BTV NEWS

អាគារសិក្សា២ខ្នងមាន១០បន្ទប់ បូកនឹងបន្ទប់ទឹក១ខ្នងមាន៤បន្ទប់ និងដងទង់ជាតិ ជាអំណោយដ៏ថ្លៃថ្លារបស់សម្ដេចតេជោ ហ៊ុន សែន, សម្ដេចកិតិ្តព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា អញ្ជើញបញ្ចុះបឋមសិលាសាងសង់ នៅឃុំដូង ស្រុកប្រាសាទបល្ល័ង្គ

សម្តេចធិបតី ហ៊ុន ម៉ាណែត ចេញសារាចរផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦ នៅរាជធានីភ្នំពេញ តែនៅបណ្តាខេត្តអាចប្រារព្ធធ្វើបានធម្មតា

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

ព័ត៌មានសំខាន់ៗ

លោក Putin បង្ក្រាបការតវ៉ាប្រឆាំងនឹងសង្គ្រាមអ៊ុយក្រែននៅរុស្ស៊ីដោយចាប់ខ្លួនមនុស្សជាង ៦ពាន់នាក់

រុស្ស៊ី៖ ក្រោយលោកប្រធានាធិបតីរុស្ស៊ីបើកប្រតិបត្តិការឈ្លានពានអ៊ុយក្រែន ការតវ៉ាបានផ្ទុះឡើងនៅទូទាំងប្រទេសរុស្ស៊ីប្រឆាំងនឹងការឈ្លានពាននេះ។ ជាការឆ្លើយតបលោក Putin បានបង្ក្រាបការតវ៉ាដោយបានចាប់ខ្លួនមនុស្សយ៉ាងហោចណាស់ ៦,៥០០នាក់។យោងតាមគម្រោង OVD-Info ដែលជាក្រុមឃ្លាំមើលសិទ្ធិមនុស្សឯករាជ្យនៅរុស្ស៊ីបានឲ្យដឹងថា ការតវ៉ាប្រឆាំងនឹងលោក Putin បានកើតឡើងនៅក្នុងទីក្រុងជាង ១០០ របស់ប្រទេសរុស្ស៊ីចាប់តាំងពីលោក Vladimir Putin បញ្ជាឲ្យកងកម្លាំងរបស់លោកវាយប្រហារអ៊ុយក្រែន។ យោងតាមគេហទំព័ររបស់ OVD-Info ក្រុមអ្នកតវ៉ាត្រូវប្រឈមនឹងការផាកពិន័យចាប់ពី ២,០០០ ទៅ ៣០០,០០០រូប្លិ៍ និងអាចជាប់ឃុំរយៈពេល ៣០ថ្ងៃអាស្រ័យទៅលើបទចោទប្រកាន់៕អត្ថបទ៖ សុខមាន

លោក Putin និយាយថា ប្រតិបត្តិការនៅអ៊ុយក្រែនដំណើរការទៅតាមផែនការ

រុស្ស៊ី៖ ប្រធានាធិបតីរុស្ស៊ីលោក Vladimir Putin កាលពីថ្ងៃព្រហស្បតិ៍បាននិយាយថា ប្រតិបត្តិការយោធារបស់លោកនៅក្នុងប្រទេសអ៊ុយក្រែនកំពុងដំណើរការទៅតាមផែនការ។ និយាយនៅក្នុងបណ្ដាញវីដេអូជាមួយសមាជិកក្រុមប្រឹក្សាសន្តិសុខរបស់លោក លោក Putin និយាយថា គោលដៅទាំងអស់កំពុងឈានដល់ការសម្រេចដោយជោគជ័យ។លោកបានសរសើរយោធារុស្ស៊ីថា ជាវីរបុរស ហើយបានបញ្ជាឱ្យបង់ប្រាក់បន្ថែមដល់គ្រួសារទាហានដែលត្រូវបានសម្លាប់ និងទាហានដែលរងរបួសក្នុងបេសកកម្មរបស់ពួកគេ។ កងកម្លាំងរុស្ស៊ីបានជំរុញសង្គ្រាមរបស់ពួកគេនៅអ៊ុយក្រែន ដោយដណ្ដើមបានកំពង់ផែសមុទ្រយុទ្ធសាស្ត្រមួយ និងគំរាមដណ្ដើមយកមជ្ឈមណ្ឌលថាមពលធំមួយ ទោះបីជាភាគីទាំងពីរបានជួបប្រជុំគ្នានៅក្នុងប្រទេសបេឡារុស និងបានចរចាព្រមព្រៀងឲ្យមានច្រករបៀងសុវត្ថិភាព ដើម្បីជម្លៀសពលរដ្ឋដោយសុវត្ថិភាពក៏ដោយ។អង្គការសហប្រជាជាតិនិយាយថា មនុស្សជាង ១លាននាក់បានភៀសខ្លួនចេញពីអ៊ុយក្រែន ចាប់តាំងពីការវាយប្រហាររបស់រុស្ស៊ីចាប់ផ្ដើម។ ចំនួននេះស្មើនឹងជាង ២% នៃចំនួនប្រជាជនអ៊ុយក្រែន ទោះបីជាអ្នកដែលភៀសខ្លួនពីអ៊ុយក្រែនមួយចំនួន ជាពលរដ្ឋប្រទេសផ្សេងទៀតក៏ដោយ។ ទីភ្នាក់ងារជនភៀសខ្លួនរបស់អង្គការសហប្រជាជាតិបានព្យាករណ៍ថា ប្រជាជនរហូតដល់ ៤លាននាក់អាចចាកចេញពីអ៊ុយក្រែន ជាប្រទេសដែលមានប្រជាជនចំនួន ៤៤លាននាក់៕អត្ថបទ៖ ប៊ុនថន

ភាពក្ដុកក្ដួល និងការយំស្រែករបស់សាច់ញាតិជនភៀសខ្លួនអ៊ុយក្រែនពេលរត់ទៅកាន់អឺរ៉ុប

អ៊ុយក្រែន៖ រថភ្លើងជាច្រើនខ្សែនៅតែបន្តទៅដល់ទីក្រុង Przemys របស់ប្រទេសប៉ូឡូញកាលពីថ្ងៃព្រហស្បតិ៍ ដោយដឹកជនភៀសខ្លួនរាប់រយនាក់ដែលកំពុងរត់គេច ចេញពីការឈ្លានពានរបស់រុស្ស៊ីលើអ៊ុយក្រែន។ នៅក្នុងពេលឱបលាគ្នាទាំងទឹកភ្នែកនៅស្ថានីយរថភ្លើង Przemysl ស្ត្រីជនជាតិអ៊ុយក្រែនម្នាក់បានបែកពីកូនស្រីរបស់គាត់ ដោយរូបគាត់ត្រូវត្រឡប់ទៅកាន់ប្រទេសអ៊ុយក្រែនវិញ ដើម្បីបន្តការងារជាគិលានុបដ្ឋាកក្នុងមន្ទីរពេទ្យយោធា។ កងកម្លាំងរុស្ស៊ីបានបង្កើនសកម្មភាពសង្គ្រាមនៅអ៊ុយក្រែន កាលពីថ្ងៃព្រហស្បតិ៍ដោយរឹបអូសបានកំពង់ផែដែនសមុទ្រុជាយុទ្ធសាស្ត្រ ខណៈដែលភាគីទាំង២ ចរចានៅប្រទេសបេឡារុស។ នៅមួយផ្នែកទៀតនៃការភៀសខ្លួន ភាពក្ដុកក្ដួល និងការសម្រកទឹកភ្នែកបានកើនឡើងខ្លាំងក្នុងចំណោមជនភៀសខ្លួនអ៊ុយក្រែន ដែលកំពុងមកដល់ក្នុងប្រទេសរ៉ូម៉ានីកាលពីថ្ងៃព្រហស្បតិ៍ ខណៈស្ត្រីម្នាក់បានរំលឹកពីសម្ដីដែលរូបគាត់បាននិយាយជាមួយម្ដាយរបស់គាត់ មុនពេលលាគ្នាចាកចេញពីប្រទេសកំណើត ដោយមិនដឹងថាពេលណាបានជួបមុខគ្នាវិញ។ រឿងរ៉ាវរបស់គាត់ក៏មិនខុសគ្នាដែរពីមនុស្សចំនួន ១លាននាក់ទៀតដែលបានភៀសខ្លួនចេញពីអ៊ុយក្រែន ចាប់តាំងពីរុស្ស៊ីបានឈ្លានពានអ៊ុយក្រែន៕អត្ថបទ៖ សុខមាន

ជនភៀសខ្លួនអ៊ុយក្រែនត្រូវបានផ្ដល់សិទ្ធិឲ្យរស់នៅក្នុងសហភាពអឺរ៉ុបរយៈពេល ៣ឆ្នាំ

អឺរ៉ុប៖ ជនភៀសខ្លួនអ៊ុយក្រែននឹងមានសិទ្ធិរស់នៅ និងធ្វើការក្នុងសហភាពអឺរ៉ុបរយៈពេល ៣ឆ្នាំក្រោមផែនការបន្ទាន់ ជាការឆ្លើយតបទៅនឹងអ្វីដែលកំពុងក្លាយជាវិបត្តិជនភៀសខ្លួនធំបំផុត របស់សហភាពអឺរ៉ុបនៅក្នុងរយៈពេល ១០០ឆ្នាំមកនេះ។យោងតាមទីភ្នាក់ងារអង្គការសហប្រជាជាតិ មនុស្សប្រមាណ ១លាននាក់បានភៀសខ្លួនចេញពីអ៊ុយក្រែន ចាប់តាំងពីរុស្ស៊ីបានបើកការវាយប្រហារឈានដល់ថ្ងៃទី៩ ដោយបានព្រមានទៀតថា មនុស្ស ៤លាននាក់អាចចាកចេញពីប្រទេសនេះក្នុងរយៈពេលប៉ុន្មានសប្ដាហ៍ និងប៉ុន្មានខែខាងមុខនេះ បើរុស្ស៊ីនៅតែបន្តប្រតិបត្តិការយោធា។មនុស្សជាង ៤៥៤,០០០នាក់បានរត់ចូលប្រទេសប៉ូឡូញ ខណៈដែល ១១៦,០០០នាក់ទៀតបានចូលទៅក្នុងប្រទេសហុងការី, មនុស្ស ៦៧,០០០នាក់ចូលទៅកាន់ប្រទេសស្លូវ៉ាគី, មនុស្ស ៤៥,០០០នាក់ចូលទៅកាន់ប្រទេសរ៉ូម៉ានី និង ៧៩,០០០នាក់ផ្សេងទៀតចូលទៅកាន់ប្រទេសមូលដូវ៉ា ដែលមិនមែនជាសមាជិកសហភាពអឺរ៉ុបជាប្រទេសក្រីក្របំផុតនៅតំបន់អឺរ៉ុប៕អត្ថបទ៖ សុខមាន

លោកប្រធានាធិបតីអ៊ុយក្រែន Zelenskyy ស្នើលោក Putin ជួបគ្នាដោយផ្ទាល់

អ៊ុយក្រែន៖ លោកប្រធានាធិបតីអ៊ុយក្រែន Zelenskyy បាននិយាយថា ការចរចាដោយផ្ទាល់ជាមួយលោក Putin គឺជាច្រកតែមួយគត់ដើម្បីបញ្ចប់សង្គ្រាមរវាងប្រទេសរុស្ស៊ី និងអ៊ុយក្រែន។ លោកប្រធានាធិបតីអ៊ុយក្រែន Volodymyr Zelenskyy បាននិយាយក្នុងសារផ្ញើជូនលោក Putin ថា ខ្ញុំមិនចេះខាំទេ។ តើអ្នកខ្លាចអី? ខណៈដែលអាមេរិក និងចក្រភពអង់គ្លេសបានបង្ហាញកញ្ចប់ទណ្ឌកម្មថ្មី លើក្រុមមេដឹកនាំធុរកិច្ចធំរបស់រុស្ស៊ី។ក្រុមគណៈប្រតិភូរុស្ស៊ី និងអ៊ុយក្រែនបានជួបគ្នាជុំទី២ ក្នុងទីក្រុង Brest ស្ថិតនៅតាមព្រំដែនរវាងប្រទេសប៉ូឡូញ និងបេឡារុសកាលពីថ្ងៃព្រហស្បតិ៍ម្សិលមិញនេះ។ ភាគីអ៊ុយក្រែនបានស្វែងរកការបើកច្រករបៀងមនុស្សធម៌ ខណៈពេលដែលរុស្ស៊ីបានទទូចថា ការពន្យារពេលណាមួយក្នុងការចរចានឹងនាំឱ្យមានការបន្ថែម តម្រូវការទៅលើបញ្ជីទាមទារ របស់ទីក្រុង Moscow។ ក្រោយការចរចាជុំទី២ រវាងក្រុមមន្ត្រីរបស់ប្រទេសទាំង២ ក្រុង Kyiv និង Moscow បានរាយការណ៍ថា បានព្រមព្រៀងលើការបង្កើតឲ្យមានច្រករបៀងមនុស្សធម៌ ដើម្បីជម្លៀសជនស៊ីវិល។លោក Mikhail Podolyak ទីប្រឹក្សាប្រធានការិយាល័យរបស់ប្រធានាធិបតីអ៊ុយក្រែន បានសរសេរនៅលើបណ្ដាញសង្គមធ្វីតធ័រថា ការចរចាជុំទី២ បានបញ្ចប់ហើយ តែគួរឲ្យស្ដាយព្រោះលទ្ធផលដែលអ៊ុយក្រែនចង់បាននោះ គឺមិនទាន់មាននៅឡើយទេ។ មានដំណោះស្រាយតែមួយគត់ សម្រាប់ការរៀបចំឲ្យមានច្រករបៀងមនុស្សធម៌៕អត្ថបទ៖ សុខមាន

លោក Biden ប្រកាសដាក់ទណ្ឌកម្មថ្មីលើរុស្ស៊ីកាន់តែធ្ងន់ធ្ងរ

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក Joe Biden បានប្រកាសដាក់ទណ្ឌកម្មថ្មីកាលពីថ្ងៃព្រហស្បតិ៍លើមន្ត្រីជាន់ខ្ពស់រុស្ស៊ី និងអ្នកផ្សេងទៀតនៅក្នុងរង្វង់ផ្ទៃក្នុងរបស់ប្រធានាធិបតីលោក Vladimir Putin ខណៈកងកម្លាំងរុស្ស៊ីបន្តវាយប្រហារលើអ៊ុយក្រែន។ថ្លែងនៅក្នុងកិច្ចប្រជុំគណៈរដ្ឋមន្ត្រី លោក Biden និយាយថា លោកកំពុងបន្តដាក់ទណ្ឌកម្មសេដ្ឋកិច្ចធ្ងន់ធ្ងរលើមនុស្សជិតស្និទ្ធជាមួយលោក Putin។ ទណ្ឌកម្មថ្មីនេះផ្តោតទៅលើអ្នកនាំពាក្យរបស់លោក Putin គឺលោក Dmitry Peskov និងលោក Alisher Burhanovich Usmanov ជាបុគ្គលមានទ្រព្យបំផុតម្នាក់របស់រុស្ស៊ី និងជាសម្ព័ន្ធមិត្តជិតស្និទ្ធរបស់លោក Putin។ ក្រសួងការបរទេសសហរដ្ឋអាមេរិកប្រកាសថា ក្រសួងកំពុងដាក់បម្រាមទិដ្ឋាការលើមន្ត្រីរុស្ស៊ី ១៩នាក់ និងសមាជិកគ្រួសាររបស់ពួកគេ និងអ្នកជិតស្និទ្ធ។ សេតវិមានបានចាត់ទុកលោក Peskov អ្នកនាំពាក្យវិមានក្រឹមឡាំងថា ជាអ្នកផ្សព្វផ្សាយកំពូលម្នាក់នៃការឃោសនារបស់លោក Putin។ លោក Biden និយាយថា គោលបំណងនៃទណ្ឌកម្មគឺដើម្បីរក្សាយុទ្ធនាការផលប៉ះពាល់លើសេដ្ឋកិច្ច រួមខ្លាំងបំផុតរបស់លោក Putin ក្នុងប្រវត្តិសាស្ត្រទាំងអស់ ហើយលោកគិតថា កំពុងដំណើរការបានល្អលើការដាក់ទណ្ឌកម្មនេះ៕អត្ថបទ៖ ប៊ុនថន

កិច្ចចរចាជុំទី២ រវាងរុស្ស៊ី និងអ៊ុយក្រែនព្រមព្រៀងលើការបើកច្រករបៀងមនុស្សធម៌

បេឡារុស៖ អ្នកចរចានៃភាគីទាំងពីរបាននិយាយថា ប្រទេសអ៊ុយក្រែន និងរុស្ស៊ីបានព្រមព្រៀងគ្នាបង្កើតច្រករបៀងមនុស្សធម៌ដើម្បីជម្លៀសជនស៊ីវិល នៅក្នុងជុំទីពីរនៃកិច្ចចរចាចាប់តាំងពីទីក្រុងមូស្គូ បានឈ្លានពានចូលអ៊ុយក្រែនកាលពីសប្តាហ៍មុន។ទីប្រឹក្សាប្រធានាធិបតីអ៊ុយក្រែនលោក Mykhailo Podolyak បាននិយាយនៅលើបណ្តាញ Twitter ថា ជុំទីពីរនៃកិច្ចចរចាបានបញ្ចប់ហើយ ប៉ុន្តែអ៊ុយក្រែនមិនទាន់ទទួលបានលទ្ធផលដែលខ្លួនត្រូវការនៅឡើយ។ មានការសម្រេចតែលើការរៀបចំឲ្យមានច្រករបៀងមនុស្សធម៌ សម្រាប់ការជម្លៀសជនស៊ីវិលប៉ុណ្ណោះ។ ការចរចារវាងមន្ត្រីរុស្ស៊ី និងអ៊ុយក្រែនបានធ្វើឡើងនៅព្រំដែនប្រទេសប៉ូឡូញ-បេឡារុសនៅថ្ងៃទី៨ នៃការឈ្លានពានរបស់រុស្ស៊ីលើអ៊ុយក្រែន។ អ្នកចរចារុស្ស៊ីបានបញ្ជាក់ថា ភាគីទាំងពីរបានព្រមព្រៀងបង្កើតច្រកចេញសម្រាប់ជនស៊ីវិល។ អ្នកចរចាសំខាន់របស់រុស្ស៊ី ជាទីប្រឹក្សាប្រធានាធិបតីរុស្សីលោក Vladimir Putin លោក Vladimir Medinsky និយាយថា បញ្ហាចម្បងដែលយើងសម្រេចនៅថ្ងៃនេះគឺបញ្ហានៃការជួយសង្គ្រោះប្រជាជន និងជនស៊ីវិលដែលស្ថិតនៅក្នុងតំបន់នៃការប៉ះទង្គិចគ្នាផ្នែកយោធា។លោកនិយាយថា រុស្ស៊ីអំពាវនាវដល់ជនស៊ីវិលដែលមើលឃើញថា ខ្លួនស្ថិតក្នុងស្ថានភាពនេះ ប្រសិនបើសកម្មភាពយោធានៅតែបន្តត្រូវប្រើប្រាស់ច្រករបៀងមនុស្សធម៌ក្នុងការជម្លៀសខ្លួន។ ជាមួយគ្នានេះ រដ្ឋមន្ត្រីការបរទេសរុស្ស៊ីនិយាយថា រុស្ស៊ីនឹងបន្តទទូចថា កិច្ចព្រមព្រៀងសន្តិភាពណាមួយជាមួយអ៊ុយក្រែន ត្រូវតែរួមមានការសន្យាថា អ៊ុយក្រែននឹងគ្មានយោធា។ រុស្សីបានផ្តល់សញ្ញាថា ខ្លួនមានបំណងពិភាក្សាជាមួយអ៊ុយក្រែនឲ្យទទួលយកស្ថានភាពអព្យាក្រឹត និងយល់ព្រមបោះបង់មហិច្ឆតាក្នុងការចូលរួម ជាមួយសមាជិកអង្គការសន្ធិសញ្ញាអាត្លង់ទិកខាងជើង (NATO)៕អត្ថបទ៖ ប៊ុនថន

កម្ពុជា-ម៉ាឡេស៊ី លើកឡើងអំពីបញ្ហាប្រឈមផ្នែកសន្តិសុខអន្តរជាតិ

ភ្នំពេញ ៖ កម្ពុជា-ម៉ាឡេស៊ី បានកត់សម្គាល់អំពីបញ្ហាប្រឈមផ្នែកសន្តិសុខអន្តរជាតិ ដែលកំពុងកើតមាន ដូចជាបញ្ហាជំងឺរាតត្បាតជាដើម។ នេះបើតាមសេចក្តីប្រកាសព័ត៌មានរបស់កងទ័ពជើងគោកស្ដីពីទស្សនកិច្ចផ្លូវការរបស់មេបញ្ជាការកងទ័ពជើងគោកម៉ាឡេស៊ីនៅកម្ពុជា ចេញនៅថ្ងៃទី៣ ខែមីនា ឆ្នាំ២០២២។ប្រភពដដែលបន្តថាភាគីទាំងពីរក៏បានគូសបញ្ជាក់អំពីសារៈសំខាន់នៃការរក្សា និងការបង្កើនទំនាក់ទំនងកិច្ចសហប្រតិបត្តិការទ្វេភាគីរវាងកងទ័ពជើងគោកទាំងពីរកម្ពុជា-ម៉ាឡេស៊ី ដែលជាគន្លឹះមួយដ៏មានប្រសិទ្ធភាព រួមចំណែកជាមួយយន្តការពហុភាគីជាលក្ខណៈតំបន់ដែលមានស្រាប់ ដើម្បីជំរុញការកសាងទំនុកចិត្ត និងការយោគយល់គ្នាទៅវិញទៅមក សំដៅធ្វើយ៉ាងណារួមគ្នាដោះស្រាយបញ្ហាប្រឈមផ្នែកសន្តិសុខនានា និងបន្តគាំទ្រដល់សកម្មភាពនានាដែលនាំទៅដល់ការថែរក្សាសន្តិភាព និងស្ថិរភាពនៅក្នុងតំបន់។សូមបញ្ជាក់ផងដែរថានៅថ្ងៃទី៣ ខែមីនា ឆ្នាំ២០២២ នៅបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានជួបពិភាក្សាការងារជាមួយឯកឧត្តមនាយឧត្តមសេនីយ៍ តាន់ស្រ៊ី ដាតុ សឺរី ហ្សាមរ៉ូស ប៊ីន ម៉ូហាម៉ាត់ ហ្ស៊ីន (Tan Sri Dato Seri Zamrose Bin Mohd Zain) មេបញ្ជាការកងទ័ពជើងគោកម៉ាឡេស៊ី ក្នុងឱកាសដែលឯកឧត្តមនាយឧត្តមសេនីយ៍បំពេញទស្សនកិច្ចផ្លូវការនៅកម្ពុជាចាប់ពីថ្ងៃទី២ ដល់ទី៣ ខែមីនា ឆ្នាំ២០២២។សេចក្ដីប្រកាសព័ត៌មានដដែលបន្ថែមថាក្រៅពីលើកឡើងពីបញ្ហាប្រឈមភាគីទាំងពីរកម្ពុជា-ម៉ាឡេស៊ី ក៏បានសម្តែងនូវការពេញចិត្តចំពោះការរីកចម្រើននៃទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរកម្ពុជា-ម៉ាឡេស៊ី ក្នុងវិស័យសំខាន់ៗជាច្រើន រួមទាំងវិស័យការពារជាតិ។ កិច្ចសហប្រតិបត្តិការយោធាទ្វេភាគី គឺបានដំណើការបោះជំហានទៅមុខ និងទទួលបានលទ្ធផលផ្លែផ្កាជាច្រើន ជាអាទិ៍ ការបណ្តុះបណ្តាលសិក្ខាកាមយោធិនកម្ពុជាតាមរយៈកម្មវិធី Malaysian Defense Cooperation Program (MDCP) ចាប់តាំងពីឆ្នាំ២០០២, ការផ្លាស់ប្តូរទស្សនកិច្ចទៅវិញទៅមក និងការអញ្ជើញចូលរួមរបស់គណៈប្រតិភូយោធាជាន់ខ្ពស់កម្ពុជាក្នុងព្រឹត្តិការណ៍ពិព័រណ៍ការពារជាតិអាស៊ី(Defense Services Asia Exhibition-DSA) និងពិព័រណ៍ដែនអាកាស និងលម្ហសមុទ្រអន្តរជាតិឡាំងកាវី (Langkawi International Maritime and Aero- space Exhibition-LIMA) ជាដើម។ភាគីទាំងពីរក៏បានវាយតម្លៃខ្ពស់ចំពោះលទ្ធផលនៃដំណើរទស្សនកិច្ចនេះ ដែលជាការបើកទំព័រថ្មីនៃទំនាក់ទំនងកិច្ចសហប្រតិបត្តិការរវាងកងទ័ពជើងគោកនៃប្រទេសទាំងពីរឱ្យកាន់តែសកម្មស៊ីជម្រៅ និងរឹងមាំថែមទៀត។ភាគីទាំងពីរក៏បានពិភាក្សាគ្នាលើគោលគំនិត និងទិសដៅនៃកិច្ចសហប្រតិបត្តិការមួយចំនួនដែលមានសារៈសំខាន់ និងផ្តល់ផលប្រយោជន៍ទៅវិញទៅមកផងដែរ៕ អត្ថបទ ៖ គង់ ឌីន

លោក Zelenskyy ប្រាប់កងទ័ពរុស្ស៊ីឲ្យទៅប្រទេសវិញ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានផ្តល់ការវាយតម្លៃក្នុងភាពសុទិដ្ឋិនិយមនៃសង្គ្រាម តាមរយៈសេចក្ដីថ្លែងការណ៍តាមវីដេអូដែលបានចេញផ្សាយនៅថ្ងៃព្រហស្បតិ៍នេះ និងបានអំពាវនាវឲ្យប្រជាជនអ៊ុយក្រែនបន្តការទប់ទល់។ នៅក្នុងសេចក្ដីថ្លែងការណ៍លោក Zelenskyy បានអះអាងថា ជនជាតិរុស្ស៊ី ៩០០០នាក់ត្រូវបានសម្លាប់ក្នុងរយៈពេល ៧ថ្ងៃមកនេះចាប់តាំងពីការឈ្លានពាន។ លោកបាននិយាយយោងទៅរកអ្នកមានអាយុ ១៩ និង ២០ឆ្នាំជាអ្នកដែលត្រូវបានគេប្រើប្រាស់ ហើយបានប្រាប់ពួកគេឲ្យត្រឡប់ទៅប្រទេសវិញ ជាមួយទាហានរុស្ស៊ីទាំងអស់។ កងកម្លាំងប្រធានាធិបតីលោក Vladimir Putin របស់រុស្សីបានអះអាងថា បានគ្រប់គ្រងទាំងស្រុងទីក្រុង Kherson ប៉ុន្តែលោក Zelenskyy មិនបាននិយាយថា តើរុស្សីបានដណ្ដើមយកទីក្រុងណាខ្លះនោះទេ៕អត្ថបទ៖ ប៊ុនថន

ទាហានអាមេរិកប្រញាប់ទៅកាន់អឺរ៉ុបក្នុងពេលមានសង្គ្រាមនៅអ៊ុយក្រែន

សហរដ្ឋអាមេរិក៖ ទាហានមកពីកងពលធំទី៣ កងទ័ពជើងគោករបស់កងទ័ពសហរដ្ឋអាមេរិក ដែលមានមូលដ្ឋាននៅតំបន់ Fort Stewart រដ្ឋ Georgia កំពុងដាក់ពង្រាយទៅកាន់ប្រទេសអាល្លឺម៉ង់ ដើម្បីហ្វឹកហាត់ជាមួយសម្ព័ន្ធមិត្ត NATO និងដើម្បីទប់ស្កាត់ការឈ្លានពានរបស់រុស្ស៊ីបន្ថែមទៀត បន្ទាប់ពីការវាយប្រហារលើអ៊ុយក្រែន។ ទាហានប្រមាណ ៣,៨០០នាក់ត្រូវបានបញ្ជាឱ្យដាក់ពង្រាយ។ពិភពលោកភាគច្រើនប្រឆាំងទីក្រុងមូស្គូនៅអង្គការសហប្រជាជាតិ ដើម្បីទាមទារឱ្យដកខ្លួនចេញពីអ៊ុយក្រែន ខណៈកងកម្លាំងរុស្ស៊ីបន្តការវាយប្រហារលើទីក្រុងធំបំផុតទី២ របស់ប្រទេសនេះ និងបានឡោមព័ទ្ធកំពង់ផែយុទ្ធសាស្ត្ររបស់ប្រទេស។ ប្រទេសរុស្ស៊ីបានរាយការណ៍ពីការស្លាប់ និងរងរបួសយោធារបស់ខ្លួនជាលើកដំបូង ចាប់តាំងពីការឈ្លានពានចាប់ផ្ដើមកាលពីសប្ដាហ៍មុនដោយនិយាយថា ទាហាន ៤៩៨នាក់ត្រូវបានសម្លាប់ និងជិត ១,៦០០នាក់បានរងរបួស។ អ៊ុយក្រែនបានទទូចថា ទាហានរបស់រុស្ស៊ីស្លាប់ច្រើនជាងចំនួននេះ ប៉ុន្តែមិនបានបង្ហាញភ្លាមៗអំពីការបាត់បង់ជីវិតទាហានរបស់ប្រទេសខ្លួននោះទេ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

មនុស្សជាច្រើន ស្លាប់ និងរងរបួស ដោយសារអគ្គិភ័យឆាបឆេះផ្ទះល្វែង នៅទីក្រុង Antwerp របស់បែលហ្ស៊ិក

កូរ៉េខាងត្បូង បន្តលើកលែងការបង់ថ្លៃសុំទិដ្ឋាការ សម្រាប់អ្នកទេសចរជាក្រុមមកពី ៦ប្រទេស

ប្រភព៖ ការចរចាដោយប្រយោលរវាងសហរដ្ឋអាមេរិក និងអ៊ីរ៉ង់ ចាប់ផ្តើមនៅទីក្រុងដូហារបស់កាតា

លោក Ghalibaf៖ អ៊ីរ៉ង់មិនអាចនាំចេញ «ប្រេងសូម្បី ១បារ៉ែល» អំឡុងពេលបិទខ្ទប់ផ្លូវទឹកដោយអាមេរិក

មេដឹកនាំប្រឆាំងអ៊ីស្រាអែលចោទលោក Netanyahu ថា បានប្រឌិតនុយក្លេអ៊ែររបស់អ៊ីរ៉ង់ ដើម្បីបំភ័យសាធារណជន

លោក Zelenskyy៖ អ៊ុយក្រែនវាយប្រហាររោងចក្រចម្រាញ់ប្រេង និងរោងចក្រការពារជាតិ នៅរុស្ស៊ី

អេស្ប៉ាញកត់ត្រាការស្លាប់ទាក់ទងនឹងកម្ដៅជាង ១.០០០នាក់ ក្នុងខែមិថុនា

របាយការណ៍៖ ក្រុមប្រឹក្សាសន្តិភាព នឹងគ្រប់គ្រងមជ្ឈមណ្ឌលជម្រកមនុស្សធម៌នៅហ្កាហ្សាឆាប់ៗ

សារព័ត៌មាន៖ NATO មិនទាន់ឯកភាពគ្នាលើលក្ខខណ្ឌនៃជំនួយដល់អ៊ុយក្រែនទេ ដោយសារជំហររបស់អ៊ីតាលី

សហរដ្ឋអាមេរិកប្រកាសទណ្ឌកម្មស្របជាមួយប្រទេសឈូងសមុទ្រ លើក្រុមហេសបូឡារបស់លីបង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Putin បង្ក្រាបការតវ៉ាប្រឆាំងនឹងសង្គ្រាមអ៊ុយក្រែននៅរុស្ស៊ីដោយចាប់ខ្លួនមនុស្សជាង ៦ពាន់នាក់

លោក Putin និយាយថា ប្រតិបត្តិការនៅអ៊ុយក្រែនដំណើរការទៅតាមផែនការ

ភាពក្ដុកក្ដួល និងការយំស្រែករបស់សាច់ញាតិជនភៀសខ្លួនអ៊ុយក្រែនពេលរត់ទៅកាន់អឺរ៉ុប

ជនភៀសខ្លួនអ៊ុយក្រែនត្រូវបានផ្ដល់សិទ្ធិឲ្យរស់នៅក្នុងសហភាពអឺរ៉ុបរយៈពេល ៣ឆ្នាំ

លោកប្រធានាធិបតីអ៊ុយក្រែន Zelenskyy ស្នើលោក Putin ជួបគ្នាដោយផ្ទាល់

លោក Biden ប្រកាសដាក់ទណ្ឌកម្មថ្មីលើរុស្ស៊ីកាន់តែធ្ងន់ធ្ងរ

កិច្ចចរចាជុំទី២ រវាងរុស្ស៊ី និងអ៊ុយក្រែនព្រមព្រៀងលើការបើកច្រករបៀងមនុស្សធម៌

កម្ពុជា-ម៉ាឡេស៊ី លើកឡើងអំពីបញ្ហាប្រឈមផ្នែកសន្តិសុខអន្តរជាតិ

លោក Zelenskyy ប្រាប់កងទ័ពរុស្ស៊ីឲ្យទៅប្រទេសវិញ

ទាហានអាមេរិកប្រញាប់ទៅកាន់អឺរ៉ុបក្នុងពេលមានសង្គ្រាមនៅអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Putin ​និយាយ​ថា ប្រតិបត្តិការ​នៅ​អ៊ុយ​ក្រែ​ន​ដំណើរការ​ទៅតាម​ផែនការ​

ភាព​ក្ដុកក្ដួល និង​ការ​យំ​ស្រែក​របស់​សាច់ញាតិ​ជនភៀសខ្លួន​អ៊ុយ​ក្រែ​ន​ពេល​រត់​ទៅកាន់​អឺរ៉ុប​

ជនភៀសខ្លួន​អ៊ុយ​ក្រែ​ន​ត្រូវ​បាន​ផ្ដល់​សិទ្ធិ​ឲ្យ​រស់​នៅ​ក្នុង​សហភាព​អឺរ៉ុប​រយៈពេល ​៣​ឆ្នាំ

លោក​ប្រធានាធិបតី​អ៊ុយ​ក្រែ​ន Zelenskyy ស្នើ​លោក Putin​ ជួប​គ្នា​ដោយ​ផ្ទាល់​

លោក Biden ប្រកាស​ដាក់ទណ្ឌកម្ម​ថ្មី​លើ​រុស្ស៊ី​កាន់តែ​ធ្ងន់ធ្ងរ​

កិច្ចចរចា​ជុំ​ទី​២ រវាង​រុស្ស៊ី និង​អ៊ុយ​ក្រែ​ន​ព្រមព្រៀង​លើ​ការ​បើក​ច្រក​របៀង​មនុស្សធម៌

កម្ពុជា-ម៉ាឡេស៊ី លើកឡើងអំពីបញ្ហាប្រឈមផ្នែកសន្តិសុខអន្តរជាតិ

លោក Zelenskyy ប្រាប់​កងទ័ព​រុស្ស៊ី​ឲ្យ​ទៅ​ប្រទេស​វិញ​

ទាហាន​អាមេរិក​ប្រញាប់​ទៅកាន់​អឺរ៉ុប​ក្នុង​ពេល​មាន​សង្គ្រាម​នៅ​អ៊ុយ​ក្រែ​ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Putin និយាយថា ប្រតិបត្តិការនៅអ៊ុយក្រែនដំណើរការទៅតាមផែនការ

ភាពក្ដុកក្ដួល និងការយំស្រែករបស់សាច់ញាតិជនភៀសខ្លួនអ៊ុយក្រែនពេលរត់ទៅកាន់អឺរ៉ុប

ជនភៀសខ្លួនអ៊ុយក្រែនត្រូវបានផ្ដល់សិទ្ធិឲ្យរស់នៅក្នុងសហភាពអឺរ៉ុបរយៈពេល ៣ឆ្នាំ

លោកប្រធានាធិបតីអ៊ុយក្រែន Zelenskyy ស្នើលោក Putin ជួបគ្នាដោយផ្ទាល់

លោក Biden ប្រកាសដាក់ទណ្ឌកម្មថ្មីលើរុស្ស៊ីកាន់តែធ្ងន់ធ្ងរ

កិច្ចចរចាជុំទី២ រវាងរុស្ស៊ី និងអ៊ុយក្រែនព្រមព្រៀងលើការបើកច្រករបៀងមនុស្សធម៌

លោក Zelenskyy ប្រាប់កងទ័ពរុស្ស៊ីឲ្យទៅប្រទេសវិញ

ទាហានអាមេរិកប្រញាប់ទៅកាន់អឺរ៉ុបក្នុងពេលមានសង្គ្រាមនៅអ៊ុយក្រែន