BTV NEWS

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

ព័ត៌មានសំខាន់ៗ

កូរ៉េខាងជើងបានបាញ់មីស៊ីលប្រឆាំងអាកាសយានថ្មីក្នុងការសាកល្បងចុងក្រោយរបស់ខ្លួន

កូរ៉េខាងជើង៖ ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃសុក្រនេះថា កូរ៉េខាងជើងបានបាញ់មីស៊ីលប្រឆាំងយន្តហោះថ្មី ឬមីស៊ីលប្រឆាំងអាកាសយានថ្មីដែលទើបតែអភិវឌ្ឍកាលពីថ្ងៃព្រហស្បតិ៍ (៣០ កញ្ញា) ជាការសាកល្បងអាវុធចុងក្រោយបំផុតរបស់ខ្លួន ស្របពេលកិច្ចចរចាស្តីពីការរំសាយអាវុធនុយក្លេអ៊ែរ ជាមួយសហរដ្ឋអាមេរិកបានកំពុងជាប់គាំង។នេះគឺជាការសាកល្បងអាវុធដែលគេឃើញជាលើកទី២ របស់កូរ៉េខាងជើងនៅសប្តាហ៍នេះ បន្ទាប់ពីបានបាញ់សាកល្បងមីស៊ីលល្បឿនលឿនជាងសំឡេង ដែលគេមិនធ្លាប់បានមើលឃើញពីមុនកាលពីថ្ងៃអង្គារ។ មិនតែប៉ុណ្ណោះប្រទេសនេះបានបាញ់មីស៊ីលអន្តរទ្វីបបាលីស្ទីក និងមីស៊ីលនាំផ្លូវដែលមានសមត្ថភាពដូចជាអាវុធនុយក្លេអ៊ែរ ក្នុងរយៈពេលប៉ុន្មានសប្តាហ៍ចុងក្រោយនេះ។ ការសាកល្បងនេះបានបញ្ជាក់ពីរបៀប ដែលកូរ៉េខាងជើងកំពុងអភិវឌ្ឍន៍អាវុធទំនើបៗឥតឈប់ឈរ ដោយបង្កើនការខិតខំប្រឹងប្រែងដើម្បីដាក់សម្ពាធ លើការបោះបង់កម្មវិធីនុយក្លេអ៊ែរ និងមីស៊ីលរបស់ខ្លួន ជាថ្នូរនឹងការបន្ធូរបន្ថយទណ្ឌកម្មរបស់សហរដ្ឋអាមេរិក។បណ្ឌិត្យសភាវិទ្យាសាស្ត្រការពារជាតិដែលជាអ្នកអភិវឌ្ឍអាវុធយោធាបាននិយាយថា ការសាកល្បងនេះមានគោលបំណងបញ្ជាក់ពីមុខងារពិតប្រាកដរបស់ជើងទម្របាញ់មីស៊ីល រ៉ាដា យានបញ្ជាប្រយុទ្ធគ្រប់ជ្រុងជ្រោយ និងប្រតិបត្តិការប្រយុទ្ធ នេះបើយោងតាមទីភ្នាក់ងារសាព័ត៌មានផ្លូវការ KCNA៕អត្ថបទ៖ សុខមាន

UN៖ ត្រូវមានការឆ្លើយតបបន្ទាន់ជាអន្តរជាតិនៅក្នុងសហភាពមីយ៉ាន់ម៉ា ក្រោយរដ្ឋប្រហារយោធា

UN៖ អគ្គលេខាធិការអង្គការសហប្រជាជាតិលោក Antonio Guterres បានអំពាវនាវឱ្យមានការឆ្លើយតបជាអន្តរជាតិជាបន្ទាន់ ចំពោះវិបត្តិនយោបាយដែលបានបង្កើតឡើងនៅក្នុងសហភាពមីយ៉ាន់ម៉ាដោយរដ្ឋប្រហារយោធាថ្ងៃទី១ ខែកុម្ភៈ នៅក្នុងរបាយការណ៍ថ្មីមួយដែលចេញផ្សាយដោយអង្គការសហប្រជាជាតិកាលពីថ្ងៃពុធ ទី២៩ ខែកញ្ញា។នៅក្នុងឯកសារស្តីពីស្ថានភាពសិទ្ធិមនុស្សរបស់ជនជាតិម៉ូស្លីមរ៉ូហ៊ីងយ៉ា និងជនជាតិភាគតិចដទៃទៀតនៅក្នុងសហភាពមីយ៉ាន់ម៉ា ប្រមុខអង្គការសហប្រជាជាតិក៏បាននិយាយផងដែរថា លោកបារម្ភថា ការក្តាប់អំណាចយ៉ាងណែនរបស់យោធានឹងកាន់តែពិបាកទប់ទល់។ លោកបាននិយាយនៅក្នុងឯកសារចុះថ្ងៃទី៣១ ខែសីហាថា វាជារឿងបន្ទាន់ក្នុងការបង្កើនការឆ្លើយតបជាអន្តរជាតិ និងតំបន់ប្រកបដោយការរួបរួមគ្នា ដើម្បីជួយធ្វើឱ្យមីយ៉ាន់ម៉ាដើរលើផ្លូវឆ្ពោះទៅរកកំណែទម្រង់ប្រជាធិបតេយ្យ។លោក Guterres បាននិយាយនៅក្នុងរបាយការណ៍របស់លោកថា កិច្ចប្រឹងប្រែងរបស់អន្តរជាតិត្រូវតែអមដោយការដោះលែងលោកប្រធានាធិបតី Win Myint, ទីប្រឹក្សារដ្ឋលោកស្រី Aung San Suu Kyi និងមន្ត្រីរដ្ឋាភិបាលដទៃទៀត។ រូបិយប័ណ្ណរបស់សហភាពមីយ៉ាន់ម៉ាបានធ្លាក់ចុះជាង ៦០% នៃតម្លៃរបស់ខ្លួនចាប់តាំងពីដើមខែកញ្ញានៅក្នុងការដួលរលំ ដែលបានជំរុញឱ្យតម្លៃម្ហូបអាហារ និងប្រេងឥន្ធនៈឡើងថ្លៃខ្ពស់នៅក្នុងសេដ្ឋកិច្ចដែលបានធ្លាក់ចុះ ចាប់តាំងពីរដ្ឋប្រហារយោធាកាលពី ៨ខែមុន៕ អត្ថបទ៖ សុខមាន

កូរ៉េខាងជើងបានបាញ់អាវុធសង្ស័យជាមីស៊ីលបាលីស្ទីកអន្តរទ្វីបចូលក្នុងសមុទ្រនៅព្រឹកថ្ងៃអង្គារនេះ

កូរ៉េខាងត្បូង៖ ក្រុមមន្ត្រីក្រុងសេអ៊ូល និងតូក្យូបាននិយាយថា ប្រទេសកូរ៉េខាងជើងបានបាញ់អាវុធមួយគ្រាប់សង្ស័យថា ជាមីស៊ីលអន្តរទ្វីបបាលីស្ទីកធ្លាក់ចូលក្នុងសមុទ្រនៅព្រឹកថ្ងៃអង្គារនេះ ជាការសាកល្បងអាវុធចុងក្រោយបង្អស់ពីសំណាក់ទីក្រុងព្យុងយ៉ាង ដែលបានចោទជាសំណួរជាច្រើនអំពីភាពស្មោះត្រង់ នៃការផ្តល់ជូននាពេលថ្មីៗនេះរបស់ខ្លួនសម្រាប់កិច្ចចរចាជាមួយកូរ៉េខាងត្បូង។អគ្គសេនាធិការចម្រុះក្រុងសេអ៊ូលបាននិយាយថា អាវុធដែលគេមិនស្គាល់ប្រភេទដែលបាញ់ចេញពីទីតាំងឆ្ងាយពីសមុទ្រ បានហោះឆ្ពោះទៅសមុទ្រខាងកើតរបស់កូរ៉េខាងជើងនៅព្រឹកថ្ងៃអង្គារនេះ។ អង្គភាពនេះនិយាយថា ក្រុមអាជ្ញាធរចារកម្មកូរ៉េខាងត្បូង និងអាមេរិកកំពុងវិភាគលម្អិតអំពីការបាញ់នេះ។ ចំណែកនាយករដ្ឋមន្ត្រីជប៉ុនលោក Yoshihide Suga បាននិយាយថា កូរ៉េខាងជើងបានបាញ់ អ្វីដែលអាចជាមីស៊ីលបាលីស្ទីក ហើយរដ្ឋាភិបាលរបស់លោកបានបង្កើនការប្រុងប្រយ័ត្ន និងការឃ្លាំមើល ខណៈដែលខ្លួនវិភាគលម្អិតអំពីការបាញ់នេះ។ការសាកល្បងមីស៊ីលបាលីស្ទីក និងមីស៊ីលតម្រង់គោលដៅនៅដើមខែនេះ គឺជាការបាញ់ លើកដំបូងរបស់កូរ៉េខាងជើងក្នុងរយៈពេល ៦ខែ និងជាការបង្ហាញពីសមត្ថភាពវាយប្រហារដាក់គោលដៅលើកូរ៉េខាងត្បូង និងជប៉ុនដែលជាសម្ព័ន្ធមិត្តដ៏សំខាន់របស់សហរដ្ឋអាមេរិក ជាទីដែលមានកងទ័ពអាមេរិកសរុបចំនួន ៨ម៉ឺននាក់កំពុងឈរជើងនៅទីនោះ៕ អត្ថបទ៖ សុខមាន

ការដឹកជញ្ជូនវ៉ាក់សាំង COVID-19 ទៅទ្វីបអាហ្វ្រិកកើនឡើងលើសពី ៧ដង

ទ្វីបអាហ្វ្រិក៖ អង្គការសុខភាពពិភពលោកនៅក្នុងសេចក្តីថ្លែងការណ៍បាននិយាយថា ការដឹកជញ្ជូនវ៉ាក់សាំងបង្ការវីរុស COVID-19 ទៅកាន់ទ្វីបអាហ្វ្រិកបានកើនឡើងលើសពី ៧ដងពីប្រមាណ ២០លានទៅ ១៥០លានដូសជារៀងរាល់ខែ ដើម្បីចាក់វ៉ាក់សាំងការពារពេញលេញដល់ប្រជាជនរបស់ខ្លួន ៧០% នៅត្រឹមខែកញ្ញា ឆ្នាំ២០២២។គោលដៅ ៧០% ត្រូវបានព្រមព្រៀងនៅក្នុងកិច្ចប្រជុំកំពូលស្ដីពីវីរុស COVID-19 សកលនៅក្រៅមហាសន្និបាតអង្គការសហប្រជាជាតិក្នុងសប្ដាហ៍នេះ។ មជ្ឈមណ្ឌល COVAX ដែលជាវេទិកាសកលដើម្បីធានាការទទួលបានវ៉ាក់សាំងបង្ការវីរុស COVID-19 ប្រកបដោយសមធម៌ ត្រូវបានបង្ខំឱ្យកាត់បន្ថយការដឹកជញ្ជូនតាមផែនការទៅកាន់ទ្វីបអាហ្វ្រិកចំនួន ២៥% នៅឆ្នាំនេះដោយសារកង្វះការផ្គត់ផ្គង់ជាសកល និងបម្រាមនាំចេញ។ ខណៈការនាំចេញរបស់មជ្ឈមណ្ឌល COVAX នៅតែចូលមកក្នុងបណ្ដាប្រទេសអាហ្វ្រិកដែលចំនួន ៤លានដូសត្រូវបានទទួលកាលពីសប្តាហ៍មុន មានវ៉ាក់សាំងត្រឹមតែមួយភាគបីប៉ុណ្ណោះដែលប្រទេសអ្នកមាន បានសន្យាចែករំលែកជាមួយប្រទេសនៅទ្វីបអាហ្វ្រិកនៅចុងឆ្នាំ២០២១ នេះ។ការដឹកជញ្ជូនទាំងនេះត្រូវបានគេកោតសរសើរ ប៉ុន្តែវាពាក់ព័ន្ធនឹងការទទួលបានត្រឹមតែមួយភាគបី នៃដូសវ៉ាក់សាំងដែលបានសន្យានៅចុងឆ្នាំ២០២១។ ល្បឿននៃការចាក់វ៉ាក់សាំងនៅទ្វីបអាហ្វ្រិកកើនឡើង ដើម្បីធ្វើឲ្យសម្រេចបានគោលដៅជាសកលនៃការចាក់វ៉ាក់សាំង ៧០% នៃប្រជាជនប្រទេសនីមួយៗ៕អត្ថបទ៖ ប៊ុន ថន

UN៖ មីយ៉ាន់ម៉ាអាចនឹងធ្លាក់ចូលក្នុងសង្គ្រាមស៊ីវិល ខណៈការបះបោរប្រឆាំងរបបសឹកចេះតែរីកធំឡើង

មីយ៉ាន់ម៉ា៖ ប្រមុខសិទ្ធិមនុស្សរបស់អង្គការសហប្រជាជាតិបានព្រមានកាលពីថ្ងៃព្រហស្បតិ៍ថា សហភាពមីយ៉ាន់ម៉ាកំពុងប្រឈមនឹងការធ្លាក់ចូល ក្នុងសង្គ្រាមស៊ីវិលដែលកំពុងកើនឡើង ខណៈដែលការបះបោរប្រឆាំងនឹងរបបយោធាកំពុងរីករាលដាលខ្លាំង។លោកស្រី Michelle Bachelet បានប្រាប់ក្រុមប្រឹក្សាសិទ្ធិមនុស្សរបស់អង្គការសហប្រជាជាតិថា ពេលវេលាជិតអស់ហើយ សម្រាប់ប្រទេសដទៃទៀតក្នុងការបង្កើនកិច្ចខិតខំប្រឹងប្រែង ដើម្បីស្តារលទ្ធិប្រជាធិបតេយ្យឡើងវិញ និងការពារកុំឱ្យមានជម្លោះកាន់តែរីកធំ។ សហភាពមីយ៉ាន់ម៉ាបានធ្លាក់ចូលក្នុងភាពវឹកវរចាប់តាំងពីរដ្ឋាភិបាលរបស់លោកស្រី អ៊ុងសាន ស៊ូជី ត្រូវបានយោធាទម្លាក់ចេញពីអំណាចកាលពីខែកុម្ភៈ ដែលបង្កឱ្យមានការបះបោរទូទាំងប្រទេស ដែលរបបយោធាបានព្យាយាមលុបបំបាត់ រហូតឈានដល់ការបង្ក្រាមដោយហិង្សាដែលបានបណ្ដាលឲ្យមនុស្សជាង ១០០០នាក់ស្លាប់ និងរាប់ពាន់នាក់ត្រូវបានឃុំខ្លួន។ការវាយប្រហារទៅលើកងទ័ពបានកើនឡើង ចាប់តាំងពីសមាជិកសភាដែលត្រូវបានបណ្តេញចេញពីអំណាចដោយក្រុមឧត្តមសេនីយ៍ បានអំពាវនាវឱ្យមាន “សង្គ្រាមការពារប្រជាជន” កាលពីដើមខែនេះ។ លោកស្រី Bachelet បាននិយាយថា ស្ថានភាពសិទ្ធិមនុស្សកាន់តែយ៉ាប់យ៉ឺនគួរឱ្យកត់សម្គាល់ដោយសាររដ្ឋប្រហារ ដែលបានបំផ្លិចបំផ្លាញជីវិតមនុស្ស និងក្តីសង្ឃឹមនៅទូទាំងប្រទេស។ លោកស្រីបានបន្ថែមថា “ជម្លោះ ភាពក្រីក្រ និងផលប៉ះពាល់នៃជំងឺរាតត្បាតសកលកំពុងកើនឡើងយ៉ាងខ្លាំង ហើយប្រទេសនេះប្រឈមនឹងការគាបសង្កត់ អំពើហិង្សា និងការដួលរលំសេដ្ឋកិច្ច៕អត្ថបទ៖ សុខមាន

មនុស្សម្នាក់ស្លាប់ និង ១២នាក់រងរបួសក្នុងហេតុការណ៍បាញ់ប្រហារនៅហាងលក់គ្រឿងទេសនៅអាមេរិក

អាមេរិក៖ នគរបាលនៅក្នុងរដ្ឋ Tennessee របស់សហរដ្ឋអាមេរិកបាននិយាយថា មនុស្សម្នាក់បានស្លាប់នៅក្នុងការបាញ់ប្រហារដ៏ធំមួយនៅហាងលក់គ្រឿងទេស ហើយមនុស្ស ១២នាក់ផ្សេងទៀតបានរងរបួស។ការវាយប្រហារនេះបានកើតឡើងនៅទីក្រុង Collierville កាលពីរសៀលថ្ងៃព្រហស្បតិ៍ប្រហែល ៥៦គីឡូម៉ែត្រខាងកើតទីក្រុង Memphis។ នគរបាលមកពីសង្កាត់ជិតខាងបានមកដល់ហាងលក់គ្រឿងទេស Kroger ដើម្បីជួយក្នុងការស៊ើបអង្កេតលើហេតុការណ៍បាញ់បោះដោយសេរីនេះ។ ខ្មាន់កាំភ្លើងដែលជាបុរសបានស្លាប់នៅកន្លែងកើតហេតុ ដោយសារសង្ស័យថាបានធ្វើអត្តឃាតដោយការបាញ់ខ្លួនឯង។ស្នងការនគរបាលក្រុង Collierville បាននិយាយថា ការបាញ់ប្រហារនេះបានកើតឡើងនៅរសៀលថ្ងៃព្រហស្បតិ៍នៅឯហាងលក់គ្រឿងទេស Kroger នៅក្នុងសហគមន៍ដែលមានចម្ងាយប្រហែល ៥៦គីឡូម៉ែត្រខាងកើតទីក្រុង Memphis។ លោកបាននិយាយថា មនុស្ស ១២នាក់ត្រូវបានគេបាញ់ ហើយមួយចំនួនត្រូវបានបញ្ជូនទៅមន្ទីរពេទ្យដោយសាររងរបួសធ្ងន់៕អត្ថបទ៖ សុខមាន

មេដឹកនាំកូរ៉េខាងត្បូងបានអំពាវនាវជាថ្មីទៀតឲ្យមានសេចក្ដីប្រកាសបញ្ចប់សង្គ្រាមកូរ៉េ

កូរ៉េខាងត្បូង៖ ប្រធានាធិបតីកូរ៉េខាងត្បូងលោក Moon Jae-in កាលពីថ្ងៃអង្គារបានថ្លែងទៅកាន់មហាសន្និបាតអង្គការសហប្រជាជាតិ និងបានអំពាវនាវជាថ្មីទៀតឱ្យមានការប្រកាសបញ្ចប់សង្គ្រាមកូរ៉េចន្លោះពីឆ្នាំ១៩៥០-១៩៥៣ ជាផ្លូវការ។លោក Moon បាននិយាយនៅក្នុងសុន្ទរកថាមួយទៅកាន់កិច្ចប្រជុំប្រចាំឆ្នាំ របស់អង្គការពិភពលោកមួយនេះថា ខ្ញុំសូមអំពាវនាវជាថ្មីម្ដងទៀតដល់សហគមន៍ប្រជាជាតិនានា ដើម្បីប្រមូលកម្លាំងរបស់ខ្លួនសម្រាប់ការប្រកាសបញ្ចប់សង្គ្រាមនៅឧបទ្វីបកូរ៉េ។ លោកថា ខ្ញុំស្នើឱ្យត្រីភាគីនៃប្រទេសកូរ៉េទាំងពីរ និងសហរដ្ឋអាមេរិក ឬ ៤ភាគីនៃកូរ៉េទាំងពីរ សហរដ្ឋអាមេរិក និងចិនមកជួបជុំគ្នា ហើយប្រកាសថា សង្គ្រាមនៅឧបទ្វីបកូរ៉េបានបញ្ចប់ហើយ។ កូរ៉េខាងជើងបានស្វែងរកការបញ្ចប់ជាផ្លូវការនូវសង្គ្រាមកូរ៉េជាយូរមកហើយ ដើម្បីជំនួសឱ្យបទឈប់បាញ់ដែលបានបញ្ឈប់ការប្រយុទ្ធគ្នារវាងប្រទេសទាំង២ ប៉ុន្តែពុំបានបញ្ចប់សង្គ្រាមនេះទេ ហើយទីបញ្ជាការអង្គការសហប្រជាជាតិដឹកនាំដោយអាមេរិកនិយាយថា តាមភាសាបច្ចេកទេសនៅតែមានសង្គ្រាមនឹងគ្នា។ កាលពីព្រឹកថ្ងៃអង្គារ ប្រធានាធិបតីអាមេរិកលោក Joe Biden បានថ្លែងទៅកាន់អង្គប្រជុំមហាសន្និបាតអង្គការសហប្រជាជាតិ ហើយបាននិយាយថា សហរដ្ឋអាមេរិកបានស្វែងរក “ផ្នែកការទូតដ៏ហ្មត់ចត់ និងប្រកបដោយនិរន្តរភាព ដើម្បីបន្តការរំសាយអាវុធនុយក្លេអ៊ែរទាំងស្រុងនៅឧបទ្វីបកូរ៉េ៕ អត្ថបទ៖ សុខមាន

លោក Guterres ព្រមានចិន និងអាមេរិកឱ្យចៀសវាងសង្គ្រាមត្រជាក់ថ្មីមុនកិច្ចប្រជុំកំពូលអង្គការសហប្រជាជាតិ

UN៖ អគ្គលេខាធិការអង្គការសហប្រជាជាតិ លោក Antonio Guterres បានព្រមានអំពីសង្គ្រាមត្រជាក់ថ្មីដ៏ក្ដៅគគុកដែលអាចកើតមានរវាងចិន និងសហរដ្ឋអាមេរិក ហើយបានអង្វរមហាអំណាចធំៗទាំង២ ឱ្យផ្សះផ្សាទំនាក់ទំនងប្រេះស្រាំរវាងប្រទេសទាំង២។លោក Guterres បាននិយាយនៅមុនកិច្ចប្រជុំមហាសន្និបាតអង្គការសហប្រជាជាតិ ប្រចាំឆ្នាំរបស់មេដឹកនាំពិភពលោកដែលគ្របដណ្ដប់ដោយវិបត្តិវីរុស COVID-19 ក្ដីកង្វល់បញ្ហាបម្រែបម្រួលអាកាសធាតុ និងការខ្វែងគំនិតគ្នានៅទូទាំងភពផែនដីថា យើងត្រូវតែចៀសវាងសង្គ្រាមត្រជាក់ដែលនឹងខុសពីសង្គ្រាមកាលពីអតីតកាល ហើយប្រហែលជាគ្រោះថ្នាក់ និងពិបាកគ្រប់គ្រងថែមទៀត។ លោក Guterres បាននិយាយថា ប្រទេសមហាអំណាចសេដ្ឋកិច្ចធំៗទាំង២ របស់ពិភពលោកគួរតែសហការគ្នាលើបញ្ហាអាកាសធាតុ និងការចរចាឱ្យកាន់តែរឹងមាំលើពាណិជ្ជកម្ម និងបច្ចេកវិទ្យា បើទោះបីជាមានការបែកបាក់នយោបាយជាប់ទាក់ទងនឹងសិទ្ធិមនុស្ស សេដ្ឋកិច្ច សន្តិសុខតាមអ៊ីនធឺណិត និងអធិបតេយ្យភាពនៅសមុទ្រចិនខាងត្បូងក៏ដោយ៕អត្ថបទ៖ សុខមាន

មនុស្ស ៦នាក់ស្លាប់ក្នុងការបាញ់ប្រហារនៅសាកលវិទ្យាល័យមួយនៅប្រទេសរុស្ស៊ី

រុស្ស៊ី៖ យោងតាមក្រុមអាជ្ញាធររុស្ស៊ីបានឲ្យដឹងថា ខ្មាន់កាំភ្លើងម្នាក់បានបើកការបាញ់ប្រហារនៅសាកលវិទ្យាល័យមួយក្នុងទីក្រុង Perm ប្រទេសរុស្ស៊ីកាលពីថ្ងៃចន្ទដោយបានសម្លាប់មនុស្សយ៉ាងតិច ៦នាក់ និង ២៤នាក់ផ្សេងទៀតរងរបួស។ខ្មាន់កាំភ្លើងដែលនគរបាលនិយាយថា ជានិស្សិតនៅមហាវិទ្យាល័យនោះបានចូលទៅក្នុងបរិវេណសាកលវិទ្យាល័យ Perm State ជាកន្លែងដែលនិស្សិតកំពុងរៀន ហើយចាប់ផ្តើមបាញ់រះដោយកាំភ្លើងខ្លីតែម្ដង។ នគរបាលបាននិយាយថា មន្ត្រីបានទប់ទល់នឹងខ្មាន់កាំភ្លើង ហើយបានឃុំខ្លួនជនសង្ស័យ បន្ទាប់ពីរូបគេបានរងរបួសធ្ងន់នៅក្នុងការបាញ់ដោយអាវុធ។ យោងតាមគណៈកម្មាធិការស៊ើបអង្កេតរបស់រុស្ស៊ី ដែលទទួលខុសត្រូវឧក្រិដ្ឋកម្មកម្រិតធ្ងន់ ខ្មាន់កាំភ្លើងត្រូវបានបញ្ជូនទៅមន្ទីរពេទ្យដើម្បីព្យាបាលរបួស ហើយឥឡូវនេះស្ថិតក្នុងស្ថានភាពរបួសធ្ងន់។ដំបូងឡើយនគរបាលបាននិយាយថា មនុស្ស ៨នាក់បានស្លាប់ ប៉ុន្តែក្រោយមកក្រុមអាជ្ញាធរសុខាភិបាលបានកែសម្រួលថា អ្នកស្លាប់មានត្រឹមតែ ៦នាក់គិតត្រឹមរសៀលថ្ងៃចន្ទ។ ក្រសួងសុខាភិបាលក្រុង Perm បាននិយាយថា មនុស្សចំនួន ២៨នាក់បានស្វែងរកការព្យាបាលបឋម ក្នុងនោះមនុស្ស ១៩នាក់ររបួសដោយគ្រាប់កាំភ្លើង។ យោងតាមសារព័ត៌មាន AP គេនៅមិនទាន់មានព័ត៌មានបញ្ជាក់ភ្លាមៗ អំពីអត្តសញ្ញាណរបស់ខ្មាន់កាំភ្លើង ឬមូលហេតុដែលឈានដល់ការបាញ់ប្រហារនោះនៅឡើយទេ៕អត្ថបទ៖ សុខមាន

កូរ៉េខាងជើង៖ ខ្លួនសាកល្បងប្រព័ន្ធមីស៊ីលបាញ់ចេញពីរថភ្លើងថ្មីដើម្បីវាយប្រហារលើកម្លាំងដែលគំរាមកំហែងប្រទេសខ្លួន

កូរ៉េខាងជើង៖ ទីភ្នាក់ងារសារព័ត៌មានរដ្ឋ KCNA បានរាយការណ៍នៅថ្ងៃព្រហស្បតិ៍នេះថា មីស៊ីលដែលកូរ៉េខាងជើងបានបាញ់កាលពីថ្ងៃពុធ គឺជាការសាកល្បងប្រព័ន្ធមីស៊ីលបាញ់ចេញពីរថភ្លើងថ្មីមួយ ដែលត្រូវបានផលិតឡើងដើម្បីជាការវាយលុកដ៏មានឥទ្ធិពល ចំពោះកងកម្លាំងណាមួយដែលគំរាមកំហែងដល់ប្រទេសនេះ។សារព័ត៌មានរដ្ឋកូរ៉េខាងជើង KCNA មីស៊ីលនេះបានហោះចម្ងាយ ៨០០គីឡូម៉ែត្រមុនពេលវាយប្រហារគោលដៅនៅក្នុងសមុទ្រ ក្បែរតំបន់ឆ្នេរភាគខាងកើតរបស់កូរ៉េខាងជើង។ កាលពីថ្ងៃពុធ ក្រុមអាជ្ញាធរកូរ៉េខាងត្បូង និងជប៉ុនបានប្រកាសថា ពួកគេបានតាមដានការបាញ់មីស៊ីលបាលីស្ទីកចំនួន ២គ្រាប់ចេញពីប្រទេសកូរ៉េខាងជើង ត្រឹមតែប៉ុន្មានថ្ងៃប៉ុណ្ណោះបន្ទាប់ពីខ្លួនបានសាកល្បងមីស៊ីលនាំផ្លូវ ដែលក្រុមអ្នកវិភាគនិយាយថាអាចមានសមត្ថភាពនុយក្លេអ៊ែរ។ ការបាញ់សាកល្បងរបស់កូរ៉េខាងជើង បានកើតឡើងនៅថ្ងៃតែមួយដែលកូរ៉េខាងត្បូង បានសាកល្បងមីស៊ីលបាលីស្ទីកដែលបាញ់ចេញពីនាវាមុជទឹក ដោយក្លាយជាប្រទេសដំបូងគេដែលគ្មានអាវុធនុយក្លេអ៊ែរដែលបង្កើតប្រព័ន្ធបែបនេះ។ការសាកល្បងដោយកូរ៉េខាងជើងដែលបំពាក់អាវុធនុយក្លេអ៊ែរ បាននាំឲ្យមានការថ្កោលទោស និងការព្រួយបារម្ភពីអន្តរជាតិ ដោយសហរដ្ឋអាមេរិកនិយាយថា ពួកគេបានរំលោភលើសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ និងបង្កការគំរាមកំហែងដល់ប្រទេសជិតខាងរបស់ក្រុងព្យុងយ៉ាង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស

ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក

អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ

ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី

ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី

អភិបាលខេត្តកំពង់ស្ពឺ ណែនាំអាជ្ញាធរបន្តផ្សព្វផ្សាយដល់ពលរដ្ឋឱ្យបញ្ឈប់ការយកដីចំណីផ្លូវទៅប្រើប្រាស់ដោយខុសច្បាប់

កម្ពុជា និងជប៉ុន ដាំកូនឈើមួយម៉ឺនដើម នៅក្នុងឧទ្យានអង្គរ ដើម្បីការពារសម្បត្ដិបេតិភណ្ឌពិភពលោក

អ្នកស៊ើបអង្កេតសិទ្ធិមនុស្សរបស់UN ចាប់ផ្តើមការងារនៅប្រទេសលីបង់ ក្នុងបេសកកម្មលើកដំបូងរបស់ខ្លួន

ក្រឡាបញ្ជីតុលាការអន្តរជាតិបញ្ជូនឈ្មោះបេក្ខជនបីរូបឱ្យកម្ពុជានិងថៃ ជ្រើសជាប្រធានក្រុមអ្នកផ្សះផ្សា

ព័រទុយហ្គាល់ស្នើសុំការគាំទ្រពីសហភាពអឺរ៉ុប អេស្ប៉ាញ និងម៉ារ៉ុក ខណៈហានិភ័យភ្លើងចំហេះព្រៃកើនឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កូរ៉េខាងជើងបានបាញ់មីស៊ីលប្រឆាំងអាកាសយានថ្មីក្នុងការសាកល្បងចុងក្រោយរបស់ខ្លួន

UN៖ ត្រូវមានការឆ្លើយតបបន្ទាន់ជាអន្តរជាតិនៅក្នុងសហភាពមីយ៉ាន់ម៉ា ក្រោយរដ្ឋប្រហារយោធា

កូរ៉េខាងជើងបានបាញ់អាវុធសង្ស័យជាមីស៊ីលបាលីស្ទីកអន្តរទ្វីបចូលក្នុងសមុទ្រនៅព្រឹកថ្ងៃអង្គារនេះ

ការដឹកជញ្ជូនវ៉ាក់សាំង COVID-19 ទៅទ្វីបអាហ្វ្រិកកើនឡើងលើសពី ៧ដង

UN៖ មីយ៉ាន់ម៉ាអាចនឹងធ្លាក់ចូលក្នុងសង្គ្រាមស៊ីវិល ខណៈការបះបោរប្រឆាំងរបបសឹកចេះតែរីកធំឡើង

មនុស្សម្នាក់ស្លាប់ និង ១២នាក់រងរបួសក្នុងហេតុការណ៍បាញ់ប្រហារនៅហាងលក់គ្រឿងទេសនៅអាមេរិក

មេដឹកនាំកូរ៉េខាងត្បូងបានអំពាវនាវជាថ្មីទៀតឲ្យមានសេចក្ដីប្រកាសបញ្ចប់សង្គ្រាមកូរ៉េ

លោក Guterres ព្រមានចិន និងអាមេរិកឱ្យចៀសវាងសង្គ្រាមត្រជាក់ថ្មីមុនកិច្ចប្រជុំកំពូលអង្គការសហប្រជាជាតិ

មនុស្ស ៦នាក់ស្លាប់ក្នុងការបាញ់ប្រហារនៅសាកលវិទ្យាល័យមួយនៅប្រទេសរុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កូរ៉េខាងជើង​បាន​បាញ់​មី​ស៊ី​ល​ប្រឆាំង​អាកាស​យាន​ថ្មី​ក្នុង​ការ​សាកល្បង​ចុងក្រោយ​របស់​ខ្លួន​

UN៖ ត្រូវ​មាន​ការ​ឆ្លើយតប​បន្ទាន់​ជា​អន្តរជាតិ​នៅ​ក្នុង​សហភាព​មី​យ៉ាន់​ម៉ា​ ក្រោយ​រដ្ឋប្រហារ​យោធា​

ការ​ដឹក​ជញ្ជូន​វ៉ាក់សាំង​ COVID-19​ ទៅ​ទ្វីប​អាហ្វ្រិក​កើន​ឡើង​លើស​ពី ​៧​ដង​

មនុស្ស​ម្នាក់​ស្លាប់ និង ​១២​នាក់​រង​របួស​ក្នុង​ហេតុការណ៍​បាញ់​ប្រហារ​នៅ​ហាង​លក់​គ្រឿងទេស​នៅ​អាមេរិក​

មេដឹកនាំ​កូរ៉េខាងត្បូង​បាន​អំពាវនាវ​ជា​ថ្មី​ទៀត​ឲ្យ​មាន​សេចក្ដីប្រកាស​បញ្ចប់​សង្គ្រាម​កូរ៉េ​

មនុស្ស ៦​នាក់​ស្លាប់​ក្នុង​ការ​បាញ់​ប្រហារ​នៅ​សាកលវិទ្យាល័យ​មួយ​នៅ​ប្រទេស​រុស្ស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កូរ៉េខាងជើងបានបាញ់មីស៊ីលប្រឆាំងអាកាសយានថ្មីក្នុងការសាកល្បងចុងក្រោយរបស់ខ្លួន

UN៖ ត្រូវមានការឆ្លើយតបបន្ទាន់ជាអន្តរជាតិនៅក្នុងសហភាពមីយ៉ាន់ម៉ា ក្រោយរដ្ឋប្រហារយោធា

ការដឹកជញ្ជូនវ៉ាក់សាំង COVID-19 ទៅទ្វីបអាហ្វ្រិកកើនឡើងលើសពី ៧ដង

មនុស្សម្នាក់ស្លាប់ និង ១២នាក់រងរបួសក្នុងហេតុការណ៍បាញ់ប្រហារនៅហាងលក់គ្រឿងទេសនៅអាមេរិក

មេដឹកនាំកូរ៉េខាងត្បូងបានអំពាវនាវជាថ្មីទៀតឲ្យមានសេចក្ដីប្រកាសបញ្ចប់សង្គ្រាមកូរ៉េ

មនុស្ស ៦នាក់ស្លាប់ក្នុងការបាញ់ប្រហារនៅសាកលវិទ្យាល័យមួយនៅប្រទេសរុស្ស៊ី