BTV NEWS

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

ព័ត៌មានសំខាន់ៗ

WHO៖ វីរុសបម្លែងខ្លួនថ្មី Omicron នឹងរុញមន្ទីរពេទ្យនានានៅអឺរ៉ុបឲ្យធ្លាក់ទៅរកមាត់ជ្រោះមហន្តរាយ

អឺរ៉ុប៖ មន្ត្រីជាន់ខ្ពស់របស់អង្គការសុខភាពពិភពលោកប្រចាំទ្វីបអឺរ៉ុបបានព្រមានថា ការហក់ឡើងនៃករណីឆ្លងវីរុសបម្លែងខ្លួន Omicron នឹងជំរុញឱ្យប្រព័ន្ធសុខាភិបាលអឺរ៉ុបឆ្ពោះទៅរកមាត់ជ្រោះមហន្តរាយ។ លោក Hans Kluge បាននិយាយថា "ព្យុះមួយទៀត" កំពុងមកដល់ ហើយរដ្ឋាភិបាលគួរតែត្រៀមចំពោះករណីឆ្លង ដែលកំពុងកើនឡើងគួរឱ្យកត់សម្គាល់។ការព្រមានរបស់លោកបានកើតឡើង ខណៈប្រទេសមួយចំនួនបានដាក់ចេញវិធានការរឹតត្បិត គម្លាតសវុត្ថិភាពសង្គមឡើងវិញ។ ប្រទេសអាល្លឺម៉ង់បានប្រកាសវិធានការថ្មីក្រោយបុណ្យណូអែល រួមទាំងការកំណត់លើពិធីជប់លៀងនានា។ ទន្ទឹមនឹងនេះ ប្រទេសព័រទុយហ្គាល់បានបញ្ជាឱ្យបិទបារ និងក្លឹបរាត្រីចាប់ពីថ្ងៃទី២៦ ខែធ្នូតទៅ។ នាយករដ្ឋមន្ត្រីអង់គ្លេសលោក Boris Johnson បានច្រានចោលការរឹតត្បិតថ្មីណាមួយសម្រាប់អង់គ្លេសមុនថ្ងៃបុណ្យណូអែល ប៉ុន្តែដែនដីស្កុតឡិន វេលស៍ និងអៀរឡង់ខាងជើងបានប្រកាសពីការទប់ស្កាត់លើការបង្កើនសកម្មភាពសង្គមចម្រុះគ្នា។ វីរុសបម្លែងខ្លួនថ្មី Omicron ត្រូវបានគេរកឃើញដំបូងនៅអាហ្វ្រិកខាងត្បូងកាលពីខែមុន ប៉ុន្តែឥឡូវបានរីករាលដាលជុំវិញពិភពលោក។អង្គការនេះបាននិយាយថា វីរុសនេះត្រូវបានគេរកឃើញនៅក្នុងប្រទេសយ៉ាងហោចណាស់ ៣៨ ក្នុងចំណោម ៥៣ប្រទេសនៅក្នុងតំបន់អឺរ៉ុបរបស់អង្គការសុខភាពពិភពលោកដែលរួមមានរុស្ស៊ី និងទួរគី ហើយវីរុសមានឥទ្ធិពលឆ្លងខ្លាំងនៅក្នុងប្រទេសមួយចំនួន។ អង្គការសុខភាពពិភពលោកបានអំពាវនាវឱ្យលុបចោលការជួបជុំថ្ងៃសម្រាកមួយចំនួន ខណៈវីរុស Covid-19 បម្លែងខ្លួនថ្មី Omicron រីករាលដាលយ៉ាងឆាប់រហ័សនៅជុំវិញពិភពលោក ដោយលើកឡើងថា លុបចោលព្រឹត្តិការណ៍នេះប្រសើរជាងលុបចោលជីវិត។ ការឆ្លងខ្ពស់នៃវីរុសបម្លែងខ្លួនថ្មីឥឡូវនេះត្រូវបានគេរកឃើញនៅក្នុងប្រទេសជាង ១០០ ហើយបានបង្ខំឱ្យរដ្ឋាភិបាលមួយចំនួនដាក់ចេញវិធានការកាន់តែរឹតរ៉ឹងជាងមុន ទប់ស្កាត់ការឆ្លងរាលដាលក្នុងអំឡុងពេលពិធីបុណ្យណូអែល៕អត្ថបទ៖ សុខមាន

ក្រុមចោរប្លន់ផ្ទះអ្នកលក់ឡេ អ៊ាន សៀវម៉ី ត្រូវបានកម្លាំងអាវុធហត្ថរាជធានីភ្នំពេញ បង្ក្រាបបានហើយ

ភ្នំពេញ៖ នាយប់ថ្ងៃទី២០ ខែធ្នូ ឆ្នាំ២០២១នេះ កម្លាំងអាវុធហត្ថរាជធានីភ្នំពេញដឹកនាំដោយឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងមេបញ្ជាការកងរាជអាវុធហត្ថរាជធានីភ្នំពេញ បានសម្រុកចូលសម្បុកក្រុមចោរប្លន់ផ្ទះអ្នកលក់ឡេ អ៊ាន សៀវម៉ី ប្រមូលបានគ្រឿងពេជ្រត្រឡប់មកវិញ និងដកហូតអាវុធចំនួន5ដើម(វែង១ដើម ខ្លី៤ដើម)។ អាវុធហត្ថភ្នំពេញ កំពុងបន្តនិតិវិធីលើមនុស្សពាក់ព័ន្ធ ក្នុងចំណោមមនុស្សដែលឃាត់ខ្លូនចំនួន១២នាក់(ប្រុស៩នាក់ ស្រី៣នាក់)។ទន្ទឹមគ្នានេះដែរនគរបាលនាយកដ្ឋានជំនាញពាក់ព័ន្ធ កម្លាំងការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ កម្លាំងនៃអធិការដ្ឋាននគរបាលខណ្ឌដង្កោ សហការជាមួយកម្លាំងនាយកដ្ឋានព្រហ្មទណ្ឌបានស្រាវជ្រាវ និងដេញឃាត់បានរថយន្តនៅភូមិសាស្រ្តខណ្ឌដង្កោ ដែលជនសង្ស័យបានប្រេីប្រាស់ក្នុងករណីប្លន់នេះផងដែរ ដោយស្ថានភាពងងឹតខ្លាំង កម្លាំងជំនាញបានប្រដេញរថយន្តនេះ រហូតជនសង្ស័យបានបេីកទ្វារលោតគេចខ្លួនចូលក្នុងគម្ពោធព្រៃ ពេលនេះសមត្ថកិច្ចកំពុងធ្វេីការឡោមព័ទ្ធទីតាំងនោះ ដេីម្បីបន្តរុករកជនសង្ស័យដែលរត់គេចខ្លួន ។ ដោយពិនិត្យឃេីញមានដបសាំងក្នុងរថយន្ត សមត្ថកិច្ចបានធ្វេីការសន្និដ្ឋានជាបឋមថា ជនសង្ស័យមានបំណងបេីករថយន្តទៅកន្លែងស្ងាត់ដេីម្បីដុតកំទេចចោលបំផ្លាញភស្តុតាង ៕

សម្តេចតេជោ សមិទ្ធផលពហុកីឡដ្ឋានមរតកតេជោ គឺធំហើយប៉ុន្តែអ្វីដែលធំជាងនេះគឺទឹកចិត្តដ៏សប្បុរសរបស់មិត្តចិន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានមានប្រសាសន៍ថា ការទទួលបាននូវវិមានកីឡដ្ឋានដ៏ស្កឹមស្កៃនៃពហុកីឡដ្ឋានមរតកតេជោនៅសង្កាត់ព្រែកតាសេក សមិទ្ធផលនេះគឺវាធំហើយ ប៉ុន្តែអ្វីដែលធំជាងនេះទៀតនោះគឺទឹកចិត្តរបស់មិត្តចិន។សម្ដេចតេជោប្រមុខរាជរដ្ឋាភិបាលកម្ពុជាបានបង្ហាញនូវការខិតខំធ្វើការជាមួយមិត្តចិនដើម្បីទទួលបាននូវសមិទ្ធផលដ៏ធំនេះដែលជាតម្រូវការសម្រាប់កម្ពុជាទទួលធ្វើម្ចាស់ផ្ទះការប្រកួតស៊ីហ្គេមឆ្នាំ២០២៣ ហើយសម្ដេចថាវិមាននេះវាធំហើយប៉ុន្តែអ្វីដែលធំជាងនេះទៀតគឺទឹកចិត្តដ៏សប្បុសរបស់មិត្តចិន។តាមរយៈជំនួយដ៏សប្បុរសនេះសម្ដេចក៏បានផ្ដាំផ្ញើតាមរយៈឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជានូវការថ្លែងអំណរគុណដ៏ជ្រាលជ្រៅដល់រដ្ឋាភិបាលនិងប្រជាជនចិនដែលបានផ្ដល់ជំនួយសម្រាប់កម្ពុជាហើយដែលជាការ ទន្ទឹងរង់ចាំរបស់កម្ពុជា។គួរបញ្ជាក់ថាវិមានកីឡដ្ឋាន នេះបានសាងសង់លើទំហំផ្ទៃដីប្រមាណ ១៦.២២ហិកតា ទំហំសំណង់ប្រហែល ៨.២៤ម៉ឺនម៉ែត្រការ៉េ គឺជាកីឡដ្ឋានខ្នាតធំដែលអាចផ្ទុកអ្នកទស្សនាបាន រហូតដល់ ៦ម៉ឺននាក់ ហើយមានសមត្ថភាពទទួលរៀបចំព្រឹត្តិការណ៍ប្រកួតកីឡាថ្នាក់ជាតិ និងអន្តរជាតិធំៗកម្រិតពិភពលោក។ ពិសេសនឹងក្លាយជាកីឡដ្ឋានដ៏សំខាន់ សម្រាប់ត្រៀមស្វាគមន៍ការប្រកួតកីឡាស៊ីហ្គេម និងអាស៊ានប៉ារ៉ាហ្គេម នៅកម្ពុជា នាឆ្នាំ២០២៣ខាងមុខ។វិមានកីឡដ្ឋាននេះ ត្រូវបានសាងសង់ឡើងដោយ ក្រុមហ៊ុន China State Construction Engineering Co. Ltd ស្ថិតក្រោមការគ្រប់គ្រង និងត្រួតពិនិត្យរបស់ក្រសួងពាណិជ្ជកម្មចិន។ ការសាងសង់វិមានកីឡដ្ឋាន ដ៏មហាអស្ចារ្យនេះបានប្រើប្រាស់រយៈពេល៤៨ខែ គិតចាប់ពីថ្ងៃសាងសង់ រហូតដល់ពេលបិទបញ្ចប់ នៅថ្ងៃទី៣១ ខែឧសភា ឆ្នាំ២០២១៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសម្ពោធដាក់ឲ្យប្រើប្រាស់ វិមានកីឡដ្ឋាន នៃពហុកីឡដ្ឋានជាតិមរតកតេជោ

ភ្នំពេញ៖ នៅព្រឹកថ្ងៃទី១៨ ខែធ្នូ ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា បានអញ្ជើញជាអធិបតីភាពក្នុងពិធីសម្ពោធដាក់ឱ្យប្រើប្រាស់ជាផ្លូវការនូវ វិមានកីឡដ្ឋាន ដែលជាសំណង់ធំជាងគេ នៃពហុកីឡដ្ឋានជាតិមរតកតេជោ ដែលកើតឡើងពីចំណងមិត្តភាព កម្ពុជា-ចិន ជាជំនួយឥតសំណងពីមិត្តចិន ដែលស្ថិតក្នុងសង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ។ដើម្បីទទួលបានព័ត៌មានថ្មីៗ លឿនរហ័ស សូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- ពហុកីឡដ្ឋានជាតិមរតកតេជោ ដែលបានកើតឡើងនាពេលនេះ គឺមិនមែនជាការយល់សុបិននោះទេ ពោលគឺជាការខិតខំប្រឹងប្រែងរួមគ្នារបស់ពលរដ្ឋខ្មែរទាំងអស់គ្នា ក្រោមជំនួយឧបត្ថម្ភរបស់ប្រជាជន និងរដ្ឋាភិបាលចិន។- សម្តេចតេជោ ហ៊ុន សែន បានអះអាងថា ជំនួយឥតសំណងរបស់មិត្តចិនក្នុងការកសាងពហុកីឡដ្ឋានជាតិមរតកតេជោនាពេលនេះ គឺជាជំនួយធំជាងគេបំផុតបើប្រៀបធៀបជាមួយនឹងជំនួយផ្សេងៗទៀត ដែលប្រជាជន និងរដ្ឋាភិបាលចិនបានផ្តល់ឲ្យកម្ពុជា។- សម្តេចតេជោ ហ៊ុន សែន បញ្ជាក់ថា ជំនួយរបស់មិត្តចិន មិនគ្រាន់តែជួយដល់ការអភិវឌ្ឍហេដ្ឋារចនាសម្ព័ន្ធនៅកម្ពុជានោះទេ វាក៏ជាផ្នែកមួយដ៏ធំ ដើម្បីពង្រឹងឯករាជ្យភាពកម្ពុជា ហើយសម្តេចក៏សង្ឃឹមថា ព្រឹត្តិការណ៍ថ្ងៃនេះ មិនមែនជាប្រធានបទ ដែលត្រូវវែកញែកនូវរឿងដ៏ហួសហេតុនោះទេ។- សម្តេចតេជោប្រកាសថា តំបន់កសាងពហុកីឡដ្ឋានមរតកតេជោ មិនត្រឹមតែជាកន្លែងនៃពិភពកីឡាប៉ុណ្ណោះទេ តែនៅមិនឆ្ងាយពីកន្លែងនេះគឺជាវិមានអនុស្សាវរីយ៍ឈ្នះ ឈ្នះ ដែលជាភស្តុតាង នៃសុខសន្តិភាពនៃកម្ពុជា ដែលនាំមកនូវការអភិវឌ្ឍលើគ្រប់វិស័យ។- សម្តេចតេជោ ហ៊ុន សែន មានប្រសាសន៍ថា ការនិមន្ត និង យាងព្រះសង្ឃចំនួន ៦៨ អង្គ គឺតំណាងឱ្យខួបលើកទី ៦៨ ឆ្នាំ ដែលចេញពីអាណានិគមបារាំង និង រំលឹកដល់ព្រះបរមរតកោដ្ឋ។- សម្តេចតេជោ ថ្លែងអំណរគុណដល់បក្ស រដ្ឋាភិបាល និងប្រជាជនចិន ដែលបានជួយដល់កម្ពុជា ក្នុងនោះមានសមិទ្ធផលមហាសាលដែលត្រូវដាក់សម្ពោធនៅថ្ងៃនេះ ហើយមិត្តចិនក៏បានផ្តល់សេរីភាពការជ្រើសរើសគំរូប្លង់ដល់កម្ពុជាផងដែរ ដែលជាការឲ្យតម្លៃគ្នា និងជាភាពជាដៃគូនៃយុទ្ធសាស្ត្រគ្រប់ជ្រុងជ្រោយ។- សម្តេចតេជោបានថ្លែងថា ការសាងសង់ពហុកីឡដ្ឋានជាតិមរតកតេជោ «គឺមានរូបរាងជាសំពៅ» ដោយបញ្ជាក់អំពីទំនាក់ទំនងយូរអង្វែងរវាងកម្ពុជា និងចិន តាំងពីដើមមកដែលបានធ្វើដំណើរតាមសំពៅ និងការភ្ជាប់ទំនាក់ទំនងតាមគំនិតផ្តួចផ្តើមខ្សែក្រវ៉ាត់និងផ្លូវ និងផ្លូវសូត្រសតវត្សទី២១។-សម្តេចតេជោ ហ៊ុន សែន បញ្ជាក់ថា រាជរដ្ឋាភិបាលនឹងជំរុញការចាក់វ៉ាក់សាំងនូវដូសទី៣ ជូនដល់មនុស្សចាស់ និងកុមារ ខណៈបុគ្គលម្នាក់ៗបន្តរួមគ្នាទប់ស្កាត់ និងការពារដោយខ្លួនបន្ថែមទៀត ដោយមិនអាចឲ្យប្រទេសវិលត្រឡប់ទៅក្រោយវិញ នៃការបិទខ្ទប់ ដោយសារបញ្ហាកូវីដ១៩នោះទេ បើទោះបីជាបញ្ហាមេរោគកូវីដ១៩នេះ នៅតែបន្តវត្តមានដដែលនោះ។- សម្តេចតេជោ ហ៊ុន សែន ប្រកាសអំពាវនាវសូមកុំមានស្លន់ស្លោររឿងមេរោគកូវីដ-១៩បំប្លែងខ្លួនថ្មី អូមីក្រុង ព្រោះរហូតមកទល់ពេលនេះ មិនទាន់មានករណីស្លាប់ដោយសារវានៅឡើយ តែក៏សូមកុំមានការប្រហែសភ្លេចខ្លួនផងដែរ។- សម្តេចតេជោ ហ៊ុន សែន អំពាវនាវដល់ប្រជាពលរដ្ឋ នាំគ្នាមកមើលការបាញ់កាំជ្រួច និងភ្លើងលម្អ វិមានកីឡដ្ឋាន នៃពហុកីឡដ្ឋានមរតកតេជោ នៅរាត្រីនេះ តែត្រូវរក្សាគម្លាត និងវិធានការអនាម័យ ដើម្បីទប់ស្កាត់ការឆ្លងរីករាលដាលជំងឺកូវីដ-១៩ និងមេរោគបំប្លែងថ្មី "អូមីក្រុង"។ **ប្រសាសន៍សម្ដេចតេជោ ចប់នៅម៉ោង ១០ និង០១នាទី

UN៖ COVID-19 នៅមិនទាន់បាត់ ប្រទេសជាច្រើនមិនអាចបំពេញគោលដៅវ៉ាក់សាំង

UN៖ អគ្គលេខាធិការអង្គការសហប្រជាជាតិលោក Antonio Guterres និយាយថា វីរុស COVID-19 នឹងមិនទាន់បាត់ទៅណានោះទេ ហើយពិភពលោកមិនអាចកម្ចាត់ជំងឺរាតត្បាត តាមរបៀបដែលគ្មានការសម្របសម្រួលបានទេ។ វ៉ាក់សាំងកំពុងបញ្ចៀសការចូលសម្រាកព្យាបាលនៅមន្ទីរពេទ្យ និងករណីស្លាប់សម្រាប់ភាគច្រើនដែលបានចាក់វ៉ាក់សាំង និងបន្ថយការរីករាលដាលវីរុស។ ប៉ុន្តែការឆ្លងមិនបង្ហាញសញ្ញានៃការបញ្ឈប់នៅឡើយ។បញ្ហានេះត្រូវបានជំរុញដោយវិសមភាពវ៉ាក់សាំង ភាពស្ទាក់ស្ទើរ និងភាពមិនពេញចិត្ត។ ត្រឹមតែប៉ុន្មានថ្ងៃចាប់ពីថ្ងៃផុតកំណត់ប្រទេសចំនួន ៩៨ មិនអាចសម្រេចបាននូវគោលដៅចុងឆ្នាំ ដែលបង្កើតឡើងដោយអង្គការសុខភាពពិភពលោក (WHO) ដើម្បីចាក់វ៉ាក់សាំងឲ្យបាន ៤០% នៃចំនួនប្រជាជនរបស់ពិភពលោកនៅចុងឆ្នាំនេះ ហើយប្រទេសជាច្រើននឹងមិនឈានដល់គោលដៅនៃការចាក់វ៉ាក់សាំង ៧០% នៃប្រជាជននៅពាក់កណ្តាលឆ្នាំ២០២២ នោះដែរ។ លោក Guterres បាននិយាយថា តាមអត្រាបច្ចុប្បន្ន ទ្វីបអាហ្វ្រិកនឹងមិនបំពេញតាមកម្រិត ៧០% រហូតដល់ខែសីហា ឆ្នាំ២០២៤។ លោកអគ្គលេខាធិការបានប្រកាសមិនយល់ព្រម លើកិច្ចខិតខំប្រឹងប្រែងស្តារឡើងវិញដោយឥតឈប់ឈរដែលកំពុងតែពន្លឿនវិសមភាព និងបង្កើនភាពតានតឹងលើសេដ្ឋកិច្ច និងសង្គម។ជាមួយនឹងអតិផរណាកើនឡើងដល់កម្រិតខ្ពស់រយៈពេល ៤០ឆ្នាំមកនេះនៅក្នុងសហរដ្ឋអាមេរិក និងកំពុងកើនឡើងនៅកន្លែងផ្សេងទៀត លោក Guterres បាននិយាយថា លោករំពឹងថា អត្រាការប្រាក់នឹងកើនឡើងដោយដាក់ឧបសគ្គសារពើពន្ធកាន់តែច្រើន ទៅលើប្រទេសដែលត្រូវការជំនួយច្រើនបំផុត។ លោកបាននិយាយថា ការខកខាននឹងក្លាយជារឿងជៀសមិនរួច សម្រាប់ប្រទេសដែលមានប្រាក់ចំណូលទាបលើការខ្ចីប្រាក់ខ្ពស់ជាងមុន៕អត្ថបទ៖ ប៊ុនថន

មនុស្ស ២៧នាក់ត្រូវគេបារម្ភថាបានស្លាប់ក្នុងហេតុការណ៍អគ្គិភ័យឆេះអគារក្នុងខេត្ត Osaka ប្រទេសជប៉ុន

ជប៉ុន៖ សារព័ត៌មានរដ្ឋ NHK របស់ប្រទេសជប៉ុនបាននិយាយនៅថ្ងៃសុក្រនេះថា មនុស្សយ៉ាងហោចណាស់ ២៧នាក់ត្រូវគេបារម្ភថាបានស្លាប់ បន្ទាប់ពីអគ្គិភ័យបានឆាបឆេះអគារមួយក្នុងខេត្ត Osaka របស់ប្រទេសជប៉ុនភាគខាងលិច។សារព័ត៌មានដដែលនេះបាននិយាយថា អគ្គិភ័យបានឆាបឆេះនៅលើជាន់ទី៤ នៃអគារដែលមានកម្ពស់ ៨ជាន់ក្នុងផ្សារទំនើប និងតំបន់កម្សាន្ត។ ប្រភពខាងលើបន្ថែមថា មនុស្ស ២៨នាក់ត្រូវគេជឿថាបានរងការប៉ះពាល់ ដោយក្នុងនោះមាន ២៧នាក់ត្រូវរកឃើញថាមានបញ្ហាទាក់ទននឹងស្ថានភាពបេះដូង និងសួត។ យ៉ាងណាមិញគេនៅមិនទាន់ដឹងនៅឡើយទេពីមូលហេតុដែលនាំឲ្យមានអគ្គិភ័យនេះ៕ អត្ថបទ៖ សុខមាន

វីរុស COVID-19 កំពុងរាលដាលពាសពេញសហរដ្ឋអាមេរិក ខណៈករណីឆ្លងកើនឡើងខ្ពស់

អាមេរិក៖ ករណីឆ្លងវីរុស Covid-19 និងការចូលសម្រាកព្យាបាលនៅមន្ទីរពេទ្យកំពុងកើនឡើងជាថ្មីម្តងទៀត ដែលជំរុញឱ្យមានរលកថ្មីនៃការលុបចោល និងការរំខាននានា ខណៈប្រទេសនេះរៀបចំសម្រាប់រដូវកាលឈប់សម្រាកមួយទៀត អំឡុងជំងឺរាតត្បាតសកល។ស្របពេលដែលសហរដ្ឋអាមេរិកជាមធ្យមមានករណីឆ្លងថ្មីនៃវីរុស Covid-19 ប្រចាំថ្ងៃចំនួន ១១៨,៧១៧ករណីប្រហែល ៤០% ខ្ពស់ជាងមួយខែមុនក្នុងមួយទិន្នន័យរបស់សាកលវិទ្យាល័យ Johns Hopkins មហាវិទ្យាល័យ និងសាកលវិទ្យាល័យមួយចំនួនកំពុងផ្លាស់ប្តូរថ្នាក់រៀន និងការប្រឡងតាម online វិញ ខណៈព្រឹត្តិការណ៍សម្ដែងធំៗជាច្រើនកំពុងលុបចោល ហើយកីឡាអាជីពនានាកំពុងពន្យារពេលកាប្រកួត។ នៅទីក្រុងញូវយ៉កអត្រាវិជ្ជមាននៃការធ្វើតេស្ត PCR បានកើនឡើងទ្វេដងនៅចន្លោះថ្ងៃទី៩ ដល់ថ្ងៃទី១២ ខែធ្នូកើនឡើងពី ៣.៩% ទៅ ៧.៨% នេះបើយោងតាមទីប្រឹក្សាអភិបាលក្រុងលោកវេជ្ជបណ្ឌិត Jay Varma ដែលបានសរសេរនៅលើបណ្ដាញធ្វីតធ័រកាលពីថ្ងៃព្រហស្បតិ៍ថា "យើងមិនដែលឃើញរឿងនេះពីមុនមកនៅក្នុងទីក្រុងញូវយ៉ក"។ចំនួនអ្នកស្លាប់ដោយសារវីរុស Covid-19 នៅទូទាំងប្រទេសមានជាមធ្យម ១,៣២៦នាក់ត្រូវបានរាយការណ៍ជារៀងរាល់ថ្ងៃ នេះបើយោងតាមទិន្នន័យរបស់សាកលវិទ្យាល័យ Johns Hopkins ចំនួននេះកើនឡើង ១២% បើប្រៀបធៀបទៅនឹងរយៈពេលមួយខែមុន។ អ្នកជំងឺកូរ៉ូណាចូលសម្រាកព្យាបាលនៅមន្ទីរពេទ្យបន្តកើនឡើង ដោយឥឡូវនេះមានទំនោរកើនឡើងជាងពីរខែ ស្របពេលដែលមន្ទីរពេទ្យនៅទូទាំងប្រទេសប្រឈមនឹងការខ្វះខាតបុគ្គលិក។ គិតត្រឹមព្រឹកថ្ងៃសុក្រនេះ សហរដ្ឋអាមេរិកមានករណីឆ្លងវីរុសកូរ៉ូណាសរុប ៥១,៤៣៥,៦៥២នាក់ និងស្លាប់ចំនួន ៨២៤,៥២០នាក់៕អត្ថបទ៖ សុខមាន

សម្ដេចពិជ័យ៖ អាវុធ និងសម្ភារៈរបស់អាមេរិកប្រមូលបានបណ្ដើរៗហើយ គ្រោងកម្ទេចចោល

កំពង់ឆ្នាំង៖ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានថ្លែងថា អាវុធគ្រប់ប្រភេទ រួមទាំងសម្ភារៈយោធាផ្សេងៗ របស់សហរដ្ឋអាមេរិក ត្រូវបានប្រមូលជាបណ្ដើរៗ និងបានជាបន្តបន្ទាប់ហើយ គ្រោងនឹងធ្វើការកម្ទេចចោល សម្រាប់របស់ប្រើប្រាស់មិនកើត និងរបស់ដែលប្រើបានត្រូវរក្សាទុកក្នុងឃ្លាំង ឬសារមន្ទីរ ។ក្នុងឱកាសអញ្ជើញជាអធិបតីក្នុងពិធីបញ្ចុះបឋមសិលា បើកការដ្ឋានសាងសង់ទីលានបាញ់គ្រាប់ពិត នៅមជ្ឈមណ្ឌលហ្វឹកហ្វឺនកងរាជអាវុធហត្ថ (ភ្នំជុំរីករាយ) ស្ថិតក្នុងស្រុកសាមគ្គីមានជ័យ ខេត្តកំពង់ឆ្នាំង នៅព្រឹកថ្ងៃទី១៧ ខែធ្នូ ឆ្នាំ២០២១ សម្ដេចពិជ័យសេនា មានប្រសាសន៍ថា ការប្រមូលនូវអាវុធ និងសម្ភារៈយោធារបស់អាមេរិក កំពុងដំណើរការ ខណៈអាវុធមួយចំនួនមានសភាពចាស់ មិនអាចប្រើប្រាស់បាន ដោយភាគតិចណាស់ ដែលអាចប្រើបាន ។សម្ដេច បានបន្តថា កន្លងមកក្រសួងការពារជាតិបានទុកដាក់ក្នុងឃ្លាំង ឬនៅក្នុងសារមន្ទីរ ប៉ុន្តែបច្ចុប្បន្នគ្រប់អង្គភាពកំពុងប្រមូល ក្នុងការត្រួតពិនិត្យមើលពីចំនួនឲ្យបានច្បាស់លាស់ ដើម្បីរក្សាទុក ឬដល់កម្រិតមួយបំផ្លាញ់ចោល ឬយ៉ាងណា ព្រោះអាវុធ និងគ្រឿងបំពាក់នេះ កាលណាដល់អាយុកាល ពេលចាស់ពេក ខូចខាតធ្ងន់ធ្ងរពេកទុកនាំអន្តរាយដែរ តែងតែធ្វើការបំផ្លាញជាបន្តបន្ទាប់ ។សម្ដេចពិជ័យសេនា បន្ថែមថា អាមេរិកថាមិនលក់អាវុធមកឲ្យកម្ពុជាទៀត នឹងកាន់តែល្អហើយ ដោយរាជរដ្ឋាភិបាលបច្ចុប្បន្នមិនដែលទិញអាវុធពីអាមេរិកដែរ ដោយអាវុធមាននៅសល់នេះ គឺប្រមូលពីសម័យសង្គ្រាមឆ្នាំ១៩៧០ ដោយជំនន់ លន់ នល់ យកមកប្រើប្រាស់ ដោយមាននៅសេសសល់បាត់ឃ្លាំង និងមួយចំណែកទៀត បានពីប្រភពនៃភាគីប្រយុទ្ធណាមួយ ក៏មិនបានប្រើប្រាស់ដែរ ដោយធ្វើការប្រមូលទុកដាក់បានច្បាស់លាស់ ហើយកំពុងពិចារណាមើលធ្វើយ៉ាងណាទៀតនោះ គឺសម្រេចនៅពេលក្រោយ ។ឆ្លើយតបការដាក់ទណ្ឌកម្មជាឯកតោភាគីរបស់អាមេរិក សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីពេលថ្មីៗនេះ បានបញ្ជាទៅក្រសួងការពារជាតិ ត្រូវប្រមូលនូវអាវុធ ឬសម្ភារៈយោធារបស់អាមេរិក ដែលប្រើប្រាស់លែងកើត ត្រូវកម្ទេចចោល និងរក្សាទុក ៕

អង្គការសុខភាពពិភពលោកនិយាយថា យើងអាចបញ្ចប់ជំងឺរាតត្បាតនៅឆ្នាំ២០២២

WHO៖ អ្នកដឹកនាំបច្ចេកទេសសម្រាប់កម្មវិធីសង្គ្រោះបន្ទាន់ របស់អង្គការសុខភាពពិភពលោកកាលពីថ្ងៃពុធបាននិយាយថា លោកស្រីមានក្តីសង្ឃឹមមិនគួរឱ្យជឿដែលឆ្នាំ២០២២ គឺជាឆ្នាំដែលយើងបញ្ចប់ជំងឺរាតត្បាត COVID-19។ វេជ្ជបណ្ឌិតលោកស្រី Maria Van Kerkhove កំពុងទទួលការសួរសំណួរពីសាធារណជនទូទៅអំពីវីរុស COVID-19 និងវីរុសបម្លែងខ្លួនថ្មី omicron រួមជាមួយនឹងវេជ្ជបណ្ឌិតលោក Mike Ryan នាយកប្រតិបត្តិនៃកម្មវិធីសង្គ្រោះបន្ទាន់របស់អង្គការសុខភាពពិភពលោក។នៅលើបញ្ហាវីរុសបម្លែងខ្លួនថ្មី omicron លោក Kerkhove បាននិយាយថា វីរុសកំពុងរាលដាលឆាប់រហ័ស ហើយវាមានកំណើនច្រើនជាងវីរុសបម្លែងខ្លួន Delta នៅក្នុងប្រទេសមួយចំនួន។ អង្គការសុខភាពពិភពលោកបាននិយាយថា ប្រទេសចំនួន ៧៧ បានរាយការណ៍ករណីវីរុសបម្លែងខ្លួនថ្មី omicron ប៉ុន្តែវីរុសនេះទំនងជាមាននៅក្នុងប្រទេសភាគច្រើនរហូតមកដល់ពេលនេះ គ្រាន់តែមិនទាន់រកឃើញនៅឡើយ។ អង្គការសុខភាពពិភពលោកនិយាយថា ទិន្នន័យនៅតែមាន ហើយមនុស្សជាច្រើននៅតែមិនទាន់ដឹងអំពីវីរុសបម្លែងខ្លួនថ្មីនេះ។យោងតាមការវិភាគកាលពីថ្ងៃអង្គារ នៃទិន្នន័យពីប្រទេសអាហ្វ្រិកខាងត្បូងដែលវីរុសបម្លែងខ្លួន omicron កំពុងតែជំរុញឱ្យមានការកើនឡើងករណីឆ្លងវីរុសបម្លែងខ្លួនថ្មីនេះ វីរុសនេះហាក់ដូចជាងាយឆ្លងពីមនុស្សទៅមនុស្ស និងអាចចៀសបានពីប្រសិទ្ធភាពវ៉ាក់សាំង ប៉ុន្តែមានស្ថានភាពស្រាលជាងវីរុសបម្លែងខ្លួនមុនៗ។ យោងតាមអង្គការសុខភាពពិភពលោក (WHO) បានឱ្យដឹងថា ចំនួនសរុបនៃករណីឆ្លងវីរុស COVID-19 ទូទាំងពិភពលោកបានកើនដល់ ២៧២,៣៥៧,១៦១ករណី និងអ្នកស្លាប់មានចំនួន ៥.៣៤៣,៧៧៥នាក់៕អត្ថបទ៖ ប៊ុនថន

អ្នកស្លាប់ដោយសារឆេះរថយន្តដឹកប្រេងឥន្ធនៈនៅហៃទីកើនឡើងដល់ ៧៥នាក់

ហៃទី៖ អាជ្ញាធរបាននិយាយថា រថយន្តដឹកប្រេងក្រឡាប់ និងផ្ទុះបញ្ចេញអណ្តាតភ្លើងសន្ធោសន្ធៅបានឆាបឆេះលំនៅឋាន និងទីតាំងអាជីវកម្មដែលកំពុងដំណើរការនៅក្បែរនោះ បណ្តាលឲ្យមនុស្សយ៉ាងហោចណាស់ ៧៥នាក់ស្លាប់។ ការផ្ទុះនេះបានកើតឡើងនៅពេលយប់ក្នុងទីក្រុង Cap-Haitien ជាទីក្រុងធំទីពីររបស់ប្រទេសហៃទីតាមបណ្តោយឆ្នេរសមុទ្រភាគខាងជើង។សេចក្តីរាយការណ៍បឋមបានបញ្ជាក់ថា រថយន្តដឹកប្រេងបានព្យាយាមគេចពីម៉ូតូមួយគ្រឿង ពេលនោះរថយន្តបានក្រឡាប់។ បន្ទាប់មកអ្នកមើលឃើញហេតុការណ៍បានប្រញាប់ប្រញាល់ទៅកន្លែងកើតហេតុ ដោយមានធុងទឹកដើម្បីប្រមូលយករបស់របរមានតម្លៃនៅរថយន្តដឹកប្រេង ដែលទំនងជាសម្រាប់លក់បន្តនៅលើទីផ្សារងងឹត ខណៈនោះប្រេងឥន្ធនៈបានហៀរទៅរកគំនរសំរាម ដែលឆេះនៅក្បែរនោះបណ្តាលឲ្យរថយន្តឆាបឆេះ និងផ្ទុះ។ ការរួមចំណែកនៃចំនួនអ្នកស្លាប់ខ្ពស់ដោយឧប្បត្តិហេតុ គឺជាភាពអស់សង្ឃឹមដែលបានបង្ខំឱ្យប្រជាជនហៃទីក្រីក្រប្រជែងគ្នា ប្រមូលប្រេងសាំងដោយសារតែកង្វះខាតធ្ងន់ធ្ងរ ខណៈស្ថានីយ៍ប្រេងឥន្ធនៈបិទធ្វើឱ្យតម្លៃប្រេងឥន្ធនៈនៅលើទីផ្សារងងឹតកើនឡើង និងបង្ខំឱ្យបិទអាជីវកម្ម៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ

កាកបាទក្រហមកម្ពុជា បណ្តុះបណ្តាលយុវជន ជាង១០០នាក់ លើច្បាប់មនុស្សធម៌ និងការកសាងសន្តិភាព

ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា

លោក Merz បញ្ជាក់ថា អាល្លឺម៉ង់អាចការពារការជំរុញការចំណាយយោធា ជាការឆ្លើយតបទៅនឹងលោក Trump

បុគ្គលិកសន្តិសុខស៊ីរី ៣រូបរងរបួស ដោយសារវាយប្រហារនៅជិតក្រុងដាម៉ាស ខណៈអ្នកប្រព្រឹត្តិស្លាប់

ក្រុមតាំងលំនៅនិគមន៍អ៊ីស្រាអែល ដណ្តើមក្តីស្រមៃជនប៉ាឡេស្ទីនក្នុងការមានផ្ទះសម្បែងនឹងគេនៅតំបន់វ៉េសប៊ែង

EU «ថ្កោលទោសយ៉ាងខ្លាំង» ចំពោះការវាយប្រហារបណ្ដាលឲ្យមានអ្នកស្លាប់ច្រើន នៅទីក្រុងដាម៉ាស

កងទ័ពជើងទឹកអង់គ្លេស សាកល្បងយានដ្រូនមានសមត្ថភាពវាយប្រហារចេញពីនាវា

មន្រ្តីជាន់ខ្ពស់រួមទាំងប្រធានាធិបតីអ៊ីរ៉ង់ ចូលរួមពិធីលាគ្នាចុងក្រោយ សម្រាប់អតីតមេដឹកនាំកំពូល Khamenei

អង្គការសហប្រជាជាតិ ព្រមានអំពីការមានបាតុភូតអែលនីញ៉ូដ៏ខ្លាំងក្លា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

WHO៖ វីរុសបម្លែងខ្លួនថ្មី Omicron នឹងរុញមន្ទីរពេទ្យនានានៅអឺរ៉ុបឲ្យធ្លាក់ទៅរកមាត់ជ្រោះមហន្តរាយ

ក្រុមចោរប្លន់ផ្ទះអ្នកលក់ឡេ អ៊ាន សៀវម៉ី ត្រូវបានកម្លាំងអាវុធហត្ថរាជធានីភ្នំពេញ បង្ក្រាបបានហើយ

សម្តេចតេជោ សមិទ្ធផលពហុកីឡដ្ឋានមរតកតេជោ គឺធំហើយប៉ុន្តែអ្វីដែលធំជាងនេះគឺទឹកចិត្តដ៏សប្បុរសរបស់មិត្តចិន

UN៖ COVID-19 នៅមិនទាន់បាត់ ប្រទេសជាច្រើនមិនអាចបំពេញគោលដៅវ៉ាក់សាំង

មនុស្ស ២៧នាក់ត្រូវគេបារម្ភថាបានស្លាប់ក្នុងហេតុការណ៍អគ្គិភ័យឆេះអគារក្នុងខេត្ត Osaka ប្រទេសជប៉ុន

វីរុស COVID-19 កំពុងរាលដាលពាសពេញសហរដ្ឋអាមេរិក ខណៈករណីឆ្លងកើនឡើងខ្ពស់

សម្ដេចពិជ័យ៖ អាវុធ និងសម្ភារៈរបស់អាមេរិកប្រមូលបានបណ្ដើរៗហើយ គ្រោងកម្ទេចចោល

អង្គការសុខភាពពិភពលោកនិយាយថា យើងអាចបញ្ចប់ជំងឺរាតត្បាតនៅឆ្នាំ២០២២

អ្នកស្លាប់ដោយសារឆេះរថយន្តដឹកប្រេងឥន្ធនៈនៅហៃទីកើនឡើងដល់ ៧៥នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុមចោរប្លន់ផ្ទះអ្នកលក់ឡេ អ៊ាន សៀវម៉ី ត្រូវបានកម្លាំងអាវុធហត្ថរាជធានីភ្នំពេញ បង្ក្រាបបានហើយ

សម្តេចតេជោ សមិទ្ធផលពហុកីឡដ្ឋានមរតកតេជោ គឺធំហើយប៉ុន្តែអ្វីដែលធំជាងនេះគឺទឹកចិត្តដ៏សប្បុរសរបស់មិត្តចិន

UN៖ COVID-19 នៅ​មិនទាន់​បាត់ ប្រទេស​ជាច្រើន​មិន​អាច​បំពេញ​គោលដៅ​វ៉ាក់សាំង​

វីរុស COVID-19 កំពុង​រាលដាល​ពាសពេញ​សហរដ្ឋអាមេរិក ខណៈ​ករណី​ឆ្លងកើន​ឡើង​ខ្ពស់

សម្ដេចពិជ័យ៖ អាវុធ និងសម្ភារៈរបស់អាមេរិកប្រមូលបានបណ្ដើរៗហើយ គ្រោងកម្ទេចចោល

អង្គការ​សុខភាព​ពិភពលោក​និយាយ​ថា យើង​អាច​បញ្ចប់​ជំងឺ​រាតត្បាត​នៅ​ឆ្នាំ២០២២

អ្នក​ស្លាប់​ដោយសារ​ឆេះ​រថយន្ត​ដឹក​ប្រេង​ឥន្ធនៈ​នៅ​ហៃទី​កើន​ឡើង​ដល់ ៧៥​នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

UN៖ COVID-19 នៅមិនទាន់បាត់ ប្រទេសជាច្រើនមិនអាចបំពេញគោលដៅវ៉ាក់សាំង

វីរុស COVID-19 កំពុងរាលដាលពាសពេញសហរដ្ឋអាមេរិក ខណៈករណីឆ្លងកើនឡើងខ្ពស់

អង្គការសុខភាពពិភពលោកនិយាយថា យើងអាចបញ្ចប់ជំងឺរាតត្បាតនៅឆ្នាំ២០២២

អ្នកស្លាប់ដោយសារឆេះរថយន្តដឹកប្រេងឥន្ធនៈនៅហៃទីកើនឡើងដល់ ៧៥នាក់