BTV NEWS

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

ព័ត៌មានសំខាន់ៗ

WHO និយាយពីករណីឆ្លងវីរុស COVID-19 នៅទូទាំងពិភពលោក

WHO៖ យោងតាមអង្គការសុខភាពពិភពលោក (WHO) បានឲ្យដឹងថា ចំនួនសរុបនៃករណីឆ្លងវីរុស COVID-19 នៅទូទាំងពិភពលោកបានកើនឡើងដល់ ២២៥.៩៩២.២៨១ករណី ហើយចំនួនអ្នកស្លាប់បានកើនឡើងដល់ ៤.៦៥១.៣៦១នាក់។ សហរដ្ឋអាមេរិកនៅតែជាប្រទេសដែលរងគ្រោះធ្ងន់ធ្ងរជាងគេបំផុតនៅលើពិភពលោក ទាំងចំនួនករណីឆ្លង និងស្លាប់ដោយសារវីរុស COVID-19។យោងតាមមជ្ឈមណ្ឌលវិទ្យាសាស្ត្រ និងប្រព័ន្ធវិស្វកម្មសាកលវិទ្យាល័យចនហបឃីនបានឲ្យដឹងថា ចំនួនសរុបនៃករណីឆ្លង COVID-19 នៅសហរដ្ឋអាមេរិកបានកើនលើសពី ៤២លាននាក់ ដោយចំនួនអ្នកស្លាប់កើនដល់ ៦៧៩,៦៩៤នាក់។ យោងតាមទិន្នន័យពីមជ្ឈមណ្ឌលគ្រប់គ្រង និងបង្ការជំងឺសហរដ្ឋអាមេរិកបានឲ្យដឹងថា រដ្ឋចំនួន ២៦ នៅក្នុងប្រទេសនេះបានចាក់វ៉ាក់សាំងពេញលេញជាង ៥០% នៃប្រជាជនរបស់ពួកគេ។ នៅប្រទេសឥណ្ឌាចំនួនសរុបនៃវីរុស COVID-១៩ របស់ប្រទេសនេះបានកើនឡើងដល់ ៣៣.២៨៨.០២១ករណី និងមានអ្នកស្លាប់ ៤៤៣,៣៧៥នាក់នៅទូទាំងប្រទេស ដែលបានបង្ហាញទិន្នន័យចុងក្រោយដោយក្រសួងសុខាភិបាលសហព័ន្ធ។ ភាគច្រើននៃករណីឆ្លងថ្មី និងស្លាប់ត្រូវបានរាយការណ៍ពីរដ្ឋ Kerala ភាគខាងត្បូងប្រទេស។យោងតាមក្រសួងសុខាភិបាលបានឲ្យដឹងថា ប្រទេសប្រេស៊ីលបានចុះបញ្ជីករណីឆ្លងសរុបនៅក្នុងប្រទេសនេះមាន ២១,០០៦,៤២៤ករណី និងមានអ្នកស្លាប់ ៥៨៧,០៦៦នាក់។ យោងតាមក្រសួងបានឲ្យដឹងថា ទីក្រុង Rio de Janeiro បានចាប់ផ្ដើមចាក់វ៉ាក់សាំងដល់មនុស្សចាស់ការពារវីរុស COVID-19 ដូសទី៣ ដោយចាប់ផ្ដើមពីថ្ងៃចន្ទម្សិលមិញ។ សម្រាប់ប្រទេសនៅតំបន់អាស៊ីអាគ្នេយ៍ ប្រទេសឥណ្ឌូនេស៊ីមានករណីឆ្លងវីរុស COVID-19 សរុប ៤,១៧០,០៨៨នាក់ និងមានអ្នកស្លាប់ ១៣៩,១៦៥នាក់៕អត្ថបទ៖ ប៊ុន ថន

សេតវិមាន៖ លោក Biden និងលោក Xi បានពិភាក្សាគ្នាដើម្បីជៀសវាងជម្លោះរវាងអាមេរិក និងចិន

អាមេរិក៖ សេតវិមានបាននិយាយថា ប្រធានាធិបតីអាមេរិកលោក Joe Biden បានពិភាក្សាគ្នាជាមួយសមភាគីចិនគឺលោកប្រធានាធិបតី Xi Jinping ជាលើកដំបូងក្នុងរយៈពេល ៧ខែកាលពីថ្ងៃព្រហស្បតិ៍ដោយជំរុញឲ្យមានការធានាថា “ការប្រកួតប្រជែង” រវាងមហាអំណាចទាំងពីរមិនក្លាយជា “ជម្លោះ” ទេ។មន្ត្រីជាន់ខ្ពស់អាមេរិកម្នាក់បានប្រាប់អ្នកយកព័ត៌មានថា ក្នុងអំឡុងពេលនៃការសន្ទនាតាមទូរស័ព្ទសាររបស់លោក Biden គឺថា សហរដ្ឋអាមេរិកចង់ធានាថា "ការប្រកួតប្រជែងដ៏ខ្លាំងក្លានៅតែមានដដែល ហើយយើងចង់មិនឲ្យស្ថានភាពដែលយើងមានបច្ចុប្បន្ន ឈានទៅរកជម្លោះដោយអចេតនាពេលអនាគតនោះទេ"។ គួរឲ្យដឹងថា នេះគឺជាការសន្ទនាតាមទូរស័ព្ទលើកដំបូងរបស់មេដឹកនាំមហាអំណាចទាំង២ ចាប់តាំងពីខែកុម្ភៈនៅពេលដែលលោកទាំង២ បានពិភាក្សាគ្នាអស់រយៈពេល ២ម៉ោងភ្លាមៗបន្ទាប់ពីលោក Biden កាន់តំណែងបន្តពីលោក Donald Trump។ទំនាក់ទំនងអាមេរិក-ចិនបានធ្លាក់ចុះដល់ចំណុចទាបបំផុត ក្រោមការដឹកនាំរបស់លោក Trump ដែលបានចាប់ផ្ដើមសង្គ្រាមពាណិជ្ជកម្ម រវាងប្រទេសមហាអំណាចសេដ្ឋកិច្ចពិភពលោកទី១ និងទី២។ រដ្ឋបាលរបស់លោក Biden ខណៈពេលដែលកំពុងជំរុញឱ្យមានពហុភាគីនិយម និងការបញ្ចប់នូវមនោគមវិជ្ជា “គិតពីប្រយោជន៍អាមេរិកមុនគេ” របស់លោក Trump នៅតែរក្សាការដំឡើងពន្ធនាំចូល និងនៅតែមានភាពតានតឹងលើវិស័យដទៃទៀត នៃទំនាក់ទំនងជាមួយក្រុងប៉េកាំង៕អត្ថបទ៖ សុខមាន

អង្គការសហប្រជាជាតិ៖ អាហ្វហ្គានីស្ថានហៀបនឹងធ្លាក់ចូលក្នុងស្ថានភាពក្រីក្រសកល

អាហ្វហ្គានីស្ថាន៖ អង្គការសហប្រជាជាតិបានព្រមានថា ប្រជាជនប្រហែល ៩៧% នៃប្រជាជនអាហ្វហ្គានីស្ថានអាចនឹងធ្លាក់ចូលក្រោមបន្ទាត់ភាពក្រីក្រ លុះត្រាតែវិបត្តិនយោបាយ និងសេដ្ឋកិច្ចរបស់ប្រទេសត្រូវបានដោះស្រាយ។លោកស្រី Deborah Lyons ប្រធានបេសកកម្មជំនួយ របស់អង្គការសហប្រជាជាតិនៅក្នុងប្រទេសអាហ្វហ្គានីស្ថាន កំពុងជំរុញឱ្យពិភពលោករួបរួមគ្នា ដើម្បីការពារការដួលរលំសេដ្ឋកិច្ចរបស់ប្រទេសនេះ ដើម្បីដោះស្រាយការភ័យខ្លាចថា រដ្ឋអ៊ីស្លាមរបស់ក្រុមតាលីបង់អាចរាលដាលដល់ប្រទេសជិតខាង និងប្រយុទ្ធប្រឆាំងភេរវកម្ម។ នៅក្នុងរបាយការណ៍មួយដែលត្រូវបានចេញផ្សាយកាលពីថ្ងៃព្រហស្បតិ៍ កម្មវិធីអភិវឌ្ឍន៍អង្គការសហប្រជាជាតិ (UNDP) បាននិយាយថា អត្រាភាពក្រីក្រអាចកើនឡើងរហូតដល់ ២៥% ដោយសារការធ្លាក់ចុះនៃផលិតផលក្នុងស្រុកសរុបពិតប្រាកដរបស់អាហ្វហ្គានីស្ថាន។ ពាក់កណ្តាលនៃប្រទេសនេះកំពុងត្រូវការការគាំទ្រផ្នែកមនុស្សធម៌រួចហើយ។លោក Abdallah Al Dardari តំណាងអង្គការ UNDP ប្រចាំនៅអាហ្វហ្គានីស្ថានបានប្រាប់សារព័ត៌មាន Al Jazeera ថា អ្នកមានការភ្ញាក់ផ្អើលលើបញ្ហាថវិកា។ អ្នកមានការរន្ធត់ចំពោះថវិកាបម្រុង។ បើនិយាយពីប្រាក់បម្រុង អ្នកដឹងហើយថា ថវិកាចំនួន ៩ពាន់លានដុល្លារនឹងត្រូវបានបង្កកទាំងស្រុង បន្ទាប់មកអ្នកនឹងភ្ញាក់ផ្អើលចំពោះវិស័យពាណិជ្ជកម្ម។ អ្នកមានការរំខានលើវិស័យពាណិជ្ជកម្មក្នុងស្រុក និងអន្តរជាតិ។ លោកថា ជាធម្មតានៅក្នុងប្រទេសដែលមានស្ថានភាពបែបនេះ ស្ថាប័នហិរញ្ញវត្ថុអន្តរជាតិដូចជាមូលនិធិរូបិយវត្ថុអន្តរជាតិ IMF, ធនាគារពិភពលោក និងស្ថាប័នហិរញ្ញវត្ថុទ្វេភាគី និងពហុភាគីទាំងអស់នឹងរួមគ្នាជាមួយអង្គការសហប្រជាជាតិ ហើយស្នើឱ្យមានកម្មវិធីកំណែទម្រង់សេដ្ឋកិច្ច។ យើងដឹងថា រឿងនេះនឹងមិនកើតឡើងទេ”៕អត្ថបទ៖ សុខមាន

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ផ្តល់អំណោយគ្រឿងឧបភោគបរិភោគ និងថវិកា ជូនដល់បុគ្គលិក ទូរទស្សន៍បាយ័ន

ភ្នំពេញ៖ថ្ងៃទី៩កញ្ញានេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈលោកជំទាវ ហ៊ុន ម៉ាណា អគ្គនាយិកា នៃអគ្គនាយកដ្ឋានវិទ្យុ និងទូរទស្សន៍បាយ័ន បានផ្តល់ជាអំណោយឧបត្ថម្ភរួមមានគ្រឿងឧបភោគបរិភោគ រួមនឹងថវិកាមួយចំនួន ជូនដល់បុគ្គលិកអគ្គនាយកដ្ឋានវិទ្យុ និងទូរទស្សន៍បាយ័ន ដើម្បីដោះស្រាយជីវភាពក្នុងដំណាក់កាលវិបត្តិកូវីដ-១៩ និងក្នុងឱកាសពិធីបុណ្យភ្ជុំបិណ្ឌនាពេលខាងមុខ ។ក្នុងពិធីសំណេះសំណាល និងចែកជូនអំណោយសម្តេចតេជោ និងសម្តេចកិត្តិព្រិទ្ធបណ្ឌិត ជូនដល់បុគ្គលិកអគ្គនាយកដ្ឋានវិទ្យុ និងទូរទស្សន៍បាយ័ននេះ លោក ឆារស៏ វ៉ាន់ ទីប្រឹក្សា និងជាតំណាងលោកជំទាវ ហ៊ុន ម៉ាណា អគ្គនាយិកាវិទ្យុ និងទូរទស្សន៍បាយ័ន បានលើកឡើងថា សម្តេចតេជោ និងសម្តេចកិត្តិព្រឹទ្ធបណ្ឌិត រួមទាំងលោកជំទាវ ហ៊ុន ម៉ាណា តែងគិតគូរពីសុខទុក្ខរបស់បុគ្គលិកទាំងអស់គ្រប់កាលៈទេសៈ ជាពិសេសក្នុងដំណាក់ កាលការរីករាលដាលនៃជំងឺកូវីដ១៩នេះ ហើយដែលត្រូវពុះពារបំពេញការងារបំរើដល់ការផ្សព្វផ្សាយព័ត៌មាន និង ការកម្សាន្តជូនប្រជាពលរដ្ឋ។ ដោយសារទឹកចិត្តអាណិតស្រលាញ់របស់សម្តេចទាំងទ្វេរ និងលោកជំទាវអគ្គនាយិកាបើទោះបីមិនបានជួនផ្ទាល់ ក៏ពិតមែន តែលោកតែងផ្ញើរការនឹករលឹកបារម្ភពីសុខមាលភាពក្នុងពេលបំពេញការងារ ព្រមទាំងឧបត្ថម្ភគាំទ្រ ចំពោះបុគ្គលឹក និងក្រុមគ្រួសារផងដែរចំពោះអ្នកដែលជូបការលំបាក។ ហើយបើទោះបីជាក្នុងដំណាក់កាលនេះ បញ្ហាជំងឺកូវីដ-១៩ បានជះឥទ្ធិពលដល់ក្រុមហ៊ុនមួយចំនួនត្រូវបង្ខំចិត្តឲ្យមានការកាត់បន្ថយបុគ្គលិកពីការងារយ៉ាងណាក៏ដោយ ប៉ុន្តែ សម្រាប់អគ្គនាយកដ្ឋានវិទ្យុ និងទូរទស្សន៍បាយ័នពុំមានការអនុវត្តបែបនេះឡើយ តែផ្ទុយទៅ វិញគឺបុគ្គលិកទាំងអស់ត្រូវបានធានាទាំងសុខមាលភាពទាំងប្រាក់បៀរវត្សន៍ ហើយលើសពីនេះថែមទាំងតែង ទទួលបាននូវអំណោយឧបត្ថម្ភជាបន្តបន្ទាប់ បន្ថែមលើការលើកទឹកចិត្តនានា។គួរបញ្ជាក់ថា សម្រាប់អំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត តាមរយៈលោកជំទាវ ហ៊ុន ម៉ាណា ផ្តល់ជូនបុគ្គលិក អគ្គនាយកដ្ឋានវិទ្យុ និងទូរទស្សន៍បាយ័ននាពេលនេះរួមមាន អង្ករ ត្រីខ មី អំបិល ប៊ីចេង ទឹកត្រី ទឹកស៊ីអ៊ីវ ទឹកសុទ្ធ និងថវិកាមួយចំនួន។ ហើយនេះគឺជាលើកទី២ហើយក្នុងឆ្នាំ២០២១នេះ ដែលសម្តេចទំាងទ្វេរ និងលោកជំទាវអគ្គនាយិកា បានផ្តល់ជូនបុគ្គលិកនៃអគ្គនាយកដ្ឋានវិទ្យុនិងទូរទស្សន៍បាយ័នដែលលើកទី១បានផ្តល់ជូនមុនឱ្យកាសចូលឆ្នាំខ្មែរប្រពៃណីជាតិខ្មែរ៕

មនុស្ស ១០នាក់បានស្លាប់នៅក្នុងអគ្គិភ័យឆាបឆេះមន្ទីរពេទ្យព្យាបាលអ្នកជំងឺ COVID-19 នៅប្រទេសម៉ាសេដូនីខាងជើង

ម៉ាសេដូនីខាងជើង៖ ក្រសួងសុខាភិបាលបាននិយាយថា មនុស្សយ៉ាងហោចណាស់ ១០នាក់បានស្លាប់នៅក្នុងអគ្គិភ័យ នៅឯមជ្ឈមណ្ឌលព្យាបាលវីរុសកូរ៉ូណាបណ្ដោះអាសន្ន នៅប្រទេសម៉ាសេដូនីខាងជើង។អគ្គិភ័យបានឆាបឆេះផ្ទាំងម៉ូឌុលដែលប្រើសម្រាប់ព្យាបាលអ្នកជំងឺ COVID-19 នៅទីក្រុង Tetovo ភាគពាយ័ព្យរបស់ប្រទេសនេះកាលពីល្ងាចថ្ងៃទី៨ ខែកញ្ញា មុនពេលអ្នកពន្លត់អគ្គិភ័យពន្លត់អណ្ដាតភ្លើងបានដោយជោគជ័យ។ រដ្ឋមន្ត្រីក្រសួងសុខាភិបាល លោក Venko Filipce បាននិយាយនៅលើបណ្តាញសង្គម Twitter ថា “មនុស្ស ១០នាក់ត្រូវបានបញ្ជាក់ថាបានស្លាប់នៅក្នុងគ្រោះអគ្គិភ័យនេះ ប៉ុន្តែចំនួននេះអាចកើនឡើង។ នេះគឺជាថ្ងៃដ៏ក្រៀមក្រំបំផុត”។លោក Saso Trajcevski អនុប្រធានអង្គភាពពន្លត់អគ្គិភ័យទីក្រុង Tetovo បាននិយាយថា អ្នកពន្លត់អគ្គិភ័យបានពន្លត់ភ្លើងបន្ទាប់ពី ២-៣ម៉ោង ខណៈស៊ីឡាំងអុកស៊ីសែនដែលប្រើសម្រាប់ព្យាបាលអ្នកជំងឺឆ្លងវីរុសកូរ៉ូណា នៅមន្ទីរពេទ្យបានផ្ទុះឡើង។ លោក Trajcevski បាននិយាយថា អ្វីៗកំពុងឆេះ ហើយយើងកំពុងយកសាកសពចេញ ខណៈភ្លើងកំពុងត្រូវបានពន្លត់។ គេមិនច្បាស់ទេថា តើមានអ្នកជំងឺប៉ុន្មាននាក់នៅក្នុងមន្ទីរពេទ្យ នៅពេលដែលអគ្គិភ័យបានឆាបឆេះនៅម៉ោងប្រហែល ៩យប់ម៉ោងក្នុងស្រុក៕ អត្ថបទ៖ សុខមាន

WHO៖ មណ្ឌលសុខភាពរាប់រយកន្លែងប្រឈមនឹងការបិទទ្វារនៅអាហ្វហ្គានីស្ថាន

អាហ្វហ្គានីស្ថាន៖ មន្ត្រីអង្គការសុខភាពពិភពលោក (WHO) បាននិយាយកាលពីថ្ងៃចន្ទ ទី៦ ខែកញ្ញាថា ស្ថាប័នសុខាភិបាលរាប់រយកន្លែងនៅក្នុងប្រទេសអាហ្វហ្គានីស្ថាន កំពុងប្រឈមនឹងការបិទទ្វារដោយសារតែប្រទេសម្ចាស់ជំនួយលោកខាងលិច ដែលផ្តល់ហិរញ្ញប្បទានដល់ពួកគេត្រូវបានរារាំងមិនឱ្យទាក់ទងជាមួយរដ្ឋាភិបាលតាលីបង់ថ្មី។ ប្រធានគ្រាអាសន្នប្រចាំតំបន់របស់ទីភ្នាក់ងារសុខភាពអង្គការសហប្រជាជាតិ លោក Rick Brennan បានប្រាប់សារព័ត៌មាន Reuters នៅក្នុងបទសម្ភាសមួយថា ប្រហែល ៩០% នៃមណ្ឌលសុខភាពចំនួន ២៣០០កន្លែងនៅទូទាំងប្រទេសអាចនឹងត្រូវបិទក្នុងពេលឆាប់ៗនៅសប្ដាហ៍នេះ។ លោកបាននិយាយថា ម្ចាស់ជំនួយលោកខាងលិចជាច្រើនមានបទបញ្ជា ដែលរារាំងពួកគេមិនឱ្យទាក់ទងជាមួយក្រុមតាលីបង់ ដោយមិនបានផ្ដល់ព័ត៌មានលម្អិតទេ។ លោក Brennan បាននិយាយថា "យើងនឹងផ្អាកប្រតិបត្តិការមួយភាគធំ នៃគ្រឹះស្ថានសុខាភិបាលទាំងនោះ។ តាមការប៉ាន់ប្រមាណមួយចំនួនរហូតដល់ ៩០% នឹងឈប់ដំណើរការប្រហែលជានៅចុងសប្តាហ៍ ហើយដល់ពេលនោះនឹងមានអ្នកជំងឺ និងអ្នកស្លាប់កើនឡើង៕អត្ថបទ៖ សុខមាន

គុយបាក្លាយជាប្រទេសទី១ ដែលបានចាក់វ៉ាក់សាំងបង្ការវីរុស COVID-19 ដល់ក្មេងអាយុ ២ឆ្នាំ

គុយបា៖ កាលពីថ្ងៃចន្ទប្រទេសគុយបាបានក្លាយជាប្រទេសដំបូងក្នុងពិភពលោក ដែលបានចាក់វ៉ាក់សាំងបង្ការវីរុស COVID-19 ដល់កុមារតូចអាយុ ២ឆ្នាំដោយប្រើវ៉ាក់សាំងផលិតក្នុងស្រុក ដែលមិនត្រូវបានទទួលស្គាល់ដោយអង្គការសុខភាពពិភពលោក។កោះដែលមានប្រជាជនចំនួន ១១,២លាននាក់មានបំណងចាក់វ៉ាក់សាំងបង្ការ ដល់កុមាររបស់ខ្លួនទាំងអស់មុនពេលបើកសាលារៀនឡើងវិញ ដែលភាគច្រើនត្រូវបានបិទចាប់តាំងពីខែមីនាឆ្នាំ២០២០ មក។ ឆ្នាំសិក្សាថ្មីបានចាប់ផ្តើមកាលពីថ្ងៃចន្ទ ប៉ុន្តែសិក្សាពីផ្ទះតាមកម្មវិធីទូរទស្សន៍ព្រោះផ្ទះគុយបាភាគច្រើនមិនមានអ៊ីនធឺណិតទេ។ ដោយបានបញ្ចប់ការសាកល្បងលើអនីតិជនដោយប្រើវ៉ាក់សាំង Abdala និង Soberana ប្រទេសគុយបាបានចាប់ផ្តើមយុទ្ធនាការចាក់វ៉ាក់សាំងបង្ការដល់ក្មេងៗកាលពីថ្ងៃសុក្រ ដោយចាប់ផ្តើមពីក្មេងអាយុ ១២ឆ្នាំឡើងទៅ។ កាលពីថ្ងៃចន្ទប្រទេសនេះបានចាប់ផ្តើមចាក់វ៉ាក់សាំង ដល់ក្រុមក្មេងមានអាយុពី ២ ដល់ ១១ឆ្នាំនៅខេត្ត Cienfuegos ភាគកណ្តាល។បណ្តាប្រទេសមួយចំនួនទៀតនៅលើពិភពលោក កំពុងចាក់វ៉ាក់សាំងការពារកុមារចាប់ពីអាយុ ១២ឆ្នាំហើយប្រទេសខ្លះកំពុងសាកល្បងលើកុមារតូចៗ។ ប្រទេសមួយចំនួនដូចជា ចិន អារ៉ាប់រួម និងវ៉េណេហ្ស៊ុយអេឡាបានប្រកាសថា ពួកគេមានគម្រោងចាក់វ៉ាក់សាំងដល់កុមារតូច ប៉ុន្តែគុយបាគឺជាប្រទេសដំបូងគេដែលបានអនុវត្តន៍។ គិតត្រឹមថ្ងៃអង្គារនេះ ប្រទេសគុយបាមានករណីឆ្លងចំនួន ៦៩៦,៩០៤នាក់បន្ទាប់ពីមាករណីឆ្លងថ្មី ៧,២៣០នាក់ និងស្លាប់ចំនួន ៥,៧៨៨នាក់បន្ទាប់ពីមានអ្នកស្លាប់ថ្មី ៨៥នាក់៕អត្ថបទ៖ សុខមាន

តាលីបង់និយាយថា អង្គការសហប្រជាជាតិសន្យាផ្តល់ជំនួយបន្ទាប់ពីជួបជាមួយមន្ត្រីនៅទីក្រុងកាប៊ុល

អាហ្វហ្គានីស្ថាន៖ អ្នកនាំពាក្យក្រុមតាលីបង់ លោក Suhail Shaheen បាននិយាយថា ក្រុមមន្ត្រីជាន់ខ្ពស់តាលីបង់បានជួបប្រជុំគ្នា នៅទីក្រុងកាប៊ុលកាលពីថ្ងៃអាទិត្យ ទី៥ ខែកញ្ញាជាមួយអគ្គលេខាធិការរងអង្គការសហប្រជាជាតិ ទទួលបន្ទុកកិច្ចការមនុស្សធម៌ដែលបានសន្យាថា នឹងរក្សាការផ្ដល់ជំនួយសម្រាប់ប្រជាជនអាហ្វហ្គានីស្ថាន។លោក Mullah Abdul Ghani Baradar ប្រធានការិយាល័យនយោបាយរបស់ក្រុមតាលីបង់ និងមន្ត្រីផ្សេងទៀតបានជួបលោក Martin Griffiths ខណៈអាហ្វហ្គានីស្ថានប្រឈមនឹងវិបត្តិមនុស្សធម៌ដ៏មហន្តរាយ ដែលបង្កឡើងដោយគ្រោះរាំងស្ងួតធ្ងន់ធ្ងរ និងសេដ្ឋកិច្ចដួលរលំ។ លោក Shaheen បាននិយាយនៅលើបណ្តាញសង្គម Twitter ថា “គណៈប្រតិភូអង្គការសហប្រជាជាតិរូបនេះ បានសន្យាបន្តផ្តល់ជំនួយមនុស្សធម៌ដល់ប្រជាជនអាហ្វហ្គានីស្ថាន ដោយនិយាយថា លោកនឹងអំពាវនាវរកជំនួយបន្ថែមដល់អាហ្វហ្គានីស្ថាន ក្នុងអំឡុងពេលកិច្ចប្រជុំបណ្តាប្រទេសម្ចាស់ជំនួយនាពេលខាងមុខនេះ”។អាហ្វហ្គានីស្ថានដែលជាប្រទេសក្រីក្របំផុតមួយនៅលើពិភពលោក បានធ្លាក់ចូលទៅក្នុងវិបត្តិដោយការបញ្ចប់ជំនួយបរទេសរាប់ពាន់លានដុល្លារភ្លាមៗ បន្ទាប់ពីការដួលរលំរដ្ឋាភិបាលដែលគាំទ្រដោយបណ្ដាប្រទេសលោកខាងលិច និងជ័យជំនះរបស់ក្រុមតាលីបង់កាលពីខែមុន។ លោក Shaheen បាននិយាយថា ពួកតាលីបង់បានធានាដល់គណៈប្រតិភូអង្គការសហប្រជាជាតិ អំពីកិច្ចសហប្រតិបត្តិការ និងការសម្របសម្រួលចាំបាច់នានា៕អត្ថបទ៖ សុខមាន

ទុរគតជនពីរនាក់បងប្អូនទទួលអំណោយសប្បុរសធម៌ពី ឯកឧត្តម ឌី វិជ្ជា និងលោកជំទាវ ហ៊ុន ម៉ាណា

ត្បូងឃ្មុំ ៖ ដោយទទួលដំណឹងអំពីការខ្វះខាតរបស់ទុរគតជនពីរនាក់បងប្អូនដែលរស់នៅក្នុងភូមិជួរកណ្តាល ឃុំកោះពី ស្រុកក្រូចឆ្មា ខេត្តត្បូងឃ្មុំ គឺលោកតា ដូង ញ័រ មានអាយុ ៧៩ឆ្នាំ និងយាយ ដូង ត្រាវ អាយុ៦៩ឆ្នាំ ទើបនាព្រឹកថ្ងៃទី ០៤ ខែកញ្ញា ឆ្នាំ២០២១ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា បានមានប្រសាសន៍ណែនាំអោយលោក ជិន ប៊ុន ធឿន និងក្រុមការងារមនុស្សធម៌ចុះជួប ព្រមទាំងនាំយកអំណោយមួយចំនួនទៅប្រគល់ជូនលោកយាយ លោកតា ដើម្បីដោះស្រាយជីវភាពប្រចាំថ្ងៃរបស់គាត់បានមួយរយៈ ។ អំណោយដែលប្រគល់ជូនគាត់ទាំងពីរនាក់នូវពេលនេះមានសម្ភារៈផ្ទះទេវតា ០១ ឈុតធំមានដូចជា: ១-អង្ករ ១០០គីឡូ២-ទឹកដោះគោខាប់ ចំនួន៤៨កំប៉ុង៣-វិទ្យុស្តាប់ ០១ គ្រឿង៤-ស្ករសចំនួន ៥គីឡូ៥-ប្រេងកូឡាចំនួន ០១ ប្រអប់ធំ៦-ប្រេងខ្យល់ចំនួន ០១ ប្រអប់ធំ៧-តែ ១០កញ្ចប់តូច៨-មី ចំនួន ០៥កេសតូច៩-ត្រីខ ចំនួន ១០០កំប៉ុង១០-កន្ទេល ០២ ១១-ខ្នើយ ០២១២-ម៉ុង ០២ ១៣-ភួយ ០២១៤-ពូក ០១ ១៥-ស្បែកជើង ០១គូរ១៦-ទឹកស៊ីអុីវ ០៣យួរ១៧-ឆ្នាំងបាយ ០២ ១៨-កំសៀវទឹក ០១ ១៩-កាធុនទឹកដែក ០១ ២០-ខ្ទះឆា ០១២១-ស្លាបព្រា និង សម ០១ ឈុត ២២-វែកបាយ ០១ ២៣-ច្រាសដុសធ្មេញ ០៥ឈុត២៤-សាប៊ូ ១២ដុំ ២៥-ថវិកាចំនួន ៥០ម៉ឺនរៀល។ សូមបញ្ជាក់ផងដែរថា៖ យាយតាជាបងប្អូនបង្កេីតនឹងគ្នា ហេីយក៏នៅលីវទាំងពីរនាក់ផងដែរ ដែលពួកគាត់កំពុងរស់នៅលេីផ្ទះខ្ទមចាស់ទ្រុឌទ្រោមមួយដែលជាកេរ្តិ៍សល់ពីឪពុកម្តាយ ។ សព្វថ្ងៃលោកទាំងពីរមានមុខរបរជាកម្មករសុីឈ្នួលកាច់ថ្នាំជក់បានប្រាក់កំរ៉ៃសម្រាប់ចិញ្ចឹមជីវិត ។ ហើយជីវភាពរស់នៅសព្វថ្ងៃនេះ មួយផ្នែកទៀតបានអ្នកភូមិជិតខាង និងអាជ្ញាធរដែនដីជួយទំនុកបម្រុងជាស្បៀងអាហារខ្លះៗផងដែរ៕

អ្នកស្លាប់ដោយសារព្យុះកើនឡើងដល់ ៤១នាក់នៅទូទាំងរដ្ឋចំនួន ៤ នៅភាគឦសានសហរដ្ឋអាមេរិក

អាមេរិក៖ ប្រធានាធិបតីអាមេរិកលោក Joe Biden បាននិយាយថា ការវិនិយោគជាប្រវត្តិសាស្ត្រចាំបាច់ណាស់ក្នុងការដោះស្រាយវិបត្តិអាកាសធាតុ ខណៈភាគឦសានសហរដ្ឋអាមេរិកបានរងគ្រោះដោយសារជំនន់ទឹកភ្លៀង និងព្យុះកំបុតត្បូងដែលបានសម្លាប់មនុស្សយ៉ាងតិច ៤១នាក់។ប្រធានាធិបតីបាននិយាយថា សហរដ្ឋអាមេរិកកំពុងប្រឈមនឹងការបំផ្លិចបំផ្លាញ ដោយអាកាសធាតុនៅទូទាំងប្រទេស ហើយការដោះស្រាយវាគឺជា “បញ្ហានៃជីវិត និងការស្លាប់”។ ទីក្រុង New York និងរដ្ឋ New Jersey បានមើលឃើញកម្រិតទឹកភ្លៀងដ៏ខ្ពស់មិនធ្លាប់មាន។ ប្រជាពលរដ្ឋមួយចំនួនបានជាប់នៅក្នុងបន្ទប់ក្រោមដី និងរថយន្តដែលលិចទឹក។ អភិបាលរដ្ឋ New Jersey លោក Phil Murphy បាននិយាយថា មនុស្សយ៉ាងហោចណាស់ ២៣នាក់បានស្លាប់នៅក្នុងរដ្ឋរបស់លោក ដែលពួកគេភាគច្រើនជាប់គាំងនៅក្នុងរថយន្តរបស់ពួកគេនៅពេលទឹកឡើង។មន្ត្រីបាននិយាយថា យ៉ាងហោចណាស់មនុស្ស ១៤នាក់បានស្លាប់នៅក្នុងទីក្រុង New York រួមទាំងក្មេងប្រុសអាយុ ២ឆ្នាំម្នាក់ផងដែរ។ មនុស្ស ១១នាក់បានលង់ទឹកស្លាប់ ខណៈជាប់នៅក្នុងបន្ទប់ក្រោមដីរបស់ពួកគេដែលទឹកជន់លិច។ មនុស្ស ៣នាក់បានស្លាប់នៅជិតទីក្រុង Philadelphia រដ្ឋ Pennsylvania ខណៈមនុស្សម្នាក់បានស្លាប់នៅរដ្ឋ Connecticut៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស

ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក

អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ

ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី

ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី

អភិបាលខេត្តកំពង់ស្ពឺ ណែនាំអាជ្ញាធរបន្តផ្សព្វផ្សាយដល់ពលរដ្ឋឱ្យបញ្ឈប់ការយកដីចំណីផ្លូវទៅប្រើប្រាស់ដោយខុសច្បាប់

កម្ពុជា និងជប៉ុន ដាំកូនឈើមួយម៉ឺនដើម នៅក្នុងឧទ្យានអង្គរ ដើម្បីការពារសម្បត្ដិបេតិភណ្ឌពិភពលោក

អ្នកស៊ើបអង្កេតសិទ្ធិមនុស្សរបស់UN ចាប់ផ្តើមការងារនៅប្រទេសលីបង់ ក្នុងបេសកកម្មលើកដំបូងរបស់ខ្លួន

ក្រឡាបញ្ជីតុលាការអន្តរជាតិបញ្ជូនឈ្មោះបេក្ខជនបីរូបឱ្យកម្ពុជានិងថៃ ជ្រើសជាប្រធានក្រុមអ្នកផ្សះផ្សា

ព័រទុយហ្គាល់ស្នើសុំការគាំទ្រពីសហភាពអឺរ៉ុប អេស្ប៉ាញ និងម៉ារ៉ុក ខណៈហានិភ័យភ្លើងចំហេះព្រៃកើនឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

WHO និយាយពីករណីឆ្លងវីរុស COVID-19 នៅទូទាំងពិភពលោក

សេតវិមាន៖ លោក Biden និងលោក Xi បានពិភាក្សាគ្នាដើម្បីជៀសវាងជម្លោះរវាងអាមេរិក និងចិន

អង្គការសហប្រជាជាតិ៖ អាហ្វហ្គានីស្ថានហៀបនឹងធ្លាក់ចូលក្នុងស្ថានភាពក្រីក្រសកល

មនុស្ស ១០នាក់បានស្លាប់នៅក្នុងអគ្គិភ័យឆាបឆេះមន្ទីរពេទ្យព្យាបាលអ្នកជំងឺ COVID-19 នៅប្រទេសម៉ាសេដូនីខាងជើង

WHO៖ មណ្ឌលសុខភាពរាប់រយកន្លែងប្រឈមនឹងការបិទទ្វារនៅអាហ្វហ្គានីស្ថាន

គុយបាក្លាយជាប្រទេសទី១ ដែលបានចាក់វ៉ាក់សាំងបង្ការវីរុស COVID-19 ដល់ក្មេងអាយុ ២ឆ្នាំ

តាលីបង់និយាយថា អង្គការសហប្រជាជាតិសន្យាផ្តល់ជំនួយបន្ទាប់ពីជួបជាមួយមន្ត្រីនៅទីក្រុងកាប៊ុល

ទុរគតជនពីរនាក់បងប្អូនទទួលអំណោយសប្បុរសធម៌ពី ឯកឧត្តម ឌី វិជ្ជា និងលោកជំទាវ ហ៊ុន ម៉ាណា

អ្នកស្លាប់ដោយសារព្យុះកើនឡើងដល់ ៤១នាក់នៅទូទាំងរដ្ឋចំនួន ៤ នៅភាគឦសានសហរដ្ឋអាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

WHO និយាយ​ពី​ករណី​ឆ្លង​វីរុស ​COVID-19 នៅ​ទូទាំង​ពិភពលោក​

សេត​វិមាន​៖ លោក Biden និង​លោក Xi បាន​ពិភាក្សា​គ្នា​ដើម្បី​ជៀសវាង​ជម្លោះ​រវាង​អាមេរិក ​និង​ចិន​

អង្គការសហប្រជាជាតិ​៖ អា​ហ្វ​ហ្គា​នី​ស្ថាន​ហៀបនឹង​ធ្លាក់​ចូល​ក្នុង​ស្ថានភាព​ក្រីក្រ​សកល​

WHO៖​ មណ្ឌល​សុខភាព​រាប់​រយ​កន្លែង​ប្រឈម​នឹង​ការ​បិទទ្វារ​នៅ​អា​ហ្វ​ហ្គា​នី​ស្ថាន

គុយបា​ក្លាយ​ជា​ប្រទេស​ទី​១ ដែល​បាន​ចាក់​វ៉ាក់សាំង​បង្ការ​វីរុស ​COVID-19 ដល់​ក្មេង​អាយុ​ ២​ឆ្នាំ​

ទុរគតជនពីរនាក់បងប្អូនទទួលអំណោយសប្បុរសធម៌ពី ឯកឧត្តម ឌី វិជ្ជា និងលោកជំទាវ ហ៊ុន ម៉ាណា

អ្នក​ស្លាប់​ដោយសារ​ព្យុះ​កើន​ឡើង​ដល់ ៤១​នាក់​នៅ​ទូទាំង​រដ្ឋ​ចំនួន ៤ នៅ​ភាគឦសាន​សហរដ្ឋអាមេរិក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WHO និយាយពីករណីឆ្លងវីរុស COVID-19 នៅទូទាំងពិភពលោក

សេតវិមាន៖ លោក Biden និងលោក Xi បានពិភាក្សាគ្នាដើម្បីជៀសវាងជម្លោះរវាងអាមេរិក និងចិន

អង្គការសហប្រជាជាតិ៖ អាហ្វហ្គានីស្ថានហៀបនឹងធ្លាក់ចូលក្នុងស្ថានភាពក្រីក្រសកល

WHO៖ មណ្ឌលសុខភាពរាប់រយកន្លែងប្រឈមនឹងការបិទទ្វារនៅអាហ្វហ្គានីស្ថាន

គុយបាក្លាយជាប្រទេសទី១ ដែលបានចាក់វ៉ាក់សាំងបង្ការវីរុស COVID-19 ដល់ក្មេងអាយុ ២ឆ្នាំ

អ្នកស្លាប់ដោយសារព្យុះកើនឡើងដល់ ៤១នាក់នៅទូទាំងរដ្ឋចំនួន ៤ នៅភាគឦសានសហរដ្ឋអាមេរិក