BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

អង្គការសហប្រជាជាតិបើកកិច្ចប្រជុំបន្ទាន់លើកទី២ ស្ដីពីវិបត្តិអ៊ុយក្រែន

UN៖ មហាសន្និបាតអង្គការសហប្រជាជាតិបានជួបប្រជុំគ្នាកាលពីថ្ងៃពុធ សម្រាប់កិច្ចប្រជុំបន្ទាន់លើកទីពីររបស់ខ្លួនស្តីពីវិបត្តិអ៊ុយក្រែន ចាប់តាំងពីរុស្ស៊ីបានវាយលុកចូលប្រទេសនេះកាលពីថ្ងៃទី២៤ ខែកុម្ភៈ។ដំណោះស្រាយដាក់ចេញដោយអ៊ុយក្រែន និងរដ្ឋសមាជិកផ្សេងទៀតលើផលវិបាកមនុស្សធម៌ នៃការវាយលុកលើអ៊ុយក្រែន ការអំពាវនាវរកដំណោះស្រាយការវាយលុករបស់រុស្ស៊ីលើអ៊ុយក្រែន សម្រាប់ការបង្កើតស្ថានភាពមនុស្សធម៌ធ្ងន់ធ្ងរដោយជំរុញឱ្យមានច្រករបៀងមនុស្សធម៌ និងទាមទារឱ្យបញ្ឈប់ការប្រយុទ្ធ និងដកកងទ័ព។ លោក Sergiy Kyslytsya តំណាងអចិន្ត្រៃយ៍ប្រទេសអ៊ុយក្រែនប្រចាំអង្គការសហប្រជាជាតិបាននិយាយថា ប្រជាជនអ៊ុយក្រែនរាប់ពាន់នាក់បានបាត់បង់ជីវិតក្នុងមួយខែកន្លងទៅនេះ ទាំងបុរស និងស្ត្រី ក្មេង ចាស់ ជនស៊ីវិល និងយោធា។ ពួកគេបានស្លាប់ដោយសារតែរុស្ស៊ីសម្រេចចិត្តវាយប្រហារ។ វាយប្រហារមកលើអ៊ុយក្រែន វាយប្រហារសន្តិភាព វាយប្រហារយើងទាំងអស់គ្នា។ រាល់ថ្ងៃសង្គ្រាមរុស្ស៊ីធ្វើឱ្យស្ថានភាពមនុស្សធម៌កាន់តែធ្ងន់ធ្ងរឡើង។វាបានឈានដល់កម្រិតនៃគ្រោះមហន្តរាយមនុស្សធម៌រួចហើយ។ ប្រជាជនកំពុងស្រេកឃ្លាន ស្លាប់នៅក្នុងតំបន់ដែលត្រូវបានរុស្ស៊ីកាន់កាប់ ឬឡោមព័ទ្ធ។ ប្រជាជនកំពុងត្រូវបានគេសម្លាប់ ក្នុងការប៉ុនប៉ងរត់ភៀសខ្លួនពីតំបន់ដែលមានជម្លោះ។ វិបត្តិមនុស្សធម៌មិនមែនជាគ្រោះធម្មជាតិនោះទេ។ វាត្រូវបានបង្កើតឡើងដោយមនុស្ស។ ប្រទេសណាក៏ដោយដែលខិតខំប្រឹងប្រែង ក្នុងការដោះស្រាយគ្រាអាសន្នផ្នែកមនុស្សធម៌ក្នុងប្រទេសអ៊ុយក្រែន ត្រូវតែច្បាស់លាស់អំពីអ្វីដែលបង្កឱ្យមានភាពអាសន្ននេះ៕អត្ថបទ៖ ប៊ុនថន

លោក Putin ចង់ឲ្យបណ្ដាប្រទេសអមិត្តទូទាត់ថ្លៃឧស្ម័នរបស់រុស្ស៊ីជាប្រាក់រូប្លិ៍

រុស្ស៊ី៖ លោកប្រធានាធិបតី Vladimir Putin បាននិយាយកាលពីថ្ងៃពុធថា រុស្ស៊ីនឹងស្វែងរកការទូទាត់សាច់ប្រាក់ជារូបិយប័ណ្ណប្រាក់រូប្លិ៍របស់រុស្ស៊ី សម្រាប់ការលក់ឧស្ម័នទៅឲ្យបណ្ដាប្រទេសអមិត្ត ដែលនាំឲ្យតម្លៃឧស្ម័ននៅសហភាពអឺរ៉ុបហក់ឡើងខ្ពស់បង្កជាក្ដីបារម្ភខ្លាំង ដែលបញ្ហានេះធ្វើឱ្យប៉ះពាល់កាន់តែធ្ងន់ធ្ងរដល់ផ្នែកថាមពលរបស់តំបន់នេះ។ការពឹងផ្អែករបស់ប្រទេសប្លុកអឺរ៉ុបលើឧស្ម័នរបស់រុស្សី និងការនាំចេញផ្សេងទៀតត្រូវបានគេចាប់អារម្មណ៍ខ្លាំង ចាប់តាំងពីការលុកលុយរបស់ទីក្រុង Moscow កាលពីថ្ងៃទី២៤ ខែកុម្ភៈលើអ៊ុយក្រែន និងការដាក់ទណ្ឌកម្មជាបន្តបន្ទាប់ពីលោកខាងលិច ក្នុងគោលបំណងធ្វើឱ្យរុស្ស៊ីឯកោខាងផ្នែកសេដ្ឋកិច្ច។ លោក Putin បាននិយាយនៅក្នុងកិច្ចប្រជុំតាមទូរទស្សន៍ ជាមួយក្រុមរដ្ឋមន្ត្រីជាន់ខ្ពស់ក្នុងជួររដ្ឋាភិបាលថា ជាការពិតប្រទេសរុស្ស៊ីនឹងបន្តផ្គត់ផ្គង់ឧស្ម័នធម្មជាតិស្របតាមបរិមាណ និងតម្លៃដែលបានព្រមព្រៀងក្នុងកិច្ចសន្យាកាលពីកន្លងទៅ។លោកបាននិយាយថា ការផ្លាស់ប្តូរនឹងប៉ះពាល់ដល់រូបិយប័ណ្ណនៃការទូទាត់ ដែលនឹងប្តូរទៅជាប្រាក់រូប្លិ៍របស់រុស្ស៊ីតែប៉ុណ្ណោះ។ ឧស្ម័នរុស្ស៊ីមានចំនួនប្រហែល ៤០% នៃការប្រើប្រាស់សរុបរបស់អឺរ៉ុប ហើយការនាំចូលឧស្ម័នទៅសហភាពអឺរ៉ុបពីប្រទេសរុស្ស៊ីបានប្រែប្រួលចន្លោះពី ២០០លានទៅ ៨០០លានអឺរ៉ូ ឬស្មើ ៨៨០លានដុល្លារក្នុងមួយថ្ងៃរហូតមកដល់ពេលនេះ។ លទ្ធភាពនៃការផ្លាស់ប្ដូររូបិយប័ណ្ណអាចធ្វើឲ្យការជួញដូរនោះ ធ្លាក់ទៅក្នុងភាពច្របូកច្របល់បានធ្វើឱ្យតម្លៃឧស្ម័នលក់ដុំនៅអឺរ៉ុប និងអង់គ្លេសកើនឡើងប្រហែល ១៥-២០% កាលពីថ្ងៃពុធ៕អត្ថបទ៖ សុខមាន

ប្រមុខសម្ព័ន្ធយោធាណាតូបានប្រាប់រុស្ស៊ីថា វិមានក្រឹមឡាំងមិនអាចឈ្នះសង្គ្រាមនុយក្លេអ៊ែរទេ

NATO៖ សម្ព័ន្ធណាតូកាលពីថ្ងៃពុធបានព្រមានទល់នឹងសង្គ្រាមរបស់រុស្ស៊ីនៅអ៊ុយក្រែន ដែលកំពុងធ្លាក់ចូលក្នុងការប្រឈមជម្លោះនុយក្លេអ៊ែររវាងទីក្រុង Moscow និងលោកខាងលិច។ អគ្គលេខាធិការអង្គការណាតូលោក Jens Stoltenberg បានប្រាប់សន្និសីទសារព័ត៌មានថា ប្រទេសរុស្ស៊ីគួរតែបញ្ឈប់វោហារសាស្ត្រនុយក្លេអ៊ែរដែលគ្មានទំនួលខុសត្រូវដ៏គ្រោះថ្នាក់នេះ។ប៉ុន្តែសូមកុំឆ្ងល់អំពីការត្រៀមខ្លួនរបស់យើង ដើម្បីការពារ និងថែរក្សាសម្ព័ន្ធមិត្តនានាទប់ទល់នឹងការគំរាមកំហែងគ្រប់ពេលវេលា។ លោកបាននិយាយនៅជំនួបកំពូលជាមួយបណ្ដាមេដឹកនាំប្រទេសជាសមាជិក របស់សម្ព័ន្ធយោធាលោកខាងលិចក្នុងទីក្រុង Brussels ថា ប្រទេសរុស្ស៊ីត្រូវតែយល់ឲ្យច្បាស់ថា វិមានក្រឹមឡាំងមិនអាចឈ្នះសង្គ្រាមនុយក្លេអ៊ែរទេ។ ណាតូមិនមែនជាផ្នែកនៃជម្លោះនេះឡើយ ខ្លួននឹងផ្ដល់ការគាំទ្រដល់អ៊ុយក្រែន ប៉ុន្តែមិនពាក់ព័ន្ធនឹងជម្លោះនេះទេ។ សម្ព័ន្ធណាតូនឹងមិនបញ្ជូនទាហានចូលអ៊ុយក្រែនឡើយ វាពិតជាសំខាន់ណាស់ក្នុងការគាំទ្រដល់អ៊ុយក្រែន ហើយយើងកំពុងបង្កើនសន្ទុះនៃការគាំទ្រនេះ។ ប៉ុន្តែនៅពេលជាមួយគ្នានោះដែរ វាក៏សំខាន់ខ្លាំងណាស់ដែរក្នុងការទប់ស្កាត់កុំឲ្យផ្ទុះជម្លោះ ដែលនឹងក្លាយជាសង្គ្រាមពេញបន្ទុករវាងណាតូ និងរុស្ស៊ី៕អត្ថបទ៖ សុខមាន

សម្តេចតេជោអំពាវនាវដល់ភាគីពាក់ព័ន្ធទាំងអស់បន្តរួមគ្នាលុបបំបាត់ជំងឺរបេង បើទោះបីសព្វថ្ងៃមានការធ្លាក់ចុះក្តី

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានធ្វើការអំពាវនាវដល់ស្ថាប័នពាក់ព័ន្ធទាំងអស់បន្តរួមគ្នាឲ្យកាន់តែសកម្មបន្ថែមទៀត ក្នុងការលុបបំបាត់នូវជំងឺរបេង បើទោះបីជាបច្ចុប្បន្ននេះប្រទេសកម្ពុជា មានការធ្លាក់ចុះច្រើនជាងប្រទេសដទៃចំពោះអ្នកឆ្លងនូវមេរោគរបេងក៏ដោយ។តាមរយៈសាលិខិតក្នុងឱកាស នៃការប្រារព្ធទិវាពិភពលោកកំចាត់រោគរបេង ដែលប្រព្រឹត្តឡើងនាថ្ងៃទី២៤ ខែមីនា ឆ្នាំ២០២២នេះ ក្រោមប្រធានបទ “វិនិយោគ ដើម្បីបញ្ចប់ការរាតត្បាតជំងឺរបេង គឺសង្គ្រោះជីវិត” (Invest to End TB. Save Lives) សម្តេចតេជោ ហ៊ុន សែន បានថ្លែងថា សូមអំពាវនាវ និងជំរុញដល់គ្រប់ក្រសួង ស្ថាប័ន ភាគីពាក់ព័ន្ធ វិស័យឯកជន អង្គការជាតិ អន្តរជាតិ ដៃគូអភិវឌ្ឍ និងបងប្អូនប្រជាពលរដ្ឋទាំងអស់ ឱ្យមានការស្វែងយល់ និងជ្រួតជ្រាប ព្រមទាំងត្រូវបន្តចូលរួមចំណែក និងគាំទ្រដល់ការលើកកម្ពស់ការងារលុបបំបាត់ជំងឺរបេង ក្នុងបុព្វហេតុ មិនត្រឹមតែរួមចំណែកលើកកម្ពស់សុខុមាលភាពរស់នៅរបស់ប្រជាពលរដ្ឋប៉ុណ្ណោះទេ ប៉ុន្តែថែមទាំងលើកកម្ពស់សេដ្ឋកិច្ច សេចក្តីថ្លៃថ្នូរ ឧត្តមភាព និងកិត្យានុភាពរបស់កម្ពុជាទៀតផង។សម្តេចតេជោ បានមានប្រសាសន៍បន្តទៀតថា ក្នុងនាមរាជរដ្ឋាភិបាលសម្តេច «សូមសម្តែងនូវសេចក្តីរីករាយយ៉ាងខ្លាំង ដោយព្រះរាជាណាចក្រកម្ពុជាបានសម្រេចសមិទ្ធផលគួរជាទីមោទនៈ ក្នុងការប្រយុទ្ធនឹងជំងឺរបេងក្នុងរយៈពេល ប៉ុន្មានឆ្នាំកន្លងមកនេះ ខណៈដែលកាលពី២០ឆ្នាំមុន ប្រទេសកម្ពុជាស្ថិតក្នុងចំណោមប្រទេសដែលមានអត្រា អ្នកកើតជំងឺរបេងខ្ពស់ជាងគេក្នុងពិភពលោក តែក្នុងរយៈពេលយ៉ាងខ្លីកម្ពុជាបានក្លាយជាប្រទេសគំរូមួយ សម្រាប់ពិភពលោកចំពោះការងារកំចាត់ជំងឺរបេងយ៉ាងសកម្ម និងប្រកបដោយប្រសិទ្ធភាព។ លទ្ធផលដ៏គាប់ប្រសើរនេះបានកើតចេញពីកិច្ចខិតខំប្រឹងប្រែងរួមគ្នារបស់ប្រជាជាតិយើង ដែលក្នុងនោះរាជរដ្ឋាភិបាលបាន ពង្រីកសេវាពិនិត្យ និងព្យាបាលជំងឺរបេងតាមយុទ្ធសាស្ត្រដូតស៍នៅគ្រប់មន្ទីរពេទ្យបង្អែក មណ្ឌលសុខភាព និង ប៉ុស្តិ៍សុខភាពទាំងអស់ រួមទាំងថ្នាក់សហគមន៍ផងដែរនៅទូទាំងប្រទេស»។សម្តេចតេជោ បានបញ្ជាក់បន្ថែមទៀតថា ខណៈដែលប្រទេសកម្ពុជាធ្វើការព្យាបាលជំងឺរបេងជូនប្រជាជនដោយឥតបង់ថ្លៃ ដែលកិច្ចការនេះ មានការរីកចម្រើនគួរឱ្យកត់សម្គាល់ និងជាហេតុធ្វើឱ្យអត្រាឈឺ និងស្លាប់ដោយសារជំងឺរបេងក្នុងប្រទេសកម្ពុជាយើងមានការធ្លាក់ចុះយ៉ាងខ្លាំង ច្រើនជាងប្រទេសដទៃ ជាក់ស្តែងអត្រាស្លាប់បានថយចុះពី ៤២ករណី ក្នុងចំណោមប្រជាជន ១០០ ០០០នាក់ នៅឆ្នាំ២០០០ មកត្រឹម ២០ករណី ក្នុងចំណោមប្រជាជន ១០០ ០០០នាក់ ក្នុងឆ្នាំ២០២០ ដែលមានអត្រាធ្លាក់ចុះស្មើនឹង៥២%។ រីឯអត្រាកើតមានជំងឺថ្មី (អាំងស៊ីដង់) បានធ្លាក់ចុះ ពី៥៧៩ករណី ក្នុងចំណោមប្រជាជន ១០០ ០០០នាក់ នៅឆ្នាំ២០០០ មកដល់ ២៧៤ករណី ក្នុងចំណោម ប្រជាជន ១០០ ០០០នាក់ នៅឆ្នាំ២០២០ ដែលស្មើនឹង ៥៣%។ កម្ពុជាបានសម្រេចគោលដៅអភិវឌ្ឍន៍ សហស្សវត្សពាក់ព័ន្ធនឹងការកាត់បន្ថយអត្រាឈឺ និងស្លាប់ដោយសារជំងឺរបេងនេះរួចហើយ នៅមុនកាលកំណត់ ៤ឆ្នាំ។ ជោគជ័យរបស់កម្ពុជាក្នុងការកំចាត់ជំងឺរបេង គឺជាស្នាដៃមួយដែលមានប្រទេសក្នុងចំនួនតិចតួចប៉ុណ្ណោះ អាចសម្រេចបាន។ទោះបីជាកម្ពុជាមានអត្រាធ្លាក់ចុះច្រើននូវជំងឺរបេងនេះក្តី សម្តេចតេជោ ហ៊ុន សែន នាយករដ្ឋមន្រ្តី នៅតែទាមទារឲ្យបងប្អូនជនរួមជាតិទាំងអស់រួមគ្នាបន្ថែមទៀតក្នុងការទប់ស្កាត់នៃជំងឺនេះ ខណៈប្រទេសកម្ពុជានៅមានអត្រាឈឺនិងស្លាប់ដោយសារជំងឺរបេងខ្ពស់នៅឡើយបើប្រៀបធៀបនឹងបណ្តាប្រទេស មួយចំនួនទៀត និងនៅមានមនុស្សច្រើននៅឡើយ ដែលនៅពុំទាន់បានទទួលសេវា។ បញ្ហានេះតម្រូវឱ្យជនរួមជាតិទាំងអស់ ត្រូវបង្កើនល្បឿននៃកិច្ចខិតខំប្រឹងប្រែងបំពេញកិច្ចការបន្ថែមទៀត ដើម្បីកាត់បន្ថយឱ្យបានកាន់តែច្រើនថែមទៀតនូវអត្រាឈឺនិងស្លាប់ដោយសារជំងឺរបេង ស្របតាមគោលដៅអភិវឌ្ឍន៍ប្រកបដោយចីរភាពនៃព្រះរាជា ណាចក្រកម្ពុជា និងសកលលោកនោះ៕ អត្ថបទ៖ បាន ចក់

រុស្ស៊ីព្រមានពីការបង្កសង្គ្រាមដ៏ខ្លាំងក្លាជាមួយសម្ព័ន្ធណាតូ

រុស្ស៊ី៖ រដ្ឋមន្ត្រីការបរទេសរុស្ស៊ីលោក Sergey Lavrov បានព្រមានកាលពីថ្ងៃពុធថា បើសិនសម្ព័ន្ធណាតូយល់ព្រមទៅនឹងសំណើរបស់ប្រទេសប៉ូឡូញ ក្នុងការដាក់ពង្រាយកងកម្លាំងរក្សាសន្តិភាពទៅកាន់ប្រទេសអ៊ុយក្រែន សកម្មភាពនោះអាចបង្កឲ្យផ្ទុះជម្លោះយោធារវាងប្លុកដឹកនាំដោយសហរដ្ឋអាមេរិកមួយនេះ និងទីក្រុង Moscow។លោក Lavrov ក៏បានអះអាងផងដែរថា ទីក្រុង Warsaw ប្រហែលជាចង់បង្កើតមូលដ្ឋានឈរជើងនៅក្នុងទីក្រុង Lviv ដែលជាទីក្រុងធំបំផុតទី២ ក្នុងប្រទេសអ៊ុយក្រែនភាគខាងលិច និងនៅតែចង់នៅទីនោះបន្ទាប់ពីជម្លោះបញ្ចប់ទៅ។ លោកថា ហេតុអ្វីបានជាពួកគេមានគំនិតបែបនេះ ហើយការគិតបែបនេះរបស់ពួកគេមិនមែនទើបតែមាននៅពេលនេះទេ គឺបានគិតទុកជាយូរមកហើយ។ ប្រមុខការទូតរុស្ស៊ីរូបនេះក៏បានព្រមានផងដែរថា រដ្ឋក្នុងតំបន់បាល់ទិកជំទាស់ទៅនឹងការបញ្ជូនកងវរសេនាតូចរបស់ពួកគេ ដើម្បីប្រយុទ្ធតតាំងទៅនឹងទាហានរុស្ស៊ីនៅអ៊ុយក្រែន។លោកបានគូសបញ្ជាក់ថា មិត្តប៉ូឡូញរបស់យើងបាននិយាយរួចហើយថា នឹងមានជំនួបកំពូលណាតូនៅពេលនេះ ហើយកងកម្លាំងរក្សាសន្តិភាពគួរតែត្រូវបានដាក់ពង្រាយ។ លោកសង្ឃឹមថា ពួកគេនឹងយល់ថាអ្វីជាបញ្ហាប្រឈម។ នេះនឹងក្លាយជាការប៉ះទង្គិចដោយផ្ទាល់រវាងកងកម្លាំងប្រដាប់អាវុធរុស្ស៊ី និងណាតូ ដែលមិនត្រឹមតែមនុស្សគ្រប់គ្នាចង់គេចចេញឲ្យផុតប៉ុណ្ណោះទេ ថែមទាំងមិនចង់ឲ្យវាកើតឡើងជារៀងរហូតទៀតផង៕អត្ថបទ៖ សុខមាន

សម្តេចតេជោ ហ៊ុន សែន នាយករដ្ឋមន្ត្រី ផ្ញើសារជូនជនរួមជាតិក្នុងឱកាសប្រារព្ធទិវាពិភពលោកកំចាត់រោគរបេង

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារជូនជនរួមជាតិ ក្នុងឱកាសប្រារព្ធទិវាពិភពលោកកំចាត់រោគរបេង នៅថ្ងៃទី២៤ ខែមីនា ឆ្នាំ២០២២ ក្រោមប្រធានបទ “ការវិនិយោគដើម្បីបញ្ចប់ការរាតត្បាតជំងឺរបេង គឺសង្គ្រោះជីវិត”។

ទិវាពិភពលោកកំចាត់រោគរបេងឆ្នាំនេះ ធ្វើឡើងក្រោមប្រធានបទ “វិនិយោគ ដើម្បីបញ្ចប់ការរាតត្បាលជំងឺរបេង គឺសង្គ្រោះជីវិត”

ភ្នំពេញ៖ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល នៅថ្ងៃទី២៤ ខែមីនានេះ បានអញ្ជើញចូលរួមក្នុងទិវាពិភពលោកកំចាត់រោគរបេង ២៤ មីនា ឆ្នាំ២០២២ ក្រោមប្រធានបទ “វិនិយោគ ដើម្បីបញ្ចប់ការរាតត្បាលជំងឺរបេង គឺសង្គ្រោះជីវិត”។ការប្រារព្ធទិវានេះធ្វើឡើងនៅមណ្ឌលជាតិកំចាត់រោគរបេង និងហង់សិន ដោយមានការអញ្ចើញចូលរួមពីលោកស្រីវេជ្ជបណ្ឌិត លី អាយលែន ប្រធានអង្គការសុខភាពពិភពលោក ប្រចាំព្រះរាជាណាចក្រកម្ពុជា លោកស្រី ណែនស៊ី អឺសលីក នាយិការបេសកកម្ម របស់ទីភ្នាក់ងារសហរដ្ឋអាមេរិក ដើម្បីអភិវឌ្ឍន៍អន្តរជាតិប្រចាំព្រះរាជាណាចក្រកម្ពុជា និងអ្នកពាក់ព័ន្ធផ្សេងៗមួយចំនួនទៀតផងដែរ៕

សម្តេចតេជោ ហ៊ុន សែនបញ្ជាឲ្យត្រៀមឧទ្ធម្ភាគចក្រ សម្រាប់ដេញចាប់ពួកប្រព្រឹត្តិបទល្មើសនេសាទ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានចេញបទបញ្ជាយ៉ាងម៉ឺងម៉ាត់ ដោយឲ្យត្រៀមឧទ្ធម្ភាគចក្រគ្រប់ខេត្តទាំងអស់ដែលមានបទល្មើសនេសាទ សម្រាប់តាមចាប់ និងបាញ់ដល់ពួកប្រព្រឹត្តិបទល្មើសជលផល ខណៈការរាយការណ៍នាពេលកន្លងទៅ ឃើញចាប់បានតែប្រជានេសាទតូចតាច ហើយអ្នកប្រព្រឹត្តិបទល្មើសធំៗពុំដែលបាននោះ។ ការចេញបទបញ្ជាដាច់អាណាត់របស់សម្តេចតេជោ ហ៊ុន សែននាយករដ្ឋមន្រ្តីនេះ គឺបានធ្វើឡើង នៅរសៀលថ្ងៃទី២៣ ខែមីនា ឆ្នាំ២០២២នេះ ក្នុងឱកាសអញ្ជើញជាអធិបតីភាពក្នុងពិធីបិទសន្និបាតបូកសរុបការងារឆ្នាំ២០២១ និងលើកទិសដៅអនុវត្តការងារឆ្នាំ២០២២ របស់ក្រសួងកសិកម្ម រុក្ខាប្រមាញ់ និងនេសាទ។ សម្តេចតេជោ ហ៊ុន សែន បានបញ្ជាក់យ៉ាងធ្ងន់ៗថា ចាប់ពីពេលនេះតទៅ អាជ្ញាធរគ្រប់ខេត្តទាំង អស់ជាពិសេសខេត្តដែលនៅជាប់ជុំវិញបឹងទន្លេសាប ត្រូវតែតាមចាប់ពួកឈ្មួញ និងពួកប្រព្រឹត្តិបទល្មើស នេសាទធំៗឲ្យទាល់តែបាន ដោយមិនថាត្រូវប្រើគ្រប់វិធីណានោះឡើយ ហើយមួយវិញទៀតសម្តេចក៏បាន បញ្ជាឲ្យធ្វើការចាប់ដាក់គុកផងដែរ ប្រសិនបើអ្នកណានៅតែហ៊ានប្រឆាំងចំពោះបទបញ្ជានេះ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានរិះគន់ចំៗចំពោះអាជ្ញាធរមួយចំនួនថាអាចនឹងមានការឃុបឃិតគ្នាជាមួយពួកប្រព្រឹត្តិបទល្មើសទាំងនោះ ខណៈពេលដែលមានបទបញ្ជា ឲ្យធ្វើការបង្រ្កាបពួកគេ(ពួកប្រព្រឹត្តិបទល្មើសជលផល)ពួកទាំងនោះតែងតែដឹងមុន ហើយគេចខ្លួនបាត់ ដោយធ្វើការចាប់ពុំដែលបាន ឃើញបានតែប្រជានេសាទដែលមានទួកតូចៗទៅវិញនោះ។យ៉ាងណាក៏ដោយដើម្បី កុំឲ្យផលត្រីនៅប្រទេសកម្ពុជាកាន់តែខ្សោយទៅៗពីមួយឆ្នាំទៅមួយឆ្នាំនោះ សម្តេចតេជោ បានចេញបទបញ្ជាយ៉ាងដាច់ណាត់ ត្រូវតែធ្វើការបង្រ្កាប់ក្រុមប្រព្រឹត្តិបទល្មើសនេសាទ ខុសច្បាប់ទាំងនោះឲ្យខាងតែបាន ដោយមិនថាប្រើប្រាស់វិធីណានោះឡើយ៕ អត្ថបទ ៖ ចក់

កាកបាទក្រហមកម្ពុជាបានទទួលថវិកាពីសប្បុរជនចំនួន៧ក្រុមផ្សេងគ្នាសម្រាប់ទិវា៨ឧសភា

ភ្នំពេញ ៖ ក្នុងឱកាសខួបទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភា ឆ្នាំ២០២២ ក្រោមប្រធានបទ «ទាំងអស់គ្នារួមជាមួយកាកបាទក្រហមកម្ពុជា ដោះស្រាយបញ្ហាប្រឈមនានា និងបន្តពង្រឹងភាពធន់សហគមន៍»។ នៅថ្ងៃទី ២៣ ខែមីនានេះ កាកបាទក្រហមកម្ពុជា ទីស្នាក់ការកណ្តាល បានទទួលថវិកាពីសប្បុរជនចំនួន៧ក្រុមផ្សេងៗគ្នា ដែលបានចូលរួមឧបត្ថមថវិកាតាមសទ្ធាជ្រះថ្លា ជូនដល់កាកបាទក្រហមកម្ពុជា ទុកសម្រាប់ជួយសង្គ្រោះ ដល់ប្រជាពលរដ្ឋដែលរងគ្រោះមហន្តរាយផ្សេងៗ ដោយមិនប្រកាន់និន្នាការនយោបាយ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់។។ដើម្បីចូលរួមក្នុងវិស័យមនុស្សធម៌ជាមួយកាកបាទក្រហមកម្ពុជា ក្នុងឱកាសខួបទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភា ឆ្នាំ២០២២ សម្រាប់ទុកបន្តជួយសង្គ្រោះ ដល់ប្រជាពលរដ្ឋដែលរងគ្រោះមហន្តរាយផ្សេងៗ។ នៅថ្ងៃទី ២៣ ខែ មីនានេះ មានសប្បុជនចំនួន៧ក្រុមផ្សេងៗគ្នា បានចូលរួមបរិច្ឆាគជូនដល់ កាកបាទក្រហមកម្ពុជា ក្នុងនោះរួមមានៈ ទី១ ឯកឧត្តម ប៉ាវ ហមផាន រដ្ឋលេខាធិការក្រសួងមហាផ្ទៃ និងលោកជំទាវ សន ម៉ារ៉ាដា ឧបត្ថម្ភថវិកាចំនួន ១ពាន់ដុល្លារ, ទី២ គណៈគ្រប់គ្រង សាស្ត្រាចារ្យ បុគ្គលិក មន្ត្រី នៃសាកលវិទ្យាល័យជាតិគ្រប់គ្រង ឧបត្ថម្ភថវិកាចំនួន ២ម៉ឺនដុល្លារ ទី៣ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ និងលោកជំទាវ ឧបត្ថម្ភថវិកាចំនួន២ពាន់ដុល្លារ ទី៤ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា និងលោកជំទាវ អ៊ូ សាន ឧបត្ថម្ភថវិកាចំនួន១ម៉ឺនដុល្លារ ទី៥ គណបក្សប្រជាជនកម្ពុជា ឧបត្ថម្ភថវិកាចំនួន ២ម៉ឺនដុល្លារ ទី៦ ឯកឧត្តម ច្រឹង ខ្មៅ ព្រះរាជអាជ្ញាអមសាលាដំបូងរាជធានីភ្នំពេញ និងលោកជំទាវ ឧបត្ថម្ភថវិកាចំនួន ១ពាន់ដុល្លារ និងទី៧ មន្រ្តី បុគ្គលិក កាកបាទក្រហមកម្ពុជានៅទីស្នាក់ការកណ្តាល ចំនួន៣នាយកដ្ឋានរួមមានៈ នាយកដ្ឋានធនធានមនុស្ស, នាយកដ្ឋានសុខភាព,និងនាយករដ្ឋបាលហិរញ្ញាកិច្ច សរុបចំនួន ៥លាន៧សែនរៀល។លោកជំទាវ ពុំ ចន្ទីនី អគ្គលេខាធិកា កាកបាទក្រហមកម្ពុជា បានឱ្យដឹងថា សម្រាប់សប្បុរសជនគ្រប់មជ្ឈដ្ឋាន ដែលមានសទ្ធាជ្រះថ្លា ចូលរួមបរិច្ចាគថវិកាជូនកាកបាទក្រហមក្រហមកម្ពុជា ក្នុងឱកាសខួបលើកទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២២នេះ គឺដើម្បីសមាគមជាតិ មានធនធានបន្តផ្តល់សេវាកម្មមនុស្សធម៌ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកជូនប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម។ ដែលនេះជា ទង្វើមួយជួយដល់សង្គម និងអាចជួយឲ្យប្រជាជនខ្មែរ ដែលកំពុងជួបភាពលំបាក ទទួលបាននូវភាពកក់ក្តៅ និងការយកចិត្តទុកដាក់យ៉ាងពេញលេញពីរាជរដ្ឋាភិបាល និងសប្បុរសជនគ្រប់ទិសទីផងដែរ៕អត្ថបទ ៖ ងីម

សម្តេចតេជោ ហ៊ុន សែន អញ្ជើញបិទសន្និបាទបូកសរុបការងារប្រចាំឆ្នាំ២០២១ និងលើកទិសដៅការងារឆ្នាំ២០២២

ភ្នំពេញ៖ នៅរសៀលថ្ងៃទី២៣ ខែមីនា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីបិទសន្និបាតបូកសរុបការងារឆ្នាំ ២០២១ និងលើកទិសដៅការងារឆ្នាំ២០២២ របស់ក្រសួងកសិកម្ម រុក្ខាប្រមាញ់ និងនេសាទ។ វិស័យកសិកម្មបានដើរតួនាទីយ៉ាងសំខាន់ក្នុងការជំរុញការអភិវឌ្ឍសង្គម-សេដ្ឋកិច្ច ការអភិវឌ្ឍជនបទ និងបានចូលរួមកាត់បន្ថយភាពក្រីក្រ។ការពង្រឹងសមត្ថភាពសហគមន៍កសិកម្ម គឺជាផ្នែកមួយធានាស្ថិរភាព នៃការផ្គត់ផ្គង់ផលិតផលសម្រាប់តម្រូវការទីផ្សារទាំងក្នុង និងក្រៅប្រទេស ការអនុវត្តផលិតកម្មកសិកម្មតាមកិច្ចសន្យា ដើម្បីបង្កើនសហគ្រិនភាព និងមានលក្ខណៈជាអាជីពក្នុងកសិធុរកិច្ច ក៏ដូចជាការអភិវឌ្ឍន៍បច្ចេកវិទ្យានៅលើខ្សែច្រវាក់ផលិតកម្ម ឆ្លើយតបចំពោះឥទ្ធិពលនៃការប្រែប្រួលអាកាសធាតុ ក៏ត្រូវបានក្រសួងកំពុងជំរុញឱ្យអនុវត្តយ៉ាងសកម្ម។ សមិទ្ធផលទាំងអស់នេះសម្រេចទៅបានដោយសារប្រទេសជាតិយើងមានសុខសន្តិភាព ស្ថិរភាពនយោបាយយ៉ាងល្អប្រសើរ ដែលជាមូលដ្ឋានគ្រឹះសម្រាប់កម្ពុជាបោះជំហានឆ្ពោះទៅមុខ ដើម្បីសម្រេចបាននូវកិច្ចអភិវឌ្ឍមួយប្រកបដោយចីរភាពក្រោមមាគ៌ាដឹកនាំប្រកបដោយគតិបណ្ឌិត និងឈ្លាសវៃបំផុតរបស់សម្តេចតេជោ ហ៊ុន សែន ជានាយករដ្ឋមន្រ្តី៕

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា នឹងធ្វើកិច្ចចរចាជាមួយកាតា ជុំវិញទ្រព្យសម្បត្តិដែលត្រូវបានបង្កក

អគារផ្ទះល្វែងមួយ ដួលរលំ នៅទីក្រុងអាតែនរបស់ក្រិក ខណៈក្រុមអ្នកជួយសង្គ្រោះស្វែងរកអ្នកជាប់ក្នុងនោះ

កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកបដោយការស្ថាបនា» អំពីទាហានកូរ៉េខាងជើង

នាយករដ្ឋមន្ត្រីជប៉ុន ស្វែងរកទំនាក់ទំនងកាន់តែស៊ីជម្រៅជាមួយឥណ្ឌា លើផ្នែកពាណិជ្ជកម្ម និងសន្តិសុខ

មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិតនៅកាតា តែគ្មានជំនួបជាមួយអ៊ីរ៉ង់ទេ

ទីភ្នាក់ងារពាណិជ្ជកម្ម UN៖ វិបត្តិច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេលយូរ

លោក Zelenskyy៖ អ៊ុយក្រែនវាយប្រហារជាលើកទី ២ លើទីតាំងផ្កាយរណប Dubna របស់រុស្ស៊ី

ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬបំផ្លាញ នៅវ៉េណេស៊ុយអេឡា

កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក

រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសហប្រជាជាតិបើកកិច្ចប្រជុំបន្ទាន់លើកទី២ ស្ដីពីវិបត្តិអ៊ុយក្រែន

លោក Putin ចង់ឲ្យបណ្ដាប្រទេសអមិត្តទូទាត់ថ្លៃឧស្ម័នរបស់រុស្ស៊ីជាប្រាក់រូប្លិ៍

ប្រមុខសម្ព័ន្ធយោធាណាតូបានប្រាប់រុស្ស៊ីថា វិមានក្រឹមឡាំងមិនអាចឈ្នះសង្គ្រាមនុយក្លេអ៊ែរទេ

រុស្ស៊ីព្រមានពីការបង្កសង្គ្រាមដ៏ខ្លាំងក្លាជាមួយសម្ព័ន្ធណាតូ

សម្តេចតេជោ ហ៊ុន សែន នាយករដ្ឋមន្ត្រី ផ្ញើសារជូនជនរួមជាតិក្នុងឱកាសប្រារព្ធទិវាពិភពលោកកំចាត់រោគរបេង

សម្តេចតេជោ ហ៊ុន សែនបញ្ជាឲ្យត្រៀមឧទ្ធម្ភាគចក្រ សម្រាប់ដេញចាប់ពួកប្រព្រឹត្តិបទល្មើសនេសាទ

កាកបាទក្រហមកម្ពុជាបានទទួលថវិកាពីសប្បុរជនចំនួន៧ក្រុមផ្សេងគ្នាសម្រាប់ទិវា៨ឧសភា

សម្តេចតេជោ ហ៊ុន សែន អញ្ជើញបិទសន្និបាទបូកសរុបការងារប្រចាំឆ្នាំ២០២១ និងលើកទិសដៅការងារឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការសហប្រជាជាតិ​បើក​កិច្ចប្រជុំ​បន្ទាន់​លើក​ទី​២ ស្ដីពី​វិបត្តិ​អ៊ុយ​ក្រែ​ន

លោក Putin ចង់​ឲ្យ​បណ្ដា​ប្រទេស​អមិត្ត​ទូទាត់​ថ្លៃ​ឧស្ម័ន​របស់​រុស្ស៊ី​ជា​ប្រា​ក់រូ​ប្លិ៍​

រុស្ស៊ី​ព្រមាន​ពី​ការ​បង្ក​សង្គ្រាម​ដ៏​ខ្លាំងក្លា​ជាមួយ​សម្ព័ន្ធ​ណា​តូ​

សម្តេចតេជោ ហ៊ុន សែន នាយករដ្ឋមន្ត្រី ផ្ញើសារជូនជនរួមជាតិក្នុងឱកាសប្រារព្ធទិវាពិភពលោកកំចាត់រោគរបេង

សម្តេចតេជោ ហ៊ុន សែនបញ្ជាឲ្យត្រៀមឧទ្ធម្ភាគចក្រ សម្រាប់ដេញចាប់ពួកប្រព្រឹត្តិបទល្មើសនេសាទ

កាកបាទក្រហមកម្ពុជាបានទទួលថវិកាពីសប្បុរជនចំនួន៧ក្រុមផ្សេងគ្នាសម្រាប់ទិវា៨ឧសភា

សម្តេចតេជោ ហ៊ុន សែន អញ្ជើញបិទសន្និបាទបូកសរុបការងារប្រចាំឆ្នាំ២០២១ និងលើកទិសដៅការងារឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសហប្រជាជាតិបើកកិច្ចប្រជុំបន្ទាន់លើកទី២ ស្ដីពីវិបត្តិអ៊ុយក្រែន

លោក Putin ចង់ឲ្យបណ្ដាប្រទេសអមិត្តទូទាត់ថ្លៃឧស្ម័នរបស់រុស្ស៊ីជាប្រាក់រូប្លិ៍

រុស្ស៊ីព្រមានពីការបង្កសង្គ្រាមដ៏ខ្លាំងក្លាជាមួយសម្ព័ន្ធណាតូ