BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

អ្នកការទូតរុស្ស៊ីរាប់សិបនាក់ត្រូវបានបណ្ដេញចេញពីស្ថានទូតក្នុងប្រទេសមួយចំនួនដោយចោទថា ជាចារកម្ម

អឺរ៉ុប៖ ប្រទេសបែលហ្ស៊ិក អៀរឡង់ សាធារណរដ្ឋឆែក និងហូឡង់បានរួមគ្នាបណ្ដេញអ្នកការទូតរុស្ស៊ីជាង ៤០នាក់ដោយចោទប្រកាន់ពួកគេពីបទចារកម្ម។ យោងតាមអ្នកនាំពាក្យមួយរូប ប្រទេសបែលហ្ស៊ិកនឹងត្រូវបណ្ដេញជនជាតិរុស្ស៊ី ២១នាក់ដែលធ្វើការនៅស្ថានទូតរបស់ទីក្រុងមូស្គូនៅទីក្រុងប្រ៊ុចសែល និងស្ថានកុងស៊ុលរបស់ខ្លួននៅទីក្រុង Antwerp។ក្រុមមន្ត្រីបានចោទប្រកាន់ថា ខណៈពួកគេទាំងអស់ត្រូវបានទទួលស្គាល់ថាជាអ្នកការទូត ពួកគេពិតជាបានចូលរួមក្នុងប្រតិបត្តិការចារកម្ម និងបង្កការប៉ះពាល់។ ក្រសួងការបរទេសហូឡង់បានប្រកាសថា ខ្លួនកំពុងដកភ្នាក់ងារចារកម្មរុស្ស៊ីចំនួន ១៧នាក់ដែលមានការទទួលស្គាល់ថាជាអ្នកការទូត ដោយធ្វើសកម្មភាពលើព័ត៌មានពីសេវាសន្តិសុខរបស់ខ្លួន។ ក្រសួងនេះបានបន្ថែមថា ប្រទេសហូឡង់ត្រូវបានរៀបចំសម្រាប់វិធានការសងសឹកណាមួយរួចរាល់ហើយ ព្រោះទីក្រុង Moscow អាចនឹងចាត់វិធានការវាយបកវិញនៅថ្ងៃណាមួយ។ជាមួយគ្នានោះដែរ ក្រសួងការបរទេសរបស់អៀរឡង់បានបណ្ដេញក្រុមមន្ត្រីជាន់ខ្ពស់ចំនួន ៤រូបដែលបានបម្រើការងារនៅស្ថានទូតរុស្ស៊ីក្នុងប្រទេសខ្លួន ដោយលើកឡើងថា សកម្មភាពរបស់ក្រុមអ្នកការទូតទាំងនោះ មិនស្របតាមបទដ្ឋានអន្តរជាតិនៃឥរិយាបថជាអ្នកការទូតទេ ដោយបន្ថែមថា ទោះយ៉ាងណាក៏ដោយទ្វារការទូតរវាងរដ្ឋាភិបាលក្រុង Dublin និងក្រុង Moscow នៅតែបើកចំហជានិច្ច៕អត្ថបទ៖ សុខមាន

រុស្ស៊ីប្ដេជ្ញាកាត់បន្ថយប្រតិបត្តិការសឹកជុំវិញរដ្ឋធានីគីវរបស់អ៊ុយក្រែន ក្រោមការសង្ស័យពីសហរដ្ឋអាមេរិក

រុស្ស៊ី៖ ប្រទេសរុស្ស៊ីបានប្រកាសកាលពីថ្ងៃអង្គារថា ខ្លួននឹងកាត់បន្ថយប្រតិបត្តិការសឹកនានាយ៉ាងច្រើនជិតរដ្ឋធានីគីវរបស់ប្រទេសអ៊ុយក្រែន និងទីក្រុងមួយនៅភាគខាងជើង ខណៈផែនការនៃកិច្ចព្រមព្រៀងដែលអាចធ្វើទៅបានដើម្បីបញ្ចប់សង្គ្រាមដ៏ធំ បានលេចចេញជារូបរាងនៅក្នុងការចរចាជុំចុងក្រោយបំផុត នៅក្នុងប្រទេសទួរគី។គណៈប្រតិភូរបស់អ៊ុយក្រែននៅជំនួបចរចា ដែលបានធ្វើឡើងនៅក្នុងទីក្រុងអ៊ីស្តង់ប៊ុលបានដាក់ចេញក្របខ័ណ្ឌមួយ ដែលប្រទេសនេះនឹងប្រកាសខ្លួនឯងជារដ្ឋអព្យាក្រឹត្យ ហើយសន្តិសុខរបស់ខ្លួននឹងត្រូវបានធានាដោយក្រុមប្រទេសផ្សេងទៀត។ ប្រតិកម្មជាសាធារណៈរបស់ក្រុង Moscow គឺវិជ្ជមាន ហើយការចរចាបន្ទាប់ត្រូវគេរំពឹងថានឹងបន្តនៅថ្ងៃពុធនេះ មានរយៈពេល ៥សប្ដាហ៍នូវអ្វីដែលបានបង្កឲ្យមានសង្គ្រាមបង្ហូរឈាម បណ្ដាលឲ្យមនុស្សរាប់ពាន់នាក់ស្លាប់ និងពលរដ្ឋអ៊ុយក្រែនជិត ៤លាននាក់កំពុងរត់ភៀសខ្លួន។ចំណែកប្រធានាធិបតីអ៊ុយក្រែនលោក Volodymyr Zelensky បាននិយាយថា លទ្ធផលរឹងមាំតែមួយគត់បានមកពីការចរចាថ្មីៗនេះអាចជឿជាក់បាន។ ចំណែកលោក Antony Blinken ប្រមុខការទូតអាមេរិកបានលើកឡើងថា សូចនាករផ្សេងៗនៃការដកកងទ័ពរបស់រុស្ស៊ីអាចជាការប៉ុនប៉ងពីសំណាក់ក្រុង Moscow កុហកបោកបញ្ឆោតគេឯង និងជាការបង្វែរការចាប់អារម្មណ៍របស់ពិភពលោក៕ អត្ថបទ៖ សុខមាន

ឯកឧត្តមឧបនាយករដ្ឋមន្ត្រី កែ គឹមយ៉ាន អញ្ជើញបើកសន្និបាតបូកសរុបលទ្ធផលការងារត្រួតពិនិត្យគ្រឿងញៀនឆ្នាំ២០២១ និងលើកទិសដៅការងារឆ្នាំ២០២២

ភ្នំពេញ៖ ឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន នៅព្រឹកថ្ងៃទី៣០ ខែមីនា ឆ្នាំ២០២២នេះ បានអញ្ជើញបើកសន្និបាតបូកសរុបលទ្ធផលការងារត្រួតពិនិត្យគ្រឿងញៀនឆ្នាំ២០២១ និងលើកទិសដៅការងារឆ្នាំ២០២២ របស់អាជ្ញាធរជាតិប្រយុទ្ធប្រឆាំងគ្រឿង នៅសណ្ឋាគារសុខាភ្នំពេញ។ក្នុងពិធីនេះមានការអញ្ជើញចូលរួមពីសំណាក់ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ថ្នាក់ដឹកនាំអាជ្ញាធរជាតិប្រយុទ្ធប្រឆាំងគ្រឿង, ឯកអគ្គរដ្ឋទូត ប្រទេសជាមិត្ត, ថ្នាក់ដឹកនាំតំណាងក្រសួង ស្ថាប័នពាក់ព័ន្ធ, ព្រមទាំងអភិបាលរាជធានី-ខេត្ត ស្នងការរាជធានី-ខេត្ត មេបញ្ជាការកងរាជអាវុធហត្ថរាជធានី-ខេត្ត និងបណ្តាអង្គការដៃគូរពាក់ព័ន្ធមួយចំនួនទៀតផងដែរ៕

វ៉ាក់សាំងកូវីដ-១៩ ជំនួយរដ្ឋាភិបាល និងប្រជាជនចិនប្រមាណ ៣.៥លានដូសទៀតបានដឹកមកដល់ប្រទេសកម្ពុជា

ភ្នំពេញ៖ នៅព្រឹកថ្ងៃទី៣០ ខែមីនា ឆ្នាំ២០២២នេះ វ៉ាក់សាំងបង្ការជំងឺកូវីដ-១៩ ជំនួយរបស់រដ្ឋាភិបាល និងប្រជាជនចិនចំនួន ៣.៥លានដូសបន្ថែមទៀត(២យន្តហោះ)បានដឹកមកដល់ប្រទេសកម្ពុជាហើយ។គួរបញ្ជាក់ថា វ៉ាក់សាំងកូវីដ-១៩ ដែលបានដឹកមកដល់ប្រទេសកាលពីព្រឹកថ្ងៃទី២៩ ខែមីនា ប្រមាណ ១.៥លានដូស និងដឹកមកដល់ថ្ងៃទី៣០ ខែមីនានេះ ប្រមាណ ៣.៥លានដូសទៀត ដើម្បីបង្គ្រប់ចំនួន ៥លានដូស។មកទល់ពេលនេះ កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី២៩ ខែមីនា ឆ្នាំ២០២២-លើប្រជាជនអាយុពី ១៨ឆ្នាំឡើង មាន ១០២,៦៦% ធៀបជាមួយចំនួនប្រជាជនគោលដៅ ១០លាននាក់-លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០០,១៣% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់-លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៧,៧២% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់-លើកុមារអាយុ ០៥ឆ្នាំ មាន ១២៣,៤៤% ធៀបជាមួយនឹងប្រជាជនគោលដៅ ៣០៤,៣១៧ នាក់-លើកុមារអាយុ ០៣ឆ្នាំ ដល់ ក្រោម ០៥ឆ្នាំ មាន ៤៩,៧៨% ធៀបជាមួយនឹងប្រជាជនគោលដៅ ៦១០,៧៣០ នាក់-លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ មាន ៩២,៦២% ៕

អង្គការលើកលែងទោសអន្តរជាតិចោទប្រកាន់ប្រទេសរុស្ស៊ីពីបទឧក្រិដ្ឋកម្មសង្គ្រាម

អ៊ុយក្រែន៖ អង្គការលើកលែងទោសអន្តរជាតិបានចោទប្រកាន់ប្រទេសរុស្ស៊ី ពីបទប្រព្រឹត្តឧក្រិដ្ឋកម្មសង្គ្រាមក្នុងទីក្រុងកំពង់ផែ Mariulpol ប្រទេសអ៊ុយក្រែន។ អគ្គលេខាធិការអង្គការលើកលែងទោសអន្តរជាតិលោកស្រី Agnes Callamard បាននិយាយអំឡុងពេលសន្និសីទសារព័ត៌មានក្នុងទីក្រុង Johannesburg ប្រទេសអាហ្វ្រិកខាងត្បូងថា អង្គការសិទ្ធមនុស្សនឹងចេញផ្សាយរបាយការណ៍ក្នុងពេលឆាប់ៗនេះ ពីការបំផ្លាញបណ្តាលមកពីការវាយប្រហាររបស់រុស្ស៊ីនៅទីក្រុងសមុទ្រ Azov។យោងតាមការស៊ើបអង្កេតរបស់អង្គការលើកលែងទោសអន្តរជាតិបានឲ្យដឹងថា ការឡោមព័ទ្ធទីក្រុង Mariulpol ការបដិសេធការជម្លៀសមនុស្សធម៌ និងការដាក់គោលដៅលើជនស៊ីវិលគឺជាឧក្រិដ្ឋកម្មសង្គ្រាម។ លោកស្រី Callamard បានចាត់ទុកការវាយលុករបស់រុស្ស៊ីលើអ៊ុយក្រែន គឺជាការបំពានលើច្បាប់អន្តរជាតិ។ វាជាការបំពានលើមាត្រារបស់អង្គការសហប្រជាជាតិ។ កងកម្លាំងរុស្ស៊ីបានឡោមព័ទ្ធកំពង់ផែយុទ្ធសាស្ត្រសំខាន់ និងបានឡោមព័ទ្ធរយៈពេលជាច្រើនសប្តាហ៍វាយប្រយុទ្ធដោយប្រើគ្រាប់រុក្កែត និងកាំភ្លើងធំដែលបណ្តាលឲ្យប្រជាជនរាប់ពាន់នាក់ស្លាប់។ ទីក្រុងនេះត្រូវបានមើលឃើញក្នុងស្ថានភាពអាក្រក់បំផុត ចាប់តាំងពីកងកម្លាំងរុស្ស៊ីបានវាយលុកចូលអ៊ុយក្រែនរយៈពេលជាង ១ខែមកនេះ៕អត្ថបទ៖ ប៊ុនថន

វិមានក្រឹមឡាំងនិយាយថា គ្មាននរណាម្នាក់ក្នុងប្រទេសរុស្ស៊ីកំពុងគិតពីការប្រើប្រាស់អាវុធនុយក្លេអ៊ែរទេ

រុស្ស៊ី៖ អ្នកនាំពាក្យវិមានក្រឹមឡាំងលោក Dmitry Peskov បានប្រាប់សារព័ត៌មាន PBS របស់សហរដ្ឋអាមេរិកថា នៅក្នុងប្រទេសរុស្ស៊ីគ្មាននរណាម្នាក់កំពុងនឹកដល់ការប្រើប្រាស់អាវុធនុយក្លេអ៊ែរឡើយ។អ្នកសម្របសម្រួលកម្មវិធីបានសួរថា តើលោកប្រធានាធិបតីរុស្ស៊ី Vladimir Putin ធ្លាប់បាននិយាយនៅក្នុងសេចក្ដីថ្លែងការណ៍របស់លោកកាលពីពេលថ្មីៗនេះថា លោកនឹងប្រើអាវុធនុយក្លេអ៊ែរដែរទេ ប្រសិនបើភាគីទី៣ ចូលពាក់ព័ន្ធក្នុងជម្លោះនៅអ៊ុយក្រែន ហើយលោក Peskov បានឆ្លើយថា ទេ។ លោកមិនគិតបែបនេះទេ។ លោកបានបញ្ជាក់ថា ប៉ុន្តែលោកប្រធានាធិបតីពិតជាបាននិយាយមែនថា កុំជ្រៀតជ្រែកឲ្យសោះ បើអ្នកលូកដៃចូលជ្រៀតជ្រែក យើងមានលទ្ធភាពច្រើនដើម្បីទប់ស្កាត់ និងដាក់ទោសចំពោះអ្នកដែលមានបំណងចង់ចូលជ្រៀតជ្រែក។ នៅពេលសួរថា តើលោកអាចច្រានចោលការប្រើប្រាស់អាវុធនុយក្លេអ៊ែរក្នុងជម្លោះជួសមុខឲ្យប្រទេសរុស្ស៊ី ឬអត់ អ្នកនាំពាក្យវិមានក្រឹមឡាំងរូបនេះបាននិយាយថា គ្មាននរណាម្នាក់កំពុងគិតដល់ការប្រើប្រាស់ សូម្បីតែគំនិតនៃការប្រើប្រាស់អាវុធនុយក្លេអ៊ែរ។វិមានក្រឹមឡាំងលើកឡើងថា ការធ្វើអត្ថាធិប្បាយរបស់លោក Biden ពីការបញ្ចប់តំណែងរបស់លោក Putin ជារឿងគួរឲ្យភ្ញាក់ផ្អើល។ ចំណែកលោក Joe Biden វិញបាននិយាយកាលពីថ្ងៃចន្ទថា លោកនឹងមិនសុំអភ័យទោសទេ ហើយក៏មិនស្ដាយក្រោយដែរ ចំពោះការអត្ថាធិប្បាយរបស់លោកដែលបានប្រើលើលោកប្រធានាធិបតី Vladimir Putin កាលពីចុងសប្ដាហ៍នោះ៕អត្ថបទ៖ សុខមាន

អ៊ុយក្រែនកំណត់យកបទឈប់បាញ់ជាគោលដៅនៃការចរចាជុំថ្មីជាមួយរុស្ស៊ីនៅទួរគី

អ៊ុយក្រែន៖ អ៊ុយក្រែននិយាយថា ខ្លួនមានវត្ថុបំណងចំនួន ២ នៅជំនួបចរចាទល់មុខគ្នាជាលើកដំបូងជាមួយភាគីរុស្ស៊ី ក្នុងរយៈពេលជាង ២សប្ដាហ៍មកនេះដែលគ្រោងនឹងធ្វើឡើងនៅក្នុងប្រទេសទួរគីនៅថ្ងៃអង្គារនេះ នោះគឺការធានាឲ្យមានបទឈប់បាញ់ ទោះបីភាគីទាំង២ នៅតែមិនមានការជឿជាក់លើគ្នាក្នុងការទម្លាយភាពជាប់គាំងនេះក៏ដោយ ខណៈដែលមន្ត្រីសហរដ្ឋអាមេរិកមួយរូបព្រមានថា លោកប្រធានាធិបតីរុស្ស៊ី Vladimir Putin ទំនងជាពុំបានត្រៀមខ្លួនសម្របសម្រួលបញ្ចប់សង្គ្រាមនេះនៅឡើយទេ។ការលុកលុយរបស់រុស្ស៊ីរយៈកាលជាង ១ខែមកនេះដែលជាសង្គ្រាមធំបំផុតនៅអឺរ៉ុបខាងកើត ចាប់តាំងពីសង្គ្រាមលោកលើកទី២ មកគេបានមើលឃើញមនុស្សជាង ៣លាន ៨សែននាក់រត់ភៀសខ្លួនទៅកាន់បរទេស ដោយបន្សល់ទុកនៅមនុស្សរាប់ពាន់នាក់ស្លាប់ ឬរងរបួស និងកាត់ផ្ដាច់សេដ្ឋកិច្ចរបស់រុស្ស៊ីឲ្យឯកាពីពិភពលោក។ អ្នកនាំពាក្យអភិបាលក្រុង Mariupol និយាយថា មនុស្សជិត ៥,០០០នាក់រួមទាំងកុមារ ២១០នាក់បានស្លាប់ក្នុងទីក្រុងដែលត្រូវបានឡោមព័ទ្ធ Mariupol ភាគខាងត្បូងរបស់ប្រទេសអ៊ុយក្រែន ចាប់តាំងពីរុស្ស៊ីចូលលុកលុយកាលពីខែមុន។អ្នកនៅរស់រានមានជីវិតបានពិពណ៌នាប្រាប់ ពីរឿងរ៉ាវគួរឲ្យរន្ធត់របស់អ្នកដែលបានស្លាប់ ព្រោះតែគ្មានថ្នាំពេទ្យព្យាបាល និងសាកសពជាច្រើនត្រូវគេកប់ឲ្យតែមានកន្លែងទំនេរ និងស្ត្រីជាច្រើនត្រូវឆ្លងទន្លេក្នុងបន្ទប់ក្រោមដី។ គណៈប្រតិភូអ៊ុយក្រែនបានទៅដល់ទីក្រុងអ៊ីស្តង់ប៊ុល ប្រទេសទួរគីកាលពីថ្ងៃចន្ទ មុនការចរចាដែលគ្រោងនឹងធ្វើឡើងនៅថ្ងៃអង្គារនេះរហូតដល់ថ្ងៃទី៣០ ខែមីនានេះ៕អត្ថបទ៖ សុខមាន

ពលរដ្ឋក្រុង Mariupol ជិត ៥.០០០នាក់រួមទាំងកុមារ ២១០នាក់បានស្លាប់ក្នុងការបាញ់ផ្លោងរបស់រុស្ស៊ី

អ៊ុយក្រែន៖ យោងតាមអ្នកនាំពាក្យអភិបាលក្រុងឲ្យដឹងថា មនុស្សជិត ៥.០០០នាក់រួមទាំងកុមារ ២១០នាក់បានស្លាប់ក្នុងទីក្រុងដែលត្រូវបានឡោមព័ទ្ធ Mariupol ភាគខាងត្បូងរបស់ប្រទេសអ៊ុយក្រែនចាប់តាំងពីរុស្ស៊ីចូលលុកលុយកាលពីខែមុន។កាលពីថ្ងៃចន្ទ អ្នកនាំពាក្យរូបនេះបានដកស្រង់ទិន្នន័យពីការិយាល័យអភិបាលក្រុងថា អគារប្រហែល ៩០% ក្នុងទីក្រុងកំពង់ផែនេះត្រូវបានខូចខាត និងប្រហែល ៤០% ត្រូវបានបំផ្លិចបំផ្លាញ។ គេមិនច្បាស់ភ្លាមៗទេថា តើចំនួនអ្នកស្លាប់ត្រូវបានគណនា ឬរាប់ដោយរបៀបណានោះ។ កាលពីថ្ងៃចន្ទនោះដែរ លោក Vadym Boichenko អភិបាលក្រុង Mariupol បាននិយាយថា ជនស៊ីវិល ១៦០,០០០នាក់នៅតែជាប់ក្នុងទីក្រុងដោយគ្មានម៉ាស៊ីនកំដៅ និងអគ្គិសនីប្រើប្រាស់ បន្ទាប់ពីការទម្លាក់គ្រាប់បែករបស់រុស្ស៊ីជាច្រើនសប្ដាហ៍មកនេះ។លោកបាននិយាយនៅក្នុងទូរទស្សន៍ជាតិថា ស្ថានភាពក្នុងទីក្រុងនៅតែលំបាក។ ប្រជាពលរដ្ឋកំពុងរងទុក្ខហួសពីបន្ទាត់គ្រោះមហន្តរាយមនុស្សធម៌ទៅទៀត។ យើងចាំបាច់ត្រូវជម្លៀសពួកគេទាំងអស់ចេញពីទីក្រុង Mariupol។ ចំណែកភាគីខាងរុស្ស៊ីវិញ អនុប្រធានអគ្គសេនាធិការយោធារុស្ស៊ីលោកឧត្ដមសេនីយ៍ Sergei Rudskoi បាននិយាយថា ទាហានរុស្ស៊ី ១.៣៥១នាក់បានស្លាប់នៅក្នុងប្រតិបត្តិការយោធាពិសេសនៅអ៊ុយក្រែន។ តាមការបញ្ជាក់កាលពីថ្ងៃសុក្រចុងសប្ដាហ៍មុន កងទ័ពរុស្ស៊ីចំនួន ៣,៨២៥នាក់បានរងរបួស៕អត្ថបទ៖ សុខមាន

មេដឹកនាំប្រទេស G7 ច្រានចោលការទាមទារទូទាត់ថ្លៃចំណាយឧស្ម័នរុស្ស៊ីជាប្រាក់រូប្លិ៍

អឺរ៉ុប៖ យោងតាមរដ្ឋមន្ត្រីក្រសួងថាមពលអាល្លឺម៉ង់លោក Robert Habeck ក្រុមប្រទេសមានសេដ្ឋកិច្ចលូតលាស់ទាំង៧ ឬ G7 បានស្រុះស្រួលគ្នាច្រានចោលការទាមទាររបស់ក្រុង Moscow ដែលតម្រូវឲ្យទូទាត់ថ្លៃចំណាយនាំចូលឧស្ម័នពីប្រទេសរុស្ស៊ីជាប្រាក់រូប្លិ៍របស់រុស្ស៊ី។ លោក Robert Habeck បានប្រាប់ក្រុមអ្នកសារព័ត៌មានកាលពីថ្ងៃចន្ទថា បណ្ដារដ្ឋមន្ត្រី G7 ទាំងអស់បានព្រមព្រៀងទាំងស្រុងថា ការតម្រូវឲ្យទូទាត់ជារូបិយប័ណ្ណរុស្ស៊ីនឹងក្លាយជាការសម្រេចតែម្ខាង និងជាការបំពានយ៉ាងច្បាស់លើកិច្ចសន្យាដែលមានស្រាប់។ រដ្ឋមន្ត្រីរូបនេះបានបន្ថែមថា ការទូទាត់ថ្លៃចំណាយជាប្រាប់រូប្លិ៍គឺជារឿងមិនអាចទទួលយកបាន ហើយថាប្រទេសទាំងអស់នឹងជំរុញដល់ក្រុមហ៊ុននានាដែលរងផលប៉ះពាល់ កុំអនុវត្តតាមការទាមទារដែលបានចេញដោយប្រធានាធិបតីរុស្ស៊ីលោក Vladimir Putin កាលពីសប្ដាហ៍មុន។កាលពីថ្ងៃចន្ទ លោក Putin បានបញ្ជាឲ្យរដ្ឋាភិបាលធនាគារកណ្ដាល និងស្ថាប័នហិរញ្ញវត្ថុធំបំផុតរបស់រុស្ស៊ី Gazprombank បង្កើតឧបករណ៍ចាំបាច់ ដើម្បីកែប្រែរាល់មធ្យោបាយទូទាត់ការចំណាយទាំងអស់ សម្រាប់ឧស្ម័នធម្មជាតិរបស់រុស្ស៊ីពីបណ្ដារដ្ឋអមិត្តទៅជាប្រាក់រូប្លិ៍វិញចាប់ពីថ្ងៃទី៣១ ខែមីនានេះ៕អត្ថបទ៖ សុខមាន

មេដឹកនាំអ៊ុយក្រែនលោក Zelenskyy សួរប្រទេសលោកខាងលិចថា តើពួកគេខ្លាចរុស្ស៊ី?

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានស្នើសុំប្រទេសលោកខាងលិចផ្តល់សម្ភារៈយោធាដល់ប្រទេសរបស់លោក និងបានសួរថា តើពួកគេខ្លាចទីក្រុងមូស្គូ?។ ប្រទេសមួយចំនួនបានសន្យាបញ្ជូនមីស៊ីលប្រឆាំងរថពាសដែក និងប្រឆាំងយន្តហោះព្រមទាំងអាវុធមួយចំនួន ប៉ុន្តែលោក Zelenskyy និយាយថា ទីក្រុងគីវមិនទាន់ទទួលបាននូវអ្វីដែលខ្លួនត្រូវការនៅឡើយ។វាគឺជារថក្រោះសម្រាប់រដ្ឋរបស់យើង វាជាប្រព័ន្ធការពារមីស៊ីល វាជាអាវុធប្រឆាំងនាវា ទាំងនេះគឺជាអ្វីដែលដៃគូរបស់យើងមាន។ នេះមិនមែនសម្រាប់តែសេរីភាពនៅអ៊ុយក្រែនប៉ុណ្ណោះទេ ប៉ុន្តែថែមទាំងសេរីភាពសម្រាប់អឺរ៉ុប។ ប្រទេសអ៊ុយក្រែនត្រូវការត្រឹមតែ ១ភាគរយនៃយន្តហោះរបស់អង្គការ NATO និង ១ភាគរយនៃរថក្រោះ ព្រោះថាវានឹងមិនអាចធ្វើទៅបាននោះទេ ដើម្បីបញ្ឈប់ការវាយប្រហាររបស់រុស្ស៊ីលើកំពង់ផែទីក្រុង Mariulpol ភាគខាងត្បូងដែលកំពុងឡោមព័ទ្ធ បើគ្មានរថក្រោះ រថពាសដែក និងយន្តហោះគ្រប់គ្រាន់។លោក Zalenskyy បានអះអាងដដែលថា រុស្ស៊ីនឹងព្យាយាមពង្រីកបន្ថែមចូលទៅអឺរ៉ុប ប្រសិនបើអ៊ុយក្រែនបរាជ័យ។ ទោះជាយ៉ាងណាអង្គការ NATO បានច្រានចោលការអំពាវនាវរបស់លោក សម្រាប់តំបន់ការហោះហើរដែលត្រូវបង្កើតឡើងលើប្រទេសអ៊ុយក្រែន ដោយលើកឡើងថា នេះនឹងអាចបង្កឲ្យមានសង្គ្រាមកាន់តែធំ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា នឹងធ្វើកិច្ចចរចាជាមួយកាតា ជុំវិញទ្រព្យសម្បត្តិដែលត្រូវបានបង្កក

អគារផ្ទះល្វែងមួយ ដួលរលំ នៅទីក្រុងអាតែនរបស់ក្រិក ខណៈក្រុមអ្នកជួយសង្គ្រោះស្វែងរកអ្នកជាប់ក្នុងនោះ

កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកបដោយការស្ថាបនា» អំពីទាហានកូរ៉េខាងជើង

នាយករដ្ឋមន្ត្រីជប៉ុន ស្វែងរកទំនាក់ទំនងកាន់តែស៊ីជម្រៅជាមួយឥណ្ឌា លើផ្នែកពាណិជ្ជកម្ម និងសន្តិសុខ

មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិតនៅកាតា តែគ្មានជំនួបជាមួយអ៊ីរ៉ង់ទេ

ទីភ្នាក់ងារពាណិជ្ជកម្ម UN៖ វិបត្តិច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេលយូរ

លោក Zelenskyy៖ អ៊ុយក្រែនវាយប្រហារជាលើកទី ២ លើទីតាំងផ្កាយរណប Dubna របស់រុស្ស៊ី

ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬបំផ្លាញ នៅវ៉េណេស៊ុយអេឡា

កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក

រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ្នកការទូតរុស្ស៊ីរាប់សិបនាក់ត្រូវបានបណ្ដេញចេញពីស្ថានទូតក្នុងប្រទេសមួយចំនួនដោយចោទថា ជាចារកម្ម

រុស្ស៊ីប្ដេជ្ញាកាត់បន្ថយប្រតិបត្តិការសឹកជុំវិញរដ្ឋធានីគីវរបស់អ៊ុយក្រែន ក្រោមការសង្ស័យពីសហរដ្ឋអាមេរិក

វ៉ាក់សាំងកូវីដ-១៩ ជំនួយរដ្ឋាភិបាល និងប្រជាជនចិនប្រមាណ ៣.៥លានដូសទៀតបានដឹកមកដល់ប្រទេសកម្ពុជា

អង្គការលើកលែងទោសអន្តរជាតិចោទប្រកាន់ប្រទេសរុស្ស៊ីពីបទឧក្រិដ្ឋកម្មសង្គ្រាម

វិមានក្រឹមឡាំងនិយាយថា គ្មាននរណាម្នាក់ក្នុងប្រទេសរុស្ស៊ីកំពុងគិតពីការប្រើប្រាស់អាវុធនុយក្លេអ៊ែរទេ

អ៊ុយក្រែនកំណត់យកបទឈប់បាញ់ជាគោលដៅនៃការចរចាជុំថ្មីជាមួយរុស្ស៊ីនៅទួរគី

ពលរដ្ឋក្រុង Mariupol ជិត ៥.០០០នាក់រួមទាំងកុមារ ២១០នាក់បានស្លាប់ក្នុងការបាញ់ផ្លោងរបស់រុស្ស៊ី

មេដឹកនាំប្រទេស G7 ច្រានចោលការទាមទារទូទាត់ថ្លៃចំណាយឧស្ម័នរុស្ស៊ីជាប្រាក់រូប្លិ៍

មេដឹកនាំអ៊ុយក្រែនលោក Zelenskyy សួរប្រទេសលោកខាងលិចថា តើពួកគេខ្លាចរុស្ស៊ី?

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

វ៉ាក់សាំងកូវីដ-១៩ ជំនួយរដ្ឋាភិបាល និងប្រជាជនចិនប្រមាណ ៣.៥លានដូសទៀតបានដឹកមកដល់ប្រទេសកម្ពុជា

អង្គការ​លើកលែងទោស​អន្តរជាតិ​ចោទប្រកាន់​ប្រទេស​រុស្ស៊ី​ពី​បទ​ឧក្រិដ្ឋកម្ម​សង្គ្រាម​

អ៊ុយ​ក្រែ​ន​កំណត់​យក​បទ​ឈប់​បាញ់​ជា​គោលដៅ​នៃ​ការចរចា​ជុំ​ថ្មី​ជាមួយ​រុស្ស៊ី​នៅ​ទួរគី​

ពលរដ្ឋ​ក្រុង Mariupol ជិត ​៥.០០០​នាក់​រួម​ទាំង​កុមារ​ ២១០​នាក់​បាន​ស្លាប់​ក្នុង​ការ​បាញ់​ផ្លោង​របស់​រុស្ស៊ី​

មេដឹកនាំ​ប្រទេស​ G7 ច្រានចោល​ការ​ទាមទារ​ទូទាត់​ថ្លៃ​ចំណាយ​ឧស្ម័ន​រុស្ស៊ី​ជា​ប្រាក់​រូប្លិ៍​

មេដឹកនាំ​អ៊ុយ​ក្រែ​ន​លោក Zelenskyy សួរ​ប្រទេស​លោក​ខាង​លិច​ថា​ តើ​ពួកគេ​ខ្លាច​រុស្ស៊ី?​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការលើកលែងទោសអន្តរជាតិចោទប្រកាន់ប្រទេសរុស្ស៊ីពីបទឧក្រិដ្ឋកម្មសង្គ្រាម

អ៊ុយក្រែនកំណត់យកបទឈប់បាញ់ជាគោលដៅនៃការចរចាជុំថ្មីជាមួយរុស្ស៊ីនៅទួរគី

ពលរដ្ឋក្រុង Mariupol ជិត ៥.០០០នាក់រួមទាំងកុមារ ២១០នាក់បានស្លាប់ក្នុងការបាញ់ផ្លោងរបស់រុស្ស៊ី

មេដឹកនាំប្រទេស G7 ច្រានចោលការទាមទារទូទាត់ថ្លៃចំណាយឧស្ម័នរុស្ស៊ីជាប្រាក់រូប្លិ៍

មេដឹកនាំអ៊ុយក្រែនលោក Zelenskyy សួរប្រទេសលោកខាងលិចថា តើពួកគេខ្លាចរុស្ស៊ី?