BTV NEWS

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

ព័ត៌មានសំខាន់ៗ

សម្ដេចតេជោ ហ៊ុន សែន ពេញចិត្តចំពោះផ្លូវធំតភ្ជាប់ទៅអង្គរវត្ត មានព្រះនាមសម្តេចព្រះមហាវីរក្សត្រនៃយើង

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ភ្នំពេញ ៖ សម្ដេចតេជោ ហ៊ុន សែន ប្រកាសដោយសប្បាយរីករាយ និងពេញចិត្ត ចំពោះផ្លូវធំតភ្ជាប់ត្រង់ទៅអង្គរវត្ត មានព្រះនាមព្រះបាទ សម្ដេច ព្រះនរោត្តម សីហនុ ព្រះមហាវីរក្សត្រ នៃយើង។ថ្លែងក្នុងពិធីសម្ពោធដាក់ឱ្យប្រើប្រាស់ផ្លូវចំនួន ៣៨ខ្សែ និងការកែលម្អដងស្ទឹងសៀមរាប ព្រមទាំងហេដ្ឋារចនាសម្ព័ន្ធមួយចំនួនទៀតក្នុងក្រុងសៀមរាប នៅព្រឹកថ្ងៃទី០៤ ខែមេសានេះ សម្តេចតេជោ ហ៊ុន សែន បញ្ជាក់ថា ការប្រសិទ្ធនាមព្រះនាមនេះហើយ គឺជាការទុកឲ្យក្មេងជំនាន់ក្រោយចងចាំ សម្រាប់អ្នកស្នេហាជាតិជំនាន់មុន។សម្តេចបន្តថា ផ្លូវទាំង៣៨ខ្សែនេះ សុទ្ធតែមានព្រះនាមព្រះមហាក្សត្រ អតីតព្រះមហាក្សត្រ និងឥស្សរជនកម្ពុជា ដែលបានសាងស្នាព្រះហស្ថ និងស្នាដៃចំពោះជាតិមាតុភូមិ។ ប៉ុន្ដែផ្លូវទាំងនេះ គ្មានឡើយឈ្មោះ លន់ នល់ សិរិមតៈ ចេងហេង ឬ សឺង ង៉ុកថាញ់ សម សារី ដែលជាអ្នកក្បត់ជាតិនោះឡើយ។សម្ដេចសង្កត់ធ្ងន់ថា បើចង់ដាក់ឈ្មោះក្រុមក្បត់ជាតិទាំងនោះ ត្រូវរង់ចាំលុះណាតែពួកគេឈ្នះ ប៉ុន្ដែការរំពឹងពន្លឺនៃជ័យជម្នះអាចនឹងមិនទៅរួចនោះទេ៕

សម្តេចតេជោ ហ៊ុន សែន ៖ មិនអាចយកខេត្តសៀមរាបទៅប្រៀបធៀបទីផ្សារអចលនទ្រព្យដូចខេត្តដទៃនោះទេ

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News សៀមរាប៖ សម្តេចតេជោ ហ៊ុន សែន បញ្ជាក់ថា យើងមិនអាចយកខេត្តសៀមរាប ទៅប្រៀបធៀប ទីផ្សារអចលនទ្រព្យដូចខេត្តដទៃនោះទេ ខណៈខេត្តមួយនេះគឺមានប្រាសាទអង្គរវត្ត ដែលបានចុះបញ្ជីដោយអង្គការយូណេស្កូ។ថ្លែងក្នុងពិធីសម្ពោធដាក់ឱ្យប្រើប្រាស់ផ្លូវចំនួន ៣៨ខ្សែ និងការកែលម្អដងស្ទឹងសៀមរាប ព្រមទាំងហេដ្ឋារចនាសម្ព័ន្ធមួយចំនួនទៀតក្នុងក្រុងសៀមរាប នៅព្រឹកថ្ងៃទី០៤ ខែមេសានេះ សម្តេចតេជោ ហ៊ុន សែន បានណែនាំឲ្យអ្នករកស៊ីអចលនទ្រព្យ បញ្ឈប់ការទិះតៀនលើការកំណត់កម្ពស់សាងសង់អគារ។សម្តេចតេជោ ហ៊ុន សែន បញ្ជាក់ថា ប្រសិនបើកម្ពុជា សាងសង់ បំពានលក្ខខណ្ឌបច្ចេកទេសរបស់អង្គការយូណេស្កូនោះ អង្គរវត្តរបស់កម្ពុជា នឹងត្រូវចេញពីបញ្ជីបេតិកភណ្ឌពិភពលោក ដែលអាចធ្វើឲ្យកម្ពុជាខាតបង់ធំធេង៕

ប្រធានាធិបតីអ៊ុយក្រែនចោទប្រកាន់រុស្ស៊ីពីបទប្រព្រឹត្តអំពើប្រល័យពូជសាសន៍

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បានចោទរុស្ស៊ីពីបទប្រព្រឹត្តអំពើប្រល័យពូជសាសន៍នៅក្នុងប្រទេសរបស់លោក ខណៈបណ្ដាមេដឹកនាំលោកខាងលិចថ្កោលទោសរូបភាពនៃការស្លាប់ជនស៊ីវិលអ៊ុយក្រែន នៅក្នុងទីក្រុងមួយដែលត្រូវបានបោះបង់ចោលដោយកងកម្លាំងរុស្ស៊ីនៅខាងក្រៅរដ្ឋធានីគីវ។លោក Zelenskyy បានប្រាប់កម្មវិធីព័ត៌មាន “Face the Nation” របស់ទូរទស្សន៍ CBS កាលពីថ្ងៃអាទិត្យដោយនិយាយតាមរយៈអ្នកបកប្រែថា ពិតណាស់នេះជាអំពើប្រល័យពូជសាសន៍ នេះជាការលុបបំបាត់ជាតិ និងប្រជាជនទាំងមូល។ យើងជាពលរដ្ឋអ៊ុយក្រែន ហើយយើងមិនចង់ចុះចាញ់នឹងគោលនយោបាយរបស់សហព័ន្ធរុស្ស៊ីទេ។ នេះហើយជាមូលហេតុដែលយើងត្រូវបានបំផ្លាញចោល។ការអត្ថាធិប្បាយរបស់លោក Zelenskyy បានកើតឡើងមួយថ្ងៃបន្ទាប់ពីកងកម្លាំងអ៊ុយក្រែនបានចូលទៅក្នុងទីក្រុង Bucha ក្បែររដ្ឋធានី Kyiv ហើយបានរកឃើញអ្វីដែលមន្ត្រី និងសាក្សីបាននិយាយថា ជាសាកសពជនស៊ីវិលដែលត្រូវបានសម្លាប់ដោយកងកម្លាំងរុស្ស៊ី។ កងទ័ពអ៊ុយក្រែនបានចូលរុលទៅមុខបន្ថែមទៀត ទៅកាន់ភាគខាងជើងពីរដ្ឋធានីគីវកាលពីថ្ងៃសៅរ៍ ដោយបានគ្រប់គ្រងតំបន់នានាឡើងវិញនៅក្នុងទីក្រុង Bucha បន្ទាប់ពីដណ្ដើមបានមកវិញពីដៃកងកម្លាំងរុស្ស៊ី៕អត្ថបទ៖ សុខមាន

សម្តេចតេជោ ហ៊ុន សែន ៖ ថ្ងៃទី៤មេសា ជាថ្ងៃកំណើតផ្លូវការរបស់សម្ដេច ហើយជាការចាប់ផ្ដើមចលនាតស៊ូរំដោះប្រទេសជាតិ

សៀមរាប៖ សម្តេចតេជោ ហ៊ុន សែន នាយករដ្ឋមន្ត្រីប្រកាសថា ថ្ងៃទី៤ ខែមេសានេះ ជាថ្ងៃខួបកំណើតផ្លូវការរបស់សម្ដេច ហើយជាការចាប់ផ្ដើមចលនាតស៊ូរំដោះប្រទេសជាតិ។ថ្លែងក្នុងពិធីសំណេះសំណាល និងសម្ពោធដាក់ឲ្យប្រើប្រាស់ជាផ្លូវការហេដ្ឋារចនាសម្ព័ន្ធផ្លូវចំនួន ៣៨ខ្សែ និងសមិទ្ធផលនៃការស្តារ កែលម្អដងស្ទឹងសៀមរាប នៅក្រុងសៀមរាប ខេត្តសៀមរាប នៅព្រឹកថ្ងៃទី០៤ ខែមេសានេះ សម្តេចតេជោ ហ៊ុន សែន ប្រកាសថ្លែងអំណរគុណដល់ថ្នាក់ដឹកនាំគ្រប់ជាន់ថ្នាក់ បងប្អូនប្រជាពលរដ្ឋ ក៏ដូចជាហ្លួងម៉ែ ,ព្រះមហាក្សត្រ និងព្រះសង្ឃ ដែលបានប្រទានពរ និងជូនពរដល់សម្តេច។សម្តេចគូសបញ្ជាក់ថា ថ្ងៃនេះសម្ដេចរើសជាថ្ងៃកំណើតរបស់សម្ដេច ប៉ុន្តែថ្ងៃកំណើតពិតប្រាកដគឺថ្ងៃទី៥ ខែសីហាឯណោះទៅវិញទេ ប៉ុន្តែមូលហេតុដែលមកធ្វើបុណ្យកំណើតនៅថ្ងៃទី៤មេសា ១៩៥១នៅថ្ងៃនេះ ព្រោះថ្ងៃនេះ ហើយបើពិនិត្យថយក្រោយកាលពី៥២ឆ្នាំមុន គឺជាថ្ងៃដែលសម្ដេច បានចុះចូលទៅព្រៃតាមការអំពាវនាវរបស់សម្ដេច ព្រះនរោត្តម សីហនុ៕

ប្រមុខអង្គការសហប្រជាជាតិអំពាវនាវឲ្យស៊ើបអង្កេតដោយឯករាជ្យលើការស្លាប់ជនស៊ីវិលក្នុងទីក្រុង Bucha របស់អ៊ុយក្រែន

អ៊ុយក្រែន៖ លោក Antonio Guterres អគ្គលេខាធិការអង្គការសហប្រជាជាតិបាននិយាយកាលពីថ្ងៃអាទិត្យថា លោកពិតជារន្ធត់ចិត្តខ្លាំងណាស់នៅពេលបានឃើញរូបភាពជនស៊ីវិលស្លាប់នៅក្នុងទីក្រុង Bucha របស់អ៊ុយក្រែន និងអំពាវនាវឲ្យស៊ើបអង្កេតដោយឯករាជ្យពីមូលហេតុនាំឲ្យមានហេតុការណ៍នេះកើតឡើង។ក្រុមអាជ្ញាធរអ៊ុយក្រែនបាននិយាយថា ជនរងគ្រោះមួយចំនួនត្រូវបានចងដៃទៅក្រោយ និងបាញ់ចំពីក្រោយក្បាល។ លោក Guterres បានបង្ហោះការអត្ថាធិប្បាយរបស់លោកលើបណ្ដាញសង្គម Twitter មួយថ្ងៃបន្ទាប់ពីក្រុមអ្នកបានឃើញហេតុការណ៍ និងមន្ត្រីបាននិយាយថា ទាហានរុស្ស៊ីបានសម្លាប់ជនស៊ីវិលជិត ៣០០នាក់ ខណៈពួកគេបានដកចេញពីទីក្រុងជិតរដ្ឋធានីគីវ។ លោក Guterres បាននិយាយថា លោករន្ធត់ចិត្តណាស់ដោយសារតែរូបភាពនៃការស្លាប់ជនស៊ីវិលនៅក្នុងទីក្រុង Fantin Bucha របស់អ៊ុយក្រែន ដោយលោកបានចូលរួមជាមួយក្រុមមន្ត្រីលោកខាងលិចបង្ហាញពីកំហឹង។លោកថា វាពិតជាសំខាន់ណាស់ក្នុងស៊ើបអង្កេតដោយឯករាជ្យ ដើម្បីឈានទៅរកការទទួលខុសត្រូវប្រកបដោយប្រសិទ្ធភាព។ ចំណែកក្រសួងការពារជាតិរុស្ស៊ីបានច្រានចោលការចោទប្រកាន់ដែលថា ទាហានរុស្ស៊ីបានសម្លាប់ជនស៊ីវិលជាច្រើននៅទីក្រុង Bucha ដោយនិយាយថា វីដេអូ និងរូបថតសាកសពទាំងនោះគឺជាសកម្មភាពបង្កហេតុមួយផ្សេងទៀតរបស់រដ្ឋាភិបាលអ៊ុយក្រែន៕អត្ថបទ៖ សុខមាន

អាមេរិកនិយាយថា លោក Zelensky អាចដកទណ្ឌកម្មលើរុស្ស៊ីជាថ្នូរនឹងសន្តិភាព

សហរដ្ឋអាមេរិក៖ លោកប្រធានាធិបតីអ៊ុយក្រែន Volodymyr Zelensky បានទទួលភ្លើងខៀវពីទីក្រុង Washington ដើម្បីជួយឲ្យរុស្ស៊ីរួចផុតពីទណ្ឌកម្មអន្តរជាតិ ជាថ្នូរនឹងការបញ្ចប់ការវាយប្រហារដោយយោធារបស់ខ្លួនលើអតីតសាធារណរដ្ឋសហភាពសូវៀត។ប្រមុខការទូតអាមេរិកលោក Antony Blinken បានបើកទ្វារផ្ដល់ជូនបែបនេះកាលពីថ្ងៃអាទិត្យដោយបានបញ្ជាក់នៅក្នុងបទសម្ភាសន៍មួយក្នុងកម្មវិធី NBC News ថា លោក Zelensky មានសមត្ថភាពចរចាការលើកលែងទណ្ឌកម្មជាថ្នូរនឹងសន្តិភាព។ លោកថា រដ្ឋបាលរបស់លោកប្រធានាធិបតី Joe Biden នឹងគាំទ្រគ្រប់បែបយ៉ាងដែលប្រជាពលរដ្ឋអ៊ុយក្រែនចង់ធ្វើ ដើម្បីបញ្ចប់សង្គ្រាមនេះ។ លោក Blinken និយាយថា យើងកំពុងព្យាយាមរកមើលឲ្យឃើញអ្វីដែលអ៊ុយក្រែនកំពុងធ្វើ និងពួកគេចង់ធ្វើអ្វី។ ហើយប្រសិនបើបូករួមទាំងការចង់បានការបញ្ចប់សង្គ្រាម បញ្ឈប់ការបាញ់ផ្លោងសម្លាប់មនុស្ស និងការបំផ្លិចបំផ្លាញ និងបន្តទាមទារឯករាជ្យរបស់ខ្លួន និងអធិបតេយ្យភាពរបស់ខ្លួន ហើយរឿងទាំងនោះអាចធ្វើទៅបានដោយតម្រូវឲ្យដកទណ្ឌកម្ម យើងនឹងយល់ព្រម។ប្រមុខការទូតអាមេរិករូបនេះនិយាយថា សហរដ្ឋអាមេរិក និងសម្ព័ន្ធមិត្តរបស់ខ្លួនកំពុងធ្វើគ្រប់យ៉ាងតាមដែលអាចធ្វើទៅបាន ដើម្បីជួយទីក្រុងគីវឲ្យកាន់តែរឹងមាំនៅតុចរចា ប៉ុន្តែទណ្ឌកម្មគឺជាមធ្យោបាយធ្វើឲ្យប៉ះពាល់ដល់ឥរិយាបថរបស់រុស្ស៊ី៕អត្ថបទ៖ សុខមាន

សម្តេចតេជោ ហ៊ុន សែន ប្រកាសឱ្យពលរដ្ឋកម្សាន្តសប្បាយរីករាយក្នុងឱកាសបុណ្យចូលឆ្នាំខ្មែរខាងមុខ

សៀមរាប៖ សម្តេចតេជោ ហ៊ុន សែន នាយករដ្ឋមន្ត្រី នៅតែអះអាងឱ្យប្រជាពលរដ្ឋរាំលេងកម្សាន្តសប្បាយរីករាល ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ខណៈការការឆ្លងកូវីដ-១៩ ត្រូវបានគ្រប់គ្រងយ៉ាងល្អ។ថ្លែងក្នុងពិធីសំណេះសំណាល និងសម្ពោធដាក់ឲ្យប្រើប្រាស់ជាផ្លូវការហេដ្ឋារចនាសម្ព័ន្ធផ្លូវចំនួន ៣៨ខ្សែ និងសមិទ្ធផលនៃការស្តារ កែលម្អដងស្ទឹងសៀមរាប នៅក្រុងសៀមរាប ខេត្តសៀមរាប នៅព្រឹកថ្ងៃទី០៤ ខែមេសានេះ សម្តេចតេជោ ហ៊ុន សែន នៅតែបន្តអំពាវនាវឲ្យប្រជាពលរដ្ឋ ឱ្យបន្តអនុវត្តវិធានការ ៣ការពារ ៣កុំ និងនាំគ្នាចាក់វ៉ាក់សាំងទាំងដូសទី១ ទី២ ទី៣ និងដុសជំរុញឱ្យបានគ្រប់ៗគ្នា ដើម្បីធានាភាពស៊ាំក្នុងសហគមន៍៕

សម្តេចតេជោ ហ៊ុន សែន ព្រមានជាថ្មីមិនអត់ឱនដល់បុគ្គលណាដែលចង់បំផ្លាញសន្តិភាព

សៀមរាប៖ សម្តេចតេជោ ហ៊ុន សែន នាយករដ្ឋមន្រ្តី បានព្រមានមិនអត់ឱន និងចាត់វិធានការយ៉ាងតឹងរឹងបំផុត ចំពោះបុគ្គលណាដែលមានចេតនាចង់បំផ្លិចបំផ្លាញសុខសន្តិភាព ដែលប្រទេសកម្ពុជាកំពុងមានសព្វថ្ងៃនេះ។ការព្រមានជាថ្មីនេះធ្វើឡើងនៅព្រឹកថ្ងៃទី៤ ខែមេសា ឆ្នាំ២០២២នេះ ក្នុងឱកាសដែលសម្តេចអញ្ជើញជាអធិបតីភាព ក្នុងពិធីសំណេះសំណាល និងសម្ពោធដាក់ឲ្យប្រើប្រាស់ជាផ្លូវការហេដ្ឋារចនាសម្ព័ន្ធផ្លូវចំនួន ៣៨ខ្សែប្រវែងសរុប ១០៨,៧៥ គីឡូម៉ែត្រ និងសមិទ្ធផលនៃការស្តារ កែលម្អដងស្ទឹងសៀមរាប នៅក្រុងសៀមរាប ខេត្តសៀមរាប។សម្តេចតេជោ ហ៊ុន សែន បានសង្កត់ធ្ងន់ថា បុគ្គលដែលមកពីគណបក្សនយោបាយណាក៏ដោយ អាចថែរក្សានូវសុខសន្តិភាពបានដូចគ្នា ប៉ុន្តែបើបុគ្គលណាដែលប្រាថ្នាចង់បំផ្លិចបំផ្លាញនូវសុខសន្តិភាព គឺមិនបាននោះឡើយមិនថាអ្នកឯងមកពីណាទេ គឺត្រូវតែកម្ទេចចោលភ្លាមៗតែម្តង៕

ប្រសាសន៍សំខាន់ៗសម្តេចតេជោ ហ៊ុន សែន ក្នុងពិធីសម្ពោធដាក់ឱ្យប្រើប្រាស់ផ្លូវ ៣៨ខ្សែ និងហេដ្ឋារចនាសម្ព័ន្ធរូបវន្តមួយចំនួនទៀតនៅក្រុងសៀមរាប

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានអញ្ជើញសម្ពោធដាក់ឱ្យប្រើប្រាស់ផ្លូវចំនួន ៣៨ខ្សែ ព្រមទាំងហេដ្ឋារចនាសម្ព័ន្ធរូបវន្តមួយចំនួនទៀតក្នុងក្រុងសៀមរាប នៅព្រឹកថ្ងៃទី០៤ ខែមេសា ឆ្នាំ២០២២នេះ។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី៖ - សម្តេចតេជោ ហ៊ុន សែន បញ្ជាក់ថា សមិទ្ធនានាដែលកើតមានក្នុងខេត្តសៀមរាប និយាយដោយឡែក និងទូទាំងប្រទេសនិយាយជារួម បានកើតចេញពីទស្សនៈវិស័យ និងចក្ខុវិស័យ នៃការដឹកនាំដ៏ត្រឹមត្រូវរបស់រាជរដ្ឋាភិបាល ក្រោមម្លប់ នៃសុខសន្តិភាព។ ហើយទិដ្ឋភាពអំណោយផលទាំងនេះគឺចង់បញ្ជាក់ថា«ខ្មែរធ្វើបាន»។- សម្តេចតេជោ ហ៊ុន សែន បញ្ជាក់ថា នៅពេលនេះល្មមដល់ពេលដែលសៀមរាបទទួលបាននូវសមិទ្ធផលថ្មី ដ៏មហាសាល ដែលសមនឹងការប្រសិទ្ធនាមជា «តារារះនៅទិសឧត្តរ»។- សម្តេចតេជោ ហ៊ុន សែន បានបញ្ជាក់ថា អ្វីដែលកើតមាននៅសៀមរាប នាពេលនេះ រួមមាន៖ ផ្លូវខ្វែងខ្វាត់ចំនួន ៣៨ខ្សែ និងសមិទ្ធនានា តាមដងស្ទឹងសៀមរាប មិនត្រឹមតែជាការអភិវឌ្ឍតែមួយមុខនោះទេ សមិទ្ធផលទាំងនេះ ក៏បានបង្កប់នូវអត្ថន័យយ៉ាងជ្រៀលជ្រៅសមជាខេត្តវប្បធម៌ ដែលមានធាតុផ្សំការអភិវឌ្ឍ និងការអភិរក្ស។- សម្តេចតេជោ ហ៊ុន សែន បានប្រកាសថា សមិទ្ធផលផ្លូវខ្វែងខ្វាត់នៅខេត្តសៀមរាបនាពេលនេះ សុទ្ធតែមានឈ្មោះ និងត្រូវបានប្រសិទ្ធនាមឈ្មោះថ្មី ដែលមិនឈ្មោះដូចជា លន់ ណុល សិរីមតៈ ចេងហេង...។ល។ នោះទេ គឺសុទ្ធតែប្រសិទ្ធនាមស្របតាមកិច្ចខិតខំប្រឹងប្រែង និងបូជាកម្លាំងកាយចិត្តរបស់ឥស្សរជនកម្ពុជា ដែលមានភក្តីភាពចំពោះជាតិ បាតុភូមិ ទឹកកម្ពុជា និងប្រជាជនកម្ពុជា។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋរស់នៅតែតាមដងផ្លូវ និងប្រជាពលរដ្ឋរស់នៅសំណង់មិនរៀបរយតាមមាត់ស្ទឹង និងក្នុងស្ទឹងសៀមរាប ដែលបានសហការខ្ពស់ជាមួយគណៈកម្មការស្ថាបនាផ្លូវ និងអាជ្ញាធរខេត្តសៀមរាប ដើម្បីសម្រួលដល់ស្ថាបនា និងកែលម្អហេដ្ឋារចនាសម្ព័ន្ធបានឆាប់រហ័ស និងទទួលបានលទ្ធផលយ៉ាងគាប់ប្រសើរ។- សម្តេចតេជោ ហ៊ុន សែន ប្រកាសដោយមោទកភាព និងសម្តែងក្តីរីករាយជាមួយប្រជាពលរដ្ឋខេត្តសៀមរាប មិនត្រឹមតែទទួលបានសមិទ្ធផលថ្មីយ៉ាងគាប់ប្រសើរទេ ថែមទាំងមានកម្រិតជីវភាពគ្រួសារល្អប្រសើរ ដែលខុសពីអតីតកាល មានតែកង់ចតមុខផ្ទះ តែពេលនេះពោរពេញទៅដោយរថយន្តទំនើបៗ និងចតទុកយ៉ាងមានរបៀបរៀបរយតាមគំនូសចំណតលើខឿន នៃហេដ្ឋារចនាសម្ព័ន្ធផ្លូវយ៉ាងស្រស់ស្អាត។- សម្តេចតេជោ ហ៊ុន សែន ប្រកាសទៅដល់ជនអនាចារទាំងឡាយដែលចង់ធ្វើសកម្មភាព ឆក់ ប្លន់ លួច ទ្រព្យសម្បត្តិប្រជាពលរដ្ឋ សូមបោះបង់គំនិតអាក្រក់នោះចោល ព្រោះសៀមរាប ក្លាយជាក្រុងឆ្លាតដែលពោរពេញដោយប្រព័ន្ធសុវត្ថិភាព និងកាមេរ៉ាសុវត្ថិភាព ទោះជាធ្វើសកម្មភាពអ្វីក៏គេដឹង និងចាត់វិធានការដែរ។- សម្តេចតេជោ ហ៊ុន សែន ប្រកាសថ្លែងអំណរគុណដល់ ICC Angkor ដៃគូសហប្រតិបត្តិការបារាំង-ជប៉ុន និងយូណេស្កូ ដែលមានសុទិដ្ឋិនិយមចំពោះកម្ពុជា និងបានប្រឹងប្រែងរួមគ្នាជាមួយកម្ពុជាថែរក្សាសម្បត្តិវប្បធម៌ខ្មែរ និងប្រឹងប្រែងសម្របសម្រួស ដើម្បីកសាងសមិទ្ធផលថ្មីៗនៅក្នុងខេត្ត ដែលមិនប៉ះពាល់ដល់ប្រាសាទ និងសម្បត្តិវប្បធម៌។- សម្តេចតេជោ ហ៊ុន សែន បានប្រកាសដល់បណ្ឌិតមួយរូប(បណ្ឌិត គឹម ហៀង) ជាអ្នករកស៊ីដីធ្លី (អចលនទ្រព្យ) ដែលបានរិះគន់រាជរដ្ឋាភិបាល និងអាជ្ញាធរ មិនអនុញ្ញាតឱ្យកសាងអគារខ្ពស់ និងរិតត្បិតការសាងសង់នៅខេត្តសៀមរាប សូមឱ្យបញ្ឈប់សកម្មភាពទាំងនោះ ដោយសម្តេចហៅសកម្មភាពបណ្ឌិតរូបនោះថាជាសកម្មភាព «មើលតែឈើមួយដើម តែមិនមើលព្រៃទាំងមូល» ។- សម្តេចតេជោ ហ៊ុន សែន បញ្ជាក់ថា មិនអាចយក ខេត្តសៀមរាបទៅប្រៀបធៀបទីផ្សារអចលនទ្រព្យដូចខេត្តដទៃនោះទេ ខណៈខេត្តមួយនេះគឺមានប្រាសាទអង្គរវត្ត ដែលបានចុះបញ្ជីដោយអង្គការយូណេស្កូ។- សម្តេចតេជោ ហ៊ុន សែន បានប្រកាសថា នយោយបាយរបស់រាជរដ្ឋាភិបាលមិនសម្លាប់មេមាន់ដើម្បីយកពងទេ គឺយើងរក្សាមេមាន់ ដើម្បីទទួលបានពងជារៀងរាល់ថ្ងៃ។ សម្តេចបញ្ជាក់ថា សកម្មភាពអ្វីក៏ដោយ ត្រូវគិតដល់ផលប្រយោជន៍រួម និងប្រយោជន៍ជាតិជាធំ ជាពិសេសនិរន្តរភាព នៃការរក្សាប្រាង្គប្រាសាទ និងសម្បត្តិវប្បធម៌ខ្មែរគ្រប់ទីកន្លែង។- សម្តេចតេជោ ហ៊ុន សែន ប្រកាសថ្លែងអំណរគុណដល់ឥស្សរជន សាធារណជន និងប្រជាពលរដ្ឋខ្មែរទូទាំងប្រទេស ដែលបានជូនពរដល់សម្តេចក្នុងឱកាសខួបចម្រើនជន្មាយុ នៅថ្ងៃទី០៤ ខែមេសា ឆ្នាំ២០២២នេះ។- សម្តេចតេជោ ហ៊ុន សែន អំពាវនាវដល់ប្រជាពលរដ្ឋខ្មែរទូទាំងប្រទេស ឱ្យបន្តនាំគ្នារក្សាសុខសន្តិភាព ដែលយើងបានប្រឹងប្រែងរកមកបានដោយលំបាក។ សម្តេចបញ្ជាក់ថា «សង្គ្រាមងាយបង្កើត តែសន្តិភាពមិនងាយស្វែងរកបានដោយស្រួលៗនោះទេ»។- សម្តេចតេជោ ហ៊ុន សែន បានរំលឹកពីអតីតកាល នៃសង្គ្រាមស៊ីវិល ដែលកម្ពុជាមួយពេលនោះ មានតំបន់ត្រួតត្រាច្រើន គឺជាពេលវេលាដ៏លំបាកបំផុត និងមានការផ្ទុះអាវុធជារៀងរាល់ថ្ងៃ ដោយស្លាប់ប្រជាពលរដ្ឋ និងបំផ្លាញហេដ្ឋារចនាសម្ព័ន្ធ។- សម្តេចតេជោ ហ៊ុន សែន ប្រកាសថា កុំដល់ពេលមានសង្គ្រាមហើយ ទើបនាំគ្នាស្វែងរកសុខសន្តិភាព យើងត្រូវតែរក្សាសន្តិភាពដែលកំពុងមាន ឱ្យស្ថិតនៅជានិច្ចនិរន្តតរៀងទៅ។- សម្តេចតេជោ ហ៊ុន សែន បានក្រាបបង្គុំថ្វាយអំណរព្រះរាជគុណ ថ្វាយ សម្តេចឪ, សម្តេចម៉ែ ,ព្រះករុណា ព្រះមហាក្សត្រ និងប្រជាពលរដ្ឋកម្ពុជាទូទាំងប្រទេស ដែលតែងមានព្រះទ័យ និងទឹកចិត្ត គាំទ្រសម្តេចក្នុងការដឹកនាំប្រទេស។- សម្តេចតេជោ ហ៊ុន សែន បានប្រកាសព្រមាន និងប្រកាសប្តូរផ្តាច់រក្សាសុខសន្តិភាពនៅកម្ពុជាឱ្យបានគង់វង្ស។ សម្តេចបញ្ជាក់ថា «នរណាក៏ដោយ ដែលមានបំណងចង់បំផ្លាញសុខសន្តិភាព ត្រូវតែកម្ទេច មិនត្រូវអត់ឱនឱ្យនរណាម្នាក់ឡើយ»។- សម្តេចតេជោ ហ៊ុន សែន បានប្រកាសគិតគូរដល់ហេដ្ឋារចនាសម្ព័ន្ធផ្លូវដែកនៅកម្ពុជា ដែលជាប្រព័ន្ធដឹកជញ្ជូនបុរាណធ្វើដំណើរយឺត ដែលសម្តេចចង់ឱ្យមានការធ្វើទំនើបកម្មផ្លូវរថភ្លើងល្បឿនលឿន (លើតម្រាយផ្លូវចាស់) ដើម្បីសម្រួលដល់ការដឹកជញ្ជូន និងការចរាចរណ៍ឆាប់រហ័ស។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋ កុំភ្លេចខ្លួន នៅក្នុងការការពារពីការឆ្លងរីករាលដាលជំងឺកូវីដ-១៩ តាមរយៈវិធានការ ៣កុំ និង៣ការពារ ព្រមទាំងជំរុញការចាក់វ៉ាក់សាំងដូចជំរុញ(ដូសទី៣) ឱ្យគ្រប់គ្រាន់ ដើម្បីធានាភាពសាំសហគមន៍កាន់តែខ្ពស់។- សម្តេចតេជោ ហ៊ុន សែន បានប្រកាសយ៉ាងម៉ឺងម៉ាត់បន្ថែមទៀតថា ចូលឆ្នាំថ្មី ប្រពៃណីជាតិខ្មែរ ដែលនឹងឈានមកដល់នាពេលឆាប់ៗខាងមុខនេះ នឹងត្រូវកើតមានយ៉ាងពិតប្រាកដ ដែលប្រជាពលរដ្ឋអាចសប្បាយរីករាយដោយគ្មានកង្វល់។- សម្តេចតេជោ ហ៊ុន សែន ប្រកាសជាគំនិតចង់ឱ្យមានការសាកល្បងមិនពាក់ម៉ាស់នៅតំបន់ ឬខេត្តណាមួយ ព្រោះម៉ាស់នេះ ក៏ជាតម្រូវការចំណាយរបស់ប្រជាពលរដ្ឋផងដែរ ហើយមួយវិញទៀតករណីឆ្លងរីករាយដាលជំងឺកូវីដ-១៩ ក៏ត្រូវបានគ្រប់គ្រងឱ្យស្ថិតនៅកម្រិតមួយទាបផង។ សម្តេចបញ្ជាក់ថា «អារឿងអត់ពាក់ម៉ាស់នេះគ្រាន់តែជាគំនិតនៅឡើយ តែអ្វីៗត្រូវរង់ចាំការពិភាក្សា និងចាំការប្រកាសរបស់រាជរដ្ឋាភិបាលជាមុនសិន»។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋ កុំជឿលើការឃោសនា ផ្សព្វផ្សាយអកុសល របស់ជនមួយក្តាប់តូចថា «ចាក់វ៉ាក់សាំង នាំឱ្យមានជំងឺមហារីកនៅពេលក្រោយ»។ សម្តេចតេជោ ហ៊ុន សែន បញ្ជាក់ថា «វ៉ាក់សាំងគឺជាឧបករណ៍មួយ ដ៏មានប្រសិទ្ធភាពបំផុត ក្នុងការជួយដល់ប្រជាពលរដ្ឋពីការឆ្លងរីករាលដាលជំងឺកូវីដ-១៩ យ៉ាងពិតប្រាកដ»។- សម្តេចតេជោ ហ៊ុន សែន ប្រកាសជូនពរ និងប្រសិទ្ធិពរជ័យ សិរីបវរ មហាប្រសើរ ជូនដល់ប្រជាពលរដ្ឋខ្មែរទូទាំងប្រទេស, ប្រជាពលរដ្ឋខ្មែររស់នៅឯនាយសមុទ្រ និងកងរក្សាសន្តិភាពកម្ពុជា កំពុងបំពេញបេសកកម្មរក្សាសន្តិភាពក្រោមឆ័ត្រអង្គការសហប្រជាជាតិ ក្នុងឱកាសបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់នាពេលឆាប់ៗខាងមុខនេះ។សង្កថាសម្តេចតេជោ ហ៊ុន សែន នាយករដ្ឋមន្ត្រី ចប់នៅវេលាម៉ោង៨ និង៤៤នាទី

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវ ៣៨ខ្សែ និងហេដ្ឋារចនាសម្ព័ន្ធរូបវន្តមួយចំនួនទៀតនៅក្រុងសៀមរាប

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsភ្នំពេញ៖ សម្តេចតេជោ ហ៊ុន សែននាយករដ្ឋមន្ត្រី អញ្ជើញសម្ពោធដាក់ឱ្យប្រើប្រាស់ផ្លូវចំនួន៣៨ខ្សែ ព្រមទាំងហេដ្ឋារចនាសម្ព័ន្ធរូបវន្តមួយចំនួនទៀតក្នុងក្រុងសៀមរាប នៅព្រឹកថ្ងៃទី០៤ ខែមេសា ឆ្នាំ២០២២នេះ។គម្រោងស្ថាបនាផ្លូវទាំង ៣៨ខ្សែ ដែលមានប្រវែងសរុប ១០៨.៧៤គីឡូម៉ែត្រ ត្រូវបានបានសាងសង ់ដោយអនុលោមទៅតាមប្រភេទខ្សែផ្លូវនីមួយ៖- ផ្លូវប្រភេទទី១៖ ជាផ្លូវស្ថិតក្នុងតំបន់ភ្ញៀវទេសចរធ្វើដំណើរច្រើន និងមានកម្រាលផ្លូវល្អ ត្រូវបានជួសជុលឡើងវិញ ដោយអ៊ុតក្រាលបេតុងកៅស៊ូAC កម្រាស់ពី ៥សង់ទីម៉ែត្រទៅ ៧សង់ទីម៉ែត្រ។- ផ្លូវប្រភេទទី២៖ ជាផ្លូវស្ថិតក្នុងតំបន់ភ្ញៀវទេសចរធ្វើដំណើរច្រើន និងមានកម្រាលផ្លូវមិនល្អ ត្រូវបានសាងសង់ថ្មីឡើងវិញ ដោយចាក់ក្រាលបេតុងសរសៃដែក កម្រាស់២០សង់ទីម៉ែត្រ រួចក្រាលបេតុងកៅស៊ូ AC កម្រាស់ ៧សង់ទីម៉ែត្រពីលើ។- ផ្លូវប្រភេទទី៣៖ ជាផ្លូវមិនស្ថិតនៅតំបន់មានភ្ញៀវទេសចរធ្វើដំណើរច្រើន ត្រូវបានសាងសង់ថ្មីឡើងវិញ ដោយចាក់ក្រាលបេតុងសរសៃដែកកម្រាស់ ២០សង់ទីម៉ែត្រ។- ផ្លូវប្រភេទទី៤៖ ជាផ្លូវវាងក្រុង ដោយកំណាត់ផ្លូវដែលមានតួផ្លូវល្អ ត្រូវបានជួសជុលអ៊ុតក្រាលបេតុងកៅស៊ូ AC ឡើងវិញ ចំណែកកំណាត់ផ្លូវដែលមានតួផ្លូវមិនល្អ ត្រូវបានសាងសង់ថ្មីឡើងវិញ ដោយចាក់ក្រាលបេតុងសរសៃដែក កម្រាស់ ២៥សង់ទីម៉ែត្រ។ការសាងសង់ផ្លូវទាំង៣៨ខ្សែនេះ ត្រូវបានអនុវត្តដោយអង្គភាពរដ្ឋចំនួន ៨ក្រុម រួមមាន៖ កងវិស្វកម្មលេខ១៧៨ ស្ពាន ថ្នល់ នៃនាយកដ្ឋានវិស្វកម្ម ក្រសួងការពារជាតិ, កងវិស្វកម្មសម្តេចតេជោ ខេត្តសៀមរាប, កងវិស្វកម្មតេជោ ហ៊ុន សែន សៀមរាប, អគ្គនាយកដ្ឋានសាធារណការ, អគ្គនាយកដ្ឋានប្រព័ន្ធចម្រុះទឹកកខ្វក់, នាយកដ្ឋានគ្រឿងចក្រ និងស្ថាបនាផ្លូវ, នាយកដ្ឋានជួសជុល និងថែទាំផ្លូវថ្នល់, និងមន្ទីរសាធារណការ និងដឹកជញ្ជូនខេត្តសៀមរាប។ គម្រោងនេះ ត្រូវបានត្រួតពិនិត្យលក្ខណៈបច្ចេកទេស ដោយក្រុមការងារអន្តរក្រសួងសម្រាប់ត្រួតពិនិត្យ និងវាយតម្លៃការងារ និងក្រុមការងារបច្ចេកទេសអន្តរក្រសួងចំនួន៩ក្រុមទៀត ដែលប្រចាំការនៅតាមការដ្ឋានផ្ទាល់។ គម្រោងនេះ បានចំណាយថវិកាអស់ជិត ១៥០លានដុល្លារអាមេរិក ជាកញ្ចប់ថវិកាជាតិ ដែលបានអនុម័តផ្តល់ដោយរាជរដ្ឋាភិបាលកម្ពុជា។ខ្សែផ្លូវទាំង៣៨ខ្សែនេះ គឺជាខ្សែផ្លូវដែលបានសាងសង់ឡើងដោយគិតគូរយ៉ាងល្អិតល្អន់អំពីបទដ្ឋានលក្ខណៈបច្ចេកទេស និងគំនូសប្លង់នគរូបនីយកម្មផ្លូវ ការបែងចែកខ្សែផ្លូវអាទិភាពស្របទៅតាមរូបសាស្ដ្រទីក្រុង ដែលមានសង្គតិភាពនគរូបនីយកម្ម មានមេត្រីភាពនឹងទឹក ព្រៃឈើនិងប្រាសាទបុរាណ និងស្របជាមួយប្លង់គោលប្រើប្រាស់ដីក្រុងសៀមរាប និងផែនការមេអភិវឌ្ឍទេសចរណ៍ខេត្តសៀមរាបចក្ខុវិស័យឆ្នាំ២០៣៥។ ជាមួយគ្នានេះ គម្រោងស្ថាបនាផ្លូវទាំង ៣៨ខ្សែ ក៏មានការរៀបចំនូវបណ្តាញលូទឹកភ្លៀង លូទឹកកខ្វក់នៅតាមបណ្តោយខ្សែផ្លូវ និងបានតភ្ជាប់ប្រព័ន្ធលូទឹកភ្លៀង និងលូទឹកកខ្វក់ចេញពីលំនៅឋានរបស់បងប្អូនប្រជាពលរដ្ឋចំនួន ១២,២៩៩ទីតាំង មកបណ្តាញលូមេនៃខ្សែផ្លូវទាំង៣៨ខ្សែ រួមជាមួយការងារស្ថាបនាចំណតរថយន្តសងខាងផ្លូវជាតិលេខ៦ ប្រវែង ២១៩០ម៉ែត្រ ដែលបានចំណាយថវិកាបន្ថែមអស់ជិត ៤លានដុល្លារអាមេរិក ជាការផ្ដល់ជូនដោយ សម្តេចតេជោនាយករដ្ឋមន្ត្រី ដើម្បីបញ្ចប់គម្រោងនេះ និងជាពិសេស គឺជួយសម្រួលបន្ទុកចំណាយរបស់ប្រជាពលរដ្ឋ នៅក្នុងចន្លោះអន្តរកាលនៃវិបត្តិជំងឺកូវីដ-១៩។ក្រៅពីនោះ គម្រោងនេះ ក៏បានរៀបចំបន្ថែមនូវប្រព័ន្ធការពារទឹកជំនន់ បញ្ចៀសការជន់លិចទីក្រុង រៀបចំខឿនចិញ្ចើមផ្លូវ បង្គោលភ្លើងបំភ្លឺផ្លូវ ភ្លើងសញ្ញាចរាចរណ៍ បណ្តាញខ្សែកាប ប្រព័ន្ធបញ្ជូនអគ្គិសនី ផ្លូវថ្មើរជើង ផ្លូវសម្រាប់ជនពិការ ផ្លូវជិះកង់ ចំណតរថយន្ត ផ្លាកសញ្ញា គំនូសសញ្ញាចរាចរណ៍ ប្រព័ន្ធកាមេរ៉ាសុវត្ថិភាព សួនច្បារ និងការដាំដើមឈើលម្អតាមដងផ្លូវ៕

បណ្ដាញសង្គម

ព័ត៌មានថ្មីៗ

មន្ទីរសាធារណការខេត្តកំពង់ឆ្នាំងនឹងរុះរើបេតុងតាមផ្លូវជាតិលេខ៥ ដែលពលរដ្ឋចាក់លុបចិញ្ចើមផ្លូវ

ធនាគារពិភពលោកនឹងបោះបង់គោលដៅផ្តល់ប្រាក់កម្ចី ៤៥% ដល់គម្រោងបម្រែបម្រួលអាកាសធាតុ

កុងហ្គោនិយាយថាមានករណីឆ្លងជំងឺអេបូឡាជាង១.០០០ករណី ត្រូវបានបញ្ជាក់ រួមទាំងអ្នកស្លាប់៣៧៧ នាក់

នគរបាលតាមរកជនរត់គេចខ្លួន បន្ទាប់ពីការផ្ទុះ នៅ Monaco ធ្វើឱ្យមនុស្សជាច្រើននាក់រងរបួស

លោកស្រី Fujimori ឈ្នះការបោះឆ្នោតប៉េរូក្នុងសំឡេងស្ដួចស្ដើង សម្រាប់ការឈរឈ្មោះលើកទី៤

បុគ្គលិកក្រុមហ៊ុនអាកាសចរណ៍ថៃ ត្រូវបានចាប់ខ្លួន នៅអូស្ត្រាលី ក្រោយរកឃើញគ្រឿងញៀនក្នុងកាបូប

សហភាពអឺរ៉ុប និងចិន ចាប់ផ្តើមកិច្ចពិភាក្សាពាណិជ្ជកម្ម ដើម្បីបន្ធូរបន្ថយភាពតានតឹង

តំបន់អូរស្មាច់ស្ថិតក្រោមអធិបតេយ្យភាពដាច់ខាតរបស់កម្ពុជា៖ រាល់ទង្វើចូលមកដោយគ្មានការអនុញ្ញាត និងការបង្កើតព័ត៌មានមិនពិតគឺជាការរំលោភច្បាប់អន្តរជាតិយ៉ាងធ្ងន់ធ្ងរ

កងទ័ពរំដោះប្រជាជនចិន ធ្វើការល្បាតត្រៀមខ្លួនប្រយុទ្ធ នៅជុំវិញតំបន់ថ្មប៉ប្រះទឹក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន ពេញចិត្តចំពោះផ្លូវធំតភ្ជាប់ទៅអង្គរវត្ត មានព្រះនាមសម្តេចព្រះមហាវីរក្សត្រនៃយើង

សម្តេចតេជោ ហ៊ុន សែន ៖ មិនអាចយកខេត្តសៀមរាបទៅប្រៀបធៀបទីផ្សារអចលនទ្រព្យដូចខេត្តដទៃនោះទេ

ប្រធានាធិបតីអ៊ុយក្រែនចោទប្រកាន់រុស្ស៊ីពីបទប្រព្រឹត្តអំពើប្រល័យពូជសាសន៍

សម្តេចតេជោ ហ៊ុន សែន ៖ ថ្ងៃទី៤មេសា ជាថ្ងៃកំណើតផ្លូវការរបស់សម្ដេច ហើយជាការចាប់ផ្ដើមចលនាតស៊ូរំដោះប្រទេសជាតិ

អាមេរិកនិយាយថា លោក Zelensky អាចដកទណ្ឌកម្មលើរុស្ស៊ីជាថ្នូរនឹងសន្តិភាព

សម្តេចតេជោ ហ៊ុន សែន ប្រកាសឱ្យពលរដ្ឋកម្សាន្តសប្បាយរីករាយក្នុងឱកាសបុណ្យចូលឆ្នាំខ្មែរខាងមុខ

សម្តេចតេជោ ហ៊ុន សែន ព្រមានជាថ្មីមិនអត់ឱនដល់បុគ្គលណាដែលចង់បំផ្លាញសន្តិភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោ ហ៊ុន សែន ពេញចិត្តចំពោះផ្លូវធំតភ្ជាប់ទៅអង្គរវត្ត មានព្រះនាមសម្តេចព្រះមហាវីរក្សត្រនៃយើង

សម្តេចតេជោ ហ៊ុន សែន ៖ មិនអាចយកខេត្តសៀមរាបទៅប្រៀបធៀបទីផ្សារអចលនទ្រព្យដូចខេត្តដទៃនោះទេ

ប្រធានាធិបតី​អ៊ុយ​ក្រែ​ន​ចោទប្រកាន់​រុស្ស៊ី​ពី​បទ​ប្រព្រឹត្ត​អំពើ​ប្រល័យពូជសាសន៍​

អាមេរិក​និយាយ​ថា លោក Zelensky អាច​ដក​ទណ្ឌកម្ម​លើ​រុស្ស៊ី​ជា​ថ្នូរ​នឹង​សន្តិភាព

សម្តេចតេជោ ហ៊ុន សែន ប្រកាសឱ្យពលរដ្ឋកម្សាន្តសប្បាយរីករាយក្នុងឱកាសបុណ្យចូលឆ្នាំខ្មែរខាងមុខ

សម្តេចតេជោ ហ៊ុន សែន ព្រមានជាថ្មីមិនអត់ឱនដល់បុគ្គលណាដែលចង់បំផ្លាញសន្តិភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានាធិបតីអ៊ុយក្រែនចោទប្រកាន់រុស្ស៊ីពីបទប្រព្រឹត្តអំពើប្រល័យពូជសាសន៍

អាមេរិកនិយាយថា លោក Zelensky អាចដកទណ្ឌកម្មលើរុស្ស៊ីជាថ្នូរនឹងសន្តិភាព