BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

មនុស្ស ១៦នាក់ស្លាប់ដោយសាររន្ទះបាញ់នៅតាមផ្លូវទៅចូលរួមពិធីមង្គលការនៅបង់ក្លាដែស

បង់ក្លាដែស៖ យោងតាមក្រុមមន្ត្រីមូលដ្ឋានបានឲ្យដឹងថា រន្ទះបាញ់បានសម្លាប់មនុស្សយ៉ាងហោចណាស់ ១៦នាក់ដែលកំពុងធ្វើដំណើរទៅចូលរួមពិធីមង្គលការមួយ និងជាច្រើននាក់ផ្សេងទៀតរងរបួសនៅក្នុងប្រទេសបង់ក្លាដែស។យោងតាមមន្ត្រីរដ្ឋាភិបាលក្នុងតំបន់ លោក Sakib Al-Rabby បាននិយាយថា កូនក្រមុំមិននៅជាមួយក្រុមមនុស្សទាំងនោះទេ នៅពេលរន្ទះបាញ់កាលពីថ្ងៃពុធនៅភូមិ Shibganj ក្នុងស្រុក Chapainawabganj ភាគខាងលិច។ លោកបាននិយាយថា ក្រុមនេះទើបតែចាកចេញពីទូករបស់ពួកគេ ដើម្បីជ្រកកោនដោយសារព្យុះផ្គររន្ទះ នៅពេលពួកគេត្រូវបានរងការវាយប្រហារ។ តំបន់នេះមានចម្ងាយប្រហែល ១៥០ម៉ាយល៍ភាគពាយព្យនៃរដ្ឋធានីដាកា។ ភ្លៀងមូសុងប្រចាំឆ្នាំកំពុងវាយលុកប្រទេសបង់ក្លាដែស ជាទីដែលរន្ទះបាញ់បានសម្លាប់មនុស្សជាង ២០០នាក់ក្នុងមួយឆ្នាំៗ ភាគច្រើននៅពេលកសិករកំពុងធ្វើស្រែចម្ការរបស់ពួកគេ៕អត្ថបទ៖ សុខមាន

WHO សម្ដែងក្តីបារម្ភចំពោះអ្នកជំងឺ COVID-19 ដែលអាចរងផលប៉ះពាល់រយៈពេលយូរ

WHO៖ ស្របពេលដែលមនុស្សជាង ២០០លាននាក់ត្រូវបានគេដឹងថា មានផ្ទុកជំងឺ COVID-19 អង្គការសុខភាពពិភពលោកបាននិយាយកាលពីថ្ងៃពុធថា ខ្លួនមានការព្រួយបារម្ភយ៉ាងខ្លាំងចំពោះចំនួនដែលមិនបានដឹង ដែលអាចនឹងនៅតែរងផលប៉ះពាល់ដោយសារជំងឺ COVID-19 រយៈពេលយូរ។អង្គការសុខភាពពិភពលោកបានដាស់តឿនប្រជាជន ដែលតស៊ូជាមួយផលប៉ះពាល់នៃវីរុសនេះ ទោះបីបានជាសះស្បើយពីដំណាក់កាលធ្ងន់ធ្ងរ ក្នុងការស្វែងរកជំនួយពីគ្រូពេទ្យក៏ដោយ។ ការរងផលប៉ះពាល់រយៈពេលយូរដោយសារជំងឺ COVID-19 នៅតែជាចំណុចអាថ៌កំបាំងបំផុតមួយក្នុងចំណោមចំណុចអាថ៌កំបាំងបំផុតជាច្រើន នៃជំងឺរាតត្បាតសកលនេះ។ ប្រធានក្រុមបច្ចេកទេសផ្នែកជំងឺ COVID-19 របស់ទីភ្នាក់ងារសុខពអង្គការសហប្រជាជាតិ លោកស្រី Maria Van Kerkhove បានប្រាប់សន្និសីទសារព័ត៌មានថា រោគសញ្ញាក្រោយឆ្លងជំងឺ COVID-19 ឬរោងសញ្ញាថ្មីបន្ទាប់ពីជាសះស្បើយ ឬការរងផលប៉ះពាល់រយៈពេលយូរ គឺជាបញ្ហាដែលអង្គការសុខភាពពិភពលោកព្រួយបារម្ភយ៉ាងខ្លាំង។លោកស្រីបាននិយាយអំពីអ្នកដែលឆ្លងវីរុស SARS-CoV-2 ដែលបណ្ដាលឱ្យមានជំងឺ COVID-19 មនុស្សជាច្រើនកំពុងរងផលប៉ះពាល់រយៈពេលយូរ។ លោកស្រី Van Kerkhove ថ្លែងថា យើងមិនដឹងថា ផលប៉ះពាល់ទាំងនេះមានរយៈពេលយូរប៉ុណ្ណាទេ ហើយយើងថែមទាំងកំពុងធ្វើការលើការកំណត់និយមន័យករណីឆ្លងដើម្បីស្វែងយល់ និងពិពណ៌នាឱ្យកាន់តែច្បាស់ថា តើរោគសញ្ញាក្រោយឆ្លងជំងឺ COVID-19 ជាអ្វី៕អត្ថបទ៖ សុខមាន

ចិនរាយការណ៍ករណីឆ្លងប្រចាំថ្ងៃនៃជំងឺ COVID-19 ខ្ពស់បំផុតចាប់តាំងពីខែមករា

ចិន៖ កាលពីថ្ងៃពុធ ទី៤ ខែសីហា ប្រទេសចិនបានរាយការណ៍ករណីឆ្លងថ្មីក្នុងស្រុកនៃជំងឺ COVID-19 ច្រើនបំផុតចាប់តាំងពីខែមករា ខណៈទីក្រុងមួយចំនួនបានបង្កើនការរឹតត្បិតដោយកាត់បន្ថយជើងហោះហើរ និងបង្កើនការធ្វើតេស្តដើម្បីទប់ទល់នឹងការផ្ទុះឡើងយ៉ាងខ្លាំង ដែលបណ្តាលមកពីវីរុសបម្លែងខ្លួនថ្មី Delta។ការរឹតត្បិតការធ្វើដំណើរ និងការបិទតំបន់បាននាំឱ្យក្រុមហ៊ុនផ្ដល់សេវាហិរញ្ញវត្ថុណូម៉ូរ៉ា (Nomura) បន្ទាបការព្យាករណ៍កំណើនសេដ្ឋកិច្ច ពីខែកក្កដាដល់ខែកញ្ញារបស់ប្រទេសចិន ក៏ដូចជាការព្យាករណ៍ពេញមួយឆ្នាំរបស់ខ្លួនដោយនិយាយថា វិធីសាស្ត្រគ្មានការអត់ឱនចំពោះវីរុសនេះកាន់តែខាតបង់ខ្លាំង។ ចាប់តាំងពីចុងខែកក្កដាមក ការឆ្លងយ៉ាងខ្លាំងនៃវីរុសបម្លែងខ្លួនថ្មី Delta ត្រូវបានគេរកឃើញនៅក្នុងទីក្រុងរបស់ចិនយ៉ាងហោចណាស់ជាង ១០ទីក្រុងរួមទាំងរដ្ឋធានីប៉េកាំង និងទីក្រុងអ៊ូហាន ជាកន្លែងដែលវីរុសកូរ៉ូណាថ្មីនេះបានផ្ទុះឡើងកាលពីចុងឆ្នាំ២០១៩។ទិន្នន័យផ្លូវការណ៍បានបង្ហាញថា ប្រទេសចិនបានរាយការណ៍ករណីឆ្លងថ្មីក្នុងស្រុកនៃវីរុស COVID-19 ចំនួន ៧១នាក់កាលពីថ្ងៃទី៣ ខែសីហា ជាការឆ្លងប្រចាំថ្ងៃខ្ពស់បំផុតចាប់តាំងពីថ្ងៃទី៣០ ខែមករា។ ចំនួនករណីឆ្លងនេះបានកើនឡើងរយៈពេល ៥ថ្ងៃជាប់គ្នាចាប់តាំងពីថ្ងៃទី៣០ ខែមករាមក។ យោងតាមគេហទំព័រ Worldometer គិតត្រឹមព្រឹកថ្ងៃព្រហស្បតិ៍នេះ ប្រទេសចិនមានករណីឆ្លងសរុបចំនួន ៩៣,២៨៩នាក់បន្ទាប់ពីមានករណីឆ្លងថ្មីចំនួន ៩៦នាក់ និងស្លាប់ចំនួន ៤,៦៣៦នាក់៕អត្ថបទ៖ សុខមាន

អាស៊ានតែងតាំងអ្នកការទូតប្រ៊ុយណេជាប្រេសិតពិសេសទទួលបន្ទុកវិបត្តិនៅមីយ៉ាន់ម៉ា

អាស៊ាន៖ រដ្ឋមន្ត្រីក្រសួងការបរទេស មកពីសមាគមប្រជាជាតិអាស៊ីអាគ្នេយ៍ហៅកាត់ថាអាស៊ាន (ASEAN) បានតែងតាំងរដ្ឋមន្ត្រីទី២ របស់ប្រ៊ុយណេគឺលោក Erywan Yusof ជាប្រេសិតពិសេសប្រចាំសហភាពមីយ៉ាន់ម៉ា។យោងតាមសេចក្តីប្រកាសព័ត៌មានមួយ ដែលត្រូវបានចេញផ្សាយបន្ទាប់ពីកិច្ចប្រជុំកាលពីថ្ងៃចន្ទ និងថ្ងៃពុធដោយរដ្ឋមន្ត្រីការបរទេសនៃប្លុកនេះ លោក Erywan ត្រូវបានទទួលបន្ទុកជួយបញ្ចប់អំពើហិង្សានៅក្នុងសហភាពមីយ៉ាន់ម៉ា និងបើកការសន្ទនារវាងមេដឹកនាំយោធា និងគូប្រជែងរបស់ពួកគេ នៅក្នុងប្រទេសដែលកំពុងហែកហួរដោយវិបត្តិមួយនេះ។ លោក Yusof ក៏នឹងត្រួតពិនិត្យកញ្ចប់ជំនួយមនុស្សធម៌ដែរ ទោះបីគ្មានព័ត៌មានលម្អិតត្រូវបានប្រកាសក៏ដោយ។ ផ្ទុយទៅវិញ សេចក្ដីថ្លែងការណ៍រួមនេះបានអំពាវនាវ ឱ្យមជ្ឈមណ្ឌលសម្របសម្រួលអាស៊ានសម្រាប់ជំនួយមនុស្សធម៌ ចាប់ផ្ដើមធ្វើការលើការណែនាំគោលនយោបាយ។ក្រុមសិទ្ធិមនុស្សបាននិយាយថា សមាគមប្រជាជាតិអាស៊ីអាគ្នេយ៍ (អាស៊ាន) ចាំបាច់ត្រូវដោះស្រាយជាបន្ទាន់នូវវិបត្តិសិទ្ធិមនុស្ស និងមនុស្សធម៌ធ្ងន់ធ្ងររបស់មីយ៉ាន់ម៉ា ដែលកំពុងត្រូវបានរងគ្រោះបន្ថែមដោយគ្រាអាសន្នសុខភាពជំងឺ COVID-19 និងទឹកជំនន់នាពេលថ្មីៗនេះ ដោយព្រមានប្លុកក្នុងតំបន់ដើម្បីចៀសវាងផ្ដល់ភាពស្របច្បាប់ ចំពោះយោធារបស់ប្រទេស។ រដ្ឋមន្ត្រីការបរទេសអាមេរិក លោក Antony Blinken បានជួបសមភាគីអាស៊ានដែលជាផ្នែកមួយ នៃកិច្ចប្រជុំថ្នាក់តំបន់ដែលលោកកំពុងចូលរួមនៅក្នុងសប្ដាហ៍នេះ ហើយបានអំពាវនាវឱ្យប្លុកនេះចាត់វិធានការរួមគ្នា ដើម្បីជំរុញឱ្យយោធាបញ្ចប់អំពើហិង្សា៕អត្ថបទ៖ សុខមាន

មនុស្ស ៤នាក់ស្លាប់ ខណៈក្រុមខ្មាន់កាំភ្លើងវាយប្រហារគេហដ្ឋានរដ្ឋមន្ត្រីការពារជាតិក្នុងរដ្ឋធានីកាប៊ុល

អាហ្វហ្គានីស្ថាន៖ មនុស្ស ៤នាក់ស្លាប់បន្ទាប់ពីក្រុមសកម្មប្រយុទ្ធបានវាយប្រហារគេហដ្ឋាន របស់រដ្ឋមន្ត្រីការពារជាតិអាហ្វហ្គានីស្ថាន។ លោក Bismillah Khan Mohammadi មិននៅផ្ទះទេកាលពីថ្ងៃអង្គារ ខណៈដែលក្រុមខ្មាន់កាំភ្លើងបានបំផ្ទុះគ្រាប់បែកក្នុងរថយន្ត ហើយបានបាញ់ជាច្រើនគ្រាប់នៅក្បែរតំបន់បៃតង ដែលមានការយាមកាមរឹងមាំរបស់រដ្ឋធានីកាប៊ុល។ក្រុមគ្រួសាររបស់លោកត្រូវបានជម្លៀសចេញដោយសុវត្ថិភាព ហើយក្រុមខ្មាន់វាយប្រហារត្រូវបានសម្លាប់។ ការវាយប្រហារនេះកើតឡើង ស្របពេលដែលការប្រយុទ្ធគ្នានៅតែបន្ត នៅក្នុងទីក្រុងសំខាន់ៗដទៃទៀតរបស់អាហ្វហ្គានីស្ថាន ដោយក្រុមប្រឹក្សាសន្តិសុខអង្គការសហប្រជាជាតិ បានអំពាវនាវឱ្យបញ្ចប់អំពើហិង្សាជាបន្ទាន់។ ក្រុមមន្ត្រីសន្តិសុខបានប្រាប់ទីភ្នាក់ងារសារព័ត៌មាន AFP ថា មនុស្ស ៤នាក់ត្រូវបានសម្លាប់នៅក្នុងការវាយប្រហារនេះ ខណៈដែលអង្គការសង្គ្រោះបន្ទាន់ផ្នែកវេជ្ជសាស្ត្រអ៊ីតាលីបានបញ្ជាក់ថា មនុស្ស ១១នាក់ដែលបានរងរបួសត្រូវបានគេបញ្ជូនទៅកាន់មន្ទីរពេទ្យនៅរដ្ឋធានីកាប៊ុល រួមជាមួយសាកសពមនុស្ស ៤នាក់ដែលបានស្លាប់។ របាយការណ៍នានានិយាយថា ខ្មាន់កាំភ្លើងទាំង ៤នាក់ក៏ត្រូវបានសម្លាប់ផងដែរ៕ អត្ថបទ៖ សុខមាន

ទីក្រុងអ៊ូហានរបស់ចិននឹងធ្វើតេស្តពលរដ្ឋទាំងអស់ ខណៈវីរុស COVID-19 ផ្ទុះជាថ្មី

ចិន៖ អាជ្ញាធរនៅទីក្រុងអ៊ូហានកាលពីថ្ងៃអង្គារបាននិយាយថា ពួកគេនឹងធ្វើតេស្តប្រជាជនទាំងអស់របស់ខ្លួនដើម្បីរកវីរុស COVID-19 បន្ទាប់ពីទីក្រុងភាគកណ្តាលរបស់ប្រទេសចិន ជាទីដែលបានរាយការណ៍ថាមានការឆ្លងវីរុសក្នុងស្រុកលើកដំបូង ក្នុងរយៈពេលជាងមួយឆ្នាំមកនេះ។មន្ត្រីជាន់ខ្ពស់ទីក្រុងអ៊ូហាន លោក Li Tao បាននិយាយនៅក្នុងសន្និសីទសារព័ត៌មានមួយកាលពីថ្ងៃអង្គារថា ទីក្រុងដែលមានប្រជាជនចំនួន ១១លាននាក់កំពុងចាប់ផ្ដើមធ្វើតេស្តយ៉ាងឆាប់រហ័សលើ DNA របស់ប្រជាជនទាំងអស់។ ក្រុមមន្ត្រីក្រុងអ៊ូហានបានប្រកាសកាលពីថ្ងៃចន្ទថា ការឆ្លងវីរុសក្នុងស្រុកចំនួន ៧ករណីត្រូវបានរកឃើញ ក្នុងចំណោមពលករចំណាកស្រុកនៅក្នុងទីក្រុង ដែលជាការឆ្លងក្នុងស្រុកលើកដំបូងក្នុងរយៈពេញមួយឆ្នាំ បន្ទាប់ពីទីក្រុងនេះបានបង្ក្រាបការផ្ទុះឡើងដំបូង ដោយអនុវត្តន៍វិធានការបិទខ្ទប់មិនធ្លាប់មានពីមុនមក កាលពីដើមឆ្នាំ២០២០។ផ្នែកមួយចំនួននៃតំបន់ឧស្សាហកម្ម និងបច្ចេកវិទ្យាមួយត្រូវបានបិទ ជាវិធានការដ៏កម្របានឃើញនៅក្នុងទីក្រុងចាប់តាំងពីការបិទខ្ទប់កាលពីឆ្នាំមុន។ អគ្គនាយករងនៃមជ្ឈមណ្ឌលគ្រប់គ្រងជំងឺឆ្លងខេត្ត Hubei លោក Li Yang បាននិយាយថា ករណីឆ្លងថ្មីនៅទីក្រុងអ៊ូហាន រួមជាមួយការឆ្លងផ្សេងៗនៅក្បែរទីក្រុង Jingzhou និង Huang ចាប់តាំងពីថ្ងៃសៅរ៍ត្រូវបានពាក់ព័ន្ធនឹងករណីឆ្លងនៅក្នុងទីក្រុង Huaian ក្នុងខេត្ត Jiangsu៕អត្ថបទ៖ សុខមាន

អាស៊ានពិភាក្សាពីការតែងតាំងប្រេសិតពិសេសសម្រាប់សហភាពមីយ៉ាន់ម៉ា

អាស៊ាន៖ សមាជិកនៃសមាគមប្រជាជាតិអាស៊ីអាគ្នេយ៍ បានអំពាវនាវឱ្យសហភាពមីយ៉ាន់ម៉ាអនុម័តការតែងតាំង ប្រេសិតពិសេសអាស៊ានប្រចាំប្រទេសនេះជាបន្ទាន់។ ការអំពាវនាវនេះកើតឡើង ស្របពេលមានការប៉ាន់ប្រមាណថា អ្នកការទូតប្រ៊ុយណេម្នាក់ត្រូវបានគេពេញចិត្តយ៉ាងខ្លាំងចំពោះមុខតំណែងនេះ។បណ្ដារដ្ឋមន្ត្រីការបរទេសអាស៊ានបានជួបប្រជុំគ្នាតាម Video កាលពីថ្ងៃចន្ទដើម្បីពិភាក្សាពីការអនុវត្តកិច្ចព្រមព្រៀងឯកភាព ៥ចំណុចលើសហភាពមីយ៉ាន់ម៉ា ដែលត្រូវបានរៀបចំឡើងក្នុងកិច្ចប្រជុំមេដឹកនាំអាស៊ានកាលពីខែមេសា។ កិច្ចព្រមព្រៀងនេះទាមទារឱ្យបញ្ឈប់ជាបន្ទាន់ រាល់អំពើហិង្សានៅក្នុងសហភាពមីយ៉ាន់ម៉ា និងការបញ្ជូនប្រេសិតពិសេសមួយរូបទៅសម្រុះសម្រួលចរចារវាងយោធា និងជំរំគាំទ្រលទ្ធិប្រជាធិបតេយ្យក្នុងចំណោមជំហានផ្សេងទៀត។ រដ្ឋមន្ត្រីការបរទេសឥណ្ឌូនេស៊ី លោកស្រី Retno Marsudi បានប្រាប់អ្នកយកព័ត៌មានបន្ទាប់ពីកិច្ចប្រជុំថា ពួកលោកស្រីបានចំណាយពេលវេលាច្រើនណាស់ ដើម្បីពិភាក្សាថាតើត្រូវតែងតាំងអ្នកណាជាប្រេសិតពិសេស។លោកស្រីបាននិយាយថា ដើមឡើយកិច្ចប្រជុំនេះត្រូវគ្រោងទុកថានឹងចំណាយពេល ២ម៉ោង ប៉ុន្តែតាមពិតបន្តរហូតដល់ទៅ ៥ម៉ោង។ រដ្ឋមន្ត្រីការបរទេសឥណ្ឌូនេស៊ីរូបនេះបានសម្ដែងការខកចិត្ត ចំពោះការរីកចម្រើនតិចតួចចាប់តាំងពីកិច្ចប្រជុំថ្នាក់ដឹកនាំ។ លោកស្រីបានជំរុញមីយ៉ាន់ម៉ាអនុម័តឲ្យបានលឿន នូវប្រេសិតដែលស្នើដោយអាស៊ាន៕អត្ថបទ៖ សុខមាន

ចំនួនអ្នកស្លាប់ដោយសារទឹកជំនន់នៅចិនកើនឡើងដល់ជាង ៣០០នាក់

ចិន៖ ចំនួនអ្នកស្លាប់ដោយសារទឹកជំនន់នៅខេត្ត Henan ភាគកណ្តាលប្រទេសចិនកាលពីខែមុនបានកើនឡើងរហូតដល់ ៣០២នាក់ នេះបើយោងតាមការបញ្ជាក់ពីក្រុមមន្ត្រីក្នុងតំបន់។ មនុស្សប្រហែល ៥០នាក់នៅតែបាត់ខ្លួន បន្ទាប់ពីតំបន់នេះត្រូវបានជន់លិចដោយទឹកជំនន់ធ្ងន់ធ្ងរ ដែលបណ្ដាលមកពីភ្លៀងធ្លាក់ខ្លាំង។មនុស្សជិត ១៣លាននាក់បានរងផលប៉ះពាល់ ហើយផ្ទះជិត ៩ពាន់ខ្នងត្រូវខូចខាត។ ភាគច្រើននៃអ្នកស្លាប់ត្រូវបានគេរាយការណ៍នៅក្នុងទីក្រុង Zhengzhou ជាទីដែលទឹកជំនន់ជន់លិចប្រព័ន្ធផ្លូវក្រោមដីរបស់ទីក្រុង ហើយរថយន្តត្រូវបានហូរកួចតាមទឹក។ ទីក្រុងនេះបានរាយការណ៍ថា មានភ្លៀងធ្លាក់រយៈពេលបីថ្ងៃ។ កាលពីថ្ងៃចន្ទអភិបាលក្រុង Zhengzhou លោក Hou Hong បានបញ្ជាក់ពីចំនួនអ្នកស្លាប់នៅក្នុងសន្និសីទសារព័ត៌មានមួយ ដោយប្រាប់អ្នកយកព័ត៌មានថា មនុស្ស ៣៩នាក់ត្រូវបានគេរកឃើញស្លាប់នៅក្នុងចំណតរថយន្តក្រោមដី៕អត្ថបទ៖ សុខមាន

មនុស្សរាប់លាននាក់ស្ថិតក្រោមការបិទខ្ទប់ ខណៈចិនប្រយុទ្ធប្រឆាំងការផ្ទុះវីរុសបម្លែងខ្លួនថ្មី Delta

ចិន៖ មនុស្សរាប់លាននាក់ត្រូវបានគេបង្ខាំងឲ្យនៅក្នុងផ្ទះរបស់ពួកគេ នៅក្នុងប្រទេសចិនកាលពីថ្ងៃចន្ទ (២ សីហា) ខណៈដែលប្រទេសនេះព្យាយាមទប់ស្កាត់ការផ្ទុះឡើង នៃវីរុសកូរ៉ូណាដ៏ធំបំផុតរបស់ខ្លួនក្នុងរយៈពេលជាច្រើនខែ ដោយមានការធ្វើតេស្តទ្រង់ទ្រាយធំ និងទប់ស្កាត់ការធ្វើដំណើរ។ប្រទេសចិនកាលពីថ្ងៃចន្ទបានរាយការណ៍ពីករណីឆ្លងថ្មី នៃវីរុសកូរ៉ូណាក្នុងស្រុកចំនួន ៥៥នាក់ ខណៈការផ្ទុះឡើងនៃវីរុសបម្លែងខ្លួនថ្មី Delta ដែលកំពុងឆ្លងរីករាលដាលយ៉ាងលឿនបានទៅដល់ទីក្រុងជាង ២០ និងរាប់សិបខេត្តថែមទៀត។ វីរុសបម្លែងខ្លួនថ្មី Delta វាយលុកចូលប្រទេសចិន ខណៈសេដ្ឋកិច្ចប្រទេសនេះទើបងើបផុតពីផលប៉ះពាល់។ រដ្ឋាភិបាលមូលដ្ឋាននៅក្នុងទីក្រុងធំៗរួមទាំងទីក្រុងប៉េកាំង ឥឡូវនេះបានធ្វើតេស្តប្រជាជនរាប់លាននាក់ ខណៈបានបិទបរិវេណលំនៅដ្ឋាន និងហាមការប្រាស្រ័យទាក់ទងគ្នាជិតស្និទ្ធ ក្រោមវិធានការដាក់មនុស្សឲ្យនៅដាច់ដោយឡែក។កាលពីថ្ងៃចន្ទ ទីក្រុង Zhuzhou ភាគកណ្តាលក្នុងខេត្ត Hunan បានបញ្ជាឱ្យប្រជាជនជាង ១លាន ២សែននាក់ស្នាក់នៅផ្ទះ ក្រោមវិធានការបិទខ្ទប់យ៉ាងតឹងរ៉ឹងក្នុងរយៈពេល ៣ថ្ងៃខាងមុខ នៅពេលដែលទីក្រុងនេះចាប់ផ្ដើមយុទ្ធនាការធ្វើតេស្ត និងចាក់វ៉ាក់សាំងទូទាំងទីក្រុង នេះបើយោងតាមសេចក្ដីថ្លែងការណ៍ផ្លូវការមួយ។ ប៉ុន្តែការផ្ទុះឡើងចុងក្រោយបង្អស់ដែលទាក់ទងទៅនឹងការឆ្លងជាក្រុមនៅទីក្រុង Nanjing ជាទីដែលអ្នកបោសសំអាត ៩នាក់នៅអាកាសយានដ្ឋានអន្តរជាតិបានធ្វើតេស្តវិជ្ជមានកាលពីថ្ងៃទី២០ ខែកក្កដា កំពុងគំរាមកំហែងដោយមានករណីឆ្លងក្នុងស្រុកជាង ៣៦០នាក់ដែលបានរាយការណ៍ក្នុងរយៈពេល ២សប្ដាហ៍ចុងក្រោយនេះ៕ អត្ថបទ៖ សុខមាន

ភ្លើងឆេះព្រៃរដ្ឋ Oregon អាចបន្តរហូតដល់រដូវស្លឹកឈើជ្រុះ ខណៈរដូវភ្លើងឆេះព្រៃកាន់តែធ្ងន់ធ្ងរ

អាមេរិក៖ តំបន់ជាច្រើននៅភាគខាងលិចសហរដ្ឋអាមេរិក នឹងបន្តរហូតដល់ចុងសប្ដាហ៍ ខណៈភ្លើងឆេះព្រៃចំនួន ៩កន្លែងទៀតត្រូវបានគេរាយការណ៍កាលពីថ្ងៃសៅរ៍នៅក្នុងរដ្ឋ California, Idaho, Montana និងរដ្ឋ Oregon។ភ្លើងឆេះចំនួន ៨៧កន្លែងនៅតែបន្តឆេះនៅក្នុងរដ្ឋចំនួន ១៣លើផ្ទៃដីជាង ៦៨ម៉ឺន ៧ពាន់ហិចតា។ ដែលឆេះសរុបចំនួន ១,២១៤,០៥៦ហិចតាចាប់តាំងពីភ្លើងបានឆេះកាលពីដើមឆ្នាំ២០២១ ដែលក្រុមអ្នកជំនាញព្យាករណ៍ថានឹងជារដូវភ្លើងឆេះដ៏មហន្តរាយ។ នៅរដ្ឋ Oregon ភាគខាងត្បូងភ្លើងឆេះព្រៃ Bootleg Fire បានក្លាយជាភ្លើងឆេះដ៏ធំបំផុតនៅក្នុងប្រទេស។ ផ្ទៃដីទំហំរាប់ពាន់ហិចតាត្រូវបានពន្លត់ក្នុងអត្រា ៥៦% គិតត្រឹមយប់ថ្ងៃសៅរ៍។ ភ្នាក់ងារព្រៃឈើអាមេរិកកំពុងព្យាករណ៍ពីការឆេះធ្ងន់ធ្ងរ ដោយសារកត្តាអាកាសធាតុនៅចុងសប្តាហ៍នេះនៅក្នុងតំបន់ភ្លើងឆេះព្រៃ Bootleg Fire។ស្ថានភាពគ្រោះរាំងស្ងួតរួមជាមួយសំណើមតិច និងខ្យល់បក់ខ្លាំងអាចបង្កើនសកម្មភាពភ្លើងឆេះយ៉ាងខ្លាំងក្លា និងបង្កឱ្យមានភ្លើងឆេះខ្លាំងនៅក្បែរនោះ។ ប្រជាពលរដ្ឋនៅតំបន់ Lake County ដែលនៅជិតខាងតំបន់នោះត្រូវបានគេណែនាំ ឱ្យត្រៀមខ្លួនដើម្បីជម្លៀសចេញប្រសិនបើស្ថានភាពកាន់តែធ្ងន់ធ្ងរ។ ក្រុមមន្ត្រីមិនរំពឹងទុកថា ភ្លើងនេះអាចត្រូវបានគ្រប់គ្រងទាំងស្រុងទេរហូតដល់ដើមខែតុលា៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមអាជីវករលក់ដូរជុំវិញផ្សារដើមគ យល់ព្រមទទួលយកគម្រោងកែលម្អ និងស្ថាបនាផ្លូវជុំវិញផ្សារ

កាកបាទក្រហមកម្ពុជាផ្តល់ផ្ទះ២ខ្នង ដល់គ្រួសារទីទ័លក្រនៅស្រុកបសេដ្ឋ ខេត្តកំពង់ស្ពឺ

រដ្ឋមន្ត្រីក្រសួងវប្បធម៌និង វិចិត្រសិល្បៈ បញ្ជាក់អំពីការប្តេជ្ញាចិត្តរបស់រាជរដ្ឋាភិបាលក្នុងកិច្ចការពារបូរណភាពទឹកដី និងសម្បត្តិវប្បធម៌នានាស្របតាមច្បាប់អន្តរជាតិ

សមត្ថកិច្ចចុះបង្ក្រាបទីតាំងសង្ស័យលួចលាក់ធ្វើសកម្មភាព Online Scam ឃាត់ខ្លួនជនបរទេសជាង ១៤០នាក់

មនុស្ស៩នាក់រងរបួសដោយសារភ្លើងឆេះព្រៃនៅក្នុងប្រទេសព័រទុយហ្គាល់

ប្រធានាធិបតីទួរគី ថ្លែងថា មិនត្រូវឲ្យអ៊ីស្រាអែលបំផ្លាញកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់ ឡើយ

អ៊ីរ៉ង់ ផ្សព្វផ្សាយសារនៃការបន្ត និងការសងសឹកនៅក្នុងពិធីរំលឹកវិញ្ញាណក្ខន្ធលោក Khamenei

លោក Trump អបអរសាទរទិវាឯករាជ្យជាតិលើកទី២៥០ អមដោយការបាញ់កាំជ្រួចភ្ញី និងក្បួនយន្តហោះ

KCNA៖លោក Xi ត្រៀមខ្លួនធ្វើការជាមួយលោក Kim សម្រាប់ចំណងមិត្តភាពចិន-កូរ៉េខាងជើងប្រកបដោយស្ថិរភាព

ប្រធានក្រុមការងារចុះមូលដ្ឋានឃុំទងត្រឡាច អំពាវនាវពលរដ្ឋជឿជាក់រាជរដ្ឋាភិបាលលើការដោះស្រាយបញ្ហាព្រំដែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ១៦នាក់ស្លាប់ដោយសាររន្ទះបាញ់នៅតាមផ្លូវទៅចូលរួមពិធីមង្គលការនៅបង់ក្លាដែស

WHO សម្ដែងក្តីបារម្ភចំពោះអ្នកជំងឺ COVID-19 ដែលអាចរងផលប៉ះពាល់រយៈពេលយូរ

ចិនរាយការណ៍ករណីឆ្លងប្រចាំថ្ងៃនៃជំងឺ COVID-19 ខ្ពស់បំផុតចាប់តាំងពីខែមករា

អាស៊ានតែងតាំងអ្នកការទូតប្រ៊ុយណេជាប្រេសិតពិសេសទទួលបន្ទុកវិបត្តិនៅមីយ៉ាន់ម៉ា

មនុស្ស ៤នាក់ស្លាប់ ខណៈក្រុមខ្មាន់កាំភ្លើងវាយប្រហារគេហដ្ឋានរដ្ឋមន្ត្រីការពារជាតិក្នុងរដ្ឋធានីកាប៊ុល

ទីក្រុងអ៊ូហានរបស់ចិននឹងធ្វើតេស្តពលរដ្ឋទាំងអស់ ខណៈវីរុស COVID-19 ផ្ទុះជាថ្មី

អាស៊ានពិភាក្សាពីការតែងតាំងប្រេសិតពិសេសសម្រាប់សហភាពមីយ៉ាន់ម៉ា

ចំនួនអ្នកស្លាប់ដោយសារទឹកជំនន់នៅចិនកើនឡើងដល់ជាង ៣០០នាក់

មនុស្សរាប់លាននាក់ស្ថិតក្រោមការបិទខ្ទប់ ខណៈចិនប្រយុទ្ធប្រឆាំងការផ្ទុះវីរុសបម្លែងខ្លួនថ្មី Delta

ភ្លើងឆេះព្រៃរដ្ឋ Oregon អាចបន្តរហូតដល់រដូវស្លឹកឈើជ្រុះ ខណៈរដូវភ្លើងឆេះព្រៃកាន់តែធ្ងន់ធ្ងរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ ១៦​នាក់​ស្លាប់​ដោយសារ​រន្ទះបាញ់​នៅ​តាម​ផ្លូវ​ទៅ​ចូលរួម​ពិធី​មង្គលការ​នៅ​បង់​ក្លា​ដែ​ស​

WHO សម្ដែង​ក្តី​បារម្ភ​ចំពោះ​អ្នកជំងឺ​ COVID-19 ដែល​អាច​រង​ផល​ប៉ះ​ពាល់​រយៈពេល​យូរ​

ចិន​រាយការណ៍​ករណី​ឆ្លង​ប្រចាំថ្ងៃ​នៃ​ជំងឺ COVID-19 ខ្ពស់​បំផុត​ចាប់​តាំង​ពី​ខែ​មករា​

អាស៊ាន​តែងតាំង​អ្នកការទូត​ប្រ៊ុយណេ​ជា​ប្រេសិត​ពិសេស​ទទួលបន្ទុក​វិបត្តិ​នៅ​មី​យ៉ាន់​ម៉ា​

ទីក្រុង​អ៊ូ​ហាន​របស់​ចិន​នឹង​ធ្វើ​តេស្ត​ពលរដ្ឋ​ទាំងអស់ ខណៈ​វីរុស COVID-19 ផ្ទុះ​ជាថ្មី​

អាស៊ាន​ពិភាក្សា​ពី​ការតែងតាំង​ប្រេសិត​ពិសេស​សម្រាប់​សហភាព​មី​យ៉ាន់​ម៉ា​

ចំនួន​អ្នក​ស្លាប់​ដោយសារ​ទឹកជំនន់​នៅ​ចិន​កើន​ឡើង​ដល់​ជាង ​៣០០​នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ១៦នាក់ស្លាប់ដោយសាររន្ទះបាញ់នៅតាមផ្លូវទៅចូលរួមពិធីមង្គលការនៅបង់ក្លាដែស

WHO សម្ដែងក្តីបារម្ភចំពោះអ្នកជំងឺ COVID-19 ដែលអាចរងផលប៉ះពាល់រយៈពេលយូរ

ចិនរាយការណ៍ករណីឆ្លងប្រចាំថ្ងៃនៃជំងឺ COVID-19 ខ្ពស់បំផុតចាប់តាំងពីខែមករា

អាស៊ានតែងតាំងអ្នកការទូតប្រ៊ុយណេជាប្រេសិតពិសេសទទួលបន្ទុកវិបត្តិនៅមីយ៉ាន់ម៉ា

ទីក្រុងអ៊ូហានរបស់ចិននឹងធ្វើតេស្តពលរដ្ឋទាំងអស់ ខណៈវីរុស COVID-19 ផ្ទុះជាថ្មី

អាស៊ានពិភាក្សាពីការតែងតាំងប្រេសិតពិសេសសម្រាប់សហភាពមីយ៉ាន់ម៉ា

ចំនួនអ្នកស្លាប់ដោយសារទឹកជំនន់នៅចិនកើនឡើងដល់ជាង ៣០០នាក់