BTV NEWS

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

ព័ត៌មានសំខាន់ៗ

សារព័ត៌មាន Kyodo៖ លោក Suga នឹងលាលែងពីតំណែងជានាយករដ្ឋមន្ត្រីជប៉ុន

ជប៉ុន៖ សារព័ត៌មាន Kyodo បានរាយការណ៍នៅថ្ងៃសុក្រនេះថា នាយករដ្ឋមន្ត្រីជប៉ុនលោក Yoshihide Suga នឹងលាលែងពីតំណែង ហើយប្រភពគណបក្សបាននិយាយថា លោកនឹងមិនឈរឈ្មោះក្នុងការប្រកួតប្រជែង មេដឹកនាំគណបក្សកាន់អំណាចនៅខែកញ្ញានេះទេ ដោយកំណត់ពេលវេលាសម្រាប់អ្នកទទួលតំណែង ក្រោយពេលឡើងកាន់តំណែងបានត្រឹមមួយឆ្នាំប៉ុណ្ណោះ។លោក Suga ដែលបានឡើងកាន់តំណែងបន្ទាប់ពីលោក Shinzo Abe បានលាលែងពីតំណែងកាលពីខែកញ្ញាឆ្នាំមុន ដោយលើកឡើងពីបញ្ហាសុខភាពបានមើលឃើញថា ការគាំទ្ររបស់លោកធ្លាក់ចុះក្រោម ៣០% ខណៈដែលប្រទេសនេះកំពុងព្យាយាមទប់ទល់នឹងរលកនៃការឆ្លងវីរុស COVID-19 ដ៏ធ្ងន់ធ្ងរបំផុតនៅមុនការបោះឆ្នោតសកលនៅឆ្នាំនេះ។ការប្រកួតប្រជែងមេដឹកនាំគណបក្សត្រូវបានកំណត់ពេលនៅថ្ងៃទី២៩ ខែកញ្ញា ហើយអ្នកឈ្នះគឺសុទ្ធតែត្រូវបានធានាថាជានាយករដ្ឋមន្ត្រី ដោយសារតែសំឡេងភាគច្រើនរបស់គណបក្ស LDP នៅក្នុងសភាជាន់ទាប។ រដ្ឋាភិបាលបាននឹងកំពុងពិចារណារៀបចំការបោះឆ្នោតសកលនៅថ្ងៃទី១៧ ខែតុលា៕អត្ថបទ៖ សុខមាន

UN៖ គ្រោះរាំងស្ងួតធ្វើឲ្យជនជាតិអាហ្វហ្គានីស្ថានអត់ឃ្លាន ខណៈការដួលរលំសេដ្ឋកិច្ចកាន់តែធ្ងន់ធ្ងរ

អាហ្វហ្គានីស្ថាន៖ ទីភ្នាក់ងារផ្ដល់ជំនួយនៅប្រទេសអាហ្វហ្គានីស្ថានបាននិយាយថា ប្រជាជនអាហ្វហ្គានីស្ថានជាច្រើនកំពុងជួបការលំបាក ក្នុងការចិញ្ចឹមគ្រួសាររបស់ពួកគេស្របពេលមានគ្រោះរាំងស្ងួតយ៉ាងធ្ងន់ធ្ងរ មុនពេលក្រុមសកម្មប្រយុទ្ធតាលីបង់បានដណ្ដើមអំណាចកាលពីខែមុន ហើយឥឡូវនេះមនុស្សរាប់លាននាក់អាចប្រឈមនឹងភាពអត់ឃ្លាន ដោយប្រទេសនេះនៅឯកោ និងសេដ្ឋកិច្ចកំពុងធ្លាក់ចុះ។លោក Mary-Ellen McGroarty នាយកកម្មវិធីស្បៀងអាហារពិភពលោកប្រចាំប្រទេសអាហ្វហ្គានីស្ថាន បានប្រាប់សាព័ត៌មានរ៉យទ័រតាមវីដេអូពីទីក្រុងកាប៊ុលថា ការដួលរលំសេដ្ឋកិច្ចដែលកាន់តែធ្ងន់ធ្ងរគឺកំពុងតែសំដៅមកកាន់ប្រទេសនេះហើយ។ យោងតាមអង្គការស្បៀងអាហារពិភពលោក (WFP) តម្លៃស្បៀងអាហារបានកើនឡើងចាប់តាំងពីគ្រោះរាំងស្ងួតលើកទី២ ក្នុងរយៈពេល ៤ឆ្នាំ បានបំផ្លាញដំណាំស្រូវសាលីប្រហែល ៤០ភាគរយ។ពលរដ្ឋអាហ្វហ្គានីស្ថានរាប់លាននាក់អាចប្រឈមនឹងភាពអត់ឃ្លានភ្លាមៗ ដោយសារតែការរួមរឹតទៅដោយជម្លោះ គ្រោះរាំងស្ងួត និងវិបត្តិជំងឺ COVID-19។ អង្គការនេះបានអំពាវនាវរកថវិកាជាបន្ទាន់ចំនួន ២០០លានដុល្លារដោយព្រមានថា ការផ្គត់ផ្គង់របស់អង្គការស្បៀងអាហារពិភពលោកនឹងអស់នៅត្រឹមខែតុលា នៅពេលរដូវរងាចូលមកដល់៕អត្ថបទ៖ សុខមាន

វីរុស COVID-19 បម្លែងខ្លួនថ្មី Mu ត្រូវបានរកឃើញនៅក្នុងប្រទេសជប៉ុន

ជប៉ុន៖ ប្រទេសជប៉ុនបានបញ្ជាក់ពីការឆ្លងដំបូងរបស់ខ្លួននៃវីរុស COVID-19 បម្លែងខ្លួនថ្មីដែលត្រូវបានចាត់ថ្នាក់ថាជាប្រភេទវីរុស COVID-19 បម្លែងខ្លួនថ្មី ដែលស្ថិតក្នុងបញ្ជីយកចិត្តទុកដាក់របស់អង្គការសុខភាពពិភពលោក។ក្រសួងសុខាភិបាលនិយាយថា អ្នកដំណើរ ២នាក់ដែលបានធ្វើតេស្តវិជ្ជមានវីរុសកូរ៉ូណាថ្មី នៅឯស្ថានីយដាក់ឲ្យនៅដាច់ដោយឡែកនៅព្រលានយន្តហោះ នៅអាកាសយានដ្ឋានពីរត្រូវបានគេរកឃើញថាបានឆ្លងវីរុស Mu។ វីរុសបម្លែងខ្លួនថ្មីនេះត្រូវបានគេរកឃើញនៅអាមេរិកខាងត្បូង និងអឺរ៉ុប។ អង្គការសុខភាពពិភពលោកបានបន្ថែមវីរុស COVID-19 បម្លែងខ្លួនថ្មី Mu ចូលក្នុងបញ្ជីប្រភេទវីរុសបម្លែងខ្លួនថ្មី ត្រូវបានយកចិត្តទុកដាក់របស់ខ្លួនកាលពីថ្ងៃចន្ទ។ ក្រុមមន្ត្រីក្រសួងសុខាភិបាលបានសិក្សាពីការបង្កើតហ្សែន នៃសំណាកដែលប្រមូលបានកាលពីកន្លងទៅ។ពួកគេបានរកឃើញថា ស្ត្រីម្នាក់អាយុខ្ទង់ ៤០ឆ្នាំដែលបានមកដល់អាកាសយានដ្ឋានណារីតា ពីអារ៉ាប់រួមកាលពីចុងខែមិថុនា និងស្ត្រីម្នាក់ដែលមានអាយុខ្ទង់ ៥០ឆ្នាំដែលបានចុះចតនៅអាកាសយានដ្ឋានហាណេដាពីចក្រភពអង់គ្លេស កាលពីដើមខែកក្កដាបានឆ្លងវីរុសបម្លែងខ្លួនថ្មី Mu នេះ។ អង្គការសុខភាពពិភពលោកនិយាយថា វីរុសបម្លែងខ្លួនថ្មី Mu មានការប្រែប្រួលយ៉ាងខ្លាំងក្នុងការគេចពីភាពស៊ាំដែលផ្តល់ដោយវ៉ាក់សាំង។ ទីភ្នាក់ងារនេះនិយាយថា វីរុសបម្លែងខ្លួនថ្មីនេះត្រូវបានរកឃើញដំបូង នៅប្រទេសកូឡុំប៊ីកាលពីខែមករា ប៉ុន្តែចាប់តាំងពីពេលនោះមកត្រូវបានបញ្ជាក់នៅក្នុងប្រទេសយ៉ាងតិច ៣៩៕អត្ថបទ៖ សុខមាន

អង្គការសុខភាពពិភពលោកកំពុងតាមដានវីរុសបម្លែងខ្លួនថ្មីដែលមានឈ្មោះថា ''Mu''

WHO៖ អង្គការសុខភាពពិភពលោកបាននិយាយថា ខ្លួនកំពុងឃ្លាំមើលវីរុសកូរ៉ូណាបម្លែងខ្លួនថ្មីដែលត្រូវបានគេស្គាល់ថា មូ (Mu) ដែលត្រូវបានគេរកឃើញដំបូងនៅក្នុងប្រទេសកូឡុំប៊ីកាលពីខែមករា។អង្គការសុខភាពពិភពលោកបាននិយាយ នៅក្នុងសេចក្ដីថ្លែងការណ៍ប្រចាំសប្ដាហ៍របស់ខ្លួនកាលពីថ្ងៃអង្គារ ទី៣១ ខែសីហាថា វីរុសបម្លែងខ្លួនថ្មីដែលត្រូវបានគេដាក់ឈ្មោះតាមវិទ្យាសាស្ត្រថា B.1.621 ត្រូវបានចាត់ថ្នាក់ជាប្រភេទវីរុស COVID-19 បម្លែងខ្លួនថ្មីដែលស្ថិតក្នុងបញ្ជីយកចិត្តទុកដាក់។ អង្គការសុខភាពពិភពលោកបាននិយាយថា វីរុសបម្លែងខ្លួនថ្មីនេះមានការវិវត្តន៍ ដែលបង្ហាញពីហានិភ័យនៃភាពធន់ចំពោះវ៉ាក់សាំង ហើយបានសង្កត់ធ្ងន់ថា ចាំបាច់ត្រូវសិក្សាបន្ថែមទៀតដើម្បីស្វែងយល់ឱ្យបានច្បាស់។ សេចក្ដីថ្លែងការណ៍នេះបាននិយាយថា វីរុសបម្លែងខ្លួនថ្មី ''មូ'' នេះគឺមានបណ្ដុំនៃការវិវត្តន៍ជាដំណាក់កាល ដែលបង្ហាញអំពីសមត្ថភាពខ្លាំងក្នុងការគេចពីភាពស៊ាំ៕អត្ថបទ៖ សុខមាន

WHO សម្ដែងក្ដីបារម្ភខ្លាំងចំពោះកំណើនករណីស្លាប់ដោយសារវីរុស COVID-19 នៅតំបន់អឺរ៉ុប

អឺរ៉ុប៖ អង្គការសុខភាពពិភពលោក (WHO) បានព្រមានកាលពីថ្ងៃចន្ទ ទី៣០ ខែសីហាថា មនុស្សជាង ២៣៦.០០០នាក់ទៀតអាចស្លាប់ដោយសារវីរុស COVID-19 នៅទ្វីបអឺរ៉ុបនៅត្រឹមថ្ងៃទី១ ខែធ្នូ ដែលជាការសម្ដែងក្ដីបារម្ភខ្លាំងចំពោះការកើនឡើងនៃការឆ្លង និងអត្រាវ៉ាក់សាំងយឺតយ៉ាវនៅទ្វីបនេះ។ការព្រមាននេះបានកើតឡើង នៅពេលដែលពិភពលោកបានឆ្លងកាត់ចំណុចអាក្រក់បំផុត នៃការស្លាប់ចំនួន ៤.៥លាននាក់ដោយសារ COVID-19 ចាប់តាំងពីការចាប់ផ្ដើមផ្ទៃនៃជំងឺរាតត្បាតសកល នេះបើយោងតាមរបាយការណ៍របស់សារព័ត៌មាន AFP កាលពីថ្ងៃចន្ទ។ អត្រាឆ្លងបានកើនឡើងនៅទូទាំងពិភពលោកជាថ្មីម្តងទៀត ដោយសារវីរុសបម្លែងខ្លួនថ្មី Delta ដែលមានសមត្ថភាពចម្លងខ្ពស់ ជាពិសេសក្នុងចំណោមអ្នកដែលមិនបានចាក់វ៉ាក់សាំង កំពុងវាយប្រហារលើប្រជាជន ជាទីដែលវិធានការប្រឆាំងវីរុសត្រូវបានបន្ធូរបន្ថយ។ ប្រធានអង្គការសុខភាពពិភពលោកប្រចាំតំបន់អឺរ៉ុបបាននិយាយកាលពីថ្ងៃចន្ទថា ការឆ្លង និងការស្លាប់បានកើនឡើងជាថ្មីម្តងទៀតនៅទ្វីបអឺរ៉ុប ជាពិសេសនៅក្នុងប្រទេសក្រីក្រនៅតំបន់បាល់កង់ តំបន់កូកាស៊ូស និងអាស៊ីកណ្តាល។លោក Hans Kluge ប្រធានអង្គការ WHO ប្រចាំទ្វីបអឺរ៉ុបបាននិយាយកាលពីថ្ងៃចន្ទថា “កាលពីសប្ដាហ៍មុនមានការកើនឡើងចំនួន ១១% នៃចំនួនអ្នកស្លាប់នៅក្នុងតំបន់ ជាការព្យាករណ៍គួរឱ្យជឿជាក់មួយដែលរំពឹងថានឹងមានអ្នកស្លាប់ចំនួន ២៣៦.០០០នាក់នៅទ្វីបអឺរ៉ុបនៅត្រឹមថ្ងៃទី១ ខែធ្នូ”។ អឺរ៉ុបបានកត់ត្រាចំនួនអ្នកស្លាប់ដោយសារវីរុស COVID-19 ប្រមាណ ១,៣លាននាក់រួចមកហើយរហូតមកដល់បច្ចុប្បន្ន៕អត្ថបទ៖ សុខមាន

ក្រុមប្រឹក្សាសន្តិសុខអង្គការសហប្រជាជាតិជំរុញឲ្យពួកតាលីបង់អនុញ្ញាតឲ្យមានការចាកចេញ និងដឹកជំនួយចូល

UN៖ ក្រុមប្រឹក្សាសន្តិសុខអង្គការសហប្រជាជាតិដែលបែកបាក់គ្នា បានជំរុញដល់ក្រុមតាលីបង់កាលពីថ្ងៃចន្ទឲ្យគោរពតាមការសន្យាថា នឹងអនុញ្ញាតឲ្យប្រជាជនចាកចេញពីអាហ្វហ្គានីស្ថាន បន្ទាប់ពីសហរដ្ឋអាមេរិកបានដកកងកម្លាំងរបស់ខ្លួនចេញ ប៉ុន្តែចិន និងរុស្ស៊ីបានបដិសេធមិនគាំទ្រសេចក្ដីសម្រេចនេះ ដែលពួកគេចាត់ទុកថាជាការបង្វែរការស្ដីបន្ទោស ចំពោះភាពច្របូកច្របល់ជុំវិញការដកកងកម្លាំងអាមេរិក។ដោយមានការគាំទ្រពីសហរដ្ឋអាមេរិក អង់គ្លេស និងបារាំងវិធានការនេះក៏អំពាវនាវផងដែរ អនុញ្ញាតឱ្យមានការដឹកជញ្ជូនជំនួយមនុស្សធម៌ចូល លើកកំពស់សិទ្ធិមនុស្ស និងប្រយុទ្ធប្រឆាំងភេរវកម្ម។ ឯកអគ្គរដ្ឋទូតរងបារាំង លោកស្រី Nathalie Broadhurst បាននិយាយបន្ទាប់ពីការបោះឆ្នោតដែលរុស្ស៊ី និងចិនបានបដិសេធថា ភ្នែករបស់ជនជាតិអាហ្វហ្គានីស្ថានទាំងអស់កំពុងសម្លឹងទៅកាន់ក្រុមប្រឹក្សានេះ ហើយពួកគេរំពឹងថានឹងមានការគាំទ្រយ៉ាងច្បាស់ពីសហគមន៍អន្តរជាតិ។ ហើយការខ្វះការរួបរួមនេះគឺជាការខកចិត្តមួយសម្រាប់យើង និងសម្រាប់ពួកគេ។ទោះយ៉ាងណាឯកអគ្គរដ្ឋទូតអង់គ្លេស លោកស្រី Barbara Woodward បានហៅថា ជាជំហានដ៏សំខាន់ឆ្ពោះទៅរកការឆ្លើយតបជាអន្តរជាតិប្រកបដោយការរួបរួមគ្នា។ ការបោះឆ្នោតនេះបានកើតឡើងភ្លាមៗ មុនពេលសហរដ្ឋអាមេរិកបានដកកងទ័ពចុងក្រោយរបស់ខ្លួន ចេញពីអាហ្វហ្គានីស្ថាន ជាការបញ្ចប់សង្គ្រាមដ៏យូរបំផុតរបស់អាមេរិក និងបួនថ្ងៃបន្ទាប់ពីការបំផ្ទុះគ្រាប់បែកអត្តឃាតនៅច្រកអាកាសយានដ្ឋានក្រុងកាប៊ុល បានសម្លាប់ជនជាតិអាហ្វហ្គានីស្ថានយ៉ាងតិច ១៦៩នាក់ និងសមាជិកកងកម្លាំងអាមេរិក ១៣នាក់។ ការបំផ្ទុះគ្រាប់បែកនេះត្រូវបានគេស្តីបន្ទោសទៅលើសម្ព័ន្ធមិត្តរបស់ក្រុមរដ្ឋអ៊ីស្លាម៕អត្ថបទ៖ សុខមាន

យោធាអាមេរិកបានបញ្ចប់ការដកកងកម្លាំងចេញពីប្រទេសអាហ្វហ្គានីស្ថានទាំងស្រុងហើយ

អាហ្វហ្គានីស្ថាន៖ យោធាសហរដ្ឋអាមេរិកបានដកខ្លួនចេញពីអាហ្វហ្គានីស្ថាន ដើម្បីបញ្ចប់សង្គ្រាមរយៈពេល ២០ឆ្នាំដ៏រ៉ាំរ៉ៃដែលបានចាប់ផ្តើម និងបញ្ចប់ដោយក្រុមតាលីបង់ប្រកាន់តឹងដែលកំពុងកាន់អំណាច ទោះបីមានប្រាក់រាប់ពាន់លានដុល្លារត្រូវបានចំណាយ ព្យាយាមកសាងប្រទេសហែកហួរដោយជម្លោះនេះក៏ដោយ។ការបាញ់កាំភ្លើងអបអរសាទរបានផ្ទុះឡើងនៅទីក្រុងកាប៊ុល នៅព្រឹកព្រលឹមថ្ងៃអង្គារ (៣១ សីហា) នេះ ហើយក្រុមមន្ត្រីជាន់ខ្ពស់តាលីបង់បានសាទរព្រឹត្តិការណ៍នេះថា ជាពេលវេលាដ៏ល្អបំផុត។ ការដកទ័ពចេញនេះបានកើតឡើង បន្ទាប់ពីថ្ងៃចុងក្រោយនៃបេសកកម្មដ៏គួរឱ្យភ័យខ្លាចក្នុងការជម្លៀសប្រជាជនអាមេរិក និងអាហ្វហ្គានីស្ថានរាប់ម៉ឺននាក់ដែលបានជួយដល់កិច្ចខិតខំប្រឹងប្រែងសង្គ្រាមដឹកនាំដោយអាមេរិក ហើយដែលបណ្ដាលឱ្យជនជាតិអាហ្វហ្គានីស្ថានជាង ១០០នាក់ និងទាហានអាមេរិក ១៣នាក់ស្លាប់នៅក្នុងការវាយប្រហារអត្តឃាតកាលពីសប្ដាហ៍មុន។ការដកទ័ពចេញនេះបានកើតឡើងនៅមុនថ្ងៃទី៣១ ខែសីហា ជាថ្ងៃកំណត់ពិតប្រាកដដែលប្រធានាធិបតី Joe Biden បានកំណត់ពេលដើម្បីបញ្ចប់សង្គ្រាមដ៏យូរបំផុតរបស់សហរដ្ឋអាមេរិក ដែលជាទីបំផុតបានឆក់យកជីវិតទាហានអាមេរិកជាង ២.៤០០នាក់៕អត្ថបទ៖ សុខមាន

កង្វះអុកស៊ីសែននៅមន្ទីរពេទ្យអាមេរិក ខណៈករណីឆ្លង COVID-19 កើនឡើងក្នុងចំណោមអ្នកមិនបានចាក់វ៉ាក់សាំង

អាមេរិក៖ មន្ទីរពេទ្យនៅផ្នែកខ្លះនៃភាគខាងត្បូងកំពុងខ្វះការផ្គត់ផ្គង់អុកស៊ីសែន ខណៈករណីឆ្លងវីរុស Covid-19 និងចំនួនអ្នកជំងឺចូលសម្រាកនៅមន្ទីរពេទ្យកំពុងបន្តកើនឡើង ដែលបណ្តាលមកពីមនុស្សជាច្រើនដែលនៅតែមិនទាន់បានចាក់វ៉ាក់សាំង និងការចម្លងដ៏គ្រោះថ្នាក់នៃវីរុសកូរ៉ូណាបម្លែងខ្លួនថ្មីដែលបានឆ្លងដល់ជនជាតិអាមេរិករាប់លាននាក់។គិតត្រឹមព្រឹកថ្ងៃចន្ទនេះ សហរដ្ឋអាមេរិកមានករណីឆ្លងសរុបចំនួន ៣៩,៦៦៥,៥១៥នាក់ ស្លាប់ចំនួន ៦៥៤,៦៨៩នាក់ និងជាសះស្បើយចំនួន ៣០,៨២៦,៤៧៨នាក់។ យោងតាមមន្ត្រីសុខាភិបាលរដ្ឋ និងអ្នកប្រឹក្សាមន្ទីរពេទ្យបាននិយាយថា មន្ទីរពេទ្យជាច្រើននៅរដ្ឋ Florida, South Carolina, Texas និងរដ្ឋ Louisiana កំពុងជួបបញ្ហាកង្វះអុកស៊ីសែន។ អ្នកខ្លះប្រឈមនឹងហានិភ័យដែលត្រូវប្រើការផ្គត់ផ្គង់អ៊ុកស៊ីសែនបម្រុង ឬហានិភ័យអស់អុកស៊ីសែនភ្លាមៗ។កាលពីថ្ងៃសៅរ៍ រដ្ឋ Florida មានអត្រាអ្នកជំងឺ Covid-19 ចូលសម្រាកនៅមន្ទីរពេទ្យខ្ពស់បំផុតនៅក្នុងប្រទេសដោយមានអ្នកជំងឺ ៧៥នាក់ក្នុងចំណោមប្រជាជន ១០០.០០០នាក់នៅក្នុងមន្ទីរពេទ្យដែលមានវីរុសនេះ នេះបើយោងតាមទិន្នន័យពីមន្ត្រីសុខាភិបាលសហព័ន្ធ និងសាកលវិទ្យាល័យ Johns Hopkins។ យោងតាមទិន្នន័យរបស់មជ្ឈមណ្ឌលគ្រប់គ្រង និងបង្ការជំងឺឆ្លងហៅកាត់ថា CDC គិតត្រឹមថ្ងៃសៅរ៍ចំនួនប្រជាជនទទួលបានការចាក់វ៉ាក់សាំងគ្រប់ដូស ឬពេញលេញទូទាំងប្រទេសមានត្រឹម ៥២.១% ប៉ុណ្ណោះ៕អត្ថបទ៖ សុខមាន

ភ្លើងឆេះរោងចក្រគីមីសម្លាប់មនុស្ស ១០នាក់នៅប៉ាគីស្ថាន

ប៉ាគីស្ថាន៖ នគរបាល និងអ្នកនាំពាក្យរដ្ឋាភិបាលបាននិយាយថា អគ្គិភ័យធំមួយបានផ្ទុះឡើងនៅរោងចក្រគីមីមួយកន្លែងនៅទីក្រុងកំពង់ផែ Karachi ភាគខាងត្បូងប្រទេសប៉ាគីស្ថានបណ្ដាលឲ្យកម្មករយ៉ាងតិច ១០នាក់ស្លាប់ និងរបួសជាច្រើននាក់ផ្សេងទៀត។ភ្លាមៗនោះគេនៅមិនទាន់ដឹងច្បាស់ថា មូលហេតុអ្វីដែលបណ្ដាលឲ្យមានអគ្គិភ័យនៅក្នុងតំបន់ Mehran Town នោះទេ។ រូបភាពទូរទស្សន៍បានបង្ហាញក្រុមអ្នកពន្លត់អគ្គិភ័យកំពុងពន្លត់ភ្លើង ខណៈដែលរថយន្តសង្គ្រោះបន្ទាន់បានបន្តដឹកជនរងគ្រោះ ទៅកាន់មន្ទីរពេទ្យរដ្ឋាភិបាល។ លោក Murtaza Wahab អ្នកនាំពាក្យរដ្ឋាភិបាលខេត្តបាននិយាយថា រថយន្តពន្លត់អគ្គិភ័យបានពន្លត់ភ្លើងឆាបឆេះ ហើយមន្ត្រីត្រូវបានសួរនាំដើម្បីស៊ើបអង្កេតពីអ្វីដែលបណ្តាលឲ្យមានអគ្គិភ័យនេះ។លោកនិយាយថា មន្ត្រីនឹងពិនិត្យមើលថា តើម្ចាស់រោងចក្របានបំពាក់ឧបករណ៍ពន្លត់អគ្គិភ័យដែរឬទេ។ ទីក្រុង Karachi គឺជារដ្ឋធានីនៃខេត្ត Sindh ដែលមនុស្សជាច្រើនបានបង្កើតរោងចក្រនៅក្នុងតំបន់លំនៅដ្ឋាន ដោយរំលោភលើច្បាប់សាងសង់៕អត្ថបទ៖ ប៊ុនថន

មនុស្ស ២១នាក់ស្លាប់បន្ទាប់ពីទូកលិចនៅបង់ក្លាដែស

បង់ក្លាដែស៖ មន្ត្រីបាននិយាយថា ទូកដឹកអ្នកដំណើរមួយគ្រឿងផ្ទុកមនុស្សជាង ១០០នាក់បានលិចកាលពីថ្ងៃសុក្រ បន្ទាប់ពីបានបុកជាមួយទូកតូចមួយផ្សេងទៀតនៅលើដងទន្លេធំមួយ បណ្តាលឱ្យមនុស្សយ៉ាងតិច ២១នាក់ស្លាប់ និងបាត់ខ្លួនជាច្រើននាក់នៅភាគខាងកើតប្រទេសបង់ក្លាដែស។ មន្ត្រីនគរបាលក្នុងតំបន់ លោក Imranul Islam និយាយតាមទូរស័ព្ទថា គ្រោះថ្នាក់នេះបានកើតឡើងនៅក្នុងស្រុក Brahmanbaria នៅល្ងាចថ្ងៃសុក្រ។លោកបាននិយាយថា ក្រុមអ្នកជួយសង្គ្រោះបានរកឃើញសាកសពយ៉ាងតិច ២១នាក់ ខណៈដែលអ្នកនៅរស់រានមានជីវិតបាននិយាយថា មនុស្សប្រមាណ ១០០នាក់បានស្ថិតនៅលើទូកអំឡុងពេលមានគ្រោះថ្នាក់នេះ។ ការរាយការណ៍ព័ត៌មានក្នុងស្រុកដោយបានដកស្រង់សម្តី អ្នកគ្រប់គ្រងរដ្ឋាភិបាលជាន់ខ្ពស់ប្រចាំតំបន់ លោក Hayat-Ud-Dola បាននិយាយថា មនុស្សប្រហែល ៥០នាក់បានបាត់ខ្លួន។ គ្រោះថ្នាក់បែបនេះតែងតែកើតឡើងនៅប្រទេសបង់ក្លាដែស ជាប្រទេសដែលសំបូរទៅដោយទន្លេជាង ២៣០ទន្លេ ដោយសារតែការអនុវត្តច្បាប់មិនបានត្រឹមត្រូវ និងការបើកបរទូកគ្មានជំនាញ។ តំបន់នេះមានចម្ងាយ ៨២គីឡូម៉ែត្រខាងកើតរដ្ឋធានីដាកា ប្រទេសបង់ក្លាដេស៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ស្ថានទូតសហរដ្ឋអាមេរិក និងរដ្ឋបាលរាជធានីភ្នំពេញរៀបចំពិព័រណ៍ម្ហូបអាហារ និងផលិតផលអាមេរិក នៅផ្លូវថ្មើរជើងចតុមុខ ដើម្បីឆ្លុះបញ្ចាំងពីចំណងមិត្តភាព និងភាពជាដៃគូនូវទំនាក់ទំនងការទូត៧៦ឆ្នាំ

ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស

ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក

អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ

ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី

ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី

អភិបាលខេត្តកំពង់ស្ពឺ ណែនាំអាជ្ញាធរបន្តផ្សព្វផ្សាយដល់ពលរដ្ឋឱ្យបញ្ឈប់ការយកដីចំណីផ្លូវទៅប្រើប្រាស់ដោយខុសច្បាប់

កម្ពុជា និងជប៉ុន ដាំកូនឈើមួយម៉ឺនដើម នៅក្នុងឧទ្យានអង្គរ ដើម្បីការពារសម្បត្ដិបេតិភណ្ឌពិភពលោក

អ្នកស៊ើបអង្កេតសិទ្ធិមនុស្សរបស់UN ចាប់ផ្តើមការងារនៅប្រទេសលីបង់ ក្នុងបេសកកម្មលើកដំបូងរបស់ខ្លួន

ក្រឡាបញ្ជីតុលាការអន្តរជាតិបញ្ជូនឈ្មោះបេក្ខជនបីរូបឱ្យកម្ពុជានិងថៃ ជ្រើសជាប្រធានក្រុមអ្នកផ្សះផ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សារព័ត៌មាន Kyodo៖ លោក Suga នឹងលាលែងពីតំណែងជានាយករដ្ឋមន្ត្រីជប៉ុន

UN៖ គ្រោះរាំងស្ងួតធ្វើឲ្យជនជាតិអាហ្វហ្គានីស្ថានអត់ឃ្លាន ខណៈការដួលរលំសេដ្ឋកិច្ចកាន់តែធ្ងន់ធ្ងរ

វីរុស COVID-19 បម្លែងខ្លួនថ្មី Mu ត្រូវបានរកឃើញនៅក្នុងប្រទេសជប៉ុន

អង្គការសុខភាពពិភពលោកកំពុងតាមដានវីរុសបម្លែងខ្លួនថ្មីដែលមានឈ្មោះថា ''Mu''

WHO សម្ដែងក្ដីបារម្ភខ្លាំងចំពោះកំណើនករណីស្លាប់ដោយសារវីរុស COVID-19 នៅតំបន់អឺរ៉ុប

ក្រុមប្រឹក្សាសន្តិសុខអង្គការសហប្រជាជាតិជំរុញឲ្យពួកតាលីបង់អនុញ្ញាតឲ្យមានការចាកចេញ និងដឹកជំនួយចូល

យោធាអាមេរិកបានបញ្ចប់ការដកកងកម្លាំងចេញពីប្រទេសអាហ្វហ្គានីស្ថានទាំងស្រុងហើយ

កង្វះអុកស៊ីសែននៅមន្ទីរពេទ្យអាមេរិក ខណៈករណីឆ្លង COVID-19 កើនឡើងក្នុងចំណោមអ្នកមិនបានចាក់វ៉ាក់សាំង

ភ្លើងឆេះរោងចក្រគីមីសម្លាប់មនុស្ស ១០នាក់នៅប៉ាគីស្ថាន

មនុស្ស ២១នាក់ស្លាប់បន្ទាប់ពីទូកលិចនៅបង់ក្លាដែស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សារព័ត៌មាន​ Kyodo៖ លោក Suga នឹង​លាលែង​ពី​តំណែង​ជា​នាយករដ្ឋមន្ត្រី​ជប៉ុន​

វីរុស COVID-19 ប​ម្លែ​ង​ខ្លួន​ថ្មី Mu ត្រូវ​បាន​រក​ឃើញ​នៅ​ក្នុង​ប្រទេស​ជប៉ុន​

អង្គការ​សុខភាព​ពិភពលោក​កំពុង​តាមដាន​វីរុស​ប​ម្លែ​ង​ខ្លួន​ថ្មី​ដែល​មាន​ឈ្មោះថា ''Mu''

WHO សម្ដែង​ក្ដី​បារម្ភ​ខ្លាំង​ចំពោះ​កំណើន​ករណី​ស្លាប់​ដោយសារ​វីរុស​ COVID-19 នៅ​តំបន់​អឺរ៉ុប​

យោធា​អាមេរិក​បាន​បញ្ចប់​ការ​ដក​កងកម្លាំង​ចេញពី​ប្រទេស​អា​ហ្វ​ហ្គា​នី​ស្ថាន​ទាំងស្រុង​ហើយ​

ភ្លើង​ឆេះ​រោងចក្រ​គីមី​សម្លាប់​មនុស្ស ​១០​នាក់​នៅ​ប៉ា​គី​ស្ថាន​

មនុស្ស ​២១​នាក់​ស្លាប់​បន្ទាប់ពី​ទូក​លិច​នៅ​បង់​ក្លា​ដែ​ស​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សារព័ត៌មាន Kyodo៖ លោក Suga នឹងលាលែងពីតំណែងជានាយករដ្ឋមន្ត្រីជប៉ុន

វីរុស COVID-19 បម្លែងខ្លួនថ្មី Mu ត្រូវបានរកឃើញនៅក្នុងប្រទេសជប៉ុន

អង្គការសុខភាពពិភពលោកកំពុងតាមដានវីរុសបម្លែងខ្លួនថ្មីដែលមានឈ្មោះថា ''Mu''

WHO សម្ដែងក្ដីបារម្ភខ្លាំងចំពោះកំណើនករណីស្លាប់ដោយសារវីរុស COVID-19 នៅតំបន់អឺរ៉ុប

យោធាអាមេរិកបានបញ្ចប់ការដកកងកម្លាំងចេញពីប្រទេសអាហ្វហ្គានីស្ថានទាំងស្រុងហើយ

ភ្លើងឆេះរោងចក្រគីមីសម្លាប់មនុស្ស ១០នាក់នៅប៉ាគីស្ថាន

មនុស្ស ២១នាក់ស្លាប់បន្ទាប់ពីទូកលិចនៅបង់ក្លាដែស