BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

អាមេរិកនិយាយថា ខ្លួននៅតែចង់បន្តបើកច្រកការទូតជាមួយរុស្ស៊ី

សហរដ្ឋអាមេរិក៖ អ្នកនាំពាក្យក្រសួងការបរទេសអាមេរិកលោក Ned Price បាននិយាយកាលពីថ្ងៃចន្ទថា សហរដ្ឋអាមេរិក និងរុស្ស៊ីនឹងនៅតែរក្សាបេសកកម្មការទូតរបស់ខ្លួន ក្នុងការបើកចំហទ្វារទំនាក់ទំនងរបស់ប្រទេសរៀងៗខ្លួន ហើយនឹងរក្សាច្រកដោះស្រាយជម្លោះ។កាលពីពេលថ្មីៗនេះក្រុង Moscow បានកោះអញ្ជើញឯកអគ្គរដ្ឋទូតអាមេរិក ពាក់ព័ន្ធនឹងការអត្ថាធិប្បាយរបស់លោកប្រធានាធិបតី Joe Biden ដែលមិនអាចទទួលយកបានលើសមភាគីរុស្ស៊ីលោក Vladimir Putin ដោយព្រមានថា ទំនាក់ទំនងជាមួយសហរដ្ឋអាមេរិកជិតដួលរលំហើយ។ លោក Price បានប្រាប់ក្រុមអ្នកសារព័ត៌មាននៅសន្និសីទសារព័ត៌មានប្រចាំថ្ងៃក្នុងទីក្រុង Washington ថា វាពិតជាមានសារៈសំខាន់ខ្លាំងណាស់ ក្នុងការរក្សាច្រកទំនាក់ទំនងជាមួយរុស្ស៊ី។ ការបើកទ្វារការសន្ទនាគឺសំខាន់ណាស់ ពិសេសអំឡុងពេលកំពុងមានភាពតានតឹងខ្លាំងបែបនេះ ពិសេសអំឡុងពេលមានជម្លោះបែបនេះ។លោកបានបន្ថែមថា យើងបានស្វែងរកការរក្សាវត្តមានច្រកការទូតក្នុងទីក្រុង Moscow ហើយយើងព្យាយាមអូសទាញរុស្ស៊ីដើម្បីអាចបន្តរក្សាវត្តមានការទូតនៅក្នុងសហរដ្ឋអាមេរិក។ គួររម្លឹកថា កាលពីសប្ដាហ៍មុនលោក Biden បានហៅលោក Putin ថា ជាឃាតក និងឧក្រិដ្ឋជនសង្គ្រាម៕អត្ថបទ៖ សុខមាន

អង្គការសហប្រជាជាតិនិយាយថា ជនស៊ីវិលស្លាប់ដោយសារសង្គ្រាមនៅអ៊ុយក្រែនកើនឡើងដល់ជាង ៩០០នាក់

អ៊ុយក្រែន៖ ការិយាល័យឧត្ដមស្នងការជាន់ខ្ពស់ផ្នែកសិទ្ធិមនុស្ស របស់អង្គការសហប្រជាជាតិនិយាយថា ជនស៊ីវិលចំនួន ៩០២នាក់បានស្លាប់ និង ១,៤៥៩នាក់ផ្សេងទៀតបានរងរបួស ចាប់តាំងពីផ្ទុះសង្គ្រាមនៅក្នុងប្រទេសអ៊ុយក្រែន។ ការិយាល័យនេះបានព្រមានថា ចំនួនពិតប្រាកដទំនងជាខ្ពស់ជាងនេះ។ ការរងគ្រោះទាំងនោះបានកើតឡើងនៅចន្លោះថ្ងៃទី២៤ ខែកុម្ភៈ នៅពេលរុស្ស៊ីចាប់ផ្ដើមវាយលុកអ៊ុយក្រែន និងកាលពីថ្ងៃសៅរ៍ពាក់កណ្ដាលអាធ្រាត្រម៉ោងក្នុងប្រទេសអ៊ុយក្រែន ខណៈកងទ័ពរុស្ស៊ីបន្តបំផ្ទុះគ្រាប់បែក និងវាយប្រហារលើទីក្រុងជាច្រើន។ ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិ OHCHR បាននិយាយថា ភាគច្រើននៃអ្នករបួស និងស្លាប់បណ្ដាលមកពីការប្រើគ្រឿងបំផ្ទុះ ដែលមានវិសាលភាពប៉ះពាល់ខ្លាំងរួមទាំងការបាញ់ផ្លោងកាំភ្លើងធំ និងប្រព័ន្ធបាញ់រ៉ូកែតចម្រុះ និងមីស៊ីល និងការវាយប្រហារតាមអាកាស។ភាគច្រើននៃជនរងគ្រោះចំនួន ៩៩២នាក់បានកើតឡើងនៅក្នុងតំបន់ Donetsk និង Luhansk ក្នុងប្រទេសអ៊ុយក្រែនភាគខាងកើតដែលត្រូវបានគ្រប់គ្រងដោយផ្នែក ដោយក្រុមឧទ្ទាមផ្ដាច់ខ្លួនគាំទ្រដោយទីក្រុង Moscow៕អត្ថបទ៖ សុខមាន

ប្រេសិតពិសេសរបស់ប្រធានអាស៊ាន ជួបភាគីពាក់ព័ន្ធ និងមន្ត្រីសំខាន់ៗនៅសហភាពមីយ៉ាន់ម៉ា

ភ្នំពេញ៖ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ាន បានជួបភាគីពាក់ព័ន្ធ និងមន្ត្រីសំខាន់ៗ នៅសហភាពមីយ៉ាន់ម៉ា នៅថ្ងៃទី ២១ ខែមីនា ឆ្នាំ២០២២។ប្រេសិតពិសេសប្រធានអាស៊ាន បានជួបជាមួយឯកឧត្តម វុនណា ម៉ោង ល្វីន រដ្ឋមន្ត្រីការបរទេសមីយ៉ាន់ម៉ា, ឯកឧត្តម កូ កូ ឡាំង រដ្ឋមន្រ្តីសហប្រតិបត្តិការអន្តរជាតិ និងជាប្រធានក្រុមការងារស្តីពីជំនួយមនុស្សធម៌អាស៊ាន, និងឯកឧត្តមឧត្តមសេនីយ៍ យ៉ា ព្យេ រដ្ឋមន្ត្រីការិយាល័យរដ្ឋាភិបាលសហព័ន្ធ និងជាប្រធានគណៈកម្មាធិការសាមគ្គីភាពជាតិ និងកសាងសន្តិភាព។គួរបញ្ជាក់ថា កាលព្រឹកថ្ងៃទី ២១ ខែមីនា ឆ្នាំ២០២២ ក្នុងឱកាសបំពេញទស្សនកិច្ចការងារនៅមីយ៉ាន់ម៉ា ឯកឧត្តម ឧបនាយករដ្ឋមន្ត្រី ប្រាក់ សុខុន បានចូលជួបសវនាការចំពោះឯកឧត្តម នាយឧត្តមសេនីយ៍ជាន់ខ្ពស់ មីង អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា។ភាគីទាំងពីរបានពិភាក្សា និងផ្លាស់ប្តូរទស្សនៈស្តីពីការអនុវត្ត និងវឌ្ឍនភាពនៃការព្រមព្រៀងជាឯកច្ឆន្នប្រាំចំណុចរបស់អាស៊ាន ក្រោយពីដំណើរទស្សនកិច្ចរបស់សម្តេចតេជោនាយករដ្ឋមន្រ្តី ហ៊ុន សែន កាលពីខែមករាឆ្នាំនេះ៕

សហភាពអឺរ៉ុបខ្វែងគំនិតគ្នាលើបញ្ហាការដាក់ទណ្ឌកម្មលើការនាំចូលប្រេងពីរុស្ស៊ី

អឺរ៉ុប៖ ក្រុមរដ្ឋមន្ត្រីការបរទេសសហភាពអឺរ៉ុបពុំបានឯកភាពគ្នាទេកាលពីថ្ងៃចន្ទលើបញ្ហាថា តើត្រូវដាក់ទណ្ឌកម្មលើការនាំចូលប្រេងពីរុស្ស៊ីឬអត់ និងថាតើត្រូវដាក់ទណ្ឌកម្មលើវិស័យថាមពលដ៏សំខាន់របស់រុស្ស៊ីបែបណា ជុំវិញការវាយលុករបស់ខ្លួនក្នុងប្រទេសអ៊ុយក្រែន ខណៈប្រទេសអាល្លឺម៉ង់និយាយថា ការពឹងផ្អែកខ្លាំងពេករបស់ប្លុកនេះលើប្រេងរបស់រុស្ស៊ី វាពិបាកក្នុងការសម្រេចចិត្តលើបម្រាមនាំចូលប្រេងពីប្រទេសរុស្ស៊ី។សហភាពអឺរ៉ុប និងសម្ព័ន្ធមិត្តបានដាក់វិធានការយ៉ាងធ្ងន់ធ្ងររួចទៅហើយប្រឆាំងនឹងប្រទេសរុស្ស៊ី រួមទាំងការបង្កកទ្រព្យសម្បត្តិរបស់ធនាគារកណ្ដាលរុស្ស៊ីទៀតផង។ ការហ៊ុមព័ទ្ធ និងការទម្លាក់គ្រាប់បែកលើកំពង់ផែ Mariupol ដែលប្រធានគោលនយោបាយបរទេសសហភាពអឺរ៉ុបលោក Josep Borrell បានហៅថា ជាឧក្រិដ្ឋកម្មសង្គ្រាមដ៏ធំកំពុងបង្កើនសម្ពាធយ៉ាងខ្លាំងចំពោះសកម្មភាពនេះ។ ប៉ុន្តែការដាក់គោលដៅលើការនាំចូលថាមពលពីរុស្ស៊ី ខណៈសហរដ្ឋអាមេរិក និងចក្រភពអង់គ្លេសបានធ្វើរួចទៅហើយ គឺជាជម្រើសមួយពោរពេញដោយការខ្វែងគំនិត សម្រាប់ប្លុកមានសមាជិក ២៧ប្រទេសដែលពឹងផ្អែកលើការនាំចូលឧស្ម័ន ៤០% ពីរុស្ស៊ី៕អត្ថបទ៖ សុខមាន

លោក Biden និងសម្ព័ន្ធមិត្តពិភាក្សាពីសង្គ្រាមរបស់រុស្ស៊ីក្នុងសប្ដាហ៍ដ៏សំខាន់សម្រាប់ការរួបរួមគ្នាជាមួយលោកខាងលិច

សហរដ្ឋអាមេរិក៖ លោកប្រធានាធិបតីអាមេរិក Joe Biden និងសម្ព័ន្ធមិត្តសហភាពអឺរ៉ុបបានពិភាក្សាពីសង្គ្រាមដ៏ឃោរឃៅរបស់រុស្ស៊ី នៅក្នុងប្រទេសអ៊ុយក្រែនកាលពីថ្ងៃចន្ទ ជាការចាប់ផ្ដើមសប្ដាហ៍ដ៏សំខាន់ក្នុងភាពជាប់គាំងរបស់បណ្ដាប្រទេសលោកខាងលិចជាមួយទីក្រុង Moscow ដែលនឹងមើលឃើញលោក Biden ទៅកាន់ប្រទេសប៉ូឡូញ បន្ទាប់ពីចូលរួមជំនួបកំពូលអង្គការណាតូ និងសហភាពអឺរ៉ុប។សេតវិមាននិយាយថា លោក Biden បានរៀបចំជំនួបតាមទូរស័ព្ទដែលមានរយៈពេលជិតមួយម៉ោង ជាមួយលោកប្រធានាធិបតីបារាំង Emmanuel Macron, អធិការបតីអាល្លឺម៉ង់លោក Olaf Scholz, នាយករដ្ឋមន្ត្រីអ៊ីតាលីលោក Mario Draghi និងនាយករដ្ឋមន្ត្រីអង់គ្លេសលោក Boris Johnson ដើម្បីពិភាក្សាពីការឆ្លើយតបទាំងឡាយដែលបានសម្របសម្រួល។ សេតវិមានបាននិយាយថា មេដឹកនាំទាំងនោះបានពិភាក្សាពីក្ដីបារម្ភធ្ងន់ធ្ងររបស់ខ្លួន អំពីមធ្យោបាយដ៏ឃោរឃៅរបស់រុស្ស៊ីនៅអ៊ុយក្រែន រួមទាំងការវាយប្រហាររបស់ខ្លួនលើជនស៊ីវិល។ សេតវិមានបន្តថា មេដឹកនាំទាំងអស់បានគូសបញ្ជាក់ពីការគាំទ្រដែលនៅតែបន្តរបស់ខ្លួនដល់អ៊ុយក្រែន រួមទាំងការផ្ដល់ជំនួយសន្តិសុខទៅកាន់ប្រជាពលរដ្ឋអ៊ុយក្រែនដ៏អង់អាច ដែលកំពុងការពារប្រទេសពួកគេពីការវាយប្រហាររបស់រុស្ស៊ី និងជំនួយមនុស្សធម៌ទៅកាន់ជនជាតិអ៊ុយក្រែនរាប់លាននាក់ដែលបានរត់ភៀសខ្លួន។នៅថ្ងៃពុធស្អែកនេះលោក Biden នឹងចាកចេញពីសហរដ្ឋអាមេរិកសម្រាប់ដំណើរដ៏សំខាន់បំផុតរបស់លោក ទៅកាន់បរទេសក្នុងពេលកាន់ដំណែងជាប្រធានាធិបតីរបស់លោក។ លោកនឹងចូលរួមជំនួបកំពូល ២ នៅថ្ងៃព្រហស្បតិ៍នៅទីក្រុង Brussels បន្ទាប់មកនឹងជួបប្រធានាធិបតីប៉ូឡូញលោក Andrzej Duda ក្នុងប្រទេសប៉ូឡូញ ស្ថិតនៅខ្សែត្រៀមជួរមុខនៃការប្រឈមរបស់លោកខាងលិចជាមួយរុស្ស៊ីនៅថ្ងៃសៅរ៍៕អត្ថបទ៖ សុខមាន

រដ្ឋមន្ត្រីការបរទេសទួរគីនិយាយថា អ៊ុយក្រែន និងរុស្ស៊ីកាន់តែខិតជិតដល់កិច្ចព្រមព្រៀង

ទួរគី៖ រដ្ឋមន្ត្រីការបរទេសទួរគីនិយាយថា អ៊ុយក្រែន និងរុស្ស៊ីកាន់តែខិតជិតដល់កិច្ចព្រមព្រៀងលើបញ្ហាជាមូលដ្ឋាន ហើយការចរចាកំពុងបន្ត។ ថ្លែងកាលពីថ្ងៃអាទិត្យនៅទីក្រុង Antalya លោក Mevlut Cavusoglu និយាយថា ប្រទេសទួរគីកំពុងមានទំនាក់ទំនងជាមួយអ្នកចរចានៃភាគីទាំងសងខាង ហើយកំពុងដើរតួជាអ្នកសម្រុះសម្រួល។ រដ្ឋមន្ត្រីទួរគីនិយាយថា ជាថ្នូរទៅនឹងអព្យាក្រឹតភាពរបស់ខ្លួន ប្រទេសអ៊ុយក្រែនកំពុងទាមទារឱ្យទួរគី អាល្លឺម៉ង់ និងសមាជិកអចិន្ត្រៃយ៍ទាំង ៥ នៃក្រុមប្រឹក្សាសន្តិសុខអង្គការសហប្រជាជាតិដើរតួជាអ្នកធានា។ លោក Cavusoglu បានធ្វើទស្សនកិច្ចទាំងរុស្ស៊ី និងអ៊ុយក្រែនដើម្បីជួបសមភាគីរបស់លោក។ ប្រទេសទួរគីមានភាពជិតស្និទ្ធជាមួយប្រទេសទាំងពីរ ដែលមានទំនាក់ទំនងផ្នែកថាមពល ពាណិជ្ជកម្ម និងការពារជាតិជាមួយទីក្រុងមូស្គូ ទោះបីជាប្រទេសនេះគាំទ្រភាគីប្រឆាំងនៅក្នុងប្រទេសស៊ីរី និងលីប៊ីក៏ដោយ។ទីក្រុងអង់ការ៉ាមិនបានដាក់ទណ្ឌកម្មលើរុស្ស៊ី ឬបិទដែនអាកាសរបស់ខ្លួននោះទេ ប៉ុន្តែបានបិទច្រកសមុទ្រទួរគីដែលភ្ជាប់សមុទ្រខ្មៅទៅកាន់សមុទ្រមេឌីទែរ៉ាណេ ដែលធ្វើឲ្យប៉ះពាល់ដល់ការចូលរបស់នាវាចម្បាំងរុស្ស៊ី លើកលែងតែនាវាដែលត្រឡប់ទៅកាន់កំពង់ផែវិញ។ ប្រទេសទួរគីបានរិះគន់ចំពោះការកាន់កាប់របស់រុស្ស៊ីនៅតំបន់គ្រីមៀ ដែលបានលើកឡើងពីសារៈសំខាន់នៃបូរណភាពទឹកដីរបស់អ៊ុយក្រែន៕អត្ថបទ៖ ប៊ុនថន

ប្លុកអគារប្រជាជនរស់នៅក្នុងក្រុងគីវត្រូវបានវាយប្រហារ ខណៈទីក្រុង Mariupol បន្តរងការបាញ់ផ្លោង

អ៊ុយក្រែន៖ អគារលំនៅឋានបានរងការខូចខាតយ៉ាងដំណំ បន្ទាប់ពីគ្រាប់ផ្លោងដែលជឿថាត្រូវបានបាញ់ដោយទាហានរុស្ស៊ី វាយប្រហារមកលើប្លុកអគារប្រជាជនរស់នៅកាលពីថ្ងៃអាទិត្យ ប៉ុន្តែគ្មានសេចក្តីរាយការណ៍ពីការស្លាប់ ឬរងរបួសឡើយ។ភ្លាមៗនោះគេមិនទាន់ដឹងច្បាស់ថា តើមីស៊ីលប្រភេទណាដែលបានបាញ់មកលើអគារនោះទេ។ នៅក្នុងទីក្រុងធំៗរបស់អ៊ុយក្រែន បុរស ស្ត្រី និងកុមាររាប់រយនាក់ត្រូវបានសម្លាប់នៅក្នុងការបាញ់ផ្លោងរបស់រុស្ស៊ី។ មនុស្សរាប់លាននាក់បានផ្លាស់ទីលំនៅទៅទីជម្រកក្រោមដី ឬភៀសខ្លួនចេញពីប្រទេស។ ការប្រយុទ្ធគ្នាយ៉ាងខ្លាំង និងការបាញ់ផ្លោងបានបន្តនៅក្នុងទីក្រុង Mariupol របស់ប្រទេសអ៊ុយក្រែន ខណៈដែលប្រជាជនបានផ្លាស់ប្តូរទីលំនៅឆ្លងកាត់អគារ និងទីជម្រកដែលត្រូវបានបំផ្លាញក្នុងការព្យាយាមដើម្បីរស់រានមានជីវិតនៅក្នុងទីក្រុង។នៅក្នុងវីដេអូ ប្រជាជនជាច្រើនត្រូវបានគេឃើញដើរក្នុងកម្ទេចកំទី ដែលបណ្តាលមកពីការប្រយុទ្ធគ្នាដោយមានអាហារ និងសម្ភារៈផ្គត់ផ្គង់ផ្សេងៗ។ យោងតាមអាជ្ញាធរមូលដ្ឋានបានឲ្យដឹងថា ការឡោមព័ទ្ធទីក្រុងបានបណ្តាលឱ្យមានការខ្វះខាត ស្បៀងអាហារ ទឹក និងការផ្គត់ផ្គង់ថាមពល។ កងកម្លាំងរុស្ស៊ីបានបន្តជំរុញដណ្តើមយកទីក្រុង Mariupol ព្រោះវាជាយុទ្ធសាស្ត្រអនុញ្ញាតឱ្យកងកម្លាំងរុស្ស៊ីពីភាគខាងត្បូង និងកងទ័ពរុស្ស៊ីនៅតំបន់ភាគខាងកើតប្រទេសអ៊ុយក្រែនតភ្ជាប់គ្នា។ មន្ត្រីទីក្រុងបាននិយាយថា រហូតមកដល់ពេលនេះមនុស្សយ៉ាងហោចណាស់ ២,៣០០នាក់បានស្លាប់នៅក្នុងទីក្រុង Mariupol ដោយខ្លះត្រូវបានកប់នៅក្នុងផ្នូរធំ៕អត្ថបទ៖ ប៊ុនថន

ចិនបានព្រមានពីផលវិបាកមិនអាចប៉ាន់ស្មានបាន ប្រសិនបើមហាអំណាចនុយក្លេអ៊ែរត្រូវបានបង្ខំឲ្យទាល់ច្រក

ចិន៖ អនុរដ្ឋមន្ត្រីការបរទេសចិនលោក Le Yucheng បាននិយាយថា ពិភពលោកមិនគួរប្រើប្រាស់អាវុធឡើយ ហើយនយោបាយប្លុកយោធាត្រូវតែត្រូវបានបដិសេធ។ ការអត្ថាធិប្បាយនេះកើតមានឡើង មួយថ្ងៃបន្ទាប់ពីប្រធានាធិបតីសហរដ្ឋអាមេរិកលោក Joe Biden បានព្រមានសមភាគីចិនលោក Xi Jinping ថានឹងមានផលវិបាក ប្រសិនបើចិនជួយគាំទ្រសកម្មភាពយោធាដល់រដ្ឋក្នុងសង្គ្រាមអ៊ុយក្រែន។ថ្លែងនៅឯវេទិកាអន្តរជាតិលើកទី៤ ស្ដីពីសន្តិសុខ និងយុទ្ធសាស្ត្រក្នុងទីក្រុងប៉េកាំង មន្ត្រីជាន់ខ្ពស់រូបនេះបានគាំទ្រការវិនិច្ឆ័យរបស់ក្រុង Moscow ដែលស្ដីបន្ទោសអង្គការណាតូថា ជាបានបង្កអស្ថិរភាពនៅអឺរ៉ុបខាងកើត និងបរាជ័យដោះស្រាយក្ដីកង្វល់ផ្នែកសន្តិសុខជាតិរបស់រុស្ស៊ី ជាការបើកផ្លូវឲ្យមានជម្លោះរវាងរុស្ស៊ី និងអ៊ុយក្រែនដូចបច្ចុប្បន្ននេះ។ លោកថា ការប្ដេជ្ញាចិត្តដ៏សាមញ្ញក្នុងការបញ្ចប់ការការពង្រីកខ្លួន ខាងកងកម្លាំងយោធាអាចបញ្ចប់វិបត្តិ និងបញ្ឈប់ការរងទុកនេះបានយ៉ាងងាយ។លោកថា ផ្ទុយទៅវិញមានអ្នកបក់អណ្ដាតភ្លើងពីចម្ងាយដោយសុវត្ថិភាព ដោយអង្គុយមើលឈ្មួញលក់អាវុធរបស់ខ្លួន ធនាគារ និងមហាសេដ្ឋីប្រេងកើបលុយពីសង្គ្រាម ហើយទុកឲ្យមនុស្ស ១ប្រទេសតូចរងរបួសដោយសារសង្គ្រាម ដែលត្រូវការការព្យាបាលរយៈពេលជាច្រើនឆ្នាំ៕អត្ថបទ៖ សុខមាន

មនុស្សម្នាក់ស្លាប់ និង ២៧នាក់រងរបួសក្នុងការបាញ់ប្រហារនៅរដ្ឋ Arkansas សហរដ្ឋអាមេរិក

សហរដ្ឋអាមេរិក៖ នគរបាលនិយាយថា យ៉ាងហោចណាស់មនុស្សម្នាក់ស្លាប់ និង ២៧នាក់ផ្សេងទៀតបានរងរបួសរួមមានទាំងកុមារ នៅក្នុងការបាញ់ប្រហារនៅខាងក្រៅពិព័រណ៍រថយន្តនៅរដ្ឋ Arkansas ភាគអាគ្នេយ៍។ នគរបាលរដ្ឋ Arkansas និយាយក្នុងការចេញផ្សាយព័ត៌មានកាលពីថ្ងៃអាទិត្យថា មនុស្សម្នាក់ត្រូវបានឃាត់ខ្លួន ហើយអាជ្ញាធរកំពុងស្វែងរកអ្នកផ្សេងទៀតដែលបានបាញ់ប្រហារ មកលើហ្វូងមនុស្សកាលពីល្ងាចថ្ងៃសៅរ៍។ អ្នកនាំពាក្យកងកម្លាំងនគរបាលរដ្ឋ Arkansas លោក Bill Sadler និយាយថា កងកម្លាំងនគរបាលត្រូវបានដាក់ពង្រាយទៅកាន់តំបន់ Dumas បន្ទាប់ពីមានការរាយការណ៍ការបាញ់កាំភ្លើងនៅខាងក្រៅមជ្ឈមណ្ឌលពាណិជ្ជកម្ម ជាកន្លែងតាំងពិព័រណ៍រថយន្តកំពុងធ្វើឡើង។ ពិព័រណ៍រថយន្តជាផ្នែកមួយនៃព្រឹត្តិការណ៍សហគមន៍ ដើម្បីប្រមូលមូលនិធិសម្រាប់អាហារូបករណ៍ និងការផ្គត់ផ្គង់នៅសាលារៀន៕អត្ថបទ៖ ប៊ុនថន

អឺរ៉ុបនឹងពិចារណាយ៉ាងល្អិតល្អន់ចំពោះបម្រាមនាំចូលប្រេងរបស់រុស្ស៊ី ខណៈលោក Biden ត្រៀមចូលរួមពិភាក្សា

អឺរ៉ុប៖ បណ្ដារដ្ឋាភិបាលសហភាពអឺរ៉ុបនឹងគិតគូរឲ្យបានល្អិតល្អន់ថា តើត្រូវដាក់ ឬមិនត្រូវដាក់បម្រាមនាំចូលប្រេងលើប្រទេសរុស្ស៊ី ជុំវិញការវាយលុករបស់ប្រទេសនេះលើអ៊ុយក្រែន ខណៈពួកគេត្រៀមជួបលោកប្រធានាធិបតីសហរដ្ឋអាមេរិក Joe Biden សម្រាប់ជំនួបកំពូលជាបន្តបន្ទាប់ដែលបានបង្កើតឡើង ដើម្បីបន្ថែមបន្ទុកឆ្លើយតបរបស់លោកខាងលិចទៅលើទីក្រុង Moscow។ជាមធ្យោបាយដើម្បីឲ្យប្រធានាធិបតីរុស្ស៊ីលោក Vladimir Putin ដកកងទ័ពចេញពីអ៊ុយក្រែន សហរដ្ឋអាមេរិករួមជាមួយសម្ព័ន្ធចិត្តលោកខាងលិចបានដាក់ទណ្ឌកម្មយ៉ាងធ្ងន់ធ្ងរ រួមទាំងការបង្កកប្រាក់របស់ស្ថាប័នហិរញ្ញវត្ថុកណ្ដាលរបស់រុស្ស៊ី។ អ្នកការទូតជាន់ខ្ពស់មួយរូបរបស់សហភាពអឺរ៉ុបបាននិយាយដោយសុំមិនបញ្ចេញឈ្មោះថា យើងបានរួមគ្នាលើទណ្ឌកម្មសកលលើកទី៥ និងឈ្មោះថ្មីៗមួយចំនួនដែលកំពុងស្នើឡើង។ បណ្ដារដ្ឋាភិបាលសហភាពអឺរ៉ុបនឹងចាប់ផ្ដើមការសន្ទនា ក្នុងចំណោមរដ្ឋមន្ត្រីការបរទេសបរទេសនៅថ្ងៃចន្ទនេះ មុនលោក Biden មកដល់ក្នុងទីក្រុង Brussels នៅថ្ងៃព្រហស្បតិ៍សម្រាប់កិច្ចប្រជុំកំពូលជាមួយសម្ព័ន្ធមិត្តទាំង ៣០ប្រទេសរបស់អង្គការណាតូ រួមទាំងកិច្ចប្រជុំសហភាពអឺរ៉ុប និងក្របខណ្ឌប្រទេស G7 ជាមួយប្រទេសជប៉ុន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា នឹងធ្វើកិច្ចចរចាជាមួយកាតា ជុំវិញទ្រព្យសម្បត្តិដែលត្រូវបានបង្កក

អគារផ្ទះល្វែងមួយ ដួលរលំ នៅទីក្រុងអាតែនរបស់ក្រិក ខណៈក្រុមអ្នកជួយសង្គ្រោះស្វែងរកអ្នកជាប់ក្នុងនោះ

កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកបដោយការស្ថាបនា» អំពីទាហានកូរ៉េខាងជើង

នាយករដ្ឋមន្ត្រីជប៉ុន ស្វែងរកទំនាក់ទំនងកាន់តែស៊ីជម្រៅជាមួយឥណ្ឌា លើផ្នែកពាណិជ្ជកម្ម និងសន្តិសុខ

មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិតនៅកាតា តែគ្មានជំនួបជាមួយអ៊ីរ៉ង់ទេ

ទីភ្នាក់ងារពាណិជ្ជកម្ម UN៖ វិបត្តិច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេលយូរ

លោក Zelenskyy៖ អ៊ុយក្រែនវាយប្រហារជាលើកទី ២ លើទីតាំងផ្កាយរណប Dubna របស់រុស្ស៊ី

ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬបំផ្លាញ នៅវ៉េណេស៊ុយអេឡា

កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក

រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិកនិយាយថា ខ្លួននៅតែចង់បន្តបើកច្រកការទូតជាមួយរុស្ស៊ី

អង្គការសហប្រជាជាតិនិយាយថា ជនស៊ីវិលស្លាប់ដោយសារសង្គ្រាមនៅអ៊ុយក្រែនកើនឡើងដល់ជាង ៩០០នាក់

ប្រេសិតពិសេសរបស់ប្រធានអាស៊ាន ជួបភាគីពាក់ព័ន្ធ និងមន្ត្រីសំខាន់ៗនៅសហភាពមីយ៉ាន់ម៉ា

សហភាពអឺរ៉ុបខ្វែងគំនិតគ្នាលើបញ្ហាការដាក់ទណ្ឌកម្មលើការនាំចូលប្រេងពីរុស្ស៊ី

រដ្ឋមន្ត្រីការបរទេសទួរគីនិយាយថា អ៊ុយក្រែន និងរុស្ស៊ីកាន់តែខិតជិតដល់កិច្ចព្រមព្រៀង

ប្លុកអគារប្រជាជនរស់នៅក្នុងក្រុងគីវត្រូវបានវាយប្រហារ ខណៈទីក្រុង Mariupol បន្តរងការបាញ់ផ្លោង

ចិនបានព្រមានពីផលវិបាកមិនអាចប៉ាន់ស្មានបាន ប្រសិនបើមហាអំណាចនុយក្លេអ៊ែរត្រូវបានបង្ខំឲ្យទាល់ច្រក

មនុស្សម្នាក់ស្លាប់ និង ២៧នាក់រងរបួសក្នុងការបាញ់ប្រហារនៅរដ្ឋ Arkansas សហរដ្ឋអាមេរិក

អឺរ៉ុបនឹងពិចារណាយ៉ាងល្អិតល្អន់ចំពោះបម្រាមនាំចូលប្រេងរបស់រុស្ស៊ី ខណៈលោក Biden ត្រៀមចូលរួមពិភាក្សា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាមេរិក​និយាយ​ថា ខ្លួន​នៅតែ​ចង់​បន្ត​បើក​ច្រក​ការទូត​ជាមួយ​រុស្ស៊ី​

ប្រេសិតពិសេសរបស់ប្រធានអាស៊ាន ជួបភាគីពាក់ព័ន្ធ និងមន្ត្រីសំខាន់ៗនៅសហភាពមីយ៉ាន់ម៉ា

សហភាព​អឺរ៉ុប​ខ្វែងគំនិត​គ្នា​លើ​បញ្ហា​ការ​ដាក់​ទណ្ឌកម្ម​លើ​ការ​នាំចូល​ប្រេង​ពី​រុស្ស៊ី​

រដ្ឋមន្ត្រីការបរទេស​ទួរគី​និយាយ​ថា អ៊ុយ​ក្រែ​ន និង​រុស្ស៊ី​កាន់តែ​ខិត​ជិត​ដល់​កិច្ចព្រមព្រៀង​

ប្លុក​អគារ​ប្រជាជន​រស់​នៅ​ក្នុង​ក្រុង​គី​វ​ត្រូវ​បាន​វាយប្រហារ ខណៈ​ទីក្រុង Mariupol បន្ត​រង​ការ​បាញ់​ផ្លោង​

មនុស្ស​ម្នាក់​ស្លាប់ និង ២៧​នាក់​រង​របួស​ក្នុង​ការ​បាញ់​ប្រហារ​នៅ​រដ្ឋ Arkansas សហរដ្ឋអាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិកនិយាយថា ខ្លួននៅតែចង់បន្តបើកច្រកការទូតជាមួយរុស្ស៊ី

សហភាពអឺរ៉ុបខ្វែងគំនិតគ្នាលើបញ្ហាការដាក់ទណ្ឌកម្មលើការនាំចូលប្រេងពីរុស្ស៊ី

រដ្ឋមន្ត្រីការបរទេសទួរគីនិយាយថា អ៊ុយក្រែន និងរុស្ស៊ីកាន់តែខិតជិតដល់កិច្ចព្រមព្រៀង

ប្លុកអគារប្រជាជនរស់នៅក្នុងក្រុងគីវត្រូវបានវាយប្រហារ ខណៈទីក្រុង Mariupol បន្តរងការបាញ់ផ្លោង

មនុស្សម្នាក់ស្លាប់ និង ២៧នាក់រងរបួសក្នុងការបាញ់ប្រហារនៅរដ្ឋ Arkansas សហរដ្ឋអាមេរិក