BTV NEWS

សម្តេចធិបតី ហ៊ុន ម៉ាណែត ចេញសារាចរផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦ នៅរាជធានីភ្នំពេញ តែនៅបណ្តាខេត្តអាចប្រារព្ធធ្វើបានធម្មតា

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ព័ត៌មានសំខាន់ៗ

ពលរដ្ឋអ៊ុយក្រែនស្រែករកជំនួយ ខណៈព្យាយាមរត់គេចចេញពីការវាយប្រហារពីទាហានរុស្ស៊ី

អ៊ុយក្រែន៖ កាលពីថ្ងៃចន្ទប្រជាពលរដ្ឋនៅក្នុងទីក្រុង Irpin ប្រទេសអ៊ុយក្រែនដែលកំពុងព្យាយាមរត់ភៀសខ្លួនចេញពីតំបន់នានា នៃទីក្រុងដែលត្រូវបានទាហានរុស្ស៊ីរឹបអូសបានស្រែកសុំជំនួយ។ ប្រជាពលរដ្ឋម្នាក់បាននិយាយថា ទាហានរុស្ស៊ីកំពុងរត់ពេញទីធ្លាផ្ទះ និងឆែកឆេរគ្រប់ផ្ទះទាំងអស់ដោយបើកទ្វាររបង បន្ទប់ក្រោមដី ឬវាយទម្លាយទ្វារ។អ្នកស្រីបានបន្ថែមថា ពួកគេបានប្រមូលយករបស់របរដែលពួកគេត្រូវការ និងវាយកម្ទេចចោលរបស់ដែលពួកគេមិនត្រូវការ។ ចំណែកពលរដ្ឋម្នាក់ទៀតនិយាយថា ខ្ញុំស្រែកដល់ពិភពលោក សូមបញ្ជូននរណាម្នាក់ឲ្យមកជួយពួកយើងផង។ នៅក្នុងតំបន់ Irpin ដែលត្រូវបានកាត់ផ្តាច់ចរន្តអគ្គិសនី ទឹក និងម៉ាស៊ីនកំដៅអស់រយៈពេលបីថ្ងៃ មនុស្សមួយចំនួនបានមើលឃើញរថក្រោះយ៉ាងហោចណាស់ចំនួន ៣គ្រឿងកាលពីថ្ងៃចន្ទ ហើយបាននិយាយថា ទាហានរុស្ស៊ីកំពុងរឹបអូសផ្ទះ និងរថយន្ត។ យោងតាមអភិបាលក្រុង Irpin លោក Oleksander Markyshin បាននិយាយថា ជនស៊ីវិលប្រហែល ៨នាក់ស្លាប់ដោយសារការបាញ់ផ្លោងរបស់រុស្ស៊ីនៅក្នុងទីក្រុងនេះ។ អ្នកស្លាប់រួមមានគ្រួសារមួយផងដែរ។អ្នកស្រុក Irpin បានព្យាយាមភៀសខ្លួនចេញពីជាយរដ្ឋធានី Kyiv កាលពីចុងសប្តាហ៍ ខណៈដែលការបាញ់ផ្លោងនៅតែបន្ត បើទោះបីជាមានបទឈប់បាញ់ក៏ដោយ។ គ្រួសារជាច្រើនដែលកំពុងភ័យស្លន់ស្លោរត់តាមដងផ្លូវទៅរថយន្តក្រុង ហើយម្ដាយអស់សង្ឃឹមមួយចំនួនប្រគល់កូនឲ្យទៅទាហាន និងមនុស្សប្លែកមុខដែលពួកគេមិនដែលស្គាល់ដើម្បីជួយឲ្យពួកគេរត់គេចខ្លួន។ មនុស្សជាច្រើនបានជាប់គាំងនៅក្នុងផ្ទះរបស់ពួកគេអស់ជាច្រើនថ្ងៃ ហើយឥឡូវនេះកំពុងព្យាយាមភៀសខ្លួនបន្ទាប់ពីការប្រកាសបទឈប់បាញ់៕អត្ថបទ៖ សុខមាន

រុស្ស៊ីព្រមានលោកខាងលិចជុំវិញបម្រាមនាំចូលប្រេង ខណៈការចរចារវាងរុស្ស៊ី-អ៊ុយក្រែនមានភាពរីកចម្រើនតិចតួច

រុស្ស៊ី៖ ប្រទេសរុស្ស៊ីបានព្រមានថា តម្លៃប្រេងអាចហក់ឡើងដល់ ៣០០ដុល្លារអាមេរិកក្នុងមួយបារ៉ែល ហើយខ្លួនអាចនឹងបិទបំពង់បង្ហូរឧស្ម័នដ៏សំខាន់ទៅកាន់អាល្លឺម៉ង់ ប្រសិនបើប្រទេសលោកខាងលិចបញ្ឈប់ការនាំចូលប្រេងជុំវិញការវាយប្រហារលើអ៊ុយក្រែន ខណៈការចរចាស្វែងរកសន្តិភាពកាលពីថ្ងៃចន្ទ បានត្រឹមតែបង្កើតភាពរីកចម្រើនតិចតួចប៉ុណ្ណោះ។ការវាយលុក ដែលជាការវាយប្រហារដ៏ធំបំផុតលើរដ្ឋមួយក្នុងតំបន់អឺរ៉ុប ចាប់តាំងពីសង្គ្រាមលោកលើកទី២ មកបានបង្ខំឲ្យប្រជាជនអ៊ុយក្រែនប្រមាណ ១.៧លាននាក់រត់ភៀសខ្លួនចូលទៅកាន់ប្រទេសជិតខាង ការសម្រុករោមរឹតទណ្ឌកម្មទីក្រុង Moscow ការដកក្រុមហ៊ុនបរទេសចេញដ៏ច្រើន និងក្ដីបារម្ភថា ជម្លោះនឹងរីកកាន់តែធំមិនធ្លាប់មានរយៈពេលជាច្រើនទសវត្សរ៍នៅអឺរ៉ុប។ ការឡោមទ័ព និងការទម្លាក់គ្រាប់បែកលើទីក្រុងជាច្រើនរបស់អ៊ុយក្រែននៅតែបន្ត។ ក្រុមមន្ត្រីអ៊ុយក្រែននិយាយថា ការវាយប្រហាររបស់រុស្ស៊ីទៅលើរោងចក្រផលិតនំប៉័ងបានសម្លាប់មនុស្ស ១៣នាក់ នៅក្នុងទីក្រុង Makariv ស្ថិតក្នុងតំបន់ Kyiv។ សារព័ត៌មាន Reuters មិនអាចស្វែងរកការផ្ទៀងផ្ទាត់ឲ្យលម្អិតបានទេ។ ចំណែកភាគីរុស្ស៊ីវិញបានទាត់ចោលការចោទប្រកាន់ដែលថា ខ្លួនបានដាក់គោលដៅលើជនស៊ីវិល។ ខណៈដែលកំពុងព្យាយាមពង្រីកទម្ងន់សម្ពាធលើលោកប្រធានាធិបតីរុស្ស៊ី Vladimir Putin សហរដ្ឋអាមេរិកនិយាយថា ក្រុង Washington និងសម្ព័ន្ធមិត្តសហភាពអឺរ៉ុបរបស់ខ្លួនបានកំពុងពិចារណា ដាក់បម្រាមមិនឲ្យនាំចូលប្រេងចូលទៅក្នុងប្រទេសរុស្ស៊ី។ តម្លៃប្រេងបានហក់ឡើងដល់កម្រិតខ្ពស់បំផុតចាប់តាំងពីឆ្នាំ២០០៨ មក។ លោកប្រធានាធិបតីអាមេរិក Joe Biden បានធ្វើសន្និសីទតាមវីដេអូជាមួយបណ្ដាមេដឹកនាំបារាំង អាល្លឺម៉ង់ និងចក្រភពអង់គ្លេស ខណៈលោកបានជំរុញឲ្យមានការគាំទ្រលើបម្រាមនេះ៕អត្ថបទ៖ សុខមាន

ទីភ្នាក់ងារជនភៀសខ្លួន UN និយាយថា ជនភៀសខ្លួនជាង ១.៥លាននាក់ភៀសខ្លួនចេញពីអ៊ុយក្រែន

អ៊ុយក្រែន៖ ប្រធានទីភ្នាក់ងារជនភៀសខ្លួនរបស់អង្គការសហប្រជាជាតិ បាននិយាយកាលពីថ្ងៃអាទិត្យថា ជនភៀសខ្លួនជាង ១,៥លាននាក់បានឆ្លងពីអ៊ុយក្រែនទៅកាន់ប្រទេសជិតខាង ចាប់តាំងពីប្រទេសរុស្ស៊ីចូលឈ្លានពាន។លោក Filippo Grandi បាននិយាយទៅកាន់អ្នកសារព័ត៌មាននៅច្រកព្រំដែនអ៊ុយក្រែន-ប៉ូឡូញក្នុងទីក្រុង Medyka ភាគអាគ្នេយ៍ប្រទេសប៉ូឡូញថា ជំនួយអន្តរជាតិគឺចាំបាច់សម្រាប់ប្រទេសប៉ូឡូញ និងប្រទេសផ្សេងទៀតដែលទទួលជនភៀសខ្លួនពីអ៊ុយក្រែន។ លោកនិយាយថា ការព្យាករណ៍ពិបាកនឹងធ្វើ យើងដឹងថា មនុស្សរាប់សែននាក់កំពុងធ្វើដំណើរនៅក្នុងប្រទេសអ៊ុយក្រែន រួមទាំងកំពុងឆ្លងកាត់ព្រំដែន។ កាកបាទក្រហមអន្តរជាតិ និងអង្គការសហប្រជាជាតិកំពុងចរចារពីដំណើរការចូលទៅកាន់ទីក្រុងនានាក្នុងប្រទេសអ៊ុយក្រែន ដែលរងផលប៉ះពាល់ខ្លាំងបំផុតដោយការប្រយុទ្ធគ្នា ចាប់តាំងពីរុស្ស៊ីបានឈ្លានពាននៅថ្ងៃទី២៤ ខែកុម្ភៈ។លោកនិយាយថា ការពិភាក្សាទាំងនោះបន្តជាមួយនឹងក្តីសង្ឃឹមសម្រាប់ភាពជោគជ័យ ប៉ុន្តែមិនបានផ្តល់ឈ្មោះទីក្រុងជាក់លាក់នោះទេ។ ច្រករបៀងទាំងនោះមានប្រយោជន៍ក្នុងការនាំយកជំនួយមនុស្សធម៌ របស់របរជាមូលដ្ឋានទៅឱ្យប្រជាជនដែលពិតជាមានតម្រូវការដោយអស់សង្ឃឹម។ ប៉ុន្តែអ្វីដែលត្រូវការពិតប្រាកដគឺបទឈប់បាញ់ គឺការបញ្ចប់ជម្លោះ ព្រោះនោះជាមធ្យោបាយតែមួយគត់ដើម្បីបញ្ឈប់សោកនាដកម្មនេះ៕អត្ថបទ៖ ប៊ុនថន

ប្រជាជនដុតលិខិតឆ្លងដែនរុស្ស៊ីនៅទីក្រុងប៊ែលក្រាដក្នុងបាតុកម្មប្រឆាំងសង្គ្រាម

ស៊ែប៊ី៖ ពលរដ្ឋរុស្ស៊ីមួយក្រុមដែលកំពុងរស់នៅក្នុងប្រទេសស៊ែប៊ី ស្ថិតក្នុងចំណោមប្រជាជនរាប់រយនាក់កាលពីថ្ងៃអាទិត្យ បានទប់ទល់នឹងសីតុណ្ហភាពត្រជាក់ ដើម្បីប្រមូលផ្តុំគ្នានៅកណ្តាលទីក្រុងប៊ែលក្រាដ ដើម្បីគាំទ្រប្រទេសអ៊ុយក្រែន។បុរសជនជាតិរុស្ស៊ីម្នាក់បានដុតលិខិតឆ្លងដែនរុស្ស៊ីរបស់លោក ដើម្បីបង្ហាញពីការប្រឆាំងចំពោះការឈ្លានពានលើអ៊ុយក្រែន។ ពលរដ្ឋមួយចំនួនទៀតកាន់ទង់ជាតិអ៊ុយក្រែន ខណៈស្រែកប្រឆាំងសង្គ្រាមនៅអ៊ុយក្រែន និងប្រឆាំងប្រធានាធិបតីរុស្ស៊ីលោក Vladimir Putin។ លោក Vladimir Nesimov បាននិយាយបន្ទាប់ពីដុតលិខិតឆ្លងដែនរបស់លោកថា ខ្ញុំមិនចង់ឲ្យមានអ្វីត្រូវធ្វើ ដែលរុស្ស៊ីកំពុងធ្វើនៅលើទឹកដីអ៊ុយក្រែន និងនៅលើពិភពលោកនោះទេ។ លោក Vladimir Nesimov និងភរិយារបស់លោកឈ្មោះ Evelina Nesimova បានធ្វើដំណើរទៅកាន់ទីក្រុង Belgrade ពីទីក្រុង Loznica ភាគខាងលិចប្រទេសស៊ែប៊ី ដើម្បីចូលរួមការប្រមូលផ្តុំកាលពីថ្ងៃអាទិត្យ ដែលរៀបចំដោយសកម្មជនសន្តិភាព និងប្រជាជនរុស្ស៊ីកំពុងរស់នៅក្នុងប្រទេសស៊ែប៊ី។លោកស្រី Evelina Nesimova បាននិយាយថា ប្តីប្រពន្ធរបស់គាត់បានផ្លាស់ពីទីក្រុងមូស្គូក្នុងឆ្នាំ២០១៤ បន្ទាប់ពីការឈ្លានពានរបស់រុស្ស៊ីលើតំបន់គ្រីមៀ។ មានការភ័យខ្លាចថា ភាពតានតឹងជុំវិញសង្គ្រាមនៅអ៊ុយក្រែនអាចផ្ទុះឡើងដល់តំបន់បាល់កង់ ដែលងាយនឹងកើតឡើងដែលបានឆ្លងកាត់សង្គ្រាមជនជាតិភាគតិច ជាបន្តបន្ទាប់នៅក្នុងទសវត្សឆ្នាំ១៩៩០៕អត្ថបទ៖ ប៊ុនថន

អង្គការសហប្រជាជាតិ៖ អ៊ុយក្រែនមានវិបត្តិជនភៀសខ្លួនកើនឡើងលឿនបំផុតចាប់តាំងពីសង្គ្រាមលោកលើកទី២ មក

អ៊ុយក្រែន៖ យោងតាមទីភ្នាក់ងារជនភៀសខ្លួនរបស់អង្គការសហប្រជាជាតិ ការវាយប្រហាររបស់រុស្ស៊ីលើអ៊ុយក្រែនបានបណ្ដាលឲ្យមានវិបត្តិជនភៀសខ្លួន កើនឡើងលឿនបំផុតនៅអឺរ៉ុបចាប់តាំងពីសង្គ្រាមលោកលើកទី២ មក។ការព្រមាននេះបានកើតមានឡើង ខណៈក្រុមអ្នកឃើញហេតុការណ៍បានហៅថា ជាឧបទ្ទវហេតុដែលមនុស្ស ៣នាក់ព្យាយាមរត់គេចចេញពីការវាយប្រយុទ្ធគ្នានៅក្នុងទីក្រុង Irpin ជិតរដ្ឋធានីគីវ ជាទីដែលពួកគេបានស្លាប់នៅពេលការបាញ់ផ្លោងពីកងកម្លាំងរុស្ស៊ីធ្លាក់ចំ អំឡុងការជម្លៀសដែលបានរៀបចំកាលពីថ្ងៃអាទិត្យ។ចំនួនជនស៊ីវិលអ៊ុយក្រែនដ៏ច្រើននៅតែបន្តភៀសខ្លួនចេញពីទីក្រុងនានា ដែលស្ថិតក្រោមការវាយប្រហារ និងការទម្លាក់គ្រាប់បែករបស់រុស្ស៊ី រួមទាំងទីក្រុងឆ្នេរ Mariupol ដែលស្ថិតក្នុងការឡោមព័ទ្ធ ជាទីដែលកងកម្លាំងរុស្ស៊ីបានព្រមព្រៀងជាថ្មីឲ្យមានការជម្លៀសបន្ទាន់។ ប្រមុខទីភ្នាក់ងារជនភៀសខ្លួនរបស់អង្គការសហប្រជាជាតិបាននិយាយកាលពីថ្ងៃអាទិត្យថា ជនភៀសខ្លួនជាង ១,៥លាននាក់បានឆ្លងពីអ៊ុយក្រែនទៅកាន់ប្រទេសជិតខាង ចាប់តាំងពីប្រទេសរុស្ស៊ីចូលវាយប្រហារអ៊ុយក្រែន៕អត្ថបទ៖ សុខមាន

នាយករដ្ឋមន្ត្រីអ៊ីស្រាអែលប្ដេជ្ញាប្រឹងប្រែងផ្នែកការទូតជួយដោះស្រាយវិបត្តិអ៊ុយក្រែន ក្រោយជួបលោក Putin

អ៊ីស្រាអែល៖ លោកនាយករដ្ឋមន្ត្រីអ៊ីស្រាអែលបាននិយាយថា ប្រទេសរបស់លោកនឹងបន្តជួយក្នុងការស្វែងរកដំណោះស្រាយការទូតសម្រាប់វិបត្តិអ៊ុយក្រែន ទោះបីជាមានឱកាសទទួលបានជោគជ័យតិចតួចក៏ដោយ។លោក Naftali Bennett បាននិយាយកាលពីថ្ងៃអាទិត្យទៅកាន់ជំនួបគណៈរដ្ឋមន្ត្រីរបស់លោក ប៉ុន្មានម៉ោងបន្ទាប់ពីលោកបានវិលត្រឡប់ពីជំនួបដ៏ភ្ញាក់ផ្អើលជាមួយប្រធានាធិបតីរុស្ស៊ី Vladimir Putin កាលពីថ្ងៃសៅរ៍ក្នុងទីក្រុង Moscow ជាទីដែលមេដឹកនាំទាំង២ បានពិភាក្សាពីសង្គ្រាមជាមួយអ៊ុយក្រែន។ ហើយបន្ទាប់មកលោកបានធ្វើដំណើរទៅកាន់ប្រទេសអាល្លឺម៉ង់ ជាទីដែលលោកបានជួបជាមួយអធិការបតីអាល្លឺម៉ង់លោក Olaf Scholz។ លោក Bennett ពុំបានបញ្ជាក់លម្អិតពីជំនួបរវាងលោក និងលោក Putin ប៉ុន្តែបានហៅកិច្ចខិតខំប្រឹងប្រែងសម្របសម្រួលរបស់ប្រទេសនេះថា ជាតួនាទីប្រកបដោយសីលធម៌របស់យើង។កាលពីពេលថ្មីៗនេះការិយាល័យរបស់លោកបាននិយាយថា លោក និងប្រធានាធិបតីអ៊ុយក្រែន Volodymyr Zelenskyy បានសន្ទនាតាមទូរស័ព្ទកាលពីព្រឹកថ្ងៃអាទិត្យ ជាការសន្ទនាលើកទី៣ រវាងមេដឹកនាំទាំង២ កាលពីប៉ុន្មានថ្ងៃកន្លងទៅមកនេះ។ នៅក្នុងការអត្ថាធិប្បាយធ្វើឡើងដោយទីភ្នាក់ងារសារព័ត៌មាន Interfax អ្នកនាំពាក្យវិមានក្រឹមឡាំងបានបញ្ជាក់ថា ដំណើរទស្សនកិច្ចដ៏ភ្ញាក់ផ្អើលរបស់លោកនាយករដ្ឋមន្ត្រីអ៊ីស្រាអែល Bennett គឺដើម្បីពិភាក្សាពីស្ថានភាពជុំវិញវិបត្តិអ៊ុយក្រែន៕ អត្ថបទ៖ សុខមាន

អង្គការសហប្រជាជាតិ៖ ជនស៊ីវិលជាង ៣៦០នាក់បានស្លាប់ក្នុងការវាយប្រហាររបស់រុស្ស៊ីនៅអ៊ុយក្រែន

អ៊ុយក្រែន៖ បេសកកម្មឃ្លាំមើលជម្លោះរបស់អង្គការសហប្រជាជាតិ បាននិយាយកាលពីថ្ងៃអាទិត្យថា ជនស៊ីវិលយ៉ាងហោចណាស់ ៣៦៤នាក់ត្រូវគេបញ្ជាក់ថាបានស្លាប់ក្នុងប្រទេសអ៊ុយក្រែន ចាប់តាំងពីកងទ័ពរុស្ស៊ីបានឈ្លានពានចូលកាលពីថ្ងៃទី២៤ ខែកុម្ភៈ និងមនុស្សចំនួន ៧៥៩នាក់ផ្សេងទៀតបានរងរបួស ទោះបីជាចំនួនពិតប្រាកដអាចមានច្រើនជាងនេះក៏ដោយ។យោងតាមអង្គការនេះ អ្នកស្លាប់សរុបរួមមានបុរស ៧៤នាក់, ស្ត្រី ៤២នាក់, ក្មេងប្រុស ៨នាក់ និងក្មេងស្រី ៤នាក់ព្រមទាំងកុមារតូច ១៣នាក់ និងយុវជន ២២៣នាក់ដែលត្រូវបានគេដឹងភេទ។ ចំណែកអ្នករងរបួសសរុបរួមមានបុរស ៦៧នាក់, ស្ត្រី ៤៨នាក់, ក្មេងស្រី ១១នាក់ និងក្មេងប្រុស ២នាក់ព្រមទាំងកុមារតូច ២៨នាក់ និងមនុស្សជំទង់ ៦០៣នាក់។អង្គការនេះបាននិយាយក្នុងសេចក្ដីថ្លែងការណ៍ថា ភាគច្រើននៃជនរងគ្រោះជាជនស៊ីវិលបានកត់ត្រាស្លាប់ ដោយសារតែការប្រើប្រាស់គ្រឿងផ្ទុះដែលមានវិសាលភាពប៉ះពាល់ខ្លាំង រួមទាំងការបាញ់ផ្លោងចេញពីកាំភ្លើងធំ និងប្រព័ន្ធបាញ់គ្រាប់រ៉ូកែត មីស៊ីល និងការវាយប្រហារតាមអាកាស៕អត្ថបទ៖ សុខមាន

លោក Zelenskyy ស្នើឲ្យលោកខាងលិចបន្តជួយការពារដែនអាកាសរបស់អ៊ុយក្រែន

អ៊ុយក្រែន៖ កាលពីថ្ងៃអាទិត្យលោកប្រធានាធិបតីអ៊ុយក្រែន Volodymyr Zelenskyy បានបញ្ជាក់ពីសំណើរបស់លោកជាថ្មីសម្រាប់យន្តហោះចម្បាំងរបស់យោធាអ៊ុយក្រែន ប្រសិនបើលោកខាងលិចនៅតែបន្តច្រានចោលការបង្កើតតំបន់គ្មានការហោះហើរលើប្រទេសនេះ។លោក Zelenskyy បាននិយាយនៅក្នុងសារជាវីដេអូថា ពិភពលោកកំពុងមានភាពរឹងមាំល្មមក្នុងការបិទដែនអាកាសរបស់យើង។ ប៉ុន្តែបើសិននរណាម្នាក់នៅតែមានចម្ងល់ អញ្ចឹងអ៊ុយក្រែនត្រូវការយន្តហោះ។ ការបង្កើតតំបន់គ្មានការហោះហើរនឹងធ្វើឲ្យជម្លោះរីកកាន់តែធំ ដោយសារតែមានការចូលរួមពីកងកម្លាំងយោធាបរទេស។ ទោះបីជាសហរដ្ឋអាមេរិក និងបណ្ដាសម្ព័ន្ធមិត្តលោកខាងលិចជាច្រើន បានគាំទ្រដល់អ៊ុយក្រែនដោយការបញ្ជូនគ្រឿងសព្វាវុធទៅក៏ដោយ ប៉ុន្តែពុំទាន់មានការបញ្ជូនកងទ័ពទៅកាន់ប្រទេសនោះនៅឡើយទេ។ បណ្ដាប្រទេសជាសម្ព័ន្ធយោធាណាតូ បានច្រានចោលការបង្កើតគោលនយោបាយតំបន់គ្មានការហោះហើរ ដែលនឹងរារាំងយន្តហោះដែលគ្មានការអនុញ្ញាតមិនឲ្យហោះហើរនៅលើដែនអាកាសរបស់អ៊ុយក្រែន៕អត្ថបទ៖ សុខមាន

លោក Putin សម្រេចឲ្យមានជំនួបស្ដីពីសុវត្ថិភាពនុយក្លេអ៊ែររបស់អ៊ុយក្រែន

រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយថា លោកបើកចំហចំពោះកិច្ចប្រជុំស្ដីពីសុវត្ថិភាពនៃរោងចក្រនុយក្លេអ៊ែរនៅអ៊ុយក្រែន ប៉ុន្តែថាវាមិនគួរនៅក្នុងទីក្រុង Chernobyl ជាទីតាំងដែលស្នើដោយនាយកទីភ្នាក់ងារថាមពលបរមាណូអន្តរជាតិ (IAEA) លោក Rafael Mariano Grossi នោះទេ។នៅក្នុងការសន្ទនាតាមទូរស័ព្ទជាមួយសមភាគីបារាំងលោក Emmanuel Macron កាលពីថ្ងៃអាទិត្យលោក Putin បានចោទប្រកាន់ក្រុមជ្រុលនិយមអ៊ុយក្រែនថា បានបង្កើត "ការបង្ករឿង" នៅរោងចក្រថាមពលនុយក្លេអ៊ែរ Zaporozhskaya "ដោយមានការចូលរួមពីក្រុមបំផ្លិចបំផ្លាញ"។ ការបាញ់ប្រហារ និងឆាបឆេះនៅរោងចក្រថាមពលនុយក្លេអ៊ែរ Zaporozhskaya របស់អ៊ុយក្រែនកាលពីថ្ងៃទី៤ ខែកុម្ភៈ បានបង្កឲ្យមានក្ដីបារម្ភទូទាំងពិភពលោក និងការចោទប្រកាន់រុស្ស៊ីថា បានបង្កហានិភ័យគ្រោះមហន្តរាយនុយក្លេអ៊ែរ។ ទីក្រុង Kiev និង Moscow បានចោទដាក់គ្នាទៅវិញទៅមក ចំពោះការបង្កស្ថានភាពនេះឡើង៕អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសម្ពោធដាក់ឲ្យប្រើប្រាស់ជាផ្លូវការមន្ទីរពេទ្យមិត្តភាពកម្ពុជា-ចិន ត្បូងឃ្មុំ

ត្បូងឃ្មុំ៖ នៅព្រឹកថ្ងៃទី០៧ ខែមីនា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និង ឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំកម្ពុជា បានអញ្ជើញសម្ពោធដាក់ឱ្យប្រើប្រាស់ មន្ទីរពេទ្យមិត្តភាពកម្ពុជា-ចិនត្បូងឃ្មុំ ដែលជាជំនួយឥតសំណងរបស់រដ្ឋាភិបាល និងប្រជាជនចិន ជូនចំពោះរដ្ឋាភិបាល និងប្រជាជនកម្ពុជា រួមជាមួយការសម្ពោធព្រមគ្នានូវអាគារសាលាបឋមសិក្សា និងវិទ្យាល័យតេជោសែនត្បូងឃ្មុំ ។ដើម្បីទទួលបានព័ត៌មានថ្មីៗ រហ័សសូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗរបស់សម្ដេចតេជោនាយករដ្ឋមន្ត្រី៖- សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ ជាមន្ទីរពេទ្យដ៏ទំនើបជាលើកដំបូងនៅលើដីនៅខេត្តត្បូងឃ្មុំ ដែលមិនត្រឹមផ្តល់សេវាកម្មរក្សាសុខភាព និងព្យាបាលជំងឺ ដល់ប្រជាពលរដ្ឋខេត្តត្បូងឃ្មុំនោះទេ វានឹងមានវិសាលភាពផ្តល់សេវាសុខាភិបាលដល់ពលរដ្ឋខេត្តព្រៃវែង ក្រចេះ ស្ទឹងត្រែង រតនគិរី និងមណ្ឌលគិរីថែមទៀត។- សម្តេចតេជោ ហ៊ុន សែន បានបញ្ជាក់ថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ គឺជាចំណងដៃ កើតចេញពីមិត្តភាព និងកិច្ចសហប្រតិបត្តិការល្អរវាងកម្ពុជា-ចិន ជូនដល់ប្រជាពលរដ្ឋខេត្តត្បូងឃ្មុំ និងមានវិសាលភាពគ្រប់ដណ្តប់ដល់ប្រជាពលរដ្ឋទូទាំងប្រទេសក៏ថាបាន។- សម្តេចតេជោ ហ៊ុន សែន បានបញ្ជាក់ថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ បានទទួលការយកចិត្តមទុកដាក់ខ្ពស់បំផុតពីរដ្ឋាភិបាល នៃសាធារណរដ្ឋប្រជាមានិតចិន ជាពិសេសលោកប្រធានាធិបតីចិន ស៊ី ជិនពីង ដើម្បីធ្វើអោយកាន់តែល្អប្រសើរថែមទៀត ផ្នែកវិស័យសុខាភិបាលកម្ពុជា និងមិត្តភាពដ៏យូរអង្វែងបន្ថែមទៀតរវាងកម្ពុជា-ចិន។- សម្តេចតេជោ ហ៊ុន សែន បានបញ្ជាក់ថា នៅពាក់កណ្តាលខែឧសភា រហូតដល់ពាក់កណ្តាលខែមិថុនា ឆ្នាំ២០២២ សម្តេចមិនអាចចាកចេញពីប្រទេសបានទេ ដោយសារកម្ពុជាត្រូវរៀបចំការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ដែលនឹងឈានចូលមកដល់នាពេលឆាប់ៗខាងមុខនេះ។- សម្តេចតេជោ ហ៊ុន សែន បញ្ជាក់ថា សម្តេចសូមទទួលយកការរិះគន់ពាក់ព័ន្ធវិស័យសុខាភិបាលកម្ពុជានៅទន់ខ្សោយ សម្ភារៈបរិក្ខាពេទ្យមិនសូវទនើប តែកម្ពុជាមានឆន្ទៈធ្វើឲ្យប្រសើរឡើងជាលំដាប់ នូវវិស័យសុខុមាលភាពដ៏សំខាន់មួយនោះ និងពង្រឹងឆន្ទៈក្រុមគ្រូពេទ្យ ដើម្បីឈានទៅសម្រេចគោលដៅ ព្រមទាំងឆន្ទៈនយោបាយ ដែលដាក់ចេញចំពោះវិស័យមួយនេះ។- សម្តេចតេជោ ហ៊ុន សែន ប្រកាសថា កម្ពុជាលំបាក លើសពីការលំបាកពីអតីតកាល ជាពិសេសវិស័យសុខាភិបាល និងការតភ្ជាប់ ហើយអ្វីដែលយើងត្រូវប្រឹងប្រែងនាពេលនេះ គឺការពង្រឹងឆន្ទៈ នៃដំណោះស្រាយជនបទ ជូនប្រជាពលរដ្ឋ។-សម្ដេចតេជោ ហ៊ុន សែន ថ្លែងនៅឆ្នាំ១៩៩៨ ពលរដ្ឋសង្ឃឹមរស់ត្រឹមអាយុជាង ៥០ឆ្នាំប៉ុណ្ណោះ ប៉ុន្តែឥឡូវសង្ឃឹមរស់ដល់ជាង ៧០ឆ្នាំ ឬរហូតដល់ជាង ៩០ឆ្នាំ ដោយសារកត្តាសុខសន្តិភាព និងការអភិវឌ្ឍឲ្យមានការរីកចម្រើនជាបន្តបន្ទាប់។- សម្តេចតេជោ ហ៊ុន សែន ប្រកាសថា ក្រុមមគ្រូពេទ្យត្រូវមានក្រមសីលធម៌ និងវិជ្ជាជីវៈ ទោះកម្ពុជាខ្វះខាតថ្នាំ ឬខ្វះខាតឧបករណ៍បច្ចេកទេសបរិក្ខាទំនើបៗ ក៏អ្នកជំងឺសប្បាយចិត្តដែរ ព្រោះមានការយកចិត្តទុកដាក់ថែទាំពីគ្រូពេទ្យ។- សម្តេចតេជោ ហ៊ុន សែន មានប្រសាសន៍ថា ទោះជាអូមីក្រុងមិនធ្ងន់ធ្ងរបណ្តាលឲ្យស្លាប់ក៏ពិតមែន តែជំងឺនេះបណ្តាលឲ្យមានហានិភ័យសុខភាពនៅក្រោយក៏ថាបាន។- សម្តេចតេជោ ហ៊ុន សែន បានបញ្ជាក់ថា វ៉ាក់សាំងកូវីដ-១៩ គឺជាសេដ្ឋកិច្ច ព្រោះបើគ្មានការចាក់វ៉ាក់សាំងទេ កម្ពុជាមិនអាចដំណើរការបើកប្រទេសឡើងវិញបានឡើយ ហើយកម្ពុជាក៏មិនអាចអនុញ្ញាតឲ្យមានការប្រារព្ធពិធីបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់នាពេលឆាប់ៗខាងមុខនេះបានដែរ។- សម្តេចតេជោ ហ៊ុន សែន ប្រកាសបញ្ជាក់បន្ថែមថា កម្ពុជាមិនគាំទ្រសកម្មភាពបំបែករដ្ឋ, មិនគាំទ្រប្រើប្រាស់កម្លាំង ដើម្បីដោះស្រាយបញ្ហា និងគាំទ្រឲ្យភាគីជម្លោះចូលតុចរចាគ្នា ដើម្បីឈានទៅរកបទឈប់បាញ់ និងសន្តិភាព។- សម្ដេតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា ទោះកម្ពុជាខ្វះវ៉ាក់សាំង ប៉ុន្តែមិនចាក់វ៉ាក់សាំងហួសកាលបរិច្ឆេទដល់ពលរដ្ឋនោះទេ ហើយកម្ពុជាក៏មិនមែនកន្លែងចោលវ៉ាក់សាំងហួសដឺលេនោះដែរ ។- សម្តេចតេជោ ហ៊ុន សែន នៅតែប្រកាសដល់ភាគីជម្លោះរុស្ស៊ី និងអ៊ុយក្រែន ឲ្យមានបទឈប់បាញ់នៅនឹងកន្លែង ដោយសម្តេចបញ្ជាក់ថា រុស្ស៊ីមិនអាចយកឈ្នះអ៊ុយក្រែនបានឡើយ ហើយកងទ័ពរុស្ស៊ី ក៏មិនអាចសម្លាប់កងទ័ពអ៊ុយក្រែនឲ្យអស់ពីទឹកដីនោះដែរ។- សម្តេចតេជោ ហ៊ុន សែន ប្រកាសកុំឲ្យប្រជាពលរដ្ឋខ្មែរធ្វើសកម្មភាពជ្រុសហួស រហូតសុំទៅធ្វើទ័ពជួយអ៊ុយក្រែន ដូចប្រជាជននៃបណ្តាប្រទេសមួយចំនួន ដោយសម្តេចបញ្ជាក់ថា សកម្មភាពទាំងនោះ មិនខុសពីយកសាំងទៅដាក់លើភ្លើងនោះទេ ហើយរដ្ឋធម្មនុញ្ញកម្ពុជា ក៏មិនអនុញ្ញាតឲ្យធ្វើសកម្មភាពបែបនោះឡើយ លើកលែងក្នុងក្របខណ្ឌរក្សាសន្តិភាពក្រោមឆ័ត្ររបស់អង្គការសហប្រជាជាតិប៉ុណ្ណោះ។- សម្តេចតេជោ ហ៊ុន សែន បានប្រកាសថា តម្រូវការជាអាទិភាពកំពូល ក្នុងប្រទេសអ៊ុយក្រែននាពេលនេះគឺ សន្តិភាព។ បើគ្មានសន្តិភាពទេ កុំនិយាយដល់សិទ្ធិមនុស្ស សិទ្ធិរស់រានមានជីវិត និងលទ្ធិប្រជាធិបតេយ្យអោយសោះ។ សិទ្ធិមនុស្ស សិទ្ធិរស់រានមានជវិត និងលទ្ធិប្រជាធិបតេយ្យ មិនមានក្រោមបរិយាកាសប្រទេសកើតសង្គ្រាម ក្រោមគ្រាប់បែក ឬគ្រាប់ផ្លោងនោះទេ។- សម្តេចតេជោ ហ៊ុន សែន បានប្រកាសឲ្យប្រជាពលរដ្ឋកម្ពុជារក្សាឲ្យបាននូវសុខសន្តិភាព ស្ថិរភាពនយោបាយ និងម៉ាក្រូសេដ្ឋកិច្ច។ បើកម្ពុជារក្សាបាន នោះកម្ពុជានឹងធ្វើដំណើរទៅមុខប្រកបដោយវឌ្ឍនភាពខ្ពស់ជាលំដាប់។- សម្តេចតេជោ ហ៊ុន សែន ប្រកាសថា នៅពេលនេះមានអភិបាលខេត្តចំនួន៣ខេត្តហើយ ដែលកើតជំងឺកូវីដ-១៩ ប្រភេទអូមីក្រុង ក្នុងនោះមានអភិបាលខេត្តកំពង់ចាម ,កំពង់ស្ពឺ និងកំពត ហើយសម្តេចក៏បានអំពាវនាវកុំឲ្យមានទស្សនៈបែបលេងសើចថា “បើមិនកើតកូវីដ មិនទាន់សម័យ”។ សង្កថាសម្តេចចប់នៅវេលាម៉ោង៩ និង២៦នាទី

បណ្ដាញសង្គម

ព័ត៌មានថ្មីៗ

របាយការណ៍៖ នាវាមួយគ្រឿងបានជាប់គាំងនៅច្រកសមុទ្រហ័រមូស ដោយសារការបិទផ្លូវ

ប្រជាជនលីបង់រាប់ម៉ឺននាក់ តម្រង់ទៅផ្ទះសម្បែងវិញ ខណៈការប្រយុទ្ធគ្នាធូរស្រាល

បង់ក្លាដែសព្រមានអំពីការកើនឡើងនៃជំងឺគ្រុនឈាម ខណៈមានភ្លៀងធ្លាក់ច្រើន

អង្គការលើកលែងទោសអន្តរជាតិ៖ កងកម្លាំងគាំទ្ររហ័សបានប្រព្រឹត្តអំពើប្រល័យពូជសាសន៍នៅក្នុងប្រទេសស៊ូដង់

មនុស្សម្នាក់ស្លាប់ក្នុងគ្រោះមហន្តរាយព្យុះដ៏មានឥទ្ធិពលវាយប្រហារប្រទេសរ៉ូម៉ានី

មនុស្សរាប់សិបលាននាក់ ប្រឈមកម្ដៅក្ដៅហួតហែង ខណៈរលកកម្ដៅវាយប្រហារសហរដ្ឋអាមេរិក

ទួរគីរឹតបន្តឹងសន្តិសុខសម្រាប់កិច្ចប្រជុំកំពូលណាតូ ខណៈដែលលោក ERDOGAN ស្វែងរកពង្រឹងជំហរ របស់ប្រទេសនេះ

នាវិកឥណ្ឌាមានការស្ទាក់ស្ទើរក្នុងវិលត្រឡប់ទៅកាន់ឈូងសមុទ្រវិញ បន្ទាប់ពីសង្គ្រាមមជ្ឈិមបូព៌ា

អ្នករួចជីវិតពីរញ្ជួយដី នៅវ៉េណេស៊ុយអេឡា ស្វែងរកអាហារ និងជម្រក ខណៈអ្នកស្លាប់កើនឡើងជិត ២.០០០នាក់

ពេលចន្លោះសម័យប្រជុំរដ្ឋសភាលើកទី៥ និងលើកទី៦ រដ្ឋសភា បានបំពេញមុខងារស្នូលទាំងបីរបស់ខ្លួនបានយ៉ាងសកម្ម ក្នុងការបម្រើប្រទេសជាតិ និងប្រជាពលរដ្ឋ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ពលរដ្ឋអ៊ុយក្រែនស្រែករកជំនួយ ខណៈព្យាយាមរត់គេចចេញពីការវាយប្រហារពីទាហានរុស្ស៊ី

រុស្ស៊ីព្រមានលោកខាងលិចជុំវិញបម្រាមនាំចូលប្រេង ខណៈការចរចារវាងរុស្ស៊ី-អ៊ុយក្រែនមានភាពរីកចម្រើនតិចតួច

ទីភ្នាក់ងារជនភៀសខ្លួន UN និយាយថា ជនភៀសខ្លួនជាង ១.៥លាននាក់ភៀសខ្លួនចេញពីអ៊ុយក្រែន

ប្រជាជនដុតលិខិតឆ្លងដែនរុស្ស៊ីនៅទីក្រុងប៊ែលក្រាដក្នុងបាតុកម្មប្រឆាំងសង្គ្រាម

អង្គការសហប្រជាជាតិ៖ អ៊ុយក្រែនមានវិបត្តិជនភៀសខ្លួនកើនឡើងលឿនបំផុតចាប់តាំងពីសង្គ្រាមលោកលើកទី២ មក

នាយករដ្ឋមន្ត្រីអ៊ីស្រាអែលប្ដេជ្ញាប្រឹងប្រែងផ្នែកការទូតជួយដោះស្រាយវិបត្តិអ៊ុយក្រែន ក្រោយជួបលោក Putin

អង្គការសហប្រជាជាតិ៖ ជនស៊ីវិលជាង ៣៦០នាក់បានស្លាប់ក្នុងការវាយប្រហាររបស់រុស្ស៊ីនៅអ៊ុយក្រែន

លោក Zelenskyy ស្នើឲ្យលោកខាងលិចបន្តជួយការពារដែនអាកាសរបស់អ៊ុយក្រែន

លោក Putin សម្រេចឲ្យមានជំនួបស្ដីពីសុវត្ថិភាពនុយក្លេអ៊ែររបស់អ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ពលរដ្ឋ​អ៊ុយ​ក្រែ​ន​ស្រែក​រក​ជំនួយ ខណៈ​ព្យាយាម​រត់គេច​ចេញពី​ការវាយប្រហារ​ពី​ទាហាន​រុស្ស៊ី​

ទីភ្នាក់ងារ​ជនភៀសខ្លួន UN និយាយ​ថា ជន​ភៀស​ខ្លួន​ជាង ១.៥លាន​នាក់​ភៀសខ្លួន​ចេញពី​អ៊ុយ​ក្រែ​ន​

ប្រជាជន​ដុត​លិខិត​ឆ្លង​ដែន​រុស្ស៊ី​នៅ​ទីក្រុង​ប៊ែ​ល​ក្រា​ដ​ក្នុង​បាតុកម្ម​ប្រឆាំង​សង្គ្រាម​

លោក Zelenskyy ស្នើ​ឲ្យ​លោក​ខាង​លិច​បន្ត​ជួយ​ការពារ​ដែនអាកាស​រប​ស់អ៊ុយ​ក្រែ​ន​

លោក Putin សម្រេច​ឲ្យ​មាន​ជំនួប​ស្ដីពី​សុវត្ថិភាព​នុយក្លេអ៊ែរ​របស់​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពលរដ្ឋអ៊ុយក្រែនស្រែករកជំនួយ ខណៈព្យាយាមរត់គេចចេញពីការវាយប្រហារពីទាហានរុស្ស៊ី

ទីភ្នាក់ងារជនភៀសខ្លួន UN និយាយថា ជនភៀសខ្លួនជាង ១.៥លាននាក់ភៀសខ្លួនចេញពីអ៊ុយក្រែន

ប្រជាជនដុតលិខិតឆ្លងដែនរុស្ស៊ីនៅទីក្រុងប៊ែលក្រាដក្នុងបាតុកម្មប្រឆាំងសង្គ្រាម

លោក Zelenskyy ស្នើឲ្យលោកខាងលិចបន្តជួយការពារដែនអាកាសរបស់អ៊ុយក្រែន

លោក Putin សម្រេចឲ្យមានជំនួបស្ដីពីសុវត្ថិភាពនុយក្លេអ៊ែររបស់អ៊ុយក្រែន