នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អាគារសិក្សា២ខ្នងមាន១០បន្ទប់ បូកនឹងបន្ទប់ទឹក១ខ្នងមាន៤បន្ទប់ និងដងទង់ជាតិ ជាអំណោយដ៏ថ្លៃថ្លារបស់សម្ដេចតេជោ ហ៊ុន សែន, សម្ដេចកិតិ្តព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា អញ្ជើញបញ្ចុះបឋមសិលាសាងសង់ នៅឃុំដូង ស្រុកប្រាសាទបល្ល័ង្គ
សម្តេចធិបតី ហ៊ុន ម៉ាណែត ចេញសារាចរផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦ នៅរាជធានីភ្នំពេញ តែនៅបណ្តាខេត្តអាចប្រារព្ធធ្វើបានធម្មតា
សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត
សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

ព័ត៌មានសំខាន់ៗ

ប្រសាសន៍សំខាន់ៗសម្ដេចតេជោ​ ហ៊ុន​ សែន​ ​ក្នុងពិធីសម្ពោធ​ដាក់ឲ្យ​ប្រើប្រាស់​ជាផ្លូវការ​មន្ទីរពេទ្យមិត្តភាពកម្ពុជា-ចិន​ ត្បូងឃ្មុំ

2022/03/07 02:41:51 am        847
Facebook Telegram Linkin
ត្បូងឃ្មុំ៖ នៅព្រឹកថ្ងៃទី០៧ ខែមីនា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និង ឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំកម្ពុជា បាន​អញ្ជើញ​សម្ពោធ​ដាក់​ឱ្យ​ប្រើប្រាស់ មន្ទីរពេទ្យមិត្តភាពកម្ពុជា-ចិនត្បូងឃ្មុំ ដែលជាជំនួយ​ឥតសំណង​របស់​រដ្ឋាភិបាល និងប្រជាជនចិន ជូនចំពោះរដ្ឋាភិបាល និងប្រជាជនកម្ពុជា រួម​ជាមួយ​ការ​សម្ពោធព្រមគ្នា​នូវអាគារសាលាបឋមសិក្សា និងវិទ្យាល័យតេជោសែនត្បូងឃ្មុំ ។ដើម្បីទទួលបានព័ត៌មានថ្មីៗ រហ័សសូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗរបស់សម្ដេចតេជោនាយករដ្ឋមន្ត្រី៖- សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ ជាមន្ទីរពេទ្យដ៏ទំនើបជាលើកដំបូងនៅលើដីនៅខេត្តត្បូងឃ្មុំ ដែលមិនត្រឹមផ្តល់សេវាកម្មរក្សាសុខភាព និងព្យាបាលជំងឺ ដល់ប្រជាពលរដ្ឋខេត្តត្បូងឃ្មុំនោះទេ វានឹងមានវិសាលភាពផ្តល់សេវាសុខាភិបាលដល់ពលរដ្ឋខេត្តព្រៃវែង ក្រចេះ ស្ទឹងត្រែង រតនគិរី និងមណ្ឌលគិរីថែមទៀត។- សម្តេចតេជោ ហ៊ុន សែន បានបញ្ជាក់ថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ គឺជាចំណងដៃ កើតចេញពីមិត្តភាព និងកិច្ចសហប្រតិបត្តិការល្អរវាងកម្ពុជា-ចិន ជូនដល់ប្រជាពលរដ្ឋខេត្តត្បូងឃ្មុំ និងមានវិសាលភាពគ្រប់ដណ្តប់ដល់ប្រជាពលរដ្ឋទូទាំងប្រទេសក៏ថាបាន។- សម្តេចតេជោ ហ៊ុន សែន បានបញ្ជាក់ថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ បានទទួលការយកចិត្តមទុកដាក់ខ្ពស់បំផុតពីរដ្ឋាភិបាល នៃសាធារណរដ្ឋប្រជាមានិតចិន ជាពិសេសលោកប្រធានាធិបតីចិន ស៊ី ជិនពីង ដើម្បីធ្វើអោយកាន់តែល្អប្រសើរថែមទៀត ផ្នែកវិស័យសុខាភិបាលកម្ពុជា និងមិត្តភាពដ៏យូរអង្វែងបន្ថែមទៀតរវាងកម្ពុជា-ចិន។- សម្តេចតេជោ ហ៊ុន សែន បានបញ្ជាក់ថា នៅពាក់កណ្តាលខែឧសភា រហូត​ដល់​ពាក់កណ្តាលខែមិថុនា ឆ្នាំ២០២២ សម្តេចមិនអាចចាកចេញពីប្រទេសបានទេ ដោយសារ​កម្ពុជា​ត្រូវរៀប​ចំការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ដែលនឹង​ឈានចូល​មក​ដល់​នាពេលឆាប់ៗខាងមុខនេះ។- សម្តេចតេជោ ហ៊ុន សែន បញ្ជាក់ថា សម្តេច​សូម​ទទួល​យក​ការ​រិះគន់​ពាក់ព័ន្ធ​វិស័យ​សុខាភិបាល​កម្ពុជា​នៅ​ទន់ខ្សោយ សម្ភារៈបរិក្ខាពេទ្យមិនសូវទនើប តែកម្ពុជា​មាន​ឆន្ទៈ​ធ្វើ​ឲ្យ​​ប្រសើរ​ឡើង​ជា​លំដាប់​ នូវវិស័យសុខុមាលភាពដ៏សំខាន់មួយនោះ និងពង្រឹង​ឆន្ទៈ​ក្រុម​គ្រូពេទ្យ​ ដើម្បី​ឈាន​ទៅ​សម្រេច​គោលដៅ ព្រមទាំងឆន្ទៈនយោបាយ ដែលដាក់ចេញ​ចំពោះវិស័យមួយនេះ។- សម្តេចតេជោ ហ៊ុន សែន ប្រកាសថា កម្ពុជាលំបាក លើសពីការលំបាកពីអតីតកាល ជាពិសេសវិស័យសុខាភិបាល និងការតភ្ជាប់ ហើយអ្វីដែលយើងត្រូវប្រឹងប្រែងនាពេលនេះ គឺការពង្រឹងឆន្ទៈ នៃដំណោះស្រាយជនបទ ជូនប្រជាពលរដ្ឋ។-សម្ដេចតេជោ ហ៊ុន សែន ថ្លែងនៅឆ្នាំ១៩៩៨ ពលរដ្ឋសង្ឃឹមរស់ត្រឹមអាយុជាង ៥០ឆ្នាំប៉ុណ្ណោះ ប៉ុន្តែឥឡូវសង្ឃឹមរស់ដល់ជាង ៧០ឆ្នាំ ឬ​រហូត​ដល់​ជាង ៩០ឆ្នាំ ដោយសារកត្តាសុខសន្តិភាព និងការអភិវឌ្ឍឲ្យមានការរីកចម្រើនជាបន្តបន្ទាប់។- សម្តេចតេជោ ហ៊ុន សែន ប្រកាសថា ក្រុមមគ្រូពេទ្យត្រូវមានក្រមសីលធម៌ និងវិជ្ជាជីវៈ ទោះកម្ពុជាខ្វះខាតថ្នាំ ឬខ្វះខាតឧបករណ៍បច្ចេកទេសបរិក្ខាទំនើបៗ ក៏អ្នកជំងឺសប្បាយចិត្តដែរ ព្រោះមានការយកចិត្តទុកដាក់ថែទាំពីគ្រូពេទ្យ។- សម្តេចតេជោ ហ៊ុន សែន មានប្រសាសន៍ថា ទោះជាអូមីក្រុងមិនធ្ងន់ធ្ងរ​បណ្តាលឲ្យ​ស្លាប់ក៏ពិតមែន តែជំងឺនេះបណ្តាលឲ្យមានហានិភ័យសុខភាពនៅក្រោយក៏ថាបាន។- សម្តេចតេជោ ហ៊ុន សែន បានបញ្ជាក់ថា វ៉ាក់សាំងកូវីដ-១៩ គឺជាសេដ្ឋកិច្ច ព្រោះ​បើគ្មាន​ការចាក់វ៉ាក់សាំងទេ កម្ពុជាមិនអាចដំណើរការបើកប្រទេសឡើងវិញបានឡើយ ហើយកម្ពុជា​ក៏មិនអាច​អនុញ្ញាតឲ្យ​មានការប្រារព្ធពិធីបុណ្យចូលឆ្នាំថ្មី ប្រពៃណីជាតិ ដែល​នឹងឈាន​ចូលមក​ដល់នាពេលឆាប់ៗខាងមុខនេះបានដែរ។- សម្តេចតេជោ ហ៊ុន សែន ប្រកាសបញ្ជាក់បន្ថែមថា កម្ពុជាមិនគាំទ្រសកម្មភាពបំបែករដ្ឋ, មិនគាំទ្រប្រើប្រាស់កម្លាំង ដើម្បីដោះស្រាយបញ្ហា និងគាំទ្រឲ្យភាគីជម្លោះចូលតុចរចាគ្នា ដើម្បី​ឈាន​ទៅរកបទឈប់បាញ់ និងសន្តិភាព។- សម្ដេតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា ទោះកម្ពុជាខ្វះវ៉ាក់សាំង ប៉ុន្តែមិនចាក់វ៉ាក់សាំងហួសកាលបរិច្ឆេទដល់ពលរដ្ឋនោះទេ ហើយកម្ពុជាក៏មិនមែន​កន្លែង​ចោលវ៉ាក់សាំងហួសដឺលេនោះដែរ ។- សម្តេចតេជោ ហ៊ុន សែន នៅតែប្រកាសដល់ភាគីជម្លោះរុស្ស៊ី និងអ៊ុយក្រែន ឲ្យមាន​បទឈប់បាញ់នៅនឹងកន្លែង ដោយសម្តេចបញ្ជាក់ថា រុស្ស៊ីមិនអាចយកឈ្នះអ៊ុយក្រែនបានឡើយ ហើយកងទ័ពរុស្ស៊ី ក៏មិនអាចសម្លាប់កងទ័ពអ៊ុយក្រែនឲ្យអស់ពីទឹកដីនោះដែរ។- សម្តេចតេជោ ហ៊ុន សែន ប្រកាសកុំឲ្យ​ប្រជាពលរដ្ឋខ្មែរធ្វើសកម្មភាពជ្រុសហួស រហូត​សុំទៅធ្វើ​ទ័ពជួយអ៊ុយក្រែន ដូចប្រជាជននៃបណ្តាប្រទេសមួយចំនួន ដោយសម្តេចបញ្ជាក់ថា សកម្មភាព​ទាំងនោះ មិនខុសពីយក​សាំងទៅដាក់លើភ្លើងនោះទេ ហើយរដ្ឋធម្មនុញ្ញកម្ពុជា ក៏មិនអនុញ្ញាត​ឲ្យ​ធ្វើ​សកម្មភាពបែបនោះឡើយ លើកលែង​ក្នុងក្របខណ្ឌ​រក្សាសន្តិភាព​ក្រោមឆ័ត្រ​របស់​អង្គការ​សហប្រជាជាតិ​ប៉ុណ្ណោះ។- សម្តេចតេជោ ហ៊ុន សែន បានប្រកាសថា តម្រូវការជាអាទិភាពកំពូល ក្នុងប្រទេស​អ៊ុយក្រែន​នាពេលនេះគឺ សន្តិភាព។ បើគ្មានសន្តិភាពទេ កុំនិយាយដល់សិទ្ធិមនុស្ស សិទ្ធិរស់រានមានជីវិត និង​លទ្ធិប្រជាធិបតេយ្យអោយសោះ។ សិទ្ធិមនុស្ស សិទ្ធិរស់រានមានជវិត និងលទ្ធិប្រជាធិបតេយ្យ មិនមាន​ក្រោមបរិយាកាសប្រទេសកើតសង្គ្រាម ក្រោមគ្រាប់បែក ឬគ្រាប់ផ្លោងនោះទេ។- សម្តេចតេជោ ហ៊ុន សែន បានប្រកាសឲ្យប្រជាពលរដ្ឋកម្ពុជារក្សាឲ្យ​បាននូវសុខសន្តិភាព ស្ថិរភាព​នយោបាយ និងម៉ាក្រូសេដ្ឋកិច្ច។ បើកម្ពុជារក្សាបាន នោះកម្ពុជា​នឹងធ្វើ​ដំណើរ​ទៅមុខ​ប្រកប​ដោយវឌ្ឍនភាព​ខ្ពស់ជាលំដាប់។- សម្តេចតេជោ ហ៊ុន សែន ប្រកាសថា នៅពេលនេះមានអភិបាលខេត្តចំនួន៣ខេត្តហើយ ដែលកើតជំងឺកូវីដ-១៩ ប្រភេទអូមីក្រុង ក្នុងនោះមានអភិបាលខេត្តកំពង់ចាម ,កំពង់ស្ពឺ និងកំពត ហើយ​សម្តេចក៏បានអំពាវនាវកុំឲ្យ​មានទស្សនៈបែបលេងសើចថា “បើមិនកើតកូវីដ មិនទាន់សម័យ”។ សង្កថាសម្តេចចប់នៅវេលាម៉ោង៩ និង២៦នាទី 

មនុស្ស​រាប់ពាន់នាក់​ត្រូវបាន​ចាប់ខ្លួន​ទូទាំងប្រទេស​រុស្ស៊ី​នៅក្នុង​ការតវ៉ា​ប្រឆាំងនឹង​សង្គ្រាម​លើ​អ៊ុយ​ក្រែ​ន

2022/03/07 05:13:42 am        659
Facebook Telegram Linkin
​រុស្ស៊ី៖ យោងតាម​ក្រុម​ឃ្លាំមើល​ការតវ៉ា​ឯករាជ្យ នគរបាល​បាន​ចាប់ខ្លួន​មនុស្ស​ជាង ៤,៣០០នាក់កាលពី​ថ្ងៃអាទិត្យ​ក្នុង​ក្បួន​តវ៉ា​ដ៏​ធំ ​ប្រឆាំងនឹង​ការឈ្លានពាន​ចូល​អ៊ុយ​ក្រែ​ន​របស់​ប្រធានាធិបតី​រុស្ស៊ីលោក Vladimir Putin។ ​យោងតាម​វីដេអូ​ដែល​បាន​បង្ហោះ​នៅតាម​បណ្ដាញ​សង្គម​ដោយ​ក្រុមប្រឆាំង និង​ក្រុម​អ្នកសរសេរ​អត្ថបទ​បង្ហោះ​ក្នុង​ប្លុក ក្រុមអ្នកតវ៉ា​រាប់ពាន់នាក់​កាន់​បដា​ស្រែក​ពាក្យ​ថា ​គ្មាន​សង្គ្រាម និង​សម​មុខ​អ្នក​ហើយ​។​​ក្រុមអ្នកតវ៉ា​រាប់សិប​នាក់​នៅក្នុង​តំបន់ Urals នៃ​ទីក្រុង Yekaterinburg ត្រូវបាន​បង្ហាញ​ឲ្យ​ឃើញ​ពី​ការចាប់ខ្លួន​។ ​វីដេ​អូ​មួយទៀតបង្ហាញ​ពី​អ្នក​តវ៉ា​ម្នាក់​ត្រូវបាន​នគរបាល​វាយតប់​ នៅ​លើដី​នៅក្នុង​ការបង្ក្រាប​កុបកម្ម​។​ ​ចំណែក​ក្រសួងមហា​ផ្ទៃ​រុស្ស៊ីបាន​និយាយ​កាលពីពេល​ថ្មីៗ​នេះ​ថា នគរបាល​បាន​ឃុំខ្លួន​មនុស្ស​ប្រហែល​ ៣,៥០០នាក់រួមទាំង ១​,៧០០នាក់នៅក្នុង​ទីក្រុង Moscow និង ៧៥០​​នាក់​នៅ​ទីក្រុង St Petersburg និង ១,០៦១នាក់នៅក្នុង​ទីក្រុង​ផ្សេងៗ​ទៀត​។ ក្រសួង​​ខាងលើ​បាន​និយាយថា មនុស្ស​ ៥,២០០នាក់បាន​ចូលរួម​ការតវ៉ា​ទាំងនោះ​។​​ក្រុម​ឃ្លាំមើល​ការតវ៉ា OVD-Info បាន​និយាយថា​ ខ្លួន​បាន​កត់ត្រា​មនុស្សយ៉ាងហោចណាស់​ ៤,៣៦៦នាក់ត្រូវបាន​ឃុំខ្លួន​នៅក្នុង​ទីក្រុង​ផ្សេងៗ​គ្នា​ចំនួន​ ៥៦។ ​ក្រុម​នេះ​បាន​និយាយថា ការចាប់ខ្លួន​កាលពី​ថ្ងៃអាទិត្យបាន​នាំ​ឲ្យ​ចំនួន​សរុប​នៃ​មនុស្ស​ដែល​ត្រូវបាន​ចាប់ខ្លួន ​ក្នុងការ​តវ៉ា​ប្រឆាំង​សង្គ្រាម​នានា​ចាប់តាំងពី​ការឈ្លានពាន​បានចាប់ផ្ដើម​កាលពី​ថ្ងៃទី​២៤ ​ខែកុម្ភៈបាន​ឡើងដល់​ជាង ១០,០០០នាក់៕អត្ថបទ៖ សុខមាន

TOP STORY: ចិនប្រឆាំងការប៉ុនប៉ង < ចាក់សាំងលើភ្លើង > លើវិបត្តិអ៊ុយក្រែន-រុស្ស៊ី

2022/03/06 10:56:13 am        1782
Facebook Telegram Linkin
 រដ្ឋមន្ត្រី​ការបរទេស​ចិន​ប្រាប់​អាមេរិក​ថា ប្រទេស​របស់​លោក​ប្រឆាំង​នឹង​ការ​ប៉ុនប៉ង « ចាក់សាំងលើភ្លើង» រដ្ឋមន្ត្រីការបរទេសចិន លោក Wang Yi បាននិយាយទៅកាន់រដ្ឋមន្ត្រីការបរទេសអាមេរិក លោក Antony Blinken តាមទូរស័ព្ទកាលពីថ្ងៃសៅរ៍។ ខណៈដែល លោក Blinken បានស្នើថាទីក្រុងវ៉ាស៊ីនតោនចង់ឱ្យប្រទេសជាច្រើនទៀតដាក់ទណ្ឌកម្មរុស្ស៊ីសម្រាប់ប្រតិបត្តិការយោធារបស់ខ្លួនប្រឆាំងអ៊ុយក្រែន ប៉ុន្តែលោក Wang បានព្រមានប្រឆាំងនឹងការប៉ុនប៉ងណាមួយដើម្បីធ្វើឱ្យស្ថានភាពកាន់តែធ្ងន់ធ្ងរឡើង។ចិន​បាន​ទទូច​ឲ្យ​រុស្ស៊ី និង​អ៊ុយក្រែន​ដោះស្រាយ​ជម្លោះ​តាមរយៈការចរចា ។លោក Wang បាននិយាយថា ប្រទេសចិនគាំទ្ររាល់កិច្ចខិតខំប្រឹងប្រែងដែលរួមចំណែកដល់ការកាត់បន្ថយភាពតានតឹង និងការដោះស្រាយផ្នែកការទូត លោក Wang បានប្រាប់ លោក Blinken ថា សហរដ្ឋអាមេរិក NATO សហភាពអឺរ៉ុប និងរុស្ស៊ីចាំបាច់ត្រូវ "ធ្វើការសន្ទនាដោយស្មើភាពគ្នា" ជាពិសេសទាក់ទងនឹងការពង្រីកសមាជិកភាពអង្គការណាតូ ដែលទីក្រុងម៉ូស្គូចាត់ទុកថាជា ការគំរាមកំហែងសន្តិសុខដែលមិនអាចទទួលយកបាន។ ក្រសួង​ការបរទេសចិនបាន​បញ្ជាក់​ទៀតថា ប្រទេស​ចិន​ប្រឆាំង​នឹង​សកម្មភាព​ណា​ដែល​មិនមែនជា​ដំណោះស្រាយ​ការទូត​ និងសកម្មភាពចាក់សាំងលើភ្លើង ដែលដុតស្ថានការណ៍អោយកាន់តែតានតឹងបន្ថែមទៀត ។Source: RT#UkraineRussiaCrisis #BTVNews

ចូល​ដល់​សប្ដាហ៍​ទី​២ ស្ថានីយ​រថភ្លើង​ទីក្រុង​គី​វ​នៅ​តែ​មាន​មនុស្ស​កកកុញ​

2022/03/05 12:27:35 pm        889
Facebook Telegram Linkin
​អ៊ុយក្រែន៖ នៅ​ក្នុង​សប្ដាហ៍​ទី​២ ​បន្ទាប់ពី​ការឈ្លានពាន​របស់​រុស្ស៊ី​លើ​អ៊ុយ​ក្រែ​ន ស្ថានីយ​រថភ្លើង​នៅ​ទីក្រុង​គី​វ​ប្រទេស​អ៊ុយ​ក្រែ​ន​នៅ​តែ​មាន​មនុស្ស​កកកុញ ដោយ​ប្រជាជន​អស់សង្ឃឹម​ភៀសខ្លួន​ចេញពី​រដ្ឋធានី​។ប្រជាជន​ក្នុង​ទីក្រុង​គី​វ នាង Anastasia Kolomiyet មិន​អាច​ឡើង​ជិះ​លើ​រថភ្លើង​ទៅកាន់​ទីក្រុង Lviv ជាទី​ក្រុង​នៅ​ភាគ​ខាងលិច​ក្បែរ​ព្រំដែន​ប៉ូឡូញ​បានទេ​ដោយ​គ្មាន​កន្លែង​ទំនេរ​លើ​រថភ្លើង​។ ប៉ុន្តែ​នាង​និយាយថា​ នាង​នឹងព្យាយាម​ទៅ​តាម​ខ្សែ​រថភ្លើង​ជើង​ក្រោយ​ម្តងទៀត​។ នាង​នឹង​រង់ចាំ​នៅក្នុង​ស្ថានីយរហូតដល់​រថភ្លើង​ចុងក្រោយ​។​ ​នៅក្នុង​ប្រទេស​រ៉ូ​ម៉ា​នី ប្រជាជន​បាន​បន្ត​មកដល់​ប្រទេស​រូ​ម៉ា​នីដោយ​ឆ្លងកាត់​ព្រំដែនពី​ប្រទេសអ៊ុយ​ក្រែ​ន ខណៈ​ពួកគេ​បាន​ភៀសខ្លួន​ពី​អំពើហិង្សា​ដែល​បណ្តាល​មកពី​ការឈ្លានពាន​របស់​រុស្ស៊ី​។​ ​ជនភៀសខ្លួនដែល​ភាគច្រើន​ជា​ស្ត្រី កុមារ ឬ​មនុស្ស​ចាស់បាន​ទាញ​វ៉ា​លី ឬ​កាបូបស្ពាយ នៅពេល​ពួកគេ​ឆ្លង​ព្រំដែន​ទៅកាន់​ប្រទេសជិតខាង​នៅ​អឺរ៉ុប ដោយ​ភាគច្រើន​យកមក តាម​ខ្លួន​នូវរបស់របរ​ចាំបាច់​មួយ​ចំនួនមាន​សម្លៀកបំពាក់ និង​សម្ភារៈប្រើប្រាស់ជា​មូលដ្ឋាន​។​​ប្រធាន​ជនភៀសខ្លួន​របស់​អង្គការសហប្រជាជាតិ​បាន​និយាយ​កាលពី​ថ្ងៃ​សុក្រ​ថា ប្រទេស​ម៉ុ​ល​ដូ​វ៉ាត្រូវការ​ជំនួយ​អន្តរជាតិ​បន្ទាន់ ​ដើម្បី​ទប់ទល់​នឹង​លំហូរ​ជនភៀសខ្លួនយ៉ាងច្រើន ដែល​ចូលមកក្នុងប្រទេស​នេះ​ពី​អ៊ុយ​ក្រែ​ន​។ ​លោក Filippo Grandi ប្រធាន​ឧ​ត្ត​ម​ស្នងការ​អង្គការសហប្រជាជាតិ​ទទួលបន្ទុក​ជនភៀសខ្លួន (UNHCR) បាន​និយាយថា រដ្ឋាភិបាល​របស់​ប្រទេស​ម៉ុ​ល​ដូ​វ៉ាកំពុង​ប្រឹងប្រែង​អស់ពី​សមត្ថភាព ប៉ុន្តែ​ត្រូវការ​ជំនួយ​បន្ថែមទៀត​៕អត្ថបទ៖ ប៊ុនថន

ក្រុមប្រឹក្សាសន្តិសុខ ​UN បើក​កិច្ចប្រជុំ បន្ទាប់ពី​រុស្ស៊ី​វាយប្រហារ​រោងចក្រ​នុយក្លេអ៊ែរ​

2022/03/05 12:10:35 pm        1540
Facebook Telegram Linkin
​UN៖ ក្រុមប្រឹក្សាសន្តិសុខ​អង្គការសហប្រជាជាតិ​ បាន​បើក​កិច្ចប្រជុំ​បន្ទាន់​មួយ​ស្តីពី​ការវាយប្រហារ​របស់​រុស្ស៊ី​ នៅ​រោងចក្រ​ថាមពល​នុយក្លេអ៊ែរ​ធំ​បំផុត​របស់​អឺរ៉ុប​នៅ​អ៊ុយ​ក្រែ​ន​។ ​មន្ត្រី​អង្គការសហប្រជាជាតិ និង​អ៊ុយ​ក្រែ​ន​បាន​និយាយ​ថា គ្មាន​សារធាតុ​វិទ្យុសកម្ម​ណាមួយ​ត្រូវ​បានសាយភាយ​ចេញ​ ដោយ​ការវាយប្រហារ​របស់​រុស្ស៊ី​នៅ​រោងចក្រ​ថាមពល​នុយក្លេអ៊ែរ​ធំ​បំផុត ​របស់​អឺរ៉ុប​ក្នុង​ប្រទេស​អ៊ុយ​ក្រែ​ន​នោះ​ទេ ហើយ​ក្រុម​អ្នក​ពន្លត់​អគ្គិភ័យ​បាន​ពន្លត់ភ្លើង​នៅ​រោងចក្រ​នេះ​។ឯក​អគ្គរដ្ឋទូត​រុស្ស៊ី​ប្រចាំ​អង្គការសហប្រជាជាតិ​បាន​បដិសេធ​ថា ​ប្រទេស​របស់​លោក​មិនបាន​វាយប្រហារ​រោងចក្រ​ថាមពល​នុយក្លេអ៊ែរ​នៅ​អ៊ុយ​ក្រែ​ន​នោះ​ទេ​។ លោក Vasily Nebenzya និយាយ​ថា ​កងកម្លាំង​រុស្ស៊ីមិនបាន​បាញ់​ទៅលើ​អគារ​នោះ​ទេ​។ ​ការ​បាញ់​ផ្លោង​របស់​រុស្ស៊ី​ទៅលើ​រោងចក្រ​នុយក្លេអ៊ែរ​ធំ​បំផុត ​របស់​អឺរ៉ុប​នៅ​អ៊ុយ​ក្រែ​នទទួល​បានការ ថ្កោលទោស​យ៉ាង​ខ្លាំង​ពី​អន្តរជាតិ​កាលពី​ថ្ងៃ​សុក្រ​។​ ឯកអគ្គរដ្ឋទូត​សហរដ្ឋអាមេរិក​ប្រចាំ​អង្គការ​សហប្រជាជាតិ​ បាន​ចាត់​ទុក​ការវាយប្រហារ​ដោយ​យោធា​រុស្ស៊ី​ លើ​រោងចក្រ​ថាមពល​នុយក្លេអ៊ែរ​ក្នុង​ប្រទេស​អ៊ុយ​ក្រែ​ន​ថា ​ជា​ការ​កើន​ឡើង​ថ្មី​ដ៏​គ្រោះ​ថ្នាក់​។ លោកស្រី Linda Thomas Greenfield បាន​អំពាវនាវ​ម្តង​ទៀត​ឲ្យ​លោក Vladimir Putin ដក​កងទ័ព​រុស្ស៊ី​ទាំងអស់​ចេញពី​អ៊ុយ​ក្រែ​ន៕អត្ថបទ៖ ប៊ុនថន

ប្រធាន​អង្គការ​ណា​តូ​និយាយ​ថា យើង​បាន​ឃើញ​ការ​ប្រើប្រាស់​គ្រាប់បែក​ចង្កោម​

2022/03/05 11:09:02 am        751
Facebook Telegram Linkin
អឺរ៉ុប៖ ​ប្រធាន​អង្គការ​ណា​តូលោក Jens Stoltenberg បាន​ស្វាគមន៍​ការសម្រេច​របស់​តុលាការ​ព្រហ្មទណ្ឌ​អន្តរជាតិ (ICC) ដើម្បី​បើក​ការស៊ើបអង្កេត​លើ​ឧក្រិដ្ឋកម្ម​សង្គ្រាម​ដែល​អាច​កើតមាន បន្ទាប់ពី​ការ​ឈ្លាន​ពាន​របស់​ប្រទេស​រុស្ស៊ី​លើ​អ៊ុយ​ក្រែ​ន​។​​ការស៊ើបអង្កេត​របស់​តុលាការ​ព្រហ្មទណ្ឌ​អន្តរជាតិ (ICC) អាច​កំណត់​គោលដៅ​លើ​មន្ត្រី​ជាន់​ខ្ពស់ដែល​ជឿ​ថា នឹង​ទទួលខុសត្រូវ​ចំពោះ​ឧក្រិដ្ឋកម្ម​សង្គ្រាម ឧក្រិដ្ឋកម្ម​ប្រឆាំង​មនុស្សជាតិ ឬ​អំពើ​ប្រល័យ​ពូជសាសន៍ក្នុង​ពេល​មានការ​កើន​ឡើង​ការ​ស្លាប់​ជន​ស៊ីវិល និង​ការបំផ្លាញ​ទ្រព្យសម្បត្តិ​យ៉ាង​ច្រើន​។​ លោក Stoltenberg និយាយ​ថា ការឈ្លានពាន​របស់​រុស្ស៊ី​មក​លើ​ប្រទេសជិតខាង​ខ្លួន គឺជា​ការបំពាន​ធ្ងន់ធ្ងរ​លើ​ច្បាប់​អន្តរជាតិ​។ លោក​បាន​អះអាង​ថា យើង​បាន​ឃើញ​ការប្រើប្រាស់​គ្រាប់បែក​ចង្កោម​។ យើង​ត្រូវតែ​ធ្វើ​ឱ្យ​ប្រាកដ​ថា​លោក​ប្រធានាធិបតី Putin និង​ប្រធានាធិបតី​ប្រទេស​បេឡា​រុសត្រូវ​ទទួលខុស​ត្រូវ​ចំ​ពោះ​អ្វី​ដែល​ពួកគេ​បាន​ធ្វើ៕អត្ថបទ៖ ប៊ុនថន

បេសកជន​រុស្ស៊ី​និយាយ​ថា យើង​នឹង​មិន​កាន់កាប់​ប្រទេស​អ៊ុយ​ក្រែ​ន​ទេ​

2022/03/05 10:51:04 am        1848
Facebook Telegram Linkin
​រុស្ស៊ី៖ លោក Gennady Gatilov ឯកអគ្គរដ្ឋទូត​រុស្ស៊ី​ប្រចាំ​អង្គការសហប្រជាជាតិ នៅ​ទីក្រុង​ហ្សឺ​ណែវបាន​និយាយ​កាលពី​ថ្ងៃ​សុក្រ​ថា ប្រទេស​រុស្ស៊ី​នឹងមិន​កាន់កាប់​ប្រទេស​អ៊ុយ​ក្រែ​ន​នោះទេ ហើយ​កងទ័ព​នឹង​ដកខ្លួន​ចេញ​បន្ទាប់ពី​បញ្ចប់​នូវ​អ្វីដែលលោកបាន​ចាត់ទុកថា ជា​ប្រតិបត្តិការ​មួយដើម្បី​ប្រយុទ្ធប្រឆាំង​ទៅនឹង​យោធានិយម និង​ឥរិយាបថ​ណា​ស៊ី​និយម​។​លោក Gatilov បាន​ទទូចថា ការឈ្លានពាន​ផ្នែក​យោធា​របស់​រុស្ស៊ី​ មិនមែនប្រឆាំងប្រជាជនអ៊ុយ​ក្រែ​ន​នោះទេ ប៉ុន្តែប្រឆាំង​ទៅនឹង​ការគំរាមកំហែងដល់​ប្រទេសរុស្ស៊ី រួមទាំង​ការចោទប្រកាន់​ពីបំណង​កាន់កាប់​អាវុធ​នុយក្លេអ៊ែរ​។ ​កាល​ព្រឹក​ថ្ងៃ​សុក្រ កងកម្លាំង​រុស្ស៊ី​បាន​វាយប្រហារ​លើ​មូលដ្ឋាន ​ដែលជា​រោងចក្រនុយក្លេអ៊ែរ​ធំ​បំផុតនៅ​អឺរ៉ុបដែល​នាំឱ្យមាន​អគ្គិភ័យ​ឆាបឆេះ ដែល​ក្រោយមក​ត្រូវបានពន្លត់​ដោយ​ក្រុម​ពន្លត់អគ្គិភ័យ​។ ​មន្ត្រី​អង្គការសហប្រជាជាតិ និង​មន្ត្រី​របស់ប្រទេស​អ៊ុយ​ក្រែ​នបាន​រាយការណ៍​ថា គ្មាន​សារធាតុ​វិទ្យុសកម្មត្រូវបាន​សាយភាយ​ចេញ​នោះទេ​៕អត្ថបទ៖ ប៊ុនថន

លោក Zelenskyy ថ្លែង​ទៅកាន់​អ្នកគាំទ្រ​នៅ​អឺរ៉ុប​

2022/03/05 10:36:40 am        4293
Facebook Telegram Linkin
​អ៊ុយក្រែន៖ ប្រធានាធិបតី​អ៊ុយ​ក្រែ​ន​លោក Volodymyr Zelenskyy បាន​ថ្លែង​ទៅកាន់​ប្រជាជន​ដែលបាន​មក​ប្រមូលផ្តុំ​គ្នា ​នៅ​ក្នុង​ទីក្រុង​នានា​នៅ​អឺរ៉ុបក្នុង​ការ​គាំទ្រ​អ៊ុយ​ក្រែ​ន​។​ ​ថ្លែង​តាមរយៈ​បណ្តាញ​វីដេអូ​ដាក់​នៅ​ទីលាន​ធំៗ​ក្នុង​ទីក្រុង Bratislava, Frankfurt, Prague, Lyon, Tbilisi, Vienna និង Vilnius លោក Zelenskyy និយាយថា អនាគត​របស់​ទ្វីបអឺរ៉ុប​គឺ​អាស្រ័យ​លើ​លទ្ធផល​នៃ​សង្គ្រាម​ជាមួយ​រុស្ស៊ី​។ ប្រសិនបើអ៊ុយ​ក្រែ​ន​បរាជ័យ អឺរ៉ុប​ទាំងមូល​នឹង​បរាជ័យ។​​ខណៈ​ការឈ្លានពាន​ឈាន​ចូលដល់​សប្តាហ៍​ទី​ពីរ កិច្ចចរចា​ជុំ​មួយ​ផ្សេងទៀត​រវាង​រុស្ស៊ី និង​អ៊ុយ​ក្រែ​នទទួលបាន​កិច្ចព្រម​ព្រៀង​បណ្តោះអាសន្ន​ ដើម្បី​បង្កើត​ច្រករបៀង​សុវត្ថិភាពក្នុងការ​ជម្លៀស​ពលរ​ដ្ឋ និង​ផ្តល់ជំនួយ​មនុស្សធម៌​ចូលក្នុង​ប្រទេស​។​ ​រុស្ស៊ី​បានប្រកាស​ពី​ការដណ្តើម​បាន​ទីក្រុង Kherson ភាគខាងត្បូង ជាទី​ក្រុង​កំពង់ផែ​សមុទ្រ​ខ្មៅដ៏​សំខាន់ ហើយ​មន្ត្រី​អ៊ុយ​ក្រែ​ន​ក្នុង​តំបន់​បានបញ្ជាក់​ពី​ការចូល​កាន់កាប់ ទីស្នាក់ការរដ្ឋាភិបាល​នៅ​ទីនោះ ដែល​ធ្វើឱ្យ​វា​ក្លាយជា​ទីក្រុងសំខាន់​ដំបូង​គេ​ដែលត្រូវបានដណ្តើមយក​ ចាប់​តាំងពី​ការ​ឈ្លា​នពាន​បានចាប់ផ្តើម​។​​ទីប្រឹក្សា​ប្រធានាធិបតី​អ៊ុយ​ក្រែ​នលោក Oleksiy Arestovich បាន​និយាយកាលពី​ថ្ងៃ​សុក្រ​ថា កំពង់ផែ​យុទ្ធសាស្ត្រ​មួយទៀត​គឺ​កំពង់ផែ Mariupol នៅលើ​សមុទ្រ Azov ស្ថិតនៅក្រោម​ការឡោមព័ទ្ធ ហើយ​កងកម្លាំងអ៊ុយ​ក្រែ​ន​កំពុង​ជំរុញ​កិច្ចខិតខំ​ប្រឹងប្រែង​វាយ​រុញច្រាន៕អត្ថបទ៖ ប៊ុនថន

កងកម្លាំងប្រដាប់អាវុធ​រុស្ស៊ី​បាន​បំផ្លាញ​គោលដៅ​ហេដ្ឋារចនាសម្ព័ន្ធ​យោធា​អ៊ុយ​ក្រែ​ន ១,៦១២​ទីតាំង​

2022/03/04 03:10:05 pm        1598
Facebook Telegram Linkin
​អ៊ុយក្រែន៖ យោង​តាម​ក្រសួងការពារជាតិ​របស់​ប្រទេស​បាន​ឲ្យ​ដឹង​ថា កងកម្លាំងប្រដាប់អាវុធ​រុស្ស៊ីបាន​បំផ្លាញ​គោល​ដៅ​ហេដ្ឋារចនាសម្ព័ន្ធ​យោធា​អ៊ុយ​ក្រែ​ន ១,៦១២​ទីតាំង​ ចាប់​តាំង​ពី​ការ​ចាប់ផ្ដើម​ប្រតិបត្តិការ​យោធា​នៅ​ក្នុង​ប្រទេស​អ៊ុយ​ក្រែ​ន​។គោលដៅ​ដែល​ត្រូវ​បាន​វាយប្រហារ​រួមមានមជ្ឈមណ្ឌល​ ទីបញ្ជាការ ប្រព័ន្ធ​មី​ស៊ី​ល​ប្រឆាំង​យន្តហោះ និង​ស្ថានីយ​រ៉ា​ដា ព្រមទាំង​យន្តហោះ​ចម្បាំង រថក្រោះ រថយន្ត​យោធា និង​កាំភ្លើង​ធំ​បាញ់​រ៉ុក្កែត​ជា​ច្រើន​គ្រឿង​។ កងកម្លាំង​រុស្ស៊ីទទួល​បាន​ការគ្រប់គ្រង​ពេញលេញ​ទីក្រុង Kherson នៅ​ភាគ​ខាង​ត្បូង​ប្រទេស​អ៊ុយ​ក្រែ​ន ទោះបីជា​ភាគី​អ៊ុយ​ក្រែ​ន​បដិសេធ​សេចក្ដីថ្លែងការណ៍​នេះ​ក៏​ដោយ​។​ ភាគី​រុស្ស៊ី​លើក​ឡើង​ថា ហេដ្ឋារចនាសម្ព័ន្ធ​ និង​ការ​ដឹកជញ្ជូន​ស៊ីវិល​នៅ​ក្នុង​ទីក្រុង Kherson នៅ​មាន​ប្រតិបត្តិការ​ធម្មតា ហើយ​គ្មាន​ការ​ខ្វះ​ខាត​ស្បៀងអាហារ​ ឬ​របស់​ប្រើប្រាស់​ចាំបាច់​ប្រចាំថ្ងៃ​នោះ​ទេ​។​ក្រសួងការពារជាតិ​រុស្ស៊ី​និយាយ​ថា កងកម្លាំងប្រដាប់អាវុធ​តំបន់ Donetsk បាន​បន្ត​រុល​ទៅ​មុខ​ក្រោម​ការ​គាំទ្រ​ពី​ការ​បាញ់​ផ្លោង​របស់​រុស្ស៊ី ហើយ​ទីក្រុង Mariupol ត្រូវ​បាន​ឡោមព័ទ្ធ​។ កងកម្លាំង​ប្រដាប់​អាវុធ​តំបន់ Donetsk អះអាង​ថា ពួកគេ​បាន​ទុក​ច្រក​របៀង​មនុស្សធម៌​សម្រាប់​ពលរដ្ឋ​ក្នុង​តំបន់ ហើយ​បច្ចុប្បន្ន​កំពុង​ព្យាយាម​ធ្វើ​ឲ្យ​ទាហាន​អ៊ុយ​ក្រែ​ន​ទម្លាក់អាវុធ​ចុះ និង​ចាកចេញ​។​ រដ្ឋមន្ត្រីការបរទេស​រុស្ស៊ី​លោក Sergei Lavrov និយាយ​ថា រុស្ស៊ី​ទទួលស្គាល់​លោក Volodymyr Zelenskyy ជា​ប្រធានាធិបតី​ស្របច្បាប់​របស់​អ៊ុយ​ក្រែ​ន ទោះបី​រុស្សី​នៅតែ​ប្ដេជ្ញា​ចំពោះ​បេសកកម្ម​របស់​ខ្លួន ធ្វើ​ឲ្យ​ប្រទេស​អ៊ុយ​ក្រែ​ន​គ្មាន​កងទ័ព​ក៏​ដោយ​៕អត្ថបទ៖ ប៊ុនថន

រុស្សី​ចាប់ផ្ដើម​បាញ់​ផ្លោង​ទៅលើ​រោងចក្រ​នុយក្លេអ៊ែរ​សំខាន់​របស់​អ៊ុយ​ក្រែ​ន​

2022/03/04 02:39:04 pm        944
Facebook Telegram Linkin
​អ៊ុយក្រែន៖ យោង​តាម​មន្ត្រី​រោងចក្រ​បាន​ឲ្យ​ដឹង​ថា កងទ័ព​រុស្សី​បាន​ចាប់ផ្ដើម​បាញ់​ផ្លោង​ទៅលើ​ស្ថានីយ​ថាមពល​នុយក្លេអ៊ែរ​ធំ​បំផុត ​របស់​អឺរ៉ុប​ក្នុង​ប្រទេស​អ៊ុយ​ក្រែ​ន​។​រោងចក្រ Zaporizhzhia មាន​ប្រមាណ ​១​ភាគ​៤ នៃ​ការ​បង្កើត​ថាមពល​របស់​អ៊ុយ​ក្រែ​ន​។ ការ​បាញ់​ផ្លោង​បាន​កើត​ឡើង ខណៈ​ការ​ប្រយុទ្ធ​គ្នា​កើនឡើង​ខ្លាំង​នៅ​ទីក្រុង Enerhodar ជាទី​ក្រុងនៅតាម​ដង​ទន្លេ Dnieper។ អភិបាលក្រុង Enerhodar និយាយ​ថា ​កងកម្លាំង​អ៊ុយ​ក្រែ​នកំពុង​ប្រយុទ្ធ​ជាមួយ​កងទ័ព​រុស្សី​នៅ​ជាយ​ទីក្រុង​នេះ​។ ទីភ្នាក់ងារ​ឃ្លាំមើល​គ្រាប់បែក​អា​តូ​មិ​ក​អង្គការសហប្រជាជាតិបាន​បង្ហាញ​ការ​ព្រួយបារម្ភ​ខ្លាំង​ថា ការ​ប្រយុទ្ធ​គ្នា​អាច​បណ្តាល​ឲ្យ​មានការ​បំផ្លាញ​ដល់​ម៉ាស៊ីន​រ៉េ​អា​ទ័​រ​នុយក្លេអ៊ែរ​ចំនួន​ ១៥ របស់​អ៊ុយ​ក្រែ​ន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អេស្ប៉ាញកត់ត្រាការស្លាប់ទាក់ទងនឹងកម្ដៅ​ជាង ១.០០០នាក់ ក្នុងខែមិថុនា
07/01/2026 06:07 PM
Facebook Telegram Linkin
របាយការណ៍៖ ក្រុមប្រឹក្សាសន្តិភាព នឹងគ្រប់គ្រងមជ្ឈមណ្ឌលជម្រកមនុស្សធម៌នៅ​ហ្កាហ្សាឆាប់​ៗ
07/01/2026 06:07 PM
Facebook Telegram Linkin
សារព័ត៌មាន៖ NATO មិនទាន់ឯកភាពគ្នាលើលក្ខខណ្ឌនៃជំនួយដល់អ៊ុយក្រែនទេ ដោយសារជំហររបស់អ៊ីតាលី
07/01/2026 06:07 PM
Facebook Telegram Linkin
សហរដ្ឋអាមេរិកប្រកាសទណ្ឌកម្មស្រប​ជាមួយប្រទេសឈូងសមុទ្រ លើ​ក្រុមហេសបូឡារបស់​លីបង់
07/01/2026 06:07 PM
Facebook Telegram Linkin
ជប៉ុនសរសើរកម្ពុជាដែលអត់ធ្មត់ បើកចំហ និងប្រើច្បាប់អន្តរជាតិ ក្នុងការដោះស្រាយជម្លោះព្រំដែនជាមួយថៃ
07/01/2026 06:07 PM
Facebook Telegram Linkin
រដ្ឋមន្ត្រីការពារជាតិអ៊ីស្រាអែល៖ កងទ័ពនឹងបន្តនៅក្នុងប្រទេសលីបង់ ស៊ីរី និងហ្កាហ្សា ដោយគ្មានពេលវេលាកំណត់
07/01/2026 06:07 PM
Facebook Telegram Linkin
ស្របតាមការណែនាំរបស់សម្តេចធិបតី ក្រសួង​ការងារអំពាវនាវដ​ល់បងប្អូនអ​តីតពលករចុះ​ឈ្មោះស្វែ​ងរកកា​រងារធ្វើ ខណៈឱ​កាស​ការងារ​មា​នជាង ៩ម៉ឺ​នកន្លែង
07/01/2026 06:07 PM
Facebook Telegram Linkin
អាគារសិក្សា២ខ្នងមាន១០បន្ទប់ បូកនឹងបន្ទប់ទឹក១ខ្នងមាន៤បន្ទប់ និងដងទង់ជាតិ ជាអំណោយដ៏ថ្លៃថ្លារបស់សម្ដេចតេជោ ហ៊ុន សែន, សម្ដេចកិតិ្តព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា អញ្ជើញបញ្ចុះបឋមសិលាសាងសង់ នៅឃុំដូង ស្រុកប្រាសាទបល្ល័ង្គ
07/01/2026 06:07 PM
Facebook Telegram Linkin
ចិនផ្តល់សៀវភៅ«កញ្ចប់ស្តង់ដាជាតិមុខរបររបស់ប្រទេសចិន» ដើម្បីគាំទ្រការពង្រឹងគុណភាពស្តង់ដាជំនាញវិជ្ជាជីវៈ នៅកម្ពុជា
07/01/2026 05:07 PM
Facebook Telegram Linkin
របាយការណ៍៖ នាវាមួយគ្រឿងបានជាប់គាំងនៅច្រកសមុទ្រហ័រមូស ដោយសារការបិទផ្លូវ
07/01/2026 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.