BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

រុស្ស៊ីនិយាយថា អ៊ុយក្រែនបានវាយប្រហារលើឃ្លាំងស្ដុកប្រេងឥន្ធនៈក្បែរទីក្រុង Belgorod

រុស្ស៊ី៖ ក្រសួងការពារជាតិរុស្ស៊ីបានថ្កោលទោស ការវាយប្រហារតាមអាកាសរបស់អ៊ុយក្រែនលើមូលដ្ឋានប្រេង នៅខាងក្រៅទីក្រុង Belgorod ដែលមន្ត្រីក្រសួងបាននិយាយថា ការវាយប្រហារបានឆេះបំផ្លាញឃ្លាំងស្តុក។ អ្នកនាំពាក្យក្រសួងលោក Igor Konashenkov និយាយថា ទីតាំងឃ្លាំងនេះផ្តល់ការផ្គត់ផ្កង់ប្រេង សម្រាប់ការដឹកជញ្ជូនជនស៊ីវិលតែប៉ុណ្ណោះ ហើយមូលដ្ឋានប្រេងនេះគ្មានជាប់ពាក់ព័ន្ធនឹងកងកម្លាំងប្រដាប់អាវុធរុស្ស៊ីនោះទេ។អភិបាលតំបន់ទីក្រុង Belgorod ព្រំដែនរុស្ស៊ីបានចោទប្រកាន់អ៊ុយក្រែនថា បានប្រើឧទ្ធម្ភាគចក្រប្រយុទ្ធចូលទៅក្នុងទឹកដីរុស្ស៊ីកាលពីព្រឹកថ្ងៃសុក្រ ហើយបានកំណត់គោលដៅលើឃ្លាំងស្តុកប្រេង ដែលជាការវាយប្រហារលើកដំបូងសម្រាប់សកម្មភាពបែបនេះ។ លោក Vyacheslav Gladkov បាននិយាយថា ការវាយប្រហារតាមអាកាសបានបំផ្លាញឃ្លាំងស្តុក ហើយមនុស្សពីរនាក់បានរងរបួស។វិមានក្រឹមឡាំងបាននិយាយកាលពីថ្ងៃសុក្រថា ប្រធានាធិបតីរុស្ស៊ីលោក Vladimir Putin ត្រូវបានគេជូនដំណឹងអំពីអគ្គិភ័យនៅឃ្លាំងស្តុកប្រេងឥន្ធនៈក្នុងទីក្រុង Belgorod ដែលតាមសេចក្តីរាយការណ៍ថា ពិតជាបណ្តាលមកពីការវាយប្រហារតាមអាកាសរបស់អ៊ុយក្រែន។ អ្នកនាំពាក្យលោក Dmitry Peskov និយាយថា អាជ្ញាធររុស្ស៊ីកំពុងមានវិធានការដើម្បីធ្វើឱ្យប្រាកដថា ការផ្គត់ផ្គង់ប្រេងឥន្ធនៈនៅក្នុងតំបន់នោះមិនត្រូវបានរងផលប៉ះពាល់៕អត្ថបទ៖ ប៊ុនថន

សម្តេចតេជោ ហ៊ុន សែន ចូលអុចធូបនៅរង្វង់មូលលោកតាក្រហមក ផ្លូវបំបែកខេត្តកំពង់ធំ

ភ្នំពេញ៖ ក្នុងឱកាសនៃការអញ្ជើញធ្វើដំណើរតាមរថយន្តឆ្ពោះទៅកាន់ខេត្តសៀមរាប នាព្រឹកថ្ងៃទី២ ខែមេសានេះ សម្តេចតេជោ ហ៊ុន សែន នាយករដ្ឋមន្រ្តី បានអញ្ជើញទស្សនា និងបូជាទានធូបនៅរង្វង់មូលលោកតាក្រហមក ផ្លូវបំបែកចូលទៅកាន់ទីរួមខេត្តកំពង់ធំ និងផ្លូវក្រុងថ្មី ដែលស្ថាបនាឡើងក្រោមកិច្ចដឹកនាំរបស់ ថ្នាក់ដឹកនាំ មន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋខេត្តកំពង់ធំ ក្រោមម្លប់សន្តិភាពនៃសម័យតេជោ សែន ដ៏រូងរឿងនៃយើង។សម្តេចតេជោនាយករដ្ឋមន្រ្តី ដែលទទួលបាននូវការធ្វើគារវកិច្ចស្វាគមន៍យ៉ាងស្និទ្ធស្នាលរ៉ាក់ទាក់ពី ឯកឧត្តម ងួន រតនៈ អភិបាលខេត្តកំពង់ធំ បានសំដែងនូវការវាយតម្លៃ និងកោតសរសើរចំពោះថ្នាក់ដឹកនាំ មន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋ ក្នុងខេត្តកំពង់ធំ ទាំងអស់ រួមសាមគ្គីគ្នាជាធ្លុងមួយក្នុងការអនុវត្តនូវកម្មវិធី និងគោលនយោបាយរបស់រាជរដ្ឋាភិបាល នីតិកាលទី៦ នៃរដ្ឋសភា ពិសេសការអភិវឌ្ឍសមិទ្ធផលសង្គមគ្រប់ច្រកល្ហកទាំងអស់ ក្នុងខេត្តកំពង់ធំ មានការរីកចំរើនគួរឲ្យកត់សំគាល់ ពីមួយឆ្នាំទៅមួយឆ្នាំ ពិសេសការកសាងឡើងនូវមហាសមិទ្ធផលជាប្រវត្តិ សាស្រ្តនានា ដែលទាក់ទិនទៅនិងសាវតានៃទឹកដីខេត្តកំពង់ធំ។សូមបញ្ជាក់ដែរថា ពីមួយអណត្តិទៅមួយអណត្តិខេត្តកំពង់ធំ បានខិតខំកសាងនូវមហាសមិទ្ធផលជាប្រវត្តិសាស្រ្ត ដែលទាក់ទិនទៅនិងអត្តសញ្ញាណជាតិ និងសាវតានានារបស់ខេត្តកំពង់ធំ ដូចជាការកសាងឡើងនូវរូបសំណាក់ដាក់តាំងបង្ហាញ នៅតាមរង្វង់មូលច្រកចេញចូលខេត្តកំពង់ធំ ដូចជារូបសំណាកដាវដែកកំពង់ស្វាយ រូបសំណាក់លោកតាក្រហមក រូបសំណាក់អាចារ្យលាក់ និងរូបសំណាក់ប្រវត្តិ សាស្រ្តមួយចំនួនទៀត ដើម្បីដាក់តាំងបង្ហាញឲ្យកូនខ្មែរជំនាន់ក្រោម ក៏ដូចជាភ្ញៀវទេសចរណ៍អន្តរជាតិ ដែលមកកំសាន្តនៅព្រះរាជាណាចក្រកម្ពុជា បានស្គាល់ពីប្រវត្តិសាស្រ្តរបស់ប្រទេសកម្ពុជា ពិសេសប្រវត្តិសាស្រ្តនៃទឹកដីខេត្តកំពង់ធំ។ បន្ទាប់ពីបានចំណាយពេលទស្សនាសំណង់សមិទ្ធផល រូបសំណាកលោកតាក្រហមក និងបូជាទៀនធូបសុំសេចក្តីសុខដល់ការធ្វើដំណើរ និងសេចក្តីសុខសន្តិភាពសម្រាប់ ព្រះរាជាណាចក្រកម្ពុជា រួចមក សម្តេចតេជោនាយករដ្ឋមន្រ្តីបានអញ្ជើញបន្តដំណើរឆ្ពោះទៅកាន់ខេត្តសៀមរាប ជាទីដែលសម្តេចនឹងអញ្ជើញចូលរួមក្នុងពិធីត្រួតពិនិត្យវឌ្ឍនភាពផ្លូវ៣៨ខ្សែ និងដំណើរការសាងសងព្រលានយន្តហោះថ្មី សៀមរាប អង្គរ ក្នុងស្រុកជីក្រែង និងស្រុកសូត្រនិគម ថ្ងៃទី៣មេសា និងអញ្ជើញចូលរួមពិធីសម្ពោធហេដ្ឋារចនាសម្ព័ន្ធផ្លូវ៣៨ខ្សែ ក្នុងខេត្តសៀមរាប នាថ្ងៃច័ន្ទទី៤ ខែមេសា ឆ្នាំ២០២២៕

សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នឹងដឹកនាំគណៈប្រតិភូអញ្ជើញទៅបំពេញទស្សនកិច្ចផ្លូវការនៅសាធារណរដ្ឋកូរ៉េ

ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នឹងដឹកនាំគណៈប្រតិភូអញ្ជើញទៅបំពេញទស្សនកិច្ចផ្លូវការនៅសាធារណរដ្ឋកូរ៉េ ស្របតាមការអញ្ជើញរបស់ឯកឧត្តម Park Byeong-seug ប្រធានរដ្ឋសភា នៃសាធារណរដ្ឋកូរ៉េ ចាប់ពីថ្ងៃទី៤ -៧ ខែមេសា ឆ្នាំ២០២២។

ប្រធានសភាសហភាពអឺរ៉ុបជួបលោក Zelenskyy ក្នុងទីក្រុងគីវ

អ៊ុយក្រែន៖ ប្រធានសភាអឺរ៉ុបលោកស្រី Roberta Metsola បានថ្លែងអំណរគុណដល់ប្រធានាធិបតីអ៊ុយក្រែនលោក Volodymyr Zelenskyy សម្រាប់ការប្រយុទ្ធប្រឆាំងក្នុងគោលការណ៍ជាមូលដ្ឋាន ដែលទ្វីបនេះត្រូវបានការពារជាច្រើនសតវត្សរ៍មកហើយ ក្នុងអំឡុងពេលដំណើរទស្សនកិច្ចរបស់លោកស្រីទៅកាន់ទីក្រុងគីវកាលពីថ្ងៃសុក្រ។លោក Zelenskyy បានសំដែងការថ្លែងអំណរគុណ ដែលគណៈប្រតិភូសភាអឺរ៉ុបបានធ្វើទស្សនកិច្ចមកកាន់ប្រទេសអ៊ុយក្រែន ក្នុងអំឡុងពេលមានសង្គ្រាម។ លោកនិយាយថា ដំណើរទស្សនកិច្ចមកអ៊ុយក្រែនគឺជាវីរភាព។ លោកស្រី Metsola និយាយថា អ៊ុយក្រែនត្រូវបានចាត់ទុកថាជាផ្នែកមួយនៃគ្រួសារអឺរ៉ុប៕អត្ថបទ៖ ប៊ុនថន

គ្រឹះស្ថានអង្គរ៖ ៣ខែដើមឆ្នាំ២០២២នេះ ភ្ញៀវទេសចរបរទេស ១៩.៨៤០នាក់ចូលទស្សនាតំបន់រមនីយដ្ឋានអង្គរ

ភ្នំពេញ៖ គ្រឹះស្ថានអង្គរប្រកាសថា រយៈពេល៣ខែ ដើមឆ្នាំ២០២២នេះ ភ្ញៀវទេសចរបរទេសចំនួន ១៩.៨៤០នាក់ បានចូលទស្សនាតំបន់រមនីយដ្ឋានអង្គរ និងទទួលបានចំណូលសរុប ៨១៥.៥៧៥ដុល្លារអាមេរិក។

អូស្ត្រាលីនឹងផ្តល់ជំនួយសំភារៈនិងវ៉ាក់សាំងជូនកម្ពុជានិងកិច្ចសហការលើវិស័យកសិកម្ម និងកសិ-ឧស្សាហកម្មនៅកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអរគុណអូស្ត្រាលីដែលផ្តល់ជំនួយទូវ៉ាក់សាំងនិងវ៉ាក់សាំងមកកម្ពុជា ជាពិសេសការអះអាងស្ដាប់កិច្ចសហប្រតិបត្តិការលើវិស័យកសិកម្មកសិឧស្សាហកម្មដើម្បីជំរុញសង្វាក់ផលលិតកម្មសម្រាប់ការនាំចេញផលិតផលកសិកម្មកម្ពុជាទៅក្រៅប្រទេសកាំរកិច្ចព្រមព្រៀងពាណិជ្ជកម្មសេរី។សម្តេចតេជោប្រមុខរាជរដ្ឋាភិបាលបានអរគុណនិងស្វាគមន៍ចំពោះកិច្ចសហប្រតិបត្តិការជាមួយអូស្ត្រាលីយ៉ាងដូច្នេះ ខណៈអនុញ្ញាតឱ្យឯកឧត្តម PabloKang ឯកអគ្គរដ្ឋទូតអូស្ត្រាលី ចូលជួបសំដែងការគួរសម នៅ វិមានសន្តិភាពនារសៀលថ្ងៃទី១ខែមេសានេះ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានបញ្ជាក់ឲ្យដឹងថា នៅក្នុងជំនួបនេះឯកឧត្តម ប៉ាប្លូកាំង បាននាំលិខិតរបស់ឯកឧត្តមនាយករដ្ឋមន្ត្រីអូស្ត្រាលីជូនចំពោះសម្ដេចក្នុងឱកាសខួប៧០នៃទំនាក់ទំនងការទូតរវាងកម្ពុជាអូស្ត្រាលីហើយបានធ្វើការអធិប្បាយនៅលិខិតរបស់នាយករដ្ឋមន្ត្រីដែលមានលក្ខណៈជាវិជ្ជមាននិងបានជំរាបជូនសម្ដេចថា អូស្ត្រាលីនឹងផ្ដល់ជំនួយវ៉ាក់សាំងដល់កម្ពុជា ហើយអូស្ត្រាលីនឹងបើកប្រទេសឡើងវិញដើម្បីអនុញ្ញាតឱ្យប្រជាជនទាំងអស់បានធ្វើដំណើរចូលដោយមិនបាច់ធ្វើតេស្ត។អូស្ត្រាលីនឹងផ្ដល់ជំនួយកិច្ចសហប្រតិបត្តិការជាដៃគូវិស័យកសិកម្ម កសិ-ឧស្សាហកម្ម និងផលិតផល ដើម្បីនាំចេញទៅប្រទេសក្រៅប្រទេសតាមរយៈកិច្ចព្រមព្រៀងពាណិជ្ជកម្មសេរី(AFTA)។ជាការឆ្លើយតប សម្ដេចតេជោបានថ្លែងអំណរគុណជូនចំពោះឯកឧត្តមឯកអគ្គរដ្ឋទូតអូស្ត្រាលីដែលបាននាំលិខិតរបស់ឯកឧត្តមនាយករដ្ឋមន្ត្រីអូស្ត្រាលីមកជូនសម្ដេចហើយក៏បានមានប្រសាសន៍ថា កម្ពុជាតែងតែវាយតម្លៃខ្ពស់ចំពោះប្រទេសអូស្ត្រាលីដែលទទួលស្គាល់កម្ពុជាមុនកម្ពុជាទទួលឯករាជ្យ និងជាចរន្តជំរុញឲ្យកម្ពុជាទទួលបានឯករាជ្យពីបារាំង។សម្ដេចក៏បានសម្ដែងនូវការអបអរសាទរដល់រដ្ឋាភិបាលអូស្ត្រាលីក្នុងការគ្រប់គ្រងការរីករាលដាលជំងឺកូវីដ19 និងបានបើកប្រទេសឡើងវិញក្នុងពេលពីរសប្តាហ៍ខាងមុខនេះនិងបានថ្លែងអំណរគុណដល់រដ្ឋាភិបាលអូស្ត្រាលីដែលបានផ្ដល់វ៉ាក់សាំង ទូត្រជាក់រក្សាវ៉ាក់សាំងនិងកិច្ចសហប្រតិបត្តិការជាដៃគូ ជាពិសេសលើវិស័យកសិកម្ម កសិ-ឧស្សាហកម្មដើម្បីជម្រុញចង្វាក់ផលិតកម្មសម្រាប់ការនាំចេញផលិតផលកសិកម្មកម្ពុជាតាមរយៈAFTA។សម្ដេចបានស្នើឯកឧត្តមទូតអូស្ត្រាលីធ្វើការពិនិត្យលើវិស័យផ្សេងៗទៀតដើម្បីពង្រីកនិងពង្រឹងកិច្ចសហប្រតិបត្តិការបន្ថែមទៀតលើទំនាក់ទំនងនៃប្រទេសទាំងពីរ កម្ពុជា-អូស្ត្រាលី៕

ប្រសិតពិសេសអគ្គលេខាធិការUNជម្រាបជូនសម្តេចតេជោពីលទ្ធផលដែលបានរួមចំណែកជួយដោះស្រាយបញ្ហាមីយ៉ាន់ម៉ា

ភ្នំពេញ ៖ លោកជំទាវប្រេសិតពិសេសរបស់អគ្គលេខាធិការអង្គការសហប្រជាជាតិជាមួយនឹងការអបអរសាទរដែលសម្ដេចតេជោបានទទួលមេដាយសន្តិភាពនៅប្រទេសកូរ៉េនិងកងរក្សាសន្តិភាពរបស់កម្ពុជាទទួលមេដាយអង្គការសហប្រជាជាតិលោកជំទាវប្រេសិតពិសេសអគ្គលេខាធិការអង្គការសហប្រជាជាតិក៏បានគោរពជម្រាបជូនសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អំពីកិច្ចការដែលលោកជំទាវបានធ្វើពាក់ព័ន្ធនឹងបញ្ហាមីយ៉ានម៉ាដែលលោកជំទាវបានធ្វើក្នុងរយៈពេល ៣ ខែមកនេះ។ការសាទរនិងជម្រាបជូនពីកិច្ចការដែលប្រេសិតពិសេសអគ្គលេខាធិការអង្គការសហប្រជាជាតិបានរួមចំណែកធ្វើពាក់ព័ន្ធបញ្ហាមីយ៉ាន់ម៉ាមកជំរាបជូនសម្តេចតេជោប្រមុខរាជរដ្ឋាភិបាលកម្ពុជាគឺត្រូវបានធ្វើឡើងក្នុងពេលសម្ដេចតេជោបានអនុញ្ញាតឱ្យលោកជំទាវ Noeleen Heyzer ប្រសិតពិសេសអគ្គលេខាធិការអង្គការសហ ប្រជាជាតិ រូបនេះ ចូលជួបសំដែងការគួរសមនិងពិភាក្សានៅ វិមានសន្តិភាពនារសៀលថ្ងៃទី១ខែមេសានេះ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានប្រាប់ក្រុមអ្នកសារព័ត៌មានថា : នៅក្នុងជំនួបនេះ លោកជំទាវ ណូលីន បានគោរពសម្ដែងនូវការអបអរសាទរជូនចំពោះសម្ដេចតេជោដែលបានទទួលមេដាយសន្តិភាពនៅប្រទេសកូរ៉េនាពេលកន្លងមកនិងបានសម្ដែងនូវការសាទរផងដែរដែលថ្មីៗនេះកងទ័ពរក្សាសន្តិភាពកម្ពុជាទទួលបានមេដាយពីអង្គការសហប្រជាជាតិហើយលោកជំទាវក៏បានគោរពជម្រាបជូនសម្ដេចពីកិច្ចការដែលលោកជំទាវបានធ្វើ៣ខែកន្លងមកក្នុងនាមជាប្រេសិតពិសេសអគ្គលេខាធិការអង្គការសហប្រជាជាតិពាក់បញ្ហា មីយ៉ាន់ម៉ា។ឯកឧត្តមអ៊ាងសុផល្លែតបានបញ្ជាក់យ៉ាងដូច្នេះថា:ជាការឆ្លើយតបសម្ដេចតេជោបានថ្លែងអំណរគុណជូនលោកជំទាវ ណូលីន ដែលបានសម្ដែងនូវការអបអរសាទរចំពោះការទទួលមេដាយសន្តិភាពនិងកងរក្សាសន្តិភាពកម្ពុជាបានទទួលដោយអង្គការសហប្រជាជាតិ។សម្ដេចបានថ្លែងអំណរគុណលោកជំទាវផងដែរដែលបានលើកឡើងអំពីករណីមីយ៉ាន់ម៉ាហើយសម្ដេចបានមានប្រសាសន៍ថាយើងមានចំណុចរួមគ្នានោះគឺជួយស្វែងរកជូនប្រជាជនមីយ៉ាន់ម៉ានូវសន្តិភាព ស្ថិរភាពនិងការរីកចម្រើន ហើយអ្វីដែលត្រូវធ្វើជាបន្ទាន់នោះ គឺបញ្ឈប់អំពើហិង្សានាំអំណោយមនុស្សធម៌ជូនដល់ប្រជាជនទាំងអស់ដែលកំពុងត្រូវការនិងបង្កលក្ខណៈជឿទុកចិត្តគ្នា ដោះស្រាយបញ្ហាជាពិសេសតាមរយៈការព្រមព្រៀងជាឯកច្ឆន្ទ ៥ ចំណុចរបស់អាស៊ាន៕

សម្តេចតេជោណែនាំមន្ត្រីស្ថាប័នពាក់ព័ន្ធពិភាក្សាជាមួយដៃគូឯកជនគ្រប់គ្រងថ្លៃប្រេងឥន្ធនៈ

ភ្នំពេញ ៖ក្នុងឱកាសអញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីព្រឹកមិញនេះសម្ដេច តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានមានប្រសាសន៍ បានណែនាំដល់ក្រសួង ពាណិជ្ជកម្មត្រូវពិភាក្សា ជាមួយ ក្រុមហ៊ុន ឯកជន ដើម្បី គ្រប់គ្រងថ្លៃ លក់រាយប្រេងឥន្ធនៈ និងរៀបចំ ស្តុកប្រេង ឥន្ធនៈជាយុទ្ធសាស្ត្រ ខណៈដែល សភាពការណ៍អន្តរជាតិមានការវិវត្តប្រែប្រួលស្មុគស្មាញនេះ។ជាមួយនេះសម្តេចក៏បានថ្លែងការកោតសរសើរនិងវាយតម្លៃខ្ពស់ចំពោះ ក្រសួងសេដ្ឋកិច្ចនិង ហិរញ្ញវត្ថុ និងអគ្គនាយកដ្ឋានពន្ធដារនៃក្រសួងសេដ្ឋកិច្ចនិងហិរញ្ញវត្ថុ ដែលបានខិតខំបំពេញ បេសកកម្មយ៉ាងជោគជ័យដោយប្រមូល ចំណូល ពន្ធដារផ្ទៃក្នុងជូន រដ្ឋនៅឆ្នាំ២០២១ បានចំនួន ១២៤. ០ ២% លើស ផែនការ ដែល កំណត់ដោយច្បាប់ ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ ២០២១ព្រមទាំងសម្រេចបានកំណើននៃ ការប្រមូលចំណូល ពន្ធដារផ្ទៃក្នុងជូនរដ្ឋក្នុង រយៈពេល ៣ខែ ដើមឆ្នាំ ២០២២ នេះបើធៀបនឹង៣ខែដើមឆ្នាំ២០២១រាជរដ្ឋាភិបាលបានណែនាំដល់ក្រសួងសេដ្ឋកិច្ចនិងហិរញ្ញវត្ថុ សហការជាមួយក្រសួង ស្ថាប័ន ពាក់ព័ន្ធ រៀបចំធ្វើការពន្លឿនការលើកកម្រិតប្រាក់សោធននិវត្តន៍របស់អតីត មន្ត្រី រាជការ និង អតីត យុទ្ធជនចូលនិវត្តន៍ដែលទទួលបានប្រាក់សោធននិវត្តន៍ទាបឱ្យបានកើនខ្ពស់ជាងមុនដើម្បី បង្កើនល្បឿននៃការភ្ជិតគម្លាត ប្រាក់សោធន និវត្តន៍រវាងអ្នក ចូលនិវត្តន៍ចាស់ និងអ្នកចូល និវត្តន៍ថ្មី។ ជាមួយគ្នានេះ ប្រាក់សោធននិវត្តន៍ត្រូវបើកជូនអតីត មន្ត្រីរាជការ និង អតីតយុទ្ធជនចូលនិវត្តន៍ឱ្យបានទៀងទាត់ដើម្បី ពួកគាត់ អាចយកថវិកានេះផ្តត់ផ្គង់ ជីវភាពរស់នៅប្រចាំថ្ងៃ និង ប្រើប្រាស់តាមតម្រូវការបានទាន់ពេលវេលា។ក្នុងឱកាសពិធីចូលឆ្នាំថ្មីប្រពៃណីជាតិ ឆ្នាំខាល ចត្វាស័ក ពុទ្ធសករាជ ២៥៦៥ ខាងមុខនេះ សម្តេច បានណែនាំ ដល់ក្រសួងស្ថាប័ន កងកម្លាំងមាន សមត្ថកិច្ច គ្រប់ផ្នែក ពាក់ព័ន្ធ និងរដ្ឋបាលថ្នាក់ក្រោមជាតិ ត្រូវខិតខំធានាការពារសន្តិសុខ សណ្ដាប់ធ្នាប់សាធារណៈឱ្យបានល្អ ប្រសើរជូន ប្រជាពលរដ្ឋ និងត្រូវបន្តជំរុញ ការផ្សព្វផ្សាយសេចក្ដីណែនាំរបស់ក្រសួងសុខាភិបាល ក្រសួង ស្ថាប័នពាក់ ព័ន្ធ និងរដ្ឋបាលដែនដី ស្តី ពីវិធានការទប់ស្កាត់ការឆ្លង រាលដាល ជំងឺកូវីដ-១៩ និង ជូនពរ ដល់មន្ត្រីរាជការ គ្រប់លំដាប់ថ្នាក់កងកម្លាំងប្រដាប់អាវុធគ្រប់ប្រភេទ វិស័យ ឯកជន និង ជន រួមជាតិ ខ្មែរគ្រប់រូបដែលកំពុងរស់ នៅក្នុង និងក្រៅប្រទេស សូមទទួលបាននូវសុខភាពល្អជោគជ័យ សិរីសួ ស្ដីជ័យមង្គល និង វិបុលសុខជារៀងដរាបតទៅ៕

លោក Biden និយាយថា គ្មានភស្តុតាងច្បាស់ថា លោក Putin ដកកងទ័ពត្រឡប់ទៅវិញនោះទេ

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក Joe Biden បានថ្លែងកាលពីថ្ងៃព្រហស្បតិ៍ថា គ្មានភស្តុតាងច្បាស់លាស់ថា ប្រធានាធិបតីរុស្ស៊ីលោក Vladimir Putin កំពុងដកកងទ័ពរបស់លោកណាមួយចេញពីទីក្រុងគីវនោះទេ ទោះបីជាមានការសន្យាថា នឹងបន្ថយប្រតិបត្តិការនៅក្នុងតំបន់នោះក៏ដោយ។ថ្លែងទៅកាន់អ្នកសារព័ត៌មានបន្ទាប់ពីការប្រកាសថា រដ្ឋបាលរបស់លោកនឹងចូលដំណើរការក្នុងទុនបម្រុងប្រេង ជាយុទ្ធសាស្ត្រក្នុងកិច្ចខិតខំប្រឹងប្រែងដើម្បីគ្រប់គ្រងតម្លៃថាមពល លោក Biden និយាយថា លោកមានការសង្ស័យថា លោក Putin កំពុងមានវិធានការណាមួយក្នុងការកាត់បន្ថយកងទ័ព នៅក្នុងរដ្ឋធានីរបស់ប្រទេសអ៊ុយក្រែន។ រហូតមកដល់ពេលនេះគ្មានភស្តុតាងច្បាស់លាស់ដែលថា លោក Putin កំពុងដកកងទ័ពទាំងអស់ចេញពីទីក្រុងគីវនោះទេ លោកប្រធានាធិបតីនិយាយថា លោកមានការសង្ស័យ ប៉ុន្តែលោកគ្មានភស្តុតាង។ប្រទេសរុស្ស៊ីបានប្រកាសកាលពីថ្ងៃអង្គារថា ខ្លួននឹងកាត់បន្ថយប្រតិបត្តិការយោធានៅជិតរដ្ឋធានីរបស់អ៊ុយក្រែន និងទីក្រុងមួយនៅភាគខាងជើង ខណៈគូសបញ្ជាក់ពីកិច្ចព្រមព្រៀងអាចធ្វើទៅបាន ដើម្បីបញ្ចប់សង្គ្រាមដ៏ចម្រូងចម្រាសដែលបានធ្វើឡើងនៅក្នុងកិច្ចចរចាជុំថ្មីបង្អស់៕អត្ថបទ៖ ប៊ុនថន

រុស្ស៊ីកែណ្ឌទាហាន ១៣៤.៥០០នាក់ តែនិយាយថានឹងមិនបញ្ជូនទៅប្រយុទ្ធនៅអ៊ុយក្រែនទេ

រុស្ស៊ី៖ យោងតាមសារព័ត៌មាន Reuters ប្រធានាធិបតីរុស្ស៊ីលោក Vladimir Putin បានចុះហត្ថលេខាលើក្រឹត្យមួយកាលពីថ្ងៃព្រហស្បតិ៍ ដែលនឹងបន្ថែមទាហានកែណ្ឌចំនួន ១៣៤.៥០០នាក់មានអាយុចន្លោះពី ១៨ និង ២៧ឆ្នាំបញ្ចូលក្នុងទាហានរុស្ស៊ី ជាផ្នែកមួយនៃគម្រោងប្រចាំឆ្នាំក្នុងនិទាឃៈរដូវ។ក្រឹត្យនេះបានកើតឡើង ៥សប្ដាហ៍បន្ទាប់ពីការចាប់ផ្ដើមចូលលុកលុយអ៊ុយក្រែន ពីសំណាក់ប្រទេសរុស្ស៊ី។ រដ្ឋមន្ត្រីការពារជាតិលោក Sergei Shoigu កាលពីដើមសប្ដាហ៍នេះបាននិយាយថា ពុំមានទាហានកែណ្ឌថ្មីណាម្នាក់ត្រូវបញ្ជូន ទៅកាន់តំបន់មានការវាយប្រយុទ្ធគ្នាខ្លាំងក្លានោះទេ ទោះបីជាក្រុងមូស្គូធ្លាប់មានបំណងលាក់បាំងការប្រើប្រាស់ទាហានកែណ្ឌ នៅក្នុងប្រទេសអ៊ុយក្រែនក៏ដោយ។ លោក Putin បានអះអាងកាលពីដើមខែមីនាថា ទាហានកែណ្ឌរបស់រុស្ស៊ីមិនចូលរួមក្នុងការវាយប្រយុទ្ធគ្នានៅក្នុងប្រទេសអ៊ុយក្រែនទេ ជាទីដែលកងទ័ពរុស្ស៊ីបានបាត់បង់អាយុជីវិតច្រើនជាងការរំពឹងទុក ទោះបីជាចំនួនទាហានស្លាប់របស់ខ្លួនបច្ចុប្បន្នមិនត្រូវបានដឹងច្បាស់លាស់ក៏ដោយ។ក្រសួងការពារជាតិរុស្ស៊ីបានបង្ហាញថា ទាហានរុស្ស៊ីចំនួន ១,៣៥១នាក់បានស្លាប់ និង ៣,៨២៥នាក់រងរបួសកាលពីសប្ដាហ៍មុន ខណៈមន្ត្រីជាន់ខ្ពស់អង្គការណាតូនិយាយថា សម្ព័ន្ធយោធានេះបានប៉ាន់ប្រមាណថា ទាហានរុស្ស៊ីចន្លោះពី ៧,០០០នាក់ទៅ ១៥,០០០នាក់បានស្លាប់ចាប់តាំងពីចូលធ្វើសង្គ្រាមនៅក្នុងប្រទេសអ៊ុយក្រែន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អគារផ្ទះល្វែងមួយ ដួលរលំ នៅទីក្រុងអាតែនរបស់ក្រិក ខណៈក្រុមអ្នកជួយសង្គ្រោះស្វែងរកអ្នកជាប់ក្នុងនោះ

កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកបដោយការស្ថាបនា» អំពីទាហានកូរ៉េខាងជើង

នាយករដ្ឋមន្ត្រីជប៉ុន ស្វែងរកទំនាក់ទំនងកាន់តែស៊ីជម្រៅជាមួយឥណ្ឌា លើផ្នែកពាណិជ្ជកម្ម និងសន្តិសុខ

មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិតនៅកាតា តែគ្មានជំនួបជាមួយអ៊ីរ៉ង់ទេ

ទីភ្នាក់ងារពាណិជ្ជកម្ម UN៖ វិបត្តិច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេលយូរ

លោក Zelenskyy៖ អ៊ុយក្រែនវាយប្រហារជាលើកទី ២ លើទីតាំងផ្កាយរណប Dubna របស់រុស្ស៊ី

ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬបំផ្លាញ នៅវ៉េណេស៊ុយអេឡា

កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក

រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង

ជនជាតិអាមេរិក ១៦២លាននាក់ ប្រឈមកម្ដៅក្ដៅខ្លាំង រួមនឹងចំហេះព្រៃបន្តរាលដាល នៅភាគខាងលិចប្រទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីនិយាយថា អ៊ុយក្រែនបានវាយប្រហារលើឃ្លាំងស្ដុកប្រេងឥន្ធនៈក្បែរទីក្រុង Belgorod

សម្តេចតេជោ ហ៊ុន សែន ចូលអុចធូបនៅរង្វង់មូលលោកតាក្រហមក ផ្លូវបំបែកខេត្តកំពង់ធំ

ប្រធានសភាសហភាពអឺរ៉ុបជួបលោក Zelenskyy ក្នុងទីក្រុងគីវ

គ្រឹះស្ថានអង្គរ៖ ៣ខែដើមឆ្នាំ២០២២នេះ ភ្ញៀវទេសចរបរទេស ១៩.៨៤០នាក់ចូលទស្សនាតំបន់រមនីយដ្ឋានអង្គរ

ប្រសិតពិសេសអគ្គលេខាធិការUNជម្រាបជូនសម្តេចតេជោពីលទ្ធផលដែលបានរួមចំណែកជួយដោះស្រាយបញ្ហាមីយ៉ាន់ម៉ា

សម្តេចតេជោណែនាំមន្ត្រីស្ថាប័នពាក់ព័ន្ធពិភាក្សាជាមួយដៃគូឯកជនគ្រប់គ្រងថ្លៃប្រេងឥន្ធនៈ

លោក Biden និយាយថា គ្មានភស្តុតាងច្បាស់ថា លោក Putin ដកកងទ័ពត្រឡប់ទៅវិញនោះទេ

រុស្ស៊ីកែណ្ឌទាហាន ១៣៤.៥០០នាក់ តែនិយាយថានឹងមិនបញ្ជូនទៅប្រយុទ្ធនៅអ៊ុយក្រែនទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​និយាយ​ថា អ៊ុយ​ក្រែ​ន​បាន​វាយប្រហារ​លើ​ឃ្លាំង​ស្ដុក​ប្រេងឥន្ធនៈ​ក្បែរ​ទីក្រុង Belgorod

សម្តេចតេជោ ហ៊ុន សែន ចូលអុចធូបនៅរង្វង់មូលលោកតាក្រហមក ផ្លូវបំបែកខេត្តកំពង់ធំ

ប្រធាន​សភា​សហភាព​អឺរ៉ុប​ជួប​លោក Zelenskyy ក្នុង​ទីក្រុង​គី​វ​

គ្រឹះស្ថានអង្គរ៖ ៣ខែដើមឆ្នាំ២០២២នេះ ភ្ញៀវទេសចរបរទេស ១៩.៨៤០នាក់ចូលទស្សនាតំបន់រមនីយដ្ឋានអង្គរ

ប្រសិតពិសេសអគ្គលេខាធិការUNជម្រាបជូនសម្តេចតេជោពីលទ្ធផលដែលបានរួមចំណែកជួយដោះស្រាយបញ្ហាមីយ៉ាន់ម៉ា

សម្តេចតេជោណែនាំមន្ត្រីស្ថាប័នពាក់ព័ន្ធពិភាក្សាជាមួយដៃគូឯកជនគ្រប់គ្រងថ្លៃប្រេងឥន្ធនៈ

លោក Biden និយាយ​ថា ​គ្មាន​ភស្តុតាង​ច្បាស់​ថា លោក Putin ដក​កងទ័ព​ត្រឡប់​ទៅវិញ​នោះ​ទេ​

រុស្ស៊ី​កែណ្ឌ​ទាហាន​ ១៣៤.៥០០​នាក់ តែ​និយាយ​ថា​នឹង​មិន​បញ្ជូន​ទៅ​ប្រយុទ្ធ​នៅ​អ៊ុយ​ក្រែ​ន​ទេ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីនិយាយថា អ៊ុយក្រែនបានវាយប្រហារលើឃ្លាំងស្ដុកប្រេងឥន្ធនៈក្បែរទីក្រុង Belgorod

ប្រធានសភាសហភាពអឺរ៉ុបជួបលោក Zelenskyy ក្នុងទីក្រុងគីវ

លោក Biden និយាយថា គ្មានភស្តុតាងច្បាស់ថា លោក Putin ដកកងទ័ពត្រឡប់ទៅវិញនោះទេ

រុស្ស៊ីកែណ្ឌទាហាន ១៣៤.៥០០នាក់ តែនិយាយថានឹងមិនបញ្ជូនទៅប្រយុទ្ធនៅអ៊ុយក្រែនទេ