BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

UNHCR៖ មនុស្សចាស់ គ្រួសារមានកូនតូច និងស្ត្រីត្រូវបានផ្តល់អាទិភាពផ្ទេរពីម៉ុលដូវ៉ាទៅរ៉ូម៉ានី

អ៊ុយក្រែន៖ យោងតាមទីភ្នាក់ងារជនភៀសខ្លួនរបស់អង្គការសហប្រជាជាតិ (UNHCR) បានឲ្យដឹងថា ជនភៀសខ្លួនរាប់រយនាក់រួមមានមនុស្សចាស់ គ្រួសារមានកូនតូចៗ និងស្ត្រីកំពុងត្រូវបានផ្តល់អាទិភាពសម្រាប់ការផ្ទេរទៅកាន់ប្រទេសរ៉ូម៉ានីពីប្រទេសម៉ុលដូវ៉ា ជាប្រទេសនៅជាប់ព្រំដែនភាគខាងត្បូងប្រទេសអ៊ុយក្រែន ដែលមានធនធានមានកម្រិតដើម្បីដោះស្រាយជាមួយជនភៀសខ្លួនរាប់ម៉ឺននាក់ ដែលបានទៅដល់ទីនោះក្នុងប៉ុន្មានសប្តាហ៍ថ្មីៗនេះ។ជនភៀសខ្លួនមកពីអ៊ុយក្រែនកំពុងមកដល់ប្រទេសម៉ុលដូវ៉ាជារៀងរាល់ថ្ងៃ។ លោក Richard Schilling តំណាងអង្គការ UNHCR ប្រចាំនៅអឺរ៉ុបកណ្តាលបាននិយាយថា ប្រទេសម៉ុលដូវ៉ាបានឃើញជនភៀសខ្លួនជិត ៣សែននាក់ចូលមកក្នុងប្រទេសនេះ។ ចំនួននេះគឺច្រើនពេកសម្រាប់ប្រទេសម៉ុលដូវ៉ាវាស្ទើរតែស្មើនឹង ១០% នៃចំនួនប្រជាជនរបស់ប្រទេស។ អង្គការ UNHCR និយាយថា ប្រជាជនកំពុងផ្លាស់ទីលំនៅទៅកន្លែងផ្សេងទៀតទៅកាន់ប្រទេសរ៉ូម៉ានី។ ការផ្ទេរត្រូវបានរៀបចំឡើងជាកាយវិការនៃសាមគ្គីភាពជាមួយប្រជាជនម៉ុលដូវ៉ា ដោយរដ្ឋាភិបាលនៃប្រទេសទាំងពីរ និងដោយមានការគាំទ្រពីអង្គការ UNHCR និងអង្គការទេសន្តរប្រវេសន៍អន្តរជាតិ( IOM)។ក្បួនរថយន្តចាកចេញជារៀងរាល់ថ្ងៃពីតំបន់ Palanca ចាប់តាំងពីក្បួនរថយន្តដំបូងនៅថ្ងៃទី១០ ខែមីនា ហើយនឹងបន្តដរាបណាចាំបាច់ដើម្បីកាត់បន្ថយការកកស្ទះនៅព្រំដែនប្រទេសម៉ុលដូវ៉ា និងការពារស្ត្រី ក្មេងស្រី និងអ្នកដទៃពីហានិភ័យ រួមទាំងការជួញដូរមនុស្ស និងអំពើហិង្សាផ្អែកលើយេនឌ័រ។ អង្គការទេសន្តប្រវេសន៍អន្តរជាតិ (IOM) បានប៉ាន់ប្រមាណថា ប្រជាជនជិត ៦.៥លាននាក់បានផ្លាស់ទីលំនៅក្នុងស្រុកដោយសង្គ្រាមនៅអ៊ុយក្រែន។ ទីភ្នាក់ងារជនភៀសខ្លួនរបស់អង្គការសហប្រជាជាតិនិយាយថា ប្រជាជាជាង ៣.៥លាននាក់បានភៀសខ្លួនចេញពីប្រទេសអ៊ុយក្រែនចាប់តាំងពីការវាយលុករបស់រុស្ស៊ី ជាវិបត្តិជនភៀសខ្លួនអាក្រក់បំផុតនៅអឺរ៉ុបចាប់តាំងពីសង្គ្រាមលោកលើកទីពីរ៕អត្ថបទ៖ ប៊ុនថន

រុស្ស៊ី អាមេរិក និងអង់គ្លេសចោទដាក់គ្នានៅអង្គការសហប្រជាជាតិអំពីការប្រើប្រាស់អាវុធគីមីនៅអ៊ុយក្រែន

UN៖ រុស្ស៊ី សហរដ្ឋអាមេរិក និងចក្រភពអង់គ្លេសបានចង្អុលដាក់គ្នាទៅវិញទៅមក នៅអង្គការសហប្រជាជាតិកាលពីថ្ងៃអង្គារ ជុំវិញលទ្ធភាពនៃការវាយប្រហារដោយប្រើអាវុធគីមីនៅក្នុងប្រទេសអ៊ុយក្រែន ប៉ុន្តែគ្មានភាគីណាមួយអាចរកអំណះអំណាងបញ្ជាក់ពីការចោទប្រកាន់ដាក់គ្នាទៅវិញទៅមករបស់ខ្លួនបានទេ។ការអត្ថាធិប្បាយទាំងនោះត្រូវបានធ្វើឡើង ដោយក្រុមអ្នកការទូតថ្លែងទៅកាន់ក្រុមអ្នកសារព័ត៌មាន បន្ទាប់ពីប្រទេស រុស្ស៊ីបានលើកឡើងពីបញ្ហាមួយចំនួន នៃការលិចធ្លាយសារធាតុគីមីឤម៉ូញ៉ាក់នៅក្នុងទីក្រុង Sumy របស់អ៊ុយក្រែនភាគខាងជើងដែលរងការហ៊ុមព័ទ្ធ ដោយស្ដីបន្ទោសក្រុមអ្នកជាតិនិយមជ្រុលអ៊ុយក្រែន អំឡុងកិច្ចប្រជុំបិទទ្វារនៅក្រុមប្រឹក្សាសន្តិសុខអង្គការសហប្រជាជាតិ។ ការចោទប្រកាន់នេះត្រូវបានសហរដ្ឋអាមេរិក និងចក្រភពអង់គ្លេសទាត់ចោល។ឯកអគ្គរដ្ឋទូតរងរបស់រុស្ស៊ីប្រចាំនៅអង្គការសហប្រជាជាតិលោក Dmitry Polyanskiy បាននិយាយថា ទាហានរុស្ស៊ីពុំធ្លាប់មានគម្រោង ឬបើកការវាយប្រហារដាក់គោលដៅលើអគារទាំងឡាយរបស់អ៊ុយក្រែន ដែលជាទីកន្លែងសម្រាប់ស្តុក ឬផលិតសារធាតុគីមីពុលនោះទេ។ លោក Polyanskiy និយាយថា វាច្បាស់ណាស់ថា ក្រុមអាជ្ញាធរជាតិនិយមអ៊ុយក្រែនដែលត្រូវបានលើកទឹកចិត្តដោយបណ្ដាប្រទេសលោកខាងលិចនោះ នឹងងាកទៅរកមធ្យោបាយបំភិតបំភ័យពលរដ្ឋខ្លួនឯង និងបង្កើតឈុតឆាកវាយប្រហារក្លែងក្លាយដើម្បីចោទប្រកាន់រុស្ស៊ី៕ អត្ថបទ៖ សុខមាន

កាសែតរុស្ស៊ីបានចុះផ្សាយទាហានស្លាប់ចំនួន ៩.៨៦១នាក់ក្រោយមកលុបចោលវិញ

រុស្ស៊ី៖ កាសែតរុស្ស៊ីគាំទ្រដោយវិមានក្រឹមឡាំង Komsomolskaya Pravda បានចុះផ្សាយចំនួនទាហានរុស្ស៊ីយ៉ាងច្រើន ដែលត្រូវគេគិតថាបានស្លាប់ក្នុងសង្គ្រាមនៅអ៊ុយក្រែន មុនពេលលុបចោល។ របាយការណ៍មួយចេញផ្សាយតាម online កាលពីថ្ងៃអាទិត្យ ដោយសំអាងប្រភពពីក្រសួងការពារជាតិបានរាយការណ៍ថា ទាហានរុស្ស៊ីចំនួន ៩.៨៦១នាក់បានស្លាប់ និង ១៦,១៥៣នាក់បានរងរបួសចាប់តាំងពីចាប់ផ្ដើមសង្គ្រាម ជាការរាប់ចំនួនដែលបានបង្ហាញកាលពីថ្ងៃចន្ទ។ នោះជាចំនួនខ្ពស់ដាច់ជាងចំនួនទាហានដែលទីក្រុង Moscow បានប្រកាសជាផ្លូវការថាមានត្រឹម ៤៩៨នាក់។ ប៉ុន្តែប៉ុន្មានម៉ោងក្រោយមកសារព័ត៌មាន Komsomolskaya Pravda បានលុបចោលវិញ។ ពុំមានសេចក្ដីថ្លែងការណ៍បឋមណាមួយចេញពីកាសែតនេះ ស្ដីពីរបាយការណ៍នេះនោះទេ។ប្រព័ន្ធផ្សព្វផ្សាយនានា និងក្រុមអ្នកតាមដានសង្គ្រាមជាច្រើននៅតែមានចម្ងល់ ជុំវិញអត្ថន័យរបស់កាសែតនេះដោយមួយចំនួនបង្ហាញថា ពុំមានព័ត៌មានបញ្ជាក់ពីការស្លាប់របស់ទាហានរុស្ស៊ី ត្រូវបានផ្ដល់នៅក្នុងសន្និសីទសារព័ត៌មាន របស់ក្រសួងការពារជាតិកាលពីថ្ងៃអាទិត្យនោះទេ៕អត្ថបទ៖ សុខមាន

វិមានក្រឹមឡាំងនិយាយថា រុស្ស៊ីអាចប្រើអាវុធនុយក្លេអ៊ែរ បើរដ្ឋរបស់ខ្លួនត្រូវបានរងការគំរាមកំហែង

រុស្ស៊ី៖ អ្នកនាំពាក្យវិមានក្រឹមឡាំងនិយាយថា រុស្ស៊ីមានទស្សននៃសន្តិសុខក្នុងតំបន់ដែលនឹងត្រូវដាក់ចេញ នៅពេលអាវុធនុយក្លេអ៊ែរអាចត្រូវបានប្រើ។ អ្នកនាំពាក្យវិមានក្រឹមឡាំងលោក Dmitry Peskov បាននិយាយនៅក្នុងបទសម្ភាសន៍មួយថា រុស្ស៊ីនឹងប្រើប្រាស់អាវុធនុយក្លេអ៊ែរ ប្រសិនបើអត្ថិភាពរបស់ខ្លួនត្រូវបានគំរាមកំហែង។ការអត្ថាធិប្បាយរបស់លោក Peskov បានធ្វើឡើង ខណៈអ្នកអត្ថាធិប្បាយព័ត៌មាន CNN លោកស្រី Christiane Amanpour បានសង្កត់ធ្ងន់ឲ្យលោកបញ្ជាក់ថា តើលោកមានការជឿជាក់ ឬទុកចិត្តទេថា លោកប្រធានាធិបតី Vladimir Putin នឹងមិនប្រើជម្រើសអាវុធនុយក្លេអ៊ែរនៅក្នុងបរិបទសង្គ្រាមនៅអ៊ុយក្រែននោះ។ លោក Peskov និយាយកាលពីថ្ងៃអង្គារថា យើងមានទស្សនផ្នែកសន្តិសុខក្នុងតំបន់ និងជាសាធារណៈរបស់ខ្លួន។ អ្នកអាចអានរាល់មូលហេតុសម្រាប់អាវុធនុយក្លេអ៊ែរដែលអាចត្រូវបានប្រើ។ ដូច្នេះប្រសិនបើរដ្ឋរបស់យើងត្រូវបានរងការគំរាមកំហែង អញ្ចឹងអាវុធនុយក្លេអ៊ែរអាចត្រូវប្រើស្របទៅតាមទស្សនរបស់យើង។ សូមរម្លឹកថា កាលពីខែមុនលោក Putin បានបញ្ជាឲ្យកងកម្លាំងនុយក្លេអ៊ែររបស់ប្រទេសរុស្ស៊ីត្រៀមលក្ខណៈ៕ អត្ថបទ៖ សុខមាន

សម្តេចតេជោ ហ៊ុន សែន ប្រកាសជំហរជាលក្ខណៈអន្តរជាតិប្រឆាំងការឈ្លានពានប្រទេសមួយលើប្រទេសមួយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា កម្ពុជាប្រឆាំងដាច់ខាតការប្រើប្រាស់កម្លាំងមួយរំលោភបំពានទៅលើប្រទេសដទៃ ដោយសម្តេចបានបញ្ជាក់ និងនិយាយជារួមថា «គឺប្រឆាំងការប្រើប្រាស់កម្លាំងការឈ្លានពាននៅកាន់ប្រទេសមួយទៀត»។ថ្លែងក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ២១ ប្រវែង៦៣,៦គីឡូម៉ែត្រ ចាប់ពីរង្វង់មូលតាខ្មៅ ដល់ជ្រៃធំ ក្រោមឥណទានសម្បទានពីរដ្ឋាភិបាលនៃសាធារណរដ្ឋកូរ៉េ នៅព្រឹកថ្ងៃទី២៣ ខែមីនា ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថា «កម្ពុជាមិនចាំតែបោះឆ្នោតអនុបវាទដូចមុនទេ នេះជាគោលជំហរអន្តរជាតិរបស់កម្ពុជា»។សម្តេចតេជោ ហ៊ុន សែន បានបន្ថែមថា កម្ពុជាប្រកាន់ជំហរអហិង្សា នឹងធ្វើយ៉ាង ដើម្បីធានាការធ្វើដំណើរទៅកាន់តុចរចាស្វែងរកសុខសន្តិភាព នៃប្រទេសមួយនឹងប្រទេសមួយ ដោយសម្តេច មិនចង់ឃើញទម្លាប់អាក្រក់កើតមាននៅលើពិភពលោក ដោយឱ្យតែអ្នកធំទៅរំលោភបំពានអ្នកតូចតាចនោះឡើយ៕

កម្ពុជា-កូរ៉េ កំណត់ទីតាំង និងឯកភាពស្ថាបនាស្ពានមិត្តភាពកម្ពុជា-កូរ៉េ អរិយក្សត្រហើយ

កណ្តាល៖ សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា មិត្តកូរ៉េ(កូរ៉េខាងត្បូង) បានឯកភាពរួចរាល់ហើយ ដើម្បីជួយកម្ពុជាក្នុងការសាងសង់ និងផ្តល់ហិរញ្ញប្បទាន ស្ថាបនាស្ពានមិត្តភាពកម្ពុជា-កូរ៉េ អរិយក្សត្រ ដែលមានទីតាំងគល់ស្ពាននៅចំណុចផ្សាររាត្រី ឆ្ពោះទៅកាន់តំបន់អរិយក្សត្រ។ថ្លែងក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ២១ ប្រវែង ៦៣,៦គីឡូម៉ែត្រ ចាប់ពីរង្វង់មូលតាខ្មៅ ដល់ជ្រៃធំ ក្រោមឥណទានសម្បទានពីរដ្ឋាភិបាល នៃសាធារណរដ្ឋកូរ៉េ នៅព្រឹកថ្ងៃទី២៣ ខែមីនា ឆ្នាំ២០២២នេះ សម្តេចតេជោ ហ៊ុន សែន បានស្នើសុំបន្ថែមទៀតឱ្យមិត្តកូរ៉េ និងទីភ្នាក់អភិវឌ្ឍន៍កូរ៉េ(កយកា)ពន្លឿនការស្ថាបនាស្ពានមិត្តភាពកម្ពុជា-កូរ៉េ អរិយក្សត្រ ឱ្យបានឆាប់ ដើម្បីងាយស្រួលក្នុងការធ្វើដំណើររបស់ប្រជាពលរដ្ឋ និងជាផ្នែកមួយនៃការលើសម្រស់ភ្នំពេញផងដែរ៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវផ្លូវជាតិលេខ២១ ជាឥណទានសម្បទានពីរដ្ឋាភិបាលសាធារណរដ្ឋកូរ៉េ

កណ្តាល៖ នៅព្រឹកថ្ងៃពុធ ទី២៣ ខែមីនា ឆ្នាំ២០២២នេះ សម្តេច តេជោ ហ៊ុន សែន នាយករដ្ឋមន្ត្រី អញ្ជើញជាអធិបតីដ៏ខ្ពង់ខ្ពស់សម្ពោធដាក់ឱ្យប្រើប្រាស់ជាផ្លូវការនូវផ្លូវជាតិលេខ២១ ប្រវែងជិត ៦៤គីឡូម៉ែត្រ តភ្ជាប់ពីរង្វង់មូលក្រុងតាខ្មៅ រហូតដល់ច្រកទ្វារអន្តរជាតិកម្ពុជា-វៀតណាម (ជ្រៃធំ-ឡុងប៊ិញ) ក្នុងខេត្តកណ្តាល។ ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗសម្ដេចតេជោ ហ៊ុន សែន នាយករដ្ឋមន្ត្រី៖- សម្តេចតេជោ ហ៊ុន សែន បានបញ្ជាក់ថា គម្រោងស្ថាននាផ្លូវជាតិលេខ២១នេះ គឺប្រើប្រាស់ថវិកាអស់ច្រើនណាស់ ដោយសារផ្លូវជាតិនេះមានព្រែកច្រើន ដែលទាមទារឱ្យយើងសាងសង់ស្ពានឆ្លងកាត់។- សម្តេចតេជោ ហ៊ុន សែន ប្រកាសច្រានចោលចំពោះការផ្តល់យោបល់ទាំងឡាយឱ្យលុបស្ពាន និងព្រែកខ្លះ ពេលស្ថាបនា ឬស្តារឡើងវិញនូវផ្លូវជាតិនានា ដោយសម្តេចបញ្ជាក់ថា ការធ្វើបែបនេះ នឹងនាំឱ្យចាល់ចរន្តទឹក លិចលង់ នារដូវវស្សា ឬពេលទឹកឡើង។-សម្តេចតេជោ ហ៊ុន សែន នាយករដ្ឋមន្រ្តី បានថ្លែងបញ្ជាក់ថា មិត្តកូរ៉េបានយល់ព្រមសិក្សាផ្តល់ហិរញ្ញវត្ថុ និងបច្ចេកទេស នូវគម្រោងធ្វើស្ពានមិត្តភាពកម្ពុជា-កូរ៉េហើយ ប៉ុន្តែគម្រោងធ្វើស្ពាននេះមិនទាន់កំណត់កន្លែងឲ្យបានច្បាស់លាស់នោះទេ ខណៈគម្រោងជាច្រើនកំពុងតែជជែកគ្នានោះ។- សម្តេចតេជោ ហ៊ុន សែន នាយករដ្ឋមន្ត្រី បានបន្តអំពាវនាវដល់ប្រជាពលរដ្ឋគោរពច្បាប់ចរាចរណ៍ទាំងអស់គ្នា កុំឱ្យមានផ្លូវល្អ ផ្លូវស្អាត ក្នុងការធ្វើដំណើរហើយ បែរជាទទួលរងនូវសោកនាដកម្មដោយគ្រោះថ្នាក់ចរាចរណ៍ទៅវិញ។ សម្តេចបញ្ជាក់ថា គ្រោះថ្នាក់ចរាចរណ៍ បានបណ្តាលឱ្យមានមនុស្សស្លាប់ជារៀងរៀងរាល់ និងមានចំនួនច្រើនថែមទៀត។- សម្តេចតេជោ ហ៊ុន សែន បានបញ្ជាក់ថា កម្ពុជាមិនចាំតែបោះឆ្នោតអនុបវាទដូចមុនទេ នេះជាគោលជំហរអន្តរជាតិរបស់កម្ពុជា។ សម្តេចបញ្ជាក់ថា កម្ពុជាប្រឆាំងដាច់ខាតការប្រើប្រាស់កម្លាំងមួយទៅលើប្រទេសមួយទៀត ដែលនិយាយជារួមគឺ គឺប្រឆាំងនឹងការឈ្លានពានទាំងឡាយនៅកាន់ប្រទេសមួយទៀត។- សម្តេចតេជោ ហ៊ុន សែន បានបញ្ជាក់ថា កម្ពុជាប្រកាន់ជំហរអហិង្សា នឹងធ្វើយ៉ាងដើម្បីធានាការធ្វើដំណើរទៅកាន់សុខសន្តិភាព នៃប្រទេសមួយនឹងប្រទេសមួយ។ សម្តេចបញ្ជាក់ថា «យើងមិនចង់ឱ្យមានទម្លាប់អាក្រក់កើតមាននៅលើពិភពលោក ដោយឱ្យតែអ្នកធំទៅរំលោភបំពានអ្នកតូចតាចនោះទេ»។- សម្តចតេជោ ហ៊ុន សែន នាយករដ្ឋមន្ត្រី សុំឱ្យមិត្តកូរ៉េ និងទីភ្នាក់អភិវឌ្ឍន៍កូរ៉េ(កយកា)ពន្លឿនការស្ថាបនាស្ពានមិត្តភាពកម្ពុជា-កូរ៉េ អរិយក្សត្រ ឱ្យបានឆាប់ ដើម្បីងាយស្រួកក្នុងការធ្វើដំណើររបស់ប្រជាពលរដ្ឋ និងជាផ្នែកមួយនៃការលើសម្រស់ភ្នំពេញផងដែរ។ សង្កថាសម្តេចចប់នៅវេលាម៉ោង៨ និង៣៣នាទី

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ២១

កណ្តាល៖ នៅព្រឹកថ្ងៃពុធ ទី២៣ ខែមីនា ឆ្នាំ២០២២នេះ សម្តេច តេជោ ហ៊ុន សែន នាយករដ្ឋមន្ត្រី អញ្ជើញជាអធិបតីដ៏ខ្ពង់ខ្ពស់សម្ពោធដាក់ឱ្យប្រើប្រាស់ជាផ្លូវការនូវផ្លូវជាតិលេខ២១ ប្រវែងជិត ៦៤គីឡូម៉ែត្រ តភ្ជាប់ពីរង្វង់មូលក្រុងតាខ្មៅ រហូតដល់ច្រកទ្វារអន្តរជាតិកម្ពុជា-វៀតណាម (ជ្រៃធំ-ឡុងប៊ិញ) ក្នុងខេត្តកណ្តាល។ផ្លូវជាតិលេខ២១ សាងសង់ដោយក្រុមហ៊ុនហានស្សីន វិស្វកម្ម និងសំណង់ (HANSHIN Engineering & Construction Co., Ltd) និងត្រួតពិនិត្យលក្ខណៈបច្ចេកទេសដោយក្រុមហ៊ុនទីប្រឹក្សាបច្ចេកទេសដាសាន់ (DASAN Consultants Co., Ltd) បានចំណាយថវិកាសាងសង់សរុបជិត ៦១លានដុល្លារអាមេរិក ដែលជាឥណទានសម្បទានពីរដ្ឋាភិបាលសាធារណរដ្ឋកូរ៉េ រួមជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ។ ផ្លូវជាតិលេខ២១ ជាខ្សែផ្លូវយុទ្ធសាស្រ្តតភ្ជាប់រាជធានីភ្នំពេញ ជាមួយបណ្តាញផ្លូវគមនាគមន៍មួយចំនួនដូចជា ផ្លូវជាតិលេខ២ (ត្រង់រង្វង់មូលក្រុងតាខ្មៅ) ផ្លូវក្រវាត់ក្រុងទី២ ផ្លូវក្រវាត់ក្រុងទី៣ ផ្លូវជាតិលេខ២១A និងផ្លូវជាតិលេខ ២១B ដោយឆ្លងកាត់ក្រុង-ស្រុកចំនួន៣ រួមមានក្រុងតាខ្មៅ ស្រុកស្អាង និងស្រុកកោះធំ ឆ្ពោះទៅច្រកព្រំដែនកម្ពុជា-វៀតណាម (ជ្រៃធំ-ឡុងប៊ិញ)។ ខ្សែផ្លូវទាំងនេះ បាននិងកំពុងដើរតួនាទីយ៉ាងសំខាន់ ក្នុងការជួយសម្រួលការដឹកជញ្ជូនគ្រប់ប្រភេទ ជាពិសេសទំនិញ និងកសិផលសម្រាប់ការដោះដូរពាណិជ្ជកម្មរវាងកម្ពុជា-វៀតណាម ព្រមទាំងបានជំរុញ និងប្រែក្លាយតំបន់នៅតាមព្រំដែន ឱ្យក្លាយជាតំបន់អភិវឌ្ឍន៍ និងរីកចម្រើន។ផ្លូវនេះ គឺជាសមិទ្ធផលមួយក្នុងចំណោមសមិទ្ធផលជាច្រើន នៅពាសពេញផ្ទៃប្រទេស ដែលបាននិងកំពុងផ្តល់អត្ថប្រយោជន៍យ៉ាងច្រើនដល់បងប្អូនប្រជាពលរដ្ឋនៅទូទាំងប្រទេស កើតចេញពីការដឹកនាំប្រកបដោយគតិបណ្ឌិត ទឹកចិត្តស្នេហាជាតិមាតុភូមិ និងប្រជាជន របស់សម្តេចតេជោនាយករដ្ឋមន្រ្តី ដែលជាបិតាស្ថាបនិក និងជានិមិត្តរូបនៃសុខសន្តិភាព៕

មនុស្ស ៨នាក់ស្លាប់ក្នុងការបាញ់ផ្លោងរបស់រុស្ស៊ីលើផ្សារទំនើបក្នុងរដ្ឋធានីគីវ

អ៊ុយក្រែន៖ យោធារុស្ស៊ីបាននិយាយថា ខ្លួនបានវាយប្រហារទៅលើផ្សារទំនើបមួយនៅជាយក្រុងនៃរដ្ឋធានីគីវរបស់អ៊ុយក្រែន ដោយសារតែផ្សារនេះត្រូវបានចោទប្រកាន់ថា ប្រើប្រាស់ដើម្បីរក្សាទុកគ្រាប់រ៉ុក្កែត។អ្នកនាំពាក្យក្រសួងការពារជាតិរុស្ស៊ីឧត្ដមសេនីយ៍ Igor Konashenkov បានចោទប្រកាន់កាលពីថ្ងៃចន្ទថា កងកម្លាំងអ៊ុយក្រែនកំពុងប្រើប្រាស់ផ្សារទំនើបដើម្បីផ្ទុកឧបករណ៍បាញ់រ៉ុក្កែត និងគ្រាប់រ៉ុក្កែតដែលប្រើសម្រាប់បាញ់ផ្លោងលើទាហានរុស្ស៊ី។ យោងតាមមន្ត្រីសង្គ្រោះបន្ទាន់អ៊ុយក្រែននិយាយថា មជ្ឈមណ្ឌលលក់ទំនិញក្នុងក្រុង Podil មានប្រជាជនរស់នៅច្រើនត្រូវបានបំផ្លាញ បន្ទាប់ពីត្រូវបានវាយប្រហារកាលពីល្ងាចថ្ងៃអាទិត្យ ដោយការបាញ់ផ្លោងបណ្តាលឲ្យមនុស្ស ៨នាក់ស្លាប់។ យោធារុស្ស៊ីនិយាយថា ខ្លួននឹងបន្តប្រើប្រាស់មីស៊ីលល្បឿនលឿនជាងសំឡេងទំនើប ដើម្បីវាយប្រហារគោលដៅនានាក្នុងប្រទេសអ៊ុយក្រែន។ លោក Konashenkov បាននិយាយថា មីស៊ីលល្បឿនលឿនជាងសំឡេង Kinzhal បានបង្ហាញពីប្រសិទ្ធភាពរបស់វា ក្នុងការបំផ្លាញគ្រឿងបរិក្ខារការពារពិសេសដែលរឹងមាំ។លោកនិយាយថា មីស៊ីល Kinzhal ត្រូវបានប្រើប្រាស់កាលពីថ្ងៃសុក្រ ដើម្បីវាយប្រហារឃ្លាំងអាវុធសម័យសូវៀត សម្រាប់ការរក្សាទុកមីស៊ីលនៅជិតទីក្រុង Deliatyn ជាលើកដំបូងដែលអាវុធថ្មីនេះត្រូវបានប្រើប្រាស់ក្នុងការប្រយុទ្ធ។ វាក៏ត្រូវបានគេប្រើនៅក្នុងការវាយប្រហារលើឃ្លាំងផ្ទុកប្រេងឥន្ធនៈនៅក្រុង Kostiantynivka ក្បែរកំពង់ផែសមុទ្រខ្មៅកាលពីចុងសប្តាហ៍។ មីស៊ីល Kinzhal ជាអាវុធមួយប្រភេទក្នុងចំណោមសព្វាវុធល្បឿនលឿនជាងសំឡេង ត្រូវបានផលិតឡើងដោយរុស្សីក្នុងប៉ុន្មានឆ្នាំថ្មីៗនេះដែលបាញ់បានក្នុងចម្ងាយ ២,០០០គីឡូម៉ែត្រ ហើយហោះក្នុងល្បឿន ១០ដងនៃល្បឿនសំឡេង៕អត្ថបទ៖ ប៊ុនថន

យន្តហោះ Boeing ធ្លាក់នៅប្រទេសចិនអ្នកដំណើរ ១៣២នាក់នៅលើនោះគ្មានសញ្ញាពីអ្នកនៅរស់

ចិន៖ ក្រុមអ្នកជួយសង្គ្រោះ និងអ្នកជំនាញផ្នែកវេជ្ជសាស្ត្រជាច្រើននាក់បន្ថែមទៀត បានទៅដល់ទីតាំងធ្លាក់យន្តហោះក្នុងតំបន់ស្វយ័ត Guangxi Zhuang ភាគខាងត្បូងប្រទេសចិនកាលពីយប់ថ្ងៃចន្ទ ខណៈប្រព័ន្ធផ្សព្វផ្សាយនិយាយថា គ្មានសញ្ញាពីអ្នកនៅរស់រានមានជីវិតនៅលើជើងហោះហើរក្នុងស្រុកមួយនេះឡើយ។យន្តហោះ Boeing 737 (ជើងហោះហើរ MU5735) របស់ក្រុមហ៊ុនអាកាសចរណ៍ China Eastern Airlines មានផ្ទុកមនុស្ស ១៣២នាក់បានធ្លាក់ចូលទៅក្នុងតំបន់ភ្នំក្បែរភូមិ Molang បណ្តាលឲ្យមានអគ្គិភ័យ។ យន្តហោះបានហោះចេញពីទីក្រុង Kunming ទីរួមខេត្ត Yunnan ភាគនិរតីប្រទេសចិនទៅកាន់ទីក្រុង Guangzhou ខេត្ត Guangdong ភាគខាងត្បូងប្រទេសចិន។ រដ្ឋបាលអាកាសចរណ៍ស៊ីវិលចិនបាននិយាយនៅលើគេហទំព័ររបស់ខ្លួនថា មនុស្ស ១៣២នាក់នៅលើយន្តហោះ មានអ្នកដំណើរ ១២៣នាក់ និងសមាជិកបុគ្គលិកយន្តហោះ ៩នាក់។ ក្រុមអ្នកសង្គ្រោះច្រើនជាង ៧៦០នាក់បានទៅដល់កន្លែងកើតហេតុ និងបានចាប់ផ្តើមប្រតិបត្តិការជួយសង្គ្រោះ និងតាមដានបញ្ហា។ ការិយាល័យដឹកជញ្ជូនក្រុង Wuzhou បានដាក់ពង្រាយរថយន្តក្រុងចំនួន ២៩គ្រឿង និងតាក់ស៊ីចំនួន ៥០គ្រឿងដើម្បីមកទទួលយកអ្នកជំនាញ និងសមាជិកគ្រួសារអ្នកដំណើរតាមយន្តហោះ។ ក្រុមហ៊ុនអាកាសចរណ៍ China Eastern Airlines បានចូលរួមរំលែកទុក្ខដល់ជនរងគ្រោះចំពោះអ្នកដំណើរ និងសមាជិកបុគ្គលិកដែលបានបាត់បង់ជីវិតក្នុងហេតុការណ៍ធ្លាក់យន្តហោះនេះ ប៉ុន្តែក្រុមហ៊ុនមិនបានបញ្ជាក់ពីចំនួនអ្នកស្លាប់នោះទេ ហើយក្រុមហ៊ុនអាកាសចរណ៍បាននិយាយនៅក្នុងសេចក្តីថ្លែងការណ៍ថា មូលហេតុនៃការធ្លាក់យន្តហោះកំពុងស្ថិតក្រោមការស៊ើបអង្កេតនៅឡើយ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា នឹងធ្វើកិច្ចចរចាជាមួយកាតា ជុំវិញទ្រព្យសម្បត្តិដែលត្រូវបានបង្កក

អគារផ្ទះល្វែងមួយ ដួលរលំ នៅទីក្រុងអាតែនរបស់ក្រិក ខណៈក្រុមអ្នកជួយសង្គ្រោះស្វែងរកអ្នកជាប់ក្នុងនោះ

កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកបដោយការស្ថាបនា» អំពីទាហានកូរ៉េខាងជើង

នាយករដ្ឋមន្ត្រីជប៉ុន ស្វែងរកទំនាក់ទំនងកាន់តែស៊ីជម្រៅជាមួយឥណ្ឌា លើផ្នែកពាណិជ្ជកម្ម និងសន្តិសុខ

មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិតនៅកាតា តែគ្មានជំនួបជាមួយអ៊ីរ៉ង់ទេ

ទីភ្នាក់ងារពាណិជ្ជកម្ម UN៖ វិបត្តិច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេលយូរ

លោក Zelenskyy៖ អ៊ុយក្រែនវាយប្រហារជាលើកទី ២ លើទីតាំងផ្កាយរណប Dubna របស់រុស្ស៊ី

ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬបំផ្លាញ នៅវ៉េណេស៊ុយអេឡា

កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក

រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

UNHCR៖ មនុស្សចាស់ គ្រួសារមានកូនតូច និងស្ត្រីត្រូវបានផ្តល់អាទិភាពផ្ទេរពីម៉ុលដូវ៉ាទៅរ៉ូម៉ានី

រុស្ស៊ី អាមេរិក និងអង់គ្លេសចោទដាក់គ្នានៅអង្គការសហប្រជាជាតិអំពីការប្រើប្រាស់អាវុធគីមីនៅអ៊ុយក្រែន

កាសែតរុស្ស៊ីបានចុះផ្សាយទាហានស្លាប់ចំនួន ៩.៨៦១នាក់ក្រោយមកលុបចោលវិញ

វិមានក្រឹមឡាំងនិយាយថា រុស្ស៊ីអាចប្រើអាវុធនុយក្លេអ៊ែរ បើរដ្ឋរបស់ខ្លួនត្រូវបានរងការគំរាមកំហែង

សម្តេចតេជោ ហ៊ុន សែន ប្រកាសជំហរជាលក្ខណៈអន្តរជាតិប្រឆាំងការឈ្លានពានប្រទេសមួយលើប្រទេសមួយ

កម្ពុជា-កូរ៉េ កំណត់ទីតាំង និងឯកភាពស្ថាបនាស្ពានមិត្តភាពកម្ពុជា-កូរ៉េ អរិយក្សត្រហើយ

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ២១

មនុស្ស ៨នាក់ស្លាប់ក្នុងការបាញ់ផ្លោងរបស់រុស្ស៊ីលើផ្សារទំនើបក្នុងរដ្ឋធានីគីវ

យន្តហោះ Boeing ធ្លាក់នៅប្រទេសចិនអ្នកដំណើរ ១៣២នាក់នៅលើនោះគ្មានសញ្ញាពីអ្នកនៅរស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កាសែត​រុស្ស៊ី​បាន​ចុះផ្សាយ​ទាហាន​ស្លាប់​ចំនួន ៩.៨៦១​នាក់​ក្រោយមក​លុបចោល​វិញ

សម្តេចតេជោ ហ៊ុន សែន ប្រកាសជំហរជាលក្ខណៈអន្តរជាតិ​ប្រឆាំងការឈ្លានពាន​ប្រទេសមួយ​លើប្រទេសមួយ

កម្ពុជា-កូរ៉េ កំណត់ទីតាំង និងឯកភាពស្ថាបនាស្ពានមិត្តភាពកម្ពុជា-កូរ៉េ អរិយក្សត្រហើយ

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ២១

មនុស្ស ៨នាក់ស្លាប់ក្នុងការបាញ់ផ្លោងរបស់រុស្ស៊ីលើផ្សារទំនើបក្នុងរដ្ឋធានីគីវ​

យន្តហោះ ​Boeing ធ្លាក់​នៅ​ប្រទេស​ចិន​អ្នកដំណើរ ១៣២​នាក់​នៅ​លើ​នោះ​គ្មាន​សញ្ញា​ពី​អ្នក​នៅ​រស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កាសែតរុស្ស៊ីបានចុះផ្សាយទាហានស្លាប់ចំនួន ៩.៨៦១នាក់ក្រោយមកលុបចោលវិញ

សម្តេចតេជោ ហ៊ុន សែន ប្រកាសជំហរជាលក្ខណៈអន្តរជាតិប្រឆាំងការឈ្លានពានប្រទេសមួយលើប្រទេសមួយ

មនុស្ស ៨នាក់ស្លាប់ក្នុងការបាញ់ផ្លោងរបស់រុស្ស៊ីលើផ្សារទំនើបក្នុងរដ្ឋធានីគីវ

យន្តហោះ Boeing ធ្លាក់នៅប្រទេសចិនអ្នកដំណើរ ១៣២នាក់នៅលើនោះគ្មានសញ្ញាពីអ្នកនៅរស់