BTV NEWS

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

ព័ត៌មានសំខាន់ៗ

លោក Zelenskyy អំពាវនាវឲ្យលោកខាងលិចដាក់ទណ្ឌកម្មបន្ថែមទៀតលើរុស្ស៊ី

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy កាលពីថ្ងៃអង្គារបានអំពាវនាវដល់បណ្ដាប្រទេសលោកខាងលិច ដាក់ទណ្ឌកម្មបន្ថែមទៀតលើប្រទេសរុស្ស៊ី បន្ទាប់ពីមានភស្តុតាងគួរឲ្យរន្ធត់ចិត្តកាន់តែច្រើននៃការសម្លាប់រង្គាលលើជនស៊ីវិល នៅក្នុងតំបន់មួយចំនួនដែលកងកម្លាំងរុស្ស៊ីទើបតែបានចាកចេញទៅថ្មីៗ។កាលពីប៉ុន្មានថ្ងៃកន្លងទៅនេះ រូបភាពជាអ្វីដែលទំនងជាការសម្លាប់ដោយចេតនាលើជនស៊ីវិល ប្រព្រឹត្តដោយកងកម្លាំងរុស្ស៊ីនៅក្នុងទីក្រុង Bucha និងទីប្រជុំជនផ្សេងទៀត មុនពេលពួកគេដកចេញពីតំបន់ជាយរដ្ឋធានី Kyiv បានបណ្ដាលឲ្យមានការតវ៉ាទូទាំងពិភពលោក និងនាំឲ្យបណ្ដាប្រទេសលោកខាងលិចបណ្ដេញក្រុមអ្នកការទូតរុស្ស៊ីកាន់តែច្រើន និងស្នើឲ្យបន្ថែមទណ្ឌកម្មរួមទាំងបម្រាមលើការនាំចូលធ្យូងថ្មពីរុស្ស៊ី។លោក Zelenskyy និយាយថា បន្ទាប់ពីពិភពលោកបានមើលឃើញរូបភាពដ៏សោកសង្រេងក្នុងទីក្រុង Bucha ទណ្ឌកម្មលើរុស្ស៊ីត្រូវតែស័ក្ដិសមនឹងទំហំនៃឧក្រិដ្ឋកម្មសង្គ្រាម ប្រព្រឹត្តដោយក្រុមអ្នកកាន់កាប់ក្នុងតំបន់ទាំងនោះ។ លោកក៏បានសង្កត់ធ្ងន់ផងដែរថា ទោះបីជាសង្គ្រាមចប់ក៏ដោយ ក៏មិនត្រូវអនុញ្ញាតឲ្យរុស្ស៊ីត្រឡប់ទៅធ្វើពាណិជ្ជកម្មដូចធម្មតាវិញឡើយ ហើយថាបណ្ដាមេដឹកនាំលោកខាងលិចដែលព្យាយាមរារាំង នឹងត្រូវទទួលការពិន័យខាងនយោបាយ៕អត្ថបទ៖ សុខមាន

ប្រមុខការទូតរុស្ស៊ី៖ លោកខាងលិចកំពុងព្យាយាមជាន់ពន្លិចកិច្ចចរចារវាងរុស្ស៊ី និងអ៊ុយក្រែនតាមរយៈការប្រឌិតរឿងឧក្រិដ្ឋកម្មសង្គ្រាម

រុស្ស៊ី៖ កាលពីថ្ងៃអង្គារប្រមុខការទូតរុស្ស៊ីលោក Sergei Lavrov បានចោទប្រកាន់លោកខាងលិចថា កំពុងព្យាយាមជាន់ពន្លិចកិច្ចចរចារវាងរុស្ស៊ី និងអ៊ុយក្រែនតាមរយៈការប្រឌិតឲ្យមានរឿងឧក្រិដ្ឋកម្មសង្គ្រាម ទម្លាក់កំហុសលើកងកម្លាំងរុស្ស៊ី។ រដ្ឋធានី Kyiv និងលោកខាងលិចននិយាយថា ពួកគេមានភស្តុតាងរួមទាំងរូបភាព និងការអះអាងពីសាក្សីប្រមូលបានដោយសារព័ត៌មាន Reuters និងអង្គការប្រព័ន្ធផ្សព្វផ្សាយផ្សេងទៀតថា រុស្ស៊ីបានប្រព្រឹត្តឧក្រិដ្ឋកម្មសង្គ្រាមនៅក្នុងទីក្រុង Bucha របស់ប្រទេសអ៊ុយក្រែន។ ទីក្រុង Moscow បានទាត់ចោលការចោទប្រកាន់នេះ និងបានហៅការចោទប្រកាន់ទាំងឡាយថា ជាការប្រឌិតដ៏អស្ចារ្យបំផុត។ លោក Lavrov បាននិយាយដោយគ្មានផ្ដល់ភស្តុតាងថា ទីក្រុង Moscow ជឿថា ការចោទប្រកាន់ទាំងនេះត្រូវបានបង្កើតឡើង ដើម្បីបំផ្លិចបំផ្លាញដំណើរការចរចា បន្ទាប់ពីអ្វីដែលលោកបានហៅថា ជាភាពរីកចម្រើននៅពេលក្រុមអ្នកតំណាងអ៊ុយក្រែន និងរុស្ស៊ីបានជួបគ្នាកាលពីសប្ដាហ៍មុននៅក្នុងទីក្រុងអ៊ីស្តង់ប៊ុល ប្រទេសទួរគី៕ អត្ថបទ៖ សុខមាន

ក្រុង Moscow ព្រមានពីការឆ្លើយតបឲ្យដូចគ្នាទៅលោកខាងលិច ចំពោះការបណ្ដេញក្រុមអ្នកការទូតរុស្ស៊ី

រុស្ស៊ី៖ អតីតប្រធានាធិបតី និងជាអនុប្រធានក្រុមប្រឹក្សាសន្តិសុខជាតិរុស្ស៊ីលោក Dmitry Medvedev បាននិយាយកាលពីល្ងាចថ្ងៃចន្ទថា ប្រទេសរុស្ស៊ីនឹងឆ្លើយតបឲ្យបានដូចគ្នា ទៅនឹងការបណ្ដេញអ្នកការទូតរបស់ខ្លួនចេញពីប្រទេសលោកខាងលិចមួយចំនួន។លោក Medvedev និយាយនៅក្នុងសារបង្ហោះនៅលើបណ្ដាញសង្គម Telegram របស់លោកថា មនុស្សគ្រប់គ្នាដឹងពីចម្លើយហើយ ការបំផ្លិចបំផ្លាញសម្រាប់ទំនាក់ទំនងទ្វេភាគីនឹងកើតឡើងដូចគ្នា។ តើគេដាក់ទោសអ្នកណា? អ្នកទីមួយគឺខ្លួនឯង។ កាលពីថ្ងៃចន្ទប្រទេសបារាំងបាននិយាយថា ខ្លួននឹងបណ្ដេញអ្នកការទូតរុស្ស៊ីចំនួន ៣៥នាក់ជុំវិញសកម្មភាពរបស់ទីក្រុង Moscow ក្នុងប្រទេសអ៊ុយក្រែន ហើយអាល្លឺម៉ង់បានប្រកាសថា "ចំនួនដ៏ច្រើន" នៃអ្នកការទូតរុស្ស៊ីជាអ្វីដែលមិនគួរចង់បាន។ ក្រៅពីប្រទេសអាល្លឺម៉ង់ និងបារាំងនៅមានប្រទេសឡាតវី និងលីទុយអានីផងដែរដែលបានប្រកាសបណ្ដេញអ្នកការទូតរុស្ស៊ីរាប់សិបនាក់ ជាផ្នែកមួយនៃការចូលរួមប្រតិកម្មរបស់សហភាពអឺរ៉ុបទាក់ទងនឹងការសម្លាប់រង្គាលនេះ។លោក Medvedev បាននិយាយថា ប្រសិនបើបញ្ហានេះនៅតែបន្ត វានឹងសមដូចខ្ញុំបានសរសេរកាលពីថ្ងៃទី២៦ ខែកុម្ភៈដើម្បីបិទទ្វារស្ថានទូតនៅក្នុងបណ្ដាប្រទេសលោកខាងលិច។ វានឹងរឹតតែបន្ទាបតម្លៃសម្រាប់មនុស្សគ្រប់គ្នា។ ហើយបន្ទាប់មកយើងនឹងបញ្ចប់ដោយគ្រាន់តែសម្លឹងមើលគ្នាទៅវិញទៅមក ដោយគ្មានវិធីផ្សេងក្រៅពីការមើលឃើញដោយចុងកាំភ្លើង៕អត្ថបទ៖ សុខមាន

សម្តេចតេជោ ណែនាំក្រសួង ស្ថាប័នពាក់ព័ន្ធ បន្តផ្សព្វផ្សាយ និងលើកកម្ពស់ប្រើប្រាស់ផលិតផលខ្មែរ

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានណែនាំក្រសួង និងស្ថាប័នពាក់ព័ន្ធទាំងអស់ ត្រូវបន្តកិច្ចសហការ និងសម្របសម្រួលជាមួយគ្នាឲ្យបានរលូនបន្តទៀត ដើម្បីលើកកម្ពស់ការប្រើប្រាស់ផលិតផលខ្មែរឲ្យកាន់តែច្រើនឡើងថែមទៀត។ នៅក្នុងសារលិខិតអបអរសាទរទិវាជាតិលើកកម្ពស់ការប្រើប្រាស់ផលិតផលខ្មែរ ៩មេសា ឆ្នាំ២០២២ លើកទី៥ ប្រធានបទ “គាំទ្រផលិតផលខ្មែរ គឺថែរក្សាសេដ្ឋកិច្ចជាតិ” សម្តេចតេជោ ហ៊ុន សែន បានណែនាំឲ្យគណៈកម្មាធិការជាតិជំរុញចលនាភូមិមួយផលិតផលមួយ ក្រសួងពាណិជ្ជកម្ម និងក្រសួង ស្ថាប័នពាក់ព័ន្ធ ត្រូវបន្តកិច្ចសហការ និងសម្របសម្រួលជាមួយគ្នាឲ្យបានរលូនបន្តទៀត ដើម្បីលើកកម្ពស់ការប្រើប្រាស់ផលិតផលខ្មែរ បន្តផ្សព្វផ្សាយឲ្យបានទូលំទូលាយពីផលិតផលខ្មែរ និងបន្តផ្តល់ជំនាញនានាដល់ផលិតករលើដំណើរការខ្សែសង្វាក់ផលិតកម្ម ការពង្រឹងគុណភាព សុវត្ថិភាពផលិតផល ការកែច្នៃ និងការវេចខ្ចប់ ដើម្បីឆ្លើយតបទៅនឹងទីផ្សារក្នុង និងក្រៅប្រទេស។ សម្តេចតេជោ ជំរុញគណៈកម្មាធិការជាតិជំរុញចលនាភូមិមួយផលិតផលមួយ និងក្រសួងពាណិជ្ជកម្ម ត្រូវសហការជាមួយនឹងក្រសួងការបរទេសនិងសហប្រតិបត្តិការអន្តរជាតិ ដើម្បីឲ្យស្ថានតំណាងកម្ពុជាប្រចាំនៅបរទេសផ្សព្វផ្សាយផលិតផលខ្មែរនៅក្នុងព្រឹត្តការណ៍ផ្សេងៗ ជាពិសេសផ្សារភ្ជាប់ការងារជំរុញចលនាភូមិមួយផលិតផលមួយនៅកម្ពុជាទៅក្នុងក្របខ័ណ្ឌកិច្ចសហប្រតិបត្តិការក្នុងតំបន់ ក្រោមការសម្របសម្រួលរបស់អគ្គលេខាធិការអាស៊ាន ដើម្បីបំផុស និងលើកទឹកចិត្តបងប្អូនជរួមជាតិទាំងអស់ ឲ្យគាំទ្រ និងយកចិត្តទុកដាក់ក្នុងការលើកកម្ពស់ផលិតផលក្នុងស្រុក។ពាក់ព័ន្ធនឹងទិវាជាតិឆ្នាំនេះ សម្តេចនាយករដ្ឋមន្រ្តី បានថ្លែងបញ្ជាក់ថា ក្នុងការចូលរួមទប់ស្កាត់ និងកាត់បន្ថយអត្រានៃការឆ្លងរាលដាលជំងឺកូវីដ១៩ទៅក្នុងសហគមន៍ ក៏ដូចជាការត្រៀមលក្ខណៈឈានទៅអនុវត្តផែនការសម្របខ្លួនរស់នៅធម្មតាតាមបែបគន្លងថ្មី ក៏ដូចជា ២ឆ្នាំកន្លងមកដែរ ដែលទិវាជាតិនេះមិនបានរៀបចំព្រឹត្តិការណ៍ដោយផ្ទាល់នៅតាមទីសាធារណៈនានានៅក្នុងស្រុក ដើម្បីប្រជាពលរដ្ឋ និងភ្ញៀវបរទេសដែលរស់នៅ ឬកំពុងធ្វើទេសចរណ៍នៅកម្ពុជាបានឃើញពីភាពសម្បូរបែបនៃផលិតផលខ្មែរ ទាំងសិប្បកម្ម កសិកម្ម អាហារ វត្ថុអនុស្សាវរីយ៍ និងគ្រឿងសង្ហារឹម។ ការបន្តរំលឹកទិវាជាតិនេះ ពិតជាសំខាន់ និងដើរតួនាទីជួយដល់ផលិតករក្នុងស្រុកឲ្យបានគិតគូរកែច្នៃផលិតផលរបស់ខ្លួនក្នុងការលើកកម្ពស់គុណតម្លៃបន្ថែមនៃផលិតផលខ្មែរ ការពង្រឹងគុណភាព សុវត្ថិភាពផលិតផល ការវេចខ្ចប់ប្រកបដោយសោភ័ណ្ឌភាព និងតម្លៃសមស្របដើម្បីចូលរួមប្រកួតប្រជែងក្នុងទីផ្សារទាំងក្នុងប្រទេស និងក្រៅប្រទេស៕ អត្ថបទ៖ ឈិត បូរ៉ាវី

កំហឹងកើនឡើងលើពិភពលោក ខណៈអ៊ុយក្រែនចោទរុស្ស៊ីពីបទសម្លាប់រង្គាលលើជនស៊ីវិលនៅទីក្រុង Bucha

អ៊ុយក្រែន៖ ទីក្រុង Moscow ប្រឈមនឹងរលកថ្មីនៃការផ្ទុះកំហឹងជាសកល និងការចោទប្រកាន់ពីឧក្រិដ្ឋកម្មសង្គ្រាមកាលពីថ្ងៃចន្ទ បន្ទាប់ពីរុស្ស៊ីដកកងកម្លាំងចេញពីតំបន់ជាយរដ្ឋធានី Kyiv បង្ហាញឲ្យឃើញពីសាកសពដេកស្លាប់រដូករណែលតាមផ្លូវដែលពួកគេទំនងជាជនស៊ីវិល ហើយខ្លះបានស្លាប់ដោយសារគ្រាប់កាំភ្លើង។ក្រុមអាជ្ញាធរអ៊ុយក្រែននិយាយថា ពួកគេបានរកឃើញសាកសពចំនួន ៤២១នាក់ជិតរដ្ឋធានី Kyiv កាលពីថ្ងៃអាទិត្យ និងកំពុងបើកការស៊ើបអង្កេតដែលអាចជាករណីឧក្រិដ្ឋកម្មសង្គ្រាមនៅទីក្រុង Bucha។ រូបភាពសាកសពរាយប៉ាយតាមផ្លូវ និងការជីកដីធ្វើផ្នូរជាច្រើន ក៏បាននាំឲ្យមានការរំពាវនាវផងដែរឲ្យដាក់ទណ្ឌកម្មកាន់តែធ្ងន់ធ្ងរបន្ថែមទៀតវិមានលើក្រឹមឡាំង ពិសេសការកាត់ផ្ដាច់ការនាំចូលប្រេង និងឧស្ម័នពីប្រទសរុស្ស៊ី។ ប្រទេសអាល្លឺម៉ង់បានបញ្ចេញប្រតិកម្មដោយការបណ្ដេញអ្នកការទូតរុស្ស៊ីចំនួន ៤០នាក់។រដ្ឋមន្ត្រីការបរទេសកាណាដាលោកស្រី Mélanie Joly បានប្ដេជ្ញាថា សកម្មភាពគួរឲ្យរន្ធត់ទាំងនេះនឹងមិនអាចគេចផុតពីការដាក់ទណ្ឌកម្មបានទេ ហើយប្រធានាធិបតីអាមេរិកលោក Joe Biden បាននិយាយថា លោកប្រធានាធិបតីរុស្ស៊ី Vladimir Putin គួរតែត្រូវបានកាត់ទោសពីបទប្រព្រឹត្តឧក្រិដ្ឋកម្មសង្គ្រាម។ លោក Biden និយាយថា បុរសម្នាក់នេះសាហាវណាស់ ហើយអ្វីដែលកំពុងកើតឡើងនៅក្នុងទីក្រុង Bucha គឺជាហេតុការណ៍គួរឲ្យតក់ស្លុតបំផុត។ ក្រោយមកនៅក្នុងសារជាវីដេអូមួយថ្លែងទៅកាន់សភារ៉ូម៉ានី លោក Zelensky និយាយថា លោកខ្លាចថានឹងមានកន្លែងជាច្រើនទៀត ដែលនឹងអាចមានអំពើឃោរឃៅជាងនេះទៀតកើតឡើង៕អត្ថបទ៖ សុខមាន

លោក Zelenskyy និយាយថា សកម្មភាពរបស់រុស្ស៊ីក្នុងប្រទេសអ៊ុយក្រែនថ្មីៗនេះធ្វើឲ្យការចរចាកាន់តែលំបាក

អ៊ុយក្រែន៖ លោកប្រធានាធិបតី Volodymyr Zelenskyy បាននិយាយថា ការចរចារវាងទីក្រុង Moscow និងទីក្រុង Kyiv កាន់តែលំបាក ខណៈភស្តុតាងការចោទប្រកាន់ពីបទប្រព្រឹត្តិអំពើឃោរឃៅ របស់កងកម្លាំងរុស្ស៊ីក្នុងប្រទេសអ៊ុយក្រែនត្រូវបានរកឃើញ។ថ្លែងកាលពីថ្ងៃចន្ទពីទីប្រជុំជន Bucha ក្នុងតំបន់រដ្ឋធានី Kyiv ជាកន្លែងដែលមានការជីកដីធ្វើផ្នូរដ៏ធំយ៉ាងប្រញាប់ប្រញាល់ និងសាកសពដែលត្រូវបានគេបាញ់សម្លាប់ដោយគ្មានហេតុផល ត្រូវបានរកឃើញនៅក្នុងទឹកដីដែលដណ្ដើមបានមកវិញពីកងទ័ពរុស្ស៊ី លោក Zelenskyy បានថ្កោលទោសឧក្រិដ្ឋកម្មសង្គ្រាមដែលស្មើនឹងអំពើប្រល័យពូជសាសន៍។ លោក Zelenskyy ដែលពាក់អាវក្រោះ ខណៈអមជុំវិញដោយកងទ័ពបាននិយាយថា វាលំបាកខ្លាំងណាស់ក្នុងការចរចា នៅពេលអ្នករាល់គ្នាមើលឃើញពីអ្វីដែលពួកគេបានធ្វើនៅទីនេះ។ ទីក្រុង Moscow បានច្រានចោលការចោទប្រកាន់ដែលថា រុស្ស៊ីបានសម្លាប់ជនស៊ីវិលជាង ៤២០នាក់ក្នុងទីក្រុង Bucha៕អត្ថបទ៖ សុខមាន

ប្រទេសអ៊ុយក្រែនលើកឡើងថា រុស្ស៊ីកំពុងត្រៀមវាយប្រហារជាថ្មីនៅតំបន់ភាគខាងកើត

អ៊ុយក្រែន៖ ក្រសួងការពារអ៊ុយក្រែននិយាយថា រុស្ស៊ីកំពុងត្រៀមវាយប្រហារជាថ្មីនៅតំបន់ភាគខាងកើត ដើម្បីចូលគ្រប់គ្រងទីក្រុង Kharkiv និងឡោមព័ទ្ធសមរភូមិជួរមុខភាគខាងកើតដ៏រឹងមាំរបស់ប្រទេសនេះ ខណៈមន្ត្រីជាន់ខ្ពស់មួយរូបរបស់សហរដ្ឋអាមេរិកបានព្រមានថា រុស្ស៊ីកំពុងបង្កើនការវាយប្រហាររុលទៅមុខរបស់ខ្លួនជាថ្មីនៅក្នុងភាគខាងត្បូង និងខាងកើតរបស់ប្រទេសអ៊ុយក្រែន។អ្នកនាំពាក្យក្រសួងការពារជាតិអ៊ុយក្រែនលោក Oleksandr Motuzyanyk កាលពីថ្ងៃចន្ទបាននិយាយថា ប្រទេសរុស្ស៊ីកំពុងត្រួសត្រាយផ្លូវសម្រាប់ការវាយប្រហារលើទីក្រុង Severodonetsk តាមរយៈការវាយប្រហារលើទីក្រុង Rubizhne និងទីក្រុង Popasna ក្នុងតំបន់ Luhansk។ លោក Motuzyanyk បាននិយាយថា កងទ័ពរុស្ស៊ីកំពុងប្រមូលផ្ដុំកម្លាំងដើម្បីវាយដណ្ដើមទីក្រុងកំពង់ផែរងការឡោមព័ទ្ធ Mariupol ដែលត្រូវបានកងកម្លាំងរុស្ស៊ីហ៊ុមព័ទ្ធអស់រយៈពេលជាង ៤សប្ដាហ៍។ទីក្រុង Severodonetsk និង Mariupol លាតសន្ធឹងនៅចុងភាគខាងជើង និងចុងភាគខាងត្បូងនៃខ្សែបន្ទាត់សម្រាប់ការទំនាក់ទំនងរបស់អ៊ុយក្រែន ជាខ្សែបន្ទាត់បទឈប់បាញ់ដែលកងកម្លាំងរបស់ខ្លួនបានបង្កើតឡើង ប្រឆាំងនឹងក្រុមបំបែកខ្លួនគាំទ្ររុស្ស៊ីនៅក្នុងតំបន់ Donbas ភាគខាងកើតរបស់អ៊ុយក្រែនចាប់តាំងពីឆ្នាំ២០១៥ មក៕អត្ថបទ៖ សុខមាន

រដ្ឋមន្ត្រីការបរទេសអ៊ុយក្រែននិយាយថា រុស្ស៊ីអាក្រក់ជាងពួកអាយស៊ីសទៅទៀត

អ៊ុយក្រែន៖ អ្នកការទូតកំពូលរបស់ប្រទេសអ៊ុយក្រែនកាលពីថ្ងៃអាទិត្យ បានចាត់ទុកឧក្រិដ្ឋកម្មសង្គ្រាម និងការសម្លាប់ជនស៊ីវិលដែលត្រូវបានប្រព្រឹត្តដោយកងកម្លាំងរុស្ស៊ីនៅក្រុង Bucha ថា ជាអំពើឃោរឃៅបំផុតនៃសតវត្សទី២១ នេះ។រដ្ឋមន្ត្រីការបរទេសអ៊ុយក្រែនលោក Dmytro Kuleba បានធ្វើអត្ថាធិប្បាយក្នុងអំឡុងដំណើរទស្សនកិច្ចទៅកាន់សារមន្ទីរបះបោរមួយនៅទីក្រុងវ៉ាសាវី (Warsaw)។ លោកនិយាយថា យើងនិយាយសំដៅទៅលើក្រុង Bucha ប៉ុន្តែយើងមិនភ្លេចអំពីទីក្រុង និងភូមិផ្សេងទៀតនៅក្នុងតំបន់ទីក្រុងគីវ ដែលបានក្លាយជាទីកន្លែងឧក្រិដ្ឋកម្មរបស់កងទ័ពរុស្ស៊ី។ មន្ត្រីអ៊ុយក្រែនបាននិយាយកាលពីថ្ងៃអាទិត្យថា ជនស៊ីវិលជាច្រើននាក់ដែលត្រូវបានសម្លាប់ត្រូវបានគេឃើញនៅតាមដងផ្លូវជាយក្រុងគីវនៃក្រុង Bucha, Irpin និង Hostomel បន្ទាប់ពីការដកកងទ័ពរបស់រុស្ស៊ី។ ក្រុមមន្ត្រីនិយាយថា ជនរងគ្រោះមួយចំនួនត្រូវបានបាញ់ចំក្បាល ហើយដៃរបស់ពួកគេជាប់ចំណងដែលបង្កឱ្យមានការអំពាវនាវថ្មី សម្រាប់ការស៊ើបអង្កេតឧក្រិដ្ឋកម្មសង្គ្រាម និងការដាក់ទណ្ឌកម្មលើរុស្ស៊ី។អាជ្ញាធរនិយាយថា ពួកគេកំពុងចងក្រងឯកសារភស្តុតាងនៃអំពើឃោរឃៅ ដែលត្រូវបានចោទប្រកាន់ដើម្បីបន្ថែមលើសំណុំរឿងសម្រាប់ការកាត់ទោសមន្ត្រីរុស្ស៊ី ពីបទឧក្រិដ្ឋកម្មសង្គ្រាម។ ដើម្បីកាត់ទោសរដ្ឋអាជ្ញាតុលាការឧក្រិដ្ឋកម្មអន្តរជាតិនឹងត្រូវបង្ហាញភស្តុតាង នៃការវាយប្រហារយ៉ាងសាហាវឃោរឃៅលើជនស៊ីវិល ក្នុងអំឡុងពេលការវាយលុករបស់រុស្ស៊ី។ ក្នុងអំឡុងពេលដំណើរទស្សនកិច្ចរបស់លោកទៅកាន់ទីក្រុងវ៉ាសាវី (Warsaw) លោក Kuleba បានអំពាវនាវឱ្យមានការដាក់ទណ្ឌកម្មកាន់តែតឹងរ៉ឹងលើប្រទេសរុស្ស៊ី រួមទាំងការហាមឃាត់ថាមពលទាំងស្រុង ជុំវិញការមើលឃើញសោកនាដកម្មនៅភាគខាងជើងទីក្រុងគីវ៕អត្ថបទ៖ ប៊ុនថន

សាកសពមនុស្សរាប់រយនាក់រាយប៉ាយតាមដងផ្លូវ ទាំងដៃជាប់ចំណង ស្នាមគ្រាប់កាំភ្លើង និងស្នាមធ្វើទារុណកម្មនៅទីក្រុង Bucha របស់អ៊ុយក្រែន

អ៊ុយក្រែន៖ សាកសពនៅរាយប៉ាយដោយខ្លះដៃជាប់ចំណងព័ទ្ធទៅក្រោយ ខ្លះមានស្នាមគ្រាប់កាំភ្លើង និងខ្លះទៀតមានបន្សល់ស្នាមការធ្វើទារុណកម្មនៅក្នុងទីក្រុងមួយជាយរដ្ឋធានីគីវ បន្ទាប់ពីទាហានរុស្ស៊ីដកចេញពីតំបន់នេះ។ក្រុមអាជ្ញាធរអ៊ុយក្រែនបានចោទប្រកាន់ការចាកចេញរបស់កងកម្លាំងរុស្ស៊ីនៅថ្ងៃចន្ទនេះថា ជាការប្រព្រឹត្តឧក្រិដ្ឋកម្មសង្គ្រាម និងបន្សល់ទុកនៅសោកនាដកម្មដូចជាភាពយន្តរន្ធត់ក្រៅឆាក។ ក្រុមមន្ត្រីអ៊ុយក្រែននិយាយថា សាកសពជនស៊ីវិលចំនួន ៤១០នាក់ត្រូវបានរកឃើញនៅក្នុងទីក្រុងមួយចំនួនរបស់រដ្ឋធានីគីវ ដែលត្រូវបានដណ្ដើមយកមកវិញពីទាហានរុស្ស៊ីនៅពេលថ្មីៗនេះ។ ប្រជាពលរដ្ឋក្នុងទីក្រុង Bucha របស់អ៊ុយក្រែនកាលពីថ្ងៃអាទិត្យបានចោទប្រកាន់កងទ័ពរុស្ស៊ីថា បានបាញ់សម្លាប់ជនស៊ីវិលដោយគ្មានហេតុផល មុនពេលពួកគេនាំគ្នាដកចេញពីតំបន់រដ្ឋធានីគីវ។ អ្នកក្រុង Bucha ម្នាក់បានរៀបរាប់ថា មនុស្សទាំងនោះកំពុងដើរនៅតាមផ្លូវ ស្រាប់តែពួកគេបាញ់សម្លាប់ដោយគ្មានសួរនាំមួយម៉ាត់។អភិបាលក្រុងគីវលោក Vitaly Klitschko បានចុះពិនិត្យទីក្រុង Bucha ដែលរងការបំផ្លិចបំផ្លាញកាលពីថ្ងៃអាទិត្យជាមួយបងប្រុសរបស់លោកដោយនិយាយថា នេះគឺជាការពិតដែលប្រជាជនអ៊ុយក្រែនកំពុងប្រឈមនៅពេលនេះនៅក្នុងទីក្រុង និងទីប្រជុំជនជាច្រើននៅទូទាំងប្រទេស។ គួរឲ្យដឹងថា ទីក្រុងដែលស្ថិតនៅជាយរដ្ឋធានីគីវមួយនេះ ត្រូវបានកងកម្លាំងរុស្ស៊ីកាន់កាប់បានប្រហែលរយៈពេល ១ខែ៕អត្ថបទ៖ សុខមាន

មេដឹកនាំជាច្រើនលើពិភពលោករួមគ្នាថ្កោលទោស និងដាក់ទណ្ឌកម្មបន្ថែមលើរុស្ស៊ីជុំវិញការស្លាប់ជនស៊ីវិលនៅទីក្រុង Bucha របស់អ៊ុយក្រែន

អ៊ុយក្រែន៖ សាកសពជាច្រើននៅរាយប៉ាយតាមដងផ្លូវក្នុងទីក្រុងមួយរបស់ប្រទេសអ៊ុយក្រែន ដែលបានបន្សល់ទុកដោយកងកម្លាំងរុស្ស៊ី បាននាំឲ្យមានការថ្កោលទោសជាអន្តរជាតិនៅក្នុងអឺរ៉ុបនៅថ្ងៃទី៣៩ នៃការវាយលុករបស់រុស្ស៊ីលើអ៊ុយក្រែន។ក្រុមអាជ្ញាធរអ៊ុយក្រែនបានរកឃើញសាកសពចំនួន ៤១០នាក់នៅក្នុងទីក្រុង និងទីប្រជុំជនជាច្រើនជិតរដ្ឋធានីគីវ ជាផ្នែកមួយនៃការស៊ើបអង្កេតដែលអាចចាត់ទុកជាឧក្រិដ្ឋកម្មសង្គ្រាម ដែលពួកគេថាជាស្នាដៃរបស់រុស្ស៊ីមុនពេលដកចេញ។ មេដឹកនាំសហភាពអឺរ៉ុប និងអាមេរិកបានឆ្លើយតបទៅកាន់ភស្តុតាងដ៏រន្ធត់ នៃអំពើឃោរឃៅលើជនស៊ីវិលដោយកងកម្លាំងរុស្ស៊ី ដែលត្រូវបានរាយប៉ាយនៅទូទាំងតំបន់ជាយក្រុងគីវ និងទីប្រជុំជនជាច្រើន។ លោកនាយករដ្ឋមន្ត្រីអង់គ្លេស Boris Johnson បានចោទប្រកាន់រុស្ស៊ីពីបទវាយប្រហារដោយមិនរើសមុខ លើជនស៊ីវិលអ៊ុយក្រែនក្នុងទីក្រុង Bucha និងទីប្រជុំជនមួយផ្សេងទៀត ដោយនិយាយថា ប្រទេសរបស់លោកនឹងមិនសម្រាកទេរហូតយុត្តិធម៌ត្រូវបានផ្ដល់ឲ្យជនរងគ្រោះ។ចំណែករដ្ឋមន្ត្រីការបរទេសអាមេរិកលោក Antony Blinken បានហៅរូបភាពនៃសាកសពដេកស្លាប់រាយប៉ាយក្នុងទីក្រុង Bucha ថាជាការធ្វើឲ្យឈឺចាប់ ហើយប្រធានគណៈកម្មការអឺរ៉ុបលោកស្រី Ursula von der Leyen បាននិយាយថា ការស៊ើបអង្កេតដោយឯករាជ្យត្រូវតែធ្វើជាបន្ទាន់។ ប្រទេសអាល្លឺម៉ង់បាននិយាយកាលពីថ្ងៃអាទិត្យថា លោកខាងលិចនឹងព្រមព្រៀងដាក់ទណ្ឌកម្មបន្ថែមទៀតលើរុស្ស៊ីក្នុងពេលប៉ុន្មានថ្ងៃខាងមុខ បន្ទាប់ពីអ៊ុយក្រែនចោទប្រកាន់កងកម្លាំងរុស្ស៊ីពីបទប្រព្រឹត្តឧក្រិដ្ឋកម្មសង្គ្រាមជិតរដ្ឋធានីគីវ ជាការពង្រីកទំហំគំនាបសេដ្ឋកិច្ចលើរុស្ស៊ីដែលមានស្រាប់ដោយសារតែការវាយប្រហារលើអ៊ុយក្រែន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ធនាគារពិភពលោកនឹងបោះបង់គោលដៅផ្តល់ប្រាក់កម្ចី ៤៥% ដល់គម្រោងបម្រែបម្រួលអាកាសធាតុ

កុងហ្គោនិយាយថាមានករណីឆ្លងជំងឺអេបូឡាជាង១.០០០ករណី ត្រូវបានបញ្ជាក់ រួមទាំងអ្នកស្លាប់៣៧៧ នាក់

នគរបាលតាមរកជនរត់គេចខ្លួន បន្ទាប់ពីការផ្ទុះ នៅ Monaco ធ្វើឱ្យមនុស្សជាច្រើននាក់រងរបួស

លោកស្រី Fujimori ឈ្នះការបោះឆ្នោតប៉េរូក្នុងសំឡេងស្ដួចស្ដើង សម្រាប់ការឈរឈ្មោះលើកទី៤

បុគ្គលិកក្រុមហ៊ុនអាកាសចរណ៍ថៃ ត្រូវបានចាប់ខ្លួន នៅអូស្ត្រាលី ក្រោយរកឃើញគ្រឿងញៀនក្នុងកាបូប

សហភាពអឺរ៉ុប និងចិន ចាប់ផ្តើមកិច្ចពិភាក្សាពាណិជ្ជកម្ម ដើម្បីបន្ធូរបន្ថយភាពតានតឹង

តំបន់អូរស្មាច់ស្ថិតក្រោមអធិបតេយ្យភាពដាច់ខាតរបស់កម្ពុជា៖ រាល់ទង្វើចូលមកដោយគ្មានការអនុញ្ញាត និងការបង្កើតព័ត៌មានមិនពិតគឺជាការរំលោភច្បាប់អន្តរជាតិយ៉ាងធ្ងន់ធ្ងរ

កងទ័ពរំដោះប្រជាជនចិន ធ្វើការល្បាតត្រៀមខ្លួនប្រយុទ្ធ នៅជុំវិញតំបន់ថ្មប៉ប្រះទឹក

អ្នករួចជីវិត រិះគន់ការផ្ដល់ជំនួយយឺតយ៉ាវ ក្រោយរញ្ជួយដីដ៏អាក្រក់បំផុត នៅវ៉េណេស៊ុយអេឡា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Zelenskyy អំពាវនាវឲ្យលោកខាងលិចដាក់ទណ្ឌកម្មបន្ថែមទៀតលើរុស្ស៊ី

ក្រុង Moscow ព្រមានពីការឆ្លើយតបឲ្យដូចគ្នាទៅលោកខាងលិច ចំពោះការបណ្ដេញក្រុមអ្នកការទូតរុស្ស៊ី

សម្តេចតេជោ ណែនាំក្រសួង ស្ថាប័នពាក់ព័ន្ធ បន្តផ្សព្វផ្សាយ និងលើកកម្ពស់ប្រើប្រាស់ផលិតផលខ្មែរ

កំហឹងកើនឡើងលើពិភពលោក ខណៈអ៊ុយក្រែនចោទរុស្ស៊ីពីបទសម្លាប់រង្គាលលើជនស៊ីវិលនៅទីក្រុង Bucha

លោក Zelenskyy និយាយថា សកម្មភាពរបស់រុស្ស៊ីក្នុងប្រទេសអ៊ុយក្រែនថ្មីៗនេះធ្វើឲ្យការចរចាកាន់តែលំបាក

ប្រទេសអ៊ុយក្រែនលើកឡើងថា រុស្ស៊ីកំពុងត្រៀមវាយប្រហារជាថ្មីនៅតំបន់ភាគខាងកើត

រដ្ឋមន្ត្រីការបរទេសអ៊ុយក្រែននិយាយថា រុស្ស៊ីអាក្រក់ជាងពួកអាយស៊ីសទៅទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Zelenskyy អំពាវនាវ​ឲ្យ​លោក​ខាង​លិច​ដាក់ទណ្ឌកម្ម​បន្ថែម​ទៀត​លើ​រុស្ស៊ី​

សម្តេចតេជោ ណែនាំក្រសួង ស្ថាប័នពាក់ព័ន្ធ បន្តផ្សព្វផ្សាយ និងលើក​កម្ពស់​ប្រើប្រាស់​ផលិត​ផល​ខ្មែរ

កំហឹង​កើន​ឡើងលើ​ពិភពលោក ខណៈ​អ៊ុយ​ក្រែ​ន​ចោទ​រុស្ស៊ី​ពី​បទ​សម្លាប់​រង្គាល​លើ​ជន​ស៊ីវិល​នៅ​ទីក្រុង​ Bucha

ប្រទេស​អ៊ុយ​ក្រែ​ន​លើក​ឡើង​ថា រុស្ស៊ី​កំពុង​ត្រៀម​វាយប្រហារ​ជាថ្មី​នៅ​តំបន់​ភាគ​ខាងកើត

រដ្ឋមន្ត្រី​ការបរទេស​អ៊ុយ​ក្រែ​ន​និយាយ​ថា ​រុស្ស៊ី​អាក្រក់​ជាង​ពួក​អាយ​ស៊ី​ស​ទៅទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Zelenskyy អំពាវនាវឲ្យលោកខាងលិចដាក់ទណ្ឌកម្មបន្ថែមទៀតលើរុស្ស៊ី

សម្តេចតេជោ ណែនាំក្រសួង ស្ថាប័នពាក់ព័ន្ធ បន្តផ្សព្វផ្សាយ និងលើកកម្ពស់ប្រើប្រាស់ផលិតផលខ្មែរ

កំហឹងកើនឡើងលើពិភពលោក ខណៈអ៊ុយក្រែនចោទរុស្ស៊ីពីបទសម្លាប់រង្គាលលើជនស៊ីវិលនៅទីក្រុង Bucha

ប្រទេសអ៊ុយក្រែនលើកឡើងថា រុស្ស៊ីកំពុងត្រៀមវាយប្រហារជាថ្មីនៅតំបន់ភាគខាងកើត

រដ្ឋមន្ត្រីការបរទេសអ៊ុយក្រែននិយាយថា រុស្ស៊ីអាក្រក់ជាងពួកអាយស៊ីសទៅទៀត