BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

វិមានក្រឹមឡាំងពិចារណាលើលក្ខខណ្ឌសម្រាប់ជំនួបរវាងថ្នាក់ដឹកនាំលោក Putin និងលោក Zelensky

រុស្ស៊ី៖ អ្នកនាំពាក្យវិមានក្រឹមឡាំងលោក Dmitry Peskov បាននិយាយថា បច្ចុប្បន្ននេះមិនមានពេលវេលាច្បាស់លាស់សម្រាប់ជំនួបរវាងប្រធានាធិបតីរុស្ស៊ីលោក Vladimir Putin និងប្រធានាធិបតីអ៊ុយក្រែនលោក Volodymyr Zelensky នោះទេ ប៉ុន្តែមុនពេលដែលជំនួបអាចធ្វើទៅបានកិច្ចព្រមព្រៀងទាំងអស់ រវាងប្រទេសទាំងពីរត្រូវតែត្រូវបានបញ្ចប់។កិច្ចពិភាក្សារវាងគណៈប្រតិភូក្រុងមូស្គូ និងក្រុងគីវកំពុងបន្តស្របពេលមានជម្លោះយោធានៅអ៊ុយក្រែន។ លោក Peskov បានប្រាប់ក្រុមអ្នកសារព័ត៌មានថា មិនមានអ្វីផ្លាស់ប្ដូរក្នុងរឿងនេះទេ។ យើងធ្លាប់បាននិយាយកាលពីពេលកន្លងទៅរួចមកហើយថា កិច្ចប្រជុំនៅកម្រិតខ្ពស់បំផុតត្រូវតែកើតឡើង មុនការសម្រេចបញ្ចប់ការងារលើកិច្ចព្រមព្រៀង ការយល់ព្រម និងការចាប់ផ្ដើមនៃលក្ខខណ្ឌទាំងនេះដោយក្រុមមន្ត្រីជាន់ខ្ពស់។ ខ្ញុំនឹងមិនកំណត់ពេលវេលាច្បាស់លាស់ណាមួយទេ។នៅដើមសប្ដាហ៍នេះ ប្រទេសទួរគីដែលបានបដិសេធមិនព្រមដាក់ទណ្ឌកម្មលើរុស្ស៊ី ជុំវិញប្រតិបត្តិការយោធារបស់ខ្លួនក្នុងប្រទេសអ៊ុយក្រែន បានរៀបចំការចរចារវាងគណៈប្រតិភូក្រុងមូស្គូ និងក្រុងគីវ។ បន្ទាប់ពីកិច្ចចរចា អ្នកចរចាជាន់ខ្ពស់របស់រុស្ស៊ីលោក Vladimir Medinsky បានប្រកាសថា អ៊ុយក្រែនបានបង្ហាញសំណើជាលាយលក្ខណ៍អក្សរទាក់ទងនឹងកិច្ចព្រមព្រៀង ដែលអាចកើតមានរវាងប្រជាជាតិទាំងពីរ ដែលរួមមានការប្ដេជ្ញាចិត្តក្នុងការបោះបង់សមាជិកភាពនៅសម្ព័ន្ធយោធាណាតូ និងអាវុធនុយក្លេអ៊ែរ៕អត្ថបទ៖ សុខមាន

លោក Vladimir Putin ព្រមានលោកខាងលិចពីវិបត្តិជនអន្តោប្រវេសន៍ថ្មី

រុស្ស៊ី៖ លោកប្រធានាធិបតីរុស្ស៊ី Vladimir Putin បានព្រមានដល់សហភាពអឺរ៉ុបពីលំហូរជនអន្តោប្រវេសន៍ថ្មី ហើយតាមការគិតរបស់លោកបញ្ហានោះនឹងកើតឡើងដោយជៀសមិនផុត ក្រោយមានវិបត្តិស្បៀងអាហារ។ អំឡុងការពិភាក្សាកាលពីថ្ងៃព្រហស្បតិ៍អំពីទណ្ឌកម្មមិនធ្លាប់មាន ដែលបានដាក់ដោយបណ្ដាប្រទេសលោកខាងលិចឆ្លើយតបទៅនឹងការលុកលុយរបស់រុស្ស៊ីលើអ៊ុយក្រែន លោក Putin បានរិះគន់ឥរិយាបថក្រុមអ្នកនយោបាយលោកខាងលិចមួយចំនួន ដែលត្រូវបានត្រៀមលះបង់ចោលផលប្រយោជន៍ប្រជាជនរបស់ពួកគេ ងាកទៅត្រេកអរសប្បាយ និងគោរពម្ចាស់របស់ខ្លួននៅបរទេស ដោយហៅទង្វើនេះថាជាមធ្យោបាយផ្ទុយពីពលរដ្ឋនិយម។ លោក Putin បាននិយាយនៅជំនួបប្រជុំមួយស្ដីពីការដឹកជញ្ជូនតាមអាកាស និងដំណើរការផលិតយន្តហោះកាលពីថ្ងៃព្រហស្បតិ៍ថា មនុស្សត្រូវបានជំរុញឲ្យទទួលទានតិច ស្លៀកសំលៀកបំពាក់ច្រើន និងប្រើម៉ាស៊ីនកំដៅតិច បោះបង់ការធ្វើដំណើរ ដោយសន្មតថា ជាផលប្រយោជន៍របស់មនុស្សដែលទាមទារការដកហូតដោយស្ម័គ្រចិត្តនេះថា ជាសញ្ញានៃសាមគ្គីភាពអាត្លង់ទិកខាងជើង។ជាងនេះទៅទៀតចំពោះទស្សនៈរបស់លោក Putin ប្រទេសលោកខាងលិចនៅតែបន្តធ្វើការសម្រេចចិត្ត ដែលកំពុងច្រានទម្លាក់សេដ្ឋកិច្ចពិភពលោកទៅរកវិបត្តិ ដែលនាំឲ្យមានការអាក់ខានដល់ការផលិត និងសង្វាក់ផលិតកម្ម ភស្តុភារ ការហក់ឡើងអតិផរណាសកល និងការបង្កឲ្យមានវិសមភាពកាន់តែខ្លាំងប៉ះពាល់ដល់ជីវភាពរស់នៅរបស់ប្រជាពលរដ្ឋរាប់លាននាក់ និងបង្កឲ្យមានគ្រោះទុរ្ភិក្សនៅក្នុងបណ្ដាប្រទេសក្រីក្របំផុត៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជាអធិបតីភាពបើកកិច្ចប្រជុំពេញអង្គគណៈរដ្ឋមន្រ្តីដើម្បីពិភាក្សា និងឆ្លងរបៀបវារៈមួយចំនួន

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកកិច្ចប្រជុំពេញអង្គគណៈរដ្ឋមន្រ្តី នៅព្រឹកថ្ងៃទី១ ខែមេសា ឆ្នាំ២០២២នេះ។កិច្ចប្រជុំធ្វើឡើងដើម្បីពិភាក្សា និងឆ្លងលើរបៀបវារៈដូចខាងក្រោម៖១-សេចក្តីព្រាងច្បាប់ស្តីពីវិសោធនកម្មមាត្រា១៤០នៃច្បាប់ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ។២-សេចក្តីព្រាងច្បាប់ស្តីពីសុវត្ថិភាពម្ហូបអាហារ។៣-បញ្ហាផ្សេងៗ

ក្រុមហ៊ុន អ័រគីដេ និងធនាគារ FTB សហការគ្នាអភិវឌ្ឍវិស័យអចលនទ្រព្យនិងហិរញ្ញវត្ថុ ឲ្យកាន់តែរីកចម្រើនថែមទៀតនៅកម្ពុជា

ភ្នំពេញ ៖ ក្រុមហ៊ុន អ័រគីដេ ឌីវែឡុបម៉ិន និងធនាគារពាណិជ្ជកម្មក្រៅប្រទេសនៃកម្ពុជា (FTB) កាលពីរសៀលថ្ងៃទី៣១ ខែមីនា ឆ្នាំ២០២២កន្លងទៅនេះ បានចុះហត្ថលេខាជាផ្លូវការលើអនុស្សរណៈនៃការយោគយល់គ្នា អំពីកិច្ចសហការពាណិជ្ជកម្ម និងអត្ថប្រយោជន៍បុគ្គលិក សំដៅរួមចំណែកអភិវឌ្ឍវិស័យអចលនទ្រព្យ និងវិស័យធនាគារនិងហិរញ្ញវត្ថុ ឲ្យមានការរីកចម្រើនខ្លាំងក្លាជាលំដាប់ និងប្រកបដោយនិរន្តរភាព។នៅក្នុងពិធីចុះហត្ថលេខានេះ លោកជំទាវ ខៀវ សស៊ីលៀប នាយិកាប្រតិបត្តិទូទៅក្រុមហ៊ុន អ័រគីដេ ឌីវែឡុបម៉ិន (Orkide Development) បានមានប្រសាសន៍ថា យើងមានមោទនភាពដែលបានសហការជាមួយ FTB ជាធនាគារពាណិជ្ជទី១នៅកម្ពុជាដែលទទួលបានការទុកចិត្តចាប់តាំងពីឆ្នាំ១៩៧៩ និងជាដៃគូធុរកិច្ចដ៏សំខាន់ និងយូរអង្វែងមួយរបស់ក្រុមហ៊ុន។ លោកជំទាវបានបន្តថា កិច្ចសហការមួយនេះផ្តល់ទំនុកចិត្ត ភាពងាយស្រួល និងសេវាឆាប់រហ័សលើការអនុម័តកម្ចីទិញផ្ទះជូនដល់អតិថិជន ហើយក៏មានជាកម្មវិធីប្រូម៉ូសិនពិសេសសម្រាប់អតិថិជន ក៏ដូចជាបុគ្គលិកធនាគារពាណិជ្ជកម្មក្រៅប្រទេសនៃកម្ពុជាផងដែរ។ នេះគឺជាកាលានុវត្តភាពមួយដែលផ្តល់ជូនយ៉ាងពិសេសដល់អតិថិជនទាំងអស់ ក៏ដូចជាបុគ្គលិកធនាគារផ្ទាល់។លោក ឌិត សុចល ប្រធាននាយកប្រតិបត្តិធនាគារពាណិជ្ជកម្មក្រៅប្រទេស នៃកម្ពុជា បានលើកឡើងថា ស្របតាមទិសដៅអភិវឌ្ឍន៍របស់ធនាគារ យើងនឹងបន្តពង្រីកសកម្មភាពប្រតិបត្តិការរបស់ខ្លួន និងលើកកម្ពស់កម្រិតស្តង់ដារសេវាកម្ម និងផលិតផលថ្មីៗ ដែលជាដំណោះស្រាយហិរញ្ញវត្ថុដ៏សមស្របជូនដល់អតិថិជន និងទីផ្សារ។ ទន្ទឹមគ្នានេះ កិច្ចសហការរវាងធនាគារFTB និងក្រុមហ៊ុន អ័រគីដេ ពិតជាឆ្លុះបញ្ចាំងនូវការយកចិត្តទុកដាក់ក្នុងការចូលរួមអភិវឌ្ឍវិស័យអចលនទ្រព្យ និងវិស័យធនាគារ ក៏ដូចជាការផ្តល់ទំនុកចិត្តបន្ថែមទៀត ជូនដល់អតិថិជនដែលកំពុងស្វែងរកនូវសេវាកម្ចីទិញលំនៅឋានសម្រាប់ការស្នាក់នៅប្រកបដោយផាសុកភាព និងសម្រាប់ការវិនិយោគដែលទទួលបានផលចំណេញកាន់តែច្រើន។ សូមបញ្ជាក់ថា កិច្ចសហការដៃគូពាណិជ្ជកម្មខាងលើនេះ គឺអតិថិជនដែលទិញផ្ទះពីក្រុមហ៊ុន អ័រគីដេ ឌីវែឡុបម៉ិន អាចស្នើប្រាក់កម្ចីពីធនាគារពាណិជ្ជកម្មក្រៅប្រទេស នៃកម្ពុជា រហូតដល់ ៨០% ក្នុងទំហំទឹកប្រាក់សរុបនៃតម្លៃអចលនទ្រព្យ។ រីឯរយៈពេលកម្ចីគឺបានរហូតដល់ ២០ឆ្នាំ ក្នុងអត្រាការប្រាក់ប្រចាំឆ្នាំត្រឹមតែ ៩,៣៥% សម្រាប់ប្រាក់ដុល្លារ និងត្រឹមតែ ៨,៧៥% សម្រាប់ប្រាក់រៀល ស្ថិតក្នុងលក្ខខណ្ឌងាយស្រួលក្នុងការអនុម័តប្រាក់កម្ចី និងមានកម្មវិធីពិសេសសម្រាប់អតិថិជន ក៏ដូចជាបុគ្គលិកធនាគារផងដែរ៕ អត្ថបទ ៖ បូរ៉ាវី

មេបញ្ជាការកងទ័ពជើងគោកកម្ពុជា ទទួលជួបឯកអគ្គរដ្ឋទូត និងអនុព័ន្ធយោធាទើបបញ្ចប់អាណត្តិ និងអនុព័ន្ធយោធាថ្មី វៀតណាម ប្រចាំនៅកម្ពុជា

ភ្នំពេញ៖ នាព្រឹកថ្ងៃទី៣១ ខែមីនា ឆ្នាំ២០២២ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានទទួលជួប ឯកឧត្តម ង្វៀន ហ៊ុយតាំង ឯកអគ្គរដ្ឋទូត នៃសាធារណរដ្ឋសង្គមនិយមវៀតណាម ប្រចាំនៅកម្ពុជា ព្រមជាមួយនឹងលោកវរសេនីយ៍ឯក ង្វៀន ថាញ់ជីញ អនុព័ន្ធយោធាដែលទើបបញ្ចប់អាណត្តិ និងលោកវរសេនីយ៍ឯកបម្រុង ជិន វ៉ាន់តឹម អនុព័ន្ធយោធាថ្មី ដើម្បីសម្តែងការគួរសម, ជម្រាបលា និងណែនាំខ្លួន នៅទីបញ្ជាការកងទ័ពជើងគោក នៃកងយោធពលខេមរភូមិន្ទ។ក្នុងជំនួបនេះ លោកអនុព័ន្ធយោធាវៀតណាមបញ្ចប់អាណត្តិ បានជម្រាបជូន ឯកឧត្តម មេបញ្ជាការកងទ័ពជើងគោក អំពីលទ្ធផលការងារក្នុងអាណត្តិរបស់លោក និងបានបញ្ជាក់អំពីទំនាក់ទំនងរឹងមាំនៃកិច្ចសហប្រតិបត្តិការរវាងកងទ័ពនៃប្រទេសទាំងពីរ និងបានបង្ហាញផងដែរនូវទិសដៅក្នុងការបន្តខិតខំប្រឹងប្រែងធ្វើយ៉ាងណាឱ្យកិច្ចសហប្រតិបត្តិការដ៏ល្អនេះ មានភាពយូរអង្វែងទៅមុខទៀត។ជាការឆ្លើយតប ឧត្តមសេនីយ៍ឯក ហ៊ុន ម៉ាណែត បានថ្លែងអំណរគុណចំពោះកិច្ចខិតខំប្រឹងប្រែង និងសមិទ្ធផលការងារក្នុងអាណត្តិការទូតយោធារបស់លោកវរសេនីយ៍ឯក ង្វៀន ថាញ់ជីញ ដែលពិតជាបានគាំទ្រដល់ការពង្រឹង និងពង្រីកទំនាក់ទំនងកិច្ចសហប្រតិបត្តិការរវាងកងទ័ពនៃប្រទេសទាំងពីរ។ ជាមួយគ្នានេះផងដែរ ឯកឧត្តម មេបញ្ជាការកងទ័ពជើងគោក ក៏បានអបអរសាទរ និងស្វាគមន៍ចំពោះការចូលកាន់តំណែងរបស់អនុព័ន្ធយោធាវៀតណាមថ្មី ដែលនឹងចូលរួមចំណែកក្នុងការជំរុញសន្ទុះនៃទំនាក់ទំនងមិត្តភាព និងកិច្ចសហប្រតិបត្តិការយោធាទ្វេភាគី ឱ្យកាន់តែរីកចម្រើនជិតស្និទ្ធ និងរឹងមាំបន្ថែមទៀត ស្របតាមទិសដៅរបស់ក្រសួងការពារជាតិនៃប្រទេសទាំងពីរ សំដៅធានាបាននូវសន្តិភាព និងវិបុលភាពសម្រាប់ប្រទេសនីមួយៗ ក៏ដូចជាតំបន់ទាំងមូល៕

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ផ្ញើសារអបអរសាទរ និងជូនពរជ័យដល់សាសនិកឥស្លាមកម្ពុជាទាំងក្នុង និងក្រៅប្រទេស ក្នុងឱកាសបួសខែរ៉ាម៉ាឌន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារអបអរសាទរ និងជូនពរជ័យ សិរីសួស្ដី សុភមង្គល ជូនដល់បងប្អូនសាសនិកឥស្លាមកម្ពុជាទាំងក្នុង និងក្រៅប្រទេស ដែលនឹងចូលបួសខែរ៉ាម៉ាឌន ដែលនៅកម្ពុជាអាចនឹងចាប់ផ្ដើមនៅថ្ងៃសៅរ៍ទី១ ខែរ៉ម៉ាឌន ឆ្នាំ១៤៤៣មូហាំម៉ាត់សករាជ ត្រូវនឹងថ្ងៃ១កើត ខែចេត្រ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២ ខែមេសា ឆ្នាំ២០២២។ យោងតាមសារបង្ហោះលើfacebookផ្លូវការសម្តេចនាយករដ្ឋមន្ត្រីបានបញ្ជាក់ថា សម្តេចសូមផ្ញើជូននូវក្តីនឹករលឹក និងអរគុណយ៉ាងជ្រាលជ្រៅបំផុតចំពោះបងប្អូនខ្មែរឥស្លាមកម្ពុជា ដែលបានចូលរួមថែរក្សា សុខសន្តិភាព ហើយមានជំនឿជឿជាក់លើការដឹកនាំរបស់សម្តេច និងគណបក្សប្រជាជនកម្ពុជា តាំងពីដើមតរៀងមក រួមជាមួយនឹងប្រជាជនកម្ពុជាយើង ។ ជាមួយគ្នានេះដែរ សម្តេចក៏សូមការអធ្យាស្រ័យសុំការយោគយល់ពីបងប្អូនសាសនិកខ្មែរឥស្លាម ដែលកម្មវិធីជួបជុំស្រាយបួសរ៉ាម៉ាឌនថ្នាក់ជាតិលើកទី ៧ ទី៨ និងទី៩ ឆ្នាំ២០២២នេះ ត្រូវបានផ្អាកដោយសារជំងឺកូវីដ-១៩ មិនទាន់ទៅឆ្ងាយពីយេីងនៅឡេីយ។រាជរដ្ឋាភិបាលបានអនុញ្ញាតការថ្វាយបង្គំនៅតាមវិហារ(ម៉ាស្ជិទ ស៊ូរ៉ាវ)ការជួបជុំលក្ខណៈសាសនាឡេីងវិញ រួមនឹងកម្មវិធីផ្សេងៗ និងសុំបង្កេីនការអនុវត្តតាមសារាចរណែនាំពីវិធីបង្ការទប់ស្កាត់ជំងឺកូវីដ-១៩ ក៏ដូចជាសេចក្តីណែនាំរបស់ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា ទៅតាមគោលការណ៍របស់រាជរដ្ឋាភិបាល ដោយយើងមិនត្រូវភ្លេចខ្លួន និងធ្វេសប្រហេស មើលស្រាលដល់ជំងឺដ៏កាចសាហាវនេះឡើយ គឺត្រូវរួមគ្នាការពារជាប់ជានិច្ច ដោយសូមបងប្អូនអនុវត្តតាមវិធានការ ៣ការពារ និង ៣កុំ ជាប្រចាំឱ្យបានខ្ជាប់ខ្ជួន និង អញ្ជើញទៅទទួលការចាក់វ៉ាក់សាំងប្រឆាំងកូវីដ-១៩ នូវដូសជំរុញ ថែមទៀត ឱ្យបានគ្រប់ៗគ្នា៕

ឯកឧត្តម ប្រាក់ សុខុន បញ្ជាក់ជាថ្មីថា មានតែមីយ៉ាន់ម៉ាខ្លួនឯងតែប៉ុណ្ណោះ ទើបអាចរកដំណោះស្រាយបានជោគជ័យ

ភ្នំពេញ៖ ក្នុងជំនួបជាមួយប្រេសិតពិសេសរបស់អង្គការសហប្រជាជាតិទទួលបន្ទុកមីយ៉ាន់ម៉ា នៅថ្ងៃទី៣១ ខែមីនានេះ ឯកឧត្តម ឧបនាយករដ្ឋមន្រ្តី ប្រាក់ សុខុន បញ្ជាក់ជាថ្មីថា បញ្ហារបស់មីយ៉ាន់ម៉ា គឺមានតែមីយ៉ាន់ម៉ាតែប៉ុណ្ណោះ ដែលត្រូវដឹកនាំដោយផ្ទាល់ ទើបអាចស្វែងរកដំណោះស្រាយបានដោយជោគជ័យ។ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា នៅថ្ងៃទី៣១ ខែមីនា ឆ្នាំ២០២២ បានអញ្ជើញជួបពិភាក្សាការងារជាមួយ លោកស្រី ណូលីន ហេហ្ស៊ឺ ប្រេសិតពិសេសអង្គការសហប្រជាជាតិទទួលបន្ទុកបញ្ហាមីយ៉ាន់ម៉ា ជុំវិញទស្សនកិច្ចការងារលើកដំបូងរបស់ឯកឧត្តម ប្រាក់ សុខុន ទៅកាន់មីយ៉ាន់ម៉ា ក្នុងឋានៈជាប្រេសិតពិសេស កាលពីសប្តាហ៍មុន។ឯកឧត្តម ប្រាក់ សុខុន បានជម្រាបជូនប្រេសិតពិសេសរបស់អង្គការសហប្រជាជាតិទទួលបន្ទុកមីយ៉ាន់ម៉ា ថា ក្នុងដំណើរទស្សនកិច្ចកាលពីសប្តាហ៍មុននេះ កម្ពុជាបានជំរុញដល់មីយ៉ាន់ម៉ានូវកិច្ចព្រមព្រៀងជាឯកច្ឆ័ន្ទប្រាំចំណុចរបស់អាស៊ាន។ជាក់ស្តែងតាមរយៈដំណើរទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្រ្តី ដែលជាការចាប់ផ្តើមសម្រាប់ការចូលរួមរកដំណោះស្រាយជូនមីយ៉ាន់។ ក្នុងជំនួបនេះ ឯកឧត្តម ប្រាក់ សុខុន បានបញ្ជាក់ថា កម្ពុជាបានខិតខំប្រឹងប្រែង ដោយការជួបជាមួយភាគីពាក់ព័ន្ធ ដើម្បីឈានទៅរកការចចារទម្លុះភាពទាល់ច្រក ដើម្បីជួយដល់ប្រជាជនមីយ៉ាន់ម៉ា។ឯកឧត្តម ប្រាក់ សុខុន បន្តថា អ្វីដែលសំខាន់ក្នុងឋានៈជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា នឹងកំណត់យកបញ្ហាការផ្តល់ជំនួយមនុស្សធម៌ដល់ប្រជាជនមីយ៉ាន់ម៉ាដែលកំពុងត្រូវការបំផុត។ទន្ទឹមគ្នានេះ លោកស្រី ណូលីន ហេហ្ស៊ឺ ប្រេសិតពិសេសអង្គការសហប្រជាជាតិទទួលបន្ទុកបញ្ហាមីយ៉ាន់ម៉ា បានសម្តែងក្តីរីករាយចំពោះការជួបពិភាក្សាជាមួយកម្ពុជាសម្រាប់បញ្ហានៅមីយ៉ាន់ម៉ា។ លោកស្រី អះអាងថា ដំណើរទស្សនកិច្ចរបស់សម្តេចតេជោនាយករដ្ឋមន្រ្តីកម្ពុជា ទៅកាន់មីយ៉ាន់ម៉ា កាលពីពេលកន្លងទៅ គឺជាពេលវេលាដ៏សមស្របបំផុត ដើម្បីជួយស្វែងរកដំណោះស្រាយលើបញ្ហារបស់មីយ៉ាន់ម៉ា។គួរបញ្ជាក់ថា ក្នុងដំណើរទស្សនកិច្ចការងារលេីកដំបូងរបស់ប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា ឯកឧត្តម ឧបនាយករដ្ឋមន្រ្តី ប្រាក់ សុខុន បានជួបជាមួយឯកឧត្តម មីង អោង ឡាំង នាយឧត្តមសេនីយ៍ជាន់ខ្ពស់ និងជាប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា និងរដ្ឋមន្រ្តីសំខាន់ៗចំនួន៣រូបផ្សេងទៀត និងបានបង្ហាញការប្តេជ្ញារបស់កម្ពុជាប្រកាន់ខ្ជាប់ជានិច្ចភាពមិនលំអៀង ជ្រៀតជ្រែក កិច្ចការផ្ទៃក្នុង និងអធិបតេយ្យភាពរបស់មីយ៉ាន់ម៉ាឡើយ។ឯកឧត្តម ប្រាក់ សុខុន ធ្លាប់បានអះអាងថា ភាពបន្ទាន់ ដើម្បីសម្រេចឲ្យបាននូវកិច្ចព្រមព្រៀងជាឯកច្ឆន្ទប្រាំចំណុចរបស់អាស៊ាន ជាដំបូងត្រូវផ្តោតសំខាន់បញ្ហាសំខាន់ៗចំនួន៣ គឺការបញ្ឈប់អំពើហិង្សា ការផ្តល់ជំនួយមនុស្សធម៌ និងការស្វែងរកដំណោះស្រាយនយោបាយ ដែលដឹកនាំដោយមីយ៉ាន់ម៉ាផ្ទាល់តែម្តង តាមរយៈការចូលរួមពីភាគីពាក់ព័ន្ធទាំងអស់។(អត្ថបទ សេក ឧត្តម)

តំណាងអចិន្ត្រៃយ៍៖ អ្នករាយការណ៍ពិសេសUN មិនបានលើកឡើងឱ្យត្រឹមត្រូវ និងគ្រប់ជ្រុងជ្រោយពាក់ព័ន្ធកម្ពុជា

ភ្នំពេញ៖ ឯកអគ្គរាជទូត និងជាតំណាងអចិន្ត្រៃយ៍កម្ពុជាប្រចាំ អង្គការសហប្រជាជាតិ ឯកឧត្តម អាន សុខខឿន ថ្លែងថា «បើទោះបីជាកម្ពុជាបានផ្តល់នូវកិច្ចសហប្រតិបត្តិការពិតប្រាកដរបស់ខ្លួន ដែលស្ដែងឡើងតាមរយៈកិច្ចសន្ទនាចំនួន១៩លើក ជាមួយអ្នករាយការណ៍ពិសេស ចាប់តាំងពីខែឧសភា ឆ្នាំ២០២១ យ៉ាងណាក៏ដោយ ក៏របាយការណ៍របស់អ្នករាយការណ៍ពិសេសពុំបានលើកឡើងឱ្យបានត្រឹមត្រូវនិងគ្រប់ជ្រុងជ្រោយ ថែមទាំងរំលងនូវគោលការណ៍សត្យានុម័ត អព្យាក្រឹត និងមិនជ្រើសរើសតែមួយជ្រុង»។ការថ្លែងដូចនេះ ក្នុងកិច្ចសន្ទនាអន្តរសកម្មស្ដីពីរបាយការណ៍ផ្ទាល់មាត់របស់អ្នករាយការណ៍ពិសេសស្តីពីស្ថានភាពសិទ្ធិមនុស្សនៅកម្ពុជាកាលពីថ្មីៗនេះ នៅទីក្រុងហ្សឺណែវ ដោយមានគណៈប្រតិភូចំនួន៣៦ប្រទេស បានចូលរួមថ្លែងបទអន្តរាគមន៍។

វិមានក្រឹមឡាំងនិយាយថា គ្មានជំហានរីកចម្រើនទេក្នុងការចរចាជាមួយអ៊ុយក្រែននៅប្រទេសទួរគី

រុស្ស៊ី៖ វិមានក្រឹមឡាំងបាននិយាយថា គ្មានការរីកចម្រើនទេក្នុងការចរចាជុំចុងក្រោយបំផុតជាមួយប្រទេសអ៊ុយក្រែន។ អ្នកនាំពាក្យវិមានក្រឹមឡាំងលោក Dmitry Peskov បាននិយាយកាលពីថ្ងៃពុធថា វាមានកត្តាវិជ្ជមានមួយត្រង់ថា ប្រទេសអ៊ុយក្រែនបានដាក់សំណើជាលាយលក្ខណ៍អក្សរ ប៉ុន្តែលោកបានបន្ថែមថា យើងមិនអាចនិយាយថា មានអ្វីមួយដែលជាការសន្យា ឬជំហានរីកចម្រើនណាមួយនោះទេ។លោកបានសង្កត់ធ្ងន់នៅក្នុងការឆ្លើយតបតាមទូរស័ព្ទទៅកាន់ក្រុមអ្នកសារព័ត៌មានថា វានៅតែមានការងារជាច្រើនទៀតដែលត្រូវធ្វើក្រោយការចរចានៅក្នុងទីក្រុង Istanbul របស់ប្រទេសទួរគី។ កាលពីថ្ងៃអង្គារ ប្រទេសអ៊ុយក្រែនបានដាក់ចេញក្របខ័ណ្ឌលម្អិតសម្រាប់កិច្ចចរចាសន្តិភាព ដែលប្រទេសនេះនឹងឈរជារដ្ឋអព្យាក្រឹត្យ ប៉ុន្តែសន្តិសុខរបស់ខ្លួននឹងត្រូវបានធានាដោយក្រុមប្រទេសទី៣ រួមទាំងសហរដ្ឋអាមេរិក ចក្រភពអង់គ្លេស បារាំង ទួរគី ចិន និងប៉ូឡូញ។ក្របខ័ណ្ឌលម្អិតនោះបាននិយាយថា ខ្លួនក៏នឹងមានបំណងបើកកិច្ចពិភាក្សាក្នុងរយៈពេល ១៥ឆ្នាំស្ដីពីអនាគតនៃឧបទ្វីបគ្រីមៀដែលប្រទេសរុស្ស៊ីបានដាក់បញ្ចូលក្នុងឧបសម្ព័ន្ធរបស់ខ្លួនកាលពីឆ្នាំ២០១៤។ មន្ត្រីជាន់ខ្ពស់មួយរូបរបស់អ៊ុយក្រែនគឺលោក David Arakhamia បាននិយាយកាលពីថ្ងៃពុធ បន្ទាប់ពីការចរចាជុំចុងក្រោយបំផុតក្នុងប្រទេសទួរគីបានបញ្ចប់ថា ប្រទេសរុស្ស៊ី និងអ៊ុយក្រែននឹងបន្តការចរចាស្វែងរកសន្តិភាពតាម online នៅថ្ងៃទី១ ខែមេសាស្អែកនេះ៕អត្ថបទ៖ សុខមាន

ចំនួនជនភៀសខ្លួនអ៊ុយក្រែនបានកើនឡើងលើសការប៉ាន់ប្រមាណរបស់អង្គការសហប្រជាជាតិ

អ៊ុយក្រែន៖ អង្គការសហប្រជាជាតិបានរាយការណ៍កាលពីថ្ងៃពុធ ខណៈការបាញ់ផ្លោងនៅតែបន្តក្នុងតំបន់មួយចំនួន ជាទីដែលក្រុង Moscow បានប្ដេជ្ញាកាត់បន្ថយប្រតិបត្តិការយោធារបស់ខ្លួនថា ចំនួនមនុស្សដែលបានរត់ចេញពីប្រទេសអ៊ុយក្រែន ចាប់តាំងពីកងទ័ពរុស្ស៊ីបើកការវាយលុកបានកើនឡើងជាង ៤លាននាក់ ។ទោះបីជាការប្រកាសរបស់រុស្ស៊ីអំឡុងការចរចាកាលពីថ្ងៃអង្គារថា កងកម្លាំងរបស់ខ្លួននឹងត្រូវកាត់បន្ថយការវាយលុកជិតរដ្ឋធានី Kyiv និងតំបន់ផ្សេងទៀតរបស់អ៊ុយក្រែន យ៉ាងណាក្ដីក្រុមជនភៀសខ្លួនបាននិយាយថា ពួកគេរំពឹងថា ការវាយប្រហារគ្នានឹងកើនឡើងថែមទៀតនៅក្នុងភាគខាងកើត និងទីក្រុង Kharkiv ហេតុនេះទើបពួកគេមិនអាចត្រឡប់ទៅកាន់ទីក្រុងនេះវិញ ហើយពួកគេខ្លាចមានសង្គ្រាមថ្មីទៀត ក្នុងតំបន់ភាគខាងកើតរបស់ប្រទេសអ៊ុយក្រែន។ ទីភ្នាក់ងារទទួលបន្ទុកជនភៀសខ្លួនអង្គការសហប្រជាជាតិ UNHCR បាននិយាយកាលពីថ្ងៃពុធថា មនុស្សជាង ៤លាននាក់បានចាកចេញពីប្រទេសអ៊ុយក្រែន ចាប់តាំងពីរុស្ស៊ីបើកប្រតិបត្តិការសឹកពិសេសកាលពីថ្ងៃទី២៤ ខែកុម្ភៈ និងបានបណ្ដាលឲ្យមានវិបត្តិជនភៀសខ្លួនធំបំផុតរបស់អឺរ៉ុប ចាប់តាំងពីសង្គ្រាមលោកលើកទី២ មក។ ចំនួននោះបានហក់ឡើងខ្ពស់ជាងការព្យាករណ៍ក្នុងករណីធ្ងន់ធ្ងរបំផុត ដែលអង្គការនេះបានលើកឡើងតាំងពីសង្គ្រាមចាប់ផ្ដើមផ្ទុះឡើង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា នឹងធ្វើកិច្ចចរចាជាមួយកាតា ជុំវិញទ្រព្យសម្បត្តិដែលត្រូវបានបង្កក

អគារផ្ទះល្វែងមួយ ដួលរលំ នៅទីក្រុងអាតែនរបស់ក្រិក ខណៈក្រុមអ្នកជួយសង្គ្រោះស្វែងរកអ្នកជាប់ក្នុងនោះ

កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកបដោយការស្ថាបនា» អំពីទាហានកូរ៉េខាងជើង

នាយករដ្ឋមន្ត្រីជប៉ុន ស្វែងរកទំនាក់ទំនងកាន់តែស៊ីជម្រៅជាមួយឥណ្ឌា លើផ្នែកពាណិជ្ជកម្ម និងសន្តិសុខ

មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិតនៅកាតា តែគ្មានជំនួបជាមួយអ៊ីរ៉ង់ទេ

ទីភ្នាក់ងារពាណិជ្ជកម្ម UN៖ វិបត្តិច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេលយូរ

លោក Zelenskyy៖ អ៊ុយក្រែនវាយប្រហារជាលើកទី ២ លើទីតាំងផ្កាយរណប Dubna របស់រុស្ស៊ី

ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬបំផ្លាញ នៅវ៉េណេស៊ុយអេឡា

កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក

រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

វិមានក្រឹមឡាំងពិចារណាលើលក្ខខណ្ឌសម្រាប់ជំនួបរវាងថ្នាក់ដឹកនាំលោក Putin និងលោក Zelensky

លោក Vladimir Putin ព្រមានលោកខាងលិចពីវិបត្តិជនអន្តោប្រវេសន៍ថ្មី

ឯកឧត្តម ប្រាក់ សុខុន បញ្ជាក់ជាថ្មីថា មានតែមីយ៉ាន់ម៉ាខ្លួនឯងតែប៉ុណ្ណោះ ទើបអាចរកដំណោះស្រាយបានជោគជ័យ

តំណាងអចិន្ត្រៃយ៍៖ អ្នករាយការណ៍ពិសេសUN មិនបានលើកឡើងឱ្យត្រឹមត្រូវ និងគ្រប់ជ្រុងជ្រោយពាក់ព័ន្ធកម្ពុជា

វិមានក្រឹមឡាំងនិយាយថា គ្មានជំហានរីកចម្រើនទេក្នុងការចរចាជាមួយអ៊ុយក្រែននៅប្រទេសទួរគី

ចំនួនជនភៀសខ្លួនអ៊ុយក្រែនបានកើនឡើងលើសការប៉ាន់ប្រមាណរបស់អង្គការសហប្រជាជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

វិមាន​ក្រឹម​ឡាំង​ពិចារណា​លើ​លក្ខខណ្ឌ​សម្រាប់​ជំនួប​រវាង​ថ្នាក់ដឹកនាំ​លោក Putin និង​លោក​ Zelensky

លោក Vladimir Putin ព្រមាន​លោក​ខាង​លិច​ពី​វិបត្តិ​ជនអន្តោប្រវេសន៍​ថ្មី​

ឯកឧត្តម ប្រាក់ សុខុន បញ្ជាក់ជាថ្មីថា មានតែមីយ៉ាន់ម៉ាខ្លួនឯងតែប៉ុណ្ណោះ ទើបអាចរកដំណោះស្រាយបានជោគជ័យ

តំណាងអចិន្ត្រៃយ៍៖ អ្នករាយការណ៍ពិសេសUN មិនបានលើកឡើងឱ្យត្រឹមត្រូវ និងគ្រប់ជ្រុងជ្រោយពាក់ព័ន្ធកម្ពុជា

វិមាន​ក្រឹម​ឡាំង​និយាយ​ថា ​គ្មាន​ជំហាន​រីកចម្រើន​ទេ​ក្នុង​ការចរចា​ជាមួយ​អ៊ុយ​ក្រែ​ន​នៅ​ប្រទេស​ទួរគី​

ចំនួន​ជនភៀសខ្លួន​អ៊ុយ​ក្រែ​ន​បាន​កើន​ឡើង​លើស​ការ​ប៉ាន់ប្រមាណ​របស់​អង្គការ​សហប្រជាជាតិ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វិមានក្រឹមឡាំងពិចារណាលើលក្ខខណ្ឌសម្រាប់ជំនួបរវាងថ្នាក់ដឹកនាំលោក Putin និងលោក Zelensky

លោក Vladimir Putin ព្រមានលោកខាងលិចពីវិបត្តិជនអន្តោប្រវេសន៍ថ្មី

វិមានក្រឹមឡាំងនិយាយថា គ្មានជំហានរីកចម្រើនទេក្នុងការចរចាជាមួយអ៊ុយក្រែននៅប្រទេសទួរគី

ចំនួនជនភៀសខ្លួនអ៊ុយក្រែនបានកើនឡើងលើសការប៉ាន់ប្រមាណរបស់អង្គការសហប្រជាជាតិ