BTV NEWS

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

ព័ត៌មានសំខាន់ៗ

សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត អញ្ជើញអភិសេករូបសំណាក “ព្រះថោងនាងនាគ” នៅខេត្តព្រះសីហនុ

ព្រះសីហនុ៖ នៅព្រឹកថ្ងៃសៅរ៍ទី១៦ ខែមេសា ឆ្នាំ២០២២ ដែលជាថ្ងៃទី៣ នៃពិធីបុណ្យចូលឆ្នាំថ្មី ប្រពៃណីជាតិខ្មែរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិតិ្តព្រឹទ្ធបណ្ឌិត ប៊ុនរ៉ានី ហ៊ុនសែន អញ្ជើញជាអធិបតីក្នុងពិធីអភិសេករូបសំណាក “ព្រះថោងនាងនាគ” នៅខេត្តព្រះសីហនុ។រូបសំណាក “ព្រះថោងនាងនាគ” ត្រូវបានរៀបចំនៅរង្វង់មូលព្រះថោងនាងនាគ ស្ថិតនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ ដែលជាចំណុចប្រសព្វគ្នារវាងមហាវិថីឆ្នេររាម និងមហាវិថីជំទាវម៉ៅ។ រូបសំណាក ព្រះថោងតោងស្បៃព្រះនាងនាគ ដ៏ធំសម្បើមនេះ មានកម្ពស់ជាង ២១ម៉ែត្រ រចនាស្ថាបត្យកម្ម ដោយកូនខ្មែរ ត្រូវបានសាងសង់ឡើងយ៉ាងហ្មត់ចត់នៅប្រទេសចិន និងបានដឹកមកដល់កំពង់ផែស្វយ័តក្រុងព្រះសីហនុ ប្រទេសកម្ពុជា កាលពីថ្ងៃ២៥ ខែមីនា ២០២២។ រូបសំណាក “ព្រះថោងនាងនាគ” បានដាក់បែរព្រះភក្ត្រ ឆ្ពោះទៅសមុទ្រ ដោយសាររឿងព្រេង ការកកើតនគរខ្មែរ គឺព្រះនាងនាគបានឲ្យព្រះថោង តោងកន្ទុយ ឬស្បៃ ដើម្បីមុជទឹក ហោះទៅកាន់ឋានស្ដេចភុជង្គនាគ ដើម្បីជួបមាតា បិតារបស់ព្រះនាង ហើយនោះ គឺជានិម្មិតរូប នៃការកកើតទឹកដី អារ្យធម៌ វប្បធម៌ ប្រពៃណី ទំនៀមទម្លាប់នគរខ្មែរ គោកធ្លក ដែលគេឃើញមានតរៀងមកក្នុងពិធីរៀបអាពាហ៍ពិពាហ៍របស់ខ្មែរ រហូតដល់សព្វថ្ងៃ។ រូបសំណាកដ៏ធំស្កឹមស្កៃនេះ ជារូបសំណាកមួយ ក្នុងចំណោមរូបសំណាក់និមិត្តរូប នៃខេត្តព្រះសីហនុចំនួន៤ ដែលរូបសំណាក់៣ផ្សេងទៀតមានដូចជា ៖ រូបសំណាកតោមាស រូបសំណាកព្រះសិវៈ និងព្រះនាងឧមា (សាងសង់ថ្មី) និងរូបសំណាកសីហក្បាលរាជសីជាដើម៕

សម្តេចតេជោ ហ៊ុន សែន អំពាវនាវដល់ពលរដ្ឋបន្តប្រុងប្រយ័ត្នការពារខ្លួនពីកូវីដ-១៩ និងគ្រោះថ្នាក់ចរាចរណ៍ ក្នុងអំឡុងពេលចូលឆ្នាំថ្មី

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា អំពាវនាវដល់ពលរដ្ឋបន្តប្រុងប្រយ័ត្នការពារខ្លួនពីកូវីដ-១៩ និងគ្រោះថ្នាក់ចរាចរណ៍ ក្នុងអំឡុងពេលចូលឆ្នាំថ្មីប្រពៃណីជាតិខ្មែរ។ យោងតាមសារសំឡេងពិសេសសម្តេចតេជោ ហ៊ុន សែន ថ្ងៃទី១៥ ខែមេសា ឆ្នាំ២០២២ បាមបញ្ជាក់ថា ប្រជាពលរដ្ឋបានធ្វើដំណើរទៅកាន់ភូមិដ្ឋាន និងទីកម្សាន្តនានាជាច្រើន ក្នុងឱបុណ្យចូលឆ្នាំថ្មី ប្រពៃណីជាតិ ហើយក៏ជាពេលសប្បាយរីករាយបំផុតរបស់ប្រជាពលរដ្ឋ ក្រោយពីពិធីបុណ្យចូលឆ្នាំថ្មី បានខកខានអស់២ឆ្នាំ ដោយសារការរាតត្បាត នៃជំងឺកូវីដ-១៩។សម្តេចតេជោ ហ៊ុន សែន បញ្ជាក់ថា ទោះជាមានការសប្បាយរីករាយយ៉ាងណាក៏ដោយ ក៏យើងមិនត្រូវភ្លេចខ្លួន ពីការការពារពីការឆ្លងរីករាលដាលនៃជំងឺកូវីដ-១៩ និងករណីគ្រោះថ្នាក់ចរាចរណ៍នោះឡើយ ដែលករណីគ្រោះថ្នាក់ចរាចរណ៍នេះ បានបណ្តាលឲ្យប្រជាពលរដ្ឋស្លាប់ និងរបួសជាច្រើននាក់ក្នុងមួយថ្ងៃៗ ជាពិសេសពេលវេលាដែលប្រជាពលរដ្ឋធ្វើដំណើរច្រើន។សម្តេចតេជោ ហ៊ុន សែន បានជំរុញឲ្យប្រជាពលរដ្ឋទៅចាក់វ៉ាក់សាំងកូវីដ-១៩ ដូសជំរុញ ឬដូសពិសេសក្នុងឱកាសបុណ្យចូលឆ្នាំថ្មី ប្រពៃណីជាតិ ដែលអាជ្ញាធរ ឬសុខាភិបាល បានដាក់ទីតាំងចាក់នៅទីរមណីយដ្ឋាន គោលដៅកម្សាន្តនានា ជាពិសេសតាមទីវត្តអារាម រហូតដល់ថ្ងៃទី១៧ ខែមេសា ឆ្នាំ២០២២ ដែលជាការគិតគូរដល់ខ្ពស់សុខុមាលភាពប្រជាពលរដ្ឋ ទប់ស្កាត់ការឆ្លងជំងឺកាចសាហាវកូវីដ-១៩។សម្តេចតេជោ ហ៊ុន សែន អំពាវនាវចំពោះពលរដ្ឋដែលដើរលេងកម្សាន្តក្នុងឱកាសឆ្នាំថ្មី ក្រៅពីខេត្តរតនគិរី មណ្ឌលគិរី ស្ទឹងត្រែង និងព្រះវិហារ សូមបន្តប្រុងប្រយ័ត្ន និងយកចិត្តទុកដាក់ការពារខ្លួនតាមវិធានការ៣កុំ ៣ការពារ ខណៈសម្តេចសង្កេតឃើញថា ពលរដ្ឋដើរលេងកកម្សាន្តសប្បាយរីករាយឆ្នាំថ្មីនេះមានការធ្វេសប្រហែសមិនសូវពាក់ម៉ាស និងទីកន្លែងចាក់វ៉ាក់សាំង មានអ្នកទៅចាក់នៅតិចនៅឡើយ។សម្តេចតេជោ ហ៊ុន សែន ជំរុញអាជ្ញាធរ កងកម្លាំង មានសមត្ថកិច្ច យកចិត្តទុកដាក់ថែរក្សា ការពារសន្តិសុខ សណ្ដាប់ធ្នាប់ ចរាចរណ៍ ជូនប្រជាពលរដ្ឋ អោយបានល្អ នៅតាមទីអារាម កន្លែងប្រារពពិធីកម្សាន្តផ្សេងៗ ក៏ដូចជាតាមរមណីយដ្ឋាននានា ក្នុងឱកាសបុណ្យចូលឆ្នាំថ្មី ប្រពៃណីជាតិ។សម្តេចតេជោ ហ៊ុន សែន ជំរុញដល់ប្រជាពលរដ្ឋបើមានករណីសង្ស័យឆ្លងជំងឺកូវីដ-១៩ ត្រូវរួតរះធ្វើតេស្តរកកូវីដ-១៩ដោយខ្លួនឯង ដើម្បីការពារខ្លួន និងក្រុមគ្រួសារពីការឆ្លងជំងឺកូវីដ-១៩ និងត្រូវមានវិធានការការពារខ្លួនគ្រប់ពេល ដើម្បីឲ្យប្រកដថាក្រោយចូលឆ្នាំហើយយើងមិនមានករណីឆ្លងកូវីដ-១៩បន្ថែមទៀត៕

ប្រធានាធិបតីប៉ូឡូញ តំបន់បាល់ទិក និងលោក Zelenskyy ធ្វើទស្សនកិច្ចនៅទីក្រុងគីវ

អ៊ុយក្រែន៖ ប្រធានាធិបតីប្រទេសចំនួន ៤ នៅជាប់ប្រទេសរុស្ស៊ីបានធ្វើទស្សនកិច្ចនៅប្រទេសអ៊ុយក្រែន ដោយបានបង្ហាញពីការគាំទ្ររបស់ពួកគេសម្រាប់ប្រទេសដែលកំពុងមានសង្គ្រាម ជាកន្លែងដែលពួកគេបានឃើញអគាររងការបំផ្លាញធ្ងន់ធ្ងរ និងទាមទារឱ្យមានការទទួលខុសត្រូវចំពោះអ្វីដែលបានចាត់ទុកថា ជាឧក្រិដ្ឋកម្មសង្គ្រាមធ្វើឡើងដោយកងកម្លាំងរុស្ស៊ី។ដំណើរទស្សនកិច្ចរបស់ប្រធានាធិបតីប្រទេសប៉ូឡូញ លីទុយអានី ឡាតវី និងអេស្តូនី ជាការបង្ហាញពីសាមគ្គីភាពរឹងមាំរបស់មេដឹកនាំប្រទេសនៅតំបន់ភាគខាងកើតរបស់អង្គការណាតូ ដែលប្រទេសចំនួន ៣ ក្នុងចំណោមនេះដូចជាអ៊ុយក្រែនដែរធ្លាប់ជាផ្នែករបស់សហភាពសូវៀត។ រួមគ្នាជាមួយប្រធានាធិបតីអេស្តូនីលោក Alar Karis ក្រុមមេដឹកនាំបានទៅពិនិត្យមើលទីក្រុង Borodyanka ជាទីប្រជុំជនមួយនៅជិតទីក្រុងគីវ ជាកន្លែងដែលភស្តុតាងនៃអំពើឃោរឃៅត្រូវបានរកឃើញ បន្ទាប់ពីទាហានរុស្ស៊ីបានដកខ្លួនចេញ ដើម្បីផ្តោតលើសកម្មភាពនៅភាគខាងកើតរបស់ប្រទេស។ប្រធានាធិបតីឡាតវីលោក Egils Levits និយាយថា អ៊ុយក្រែនកំពុងប្រយុទ្ធដើម្បីអឺរ៉ុប ខណៈអ៊ុយក្រែនកំពុងប្រយុទ្ធដើម្បីលទ្ធិប្រជាធិបតេយ្យ និងកំពុងប្រយុទ្ធដើម្បីយើង។ មេដឹកនាំអឺរ៉ុបបានរំលឹកឡើងវិញនូវការប្តេជ្ញាចិត្តរបស់ពួកគេ ក្នុងការគាំទ្រអ៊ុយក្រែនខាងនយោបាយ និងដោយជំនួយយោធា៕អត្ថបទ៖ ប៊ុនថន

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងក្រុមគ្រួសារ ទទួលទេវតាឆ្នាំថ្មី ឆ្នាំខាល

ព្រះសីហនុ៖ នៅថ្ងៃទី១៤ ខែមេសា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងបុត្រាបុត្រី និងចៅៗជាទីស្រឡាញ់របស់សម្តេចបានប្រារព្ធពិធីទទួលអំណរសាទរទេវតាឆ្នាំថ្មី ស្ថិតនៅភូមិគ្រឹះរបស់សម្តេចនៅក្រុងព្រះសីហនុ ខេត្តព្រះសីហនុ ខណៈពិធីបុណ្យប្រពៃណីជាតិខ្មែរមួយនេះត្រូវបានបងប្អូនប្រជាពលរដ្ឋខ្មែរនៅទូទាំងប្រទេស បានកំពុងតែប្រារព្ធយ៉ាងសប្បាយរីករាយក្រោមម្លប់នៃសន្តិភាព។សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមទាំងគ្រួសារបានអញ្ជើញទៅកាន់ខេត្តព្រះសីហនុកាលពីថ្ងៃទី១៣ ខែមេសា ឆ្នាំ២០២២ កន្លងទៅនេះដើម្បីលំហែកាយ និងប្រារព្ធពិធីបុណ្យចូលឆ្នាំថ្មីប្រពៃណីខ្មែរនៅខេត្តព្រះសីហនុ ខណៈពិធីបុណ្យនេះបាននឹងកំពុងប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២២។ សូមបញ្ជាក់ថា ទេវតាឆ្នាំថ្មី ឆ្នាំខាល ចត្វាស័ក ព្រះនាងកិរិណីទេវី បុត្រីទី៥ នៃកបិលមហាព្រហ្ម បានយាងចុះមកឃុំគ្រងចក្រវាឡយើងនេះនៅវេលាម៉ោង ១០ព្រឹកថ្ងៃព្រហស្បតិ៍ ១៣កើតខែចេត្រ ឆ្នាំខាល ចត្វាស័ក ពុទ្ធសករាជ២៥៦៥ ត្រូវនិងថ្ងៃទី១៤ ខែមេសា ឆ្នាំ២០២២ ខណៈក្នុងឱកាសដ៏វិសេសវិសាលនោះ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បុត្រាបុត្រី និងចៅៗជាទីស្រឡាញ់ទាំងអស់បានអញ្ជើញបូជាទៀនធូប ទឹកអប់ ប្រេងម្សៅថ្វាយ និងទទួលអំណរទេវតាឆ្នាំថ្មីដែលយាងមកឃុំគ្រងចក្រវាឡយើងនេះ ក្នុងទឹកចិត្តជ្រះថ្លា និងមានស្នាមញញឹមនោះ។នៅក្នុងឱកាសបុណ្យចូលឆ្នាំថ្មីប្រពៃណីខ្មែរនេះ សម្តេចតេជោ ហ៊ុន សែន បានជូនពរដល់ជនរួមជាតិខ្មែរគ្រប់រូបដែលកំពុងរស់នៅក្នុង និងក្រៅប្រទេស មន្ត្រីរាជការ នាយទាហាន ពលទាហាននៃកងយោធពលខេមរភូមិន្ទ ដែលបាននឹងកំពុងបំពេញភារកិច្ចការពារអធិបតេយ្យ បូរណភាពទឹកដីនៃព្រះរាជាណាចក្រកម្ពុជា និងកំពុងបំពេញបេសកកម្មរក្សាសន្តិភាព និងមនុស្សធម៌នៅក្រៅប្រទេស នាយនគរបាល ពលនគរបាលដែលបាននឹងកំពុងរួមចំណែកការពារបូរណភាពទឹកដី និងថែរក្សាការពារសន្តិភាព សន្តិសុខ សណ្តាប់ធ្នាប់សាធារណៈនៃមាតុភូមិលោកគ្រូ អ្នកគ្រូ គ្រូពេទ្យ ក្មួយៗសិស្សានុសិស្ស និស្សិត យុវជនយុវនារី កម្មករ-កម្មការិនី កសិករ និយោជិត ធុរជន និងវិនិយោគិនដែលកំពុងប្រកបធុរកិច្ចនៅលើទឹកដីកម្ពុជា សូមទទួលបាននូវភាពជោគជ័យ សិរីសួស្ដី ជ័យមង្គល វិបុលសុខ និងសូមបួងសួងដល់វត្ថុសក្ដិសិទ្ធិក្នុងលោក សូមជួយថែរក្សាប្រជាជនខ្មែរដែលរស់នៅក្នុង និងក្រៅប្រទេសទាំងអស់សូមឱ្យរួចផុតពីជំងឺកូវីដ-១៩ នេះផងដែរ។សម្តេចតេជោ ហ៊ុន សែន ក៏បានបួងសួងសូមទេវតាឆ្នាំថ្មី ព្រះនាមកិរិណីទេវី ជួយអភិបាលគ្រប់គ្រង ជួយបីបាច់ថែរក្សាគាំពារ និងប្រសិទ្ធពរជ័យដល់ប្រជាជនខ្មែរគ្រប់រូបឱ្យមានសមានចិត្តជាកុសល យោគយល់គ្នា រួបរួមសាមគ្គីគ្នាជាមហាគ្រួសារខ្មែរតែមួយនៅលើទឹកដីមាតុភូមិអង្គរជាទីស្នេហា ដោយសេចក្តីសុខក្សេមក្សាន្ត និងប្រកបដោយកិត្តិយស សេចក្តីថ្លៃថ្នូរក្នុងឯករាជ្យ សន្តិភាពសេរីភាព ប្រជាធិបតេយ្យ អព្យាក្រឹត និងវឌ្ឍនភាពសង្គមតរៀងទៅ។ ក្រៅពីចូលរួមអបអរសាទរទេវតាឆ្នាំថ្មីនៅខេត្តព្រះសីហនុនេះ សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សម្តេចទាំងទ្វេក៏នឹងប្រារព្ធពិធីបុណ្យអភិសេកតាមគន្លងប្រពៃណីសាសនា នូវរូបសំណាកព្រះថោងនាងនាគនាថ្ងៃទី១៦ ខែមេសានេះផងដែរ ខណៈរូបសំណាកនេះគឺជារូបបដិមាស្ពាន់ធំជាងគេនៅព្រះរាជាណាចក្រកម្ពុជា សាងសង់ពីស្ពាន់មានទម្ងន់សរុប ៦០តោន កម្ពស់ពីព្រះបាទដល់កំពូលមកុដ ២១ម៉ែត្រ តម្កល់លើបល្ល័ង្កកម្ពស់ ៦.៣៤ម៉ែត្រឈរបង្ហាញខ្លួនដ៏ស្កឹមស្កៃនៅចំកណ្ដាលរង្វង់មូលព្រះថោងនាងនាគ ដែលមានអង្កត់ផ្ចិត ៩៩ម៉ែត្រដោយបែរព្រះភក្ត្រឆ្ពោះទៅសមុទ្ររាម ទ្រង់ដំណើរយាងទៅជួបព្រះមាតាបិតានៅឋានភុជង្គនាគ ជានិម្មិតរូបនៃការកកើតទឹកដី វប្បធម៌ អរិយធម៌ ប្រពៃណីទំនៀមទម្លាប់ខ្មែរដែលមានអាយុកាលដ៏យូរលង់ណាស់មកហើយ៕ អត្ថបទ៖ បាន ចក់

សម្ដេចតេជោ ហ៊ុន សែន៖ អបអរសាទរ និងជូនពរថ្ងៃចូលឆ្នាំប្រពៃណីជាតិខ្មែរ ២០២២

ភ្នំពេញ៖ តាមរយៈហ្វេសប៊ុកនៅថ្ងៃទី១៤ ខែមេសា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអបអរសាទរ និងជូនពរដល់ជនរួមជាតិខ្មែរទាំងអស់ បានទទួលនូវភាពសប្បាយរីករាយក្នុងឱកាសពិធីថ្ងៃចូលឆ្នាំប្រពៃណីជាតិខ្មែរ ២០២២។ សម្ដេចតេជោ បានសរសេរដូច្នេះថា «ខ្ញុំ និងភរិយា សូមចូលរួមអបអរសាទរនៅក្នុងថ្ងៃចូលឆ្នាំប្រពៃណីជាតិខ្មែរថ្ងៃនេះ។ សូមបងប្អូនប្រជាពលរដ្ឋខ្មែរបានសប្បាយរីករាយក្នុងឱកាសពិធីបុណ្យចូលឆ្នាំប្រពៃណីជាតិនៅគ្រប់ទីកន្លែង។» ទន្ទឹមនឹងនេះ សម្ដេចតេជោក៏បានអំពាវនាវឲ្យបងប្អូនប្រជាពលរដ្ឋ បន្តចូលរួមទប់ស្កាត់ការពារការចម្លងជំងឺកូវីដ១៩ ទាំងអស់គ្នាតាមការណែនាំរបស់ក្រសួងសុខាភិបាល និងវិធានការណ៍ ៣កុំ ៣ការពារ។សម្ដេចតេជោបន្តទៀតថា ក្នុងថ្ងៃនេះ ក៏មានបងប្អូនមួយចំនួនធ្វើដំណើរទៅកាន់បណ្តាខេត្តផ្សេងៗជាច្រើនផងដែរ។ សូមបងប្អូនបើកបរគោរពច្បាប់ចរាចរណ៍ កុំពិសាគ្រឿងស្រវឹងក្នុងពេលបើកបរ ត្រូវមានការយោគយល់គ្នា និងប្រុងប្រយ័ត្នខ្ពស់ជានិច្ច ទោះបីបើកបរជិតឬឆ្ងាយ ដើម្បីសុវត្ថិភាពក្នុងថ្ងៃចូលឆ្នាំថ្មីទាំងអស់គ្នា។សម្ដេចតេជោ ហ៊ុន សែន ជូនពរបងប្អូនជនរួមជាតិជួបតែសំណាងល្អ ជោគជ័យក្នុងជីវិត និងមានសុភមង្គលក្នុងក្រុមគ្រួសារគ្រប់ៗគ្នា៕ អរគុណ សន្តិភាព !

វ៉ាក់សាំងជាជំនួយរបស់ឥណ្ឌាចំនួនជាង ១២ម៉ឺនដូសបន្ថែមទៀតបានដឹកមកដល់កម្ពុជានាព្រឹកនេះ

ភ្នំពេញ៖ វ៉ាក់សាំងបង្ការជំងឺកូវីដ១៩ ប្រភេទកូវីសែល (Covishield) ចំនួន ១២៥,០០០ដូសបន្ថែមទៀតដែលជំនួយរបស់រដ្ឋាភិបាល និងប្រជាជនឥណ្ឌាបានដឹកមកដល់ប្រទេសកម្ពុជាហើយនៅព្រឹកថ្ងៃព្រហស្បតិ៍ ទី១៤ ខែមេសា ឆ្នាំ២០២២នេះ បន្ទាប់ពី ២០ម៉ឺនដូសបានមកដល់កាលពីថ្ងៃទី១១ កន្លងទៅថ្មីៗនេះ។វ៉ាក់សាំង ១២៥,០០០ដូសដែលដឹកមកដល់ព្រឹកថ្ងៃនេះគឺជាចំនួនបង្គ្រប់នៃជំនួយវ៉ាក់សាំងសរុប ៣២៥,០០០ដូសនៃជំនួយរបស់រដ្ឋាភិបាល និងប្រជាជនឥណ្ឌាសម្រាប់រាជរដ្ឋាភិបាល និងប្រជាជនកម្ពុជា ខណៈវ៉ាក់សាំងចំនួន ២០ម៉ឺនដូសត្រូវបានដឹកមកដល់កាលពីថ្ងៃទី១១ ខែមេសាកន្លងទៅ។ សូមបញ្ជាក់ថា វ៉ាក់សាំងជាជំនួយរបស់ប្រជាជន និងប្រទេសឥណ្ឌាដែលបានផ្តល់ជូនដល់កម្ពុជានេះ គឺដើម្បីរួមចំណែកក្នុងការជួយបង្ការទប់ស្កាត់នៃការរីករាលដាលនូវមេរោគកូវីដ១៩ នៅប្រទេសកម្ពុជា បើទោះបីជានាពេលបច្ចុប្បន្ននេះកម្ពុជាមានលក្ខណៈធូរស្រាលយ៉ាងណាក៏ដោយនោះ។ ថ្លែងក្នុងឱកាសផ្តល់ និងទទួលនូវវ៉ាក់សាំងជាជំនួយរបស់ឥណ្ឌាកាលពីថ្ងៃទី១២ ខែមេសា ឆ្នាំ២០២២ កន្លងទៅនេះលោកស្រីបណ្ឌិត ដេវីយ៉ានី ឧត្តាំ ខូប្រាហ្គាដ (H.E. Mrs. Devyani Uttam Khobragade) ឯកអគ្គរដ្ឋទូតឥណ្ឌាប្រចាំនៅកម្ពុជាបានលើកឡើងថា ការផ្តល់ជំនួយវ៉ាក់សាំងគឺជាការបង្ហាញពីស្មារតីនៃការជួយគ្នារវាងកម្ពុជា និងឥណ្ឌា ដែលជាប្រទេសមានចំណងទំនាក់ទំនងល្អជាមួយគ្នាដ៏យូរលង់មកហើយនោះ។លោកស្រីបានបន្ថែមថា ឥណ្ឌានឹងបន្តផ្តល់ជំនួយវ៉ាក់សាំងមកកាន់កម្ពុជានាពេលក្រោយបន្ថែមទៀត បើសិនកម្ពុជាត្រូវការ។ មានប្រសាសន៍នៅក្នុងពិធីផ្តល់ និងទទួលនោះដែរសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងអំណរគុណរដ្ឋាភិបាល និងប្រជាជនឥណ្ឌាសម្រាប់ការផ្តល់ជំនួយវ៉ាក់សាំងមកឲ្យប្រជាជន និងរាជរដ្ឋាភិបាលកម្ពុជានេះ៕អត្ថបទ៖ បាន ចក់

សហរដ្ឋអាមេរិកអនុម័តជំនួយយោធា ៨០០លានដុល្លារដល់អ៊ុយក្រែន

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក Joe Biden កាលពីថ្ងៃពុធបានអនុម័តទឹកប្រាក់ចំនួន ៨០០លានដុល្លារជាជំនួយយោធាថ្មីដល់អ៊ុយក្រែន រួមមានកាំភ្លើងធំ និងឧទ្ធម្ភាគចក្រ ដើម្បីពង្រឹងការការពាររបស់ខ្លួនប្រឆាំងការវាយលុករបស់រុស្ស៊ី។លោក Biden បានប្រកាសផ្តល់ជំនួយថ្មីនេះ បន្ទាប់ពីការសន្ទនាតាមទូរស័ព្ទជាមួយប្រធានាធិបតីអ៊ុយក្រែនលោក Volodymyr Zelenskyy ដើម្បីសម្របសម្រួលការផ្តល់ជំនួយដែលលោកបាននិយាយថា រួមមានទាំងប្រព័ន្ធកាំភ្លើងធំ កាំភ្លើងធំ និងរថពាសដែកក៏ដូចជាឧទ្ធម្ភាគចក្រ។ អ្នកនាំពាក្យមន្ទីរបញ្ចកោណលោក John Kirby និយាយថា ជំនួយយោធាថ្មីនេះគឺត្រូវផ្តល់ឲ្យដើម្បីបំពេញតម្រូវការបន្ទាន់របស់អ៊ុយក្រែន សម្រាប់ការប្រយុទ្ធនាពេលបច្ចុប្បន្ននេះ ខណៈកងកម្លាំងរុស្ស៊ីផ្លាស់ប្តូរសកម្មភាពនៃការវាយលុកដ៏ឃោរឃៅរបស់ពួកគេ ដែលពេលនេះទៅកាន់ភាគខាងកើត ប្រទេសអ៊ុយក្រែន។ ប្រធានាធិបតីអ៊ុយក្រែនលោក Volodymyr Zelenskyy បានអរគុណដល់សហរដ្ឋអាមេរិក សម្រាប់ជុំថ្មីនៃជំនួយយោធាក្នុងទឹកប្រាក់ ៨០០លានដុល្លារ៕អត្ថបទ៖ ប៊ុនថន

លោក Zelenskyy និងលោក Biden ពិភាក្សាពីការផ្គត់ផ្គង់អាវុធរបស់អាមេរិកដល់អ៊ុយក្រែន

អ៊ុយក្រែន៖ ទីប្រឹក្សារបស់លោក Zelenskyy បាននិយាយកាលពីថ្ងៃពុធថា ប្រធានាធិបតីអ៊ុយក្រែនលោក Volodymyr Zelenskyy បានពិភាក្សាអំពីការទទួលបានការគាំទ្របន្ថែមទៀតពីសហរដ្ឋអាមេរិក ក្នុងអំឡុងពេលការសន្ទនាតាមទូរស័ព្ទជាមួយសមភាគីសហរដ្ឋអាមេរិក។លោក Serhii Nikiforov បាននិយាយថា លោក Zelenskyy បានសន្ទនាជាមួយប្រធានាធិបតីអាមេរិកលោក Joe Biden ដែលមេដឹកនាំទាំងពីរបានពិភាក្សាគ្នាអំពីបញ្ហាមួយចំនួន រួមទាំងការផ្គត់ផ្គង់អាវុធដល់អ៊ុយក្រែន និងការដាក់ទណ្ឌកម្មបន្ថែមទៀតលើទីក្រុងមូស្គូ។ លោក Zelenskyy បានជំរុញឱ្យលោក Biden ពង្រឹងសកម្មភាពប្រឆាំងធនាគាររុស្ស៊ី ហាមឃាត់នាវារុស្ស៊ីមិនឱ្យចូលកំពង់ផែសហរដ្ឋអាមេរិក និងដាក់បម្រាមលើការនាំចូលរ៉ែរបស់រុស្ស៊ី។បន្ទាប់ពីការអំពាវនាវនេះលោក Biden បានយល់ព្រមលើជំនួយយោធាថ្មីដល់អ៊ុយក្រែនរួមមានទាំងកាំភ្លើងធំ និងឧទ្ធម្ភាគចក្រ ដើម្បីពង្រឹងការការពាររបស់ខ្លួនប្រឆាំងការវាយលុករបស់រុស្ស៊ី នៅភាគខាងកើតរបស់ប្រទេសអ៊ុយក្រែន។ លោក Biden បាននិយាយថា សហរដ្ឋអាមេរិកនឹងបន្តធ្វើការជាមួយសម្ព័ន្ធមិត្តដើម្បីចែករំលែកអាវុធ និងធនធានបន្ថែមទៀត ខណៈជម្លោះនៅតែបន្ត៕អត្ថបទ៖ ប៊ុនថន

លោក Putin និយាយថា យុទ្ធនាការរបស់រុស្ស៊ីនៅអ៊ុយក្រែនកំពុងធ្វើឡើងតាមផែនការ

រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយកាលពីថ្ងៃអង្គារថា រុស្ស៊ីនឹងបន្តប្រតិបត្តិការយោធាក្នុងប្រទេសអ៊ុយក្រែន រហូតដល់គោលដៅរបស់ខ្លួនត្រូវបានសម្រេចតាមផែនការ។ ថ្លែងក្នុងអំឡុងដំណើរទស្សនកិច្ចទៅកាន់ទីតាំងបាញ់បង្ហោះយានអវកាស Vostochny នៅតំបន់ចុងបូព៌ារបស់រុស្ស៊ី លោក Putin បាននិយាយថា យុទ្ធនាការនេះប្រព្រឹត្តទៅតាមផែនការ ហើយវានឹងមិនដំណើរការលឿនជាងនេះនោះទេ ដោយសាររុស្ស៊ីមានបំណងកាត់បន្ថយការខាតបង់។លោក Putin និយាយថា ប្រតិបត្តិការយោធានឹងបន្តរហូតដល់ការបញ្ចប់ពេញលេញ និងការបំពេញភារកិច្ចដែលបានកំណត់។ ដោយធ្វើអត្ថាធិប្បាយលើបញ្ហាសេដ្ឋកិច្ចរុស្ស៊ី លោក Putin បាននិយាយថា រុស្ស៊ីបានទប់ទល់ទៅនឹងទណ្ឌកម្មថ្មីរបស់ប្រទេសលោកខាងលិចដោយជោគជ័យ។ មេដឹកនាំរុស្ស៊ីបាននិយាយថា ប្រព័ន្ធសេដ្ឋកិច្ច និងហិរញ្ញវត្ថុបានទប់ទល់នឹងផលប៉ះពាល់ នៃអ្វីដែលលោកចាត់ទុកទណ្ឌកម្មរបស់លោកខាងលិចថា ជាការវាយប្រហារភ្លាមៗ ហើយប្រាក់រូប្លិ៍បានងើបឡើងវិញពីការខាតបង់របស់ខ្លួន។លោក Putin បានអះអាងថា ទណ្ឌកម្មនឹងប្រឆាំងតបតប្រទេសលោកខាងលិច។ ជាឧទាហរណ៍ លោកបាននិយាយថា ការរឹតត្បិតលើការនាំចេញផលិតផលជីពីប្រទេសរុស្ស៊ី និងសម្ព័ន្ធមិត្តបេឡារុសនឹងជំរុញឱ្យតម្លៃជីសកលឡើងថ្លៃ ដែលនឹងនាំទៅរកការខ្វះខាតស្បៀងអាហារ និងការកើនឡើងលំហូរការធ្វើអន្តោប្រវេសន៍។ លោក Putin បាននិយាយថា ប្រទេសលោកខាងលិចគួរតែត្រលប់ទៅរកហេតុផល និងធ្វើការសម្រេចចិត្តដែលមានតុល្យភាពដ៏ប្រសើរ ដោយមិនប្រឈមទៅនឹងការខាតបង់៕អត្ថបទ៖ ប៊ុនថន

UN និយាយថា ប្រជាជនជាង ៧លាននាក់បានផ្លាស់ទីលំនៅក្នុងប្រទេសអ៊ុយក្រែន

UN៖ យោងតាមអង្គការសហប្រជាជាតិបានឱ្យដឹងថា ប្រជាជនប្រមាណ ៧.១លាននាក់បច្ចុប្បន្ននេះបានផ្លាស់ទីក្នុងស្រុកនៅទូទាំងប្រទេសអ៊ុយក្រែន ខណៈប្រជាជនជាង ៤.៦លាននាក់បានឆ្លងកាត់ព្រំដែនដើម្បីស្វែងរកសន្តិសុខ និងសុវត្ថិភាពនៅក្នុងប្រទេសដទៃ។ថ្លែងទៅកាន់អ្នកសារព័ត៌មាននៅទីក្រុងញូវយ៉ក អ្នកនាំពាក្យអង្គការសហប្រជាជាតិលោក Stephane Dujarric បាននិយាយថា រយៈពេលជិត ៧សប្តាហ៍នៃជម្លោះដ៏ខ្លាំងនៅតែបន្ត ជំរុញឱ្យមានវិបត្តិការផ្លាស់ទីឆាប់រហ័សរបស់ពិភពលោកក្នុងប្រវត្តិសាស្ត្រថ្មីនេះ។ លោក Dujarric បាននិយាយថា ច្រើនជាងពីរភាគបីនៃកុមារអ៊ុយក្រែនបានភៀសខ្លួនចេញពីលំនៅឋានរបស់ពួកគេ ហើយការវាយប្រហារលើហេដ្ឋារចនាសម្ព័ន្ធ ទឹក និងការដាច់ចរន្តអគ្គិសនី បានធ្វើឱ្យប្រជាជនប្រមាណ ១.៤លាននាក់នៅភាគខាងកើតប្រទេសគ្មានទឹក និងអគ្គិសនីប្រើប្រាស់ ខណៈប្រជាជន ៤.៦លាននាក់ផ្សេងទៀតមានកម្រិតប្រើប្រាស់។ លោក Dujarric បានបញ្ជាក់ជាថ្មីពីបំណងរបស់អង្គការសហប្រជាជាតិ សម្រាប់ការចរចាប្រកបដោយផ្លែផ្ការវាងភាគីនានា សម្រាប់ដំណោះស្រាយសង្គ្រាមរយៈពេលវែង៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ភ្នំពេញក្រោន នាំយកកីឡាការិនីជម្រើសជាតិនារីនេប៉ាល់មកពង្រឹងក្រុមបន្ថែម ខណៈមិនទាន់ស្គាល់ចាញ់ក្នុងលីគ

ប្រធានក្លិប ISI ចាត់ទុកជំនួបគ្រូ ប៉ះសិស្ស រវាងប្រេស៊ីល និងជប៉ុន គឺជាភស្ដុតាងបង្ហាញផ្លូវកម្ពុជាឆ្ពោះទៅ World Cup

អ្នកវិភាគ៖ កិច្ចព្រមព្រៀងរវាងអ៊ីស្រាអែលនិងលីបង់អាចធ្វើឱ្យមានភាពជាប់គាំង ជាជាងការបញ្ចប់សង្គ្រាម

ប៉ារ៉ាហ្គាយទម្លាក់អាល្លឺម៉ង់ ក្លាយជាការប្រកួតភ្ញាក់ផ្អើលបំផុតនៅ World Cup ឆ្នាំនេះ

តំបន់អឺរ៉ុបនៅតែរងការគំរាមកំហែងពីរលកកម្ដៅ ខណៈអាមេរិកក៏ប្រឈមសីតុណ្ហភាពក្ដៅកើនឡើងខ្ពស់ផងដែរ

គ្រូបង្វឹកជប៉ុន៖ ជប៉ុនស្ថិតក្នុងកម្រិតបាល់ទាត់ប្រហាក់ប្រហែលមហាអំណាចបាល់ទាត់ពិភពលោក ទោះបីចាញ់ប្រេស៊ីលចុងម៉ោង

លោក Trump រិះគន់ខ្លាំងៗស្ថានីយលក់រាយប្រេងឥន្ធនៈជុំវិញការលក់ក្នុងតម្លៃខ្ពស់

ក្រសួងការងារបើកកិច្ចប្រជុំត្រួតពិនិត្យវឌ្ឍនភាពការងារ និងលើកទិសដៅអនុវត្តបន្តរបស់គណៈកម្មាធិការជាតិប្រឆាំងពលកម្មកុមារ

ប្រមុខការទូតកម្ពុជា ជួបពិភាក្សាទ្វេភាគីជាមួយរដ្ឋមន្ត្រីទទួលបន្ទុកទំនាក់ទំនងអន្តរជាតិ និងហ្រ្វង់កូហ្វូនីនៃរដ្ឋកេបិច នៅទីក្រុងប៉ារីស

នាយទាហានវ័យក្មេងកម្ពុជា៦នាក់ទៀតបានបញ្ចប់ការសិក្សាថ្នាក់អនុបណ្ឌិតយោធាពីបណ្ឌិត្យសភាយោធារុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត អញ្ជើញអភិសេករូបសំណាក “ព្រះថោងនាងនាគ” នៅខេត្តព្រះសីហនុ

ប្រធានាធិបតីប៉ូឡូញ តំបន់បាល់ទិក និងលោក Zelenskyy ធ្វើទស្សនកិច្ចនៅទីក្រុងគីវ

សម្ដេចតេជោ ហ៊ុន សែន៖ អបអរសាទរ និងជូនពរថ្ងៃចូលឆ្នាំប្រពៃណីជាតិខ្មែរ ២០២២

វ៉ាក់សាំងជាជំនួយរបស់ឥណ្ឌាចំនួនជាង ១២ម៉ឺនដូសបន្ថែមទៀតបានដឹកមកដល់កម្ពុជានាព្រឹកនេះ

សហរដ្ឋអាមេរិកអនុម័តជំនួយយោធា ៨០០លានដុល្លារដល់អ៊ុយក្រែន

លោក Zelenskyy និងលោក Biden ពិភាក្សាពីការផ្គត់ផ្គង់អាវុធរបស់អាមេរិកដល់អ៊ុយក្រែន

លោក Putin និយាយថា យុទ្ធនាការរបស់រុស្ស៊ីនៅអ៊ុយក្រែនកំពុងធ្វើឡើងតាមផែនការ

UN និយាយថា ប្រជាជនជាង ៧លាននាក់បានផ្លាស់ទីលំនៅក្នុងប្រទេសអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធានាធិបតី​ប៉ូឡូញ តំបន់​បាល់​ទិក និង​លោក Zelenskyy ធ្វើ​ទស្សនកិច្ច​នៅ​ទីក្រុង​គី​វ​

សម្ដេចតេជោ ហ៊ុន​ សែន៖ អបអរសាទរ និងជូនពរថ្ងៃចូលឆ្នាំប្រពៃណីជាតិខ្មែរ ២០២២

វ៉ាក់សាំង​ជា​ជំនួយ​របស់​ឥណ្ឌា​ចំនួន​ជាង ​១២​ម៉ឺន​ដូ​ស​បន្ថែម​ទៀត​បាន​ដឹក​មកដល់​កម្ពុជា​នា​ព្រឹក​នេះ​

សហរដ្ឋអាមេរិក​អនុម័ត​ជំនួយ​យោធា ៨០០​លាន​ដុល្លារ​ដល់​អ៊ុយ​ក្រែ​ន​

លោក Zelenskyy និង​លោក Biden ពិភាក្សា​ពី​ការ​ផ្គត់ផ្គង់​អាវុធ​របស់​អាមេរិក​ដល់​អ៊ុយ​ក្រែ​ន

លោក Putin និយាយ​ថា យុទ្ធនាការ​របស់​រុស្ស៊ី​នៅ​អ៊ុយ​ក្រែ​ន​កំពុង​ធ្វើឡើង​តាម​ផែនការ​

UN និយាយ​ថា ប្រជាជន​ជាង ៧​លាន​នាក់​បាន​ផ្លាស់​ទីលំនៅ​ក្នុង​ប្រទេស​អ៊ុយ​ក្រែ​ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានាធិបតីប៉ូឡូញ តំបន់បាល់ទិក និងលោក Zelenskyy ធ្វើទស្សនកិច្ចនៅទីក្រុងគីវ

សម្ដេចតេជោ ហ៊ុន សែន៖ អបអរសាទរ និងជូនពរថ្ងៃចូលឆ្នាំប្រពៃណីជាតិខ្មែរ ២០២២

វ៉ាក់សាំងជាជំនួយរបស់ឥណ្ឌាចំនួនជាង ១២ម៉ឺនដូសបន្ថែមទៀតបានដឹកមកដល់កម្ពុជានាព្រឹកនេះ

សហរដ្ឋអាមេរិកអនុម័តជំនួយយោធា ៨០០លានដុល្លារដល់អ៊ុយក្រែន

លោក Zelenskyy និងលោក Biden ពិភាក្សាពីការផ្គត់ផ្គង់អាវុធរបស់អាមេរិកដល់អ៊ុយក្រែន

លោក Putin និយាយថា យុទ្ធនាការរបស់រុស្ស៊ីនៅអ៊ុយក្រែនកំពុងធ្វើឡើងតាមផែនការ

UN និយាយថា ប្រជាជនជាង ៧លាននាក់បានផ្លាស់ទីលំនៅក្នុងប្រទេសអ៊ុយក្រែន