BTV NEWS

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

ព័ត៌មានសំខាន់ៗ

សម្ព័ន្ធណាតូខ្វែងគំនិតគ្នាជុំវិញគោលនយោបាយចំពោះក្រុង Moscow ខណៈជម្លោះនៅអ៊ុយក្រែនកំពុងបន្ត

ណាតូ៖ សារព័ត៌មាន New York Times បានរាយការណ៍នៅសប្ដាហ៍នេះ ដោយសំអាងប្រភពពីក្រុមមន្ត្រីលោកខាងលិចថា ខណៈក្រុមរដ្ឋមន្ត្រីការបរទេសសម្ព័ន្ធណាតូជួបគ្នានៅសប្ដាហ៍នេះ ដើម្បីសម្រេចថា តើត្រូវផ្ដល់ការគាំទ្របន្ថែមទៀតបែបណាដល់អ៊ុយក្រែនក្នុងជម្លោះជាមួយរុស្ស៊ី សមាជិកទាំងអស់របស់ប្លុកយោធាដឹកនាំដោយសហរដ្ឋអាមេរិក កំពុងខ្វែងគំនិតគ្នាជុំវិញយុទ្ធសាស្ត្រឆ្លើយតបលើក្រុង Moscow។យោងតាមសារព័ត៌មានដដែលនេះប្រទេសប៉ូឡូញ និងរដ្ឋបាល់ទិកជាច្រើនបានតស៊ូមតិ សម្រាប់ការកាត់ផ្ដាច់ទំនាក់ទំនងទាំងស្រុងជាមួយទីក្រុង Moscow ក្នុងគោលបំណង "ធ្វើឱ្យរុស្ស៊ីលុតជង្គង់"។ ទន្ទឹមនឹងនោះប្រទេសមួយចំនួនដូចជាអាល្លឺម៉ង់ បារាំង និងទួរគីត្រូវគេរាយការណ៍បានប្រកែកថា រុស្ស៊ីមិនអាចបង្ខិតបង្ខំឱ្យបោះជំហានចូលទៅក្នុងសន្តិភាពបានទេ។ ដូច្នេះមានសេចក្ដីរាយការណ៍ថា ប្រទេសទាំងនោះចង់បន្តការសន្ទនាជាមួយប្រធានាធិបតីរុស្ស៊ី។បើយោងតាមការចេញផ្សាយនោះ រឿងមួយដែលរដ្ឋណាតូទាំងអស់យល់ស្របគឺថា ជម្លោះអ៊ុយក្រែនបានឈានចូលដំណាក់កាលមិនច្បាស់លាស់ ហើយទំនងជាមិនអាចដោះស្រាយបានក្នុងពេលដ៏ខ្លីខាងមុខនេះទេ។ អគ្គលេខាធិការអង្គការ NATO លោក Jens Stoltenberg បានអះអាងថា កងទ័ពរុស្ស៊ីកំពុងប្រមូលផ្តុំគ្នាឡើងវិញ ដើម្បីបើកការវាយប្រហារទ្រង់ទ្រាយធំថ្មីមួយទៀត៕អត្ថបទ៖ សុខមាន

របាយការណ៍បញ្ជាក់ថា កងកម្លាំងអ៊ុយក្រែនបានបាញ់សម្លាប់ទាហានរុស្ស៊ីដែលត្រូវបានចាប់ខ្លួន

អ៊ុយក្រែន៖ វីដេអូមួយបង្ហោះនៅលើបណ្ដាញផ្សព្វផ្សាយសង្គម និងបានផ្ទៀងផ្ទាត់ដោយសារព័ត៌មាន New York Times ទំនងជាបង្ហាញពីទាហានកំពុងប្រយុទ្ធក្រោមស្លាកសញ្ញាសម្គាល់របស់អ៊ុយក្រែន ជាអ្វីដែលទំនងត្រូវគេជឿថា ទាហានរុស្ស៊ីត្រូវបានចាប់ខ្លួននៅខាងក្រៅភូមិមួយនៅភាគខាងលិចរដ្ឋធានី Kyiv របស់ប្រទេសអ៊ុយក្រែន។សារព័ត៌មានខាងលើបានរាយការណ៍កាលពីថ្ងៃពុធថា នៅក្នុងឃ្លីបវីដេអូដែលបានបង្ហោះកាលពីថ្ងៃចន្ទ គេបានមើលឃើញទាហានរុស្ស៊ីដែលពាក់អាវក្រៅ ត្រូវបានទាញអាវគ្របក្បាលរបស់គេទំនងជាត្រូវរបួស ប៉ុន្តែនៅដកដង្ហើមបាន។ គេនៅមានជីវិតនៅឡើយ។ ចូរថតអ្នកតាមប្រមាញ់ទាំងនេះ។ មើលចុះគេនៅមានជីវិតនៅឡើយ។ គេកំពុងស្រែក នេះជាសំឡេងចុងក្រោយរបស់បុរសនោះ។ បន្ទាប់មកទាហានម្នាក់បានបាញ់បុរសម្នាក់នោះចំនួន ២គ្រាប់។ គេបានបាញ់គ្រាប់ទី៣ លើបុរសនោះបន្ទាប់ពីរើមិនឈប់។ ក្រោយមកបុរសដែលបានរងរបួសនោះក៏នៅស្ងៀម។ទាហានចំនួន ៣នាក់ផ្សេងទៀតដែលត្រូវគេគិតថាជាទាហានរុស្ស៊ី អាចត្រូវគេមើលឃើញស្លាប់ក្បែរគ្នា ក្នុងនោះចំណោមនោះម្នាក់មានរបួសចំក្បាល ហើយដៃរបស់គេត្រូវបានចងស្លាបសេកទៅក្រោយ។ សារព័ត៌មាន New York Times ដដែលនេះបានរាយការណ៍ថា ទាហានអ៊ុយក្រែនត្រូវគេស្គាល់ដោយសារសញ្ញាទង់ជាតិ និងខ្សែដងដៃពណ៌ខៀវ។ គេបានលឺទាហានទាំងនោះស្រែកថា ជ័យយោអ៊ុយក្រែនៗជាច្រើនដង៕អត្ថបទ៖ សុខមាន

សហរដ្ឋអាមេរិក និងអឺរ៉ុបវាយប្រហាររុស្ស៊ីដោយទណ្ឌកម្មសម្រាប់ឧក្រិដ្ឋកម្មសង្គ្រាម

សហរដ្ឋអាមេរិក៖ សហរដ្ឋអាមេរិកបានដាក់ចេញជាបន្តបន្ទាប់ទណ្ឌកម្មហិរញ្ញវត្ថុកាលពីថ្ងៃពុធ លើប្រទេសរុស្ស៊ីដែលប្រធានាធិបតីលោក Joe Biden បាននិយាយថា នឹងដាក់ទណ្ឌកម្មយូរអង្វែងលើសេដ្ឋកិច្ចរបស់ប្រទេសនេះ។ ចក្រភពអង់គ្លេសបានធ្វើតាមយ៉ាងឆាប់រហ័ស ហើយក៏មានការខឹងសម្បារកាន់តែខ្លាំងឡើងពីសហភាពអឺរ៉ុប ខណៈសម្ព័ន្ធមិត្តបានជំរុញឆ្ពោះទៅរកយុទ្ធនាការកាន់តែធំ ដើម្បីរឹតត្បិតសេដ្ឋកិច្ចលើប្រធានាធិបតីរុស្ស៊ីលោក Vladimir Putin សម្រាប់ឧក្រិដ្ឋកម្មសង្គ្រាមនៅអ៊ុយក្រែន។ ខណៈទណ្ឌកម្មជាច្រើនដងត្រូវបានបង្កើនឡើង មិនបានបង្ខំឲ្យលោក Putin ចាកចេញពីសង្គ្រាមនោះទេ ទណ្ឌកម្មបានធ្វើឱ្យរុស្ស៊ីស្ថិតក្នុងស្ថានភាពសេដ្ឋកិច្ចកាន់តែអស់សង្ឃឹម ខណៈកងកម្លាំងអ៊ុយក្រែនតស៊ូទប់ទល់ការបាញ់ផ្លោងពីរុស្ស៊ីបន្ថែមទៀត។ គន្លឹះនៃប្រសិទ្ធភាពទណ្ឌកម្មគឺការរួបរួមគ្នារវាងសហរដ្ឋអាមេរិក និងប្រជាជាតិអឺរ៉ុប។សំណើរបស់គណៈកម្មការអឺរ៉ុបលើបម្រាមនាំចូលធ្យូងថ្ម នឹងជាការដាក់ទណ្ឌកម្មដំបូងរបស់សហភាពអឺរ៉ុប ដែលមានគោលដៅលើឧស្សាហកម្មថាមពលរកប្រាក់ចំណូលបានច្រើន សម្រាប់ប្រទេសរុស្ស៊ីក្នុងការធ្វើសង្គ្រាមរបស់ខ្លួននៅអ៊ុយក្រែន។ ប្រធានគណៈកម្មការអឺរ៉ុបលោកស្រី Ursula von der Leyen បាននិយាយថា បម្រាមលើធ្យូងថ្មមានតម្លៃ ៤ពាន់លានអឺរ៉ូ ឬ ៤.៤ពាន់លានដុល្លារក្នុងមួយឆ្នាំ ហើយសហភាពអឺរ៉ុបបានចាប់ផ្តើមដាក់ទណ្ឌកម្មបន្ថែមរួចហើយ រួមទាំងការនាំចូលប្រេងពីប្រទេសរុស្ស៊ី៕អត្ថបទ៖ ប៊ុនថន

លោកឧត្តមសេនីយ៍ឯក ហ៊ុន ម៉ាណែត បិទវគ្គហ្វឹកហ្វឺនបំប៉នជំនាញភស្តុភារ, យន្តយុទ្ធថ្នាក់កងវរសេនាតូច កងអនុសេនាធំ និងបណ្តុះបណ្តាលជំនាញបើកបររថយន្តធុនធ្ងន់យោធភូមិភាគទី៥

បាត់ដំបង៖ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពល ខេមរភូមិន្ទ មេបញ្ជាការកងទ័ពជើងគោក នៅព្រឹកថ្ងៃតទី០៨ ខែមេសា ឆ្នាំ២០២២នេះ បានអញ្ជើញបិទវគ្គហ្វឹកហ្វឺនបំប៉នជំនាញភស្តុភារ, យន្តយុទ្ធថ្នាក់កងវរសេនាតូច កងអនុសេនាធំ និងបណ្តុះបណ្តាលជំនាញបើកបររថយន្តធុនធ្ងន់ របស់យោធភូមិភាគទី៥ ខេត្តបាត់ដំបង។លោកមេបញ្ជាការកងទ័ពជើងគោកសូមអបអរសាទរចំពោះលទ្ធផលនៃវគ្គហ្វឹកហ្វឺន បំប៉នជំនាញភស្តុភារ, យន្តយុទ្ធថ្នាក់កងវរសេនាតូច-កងអនុ សេនាធំ និងបណ្តុះបណ្តាលជំនាញបើកបររថយន្តធុនធ្ងន់នេះ ដែលបានដំណើរការអស់រយៈពេលជាច្រើនខែមក។ វគ្គហ្វឹក ហ្វឺនទាំងនេះ ពិតជាបានឆ្លើយតបចំពោះសេចក្តីត្រូវការ ផ្ទាល់របស់យោធភូមិភាគទី៥ ក្នុងការពង្រឹង និងពង្រីកសមត្ថភាពជំនាញរបស់យោធិន ដើម្បីធានាបាននូវនិរន្តរភាពនៃការអនុវត្តភារកិច្ចលើការងារធានាឱ្យការត្រៀមប្រយុទ្ធ បម្រើប្រយុទ្ធ និងប្រយុទ្ធ ក៏ដូចជាសកម្មភាពការងារប្រចាំថ្ងៃ និងភារកិច្ចផ្សេងៗទៀតរបស់កងឯកភាព ដូចជាប្រតិបត្តិការសង្គ្រោះគ្រោះមហន្តរាយ ជាដើម និងសូមកោតសរសើរចំពោះសិក្ខាកាមទាំងអស់ ដែលបានខិតខំប្រឹងប្រែងយកចិត្តទុកដាក់ត្រងត្រាប់រៀនសូត្រ រហូតទទួលបានជោគជ័យបញ្ចប់វគ្គក្នុងពេលនេះ។ជោគជ័យនេះ កើតចេញពីការពុះពារជម្នះនូវឧបសគ្គ និងការលំបាកគ្រប់បែបយ៉ាង ដែលនេះហើយ គឺជាមោទនភាពសម្រាប់សិក្ខាកាមបញ្ចប់វគ្គគ្រប់ៗរូប ហើយខ្ញុំក៏សង្ឃឹមយ៉ាងមុតមាំថា សិក្ខាកាមទាំង អស់នឹងប្រើប្រាស់ជំនាញ ចំណេះ ដឹង និង បទពិសោធន៍ទទួលបានពីវគ្គ ហ្វឹកហ្វឺននេះ សម្រាប់យកទៅអនុវត្ត បំពេញរាល់ ភារកិច្ច នៅតាម បណ្តាកងឯកភាពឱ្យទទួលបានជោគជ័យ និងកាន់តែមានប្រសិទ្ធភាពខ្ពស់ ក៏ដូចជាសម្រាប់កសាង និងអភិវឌ្ឍខ្លួនឱ្យមានសមត្ថភាពគ្រប់គ្រាន់ ដើម្បី ទទួល រ៉ាប់រង រា ល់ភារកិច្ចរបស់ អង្គភាព នាពេលចំពោះមុខ និងតទៅអនាគត។លោកឧត្តមសេនីយ៍ ហ៊ុន ម៉ាណែត សូមថ្លែងអំណរគុណចំពោះគណៈកម្មការហ្វឹកហ្វឺនបំប៉នជំនាញ, ក្រុមការងារ កសាង ឯកសារភស្តុភារ និងក្រុមគ្រូឧទ្ទេស, គណៈគ្រប់គ្រងវគ្គ និងយោធភូមិ ភាគទី៥ ព្រមទាំងបណ្តាស្ថាប័ន-កងឯកភាពពាក់ព័ន្ធ ដែលបានយកចិត្តទុកដាក់បង្កលក្ខណៈ និងរៀបចំដំណើរ ការវគ្គហ្វឹកហ្វឺន ទាំងនេះប្រកប ដោយ ស្មារតី ទទួលខុសត្រូវខ្ពស់ និងបានសហការយ៉ាងល្អ រហូតសម្រេច បានលទ្ធផលការងារតាមផែនការកំណត់ ទោះបីជាមានបញ្ហាប្រឈមមួយចំនួនដោយសារការរាតត្បាតនៃជំងឺកូវីដ-១៩ក៏ដោយ។លោកបញ្ជាក់ថា ចំពោះមុខនេះភារកិច្ចរបស់កងទ័ពក្នុងការថែរក្សាបរិយាកាសសន្តិភាព ស្ថិរភាព សណ្តាប់ធ្នាប់សាធារណៈ និងសន្តិសុខជាតិ ក៏កាន់តែឈានមកដល់ដំណាក់ កាលកាន់តែស្រួចស្រាល់ក្នុងឆ្នាំ២០២២នេះ ដែលជាឆ្នាំដ៏សំខាន់ពោរពេញដោយភារកិច្ចយ៉ាងមមាញឹក ពីព្រោះទន្ទឹមនឹងការណ៍ដែលកម្ពុជាត្រូវបំពេញភារកិច្ចក្នុងនាមជាប្រធានអាស៊ានឆ្នាំ២០២២ គឺកម្ពុជាក៏ត្រូវរៀបចំការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ជាមួយនឹងការធានាថា ដំណើរការប្រជាធិបតេយ្យនៅមូលដ្ឋានដ៏សំខាន់មួយនេះ អាចប្រព្រឹត្តទៅបានក្នុងបរិយាកាសសន្តិភាព និងស្ថិរភាព ដូចដែលបានដំណើរការយ៉ាងទៀងទាត់រួចមកហើយ រាប់ចាត់តាំងពីអាណត្តិទី១ ក្នុងឆ្នាំ២០០២ មក។ ដូច្នេះ សូមបន្ត ប្រុង ប្រៀប ត្រៀម លក្ខណៈធានា អនុវត្ត យ៉ាង ម៉ឺងម៉ាត់នូវបទបញ្ជារបស់រាជរដ្ឋាភិបាល ក្រសួងការពារជាតិ អគ្គបញ្ជាការដ្ឋាន និងបញ្ជាការដ្ឋានកងទ័ពជើងគោក ដែលបានដាក់ចេញ៕

ចិនអំពាវនាវឲ្យស៊ើបអង្កេតការសម្លាប់រង្គាលនៅទីក្រុង Bucha ជាជាងការទម្លាក់កំហុសដាក់គ្នា

ចិន៖ កាលពីថ្ងៃពុធប្រទេសចិនបាននិយាយថា រូបភាពនៃការស្លាប់ជនស៊ីវិលក្នុងទីក្រុង Bucha របស់ប្រទេសអ៊ុយក្រែនកំពុងរំខានយ៉ាងខ្លាំង ប៉ុន្តែមិនគួរទម្លាក់កំហុសឲ្យគ្នាឡើយរហូតរកឃើញការពិត។ការលេចចេញភស្តុតាងនៃអ្វីដែលបង្ហាញការសម្លាប់រង្គាលលើជនស៊ីវិល ក្រោយរុស្ស៊ីដកកងទ័ពចេញពីតំបន់រដ្ឋធានី Kyiv អាចបង្កភាពស្មុគស្មាញដល់ការប្រឹងប្រែងរបស់ក្រុងប៉េកាំង ក្នុងការដឹកនាំគំនិតជាសាធារណៈជុំវិញជម្លោះដែលចិនមិនព្រមរិះគន់ក្រុងមូស្គូ។ អ្នកនាំពាក្យក្រសួងការបរទេសចិនលោក Zhao Lijian បានប្រាប់ក្រុមអ្នកសារព័ត៌មាននៅសន្និសីទសារព័ត៌មានប្រចាំថ្ងៃថា ប្រទេសចិនគាំទ្រការផ្ដួចផ្ដើម និងវិធានការទាំងឡាយជួយកាត់បន្ថយវិបត្តិមនុស្សធម៌ក្នុងប្រទេសនេះ និងត្រៀមបន្តធ្វើការរួមគ្នាជាមួយសហគមន៍អន្តរជាតិ ដើម្បីទប់ស្កាត់ការប៉ះពាល់ទាំងឡាយដល់ជនស៊ីវិល។លោក Zhao បាននិយាយថា ការពិត និងមូលហេតុនាំឲ្យមានឧបទ្ទវហេតុកើតឡើងត្រូវតែផ្ទៀងផ្ទាត់។ គ្រប់ភាគីទាំងអស់គួរតែរក្សាការអត់ធ្មត់ និងចៀសវាងការចោទប្រកាន់ទម្លាក់កំហុសឲ្យគ្នាទៅវិញទៅមក មុនការសន្និដ្ឋាននៃការស៊ើបអង្កេតត្រូវបានកំណត់៕អត្ថបទ៖ សុខមាន

មន្ទីរបញ្ចកោណនិយាយថា រុស្ស៊ីបានដកកងកម្លាំងទាំងស្រុងចេញពីរដ្ឋធានី Kyiv និងទីក្រុង Chernihiv

សហរដ្ឋអាមេរិក៖ មន្ទីរបញ្ចកោណបាននិយាយកាលពីថ្ងៃពុធថា កងកម្លាំងរុស្ស៊ីបានដកខ្លួនចេញទាំងស្រុងពីរដ្ឋធានី Kyiv របស់អ៊ុយក្រែន និងទីក្រុង Chernihiv ទៅភាគខាងជើងរបស់ខ្លួន ខណៈទីក្រុងមូស្គូត្រៀមប្រមូលផ្ដុំកងកម្លាំងវាយលុករបស់ខ្លួននៅភាគខាងកើតប្រទេស។មន្ត្រីការពារជាតិជាន់ខ្ពស់មួយរូបរបស់សហរដ្ឋអាមេរិក បាននិយាយដោយសុំមិនបញ្ចេញឈ្មោះក្រោមលក្ខខណ្ឌកំណត់ដោយមន្ទីរបញ្ចកោណថា យើងកំពុងវាយតម្លៃថា ជនជាតិរុស្ស៊ីទាំងអស់បានចាកចេញ។ ការចាកចេញរបស់ពួកគេទាំងស្រុងត្រូវបានបញ្ជាក់ត្រឹមតែក្នុងរយៈពេល ២៤ម៉ោងចុងក្រោយប៉ុណ្ណោះ ដោយព្រមានថា កងកម្លាំងរុស្ស៊ីប្រហែលជាបានបន្សល់ទុកគ្រាប់មីនដែលត្រូវការសម្អាតជាចាំបាច់។ មន្ត្រីចារកម្មអាមេរិក និងអឺរ៉ុបបានតាមដានអស់ជាច្រើនថ្ងៃមកហើយថា រុស្ស៊ីកំពុងស្ថិតក្នុងការកំណត់ទិសដៅឡើងវិញ បន្ទាប់ពីបានជួបប្រទះនឹងការតស៊ូដ៏ខ្លាំងក្លា និងទទួលរងនូវការបាត់បង់ជីវិតរាប់ពាន់នាក់នៅភាគខាងជើងអ៊ុយក្រែន។ទីក្រុងមូស្គូទទួលបានការគាំទ្រកាន់តែខ្លាំងនៅភាគខាងកើត ដែលកងកម្លាំងអ៊ុយក្រែន និងក្រុមបំបែកខ្លួនគាំទ្រដោយរុស្ស៊ី ត្រូវបានជាប់គាំងនៅក្នុងជម្លោះដ៏ចម្រូងចម្រាសអស់រយៈពេលជាច្រើនឆ្នាំ។ មន្ត្រីការពារជាតិជាន់ខ្ពស់បាននិយាយកាលពីថ្ងៃពុធថា ខណៈការដកទ័ពរបស់រុស្ស៊ីចេញពីតំបន់រដ្ឋធានីរបស់អ៊ុយក្រែន ហាក់ដូចជាពេញលេញដោយមានអង្គភាពជាច្រើនបានដកថយតាមប្រទេសបេឡារុស មន្ទីរបញ្ចកោណមិនទាន់ឃើញកងទ័ពទាំងនោះវិលត្រឡប់មកភាគខាងកើតអ៊ុយក្រែនវិញទេ៕អត្ថបទ៖ សុខមាន

វិបត្តិសេដ្ឋកិច្ចនៅស្រីលង្កា អង្គការសហប្រជាជាតិនិយាយថា ប្រើហិង្សាហួសហេតុ

ជាច្រើនខែមកនេះ ប្រជាជនស្រីលង្កាបានស៊ូទ្រាំក្នុងជួរដ៏វែងដើម្បីទិញប្រេងឥន្ធនៈ ឧស្ម័នចម្អិនអាហារ ស្បៀងអាហារ និងថ្នាំពេទ្យដែលភាគច្រើននាំមកពីបរទេស។ និយាយទៅកាន់អ្នកសារព័ត៌មាននៅទីក្រុងហ្សឺណែវកាលពីថ្ងៃអង្គារ អ្នកនាំពាក្យការិយាល័យសិទ្ធិមនុស្សរបស់អង្គការសហប្រជាជាតិ (OHCHR) លោកស្រី Liz Throssell បានលើកឡើងអំពីរបាយការណ៍អំពើហិង្សាហួសហេតុ និងគ្មានដំណោះស្រាយរបស់នគរបាលមកលើក្រុមអ្នកតវ៉ា និងបាននិយាយថា រដ្ឋាភិបាលមិនគួរប្រើអំណាចរដ្ឋក្នុងគ្រាអាសន្នដែលបានប្រកាសរបស់ខ្លួន ដើម្បីបង្ក្រាបការតវ៉ានោះទេ។

មេដឹកនាំអ៊ុយក្រែនថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិដោយអំពាវនាវឱ្យមានកំណែទម្រង់

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃអង្គារបានជំរុញឱ្យមានកំណែទម្រង់នៃក្រុមប្រឹក្សាសន្តិសុខអង្គការសហប្រជាជាតិ (UNSC) ដោយចោទប្រកាន់ថា ក្រុមប្រឹក្សាមិនបានចាត់វិធានការណាមួយដើម្បីបញ្ចប់ការវាយលុករបស់រុស្ស៊ី និងស្ដារសន្តិភាពនៅក្នុងប្រទេសរបស់លោក។មេដឹកនាំអ៊ុយក្រែនបានធ្វើការអង្វរតាមរយៈវីដេអូ ខណៈភស្តុតាងដ៏សោកសង្រេងបានបន្តបង្ហាញការសម្លាប់រង្គាលជនស៊ីវិល ធ្វើឡើងដោយកងកម្លាំងរុស្ស៊ីនៅជាយក្រុងគីវ មុនពេលពួកគេដកកងទ័ពចេញពីរដ្ឋធានី។ លោក Zelenskyy បានអំពាវនាវដល់ក្រុមប្រឹក្សាសន្តិសុខឱ្យដកប្រទេសរុស្ស៊ីចេញ ខណៈប្រទេសនេះជាអ្នកឈ្លានពាន និងជាប្រភពនៃសង្គ្រាម ហើយបន្ទាប់មកធ្វើអ្វីគ្រប់យ៉ាងដែលយើងអាចធ្វើបានដើម្បីបង្កើតសន្តិភាព។ រុស្ស៊ីមានសិទ្ធិវេតូនៅក្នុងក្រុមប្រឹក្សាសន្តិសុខ ប៉ុន្តែមេដឹកនាំអ៊ុយក្រែនបាននិយាយថា រដ្ឋមួយមិនអាចត្រូវបានអនុញ្ញាតឱ្យប្រែក្លាយសិទ្ធិវេតូនៅក្នុងក្រុមប្រឹក្សាសន្តិសុខអង្គការសហប្រជាជាតិ ទៅជាសិទ្ធិរកយុត្តិធម៌សម្រាប់អ្នកស្លាប់បានទេ។អត្ថបទ៖ ប៊ុនថន

ចិនជំរុញឲ្យចៀសវាងការយកបញ្ហាមនុស្សធម៌ធ្វើជារឿងនយោបាយនៅក្នុងប្រទេសអ៊ុយក្រែន

ចិន៖ តំណាងអចិន្ត្រៃយ៍របស់ប្រទេសចិនប្រចាំនៅអង្គការសហប្រជាជាតិលោក Zhang Jun បានប្រាប់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃអង្គារថា ប្រទេសចិនជំរុញឲ្យគោរពតាម ឬធ្វើតាមច្បាប់មនុស្សធម៌អន្តរជាតិនៅអ៊ុយក្រែន និងដើម្បីបញ្ចៀសការយកបញ្ហាទាំងនោះធ្វើជារឿងនយោបាយ។លោកថា យើងបានអំពាវនាវដល់គ្រប់ភាគីពាក់ព័ន្ធទាំងអស់ ឲ្យអនុវត្តន៍តាមច្បាប់មនុស្សធម៌អន្តរជាតិ ការពារសុវត្ថិភាពជនស៊ីវិល និងលំនៅឋានជនស៊ីវិល កុំឲ្យមានជនស៊ីវិលស្លាប់ ធានាសុវត្ថិភាព និងដំណើរការល្អលើច្រករបៀងមនុស្សធម៌សម្រាប់ការជម្លៀសមនុស្ស និងជំនួយមនុស្សធម៌ និងការធានាសិទ្ធិជាមូលដ្ឋានដល់ស្ត្រី កុមារ អ្នករងរបួស និងក្រុមអ្នកប្រយុទ្ធដែលត្រូវបានឃុំខ្លួន។ ប្រេសិតពិសេសរបស់ចិនរូបនេះនិយាយថា បញ្ហាមនុស្សធម៌គួរតែកុំយកទៅឡូកឡំបង្កើតជាបញ្ហានយោបាយ។ លោក Zhang Jun បានប្រាប់ថា សហរដ្ឋអាមេរិក សម្ព័ន្ធណាតូ និងសហភាពអឺរ៉ុបគួរតែចូលរួមក្នុងការសន្ទនាឲ្យបានទូលំទូលាយជាមួយរុស្ស៊ី ដើម្បីដោះស្រាយភាពខ្វែងគំនិតគ្នា៕អត្ថបទ៖ សុខមាន

លោក Zelenskyy អំពាវនាវឲ្យលោកខាងលិចដាក់ទណ្ឌកម្មបន្ថែមទៀតលើរុស្ស៊ី

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy កាលពីថ្ងៃអង្គារបានអំពាវនាវដល់បណ្ដាប្រទេសលោកខាងលិច ដាក់ទណ្ឌកម្មបន្ថែមទៀតលើប្រទេសរុស្ស៊ី បន្ទាប់ពីមានភស្តុតាងគួរឲ្យរន្ធត់ចិត្តកាន់តែច្រើននៃការសម្លាប់រង្គាលលើជនស៊ីវិល នៅក្នុងតំបន់មួយចំនួនដែលកងកម្លាំងរុស្ស៊ីទើបតែបានចាកចេញទៅថ្មីៗ។កាលពីប៉ុន្មានថ្ងៃកន្លងទៅនេះ រូបភាពជាអ្វីដែលទំនងជាការសម្លាប់ដោយចេតនាលើជនស៊ីវិល ប្រព្រឹត្តដោយកងកម្លាំងរុស្ស៊ីនៅក្នុងទីក្រុង Bucha និងទីប្រជុំជនផ្សេងទៀត មុនពេលពួកគេដកចេញពីតំបន់ជាយរដ្ឋធានី Kyiv បានបណ្ដាលឲ្យមានការតវ៉ាទូទាំងពិភពលោក និងនាំឲ្យបណ្ដាប្រទេសលោកខាងលិចបណ្ដេញក្រុមអ្នកការទូតរុស្ស៊ីកាន់តែច្រើន និងស្នើឲ្យបន្ថែមទណ្ឌកម្មរួមទាំងបម្រាមលើការនាំចូលធ្យូងថ្មពីរុស្ស៊ី។លោក Zelenskyy និយាយថា បន្ទាប់ពីពិភពលោកបានមើលឃើញរូបភាពដ៏សោកសង្រេងក្នុងទីក្រុង Bucha ទណ្ឌកម្មលើរុស្ស៊ីត្រូវតែស័ក្ដិសមនឹងទំហំនៃឧក្រិដ្ឋកម្មសង្គ្រាម ប្រព្រឹត្តដោយក្រុមអ្នកកាន់កាប់ក្នុងតំបន់ទាំងនោះ។ លោកក៏បានសង្កត់ធ្ងន់ផងដែរថា ទោះបីជាសង្គ្រាមចប់ក៏ដោយ ក៏មិនត្រូវអនុញ្ញាតឲ្យរុស្ស៊ីត្រឡប់ទៅធ្វើពាណិជ្ជកម្មដូចធម្មតាវិញឡើយ ហើយថាបណ្ដាមេដឹកនាំលោកខាងលិចដែលព្យាយាមរារាំង នឹងត្រូវទទួលការពិន័យខាងនយោបាយ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

រដូវកាលបាល់ទាត់ពិភពលោក, សម្ដេចតេជោអំពាវនាវដល់អ្នកបើកបរយានយន្តគ្រប់ប្រភេទត្រូវប្រុងប្រយ័ត្នពេលបើកបរ! បើងងុយកុំបើកបរនាំគ្រោះថ្នាក់!

អ៊ីរ៉ង់ មានការព្រួយបារម្ភច្រើន ជុំវិញការអនុវត្តអនុស្សរណៈនៃការយោគយល់របស់សហរដ្ឋអាមេរិក

ក្រុមប្រឹក្សាសន្តិសុខUN បន្ថែមទណ្ឌកម្មលើរបបសាធារណរដ្ឋប្រជាធិបតេយ្យកុងហ្គោ

ចរាចរណ៍នៅច្រកសមុទ្រ Hormuz នៅតែបន្តក្នុងពេលមានការគំរាមកំហែងសន្តិសុខ

បណ្តាប្រទេសនៅមជ្ឈិមបូព៌ា ថ្កោលទោសការឈ្លានពានរបស់អ៊ីស្រាអែលនៅភាគខាងត្បូងប្រទេសស៊ីរី

សហរដ្ឋអាមេរិក និងអ៊ីរ៉ង់ បញ្ជូនសញ្ញាដ៏ច្របូកច្របល់អំពីការចរចានៅទីក្រុងដូហា ប្រទេសកាតា

ក្រសួងការងារបន្តអំពាវនាវអតីតពលករត្រឡប់មកពីថៃ ងាកមកធ្វើការក្នុងស្រុក ខណៈរោងចក្រ សហគ្រាសមានចំនួនកើនឡើងជាង៦០០

ក្រុមហ៊ុនអាកាសចរណ៍មួយពីឌូបៃ ចាប់អារម្មណ៍ផ្សព្វផ្សាយទេសចរណ៍កម្ពុជា និងពិចារណាភ្ជាប់ជើងហោះហើរមកកម្ពុជា

ម្ចាស់អាជីកម្មកំពុងមានមោទនភាពលើការផលិត និងការលក់ដូរ ក្រោមស្មារតីស្នេហាជាតិកំពុងមានសម្ទុះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ព័ន្ធណាតូខ្វែងគំនិតគ្នាជុំវិញគោលនយោបាយចំពោះក្រុង Moscow ខណៈជម្លោះនៅអ៊ុយក្រែនកំពុងបន្ត

របាយការណ៍បញ្ជាក់ថា កងកម្លាំងអ៊ុយក្រែនបានបាញ់សម្លាប់ទាហានរុស្ស៊ីដែលត្រូវបានចាប់ខ្លួន

សហរដ្ឋអាមេរិក និងអឺរ៉ុបវាយប្រហាររុស្ស៊ីដោយទណ្ឌកម្មសម្រាប់ឧក្រិដ្ឋកម្មសង្គ្រាម

ចិនអំពាវនាវឲ្យស៊ើបអង្កេតការសម្លាប់រង្គាលនៅទីក្រុង Bucha ជាជាងការទម្លាក់កំហុសដាក់គ្នា

មន្ទីរបញ្ចកោណនិយាយថា រុស្ស៊ីបានដកកងកម្លាំងទាំងស្រុងចេញពីរដ្ឋធានី Kyiv និងទីក្រុង Chernihiv

វិបត្តិសេដ្ឋកិច្ចនៅស្រីលង្កា អង្គការសហប្រជាជាតិនិយាយថា ប្រើហិង្សាហួសហេតុ

មេដឹកនាំអ៊ុយក្រែនថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិដោយអំពាវនាវឱ្យមានកំណែទម្រង់

ចិនជំរុញឲ្យចៀសវាងការយកបញ្ហាមនុស្សធម៌ធ្វើជារឿងនយោបាយនៅក្នុងប្រទេសអ៊ុយក្រែន

លោក Zelenskyy អំពាវនាវឲ្យលោកខាងលិចដាក់ទណ្ឌកម្មបន្ថែមទៀតលើរុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ព័ន្ធ​ណា​តូ​ខ្វែងគំនិត​គ្នា​ជុំវិញ​គោលនយោបាយ​ចំពោះ​ក្រុង Moscow ខណៈ​ជម្លោះ​នៅ​អ៊ុយ​ក្រែ​ន​កំពុង​បន្ត​

របាយការណ៍​បញ្ជាក់​ថា កងកម្លាំង​អ៊ុយ​ក្រែ​ន​បាន​បាញ់សម្លាប់​ទាហាន​រុស្ស៊ី​ដែល​ត្រូវ​បាន​ចាប់ខ្លួន​

សហរដ្ឋអាមេរិក និង​អឺរ៉ុប​វាយប្រហារ​រុស្ស៊ី​ដោយ​ទណ្ឌកម្ម​សម្រាប់​ឧក្រិដ្ឋកម្ម​សង្គ្រាម​

ចិន​អំពាវនាវ​ឲ្យ​ស៊ើបអង្កេត​ការ​សម្លាប់​រង្គាល​នៅ​ទីក្រុង Bucha ជាជាង​ការ​ទម្លាក់​កំហុស​ដាក់គ្នា​

មន្ទីរ​បញ្ច​កោណ​និយាយ​ថា ​រុស្ស៊ី​បាន​ដក​កងកម្លាំង​ទាំងស្រុង​ចេញពី​រដ្ឋធានី Kyiv និង​ទីក្រុង Chernihiv

វិបត្តិសេដ្ឋកិច្ចនៅស្រីលង្កា អង្គការសហប្រជាជាតិនិយាយថា ប្រើហិង្សាហួសហេតុ

ចិន​ជំរុញ​ឲ្យ​ចៀសវាង​ការ​យក​បញ្ហា​មនុស្សធម៌​ធ្វើជា​រឿង​នយោបាយ​នៅ​ក្នុង​ប្រទេស​អ៊ុយ​ក្រែ​ន​

លោក Zelenskyy អំពាវនាវ​ឲ្យ​លោក​ខាង​លិច​ដាក់ទណ្ឌកម្ម​បន្ថែម​ទៀត​លើ​រុស្ស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្ព័ន្ធណាតូខ្វែងគំនិតគ្នាជុំវិញគោលនយោបាយចំពោះក្រុង Moscow ខណៈជម្លោះនៅអ៊ុយក្រែនកំពុងបន្ត

របាយការណ៍បញ្ជាក់ថា កងកម្លាំងអ៊ុយក្រែនបានបាញ់សម្លាប់ទាហានរុស្ស៊ីដែលត្រូវបានចាប់ខ្លួន

សហរដ្ឋអាមេរិក និងអឺរ៉ុបវាយប្រហាររុស្ស៊ីដោយទណ្ឌកម្មសម្រាប់ឧក្រិដ្ឋកម្មសង្គ្រាម

ចិនអំពាវនាវឲ្យស៊ើបអង្កេតការសម្លាប់រង្គាលនៅទីក្រុង Bucha ជាជាងការទម្លាក់កំហុសដាក់គ្នា

មន្ទីរបញ្ចកោណនិយាយថា រុស្ស៊ីបានដកកងកម្លាំងទាំងស្រុងចេញពីរដ្ឋធានី Kyiv និងទីក្រុង Chernihiv

ចិនជំរុញឲ្យចៀសវាងការយកបញ្ហាមនុស្សធម៌ធ្វើជារឿងនយោបាយនៅក្នុងប្រទេសអ៊ុយក្រែន

លោក Zelenskyy អំពាវនាវឲ្យលោកខាងលិចដាក់ទណ្ឌកម្មបន្ថែមទៀតលើរុស្ស៊ី