BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

មនុស្សយ៉ាងហោចណាស់ ១០នាក់ស្លាប់ និងរាប់សិបនាក់ជាប់នៅក្នុងបំណាក់ដីនៅឥណ្ឌា

ឥណ្ឌា៖ មនុស្សយ៉ាងហោចណាស់ ១០នាក់បានស្លាប់ និងរាប់សិបនាក់ទៀតកំពុងជាប់នៅក្រោមគំនរកម្ទេចកំទី បន្ទាប់ពីបំណាក់ដីនៅក្នុងស្រុកតំបន់ភ្នំហិមាល័យ ក្នុងប្រទេសឥណ្ឌាភាគខាងជើង។ ផ្ទាំងថ្មៗដែលបាក់ធ្លាក់បានសង្កត់លើរថយន្តដឹកទំនិញមួយគ្រឿង រថយន្តក្រុងមួយគ្រឿង និងរថយន្តផ្សេងទៀតពីផ្លូវហាយវេក្នុងរដ្ឋ Himachal Pradesh។ក្រុមមន្ត្រីនិយាយថា ប្រតិបត្តិការជួយសង្គ្រោះកំពុងត្រូវបានរារាំងដោយដុំថ្មដែលកំពុងបន្តធ្លាក់។ បំណាក់ដីដែលបានសម្លាប់មនុស្សជាច្រើន បានវាយប្រហារប្រទេសឥណ្ឌាក្នុងរយៈពេលប៉ុន្មានខែថ្មីៗនេះ អំឡុងរដូវមូសុងដែលខុសពីធម្មតា។ បំណាក់ដីកាលពីថ្ងៃពុធបានកើតឡើងនៅលើផ្លូវហាយវេមួយក្នុងស្រុក Kinnaur។ មនុស្ស ៥នាក់ត្រូវបានជួយសង្គ្រោះ ប៉ុន្តែប្រហែល ៣០នាក់ផ្សេងទៀតនៅតែជាប់នៅឡើយ។គួររម្លឹកថា មនុស្ស ៩នាក់បានស្លាប់កាលពីខែមុននៅរដ្ឋ Himachal Pradesh នៅពេលដែលផ្ទាំងដុំថ្មធ្លាក់ចំរថយន្តរបស់ពួកគេ។ មនុស្សយ៉ាងតិច ១៣៦នាក់បានស្លាប់ដោយសារបំណាក់ដីនៅរដ្ឋ Maharashtra ភាគខាងលិចកាលពីពេលថ្មីៗនេះ បន្ទាប់ពីមានភ្លៀងធ្លាក់យ៉ាងខ្លាំងបានជន់លិចភូមិរាប់រយ ហើយបានហូរកួចផ្ទះសម្បែង៕អត្ថបទ៖ សុខមាន

លោក Biden៖ លោកពុំមានការស្ដាយក្រោយទេចំពោះការដកកងទ័ពចេញពីអាហ្វហ្គានីស្ថាន

អាមេរិក៖ នៅពេលអ្នកសារព័ត៌មានសួរថា តើលោកស្ដាយក្រោយទេដែលដកកងទ័ពចេញពីអាហ្វហ្គានីស្ថាន លោកប្រធានាធិបតីអាមេរិក Joe Biden ឆ្លើយថា ទេ យើងចំណាយប្រាក់អស់ជាង ១កោដិដុល្លារក្នុងរយៈពេល ២០ឆ្នាំ យើងបានបណ្ដុះបណ្ដាល និងបំពាក់ដោយឧបករណ៍ទំនើបដល់កម្លាំងអាហ្វហ្គានីស្ថានចំនួនជាង ៣សែននាក់។ ហើយមេដឹកនាំអាហ្វហ្គានីស្ថានត្រូវមកជាមួយគ្នា។យើងបានបាត់បង់ជីវិតមនុស្សរាប់ពាន់នាក់ និងកងទ័ពអាមេរិករាប់ពាន់នាក់ទៀតរងរបួស។ លោក Biden បានជំរុញឱ្យមេដឹកនាំអាហ្វហ្គានីស្ថានរួបរួមគ្នា និង “ប្រយុទ្ធដើម្បីជាតិរបស់ពួកគេ”។ ប្រធានាធិបតីអាមេរិក លោក Joe Biden បាននិយាយថា លោកមិនសោកស្ដាយចំពោះការសម្រេចចិត្តរបស់លោក ក្នុងការដកកងទ័ពចេញពីប្រទេសអាហ្វហ្គានីស្ថានឡើយ ខណៈក្រុមតាលីបង់នៅតែបន្តភាពវាយសម្រុកយ៉ាងឆាប់រហ័ស។ បច្ចុប្បន្ននេះអំពើហិង្សាបានរីកកាន់តែធំនៅទូទាំងប្រទេស ដែលកងកម្លាំងដឹកនាំដោយសហរដ្ឋអាមេរិកបានដកចេញ បន្ទាប់ពីប្រតិបត្តិការយោធាអស់រយៈពេល ២០ឆ្នាំ។ ពួកតាលីបង់បានដណ្ដើមយកបានយ៉ាងតិច ៨ នៃធានីរបស់ខេត្តទាំង ៣៤ របស់ប្រទេស ហើយកំពុងគំរាមកំហែងថែមទៀត។ថ្លែងទៅកាន់អ្នកយកព័ត៌មាននៅឯសេតវិមានកាលពីថ្ងៃអង្គារ លោក Biden បាននិយាយថា សហរដ្ឋអាមេរិកកំពុងរក្សាការប្តេជ្ញាចិត្ត ដែលខ្លួនបានធ្វើចំពោះអាហ្វហ្គានីស្ថាន ដូចជាការផ្តល់ការគាំទ្រផ្លូវអាកាសយ៉ាងយកចិត្តទុកដាក់ ការចំណាយសម្រាប់ប្រាក់ខែកងកម្លាំងយោធា និងការផ្គត់ផ្គង់កងកម្លាំងអាហ្វហ្គានីស្ថានជាមួយអាហារ និងយុទ្ធោបករណ៍។ ប៉ុន្តែលោកបាននិយាយថា “ពួកគេត្រូវតែតស៊ូប្រយុទ្ធដើម្បីខ្លួនឯង”។ យោងតាមអង្គការសហប្រជាជាតិបានឱ្យដឹងថា ជនស៊ីវិលជាង ១.០០០នាក់ត្រូវបានស្លាប់ ស្របពេលមានការប្រយុទ្ធគ្នាយ៉ាងខ្លាំងរវាងក្រុមតាលីបង់ និងកងកម្លាំងរដ្ឋាភិបាលកាលពីខែមុន។ យោងតាមទីភ្នាក់ងារកុមារ Unicef របស់អង្គការសហប្រជាជាតិបានព្រមាននៅសប្ដាហ៍នេះថា អំពើឃោរឃៅដែលត្រូវបានប្រព្រឹត្តចំពោះកុមារកំពុងកើនឡើង “ពីមួយថ្ងៃទៅមួយថ្ងៃ”៕អត្ថបទ៖ សុខមាន

UN៖ មេដឹកនាំយោធាមីយ៉ាន់ម៉ាមានបំណងក្ដោបក្ដាប់អំណាចផ្ដាច់មុខ

UN៖ ប្រេសិតពិសេសរបស់អង្គការសហប្រជាជាតិ ទទួលបន្ទុកបញ្ហានៅសហភាពមីយ៉ាន់ម៉ាបាននិយាយកាលពីថ្ងៃអង្គារ ទី១០ ខែសីហាថា មេដឹកនាំយោធារបស់ប្រទេសនេះបានប្តេជ្ញាចិត្តក្ដោបក្តាប់អំណាចរបស់ខ្លួន បន្ទាប់ពីរដ្ឋប្រហារកាលពីខែកុម្ភៈ ហើយគណបក្សនយោបាយរបស់លោកស្រី Aung San Suu Kyi ដែលត្រូវបានទម្លាក់ចេញពីអំណាចអាចនឹងត្រូវរំសាយភ្លាមៗ។លោកស្រី Christine Schraner Burgener បានដកស្រង់សេចក្តីប្រកាសរបស់មេដឹកនាំយោធាលោក Min Aung Hlaing នៅខែនេះថា ឥឡូវនេះលោកគឺជានាយករដ្ឋមន្ត្រីនៅក្នុងរដ្ឋាភិបាលចាំផ្ទះដែលទើបបង្កើតថ្មី ហើយថែមទាំងលុបចោលជាផ្លូវការនូវលទ្ធផលនៃការបោះឆ្នោតខែវិច្ឆិកា ដែលគណបក្សសម្ព័ន្ធជាតិដើម្បីប្រជាធិបតេយ្យរបស់លោកស្រី Aung San Suu Kyi បានឈ្នះ។ លោកស្រី Schraner Burgener បានប្រាប់អ្នកយកព័ត៌មានថា ខ្ញុំត្រូវតែបញ្ជាក់ឱ្យច្បាស់ថា អង្គការសហប្រជាជាតិមិនទទួលស្គាល់រដ្ឋាភិបាលរបស់មេដឹកនាំយោធាទេ ដូច្នេះវាអាស្រ័យលើប្រទេសជាសមាជិក។លោកស្រីបាននិយាយថា លុះត្រាតែប្រទេសជាសមាជិកអង្គការសហប្រជាជាតិ ចាត់វិធានការឯកអគ្គរដ្ឋទូតសហភាពមីយ៉ាន់ម៉ាប្រចាំនៅអង្គការសហប្រជាជាតិ លោក Kyaw Moe Tun ដែលជាគូប្រជែងរបស់របបយោធានៅតែជាប្រេសិតស្របច្បាប់ របស់ប្រទេសនេះនៅស្ថាប័នពិភពលោកនៅទីក្រុងញូវយ៉ក ហើយលោកស្រី Aung San Suu Kyi និងប្រធានាធិបតីមីយ៉ាន់ម៉ា លោក Win Myint គឺជាមេដឹកនាំរបស់សហភាពមីយ៉ាន់ម៉ា។ គួរបញ្ជាក់ថា លោក Kyaw Moe Tun ជាអ្នកប្រឆាំងរដ្ឋាភិបាលយោធា ដោយសាររូបលោកគឺត្រូវបានតែងតាំងក្នុងរដ្ឋាភិបាលស៊ីវិលកន្លងមក នឹងនៅបំពេញការងារនៅឯអង្គការសហប្រជាជាតិនៅឡើយ៕អត្ថបទ៖ សុខមាន

UN៖ កុមារ ២៧នាក់ស្លាប់ក្នុងរយៈពេល ៣ថ្ងៃក្នុងសង្គ្រាមនៅអាហ្វហ្គានីស្ថាន

អាហ្វហ្គានីស្ថាន៖ អង្គការសហប្រជាជាតិបាននិយាយថា យ៉ាងហោចណាស់កុមារចំនួន ២៧នាក់ត្រូវបានសម្លាប់នៅក្នុងប្រទេសអាហ្វហ្គានីស្ថានក្នុងរយៈពេលបីថ្ងៃ ស្របពេលមានការប្រយុទ្ធគ្នាយ៉ាងខ្លាំងរវាងក្រុមតាលីបង់ និងកងកម្លាំងរដ្ឋាភិបាល។ទីភ្នាក់ងារកុមារ Unicef របស់អង្គការសហប្រជាជាតិបាននិយាយថា ខ្លួនមានការភ្ញាក់ផ្អើលចំពោះការកើនឡើងយ៉ាងឆាប់រហ័ស នៃការរំលោភបំពានធ្ងន់ធ្ងរលើកុមារ។ ក្រុមតាលីបង់បាននឹងកំពុងវាយសម្រុកទៅមុខយ៉ាងឆាប់រហ័សនៅទូទាំងប្រទេស ខណៈដែលកងទ័ពបរទេសដកថយដោយដណ្ដើមបានទីក្រុងធំៗក្នុងតំបន់ចំនួន ៦ ចាប់តាំងពីថ្ងៃសុក្រ។ ពួកគេបានច្រានចោលការអំពាវនាវរបស់អន្តរជាតិឱ្យមានបទឈប់បាញ់។ ជនស៊ីវិលជាង ១.០០០នាក់ត្រូវបានសម្លាប់ដោយសារជម្លោះនៅក្នុងខែកន្លងទៅ។នៅក្នុងសេចក្ដីថ្លែងការណ៍មួយកាលពីថ្ងៃចន្ទ អង្គការ Unicef បាននិយាយថា អំពើឃោរឃៅដែលត្រូវបានប្រព្រឹត្តចំពោះកុមារកំពុងកើនឡើងពីមួយថ្ងៃទៅមួយថ្ងៃ។ អង្គការនេះនិយាយថា កុមារដែលបានស្លាប់ទាំង ២៧នាក់ត្រូវបានកត់ត្រានៅទូទាំងខេត្តចំនួន ៣ គឺខេត្ត Kandahar ខេត្ត Khost និងខេត្ត Paktia។ កុមារប្រហែល ១៣៦នាក់ក៏បានរងរបួសផងដែរ នៅក្នុងតំបន់ទាំងនេះក្នុងរយៈពេល ៣ថ្ងៃចុងក្រោយនេះ៕ អត្ថបទ៖ សុខមាន

មន្ទីរពេទ្យរាប់រយកន្លែងនៅហ្វីលីពីនផ្ទុកអ្នកជំងឺជិតហួសចំណុះ ខណៈការឆ្លងវីរុស COVID-19 ហក់ឡើង

ហ្វីលីពីន៖ ក្រសួងសុខាភិបាលបាននិយាយកាលពីថ្ងៃចន្ទ ទី៩ ខែសីហាថា មន្ទីរពេទ្យស្ទើរតែ ១ភាគ៥ នៅប្រទេសហ្វីលីពីនផ្ទុកអ្នកជំងឺជិតហួសចំណុះ ខណៈករណីឆ្លងជំងឺ COVID-19 កើនឡើងខ្ពស់បង្កឡើងដោយវីរុសបម្លែងខ្លួនថ្មី Delta មានសមត្ថភាពឆ្លងខ្លាំង ដែលកំពុងឆ្លងរាលដាលពាសពេញប្រទេសនៅអាស៊ីអាគ្នេយ៍មួយនេះ។ករណីឆ្លងវីរុសកូរ៉ូណានៅប្រទេសហ្វីលីពីន ដែលជាប្រទេសមានចំនួនប្រជាជនជាង ១១០លាននាក់បាននឹងកំពុងកើនឡើងក្នុងអត្រាឆ្លងប្រហែលចន្លោះពី ៨.០០០នាក់ទៅ ១០.០០០នាក់ក្នុងមួយថ្ងៃក្នុងរយៈពេលប៉ុន្មានសប្តាហ៍ថ្មីៗនេះ លើសពីចំនួនឆ្លងមធ្យមប្រចាំថ្ងៃជាង ៥.៧០០ករណីដែលបានរាយការណ៍កាលពីខែមុន នេះបើយោងតាមទិន្នន័យផ្លូវការ។ អ្នកនាំពាក្យក្រសួងសុខាភិបាល លោកស្រី Maria Rosario Vergeire បាននិយាយថា វាអាចទៅរួចដែលករណីឆ្លងនឹងបន្តហក់ឡើង សូម្បីតែបន្ទាប់ពី ECQ ក៏ដោយ ''ដោយសំដៅលើការដាក់ឲ្យនៅដាច់ដោយឡែកក្នុងសហគមន៍ (ECQ) ការចាត់ថ្នាក់ដែលត្រូវបានប្រើនៅក្នុងរដ្ឋធានីម៉ានីល និងតំបន់ជុំវិញសម្រាប់ទម្រង់តឹងរ៉ឹងបំផុតនៃវិធានការបិទខ្ទប់''។លោកស្រីបាននិយាយថា ក្នុងចំណោមមន្ទីរពេទ្យចំនួន ១.២៩១ នៅប្រទេសហ្វីលីពីន មានមន្ទីរពេទ្យចំនួន ២៣៦ បានឈានដល់ “កម្រិតធ្ងន់ធ្ងរ” ដែលមានផ្ទុកអ្នកជំងឺជាង ៨៥% ដោយសារតែការកើនឡើងនៃករណីឆ្លង។ លោកស្រីបានបន្ថែមថា មន្ទីរពេទ្យនៅតំបន់រដ្ឋធានីដែលជាចំណុចកណ្តាលនៃការផ្ទុះឡើងនាពេលបច្ចុប្បន្ននេះ កំពុងប្រឈមនឹងស្ថានភាពស្រដៀងគ្នានេះដែរ ដោយមានអគារចំនួន ២៥ ក្នុងចំណោម ១៥៩កន្លែងត្រូវបានផ្ទុកអ្នកជំងឺជិតលើសចំណុះ៕អត្ថបទ៖ សុខមាន

ហ្វីលីពីនរាយការណ៍អ្នកស្លាប់ដោយសារជំងឺ COVID-19 ខ្ពស់បំផុតក្នុងរយៈពេល ៤ខែ

ហ្វីលីពីន៖ ក្រសួងសុខាភិបាលហ្វីលីពីនបានកត់ត្រាកាលពីថ្ងៃអាទិត្យ ទី៨ ខែសីហាថា មានករណីឆ្លងថ្មីនៃវីរុសកូរ៉ូណាចំនួន ៩.៦៧១នាក់ និងមានអ្នកស្លាប់ចំនួន ២៨៧នាក់បន្ថែមទៀតដែលជាចំនួនកើនឡើងខ្ពស់បំផុតក្នុងរយៈពេលតែ ១ថ្ងៃនៃចំនួនអ្នកស្លាប់របស់ប្រទេសចាប់តាំងពីថ្ងៃទី៩ ខែមេសា។នៅក្នុងសេចក្ដីប្រកាសមួយក្រសួងបាននិយាយថា ការឆ្លងសរុបដែលបានបញ្ជាក់នៅក្នុងប្រទេសអាស៊ីអាគ្នេយ៍មួយនេះបានកើនឡើងដល់ ១.៦៦លាននាក់ ខណៈចំនួនអ្នកស្លាប់បានកើនឡើងដល់ ២៩.១២២នាក់។ ក្រុមមន្ត្រីបានដាក់ទីក្រុងម៉ានីលឱ្យស្ថិតនៅក្រោមវិធានការបិទខ្ទប់រហូតដល់ថ្ងៃទី២០ ខែសីហា ខណៈករណីឆ្លងថ្មីនៃវីរុស COVID-19 ហក់ឡើងខ្ពស់ ដែលក្រុមមន្ត្រីសុខាភិបាលនិយាយថា អាចបណ្តាលមកពីវីរុសបម្លែងខ្លួនថ្មី Delta ដែលមានសមត្ថភាពឆ្លងខ្លាំង។ ប្រជាជនហ្វីលីពីនជាង ១០,២លាននាក់ត្រូវបានចាក់វ៉ាក់សាំងគ្រប់ដូស ហើយ ១២,២លាននាក់ផ្សេងទៀត បានទទួលការចាក់វ៉ាក់សាំងបង្ការវីរុសកូរ៉ូណាមួយដូស៕អត្ថបទ៖ សុខមាន

ករណីឆ្លងវីរុស COVID-19 នៅសហរដ្ឋអាមេរិកហក់ឡើងខ្ពស់ក្នុងរយៈពេល ៦ខែ

អាមេរិក៖ យោងតាមការចុះផ្សាយរបស់ទីភ្នាក់ងារសារព័ត៌មាន Reuters ករណីឆ្លងជំងឺ COVID-19 នៅសហរដ្ឋអាមេរិកបានឈានដល់កម្រិតខ្ពស់បំផុតក្នុងរយៈពេល ៦ខែដោយមានអ្នកឆ្លងជាង ១០ម៉ឺននាក់ត្រូវបានរាយការណ៍កាលពីថ្ងៃពុធ (៤ សីហា) ខណៈវីរុសបម្លែងខ្លួនថ្មី Delta វាយលុកពេញតំបន់ជាច្រើន ជាទីដែលមនុស្សមិនបានចាក់វ៉ាក់សាំង។គិតត្រឹមថ្ងៃពុធទិន្នន័យរបស់សារព័ត៌មាន Reuters បានបង្ហាញថា ប្រទេសនេះកំពុងរាយការណ៍ករណីឆ្លងចំនួន ៩៤.៨១៩ករណីជាមធ្យមក្នុងរយៈពេល ៧ថ្ងៃដែលជាការកើនឡើង ៥ដងក្នុងរយៈពេលតិចជាងមួយខែ។ អ្នកសម្របសម្រួលបញ្ហាជំងឺឆ្លង COVID-19 ប្រចាំសេតវិមាន លោក Jeff Zients បានប្រាប់អ្នកយកព័ត៌មានកាលពីថ្ងៃព្រហស្បតិ៍ថា រដ្ឋចំនួន ៧ នៅសហរដ្ឋអាមេរិកដែលមានអត្រាចាក់វ៉ាក់សាំងបង្ការជំងឺ COVID-19 ទាបបំផុតគឺរដ្ឋ Florida, រដ្ឋ Texas, រដ្ឋ Missouri , រដ្ឋ Arkansas, រដ្ឋ Louisiana, រដ្ឋ Alabama និងរដ្ឋ Mississippi មានចំនួនពាក់កណ្ដាលនៃករណីឆ្លងថ្មីរបស់ប្រទេស និងការចូលសម្រាកព្យាបាលនៅមន្ទីរពេទ្យកាលពីសប្ដាហ៍មុន។អ្នកជំនាញជាន់ខ្ពស់ផ្នែកជំងឺឆ្លងសហរដ្ឋអាមេរិក លោកវេជ្ជបណ្ឌិត Anthony Fauci បាននិយាយកាលពីថ្ងៃពុធថា នៅប៉ុន្មានសប្ដាហ៍ខាងមុខនេះករណីឆ្លងអាចកើនឡើងទ្វេដងដល់ជាង ២០ម៉ឺននាក់ក្នុងមួយថ្ងៃ ដោយសារការឆ្លងខ្លាំងនៃវីរុសបម្លែងខ្លួនថ្មី Delta៕អត្ថបទ៖ សុខមាន

ប្រទេសធំៗប្រកាន់ខ្ជាប់ផែនការចាក់វ៉ាក់សាំងដូសបន្ថែមដោយមិនខ្វល់ពីការអំពាវនាវរបស់ WHO

អឺរ៉ុប៖ ប្រទេសអាល្លឺម៉ង់ បារាំង និងអ៊ីស្រាអែលនឹងបន្តផែនការចាក់វ៉ាក់សាំងបង្ការជំងឺ COVID-19 ដូសបន្ថែមដោយមិនអើពើនឹងការអំពាវនាវ របស់អង្គការសុខភាពពិភពលោក (WHO) កាលពីថ្ងៃពុធឱ្យផ្អាករហូតដល់មនុស្សកាន់តែច្រើន ត្រូវបានទទួលវ៉ាក់សាំងនៅជុំវិញពិភពលោក។ការសម្រេចចិត្តបោះជំហានទៅមុខ ជាមួយនឹងការចាក់វ៉ាក់សាំងដូសបន្ថែមនៅតែមិនកែប្រែ បើទោះបីជាសេចក្ដីថ្លែងការណ៍ដ៏ខ្លាំងក្លាបំផុត របស់អង្គការសុខភាពពិភពលោកនៅតែបង្ហាញពីភាពមិនស្មើគ្នាដ៏ធំ ក្នុងការឆ្លើយតបទៅនឹងជំងឺរាតត្បាត ខណៈដែលប្រទេសអ្នកមានកំពុងបង្កើនកម្មវិធីដើម្បីការពារប្រជាពលរដ្ឋ ពីការឆ្លងថែមទៀតនៃវីរុសបម្លែងខ្លួនថ្មី Delta។ លោកប្រធានាធិបតីបារាំង Emmanuel Macron បាននិយាយថា ប្រទេសបារាំងកំពុងធ្វើការចាក់វ៉ាក់សាំងដូសបន្ថែមលើកទី៣ ដល់មនុស្សចាស់ និងងាយរងគ្រោះចាប់ពីខែកញ្ញា។ក្រសួងសុខាភិបាលអាល្លឺម៉ង់បាននិយាយថា ប្រទេសនេះមានបំណងផ្តល់វ៉ាក់សាំងដូសបន្ថែម ដល់អ្នកជំងឺដែលមានប្រព័ន្ធការពារភាពស៊ាំទន់ខ្សោយ មនុស្សចាស់ជរា និងអ្នកថែទាំមនុស្សចាស់ចាប់ពីខែកញ្ញា។ នាយករដ្ឋមន្ត្រីអ៊ីស្រាអែល លោក Naftali Bennett បានជំរុញឱ្យប្រជាជនវ័យចំណាស់ទទួលវ៉ាក់សាំងដូសទី៣ បន្ទាប់ពីរដ្ឋាភិបាលកាលពីខែមុនបានចាប់ផ្ដើម យុទ្ធនាការផ្តល់វ៉ាក់សាំងដូសបន្ថែម៕អត្ថបទ៖ សុខមាន

សហរដ្ឋអាមេរិកជំរុញប្រធានាធិបតីថ្មីអ៊ីរ៉ង់ឲ្យបន្តការចរចានុយក្លេអ៊ែរឡើងវិញ

សហរដ្ឋអាមេរិក៖ សហរដ្ឋអាមេរិកបានអំពាវនាវដល់ប្រធានាធិបតីថ្មីអ៊ីរ៉ង់ ឲ្យវិលទៅរកការចរចាស្ដីពីការស្រោចស្រង់កិច្ចព្រមព្រៀង នុយក្លេអ៊ែរជាប្រវត្តិសាស្ត្រ។ អ្នកនាំពាក្យក្រសួងការបរទេសអាមេរិកបានព្រមានថា ទ្វារការទូតមិនមែនចេះតែបើកចំហរហូតទេ។ភាពតានតឹងរវាងអាមេរិក និងអ៊ីរ៉ង់បានកើនឡើងចាប់តាំងពីឆ្នាំ២០១៨ នៅពេលអតីតប្រធានាធិបតី Donald Trump បានដកខ្លួនចេញពីកិច្ចព្រមព្រៀងនុយក្លេអ៊ែរ និងបានដាក់ទណ្ឌកម្មឡើងវិញ។ លោក Ebrahim Raisi បានស្បថចូលកាន់តំណែងកាលពីថ្ងៃព្រហស្បតិ៍ដោយនិយាយថា លោកនឹងគាំទ្រ “ផែនការការទូតណាមួយ” ដើម្បីបញ្ចប់ទណ្ឌកម្មលើប្រទេសអ៊ីរ៉ង់។ លោកថា ទណ្ឌកម្មខុសច្បាប់ទាំងអស់របស់សហរដ្ឋអាមេរិក ប្រឆាំងនឹងអ៊ីរ៉ង់ត្រូវតែត្រូវបានដកចេញ។ បណ្ដាប្រទេសលោកខាងលិចចោទអ៊ីរ៉ង់ថា បានព្យាយាមផលិតអាវុធនុយក្លេអ៊ែរ ជាការចោទប្រកាន់មួយដែលក្រុងតេអេរ៉ង់បដិសេធ។ កិច្ចព្រមព្រៀងឆ្នាំ២០១៥ រវាងប្រទេសអ៊ីរ៉ង់ និងប្រទេសចំនួន ៦ផ្សេងទៀតដូចជាសហរដ្ឋអាមេរិក អង់គ្លេស បារាំង ចិន រុស្ស៊ី និងអាល្លឺម៉ង់បានមើលឃើញថា វាបញ្ឈប់ការងារនុយក្លេអ៊ែរខ្លះ ជាថ្នូរនឹងការបញ្ចប់ទណ្ឌកម្មដែលធ្វើឱ្យប៉ះពាល់ដល់សេដ្ឋកិច្ចរបស់ខ្លួន។ប៉ុន្តែអ៊ីរ៉ង់បានចាប់ផ្ដើមឡើងវិញនូវការងារនុយក្លេអ៊ែរដែលត្រូវបានហាមឃាត់ បន្ទាប់ពីលោក Trump ដកខ្លួនចេញពីកិច្ចព្រមព្រៀងនេះ។ នៅក្នុងសេចក្ដីអធិប្បាយបន្ទាប់ពីពិធីស្បថចូលកាន់តំណែងរបស់លោក Raisi អ្នកនាំពាក្យក្រសួងការបរទេសអាមេរិក លោក Ned Price បានប្រាប់អ្នកយកព័ត៌មានថា “យើងជំរុញឱ្យអ៊ីរ៉ង់វិលត្រឡប់មករកការចរចាវិញឆាប់ៗ ដើម្បីយើងអាចស្វែងរកការបញ្ចប់ការងាររបស់យើង”៕អត្ថបទ៖ សុខមាន

WHO អំពាវនាវឲ្យផ្អាកការចាក់វ៉ាក់សាំងដូសបន្ថែមដើម្បីទុកចាក់ដល់បណ្ដាប្រទេសក្រីក្រ

WHO៖ អង្គការសុខភាពពិភពលោក (WHO) បានអំពាវនាវឱ្យផ្អាកការចាក់វ៉ាក់សាំងបង្ការវីរុស Covid-19 ដូសបន្ថែមរហូតដល់ដំណាច់ខែកញ្ញា។ លោកវេជ្ជបណ្ឌិត Tedros Adhanom Ghebreyesus ប្រធានអង្គការសុខភាពពិភពលោកបាននិយាយថា ការផ្អាកនេះនឹងអនុញ្ញាតឱ្យមនុស្សយ៉ាងហោចណាស់ ១០% នៃចំនួនប្រជាជននៅគ្រប់ប្រទេសទាំងអស់ទទួលបានការចាក់វ៉ាក់សាំង។ប្រទេសមួយចំនួនរួមទាំងអ៊ីស្រាអែល និងអាល្លឺម៉ង់បានប្រកាសពីផែនការចាក់វ៉ាក់សាំងដូសទី៣។ ប៉ុន្តែលោកវេជ្ជបណ្ឌិត Tedros បានព្រមានថា ប្រទេសក្រីក្រកំពុងដើរតាមក្រោយ។ យោងតាមអង្គការសុខភាពពិភពលោក ប្រទេសដែលមានប្រាក់ចំណូលទាបអាចចាក់បានត្រឹមតែ ១,៥ដូសប៉ុណ្ណោះសម្រាប់មនុស្ស ១០០នាក់ដោយសារកង្វះការផ្គត់ផ្គង់។ លោកវេជ្ជបណ្ឌិត Tedros បាននិយាយថា ចាំបាច់ត្រូវមានការផ្លាស់ប្ដូរផែនការ ហើយវ៉ាក់សាំងភាគច្រើនគួរតែបញ្ជូនទៅប្រទេសដែលមានប្រាក់ចំណូលទាប។ លោកបានបន្ថែមថា ខ្ញុំយល់ពីកង្វល់របស់រដ្ឋាភិបាលទាំងអស់ ក្នុងការនាំប្រជាជនរបស់ពួកគេចេញពីវីរុសបម្លែងខ្លួនថ្មី Delta។ ប៉ុន្តែយើងមិនអាចទទួលយកបណ្ដាប្រទេស ដែលបានយកវ៉ាក់សាំងផ្គត់ផ្គង់ភាគច្រើននៅលើពិភពលោក ទៅប្រើប្រាស់ច្រើនហួសនោះទេ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមអាជីវករលក់ដូរជុំវិញផ្សារដើមគ យល់ព្រមទទួលយកគម្រោងកែលម្អ និងស្ថាបនាផ្លូវជុំវិញផ្សារ

កាកបាទក្រហមកម្ពុជាផ្តល់ផ្ទះ២ខ្នង ដល់គ្រួសារទីទ័លក្រនៅស្រុកបសេដ្ឋ ខេត្តកំពង់ស្ពឺ

រដ្ឋមន្ត្រីក្រសួងវប្បធម៌និង វិចិត្រសិល្បៈ បញ្ជាក់អំពីការប្តេជ្ញាចិត្តរបស់រាជរដ្ឋាភិបាលក្នុងកិច្ចការពារបូរណភាពទឹកដី និងសម្បត្តិវប្បធម៌នានាស្របតាមច្បាប់អន្តរជាតិ

សមត្ថកិច្ចចុះបង្ក្រាបទីតាំងសង្ស័យលួចលាក់ធ្វើសកម្មភាព Online Scam ឃាត់ខ្លួនជនបរទេសជាង ១៤០នាក់

មនុស្ស៩នាក់រងរបួសដោយសារភ្លើងឆេះព្រៃនៅក្នុងប្រទេសព័រទុយហ្គាល់

ប្រធានាធិបតីទួរគី ថ្លែងថា មិនត្រូវឲ្យអ៊ីស្រាអែលបំផ្លាញកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់ ឡើយ

អ៊ីរ៉ង់ ផ្សព្វផ្សាយសារនៃការបន្ត និងការសងសឹកនៅក្នុងពិធីរំលឹកវិញ្ញាណក្ខន្ធលោក Khamenei

លោក Trump អបអរសាទរទិវាឯករាជ្យជាតិលើកទី២៥០ អមដោយការបាញ់កាំជ្រួចភ្ញី និងក្បួនយន្តហោះ

KCNA៖លោក Xi ត្រៀមខ្លួនធ្វើការជាមួយលោក Kim សម្រាប់ចំណងមិត្តភាពចិន-កូរ៉េខាងជើងប្រកបដោយស្ថិរភាព

ប្រធានក្រុមការងារចុះមូលដ្ឋានឃុំទងត្រឡាច អំពាវនាវពលរដ្ឋជឿជាក់រាជរដ្ឋាភិបាលលើការដោះស្រាយបញ្ហាព្រំដែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្សយ៉ាងហោចណាស់ ១០នាក់ស្លាប់ និងរាប់សិបនាក់ជាប់នៅក្នុងបំណាក់ដីនៅឥណ្ឌា

លោក Biden៖ លោកពុំមានការស្ដាយក្រោយទេចំពោះការដកកងទ័ពចេញពីអាហ្វហ្គានីស្ថាន

UN៖ មេដឹកនាំយោធាមីយ៉ាន់ម៉ាមានបំណងក្ដោបក្ដាប់អំណាចផ្ដាច់មុខ

UN៖ កុមារ ២៧នាក់ស្លាប់ក្នុងរយៈពេល ៣ថ្ងៃក្នុងសង្គ្រាមនៅអាហ្វហ្គានីស្ថាន

មន្ទីរពេទ្យរាប់រយកន្លែងនៅហ្វីលីពីនផ្ទុកអ្នកជំងឺជិតហួសចំណុះ ខណៈការឆ្លងវីរុស COVID-19 ហក់ឡើង

ហ្វីលីពីនរាយការណ៍អ្នកស្លាប់ដោយសារជំងឺ COVID-19 ខ្ពស់បំផុតក្នុងរយៈពេល ៤ខែ

ករណីឆ្លងវីរុស COVID-19 នៅសហរដ្ឋអាមេរិកហក់ឡើងខ្ពស់ក្នុងរយៈពេល ៦ខែ

ប្រទេសធំៗប្រកាន់ខ្ជាប់ផែនការចាក់វ៉ាក់សាំងដូសបន្ថែមដោយមិនខ្វល់ពីការអំពាវនាវរបស់ WHO

សហរដ្ឋអាមេរិកជំរុញប្រធានាធិបតីថ្មីអ៊ីរ៉ង់ឲ្យបន្តការចរចានុយក្លេអ៊ែរឡើងវិញ

WHO អំពាវនាវឲ្យផ្អាកការចាក់វ៉ាក់សាំងដូសបន្ថែមដើម្បីទុកចាក់ដល់បណ្ដាប្រទេសក្រីក្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​យ៉ាង​ហោច​ណាស់ ១០​នាក់​ស្លាប់ ​និង​រាប់​សិប​នាក់​ជាប់​នៅ​ក្នុង​បំណាក់​ដី​នៅ​ឥណ្ឌា​

លោក Biden៖​ លោក​ពុំ​មាន​ការ​ស្ដាយក្រោយ​ទេ​ចំពោះ​ការ​ដក​កងទ័ព​ចេញពី​អា​ហ្វ​ហ្គា​នី​ស្ថាន​

UN៖ មេដឹកនាំ​យោធា​មី​យ៉ាន់​ម៉ាមានបំណង​ក្ដោបក្ដាប់​អំណាច​ផ្ដាច់មុខ​

UN៖​ កុមារ​ ២៧​នាក់​ស្លាប់​ក្នុង​រយៈពេល​ ៣​ថ្ងៃ​ក្នុង​សង្គ្រាម​នៅ​អា​ហ្វ​ហ្គា​នី​ស្ថាន​

មន្ទីរពេទ្យ​រាប់​រយ​កន្លែង​នៅ​ហ្វីលីពីន​ផ្ទុក​អ្នកជំងឺ​ជិត​ហួស​ចំណុះ ​ខណៈ​ការ​ឆ្លង​វីរុស COVID-19 ហក់​ឡើង​

ហ្វីលីពីន​រាយការណ៍​អ្នក​ស្លាប់​ដោយសារ​ជំងឺ COVID-19 ខ្ពស់​បំផុត​ក្នុង​រយៈពេល ​៤​ខែ​

ករណី​ឆ្លង​វីរុស COVID-19​ នៅ​សហរដ្ឋ​អាមេរិក​ហក់​ឡើង​ខ្ពស់​ក្នុង​រយៈពេល ​៦​ខែ​

ប្រទេស​ធំ​ៗ​ប្រកាន់ខ្ជាប់​ផែនការ​ចាក់​វ៉ាក់សាំង​ដូ​ស​បន្ថែម​ដោយ​មិន​ខ្វល់​ពី​ការ​អំពាវនាវ​របស់​ WHO

សហរដ្ឋ​អាមេរិក​ជំរុញ​ប្រធានាធិបតី​ថ្មី​អ៊ីរ៉ង់​ឲ្យ​បន្ត​ការចរចា​នុយក្លេអ៊ែរ​ឡើងវិញ​

WHO អំពាវនាវ​ឲ្យ​ផ្អាក​ការ​ចាក់​វ៉ាក់សាំង​ដូ​ស​បន្ថែម​ដើម្បី​ទុក​ចាក់​ដល់​បណ្ដា​ប្រទេស​ក្រីក្រ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្សយ៉ាងហោចណាស់ ១០នាក់ស្លាប់ និងរាប់សិបនាក់ជាប់នៅក្នុងបំណាក់ដីនៅឥណ្ឌា

លោក Biden៖ លោកពុំមានការស្ដាយក្រោយទេចំពោះការដកកងទ័ពចេញពីអាហ្វហ្គានីស្ថាន

UN៖ មេដឹកនាំយោធាមីយ៉ាន់ម៉ាមានបំណងក្ដោបក្ដាប់អំណាចផ្ដាច់មុខ

UN៖ កុមារ ២៧នាក់ស្លាប់ក្នុងរយៈពេល ៣ថ្ងៃក្នុងសង្គ្រាមនៅអាហ្វហ្គានីស្ថាន

មន្ទីរពេទ្យរាប់រយកន្លែងនៅហ្វីលីពីនផ្ទុកអ្នកជំងឺជិតហួសចំណុះ ខណៈការឆ្លងវីរុស COVID-19 ហក់ឡើង

ហ្វីលីពីនរាយការណ៍អ្នកស្លាប់ដោយសារជំងឺ COVID-19 ខ្ពស់បំផុតក្នុងរយៈពេល ៤ខែ

ករណីឆ្លងវីរុស COVID-19 នៅសហរដ្ឋអាមេរិកហក់ឡើងខ្ពស់ក្នុងរយៈពេល ៦ខែ

ប្រទេសធំៗប្រកាន់ខ្ជាប់ផែនការចាក់វ៉ាក់សាំងដូសបន្ថែមដោយមិនខ្វល់ពីការអំពាវនាវរបស់ WHO

សហរដ្ឋអាមេរិកជំរុញប្រធានាធិបតីថ្មីអ៊ីរ៉ង់ឲ្យបន្តការចរចានុយក្លេអ៊ែរឡើងវិញ

WHO អំពាវនាវឲ្យផ្អាកការចាក់វ៉ាក់សាំងដូសបន្ថែមដើម្បីទុកចាក់ដល់បណ្ដាប្រទេសក្រីក្រ