BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

ទួរគីនឹងរៀបចំជំនួបចរចាទល់មុខគ្នាជុំបន្ទាប់រវាងទីក្រុងមូស្គូ និងទីក្រុងគីវ

ទួរគី៖ ទីក្រុង Istanbul នឹងក្លាយជាទីតាំងនៃជំនួបចរចាស្វែងរកសន្តិភាពទល់មុខគ្នាជុំបន្ទាប់ រវាងក្រុមអ្នកចរចារុស្ស៊ី និងអ៊ុយក្រែន ខណៈប្រធានាធិបតីទួរគីលោក Recep Tayyip Erdogan នឹងប្រើទំនាក់ទំនងល្អរបស់លោកជាមួយប្រទេសជិតខាងសមុទ្រខ្មៅទាំង២ ក្នុងកិច្ចខិតខំប្រឹងប្រែងជួយបញ្ចប់ជម្លោះនេះ។លោក David Arakhamia មេដឹកនាំសំឡេងភាគច្រើនក្នុងសភាអ៊ុយក្រែន និងជាប្រធានក្រុមអ្នកចរចាសម្រាប់ទីក្រុងគីវ បានប្រកាសពីជំនួបចរចាស្វែងរកសន្តិភាពចុងក្រោយបំផុតនេះកាលពីថ្ងៃអាទិត្យ។ ការចរចាគ្រោងនឹងធ្វើឡើងចាប់ពីថ្ងៃទី២៨ ដល់ថ្ងៃទី៣០ ខែមីនា ជាការផ្ដល់ឱកាសដល់ទីក្រុងអង់ការ៉ា ជាថ្មីក្នុងតួនាទីដ៏សំខាន់ព្យាយាមជួយដោះស្រាយវិបត្តិនេះ។ ប្រទេសទួរគីធ្លាប់បានរៀបចំជំនួបថ្នាក់រដ្ឋមន្ត្រីការបរទេសរបស់រុស្ស៊ី និងអ៊ុយក្រែនក្នុងទីក្រុង Antalya កាលពីដើមខែនេះ។ ក្នុងឋានៈជាសមាជិកណាតូ ប្រទេសទួរគីបានព្យាយាមដើរយ៉ាងប្រយ័ត្នប្រយែង រវាងការថ្កោលទោសការវាយលុករបស់រុស្ស៊ីនៅអ៊ុយក្រែន និងការរក្សាទំនាក់ទំនងសេដ្ឋកិច្ច និងវិស័យការពារជាតិដ៏ជិតស្និទ្ធរបស់ខ្លួនជាមួយទីក្រុង Moscow។ក្រុងអង់ការ៉ាបានជំទាស់ការដាក់ទណ្ឌកម្មពីលោកខាងលិចលើរុស្ស៊ី ប៉ុន្តែបានទាត់ចោលសំណើដែលអនុញ្ញាតឲ្យនាវាចម្បាំងរុស្ស៊ី ឆ្លងកាត់តាមច្រកសមុទ្រទួរគីចូលទៅសមុទ្រខ្មៅ។ ថ្លែងនៅវេទិកាក្រុង Doha ប្រទេសកាតា អ្នកនាំពាក្យលោក Erdogan គឺលោក Ibrahim Kalin បានព្រមានប្រឆាំងទៅនឹងការធ្វើឲ្យទីក្រុង Moscow ឯកា ដោយលើកឡើងថា ប្រទេសរុស្ស៊ីត្រូវតែមានឱកាសស្ដាប់លឺមធ្យោបាយមួយ ឬអ្វីផ្សេងទៀត បើអ្នកគ្រប់គ្នាដុតចោលស្ពានចម្លងជាមួយរុស្ស៊ី អញ្ចឹងតើអ្នកណានឹងនិយាយជាមួយពួកគេ?។ លោក Erdogan ត្រូវគេរាយការណ៍ថាបានជំរុញលោក Putin ក្នុងជំនួបតាមទូរស័ព្ទកាលពីថ្ងៃអាទិត្យឲ្យមានបទឈប់បាញ់ និងបង្កើនលក្ខខណ្ឌមនុស្សធម៌នៅអ៊ុយក្រែន៕អត្ថបទ៖ សុខមាន

សម្តេចតេជោ ហ៊ុន សែន ហួសចិត្តនឹងការផ្សព្វផ្សាយថា«ការចាក់វ៉ាក់សាំងកូវីដ-១៩ នឹងនាំឱ្យមានជំងឺមហារីកនៅពេលក្រោយ»

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសដោយសម្តែងការហួសចិត្តចំពោះការផ្សព្វផ្សាយដ៏អកុសលថា «ការចាក់វ៉ាក់សាំងកូវីដ-១៩ នឹងនាំឱ្យមានជំងឺមហារីកនៅពេលក្រោយ»។ថ្លែងក្នុងពិធីម្ពោធដាក់ឱ្យប្រើប្រាស់ជាផ្លូវការ អគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង) រាជធានីភ្នំពេញ ក្រោមជំនួយឥតសំណងពីរដ្ឋាភិបាល នៃសាធារណរដ្ឋកូរ៉េ(កូរ៉េខាងត្បូង)នៅព្រឹកថ្ងៃទី២៨ ខែមីនានេះ សម្តេចតេជោ ហ៊ុន សែន បានចាត់ទុកការផ្សព្វផ្សាយទាំងនោះ គឺជារឿងដែលមិនអាចទទួលយកបាន ខណៈដែលប្រទេសជាច្រើនលើពិភពលោកកំពុងតែចាក់ និងដំណើរការចាក់វ៉ាក់សាំងកូវីដ-១៩នេះជាបន្តបន្ទាប់ និងយ៉ាងសស្រាក់សស្រាំ ហើយថែមទាំងមានចំនួនច្រើនទៀតផង ដូចជា ប្រទេសចិន អាមេរិក ឥណ្ឌា កូរ៉េខាងត្បូង..។ល។ពាក់ព័ន្ធនឹងបញ្ហានេះ លោកជំទាវ ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសក៏ធ្លាប់បានប្រកាសច្រានចោលផងដែរ ហើយលោកជំទាវ ក៏បានក្រើនរំលឹកដល់ប្រជាពលរដ្ឋ ដែលដល់វេនត្រូវចាក់ដូសទី២ ឫដូសទី៣ និងដូសទី៤ ត្រូវរួសរាន់មកចាក់នៅតាមទីតាំងមូលដ្ឋានសុខាភិបាលរបស់ខ្លួន ដែលនៅជិតផ្ទះ ដើម្បីបង្កើននូវកងការពារជំងឺកូវីដ-១៩។ ទន្ទឹមនឹងនោះ លោកជំទាវក៏បានអំពាវនាវដល់អ្នកដែលមានជំងឺប្រចាំកាយ ដូចជា អេសដ៍ ឬជំងឺផ្សេងៗទៀត ត្រូវតែចាក់វ៉ាក់សាំងបង្ការជំងឺកូវីដ-១៩ ជាចាំបាច់ ដើម្បីការពារខ្លួនផងដែរ៕

សម្តេចតេជោ ហ៊ុន សែន ៖ គ្មានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ

ភ្នំពេញ៖ សម្តេចតេជោ ហ៊ុន សែន ប្រកាសថា មិនមានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ។ថ្លែងក្នុងពិធីម្ពោធដាក់ឱ្យប្រើប្រាស់ជាផ្លូវការ អគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង) រាជធានីភ្នំពេញ ក្រោមជំនួយឥតសំណងពីរដ្ឋាភិបាល នៃសាធារណរដ្ឋកូរ៉េ(កូរ៉េខាងត្បូង)នៅព្រឹកថ្ងៃទី២៨ ខែមីនានេះ សម្តេចតេជោ ហ៊ុន សែន បន្តថា ជំហររបស់កម្ពុជា គឺតំណាងអចិន្ត្រៃយ៍កម្ពុជា ប្រចាំអង្គការសហប្រជាជាតិ ដែលមានចង្អុលបង្ហាញពីរាជរដ្ឋាភិបាលកម្ពុជា ត្រឹមត្រូវ និងច្បាស់លាស់។ សម្តេចបញ្ជាក់ថា អ្នកវិភាគ អ្នកអត្ថាធិប្បាយ តាមប្រព័ន្ធផ្សព្វផ្សាយនានា គឺជាទស្សនៈផ្ទាល់ខ្លួនគេ មិនមែនជាជំហររបស់កម្ពុជាឡើយ៕

ប្រធានាធិបតីអ៊ុយក្រែននិយាយថា រូបលោកមានបំណងពិភាក្សាពីការទាមទាររបស់រុស្ស៊ីដែលតម្រូវឲ្យអ៊ុយក្រែននៅជាប្រទេសអព្យាក្រឹត

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បាននិយាយថា ប្រទេសអ៊ុយក្រែនត្រូវបានត្រៀមរួចរាល់ក្នុងការពិភាក្សាពីការទាមទាររបស់រុស្ស៊ី ដែលតម្រូវឲ្យអ៊ុយក្រែននៅជាប្រទេសអព្យាក្រឹតជាផ្នែកមួយ នៃកិច្ចព្រមព្រៀងសន្តិភាពជាមួយរុស្ស៊ី ប៉ុន្តែបញ្ហានេះនឹងត្រូវបានធានាដោយភាគីទី៣ និងដាក់ចូលទៅក្នុងការធ្វើប្រជាមតិ។ខណៈកំពុងនិយាយទៅកាន់ក្រុមអ្នកសារព័ត៌មានរុស្ស៊ីតាមវីដេអូ ដែលត្រូវបានចេញផ្សាយកាលពីថ្ងៃអាទិត្យ លោក Zelenskyy បានបញ្ជាក់ថា ការធានាសន្តិសុខ និងអព្យាក្រឹតដែលជារដ្ឋគ្មាននុយក្លេអ៊ែររបស់យើង យើងបានត្រៀមខ្លួនរួចរាល់ដើម្បីទទួលយក។ នេះគឺជាចំណុចសំខាន់បំផុត ទោះបីជាមានការព្រមានជាសាធារណៈពីក្រុមអាជ្ញាធររបស់ទីក្រុង Moscow ក៏ដោយ។ លោកប្រធានាធិបតីរូបនេះបានផ្ញើសាររបស់លោកទៅកាន់ប្រជាពលរដ្ឋរុស្ស៊ីទាំងអស់ ដូចដែលលោកធ្លាប់បានធ្វើនៅក្នុងសុន្ទរកថាជាច្រើនកាលពីកន្លងទៅ។ លោកបាននិយាយថា ការលុកលុយរបស់រុស្ស៊ីបានបង្កការបំផ្លិចបំផ្លាញនៅក្នុងទីក្រុងជាច្រើន ដែលមានប្រជាពលរដ្ឋនិយាយភាសារុស្ស៊ីក្នុងប្រទេសអ៊ុយក្រែន និងបានបន្ថែមថា ការខូចខាតគឺធ្ងន់ធ្ងរជាងសង្គ្រាមរបស់រុស្ស៊ីក្នុងទីក្រុង Chechnya ទៅទៀត។លោកបន្ថែមទៀតថា អ៊ុយក្រែនបានកំពុងពិភាក្សាពីការប្រើប្រាស់ភាសារុស្ស៊ី នៅក្នុងប្រទេសអ៊ុយក្រែនក្នុងការចរចាជាមួយប្រទេសរុស្ស៊ី ប៉ុន្តែបានច្រានចោលការពិភាក្សាការទាមទារផ្សេងទៀតរបស់រុស្ស៊ី ដូចជាការធ្វើឲ្យប្រទេសអ៊ុយក្រែនក្លាយជាប្រទេសគ្មានយោធា។ លោកថា កិច្ចព្រមព្រៀងសន្តិភាពនឹងមិនអាចធ្វើទៅរួចឡើយ បើគ្មានបទឈប់បាញ់ និងការដកកងទ័ពរុស្ស៊ីចេញពីអ៊ុយក្រែន៕អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសម្ពោធដាក់ឲ្យប្រើប្រាស់ជាផ្លូវការអគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង)

ភ្នំពេញ៖ នៅព្រឹកថ្ងៃទី២៨ ខែមីនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសំណេះសំណាល និងសម្ពោធដាក់ឱ្យប្រើប្រាស់ជាផ្លូវការ អគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង) រាជធានីភ្នំពេញ ក្រោមជំនួយឥតសំណងពីរដ្ឋាភិបាល នៃសាធារណរដ្ឋកូរ៉េ(កូរ៉េខាងត្បូង)។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ខាងក្រោមនេះ ជាប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី៖- សម្តេចតេជោ ហ៊ុន សែន មានប្រសាសន៍ថា នៅឆ្នាំនេះ២០២២នេះ គឺជាខួបលើកទី២៥ នៃខួបទំនាក់ការទូតឡើងវិញរវាងកម្ពុជា-កូរ៉េ ដែលជាចំណងការទូតប្រកបដោយមោទនភាព និងវឌ្ឍនភាព។- សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ពេលនេះស្ថានភាពកម្ពុជាបានធូរស្រាល ដោយសារយើងអាចគ្រប់គ្រងជំងឺកូវីដ-១៩បាន ឱ្យស្ថិតនៅកម្រិតមួយ ហើយក៏ជាចូលរួមចំណែកដ៏ធំធេងមិនអាចបំភ្លេចបាន នូវវិរៈភាពរបស់ក្រុមគ្រូពេទ្យកម្ពុជាទាំងអស់ ដែលប្រឹងប្រែងអស់កម្លាំងកាយចិត្តដើម្បីប្រជាពលរដ្ឋកម្ពុជា។- សម្តេចតេជោ ហ៊ុន សែន បានបញ្ជាក់ថា កម្ពុជាបានប្រើប្រាស់វ៉ាក់សាំងកូវីដ-១៩ក្នុងកម្រិតខ្ពស់ ដែលធ្វើឱ្យសហគមន៍កម្ពុជាមានភាពស៊ាំប្រឆាំងកូវីដ-១៩ ទោះជាករណីឆ្លងកើតឡើង ក៏ដោយ ក៏មិនបណ្តាលឱ្យក្លាយជាករណីធ្ងន់ធ្ងរ ឬស្លាប់ឡើយ។- សម្តេចតេជោ ហ៊ុន សែន បានប្រកាសឡើងវិញថា ប្រជាពលរដ្ឋកម្ពុជា អាចកម្សាន្តសប្បាយរីករាយក្នុងឱកាសបុណ្យចូលឆ្នាំថ្មី ប្រពៃណីជាតិ ឆ្នាំ២០២២នេះ យ៉ាងពិតប្រាកដ ព្រោះយើងមិនមានការព្រួយបារម្ភខ្លាំងដោយសារជំងឺកូវីដ-១៩ទៀតទេ តែយើងបារម្ភនោះ គឺបញ្ហាតម្លៃប្រេងឥន្ធនៈ ដែលយើងមិនដឹងថា ដល់ពេលចូលឆ្នាំ តម្លៃសាំងឡើងដល់កម្រិតណានោះឡើយ។- សម្តេចតេជោ ហ៊ុន សែន នៅតែប្រកាសបន្តការសាងសង់មន្ទីរពេទ្យឯកទេសសម្រាប់ព្យាបាលជំងឹកូវីដ-១៩ ដែលអាចដាក់អ្នកជំងឺកូវីដ-១៩បានចំនួន១ម៉ឺននាក់ សាងសង់ដោយរាជរដ្ឋាភិបាលកម្ពុជា។- សម្តេចបញ្ជាក់ថា ទោះពេលសាងសង់រួច ជំងឺកូវីដ-១៩បានធូរស្រាលយ៉ាងណាក៏ដោយ យើងក៏អាចនៅតែប្រែក្លាយមន្ទីរពេទ្យនោះទៅជាកន្លែងព្យាបាលជំងឺទូទៅតាមជាក់ស្តែង។- សម្តេចតេជោ ហ៊ុន សែន ប្រកាសថា ពេលនេះកូវីដ-១៩ មិនមានតួលេខស្លាប់ដូចករណីគ្រោះថ្នាក់ចរាចរណ៍នោះទេ ដែលអត្រាស្លាប់ដោយគ្រោះថ្នាក់ចរាចរណ៍ក្នុងមួយថ្ងៃមានចំនួនប្រមាណ៥នាក់ ដែលជាចំនួនច្រើនគួរឱ្យព្រួយបារម្ភ និងសោកស្តាយ ខណៈដែលប្រជាពលរដ្ឋអ្នកធ្វើដំណើរ, អ្នកប្រើប្រាស់ដងផ្លូវ សុទ្ធតែអាចការពារខ្លួនពីករណីនេះបានទាំអស់គ្នា តាមរយៈការគោរពច្បាប់ចរាចរណ៍ គោរពសិទ្ធិអទិភាព និងចេះអត់ឱនយោគយល់អធ្យាស្រ័យគ្នាទៅវិញទៅមក។- សម្តេចតេជោ ហ៊ុន សែន ប្រកាសដោយសម្តែងការហួសចិត្តចំពោះការផ្សព្វផ្សាយដ៏អកុសលថា «ការចាក់វ៉ាក់សាំងកូវីដ-១៩ នឹងនាំឱ្យមានជំងឺមហារីកនៅពេលក្រោយ» ដែលសម្តេចចាត់ទុកការផ្សព្វផ្សាយទាំងនោះ គឺជារឿងដែលមិនអាចទទួលយកបាន ខណៈដែលប្រទេសជាច្រើនលើពិភពលោកកំពុងតែចាក់ និងដំណើរការចាក់វ៉ាក់សាំងកូវីដ-១៩នេះជាបន្តបន្ទាប់ និងយ៉ាងសស្រាក់សស្រាំ ហើយថែមទាំងមានចំនួនច្រើនទៀតផង ដូចជា ប្រទេសចិន អាមេរិក ឥណ្ឌា កូរ៉េខាងត្បូង..។ល។- សម្តេចតេជោ ហ៊ុន សែន ប្រកាសថា អ្នកដំណើរពីក្រៅប្រទេស ចូលមកកម្ពុជា ត្រូវបានលើកលែងអស់ហើយពាក់ព័ន្ធនឹងវិធានការកូវីដ-១៩ ដែលជាផ្នែកដើម្បីស្រូបទាញទេសចរ និងធុរកិច្ច តែយើងក៏មិនបានមើលស្រាលចំពោះបញ្ហាកូវីដ-១៩នោះដែរ។- សម្តេចតេជោ ហ៊ុន សែន ប្រកាសថា កម្ពុជាមានជំហរជាលក្ខណៈអន្តរជាតិចំពោះបញ្ហាពិភពលោក ដែលអធិបតេយ្យភាពជាតិផ្តាច់មុខរបស់កម្ពុជា។ កម្ពុជាមិនសំដៅតែលើរុស្ស៊ីនោះទេ គឺកម្ពុជាប្រឆាំងរាល់ការប្រើប្រាស់កម្លាំងយោធា ដើម្បីរំលោភបំពានលើប្រទេសមួយទៀត។- សម្តេចតេជោ ហ៊ុន សែន បញ្ជាក់ថា ការគោរពអធិតេយ្យជាតិរបស់អ៊ុយក្រែន គឺស្នើនឹងគោរពអធិបតេយ្យជាតិរបស់ខ្លួនឯងផងដែរ ដែលនេះគឺជាអ្វីដែលយើងត្រូវតែធ្វើ និងប្រកាន់យក។- សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា កម្ពុជាមិនត្រូវការយន្តហោះចម្បាំង ឬនាវាមុជទឹកនោះទេ តែអ្នកឯងក៏មិនអាចរំលោភបំពានលើកម្ពុជាបានដែរ ព្រោះយើងមានអាវុធពីក្រោមដើម្បីកម្ទេចអ្នកឯង អ្វីដែលយើងត្រូវមាននៅពេលនេះ គឺសំណាញ់មេឃ សម្រាប់ការពារកម្ពុជា។- សម្តេចតេជោ ហ៊ុន សែន ប្រកាសថា បើយកលុយទៅទិញយន្តហោះចម្បាំង ឬនាវាមុជទឹក សុខចិត្តយកលុយទាំងនោះ ទៅកសាងសាលារៀន ឬមន្ទីរពេទ្យ បម្រើឱ្យសេចក្តីត្រូវការរបស់ប្រជាពលរដ្ឋវិញ។- សម្តេចតេជោ ហ៊ុន សែន ប្រកាសឈរខាងអ៊ុយក្រែន ឈរនៅជាមួយប្រជាជនអ៊ុយក្រែន ប្រឆាំងនឹងការឈ្លានពានរបស់រុស្ស៊ី ព្រោះកម្ពុជាយើងក៏ធ្លាប់ទទួលរងនូវការឈ្លានពានដូចករណីនោះដែរ។- សម្តេចតេជោ ហ៊ុន សែន ប្រកាសបន្ថែមទៀតថា សម្តេចមិនអនុញ្ញាតឱ្យប្រជាជនកម្ពុជាណាម្នាក់ ទៅធ្វើទាហានដើម្បីជួយច្បាំងអ៊ុយក្រែននោះទេ តែអ្វីដែលកម្ពុជាយើងអាចធ្វើទៅបាននោះ គឺបង្ហាញជំហរជាលក្ខណៈអន្តរជាតិដើម្បីគាំទ្រអ៊ុយក្រែន។- សម្តេចតេជោ ហ៊ុន សែន សង្ឃឹមថា រុស្ស៊ី និងអ៊ុយក្រែន នឹងប្រឹងប្រែងអត់ធ្មត់ និងចូលតុចរចា ដោយមិនប្រើប្រាស់កម្លាំង ដោះស្រាយបញ្ហា ដើម្បីឈានទៅរកសន្តិភាពសម្រាប់ប្រទេសទាំងពីរ។- សម្តេចតេជោ ហ៊ុន សែន ប្រកាសថា មិនមានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ។ ជំហររបស់កម្ពុជា គឺតំណាងអចិន្ត្រៃយ៍កម្ពុជា ប្រចាំអង្គការសហប្រជាជាតិ ដែលមានចង្អុលបង្ហាញពីរាជរដ្ឋាភិបាលកម្ពុជា ត្រឹមត្រូវ និងច្បាស់លាស់។ អ្នកវិភាគ អ្នកអត្ថាធិប្បាយ តាមប្រព័ន្ធផ្សព្វផ្សាយនានា គឺជាទស្សនៈផ្ទាល់ខ្លួនគេ មិនមែនជាជំហររបស់កម្ពុជាឡើយ។ សង្កថាសម្តេចចប់នៅវេលាម៉ោង៩ និង០០នាទី

លោកជំទាវ ឱ វណ្ណឌីន ៖ អ្នកមានជំងឺប្រចាំកាយ(អេដស៍ ឬជំងឺផ្សេងៗទៀត) ត្រូវតែចាក់វ៉ាក់សាំងបង្ការជំងឺកូវីដ-១៩ជាចាំបាច់

កំពត៖ លោកជំទាវ ឱ វណ្ណឌីន ជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសប្រកាសថា អ្នកដែលមានជំងឺប្រចាំកាយ ដូចជា៖ អេដស៍ ឬជំងឺផ្សេងៗទៀត ត្រូវតែចាក់វ៉ាក់សាំងបង្ការជំងឺកូវីដ-១៩ ជាចាំបាច់ ដើម្បីការពារខ្លួន ពីរោគរាតត្បាតកូវីដ-១៩។ ថ្លែងក្នុងពិធីចុះពិនិត្យមើលមណ្ឌលចាក់វ៉ាក់សាំងកូវីដ-១៩ និង ពិនិត្យការងារថែទាំសុខភាពបឋមរបស់សហគមន៍ និងប្រព័ន្ធសុខាភិបាល និងជួបសំណេះសំណាលជាមួយបងប្អូនប្រជាពលរដ្ឋនៅក្នុងមូលដ្ឋាននៃខេត្តកំពត លោកជំទាវ ឱ វណ្ណឌីន បានប្រកាសក្រើនរំលឹកដល់ប្រជាពលរដ្ឋ ដែលដល់វេនត្រូវចាក់ដូសទី២ ឬដូសទី៣ និងដូសទី៤ ត្រូវរួសរាន់មកចាក់នៅតាមទីតាំងមូលដ្ឋានសុខាភិបាលរបស់ខ្លួន ដែលនៅជិតផ្ទះ ដើម្បីបង្កើននូវកងការពារជំងឺកូវីដ-១៩៕

ក្រុមឧទ្ទាមយេម៉ែនវាយប្រហារឃ្លាំងប្រេងនៅអារ៉ាប៊ីសាអូឌីតដែលរៀបចំការប្រណាំង Formula One

អារ៉ាប៊ីសាអូឌីត៖ ក្រុមឧទ្ទាមហួធីប្រទេសយេម៉ែន បានវាយប្រហារឃ្លាំងស្តុកប្រេងមួយកន្លែងកាលពីថ្ងៃសុក្រក្នុងទីក្រុង Jiddah ប្រទេសអារ៉ាប៊ីសាអូឌីត មុនពេលការប្រណាំងរថយន្ត Formula One នៅក្នុងប្រទេសនេះ។លោក Yehia Sarie អ្នកនាំពាក្យរបស់ក្រុមហួធីប្រទេសយេម៉ែននិយាយថា ក្រុមឧទ្ទាមបានកំណត់គោលដៅលើទីតាំងក្រុមហ៊ុនប្រេង Aramco ក្នុងទីក្រុង Jiddah ក៏ដូចជាទីតាំងសំខាន់ៗនៅក្នុងរដ្ឋធានីរីយ៉ាតរបស់អារ៉ាប៊ីសាអូឌីតកាលពីថ្ងៃសុក្រ ដោយបានបាញ់មីស៊ីលផ្លោង និងយន្តហោះដ្រូនទម្លាក់គ្រាប់បែកឆ្ពោះទៅរកទីតាំងក្រុមហ៊ុនប្រេង Aramco ប្រទេសអារ៉ាប៊ីសាអូឌីត និងទីតាំងសំខាន់ៗផ្សេងទៀតនៅក្នុងប្រទេស។ការវាយប្រហារបានផ្តោតគោលដៅលើឃ្លាំងផ្ទុកប្រេងឥន្ធនៈដូចគ្នា ដែលក្រុមហ៊ូធីបានវាយប្រហារកាលពីប៉ុន្មានថ្ងៃថ្មីៗនេះលើរោងចក្រ North Jiddah Bulk Plant ស្ថិតនៅភាគអាគ្នេយ៍អាកាសយានដ្ឋានអន្តរជាតិរបស់ទីក្រុង និងជាមជ្ឈមណ្ឌលដ៏សំខាន់សម្រាប់អ្នកធ្វើធម្មយាត្រាមូស្លីមធ្វើដំណើរទៅកាន់ទីក្រុង Mecca។ ការវាយប្រហារនេះបានកើតឡើង នៅពេលដែលប្រទេសអារ៉ាប៊ីសាអូឌីតនៅតែដឹកនាំក្រុមចម្រុះ ប្រយុទ្ធជាមួយក្រុមហួធីគាំទ្រដោយអ៊ីរ៉ង់ដែលបានដណ្ដើមយករដ្ឋធានីសាណារបស់ប្រទេសយេម៉ែន កាលពីខែកញ្ញា ឆ្នាំ២០១៤៕អត្ថបទ៖ ប៊ុនថន

អ្នកនាំពាក្យអគ្គស្នងការដ្ឋាននគរបាលជាតិបដិសេធ ការចោទប្រកាន់របស់ស្ត្រីឈ្មោះ ឡុង គឹមហ៊ាង លើរាជរដ្ឋាភិបាល

ភ្នំពេញ៖ អ្នកនាំពាក្យអគ្គស្នងការដ្ឋាននគរបាលជាតិ បានបដិសេធចំពោះការចោទប្រកាន់របស់ស្ត្រីឈ្មោះ ឡុង គឹមហ៊ាង មកលើរាជរដ្ឋាភិបាលកម្ពុជា គឺជាការមិនពិត។អ្នកនាំពាក្យអគ្គស្នងការដ្ឋាននគរបាលជាតិប្រកាសថា ស្ត្រីរូបបានផ្តល់បទសម្ភាសន៍ជាមួយវិទ្យុបរទេស និយាយភាសាខ្មែរ ដោយការបញ្ចេញកំហឹងសងសឹកទាំងងងឹតងងុល និងពោលពាក្យតាមបែបអគតិ មានទស្សនៈចង្អៀតចង្អល់ ស្អប់ខ្ពើម និងប្រមាថជាតិកំណើតរបស់ខ្លួន ដែលជាសម្ដីបំផ្លើសផ្ទុយពីការពិត៕

រុស្ស៊ីនិយាយថា ទាហាន ១.៣៥១នាក់បានស្លាប់នៅអ៊ុយក្រែន

រុស្ស៊ី៖ អនុប្រធានអគ្គសេនាធិការយោធារុស្ស៊ីនិយាយថា ទាហានរុស្ស៊ី ១.៣៥១នាក់បានស្លាប់នៅក្នុងប្រតិបត្តិការយោធាពិសេសនៅអ៊ុយក្រែន។ ឧត្ដមសេនីយ៍ Sergei Rudskoi និយាយកាលពីថ្ងៃសុក្រថា ទាហាន ៣,៨២៥នាក់បានរងរបួស ហើយអ៊ុយក្រែនបានបាត់បង់ទាហានបម្រើការប្រមាណ ៣ម៉ឺននាក់រួមទាំងអ្នកស្លាប់ជាង ១៤,០០០នាក់។ឧត្ដមសេនីយ៍លោក Mikhail Mizintsev ប្រធានមជ្ឈមណ្ឌលគ្រប់គ្រងការពារជាតិរុស្ស៊ីនិយាយថា មនុស្សជាង ៤០០,០០០នាក់ត្រូវបានជម្លៀសមកកាន់ប្រទេសរុស្ស៊ី ចាប់តាំងពីការចាប់ផ្តើមប្រតិបត្តិការយោធាពិសេស។ គោលបំណងសំខាន់នៃដំណាក់កាលដំបូងនៃប្រតិបត្តិការយោធានៅអ៊ុយក្រែន គឺការកាត់បន្ថយសមត្ថភាពប្រយុទ្ធរបស់អ៊ុយក្រែនត្រូវបានសម្រេចជាទូទៅ ដែលអនុញ្ញាតឱ្យកងកម្លាំងរុស្ស៊ីផ្តោតលើគោលដៅសំខាន់ និងការរំដោះតំបន់ Donbas។ Donbas គឺជាតំបន់ភាគខាងកើតដែលនិយាយភាសារុស្សីភាគច្រើន ជាកន្លែងដែលក្រុមបំបែកខ្លួនគាំទ្រដោយរុស្ស៊ីបានប្រយុទ្ធជាមួយកងកម្លាំងអ៊ុយក្រែនតាំងពីឆ្នាំ២០១៤ ហើយជាកន្លែងដែលប្រជាជនជាច្រើនគាំទ្រទីក្រុងមូស្គូ។ ឧត្ដមសេនីយ៍ Sergei Rudskoi និយាយកាលពីថ្ងៃសុក្រថា កងទ័ពរុស្ស៊ីបានឡោមព័ទ្ធទីក្រុង Kyiv, Kharkiv, Chernihiv, Sumy និង Mykolaiv ហើយទីក្រុង Kherson និងតំបន់ Zaporizhzhia ភាគច្រើនស្ថិតនៅក្រោមការគ្រប់គ្រងទាំងស្រុងរបស់កងទ័ពរុស្ស៊ី៕អត្ថបទ៖ ប៊ុនថន

អឺរ៉ុបនឹងកាត់បន្ថយការពឹងផ្អែកលើថាមពលពីរុស្ស៊ី និងបញ្ឈប់លំហូរប្រាក់រាប់ពាន់លានដុល្លារ

អឺរ៉ុប៖ ប្រធានគណៈកម្មការអឺរ៉ុបលោកស្រី Ursula von der Leyen បាននិយាយថា ភាពជាដៃគូជាមួយសហរដ្ឋអាមេរិកនឹងកាត់បន្ថយការពឹងផ្អែករបស់អឺរ៉ុបលើថាមពលពីរុស្ស៊ី និងបញ្ឈប់លំហូរប្រាក់រាប់ពាន់លានដុល្លារដែលវិមានក្រឹមឡាំងទទួលបានពីការលក់ប្រេងឥន្ធនៈ។ថ្លែងនៅថ្ងៃទី២ ជាថ្ងៃបញ្ចប់នៃកិច្ចប្រជុំកំពូលក្រុមប្រឹក្សាសហភាពអឺរ៉ុបនៅទីក្រុងប្រ៊ុចសែល លោកស្រី von der Leyen និយាយថា ជាផ្នែកមួយនៃភាពជាដៃគូដែលបានប្រកាសរួមគ្នា ជាមួយប្រធានាធិបតីសហរដ្ឋអាមេរិកលោក Joe Biden នៅមុនថ្ងៃនោះ ភាគីទាំងពីរបានព្រមព្រៀងគ្នាក្នុងការពន្លឿន ការផ្លាស់ប្តូរទៅជាថាមពលបៃតង។ ជាជំហានដំបូង សហរដ្ឋអាមេរិកនឹងផ្តល់ឱ្យសហភាពអឺរ៉ុបនូវឧស្ម័នធម្មជាតិរាវ យ៉ាងហោចណាស់ ១៥ពាន់លានម៉ែត្រគូបបន្ថែមទៀតនៅឆ្នាំ២០២២ នេះដោយជំនួសមកវិញនូវបរិមាណឧស្ម័នធម្មជាតិរាវពីរុស្ស៊ី។ លោកស្រី Von der Leyen និយាយថា ក្នុងរយៈពេលប៉ុន្មានឆ្នាំខាងមុខ ពួកគេមានគោលដៅត្រូវការយ៉ាងហោចណាស់ ៥០ពាន់លានម៉ែត្រគូបក្នុងមួយឆ្នាំ ដោយជំនួសមួយភាគបីនៃការផ្គត់ផ្គង់ឧស្ម័នទាំងអស់ពីរុស្ស៊ីមកកាន់អឺរ៉ុប។ក្នុងអំឡុងពេលសន្និសីទសារព័ត៌មានកាលពីថ្ងៃសុក្រ ប្រធានគណៈកម្មការអឺរ៉ុបបាននិយាយថា កញ្ចប់ទណ្ឌកម្មចំនួនបួនដែលសហភាពអឺរ៉ុបបានដាក់លើរុស្ស៊ីជុំវិញការវាយលុកលើអ៊ុយក្រែ ហើយកិច្ចខិតខំប្រឹងប្រែងទាំងអស់ពេលនេះនឹងផ្តោតលើការអនុវត្តន៍ទណ្ឌកម្ម និងរារាំងរុស្ស៊ីមិនឲ្យការគេចវេសបាន។ លោកស្រី Von der Leyen បានថ្លែងអំណរគុណដល់ប្រទេសជិតខាងរបស់អ៊ុយក្រែន សម្រាប់ការទទួលយកជនភៀសខ្លួនរាប់លាននាក់ និងបានសន្យាផ្តល់កញ្ចប់ថវិកាចំនួន ១៧ពាន់លានអឺរ៉ូ ឬ ១៨.៧ពាន់លានដុល្លារអាមេរិក ដើម្បីជួយប្រទេសទាំងនោះទប់ទល់នឹងលំហូរចូលជនភៀសខ្លួន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា នឹងធ្វើកិច្ចចរចាជាមួយកាតា ជុំវិញទ្រព្យសម្បត្តិដែលត្រូវបានបង្កក

អគារផ្ទះល្វែងមួយ ដួលរលំ នៅទីក្រុងអាតែនរបស់ក្រិក ខណៈក្រុមអ្នកជួយសង្គ្រោះស្វែងរកអ្នកជាប់ក្នុងនោះ

កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកបដោយការស្ថាបនា» អំពីទាហានកូរ៉េខាងជើង

នាយករដ្ឋមន្ត្រីជប៉ុន ស្វែងរកទំនាក់ទំនងកាន់តែស៊ីជម្រៅជាមួយឥណ្ឌា លើផ្នែកពាណិជ្ជកម្ម និងសន្តិសុខ

មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិតនៅកាតា តែគ្មានជំនួបជាមួយអ៊ីរ៉ង់ទេ

ទីភ្នាក់ងារពាណិជ្ជកម្ម UN៖ វិបត្តិច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេលយូរ

លោក Zelenskyy៖ អ៊ុយក្រែនវាយប្រហារជាលើកទី ២ លើទីតាំងផ្កាយរណប Dubna របស់រុស្ស៊ី

ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬបំផ្លាញ នៅវ៉េណេស៊ុយអេឡា

កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក

រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ទួរគីនឹងរៀបចំជំនួបចរចាទល់មុខគ្នាជុំបន្ទាប់រវាងទីក្រុងមូស្គូ និងទីក្រុងគីវ

សម្តេចតេជោ ហ៊ុន សែន ៖ គ្មានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ

ក្រុមឧទ្ទាមយេម៉ែនវាយប្រហារឃ្លាំងប្រេងនៅអារ៉ាប៊ីសាអូឌីតដែលរៀបចំការប្រណាំង Formula One

អ្នកនាំពាក្យអគ្គស្នងការដ្ឋាននគរបាលជាតិបដិសេធ ការចោទប្រកាន់របស់ស្ត្រីឈ្មោះ ឡុង គឹមហ៊ាង លើរាជរដ្ឋាភិបាល

រុស្ស៊ីនិយាយថា ទាហាន ១.៣៥១នាក់បានស្លាប់នៅអ៊ុយក្រែន

អឺរ៉ុបនឹងកាត់បន្ថយការពឹងផ្អែកលើថាមពលពីរុស្ស៊ី និងបញ្ឈប់លំហូរប្រាក់រាប់ពាន់លានដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ទួរគី​នឹង​រៀបចំ​ជំនួប​ចរចា​ទល់មុខ​គ្នា​ជុំ​បន្ទាប់​រវាង​ទីក្រុង​មូស្គូ និង​ទីក្រុង​គីវ

សម្តេចតេជោ ហ៊ុន សែន ៖ គ្មានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ

ក្រុម​ឧទ្ទាម​យេ​ម៉ែន​វាយប្រហារ​ឃ្លាំង​ប្រេង​នៅ​អា​រ៉ា​ប៊ី​សា​អូឌីត​ដែល​រៀបចំ​ការ​ប្រណាំង Formula One

អ្នកនាំពាក្យអគ្គស្នងការដ្ឋាននគរបាលជាតិបដិសេធ ការចោទប្រកាន់របស់ស្ត្រីឈ្មោះ ឡុង គឹមហ៊ាង លើរាជរដ្ឋាភិបាល

រុស្ស៊ី​និយាយ​ថា​ ទាហាន ១.៣៥១​នាក់​បាន​ស្លាប់​នៅ​អ៊ុយ​ក្រែ​ន​

អឺរ៉ុប​នឹង​កាត់បន្ថយ​ការ​ពឹង​ផ្អែកលើ​ថាមពល​ពី​រុស្ស៊ី និង​បញ្ឈប់​លំហូរ​ប្រាក់​រាប់ពាន់​លាន​ដុល្លារ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទួរគីនឹងរៀបចំជំនួបចរចាទល់មុខគ្នាជុំបន្ទាប់រវាងទីក្រុងមូស្គូ និងទីក្រុងគីវ

ក្រុមឧទ្ទាមយេម៉ែនវាយប្រហារឃ្លាំងប្រេងនៅអារ៉ាប៊ីសាអូឌីតដែលរៀបចំការប្រណាំង Formula One

រុស្ស៊ីនិយាយថា ទាហាន ១.៣៥១នាក់បានស្លាប់នៅអ៊ុយក្រែន

អឺរ៉ុបនឹងកាត់បន្ថយការពឹងផ្អែកលើថាមពលពីរុស្ស៊ី និងបញ្ឈប់លំហូរប្រាក់រាប់ពាន់លានដុល្លារ