទួលយកសាំងនូវដូសទី៣ នេះតែម្តងសម្រាប់ប្រជាពលរដ្ឋប្រមាណជា ៦ លាន ៤ សែននាក់ដែលមិនទាន់បានទទួលនូវវ៉ាក់សាំងដូសទី៣នៅឡើយ៕ អត្ថបទ មុត សុត

ប្រមុខការទូតរុស្ស៊ីព្រមានពីគ្រោះថ្នាក់ពិតប្រាកដនៃសង្គ្រាមលោកលើកទី៣

រុស្ស៊ី៖ កាលពីថ្ងៃចន្ទ ប្រមុខការទូតរុស្ស៊ីលោក Sergei Lavrov បាននិយាយថា ការចរចាសន្តិភាពជាមួយប្រទេសអ៊ុយក្រែននឹងបន្ត ខណៈព្រមានពីគ្រោះថ្នាក់ពិតប្រាកដនៃសង្គ្រាមលោកលើកទី៣។ ថ្លែងទៅកាន់ទីភ្នាក់ងារសារព័ត៌មានរបស់រុស្ស៊ី លោកបានរិះគន់វិធីសាស្ត្ររបស់រដ្ឋធានី Kyiv ក្នុងការចរចា ដោយបន្ថែមថាឆន្ទៈស្មោះត្រង់មានដែនកំណត់។ ប៉ុន្តែបើវាមិនទទួលបានផលត្រឡប់មកវិញទេនោះ មិនអាចជួយដល់ដំណើរការចរចាបានឡើយ។ ប៉ុន្តែយើងកំពុងបន្តចូលរួមក្នុងការចរចាជាមួយក្រុមគណៈប្រតិភូ របស់លោកប្រធានាធិបតីអ៊ុយក្រែន Volodymyr Zelensky ហើយការទំនាក់ទំនងទាំងនេះនឹងបន្តទៅមុខ។ យ៉ាងណាក៏ដោយលោក Lavrov បានចោទប្រកាន់អតីតតារាកំប្លែង Zelensky ពីបទធ្វើជាលេសចង់ចរចា។លោកថា លោក Zelensky គឺជាកំពូលតារាសម្ដែង។ ខណៈមានភាពតានតឹងខ្លាំងនៅពេលបច្ចុប្បន្ន លោក Lavrov បាននិយាយថា គ្រោះថ្នាក់នៃសង្គ្រាមលោកលើកទី៣ គឺមានពិតប្រាកដ។ ប្រមុខការទូតរុស្ស៊ីរូបនេះបានថ្លែងប្រាប់ទីភ្នាក់ងារសារព័ត៌មាន Interfax ថា គ្រោះថ្នាក់គឺមានពិតប្រាកដមែន វាពិតជាមានមែន អ្នកមិនអាចមើលស្រាលបានទេ៕អត្ថបទ៖ សុខមាន

សម្ដេចតេជោ ហ៊ុន សែន ប្រកាសពីគម្រោងចាក់វ៉ាក់សាំងកូវីដ១៩ ដូសទីជំរុញទី៥ ដល់មន្ត្រីជួរមុខ

ភ្នំពេញ៖ តាមរយៈសារសំឡេងពិសេសនៅព្រឹកថ្ងៃទី២៦ ខែមេសា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសពីគម្រោងចាក់វ៉ាក់សាំងកូវីដ-១៩ ដូសជំរុញទី៥ ដល់មន្ត្រីជួរមុខ នាពេលខាងមុខជាបន្តទៀត ។ជាមួយនឹងការប្រកាសលើកសែលកាតព្វកិច្ចពាក់ម៉ាស់នៅតាមទីសាធារណៈក្នុងក្របខណ្ឌទូទាំងប្រទេសនៅព្រឹកនេះ សម្ដេចតេជោ ហ៊ុន សែន ក៏បានប្រកាសពីគម្រោងចាក់វ៉ាក់សាំងបង្ការជំងឺកូវីដ១៩ ជាដូសជំរុញ ទី៥ ជូនដល់មន្ត្រីជួរមុខ នាពេលខាងមុខឆាប់ៗនេះ តែចំពោះពេលវេលាជាក់លាក់នៅថ្ងៃណានោះ នៅមិនទាន់ដឹងនៅឡើយ ដោយសម្តេចគ្រាន់តែបញ្ជាក់ថា កម្ពុជាមិនខ្វះវ៉ាក់សាំង ដើម្បីចាក់ដូសជំរុញជាបន្តបន្ទាប់ដល់មន្ត្រីជួរមុខ និងប្រជាពលរដ្ឋទូទាំងប្រទេសឡើយ៕

អ៊ុយក្រែនអំពាវនាវសុំអាវុធធុនធ្ងន់ក្នុងពេលមន្ត្រីកំពូលអាមេរិកធ្វើទស្សនកិច្ចនៅក្រុងគីវ

អ៊ុយក្រែន៖ រដ្ឋមន្ត្រីការបរទេសសហរដ្ឋអាមេរិកលោក Antony Blinken និងរដ្ឋមន្ត្រីការពារជាតិលោក Lloyd Austin បានជួបពិភាក្សាជាមួយប្រធានាធិបតីអ៊ុយក្រែនលោក Volodymyr Zelenskyy ក្នុងទីក្រុងគីវ។ ប្រធានាធិបតីអ៊ុយក្រែនបានស្នើសុំមន្ត្រីជាន់ខ្ពស់សហរដ្ឋអាមេរិក សម្រាប់សព្វាវុធដ៏មានអានុភាពបន្ថែមទៀតក្នុងអំឡុងពេលដំណើរទស្សនកិច្ចកាលពីថ្ងៃអាទិត្យ ខណៈការវាយលុករបស់រុស្ស៊ីឈានចូលដល់ខែទីបី។ ប្រធានាធិបតីអ៊ុយក្រែនលោក Volodymyr Zelenskyy បាននិយាយថា ប្រទេសរបស់លោកនឹងយកឈ្នះលើពេលវេលាដ៏ខ្មៅងងឹតនៅក្នុងសុន្ទរកថាដ៏រំជួលចិត្តមួយនៅវិហារ Saint Sophia ដែលមានអាយុកាល ១,០០០ឆ្នាំក្នុងទីក្រុងគីវដើម្បីប្រារព្ធពិធីបុណ្យ Orthodox Easter ខណៈការប្រយុទ្ធគ្នានៅភាគខាងកើតបានគ្របដណ្ដប់លើការប្រារព្ធពិធីសាសនា។ ដំណើរទស្សនកិច្ចរបស់លោក Blinken និងលោក Austin ដែលបានប្រកាសដោយលោក Zelenskyy បានក្លាយជាដំណើរទស្សនកិច្ចកម្រិតខ្ពស់បំផុត មកកាន់ប្រទេសអ៊ុយក្រែនរបស់មន្ត្រីសហរដ្ឋអាមេរិក ចាប់តាំងពីប្រធានាធិបតីរុស្ស៊ីលោក Vladimir Putin បានបញ្ជាឱ្យវាយលុកចូលប្រទេសអ៊ុយក្រែនកាលពីថ្ងៃទី២៤ ខែកុម្ភៈ។បន្ទាប់ពីអ្នកប្រយុទ្ធអ៊ុយក្រែនបានបង្ខំឱ្យរុស្ស៊ីដកថយពីជុំវិញទីក្រុងគីវ ការវាយលុករបស់ទីក្រុងមូស្គូពេលនេះបានផ្តោតលើតំបន់ Donbas ភាគខាងកើត និងភាគខាងត្បូងប្រទេស។ ជាមួយនឹងជីវិតធម្មតានៃការវិលត្រឡប់មកកាន់រដ្ឋធានី បណ្ដាប្រទេសមួយចំនួនបានបើកស្ថានទូតឡើងវិញក្នុងប៉ុន្មានថ្ងៃថ្មីៗនេះ ហើយពលរដ្ឋមួយចំនួនដែលបានភៀសខ្លួនពីការប្រយុទ្ធគ្នាបានត្រឡប់មកវិញសម្រាប់ពិធីបុណ្យ Easter៕អត្ថបទ៖ ប៊ុនថន

មេដឹកនាំពិភពលោកមួយចំនួនអបអរសាទរជ័យជម្នះរបស់លោកប្រធានាធិបតីបារាំង Emmanuel Macron

បារាំង៖ ប្រធានក្រុមប្រឹក្សាសហភាពអឺរ៉ុបលោក Charles Michel ព្រមទាំងលោកនាយករដ្ឋមន្ត្រីបែលហ្ស៊ិក និងលុចហ្សំបួស្ថិតក្នុងចំណោមមេដឹកនាំពិភពលោកដំបូង ដែលបានអបអរសាទរជ័យជម្នះលោកប្រធានាធិបតីបារាំង Macron ជាមួយបណ្ដាមេដឹកនាំស្ទើរតែទាំងអស់នៅក្នុងប្លុកសហភាពអឺរ៉ុបដែលមានសមាជិក ២៧ប្រទេស បន្ទាប់ពីលោកបានទទួលជ័យជម្នះលើលោកស្រី Marine Le Pen។ លោក Michel បានសេសេរនៅលើបណ្ដាញសង្គម Twitter ថា ជ័យយោលោក Emmanuel នៅក្នុងពេលវេលាដ៏ច្របូកច្របល់នេះ យើងត្រូវការឲ្យអឺរ៉ុបរឹងមាំ ហើយប្រទេសបារាំងពិតជាបានធ្វើការងារជាច្រើនដើម្បីអធិបតេយ្យភាព និងសហភាពអឺរ៉ុបជាយុទ្ធសាស្ត្រ។ បណ្ដាមេដឹកនាំរបស់ប្រទេសជាច្រើនទៀតដូចជា ស៊ុយអែត រ៉ូម៉ានី លីទុយអានី ហ្វាំងឡង់ ហូឡង់ អៀរឡង់ និងក្រិកជាដើម ព្រមទាំងប្រធានគណៈកម្មការសហភាពអឺរ៉ុបលោកស្រី Ursula von der Leyen បានបង្ហាញការអបអរសាទរ បន្ទាប់ពីប្រកាសលទ្ធផលជ័យជម្នះជាងកន្លះម៉ោង៕ អត្ថបទ៖ សុខមាន

សម្តេចតេជោ ហ៊ុន សែន៖ ដើម្បីទុកលុយទិញម៉ាស ប្រជាពលរដ្ឋខ្លះមិនទហ៊ានទិញខោអាវថ្មីឱ្យកូនទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា សម្តេចចង់ឱ្យមានការដកកាតព្វកិច្ចពាក់ម៉ាសតាមទីធ្លាសាធារណៈទូទាំងប្រទេស ក៏ប៉ុន្តែតម្រូវឱ្យពាក់ម៉ាសតាមទីកន្លែងបិទជិត ។ថ្លែងក្នុងពិធីប្រគល់-ទទួល អំណោយដ៏ថ្លៃថ្លា វ៉ាក់សាំងកូវីដ-១៩(អាស្ត្រាហ្សេនីកា) ពីប្រជាជន និងរដ្ឋាភិបាល នៃសាធារណរដ្ឋអ៊ីតាលី ជូនប្រជាជន និងរាជរដ្ឋាភិបាលកម្ពុជា នៅព្រឹកថ្ងៃទី២៥ ខែមេសា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា កាលពីអំឡុងពេលបុណ្យចូលឆ្នាំ មានប្រជាពលរដ្ឋតិចណាស់ ដែលពាក់ម៉ាស ដែលពេលនោះ គឺសមុទ្រមនុស្សតែម្តង ។សម្តេចបន្តថា «ការពាក់ម៉ាសជាការតម្រូវ ដែលនាំឱ្យប្រជាពលរដ្ឋយើងចំណាយយ៉ាងធំ ជូនកាលមិនហ៊ានទិញខោអាវថ្មីឱ្យកូនថែមទៀត ។សម្តេចបញ្ចាក់ថា អ្វីដែលសម្តេចចង់បាន គឺចង់ឱ្យប្រជាពលរដ្ឋអាចរំដោះខ្លះចេញពីការគំរាមគំហែងពីមេរោគកូវីដ-១៩ឱ្យបានឆាប់រហ័ស តាមរយៈយុទ្ធនាការចាក់វ៉ាសាំងទាំងដូសមូលដ្ឋាន និងដូសជំរុញ(ដូសទី៣, ទី៤) និងកាតព្វកិច្ចមួយចំនួនរបស់សុខាភិបាល។

អង្គការសហប្រជាជាតិ៖ ជនជាតិអ៊ុយក្រែនជិត ៥លាន ២សែននាក់ភៀសខ្លួនចេញពីសង្គ្រាម

អ៊ុយក្រែន៖ ទីភ្នាក់ងារជនភៀសខ្លួនរបស់អង្គការសហប្រជាជាតិបាននិយាយកាលពីថ្ងៃអាទិត្យថា ចំនួនជនជាតិអ៊ុយក្រែនដែលបានរត់ចេញពីប្រទេសរបស់ខ្លួន ចាប់តាំងពីការលុកលុយរបស់រុស្ស៊ីកាលពី ២ខែកន្លងទៅនេះកំពុងកើនឡើងដល់ជិត ៥លាន ២សែននាក់។ ឧត្ដមស្នងការទទួលបន្ទុកជនភៀសខ្លួនរបស់អង្គការសហប្រជាជាតិ UNHCR បាននិយាយថា តួលេខសរុបចំនួន ៥,១៨៦,៧៤៤នាក់ គឺកើនឡើង ២៣,០៥៨នាក់គិតតាមទិន្នន័យកាលពីថ្ងៃសៅរ៍ចុងសប្ដាហ៍កន្លងទៅ។ ជនជាតិអ៊ុយក្រែនជាង ១,១៥១,០០០នាក់បានចាកចេញពីប្រទេសនេះអំឡុងខែមេសាធៀបនឹងចំនួនជាង ៣លាន ៤សែននាក់តែនៅក្នុងខែមីនាប៉ុណ្ណោះ។ ទិន្នន័យចុងក្រោយបំផុតមានឡើង ខណៈប្រជាជនអ៊ុយក្រែនប្រារព្ធពិធីបុណ្យអ៊ីស្ទ័រ នៃគ្រិស្តសាសនិកនិកាយអូថូដុកកាលពីថ្ងៃអាទិត្យ។លោក Filippo Grandi ប្រធានឧត្ដមស្នងការទទួលបន្ទុកជនភៀសខ្លួនរបស់អង្គការសហប្រជាជាតិ បានសរសេរនៅលើបណ្ដាញសង្គម Twitter ថា សម្រាប់ពលរដ្ឋអ៊ុយក្រែន និងអ្នកទាំងឡាយដែលបានបង្ខំចិត្តរត់ភៀសខ្លួនចេញពីប្រទេសនេះ វានឹងក្លាយជាថ្ងៃផ្សេងទៀតដែលប្រកបដោយភាពភ័យខ្លាច ទុក្ខព្រួយ ការបាត់បង់ និងការព្រាត់ប្រាសចេញពីមនុស្សជាទីស្រឡាញ់ ខណៈដែលសង្គ្រាមនៅតែបន្តដោយគ្មានក្ដីអាណិតអាសូរ៕អត្ថបទ៖ សុខមាន

សម្តេចតេជោ ហ៊ុន សែន អំពាវនាវឱ្យប្រជាពលរដ្ឋកម្ពុជាបន្តជឿជាក់លើប្រសិទ្ធភាព នៃការចាក់វ៉ាក់សាំងកូវីដ-១៩ ដើម្បីបង្កើតភាពស៊ាំសហគមន៍

ភ្នំពេញ៖ សម្តេចតេជោ ហ៊ុន សែន អំពាវនាវដល់ប្រជាពលរដ្ឋកម្ពុជា បន្តជឿជាក់លើប្រសិទ្ធភាព នៃការចាក់វ៉ាក់សាំងកូវីដ-១៩ និងការអនុវត្តឱ្យបានខ្ជាប់ខ្ជួននូវវិធានការសុខាភិបាល ជាពិសេសវិធានការ ៣កុំ និង៣ ការពារ ដោយការរៀនរស់នៅជាមួយកូវីដ-១៩ តាមគន្លងប្រក្រតីភាពថ្មី ប្រកបដោយសុវត្ថិភាព និងចីរភាព។ថ្លែងក្នុងពិធីប្រគល់-ទទួល អំណោយដ៏ថ្លៃថ្លា វ៉ាក់សាំងកូវីដ-១៩(អាស្ត្រាហ្សេនីកា) ពីប្រជាជន និងរដ្ឋាភិបាល នៃសាធារណរដ្ឋអ៊ីតាលី ជូនប្រជាជន និងរាជរដ្ឋាភិបាលកម្ពុជា នៅព្រឹកថ្ងៃទី២៥ ខែមេសា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា ការផ្ទុះឡើងកូវីដ-១៩ដំបូង បានសាកល្បងវាយប្រហារចំណងមិត្តភាពសកល ដោយនៅពេលនោះ យើងមិនទាន់ស្គាល់ច្បាស់ពីជំងឺនេះ ដែលជាហេតុនាំឱ្យបណ្តាប្រទេសនានា ត្រូវបង្ខំចិត្តបិទព្រំដែន និងកាត់បន្ថយទំនាក់ទំនងសង្គម សេដ្ឋកិច្ច និងពាណិជ្ជកម្ម។ សម្តេចតេជោ ហ៊ុន សែន បញ្ជាក់ថា ចំណងមិត្តភាពដ៏រឹងមាំ ជាមួយស្មារតី រួបរួម សាមគ្គី និងការចេះជួយគ្នាទៅវិញទៅមក ទាំងក្នុងប្រទេស,តំបន់ និងសកលលោកទាំងមូល បានធ្វើឱ្យសង្គម សេដ្ឋកិច្ច វិនិយោគ និងពាណិជ្ជកម្ម ក្នុងក្របខណ្ឌតំបន់ និងសកល បានងើបឡើងយ៉ាងឆាប់រហ័ស ប្រកបដោយកំណើនវិជ្ជមានគួរឱ្យកត់សម្គាល់ ក្រោយវិបត្តិកូវីដ-១៩៕

បណ្ដាញសង្គម

ព័ត៌មានថ្មីៗ

ក្រសួងឧស្សាហកម្មបើកយុទ្ធនាការអភិវឌ្ឍន៍សហគ្រាស និងអនុលោមភាពផលិតផល លើកកម្ពស់ សហគ្រាសក្នុងស្រុក

រលករញ្ជួយកម្រិត ៤,៦រ៉ិចទ័រ បានអង្រួនទីក្រុង Caracas ខណៈប្រតិបត្តិការរុករកបន្តសម្រាប់អ្នករស់រាន

ប៉ូឡូញបញ្ជាទិញនាវាមុជទឹក ៣គ្រឿងពីក្រុមហ៊ុន Saab របស់ស៊ុយអែត ក្នុងតម្លៃជាង ៤,៨ពាន់លានដុល្លារ

ទីក្រុងគីវរបស់អ៊ុយក្រែនមើលឃើញសីតុណ្ហភាពកើនឡើងដល់ ៣៤អង្សាសេ ខណៈរលកកម្តៅវាយប្រហារអឺរ៉ុប

កង្វះខាតប្រេងជំរុញឲ្យពលរដ្ឋរស់នៅទីក្រុង Rostov របស់រុស្ស៊ី ដើរទៅធ្វើការ ឬឈប់ធ្វើការ

ពលរដ្ឋហ្កាហ្សារៀបចំពិធីបុណ្យសពសម្រាប់ជនប៉ាឡេស្ទីនត្រូវបានសម្លាប់នៅក្នុងការវាយប្រហាររបស់អ៊ីស្រាអែលជន

មនុស្ស ៣ស្លាប់ ក្រោយជញ្ជាំងស្ថិតក្រោមការសាងសង់បាក់រលំនៅភាគពាយ័ព្យប្រទេសឥណ្ឌា

លោក Macronជួបស្តេចស៊ូតង់អូម៉ង់ នៅទីក្រុងប៉ារីសជាទីដែលរដ្ឋាភិបាលទាំង ២ចុះហត្ថលេខាកិច្ចព្រមព្រៀងសហប្រតិបត្តិការ

វិមានក្រឹមឡាំង៖ គោលជំហររបស់រុស្ស៊ីចំពោះលក្ខខណ្ឌកិច្ចព្រមព្រៀងសន្តិភាពអ៊ុយក្រែនមិនផ្លាស់ប្តូរចាប់តាំងពីឆ្នាំ ២០២៤

តំបន់ភាគអាគ្នេយ៍អឺរ៉ុបមានអារម្មណ៍ថា រងឥទ្ធិពលពីរលកកម្តៅ ខណៈភ្លើងឆេះព្រៃឆាបឆេះឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន នឹងជួបសំណេះសំណាលជាមួយប្រតិភូ និងអត្តពលិក មុនចេញទៅប្រកួតស៊ីហ្គេមនាថ្ងៃព្រហស្បតិ៍នេះ

អ៊ុយក្រែនជំរុញអង្គការសហប្រជាជាតិជួយសម្របសម្រួលច្រករបៀងមនុស្សធម៌ពីរោងចក្រដែកថែបក្នុងទីក្រុង Mariupol

សម្ដេចតេជោប្រកាសជាផ្លូវការដកចេញជាផ្លូវការហើយកាតព្វកិច្ចពាក់ម៉ាស់នៅតាមទីសាធារណៈ

ប្រមុខការទូតរុស្ស៊ីព្រមានពីគ្រោះថ្នាក់ពិតប្រាកដនៃសង្គ្រាមលោកលើកទី៣

សម្ដេចតេជោ ហ៊ុន សែន ប្រកាសពីគម្រោងចាក់វ៉ាក់សាំងកូវីដ១៩ ដូសទីជំរុញទី៥ ដល់មន្ត្រីជួរមុខ

អ៊ុយក្រែនអំពាវនាវសុំអាវុធធុនធ្ងន់ក្នុងពេលមន្ត្រីកំពូលអាមេរិកធ្វើទស្សនកិច្ចនៅក្រុងគីវ

មេដឹកនាំពិភពលោកមួយចំនួនអបអរសាទរជ័យជម្នះរបស់លោកប្រធានាធិបតីបារាំង Emmanuel Macron

សម្តេចតេជោ ហ៊ុន សែន៖ ដើម្បីទុកលុយទិញម៉ាស ប្រជាពលរដ្ឋខ្លះមិនទហ៊ានទិញខោអាវថ្មីឱ្យកូនទេ

អង្គការសហប្រជាជាតិ៖ ជនជាតិអ៊ុយក្រែនជិត ៥លាន ២សែននាក់ភៀសខ្លួនចេញពីសង្គ្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោប្រកាសជាផ្លូវការដកចេញជាផ្លូវការហើយកាតព្វកិច្ចពាក់ម៉ាស់នៅតាមទីសាធារណៈ

ប្រមុខ​ការទូត​រុស្ស៊ី​ព្រមាន​ពី​គ្រោះថ្នាក់​ពិតប្រាកដ​នៃ​សង្គ្រាម​លោក​លើកទី​៣

សម្ដេចតេជោ​ ហ៊ុន​ សែន​ ប្រកាសពីគម្រោងចាក់វ៉ាក់សាំងកូវីដ១៩ ដូសទីជំរុញទី៥ ដល់មន្ត្រីជួរមុខ

មេដឹកនាំ​ពិភពលោក​មួយ​ចំនួន​អបអរសាទរ​ជ័យជម្នះ​របស់​លោក​ប្រធានាធិបតី​បារាំង Emmanuel Macron

សម្តេចតេជោ ហ៊ុន សែន​៖ ដើម្បីទុកលុយទិញម៉ាស ប្រជាពលរដ្ឋខ្លះមិនទហ៊ានទិញខោអាវថ្មីឱ្យកូនទេ

អង្គការសហប្រជាជាតិ​៖​ ជនជាតិ​អ៊ុយ​ក្រែ​ន​ជិត​ ៥​លាន ​២​សែន​នាក់​ភៀសខ្លួន​ចេញពី​សង្គ្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រមុខការទូតរុស្ស៊ីព្រមានពីគ្រោះថ្នាក់ពិតប្រាកដនៃសង្គ្រាមលោកលើកទី៣

សម្ដេចតេជោ ហ៊ុន សែន ប្រកាសពីគម្រោងចាក់វ៉ាក់សាំងកូវីដ១៩ ដូសទីជំរុញទី៥ ដល់មន្ត្រីជួរមុខ

មេដឹកនាំពិភពលោកមួយចំនួនអបអរសាទរជ័យជម្នះរបស់លោកប្រធានាធិបតីបារាំង Emmanuel Macron

សម្តេចតេជោ ហ៊ុន សែន៖ ដើម្បីទុកលុយទិញម៉ាស ប្រជាពលរដ្ឋខ្លះមិនទហ៊ានទិញខោអាវថ្មីឱ្យកូនទេ

អង្គការសហប្រជាជាតិ៖ ជនជាតិអ៊ុយក្រែនជិត ៥លាន ២សែននាក់ភៀសខ្លួនចេញពីសង្គ្រាម