BTV NEWS

សម្តេចធិបតី ហ៊ុន ម៉ាណែត ចេញសារាចរផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦ នៅរាជធានីភ្នំពេញ តែនៅបណ្តាខេត្តអាចប្រារព្ធធ្វើបានធម្មតា

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ព័ត៌មានសំខាន់ៗ

ម៉ាកផលិតផលល្បីៗរបស់លោកខាងលិចបានបិទហាងនៅតាមផ្សារទំនើបរបស់រុស្ស៊ី

រុស្ស៊ី៖ នៅក្នុងរយៈពេលប៉ុន្មានថ្ងៃចាប់តាំងពីលោកខាងលិចបានដាក់ទណ្ឌកម្មលើរុស្ស៊ី ពលរដ្ឋសាមញ្ញរុស្ស៊ីកំពុងមានអារម្មណ៍ថា ប៉ះពាល់ខ្លាំងពីការឡើងថ្លៃខ្ពស់ដែលមិនអាចទិញទំនិញទាំងនោះបាន។ ហាងលក់រាយសម្លៀកបំពាក់ជាច្រើនរបស់លោកខាងលិចរួមទាំងផ្សារធំៗ និងម៉ាកល្បីប្រណីតៗបានផ្អាកប្រតិបត្តិការដែលធ្វើឲ្យផ្សារទំនើបនានាស្ងាត់ជ្រងំ។ម៉ាកលក់សម្លៀកបំពាក់ Uniqlo របស់ជប៉ុនក៏បានបិទជាបណ្ដោះអាសន្នផងដែរនៅក្នុងប្រទេសរុស្ស៊ី បន្ទាប់ពីមានការរិះគន់ពីសង្គមជុំវិញការអត្ថាធិប្បាយ ដែលបានរាយការណ៍ដោយនាយកប្រតិបត្តិជាន់ខ្ពស់ថា ហាងចំនួន ៤៩ របស់ខ្លួននឹងបន្តបើក។ កាលពីដើមសប្តាហ៍នេះ នាយកប្រតិបត្តិក្រុមហ៊ុន Fast Retailing លោក Tadashi Yanai ត្រូវបានដកស្រង់សម្តីដែលនិយាយនៅក្នុងអាជីវកម្មជប៉ុនប្រចាំថ្ងៃ Nikkei ថា ហាងលក់សម្លៀកបំពាក់ម៉ាក Uniqlo នឹងបន្តបើកនៅក្នុងប្រទេសរុស្ស៊ី ដោយសារតែជនជាតិរុស្ស៊ីមានសិទ្ធិច្រើនក្នុងការស្លៀកពាក់ប្រចាំថ្ងៃ ដូចអ្នកផ្សេងទៀតដែរ។ការអត្ថាធិប្បាយនេះមានឡើង បន្ទាប់ពីម៉ាកផលិតផលក្រុមហ៊ុនធំៗផ្សេងទៀតដូចជា Zara, Coca-Cola, Apple និង McDonald's បានចាកចេញពីប្រទេសរុស្ស៊ី ដែលនាំឲ្យមានការរិះគន់រួមទាំងការអំពាវនាវឲ្យធ្វើពហិការនៅលើបណ្ដាញសង្គមផងដែរ។ ធនាគារកណ្តាលបានឈានទៅរកការបង្កើនលំនឹងប្រាក់រូប្លិ៍ និងប្រព័ន្ធធនាគារ រឹតបន្តឹងការដកប្រាក់ជារូបិយប័ណ្ណបរទេស និងទុកឲ្យទីផ្សារភាគហ៊ុនបិទជិតពីរសប្តាហ៍។ រដ្ឋាភិបាលក៏បានប្រកាសពីវិធានការរឹតត្បិត អ្នកវិនិយោគបរទេសមិនឲ្យភៀសខ្លួនចេញពីប្រទេសនេះដែរ៕អត្ថបទ៖ សុខមាន

លោក Zelenskyy អំពាវនាវដល់ទាហានរុស្ស៊ីឱ្យចាកចេញ និងរក្សាច្រករបៀង

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានចេញសេចក្តីអំពាវនាវដល់ទាហានរុស្ស៊ីកាលពីថ្ងៃពុធ ឱ្យចាកចេញពីប្រទេសរបស់លោក។ លោកប្រធានាធិបតីនិយាយថា ការតស៊ូរបស់យើងអស់រយៈពេលជិតពីរសប្តាហ៍បានបង្ហាញអ្នកថា យើងនឹងមិនចុះចាញ់នោះទេ ព្រោះនេះគឺជាលំនៅឋានរបស់យើង វាគឺជាគ្រួសារ និងកូនៗរបស់យើង។ យើងនឹងតស៊ូរហូតដល់យើងអាចដណ្តើមយកទឹកដីរបស់យើងមកវិញ។អ្នកនៅតែអាចជួយសង្គ្រោះខ្លួនអ្នកបាន ប្រសិនបើអ្នកត្រឡប់ទៅប្រទេសរបស់អ្នកវិញ។ នៅក្នុងសុន្ទរកថារបស់លោក Zelenskyy បាននិយាយថា កិច្ចខិតខំប្រឹងប្រែងកំពុងបន្តដើម្បីជម្លៀសប្រជាជនប្រមាណ ១៨,០០០នាក់ពីទីក្រុងដែលមានការប្រយុទ្ធនៅក្នុងតំបន់ទីក្រុងគីវ មកកាន់រដ្ឋធានីដោយខ្លួនឯង។ លោកបាននិយាយថា វាគឺជាផ្នែកនៃកិច្ចខិតខំប្រឹងប្រែងជម្លៀសកាន់តែទូលំទូលាយ នៅលើច្រករបៀងមនុស្សធម៌ជាច្រើន ហើយបានព្រមានកងកម្លាំងរុស្ស៊ីចំពោះការរំលោភលើកិច្ចសន្យាបទឈប់បាញ់។លោកប្រធានាធិបតីបានអំពាវនាវម្តងទៀតសម្រាប់ការគាំទ្រដែនអាកាសពីបរទេស ដោយនិយាយថា សូមបញ្ជូនយន្តហោះមកឲ្យពួកយើង។ ប្រទេសមហាអំណាចលោកខាងលិចបានបញ្ជូនយុទ្ធោបករណ៍ និងបង្កើនកម្លាំងនៅតំបន់ភាគខាងកើតរបស់ប្រទេសអ៊ុយក្រែន ប៉ុន្តែបានប្រុងប្រយ័ត្នក្នុងការផ្តល់ជំនួយដែនអាកាស និងការធ្លាក់ចូលទៅក្នុងសង្គ្រាមដោយផ្ទាល់ជាមួយរុស្ស៊ី។ លោក Zelenskyy បាននិយាយថា មានសញ្ញាដែលអ្នកនយោបាយមួយចំនួនមានបំណងបំបែកសង្គមអ៊ុយក្រែន ហើយពួកគេនឹងត្រូវទទួលទណ្ឌកម្ម៕អត្ថបទ៖ ប៊ុនថន

ការខូចខាត និងរងរបួសពីការវាយប្រហាររបស់រុស្ស៊ីលើមន្ទីរពេទ្យកុមារក្នុងទីក្រុង Mariupol

អ៊ុយក្រែន៖ មន្ត្រីអ៊ុយក្រែនបាននិយាយថា ការវាយប្រហារតាមអាកាសរបស់រុស្ស៊ីបានបំផ្លាញ មន្ទីរពេទ្យសម្ភពមួយកន្លែងកាលពីថ្ងៃពុធនៅក្នុងទីក្រុងកំពង់ផែ Mariupol ដែលត្រូវបានឡោមព័ទ្ធ ហើយមនុស្សយ៉ាងហោចណាស់ ១៧នាក់បានរងរបួស ក្នុងពេលមានការព្រមានកាន់តែខ្លាំងឡើងពីប្រទេសលោកខាងលិចថា ការវាយលុករបស់ទីក្រុងមូស្គូនឹងឈានទៅរកភាពឃោរឃៅ និងគ្មានការរើសអើង។នគរបាល និងទាហានបានប្រញាប់ប្រញាល់ទៅកន្លែងកើតហេតុ ដើម្បីជម្លៀសជនរងគ្រោះក្នុងនោះបាននាំយកស្ត្រីមានផ្ទៃពោះម្នាក់ មានឈាមហូរក្នុងស្ថានភាពគ្រោះថ្នាក់។ ប្រធានាធិបតីលោក Volodymyr Zelenskyy បានសរសេរនៅលើបណ្តាញ Twitter ថា មានប្រជាជនរួមទាំងកុមារនៅក្រោមគំនរបាក់បែក ហើយបានចាត់ទុកការវាយប្រហារនេះថាជាភាពសាហាវឃោរឃៅ។ លោក Zelenskyy បន្តអំពាវនាវដល់សហភាពអឺរ៉ុបពង្រឹងទណ្ឌកម្មលើរុស្ស៊ី ដើម្បីបង្ខំឲ្យប្រទេសនេះមកកាន់តុចរចា។ មន្ត្រីអ៊ុយក្រែនបាននិយាយថា ការវាយប្រហាររបស់រុស្ស៊ីក៏បានវាយប្រហារលើមន្ទីរពេទ្យកុមារ និងអគារមន្ទីរពេទ្យនៅក្នុងទីក្រុងកំពង់ផែ Mariupol ភាគអាគ្នេយ៍ដែលត្រូវបានឡោមព័ទ្ធ៕អត្ថបទ៖ ប៊ុនថន

រុស្ស៊ីក្លាយជាប្រទេសរួបរឹតដោយទណ្ឌកម្មច្រើនជាងគេបំផុតលើពិភពលោក

រុស្ស៊ី៖ រុស្ស៊ីពេលនេះក្លាយជាប្រទេសដែលរងទណ្ឌកម្មធ្ងន់ធ្ងរជាងគេបំផុតលើពិភពលោក បន្ទាប់ពីបណ្ដាប្រទេសផ្សេងទៀតបានឆ្លើយតបទៅនឹងការវាយប្រហារ ដោយគ្មានហេតុផលលើអ៊ុយក្រែនដោយការដាក់ទណ្ឌកម្ម។ យោងតាម Castellum.AI dashboard ដែលតាមដានការដាក់ទណ្ឌកម្មលើរុស្ស៊ី ប្រទេសរុស្ស៊ីបានប្រឈមនឹងទណ្ឌកម្មថ្មីចំនួន 2,778ករណីត្រឹមរយៈពេលមិនដល់ ២សប្ដាហ៍ផង។ប្រទេសរុស្ស៊ីប្រឈមការដាក់ទណ្ឌកម្មចំនួន 2,754ករណីមុនថ្ងៃទី២២ ខែកុម្ភៈដែលធ្វើឲ្យប្រទេសនេះក្លាយជាប្រទេសជាប់ទណ្ឌកម្មធ្ងន់ធ្ងរបំផុតទី២ លើពិភពលោកបន្ទាប់ពីអ៊ីរ៉ង់។ ប៉ុន្តែចាប់តាំងពីប្រធានាធិបតីរុស្ស៊ី Vladimir Putin បានបញ្ជាឲ្យទាហានចូលទៅក្នុងប្រទេសអ៊ុយក្រែនភាគខាងកើតកាលពីថ្ងៃទី២១ ខែកុម្ភៈ ទណ្ឌកម្មលើរុស្ស៊ីបានឡើងដល់ 5,532ករណី។ យោងតាមសារព័ត៌មាន Bloomberg បើប្រៀបធៀបទៅនឹងអ៊ីរ៉ង់ អ៊ីរ៉ង់បានប្រឈមទណ្ឌកម្មចំនួន 3,616ករណីដោយសារកម្មវិធីនុយក្លេអ៊ែរ និងការគាំទ្រភេរវនិយម។ប្រទេសស៊ីរី និងកូរ៉េខាងជើងឈរនៅបន្ទាប់ពីអ៊ីរ៉ង់ ដោយស៊ីរីត្រូវបានគ្រប់ដណ្ដប់ដោយទណ្ឌកម្មចំនួន 2,608ករណី ហើយកូរ៉េខាងជើងរួបរឹតដោយទណ្ឌកម្មចំនួន 2,077ករណី។ ការសម្រុកដាក់ទណ្ឌកម្មនេះមកពីសហរដ្ឋអាមេរិក និងសម្ព័ន្ធមិត្តលោកខាងលិចដែលបានបង្ហាញពីការរួបរួមគ្នាដ៏រឹងមាំ ទប់ទល់នឹងការវាយប្រហាររបស់រុស្ស៊ីលើអ៊ុយក្រែន។ លោក Putin បាននិយាយកាលពីចុងសប្ដាហ៍មុនថា ទណ្ឌកម្មទាំងនោះប្រៀបបានទៅនឹងការប្រកាសសង្គ្រាមអញ្ចឹង៕អត្ថបទ៖ សុខមាន

កំហឹងផ្ទុះឡើងក្នុងពេលរុស្ស៊ីវាយប្រហារលើមន្ទីរពេទ្យកុមារ ខណៈជនស៊ីវិលស្លាប់កាន់តែច្រើន

អ៊ុយក្រែន៖ ការវាយប្រហារតាមអាកាសពីប្រទេសរុស្ស៊ីលើមន្ទីរពេទ្យកុមារមួយនៅក្នុងទីក្រុង Mariupol ភាគខាងត្បូងប្រទេសអ៊ុយក្រែនបានបណ្ដាលឲ្យមនុស្ស ១៧នាក់រងរបួសកាលពីថ្ងៃពុធ ជាការវាយប្រហារចុងក្រោយបំផុតលើជនស៊ីវិល ខណៈដែលវិមានក្រឹមឡាំងនៅតែបន្តការវាយរុលទៅមុខលើអ៊ុយក្រែន។លោកប្រធានាធិបតីអ៊ុយក្រែន Volodomyr Zelenskyy បាននិយាយថា ទាហានរុស្ស៊ីបានបើកការវាយប្រហារដោយផ្ទាល់លើមន្ទីរពេទ្យកុមារ។ លោកបានហៅការវាយប្រហារនេះថាជាអំពើឃោរឃៅ ហើយថា ប្រជាពលរដ្ឋក្មេងចាស់កប់នៅក្រោមគំនរថ្មបែកបាក់។ លោក Volodymyr Zelenskyy បាននិយាយថា ពួកគេចង់ឲ្យយើងមានអារម្មណ៍ដូចជាសត្វធាតុ ព្រោះពួកគេបានបិទទីក្រុងរបស់យើង ទីក្រុងធំៗបំផុតរបស់យើងនៅក្នុងប្រទេសអ៊ុយក្រែនត្រូវបានបិទ ព្រោះពួកគេមិនចង់ឲ្យយើងទទួលបានអាហារ និងទឹកកាលពីម្សិលមិញ ឧទាហរណ៍កុមារជាដើម ខ្ញុំមិនដឹងថា តើអ្នកបានដឹង ឬអត់ទេថា មានកុមារជាច្រើននៅក្នុងទីក្រុង Mariupol បានស្លាប់។ ខ្ញុំមិនដឹងថា តើលោក Putin នឹងប្រាប់រឿងនេះដល់ពិភពលោកយ៉ាងណាទេ។លោកបានព្រមានថា មនុស្សរាប់លាននាក់អាចនឹងស្លាប់ លុះត្រាតែមានអន្តរាគមន៍ពីសម្ព័ន្ធណាតូក្នុងការបង្កើតតំបន់ហាមហោះហើរលើប្រទេសអ៊ុយក្រែន ដើម្បីទប់ស្កាត់ការវាយប្រហារតាមអាកាសដែលនៅតែបន្តរបស់រុស្ស៊ី។ ការវាយប្រហារនេះបានបណ្ដាលឲ្យមានការថ្កោលទោសយ៉ាងខ្លាំង ពីក្រុមគាំទ្រជនភៀសខ្លួន និងជំនួយមនុស្សធម៌។ អ្នករងរបួសទាំងនោះនៅក្នុងការវាយប្រហារលើមន្ទីរពេទ្យនេះ គឺជាជនស៊ីវិលរងគ្រោះចុងក្រោយបំផុតក្នុងសង្គ្រាមដែលបានបណ្ដាលឲ្យជនស៊ីវិលស្លាប់ ឬរងរបួសជាង ១,០០០នាក់៕អត្ថបទ៖ សុខមាន

សហរដ្ឋអាមេរិកថ្កោលទោសការវាយប្រហារដ៏ព្រៃផ្សៃលើមន្ទីរពេទ្យកុមារនៅអ៊ុយក្រែន

សហរដ្ឋអាមេរិក៖ សហរដ្ឋអាមេរិកកាលពីថ្ងៃពុធបានថ្កោលទោស ការទម្លាក់គ្រាប់បែកលើមន្ទីរពេទ្យកុមារក្នុងប្រទេសអ៊ុយក្រែន ជាកន្លែងដែលក្រុមមន្ត្រីបាននិយាយថា ការវាយប្រហារតាមអាកាសរបស់រុស្ស៊ីបានកប់អ្នកជំងឺនៅក្រោមគំនរថ្មបាក់បែក ទោះបីជាមានកិច្ចព្រមព្រៀងឈប់បាញ់ ដើម្បីអនុញ្ញាតឱ្យប្រជាជនចេញពីទីក្រុង Mariupol ដែលត្រូវបានឡោមព័ទ្ធក៏ដោយ។ ការវាយប្រហារដែលក្រុមអាជ្ញាធរបាននិយាយថា ស្ត្រីមួយចំនួនបានរងរបួសក្នុងពេលបំពេញការងារ និងបន្សល់ទុកកុមារនៅក្នុងគំនរបែកបាក់ គឺជាឧបទ្ទវហេតុដ៏អាក្រក់បំផុតចុងក្រោយបង្អស់ នៃការវាយប្រហាររយៈពេល ១៤ថ្ងៃមកនេះ ដែលជាការវាយប្រហារដ៏ធំបំផុតលើរដ្ឋអឺរ៉ុបមួយនេះចាប់តាំងពីឆ្នាំ១៩៤៥។ការបំផ្លិចបំផ្លាញនេះបានកើតឡើង បើទោះបីជាមានការសន្យាពីរុស្ស៊ីក្នុងការបញ្ឈប់ការបាញ់ប្រហារក៏ដោយ ដូច្នេះយ៉ាងហោចណាស់ជនស៊ីវិលដែលជាប់គាំងមួយចំនួនអាចគេចចេញពីទីក្រុង ជាទីដែលមនុស្សរាប់សែននាក់បានជ្រកកោនដោយគ្មានទឹក ឬភ្លើងប្រើប្រាស់អស់រយៈពេលជាងមួយសប្ដាហ៍។ នៅពេលត្រូវបានសួរឱ្យធ្វើអត្ថាធិប្បាយលើការវាយប្រហារ អ្នកនាំពាក្យវិមានក្រឹមឡាំងលោក Dmitry Peskov បាននិយាយថា កងកម្លាំងរុស្ស៊ីមិនបានបាញ់តម្រង់ទៅលើគោលដៅជនស៊ីវិលទេ៕អត្ថបទ៖ សុខមាន

បេក្ខជនអភិរក្សនិយមដណ្ដើមបានជ័យជម្នះក្នុងការបោះឆ្នោតប្រធានាធិបតីកូរ៉េខាងត្បូង

កូរ៉េខាងត្បូង៖ ប្រទេសកូរ៉េខាងត្បូងបានជ្រើសរើសលោក Yoon Suk-yeol មកពីគណបក្សអភិរក្សនិយមកម្លាំងប្រជាជន (People Power Party) ជាប្រធានាធិបតីទី២០ របស់ខ្លួនកាលពីថ្ងៃពុធ។ លោក Yoon បានប្រកាសជ័យជម្នះក្នុងការប្រកួតប្រជែងដ៏ប្រកៀកប្រកិត ជាមួយនឹងបេក្ខជនប្រធានាធិបតីលោក Lee Jae-myung មកពីគណបក្សកាន់អំណាចប្រជាធិបតេយ្យ។អ្នកនយោបាយថ្មីថ្មោងមកពីគណបក្សអំណាចប្រជាជនបានយកឈ្នះលើលោក Lee Jae-myung មកពីគណបក្សប្រជាធិបតេយ្យដែលកំពុងកាន់អំណាចដោយមានសំឡេងឆ្នោតគាំទ្រ ៤៨.៦% ដល់ ៤៧.៨%។ យោងតាមគណៈកម្មាធិការជាតិរៀបចំការបោះឆ្នោតរបស់ប្រទេសនេះបានឲ្យដឹងថា ប្រហែល ៧៧% នៃអ្នកបោះឆ្នោតដែលមានសិទ្ធិបោះឆ្នោតចំនួន ៤៤លាននាក់របស់ប្រទេសកូរ៉េខាងត្បូងបានបោះឆ្នោត។ លោក Yoon នឹងជំនួសតំណែងប្រធានាធិបតីលោក Moon Jae-in។លោក Yoon បានចូលប្រឡូកក្នុងឆាកនយោបាយកាលពីខែមិថុនាកន្លងទៅ បន្ទាប់ពីមានអាជីពជារដ្ឋអាជ្ញាអស់រយៈពេល ២៧ឆ្នាំ។ លោកទទួលបានភាពល្បីល្បាញក្នុងអំឡុងពេលអាជីពរបស់លោក សម្រាប់ការកាត់ទោសយ៉ាងចាស់ដៃលើអ្នកលេងនយោបាយនានា រួមទាំងអតីតប្រធានាធិបតីកូរ៉េខាងត្បូងលោកស្រី Park Geun-hye ផងដែរ៕អត្ថបទ៖ សុខមាន

ឯកឧត្ដម ហ៊ុន ម៉ាណែត លើកឡើងថា កត្តាសំខាន់ ៣ ដែលធ្វើឱ្យកម្ពុជាទទួលជោគជ័យលើសង្គ្រាមកូវីដ

កំពង់ចាម ៖ ថ្លែងក្នុងពិធីសម្ពោធឆ្លងដាក់ឱ្យប្រើប្រាស់ជាផ្លូវការកុដិ បណ្ណាល័យ និងសមិទ្ធផលនានា ក្នុងវត្តកងត្រង់ណឹង ស្ថិតក្នុងឃុំកងតាណឹង ស្រុកកងមាស ខេត្តកំពង់ចាម នាថ្ងៃទី៩ ខែមីនា ឆ្នាំ២០២២ ឯកឧត្តម ឧ ត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើ ងគោក បានលើកឡើងថា ភាពជោគជ័យលើសង្គ្រាមប្រយុទ្ធនឹងជំងឺកូវីដ-១៩ ដែលកម្ពុជាទទួលបាន នេះកើតមានទ្បើងដោយសារប្រតិបត្តិករ ០៣ សំខាន់ គឺទី១.តួអង្គសម្តេចតេជោនាយករដ្ឋមន្ត្រី ដែលបានដឹកនាំផ្ទាល់នូវយន្តការជាតិប្រយុទ្ធនឹងជំងឺកូវីដ-១៩ តាំងតែពីដើមដំបូងមក ដើម្បីការពារអាយុជីវិតរបស់ប្រជាពលរដ្ឋពីការស្លាប់ដោយជំងឺដ៏កាចសាហាវមួយនេះ។ សម្តេចបានសម្រេចចិត្តដ៏ត្រឹមត្រូវ រួមជាមួយការសិក្សាស្រាវជ្រាវល្អិតល្អន់ពីក្រុមការងារបច្ចេកទេសជំនាញដែលមានការពាក់ព័ន្ធ ក្នុងការជ្រើសរើសវ៉ាក់សាំង និងបើកយុទ្ធនាការចាក់វ៉ាក់សាំងនៅទូទាំងផ្ទៃប្រទេស ដើម្បីកាត់បន្ថយការឆ្លងរាលដាល, ភាពធ្ងន់ធ្ងរនៃជំងឺ និងអត្រាមរណភាព ក៏ដូចជាផលប៉ះពាល់ធ្ងន់ធ្ងរដល់ស្ថានភាពសេដ្ឋកិច្ច-សង្គម។ ទី២.ការរួមពួតដៃចូលរួមសហការគ្នាពីសំណាក់មន្ត្រីរាជការ អាជ្ញាធរដែនដីគ្រប់ជាន់ថ្នាក់ កងកម្លាំងប្រដាប់អាវុធ និងប្រជាពលរដ្ឋគ្រប់មជ្ឈដ្ឋាននៅទូទាំងប្រទេស ក្នុងការអនុវត្តយ៉ាងម៉ឺងម៉ាត់នូវគ្រ ប់វិធានការដែលរាជរដ្ឋាភិបាលបានដាក់ចេញ ជាពិសេសការឧបត្ថម្ភគាំទ្រទាំងកម្លាំងកាយចិត្ត ពេលវេ លា និងធនធាន ចូលរួមនៅក្នុងបុព្វហេតុដ៏ឧត្តុងឧត្តមថ្លៃថ្លានេះ។ និងទី៣.គឺជំនឿទុកចិត្តរបស់ប្រជាព លរដ្ឋមកលើភាពជាអ្នកដឹកនាំរបស់សម្តេចតេជោនាយករដ្ឋមន្ត្រី ដែលស្តែងឡើងតាមរយៈការចូលរួមយ៉ាងសកម្មផុសផុលទទួលយកការចាក់វ៉ាក់សាំងបង្ការជំងឺកូវីដ-១៩ ដើម្បីការពារអាយុជីវិតរបស់ខ្លួន និងក្រុមគ្រួសារ បើទោះបីជាមានការញុះញង់ អូសទាញបន្លាច និងក្លែងបន្លំការពិតពីសំណាក់អ្នកន យោបាយអគតិមួយចំនួនយ៉ាងណាក៏ដោយ។ឯកឧត្ដមបន្តថា គណបក្សប្រជាជន បេ្តជ្ញាបន្តខិតខំប្រឹងប្រែងបម្រើប្រជាពលរដ្ឋឱ្យកាន់តែល្អប្រសើរទ្បើង ព្រមទាំងផ្តោតលើការបង្កើតសមិទ្ធផលវិជ្ជមាននានាបន្ថែមទៀត ដើម្បីធ្វើយ៉ាងណាជួយលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែសម្បូរសប្បាយ ប្រកបដោយភាពសុខសាន្ត ទន្ទឹមនឹ ងការជំរុញកសាង និងអភិវឌ្ឍប្រទេស លើដំណើរផ្លូវប្រកបដោយសន្តិភាព និងស្ថិរភាព ក៏ដូចជាការពង្រឹងកិត្យានុភាពជាតិក្នុងនាមជាប្រទេសអធិបតេយ្យសើ្មមុខស្មើមាត់ជាមួយគ្រប់បណ្តាប្រទេសតូចធំលើឆាកអន្តរជាតិ។ ហេតុនេះ សូមអញ្ជើញទៅចូលរួមបោះឆ្នោតឱ្យបានគ្រប់ៗគ្នា និងសូមបោះឆ្នោតជូនគណបក្សប្រជាជនកម្ពុជា ដើម្បីផ្តល់ឱកាសជូនសម្តេចតេជោប្រមុខដឹកនាំគណបក្ស ព្រមទាំងថ្នាក់ដឹកនាំ សមាជិក ទាំងអស់បន្តកិច្ចការបម្រើជាតិ និងប្រជាជន ដោយនាំនាវាកម្ពុជាឆ្ពោះទៅកាន់ត្រើយសុភមង្គល និងវឌ្ឍនភាពរុងរឿង៕ ដោយ៖ គង់ ឌិន

ជនភៀសខ្លួនអ៊ុយក្រែនរាប់លាននាក់នឹងប្រឈមសីតុណ្ហភាពត្រជាក់ខ្លាំងនៅអឺរ៉ុបខាងកើតក្នុងសប្ដាហ៍នេះ

អឺរ៉ុប៖ ជនភៀសខ្លួនចំនួន ២លាននាក់ដែលបានរត់ភៀសខ្លួនចេញពីប្រទេសអ៊ុយក្រែន ចូលទៅកាន់បណ្ដាប្រទេសជិតខាងនឹងប្រឈមទៅនឹងសីតុណ្ហភាពចុះត្រជាក់ខ្លាំង នៅទូទាំងអឺរ៉ុបខាងកើតនៅសប្ដាហ៍នេះ។ អាកាសធាតុចុះត្រជាក់បានគ្របដណ្ដប់ពាសពេញតំបន់កាលពីថ្ងៃចន្ទ ហើយសីតុណ្ហភាពនឹងបន្តធ្លាក់ចុះនៅពេលប៉ុន្មានថ្ងៃខាងមុខ ខណៈខ្យល់ត្រជាក់ខ្លាំងនៅតំបន់អាកទិក។សារព័ត៌មាន Fox News បានរាយការណ៍ថា ទីក្រុង Mariupol របស់ប្រទេសអ៊ុយក្រែនគ្មានអគ្គិសនី និងខ្វះខាតទឹកប្រើប្រាស់ ស្របពេលមានសីតុណ្ហភាពអាក្រក់បែបនេះ។ ជនភៀសខ្លួនចេញពីអ៊ុយក្រែនបានឆ្លងកាត់ព្រំដែនចូលទៅក្នុងទីក្រុង Siret ភាគខាងជើងរបស់ប្រទេសរ៉ូម៉ានីកាលពីថ្ងៃអង្គារ ក្រោមអាកាសធាតុត្រជាក់ធ្លាក់ព្រិលយ៉ាងខ្លាំង។ នៅព្រំដែនឆ្លងចូលទីក្រុង Siret នេះដែរ ស្ត្រីដែលកំពុងគេចចេញពីសង្គ្រាមនៅក្នុងប្រទេសអ៊ុយក្រែន ត្រូវបានទទួលស្វាគមន៍ដោយជូនផ្កា tulips និងផ្កាផ្សេងទៀតដើម្បីអបអសារទិវាសិទ្ធិនារីអន្តរជាតិ។ ខណៈមនុស្សមួយចំនួនបានភៀសខ្លួនទៅកាន់ទីក្រុងផ្សេងទៀតក្នុងប្រទេសអ៊ុយក្រែន មនុស្សជាច្រើនបានជ្រើសរើសផ្លូវចាកចេញពីប្រទេសនេះ។អ្នកនាំពាក្យអង្គការទេសន្តរប្រវេសន៍អន្តរជាតិ របស់អង្គការសហប្រជាជាតិបានសរសេរលើ Twitter ថា មនុស្ស ២លាននាក់បានចាកចេញ ហើយក្នុងនោះមានយ៉ាងហោចណាស់ ១០ម៉ឺននាក់ដែលមិនមែនជាជនជាតិអ៊ុយក្រែន។ ខណៈដែលការវាយប្រហារពីរុស្ស៊ីលើអ៊ុយក្រែនឈានចូលដល់សប្ដាហ៍ទី២ ទាហានរុស្ស៊ីបានបើកការវាយលុករុលទៅមុខក្នុងប្រទេសអ៊ុយក្រែនភាគខាងត្បូង ប៉ុន្តែផ្អាកនៅក្នុងតំបន់មួយចំនួនផ្សេងទៀត។ ការបាញ់ផ្លោង និងគ្រាប់រ៉ូកែតបានស្រោចលើមជ្ឈមណ្ឌលនានា ដែលមានប្រជាជនច្រើនផ្សេងទៀតរួមមានតំបន់ Bucha ជាយរដ្ឋធានីគីវ ជាទីដែលអភិបាលក្រុងបានរាយការណ៍ពីការបាញ់ផ្លោងដោយគ្រាប់កាំភ្លើងធំ៕អត្ថបទ៖ សុខមាន

លោក Zelenskyy ថ្លែងទៅកាន់សភាអង់គ្លេស និងសន្យាប្រយុទ្ធដល់ទីបញ្ចប់

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានថ្លែងទៅកាន់សភាចក្រភពអង់គ្លេសកាលពីថ្ងៃអង្គារថា លោកកំពុងនិយាយទៅកាន់សភាក្នុងនាមជាពលរដ្ឋ និងក្នុងនាមជាប្រធានាធិបតី។ លោកបានថ្លែងថា លោកមានបំណងពិភាក្សាអំពីសង្គ្រាម ដែលប្រជាជនអ៊ុយក្រែនមិនបានចាប់ផ្តើម និងមិនចង់បានសង្គ្រាម។ប៉ុន្តែទោះជាយ៉ាងណា យើងត្រូវធ្វើសង្គ្រាមនេះ។ យើងមិនចង់បាត់បង់អ្វីដែលយើងមាន អ្វីជារបស់យើងប្រទេស យើងអ៊ុយក្រែន ដូចដែលអ្នកមិនចង់បាត់បង់ប្រទេសរបស់អ្នក នៅពេលដែលរបបណាស៊ីចាប់ផ្ដើមប្រយុទ្ធនៅប្រទេសរបស់អ្នក ហើយអ្នកត្រូវតែប្រយុទ្ធដើម្បីចក្រភពអង់គ្លេស។ មេដឹកនាំអ៊ុយក្រែនបាននិយាយដោយសំដៅ ទៅលើការប្រយុទ្ធរបស់អង់គ្លេសប្រឆាំងណាស៊ីអាល្លឺម៉ង់ ក្នុងអំឡុងសង្គ្រាមលោកលើកទី២។ប្រធានាធិបតីអ៊ុយក្រែនលោក Volodymyr Zelenskyy បានប្រាប់សភាចក្រភពអង់គ្លេសថា ប្រទេសរបស់លោកនឹងប្រយុទ្ធប្រឆាំងការវាយលុករបស់រុស្ស៊ីដល់ទីបញ្ចប់នៅក្នុងទីក្រុង និងតំបន់នានារបស់អ៊ុយក្រែន។ យើងនឹងមិនបោះបង់ ហើយយើងនឹងមិនចុះចាញ់ឡើយ។ ថ្លែងតាមវីដេអូពីប្រទេសអ៊ុយក្រែនទៅកាន់សភាអង់គ្លេស លោក Zelenskyy បានជំរុញឱ្យចក្រភពអង់គ្លេសបង្កើនការដាក់ទណ្ឌកម្មលើរុស្ស៊ី និងទទួលស្គាល់ប្រទេសរុស្ស៊ីជាប្រទេសភេរវករ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

កម្ពុជាពន្លឿនការផលិតផលិតផលសម្រេចបង្កើនតម្លៃបន្ថែម និងពង្រឹងភាពធន់សេដ្ឋកិច្ច

ពលករខ្មែរចំនួន៥១នាក់ ត្រូវបានអាជ្ញាធរថៃ បញ្ជូនមកវិញ តាមច្រកទ្វារព្រំដែនអន្តរជាតិប៉ោយប៉ែត

កម្ពុជាបានចំណូលជាង ១៨លានដុល្លារ ពីការលក់សំបុត្រជូនទេសចរអន្តរជាតិចូលទស្សនារមណីយដ្ឋានអង្គរក្នុងឆមាសទី១

ឯកឧត្តម ហ៊ុន ម៉ានី អបអរសាទរខួបលើកទី៨ នៃការទទួលបានឯតទគ្គកម្ម «ក្រមាវែងជាងគេបំផុតលើពិភពលោក» ១កក្កដា២០១៨-១កក្កដា ២០២៦

ក្រសួងការងារ នឹងនាំយកឱកាសការងារ អត្ថប្រយោជន៍សង្គម និងការបណ្ដុះបណ្ដាលជំនាញដោយឥតគិតថ្លៃជូនដល់អតីតពលករ និងពលរដ្ឋខេត្ដបន្ទាយមានជ័យនាចុងសប្ដាហ៍នេះ

មេបញ្ជាការកងទ័ពជើងគោក កម្ពុជា-អាមេរិក បញ្ជាក់ការប្តេជ្ញាចិត្តក្នុងការពង្រឹង និងពង្រីកកិច្ចសហប្រតិបត្តិការរវាងកងទ័ពជើងគោកទាំងពីរ

ក្រសួងបរិស្ថានបានទប់ស្កាត់ការបញ្ចេញទឹកកខ្វក់ពីក្រុមហ៊ុន រោងចក្រ និងសហគ្រាសបានចំនួនជាង ១២ ៨៩០ ៤៤៥ ម៉ែត្រគូបមិនឱ្យហូរចូលក្នុងប្រភពទឹកធម្មជាតិក្នុងឆមាសទី១ ឆ្នាំ២០២៦

ក្រសួងវប្បធម៌ និងវិចិត្រសិល្បៈ នឹងរៀបចំបើកមហោស្រពជាតិភាពយន្តខ្នាតខ្លីកម្ពុជាលើកទី៥ ឆ្នាំ២០២៦

កម្ពុជា-អាមេរិក ចុះកិច្ចព្រមព្រៀងដឹកជញ្ជូនតាមផ្លូវអាកាស ដើម្បីជំរុញកិច្ចសហប្រតិបត្តិការអាកាសចរណ៍ទ្វេភាគី

Ronald Koeman លាលែងពីតំណែងគ្រូបង្វឹកហូឡង់ ខណៈសហព័ន្ធបាល់ទាត់ថ្កោលទោសការរើសអើងជាតិសាសន៍លើកីឡាករ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ម៉ាកផលិតផលល្បីៗរបស់លោកខាងលិចបានបិទហាងនៅតាមផ្សារទំនើបរបស់រុស្ស៊ី

លោក Zelenskyy អំពាវនាវដល់ទាហានរុស្ស៊ីឱ្យចាកចេញ និងរក្សាច្រករបៀង

ការខូចខាត និងរងរបួសពីការវាយប្រហាររបស់រុស្ស៊ីលើមន្ទីរពេទ្យកុមារក្នុងទីក្រុង Mariupol

រុស្ស៊ីក្លាយជាប្រទេសរួបរឹតដោយទណ្ឌកម្មច្រើនជាងគេបំផុតលើពិភពលោក

កំហឹងផ្ទុះឡើងក្នុងពេលរុស្ស៊ីវាយប្រហារលើមន្ទីរពេទ្យកុមារ ខណៈជនស៊ីវិលស្លាប់កាន់តែច្រើន

សហរដ្ឋអាមេរិកថ្កោលទោសការវាយប្រហារដ៏ព្រៃផ្សៃលើមន្ទីរពេទ្យកុមារនៅអ៊ុយក្រែន

បេក្ខជនអភិរក្សនិយមដណ្ដើមបានជ័យជម្នះក្នុងការបោះឆ្នោតប្រធានាធិបតីកូរ៉េខាងត្បូង

ឯកឧត្ដម ហ៊ុន ម៉ាណែត លើកឡើងថា កត្តាសំខាន់ ៣ ដែលធ្វើឱ្យកម្ពុជាទទួលជោគជ័យលើសង្គ្រាមកូវីដ

ជនភៀសខ្លួនអ៊ុយក្រែនរាប់លាននាក់នឹងប្រឈមសីតុណ្ហភាពត្រជាក់ខ្លាំងនៅអឺរ៉ុបខាងកើតក្នុងសប្ដាហ៍នេះ

លោក Zelenskyy ថ្លែងទៅកាន់សភាអង់គ្លេស និងសន្យាប្រយុទ្ធដល់ទីបញ្ចប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ម៉ាក​ផលិតផល​ល្បី​ៗ​របស់​លោក​ខាងលិច​បាន​បិទ​ហាង​នៅ​តាម​ផ្សារ​ទំនើប​របស់​រុស្ស៊ី​

លោក Zelenskyy អំពាវនាវ​ដល់​ទាហាន​រុស្ស៊ី​ឱ្យ​ចាកចេញ និង​រក្សា​ច្រក​របៀង​

ការខូចខាត​ និង​​​រងរបួស​ពីការវាយប្រហារ​​​​របស់​រុស្ស៊ី​លើ​មន្ទីរពេទ្យ​កុមារ​ក្នុងទីក្រុង Mariupol

រុស្ស៊ី​ក្លាយ​ជា​ប្រទេស​រួបរឹត​ដោយ​ទណ្ឌកម្ម​ច្រើន​ជាង​គេ​បំផុត​លើ​ពិភពលោក

កំហឹង​ផ្ទុះឡើង​ក្នុង​ពេល​រុស្ស៊ី​វាយប្រហារ​លើ​មន្ទីរពេទ្យ​កុមារ ខណៈ​ជន​ស៊ីវិល​ស្លាប់​កាន់​តែ​ច្រើន​

សហរដ្ឋអាមេរិក​ថ្កោលទោស​ការវាយប្រហារ​ដ៏​ព្រៃផ្សៃ​លើ​មន្ទីរពេទ្យ​កុមារ​នៅ​អ៊ុយ​ក្រែ​ន​

បេក្ខជន​អភិរក្សនិយម​ដណ្ដើម​បាន​ជ័យជម្នះ​ក្នុង​ការ​បោះឆ្នោត​ប្រធានាធិបតី​កូរ៉េខាងត្បូង​

ឯកឧត្ដម ហ៊ុន ម៉ាណែត លើកឡើងថា កត្តាសំខាន់ ៣ ដែលធ្វើឱ្យកម្ពុជាទទួលជោគជ័យលើសង្គ្រាមកូវីដ

លោក Zelenskyy ថ្លែង​ទៅកាន់​សភា​អង់គ្លេស និង​សន្យា​ប្រយុទ្ធ​ដល់​ទី​បញ្ចប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ម៉ាកផលិតផលល្បីៗរបស់លោកខាងលិចបានបិទហាងនៅតាមផ្សារទំនើបរបស់រុស្ស៊ី

លោក Zelenskyy អំពាវនាវដល់ទាហានរុស្ស៊ីឱ្យចាកចេញ និងរក្សាច្រករបៀង

ការខូចខាត និងរងរបួសពីការវាយប្រហាររបស់រុស្ស៊ីលើមន្ទីរពេទ្យកុមារក្នុងទីក្រុង Mariupol

រុស្ស៊ីក្លាយជាប្រទេសរួបរឹតដោយទណ្ឌកម្មច្រើនជាងគេបំផុតលើពិភពលោក

កំហឹងផ្ទុះឡើងក្នុងពេលរុស្ស៊ីវាយប្រហារលើមន្ទីរពេទ្យកុមារ ខណៈជនស៊ីវិលស្លាប់កាន់តែច្រើន

សហរដ្ឋអាមេរិកថ្កោលទោសការវាយប្រហារដ៏ព្រៃផ្សៃលើមន្ទីរពេទ្យកុមារនៅអ៊ុយក្រែន

បេក្ខជនអភិរក្សនិយមដណ្ដើមបានជ័យជម្នះក្នុងការបោះឆ្នោតប្រធានាធិបតីកូរ៉េខាងត្បូង

លោក Zelenskyy ថ្លែងទៅកាន់សភាអង់គ្លេស និងសន្យាប្រយុទ្ធដល់ទីបញ្ចប់